بعيني اشوف حسين من راح الحميده
كَعد يمهه براسهه ضل يمسح ايده
ــــــــــــــــــــ
راح يمها ومن مشى ضل ظهري محني
شابج جفوفه واحسّن خاب ضني
دموع عينه التهمل بكَلبي جونّي
كوّه حابس عبرته اووّنه يزيده
ــــــــــ
شاف من ابعيد طفله تريد ابوها
وتستحي اتناشدني بس نشدة اخوها
آه يا بت مسلم الّي دللوها
خلاف ابوها الطفله تتصور وحيده
ــــــــــــــــــ
حسين يعرف حال مسلم والجراله
اسع يكَلها ابوج آنه ابداله
بحضنه خلاها ودمع عينه تلاله
وكَله بويه سفرة الوالد بعيده
ــــــــــــــــ
من مسح راس الحزينه بجف يمنته
تكَلّه حال الوالد بفعلك عرفته
بويه يحسين اليتم هالساعه شفته
راح ابوي الناطريت اهلال عيده
ــــــــــــ
صرت عمي آنه انحسب من اليتامه
خلاف ابوي الليل عمّي ما انامه
دمعة عيونك يبو اليمه علامه
الكوفه غدرت والدي وانحز وريده
ـــــــــــــــ
الشاعر محمد حسن ضيغم

https://tttttt.me/ssgadAl

🔴رابط قناة الشاعر👇👇
https://tttttt.me/kasaedalatharDaygham

عمي هاي آنه حميده ياضوه العين
والدي مسلم اريده عمي يحسين
صرت اشم ريحة خطر ... عمّي لا تخفي الخبر
ـــــــــــ
جيتك ودمعه علخدي ...وكَلبي موجوع ..رد عليه ... رد عليه
ارد احلفنّك يعمي ... بهاي الدموع ..رد عليه ... رد عليه
نار دلالي جوتني .. ابين الضلوع ..رد عليه ... رد عليه
عمري ذايب هيج صاير ... مثل الشموع ..رد عليه ... رد عليه
خاطري والله انكسر... عمّي لا تخفي الخبر
ـــــــــــ
الكوفه عمي ابعيده عني .. لو قريبه ...فدوه جاوب .. فدوه جاوب
بجاه طه النبي وآله ... وضي حبيبه ...فدوه جاوب .. فدوه جاوب
عمّي اعرف آنه يمّك ... مو غريبه ...فدوه جاوب .. فدوه جاوب
كّلبي ينشد يبو اليمه ... عن حبيبه ...فدوه جاوب .. فدوه جاوب
عليه حيّرني الدهر ... عمّي لا تخفي الخبر
ـــــــــــ
انت ابوي وأنه مَنكر ..لجن تدري ...كَلبي خايف ... كَلبي خايف
والدي مسلم اريده ...افداه عمري ...كَلبي خايف ... كَلبي خايف
خايف فد شي جراله ... بكَلبي جمري ...كَلبي خايف ... كَلبي خايف
عليه والله بخدي هسه ... دموعي تجري ...كَلبي خايف ... كَلبي خايف
ورده ابقى بلا نهر ... عمّي لا تخفي الخبر
ـــــــــــ
حسين يمهه اتعنّه حاير ..ومن حضنهه .. هل دمعتهه .. هل دمعته
لوّعت هل طفله كَلبه ... من حزنهه .. هل دمعتهه .. هل دمعته
والاطفال بكَلب ذايب ...انشدوا عنهه ... .. هل دمعتهه .. هل دمعته
يون ضل حسين سكته ... ويّ ونهه .. هل دمعتهه .. هل دمعته
ودمعته بخده أثر ... عمّي لا تخفي الخبر
ـــــــــــ
يمسح اعله الراس بيده ..جن يكَلهه .. يا يتيمه .. يا يتيمه
انتي بنتي الضاع منهه ... كل املهه .. يا يتيمه .. يا يتيمه
واسه هل طفله بدمعته ... الضل يهلهه .. يا يتيمه .. يا يتيمه
وبين جفّينه ابو اليمه ... من حملهه .. يا يتيمه .. يا يتيمه
كَلبه عل طفله استعر ... عمّي لا تخفي الخبر
ـــــــــــ
الشاعر محمد حسن ضيغم
https://tttttt.me/ssgadAl

🔴رابط قناة الشاعر👇👇
https://tttttt.me/kasaedalatharDaygham

حايره -- والكوفه انشدها بدمعتي
حايره -- تتراوح بشفتي چلمتي
گلبي هاج ونينه -- ودمعي سچاب
وين مسلم وينه --- ردّي الجواب
----
وگفت وذكرت ابوها بجمرة الروح
وصاحت احاه ها يكوفه بدمع مسفوح
ارد انشدچ عن دواي اليشفي الجروح
راح عنّي وگل عنّچ بويه ماروح
حايره -- انشد بدمعه جريه
حايره -- والدي مارد اليه
ارد اصيح بصوتي --- طال الغياب
وين مسلم وينه --- ردّي الجواب
----
والدي اعرف يعزني ودللاني
ها يكوفه والله ادري ما نساني
وياه يوم الراح يا ريته خذاني
ليش عد عمي وديعه أمّناني
حايره --- خبر منّه ما اجاني
حايره -- خلاف عينه الهم ولاني
ها يسهم افراگه -- بالگلب صاب
وين مسلم وينه --- ردّي الجواب
----
ارد اخبره المادره بحالة حميده
چتفوا ايدي وبمثل ما چتفوا ايده
من شفتها الكوفه ون گلبي ازيده
بصوت صحت الغالي هاي الساعه اريده
حايره --- ريت عينه اتصد عليه
حايره -- آنه عل ناگه سبيه
ادري الچم جرحه -- بهذا المصاب
وين مسلم وينه --- ردّي الجواب
----



