اعلنوا الحرب علي ندي القلعه
املوا الفيسبوك بوستات هلا مدريد
نزلوا صوركم في القروبات
نزلوا صور مامون سوار وملاذ و احمد فتح الله و مهاب
نبزوا رامز و شكروا شاروخان و نزلوا بوستات الصدمة
نزلوا صور اكل في نهار رمضان و العصاير و الحلويات

نزلوا ايات و صور افطارات و احاديث و مواعظ
و ماتنسوا تكتبوا عن العصيدة بالفراولة و سمبوسة الاولاد البيلفوها زي البنقو.
وبوستات صاحب البروفايل و قالوا ليك اتحدث عن فلان منو الأحلي و منو الاطول.

اكتبوا رسايلكم للمجهول ، خليكم متضارين ورا الشاشات و بين اثير زين و ام تي ان و سوداني.
نزلي صورتك وانتي مغطية وشك و كاشفه بواقي لحمك الاتقدد بي عيون رجال همهم بين رجولهم.

كلها ايام ، و حنملا الفيسبوك #انقذوا_السودان 😊

بس محتاجين ناس مشهورة تكتب عن الكوليرا عشان نبدأ نقلدهم..

محتاجين كم ادمن كده في قروبات معروفة يتكلمو عن الكوليرا ، عشان يتحرك الببغاء الجوانا 😊 ..

محتاجين زول يكتب بوست نشيلو وننسخو في بروفايلاتنا 😊..

#الكوليرا_في_السودان
#مافي_حاجة_اسمها_اسهال_مائي
#الناس_ماتت_بكرة_الدور_جاييك

اي زووول يتاااقي لي ناسووو

#شخبطات_قنعان

الله ليك يا بلد
#منقول

المفاخرة بتقديم الضيافة أفسدت فرحة اللقاء وأصبح التزاور هماً بعد أن كان سروراً..

ما أجمل البساطة والتواضع ، فالناس لم يذهبوا لبعض من مجاعة ليأكلوا ما لذ وطاب عندهم

إنما ذهبوا للأنس ولكن البعض حول هذا الأنس والإخاء إلى تعب وهم وشقاء....

فقل المتزاورون ، وثقل الضيف على المزورين لما ذهبت البساطة ، وطغت الكلفة..

يصّر صاحبنا على أن لا يدخل بيت زائره إلا شاريا معه شيء ..

وصاحب البيت يرهق أهله ، ويفرغ جيبه من أجل زائر حبيب لم يكن يريد من وراء الزيارة إلا رؤية حبيبه ، أو تفقد قريبه..

لذلك قل طرق الأبواب ، وتزاور الأصحاب ، وكثر التلاوم والعتاب ..
ولو فهموا لعلموا أن الأمر كما قيل قديما :
الكرم شيء هين .. وجه طلق .. وكلام لين !!
ورحم الله من قال :
أحب إخواني إليّ من لا يتكلف لي ، ولا أتكلف له..
ورحم الله غيره عندما قال :
زوال الكلفة يزيد الألفة ..

كم ظلمنا أنفسنا عندما ضيعنا التزاور من أجل كرم مستعار!!

تبسطوا يرحمكم الله ... فالزائر بيته مملوء طعاما، والمزور نعرف أهله كراما .

فجلسات الود مع الأحبة على كوب ماء ، و وتر من تمرات و فنجان قهوه خير من تأخر البركة عن بيوت غاب عنها طرق الضيوف .
رحمك الله اجعل شعارك ( زوال الكلفة يزيد الألفة )
#منقول

اقترﺏ ﻣﻨﻬﺎ ﻭﺍﻣﺴﻚ ﺑﻴﺪﻫﺎ ﻭﺿﻐﻂ ﻋﻠﻴﻬﺎ ﺑﻠﻄﻒ ﻧﻈﺮ ﺇﻟﻲ ﻋﻴﻨﻬﺎ ﺍﺯﺍﺡ ﺑﺼﺮﻩُ ﻋﻨﻬﺎ، ﺗﻠﻌﺜﻢ ﻭﻭﻗﻔﺖ ﺍﻟﻜﻠﻤﺎﺕُ ﻓﻲ ﺣﻠﻘﻪِ ﺣﺎﻭﻝ ﺍﻥ ﻳﻠﻔﻈﻬﺎ ﺑﻜﻞ ﻣﺎ ﺃُﻭﺗﻲ ﻣﻦ ﻗﻮﺓ، ﻏﻠﺒﺘﻪُ ﺭﻳﺎﺡ ﺍﻟﺤُﺐ ﻭﻟﻔﺖ ﺑﻪ ﻏﻤﺎﺋﻢ ﺍﻟﻌﺎﺷﻔﻴﻦ
ﺗﻨﻬﺪ ﻃﻮﻳﻼً
ﺛﻢ ﻗﺎﻝ ﻟﻬﺎ
ﺃُﺣﺒﻚ !..
ﺗﺴﻤﺮﺕ ﻓﻲ ﻣﻜﺎﻧﻬﺎ ﻭﺍﻧﺘﺎﺑﻬﺎ ﺧﺪﺭ ﻟﺬﻳﺬ ﻭﻏﺎﺻﺖ ﻓﻲ ﻋﻴﻨﻪِ
ﺃﻣﺘﻼﺕ ﻣﺤﺎﺟﺮ ﻋﻴﻨﻬﺎ ﺑﺎﻟﺪﻣﻊ ﻟﻘﺪﺍﺳﺔ ﺍﻟﻠﺤﻈﺔ ﺧﺮﺟﺖ ﻛﻠﻤﺎﺗﻬﺎ ﻋﻄﺮﺓ ﻧﺪﻳﺔ ﻗﺎﻟﺖ ﻟﻪُ : ﺃﻧﺖ ﺍﻟﻘﻄﻌﺔ ﺍﻟﺘﻲ ﻫﺒﻄﺖ ﻣﻦ ﺍﻟﺠﻨﺔ ﻟﺘﻜﻮﻥ ..فجاة جات عمتو صحتو من النوم قالت ليهو قوم اسقي الحمير من الضهر يهنقن عطشانات 😂😂
#منقول

