انه ليث الحرايب .. صوتي هز الكتايب
منتضر يومي.  وعلومي.   تعرفها البشر
مايخليهم .. ويفنيهم .. ماكو الهم اثر
.........
كلبه مثل الجبل راسخ  ماتهز بيه الرياح
طبعه من يبرز عليهم    يكسر سيوف برماح
ملك بالميدان طبعه و بيهم ايضج النياح
الكاع رجفت من صياحه زلزلج ليله بصباح

لوغضب ياحلاته .. جنه حيدر صفاته
تجدح عيونه  . يدرونه.  يدوس اعله الخطر
بصدره يطويهم.  ويفنيهم.  ماكو الهم اثر
....
مسلم ومسلم طباعه لاجن بحربه ضروس
عمه حيدر قلع خيبر  وهو قلاع الرؤوس
علي دايس على القلعه ومسلم الكوفه يدوس
ياهلا بفتيان طالب للمراجل هم دروس

دارس امن الطفوله .. الدنيه بيهم ذهوله
منهجك باقي .. ضل راقي .. يرويه القدر
اختار اساميهم .. ويفنيهم . ماكو الهم اثر
....
واحد وقاتل معسكر  رغم مامسلم وحيد
لجن صوته ايضج عليهم . للحرب هل من مزيد.
علي شافوك بوكفتك وبوفاضل بالوريد
يجري وي دمك الحمزه إقلع اطواد الحديد

الغيره تجري بوريده .. زلزله اسمه ورعيده
ياهله بسيفه .. وكل حيفه .. الدم يصبح نهر
بجفه يسكيهم .. ويفنيهم .. ماكو الهم اثر
...
مسلم يصول اعله كيفه عاليمين وعالشمال
ماكو راحه الكم ينادي هايه ساحات القتال
انه عيدي الحرب طبعي عندي واهس للنزال
اليوم اراويكم فنوني واني ثابت لا ازال

هذه يوم التحتم .. الموت بيه تلعثم
حته بموتي .. ضل صوتي .. يصدح للدهر
باقي يدريهم .. ويفنيهم .. ماكو الهم اثر
....
اني ريح ومن اهبن مااخلي لشي اثر
انتو طير صغير طاير يعني نقطه في بحر
احنه من فرسان هاشم وحنه اسياد البشر
مستحي امن حسين اني اشواي منطيه بس نحر

مااوفي الامامي .. هوه حبي وهيامي
فدوه كل عمري .. وي نحري .. لسياد البشر
واليعاديهم .. ويفنيهم .. ماكو الهم اثر
...
حسين منطي الله كلشي حته الطفل الصغير
من اجل دين السماوي لا لجل سلطه وامير
حسين من العرش نوره وكلشي من نوره منير
الدنيه واهل الدنيه كلها بسم ابو الاكبر تحير

واني مسلم رسوله .. كلشي قادر انوله
افتدي بدمي .. وبلحمي .. ونطيه النحر
لكوفه اروايهم.  ويفنيهم .. ماكو الهم اثر
....
للشاعر علي الفرطوسي

https://tttttt.me/ssgadAl

نزلت دموع العين ... لمسلم سفير حسين
اصبح غريب الدار .. بالكوفه ضل محتار
                **

بمسجد الكوفه      جم فرد خلفه
الجموع اهواي       الصافحت جفه
بس خِلّص فرضه    وشوبح بطرفه
مالگه واحد           وسفه ياوسفه
               .......
خلفه تصلي الناس ... باعو ذمم وحساس
كمل صلاه وندار ... بالكوفه ضل محتار
             
             **
 
مابقه واحد       ضل غريب الدار
 وحده بالكوفه    ما أله انصار
ياكتر  يگصد       والعدو  غدار
ضامي ومهموم    ﭼـبده يلهب نار
                .......
ضامي وغريب  اليوم ... مسلم صبح مهموم
جبده التهب بالنار ... مسلم غريب الدار
        
           **

لبايعو مسلم     بالعهد خلفو
خلف  ابن ازياد   كلهم التفو
خانو الاسلام       ابد ماوفو
ضل سفير حسين   وحده ماوگفو
                     ......
خانو عهد لليوم ... ماتنصلح هالكوم
غدرو علي الكرار  ... مسلم غريب الدار
           
         **

عالديار ايفوت          محد ايرحمه
والله بس طوعه      ال جلت همه
ياهله بمسلم            نادته الحرمه
طوعه بالموقف       تسوه الف زلمه
                ........
بدارﭺ سفير الدين ... اجرﭺ يحفضه حسين
لحب علي عدها اثار ... مسلم غريب الدار
        
          **

خِلْص يمها الليل       يسجد ويركع
اتوجه الربه             ويذرف المدمع
لنهه طوعه تصيح      العدو تجمع
ﭼـنه حيدر صال         يذبح ويجمع
                    ......
يشبه اسد ويصول ... قامت قيامه اتكول
يذبح صار البتار ... مسلم غريب الدار
       
          **

يادموع العين           سيلي لمصابه
لمسلم الليله              كصدي لعتابه
جن حميده اتصيح     بابه يابابه
انذبح مسلم              عيني سجابه
             ......
حكي امن سيل العين ... ولطم على الخدين
هذه الحصل ولصار ... مسلم غريب الدار
 
      **         **
       علي  محسن الفرطوسي

https://tttttt.me/ssgadAl

قصيدة باب الحوائج مسلم ع
_______
وين القصر واسواره. مسلم تشع انواره
الگبه بعنان الـسمه وحدر الثره الاماره
****
وين القصر انشـدكـم وين الملك وجنوده؟؟
اوين الغريب الوحده وشدو حبل بزنوده؟؟
مسلم مناراته ذهـب والخير فايض جوده
وقصر الاماره هالصبح حدر التراب حدوده

مسلم سفير الغالي. وگبره اصبح عالي
اوينه ابن مرجانه. محد يعرف اخباره
******
ستين للهجره ارجعت حين الدخلت الكوفه
اتذكرت مسلم بگـه. الوحده وحبل بچفوفه
افرحت من شفت القصر الگاع بي مخسوفه
والگبر مسلم من اصد خلگ الله كلها اطوفه

امزاحم اعله بابه. وصار القصر خرابه
باب الحوائج مسلم. هنيال كلمن زاره
********
بيده فتح باب الطف مسلم ابنزف جروحه
هوه اليحب من الگلب لازم يضحي بروحه
لمن صعد فوگ القصر شاف السمه مفتوحه
سلّم عله حسين وهمل دمعت محب مذبوحه

وده سلامه ابحسره. لحسين ابن الزهره
يحسين ماشوفك بعد. ودمع العشگ يتجاره
********
كلمن عـشگ وارث علـي يـرفع الله شانه
وشـاهد گـبر مـسلم يضـل الله رفـع بنيانه
باب الحـوائـج مسـلم ومفتوحه كل بيبانه
يامن الك حاجه وطلب مگضيه عد مولانه

