نعي الى حميده بت مسلم (( ع ))

ناداها الحميده حسين رايـدهـا
بعد ماعرف مسلم راح والدهـا

محـتاره تحس والدمعـه بالعـيـنـيـن
حميده من اجتي وشاهـدت لحسيـن
تنشده شصار خـبـرني ابـويـه ويـن
طـفـلـه وعالهـظم كل حيل ماعـدهـا

حميده جـتي يمه بحـضـنـه خـلاهــا
حـضنها وشمهـا گام ويحچي وياها
مدري بروحه ينعـه مـدري ينعـاهـا
يگلها آنه ابـوچ وشمهـا من خدهـا

صاحت يعـني مسلم راح ماشـوفــه
ابـويه وبي يعـمي غـدرت الكـوفــه
شبيدي اعله الابو والروح ملهوفـه
وسهـامـه الـوكت بـالـروح سددهـا

زغيره شلون اصير اعله الهظم جلده
والمـثـلـي دمـعــتــه تحـفــر بخــده
ذبلت من حـزنهـا وطاحـت الـورده
لأن صار التـريـده بالعـكس ضدهـا

يگلها حسين احنه بهل سفـر خطار
العوض بالله يگلها بالجره والصار
بعـد ماشفـتـي انتي لا سـبـي لا نـار
مكـتـوبـه المصيبه والله حــددهـــا


العـوض بالله يعـمـي وبيـك آنه ادري
ولهــذا امـتـحــانـي سـلـمــت أمـــري
ابويه فـدوه الك وافـديـك أنـه بعـمري
وتدري انته بحميده غـيـرك شعــدهـا






الشاعر السيد رياض الرسل الجابري

https://tttttt.me/ssgadAl

ابوذيتين مع قصيده بحق مسلم (ع)

النفس تبقه النفس بالشر – اماره
ومسلم راح مــارايــــــــد – اماره
شعجب يرموه من گصـــر الاماره
وينكثون العهد لبن الزچيه

دليلك بس على الطيبات – طـوعه
ومسلم چان كل الحــرب – طوعه
تعب هده التعب يم بيت – طوعه
وتلگه بصدره طعنات المنيه

القصيده

للكوفه گاصد والبيعه رايد مسلم بهمه
لجل العداله يحمل رساله من ابن عمه

على چفوف المنايه اتعنه لمن سار
رغم يعرف مهمته اشبيها من اخطار
گصد للكوفـه وتشب بدليله النـار
امتثال لأمر ابو اليمه اشطلب اختار
مسلم زمانه اده الأمانه وانحفظ اسمه
حامل وصيه لاشرف قضيه من ابن عـمـه

مشه بدرب الخطر لجل العدل گاصد
وعليه رب العرش لمن رحل شاهد
وصل للكوفه چن جيش برجل واحد
بعزم ثابت شجاعه ومرجله وصامد
بالكوفه صرح بالراده وضح يدري بي ذمه
مابي تـفـاخر هالامـر صادر من ابن عمه

خطب بالكـوفـه كلها ومن حچه وياهـا
طرح مغزى الكتب والحجه الـقاها
أشتظن تنفع خطبته وفحوى مغزاها
على الناس التعيش بخوف دنياها
لمن نـهاهـا مدري شجاها گامـت تذمه
وبعزمه رايح يحمل نصايح من ابن عمه

عرف مسلم تأكد وضحت الصوره
لأن دستورهـم مو مـثل دسـتوره
الخديعه والمكر ما لامسن نوره
لأن نوره محـمـد صار أسـطوره
مسلم تخـلد والباري يشهد مافتر عزمه
قـاد بجـداره أكبر سفاره
من ابن عـمه

بقه يعيش بضمير الدنيا والأزمان
على عناد الطـغاة العاشت بخذلان
رسم لوحة مجد خلدها بالوجدان
وعلى أسنين المضت بالكوفه ظل عنوان
والگبه شاهد من تمشي گاصد متـعـني يمه
توصله هـايم تلگه العـلايـم من ابن عمه

ثواب هذه القصيده لتعجيل فرج مولاي صاحب الزمان (عج)

الشاعر السيد رياض الرسل الجابري

https://tttttt.me/ssgadAl

نعــي ... في رثاء مسلم بن عقيل عليه السلام


محاورة بين طَوعة ومسلم عليه الصلاة

زلم وخيول اجت ليك بحقدها
يمسلـم وانه عرفـك زين گـدها
دگـوم بسيفــك العــدوان ردها
لتـهـمّــك عســاكـرها وعــددها
انـت الضيـغــم الوحـدك تردها

يطوعه الطيبة عد عينچ يگلها
لحـزّ رگـــاب عـــدوانـي وذلـها
وراويــچ الـهــواشـــم يافعـلـها
وذكّــرها بفعـل حيــدر فحــلها
لـزلــزل ارض كـوفـــان بأهلــها

يمســلـم والنّـعـِم منّـك تگـلّه
تهـزّ الگـاع سيفـك مـن تسلّه
مثل عمك علي خصمك تذلّه
تـوكّـل وستعـن ياحيــد بالله



قدر مسلم لرض كوفان. بعداه
سوّه فنـون لمـن صـال. بعداه
وطوعه تصيح آه عليه. بعداه
غريب وحاطته جيوش آل اميّــه



مثل مسلم غريب يكون ينجر
لچـنّ الصــار لبـن زيـــاد. ينجر
يقتلـه وبالحبـل ياحيـف ينجر
مسـلم وي ابن عـروه سـويـه