وين قصر البي جرت ذيچ المصيبه
وين محنة والدي الصارت رهيبه
الحبيب اليوم حگ يبچي الحبيبه
ارد اخبرنه صرنه بعده غريبه
حايره --- وين جرّوه بحبلهم
حايره --- الگوم ريت الله يذلهم
الثوب غيّر لونه --- دم الخضاب
وين مسلم وينه --- ردّي الجواب
----
وين مسلم والدي ارد اشتكيله
ليش صارت غيبته اعليّه طويله
بدمعتي ومچتّفه ارد اعتنيله
دمع مهظومه وغريبه يمّه اسيله
حايره ---- ارد اروحن يمّه ابچي
حايره --- بالمصايب والله اشچي
ارد اخبره اخلافه --- دمعي سچاب
وين مسلم وينه --- ردّي الجواب
----
الشاعر محمد حسن ضيغم
https://tttttt.me/ssgadAl

🔴رابط قناة الشاعر👇👇
https://tttttt.me/kasaedalatharDaygham

كاعده وانه انتظر والدي يلفيني
ـــــــــــ
صحت بويه شعطلك رحت انت وين
عليك بويه ناشدت عمي الحسين
خاف من كد البجي ماتبقه عين
جرّحت حتى الجفن بويه دمعة عيني
ـــــــــــ
انت تدري بحالي مااحمل بُعد
بويه من فركاك ينسل الجبد
اذكرك ويذوب كلبي وينمرد
بويه جمرات البعد بالكلب تجويني
ـــــــــــ
صحت هاي انه حميده ابنيتك
والله مشتاكه تراني الشوفتك
جنت يوميه افز وي جلمتك
بجلمة آيا مدلله اسمع اتناديني
ـــــــــــ
عيوني مشبوحه وانطرك يالولي
بلجي اسمع صوتك وترجع الي
بويه مسلم ردلي ياخيمة هلي
ماحسبت بهل وضع حايره اتخليني
ـــــــــــ
يا هو مثلي عليك دلاله انفطر
ياهو مثلي خاطره عليك انكسر
بويه شنهي السبب طولت السفر
قصة غيابك الم والدي اتبجيني
ـــــــــــــــ
الشاعر محمد حسن ضيغم
https://tttttt.me/ssgadAl

🔴رابط قناة الشاعر👇👇
https://tttttt.me/kasaedalatharDaygham

مقدمة ليلة مسلم
.
.
.

الــيتم كلش چــبير .. وگلــب بنتك زغير
وگــلب بنـتك زغـير
حميده

---------------------

گلبي لزغيــرون بويه بـعـده مايحــــمل اذيه
وبحمـيده انته تــدري بالبچــي تــــشبه رقيه
متانيه يجيبولي راسك ارد اشبگه وهاي هيه
بلكي اغفه اعليه واحلــم حته تلفيـني المنيه

شلي بعمري الگصير .. وگلب بـــنتك زغير
گلب بنتك زغير
حميده

---------------------

انه ذيچ اللحضه شفته اليتم گام عليه يــفتر
ناعي موتك من اجــاني وگال لي كلــــشي تغير
الچــنتي تغفين اعـله صدره والدچ صدره تكسر
ايسي منه ما يردلچ جــــسمه بالــكوفه توذر

وحچالي الما يصير .. وگلب بنــــتك زغير
گلب بنتك زغير
حميده

---------------------

انتــه يامــن دللتــني اوزعــت روحــك عليه
چــنت كل ماگــول اه اتشــيــلني وتــحــتار بيه
شلون باچر بويه مسلم حافيه امن امشي سبيه
السوط يلعــب عــله مـتني والـحبل ياكل بديه

الشمر سوطه خطير .. وگلب بنتك زغير
گلب بنتك زغير
حميده

---------------------

المثلي تسال عله ابوهه اشعجب همه ايصبروهه
والبــنات الــي بعــمري ليـش كل وحده اويبوهه
النــاس من تــسألني عــنك نــار بـيه يوجروهه
ومـن يگــلولي يتيــمه دمـوعي عيني اينزلوهه

شحاچيهم احير .. وگلب بنتك زغير
گلب بنتك زغير
حميده

---------------------

انه يوم الطـبگ عشته بكل وكت يذبح حنيني
وگـبل نار الخـيمه شفت النار ترست بويه عيني
والخيول خلافك انته وين ما ارگض تجـيني
بكثر ما ونيت بويه تونست هيه بونـــــــيني

صعب لمن تـــــغير .. وگلب بنتك زغير
گلب بنتك زغير
حميده

---------------------

مره بس سديت عيني من عگب سهر الليالي
وبالحلم چنك تگلي يلله يبنــــــــيتي تعالي
اشبگني گلتك عله صدرك الك مشتاگه يغالي
انت من يوم العفتني كلــشي بويه ما بقالي

وبقت عـــيني تدير .. وگلب بنتك زغير
وگلب بنتك زغير
حميده
&&&&&&&&&&&&&&&&&
لخادمكم حيدر تركي الكربلائي

https://tttttt.me/ssgadAl

قصيدة ليلة مسلم س
.
.
.

