يــامـسـلم اتفـضـلت
لحسين من انصـرت
باب الله انته صـرت .. مسلم دخيلك
…………………………………
لحسين من انته انصرت روحك اله مضحيها
للكوفه تاج انته صرت وشانك امغطي اعليها
خصصلك الله منزله وفضلك ربك بيها
حاجات كل هاي الخلگ المستعصيه تگضيها

كل حاجه مستعصيه
تگضيها اشما هيه
تگضي لون قررت .. مسلم دخيلك
…………………………………
باب الله يامسلم صرت والناس كلها تگصدك
من كل مكان اتعنتك وتلوذ كلها بسدك
تسمعها حاجات الخلگ وتنطي فضل من عندك
وعليك اجيت اقسم ردت بنتك حميده وولدك

بالمطهر وطاهرك
خليني ابناظرك
عليك بحميده اقسمت .. مسلم دخيلك
…………………………………
محتاج نظره سيدي انظر يمسلم ليه
كل من يلوذ ابحضرتك حاجات اله مگضيه
واني اجيتك معتني والضيم باين بيه
تشافيني من كل العلل بجسمي علل مخفيه

(ياگبته العاليه)
رايد انه العافيه
والحيل منك ردت .. مسلم دخيلك
…………………………………
اليوم اجيتك معتني ساجد اقبل اعتابك
يامسلم انخه گمت بيك اني لازم بابك
حلفتك اني ابفاطمه الحضرت اكيد امصابك
تگضيها حاجات الاجوا زوارك واحبابك

ناس الاجت عزتك
تتنطر مروتك
مگصدها انته صرت .. مسلم دخيلك
…………………………………
عندي طلب ياسيدي بشباچك اني املزمه
كل عام اريد بحضرتك اتوفق بهل خدمه
خدمتك يامسلم شرف والله يديم النعمه
بجاه الذي ضل عالثره عريان دامي جسمه

الله يديم النعم
يوفق جميع الخدم
وياريت انه اتوفقت .. مسلم دخيلك
…………………………………
ماننحرم من خدمتك ندعي الاله ابهايه
أبجاه عباس البقه نايم عالمسنايه
ابجاه زينب والخيم وجود الگمر والرايه
كون الله ونضل عالعهد وياكم نضل وفايه

الله يثبت الگلب
ومنعوف هذا الدرب
بيك اني اتوسلت .. مسلم دخيلك

الشاعر عقيل الحسناوي..

https://tttttt.me/ssgadAl

شهادة مسلم ابن عقيل سفيرالحسين ع

تضل هاي المدينه الها الصداره
اجيت وقصدي اذل قصر الاماره
راح ارفع علمنه.. بسفارة عاصمتنه
اجيت وقصدي اذل قصر الاماره
…………………………………
ياكوفة علي وعاصمة الاسلام
سفير حسين اجيتچ رافع الهام
اجيتچ راح احقق بيچ الاحلام
نصر دولة علي ضد دولة الشام

..اجيتچ بيچ احقق انتصارات
ولاية حيدره ضد الخلافات
اعيدن بيچ اسمنه.. بسفارة عاصمتنه
اجيت وقصدي اذل قصر الاماره
…………………………………
احقق نصر دولتنه المؤكد
دولة حيدره ودولة محمد
وبسم أل قُل هوَ اللهُ احد
دولتنه تضل باقيه وتمتد

..وعد الله التحقق بالمدينه
بالكوفه نِْصر دولة علينه
يتحقق حلمنه.. بسفارة عاصمتنه
اجيت وقصدي اذل قصر الاماره
…………………………………
سفير حسين اني وهالسفاره
مهمتي بيها اهد قصر الاماره
واضوي ابدمي مشعل للغياره
وگبر يبنون الي مأوى الحياره

..ابن ازياد اطيح أهنانه تاجه
واصيرن باب لليلفي عله حاجه
نغيث الي گصدنه.. بسفارة عاصمتنه
اجيت وقصدي اذل قصر الاماره
…………………………………
من سطح القصر يرمونه جسمي
وتضل ابكل كتر اثار دمي
ويزول الطاغيه ويتجله اسمي
وعد من حيدر الكرار عمي

..گبرك گلي يصبح في جواري
ومزارك يبني أيقارن مزاري
ثمن جروان دمنه.. بسفارة عاصمتنه
اجيت وقصدي اذل قصر الاماره
…………………………………
هنانه بكل كتر تجري دمائي
واضل ثابت لبو اليمه ابولائي
عله ارض الكوفه تتناثراشلائي
وبسم حسين يتردد ندائي

..سلامي من بعد ارسل سلامي
لحبيبي حسين ابواليمه وأمامي
ويرد اجواب منه.. بسفارة عاصمتنه
اجيت وقصدي اذل قصر الاماره
…………………………………
ويحيني اشوفه چني بيده
وسلام اسمع من الكافل عضيده
لچن طفله اجت يمهم وحيده
اضنها هايه ابنيتي حميده

..تگل لحسين خبرني يعمي
عن مسلم ابويه واجلي همي
هم يلتم شملنه.. بسفارة عاصمتنه
اجيت وقصدي اذل قصر الاماره

الشاعر عقيل الحسناوي..

https://tttttt.me/ssgadAl

.....
السفارة ..مسلم ابن عقيل
......

هاك سفاره واشاره من الغالي خذت
انااا مسلم مصمم شرف خدمه نلت

مشيت وكلي ارجع اريد بطولك اشبع
.......
امشي برهدنه حربي الطاحنه
مسلم علن قراره
ياكوفة علي باجر بس الي عاصمتي والامارة


أنااااااا الخيبر اصعد منبري
اسمي ينكتب مسلم حيدري

لومن القصر جسمي ينشمر
لو ظل وحدي لا ما اعتذر

وانا برحيل صقيلي شتها يضوك النحر
اليوم هاجر واسافر احب هذا السفر

مسافه ونحر اكطع اريدا بطولك اشبع

......
ودعني ورحت ماردت التفت
بس دمعتي العنيده

طاحت عالوجه ظلتت تتجه يم طفلتي حميده

غضيت الطرف والهم نعطف
حسيت السبط بالموقف عرف

طفله وتنجرح راسج ينمسح
لوجاها الخبر مسلم منذبح

طفله انتي وفتهمتي شنو باجر يمر
هيه هيه. وي رقيه تسحكين الجمر

الجمر بالطفله يلسع أريد بطولك اشبع
....
امشي بغربتي بعالم وحدتي
وين الي كاتبوني
لامنهم امل لادار واهل
خذلوني حاربوني

جمرة واحترك يااا باب الادك
ما اعرف بشر بالحسرة اختنك

بأمري تفاجأت عايش ونبعت
خانتني. الزلم لا متصورت

ها يكوفه لشوفه الغدر رد ينرسم
انا الوحج بسطوحج اشمر بالزلم

المواقف يمي تركع اريد بطولك اشبع

....

