يوميات علوب ....167....
( أم قريدون ) ...!! بالقرمصيص يالحاجة

راقد في نص الحوش من الصباح ...
ومشغل ليك تلفوني دا ( راديو ) أسمع ليك مذيعة صوتا حلو كدا بتقول ......
( وﻣﻊ ﺍﻗﺘﺮﺍﺏ ﺑﺪﺍﻳﺔ ﻓﺼﻞ جديد ﺗﺒﺪﺃ ﻃﻼﺋﻊ ﻫﺠﺮﺓ ﺍﻟﻄﺎﺋﺮ ﺍﻟﺠﻤﻴﻞ ﺍﻻﻧﻴﻖ " ﺃﻡ ﻗﻴﺮﺩﻭﻥ " ﻓﻲ ﺍﻟﻮﺻﻮﻝ ﺑﺴﻼﻡ ﺇﻟﻰ ﺍﻟﺴﻮﺩﺍﻥ، ﻣﻮﻃﻦ ﻫﺠﺮﺗﻬﺎ ﺍﻟفصلي .. ﻫﺬﻩ ﺍﻟﺒﻼﺩ ﺍﻟﺬﻱ ﻗﺎﻝ ﺷﺎﻋﺮﻫﺎ ﺇﺳﻤﺎﻋﻴﻞ ﺣﺴﻦ :
‏( ﺣﺘﻰ ﺍﻟﻄﻴﺮ ﻳﺠﻴﻬﺎ ﺟﻴﻌﺎﻥ ﻣﻦ ﺃﻃﺮﺍﻑ ﺗﻘﻴﻬﺎ ﺷﺒﻊ ‏)
.........
ياسلااااام كلام حلو شديد ....عاينتا من سريري فوووق في السما دا شايف لي كم طيرة كدا جَارِيَات في الجو
......!!! ياربي بكونن ديل هم القالتن المذيعة دي ....!!! 😌😌😌

أها يقولن كدا ( أم قيردونات ) يتلملمن كووولهن وطيراان علي السودان ....!!
قاطعين المسافات والفيافي يحدوهن الأمل والشوق بالوصول الي مرافئ وطن ألفوه ....!!!
..طبعا هن طايرات صفوف صفوف ( تبارك الرحمن ) (والطير صافات ...)
وكلهن جنب بعض مافي واحده طالعة من الخط ....نظام شديد كم يحتاجه أهل الأرض )
بعاينن قدامن بس ...مادات القداديم... والأجنحة دي مفرورة تصفق ....( كل قد علم صلاته وتسبيحه ) ....

ومره مره بفكو ليك كمية كدا من ( الزغاريد ) في الجو ....!! فرحة سااااكت بالسودان الجاينو دا ....
سرو باتع ياخ (السودان) دا ....
تقعد فيهو تتململ ...!! تمشي منو تتململ ....!!
وبعدين يا أخوانا ...أها ...!!! والحل ..!!!!
المهم( طيورك ) طيور السرور ..قربو علي الحدود ...
وبعد طَي المسافات وآلاف الاميال دخلوها وصقيرا حام .....!!!
اخيراً ورسميا وفد ( أم قيردون ) يحلق في الأجواء السودانية ...!!
داخلات من جهة ( الشرق ) وهم الان علي مشارف البلدة وتخوم المدينة ....!!
طبعا ( أم قيردون ) دي بتجينا من ( أوروبا ) وتقطع الجزيرة العربية حتي تصلنا هنا ...! عشان كدا ناسنا هنا بسموها ( الحاجة ) لأنها بتجينا من ( الحجاز ) ...!!
( هلا..هلا .... ااااالمبروكة )
عشان كدا بقولو ( أم ﻗﻴﺮﺩﻭﻥ ) ﻣﺸﺖ ﺍﻟﺤﺞ وجات ..
ﻭبغنو ليها ( الشفع ) وهي تشيل وﺗﺮﻗﺺ ﻓﻲ ﺿﻞ ﺍﻟﻀﺤﻲ ( رقاصة رقيص ) ﺗﺠﺮﻱ ﻭﺗﻘﻴﻒ وﺗﻬﻮﺯﺯ ضنبا .....!!
بقولو ليها .....!!
🎵🎵
ﺃﻡ ﻗﻴﺮﺩﻭﻥ ﻳﺎلحاجة
ﻓﻲ ﻛﻞ ﺳﻨﻪ ﺩﺍﺟﻪ
ﻭﻟﺪﻙ ﻭﻳﻦ ﺭﺍﺡ ﻳالحاجة
ﻭﻟﺪﻙ ﻋﺮﻳﺲ ﻳﺎلحاجة
ﺗﺤﺖ ﺍﻟﺪﻓﻴﺲ ﻳﺎلحاجة
ﺑﺎﻟﻘﺮﻣﺼﻴﺺ ﻳﺎلحاجة
🎼 🎵
اها دي ياها ( أم قيردون ) .....!!!
لطيفة جنس لطافة ...وملونة كدا ....وحلوة حلا ....!!! تموت في السودان دا ...!! خلت ليهو ( أوروبا ) الجارين ليها الناس دي وجات كايسانا ....!!
أها ( أم قريدون ) المره دي لما استغربت ...!! 😳
أول حاجه وهي طايرة كدا.. وقبل ماترك ...!!
( بكسر الراء )
من فووووق عينا للصفوف تتطاقش ...!! يازوووول .شي صف عربات ....!! وشي غاز ....!! وللخبز نصيب ....!!!
بجانب الناس الكتيره اللافة سااااكت ما لاقية ليها شغلة دي ...!!
وبينما هن يتطلعن من ارتفاع شاهق إذ بواحده من ( أم قريدونات ) ديل قالت لي للتانية ...
إنتي الحاصل شنو ( تحت ) يا اختي ..!! خير ...!!
شايفا الشايفاهو أنا دي ...!! ؟؟
الناس دي مالا ( مرصرصة ) كدا ...!!!!!؟؟؟
ديك طوالي ردت عليها... قالت هيي ها ... إنتي ما عارفا السودانيين ...تلقي هسا يا عرس ..!! يا بكا ..!! كلهم
بتخمخمو وبجو يشاركو ...!! ناس حنينين ياخ....!!
قالت ليها نحنا ياصوصو ( دا اسم الطيرة دي ) العالم دا مقددنو قديد ...!! النبي فيك لاقوك ناس زي ديل ...!! الله يحفظم بس ....!!
فما تقلقي ساكت تلقيها هسا ( صبحية )👏👏
وفكنها ضحكة ...!!😂😂😂 ضاربااات الونسة في الجو ) ...!!

ديك قالت ليها والله ماااا ظنيت ياقيردونة ....!!
قلبي دا قابضني ماعارفا ليي ...!!
إلا كان في حاجة ...!!!
قالت ليها ( حاجة ) شنو كمان ...!!؟.
فال الله.. ولا فالك .. إنتي (طيرة ) ولا شنو ....!!
زمنا دا كلو ( طايرين ) حصل لاقاك خير زي الفي البلد دي ...!!
عليك الله هسا بس نحنا مما دخلنا الحدود لحدي هنا شفتي بس كمية الأرض والخير والبزار دا ...!! الله قادر
عبرنا لينا زي (مية )بلد كدا ....لاقتك( بلد ) زي دي ...!!!؟
شوفي ( الجبال ) دي واقفة كيفنها ...!! دايرا تصلنا هنا ... ( وقد اعترضتهم ( التاكا ) ( وتوتيل ) في مسار الرحلة ....تكاد ان تبلغهم طولا .....
وشوفي ( النيل ) دا شاقيها النص كيفن ...!! يلمع من فوق زي السيف ....!!! تبارك الله.... دهب بس ...!!