سيد زيد الفحام
_________________________

https://tttttt.me/ssgadAl

هوسات لسيدي ومولاي مسلم أبن عقيل ..ع..
*-*-*-*-*************************-*-*-*-*-*-
زمجرة طوعه وصعد بيهه الرجيف---
ومن عزمهه كزبر احساس المضيف•••
وين مسلم والزلم وصلتنه هاي---
شجر صاح اركابهم وانه الخريف•••
راح ألاگيهم وحگ كل شيبه بيچ---
أبهذا سيفي وأله أبدي الموشريف•••
ها...شيميني وشوفي التردينه
•••••••••••••••••••••••••••••••••••••••
طوعه صاحت بس علي وطاحت رگاب---
أبسيف مسلم وانتفض حتى النگاب•••
صاح شيميني أبعلي وانه أبن ابوي---
مثل عمي أمعلم أنه أقلعلي باب•••
أله أفرح گلبه وبكل طبره كون---
راح اخلي الروس يحضنهه التراب•••
ها..
والحومه اتسولف بس بينه
•••••••••••••••••••••••••••••••••••••••
هلهلت طوعه وخفگ جنح الحرب---
والعساكر تيهت حتى الدرب•••
هوه وحده وسومرت ذيچ السيوف---
هيه والشالتهه كاتلهه الرعب•••
گام يشمر بالزلم سواهه ماي---
مسلم وعمه علي أيكضه الصعب•••
ها...وينومس دين ابتاريخه
•••••••••••••••••••••••••••••••••••••••
طوعه صاحت والحچي بيهه استدار---
صوب حيدر والدمع ناده الفقار•••
اليوم مسلم سوه حتى المايصير---
وعلي رد يومك علي ابوضح النهار•••
الگاع شهكت من جثثهم واليطيح---
الكوفه رفعت راسهه ومسلم شعار•••
ها…هز عرش الكوفه بصولاته
•••••••••••••••••••••••••••••••••••••••
خادم أهل البيت.. ع..
أبوحسين السرگودي…
•••••••••••••••••••••••••••••••••••••••

https://tttttt.me/ssgadAl

نعي الليلة الخامس من محرم


انه مسلم وناذرلك خدمتي
اخذ ولدي الاثنين وبعد بنتي
نطيتك چلمة وانه عد چلمتي
انه مربي ولد موش لكبرتي
انه الناذرلك اطفالي ورگبتي
يبن عمي الك فدوه مهـجتي
فوگ القصر من نزلت دمعتي
عليك بچيت ما باچي لوحدتي
درت وجهي وإلك زادت محنتي
منســيتك لحـــد ساعة چتلتي

ــــــــــــــــ


انه الوضحت الك موقف ـ وبنتاه
وإلي وياك بس طفله ـ وابن تاه
مسلم فدوه الك روحه ـ وبنته
فدوه تروح لبنيتك رقيه
ـــــــــــــــ


مهدي عبد الحسين التقي

https://tttttt.me/ssgadAl

( نعي حميده بنت مسلم ابن عقيل عليهما السلام )
----------------------------------------

يلماشي لديار البعيده
حنيتلك والنوح اعيده
مسلم تعال الحگ حميده

يا ناس والد يشبه الماي
شو غاب مني وبعده ما جاي
يرويني حظنه وردته وياي
طالت المده اتأخر هواي

ياهو اليجيب اخبار منه
للكوفه راح البيه محنه
گلوله يمتى يعاود النه
اغفى اعله دمعه اصحى اعله ونه

شديت گلبي بضلعي مافاد
نشفت دمعي وبالعكس زاد
صبرت روحي بچلمة الراد
مشتعله كلي وصايره رماد

زينب بعد شتصبريني
لاچمني گلبي وتدري عيني
يم المصايب ساعديني
شو چنه ما يبطل ونيني

گليلي ابوي الراح ها راح ؟
بعده اعله طوله الولي لو طاح ؟
جسمه انترس طعنات وجراح ؟

حاچيني اهل الكوفه غدروه ؟
جيبولي ابوي اليوم جيبوه

يا بويه طفله وگلبي مكسور
بس فرگتك علكلشي مگدور
دنيا وعلينه ابضيمهه اتدور

بس ردت اشوفك هايه راده
يلرايح لدرب الشهاده

صعبه البنيه بدون ابوهه
تكسر الخاطر باوعوهه
محنيه والدمعات اجوهه

يلوحدك ما بين الف جيش
چن العمر ميطول ما اعيش
من عندي أثكل صاير الريش
صاحو لبنتك يا يتيمه

ها يلعدل وبروحي متموت
كاسر بموتك گلب البيوت
تمنيت هسه انگلب تابوت
واحظن ابوي الكله شيمه