اسباب نجاح الزواج . .
على حسب فهمى مع انى صغيرة فى السن . . بس اتعاملته مع ناس كتااار . . وناس كتااار بحكو لى مشاكلهم . . فهمته من تجاربهم الحاجات دى
اول حاجه . . نجاح الزواج ما ليهو علاقه بالحب والوعود الاوليه . . حياة تانيه بالجد . . بس ليهو علاقه بالتفاهم والاتفاق على كل صغيرة وكبيره . . الحب بحلى ليك طعم الحياة بس ما بحل ليك المشاكل . . خصوصا لو دخلو اطراف تانيه بعد دة حتى لو الحب موجود ممكن عادى الزواج يفشل ويكون الحب موجود . . عشان كدة اتفاهو اول . . كل زول يرسم حياتوو مع زولو بالتفاهم وحسب الواقع والعادات والتقاليد .
تانى حاجه . . اى زواج فيهو مشاكل . . مستحيل تلقى حياة خاليه من المشاكل خالص . . بس المشاكل دى بتتحله بى حاجتين . . الاولى انو لازم الطرفين يتقبلو عيوب بعض ولازم الطرفين يتقبلو الظروف بعض . . العيوب دى بتعلق بالطباع دايما . . يعنى دة صعب ودة احمق ودة بمسك فى قلبو . . عيوب زى دى . . اهم شى الزول يتعامل معاها بصدر رحب وبالعتزار لانو بطيب الخاطر . . والاعتراف بالغلط لانو بشفى الغل . .اما الظروف دى يا ظروف ماديه يا ظروف من ناحيه الاهل . . يعنى الوضع المادى دة الناس ما تتكلم فيهو وتحاول تعيش بالموجود والبنات بالزات ما يطلبو حاجات ما واقعيه . . اما الظروف البتجى من ناحيه الاهل اذا كان اهل الراجل او المراة . . دى ما عندها حل غير الصبر وانك تفهم طبعهم وتحاول تتماشى معاهم خصوصا لو ساكنين سوا . . لانو لو خربته وش العلاقه تانى ما بتمشى لى قدام حتى لو فى حب وتفاهم بين الزوجين . . ماف زول بخلى اهلو والاهل بضغطو شديد اكيد الحل ح يكون فشل الزواج !
تالت حاجه . . فى مشاكل بتكون بسيطه . . بس الزوجين بحلوها بالطلاق . . واحيانا بكون فى اطفال فى النص . . والحاجات البسيطه دى بقصد بها العناد . . يعنى فى ناس شغلهم معاكسه بس بدون اى متطق او مبرر . . الحاجه دى للاسف بتولد الكراهيه !
واسلوب التهديد دة كعب ودة خاصى الرجال بالزات فى واحد بقول ليك لو عملتى كدة طلقانه . . الحاجه دى بتخلق عدم احترام وعدم تقدير بتخلق نظرة ما حلوة . .
اخر حاجه ودى اهم حاجه هى عبارة عن مبدأ امشى بيهو (اذا نفسك فى حاجه قدمها ) . . يعنى نفسك زوجك يتهم بيك اهتم انت بيهو . . عايزو يهديك اهديهو . . عايزو يحكى ليك احكى ليهو . . عايز اى احساس تعيشو معاهو بادر بيهو انت الاول واكيد ح تلاقهو . . حاول علم زولك الحاجات البتحبها براحه براحه . .دى الحاجات البتولد الحب ما بعد الزواج والبتخلى الحب دة يستمر الابتسامه والكلمه الطيبه 😊
علم زوجك ما يخاف منك بالعكس يطمئن ليك . .
الحياة بقت محتاجه زول مرح ياخد الامور ببساطه وحازم فى بعض الامور . . ومع تنشنه الحياة اتعلمو الصبر والتنازل . . وابعدو من الحماقه وركوب الراس وناس كرامتى الزواج والحب ما فيهم كرامه
. . نسأل ربنا سبحانه وتعالى يدى كل العزابه بنات واولاد الشريك الصالح والحب الحلال والسعادة فى الدارين . . ويدي كل المتزوجين السعادة ويهدى سرهم ولو فى اى خلاف بين اى اتنين ربنا يحلو ويرجعهم لى بعض ياااا رب 👐
فى الفترة دى فى ناس كتااار بحكو لى مشاكلهم . . دى الحاجات الفهمتها ان شاء الله نتعلم منها كلنا 😊

#منقول

نقاء سريرتها، وقربها من الله .
✍
وإننى أعيش الآن بين أبنائى أقصد ابناء شقيق زوجى الراحل.. وأنا بالنسبة لهم بمنزلة الأم، بل لا يتخذون خطوة واحدة فى حياتهم إلا بعد استشارتي، وكلما جاءنى أحدهم ضاحكا مناديا يا أمي، أقول فى نفسى «حكمتك يا رب»..
إنه سبحانه وتعالى علام الغيوب، وقد أراد لى أن أتعلم الدرس البليغ بأن الله يفعل ما يشاء، وان المكر السيئ لا يحيق إلا باهله، ولقد تعلمته بالفعل، وإننى أدعوه فى كل صلاة، وفى كل وقت ان يغفر لى ذنوبى ويستر لى عيوبي،
فالله هو القاهر فوق عباده، ويعلم خائنة الأعين، وما تخفى الصدور، «ربنا لا تزغ قلوبنا بعد إذ هديتنا، وهب لنا من لدنك رحمة، إنك أنت الوهاب 🌹

