سلام عليكم معليش انا عايز احكي ليكم قصتي وتجربتي لانو القروب كبير ولامي الجنسين .وتكون عظه وعبره للمتزوجين واللي حيتزوجو
انا قصتي بدت مع (ن) وكنا وقتها في الجامعه حبيتها حب شديد وهي كمان وكنا مضرب للمثل والحمدلله اول مااتخرجت انا كنت قدامها بسنه اشتغلت واتوفقت وبعد ماهي اتخرجت اتزوجنا على طول وبعد الزواج بدت المشاكل وللاسف انا الكنت سبب ماصدقت اني امتلكتها وخلاص يعني حبي ليها كان حب امتلاك بقيت مابهتم ليها ولا لي مشاعرها واحساسها بقيت بتعمد اعمل الحاجات البضايقها بساهر مع الشباب شيشه وكشتينه عادي بجيها وش الصبح بنوم وبسمع صوت بكاها ونحيبها ولا بحاول اني اسالها حتى انا معترف اني اتغيرت معاها واذيتها وجرحتها ..نسيت اقول ليكم عندنا بنت وولد برضو ماعملت حسابهم بكاها معاي كان اكتر من ضحكها كنت مابهتم اني عملت ليها ولا جبت ليها ولا لا مرات كنت بمد يدي عليها كتير كانت بتقعد تتكلم معاي وتحاول بكل السبل انها ترجعني زي ماكنت معاها ماكنت بسمع ليها بقول ليها لو عاجبك كده اهلا وسهلا ماعاجبك في ستين وانا كنت عارف حبها لي ومستقل الحته دي ومستقل انها هي البتبادر عشان تتكلم معاي ماتتخيلو انا ندمان قدر شنو وكانت دايما بتقول لي الله يريحني منك ماكنت قايل ربنا حيستجيب ليها وياخدها مني وكنت لسه بزيد زياده معاها وهي متحمله فوق لطاقتها المرات الاخيره بقت تقول لي انا ماقادره اتحمل اكتر طلقني كنت بقول ليها البيت ده الا تطلعي منو ميته انا معاها نسيت انو في رب حيحاسبني علي اي اذى سببتو انتو عارفين انا مرات كتيره كنت بشاكلها وبمشي بقعد مع اصحابي بالايام مابسال منهم عادي بطلع بخليها عيانه ولا واحد من الاولاد عيانين ومابسال ماعارف انا كنت مالي معليش كلامي جايط ومامرتب بس انا لي 9 شهور ماعارف نفسي عايش كيف عارفين الحصل شنو ماتت وخلتني لغروري وانانيتي ماتت وهي حامل بسببي لما شاكلتها وطلعت خليتها جيت لقيتها ماتت بزبحه ماتت من غير مااودعها ولاتودعني من غير مااقول ليها اعفي مني ماتت وكلها وجع بسببي وعدم مسؤوليتي ولا مبالاتي انا بتمنى بس ارجع الزمن لورا وترجع لي اشيلها في عيوني اعوضها عن كل دمعه انا حتى اولادي ماقادر اشوف في عيونهم ولا حتى لنفسي انا كنت فاكر البعمل فيه ده الصاح ورجوله مني ماختيت حساب انها ممكن تمشي وتخليني وفي حاجات كتيره وتفاصيل انا اختصرتها بس عايزكم تخلو بالكم من نسوانكم وتخافو فيهم الله ربنا كرمهم وحفظ حقوقهم رسولنا الكريم وصى بيهم وانا لو قعدت اتكلم من هسي لحدي مااموت وبتمنى اني احصلها مابقدر اوصل ليكم الالم والحسره والندم الانا عايشو ادعو لي ربنا يخفف علي ويسامحني وخلو بالكم من اخواتكم ونسوانكم والدنيا دي غداره ماتشوفو نفسكم وماتغركم ولو ماقدر المسؤوليه ماتسوقها من بيت ابوها وتمرمطها معاك المشكله حلوها وادفنوها في وقتها ماتخلو المشاكل تسرق سعادتكم وعمركم وادعو لي
#كسره ده ماحسابي الاصلي لانو كتار هنا بيعرفوني وخجلان يعرفو حقيقتي
