الشاعر موسى البديري:
هوسات الى السيده الطاهره ام البنين عليها السلام وهي توصي ابا الفضل بهذه الوصيه
***
ﮔبل لا تروح يا عباس وصيه من امك اسمعها
زينــــب يـــا ﮔمـــر عدنـــان بالك يهل مدمعها
عينــي كلها والهــامـــه واديـــه فدوه اﮔطعها
(( ولزينب منذوره اسنيني ))


فــدوه اسنيني منـذوره كلهن بس لاسم زينب
غضب عباس وأتخيل اخو زينب لـون يغضب
نـــار الغيــره ظـل تفـــور بيه أبكل كتّر تلهب
(( عباس أبغيره مرضعينه ))


ييمه أبغيــره رضعتــك حلـــيب أمطعـــم أمــروه
حتــى أتوافــي يا عبــاس بالطــف يبني للخــوه
وأريد الموت دون حسين يبني يصير الك سلوه
(( وبدمك كون اتوافيني ))
**
الشاعر
موسى البديري

https://tttttt.me/ssgadAl

نعي لأم البنين ع
ــــــــــــــــــــــــــ
جروح هــواي عنــدك ادري مــولاي
واخاف احچي والچمك يبن الحســين
عيوني ذنوب بيـهن ســـيدي هــواي
ومن گبـــر الزچـــيه مأيسه العـين
أنه مخـــلوق عـبدك خايـــف آذيك
واخاف اعبر حــدودي بهالچلـمتيـن
الحاجه تذبهـا عالشــباچ الجفـــوف
وشبابيــچ المراقـد شبـعت ايـــدين
بــس ام البنيــــــن بلايـه شبـــاچ
نذب الحاجـه ويــن لــ لأم البــنين
شلت الــــها علگ متـــروس دمعــات
وگبــرها اتراب اشـد الها العـلگ ويـن
ــــــــــــــــــــــــــ
ذبل وردي اومن إيـدك * ماي اتاني
اصـــيح لگــلبي تاني * ما يتـاني
اعله گبر ام ابو فاضل * ميّت آني
أزوره منيــن من يا ناصـــبيه
ـــــــــــــــــــــــــــ


مهدي التقي

https://tttttt.me/ssgadAl

نعي عن لسان ام البنين سلام الله عليها

يلتنادوني بسم ام البنين
تذكروني بلوعتي وجمر الونين
اربع ابدور المشوا عني وصرت
بيتي خالي ومابعد عندي بنين
توذورا بسيوف مابيهن رحم
على الغبره احباب كلبي اموذرين
يوم كالوا بالعمد راس انهشم
وطاحن جفوف الكمر يسره ويمين
واشد كل هاي المصايب علكلب
سهم المثلث فطر كلب الحُسين

الشاعر حسن لعيبي الحريشاوي

https://tttttt.me/ssgadAl

عد ما دفنو ام البنين في قبرها

وانفظو من حولها كأني بزينب
حظرت عندها وقالت
… ............
مااسمع بواجي وين الاولاد
هاي ام البنين اولادها هواي
هم جانت تجالع والمرض حار
هم عباس منه طلبت الماي
شو عجبه ولاعباس موجود
معروف البطل ميقصر بهاي
وينك ماتجي مو اني هالجيت
متعوده بطلعتي انته وياي
اتلفت وشوف خيالك بعيد
تعال ارجوك خويه ادنه ليجاي
هاي ام البنين وسلوت حسين
خلينه عليها انوح بهداي
مد ايدك تلمس كبر الهموم
اهو والله نسيت جفوفك هناك
طاحن عالشريعه وخظرن جود
ليهسه الفرات بمايه ينعاك
وحدك من اجيت ومااجه حسين
شلون اتعوفه غير اتجيبه وياك
فاتحتك جبيره الهسه بالكون
ومسويه ثواب الزود يمناك
مد ايدك عليها خلها ترتاح
تشم بجفوفك من الزود خوان
وزعنه بخت بهموم طاريك
وغطينه بوكفتك كثره نسوان
تتنفس كبرها تطلع هموم
وبكلب البواجي انصب صيوان
وين حسين خلها اتسولف وياه
مشتاكه يجيها ولو عنوان
......
علي الحاج الصبيحاوي
سفرة ام البنين نعي
........
يالنيتك تريد اتقدم اثبات
وتحصل اجرتدري الاجروين
لاتبخل عليها بدمعه هاليوم
رخصلها الدمع خل تنزف العين
تستاهل عليها انوح بدموم
وننخاها بطلب ام البراهين
من سفرتها ناخذ احنه المراد
مترد الكصدها ام البنين
………....
والمراد
انترس كلبي الم رايح
ونخيت اهل النبي وبيته
ترجيت الاجر منج والمراد
ياأم البنين بهالمسيه
........
أنخه أم البنين وشوف ودهه
ولايبقه حمل مطروح ودهه
هاي ام البطل عباس ودهه
وانخاهه تجيك ابكل قضيه
...............
يهل ضدك ليالي السود دارن
وعليك اموجعا ت البين دارن
ندري اعيونك الياصوب دارن
لعد ام البنين ابهل المسيه
.........
بحر سيل المصايب علي درته
ولوكلمن حليبه وطيب درته
لعد ام البنين الوجه درته
نخيت وادري ماتبخل عليه
...................
علي الحاج الصبيحاوي