انا المقتدر انا المنتصر
ذو كامل الفراسه
انا المنتقم ذليت الزلم
انا نور القداسه

أنا الاشوسي لا ما انسي
فريت الحرب فرة محبسي

أنا القارعة انا الواقعة
اليتقرب الي. ينظر مصرعة


طبي يطوعه وضلوعة اطكها ليدنه لي
مايج رواني وكفاني جزائج يم علي

تكلي كلبي اوسع اريد بطولك اشبع
....
واكف عالقصر وكفة منتصر
ماهمني من اطيحن
اديت السلام لحسين الامام
بظهر الهوه اصيحن

صليت الفرض موفوك الارض
بهامت العلى واعلنت الرفض

رسمو ا طيحتي وسحبوا جثتي
بحدود الشرف كاتب قصتي

مسلم شهادة اراده وتراتيل السمة
نور السلاله الاصاله نتماء لفاطمه

نجمة بروحي يلمع اريدا بطولك اشبع

......
✏️الشاعر علي السعيدي

https://tttttt.me/ssgadAl

السيده حميده بنت مسلم عليهم السلام
......
يبدي اليل وتبدي همومي
وتخيلي ايذبحوك
وغمض عيني والكه بنومي
من القصر يرموك

واحلم سبيه ....انا ورقيه
.....
مشتاكه مشتاكه ما احمل فراكه
كلوله.......نتلاكه موطال. لغياب

مسلم انه وبنته. لرجعه ناطرته
كلوله ...عاذرته.مايسمع عتاب

عن حالتي حجوله .اخباري وصلوله
كل جرح الي بطوله ليهسه ماطاب

تجري دموعي فراكك حسره
يابويه كلي الام
الفاكد وجهك يكبر عذره
ويامه تبقه اوهام
.....
وتنده المنيه ....انا ورقيه
......
كل ضني تابعتك وبجفي شابكتك
موجثه تاركتك ومجفنك البين

بيه اليتم راسي وتنبأ احساسي لمن مسح راسي بجفوفه الحسين

توجه ع الكوفه ورافعهن جفوفه
حسيت انه بخوفه وضل يهمل العين

ياعمي حسين احجي شصاير
ليش الدمع مدرار
صوب الكوفه عيونك داير
عندك شني من اخبار
.......
خفف عليه ...انا ورقيه
....
سار الضعن بينه نحدي بماسينه
وذكرك يواسينه يامسلم الاه

ايامي معدوده وبسبي موعوده
وجفوفي مشدودة باجر يويلاه

وسلابي لوسبني. بجرحك يذكرني
عالقصر لومرني. يكلي انظري دماه

يضحك ويسولف عن موتك
وانا بكلب محروك
شجره وجان الماي بصوتك
هجرك يموت عروك

باعظم رزيه ..انا ورقيه

.....

منك خذت ديني. شلون انصر حسيني
يالكلشي من طيني حتى السفاره

الروح اضحيه عالجمره اخليها
وخل تسحك عليها بنت الاماره

كل قصدي رقيه خل تسحك عليه
ولاتتجوه هيه بنار المعاره

يالواسيت حسين بروحك
حتى انا اواسي وياك
خلي جروحي تناغي جروحك
بالطف اخط ذكراك

للهم بقيه انا رورقيه
.....
لو طفله اشاهدها تمشي وي والدها
وبچفه كايدها. منيتي الوحيده

وتخيلك يمي تاخذني من همي
وتصيحلي باسمي تكلي حميده

وبوجهك اتبسم. وركض ركض مهتم
ريه بهواك اشتم وسمي تعيده

عازة شجره بصحره لمايك
لكربك يبويه حتاج
ماكو فياي ورت فيايك
خليني احطك تاج

بالغاضريه ... أنا ورقية

......
✏️الشاعر علي السعيدي

https://tttttt.me/ssgadAl

( الليلة الخامسه من محرم )

حسين يا أبا عبد الله
ــــــــــــــــــــــــــــ
الليله خامس يابو الاكبر
لـ أبن عمـّــك لــ نْغــدَر
حزام ظهرك چان مسلم
و إنحل احزام الظهـــر
حسين مسلم مثل أخيّك
ظهرك ابمـوته انكسر
اشتشبگ ارقيه حميده ؟
اثنينهن نفس الصــور

حسين يا أبا عبد الله
ــــــــــــــــــــــــــــ
راس بنتك لو حميده
تمسح بچفك حرت
الكوفه والطف كلها تغدر
زيــن منــك وصـبرت
شكبر گلبك يبو رقيه
چم أبو بالطـف صـرت
شما تگلك وين ابويه
بدمعه ليهــا اتعــذرت

حسين يا أبا عبد الله
ــــــــــــــــــــــــــــ
مسلم وعباس چانو
عندك إبفـــد . منزله
حاسب حسابه وجبتله
ويـاك رايــه لكربلــه
طاح وسفه بعيد عنك
وبسَلَف محــّـد إله
هيچ طفكم بده بمسلم
وبدمائــه ايكملـــه

حسين يا أبا عبد الله
ــــــــــــــــــــــــــــ

مهدي التقي

https://tttttt.me/ssgadAl

وگفت بعــينه حمـيده
ورثت من الكوفه گيده
شافها بنفس البلد
حبل بيديها إنعگد
ـــــــــــــــــــــــ
الدمعه عالخد صح خفيفه وابچي يمته شما ردت
لچن حيل ثگيله تصبح لون نزلت بيها بت
هيچ مسلم شاف بنته بگلبه ضل حبله يعت
هاني حيل احتار يسأل گله مولاي إشّفت

عيني شفت إبنيتي بيها
وحبل يا هاني بـ إيديها
الـ شد إديها إبگلبي شد
حبل بيديــها إنعــگد
ـــــــــــــــــــــــ
هاني گله احچيلي مسلم إشجابها هنانه وتطب
گلــه إي تدخل سبيه زغيره ترفه وتنضــرب
شگد غريب آنه يهاني مني تورث هالغـرب
تنشتم بالكوفه وسفه و أنه معودها إعله حُب