يقضي الحوائج مسلم موبس فقط للمسلم
بحاجتك روح اگصده. يگضيها الك بزيارة
******
المسلم اگصد وانتحب من توگف اعله گبره
احرگ وجنتك بالدمـع وگلبك السعه بجمره
وارفـع اديــنك للسـمه لـمـن تـطب للحضره
المهـدي طالـت غيبته إدعـي يـعـجـل امـره

اقره بدعاء الندبه. وشباچ مسلم حبه
ادعي الامامك بالفرج. مانحمل انتضاره
**
عمار حسن الدراجي.. 8/8/2019

https://tttttt.me/ssgadAl

نزال شجاعي في حق مسلم ابن عقيل ع
------------------------
حي الله مسلم من دخل ميدانه
فوگ الاسطـوح وشـمـر عدوانه
نزل طراگ البيد. ليث بالحومه ايصيد
طـفح غـيـضه وشـمّر بـذرعانه
******
ادخيل ابو ابراهيم اياهم والزلم صارت نسه
اترايـفت اشـرس زلـمهـم زلمه بيـهم يردسه
الكوفه صارت بيد مسلم فرها فرت محبسه
ابن اخو الكرار وحده اجيوش هُمّه امكردسه
عسكر ابعسكرطاح. ويريد فوگاهم صاح
خل يجي ايلاگيني ابن مرجانه
طـفح غيـضـه وشـمر بـذرعانه
*****
ادخيل صولاته وخزرته اوگفته ابين الزلم
چـنه ابو الـحسنيـن عمه يـهزم ومايـنـهـزم
راسم حسين اعله عينه وبالگمر شد العزم
اشما تعب ناده يحيدر والـكـتايـب تـنـهزم

خله بعيونه حسين. والصاع رده بصاعين
برد سيفه وسرفناها اردانه
طفح غيضه وشمر بذرعانه
**
ازلام هاشـم بيها شـاره بالـعـرك ما تنچـهب
اتضيج گاع الله الوسيعه وريح صفره چن تهب
وبن هاشـم نـتـگ عـرگـه دخـن وناره تـشب
ترحـگ اليابس والاخـضـر نار مسـلـم تلتهب

طب عليهم مغتاض. وبدم مناحرهم فاض
الكوفه من دم الكفر غرگانه
طفح غيضه وشمر بذرعانه
*****
ناده شـجعـينـي يـطوعه وذكريني بحيدره
اليوم اريـد الكـوفه تـلـزم اعله نار الله سره
عندي تسوين الف زلمه طوعه ماحسبچ مره
انتي صح حرمه وعيوز ولچن انتي امعتبره

اعيونچ اليوم تشوف الروس اگصنها اصفوف
يحچي وي طوعه وصعد دخانه
طـفـح غـيـضـه وشـمـر بـذرعانه
*****
هالله هالله شلون طبها بلا فرس راجل هجم
هشّم ابسـيفه الجماجم عسكر ابعسـكر ردم
ثعولت عطابه سـوده وطـوعه گالت ماسلم
ولـن طلع مـنها الغـضنفـر من دماهم كله دم

اعليهم الله گواه. والروس صارت جواه
وللحُسـين يسـلـم اباحـزانه
طفح غيضه وشمر بذرعانه
****
عمار حسن الدراجي.. 8/8/2019

https://tttttt.me/ssgadAl

(بحق حميده بنت مسلم ع)

من عله الناگه حميده. والدي ياعمي اريده.
تنادي وتهل الدمع. خبر مسلم منگطع
والدي ياعمي اريده
******
ويـه نسمات الـهوه اليـتمر علـيها
تـشم ريـحت مسلم ويكثر بچيها
ايشوفـها تبچي وابواليـمه يجيها
يمسح ابمدمعها ويقبـلها من اديها

ماريد اشوفنچ حزينه. اصطبري يابنتي الحنينه
ايحاچيها لاچن منفجع. خبر مسلم منگطع
*****
اتگـله ماضـن والدي ايعود ابسلامه
ليش تمسح راسي شو مثل اليتامه
ويـن هـسه ابـياكـتر اصـبح مـنامـه
تدري ابوي ابعيد عن اهله وعـمامه

الكوفه عنّه موقريبه. الوادم البيها غريبه
والغدر عدهم طبع. خبر مسلم منگطع
***
يـم سـكـينه گـعـدت ولـزمت رقـيـه
مـن بـخــتـچـن والـدي يــرجـع اليه
ادعــن وانــخـن يـرد هــاي المـسـيه
وراح اصلي بدمـعتي ونـخه الزچيه

ودعي كون الله يجيبه. ايعود سالم من مغيبه
شنهي حاله ابيا وضع خبر مسلم منگطع
**
يـمـها گـعـدت زيـنب وتمسح دمعها
وابـوفاضـل ضـل يون لمن سـمعـها
طفله وازغيرت عمر والطف فجعها
تكـسر الـخاطـر حمـيده من وضعها

طفله من تبچي هضيمه. وشكبرها لو يتيمه
حته الصخر هم ينصدع خبر مسلم منگطع
***
عمه عندي احساس ماضنتي اشوفه
خاف غـدرو بي يـعمه اهـناك بالكوفه
ابياحال هسه والدي وشنهي ضروفـه
شـلـون لو بـعـد الـصـلاة ربـعـه تعوفه

ويلتفت محد بگاله. بس فقط بيده الرساله
وخالي يصبح الجمع. خبر مسلم منگطع
****
وصـلـت كربله بس ماوصلت اخباره
وبالخيمه حميده تنتضر عود البشاره
ماتدري مسلم من صعد فوگ الإماره
عالگـاع انـرمه وضـل دمّـه ايـتجـاره

وبحبل مشدود ايده. ونذبح مصباح عيده
بچفوف نجسه يندفع. خبر مسلم منگطع
*
تمت والحمد لله
الشاعر عمار الدراجي
اسالكم الدعاء والفاتحه على روح
والدي حسن الحاج رشيد الدراجي
****

https://tttttt.me/ssgadAl

نزال بحق مسلم ابن عقيل ع
ملاحضه النص يقفل برباط

هذا مسلم من نزل. بسيفه مكتوب الاجل
يامسلم دخيلك يامسلم.....
**********
صــاح آنـه الــهــاشـمي الـقَــرَشـيّ الــعلـوي
دمــي حـار وهذا سيـفي بگـه مني ينــچوي
هــلهـلي ياطـوعه ناده اليوم احويهم حـوي
عطش سيفي وهسه رايد من دماهم يرتوي