كلمات خادم الحسين / رعد الفريجي
1440للهجره / 2018 ميلادي

https://tttttt.me/ssgadAl

نعي حميده عن فراق الوالد مسلم ابن عقيل
…… ..
عله خدي الدمع حافر نياشين
واثار الهجر شمسوي بيه
طفله ومن اصد لناس بالعين
اتذكر ابوي بكل مسيه
اطحنهن طحن كل لحظه جفين
وافرك بالمرار ثنين اديه
مسلم؟ بويه احلفك انه بحسين
كافي من الهجر بس رد عليه
......
كضاهه الزمن بيه عات ماعات
ونه المعتوت كلبي وكلت ماعات
اخبرك روحي من فركاك ماعات
عجيبه شلون ضلت روح بيه
........
نعي
....
حنيت صار المسه وصدكني حنيت
بويه تمنيت هسه ترد كونك تمنيت
ماجيت ليش انته باقي الهسه ماجيت
ياسلوة البيت يمته ترد ياسلوة البيت
...........
حميده والدمع غركلي العيون
يمته تعود وتشاهد حميده
مدري شبيه كلبي الليله حزنان
واحس مشتاكه الك وانه بعيده
لاماي الاشربه وبيه ارتاح
اريدن شوفتك بس هذا اريده
من ترجع ترد الروح للروح
كلبي بشوفتك بس هذا عيده
اعاين عالطفال بحظن الاباء
واحس بلاابو وانه وحيده
........
عليك الروح طكت حيل هافاة
ها منك خبر ماطرش هافاة
وج كلبي واحسه اعليك هافاة
بس دخان يصعد نفس بيه
زينب
....
مابكي ياحميده اراكي جالسه لوحدكي
وماهذه الدموع التي على خديكي
هل انتي جائعه ام عطشا للماء
قولي مابكي وماتطلبين في هذه الساعه
.........
حميده
.......
يعمه طك الكلب هسه يعمه
ونه اشتاكيت ابوي اليوم اشمه
وين الكعده ذيج شلون لمه
يحاجيني ويلاعبني وكلمه
جان البيت يزهي وهسه ظلمه
يعمه اشتاك كلبي وطكت الروح
وانه زغيره بعدني وكلبي مجروح
تعاي وشوفي كلبي شلون مذبوح
اخذيني يعمه وخلي انروح
يم عمي الحسين وننصب النوح

يعمه يزينب نشفي العين
واريدج تاخذيني العمي الحسين
بلكت يعرف ابمسلم نزل وين
يعمه ابداعتي لتكولي بعدين
.....
رقيه
.....
رقيه اتجاوب بدمعه حميده
بعيده الكوفه يحبيبه بعيده
لتكولين ظليتي وحيده
انه مثلج كسرني الزمن بيده
طك كلبي اعله عمي وهسه اريده
دارمي
....
حكج لون تبجين راح الابو وشال
طفله واحس شلون لوعات الاطفال
خليني انوح وياج واعميهه العيون
مسلم رحل لبعيد واتاخر شلون
........
سكينه
.......
يبت عمي العزيز الراح مارد
ونوحج هد م الدلال مارد
كلشي من الزمان هنا مارد
اريدن يرجعلنه وهاي هيه
دارميات
..........
اذيتي كلبي وياج يم دمعه تجري
ادري شفكدي شراح اي والله ادري
مسلم رحل لبعيد ما يرجع بيوم
حك العيون اعليه لو يبجن دموم
...............
يدخل الامام الحسين عليه السلام
ويقول اين حميده فتاتي اليه
فيمسح على راسها فتبكي ويبكي
الجميع فتقول حميده
.........
بعد ماردت بلهفه سلامه
يعمي اتكله من طبع الامامه
جفك يمسح براس اليتامه
واحسن هاي من مسلم علامه
يعمي فدوه حاجيني يعمي
زيدت الجروح وزاد همي
احسن كام يرعش كله جسمي
عليك بداعت العباس عمي
مسلم طاح ابوي وجسمه مدمي
.......
نعي
....
بجه حسين وحظنهه وصاح ويلاه
عله مسلم وحيد بسطوت اعداه
ضل الوحده واتجود يمناه
ويلاه اعله يمسلم اخ ويلاه
ماحضرت فواطم يمه تنعاه
ولايمه هواشم توكف وياه

ابوج انه حميده وهذا عهدي
ومثل سكنه ورقيه انتي عندي
تعاي وحطي خدج فوك خدي
خليه الدمع يجري ويبدي
......
حميده
.......
بعد ماكفكفت دمعات العيون
تكله الخاطرك كلشي تره يهون
يعمي انته ابوي شلون مااكون
وانته اتسد علي خلة اليرحون
ابوذيه
.....
عسه كلبي كبل العيون عماي
ولاجيتك انشدك ردت عماي
مادامك عدل موجود عماي
فدوه انروحلك يبن الزجيه
............
علي الحاج الصبيحاوي
https://tttttt.me/ssgadAl

الشاعر علي الحاج الصبيحاوي:
اولا تبدي حميده
… ..
عله خدي الدمع حافر نياشين

واثار الهجر شمسوي بيه

طفله ومن اصد لناس بالعين

اتذكر ابوي بكل مسيه

اطحنهن طحن كل لحظه جفين

وافرك بالمرار ثنين اديه

مسلم؟ بويه احلفك انه بحسين

كافي من الهجر بس رد عليه

......

كضاهه الزمن بيه عات ماعات

ونه المعتوت كلبي وكلت ماعات

اخبرك روحي من فركاك ماعات

عجيبه شلون ضلت روح بيه

........

نعي

....

حنيت صار المسه وصدكني حنيت

بويه تمنيت هسه ترد كونك تمنيت

 ماجيت ليش انته باقي الهسه ماجيت

ياسلوة البيت يمته ترد ياسلوة البيت

...........

حميده والدمع غركلي العيون

يمته تعود وتشاهد حميده

مدري شبيه كلبي الليله حزنان

واحس مشتاكه الك وانه بعيده

لاماي الاشربه وبيه ارتاح

اريدن شوفتك بس هذا اريده

من ترجع ترد الروح للروح

كلبي بشوفتك بس هذا عيده

اعاين عالطفال بحظن الاباء

واحس بلاابو وانه وحيده

........