چانت أترف كل بنيني
هسه خنگت ريج عيني
حبي إلهـا مــاله حد
حبل بيديها إنعگــد
ـــــــــــــــــــــــ
عيني رسمت بنتي هسه وجاي أحس منّا .تمر
هنانه تگعد ورده تبچي الله لا ينطي الشــمر
تشيل طرف العين باچر وتنظر إلـ أعلى القصر
وتشمر الدمعه اعله خدها مثل ما راح انشمر

هيچي لدموع التصبها
الله ليســاعد گلبــها
عدها بس زينب سند
حبـل بيديها إنعــگد
ـــــــــــــــــــــــ
هيجي راد الله يهاني وآنه گلبي إبنتي حس
بلا ضمير الكوفه عدها . من قبل هذا النفس
گبل عمي انچتل بيها وقهر من عدها انترس
وهسه بحبال آنه وانته ننجر بحــافر فرس

سوالف الكوفه وغدرهـا
إتضيگ كللش وشكبرها
عالزغيره تصير أشد
حبل بيديها إنعگــد
ـــــــــــــــــــــــ
لو أسولف عالسـبايه تهون هاي المعضلـه
الخيل لتجر . بينه هاني ربع من طف كربله
البينه هسه هواي احسن ويانه ماكو العايله
لتّفرهد عدنه خيمه هناك . لا . كلمـــن إله

هناك نار هناك وحشـه
هناك عيله هناك دهشه
هناك أم بــلا ولد
حبل بيديها إنعگد
ـــــــــــــــــــــــ
زنيب شبيديها باچر الـ بيدها بس الحبل
اثنين وثمانين طفله تحمي ياطفله وطفل
اشوايت الله ورحمة بنتي مو گبالي من انچتل
هاني شحچي عن رقيه شوغه بيها يحط نذل

يستــلذ لو عـذبوهـا
إيموتوها براس أبوها
يا مصيبه أكبر بعد
حبل بيديها إنعگد
ـــــــــــــــــــــــ

مهدي التقي

https://tttttt.me/ssgadAl

#قصيدة مسلم بن عقيل ..ع..
-------جرحك سمار أوشيب-------
°°°°°°°°°°°°°°°°°°°°°°°°°°°°°°°°°°°°°°°°°°

جرحك بقى شايل سمار أوشيب
يا بو حميده لا تظنه أيطيب
هلالك جرح. وجهّ الصبح.
يا بو حميده لا تظنه أيطيب
°°°°°°°°°°°°°°°°°°°°°°°°°°°°°°°°°°°°°°°°°
أونن والدمع شدالك أحزامه
يغيره وشايل أمنخلاقك أعمامه
مثل عمك يصلي وموته گدامه
يالمعلمنه نعدل مانطخ هامه
يالعلمتنه الجفن ميرف خوف
يالبيك شفنه أشكثر شفنه أطفوف
وراية صلح. وجهّ الصبح.
يا بو حميده لا تظنه أيطيب
°°°°°°°°°°°°°°°°°°°°°°°°°°°°°°°°°°°°°°°°°°
أشما ترگد الغيره نعتني الهمتك
ونعيد المشاهد رايه لازمتك
يرف چفك مواقف خيم سالفتك
وعارفتك الگوم أوزين عارفتك
يالنومسة طوعه أبهذاكه اليوم
يالبيك موقف نصرة المظلوم
وغيرة فلح. وجهّ الصبح.
يابو حميده لاتظنه ايطيب
°°°°°°°°°°°°°°°°°°°°°°°°°°°°°°°°°°°°°°°°°
الهسه الكوفه بيهه أحساسك ونشتم
يملح السالفه المايعرف اتلثم
صريفه الباطل أونارك غدة تلهم
فزع نص جيشهم وانت فلا مهتم
چم حمله ألهم وأنت عايش صوت
سرفنت ردنك وأنت صرت الموت
من تلمح. وجهّ الصبح
يابوحميده لا تظنه. ايطيب
°°°°°°°°°°°°°°°°°°°°°°°°°°°°°°°°°°°°°°°°°
أظن حيدر علي أتحزم ألك شفته
وگتله أبداعت الزهراء حلفته
أنه أبن الحرب والحرب عاشگته
وي كل طبره ألك تلمع فخر گبته
حتى الاگبور اليمه لنهه أتنود
أهتزت ورجفت اظن بيهه أجنود
هيچ الشرح. وجهّ الصبح.
يابو حميده لاتظنه أيطيب
°°°°°°°°°°°°°°°°°°°°°°°°°°°°°°°°°°°°°°°°°°
وعشت والبينه عاش أنجازك الينعز
وصوت الرايه عايش بالهوه أتشيرز
نفسَ تاريخ أنت وعشت ماتنحز
أبگصة گبتك گطره وظوه أتميز
يالبيك سولف حتى خلگ الكون
صوفرت ناس أوأنت عايش لون
بفكرة صلح. وجهّ الصبح.
يابو حميده لا تظنه أيطيب
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊

https://tttttt.me/ssgadAl

زمجرة طوعه وصعد بيهه الرجيف---
ومن عزمهه كزبر احساس المضيف•••
وين مسلم والزلم وصلتنه هاي---
شجر صاح اركابهم وانه الخريف•••
راح ألاگيهم وحگ كل شيبه بيچ---
أبهذا سيفي وأله أبدي الموشريف•••
ها...شيميني وشوفي التردينه
•••••••••••••••••••••••••••••••••••••••
طوعه صاحت بس علي وطاحت رگاب---
أبسيف مسلم وانتفض حتى النگاب•••
صاح شيميني أبعلي وانه أبن ابوي---
مثل عمي أمعلم أنه أقلعلي باب•••
أله أفرح گلبه وبكل طبره كون---
راح اخلي الروس يحضنهه التراب•••
ها..
والحومه اتسولف بس بينه
•••••••••••••••••••••••••••••••••••••••
هلهلت طوعه وخفگ جنح الحرب---
والعساكر تيهت حتى الدرب•••
هوه وحده وسومرت ذيچ السيوف---
هيه والشالتهه كاتلهه الرعب•••
گام يشمر بالزلم سواهه ماي---
مسلم وعمه علي أيكضه الصعب•••
ها...وينومس دين ابتاريخه
•••••••••••••••••••••••••••••••••••••••
طوعه صاحت والحچي بيهه استدار---
صوب حيدر والدمع ناده الفقار•••
اليوم مسلم سوه حتى المايصير---
وعلي رد يومك علي ابوضح النهار•••
الگاع شهكت من جثثهم واليطيح---
الكوفه رفعت راسهه ومسلم شعار•••
ها…هز عرش الكوفه بصولاته
•••••••••••••••••••••••••••••••••••••••
خادم أهل البيت.. ع..
أبوحسين السرگودي…
•••••••••••••••••••••••••••••••••••••••