اول سفير ابـلا سفاره .. مسلم على قصر الاماره
يحچي ابدموع العين
ويسلـم اعلـه احسين
السلام عليك يا ابا عــبد الله

________

اتوجـه الصـوب المـدينه وگام بــس الله يسمي
شـــال ايــده وگــال مــسـلم بأبــي انـــت وامي
الله يدري اشكبره همي وانته بس يحسين همي
الگــوم دمـــك رايدينـــه مــثــل مايــردون دمي

اليوم اسمعتهم همه يحچون
جسمك عليـه گالو يسحگون
مديـون واده الـدين
ويسلم اعله احسين
الــسلام علــيك يــا ابـــا عــبد الله

________

على سطح القصر مسلم سولف ابدمعه جريه
وگــال يابو اليــمه اصـــلاً لاتجــي للـــغاظريه
من طحت بالحفره اجاني الشـمر ويأشر عليه
ايـگلي بــت عمــك الحــره راح ناخـذها سبيه

شد ايدي هوه وتعرف اشــگال
انگــيــدها راح ابــذني الـحبال
ابمسلم تـشب نارين
ويسلم اعله احسين
السلام عليـــك يا ابا عـــبد الله

________

يقره مسلم بالزياره وعيـنه من البچي حمره
مدري وارث چان يقره مدري عاشوراء يقره
على نحر احسين سلم گالها ومخنوگ صدره
الـسلام علـى الــي من گــفاه ينگـــطع نـحره

يگعد على صـدره الشـمر حيف
واثنعش ظربه ايظربه بالسيف
مسـلم شهگ مرتين
ويسلم اعله احسين
السلام عليـــك يا ابا عـــبد الله

________

صار مظرب مثل هــوه بكـل عزيمه وكل جداره
مســلم وقطــرات دمـــه اتحـــولن صـارن مناره
السيف حسه على نحره الموت سيفه بي حراره
الف هنـــياله اليمــوت وهـــوه يقــره ابهـالزياره

مسلم عجيبه دمه مـن ساح
قصر الامار ابطـيحــته طاح
وجسمه انسحب لاوين
ويســلم اعلــه احسين
السلام علـــيك يا ابا عــــبد الله

________

خَلـصت ساعات عـمــره ومابقـه شي عن مماته
والشـماته اتاني مـوته واذتـه اعـيــون الـشماته
احسين الله ايعين گلبه الناس من تسبي خواته
صعــبه هالــوادم اتشــوف امگيـدات امخدراته

ابلا كافل ايـروحـن علـى النوگ
امن البچي مسلم خده محروگ
ايگول الكفلهن وين
ويسلم اعله احسين
السلام عليــك يا ابا عـــبد الله
________
خادم الحسين حيدر تركي الكربلائي

https://tttttt.me/ssgadAl

نزلة ليلة مسلم س
.
.
.



بالكوفه مسلم كـَبر .. والجيش لـونه اتغير
حي الله مسلم

-------------------

حان / مسلم بـــده .باهل الرده . سيفه يجاهد
حان / وگت الضرب . والبلحرب . لا يبقه گاعد
حان / سـيل الـدمـع . من الجمع . والبچي وارد
حان / مـوت الــزلم .واليـــفتهم . يطـلع تقاعد

سيفه بيمينه اتحظر .. والجيش لونه اتغير
حي الله مسلم

-------------------

صاح / والكل سكت .والبي بخت . ما يحچي كلمه
صاح / سيـفه بعــزم . راح انتـقم . يــاهــو اليــلزمه
صاح / صوت الولي . خل يدنه الي . لـو اكـو زلــمه
صاح / وتخـورست .كلشي نست. من سمعت اسمه

مسلم الموت الاحمر .. والجيش لونه اتغير
حي الله مسلم

-------------------

وين / صاح الــفزع . من هالوضع . يهـل الـقياده
وين / زيدو الــعدد . نطــلب مدد . جـيبو زيــاده
وين / قائدنه خــل . والـي ســال . يعلــن حداده
وين / اهـل القــره . مســلم تــره . للجيــش باده

شافه الجمع وتطشر .. والجيش لونه تغير
حي الله مسلم

-------------------

موت / بالكوفه حل . لمــن نـــزل . راعــي المـراجل
موت / وتفاجـــئو . من اســـمعــو . مســلم يــــقاتل
موت / مـلكه وصــل . سيفه حمل . لا مــايــجـــامل
موت / يمطر غضب .لا مو عجب . تبچـي الجحافل

طـب بـيهم ويتـخير .. والجيش لونه اتغير
حي الله مسلم

-------------------

صال / للــغانـــمــــه . وبـصـارمه . سوه العجايب
صال / صــولة علي . وتــدللــي . جاچه الكتايب
صال / والــبي عـزم . خــل ينهزم . مـن الحـرايب
صال / لا يبقه احد . مـــسلم اسد . للموت جايب

ماسوه شي بس اشر .. والجيش لونه اتغير
حي الله مسلم

-------------------

ناس / منها اسلمت . من سلمت . من عدهه ركعت
ناس / راحت ركض . كودن فرض . بالموت سمعت
ناس / اتــحــيــرت . وتعــــثـــرت . عالوجه وگعت
ناس/ اتـــنــازلــت . وتــفــشـــلت . والربهه رجـعت

ومسلم ابد ما قصر .. والجيش لونه اتغير
حي الله مسلم
&&&&&&&&&&&&&&&&&
لخادمكم حيدر تركي الكربلائي

https://tttttt.me/ssgadAl

لسفير الحسين ع مسلم ابن عقيل






للنظر كبته تسر
صارت اعله من القصر
صفه نيته ويه لامام
واده بخلاص السلام
هذا مسلم....هذا مسلم
...............

حسين من يختار واحد صافي نيه
ايفضله عن كل البشر رب البريه
الك هذه الحجي يتوجه واليه
خل نقدم شويه حب لبن الزجيه

خل نحبه من صدك
كلوبنه اعليه تحترك
مثل مسلم ياكرام
واده بخلاص السلام
هذا مسلم....هذا مسلم
...............

هذا عند حسين يعنيله الشجاعه
حافظ اسراره وكتوم بكل قناعه
الف هنيالك يمسلم عالاطاعه
رافكتلك واحد يوزع شفاعه

اطيع امره وتمتثل
شما ثكل عندك حمل
عاشق حسين بهيام
واده باخلاص السلام
هذا مسلم....هذا مسلم
..........