أها ( الطيرة ) التانية دي لما سمعت قولة ( النيل دهب ) طوالي اتلفتت للجنبها دي وابتسمت ليها مع غمزة كدا 🦅 ...!! 😜
قالت ليها إنتي غايتو الله ليك من ( الدهب ) دا ...تحبي ذي عيونك ديل ....!! جابو سيرتو ساكت دايرا تقعي من فوق السما دا تتكسري ...!!
طوالي ديك ردت ( علي الطاير ) ..!! قالت ليها هو في ( طيرة ) ما بتحب الدهب ....وجااااااك فكت ليها زغرودة ...!! ...( لذيذات شديد ) ....
قالت لي

ها خليك من (النيل ) البشبه ( الدهب ) ....!!! هو الدهب الجد جد شوفي مدفق كيفن في البلد دي زي الشي الكعب ...!! شفتي قبيل واحنا داخلين من ( الحجاز ) جنس البشر اللافين بفتشو فيهو ديل اظنو شدة ما ما مدفق ...!! ماشايفا لي ولا ( مكنة ) ...!! ياهن الناس ديل بس ...شي عجيب
بلد ثلاثية الأبعاد ...!! أرض ...!! ونيل ...!! ودهب ...!! ديل مفروض ( يصلوا ) ليل نهار علي النعم دي ...!! فعليك الله خلينا ننزل بي سلام ...اشتقتا شديد للسودان ياخ ما تتشائمي لينا .....!!!
واستمرت طلائع ( أم قيردون ) في التحليق ....!!!
لكنهن أحسسن بالفعل أن ثمة شيء ما يحدث علي الأرض ويعكر صفو الأجواء .. والتي بدت ملبدة ببعض الغيوم ...!! وشيء من غشاوة ....!! وبعض غبار عالق ....!!
لاحظو من الجو كمية من موية المطر ماسكة فسألت إحداهن ...!!
انتو المويةً الكتيرة دي شنو كمان ...!!؟؟
التانيه قالت ليها حتكون شنو يعني ...!!؟
ما عادي ...!! تكون مطره جات ...!!
قالت ليها.... لا ..الموية دي كتيرة شديد...!! وفِي ناس في نصها والبيوت ......!!
وبإمعانهن النظر والتحديق في الأرض...!! أيقن أن ثمة شيء غير معتاد ...وأن ( الخرطوم ) بي عافية شوية
.....!!!
قائد هذا السرب كلّف مجموعة من ( أم قريدونات
....يعملو هبوط مظلي...!! وينزلو تحت
يشوفو الحاصل شنو بالظبط ..!!ويجو راجعين يوروهم ...!!
وبالفعل تقدمت كتيب الإستطلاع المكونة من عشرة
ام قيردونات ...تمهيدا لوصول بقية الجيش في هجرته الفصلية المعتادة.....!!!
وبالفعل وصلت ( الكتيبة ) الي أطراف المدينة وبدات الهبوط التدريجي نحو ( الخرطوم المركز ) ....!!
حيث رأت ما لايسر ...!!
مياه تسد الطرقات ...وجبال من ( القمامة ) تحيط بالمكان .....! فصاحت إحداهن بعتب ....
طوالي الناس دي بغلطو غلطات زي دي ..!! ويشيلو ( القمامة ) دي يرموها هنا في الأطراف ...!!وما بكونو حلو المشكلة ...!!
( كم انت متفائل أيها الطائر الجميل )
حيث لم تكن ( ام قيردون ) تدري أن ( القمامه ) أصبحت تتقاسم المشهد ..!!! وتستوطن منتصف المدينة ....وتجاور الناس ....!!
لتصل كتيبة الإستطلاع الي وسط العاصمة ...!!
وهبطت بالفعل وارتكزت في بعض أعمدة الكهرباء وأسوار البيوت ..!! لتري ما يحدث عن كثب وتقف علي الواقع من ( مرارة ) الحدث ....!!
(وليس ( قلبه ) هذه المره ....)
وهالها المنظر....!! وياله من منظر ...
البلد غارقة حتي أذنيها في موية مطرة لم تجد
سبيلا للتصرف والإنصراف ...!!
وبالفعل وجدت السيارات تصطف للبنزين ...!! والناس يصطفون للغاز ...!! والدولار يصطف معها محلقا في الأجواء لمن استطاع اليه سبيلا...! بعيدا عن الأرض
والتي يفترشها كثير من أصحاب الفاقة والعوز ...وبائعي الليمون ...!! والذين لم تغفلهم عين ( ام قيردون ) ...
وقد شعرت بكثير من الحزن ....والإنقباض ...!!
تري متي حدث ذلك ..!!؟ وكيف ...!!؟؟
هذه المره لم تجد تلك المدينة كما عهدتها من قبل وهي تضج حركة وحبور .....!!
حتي سياراتها تسير علي استحياء وكأنها تخشي علي مخزونها النفطي من النفاذ ..!!
وفِي عينيها رهق وتعب ..!!وملامحها شاردة وأحاسيسها مبعثرة ..مشغولة الفكر والدواخل ...!!
حتي زيها الأنيق تخلت عنه لصالح قماش بالي ...!! متلفحة بثوب قديم ...!!
من الذي سيغني لها ...ولدك وين راح يالحاجه 🎵🎵 ولدك عريس ﻳﺎلحاجة ...!! لترقص علي أنغامها .....
كوووووو ...!! كووووووو
إنه صوت قائد كتيبة الرصد والإستطلاع ..!! يعطي تعليماته بضرورة الإقلاع الي حيث جحافل ( أم قيردون ) المعلقة في الهواء ...! والمتجهة صوب المدينة ...وهي تحمل رسالة مبهمة غير مطمئنة ..!!مفادها أن الأجواء قد لاتسمح بالهبوط .....!! 😭😭😭
لاياخ ...!!ماتقولي كدا ....!!!
أرجوكم لاتعودو أدراجكم ....!!
اهبطوا ..رغم قساوة الظروف فنحن رغم الرهق والتعب ..!! لازلنا الصفقة والطمبور ......👏👏👏
وناسنا حنان ..!!
يكفكفو دمعة المفجوع
يبدو الغير على ذاتم ....!! يقسمو اللقمة بيناتم
ويدو الزاد !!!!حتى إن كان مصيرم جوع .....
ديك أهلى .....!! 😍
والله بالجد ديل أهلي ....!! صادق معاك أنا ...!!
تعالي يا أم قيردون ) ...!!
أتريدي حرماننا حتي من تغريدك الصباحي الجميل ......!! ورقصة الضهرية...!! وقليل من أمل ..!!

الإيكفي سكون الأرض ....!! وصمت الجدران
تريدي حرماننا من ضجة السماء .....!! وسمر الشجر ....ونفحات مكة ...!!

عليكم الله ما ترجعوا ياخ ...

( وردي ) ما قال ...هجرة عصافير الخريف في موسم الشوق الحلو ....!!
إنتو ما مشتاقين لينا ولاشنو ..!!
...!! ياخ كان بتعزو ( وردي ) تعالو .....!!
نحنا ما ناقصين عليكم الله ...!!
والله الخير باااااسط ...!!
إلا بس بدور النية وتوحيد المقاصد .....!!
ويكفينا شر الجحود والحاسد ...!!

هسا لو رجعتن صادات ...! جيرانا ديل يقولو علينا شنو ....!!!

؟
واااشماتتم فينا ....
يقولو ...!!
الطير الماشي لي أهلنا ...لا جا ...!! ولا وصل رسايلنا ......!! 😭😭 ....!! عيب الشوم لكن ...!!
بترضوها لينا ......!!!
تعالن وأملن الدنيا فرحة وريد ...!!
تعالن ياخ .......!!!
............
و إذا بموبايلي يرن وصوت مشاعر من الطرف الاخر
قالت لي أمي قالت ليك خش جوه الشمس دي ضربتك
.....!!!
( سنة بالصحيان بالموبايل ياحليل اللبيع في الضهر )

اتذكرتا فجاة.....!!
قلتا ليها ( أم قريدون ) جات ....!!
قالت لي قلتا شنو ....!!؟
( قرقرون ) دي شنو كمان ...!!؟
قلتا ليها ..لا ...خلاص ...!! مافي حاجه ...!!

ونظرت الي السماء ...!!!
لم أجد لها اثرا .....!! لكنها حتما سوف تأتي ....!!
دخلت وأنا أدندن .....!!
ﻭﻟﺪﻙ ﻋﺮﻳﺲ ﻳﺎﺍﻟﺤﺎﺟﺔ
ﺗﺤﺖ ﺍﻟﺪﻓﻴﺲ ﻳﺎﺍﻟﺤﺎﺟﺔ
ﺑﺎﻟﻘﺮﻣﺼﻴﺺ ﻳﺎﺍﻟﺤﺎجه
.......
حتجي ...!!
مش ...!🦆🌹