اليوم يحصدهم حصد خل زلمهم تستعد
ها
تحزم چنه الحمزه وخله الناس اطگ بناس

********
اتبختر وشمّر اذراعه مسلم ابنصـها ارتجز
بعمي ابو الحسنين گلهم الا اطشركم خرز
اظلمّت الكوفه عليهم حين مسلم من برز
طشر اصفوف الـعساچراسد بالحومه ارتكز

بي عزم من حيدره. چنه سبع الگنطره
ها
بنصهم دگ الثايه ومنه الجيش اصبح طشار

****
صارت الكوفه عيايه امغبّره وچنها انمحت
ثاري ابو طاهر لفاها الروس تتگاطف غدت
اتنگب وچنه الصميده وطوعه لجله هلهلت
ذكرتني بعلي صاحت لبـن هاشـم هووسـت

هووست هوسه اله. طوعه حرمه امعدله
ها
وصاحت مسلم هذا يشبه حيدر والعباس

**
چـوراهـا وعـطـشاها ويـبسـت ارياج الزلم
طـوه سـيـفه بالـمـناحر ماتعـب كـلـه عـزم
مچهب وداس ابگفاهم اخو اخيته الينهزم
غرگت الكوفه ابدماهم هاشمي وشد الحزم

سووه بيهم كولبه. والجيوش امسوربه
ها
ادخيلك مسلم صاحت حته الخيل وحته الگاع
**
الوحده مسلم اجاهم سمه عالسيف ونهض
ايطير راسه من رگبته كلمن اكباله اعترض
ابن هاشم عالكلافه جـفنـه مالحضه غـمض
امصلصل وسيد عليهـم والله ذلـتـهم رفـض

سووه بيهم مجزره. چنه سبع الگنطره
ها
الشايل غيرت هاشم ماينذل ورب الكون
*
ابن عـم حسين مسلم والـسفـير المعـتـمد
والنعم يابو حـمـيده شايل ابـچـفه الوعد
بارح ومطرت مناحر سيفه يبـرگ وارتـعد
والدمه اصبح غريجه فوگ كوفتهم صعد

الكوفه بالدم طووفت. نار مسلم كورت
ها
بسيفه الباشط كرهم والدم اصبح طوفان
**
الشاعر عمار الدراجي
اسالكم الدعاء والفاتحه ع روح والدي
حسن الحاج رشيد الدراجي

https://tttttt.me/ssgadAl

🛑رابط قناة الشاعر👇👇
https://tttttt.me/joinchat/AAAAAEEM6pgUfkKxmOJj2g

برز مسلم ليهم
رجفة صارت بيهم
فحل وامبجيهم 00ابو طاهر
مسلم يا غيرة علي ... مسلم يا شارب علي



نزل راووهم درس من كربلة
الجيش من طب كلها صاحت يا هلة
فات مسلم هوة مثل الزلزلة
ضل يطشر والذبح بيدة حلة
كلها دنكت هامة
محد برز كدامة
فات شد احزامة 00ابو طاهر
مسلم يا غيرة علي ... مسلم يا شارب علي



ابو طاهر شال سيفه من هجم
برز ليهم صارت الحومة لحم
وكفو اكباله مثل وكفة غنم
طبك راس ابراس ضل يردم ردم
فات عالملزومة
حرز شد بهدومة
كسر ظهر الحومة 00 ابو طاهر
مسلم يا غيرة علي ... مسلم يا شارب علي



الفحل شد حيله ابحرز من فاطمه
ونزل ليهم شبل حماي الحمة
الكاع تشرب رووس طفحت للسمة
الحومة بيها ام العوافي امن الدمة
ما تنثني احجاياته
ترعد جمر سطراته
الله يحب صولاته 00ابو طاهر
مسلم يا غيرة علي ...مسلم يا شارب علي



مثل حيدر بلحرب واكف صمد
جان ما يهتم ابد شنهو العدد
بيوم طب للكوفه جم زلمة لبد
هاذ ابو الكلفات مسلم والشدد
تشهدله حتى الكوفه
وصولاته هم معروفه
والموت يعني اجفوفة 00 ابو طاهر
مسلم يا غيرة علي ... مسلم يا شارب علي


الكون يرعد لو يهز فقارة
وخلة الالاف الزلم محتااااارة
الكوفه تعرف مسلم واصيارة
الغيرة بيه امن الكمر ولشارة
يشبه احسين اهواية
وامسوي بيها اسواية
لمن نزل بلرراية 00ابو طاهر
مسلم يا غيرة علي .. مسلم يا شارب علي


طوعه شدتله ترة الجفية ........
الموت مرة هوة مو يوميه .......
الجيش صاحو هزز الارضية
خلي نلحك نلبس البوشيه ......
والريشة حطها ابراسه
ويشبه ترة عباسه
والجيش كضه وداسه 00 ابو طاهر
مسلم يا غيرة علي .. مسلم يا شارب علي

مثل حيدر هوة يكرم ضيفه
وابد طار الموت لا ميخيفة
سرة وكفو كلها تعشك سيفة
وحتى ملك المووت يمشي بكيفة
ايلاوي بس اذيابه
والزلم كلها اتهابة
واليوم عنده اطلابه 00 ابو طاهر
مسلم يا غيرة علي .. مسلم يا شارب علي

الشاعر علي العبادي

https://tttttt.me/ssgadAl

مسلم بن عقيل (عليه السلام)

قـصـر وسـيـوف متـحـضـره
وهــذيــﭻ الـﮔــﺎع مـنـتـظـره
عـلـيـهـا اخيـالـي مـا طـايـح
اطـيـح اعـلـيـهـا يـا حـســره

علـى سطـح القصـر واوجـوهـم خـنـﮔﻪ
وبـس الـﮔﺎع بـيـهـا احــروره لـلـمـلــﮔﻪ
اليمـوت أيـريـد غالـي ابموتـته ايشبـﮔﻪ
وأنـه ابـيـن نـاس امـكـيـفــه عـالـفـرﮔﻪ

نِـذبـك مـــن قــصــر عــالـي
أﮔـلـهــــم فـــــدوه لـلـغـــالـي
أنـه امـقـفــل عـلــيـــه بــالـي
اطـيـح اعـلـيــهـا يـا حـســره

طحـت والناس طاحـت كلـها من عيـني
شـسـوي ابنـاس أنـه عيـونـي لحـسـيـني
وافـرحـت الحـبـل مــن ﭽِـتَـف ﭽـفـيـني
ﮔـلـت لحـسـيـن بـلـكـي الـلـه ويـوديـني

ثــاري بـســـوﮔ فـــرونــي
وﮔــﺎع اتـشـﮔــﮔ امـتـونـي
بهاي اللحـظـه هضـمونـي
اطـيـح اعـلـيــهـا يـا حـســره