https://tttttt.me/ssgadAl

:
كون مسلم للجثث شافاهه...
شلون وسط الماي من ذباهه...
$$$$$$$$$$$$$$$$$$$$$$$$$
مارعه ألهم قرابه اويالرسول**
وجاري مدمعهم نفسره وﭼن يگول**
لوعدل مسلم ابد ﻻمايحول**
السيف بين ارگابنه اوگصاهه...
$$$$$$$$$$$$$$$$$$$$$$$$$
أتسابگو عالموت نعم التربيه**
عودهم مسلم رمزهه التضحيه**
هل الجثث بچن الماي اوجاريه**
والجرف آية حزن يقراهه...
$$$$$$$$$$$$$$$$$$$$$$$$
أخذ جثة محمد او ذبهه أبنهر**
الجثة أبراهيم ظلت تنتظر**
ياگلب يحمل مثل هذا اﻻمر**
مشابك الجثه ترى بدماهه...
$$$$$$$$$$$$$$$$$$$$$$$$$
وين شيال العلم سبع الطفوف**
اوين هاشم وين مسلم خل يشوف**
شلون روس اطفاله شالتهه الچفوف**
واخذ بيده الروس من شالاهه...
$$$$$$$$$$$$$$$$$$$$$$$$$
أخذ بيده الروس راد الجائزه**
وعالذبح كثرة المال الحفزه**
تالي سيف الموت گام اوبارزه**
وگطع راسه الموت ماناﻻهه...
$$$$$$$$$$$$$$$$$$$$$$$$$
جرح سلم جرح جرحچ كربله**
بيچ هاﻻطفال طشت بالفله**
وظلت ادموع الحزن دم سايله**
وكل گلب شيعي ابجمر چواهه...
$$$$$$$$$$$$$$$$$$$$$$$$$
خادم أهل البيت..ع..
أبوحسين السرگودي....
$$$$$$$$$$$$$$$$$$$$$$$$$
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
https://tttttt.me/ssgadAl
________
لمن يجد صعوبة بالحن اطلبه من
@moatmed1

يامنصورأمت .. الكوفه صارة بي مزار
يامنصور أمت .. غيره وبگصة الشعار
شالته اكبرسفاره ... مسلم أينومس شعاره
بي علي ماخذ صداره
♧♧♧♧♧♧♧♧♧♧♧
الشعار امنالشعائربينهن واگف حرف
نگع الدنيه ابضواهن حتى تكبر بالوصف
شالهن مسلم ظميره القصد ﻻموينعرف
راد يرسم صوره حره وينكت افكار العرف
يامنصورامت .. بزغ بيهه اجم نهار
يامنصورامت ..غيره وبگصت الشعار
ورفرفت رايه نهاره ... مسلم اينومس شعاره
بي علي ماخذ صداره
♧♧♧♧♧♧♧♧♧♧♧
طلعت اجروح السوالف من خلص ذاك الفرض
فرغ مسلم من صﻻته اومالگه منهم نبض
خجل منهم كلشي واگف ونخطف وجه اﻻرض
وماركع سيفه ايتوضه بالمراجل تنحفض
يامنصورامت..سيفه ابن عم الفقار
يامنصورامت..غيره وبگصةالشعار
أتحزم ابهمة فقاره..مسلم اينومس شعاره
بي علي ماخذ صداره
♧♧♧♧♧♧♧♧♧♧♧
عايش ابروح القضيه وغيم ابعينه الزعل
لوه اذراع الدنيه بيده وكسر بيهه اچم هبل
راح اوگف وادري يومي يغرگ ابطوله اﻻجل
بي علي واگف وعرفه چنه واگف بالجمل
يامنصورامت..سيفي حزمته ابقرار
يامنصورامت..غيره وبگصة الشعار
جيش ماياخذ قراره..مسلم اينومس شعاره
بي علي ماخذ صداره
♧♧♧♧♧♧♧♧♧♧♧
الكوفه بيهه الليل سير وحده ماشايل نجم
مثل حيدر قره لليله وشافه مابيه كل سلم
اباب طوعه وحط بصمته يعرف اتعادل زلم
وطوعه شافت طوله غيره ابصوت نادة والنعم
يامنصورامت.. واضح ابعينه المسار
يامنصورامت..غيره وبگصة الشعار
رسم خارطته اومساره .. مسلم اينومس شعاره
بي علي ناخذ صداره
♧♧♧♧♧♧♧♧♧♧♧
بگلبه احسن علي حيدر والزلم ماهمته
رجچفت اﭼفوف المنايه الموت يعرف طبرته
حسين مويمه ويسمعه وصاح تسلم يمنته
ويه كل طبره الطبرهه حسين تهتف غيرته
يامنصورامت..ابد ماشاف انكسار
يامنصورامت..غيره وبگصة الشعار
جيشهم شفت انكساره .. مسلم اينومس شعاره
بي علي ماخذ صداره
♧♧♧♧♧♧♧♧♧♧♧
بغمده ماضل صوته گاعد من دخل ذاك القصر
الكلمه تشمخ لوحجاهه اتخضر ابلون العمر
والصﻻه نسمة حياته لذبح صاح انتظر
صله وعله حسين سلم والشعائرتنتصر
يامنصورامت..مجلس حسين انتصار
يامنصورامت..غيره وبگصة الشعار
مات بس عاش انتصاره.. مسلم اينومس قراره
بي علي ماخذ صداره
♧♧♧♧♧♧♧♧♧♧♧

خادم اهل البيت..ع..
أبوحسين السرﮔودي
°°°°°°°°°°°°°°°°

https://tttttt.me/ssgadAl


📢 حصــــــــــــريـــــــاً 📢
🔹مجموعة خدر الفواطم 🔹
🔹لنشر القصائد الحسينيه🔹
  🔷غير مسموح بحذف🔷