سألت امرأةٌ الخليفةَ أبا بكر الصديق: «ما بقاؤنا على هذا الأمر الصالح الذي جاء الله به بعد الجاهلية؟ قال: بقاؤكم عليه ما استقامت بكم أئمتكم. قالت: وما الأئمة؟ قال أما كان لقومك رؤوس وأشراف يأمرونهم فيطيعونهم؟ قالت: بلى، قال: فهم أولئك على الناس».
فالمستقر لدى كثير من الناس في كل عصر، أن الناس على دين ملوكهم، فإذا صلُح الراعي وعَدَلَ صلُحتْ رعيّتُه، وإن استبَدَّ وفَسَدَ فسدَتْ رعيته، وهو أمرٌ تتسع دائرته ليشمل كل نظام فيه الحاكم والمحكوم بصرف النظر عن الدين، وقد رُوي أنه في عهد أنوشروان الملك الفارسي العادل، لو أن رجلًا ألْقَى في مكان حِمْلًا من ذهب، وبقي مهما بقي في موضعه، لم يقدر أحد على إزالته إلا صاحبه.
وكما لا يخفى فهذا نظائره في التاريخ الإسلامي، ومنها ما ذكره ابن كثير في «البداية والنهاية» بشأن غنائم الفُرس العظيمة التي أرسلها سعد بن أبي وقاص لأمير المؤمنين عمر، إذ نظر الفاروق إلى كثرتها قائلا: إنَّ قومًا أدّوا هذا لأمُناء، فقال علي بن أبي طالب: إنك عففت فعفّتْ رعيتك، ولو رتَعْتَ لرَتَعَتْ.
وفي المقابل ترى في القرآن الكريم بيان تأثير الحاكم المستبد على فساد شعبه كقوله تعالى «وَأَضَلَّ فِرْعَوْنُ قَوْمَهُ وَمَا هَدَى» (طه: 79).
غير أن هذه النظرة التي تعبر عنها المقولة الشهيرة (الناس على دين ملوكهم) ليست وحدها في الفكر الإسلامي، فهناك أخرى تقابلها، اشتهرت بين الناس قديمًا وحديثًا بنص نبوي «كما تكونوا يولى عليكم»، والحق أنه لا يثبت صحته للنبي «صلى الله عليه وسلم»، إلا أن معناه صحيح نسبيا وجرت به العادة في أحيان كثيرة، فالحاصل أن التخلف والاستبداد والفساد ليس بالضرورة أن يتحمل مسؤوليته الحاكم وحده.
في مكة 1316هـ، عُقد مؤتمر حضره جمع من السياسيين والمثقفين منهم عبد الرحمن الكواكبي لبحث أسباب تقهقر المسلمين، اتخذ كل منهم كُنْية أو اسما مستعارا كاحتراز أمني، فقال من يُعرف بالموْلَى الرومي: تحميل التبعة على الْأُمَرَاء فَقَط غير سديد، خُصُوصا لِأَن أمراءنا إِن هم إِلَّا لفيفٌ منا، فهم أمثالنا من كل وَجْه. وصدق، فإن الحكام لم يأتوا من كوكب آخر، إنما هم نتاج بيئاتهم، ومهما تدخلت عوامل خارجية في تسلط الحاكم المستبد، فسوف تبقى تُواجهنا حقيقة أنه خرج من الأرض ذاتها، بما يعني إسهام الشعوب في صناعة المستبدين.
نعم إن الشعوب تتحمل شيئا من تلك المسؤولية برضاها بالأمر الواقع، ومشاركة شرائح واسعة منها في تعظيم الأنا الفرعونية لدى كل حاكم، فشأنهم معه كما قيل يأسرهم فيتهللون لشوْكته؛ ويغصب أموالهم فيحمدونه على إبقائه حياتهم؛ ويُهينهم فيُثْنون على رفعته؛ ويُغري بعضهم على بعض فيفتخرون بسياسته؛ وإذا أسرف في أموالهم يقولون كريماً؛ وإذا قتل منهم ولم يُمثِّل يعتبرونه رحيماً؛ ويسوقهم إلى خطر الموت، فيطيعونه حذر التوبيخ؛ وإن نقم عليه منهم بعض الأُباة قاتلهم كأنهم بُغاة.
لقد كان الزعيم والمفكر البوسني علي عزت بيغوفيتش بصيرًا لمّاحًا للعوامل المُتفشِّية التي تُسهم في صناعة الاستبداد، فعندما دخل المسجد لصلاة الجمعة متأخرًا أفسحوا له الطريق ليصل إلى الصف الأول كما تعود، فقال قولته الشهيرة: هكذا تصنعون طواغيتكم.
ومن أعظم إسهامات الرعية في صناعة الاستبداد هو استبداد الرعية ذاتها، استبداد المرء على نفسه وأهله ومن حوله، والكواكبي رغم أنه في كتابه «طبائع الاستبداد» تناول استبداد الحكومات بأشكالها، إلا أنه لم يغفل مسألة استبداد الرعية، وناقش السؤال المطروح: لماذا يبتلي اللهُ عباده بالمستبدين، فقال إنه لو نظر السائل نظرة الحكيم المُدقق لوجد كل فرد من أُسراء الاستبداد مُستبدا في نفسه، لو قدر لجعل زوجته وعائلته وعشيرته وقومه والبشر كُلَّهم، تابعين لرأيه وأمره، فالمستبدُّون يتولاهم مستبدّ، والأحرار يتولاهم الأحرار.
ربما أظهرت ثورات الربيع صورًا عديدة من استبداد الشعوب، حتى في الفترات التي تخلصت فيها من الحكام الجائرين، فصار البأس بينهم شديدًا، وطفحت على السطح الأمراض الاجتماعية المستوطنة، استفحلت بعد انقضاض الثورات المضادة لإعادة إنتاج الديكتاتوريات. حتى القوى المعارضة لأنظمة الثورات المضادة، هي الأخرى بدورها لم تسلم من صبغة الاستبداد، وكثير منهم، إلا من رحم الله، أعماهم الانتصار للرأي عن النظر إلى الآراء الأخرى، وتهاونوا في التراشق بالتهم، وصارت بضاعة أحدهم سلخ الآخرين أحياءً على مواقع التواصل، بذريعة تطهير الصف الثوري، ثم يدعون مواجهة الاستبداد! ألا في الاستبداد سقطوا.
شكا بعض الرعايا إلى المُستعين بن هود (أحد حكام ملوك الطوائف في الأندلس) من بعض عماله (ولاته)، فناب عنه الشاعر في الجواب:
لَا تنسبوا الْجور إِلَيْهِم فَمَا … عُمالكم إِلَّا بأعمالكم
تالله لَو ملكتم سَاعَة … لم يخْطر الْعدْل على بالكم
ربما يتمّ اتهامي كالعادة بالتناقض، خاصة أنني كتبت مقالا منذ أشهر قليلة بعنوان الدعوة الفاجرة، انتقدت فيها تلك الزمرة من أدعياء العلم والأبواق الإعلامية للأنظمة

الجائرة عندما حمّلوا الجماهير مسؤولية الفساد، وغلاء الأسعار والتدهور، وقلت إنها تكريس للظلم الاجتماعي، وأنا ما زلت على رأيي هذا، ولكن أقوله في ضوء المسؤولية المشتركة للحاكم والمحكوم عن الاستبداد والفساد، فكلاهما له دوره، وليس البحث في مسؤولية طرف إلغاءً لمسؤولية الطرف الآخر.
فكما أن تحميل الشعوب وحدها المسؤولية نوعٌ من التكريس للظلم والتبرير للاستبداد، فكذلك تحميل الحكام وحدهم المسؤولية نوع من الدعوة إلى تجاهل الشعوب مسؤوليتها وفرْض حالة من الخمول واللامبالاة والاستسلام للأمر الواقع انتظارًا لمقدم الحاكم العادل الذي ينقذ البلاد، والله غالب على أمره ولكن أكثر الناس لا يعلمون.
كاتبة أردنية تركية
======
الكاتبة الاردنية احسان الفقيه

#طبق اليوم....
المطالة او ام دفانه باللبن...
أكلة سودانية خالصه...
ولها قيمة غذائية ممتازة وتنفع في كل الشهور وخااااصة في رمضان...
تنتشر في كل بقاع السودان وخاصة في الأرياف.. تعالوا معاي للمقادير...
الشيف (سيف)..
والملاحظ الفرق بين شيف وسيف النقاط الثلاث برضو من إكتشافي ما موضوعنا قبل ما ندخل في المقادير نطلع فاصل ونواصل...
ترم ترم ترررررم زيت مرحب من أجود أنواع الزيوت للتحمير... شاي اب غزالتين نكهة لا تقاوم ...
مرحب بيكم المشاهدين الأعزاء ومباشرة ندخل في المقادير..
1/ دقيق حسب الطلب ويفضل الفتريتة او الدخن وفي حالة اليسر دقيق سيقا ممكن
2/ نصف ملعقة ملح وماء لخلط الدقيق
3/ اللبن الصافي (الصافي) دي مهمة عديل كده
4/ سكر
الطريقة.. نخلط المكونات خلط جيد بحيث الدقيق يكون سائل في صورة دقيق القراصة ونشعل النيران في (الدلجة) في الأرض وتحبذ الأرض الناشفه وتحمس تحميس جيد بالحطب وإذا حرقنا الأرض بزبالة البقر الناشف أو الإبل بكون أفضل وبتساعد على تماسك المطالة.. المهم وعارفين ناس المدن بشمأزوا من زبالة الأبقار ولذلك نفضل الحطب.. ( بشمئزوا) دي مكتوبة صاح ولا خطأ؟؟! وأنا مالي معروف العربي صعب نواصل واقفين وين ؟؟
أيوااا بعد داك ننظف مكان التحميس ونكب العجين فوق الأرض الساخنه دي وبدون طوة ولا حلة ولا صاج تلقائيآ العجين بتماسك وبدينا الشكل ده... أدناه الظاهر في الصورة دي وحكمة الله المطالة ما بكون فيها أي ذرات رمله أو تراب ولا حتى الرائحة ما بتكون نتنه زي ما اتخيلتو وكت قلت لكم زبالة الأبقار الجافه أبدآ ونخلط المطالة باللبن وبالهناء والشفاء كدي جربوها وأدونا رايكم شنو ؟؟ بعد تجربوا...
عليكم الله ما أخير ليكم تتابعوني الشيف سيف للاكلات السودانية
ومالكم ومال الفضائيات البتقول نقطع الزعتر شرائح ونخلط الدجاج ونفرم المارتديلا بالزبادي...
ده كلام ده ؟؟؟
وما تنسوا الدعم 👍
الشيف سيف...
انتظروني في حلقة جديدة وطبق سوداني جديد
🌷🌷
#منقوله