عليك الروح طكت حيل هافاة

ها منك خبر ماطرش هافاة

وج كلبي واحسه اعليك هافاة

بس دخان يصعد نفس بيه

زينب

....

مابكي ياحميده اراكي جالسه لوحدكي

وماهذه الدموع التي على خديكي

هل انتي جائعه  ام عطشا للماء

قولي مابكي وماتطلبين في هذه الساعه

.........

حميده

.......

يعمه طك الكلب هسه يعمه

ونه اشتاكيت ابوي اليوم اشمه

وين الكعده ذيج شلون لمه

يحاجيني ويلاعبني وكلمه

جان البيت يزهي وهسه ظلمه

يعمه اشتاك كلبي وطكت الروح

وانه زغيره بعدني وكلبي مجروح

تعاي وشوفي كلبي شلون مذبوح

اخذيني يعمه وخلي انروح

يم عمي الحسين وننصب النوح

 

يعمه يزينب نشفي العين

واريدج تاخذيني العمي الحسين

بلكت يعرف ابمسلم نزل وين

يعمه ابداعتي لتكولي بعدين

.....

رقيه

.....

رقيه اتجاوب بدمعه حميده

بعيده الكوفه يحبيبه بعيده

لتكولين ظليتي وحيده

انه مثلج كسرني الزمن بيده

طك كلبي اعله عمي وهسه اريده

دارمي

....

حكج لون تبجين راح الابو وشال

طفله واحس شلون لوعات الاطفال

خليني انوح وياج واعميهه العيون

مسلم رحل لبعيد واتاخر شلون

........

سكينه

.......

يبت عمي العزيز الراح مارد

ونوحج هد م الدلال مارد

كلشي من الزمان هنا مارد

اريدن يرجعلنه وهاي هيه

دارميات

..........

اذيتي كلبي وياج يم دمعه تجري

ادري شفكدي شراح اي والله ادري

مسلم رحل لبعيد ما يرجع بيوم

حك العيون اعليه لو يبجن دموم

...............

يدخل الامام الحسين عليه السلام

ويقول اين حميده فتاتي اليه

فيمسح على راسها فتبكي ويبكي

الجميع فتقول حميده

.........

بعد ماردت بلهفه سلامه

يعمي اتكله من طبع الامامه

جفك يمسح براس اليتامه

واحسن هاي من مسلم علامه

يعمي فدوه حاجيني يعمي

زيدت الجروح وزاد همي

احسن كام يرعش كله جسمي

عليك بداعت العباس عمي

مسلم طاح ابوي وجسمه مدمي

.......

نعي

....

بجه حسين وحظنهه وصاح ويلاه

عله مسلم وحيد بسطوت اعداه

ضل الوحده واتجود يمناه

ويلاه اعله يمسلم اخ ويلاه

ماحضرت فواطم يمه تنعاه

ولايمه هواشم توكف وياه

 

ابوج انه حميده وهذا عهدي

ومثل سكنه ورقيه انتي عندي

تعاي وحطي خدج فوك خدي

خليه الدمع يجري ويبدي

......

حميده

.......

بعد ماكفكفت دمعات العيون

تكله الخاطرك كلشي تره يهون

يعمي انته ابوي شلون مااكون

وانته اتسد علي خلة اليرحون

ابوذيه

.....

عسه كلبي كبل العيون عماي

ولاجيتك انشدك ردت عماي

مادامك عدل موجود عماي

فدوه انروحلك يبن الزجيه

............
الشاعر علي الحاج الصبيحاوي
https://tttttt.me/ssgadAl

ابوذيات لإستشهاد مسلم بن عقيل عليه السلام

خانت مسلم الدنيا و لنصار
وحده بغربة الكوفه ولن صار
وِلاهُم وَيْ مكرهُم وِلنصار
وسافه باعته لطُغمَة أُميّه
✯✯✯✯✯✯✯✯✯✯
ويلي بالحفيره طاح مالوم
و دمعي لو يصب لجله مالوم
يگودونه الإماره بحبل مالوم
مثل عَمّه علي بيوم الزچيّه
✯✯✯✯✯✯✯✯✯✯
من عالي الگصر مسلم يا شيعه
طايح بالدما و ماحد يِشَيْعَه
منهو هالخبر لحسين يِشِيعه
مسلم جِثّه مسحوله و دميّه
✯✯✯✯✯✯✯✯✯✯
إنشد يا فرزدق حزني و اشعار
و إحمل للسبط عن مسلم إشعار
و گِلَّه عن ظلم كوفان و إش عار
وَصَّمها الدهر من هاي الخَطيّه
✯✯✯✯✯✯✯✯✯✯
الشاعر : أبو شهيد الأحسائي
الخميس ١٤٣٧/١٢/٦هـ
-----------------------
*لا يجوز و محاسب شرعاً حذف او تغيير التوقيع*

https://tttttt.me/ssgadAl

🛑رابط قناة الشاعر👇👇
https://telegram.me/joinchat/CgjqLUETxaGx5Fdb-1LpBA
-----------------------