~ 🚫حقوق القناة 🚫~




#ويبقى_الحسين


________________________
لمن يجد صعوبة بالحن اطلبه من
@moatmed1

چفه چف الكرار من يطب ابحومته--------''''''---------
هذا مسلم:::::::::هذا مسلم
----------'''''''''''''''''''''----------
طوعه حچت عنك..چنك علي چنك..منهوالوصل فنك..
كل همتك جيش
الحومه دارسهه..بكل خطوه دايسهه..بس أنته فارسهه..
كل طبره الك بيش كل طبره تزرع اثار للتطبره ابهامته--------'''''''----------
هذا مسلم........هذا مسلم
-----------------''''''''--------------
شگد راضع امروه..وكل فزعتك خوه..حتى الهوه اتلوه..
من تذكر حسين
من تزعل اتكبر..ياهو البعديعبر..ابكيفك اتقرر..
كل همك الدين
خليت يومك تذكار والنصر ظل رايته--------''''''-----------
هذامسلم..........هذامسلم
-------------"""""""---------------
انته الفتحت الطف..ﻻ مارجفلك چف..ياحكمة اﻻعرف..
بكل حمله الك جيل
ماگدرو ايﻻڰون..منك ترى ايخافون..چم مسلم ايشوفون..
مسلم ضوه ابلليل
لوشعلو النار الناركلهه تطفه ابحملته------""""---------
هذا مسلم.......هذامسلم
-------------"""""""--------------
حتى الحچي يحچي..شفت الزلم تبچي..من يمنتك ترچي..
كل فارس اتشمره
چفك جسرللموت..المسه ينسه الصوت..يعبربﻻتابوت..
وياخذعمل عمره
الكوفه شهدة بالصار بالجموع اللاگته------""""""---------
هذامسلم........هذامسلم
-------------"""""""---------------
بسيفه النصرجابه..وتحنه بي بابه..شوف انته محرابه..
تلزم سره اتبوسه
وتشتم عطر ناطور. بمحرابه من عاشور ..جربهه من اتزور..
كل ظالم ادوسه
مغوارمسلم مغوار تطي عبره ازيارته------"""""---------
هذا مسلم.....هذامسلم
--------------""""""--------------
خادم اهل البيت *ع*
ابوحسين السركودي...
---------------""""""-------------

https://tttttt.me/ssgadAl
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
________
لمن يجد صعوبة بالحن اطلبه من
@moatmed1

ياسفيرابن الزچيه.............
..................بيك حيرة آل أميه
نفسك عمك حيدره#####
شبر ما ترجع وره#####
^^^^^^^^^^^^^^^^^^^^^^
انت وارث عمك ابسوح القتال...
وأنت نسمةحرب لوصار النزال...
هيه طوعه اشصاحت اوكل الرجال...
عله ألغبره اجسادصارت چن خيال...
/// أضن صاحت ياعلي///
///وصحت خليهم الي///
وصفطتهم عالثره...............
.....................شبر ماترجع وره
^^^^^^^^^^^^^^^^^^^^^
كل كتيبه اتذوب گامت من تجيك...
وأنت وحدك همه ماگدرو عليك...
صار سيفك موت والموت اباديك...
كفو منك ماترد اليعتنيك...
///چفك ابدآ مايهم///
///يشمر ويطبر زلم///
بيك كلهه امحيره...............
....................شبرماترجع وره
^^^^^^^^^^^^^^^^^^^^^^
ماتعبت انته وﻻ چفك تعب...
ﻻكن امنالموت تعبانه الرگب...
شكثر طلبو جيش مافاد الطلب...
أنت عزمك نار والضدك حطب...
///حارو ابامرك اكيد///
///لونشدعنك يزيد///
بيك كلهه امحيره...............
...............شبرماترجع وره
^^^^^^^^^^^^^^^^^^^^^
ولن ابن مرجانه ناده ابصوت حيل...
هاذه مو عباس مسلم بن عقيل...
وسوه بيكم مثل حماي الدخيل...
بسيفه خله ارگابكم دمهه يسيل...
///ترهب انت ابحملتك///
///وطوعه هيه النصرتك///
مثل سبع الگنطره................
...............شبرماترجع وره
^^^^^^^^^^^^^^^^^^^^^^
رادو ايطفون نورك ماطفه...
ياسفير حسين يانبع الوفه...
الكوفه بسمك ياامير المعرفه...
تراب گبرك للسقيم اصبح شفه...
///أليشم عطرك يطيب///
///انت لحسين الحبيب///
فزت دنيه اواخره.............
..................شبر ماترجع وره
^^^^^^^^^^^^^^^^^^^^^^
خادمك اهل البيت *ع*
ابوحسين السرگودي...
^^^^^^^^^^^^^^^^^^^^^^
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
https://tttttt.me/ssgadAl
________
لمن يجد صعوبة بالحن اطلبه من
@moatmed1

قصيدة في رثاء مسلم بن عقيل عليه السلام


صرخة ارفعها بيقين. لا حياة بلا حُسين
_____________

آنه مسلم رابي ببيوت الامامه
والله ما تسوه الحياة بلا كرامه
حسين امامي وغيره مااسمع كلامه
واليخالف امره يخسر بالقيامه
آنه جيت بأمره ونطاني مقامه
يالله يهل الكوفة رشحوه للزعامه

والسمع يحسبها زين. لا حياة بلا حُسين
_____________

وصلت آلاف الرسائل خط اديكم
للأمام حسين تردونه يجيكم
وآنه مبعوثه واجيت بأمره ليكم
آخذ البيعه وتطيعونه عليكم
وينه يهل الكوفة گلّولي حچيكم
ولو نعلم بالغدر مغروس بيكم

طيعوا بن طه الأمين. لا حياة بلا حُسين
______________

ابن ابو سفيان ظالم لا تطيعوه
فاجر وكافر يزيد الطاغي عوفوه
حسين جاي من المدينة يالله نصروه
انتم الرتّوا يجيكم ليش خنتوه
آنه مسلم احچي عنّه وصوتي سمعوه
انچان ما تردونه بالطف لا تأذّوه