القرو عملو شنو؟

لو داير تعرف؟ اضغط هنا

ﺍﻟﻤﺸﻜﻠﻪ ﻣﺎﻓﻲ ﺍﻟﻜﻴﺰﺍﻥ ﻭﻻ ﺍﻟﺮﺋﻴﺲ ﺑﺲ ..
ﺍﻟﻤﺸﻜﻠﻪ ﻓﻰ ﻋﻤﻚ ﺣﺴﻨﻴﻦ ﻭﺣﺎﺟﻪ ﺍﻟﺴﺮﻩ ؟
ﺣﺴﻨﻴﻦ ﻗﺎﻋﺪ ﻓﻰ ﺍﻟﻤﺴﺠﺪ ﺷﻐﺎﻝ ﺍﺳﺘﻐﻔﺮ ﺍﻟﻠﻪ ﺍﺳﺘﻐﻔﺮ ﺍﻟﻠﻪ ﻭﺑﺘﻪ ﻣﻊ
ﺻﺎﺣﺒﻪ ﻻﻓﻴﻦ ﻓﻰ ﺷﺎﺭﻉ ﺍﻟﻨﻴﻞ ﺧﺎﻟﻄﻴﻦ
ﻭﺩﺍﺭ ﺍﻟﺮﻋﺎﻳﻪ ﻛﻞ ﻳﻮﻡ ﺗﺴﺘﻘﺒﻞ 40 ﻃﻔﻞ ﺛﻤﺮﺓ ﺍﻟﺤﺐ
ﺍﻟﺸﺒﺎﺏ ﺗﺎﻳﻪ ﻛﻞ ﻫﻤﻬﻢ ﺗﻠﻔﻮﻥ ﺍﻳﻔﻮﻥ ﻭﺭﺻﻴﺪ ﻳﻨﺸﻂ ﺍﻟﻨﺖ ﻭﻣﻦ ﺿﻞ ﻟﻀﻞ
ﺑﻨﺎﻃﻠﻴﻦ ﻧﺎﺻﻠﺔ ﻭﺷﻖ ﺷﻌﺮ ﻭﺟﺎﺭﻳﻴﻦ ﻭﺭﺍ ﺍﻟﺠﻜﺲ ﻭﻳﻔﺘﺨﺮﻭﺍ ﺑﺎﻟﻤﻌﺎﺻﻲ
ﺍﻟﺠﻜﺲ ﻣﻨﺪﻣﺠﻴﻴﻦ ﻣﻊ ﺍﻟﻤﺴﻠﺴﻼﺕ ﻭﺍﻟﻤﻮﺿﺔ ﻭﺩﺍ ﻛﺴﺎﺭ ﻭﻳﺎ ﺟﻤﺎﻋﺔ ﺍﻧﺒﺮﺷﺖ
ﻭﻭﻗﻌﺖ ﻋﻠﻲ ﺧﺸﻤﻲ ﺧﺠﻞ ﻣﺎﻓﻲ ﻭﺟﺮﺍﺀﺓ ﺗﺤﻴﺮ ﺍﻟﻤﺠﻨﻮﻥ "!..
ﻣﺴﺎﻫﺮﻳﻦ ﻟﻠﺼﺒﺎﺡ ﻭﺻﻼﺓ ﺍﻟﺼﺒﺢ ﺍﻻ ﻣﻦ ﺭﺣﻢ ﺭﺑﻲ ..
ﻭﺍﻟﻠﻪ ﻣﺎ ﺗﺘﻐﻴﺮ ﺍﻟﺤﻜﻮﻣﺔ ﺍﻻ ﻧﺘﻐﻴﺮ ﻧﺤﻦ .. ﺍﻱ ﺍﺗﻐﻴﺮ ﺍﻧﺎ ﻭﺗﺘﻐﻴﺮ ﺍﻧﺖ !..
ﻣﻦ ﺍﺻﻐﺮ ﻣﺴﺆﻭﻝ ﻟﻟﺮﺋﻴﺲ ﻛﻠﻬﻢ ﺳﻮﺩﺍﻧﻴﻦ ﻣﺎﻓﻴﻬﻢ ﺍﺟﻨﺒﻲ ﻳﻌﻨﻲ ﻣﻨﻨﺎ
ﻭﻓﻴﻨﺎ
ﻣﻌﻘﻮﻟﺔ ﺍﻏﻠﺐ ﺍﻟﻮﺯﺭﺍﺀ ﻓﺎﺳﺪﻳﻦ ﻭﺣﺮﺍﻣﻴﻪ ﺍﻻ ﺍﺗﻨﻴﻦ ﺍﻭ ﺗﻼﺗﻪ ﻳﺒﻘﻲ ﺍﻟﻤﺸﻜﻠﺔ
ﻓﻲ ﺍﻟﺸﻌﺐ ﺍﻟﻤﻦ ﻭﺳﻄﻬﻢ ﺟﺎﻧﺎ ﺍﻟﻮﺯﻳﺮ ﻭﺍﻟﻤﺴﺆﻭﻝ
ﻧﺘﻐﻴﺮ ﻧﺤﻦ ﻋﺸﺎﻥ ﻭﻗﺖ ﻳﺴﺘﻠﻢ ﺭﺋﻴﺲ ﺗﺎﻧﻲ ﻳﻠﻘﻲ ﻧﺎﺱ ﻧﻀﻴﻔﺔ ﻳﺨﺪﻣﻮﺍ ﺍﻟﺒﻠﺪ
ﻳﺨﺎﻓﻮ ﺍﻟﻠﻪ ﻓﻲ ﺍﻟﺸﻌﺐ ..
ﺍﻗﺮﺏ ﻣﻮﺍﻃﻦ ﻳﺘﻌﻴﻦ ﻣﺴﺆﻭﻝ ﺍﻭﻝ ﺷﻲ ﻳﻔﻜﺮ ﻳﺒﻨﻲ ﺑﻴﺖ ﻭﻳﻌﻤﻞ ﻋﺮﺑﻴﺔ
ﺑﺎﻟﺤﻼﻝ ﺑﺎﻟﺤﺮﺍﻡ ﺍﻟﻤﻬﻢ ﻳﺮﻃﺐ ﻭﺍﻟﺴﻼﻡ
ﺍﻟﻨﺎﺱ ﺍﺗﻐﻴﺮﺕ ﻭﻟﻼﺳﻒ ﻟﻼﺳﻮﺀ ﺷﺪﻳﻴﻴﻴﺪ
ﺍﺗﻐﻴﺮﻧﺎ ﻧﺤﻦ ﺑﻘﻴﻨﺎ ﻛﻌﺒﻴﻴﻦ ﺟﺎﻓﻴﻴﻦ ﻟﺌﻴﻤﻴﻦ وﺍﻟﻨﻔﻮﺱ ﻭﺳﺨﺎﻧﺔ ﻭﺍﻟﺤﺴﺪ ﻭﺍﻟﺤﻘﺪ
..
ﺗﻨﺼﺢ ﺍﻟﻨﺎﺱ ﺗﺠﺮﻱ ﻣﻨﻚ ﺗﻔﻀﺢ ﺍﻟﻨﺎﺱ ﺗﻘﺮﺏ ﻟﻴﻚ
ﺑﻘﻲ ﻫﻤﻬﻢ ﺍﻋﺮﺍﺽ ﺑﻌﺾ ﺗﻌﺎﻳﻦ ﻟﻠﻐﻠﻂ ﻭﻣﺎ ﺗﺘﻜﻠﻢ ﺗﻔﺘﺢ ﺧﺸﻤﻚ ﺗﺴﻤﻊ ﻓﺎﺭﻍ
!..
ﺳﺎﻛﻴﻦ ﻓﺘﺎﻓﻴﺖ ﺍﻻﻣﻮﺭ ﺍﻟﺒﻨﻐﺎﻟﻲ ﺷﻄﻔﻨﻲ ﻭﺍﻟﻬﻨﺪﻱ ﺣﻤﺎﻧﻲ
ﺍﻗﻮﻝ ﻟﻴﻜﻢ ﺣﺎﺟﺔ ﻟﻮ ﻓﺎﻛﺮﻳﻦ ﺍﻟﺤﻜﻮﻣﺔ ﺑﺘﺘﻐﻴﺮ ﺏ ﺍﻟﻔﻴﺲ ﻭﻛﻮﺑﻲ ﺑﺴﺖ ﺗﺒﻘﻮﺍ ﻣﻮﻫﻮﻣﻴﻦ
ﻣﻌﻘﻮﻟﺔ ﺍﻟﺤﻜﻮﻣﺔ ﺗﺘﻐﻴﺮ ﻋﻦ ﻃﺮﻳﻖ ﺍﻟﺒﻮﺳﺘﺎﺕ ﻭﺍﺣﺪ ﻗﺎﻋﺪ ﻓﻲ ﺷﺎﺭﻉ ﺍﻟﻨﻴﻞ
ﻭﻳﺸﺮﺏ ﻓﻲ ﺍﻟﺠﻨﺒﺔ ﻭﺍﻟﺒﻨﻄﻠﻮﻥ ﻧﺎﺻﻞ ﻳﻜﺘﺐ ﺍﺭﻓﻌﻮﺍ ﺍﻟﺪﻋﻢ ﻻﺯﻡ ﻧﻐﻴﺮ ﺍﻟﺒﺸﻴﺮ
!..
ﻳﺎﺥ ﺍﺭﻓﻊ ﺑﻨﻄﻮﻟﻨﻚ ﺍﻭﻝ ﺑﻌﺪﻳﻦ ﺍﻟﺪﻋﻢ ﺑﺘﺮﻓﻊ
ﻗﺎﻝ ﺻﻞ ﺍﻟﻠﻪ ﻋﻠﻴﻪ ﻭﺳﻠﻢ ": ﻛﻴﻔﻤﺎ ﺗﻜﻮﻧﻮﺍ ﻳﻮﻟﻰ ﻋﻠﻴﻜﻢ "
ﻟﻮ ﺩﺍﻳﺮﻳﻦ ﺍﻟﺮﺋﻴﺲ ﻳﺘﻮﻛﻞ ﻋﻠﻰ ﺍﻟﻠﻪ ﻭﻳﻤﺶ ﻭﺍﻟﺒﻠﺪ ﺗﺘﻘﺪﻡ
ﺍﻣﺴﻜﻮﺍ ﻓﻰ ﺍﻟﻠﻪ ..
ﺻﺤﺤﻮﺍ ﺍﻟﻌﻘﻴﺪﻩ
ﺯﻛﻮﺍ ﺍﻣﻮﺍﻟﻜﻢ
ﺍﻗﻴﻤﻮﺍ ﺻﻼﺗﻜﻢ
ﺍﻣﺮﻭﺍ ﺑﺎﻟﻤﻌﺮﻭﻑ
ﺍﻧﻬﻮﺍ ﻋﻦ ﺍﻟﻤﻨﻜﺮ
ﺩﻟﻮﺍ ﺍﻟﺒﻨﺎﺕ ﻋﻠﻰ ﺍﻟﺤﺠﺎﺏ
..
قال تعالي.. { ومن يتق الله يجعل له مخرجاً }