#تعديل الناس البتهاجم ومامصدقه انا حبيت انبه بس الغافلين كتار زي وعشان مايندمو وعشان الواحد لما يختار بت ناس يعرف يحافظ عليها ووالله العظيم حقيقه والماعايز يصدق شكلو بعمل نفس الشي ..اما بالنسبه للصفحه انا كتبت فوق انها ماصفحتي الحقيقيه دي صفحه كانت عاملاها المرحومه لقيتها في تلفونها ..وعليكم الله ماتدعو علي ادعو لي ربنا يسامحني
انا قصتي بدت مع (ن) وكنا وقتها في الجامعه حبيتها حب شديد وهي كمان وكنا مضرب للمثل والحمدلله اول مااتخرجت انا كنت قدامها بسنه اشتغلت واتوفقت وبعد ماهي اتخرجت اتزوجنا على طول وبعد الزواج بدت المشاكل وللاسف انا الكنت سبب ماصدقت اني امتلكتها وخلاص يعني حبي ليها كان حب امتلاك بقيت مابهتم ليها ولا لي مشاعرها واحساسها بقيت بتعمد اعمل الحاجات البضايقها بساهر مع الشباب شيشه وكشتينه عادي بجيها وش الصبح بنوم وبسمع صوت بكاها ونحيبها ولا بحاول اني اسالها حتى انا معترف اني اتغيرت معاها واذيتها وجرحتها ..نسيت اقول ليكم عندنا بنت وولد برضو ماعملت حسابهم بكاها معاي كان اكتر من ضحكها كنت مابهتم اني عملت ليها ولا جبت ليها ولا لا مرات كنت بمد يدي عليها كتير كانت بتقعد تتكلم معاي وتحاول بكل السبل انها ترجعني زي ماكنت معاها ماكنت بسمع ليها بقول ليها لو عاجبك كده اهلا وسهلا ماعاجبك في ستين وانا كنت عارف حبها لي ومستقل الحته دي ومستقل انها هي البتبادر عشان تتكلم معاي ماتتخيلو انا ندمان قدر شنو وكانت دايما بتقول لي الله يريحني منك ماكنت قايل ربنا حيستجيب ليها وياخدها مني وكنت لسه بزيد زياده معاها وهي متحمله فوق لطاقتها المرات الاخيره بقت تقول لي انا ماقادره اتحمل اكتر طلقني كنت بقول ليها البيت ده الا تطلعي منو ميته انا معاها نسيت انو في رب حيحاسبني علي اي اذى سببتو انتو عارفين انا مرات كتيره كنت بشاكلها وبمشي بقعد مع اصحابي بالايام مابسال منهم عادي بطلع بخليها عيانه ولا واحد من الاولاد عيانين ومابسال ماعارف انا كنت مالي معليش كلامي جايط ومامرتب بس انا لي 9 شهور ماعارف نفسي عايش كيف عارفين الحصل شنو ماتت وخلتني لغروري وانانيتي ماتت وهي حامل بسببي لما شاكلتها وطلعت خليتها جيت لقيتها ماتت بزبحه ماتت من غير مااودعها ولاتودعني من غير مااقول ليها اعفي مني ماتت وكلها وجع بسببي وعدم مسؤوليتي ولا مبالاتي انا بتمنى بس ارجع الزمن لورا وترجع لي اشيلها في عيوني اعوضها عن كل دمعه انا حتى اولادي ماقادر اشوف في عيونهم ولا حتى لنفسي انا كنت فاكر البعمل فيه ده الصاح ورجوله مني ماختيت حساب انها ممكن تمشي وتخليني وفي حاجات كتيره وتفاصيل انا اختصرتها بس عايزكم تخلو بالكم من نسوانكم وتخافو فيهم الله ربنا كرمهم وحفظ حقوقهم رسولنا الكريم وصى بيهم وانا لو قعدت اتكلم من هسي لحدي مااموت وبتمنى اني احصلها مابقدر اوصل ليكم الالم والحسره والندم الانا عايشو ادعو لي ربنا يخفف علي ويسامحني وخلو بالكم من اخواتكم ونسوانكم والدنيا دي غداره ماتشوفو نفسكم وماتغركم ولو ماقدر المسؤوليه ماتسوقها من بيت ابوها وتمرمطها معاك المشكله حلوها وادفنوها في وقتها ماتخلو المشاكل تسرق سعادتكم وعمركم وادعو لي