# فاعتبروا يا اولي الابصار.

#منقول

لما تكتر العسل للقرقوش بيفتكر نفسه بسبوسه
#منقول

ما تضحكو بصوت انا غايتو ضحكت لمن دمعت
😂😂😂😂😂😂😂😂

اوعا تدقس ..وخليك مفتح.....
ﺯﻣﺎﺍﺍﺍﺍﺍﻥ ﻋﺰﻣﻨﻰ ﺻﺎﺣﺒﻰ
ﻟﺰﻭﺍﺝ شقيقه ﺍﻻﻛﺒﺮ.. ﺍﻟﺰﻭﺍﺝ ﻓﻰ ﺍﺣﺪﻯ
ﺿﻮﺍﺣﻰ ﺷﻨﺪﻯ.. ﻛﺎﻥ ﻣُﺼﺮ ﺟﺪﺍ ﺍﻧﻰ
ﺍﺣﻀﺮ.. ﺍﻟﻤﻬﻢ ﺳﻘﺖ ﻣﻌﺎﻯ ﺻﺪﻳقي
ﻭﻣﺸﻴﻨﺎ ﻭﺍﺭﻳﺘﻨﺎ ﻣﺎ ﻣﺸﻴﻨﺎ..
ﻭﺻﻠﻨﺎ ﺣﻮﺍﻟﻰ ﺍﻟﺴﺎﻋﺔ 12 ﻭﻧﺺ ﻓﻰ ﻧﻬﺎﺭ
ﺣﺎﺍﺍﺍﺭ.. ﺍﺳﺘﻘﺒﻠﻮﻧﺎ ﺑﻜﺮﻡ.. ﻫﺎﺷﻴﻦ ﺑﺎﺷﻴﻦ..
ﻭﻫﺎﻙ ﻳﺎ ﺷﺎﻯ ﻭﻗﻬﻮﺓ ﻭ )ﺷﺮﺑﺎﺕ (
ﻟﻴﻤﻮﻥ.. ﻭﺑﻌﺪ ﺷﻮﻳﺔ ﺟﺎﺕ ﺍﻟﺼﻮﺍﻧﻰ
ﺗﺘﻀﺎﺭﺏ.. ﻣﻼﺣﺎﺕ ﻭﺷﻴﺎﺕ ﻭﺿﻠﻌﺎﺕ
ﻭﻣﺤﺎﺷﻰ ﻭﺳﻠﻄﺎﺕ.. ﺿﺮﺑﻨﺎ ﻟﻤﺎ ﻋﺮﻗﻨﺎ..
ﻭﺻﻮﺕ ﺍﻟﺪﻟﻮﻛﺔ ﻭﺍﺻﻠﻨﺎ ﻣﺨﻨﻮﻕ ﻣﻦ
ﺩﺍﺧﻞ ﺍﻟﺒﻴﺖ.. ﻭﺍﻟﺸﺒﺎﺏ ﻓﺎﻳﺮﻳﻦ ﻭﻣﺪﻓﻘﻴﻦ
ﻭﻣﺸﻨﻘﻴﻦ ﺍﻟﻄﻮﺍﻗﻰ ﻟﻤﺎ ﺍﻟﻄﺎﻗﻴﺔ
ﻣﻼﻣﺴﺔ ﺍﻟﺤﺎﺟﺐ.. ﺍﻟﻤﻬﻢ ﺻﺎﺣﺒﻰ
ﺍﻟﻤﻌﺎﻯ ﺑﺎﻟﺮﺍﺣﺔ ﻛﺪﺍ ﺩﻧﻘﺮ ﻓﻴﻨﻰ ﻗﺎﻝ ﻟﻰ
ﻳﺎ شلاقة ﻣﺎ ﻣﻼﺣﻆ ﺍﻥ ﺍﻧﺎ ﻭﺍﻧﺖ
ﻓﻘﻂ ﺍﻟﻼﺑﺴﻴﻦ ﺑﻨﺎﻃﻠﻴﻦ.. ﻳﺎﺥ ﺧﻠﻴﻨﺎ ﻧﻠﺒﺲ
ﺟﻼﻟﻴﺐ ﺫﻳﻨﺎ ﻭﺫﻯ ﺍﻟﻨﺎﺱ.. ﺍﻟﻤﻬﻢ ﻃﻠﻌﻨﺎ
ﺍﻟﺠﻼﺑﻴﺐ ﻣﻦ ﺍﻟﺸﻨﻄﺔ ﻭﻟﺒﺴﻨﺎ..
ﻗﺮﻳﺐ ﺍﻟﻤﻐﺮﺏ ﻛﺪﺍ ﺑﺪﺃﺕ ﺍﻟﺤﻔﻠﺔ
ﺍﻟﺮﺳﻤﻴﺔ.. ﺍﻟﻔﻨﺎﻥ ﻋﺰﺍﻟﺪﻳﻦ ﻛﺒﻮﺷﻴﺔ..
ﻭﻗﺎﺍﺍﺍﺍﺍﻝ ﻛﺪﺍ ﻗﺎﻝ ﻟﻴﻪ ﺭﻣﻴﺔ ﻃﻮﻳﻴﻴﻴﻴﻠﺔ
ﻣﺠﺪ ﻓﻴﻬﺎ ﺍﻟﻌﺮﻳﺲ ﻭﺍﻟﻘﺒﻴﻠﺔ.. ﻭﻗﺎﺍﺍﺍﺍﺍﻡ
ﺑﺘﺎﻉ ﺍﻟﺪﻟﻮﻛﺔ ﺧﻤﺞ ﺍﻟﺪﻟﻮﻛﺔ.. ﺧﺒﺖ ﺟﺪ
ﻭﺍﻟﺸﺘﺎﻣﺔ ﺩﻭﺭﺕ ﻃﺞ ﻃﺮﺝ ﻃﺞ.. ﻃﺞ
ﻃﺮﺝ ﻃﺞ.. ﻭﻗﺎﺍﺍﺍﺍﺍﻣﻮ ﺍﻟﺸﺒﺎﺏ ﻋﺮﺿﺔ
ﺟﺪ.. ﻭﺍﻟﻐﺒﺎﺭ ﻭﺻﻞ ﺍﻟﺴﻤﺎﺀ ﺍﻟﺴﺎﺑﻌﺔ.. ﻭﺍﻧﺎ