ادور بالاوجـــوه ولا وجــه صــاحــب
ورفـرف خوفهـم بـس ما يرف شـارب
ولا دمـعـه لحـبـلـهـم نـزلـت اتـحـاسـب
شَعـليـنـه يـبــلـغ الحــاضــر الـغــايــب

وانـــه الحــبـــل مــــو يــمـه
افــكـــر بـــس بـابــو الـيـمـه
ردت تــوصـلـه بــس كـلـمـه
اطـيـح اعـلـيــهـا يـا حـســره

صـلـفـه اعـيـونهـم مـا تعـرف اتـسـمـي
وينـﮔـص دمـي بـس يكــثر عليّ هـمـي
واخاف الضعـن دربه ايصيـر من يمـي
واخـافـن دم حـمـيـده أيـﭽــلــب ابـدمـي

وادري الـــدم يـحــن لـلـــــدم
وتـــره عـطــر الأبــو يـنـشـم
وهــــي الـدنــيــا بــس لـلـهـم
اطـيـح اعـلـيــهـا يـا حـســره

أحَـلّــف الشـافنـي ابخـت اللـه والعـتـره
يـم حـسـيـن طـاري الطـيـحـه ليـذكــره
ويـﮔـله ابخيـر مـات وفــدوه للــزهــره
نسـه دمـه اليـسـيـل ومـا نـسـه العِشـره

شـامــــخ حــبـــك ابـﮔــلــبــه
وكــلــهــا احـتــارت ابـحـبــه
مــات أيــعــاتـــب الـغـــربـه
اطـيـح اعـلـيــهـا يـا حـســره


أحمد البصراوي العبادي

https://tttttt.me/ssgadAl

محرم ١٤٤١
سيدي مسلم بن عقيل (عليه السلام)

مـتـانـيـن أبـوهـم بـالضعــن
وايـامــه عـرفـوهــن ﮔـضـن
بــنـحـورهــم مـن فـرفـحـن
أولاد مــســلـم...أولاد مــسـلـم

ﮔـعـدو بـصـف أبـو اليـمـه ورسـمـو اﮔـبــور
ورشـو اعـلـيـهـــن أمـيَّـه وعـلـﮔــو ابـخــور
ذنــي إلـنــــه وذنــي لـلـــوالــــد المـغــــدور
ومـن سـألـهـم عـالسـبـب أشــرَوَّ لـلانـحــور

بـس هــو يـعــرف بالخـبــر
ولهـسـه طـارش مـا حـضـر
شـمـدريـهــم الغـالـي انـغـدر
أولاد مــسـلـم...أولاد مــسـلـم
ـــــــــــــــــــــــــــ1ـــــــــــــــــــــــــــ

شـمـا يـمـرون اعـلـه شـي عـالـي يـنـوحـون
عــمـي ابـونـه يطـيـح مـن عـالـي يـﮔـولـون
أيـﮔـابـلــونـه شـويــه ولزيـنــب يـركـضـون
عـمـه خـو مـو عـالـي تـل الطـف يسـألــون

خـو مـا تطـيحـيـن انتي هـم
بـيــنــــه ولا بـــيـــﭻ الألـــم
عـرفــو بـابــوهـم مـا سـلَـم
أولاد مــسـلـم...أولاد مــسـلـم
ـــــــــــــــــــــــــ2ـــــــــــــــــــــــــــــ

ويـه كل مغـرب حـﭽـيـهـم هـا يالغــروب
تـيـهـت والــــدنــه وامــتــانــيـنــه انــوب
اتكـيـف ويـانـه شجـاك ابعـصـر الـﮔـلــوب
بـيـت بـيـت انـدور انـريـدلـنـه مـحـبــوب

أيـضـيـفــنَّـه يتـمـنـى الـبــدر
وياهـو النجـيـه يطـلـع شمـر
وبـيـنـه المــلائـــك تـفـتـخـر
أولاد مـسـلـم.. أولاد مـسـلـم
ــــــــــــــــــــــــــ3ــــــــــــــــــــــــــــ

أَي شخـص بالصـدفه يمهـم سـوﮔ لو ﮔـال
يجـاوبـونـه بـي أبـونــه انـجـر بالاحـبــال
يحـسـهـا يـوم العمـره كـله ومتـنه ما مال
فـرﮔـة الـوالـد تِـهَــدّل امـتــون الارجــال

ومـو كـل أبـو مـسـلـم تــره
مـسـلـم فـخـر عـالمـفـخــره
وشـحـالـهــم ﭽــﺎ بـالـجــره
أولاد مـسـلـم.. أولاد مـسـلـم
ــــــــــــــــــــــــــ4ــــــــــــــــــــــــــــ

ﮔـعـدت اتـسـولـف حمـيـده ابيـن الاثنـيـن
لـو أرد بـيـكـم مـن الطــف ﭽـﺎن هم زيـن
المـاي مـا ضـﮔـنـاه ويـاخـذ مـنَّـه ﭽفـيـن
ويـرد يـاخـذكم عفـاه شـﮔـد صلـف عيـن

بـس والـله مـا نخـضـع إلـه
ودم إلا نـتــــرس كــربــلـه
بـالمــوت مـن تـسـتـقــبـلـه
أولاد مــسـلـم...أولاد مــسـلـم
ـــــــــــــــــــــــــــ5ـــــــــــــــــــــــــــ

سـألـو حـسـيــن وسـكــت ســألـو العـبـاس
عـمي بجـنـازة أبـونـه شـﮔـد مـشـت نــاس
ولـزم إيـد حسـيـن حتـى اتـردلــه الأنفـاس
وﮔـالـهــم ﮔـدمـا عسـاكـر تمـــشـي بالـراس

كــل احــنـه لــمَّـن نـنــذبـح
تـشـيـيـعـنـه يـصـيـر برمـح
وظَـلَّو جرح حاضـن جـرح
أولاد مــسـلـم...أولاد مــسـلـم
ـــــــــــــــــــــــــــ6ـــــــــــــــــــــــــــ

أحمد البصراوي العبادي

https://tttttt.me/ssgadAl

محرم ١٤٤١
مسلم بن عقيل
وحميده (عليهما السلام)

يـرجــع مـا يـرجــع خـلـصـتـهـن
نـجـمـــات الـلـيـل الحـسـبـتـهـن
وما تـغـفـه الا بـنـجـمـة يـرجـــع
لــو مــيــه وأكـثـــر عــــادتـهــن

الضعـن يمـشي ودمع يمـشي...ولا مـنـه الرجـع أي شــي
ورسـايـلـهـا إلـه انـكـــتـبــت...على خدود الـدرب
تـضـيــع ومـــن يـدوروهـــا...تصـلـي وتـدعـي يـلـﮔوهــا
ودعـــاهـــا تــردده نـفـســـه...تحفظه من الغــرب
واذا ﮔـﺎلــو قـصــر يـمــهــا...تـروح وتـركــض لعـمـهــا
يعـم كـلمـة قـصــر تعـصـر...احـس لـب الـﮔـلــب
ويـﮔـلـلـهـا الـقـصــر يـغـدر...تـﮔـلــه بـوالـــــدي أشـعــر
وعـلى خـدهـا الدمـع شـابـﭻ...مثل جـيــش بحـرب