اصبر واللّه المعين لا حياة بلا حُسين
_____________

صاحوا احنه بأمرة ابن زياد كلنه
وانـت يامسـلم وحيـد استسلمنه
لو تبـــايـع لو نـقـتـلـك اتّـفـقــنـه
احنه لبـن زيــاد ويزيـد اتّـبـعـنـه
سحب سيفه وصاح مسلم موتي جنّه
علـى يـزيــد وعاليتبعــه الف لعنه

ثورة ضد الظالمين. لا حياة بلا حُسين
____________

چن علي الـكـرار مسـلم من اجـاهم
بسيفه يحـصـد بيـهــم ونــزّل لواهم
حيّر العـــــــدوان بفـنـونه وغـــزاهم
تجري ارض الكوفة گامت من دماهم
والنّعِـم من مسـلم ابسيفـه فنــاهم
من عـلي متعـلّم ومـو مستــــواهم

والشعـار بكلمتين. لا حياة بلا حُسين
__________

عكب ما عجزوا وشردوا من قتاله
غـدروا بمسلم غـدر اهل الضلاله
استشهد وماعاف ابو الأكبر محاله
مسلم بدم نحره ادّاها الرساله
يشبه العباس بفعاله وخصــاله
للحبيـب حسيـن نادر بمتثـــاله

صرخته طول السنين. لا حياة بلا حُسين

سيد زيد الفحام
________________________________

https://tttttt.me/ssgadAl

قصيدة رئيسية في رثاء مسلم بن عقيل عليه السلام


طال السفر .... مارد خبر
منك يبويه ونتظر سالم تجيني
طفله واحن .... ابچي واون
مسلم يبويه لشوفتك يشتد حنيني


آنه حميده طفلتك يالـدلـلـتـنــي
مسلم يبويه من رحت عني وعفتني
حسيت أنه وگلبي انلچم من ودعتني
أتيتّم وابقه بحزن يالـفـارگـتـنــي
ريت الأجل ..... بيه نزل
ولا ابقه بعدك باليتم مسلم يغالي
احسب وعِد ..... يمته ترد
منهو البقه عندي بعد وشكيله حالي


مسلم يبويه غييتك طالت عليّه
اتنطّر بدربك صرت صبح ومسيه
خوفي عليك من الغدر من آل اميه
ادعي بصلاتي من السفر ترجع اليه
ماضل صبر .... جرح الهجر
ما يشفه إلا بشوفتك يالفارگتني
فگدك صعب ..... يچوي الگلب
مسلم يبويه يبويه بحيرتي ريتك شفتني


گالولي للكوفه رحت تحيي العداله
من عمي ابواليمه السبط تحمل رساله
خوفي يغدروك العده اهل الضلاله
غدروا علي ياوالدي الماصح مثاله
طفله وصحت ..... بعدك ضعت
ارجع يبويه مسلم وخليني اشوفك
گلبي انكسر ..... ضيم وقهر
اغفه عله حجرك والدي ضمني بچفوفك


آنه العزيزه طفلتك بنتك حميده
عندي طلب ياوالدي ومنك اريده
ترجع اليه وتترك السفره البعيده
گلبي الصبر ياوالدي لا مايفيده
فكري انذهل ..... بيك انشغل
طفله وجرح گلبي الهجر ماتدري بيه
اسأل گمت ....... حي لو متت
منك خبر ياوالدي ما رد عليّـــه


طفله وعفتني بلا ابو يابويه تدري
عمي اجه يمي وگعد ودموعه تجري
يمسح على راسي غده ويگلي صبري
فگد الابو ماله عوض ياطفله ادري
هذا الحصل ..... وسفه انچتل
مسلم يطفله غدرته الكوفه واهلها
گتله العوض ...... بيك انفرض
ياعمي فدوه لحضرتك روحه البذلها


اخبرني عمي بقصّتك واللي جرالك
مسلم يبويه بموقفك ماصح مثالك
حال الغريب بلا اهل بالكوفه حالك
والكوفه كلها تجنّدت بويه لقتالك
من قاتلت ..... لا ماخفت
وحدك يبويه والعده متحاوطينك
فوگ الثره ...... دمك جره
وستشهدت بويه بشرف آخر سنينك

خادم مسلم بن عقيل عليه السلام
سيد زيد الفحام
_____________________________

https://tttttt.me/ssgadAl

نزلة .... في رثاء مسلم بن عقيل عليه السلام


مسلم ياشهيد. مسلم ياشهيد
احبابك وجيناك. مسلم ياشهيد



ضحيت بدمائك. عالي يرف لوائك
يامسلم عطـائك. للمحشر يظل
احنه بنهجك احنه. تمسّكنه وربحنه
يامُسلمنه صحنه. يالبيك الأمل
رددنه النشيد. رددنه النشيد
ياقائدنه حيّاك. مسلم ياشهيد



نقسم مانعوفك. نتعنّه ونطوفك
يامسلم نشوفك. عايش بالضمير
يالحبك دعانه ادّيـت الامــانـه
لحسين بزمانه. يااعظـم سفيـر
كـلا يايـزيــد. كـلا يايـزيــد
يالكاتبها بدماك مسلم ياشهيد



مسـلم يافخـرنه. نفديك بعمرنه
يم گبرك حضرنه. احبابك نزور
جينـاك بـوعـدنـه. يم بابك سجدنه
ونجـدد عـهــدنـه. يمّك يالغيور
والحَبـك سعـيــد. والحَبـك سعـيــد
الله يحشره ويّاك. مسلم ياشهيـد



راية حق شلتها. بالكوفه انشـرتـها
بسمك سجّلتـها. مسلم ياشهم
وحسين العرفته. يامسلم نصرته
ابــداً ما تركـتــه. حاربت الظلم
بالكوفه وحيـد. بالكوفه وحيـد
سيفك حارب عداك. مسلم ياشهيد



مسـلم ياولينـــه. انصـارك اجينــه
لمصـابـك بچينه ونلطم عالصدر
مكسورة الخواطر. مجروحه المشاعر
دم تبچي النواظر. وفّينه النذر
وليوم الوعيد. وليوم الوعيد
مسلم نبقه ننعاك. مسلم ياشهيد



رغماً عالنواصب حبك يبقه واجب
تتعنّه المـواكـب توصل حضرتك
احنـه الرافضيـه. نتـحــدّه المنيــه
نقسـم بالزچيـــه. نبقه بخـدمتـك
يالحبك يفـيـد. يالحبك يفـيـد
وبفطرتنه نهواك. مسلم ياشهيد