ابيات ابوذيه الى سفير الحسين مسلم بن عقيل عليه السلام


دخل والموت اجه ابأمره يطوعه

مسلم سيف اله باشط يطوعه

صاح اوصيج بوصية يطوعه

الحميده وصلي هاي التحيه


عضيد التميمي



هد بالكوفه ماواحد معاهد

وغير حسين كال انه معاهد

مسلم فتح بالكوفه معاهد

تدرس مرجله وغيره وحميه


عضيد التميمي

https://tttttt.me/ssgadAl

🏴مجموعة في رحاب الحسين🏴
⭕️برنامج محرم1441هـ/2019م⭕️
#قناة_الشعراء

◼️◾️▪️ اليوم الخامس ▪️◾️◼️

💠 رابط القصائد ⬇️ 💠
https://tttttt.me/ssgadAl/5128
••••••••••••••••••••••••••••••••••••••

💠 رابط النعي والأبوذيات ⬇️ 💠
https://tttttt.me/ssgadAl/5214
••••••••••••••••••••••••••••••••••••••

◼️ برنامج محرم 1441هـ / 2019م ◼️
#محرم_1441هـ #2019م
🔺 قصائد اليوم السادس الأنصار🔺

بسم الله الرحمن الرحيم
هز حبيب الـــرايه وصـــــاح زينب آمري
*
رايته مــــن هـــزهه بيده اتنومست بيهه الــرياح
انسلت اسيوف الشهامه وغضبت اوجوه الرماح
نادت الأنــــصار حــيَّ اعله الجهاد وعل الــفلاح
خل نگر اعيون زينب شيخهم بدمـــــوعه صاح
الهه انطي احچايه لديني راخص منحري
*
امجربـــــين احنــــه يــــزينب بالشدايد والحرب
جيش واحدنه بحميــته اعــلينه مايصعب صعب
فزعه نفزع عالـــــمنايه الحــــومه نگلبهه گلب
نخلي بالعـــــــدوان رهـــــبه وبيهم ايعم الرعب
عدنه بالطف غايه يالعـــــقيله استبشري
*
خلـــي يرخصنه الحُسين وشوفي افــــعال الزلم
عمـــــچ الشيــــــــبته بيضه گـلبه مملي بالعـزم
گـــــولي عم يبن مظاهر گــــــدهه ياعم والنـعم
مــــــايهم انموت لاچـــــن گـــــــلبچ ايأمن مهم
والكـــــــفـــن ويايه للــــــمنيه مشـــتري
*
منكــم اتعلمنه نخلـــــص بالــــــــنوايه وبالعمل
مــــــانـــــزل عن الحُسين ابدربه يامحله الأجل
بكــــربله انـــــــريد الشهاده وبالعجل ثم العجل
ليتنا مو موته وحده انموت مـــيه اعله الأقل
للمنيه اهــــــــوايه شوگ عندي بخاطري
*



علــــــي ربــــانه يــزينب وانتي بنته الطاهره
بينه چم مــــــــالك الأشـــــتر يفتخر بي حيدره
مــــــــن تبعنه حسين عفنه الدنيه لجل الآخره
كل مناحـــــــــرنه فداء القطره من دم منحره
غايتي ومنوايه بجيشه اصبح عسكري
*
عين ماتعله اعله حاجب كــــافلچ يبقه الـگمر
وزود الانصار اويه زوده ايأمنچ من كــل خطر
كلنه تحت امر الحُسين انـــــــــفذ امـره لو أمر
والسياده البني هاشم واحـــــــنه للــساده ظهر

للـــــعــــهد وفايه والــــــوفــــانه اتنطري
***
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي 1439هـ
الفاتحة الى روح والدتي وامواتي

https://tttttt.me/ssgadAl

🛑رابط قناة الشاعر👇
@haiderkarem

((ياشــيخ الانصار الذي مـفتوحه بيبانه))
((ياشــيخ الگلوب الذي هالطيبه عنوانه))
دگيـنه بابك ياحــبيب
سجلنه انصار الغريب
اااااااااااااااااااااااااااااااااااااااااااااااااااااااااا
انت شيخ بكل صـفاتك يالحنين
انتـه خليت اليچـهبك مو حزين
امـــنيه بهذا الگلب للعاشكين
بدفترك سـجلنه خدام الحسين
((نتمنه لحـسـين السبط سجلنه انصاره))
((عامر مــضيفك كل وكت مايرد خطاره))
الي يـچهبك مايـخيب
سجلنه انصار الغريب
اااااااااااااااااااااااااااااااااااااااااااااااااااااااااا
والنعم مـــــنك يشـيخ المرجله
اليگصــــــدك بالرحب تستقبله
وصوتك شمحلاته من يهتف هله
تكرمه وبسجل الانـصار تسـجله
((وتدون اســـمه بدفترك وتوقع اكباله))
((يالبيك عاقــد كل وكت هاالخادم اماله))
اكبر جرح يمك يطيب
سجلنه انصار الغريب
اااااااااااااااااااااااااااااااااااااااااااااااااااااااااا
انت اكبـر مــعـــجزه بأيثاره
يلي چــفك مـــايرد خــطاره
وشاعت عله الناس كل اخباره
واليــــدگ بابك يحصل بشاره
((يالبيك مقرون الكرم وبكل فخر طافك))
((طبعك ابد مترد احـد معروفه اوصافك))
يالبالكرم گلبك عجيب
سجلنه انصار الغريب
اااااااااااااااااااااااااااااااااااااااااااااااااااااااااا
احــــنه بالخدمـه گضيناه العمر
ولو ردت شــاهد اراويك اشكثر
شـــاهــدين اثنين رادود وشعر
الشاهد الثالث لطمنه عله الصدر
((والشاهد الرابع تـــره بيده لزم قامه))
(ويصيح ياحيدر علي ويضرب عله الهامه))
والدم يصب لجل الحبيب
سجلنه انصــار الغريب
اااااااااااااااااااااااااااااااااااااااااااااااااااااااااا
انت مـــتفرق يــبو الگلب الچبير
بيــن كل خـــدامك چـبير و زغير
بدفترك مــو خــــادم تكتبه امير
وبالحـشر بچفوفك اتلبسه الحرير
((بالحـــشر دورك عالخدم بيدك توديهم))
((للجنه وهناك الگمر مــن مايه يزگيهم))
هالموقف البالحب رهيب
ســـجلنه انصار الغريب
اااااااااااااااااااااااااااااااااااااااااااااااااااااااااا
خادمكم ثائر شله النجفي