اتعنه للكوفه بعزم حامل رساله
الهم يريد النجات امن الضلاله
شاءو وشاء الله سبحانه وتعاله
همه خسرو صارت الكوفه حلاله

تعنونت بسم الاسد
الماخلف يوم العهد
بسيفه يحجي موكلام
واده بخلاص السلام
هذا مسلم....هذا مسلم
..................

مسلم الغيره بعزمهه لاكت وياه
من هجم عالكوم تجدح نار عيناه
رجز بالميدان صاحت طوعه الله
وللحفظ زينب قرتله واه حسيناه

مايهم بعد بحرب
واسم زينب بالكلب
حول الدنيه ظلام
واده بخلاص السلام
هذا مسلم....هذا مسلم
............

من ولوه و واحده احتاج لعمامه
ولو ويا عباس سواهه قيامه
وجابكل بيت ابو فاظل دك علامه
وبن عمه يرده للديره بسلامه

لجن محتوم القدر
مسلم يموت بفخر
وفي وطبعه الالتزام
واده بخلاص السلام
هذا مسلم....هذا مسلم
...........

من على قصر الاماره جني اشوفه
بوجهه اشوف حسين ويرتل حروفه
ظنكم بعلو القصر حط بيه خوفه
 بالهوه من انذر حسيني مااعوفه

كطعو اديه بالحبال
هذي شيمتهه الرجال
مومثلكم يالئام
واده بخلاص السلام
هذ مسلم....هذا مسلم




أسألكم الدعاء
خادم خدام الحسين ع
محمد هادي العقابي

https://tttttt.me/ssgadAl

نزله


يمسلم لا تهم
تراهم  مو زلم
ونته بيك اتجمعت كل المراجل
..................

انته صولاتك تهز الكاع بيهم
كافي منك بس لون تنوي عليهم
اسيوفهم ترجف يمسلم بين اديهم
من الرعب والخوف ماتسمع دويهم

يخافون ياشهم
يعرفون تنتقم
لو دخلت الحومه يعني الموت عاجل
...................

ناصر الدين انته مسلم عالي صيتك
كل رجال الكوفه ماتملك حميتك
بوكتك انذّلو  تراهم من مشيتك
عدل دربك تمشي وابئيدك منيتك

الك صوت يعتلي
تنادي ياعلي
علي وياك احزام ضهرك من تقاتل
....................

انته ذيج اللحضه تتملك اراده
ومرت اعليك احله ايام السعاده
مكضّي كل اوقاتك الربك عباده
وقررت لازم تحصلهه الشهاده

نذر صار هالدمه
فديته الفاطمه
وتاج للعز والفخر عالراس شايل
....................

بتت ليله ابيت طوعه وكافئتهه
وعلى طاست ماي لجنه خذتهه
طوعه يامسلم تره انته الخلدتهه
وهيه تستاهل مواقفهه ارفعتهه

على الراس مفخره
التناصر حيدره
مومثل باقي النسه يركبن محامل
.....................

كلبك شكد حب الحسين وفديته
بروحك ودرب العشك انته البديته
عابس وهذا الجنون العله صيته
توذرت كبله وقميصك مزكيته

فدائي وماتمل
والجدام ماتزل
وبالشهاده مسلم انته امن الاوائل
.....................

شوّف العدوان شنهيه المراجل
وصيح يحسين بضربتك من تقاتل
مسلم الهاي الرساله انته كافل
وعلى الحق ندري يمسلم ماتجامل

يهنيال خدمتك
للحسين موتتك
خادم وناصر صرت نعمه المناضل

 
محمد هادي العقابي

https://tttttt.me/ssgadAl

مسلم عليه السلام



ماي بغير منه  
اريد ادخل الجنه
اشرب ورتوي بداري
حسينك يسمع اخباري
يمسلم يمسلم
..................

هاي طاست ماي مني      اشرب وبرد الكلب
يبن هاشم انه اريدن         بيك للجنه اطب
الزهره وحسين اشأ گلهم    موقفي هناكه صعب
الك ماي البيت كله             ولو خلص من عيني اصب

حيدر عمك انته
طوعه انه بخدمته
بهاي الخدمه اصراري
حسينك يسمع اخباري
يمسلم يمسلم
...............

اضيوف كثره هواي اجتنه  وتختلف من كل طرف
اوجوهم مابيهه نور        ابوجهك النور انوصف
غاليه جيّتك عليه        ياهلا بضيف الشرف
مسلم انته وبيك اسمي   بخدمة حسين انعرف

بهل نعمه الجبيره
گلبي اندل مصيره
بمعرفتك طفت ناري
حسينك يسمع اخباري
يمسلم يمسلم
...............

احمد الله بكل مسيه    وللمنيه اتشكره
الجابك ابابي يمسلم     بيك ريحة حيدره
رحمه انتم للبريه         وانه اريد المغفره
وجهي ابيض ريت يصبح   يم علي بالاخرة

محسومة القضية
من يرضة علية
ويكول انتي خطاري
حسينك يسمع اخباري
يمسلم يمسلم
...................

اليوم كل الزود اجاني     واني اضل بيك افتخر
وياك اشد حزام باجر     يالمجددلي العمر
انته واحد بس اريدك      تطلعلهم كل كتر
كون اسمع صوت سيفك   عالركب لمن يمر

وصيح بصوت عالي
بس حسين غالي
خل يعرف الما داري
حسينك يسمع اخباري
يمسلم يمسلم
.....................

عالي قدرك تبقى شامخ   بالحرب ما تنهزم
منبعك منبع شجاعة     وترتجف منه الزلم
ما تهم كثرة عددهم     انت تربات الشهم
طولك الهيبة يمسلم    وانت ميزان العزم

تربات الصميدة
ايدك شمرة ايدة
بيك انعرفت انواري
حسينك يسمع اخباري
يمسلم يمسلم

....................