ﺍﺫﺍ ﻗﻞ ﺍﻟﺤﻴﺎﺀ ﻛﺜﺮ ﺍﻟﺒﻼﺀ ..
ﺃﺧﻴﺮﺍ ﺗﺰﻛﺮﻭﺍ ﺃﻥ ﺍﻷﺧﻼﻕ ﻫﻲ ﺍﻟﺮﻭﺡ ﺍﻟﺘﻲ ﻻ ﺗﻤﻮﺕ

#alooosh.

الدراسة في روسيا
السلام عليكم ورحمة الله وبركاته ..
ما أظن أنو في زول لافي في الخرطوم ما شاف اعلان للدراسة في روسيا.. أنا وصلت روسيا قبل سنة تقريبا الحاجة الإكتشفتها أنو في سوق بتاع قبولات في الجامعات الروسية والسوق دا ببيع خدمة بي ثمن غالي جدا جدا..في حين الخدمة دي أصلا هي مجانية وما محتاجة تعب ولا أي شيء..السوق دا بيوفر ليك مقعد لدراسة اللغة الروسية مقابل 500دولار أو 700دولار ولمن خاف مقام ربه 300دولار
الدعوة للدراسة في روسيا تقدمها الجامعات الروسية مجانية مئة بالمئة..يستغل تجار هذا السوق عدم معرفة الناس باللغة الروسية ويلعبون لعبتهم ولن تعرف أنها مجانية حتى يقع الفاس بالرأس لان هذا إتفاق..سأبيعك لا شيء مقابل 500دولار.. أنا إستلمت اللاشيء وأنت إستلمت تعبي و جهدي...
من هنا أنا حابي أدي أهل بلدي طريق آمن ومجاني عشان تقدر تلقى مقعد للدراسة الجامعية في روسيا..أدخل النت فتش عن الجامعة الإنتا عايزها المدينة الإنتا حابي تدرس فيها ...كل الجامعات الروسية موقعا الإلكتروني بيكون بالروسية والإنجليزية أقلب إنجليزي وشوف محل بيانات التواصل أصلا بتكون واضحة جدا أصلا شوف محل مكتب الطلاب International office بتلقى كل تفاصيلوا موجودة إتواصل معاهم عن طريق مكالمة أو إيميل...ما بطلبوا منك غير جوازك وبعض البيانات الصغيرة الكلام دا للسنة التحضيرية سنة اللغة..بتوريهم عايز تستلم الفيزا من وين ولو عندهم أي أسئلة تاني بيسألوك ليها وبعد شهر تقريبا دعوتك بتصل وفيزتك بتتطلع...وفي خيار تاني.. فتش أي زول بتعرفوا بيقرا في روسيا أو أي زول بتعرفوا بيعرف واحد بيقرأ في روسيا الموضوع أبدا ما خطير.. كلها صورة جواز وما في أي حاجة تانية اللهم إلا رسوم فيزتك وتذكرتك..
الكلام دا أنا كتبتو لأنو الأيامات دي بداية سنة دراسية في روسيا والطلاب بدأو يجو والسؤال الأول البتسأل ليهو هنا شالوا منك كم
؟وهنا بتسمع الأرقام الفلكية وبتبدأ المغسة
.......
.رسوم دراسة السنة التحضيرية تقريبا ما بين 1500الى1300دولار ممكن تكون أكثر على حسب المدينة
..............
قلوب العارفين لها عيون ترا ما لا يراه الناظرون
....
هدفك في الحياة..ماذا تريد أن تحقق؟
مجالك=وظيفتك=تطوعك

إياك أن تتزوج شفقة
وإياك أن توظف شفقة
يجب أن تتعلم كيف تقول كلمة لا
To say no you must have a bigger yes
الإرادة...لا أحد يعطيك لها غير نفسك
الذي يعمل في ما يحسن ينتج..والذي يعمل في ما يعشق يبدع
الإستكشاف عن طريق القراءة أقرأ كتاب في مواضيع مختلفة
لا تطيع أبويك في مسألة إختيار التخصص ليس هذا من بر الوالدين
بر الوالدين في ما يتعلق بهما لا فيما يتعلق بك أنت

فخري الخير

محاضر في كلية الطب جامعة الخرطوم يمر بتجربة بائسة في جامعة العلوم الطبية (مأمون حميدة)

تجربة بائسة في مأمون حميدة

د. أحمد عبدالواحد

يمر الإنسان في حياته بالعديد من التجارب السيئة وتجربتي اليوم في جامعة العلوم الطبية (مأمون حميدة) كانت من بين أسوأ التجارب التي أخوضها في حياتي .. فبعد أن طلب مني أحد زملائي الأعزاء أن أغطي له محاضرة مسائية للصف الثاني في كلية الطب هناك تحمست جدا حيث لم أعمل هناك من قبل ولم يفتر من حماسي تحذيراته الشديدة لي بسوء سمعة هذا الصف تحديدا من حيث قلة الأدب وانعدام الانضباط لأني كنت أحسب نفسي معتادا على التعامل مع هذه النوعية من الطلاب في جامعتنا العريقة جامعة الخرطوم والتي تضاعف احترامي لطلابها أضعافا مكررة – بما فيهم اولئك من قليلي الأدب – بعد ما عايشته وشاهدته الليلة في ذلك المكان المسمى زورا جامعة ..