https://tttttt.me/ssgadAl

في انصار الحسين عليه وعليهم السلام


هيهات منّا الذله
عنك لا ما نتخله

يحسين انت القائد واحنه كلنه جنـود
يـا ســـر مــن اسرار الديـــان المعبـود
جيناك اليوم ابكـل لهفه انوفّي اعهود
نفديــك ابدم المنحــر بالروح انجــود

نموت لأجلك يا محلــه
عنــــك لا مــــا نتخلـــه

بالحومه ليـوث اتشاهدنـه مــن انصول
هاذي عداك نخلي ادماها تجري سيـول
أحـــرار ونعلــن صرختنــه جينه انگول
يالظالم حكمك مرفوض و مــا مقبــول

للحگ انصاره واهله
عنــك لا مــا نتخلـه

صفوه اتقدمنه ابدافع حب وايمـان
عفنــه الدنيا وزينتهــا لجــل الديان
للطف جينـه انخضب بالـدم الابدان
لجل الدين يظل ابعز مرفوع الشان

موت العز بي نتعله
عنـــك لا مـا نتخله

وعيونــك ما نخضــع لسيوف الكفـار
يتعالــى بميــدان الطف صوت البتـار
يحدينه الحــب يالغالــي يبــن الكرار
يحسين وشوف ابعينك هاي الانصار

تنظر عينك هالثله
عنـك لا مـا نتخله

منجمعه جيوش الطاغي ومجرده سيوف
والمنظــر يرعــب للــراد ابعينــه ايشــوف
لاچـن مــا ترعبنــه اشمــا كثــرة لصفـوف
احنـــه الانصـــار او مــابينــه ذرة خــوف

سيف الشجعان انسله
عنـــك لا مــــا نتخلـه

خل نتوادع هالساعه يا ابو السجـاد
انصــارك مشغوفه وتنطـر هالميعـاد
محلاها مــن نستشهد دون الاسيـاد
بغير الدم مــا تتحصل هاي الامجاد

واحد للثاني ايگله
عنــك لا ما نتخلـه

واحــد واحـــد نتنطر يوم الكلفـات
بالعاشر تصدح من عدنا هالاصوات
گلناهــا للذل لا مــا نخضع هيهــات
يا ابو الاكبر والمــات بحبك مامات

مـا ننطي الظالــم مهله
عنـــك لا مـــا نتخلــــه


كلمات عمار الراشدي

https://tttttt.me/ssgadAl

قصيده لشهر محرم الحرام .. ليلة الانصار
..........   .........   ........    ..........


صاحت الانصار بصوات الضمير . نصرتك واجب علينه
,,,,..........................................................,,,,

أعتله يم الخيم صوت الضمير .
من حبيب وعابس وجون وبرير.
مانعوفك سيدي أبلايه نصير.
نفدي أرواح أبمحبتك ياحسين . عهد يمك عاهدينه

,,,,.........................................................,,,,

نعلي راس أم الخدر بت حيدره
جينه كل واحد يقدم منحره
ألهه خدام ونسوي الماجره
فدوه ها الارواح دون أم العفاف . لاتضل زينب حزينه

,,,,.........................................................,,,,

الموت مضمونه أختلف صاير شعار
مـن دمـانه أنحقـق العـز والـوقـار
والـشـهـاده أتـجيب أعضم أنتصار
ثورة الدم تهدم أعروش الضلال. وحنه دمنه لحب ولينه

,,,,........................................................,,,,




لبسو أعله أدروعهم حب القلب
قررو عالطف يكلبونه كلب
المستحيل أيصير من أجل المحب
كل رمح أصبح يسجله مجزره . والكلب فايض حنينه

,,,,.........................................................,,,,

صار يوم الطف مثل يوم الحساب
والخيول أنصبغة أبدم الركاب
زلزلو طف كربله ذوله الصحاب
ثار بركان الغضب وصط الجمع . غيضهم يرعد ونينه

,,,,..........................................................,,,,

جون يكتب عشقه أبسيل الدموع
قال حب حسين عدي أنه ارقه نوع
بعدماهم ما أخاف أمن الجموع
مزق أثيابه ومشه ﻠﺣﻠﮒ السيوف . بالجنون أمبضعينه