احلى شي صار بحياتي    منك اني اتعلمه
لخدمة حسين وعترتة     راح اضل متحزمة
اني امنيتي الوحيدة      ترضة عني فاطمه
دنيا ما حصلت بيهه      وانته حسن الخاتمه


اكصد للشهادة
هاي افضل عبادة
ادعيلي برحمة الباري
حسينك يسمع اخباري
يمسلم يمسلم


محمد هادي العقابي

https://tttttt.me/ssgadAl

تاخذ الروح.. وي روحتك يافرحتي
تاخذ الروح.. كلمة يتيمه بدنيتي

بّشواكي وحناني اترقب وتاني
................

ماعودتني الفركتك شيصبر الامي
متعوده بس الشوفتك كل لحضه كدامي

انه بنيتك حميده ودمعتي بعيني
اخذني وياك بويه ولاتخليني
الدنيه البيهه ماسمعك تحاجيني
شلي بدنيه تاخذ شمعت اسنيني

كلمه وياك..تسوه العمر من اوله
كلمه وياك..بالطيبه احس گلبي انمله

ياخيمة اماني اترقب واتاني
...................

عايف ورد ونته النده لاتهجر اغصاني
تدري البعد ماينحمل ذبلانه تلكاني

بعد ما ارتوي ولاماي يهنالي
عليك هواي يسأل بويه دلالي
يالغالي وتضل هالكلمه للتالي
بكلبي وخاطري وساكن وسط بالي

كلشي بالكون..مايحله بويه بناضري
كلشي بالكون..حسيته يكسر خاطري

وفراكك حِناني اترقب واتاني
...................

يابويه مسلم هالعمر داريته بجفوفك
شمحلاتي بعيونك صرت زايد علّي خوفك

عليه تخاف بويه من الهوه تضمني
ليش اليوم من هل طيبه تحرمني
اوداعك يانضر عيني يسهرني
وما يرحمني ليلي لو غبت عني

ليل الاحزان..يلفيني يانبض الگلب
ليل الاحزان..عالتفكد الوالد صعب

احتار بزماني اترقب واتاني
....................

سافر يبويه وهل سفر ماجان بحسابي
وادري اليتم جايب خبر لازم يدك بابي

مودع بالله بويه وسالم تردلي
ودمع اعيوني عالوجنات يشهدلي
ما انساك وكليبي تعاهدلي
اضل انحب وانوح ومن تجي اتصدلي

راح اتانيك..كل لحضه وانطر جيتك
راح اتانيك..يالما نسيت ابنيتك

عندي هواي اماني اترقب واتاني
...................

منك فلا جاني خبر بس يعلم احساسي
وحسين عمي بيمنته يمسح على راسي

يعني انتهت بيني وبينك العشره
يبويه شلون كلبي ازغير شيصبره
يفراك الابو نيرانه مستعره
وعمي ايصد عليه وخنكته العبره

دمعة حسين..كسرتني يابويه كسر
دمعة حسين..يعني الله ينطيج الصبر

ماكولن نساني اترقب واتاني


محمد هادي العقابي

https://tttttt.me/ssgadAl

حميدة بنت مسلم عليهما السلام


على بالي قصر عالي
وطحت من عنده يالغالي

.
.
.

اويلي عليك ما شفتك غيابك تدري أذاني
اذا ترجع اليه اليوم تره صرت اني مو اني
تلوگ اعليه دمعاتي ويلوگ اعليك هجراني
اخوتي من يذكرونك واحد يشبگ الثاني

الك نيه ترد ليه
تعال واحكم ابحالي

.
.
.

انه من صغري يابويه وكت والشيب كل راسي
اعيش ابدونك إتخيل مثل ماتارِكه احساسي
اشو هالليله يا مسلم كلها تمسح ابراسي
عزيز اعليه يابويه بعد روحي البعد قاسي

هوا ريتي بعد بيتي
وتره بس انت تحلالي

.
.
.

اشوفك من اعيون احسين واسلم اعليك بعيونه
ردت منك تجاوبني حزينه وراسي بمتونه
ابوسن شيبة العطشان واگله والدي اشلونه
اخاف من الغدر مولاي خوفي لايغدرونه

انه ابحرگه على الملگه
احن لو مر هوا شمالي

.
.
.

يمسلم كابرت قهري ولا جني بعمر طفله
اشد عِصابتي ابراسي وناشغ شوغت الثكله
شنو المايحله بوجودك وشنو بغيابك اليحله
اخاف من الي مامحسوب عليه ولاتظن سهله

وحق ربي يحن گلبي
جبيره غيبة الوالي

.
.
.

اجيت من المدينة وياي عطر ثوبك ولا عوفه
حميده اتموت بغيابك تجاعيد الوجه شوفه
وصلنه الكربله وصرنه اسارة انموت بالكوفه
عِطش عمي ابو فاضل لحد مايبسن اچفوفه

الخيم تلهب على زينب
وانه مسلوب دلالي

.
.
.

يبويه من هجوم الخيل اخوتي ضاعوا اعليه
لا عدلين اشوفنهم مصيبة عشعشت بيه
الحبل ذاك اليجر راسك نفسه الجرني مسبيه
لچن هونلي فگدانك بوسه ابگصتي ارقيه

تماشينه وتواسينه
ويضل بيت الزلم خالي


خادم حميدة
الشاعر محمد الظالمي


لحن تحيرني وتذكرني ملا جليل الكربلائي

https://tttttt.me/ssgadAl

اتشابگنه و توادعنه بس القبر یجمعنه
سكوت شفت بعيونك اموت تدري من دونك

.
.
.
مسلم بيوم العفتني دمعتي بعيني
تدري من اسمع اسمها الكوفه تاذيني
گتلك احسبني حمامه او لا تخليني
لومتت فوگ المناره ميته تلگيني