منذ لحظة دخولي إلى الصف وتعريفي بنفسي لم يبد أولئك الصبية من الأولاد الناعمين والبنات المتنعمات أي قدر من الاحترام لوجود معلم بينهم رافضين حتى مجرد الاصغاء لكلماتي الافتتاحية .. فههنا بنت ذات قصة ممسكة بـ(الأيباد) وزميلتها ذات الفلنة القصيرة والجينز الضيق مندمجة معها فيه .. وعلي اليمين تجمع ثلاث فتيان متعددي قصات الشعر وفريمات النظارات حول جهاز آخر .. وفي آخر القاعة جلس فتى يضع سماعات الهيتفون في أذنيه وينظر إلي بلا مبالاة .. بينما من وراءه وقف أربعة فتيان وفتاتان – أو لعلهم ست فتيات – يتجادلون بصوت عال دون أي التفات لندائتي المتكررة أن اصمتوا واجلسوا .. وباستناء عدد لا يزيد على أصابع اليدين من من يجلسون في الصف الأمامي كانوا كلهم في غيهم يعمهون ..

حاولت جاهدا فرض حالة من الانضباط وسط تفاجئي بهذا المجتمع الصبياني الذي وصل للسنة الثانية من دراسة الطب .. وقررت استعمال الشدة فطردت فتاة كانت تتحدث بصوت عالي فتلكأت في البداية ولكن تحت شدة أمري وعبوس وجهي خرجت .. بعدها عمت دقائق قليلة من الهدوء النسبي لكن مالبث الإزعاج أن عاد من جديد وبصورة أشد .. أمرت طالبا آخر كان ملتفتا بكل جسمه للخلف متحدثا مع زميلاته بصراخ مزعج أن يخرج .. فما كان منه إلا أن تحدى أمري ورفض مجادلا بأن لم يفعل شيئا .. جلست لأكثر من دقيقة أكرر له الأمر بالخروج وهو يجادل بنبرة ساخرة مستهزءة تنضح بقلة الأدب وانعدام التربية بأنه لم يفعل شيئا يستحق الخروج .. اسقط في يدي ماذا أفعل له يا ترى ؟ أأمسكه من رقبته وألقي به خارجا ؟ أم أمشي اشتكيه في البوليس ؟ موقف لم يمر علي طوال أكثر من ست سنوات في التدريس الجامعي وشعرت ببالغ الأسى والاحترام لطلابنا الذين كنت اقسو عليهم وانعتهم بقلة التهذيب ..

التفت جانبا من هذا الصبي المغتر وتجاهلته بينما تحطمت في نظر هؤلاء الطلاب ما تبقى من صورة الاستاذ الحاسم .. جاء الموظف المسؤول عن الحضور والغياب فبدأ بأخذ الحضور .. انتظرته حتى انتهى ثم اخبرتهم بأن من لا رغبة له في البقاء فليغادر طالما وقعوا حضورهم .. فغادر نحو من خمسين طالبا أي نصف عددهم تقريبا .. وحتى تلك اللحظة كان قد مر على زمن المحاضرة حوالي العشرين دقيقة وكنت بالكاد قد أتيت على شريحة أو شريحتين من العرض الذي كنت أنوي تقديمه ..

هدئت القاعة قليلا وشعرت ببعض الراحة لأني أحسست أن من بقي من هؤلاء يرغبون في أن يتعلموا شيئا الليلة .. توجت إلى الباب واغلقته وبدأت أكمل .. لكن الحال لم يتغير كثيرا فالكلام بين الطلاب ازدادت وتيرته وعلت نبرته .. وبدأ بعضهم من مستخفي الدم في مقاطعتي بأسئلة سخيفة استهزائية .. والأسوأ أن الطلبة الذين خرجوا بدأوا يفتحون الباب كل دقيقة ليؤشروا لزملائهم في الداخل بإشارات بلهاء يقهقهون جميعهم على إثرها وكأنهم في سيرك .. علاوة على جعلهم للقاعة مضطربة بالدخول والخروج المتكرر دون أدنى فائدة من زجري لهم وطردهم وتعنيفهم .. عندها أيقنت أن هؤلاء القوم لا ينفع التعامل معهم كبالغين فما هم إلا حفنة من الأطفال فاقدي البصيرة وضالي الطريق منحتهم الأقدار في هذا الزمن الأغبر فرصة لا يستحقونها ليكونوا في هذا المكان .. ولو كنت أعلم هذا لأحضرت معي شيخ خلوة جامعنا ليزجرهم ويؤدبهم بعصاه الطويلة ..

تلوت جزءا من المحاضرة في غير ما نفس وبلا مبالاة في محاولة يائسة مني لأداء واجبي وتبرئة ضميري .. ثم حزمت حاسبي المحمول ورحلت تودعني تريقات هؤلاء الأطفال الكبار وشتائمهم .. مقررا أن لا أعود لهذا المكان ما دمت حيا .. اتصلت بزميلي واطلعته على ما جرى فاعتذر مني وأخبرني بأني ثالث استاذ يغادر هذا الفصل قرفانا مستاءا خلال هذا الشهر وأنه يواجه مشكلة حقيقة في توفير اساتذة لهذا الصف .. لكن في رأيي المشكلة الحقيقية هي "الهملة" .. الهملة التي جعلت الطب هاملا لدرجة أن قاصري العقل والمروءة كهؤلاء تتاح لهم فرصة ليدرسوا ويتخرجوا دكاترة .. بينما كان من الأولى البحث عن مدرسة تجعل منهم بني آدمين ابتداءا وتنتشلهم من هذه الحالة الحيوانية البهيمية التي يغوصون فيها والتي لا تتيح لع

قولهم المغيبة التمييز بين ما هو صحيح وما هو خاطئ .. ولا تدرك أدنى ابجديات القيم التي يرضعها الانسان السوداني من توقير الكبير واحترام المعلم .. لكن الشيء الذي أخشى حتى مجرد التفكير فيه هو ماذا إذا قدر لهذه الكتيبة معدومة الأدب والضمير من الطلاب أن يتخرجوا ويصبحوا أطباءا ؟ كيف سيكون الطب عندها ؟ وما سيحل بأرواح الناس ؟ سؤال يجب أن يجيب عنه الذي أنشأ كليات الموز هذه ليمتص الدولارات من هؤلاء ثم يقذف بهم وبقذاراتهم إلى المجتمع دون مبالاة طالما قبض الثمن .. لك الله يا سودان ..