ومـن ﮔـــدمـا تـفــرك بايـديـهـا
كـــل شـويـه امـهــا اتـداويــهـا
وتـســـأل أمـهـا وتسـكـت أمهـا
لــو مــيــه وأكـثــر عــادتـهــن
ــــــــــــــــــــــــــــــــ1ـــــــــــــــــــــــــــــــــــــ

تـمـشـي وبالـتــراب اتـشــم...بـلـكـت بـي أثــر مسـلــم
ولا حـصـلـت أثـر يــﮔــدر...يسـكـتـلهـا الدمـع
وتـشـم تـرجــع بـأخـوتـهـا...تـقـــنــع بـلـكــي ريـتـهــا
عطـرهم من عطـر مسـلـم...عـسـاهـا وتقـتـنع
وصـارت بيـهـا عالفـطـره...الحبل لو صـدفه وتنظـره
نـظـرهـا اتـســده بـايديهـا...بكـثـر ما تـنفـجـع
ومـن الغبـشـه واتحـسَّــب...شـلون ابخنـﮔـة المـغــرب
وتبـدي من العصر تجمع...هـوه المـا ينجـمـع

يـا هـوه ليـش ويـاهــا اتـعــانــد
لا تـخـنـﮔـهـا اكـثـــر عالـوالـــد
الانـفـاس تـجـرهـا وما تِحْصَـل
لــو مــيــه وأكـثــر عــادتـهــن
ـــــــــــــــــــــــــــــــــ2ــــــــــــــــــــــــــــــــــــ

حـسـيــن ابـيـنـهــا وبــيـنــه...حـﭽـﻲ مـن عيـنـهـا وعـيـنـه
وكـلـشـي أيـﮔـلهـا تـفـتهـمـه...رغـم مـاكـو حـﭽـﻲ
طويـلـه الـﮔـعــده لو ﮔـعــدو...ومـــســـلــم بـيـنـهــــــم ودوَّ
وحميـده شما بـﭽـت عـمـهـا...يـشـاركـهـا البـﭽــﻲ
وتـﮔضي الـﮔـعـده واتودعه...لـﭽــــن مـتـبــلـلــه بـدمــعــه
وتـحـاول تـنـهــض وتوﮔـع...وعـلـيَّ ﮔـلها انتـﭽـﻲ
ابـمـتــن المـثــلـــــك اتـﭽَّـه...زحـــمــه اتـﮔــلــه يـتــشـﭽـه
الفــارﮔ مـســلــم أيـﮔـلــهـــا...إلـه الحــﮔ يـشـتـﭽـﻲ

واتـهــوَّد بـدمــــوع النـــاظــــر
مـو هـســه أيـرد بـلـكـت باﭽــر
هـالكـلــمــات الـمــــا مـلـتـهــن
لــو مــيــه وأكـثــر عــادتـهــن
ــــــــــــــــــــــــــــــــ3ـــــــــــــــــــــــــــــــــــــ

تـجـي العـبــاس عـنـــايــه...تبـﭽـﻲ وتـعـﮔــد الـرايــه
وتـﮔـله اعـﮔـد بعـد روحي...يكـونـك بس تـرد
ومـو بـس رايه ابو فاضل...اثنـيـن بـﭽـفـه ظـل شايـل
وحـده لعـسـكـــره اوحــده...لاجـل بس تنـعـﮔـد
ويـاهــو تـصــدلـه بعيـونه...تـشـوف الدمـعه مدفـونـه
ومـن اتـنـشــده دمـعــــاتـه...يطـلـعـهـــا النِـشــد
وثـوبـه اتـروح اله بسكـتـه... تـﮔله احـﭽيلي عاد انتـه
خلـصـت الاعـداد احـسـاب...بعد ﭽﺎ شنهي أعد

واحـسب كلشي ايصير اﮔـبالـي
بـس شـويـه ارد اشـغــل بـالـي
وما ﮔِـدرت تنسـه شما حسبـت
لــو مــيــه وأكـثــر عــادتـهــن
ــــــــــــــــــــــــــــــــ4ـــــــــــــــــــــــــــــــــــــ

تـنـام وتِـفِـز مـفـجـوعـــه...كـثـر مـا تحلـم ابطـوعــه
تـﮔـلـلـهــا الأجــــر لـلـــه...تـره انـبـــاﮔ الأمـل
ومـدَت إيـــدهــا لـخــدهـا...لـﮔـت دم الـدمـع عــدهــا
طـــارش ذبـح مـدمـعــهـا...لمْـن مـن دم هـمـل
تـﮔـعـد تـركـض احتـارت...مثـل طير انذبـح صـارت
واتـرفـرف لطـم واصياح...ألـه كـلــشـي جـفـل
وتـدور درب لـلـكـــوفـــه...بلـكــت عـايــش اتشـوفــه
والمـن القـصـــر طــايـح...اشيـبعـده من الأجـل

وبـعـد الطـيـحـه احبـال اتـجـره
شلون ايظل ﭽـﺎ شي من عمـره
شـمـا تـصـرخ مـا يـرجـع إلهـا
لــو مــيــه وأكـثــر عــادتـهــن
ـــــــــــــــــــــــــــــــــ5ــــــــــــــــــــــــــــــــــــ

أحمد البصراوي العبادي

https://tttttt.me/ssgadAl

قصيده بحق مسلم (ع)


سفـيـــر وراح لـلـكـــوفـه مـسلـم گـاصد بـهـمـه
راح الـبـيـعـه يـاخـذهـه مـن عـدهـم لـبـن عـمـه

سفـيـر وراح گـاصــدهـا لـلـكــوفــه وتـعـــنــاهـا
شاف جـمـوع فـوگ جموع يشرح صدر ملگاهـا
شاف الكـوفـه كـلها ويـاه تـريـد حسين مسعـاهـا
حسبها الوادم اتطيعه
ومالمتهم اوسيعه
اجه ياخذها للبيعه
گـال اخــذ عـهـد مـنـكـم وانـتـم صـفـوف مـلـتـمه

مسلـم گال انـطـوني مـن عـدكم عـهـد لحسـيـن
جـيـت الـبـيـعـه اخـذهـه بـرگبـتـكم امان وديــن
ودانــي ابــو الاحـرار الكم والـــدمع بالعــيـــن
خايف چان من عدهم
صلاته وهو واعدهم
يسأل گام واحدهم
بـايـعـــتــوا ابـن عـمي لـو لـلـظـالــم وظــلــمــه