تدريني اشم بهدومك غايب وعد اليومك
سكوت جاوب شلونك اموت تدري من دونك
.
.
.
ارجع الدنيا زغيره من زغر ضفرك
وعود اذا هم ميت انت ارجع بگبرك
ما إلي بنفاسي واهس واهسي بصدرك
عيوني عدله بالحسين وميته من هجرك

اطفالك او وجداني واحد يشبگ الثاني
سكوت بلكي يلگونك اموت تدري من دونك
.
.
.
امشي وي ابنات عمي الظعن خانگني
فجأة لن احسين اجاني وبدة يشبگني
گلت حسباله رقيه و هيج شايفني
گلي من هالحظه انه الابوا ويحبني

اي والنعم يا عمي انت ابوي وامي
سكوت باليعرفونك اموت تدري من دونك
.
.
.
گتله يا عمي دخيلك ضاگت انفاسي
فشله من اختي رقيه تمسح ابراسي
اشلون ابقه انه يتيمه وانتوا اعز ناسي
شذكره بأمي الي ميته وهيج أحساسي

كلها تسولف بيه و يتلمسون اديه
سكوت گلبي جا عونك اموت تدري من دونك
.
.
.
بلحظة الجابولي ذكرك وبيك حاجاوني
اتصبرت بعيون اخوتي وطاحن عيوني
صحت يحسين اعله مهلك لحظه رَجعوني
مو بعيده عالعليله وياها ردوني

شعنده يعش الفاگد وينه الريد الوالد
سكوت مايرجعونك اموت تدري من دونك
.
.
.
طابعة صورة خيالك عايشه أبالي
شلون اوصفك وانت وصفك هذا بخيالي
بويه من قصر الامارة أيست حالي
لان عالي ما يشمرك الا من عالي

حبل اليشد اجفوفه يشرف تراب الكوفه
سكوت بس يجرونك اموت تدري من دونك

الشاعر محمد الظالمي

https://tttttt.me/ssgadAl

مسلم عليه السلام


افكاري واسراري عُرفتها المَله
من اِعيوني عِرفوني عاشق كربله
حَبيب حَبيب حَبيبي الحُسين

.
.
.


انه مسلم يا جماعة سمعوا لي جاي اگوله
من قبل ما اوصللكم بعشگي ماخذ بطوله
لاتوصفوني بشجاعة مره انصفوا رسوله
شفت الحسين ابجماله وعشگي طاح اعله طوله

هنيالي بالغالي صرت المعتمد
شهالواهس مو عابس ما واصله أحد
حَبيب حَبيب حَبيبي الحُسين

.
.
.

اني من بيت النبوة واني رباني حيدر
الفارس الماصح مثيله ومثله هم اني قسور
كل بياض الطاغي گلبي لكن ابوجهي اسمر
امشي لحسين اعله راسي وكلشي لعيونه اگدر

ماعوفه والكوفه اترسها ورد
قرآني وجداني لحسيني من اصد
حبيب حبيب حبيبي الحُسين


.
.
.


ما اموت الا وابين فكرتي واعتقادي
كربله مو عن بعيده بخطوة يوصل جوادي
لكن احسين اجتباني بصوته حَرك فؤادي
بأرض العراق الحبيبه راح اقيمن بلادي

من خيره من غيره يحكم هالوطن
انظارة وشعارة ميحده الزمن
حبيب حبيب حبيبي الحُسين

.
.
.

ياحسين وكل سماتي ماتحده علامة
انت شابگني بحنانك اشمحله ذيج البسامة
اسجد الجدمك حبيبي وفرشلها العمامة
اسجد ابابك كأني ساجد اعله القيامة

اصغركم خادمكم جبريل المَلَك
ياجنه اتمنه كلشي أصبح الك
حبيب حبيب حبيبي الحُسين

.
.
.

الكوفة من غدروني لكن بَيَنت اشتعالي
اتذكرت جيت حبيبي وفكرت عندي غالي
حسين الأول ماكوا غيره ويبقه وحدة اعله بالي
من على سطح الامارة بينت اني عالي

اعلاهم اقواهم اني بن علي
غدروني يدروني ماكوا ند الي
حبيب حبيب حبيبي الحُسين

.
.
.

مسلم وآخر وصية تهيج ابگلبي الاحساس
ياسلامي اعله العقيلة وللغيور اسمه عباس
عندي طفلة اتضل امانه يمسح بچه عالراس
ماتنام اعله زنده وتشتم بعطره الانفاس

اتبوس ايده حميده وصيت اشكثر
تتربه عالجربه ألمايه تنتظر
حبيب حبيب حبيبي الحُسين



الشاعر محمد الظالمي

https://tttttt.me/ssgadAl

لسان حال ابراهيم ابن الإمام مسلم بن عقيل عليهم

يعمي لخاطر بنيتة تكله يعجل بجيته
حميدةالراح والرد عن ابوها اتسأله وتنوح
درب الكوفه لو تندله اضنها لمسلم تروح
£££££££££££££££££££££££££

ما ترضة تهدة ولامن تستجن
من المدينه ليومك بس تون
تشبك المها وتغفه بلا حظن
مسلم جفاها ورافكها الحزن

لوعتها وبواجيها أكثر من محاجيها
اذا واحد سألهة ترد جوابه بدمعة العين
ماضلت تسولف بس تناشد والدي وين
€€€€€€€€€€€€€€€€€€€€€€€€€€

تسمعها من اطفال البلخيم
جلمة يبويه تعيشها ابألم
يرسم دمعها اشكال من الوهم
فارس يجيها يرف بيدة العلم

كلساع ومشت صوبه وترجع تبجي مرعوبه
سراب انكلها هذا وهيه تصرخ والدي جاي
مثل الضامي لو كلوله ذاك العل جبل ماي
€€€€€€€€€€€€€€€€€€€€€€€€€€