د. أحمد عبدالواحد
محاضر - كلية الطب جامعة الخرطوم

(الرجولة مواقف) ✋
الذكور كتااار شديد لكن الرجال (بسيطين) وفي تقييمي البسيط أفضل أنواع الرجال المتواضع المابستغل سلطتو وسطوتو وأكعبن وأفشلن البحاول يستغل سلطتو
في الذاكرة قبل 9 سنوات تقريبا كنت مع شباب بنتعشى في مطعم ، الطربيزة الملاصقانا شباب كدا بيتكلمو بي صوت عالي ومزعجين حتى ضحكهم أشتر ، قام واحد من الشباب ديل إتناقش مع جرسون راجل كبير في السن إنو الأكل إتأخر وبقى يكورك معاهو فقام قال ليهو إحترم نفسك انا قدر أبوك والشاب قام وقف على حيلو وقال ليهو أنا بوريك الإحترام وطلع من جيبو (كارنيه ) وقال ليهو انا تابع للمباحث اعمل حسابك بوديك ورى الشمس 😠
لحظتا غضبنا ودايرين نمش عليهم سبقنا زول لابس جلابية وطاقية من شكلو زول بسيط شكلو كان منتظر يشيل أكل ديلفري وقال للجرسون معليش إنت أمشي وقال للشاب ياخ عيب عليك كدا دا راجل كبير حتى لو غلط إحترم شيبتو 😊
الشاب خلى الجرسون قبل على عمك وإنت يازول مالك الحاشرك شنو في الموضوع انا رجل مباحث😠، عمك قال ليهو ياولدي الله يرضى عليك الجاب المباحث والقانون هنا شنو دا عمك جرسون ولا تاجر مخدرات 😑
بتاع المباحث قال لي عمك ياخ إنت زاتك هسي بقبضك إنت قعد تعترض سلطاتي 😠 عمك قال ليهو ياخ عاين سلطات شنو إنت مالك مفور الواطة دي كلها ربنا يهديك الموضوع مابيستاهل أقعد مع اخوانك ديل أكل أكلك . وكان كلامو كلو معاهو ياولدي وياولدي ، في النهاية لمن حاول يمد يدو عمك رجع ورى وكشر عن انيابه
وقال بي صوت بتاع لهجة عسكرية حادة (عسكري كما كنت حيي اللواء شرطة أمنيه ،،،،،) العسكري فصل وحيلو برد وزي الطقوهو بي حجر في نص راسو رجع ورى وحيا 😂😂😂😂، بقى يحنس ياجنابك معليش بس الزول دا زعلني 😢😢وعمك يقول ليهو ياعسكري أمنع الكلام جيناك بالتي هي احسن أبيت داير تستعرض عضلاتك على المساكين😠،، ساقو معتدل مرش وقفو جم سلم المطعم وطلع تلفونو بعد دقايق وصل بوكس ناس لابسين ملكي (شرطة أمنية) أو امن الشرطة ساقوهو .
الموقف دا صراحة أكبرتو فيهو مش إنو عاقب العسكري دا لا بل إنو حاول يعالج المشكلة كمواطن وكان بيتكلم بي لغة قمة في التهذيب ونعم ضابط الشرطة زي دا لو كان سوداني شايل قيم زي دي وما بيحب يستغل السلطة ، سلمنا عليهو لأنو راجل محترم وللأسف نسيت إسمو بس هو من منطقة (القراصة في النيل الأبيض) أشهد إنو الزول دا راجل حقيقي وسوداني وأهلو ربوهو تربية صاح.
برضو من المواقف اللي حكاها لي قريبي كان زمان شغال في الاستخبارات العسكرية حرس مع الفريق عوض إبن عوف وزير الدفاع الحالي كانت الونسة إنو ياخ رايك شنو في وزير الدفاع الحالي إبن عوف فقال لينا شوفو
الراجل دا انا كنت معاهو من كان لواء ومدير هيئة الإستخبارات العسكرية رجل عسكري محترف ومتواضع كان بينادينا جنود وصفوفيين ناكل معاهو في صينية الفطور عكس بعض الضباط مابياكلو مع العساكر
الموقف بتاعو الحكاهو قال سنة 2001 تقريبا وهو مدير الإستخبارات يعني سلطة عالية جداا كانو راكبين عربية مظللة ونمرة ملاكي وكان ابن عوف راكب قدام ولابس جلابية وعمة والسواق وهو وواحد تاني حرس راكبين ورى ، فقال وقفن عسكري مرور قبل كبري القوات المسلحة وطالب من السواق الرخصة والترخيص بتاع التظليل فقال السواق وهو ماشي براحة رافض يقيف وفاتح الشباك (معاك الاستخبارات العسكرية ) والشرطي يقول ليهو أقيف يازول طلع العربية ، فقال عمك ابن عوف قال ليهو يازول انت رجل الشرطة دا ماقال ليك أقيف إنت ماشي وين ؟ 😕
فقال ليهو والله ياجنابك كلمتو ماسمعني ، قال ليهو لا تقيف تتكلم ولمن يقول ليك إتحرك حتى تتحرك واضح ؟!! واضح سعادتك
قال العسكري قال ليهو الرخصة والترخيص بتاع التظليل ، فعسكري الاستخبارات قال ليهو معاك زميل إستخبارات عسكرية فقال ليهو مرحب بس الرخصة ورخصة التظليل فقال اداهو الرخصة وقال ليهو رخصة التظليل مامعاي فقال ليهو حانحرر ليك مخالفة فقام قريبي دا زاتو عاوز ينزل يجوط مع عسكري المرور فقال عمك ابن عوف قال ليهو امشي ارجع القيادة العامة اجي ألقاك جوى الكركون قاعد فقال رجعت براي دخلت الكركون 😂😂 والسواق عمك قال ليهو طالما انت مستهتر بالقانون وماشايل تصديق التظليل ادفع المخالفة من جيبك 😕
فقال دا اروع موقف تواضع لاقاهو في حياتو من ضابط عظيم بيشغل أعلى رتبة في جهاز عسكري في الدولة وبيوبخ عساكرو شان مايكسرو القانون .
جغمة اخيرة : مواقف الضباط ديل كانت رجولية وموقف عسكري المرور كان أقوى وهو بيطبق في القانون حتى على أعلى الرتب العسكرية والمواقف الرجولية كتيرة محتاجة كتاب لكن انبل المواقف انك ماتستغل سلطتك ضد المساكين .

ميرغني سوار الدهب

الرجل هو السيد في البيت

وعلى الزوجة أن تسمع وتطيع في أمور النكاح وفي غير معصية

ينفق قدر استطاعته بالمعروف وتأخذ الزوجة ما يكفيها وولدها (بالمعروف) فقد كانت الشهور تمر ولا يوقد في بيت النبي نار لخبز ولا لطبخ فلما طلبن زيادة النفقة خيرهن بين البقاء والطلاق، ولم يقل له أحد لماذا تتزوج أكثر من واحدة؟ فالزوج ينفق قدر سعته لا قدر طلبات زوجته.

المدرسة الخاصة والملابس الفاخرة ليست من أساسيات الزواج فمن أصرت على ذلك وزعمت أنه حقها جاز تسريحها بإحسان. علموا زوجاتكم أنكم رجال ولا يعيبكم قلة المال وإنما يعيبهن تطلعهن لغيرهن.

من حق الزوج ألا يخبر زوجته براتبه ولا يقدح ذلك في صحة العلاقة ولا قدسيتها

لا يحق للزوجة أن تعترض على إنفاق زوجها على أمه أو إخوته ما دام يكفي امرأته وولده.

الزواج شراكة عاطفية وإنسانية وليست مالية.

للزوج وحده الحق في تسمية ولده.

للزوج الحق في تأديب زوجته الناشز وعظا وهجرا وضربا غير مبرح.

تستأذن الزوجة زوجها في الخروج ولا يستأذنها.

للزوج الحق في التعدد بلا سبب ولمجرد إشباع الشهوة ولو كان هذا سيفضي إلى حرمان الأولى من بعض الرفاهيات.

للزوج الحق في منع الزوجة من دخول مواقع التواصل ومن مصاحبة بعض صديقاتها إن وجد تخبيبا وعلم من زوجته السفه والاستجابة.

هذا بعض من حقوق الرجال. علموها زوجاتكم ثم تنازلوا عنها بعضها أو كلها إن شئتم فضلا وإحسانا لكن بعد أن يعلمن ذلك. فإن عجزت أن تجد في مصر من تفهم عنك ما قلت فلك في غيرها من البلدان من تقر بهن عينك ويعرفن حسن التبعل وفضل الزوج لاسيما بلاد المغرب العربي وشرق آسيا.

هذا دينكم لا تداهنوا فيه أحدا فقد أخبرنا النبي صلى الله عليه وسلم أن الإيذاء باللسان وكفران العشير وجحود فضل الزوج يكثر في النساء ويدخلهن النار فلا تستحي من ضيق ذات اليد فقد كانوا من هم خير منك أقل نفقة وأحسن قوامة وما علت عليهم نساؤهم ولا عيرتهم بما قدر عليهم الله من رزقه.

حسام عبدالعزيز

*تفاصيل صادمة ومُثيرة عن قصة ناشط سوداني تنكر في شخصية شبح إسفيري بإسم “سارة رحمة” ظل مُختبئاً داخل قروبات نسائية لسنوات !!*