ظل مسلـم يـديــر العـيـن وهـاي الـناس محـتاره
خـافـت والعـهـد ما صار شـوف الــدنــيـه دواره
متسلــطــه عـلـيـها اسيـوف من الخـوف بــتـاره
مسلم من وگف محتار
عرفها الوادم وتندار
الذمه انباعت بدينار
لا ذمه وضمـيـر وخـوف ما عـدهــم ولا رحـمـه




مسلم حار بـامـره شلـون الظـالـم جــار وتـعــده
وهـاي الناس كلها تخاف وبالكـوفـه بـقـه وحـده
يفكـر گام بـمـر حسين ولـرض الـوطــن شيــرده
حسين وينتظر يسمع
يناطر يبقه لو يطلع
مهمه وعنها مايرجع
وهــو مـكـلــف بـواجـب بـــرگـبـة مسلـم وذمــه

واندارت الكـوفه اعليه وصار الما خـطر عـالبال
بالكـوفه صفـه مطلـوب مسلـم وانگـلـب هـالحال
ظل وحـده بـلا انـصار وبـعـيـنـه الـدمع من سال
شال السيف بچفوفه
يقاتل كلها واتشوفه
عرفها غدرت الكوفه
سلـم عـلى حسين وصاح واتـوجـه لـبـو الـيـمه

الكـوفـه حـاربـت مسلـم وكلها بحـقــد مجـمـوعه
ومسلـم ما يـطـخ الـراس رغـم الالـم والـلـوعــه
وشــوف شلـون سخـرله ربـك لـلـوفـه طــوعــه
حتى مسلم ايمرها
طوعه بدمعه ينظرها
ربك هو سخرها
مسلـم حـتـى يگـصدهــه بـهـذا الـيـوم ويسـلـمه

صارت حـوطـه والـعـدوان كلها اتـجـمعـت دونـه
قـاتــلــهـم قـــتـال ابــطـال و الـمسلم يـعــرفــونه
غــيــره والشجــاعـه الـبي ما گـدروا يـصـدونـه
يقاتل والدمع سچاب
الخيانه صعبه بس ماهاب
ذكرهم بداحي الباب
ثـابـت عــزمـه بـالايـمـان مسلـم ثـابـت بـعــزمـه

الشاعر السيد رياض الرسل الجابري

https://tttttt.me/ssgadAl

قصيده بحق مسلم (ع)

من كصد للكوفه وبسفره بعيده
مسلم ابدمعه اجه يودع حميده
بـكلب مجروح
شبـكته تنوح
مسلم ابدمعه اجه يودع حميده
--------------------------------------
صعـبـه بالـتــوديع ياناس المواقـــف
الدمعه تـﭽـي تـﮔوم وتموت السوالف
ومسلم ايعاين حميده وﮔـلـبـه نــازف
شلون يقنعـهـا بسفـرته شلون خايف

من حضنها ايكـفـكـف دموع المصيبه
اتـكـلـه من تـروح راح ابـقـه غـريبـه
بويه لتروح
شبكته تنوح
مسلم ابدمعه اجه يودع حميده
-------------------------------
الله يـنـسـاني اذا يــابــويــه انســــاك
اعـليـك متعـوده وصعب يانار فرﮔـاك
بـويـه اسمعــني اريدن نخـوه انخـاك
تحـﭽـي وي حسين عمي واجي وياك

راح اجي ويــاك بس لتكـلـي رجـعي
خـاطـرك ينكسر من تشوف دمـعـي
بأمل مذبوح
شبكته تنوح
مسلم ابدمعه اجه يودع حميده
------------------------



اهـنا شبـﮔـها مسلم ودمعـتـه بالعـيـن
السفره يابويه بعـيـده وماتـﮔــدريــن
راح اوصيج واحـفضي اوصيتي زين
بيه لتـفـكـرين فـكـري بـعـمـج حسين

لازم ارحل ياحميده امشي وحــدي
حسين عمج راح ابوج يصير بعــدي
ابدمع مسفوح
شبـكته تنوح
مسلم ابدمعه اجه يودع حميده
---------------------------
ﮔلبي لاﭽـمـني يبـويـه بسفـرتـك هـــاي
وانته عندي الروح عندي وامل دنيــاي
ارد اعـيـش ويــاك ابـقـه وانـتـه ويـاي
شلون بويه اتعيش شجره اتفارﮔ الماي

وانـه كلبي أيكلي هـالسـفره طـويـلـه
العيشه بـويه تصير بعـدك مستحيله
بجفن مقروح
شبكته تنوح
مسلم ابدمعه اجه يودع حميده
----------------------------











ياحميده البشر مــو بـيـده اخـتـيـاره
حسيـن قـرر وامتـثـل اني الـقــراره
الباري راد يشوفـني وهـذا اختيـاره
وجثتي يـرمـوهـا من قصر الامـاره

اهنا حميده شبكـته وشمته بصدره
اتكله فدوه اتروح خل تسمع الزهره
كلشي مسموح
شبـكته تنوح
مسلم ابدمعه اجه يودع حميده





الشاعر السيد رياض الرسل الجابري

https://tttttt.me/ssgadAl

قصيده بحق مسلم (ع)

مسلم تعـنـاهـا و اتـحـده المنيه
والكوفه خـلاهـا جنها الغاضريه
يمسلم يمسلم


بسيف الامل لمن وصل الرايـــــه بيده
جاي بأمـــر ماينتظــــر والحگ يريده
بيهم خطب بس بعجب چنه الصميـده
يهل الغــدر هذا العمــر لا ما اريـــــده
والزلم ناداهــا مابيكم حـمـيــه
والكوفه خلاها چنها الغاضريه
يمسلم يمسلم

يزرع رعب لمن يطـــب سيفــه بيمينه
لا ماخطـــه والباشطــه تخزرها عينه
لمن يهــــد مسلم اسد حامي عـرينه
والشافــتـه كل شمرته شمرة عـلـينه
بس هوه سواها ذل كل آل اميه
والكوفه خلاهـا چنها الغاضريه
يمسلم يمسلم

ضحه النفـس والنـه درس مسلم نطانـه
لمن هـتــــف يـاللاســــف لهل الخيانـه
شوف الفرق اهل العشـق بأرفع مكانـه
واهل البـدع واهل الطمع خانو الامانه
ومسلم لجل طه ضحه وللزچيه
والكوفه خلاهـا چنها الغاضريه
يمسلم يمسلم






بحبل الشرك كلمـن هـلـك چـان اختياره
ومسلم رسم بالــدم قـمـم صوت الغياره
بالـــدم كتب بس بغضب اقــدس عباره
مايسـتـمـــر رح يـنــدثــر قصر الاماره
والدنيه لا واها والاشرف قضيه
والكوفه خلاهـا چنها الغاضريـه
يمسلم يمسلم