وين الله ويرد تدعي بكل صله
الكوفه شبعدها تصيح لكربلا
ودوني يمة بكلشي اتوسله
يرجع اليه وانه ارجع اله

اضمة بروحي واشتمة واخلص عمري بس يمة
نوصل كربلا وخل واحد يوديني لهناك
واكله امشينه الطف عمي مثلي يتاني ملكاك
€€€€€€€€€€€€€€€€€€€€€€€€€€

تمشي وبواجي استولت عالضعن
سمعت خبر وايديها اتهدلن
راحت حميدة تناشد بالبجن
ها رد ابوي وصاحن ما اضن

حميدة تناشد النايح الجواب من القصر طايح
ابوج من القصر طاح او وصل صوته لعضيدة
سلام وياه رساله خويه اوصيك بحميدة
€€€€€€€€€€€€€€€€€€€€€€€€€
ابو معصومة الفريجي

https://tttttt.me/ssgadAl

الليلة الخامسة
( القصيدة بحق مسلم ع )

فقد الحبيب. موتً قريب
حان الاوان. مسلم يغيب

جن غريب اني مشه عني ابن عمي
الملكه بعيونه يخفف بيه همي
دمه مني يصير وانه منه دمي
جان عزمي بالشدائد خاب عزمي

مسلم مثيل. مثلَ الكفيل
غدر الزمان. مسلم يغيب

من مشه للكوفه دوعته بسلامه
ما شفت منه دمع بس ابتسامه
وي رقيه خله طفله جن حمامه
عاف كلشي من اجل يوم القيامه


لأجلي يُريد. يصبح شهيد
مني الامان. مسلم يغيب


من اجل دينه اتخذ مسلم قراره
يعلم ابقتله على سطح الاماره
قبل موته ينوي لي ويهدي الزياره
يبقه اعله من القصر مسلم مناره

مسلم امام. عالي المقام
يهوى الجنان. مسلم يغيب

شكد عجيب ايعيش مثلي غربه وحده
حتى كاع الكوفه هي تصير ضده
الخلفه صلوا همه ليخلفون وعده
ما يظل من الزلم بس طوعه عنده

طوعه مثال. اين الرجال
والكل ُخان. مسلم يغيب


مثل اسمه هم مسالم عاش عمره
طيب وعايش حياته بنيه فطره
المشه ينصرني تره محد ينصره
ابكصصهم ما تظل للغيره قطره

ما من معين. بالمسلين
صدق اللسان. مسلم يغيب

كل مشاعر كلبي بينهه لساني
العاده مسلم منه متبري تراني
مرتبت مسلم مكانه بصف مكاني
باسمه باجر جنه مسلم من جناني

في كل داء. مسلم دواء
يعني الحنان. مسلم يغيب


نسألكم الدعاء
علي حسين المياحي

https://tttttt.me/ssgadAl

صدارة مسلم
*
مسلم انطة ادروس لااهــل الكوفة من وكف والناس كلهة اتشوفة
*
لديرة الــكوفة الشهم لـمن وصل
مـــاتفاجاء بالذي صار وحصل
يعرف بهل الناس مــاتــملك اصل
وعدهة افــــعال الغدر معروفة
*
صاح مسلم بيــهم بـهذا الصده
وين ناس الــــبـايعتني على المده
اليوم وين اتـــــروح جـيمات العده
صال وجفوف الــمناية جفوفة
*
الكوفه من صوته تداعـت بالرعب
جنه حـامي الجار من طب للحرب
ثــــلم ادروع الـــــزلم من الظرب
وصار كل عسكر رعب بصفوفه
*
خرسه يم مسلم صفتط كل الالوف
وصار سيفه يكلم ابذيج السيوف
وضوك العدوان من كــاس الحتوف
السيف يــــــــدرع والنبال اتروفه
**
معركة صفين ردهه بـــــــيمنته
من صدر مسلم زلــــم ماكدرته
رغم بــــــــالغره صفه وبوحـدته
ورغم مـــا جانت عصيبه اظروفه
*
خلدة التـــــــاريخ مسلم ونكتب
بـــصفحة العز والمواقف والحرب
ولاحت اثمارة بـغصن اشرف نسب
وصار كعبة عز كــــلهة اطوفة


الشاعر-علي السعيدي

https://tttttt.me/ssgadAl

مثل موج البحر ما حدّته اجروفه مسلم صال بيها وحيّر الكوفه
*
برز شمّرتْ علي العدو ظل مبتلي اسد يزأر
نــادى اتدللــي الحرايب بس الي مثل حيدر
اعيــد الـَكــّرهْ والكــوفـــه احاصـــرها
وضـــربات الصميـــده اليــوم اكــررها
وَاشَوّف اجيوش اميه الرفضتْ اتشوفه
مسلم صــال بيهــا وحيــّر الكـــوفـــه
*
نزل ليـث الحــرب تـولاهــا ضـــرب كتــابيهــم
لبس درعه الڴلب حمم سيفه يصب يحاصرهم
بــركــان وتفجــر بـــس حـمم ينثــر
الحرب عنوانه مسلم مــا قبــل يغدر
مسلم هاشمـــي وتربيتــه معــروفه
مسلم صــال بيها وحيــّر الكـــوفه
*
تحّيــرْ صــولتـه الجيــوش ابيمنته يطشرها
بحيدر نخــوتــه بعزمه وضربته يذكرهـــا
ورث عمّــه الكتايب سيفـه يخلسها
ورايـــات الكفــر بالكـوفــه نكســها
ومثل صولات عمه الصوله معروفه
مسلم صــال بيها وحيــّر الكـــوفـه
*
طوعه أتحشمه هــاي المـــوزمه تعنـــاهــا
بعمّه أتحـــزمه مثل حامي الحمه تـــولاهــا
صاح الجيش حيدر هــذا حاضــرهــا
ذو الفقـــار دمـــر كـــل عساكــرهـــا
مــا ثنـــه بيمينه وضــربت اجفوفــه
مسلم صــال بيهــا وحيــّر الكــوفـه
*
رغم اهــل الغدر تخلد كل عصــر نزف دمه
زرع مسلم نصر رخص كل العمر حيِّه الامه
ﮔــوم انظر ضريحه وشاهد انــواره
كـــريم ومـــا يـــرد ابيـوم خطـــاره
وباب الحاجه بابه وهـــاي معروفه
مسلم صــال بيها وحيــّر الكوفـه
*
الشاعر
موسى البديري

https://tttttt.me/ssgadAl

مسلم سيفه حاضر
ميخاف العساكر يا مسلم يا مسلم
................................................................