#كسره ده ماحسابي الاصلي لانو كتار هنا بيعرفوني وخجلان يعرفو حقيقتي
#تعديل الناس البتهاجم ومامصدقه انا حبيت انبه بس الغافلين كتار زي وعشان مايندمو وعشان الواحد لما يختار بت ناس يعرف يحافظ عليها ووالله العظيم حقيقه والماعايز يصدق شكلو بعمل نفس الشي ..اما بالنسبه للصفحه انا كتبت فوق انها ماصفحتي الحقيقيه دي صفحه كانت عاملاها المرحومه لقيتها في تلفونها ..وعليكم الله ماتدعو علي ادعو لي ربنا يسامحني
ahmed maza:
#عارفين_ليه_معظم_العلاقات_السودانيه
"زواج، حب او خطوبه" #فاشله و "خاليه من البركه" ؟؟
السبب التناقضات الفي كل العلاقات #اوريكم_كيف
- البت عايزه عريس بصلي الصلوات ال 5 في المسجد وعلي خلق
وهي بتحب واحد معشمها بالزواج وهو بتكلم معاها 24 ساعه في اليوم من غير مايقوم يصلي 👉 تناقص
-الولد عايز حبيبتو تقطعها مع كل الاولاد حتي اولاد اهلها بس هو مابقدر يقطعها مع زميلاتو وصاحباتو من الجامعه والفيس 👉 تناقص
-البت ماعايزه عرس اقل من عرس صاحبتها الكلف 800 الف (مليون بالقديم) بس هي بتحب واحد مرتبو 800 ج يعني محتاج يلم مرتب 800 شهر من غير ماياكل ولايشرب يعني تقريبا 66 سنه من غير اكل ولاشراب 👉 تناقض
-البت تعمل علاقه 🔞 مع ولد قبل الزواج وتقول الخائن ماعرسني
والغريبه البنات يتعاطفوا معاها ده اسمو زنا والاتنين مفروض يتجلدوا 100 جلده بغض النظر هو حلف ليك انو حيعرسك ولا عمل شنو
وربنا قال "والزانية والزاني.... ) يعني ماقدم البت عبث لانو الموافقه عليها هي وجايز الاغراء منها كمان وفي السرقه قال"(السارق والسارقه) لانو كسب العيش علي الرجل 👉 ده ابو التناقض ذاتو
-البت عارفه الخلوه بالرجل حرام بس عايزه تقعد معاهو في العربيه باليل ولا في بيت فاضي ولا حته ميته عشان يحلو مشاكلهم وهي بتعرف اكتر من الشرع 👉 تناقض
-الولد يعمل السبعه وزمتها ومايخلي دابه في الارض الا ويقل ادبو معاها بس لمن يتزوج عايز مرا بطهارة مريم 👉 تناقض
لا يا شفت طيب البنات الانتا خربتهم ديل يمشو للناس المحترمين لا يا حلو انتا حيجوك بنات خربهم غيرك
وفي البقول ليك ما انا تبتا حتجيني واحده محترمه
لا ياظريف حتجيك واحده قليلة ادب ذيك وتايبه
-المتزوجه عايزه تعمل علاقه وتحب كمان من ورا زوجها بدعوي انو زوجها ما رومانسي وماشغال بيها لاكمان بتحب وبتغير كمان 👉 ده التناقض ذاتو
الحياة مامشت مع زوجك اتطلقي اخير كلام الناس من غضب ربنا ومن الرجم
#عارفين
عمرنا ما حنكون في علاقات سليمه ومعافاة لو ما حلينا التناقضات دي 👆👆
#انتي من البدايه شوفي زولك الفيهو مواصفاتك وماتعتمدي علي كلام بقولوا راقبي افعالو كويس واي مخالفه تعمليها عشان خاطرو اتاكدي انو حيحسبها عليك وانتي الحتدفعي تمنها ....
#انتا ماتعمل فيها شفت ومقطعها مافي زول وصل اخرها صدقني ...