خادم مسلم بن عقيل عليه السلام
سيد زيد الفحام
____________________________

https://tttttt.me/ssgadAl

موشح في رثاء مسلم بن عقيل عليه السلام


رايتك راية علي المعروفه
تبقه يامسلم ترف بالكوفه
واشهيداه. واغريباه


تبقى يامسلم رمز للاوفياء
مرقدك بالكوفه مرقد للا باء
انت بس لحسين انطيت الولاء
كبرك الاملاك لسه اطوفه


انت يامسلم مثال الثائرين
من ثرت بالكوفه ضد الظالمين
الاخر الانفاس تهتف ياحسين
قررت للموت لا متعوفه

هذا كبرك شامخ بعنوانه
وين قصر الطاغي ابن مرجانه
مابقت اثار اله ولا عوانه
وانت اسمك خالدات احروفه



انت عالكوفه امير بكل وقت
ختارك حسين السفير ونفذت
ماخشيت الظالمين وماخفت
واسمك بوجه الزمان انشوفه



ياسفير حسين يانعم السفير
ماخنت عهدك ولاخنت الظمير
الهاسبب شرفك الله القدير
وشرفك يامسلم بمعروفه


عالمناره رايتك ظلت ترف
يالشلتها بأدك وصنت الشرف
تشهد الكوفه الك ورض النجف
وعلي حياك الوصي بجفوفه

لا وحك المصطفه وحامي الدخيل
منهجك ماينمحي لا مستحيل
عمك المرتظى والوالد عقيل
ياهو مثلك يانسب ونشوفه
رايتك راية علي المعروفه
تبقه يامسلم ترف بالكوفه
واشهيداه. واغريباه

للشاعر سيد زيد الفحام

https://tttttt.me/ssgadAl

شوط كربلائي في رثاء مسلم بن عقيل عليه السلام


على مسلم يهل دمعي وذكــره وأذكــر مصــابـه
غريب وغدرته الكوفه وفجع گلب النبي اصوابه



سلام الله على مسلم سفير حسين ابوالاكبر
ابـد ما بايـع ابـن ازيـاد ولا مـد أيـده للمنكـر
شجـاع وماوهـن گلبـه ثبت بالمعـركه ومافر
هــذا المـرتـضـــه عمّـه. ورث من غيرته وعزمه
مـحّــد يـقـتـــرب يمّــه
غيور وبالحرب معروف فرسان الوغه اتهابه



ابد ماعاف ابوالسجاد ماخانه وفه بعهده
مابايع يزيد وصاح أميري حسين وتحدّه
مسلم وحده بالكـوفه وآلاف البشـر ضـده
ولا خاف ورجف گلبه. عـلاقـــة مســلم بربـه
ودرب المـرتضــه دربه. لجل دينه يذبحونه يدري وحاسب حسابه



عگب مابايعت مسلم ناس الكوفة غداره
خانت بالعهد وياه عگب ماچانت أنصاره
تريده يبايع ابن زياد ويترك مبدأه وثاره
لچن مسلم صرخ هيـهات. اعـوف حسيـن بالكلفــات
المات اعله الشرف مامات مـا انزل وبايعـكــم لا والباري وكـتـــابـه



قاتلهـم وحيـد وصـاح آنـه المرتضه عمي
لذل ارگابكم بالسيف يويله اليقترب يمي
ابـد ما أرضه بالـذلّه لحـد ماينسفـك دمي
شردت كلها من سيفه أخـذ ثاره وأخذ حيفه
يلگـط بيـهــم بكيـفــه. وحيد وكل هذيچ الناس شردت منّه مرتابه



كلهـا اتحـاشمـت ضـده بسيوف ونبل ورماح
مسلم ماوگع هيهات غدروه بالحفيره وطاح
غـدرتـوني يهل كوفان وانه الماأنثني بجراح
لحسين العمـر فـدوه. غيره بعمـري ماأهوه
ضامي ومثله ماأروه اضحّي بدمي للمظلوم ونعد اوّل اصحابه




ناس الخـانـت بمســلم علينــه احفــادهــم ردّوا
داعـش والسّنـد داعـش ذبحــوا قتلــوا اتعــدّوا
حشدنه المايهاب الموت سحگهم بالحرب شردوا
حي الله الحشــد حيّـاه. مـاضــل الـوطــن لـولاه
الشعب والمرجعيه وياه من عين الدواعش راح الحشد جاب النصر جابه

خادم مسلم بن عقيل عليه السلام
سيد زيد الفحام
______________________________

https://tttttt.me/ssgadAl

قصيدة رئيسية في رثاء مسلم بن عقيل عليه السلام


اوّل فــدائي .. عـهـدي وّلائي .. لحسين ابو السجاد
انصر امامي .. وبعث سلامي .. لحسين ابو السجاد
...............

أنه مسـلم يهل كــوفــان اسمعوني
سفير حسين الكم سمعوا مضموني
اذا تـردون ابـو الأكبـر انـصــــروني
عـهـد للبَيّعة عـهـد رجـال تنطــوني
ولو طبــع الغــدر بيـكـم تـغــدروني
لچن انــذركــم واعــرف تعـوفــوني
واضح شعاري .. رئيي وقراري .. لحسين ابو السجاد
ابـدي بكلامي .. وبعث سلامي .. لحسين ابو السجاد
..................

أنه مسلم حُسيني ومن بني عدنـان
أبــد مـا بـايــع يزيـد وبني سفيـــان
بأمـر حسين امـامـي حجّة الرحمـان
منـــكـم آخــذ البيـعـه يهـل كـوفــان
يزيد استحكم بكفره وفشه الطغيان
وابـوالاكبـر أمــام ابـمـحـكـم القــرآن
اتـبـع ضميري .. ونصر اميــري .. لحسين ابو السجاد
يعرف مقامي .. وبعث سلامي .. لحسين ابو السجاد
...................

عقيل الخيـر ابويه ودمي من دمّه
ربّـانـي عـله حُب حسيـن ابواليـمّه
منـو منـكـم شبيهـي وحيـدره عمّه
فقيـه بدينـي آني وعلمي من علمه
اگلكم كلمه وحده وسمعوا هالكلمه
يـزيـد الفـاجـر يـذلـكـم تـره بحكمه
فكــروا بعقلّكـم .. سلمـوا امرّكم .. لحسين ابو السجاد
بدينه عتصامي .. وبعث سلامي .. لحسين ابو السجاد
.......................