شجاعه شجاعه مسلم كله نوماس
جماعه جماعه التمو حوله الارجاس
يريدون يريدون كون الهم يطخ راس
ميدرون ميدرون رابي وي العباس

ماخذ شمرت اهله
فنه الي وصله يا مسلم يا مسلم
................................................................

بالحروب بالحروب جنه حيدر عمه
قلع بوب قلع بوب كوفه صارت بسمه
اليلاكي اليلاكي بنور سيفه يعمه
وتهد بي تهد بي يفزع لو تحشمه


طوعه تحشمه صعدت
كلهه كباله ذلت يا مسلم يا مسلم
.................................................................

ينوماس ينوماس مَجدك تعيده
يخلاس يخلاس ومخوف الرعيده
يمشتاك يمشتاك لبنيتك حميده
والفراك والفراك خلاهه بعيده

يبنيتي اصبري
ولمصابج تحضري يا مسلم يا مسلم
...............................................................

بالالاف بالالاف جيش وما يهابه
ولا يخاف ولا يخاف قاتلهه العصابه
يسيفه يسيفه رايد هل طلابه
يحفيه يحيفه لثارات النجابه

ثارات الزجيه
ياخذ هل مسيه يا مسلم يا مسلم
..............................................................

يالحسين يالحسين روحي فدوه لجلك
ضوه العين ضوه العين والله انت واهلك
يعطشان يعطشان كلمه وحده اكلك
بالاكوان بالاكوان انته ماكو مثلك

رحمه من الله انته
واتشرف تبعته يا مسلم يا مسلم
.............................................................

وداعا وداعا من قصر الاماره
سلاما سلاما يحسين العباره
غدا راح غدا راح تصبحلك مناره
والارواح والارواح تكصدك للزياره

كبه وحضره صاير
ومرفوعه المناير يا مسلم يا مسلم


خادمكم حسين ابو عباس الكعبي

https://tttttt.me/ssgadAl

انه مسلم رحت للكوفه وشفت اهل الرسايل
انه مسلم الغدر شفته وعل اهلي دمعي سايل

حسين كونك لا تجي........مختلف هسه الحجي
....................................................................

من وصلت الكوفه اجتني الناس كله بايعت
وبالصلاة الالاف خلفي هل اجت واجمعت
وانه لحسين اكتبتله اضماير العالم صحت
لجن كم ليليه وتبين عن حسين تنازلت

بيه خانو وانه كل خوفي عله ابو الاكبر يجيهم
بيه خانو وبس يجي نذبحه بعجل غيرو حجيهم

بس يجي نذبحه الولي..........مختلف هسه الحجي
.......................................................................

حسين خوفي اعليك كله من تجيهم تنذبح
كلمه ابد ما تلكه عدهم عل جرح ذبو ملح
ناس متعلمه عله ضلمه وانت يحسين الصبح
راسك تبوسه رقيه شلون ينشال برمح

لا تجيهم من تجيهم ادري تتيتم رقيه
لا تجيهم هذا مرسالي الك وبخط اديه

تنذبح يا ابن علي...........مختلف هسه الحجي
.....................................................................

الكوفه ضدي كلهه صارت محد البيهم شهم
وعلى طوعه ارد اسولف مره بس تسوه الزلم
لمن اتعب من حربهم طوعه الشد العزم
اتصيح مسلم انه سيفك لون سيفك ينثلم

كله ضدي لجن بس طوعه التشد عزمي بحجيهه
كله ضدي وطوعه متخاف العدو يكرب عليهه

وانه اكلهه ادللي.........مختلف هسه الحجي
.......................................................................

حسين لا تكرب عليهم الحجي تغير تره
والرسايل كلهه جذبه ومو صحيح الي انقره
انه خوفي اعله الفواطم والله يابن حيدره
مخدره وياك تمشي وتالي تمشي ميسره

انه خوفي ينسلب يحسين من عدهن خدر
انه خوفي حرمله ما عنده غيره ولا شمر

وتحترك خاف العبي...........مختلف هسه الحجي
......................................................................

من على قصر الاماره حسين اوديلك سلام
وخل حميده ابنيتي فدوه فوك جف ايدك تنام
ولو تسالك بنتي عني جاوب بهذا الكلام
كلهه بالجنه انتشاوف فاركونه اهل الحرام

يا حميده لا تتانيني بعد ما بيه رجعه
يا حميده يم رقيه روحي اكعدي واجري دمعه

بعد لا ما نلتقي.............مختلف هسه الحجي
....................................................................

انشمر من فوك سهله وانشد بخيل ويجر
وانه وحدي وماكو يمي اطفال تبجي ولا خدر
شلونه حالك يا حسين وانته طعنه بكل كتر
شلونه حالج يل عقيله وعل صدر شفتي الشمر

الصار وسفه انته مذبوح ومشت زينب سبيه
الصار وسفه شلون تتحمل يطكون برقيه

وتمشي بدروب السبي...........مختلف هسه الحجي


خادمكم حسين ابو عباس الكعبي

https://tttttt.me/ssgadAl