ﻭﺻﺎﺣﺒﻰ ﻓﻰ ﻧﺺ ﺍﻟﻤﻌﻤﻌﺔ ﺩﻯ..
ﺷﻮﻳﺔ ﻛﺪﺍ ﻭﺍﻟﺠﻤﺎﻋﺔ ﺍﻟﺒﻌﺮﺿﻮ ﺩﻳﻞ
ﻛﻠﻠﻠﻠﻠﻠﻬﻢ ﻣﻠﺼﻮ ﺍﻟﺠﻼﻳﺐ ﻭﺭﺑﻄﻮﻫﺎ ﻓﻰ
ﻧﺼﻬﻢ... ﻣﻤﻤﻤﻤﻤﻤﻤﻤﻤﻤﻤﻤﻤﻢﻣﻢ ..
ﻭﺍﻧﺎ ﺩﻗﺴﺖ.. ﺧﺠﻠﺖ ﻣﺎ ﻋﺎﺭﻑ.. ﺍﻟﻤﻬﻢ
ﺻﺎﺣﺒﻰ ﺯﺍﺗﻮ ﻣﻠﺺ ﺍﻟﺠﻼﺑﻴﺔ.. ﺷﻜﻠﻮ ﺻﻒ
ﻭﻟﻘﻴﺖ ﻧﻔﺴﻰ ﻓﻰ ﻧﺺ ﺻﻒ ﺍﻟﻤﻮﺕ ﺩﻩ..
ﻭﺟﺎﺀ ﺍﻟﻌﺮﻳﺲ ﻳﻘﺪﻝ ﺷﺎﻳﻞ ﺳﻮﻁ ﻃﻮﻝ
ﺍﻟﻘﻨﺎﻳﺔ.. ﻭﻣﻘﺒﺾ ﺍﻟﺴﻮﻁ ﻣﺰﺧﺮﻑ ﺑﺎﻟﺠﻠﺪ
ﺍﻻﺣﻤﺮ ﻭﺍﻟﺒﻨﻰ.. ﺍﻟﺴﻮﻁ ﺭﻭﻳﺎﺍﺍﺍﻥ
ﻗﻄﺮﺍﻥ.. ﻭﺍﻟﺪﻟﻮﻛﺔ ﻭﺍﻟﺸﺘﺎﻣﺔ ﻋﺎﻣﻠﻴﻦ
ﺷﻐﻞ.. ﻭﺍﺣﺪ ﻳﺪﻕ ﻭﻭﺍﺣﺪ ﻳﺨﻠﻒ.. ﺍﻟﻤﻬﻢ
ﺍﻟﺠﻤﺎﻋﺔ ﺭﻛﺰﻭﺍ.. ﻭﺭﻛﺰﺕ ﺣﺎﻟﻰ
ﺣﺎﻟﻬﻢ..ﻭﺻﺎﺣﺒﻰ ﺯﺍﺍﺍﺗﻮ ﺭﺍﻛﺰ ﻣﻌﺎﻯ..
ﺑﺪﺃ ﺍﻟﺠﻠﺪ )ﺍﻟﺒﻄﺎﻥ (.. ﻣﻦ ﺍﻟﻴﻤﻴﻦ.. ﺍﻟﺠﻠﺪ
ﺳﻮﻃﻴﻦ.. ﺳﻤﻌﺖ ﺟﻮ ﺟﻮ ﻭﺍﻧﺎ ﺑﻜﺸﻒ
ﻟﻠﺰﻭﻝ ﺍﻻﻧﺠﻠﺪ ﺑﺎﻻﻭﻝ ﺩﻩ ﺑﺎﻟﻄﻮﺍﺍﺍﺍﻝ..
ﺻﺮﺍﺣﺔ ﻛﺎﻥ ﻭﺍﻗﻒ ﺫﻯ ﺍﻟﺠﺒﻞ.. ﻟﻢ ﻳﻬﺘﺰ..
ﻭﺍﻟﺒﻌﺪﻭ ﺛﻢ ﺍﻟﺒﻌﺪﻭ ﺛﻢ ﺍﻟﺒﻌﺪﻭ
ﻭﺟﺎﻧﻰ ﺍﻟﺪﻭﺭ.. ﻭﺍﻧﺎ ﻭﺍﻗﻒ ﻫﻴﻴﻴﻴﻊ ﺍﻧﺎ ﺍﺧﻮ
ﺍﻟﺴﻤﺤﺔ.. ﺍﻟﺰﻭﻝ ﺩﻩ ﻋﺮﺽ ﻗﺪﺍﻣﻰ
ﻭﺑﻌﺎﻳﻦ ﻟﻰ ﺟﻮﻭﻭﻭﻭﻩ ﻋﻴﻨﻰ ﻭﺍﻧﺎ ﺯﻭﻝ
ﺣﺎﺭﺍﺕ.. ﺍﻟﻤﻬﻢ ﺭﻓﻊ ﺍﻟﺴﻮﻁ ﻭﻫﺰﺍﻩ
ﻣﺮﺗﻴﻦ ﺛﻼﺛﺔ.. ﺳﻤﻌﺖ ﺟﻮﻭﻭﻭﻭ.. ﺻﺮﺍﺣﺔ
ﺑﻌﺪ ﺟﻮﻭﻭ ﺩﻯ ﺣﺼﻠﺖ ﻟﻰ ﺣﺎﺟﺎﺕ
ﻋﺠﻴﺒﺔ..
ﺍﻭﻝ ﺣﺎﺟﺔ ﺷﻔﺖ ﺍﻟﻮﺍﻥ ﺍﻭﻝ ﻣﺮﻩ ﺍﺷﻮﻓﻬﺎ
ﻓﻰ ﺣﻴﺎﺗﻰ. ﻓﺴﺪﻗﻰ ﻋﻠﻰ ﺣﺮﺟﻠﻰ
ﺑﺎﻟﺒﺼﻠﻰ.. ﺳﻤﻌﺖ ﺍﺻﻮﺍﺕ ﻣﺎ ﻣﻔﻬﻮﻣﺔ..
ﺻﻮﺕ ﺩﻳﻚ ﻭﺻﻮﺕ ﻧﻤﻠﺔ ﻭﺻﻮﺕ ﺁﺫﺍﻥ
ﻭﺻﻮﺕ ﻛﻼﺷﻨﻜﻮﻑ.. ﻛﻠﻮﻭﻭﻭ ﻣﻊ ﻛﻠﻮﻭﻭﻭ
ﻓﻰ ﺁﻥ ﻭﺍﺣﺪ.. ﻭﺷﻌﺮﺕ ﺍﻟﺮﻋﺸﺔ ﻣﻦ
ﺻﻮﻑ ﺭﺍﺳﻰ ﻟﻰ ﻛﺮﻋﻰ.. ﻭﺟﻮﻭﻭﻭﻭﻭ
ﺍﺩﺍﻧﻰ ﺍﻟﺘﺎﻧﻰ.. ﻫﻨﺎ ﺍﻧﺎ ﺑﻄﻨﻰ ﻃﻤﺖ
ﻭﺭﺍﺳﻰ ﺩﺍﺵ ﻭﻋﺮﻗﺖ ﻭﺣﺴﻴﺖ ﺍﻇﺎﻓﺮﻯ