الواقعة أقرب إلى قصص الخيال، لايصدقها إلا من عاشوها بكل تفاصيلها الصغيرة والكبيرة، العامة والخاصة .
إذ صُدم مجتمع السوشيال ميديا، على مدى يومين متتاليين، بفتاة خالطوها وأحبوها وعاشوا معها إسفييرياً بكل مشاعرهم لسنوات، ودلقوا لها حبهم و كل أسرارهم الخاصة ومشاعرهم الجياشة، ليفيقوا على صدمة قاسية أفقدتهم توازنهم النفسي، وطيَّرت النوم من عيونهم، وذلك بإعلان وفاتها، لتنهمر الدموع وتنزف القلوب وتلهج الألسنة بالدعاء لها بالمغفرة والرحمة، إلى هنا كل شئ عادياً، بحسب مانقل محرر “كوش نيوز” أبومهند العيسابي، ولكن الصدمة قادمة في طيّات تفاصيل الواقعة المثيرة !
وبما أن القلوب قد تعلقت بالفقيدة، وتنقلت معها في أدغال إفريقيا وأحراشها وهي تقوم بالعمل الإنساني والطوعي، كما أنها سكنت قلوب و قروبات الفتيات اللائي كشفن لها عن أسرارهن وعلاقاتهن الخاصة والعامة، فمن الطبيعي وبسماحة وطيبة السودانيين أن يبحثوا جاهدين عن ذويها وأهلها لتعزيتهم في فقدهم الجلل وليخرجوا ذاك الهواء الساخن من الحزن، فكانت المُفاجأة الصادمة أن لم يجدوا لها بيت أو هاتف أو أهل، وبدأوا ينظروا لبعضهم البعض بريبة،ٍ متسآئلين في حيرة، ومن تبقى “سارة رحمة” إذن ومن هي !
ليُفاجأوا وبحسب “كوش نيوز” أن الفقيدة قد خرجت من قبرها لتغلق حسابها بعد وفاتها !!
فكانت الصدمة الكبرى القاسية التي تلقوها للمرة الثانية بعد أن قطعت نياط قلوبهم بفقدها، ليكتشفوا أنها شبحاً إسفيرياً، كان شاباً ناشطاً سودانياً مُتنكراً في صورة “سارة رحمة” طاف جميع قروبات الفتيات الخاصة والعامة، كما ولج بريدهن الخاص، وقد دلقن له كل ما في جُعبتهن من صورهن الخاصة وأسرارهن الخافية، وقد عبر عن وصف هذا المشهد بدقة الكاتب الساخر حسين ملاسي قائلاً :” شعورهن تجاهه بعد أن انكشفن عليهن عاطفياً وخصوصياً، كشعورهن نحو الذي تاوق إليهن في الحمام ! ”
ودخل الجميع تحت صدمة ثالثة بإعتراف الفنان “علاء الدين سنهوري “عن إنشاء حسابين وهميين بإسم “سارة رحمة، وآخر بإسم “ كمالا التجاني” بموقع التواصل الإجتماعي “فيسبوك” مما أحدث فاجعة صادمة في أوساط رواد مواقع التواصل من الذين كانوا لهم تواصلاً وعلاقة وطيدة مع الحسابين الوهميين، اللذان يعودان لـ علاء السنهوري، وقد شارك بهما لسنوات طويلة وسط قروبات نسائية شهيرة منها قروب “مهيرة” الذي يجمع عدداً من الفتيات، خالطنه إسفيرياً وكشفن له عن أسرارهن ومشاكلهن الخاصة في بريده الخاص، مما أحدث غضباً عارماً في أوساط رواد مواقع التواصل الإجتماعي، وطالب عدد منهم بمقاضاته قانونياً .
وتشير “كوش نيوز” إلى كشف” غازي الريح سنهوري” مساء اليوم الثلاثاء، من خلال فيديو مباشر بفيسبوك، أفصح فيه عن الحسابين الوهميين لـ سارة وكمالا اللائي يعودان للناشط والفنان ” علاء الدين سنهوري” المقيم حالياً بالدوحة، قصد بهما الترويج لمشروعه الفني كما ادعى، كما كان “غازي” يتواصل معه في مشروع مقاومة سياسية بواسطة إحدى هذين الحسابين الذي بإسم “سارة رحمة” وقد رفض فكرة مشروعها ولم يكن له علم بأنها “علاء الدين نفسه”، وقال ” غازي” بالبث المباشر بحسب مانقل محرر “كوش نيوز” إن علاء مُصاباً بمرض نفسي يوصف بإزدواجية الشخصية وهو الذي تسبب في هذا الفعل، بإختلاق شخصيات لفتيات يتواصل بهن، الأمر الذي لم يقنع عددا كبيرا من رواد مواقع التواصل، وعدوه مُبرراً فطيراً لينفذ به من المسآلة القانونية.
وكان “علاء الدين” قد حصل على آلاف السير الذاتية لفتيات من خلال إعلانه عن وظائف بالأمم المتحدة، بواسطة حسابه الوهمي” سارة رحمة”، وفوجئ عدد من المتقدمات أن من أسئلة التقدم للوظيفة “هل أنت على إستعداد للقيام بعمل خارج الوظيفة” !
وكتبت إحداهن ” البنات المشوا المعاينات عن طريق سارة رحمة تعرضن لتحرش كعب شديد وفِي واحدة كتبت انها لمن اعترضت الزول البيعمل المعاينات سألها انتي سارة ما كلمتك بي مواصفات الوظيفة الانتي مقدمة عليها، و الكلام دا في الخرطوم ”
وقد حُظي حسابه الوهمي بإسم ” سارة رحمة ” حُب ومودة عشرات الآلآف من رواد مواقع التواصل الإجتماعي خاصة الفتيات، حتى أصبحت من نجوم السوشيال ميديا، كما كانت لها علاقات خاصة مع الآلآف من الفتيات السودانيات داخل وخارج البلاد.
وتدرج “علاء الدين ” في الإنسحاب من المشهد بإسم “سارة ” فأعلنت عن إصابتها بالسرطان مما زاد التعاطف معها وأصبحت مثار إهتمام أعداد كبيرة من البنات يتابعن حالتها أولاً بأول، ثم أعلن بعدها ” علاء الدين ” عن وفاتها موضحاً أنها قد دفنت بالعاصمة الاثيوبية ” أديس أبابا” وينتهي العزاء بمراسم الدفن بحسب وصيتها.
وبحسب ” سودان تايمز ” أن علاء إختلق شخصية سارة رحمة، التي تعمل في الأمم المتحدة، وهي من مدينة مدني، وتعاني من مرض سرطان الدم، وتقيم في باجمبورا. وسارة التي رسمها علاء الدين من محض خياله

إنسانة لدرجة بعيدة تساعد الجميع، وكل ذو حاجة تدله على أن علاء افضل من يقضي لها حاجتها وتوزع أرقام تلفوناته. وأضاف عليها حالة من الحزن والعاطفة المتعطشة لزوجها الذي توفى في فلندا قبل تسع سنوات ولم تتزوج عليه، وهي تذكر شهوره التسعة التي قضاها معها.
وحازت سارة على درجة كبيرة من الشهرة وسط رواد مواقع التواصل الاجتماعي، جعلتها تتصل بالمخرجة رزان هاشم لإخراج عمل للفنان علاء الدين سنهوري، وكان علاء نفسه حلقة الوصل بين شخصيته المتوهمة “سارة رحمة” ورزان، التي أخرجت العمل الذي مولته سارة رحمة دون تحديد سقف لم تتحدث معها بالتلفون وإنما عبر الماسنجر، وعندما تفقد الاتصال بها تتصل على علاء الدين. وذكرت بعض المهيرات أن سارة رحمة تعرفت على لدن أدمن صفحة مهيرات على علاء سنهوري وصارت تدير صفحته.
واحدث خبر وفاة سارة رحمة موجة حزن كبيرة في مواقع التواصل الاجتماعي، بحسب “سودان تايمز” فقد وضعت صورتها في بروفايلات الناشطات السودانيات وعزى بعضهن البعض الآخر، لكن لم تعثر إحداهن على منزل ذي سارة رحمة .
وتشير “كوش نيوز” إلى نعي مُؤثر ومُحزن للشبح الإسفيري “سارة ” نعاها فيه الكاتب الصحفي “عثمان فضل الله” قائلاً :
لم تلامس كفي كفها ولا لصوتها قد سمعت ،، ولكن وجع رحيلها نخر العظم مني .. تابعت صفحتها مختلسا لفترة طويلة أراقبها تتنقل بين كيغالي واروشا كمبالا ونيروبي تُمسح دمعة هذا وتقيل عثرة ذاك ،، لم ارها احتضنت طفلا لاجئا امام فلاشات الكاميرات ولكن من كتابتها كنت على يقين انها ضمت العشرات بقلبها تفرح لفرحهم وتحزن بحزنهم،، Sara Rahma هكذا انسرب اسمها الى صفحتي هذه اولا .. ومن ثم الى روحي فبت كلما حاصرني الغم أسارع الي حائطها أجد فيه المسرى والسلوان ،، احيانا احسها قنديلا يضئ في عتمة افريقيا بزيت من الخرطوم وعلى احد جنباته كتب صنع في السودا ن وفي اخرى أراها ملاكا اسمر بعث من مقرن النيلين ساعة هجعة في ليلة شتاء دافئة تمطت فيها الاجساد وانطرحت بعد طول كرفسة ، أواه ياسارة هممت بعد قرأت بوستاتك عن المرض الذي الم بك ان أراسلك متمنيا لك الشفاء ،، ولكني لم افعل ،، وكنت على يقين انك ستهزمينه ،وتغافلت بغباء اظنه متعمد عن توق روحك الى لقاء وليد الذي كثيرا ما ناجيته.. اواه ياسارة يا ملاك لم يطب له المقام في هذه الارض التي احتشدت بالظلم وارتوت بالمظالم فآثر الرحيل على البقاء .. وداعا سارة رحمة .
ابومهند العيسابي
الخرطوم (كوش نيوز)