ابن عمي الحسين وامري من امره
تعـرفـونـه الإمـام ومصدره وقدره
ابن بنت الرسـول الطاهـره الزهـره
حبيب الهادي هوه وخامس العتره
يهـل كــوفــان رابـح كلمـن ينصـره
وكلمـن عـافه مـا ينـفـع بعـد عـذره
الله بـجــــلاله .. ميّـز خصــاله .. لحسين ابو السجاد
حبّي وهيامي .. وبعث سلامي .. لحسين ابو السجاد
.....................

كـتـبـكـم وصلـت الآلاف تــدعـــونه
يجـيـكـم وعتنـاكم ساري بضعـــونه
تـخـونـون العـهـد تـالـي وتخـذلــونه
وبـن مـرجــانه خـوّفـكـم تـتـبـعــونه
مـو اوّل غــــدر هــذا التـعـمــلـونه
غـدرتـوا بعمّي حيـدر ما تـرحـمـــونه
ارفـع لوائي .. ورخص دمائي .. لحسين ابو السجاد
هذا ألتزامي .. وبعث سلامي .. لحسين ابو السجاد
...................

غـدرتـونـي وبقيـت بلا سند وحـدي
لچـن ويّـاي ربّـي وصـارمـي بـيَـدّي
اذلـكـم وآنـه ابـو طاهـر عـزم عنــدي
اگـص راسه اليجينـي ويوصل لحدّي
لبـو السجــاد امــامـي بالعـمـر افــدي
مسـلم آنـه اوفـي وما خـنـت عـهـدي
عشـاگ ممـاتي .. ناذر حيــاتـي .. لحسين ابو السجاد
بساعة ختامي .. وبعث سلامي .. لحسين ابو السجاد

سيد زيد الفحام
__________________________

https://tttttt.me/ssgadAl

قصيدة في رثاء مسلم بن عقيل عليه السلام

يعمي حسين .. اسألك وين
ابويه مسلم الغالي
عشت ويّـاه .. صعب فرگاه
ابويه العايش ابّالي
..........................

امـام وحجّـة البـــاري يعـمّـي تعـلم شبيّـه
اسـألـك والخبر عندك دخيلك جاوب عليّه
سفـيـرك مسـلم الغالي يـرد لو ما يـرد ليّـه ؟
شكثر ياعمّي مشتاگه لبويه وادعي يوميّه
حسبت حساب .. يردلي الغـاب
يعود ويرئف بحالي
صحت والله .. صعب فرگـاه
ابويه العايش ابّـالي
.......................

حميـده الطفله خـلّانـي ابويه وسافـر ومارد
بقيت بحسرتي وهمّـي خبر عن مسلم اتنشّد
الخبر ياعمي بس عندك تـخــاف عليّـة تتردد
يعمي حسين جاوبني دخيلك گلبي خل يبرد
حزن وجروح .. تسلّ الروح
صبر ما بيّـه للتالي
متت بجفاه .. صعب فرگاه
ابويه العايش ابّالي
.........................

يـعـمّـي تمسـح بچفّـك على راسي وتواسيني
عـلامـــات اليتـم هــذه بـفـگـد مسلم تسلّيني
ابويه الضحّه من أجلك وجودك عمّي يكفيني
المـهـم سـالم تظل انت يشمعة عمري وسنيني
حميده وياك .. تظل بحماك
يخيمه علينه يالوالي
الفداك ادماه .. صعب فرگاه
ابويه العايش ابّـالي
............................

حميــده يگـلـها يبنيّتي ابوچ الغدرته الكوفه
وحيــد وقـاتـل بروحه شهيد ويبقه معروفه
ابـوچ سـتـشـهـد وفّـه وبعد ياطفله منشوفه
من سطح القصر للگاع رموه ومگيّده چفوفه
حميده تلوع .. تسيل دموع
تنادي ضاعت آمالي
فلا انساه .. صعب فرگاه
ابويه العايش ابّالي
..........................

يمسلم لا تـظـن بـعــدك اعيش براحه واتهنّـه
اليتيمــه بـلا أبـو تـنـذل يجيـها الموت تتمنّـه
لون ما عـمّـي ويّـايـه مـتـت باللـوعـه والونّـه
لچن عوّضني عمي حسين ابوي الراح احسّنّه
اشوفك ريت .. وسف ماجيت
حزينه ودمعي يبرالي
شتفيد الآه .. صعب فرگاه
ابويه العايش ابّـالي

سيد زيد الفحام
___________________________

https://tttttt.me/ssgadAl

قصيدة نزلة .... ( موشح ) في رثاء مسلم بن عقيل عليه السلام


رجّـف العــدوان سيفـه ومارجـف
يشبـه الـكـرار حيـدر مـن وگـف
.............

هـذا مسـلم شوّف الكوفه العذاب
توسّط الفـرسـان يحصد بالرگـاب
نذهلت العدوان چن يوم الحساب
الرفع راسه بسيف مسلم ينخطف
.............

هاشمي ومعروف لو طب الحرب
الخيـل عالفـرســان يگـلـبـها گلُب
ومسلم بخيل وجثث سـد الدرب
شي تمـوت وشي يمـوّتــها النزف
.................

زلــزل الـكـوفـه ابوطـاهـر والنّعِـم
زلمّـه هـــذا بَـچّـه اشبـــاه الزلـم
بكيفــه گـام ايطشّـر بسيفـه ويلم
نفـخـة اســترافيــل بيهــم لو هتف
...................

شما يجونه عداد ترجع بس جثث
چـن عـلي الـكـرار بالـكـوفه انبعث
مسـلم بـصـولاتـه مـن عـمّـه ورث
بهــازم الاحــــزاب حيــدر ينوصف
...................

تـعـجّـب ابـن زيــــاد من مسلم تره
سـوّه بالفـرســـان اكـبــر مـجــــزره
ما دره بمســلم شبيـــه لحيـــدره
الأرض من يزعل يطگ بيها الخسف
...................

والله لوما الديـن محـتـــاج لـدمـــاه
چـان مسـلم عسـكـر الـكـوفـه فنــاه
لـكـن الرحـمـــان للـديـن اصطفـــــاه
ستشـهـد ونـال الشهـــادة بكل شرف

سيد زيد الفحام
_______________________________

https://tttttt.me/ssgadAl