٭٭٭...........,,,علي الفرطوسي,,,,...........٭٭٭

https://tttttt.me/ssgadAl

بكل عَزم وهمه ˑˑˑˑˑˑ خدامك يابو اليمه
 كل احنه انصارك ... كل احنه انصارك
                 يابو اليمه
                   ٭٭٭
احنه انصارك يابو اليمه كـلمـن صرحه
كل واحد متـعـني بسيفه ونبله ورمـحه
وبـشـوﮒ لباﭽـر نـتـئـمل لـوطـرصـبحه
كل واحد بل الحومه أتخيل موته وذبحه
كل واحد قدم دمه ˑˑˑˑˑˑخدامك يا بو اليمه
    اتعنينه انشارك ... كل احنه انصارك
                يابو اليمه
                   ٭٭٭
عل الموت اتحشدنه وجينه يالمضلوم
نشعر طير الجنه آوياك اعلينه ايحوم
مانرجع قسمينه بحيدر هاذه اليوم
وجه ابوجه انلاكي ابهمه هاي الكوم
وكل واحد يضهر عزمهˑˑˑˑˑخدامك يابو اليمه
  فدوه الأنضارك ... كل احنه انصارك
                   يابو اليمه
                     ٭٭٭
انضر وبعينك شاهدنه من انفوت
عشكيناه ولجل انضاره انذله الموت
عابس مجنون بحبك صاح اعله الصوت
وبكلب احبابك اسمك باقي ومنحوت
بنورك مجليه الضلمّه ˑˑˑˑˑˑخدامك يابو اليمه
  ماتتطفه انوارك ... كل احنه انصارك
               يابو اليمه
                 ٭٭٭
وحان اليوم البيه وعدينه ننطي انحور
وكل واحد بركان الغيره بدمه ايفور
ونشاهد اخوتنه الضحو كلهم نور
وكل واحد بينه اتحفز راد الي يثور
والعسكر عالروس انقسمه ˑˑˑˑخدامك يابو اليمه
  من يوصل دارك ... كل احنه انصارك
                يابو اليمه
                 ٭٭٭



كل احنه اوياك ومنعوفك الانصار
يامولانه استبشر بينه ولاتحتار
راح انزيل العسكر كله والمعبار
مانخلف راي وقسمينه بالكرار
قسمينه بعزته واسمه ˑˑˑˑ خدامك يابو اليمه
ذول احنه احرارك ... كل احنه انصارك
              يابو اليمه
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
            »للشاعر علي الفرطوسي«

https://tttttt.me/ssgadAl

البارئُ خالُقنا اجمع   ... ولغير اللهِ لن نركع
نحنُ النخبةِ والانصارِ  .. نفدي حُسيناً باإلاعمارِ
               ولغير اللهِ لن نركع
             
                 ❉❉  ❉❉  ❉❉

احنه الانصار ومانهتم    يحسين نوقعلك بالدم
لوهالعالم اجمع يلتم       وكت الشده مانـتـهـزم
بوكت الحرايب نتبسم    تعرفنه يحسين وتعلم

اقراء انا اعطيناكَا    جندن  ذا بئسن كئباكا
عزمُن فينا  من كرارِ   .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉

بين خيامك اجتمعينه      وداعت ضلع امك قسمينه
طلكنه الدنيه وهتفينه      يحسين بحبك جنينه
وكل واحد شايل بيدينه    كلبه وسيفه ودمعة عينه

كُلن ذا عشقاً وتباها       تباً للدُنيا وغناها
افلح من كان ذا قرارِ    .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉

شيخ الانصار بشيباته    يم زينب هوس مولاته
محدب يتوجه بعصاته   حب حسين التارس ذاته
ماهمه الجيش وكثراته   يازينب بشري بصولاته

يصليهم نارن بالسيفي       فيهي تباهت ارضُ الطفي
شيخن اضرمَ فيهم نارِ   .. نفدي حُسيناً باالاعمارِ
               ولغير اللهِ لن نركع

                    ❉❉  ❉❉  ❉❉

كل واحد بيهم يتنطر       داسو فوك الموت الأحمر
سوو يوم يروق المنظر     جن حيدر وبضهره الاشتر
سيف الموت اعليهم كبر    ذادو كلهم دون الخدر

إياتن تتلي اياتِي    صولاتٌ تلوَ الصولاتِي
خطفو ارواح الكفارِ    .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉

انصارك طيب مرضعهم     حبك يحسين الجامعهم
كدامك كصدو مصرعهم     حيدر بالحومه إطالعهم
يتلون بعشكك تسمعهم       وماعدهم مطمع رجعهم

انصارك كالدر الصافي      ياسرَ النوني والكافي
هتفو في وجه الاشرارِ   .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉
           ش/ علي محسن الفرطوسي

https://tttttt.me/ssgadAl

قصيدة في رثاء الأنصار عليهم السلام
طورها ملا باسم
ودعتهم غيمه وتودع سماها



ياحُسين انبايعك يبن الزچيه
مانعـوفك لو نصـر لو للمنيــه
هذا العهد كتبناه
حُسيناً واحسناه
مانعوفك


احنه انصارك نصيح بصوت واحد
ياحسين انبـايعـك للموت قــائـــد
احنه صح قِلّه لچن مبدئنه صامد
ساتر نصير ونشد سـاعد بســاعـد
لجلك نضحي يبوالأكبر دمانه
نرفض الذل والتخاذل والخيانه
بس حبك العشگناه
حُسيناً واحسينــاه
مانعوفك


سيــدي آنـه حبـيـب ابـن مظـاهر
واقعــي حبـي الك مـو بالمظـاهـر
جيت اضحّي بدمي مو بس بالمشاعر
كل رجائي سيــدي تـقـبـلـنـي ناصر
سيدي من زغري مذخور لخدمتك
آنه مو طيّـب اصل لوما نصـرتـك
حبك حبيبي اهواه
حُسينـاً واحسينـاه
مانعوفك