#الناس تخت عقلها في راسها وتبدا تعالج التناقضات وتتعامل معاها قبل ما ترسم صور لاولادها ♥♥
#كسره دا واحد من اسباب ضيق المعيشة والحاصل في البلد دي
والبقول ليك الكفار احسن مننا ربنا قال في القران بعد بسم الله (قل من كان في الضلالة فليمدد له الرحمن مدا...) وانت يا المسلم ربنا قال في كتابه (ومن اعرض عن ذكري فإن له معيشة ضنكا...)
#منقول
#عارفين_ليه_معظم_العلاقات_السودانيه
"زواج، حب او خطوبه" #فاشله و "خاليه من البركه" ؟؟
السبب التناقضات الفي كل العلاقات #اوريكم_كيف
- البت عايزه عريس بصلي الصلوات ال 5 في المسجد وعلي خلق
وهي بتحب واحد معشمها بالزواج وهو بتكلم معاها 24 ساعه في اليوم من غير مايقوم يصلي 👉 تناقص
-الولد عايز حبيبتو تقطعها مع كل الاولاد حتي اولاد اهلها بس هو مابقدر يقطعها مع زميلاتو وصاحباتو من الجامعه والفيس 👉 تناقص
-البت ماعايزه عرس اقل من عرس صاحبتها الكلف 800 الف (مليون بالقديم) بس هي بتحب واحد مرتبو 800 ج يعني محتاج يلم مرتب 800 شهر من غير ماياكل ولايشرب يعني تقريبا 66 سنه من غير اكل ولاشراب 👉 تناقض
-البت تعمل علاقه 🔞 مع ولد قبل الزواج وتقول الخائن ماعرسني
والغريبه البنات يتعاطفوا معاها ده اسمو زنا والاتنين مفروض يتجلدوا 100 جلده بغض النظر هو حلف ليك انو حيعرسك ولا عمل شنو
وربنا قال "والزانية والزاني.... ) يعني ماقدم البت عبث لانو الموافقه عليها هي وجايز الاغراء منها كمان وفي السرقه قال"(السارق والسارقه) لانو كسب العيش علي الرجل 👉 ده ابو التناقض ذاتو
-البت عارفه الخلوه بالرجل حرام بس عايزه تقعد معاهو في العربيه باليل ولا في بيت فاضي ولا حته ميته عشان يحلو مشاكلهم وهي بتعرف اكتر من الشرع 👉 تناقض
-الولد يعمل السبعه وزمتها ومايخلي دابه في الارض الا ويقل ادبو معاها بس لمن يتزوج عايز مرا بطهارة مريم 👉 تناقض
لا يا شفت طيب البنات الانتا خربتهم ديل يمشو للناس المحترمين لا يا حلو انتا حيجوك بنات خربهم غيرك
وفي البقول ليك ما انا تبتا حتجيني واحده محترمه
لا ياظريف حتجيك واحده قليلة ادب ذيك وتايبه
-المتزوجه عايزه تعمل علاقه وتحب كمان من ورا زوجها بدعوي انو زوجها ما رومانسي وماشغال بيها لاكمان بتحب وبتغير كمان 👉 ده التناقض ذاتو
الحياة مامشت مع زوجك اتطلقي اخير كلام الناس من غضب ربنا ومن الرجم
#عارفين
عمرنا ما حنكون في علاقات سليمه ومعافاة لو ما حلينا التناقضات دي 👆👆
#انتي من البدايه شوفي زولك الفيهو مواصفاتك وماتعتمدي علي كلام بقولوا راقبي افعالو كويس واي مخالفه تعمليها عشان خاطرو اتاكدي انو حيحسبها عليك وانتي الحتدفعي تمنها ....
#انتا ماتعمل فيها شفت ومقطعها مافي زول وصل اخرها صدقني ...
#الناس تخت عقلها في راسها وتبدا تعالج التناقضات وتتعامل معاها قبل ما ترسم صور لاولادها ♥♥
#كسره دا واحد من اسباب ضيق المعيشة والحاصل في البلد دي
والبقول ليك الكفار احسن مننا ربنا قال في القران بعد بسم الله (قل من كان في الضلالة فليمدد له الرحمن مدا...) وانت يا المسلم ربنا قال في كتابه (ومن اعرض عن ذكري فإن له معيشة ضنكا...)
#منقول