اعذرينه الطرق مزروعه بالموت
ومانكدر نجيج ابهاي اعذرينه
ياأم البنين وشهكت الخيل
مانوصل بقيعج فشله تدرينه
خجلانه القوافي مبخنكه الجلمات
من عدج خجل للموت غاطينه
عله كبر المصايب عزه مامكدور
بس اعله الصبر مجلس مسوينه
ضل كبرج يعاين وين المعزين
لن مامش بشر ناحت حياطينه
اليقره الفاتحه يم كبرج بلاصوت
واذا طاحت دمعتهه اتجلب ابعينه
مخنوك الكلام ابحظرت المهيوب
وجن شمة هوه حزنج تشمينه
قصرنه صحيح وياج ومقصرين
بس بداعت الزهره تعذرينه
.........
علي الحاج الصبيحاوي

علي .دور يليل وزين وجدني
وتخيرلي جرح وبحزنك الجمني
دورلي رمش مايغفه طول الليل
كون من البواجي اعيوني يعمني
فر بيه الزمان بدمعت المكرود
ولم سنين همك بيهن اسجني
ليلك جلجل ومجروح يم مجروح
وجفوف المصايب حيل عتني
خذتني امواج ليلك هندسه وعميان
وين تريد بيه اوين تاخذني
اضن اعله البقيع محزمه اللجمات
عدنه هناك اثر لجروحه سلمني
اخذني وطير ياليل المتاهات
ويم ذيج الوفيه هناكه نزلني
..............
علي الحاج الصبيحاوي
وصل ضعن الهواشم للمدينه
..........
تلاكومن بعدطول السفرذاك
وعله البيبان نصبوهه العزيه
علي السجاد شاف محمد وصاح
يعمي شلون اسولف بالرزيه
كله ياعلي جاوين الحسين
جاوين الظعن والهاشميه
كله وصبت الدمعات بالكاع
عفتهم جثث فوك اعله الوطيه
وكع هنا محمد مغشي اعليه
يويلي اعله الزمان شلعب بيه
اجت زينب لخوهه اتلحك اعليه
طبت سلمت بت الزجيه
حكه ماعرفهه اتغير اللون
من كثر المصايب والاذيه
كللهه يزينب وين الحسين
كلتلهه بقه بالغاظريه
يمحمد وجيتك اسحك دروب
جانت زينبك خويه سبيه
ترضاهه الشمر يضربني بالسوط
وانه امجتفات اثنين اديه
................

حينما عاد ظعن السبايا للمدينه
دخلت ام البنين على العقيله وهي تقول
وكان معها الفظل ابن العباس
..........
انه الجيتج يزينب ردت احاجيج
جبت وياي ابن عباس تردينه
اذا بالراحو احنه مانوافيج
بلكت بالفضل هليله وفينه
اخذي العين منه وهاي الجفوف
مثل عباس كون اتضل نياشينه
وحك ظلع امج المكسور بالباب
اخذي الطفل عني ولاتردينه
يحاجيني الطفل بدموع العيون
ويكسرخاطرج لمن تسئلينه
اكله راح ابوك انذبح عطشان
يصدليه ويكول حسين جاوينه
........
علي الحاج الصبيحاوي

تجعل ام البنين قبور رمزيه وتبكي عليها

.............
عله كبور الولد من صدت العين
اعاتب من بعد وعتابي مافاد
حسبالي يرد بس سالم حسين
ثاري حسين راح وراح الاولاد
احاجي من يدليني الدرب وين
انه الضلت رسم بس النفس غاد
هم ايعيش لحضه الفاكد اثنين
ونه روحي ودليلي عني ابعاد
عسه لايوم يغفه وجفني يرتاح
اله سمع خبربحسين الي راد
باجر لولكتني الزهره شتكول
وشكول انه حبيبي راح ماعاد
اصبر ياجرح من كلبي يشتاك
ونه مني الصبركترته ليغاد
تمنيتك حلم ترجعلي فديوم
واطوفك يالعزيز واخذ مراد
......