شاف الامــــر واهـل الغــدر ودموعه بالعـين
حس بالقــــدر يـدري الاثـر يتـرك نيـاشـيـن
بگلبه السمح گـبـل الـذبح صلـه ركعـتـيـن
وي الــدعــه حس يسمعه سلم على حسين
كل هذا معـنـاها اديت الوصيـــه
والكوفه خلاهـا چنها الغاضريه
يمسلم يمسلم





الشاعر السيد رياض الرسل الجابري

https://tttttt.me/ssgadAl

قصيده بحق مسلم بن عقيل (ع)
حوار بين مسلم وابنته حميده




المسلم اجته بليل من باست ايده
اتكـله اخذني وياك تبجي حميده
ناحت
صاحت
تتركني عدمن بويه حاجيني



حميده

باچر سفر وتـــروح ابقه بحسرتي
طفله وزغيره شلون مـارحم وكتي
باچر اذا ظليت وحــــــدي بصفنتي
من ابچي ريت وياي تمسح دمعتي
ناحت
صاحت
تتركني عدمن بويه حاچيني


مسلم

يابويه لتهيجين هالگلب نــــاره
والبشر موبيديه هذا اختــيـــاره
وداني اني حسين ارفع شعــاره
وبالكوفه اني هناك افتح سفاره
ناحت
صاحت
تتركني عدمن بويه حاچيني


حميده

ما اصبر ابلياك والگلب بي نــــــار
محتاره واشعر بيك هم مثلي محتار
تفتح سفاره هناك بس بيها لكــبــار
بهاي السفاره شلون ماعدكم ازغار
ناحت
صاحت
تتركني عدمن بويه حاچيني

مسلم

نشفي دموع العين يابويه حـيــره
يم زينب اتظلين عمتچ امــيـــــره
شلتچ بنص الروح بس لو چبيره
عالسفر متگدرين بعدچ زغــيـره
ناحت
صاحت
تتركني عدمن بويه حاچيني

حميده

لو مارجعت شلون ابقه وحيـده
بس السفر وياك هذا الاريـــــده
گلبي يحس اتموت هاي الاكيده
وبعدك يتيمه تصير بنتك حميده
ناحت
صاحت
تتركني عدمن بويه حاچيني

مسلم

جاوب حميده شلون والدمعه بالعـين
كلنه بطريق الموت يابويه ماشـيــــن
باچر رموز انصير احنه ونياشيــــــن
وفدوه احنه كلنه انروح يابويه لحسين
ناحت
صاحت
تتركني عدمن بويه حاچيني



الشاعر السيد رياض الرسل الجابري

https://tttttt.me/ssgadAl

والنعم من صولتـه
بيـده مسلم رايتــه
غيرة الكرار شايل والنعم من غيرته

-----------------------------

صال مسلم عالكتايب وانهزم ذاك الجمع
غيرة العباس شايل چان لابسها درع
عيد عنده الحرب مسلم ضرب سيفه ينسمع
ما يچل وفتر عزمه طبع بيه هذا الطبع
چنه سبع الگـنـطــره
وناس صاحت حيدره
بصولته تعب الدنيه ولا ابد ماتعبته

-------------------------------

هذا طبع البيه حميه يحمل السيف ويهد
ومسلم بسيف الحقيقه كتب عنوان المجد
من يهد غيرته براسه چن علي لمن يهد
من يطب سوح الحرايب كلها توكف تستعد
مسلم بعـيـنه الـزعـل
صاح حي اعله العمل
كلها تشرد من خزرته لان تكتل خزرته
---------------------------

صال صولة شرف مسلم وانتخه براعي العلم
حصد ذاك الجمع سيفه والشرد منهم سلم
عرف مسلم بالمكيده بيها حس بيها وعلم
سوه خطة موت بيده سيفه حددها و رسم
بخطة الموت اوگف
وابــد گلبه مارجـف
مثل حيدر كلها تعرف مايثني بضربته

------------------------------

طوعه صوت الحق تحشمه والها صاح اتدللي
اليوم الچ افنيها كلها بسيفي وانت هلهلي
انت تدريني يطوعه من تحشميني الي
بسيفي من اضرب انادي وانتخي بحيدر علي
اقـســم انـه بفـاطـمه
زودي من حامي الحمه
هله بمسلم يوم صال وهله بطوعه الحشمته

---------------------------



الشاعر السيد رياض الرسل الجابري

https://tttttt.me/ssgadAl

قصيده الى مسلم
----------------------
بالكوفه لمن صال -- بالكوفه
راواهم الاهــوال -- بالكوفه
مسلم كرر -- حملة حيدر
بالكوفه
----------------------------
وگـف بالكـوفـه مسلم بـيـــده ذولفقار
غضب يمطر غضب وعيونه تجدح نار
بالكوفه حمل حملت علي الكــرار
وخلاها الزلم فوگ الزلم طـشــار
شافو غضب سجـيــل – بعيونه
وشاهد اصحاب الفيل – بعيونه
أيرجع قرر -- حملة حيدر
بالكوفه
--------------------------
غيرة حيدره شايلها من كــبــر
وصال بصولته والعسكر اتطشر
ماخذ شمرة العـبـاس والاكــبــر
حگها الناس من ضنت برز حيدر
بالحمله من شافوه – بالغيره
نفسه علي عرفوه – بالغيره
وانته اتصور -- حملة حيدر
بالكوفه
----------------------

من هد هدت الكرار داحي الباب
لمن بـرز مسـلـم حـيـر الالـبـاب
رد الخندق وصفـيـن والاحـزاب
بالكوفـه ويمثـل دوحة الاطـياب
جسد علي بمعناه – وبروحه
وبگلبه نـــار الآه – وبروحه
ردها وكبر -- حملة حيدر
بالكوفه
------------------------------
ماهـمته الگـوم الكلها مجموعــه
عليه رغم العدد والنار واللوعــه
خله الآه وسط الكوفه مسموعــه
لأن الي تحشمه وتنتخيه طوعــه
لمن سمعها بصوت -- وتحشمه
بعيونه شافت موت -- وتحشمه
ماتتغـيـر -- حملة حيدر
بالكوفه
----------------------------
لــو ماينـغــدر محــد يـصل حــده
رغـم كثره العـدد ويقاتـل الوحده
كل ذاك العـــدد والكـثــره مـارده
لاچن طاح من صارت عليه شده
وتخـلــد بكل روح -- عنوانه
مسلم رغم مذبوح -- عنوانه
بالدم تكبر -- حملة حيدر
بالكوفه



الشاعر السيد رياض الرسل الجابري

https://tttttt.me/ssgadAl

اجه الباب الطـهــر من التعب يرتـاح
و طـوعه شمت عطر بمسـلـم وفـــواح
ريحت علي رحيت علي