ﺍﻟﻌﺸﺮﺓ ﻃﺎﺭﺕ.. ﺟﺴﻤﻰ ﻧﻤﻞ ﻭﺣﺴﻴﺖ
ﺑﺤﻮﻝ ﻭﺯﻏﻠﻠﺔ ﻭﺍﻟﻌﺒﺮﺓ ﺧﻨﻘﺘﻨﻰ ﻋﺪﻳﻞ..
ﻭﺍﻟﺤﻤﺪﻟﻠﻪ ﻟﻢ ﺍﻧﺴﻰ ﺍﻟﺸﻬﺎﺩﺗﻴﻦ.. ﻧﻄﻘﺖ
ﺑﻬﻢ ﺳﺮﺍً.. ﺍﺷﻬﺪ ﺍﻥ ﻻ ﺇﻟﻪ ﺇﻻ ﺍﻟﻠﻪ ﻭﺍﻥ
ﻣﺤﻤﺪ ﺭﺳﻮﻝ ﺍﻟﻠﻪ...
ﺍﻟﻤﻬﻢ ﺑﻌﺪ ﺍﻟﺴﻮﻃﻴﻦ ﺩﻳﻞ ﺑﻄﺒﻚ ﺯﻭﻝ
ﻣﻦ ﻧﺼﻚ ﺑﻤﺮﻗﻚ ﻣﻦ ﺍﻟﺼﻒ ﻭﺑﺘﺴﻤﻊ
ﺻﻮﺕ ﺍﻟﺰﻏﺎﺭﻳﺪ ﺫﻯ ﺍﻟﻄﺎﻟﻌﺔ ﻣﻦ ﺑﺌﺮ..
ﻭﺑﺘﺎﺧﺪ ﻟﻴﻚ ﻧﻄﻪ ﻧﻄﺘﻴﻦ ﻭﺗﺒﻘﻰ ﺭﺍﺟﻊ
ﻋﻠﻰ ﻛﺮﺳﻴﻚ.. ﺍﻧﺎ ﺑﻌﺪ ﺍﻟﻤعط ﺩﺍﻙ ﻻ
ﻧﻄﻄﺖ ﻻ ﺣﺎﺟﺔ.. ﺑﺲ ﻋﺎﻳﺰ ﺍﻟﻜﺮﺳﻰ..
ﻫﻮ ﺯﺍﺗﻮ ﺍﻟﻜﺮﺳﻰ ﻭﻳﻦ.. ﻭﻫﻮ ﺍﻧﺎ ﻛﻨﺖ
ﺑﺸﻮﻑ.. ﺍﻟﻤﻬﻢ ﺑﻘﺪﺭﺓ ﻗﺎﺩﺭ ﻭﺻﻠﺖ
ﺍﻟﻜﺮﺳﻰ.. ﻭﻟﺒﺴﺖ ﺟﻼﺑﺘﻰ ﻭﻗﻌﺪﺕ..
ﺿﻬﺮﻯ ﺩﻩ ﺫﻯ ﺍﻟﻔﻴﻪ ﺟﻤﺮ.. ﺍﻟﻤﻬﻢ
ﺻﺎﺣﺒﻰ ﺍﻟﻤﻌﺎﻯ ﺑﺮﺿﻮ ﺍﺧﺪ ﻧﺼﻴﺒﻮ.. ﻭﺟﺎﺀ
ﻗﻌﺪ ﺟﻤﺒﻰ.. ﻣﺤﻤﺒﻚ ﻭﻻ ﺑﻌﺎﻳﻦ ﻟﻰ ﺯﺍﺗﻮ..
ﺑﻌﺪ ﻣﺴﺎﺍﺍﺍﺍﻓﺔ ﻗﺎﻝ ﺍﺳﻤﻊ ﻳﺎشلاقة
ﺍﻗﺴﻢ ﺑﺎﻟﻠﻪ ﺍﻧﺎ ﻣﺎ ﺑﺒﻴﺖ ﻫﻨﺎ.. ﻫﻬﻬﻬﻬﻬﻬﻪ ﺍﻧﺎ
ﺳﺎﻣﻊ ﻟﻜﻦ ﻣﺎ ﻗﺎﺩﺭ ﺍﺭﺩ.. ﻟﺴﺎﻧﻰ ﻣﻌﻘﻮﺩ
ﻛﻠﻮ ﻛﻠﻮ.. ﻧﺤﻦ ﻣﺎﻟﻨﺎ ﻭﻣﺎﻝ ﻛﺪﺍ ﻳﺎﺥ.. ﻧﺤﻦ
ﺍﻭﻻﺩ ﺍﻣﺪﺭﻣﺎﻥ ﻧﺎﺱ ﺑﻨﻴﺔ ﻭﺷﻠﻮﺕ ﺍﺻﻠﻰ..
ﻛﺎﺑﻮﻳﺎﺕ ﻋﺪﻳﻴﻴﻴﻞ.
. ﻣﺎﻟﻨﺎ ﻭﻣﺎﻝ ﺩﻩ..
ﺍﻟﻤﻬﻢ ﻓﺠﺮﺍً ﺑﺪﺭﻯ ﻭﻓﻰ ﺍﻭﻝ ﺑﺺ ﺑﻘﻴﻨﺎ
ﻣﺎﺭﻗﻴﻦ..
ﻭﺍﻟﺠﻤﺎﻋﺔ ﻳﺤﻠﻔﻮ ﺣﺮﺭﺭﺭﺭﺭﻡ
ﺗﻔﻄﺮﻭ ﺣﺮﺭﺭﺭﺭﺭﻡ ﻣﺎ ﺑﺘﻤﺸﻮ ﻃﻼﺍﺍﺍﺍﺍﻕ
ﺗﻘﻌﺪﻭ.. ﻫﺎ.. ﺍﻧﺘﻮ ﻭﻫﻢ ﻭﻻ ﺍﺷﺘﻐﻠﻨﺎ ﺑﻴﻬﻢ..
ﺭﻛﺒﻨﺎ ﺍﻟﺒﺺ ﺗﺐ.. ﺻﺎﺣﺒﻰ ﺩﻩ ﻃﻮﻝ
ﺍﻟﻤﺸﻮﺍﺭ ﻟﻢ ﻳﻨﻄﻖ ﺑﻜﻠﻤﺔ..
ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻪ ﻟﻤﺎ ﻭﺻﻠﻨﺎ
ﺍﻣﺪﺭﻣﻨﺎ ﺍﻟﺤﺒﻴﺒﺔ ﻗﺎﻝ ﻟﻰ ﻛﻠﻤﺔ ﻭﺍﺍﺍﺍﺍﺍﺍﺣﺪﻩ

