118. "Бас, Роббинг ҳукмига сабр қил. Албатта, сен кўз ўнгимиздасан" (Тур сураси, 48-оят).

119. Аллоҳга исён қилинмаган ҳар бир кун ҳайитдир.

Ҳасан Басрий роҳимаҳуллоҳ

120. Агар ўзингни тавҳидда фоний этсанг*, шунда сен сендирсан!

Жунайд Бағдодий роҳимаҳуллоҳ
---
Яъни ўзингни йўқ этсанг, ўзингдан кечсанг.

121. Кимнинг гапи кўпайса, хатоси кўпаяди.

Умар ибн Хаттоб розияллоҳу анҳу

122. Нафси ҳавосига эргашганлар билан ўтирманг. Чунки улар билан ўтириш қалбни касал қилади.

Ибн Аббос розияллоҳу анҳу

123. Мутакаббир бўлма!
"Ер юзида кибру ҳаво ила юрма! Албатта, сез зинҳор ерни тешиб юбора олмайсан ва зинҳор бўйда тоғларга ета олмассан!" (Исро сураси, 37-оят).

124. Кўнгил бошқага боғлиқ экан, қилинган ибодат танага азиятдир.

125. Сизлар энг афзал ибодатдан ғафлатдасизлар. У тавозедир.

Оиша розияллоҳу анҳо

126. Ким шаҳвати билан экан, ўзини асло танимайди.

Абу Язид Бастомий

127. Яҳё ибн Муоз айтадилар: "Қиёмат куни: "Эй бандам, сени Мендан нима алдаб қўйди?" деса: "Илоҳим, менга қилган яхшилигинг", дейман".

128. Менга ўлим енгил қилинишини хоҳламайман. Чунки у мусулмон ажр оладиган охирги ишдир.

Умар ибн Абдулазиз роҳимаҳуллоҳ

129. Қуёши ботиб, ажалим камайган, лекин амалим кўпаймаган кунчалик мени пушаймон этган нарса йўқдир.

Абдуллоҳ ибн Масъуд розияллоҳу анҳу

130. Нафсим нафсимни излашдан тинмади. Нафсимни эса, нафсимни тарк этганда топдим.

Орифалардан бири

131. Фанойимда фанойим фано бўлди,
Фанойимда сўнг топдим Сени!

Ҳаллож

132. Муҳаббат..

- Эй Абу Бакр, нимани севасиз?
- Уч нарсани севаман, ё Расулуллоҳ!
- Нималар экан?
- Мол-дунёмни Сизга сарфлашни, олдингизда ўтиришни ва Сизга доимо назар солишни.

133. Фақирликдан ҳеч қўрқмадим. Ошиқча дунё талабида бўлиш - Аллоҳ тавҳид аҳлига берадиган жазодир.

Имом Шофиъий роҳимаҳуллоҳ

134. Аҳнафнинг амакиваччалари тишлари оғриётганидан шикоят қилди. Шунда Аҳнаф унга: "Йигирма йилдан бери кўзим кўрмайди, буни бировга айтмадим" дедилар.

135. Охиратнинг маҳри жуда енгил: ихлосли қалб ва зикр.

Абдураҳмон ибн Жавзий роҳимаҳуллоҳ

136. Агар таҳажжуднинг бир лаҳзасини Нуҳ умри ва Сулаймон мулки баробарига сотсам ҳам, зиён қилган бўлардим.

Ибн Жавзий роҳимаҳуллоҳ

137. Сизларга қасам ичиб айтаманки, агар мунофиқларнинг думи ўсиб чиққанда, мўминлар босиб юрадиган ер қолмасди.

Молик ибн Динор роҳимаҳуллоҳ