لن زُهَير يصيح يحسين بدمائي
سيـدي افـديـك ما اتـرك ولائـي
هذا عابس من طلـع اول فـدائي
يصيح جنّنني الحسين ومو مرائي
بلايه سيف ولا درع طالع يقاتل
لقمّة العشق الحسيني والله واصل
سجّل ولائه بدماه
حُسيّـنـاً واحسيّناه
مانعوفك


ياحسين بصوت صاحوا احنه الانصار
مانعــوفـك سيـدي ومانرضـه بالعـار
دون عمـرك سيـدي نفـديهـا الاعمــار
ما تخوّفنـه الاعــادي وحَـدّ الاشــفـار
ما نعـوفـك إلّا تتگطّـع جثثنـه
ياحسين واغله منك ماكو عدنه
بيرغ نصر رفعناه
حُسيناً واحسيناه
مانعوفك


گلهم حسين آنه ابن حامي الحميه
علمي من علم الله والهادي نبيه
انتم اشرف وتقه ناس بهالبريه
صرتوا اصحابي وتحديتوا المنيه
ماشفت يصحابي اتقه واوّفه منكم
بالشهـاده والشـرف بارينـه خصكـم
صاحوا رضينه والله
حُسيّـنــاً واحسيـنـاه
مانعوفك


نزلـوا الأنـصـــار للميـــدان كلهــم
نصروا حسين الغريب بفيض دمهم
شما حچينه والله ما نوصل فضلهم
ذوله احباب الحسين وروحه يمهم
ضحّوا بطف كربله لجل العقيده
نصروا حسين الشهيد ابن الصميده
هذا النهج تبعناه
حُسيناً واحسيناه
مانعوفك

خادم الأنصار عليهم السلام
سيد زيد الفحام
_____________________________

https://tttttt.me/ssgadAl

قصيدة في رثاء الأنصار عليهم السلام


احنه نصارك احنه نصارك
من عـدوانـك ناخــذ ثارك
يحسين احنه البايعناك
ما نتخلّـه نمـوت ويـاك
احنه نصارك احنه نصارك



هـاك العـهـد يحسيـن عـهـد الغياره
أنصـارك احنـه ويـاك رهـن الاشـاره
ميّهمنه جيش يزيد جيش الخساره
والضحّـه دمّـه ويـاك نـال انتصــاره
نهجـك يبـوالسجــاد واضــح قـراره
نـفــــديـلك الأرواح النـــه الصــداره
مـا نتخلّه مـا نتخلّه
انصار نصيح لا للذلّه
هادينه المرسل شفناك
ما نتخلّه نموت ويــاك
احنه نصارك احنه نصارك



انصارك احنه وشوف يبن الزچيه
لجلك نحـز رگـاب جيش آل اميه
وعـد الوفــاء اليــوم بالغـاضـريـه
مَنـفـارگـك يحسيـن حـدّ المنيـــه
انصـارك احنـه نصيـر اوّل ضحيه
وعلينـه يرضـه بهـاي سيد البريـه
مبـدأ واحد مبـدأ واحد
يحسين تظل انت القائد
نقسم بالقَدّس معناك
ما نتخلّه نموت وياك
احنه نصارك احنه نصارك



عابس حبيب وجـون والحـر تبعنـه
مسـلم زهيـر وسيـف حبـك جمعنـه
وباقي الصحابه تصيح لجلك فزعنه
خـل يسمــع ابـن زيــاد والماسمعنـه
لأمـرك فقط يحسيـن يالغـالي طعنه
مـثـلك يبـوالسجــاد لا مـا خضعنـــه
مَنهاب الموت احنه الانصار
يحسين وشوف فعل الثوار
عالي وييقه يرف الواك
ما نتخلّه نمــوت ويــاك
احنه نصارك احنه نصارك



لتهمّـك العــدوان ارضه بحـربهـم
بهاي السيوف اليوم نگطع رگبهم
ما ينفـع التــذكيـر نكـروا كتبهــم
مو للبشـر لبليـس يرجــع نسبهــم
رجال الشـدد ويّـاك عالشده ذبهم
إلّا بجثثهــم هــاي نترس دربـهــم
نخسف بيهم ارض الميدان
نتـحــدّاهــم احنه الفرسان
هيهات تأذّيك اعداك
ما نتخلّه نموت وياك
احنه نصارك احنه نصارك



من طبّوا الميـدان وفّوا عهـدهـم
ضحّوا لبوالسجاد نالوا مجـدهـم
ما هابـوا العــدوان قِلّة عــددهـم
بالجنّة بوالسجاد هوّه الوعـدهــم
ناح الغـريـب حسين لمن فگدهـم
ياربي صاح بصوت اشكر جهدهم

ما ننســاهــم ما ننساهـم
انصار حسين نبقه وياهم
يحسين احنه الماعفناك
ما نتخلّه نمــوت ويــاك
احنه نصارك احنه نصارك



ما عافوا المظلوم ضحّوا دمـاهـم
لنصرت ابوالسجاد الله اصطفاهم
صفوة انتخوا لحسين لمن نخاهم
بالنخـوه والإيثــار مـاكـو بوفـاهـم
بالدنيـه لهل البيت صـار انتـمـاهـم
والخـالـق المعـبـود طَيّـب ثـراهــم
ضحّــوا للـه ضحّــوا للـه
وحسين الحق عرفوا معناه
بيعتهم كتبـوها هناك
ما نتخلّه نموت وياك
احنه نصارك احنه نصارك

خادم الأنصار عليهم السلام
سيد زيد الفحام
_________________________

https://tttttt.me/ssgadAl