ﺍه اه ﻳﺎ ﺿﻬﺮﻯ ﺍﻟﺒﻘﻴﺖ ﻫﺎمل

😂😂😂😂😂😂😂

#منقول

عرس زميلنا أمس كان عجيب عديييييل بس شايف كم بت لابسات فساتين مع الرُكب
يأخي دا كلام !!؟ والغريبة بجوا داخلات مع #أبهاتم_واخوانهم والضحك للضروس
ههههههه عادي يا زول .. تعال #أوديك مطاعم بجوا بنات #لابسات شورتات مع بلوزات كت(وِزاوت) طرحه #وليه_ماشي بعيد ماشايف مواقف #المواصلات والبناطلين الاسكيني والبلوزات البودي الحايمة دي !!؟
ولا #الجامعات تشوف فيها العجب العجاب .. تقول لي عرس زميلنا !!
يا زول معروف البنات في الاعراس الله المستعان
وأزيدك من الشعر بيت #أهلهم_بكونوا_مفتخرين_بيهم وهم بالشكل دا
تسمع أم تقول ليك بتي كانت نجمة الحفلة بالله المصور مافات طاولتنا ..📹
لكن صراحة طلعت أحلى من العروس زاتا .
لمتين..!! ⁉؟؟!
#العري_والسفور_والخلاعة_والدياثةوالإختلااااط الشايفنو ده!!
الحالة : الما يشتري يتفرج و علينا جاي كلو في المافي شنو .
لو سمعت زول بنادي في السوق بالعبارات دي فبتعرف انو البضاعة ردية ورخيصة
وما بجيها الا الزول الماداير يخسر أو المابعرف في الحاجات أو العاوز يستعملا يوم يومين ويرميها .
اها يا مؤمنة بترضى تكوني انت السلعة دي !!؟
والله وبالله وتالله إنك #غالية وبتتوزني دهب لو سترتي نفسك وأطعتي ربك.
و أكيد في نفسك عارفه إنو مظهرك دا ما برضي الله بغض النظر عن مقصدك شنو
ما خايفة من #الموت البياخد من طرف دا ؟
ولا عندك صك ضمان بإنك ما #حتفارقي_الدنيا_دي_إلا_بعد_تتوبي !!!
براك شايفة الصاحبة الماتت عيانة والقريبة الماتت فجأة ممكن تموتي فجأة في الحفلة والإختلاط ده ولاماسمعت بالجارة الاتوفت في الولادة
فأرضى الله علشان الله يرضى عنك ويسعدك في حياتك وأخرتك ✅
عارفه #إنصلاحك في روحك إنصلاح جيل بحالو كبارهم وصغارهم شفتي الخير دا
فخافي الله فينا وما تفتنينا وكوني سبب في #دخولنا الجنة زُمرا .
#منقول

إستشارة من عضو

عايز اعرس تاني .... رأيكم شنو؟؟!!
انا عمري ٣٦ سنه متزوج قبل سته سنوات والحمدلله عندي ولد وبنت.
ظروفي كانت صعبه وزواجي كان بسيط جدا.
الان اموري الماديه بقت ظابطه وتمام عشان كدا بفكر جادي والله اني اعرس تاني.
عايز اعمل مفاجأة لي زوجتي (ربنا يخليها لي) واعمل ليها عرس من اول وجديد.
عايز افرحها .
اوديها الكوافير والبسها الفستان واعمل ليها ليله في احلى قاعه.
واعزم كل اهلي واصحابي والما حضروا زواجنا زمان.
عايز اقوليها شكرا على كل لحظة جميله عشناها سوا.
عايز اقوليها لو رجع بي الزمن حا اختارها تاني وما حا اعاين لي وحدة غيرها.
عايز اقوليها: انتي اول وانتي تاني وانتي تالت وانتي رابع.
لانها بالجد تستاهل كل خير.
رايكم شنو بالجد؟
هل هي حا تقبل فكرة زي دي ؟
اهلي والحولي حا يتقبلوا الفكرة ولا حا يعارضوا وينتقدوني؟
وهل في طريقة احلى من كدا ؟
#منقول..