بعد ماهده التعــب وبــروحـه لــوعــه
مسلم ايفـكـر صعـب كلش رجــوعـــه
اجه ودگ باب الطهـر بس بـدمـوعـه
اتفاجئت من شافته اعله الباب طوعه
الصوره صورة علي والـوجـه مـن لاح
و طوعه شمت عطر بمسـلـم وفـــواح
ريحت علي رحيت علي


طـوعــه تسال روحها مدري شجـاهـا
اتگول معـقــوله عـلي مر واعـتـناهـا
بكلشي يشبه عـمـه مسلم من اجـاهــا
حتى نفس الصوت لمن حچه ويــاهــا
يـمـه شـمـت ورد بـس ورد قـداح
و طوعه شمت عطر بمسـلـم وفـــواح
ريحت علي رحيت علي



حچه ويـاهـا مسلم ومـن حچه بهـــداي
دنگ وگـلـهــــا غـريـب ورايــد الـمـاي
اتگول طوعه چن علي من حچه وياي
مسلم بنوره شـفـت كـل نــور دنـيـــاي
للاسف بـس شفـت منكـسـر لجـنــاح
و طوعه شمت عطر بمسـلـم وفـــواح
ريحت علي رحيت علي


صفنت بحـيـره وتشاهـد نور وجهـه
نــور حيدر شافـت ونــوره شغـلـهـه
شال راسه ومستحي حـار اشيگـلهه
بنفسه عـرفـهـا ويسولـف گـام الهـه
جيت اسعي بـأمر من اجـل لصـلاح
و طوعه شمت عطر بمسـلـم وفـــواح
ريحت علي رحيت علي



اتگـلـه بيك اتشرف اتـدوس بثنيتي
حتى بـاچـر بـالحشر يـرتـفع صيتي
مسلم اتشرفـنـي من تـدخـل ابـيـتي
ورايده من الزهره تختملي هـويتي
وبالحشر ما احـيـر اطمـئـن و ارتـاح
و طوعه شمت عطر بمسـلـم وفـــواح
ريحت علي رحيت علي






الشاعر السيد رياض الرسل الجابري

https://tttttt.me/ssgadAl

كعديه عن مسلم بن عقيل سلام الله عليه

باخلاص وعبوديه صنع ثوره حسينيه
مسلم مبدء ودين ماخذ من الحسين
بهلغيره الولائيه صنع ثوره حسينيه


مسلم المعروف أصله وهلطبايع هاشميه
انفاسه من عطر النبوه الرشف منها المنهجيه
الماخذ من حسين علمه والمبادئ حيدريه
للكوفه قاصدها ابعجل
يطوي الارض طي السجل
لوقصر ايكون ابخجل من كلفه بهاي القضيه
هاي الثقه الجانيها للموت يفخر بيها
حلف لوعنده الف روح لبو اليمه فده تروح
سفير وعاقد النيه صنع ثوره حسينيه


عن درايه وعلم سابق حسين مدروس اختياره
دز فقيه الكله تقوى يقود كلشي بكل جداره
عالم بتكليفه عارف لسانه متخونه العباره
حامل تعاليم وقيم
بسم الله من راح اعتصم
بعزمه الصعب فض وانحسم المسلم تلوك السفاره
بهذا الحال مايقبل الوادم للاسف تنذل
يكلهم دنيا مدوم ماتنصف بشر يوم
بهلخطبه المثاليه صنع ثوره حسينيه


من وصل للكوفه مسلم جمع الكوفه بأهلها
حمل من حسين امانه وكل نواياه وشكلها
من بعد كثر الرسايل تنادي باسم حسين كلها
ابكل سجالات وطرح
كلشي تبين واتضح
بمنطق الحكمه صدح واضع الكلمه بمحلها
يريد الناس ماتندم وذله وجور تتعلم
يكلهم لاتندمون بوضع مؤسف تصيرون
يدرون بمساعيه صنع ثوره حسينيه


جمع الالاف مسلم واطمئن يكتب رساله
يخبر حسين بجمعهم والامر حتما صفاله
بعد ماصله بخشوعه يشكر الباري تعالى
لاجنهم اصحاب الطمع
واهل الظلاله والخدع
دين الله خايف ينصدع وترجع ايام الظلاله
من دار الوجه الهم ولاواحد بقه منهم
انقلابات وغدر ليش بيها الوادم تعيش
رغم زمره انتقاميه صنع ثوره حسينيه


روس للشر ماحصدها بالغدر فرصه رفضها
موسجيه وطبع عنده ولاعليه واحد فرضها
غدروا بمسلم وضاكت هلسمه عليه وارضها
من فوك جدران القصر
نفذوا افعال الغدر
احقاد من سابع ظهر الحيدر اترجم بغضها
يريد وبالجفن دمعه يشوف حسين ويودعه
اهل شوفتهم يريد مسلم من بقه اوحيد
بجثه اصبحت مرميه صنع ثوره حسينيه


الشاعر حسن لعيبي الحريشاوي

https://tttttt.me/ssgadAl

مسلم بن عقيل

هيبة عقيل وحيدره خله العده متكدره
بالساحه مسلم من نزل
مايوكف ابوجهه بطل خله العده متكدره

**********
هيمه ابحلك هيمه كطع شماطال دربه واتسع
ماخانته اجدامه ورجع ولاكلمه للّايم سمع
ابراي بن عمه التزم للكوفه متعني ابحزم
من حسين اصله ومصدره
خله العده متكدره
****
كلشي ابكلامه متضح بيّن تفاصيل وشرح
ولمن نفع بيهم نصح الاف اجت حد الصبح
نكلبت موازين الفعل بلاوجه حق ولاعدل
وكل الجره ماغيّره
خله العده متكدره
********
جم فرصه اجته على العده بالغدر تنحل لوبده
لاشيمته ولامقصده ولااصله اعمال الرده
من حيدر اطباع وفكر موشيمته طعن الظهر
من طبع عتره طاهره
خله العده متكدره
****
لحسين بدموع اعتذر مامهلته جفوف القدر
ماخاف من جور الدهر على حسين خاف من الغدر
خايف يمر ابكربله اوياه يجيب العايله
لوماعليه كل الجره
خله العده متكدره
********
عاف العشيره والاهل واطفال مدمعها يهل
وفه لابن خير العمل ماخوذ بسيوف الغفل
دين النبي رغم المحن خالد يظل طول الزمن
قدم رساله ابمنحره
خله العده متكدره

الشاعر حسن لعيبي الحريشاوي

https://tttttt.me/ssgadAl

◼️ برنامج محرم 1441هـ / 2019م ◼️
#محرم_1441هـ #2019م
🔺 نعي اليوم الخامس 🔺