يوميات زوج مبدع
*
قبل يومين كدا كنت زهجان وقرفان وانا بحرك في مؤشر الراديو وحايم من محطة لي محطة...
وفي تجوالي داك استقريت علي محطة البيت السوداني وكان في برنامج بتكلم عن الزوج المبدع، وبدو يسترسلوا في الموضوع بصورة مدهشة...
بدت تراودني افكار جديدة تجاه أم العيال، وسرحت بعييييد وقبل البرنامج ينتهي...
كنت خلاص اديت القسم بيني وبين نفسي اني اكون زوج مبدع... هههههههههه [لكن انا زول اخلاقي ضيقة يا ربي بقدر] خصوصاً انو النسوان ديل دايرات ليهم طولة بال مبالغة…

المهم بدت الدراما…
تاني يوم جيت من الشغل والمدام كانت مشت ناس امها…
دخلت البيت غيرت ملابسي ومشيت علي المطبخ اشرب لي موية لقيت المطبخ حالتوا حالة... كبابي شاي الصباح وسخانة والسكر مدفق في المصطبة والعدة مردومة في الحوض، وبدافع اني خلاص انا بقيت مبدع نزلت في العدة غسيل ورتبت المطبخ دا خليتو يلمع، ولقيت لي جردل صغير مغطي وفيهو حاجة كدا عاملة زبد زبد... طوالي كشحتها في الشارع وغسلت الجردل ورفعتو فوق،
وكان في كل لحظة بتمر علي كنت بتخيل فرحة ام العيال بالانجاز دا، وانها الليلة ح تكافئني كيف؟؟؟…

وطبعا الابداع ما وقف هنا دخلت علي البرندة مسحتها وولعت لي جمرتين بخرت البيت، وعشان انا عارف انو بكرة عندها عرس، وشايفا مارقة التوب والطقم بتاعو بره، قمت ختيت المبخر تحت البنبر واضفت ليهو بخور حلو، وختيت فوق البنبر التوب والطقم زي ما هي بتعمل لما تكون ماشة مناسبة… وفتحت المكيف واخدت لي نومة مع الريحة السمحة ديك…
وحلمت انو ام العيال جات داخلة وصرخت صرخة فرح طفولية لما لقت المطبخ يلمع وشمت ريحة البخور والغرف نظيفة بدت تصفق من الانبساط، وكمان لفت نظرها منظر الطقم وهو مبخّر علي البنبر، اها طوالي جات قعدت في الارض وبدت تبوس لي في رجلي وتقول لي الله يخليك لي يا ابو جناي يا تاج راسي…

لكن فجاة صحيت زي المجنون بدفرة قوية على باب الشارع، وطبعا عرفتها طوالي عشان دي طريقتها دااااايما في فتح الباب، قمت غمضت عيوني عشان استمتع بمنظر الفرح في عيونها... وانا سامع خطواتها داخلة علي المطبخ...
بعد شويتين كدا سمعت ليك صرخة استغاثة عجيبة، بالله لحدة وقعت من السرير، وجري عليها، انا قلت ممكن ضربتها كهرباء، لما وصلتها لقيتها بتكورك بأعلي صوت عندها…
- جردل الزبده الدايرة اعملو سمن كان هنا وينو…
قلت ليها ما كان فيهو زبدة دي كانت موية وسخانة ساكت…
ردت علي:
- انت مالك بيها، والشلاقة العليك شنو، من متين بتنظف لي..؟؟ وبدت تبكي وتكلم روحها، الزبدة لاماها لي شهرين...
وفجأة سألتني
وديتها وين؟؟؟…
قلت ليها ببرود
كشحتها في الشارع..
فصرخت واااي وكر علي، ودخلت جوة الغرفة… المرة دي سمعت ليك خبطة علي الارض بردلاااب…
دخلت اشوف الحاصل شنو، لقيتا واقعة علي الأرض مغمي عليها والجمرتين الظاهر مع هواء المكيف، اشتعلن وحرقن التوب من تحت…
مع تحيات زوج مبدع
#منقول

ahmed maza:
#عارفين_ليه_معظم_العلاقات_السودانيه
"زواج، حب او خطوبه" #فاشله و "خاليه من البركه" ؟؟

السبب التناقضات الفي كل العلاقات #اوريكم_كيف

- البت عايزه عريس بصلي الصلوات ال 5 في المسجد وعلي خلق
وهي بتحب واحد معشمها بالزواج وهو بتكلم معاها 24 ساعه في اليوم من غير مايقوم يصلي 👉 تناقص
-الولد عايز حبيبتو تقطعها مع كل الاولاد حتي اولاد اهلها بس هو مابقدر يقطعها مع زميلاتو وصاحباتو من الجامعه والفيس 👉 تناقص
-البت ماعايزه عرس اقل من عرس صاحبتها الكلف 800 الف (مليون بالقديم) بس هي بتحب واحد مرتبو 800 ج يعني محتاج يلم مرتب 800 شهر من غير ماياكل ولايشرب يعني تقريبا 66 سنه من غير اكل ولاشراب 👉 تناقض
-البت تعمل علاقه 🔞 مع ولد قبل الزواج وتقول الخائن ماعرسني
والغريبه البنات يتعاطفوا معاها ده اسمو زنا والاتنين مفروض يتجلدوا 100 جلده بغض النظر هو حلف ليك انو حيعرسك ولا عمل شنو
وربنا قال "والزانية والزاني.... ) يعني ماقدم البت عبث لانو الموافقه عليها هي وجايز الاغراء منها كمان وفي السرقه قال"(السارق والسارقه) لانو كسب العيش علي الرجل 👉 ده ابو التناقض ذاتو

-البت عارفه الخلوه بالرجل حرام بس عايزه تقعد معاهو في العربيه باليل ولا في بيت فاضي ولا حته ميته عشان يحلو مشاكلهم وهي بتعرف اكتر من الشرع 👉 تناقض

-الولد يعمل السبعه وزمتها ومايخلي دابه في الارض الا ويقل ادبو معاها بس لمن يتزوج عايز مرا بطهارة مريم 👉 تناقض
لا يا شفت طيب البنات الانتا خربتهم ديل يمشو للناس المحترمين لا يا حلو انتا حيجوك بنات خربهم غيرك

وفي البقول ليك ما انا تبتا حتجيني واحده محترمه
لا ياظريف حتجيك واحده قليلة ادب ذيك وتايبه
-المتزوجه عايزه تعمل علاقه وتحب كمان من ورا زوجها بدعوي انو زوجها ما رومانسي وماشغال بيها لاكمان بتحب وبتغير كمان 👉 ده التناقض ذاتو
الحياة مامشت مع زوجك اتطلقي اخير كلام الناس من غضب ربنا ومن الرجم

#عارفين
عمرنا ما حنكون في علاقات سليمه ومعافاة لو ما حلينا التناقضات دي 👆👆

#انتي من البدايه شوفي زولك الفيهو مواصفاتك وماتعتمدي علي كلام بقولوا راقبي افعالو كويس واي مخالفه تعمليها عشان خاطرو اتاكدي انو حيحسبها عليك وانتي الحتدفعي تمنها ....

#انتا ماتعمل فيها شفت ومقطعها مافي زول وصل اخرها صدقني ...

#الناس تخت عقلها في راسها وتبدا تعالج التناقضات وتتعامل معاها قبل ما ترسم صور لاولادها ♥♥
#كسره دا واحد من اسباب ضيق المعيشة والحاصل في البلد دي
والبقول ليك الكفار احسن مننا ربنا قال في القران بعد بسم الله (قل من كان في الضلالة فليمدد له الرحمن مدا...) وانت يا المسلم ربنا قال في كتابه (ومن اعرض عن ذكري فإن له معيشة ضنكا...)
#منقول

السلام عليكم
الموضوع مع احترام كل الناس نساء ورجال
الحاصل انو انا جيت الخرطوم زيارة ولكن اريتني ما جيت
ياخي والله الوضع زي الزفت
بالله عليكم يا بنات اللبس اللابسنو دا شنو الواحدة تلقاها لابسة اسكيرت مطاط واصغر منها بي كتير ومبين كل نقطه في جسمها والعجيب القميص الفوق ياخ الصدر كلو ظاهر بالتفاصيل من الاخر كده جسمها كلو بره باين وظاهر واحيييييي من الاسكيرت القصير داك وكمان ابو خطوة انا لو قعدت أحكي واشكي لي الصباح ما بنتهي ولا بتفشي وانتو براكم شايفين الحاصل
يابت الناس والله الكلام ده غلط منك شديد
ولو فاكره كدة بتكوني حلوة والله تكوني غشيتي نفسك
============================
والموجعني وماغسني ومطلع زيتي وهارد فشفاشي وووووووووووو
الاولاد ياخي بقو............
كمان بلا خجلة عامل فيها ود قلبا وماسك ليك واحده من اصبعه ولافي بيها ياخي خلي عندك نخوه وعندك كرامه كيف نفسك تسمح ليك تمشي مع واحدة بالطريقه دي وكمان واحد تلقاهو خاطبة وسايق خطيبتو معاهو ولابس لالالااا عريانه وحايم معاها ولو عاينت ليها يقوليك بتعاين في شنو لا والله عجبتني بضاعتكم وقلت كدي النشوفه ياخ انت...... ولا شنو كمان عندك خشم تفتحو وهو زاتو زيها بتكلم بي حواجبو ويلولو في شلاليفو والمشيه ديك تعجبك زي الماشي في طين واخ وتاااااني اااااخ يا القندفه والخيابه يا ولد ارجل شويه وشيل حيلك انت راجل وربنا خلقك راجل فعش راجل ولا شنو يا جماعه
يابت عايني لي نفسك وربك واهلك
والله البتسو فيهو ده هو المرجعنا لي ورا
انا يبقالي الناس ديل بليل بحضرو المسلسلات التركيه دي ‘يجو يطبقوها بالنهار هوووووي هوووووي نحن في السودان عارف شنو يعني السودان كل زول بردو قدر غطاهو ومد كراعك قدر لحافك
ما تتوهمو يابشر واحد جاي من اخر الشماليه وواحد من الجزيره وواحد من اخر الغرب وواحد من اخر الشرق يحو يقولو ليك نايص ودسيس يامان ودا الزيت وكلام فارغ
وتجيك واحده من سقط لقط وواحده من كاجو كاجو وتقوليك نحن ونحن ومابحبو وبرستيج وما عارف الكلمه ديك البدايته jjjjjjjj
يا ناس تقولو الحياه صعبة ومواصلات مافي والشارع زحمه والغاز والجاز مافي والعيش بالصف والحكومه ماكله البلد والحكم فاسد والحاله زفت
كدي عاينو لي نفسكم اول حاجه وكل زول يعدل وضعو ويرجع لي الله والباقي كلو بنعدل
ياخ كدي داير اعرف البت اللابسه ضيق دي وعريانه والغاشي والماشي بعاين لي جسمها اها دي مسلمة ولو مسلمة بتصلي ولو بتصلي صلاته مقبوله وهو زاتو كيف تكون مسلمة وتلبس كده
وهووووي يا مرض يازفت أنت مسلم ولو مسلم دي عمايل مسلمين
ياخ عليكم الله ياجماعه اتقو الله
ارحمو من في الأرض يرحمكم من في السماء
والله والله ما اخليكم ياخي انا لو لاقي نص فرصة والله البلد دي الا انضفه
لي هنا وبس انتو حا تمرضوني عدييييل
#####كلام من زول موجوووووووووع#######
#منقول