وهنا يكبر بها الحنين والشوق
......
ياهو البيه رحم ياخذني وياه
تفر الروح مالحك عليهه
تريد حسين وين حسين الك

علي الحاج الصبيحاوي
https://tttttt.me/ssgadAl

قصائد اليوم الرابع من محرم الحرام
نعي
آنـه ام البنين ام الميامـيــن ام عباس واخوانه المطاعين
&&&&&
هـليت الدمع من مشوا عنـي عرفت يخيب من ملگاه ظني
شفـت نحوربالميدان چنــــي واول هالنحور گبالي الحسيــن
&&&&&
آه شلـون يايــــمـه وتـروحـون گلـبي هنـا يـاروحي وتخــلـــون
يمـه حسين ويه ادماي معجون دمـوع تسيـل مني وتهمل العين
&&&&&
يمـه حسـين بس ارجــــع اليـه خـلـهه هنـاك كلهه اعله الوطيـه
فـدوه نـروح واولادي ســويـه اگـل للـروح المن غيره تـبـچـين
&&&&&
اريد انصب وسط روحي عزالهه
على الزينين والچــانــــوا عوالهه
ليش المـوت عن خـلـهـه عزالهه
وخلاهم جثث فوگ الوطيه
&&&&&
اريـد حسـين هـالسـاعـــه يـروحي
بلسـم صـارالـي ويشـفــي يـروحي
اروح شـلـون ويـگـلــــي يـروحي
شگل هناك للزهره الزچيه
&&&&&
على أم البنيــــن الــــروح شجــره
شنهي الصـار بيهه شعمل شجــره
وتـدري الناس هيه شلون شجــره
الــذ أثم ــار أنطـت للزچيـــــه
خادم الحسين ع/
الحاج ابو اياد البيجاوي

https://tttttt.me/ssgadAl

قصائد اليوم الرابع من محرم الحرام
نعي
آنـه ام البنين ام الميامـيــن
ام عباس واخوانه المطاعين
&&&&&
هـليت الدمع من مشوا عنـي
عرفت يخيب من ملگاه ظني
شفـت نحوربالميدان چنــــي
واول هالنحور گبالي الحسيــن
&&&&&
آه شلـون يايــــمـه وتـروحـون
گلـبي هنـا يـاروحي وتخــلـــون
يمـه حسين ويه ادماي معجون
دمـوع تسيـل مني وتهمل العين
&&&&&
يمـه حسـين بس ارجــــع اليـه
خـلـهه هنـاك كلهه اعله الوطيـه
فـدوه نـروح واولادي ســويـه
اگـل للـروح المن غيره تـبـچـين
&&&&&
اريد انصب وسط روحي عزالهه
على الزينين والچــانــــوا عزالهه
ليش المـوت عن خـلـهـه عزالهه
وخلاهم جثث فوگ الوطيه
&&&&&
اريـد حسـين هـالسـاعـــه يـروحي
بلسـم صـارالـي ويشـفــي يـروحي
اروح شـلـون ويـگـلــــي يـروحي
شگل هناك للزهره الزچيه
&&&&&
على أم البنيــــن الــــروح شجــره
شنهي الصـار بيهه شعمل شجــره
وتـدري الناس هيه شلون شجــره
الــذ أثم ــار أنطـت للزچيـــــه

خادم الحسين ع/
الحاج ابو اياد البيجاوي

https://tttttt.me/ssgadAl

نعي ... في رثاء ام البنين عليها السلام


خلّصت العـمـر دمعه عله دمعـه
انوح عله الغـريـب حسين ونعـه
وگرب موتي وردت ياناس فزعه
نعـشـي لـو مـتـت ياهـو اليشيّعه
وبنيـنـي بكـربــله ياناس صـرعـه


طبـع كـل والـــــده تحـنّ لأبنـــها
بســاعــة مـوتـها تريـده ودفنــها
يحـضـر يمــها ويغـمّـض جفنــها
وانـه ام البنـيــن الـراح منـــــــها
شـبـــاب اربـعــــه وبـدور چنـــها


ابـاوع والتـفـت يسـره ويمينــي
عبّـاس الـگـمـر بلـكـت يجينـــي
حبيـبـي لشوفتـه مشتـد حنيني
گبـل لا ينگـطــع نـوحــي وّنينـي
يعيني غمضي ما يحـضـر يعيني


جواب العباس عليه السلام

ييُمّه شلون اجيـچ بلا چفـوفـي
ييُمّه وبالسـهـم مفـگـود شوفـي
خـوفـي عليـچ تنلچمين خوفـي
عـوفي العتـب يمّ عباس عـوفي


عيوني من البواچي عليك. ضعفن
جروحـي تراكـمــت عباس. ضعفن
سلّتنـي المـحـن وعضـــاي. ضعفن
ومتت من يوم جـرح الغاضريه


ما انـصـف زمــانـي ويــاي. لحسين
خلص عمري بواچي ونوح. لحسين
امــوت ولا اظـل بـجـفـــاه. لحسين
شلي بعمري عگـب روح الزچيه

خادم ام البنين عليها السلام
سيد زيد الفحام
__________________

https://tttttt.me/ssgadAl

نعي لأم البنين ع
ــــــــــــــــــــــــــ
جروح هــواي عنــدك ادري مــولاي
واخاف احچي والچمك يبن الحســين
عيوني ذنوب بيـهن ســـيدي هــواي
ومن گبـــر الزچـــيه مأيسه العـين
أنه مخـــلوق عـبدك خايـــف آذيك
واخاف اعبر حــدودي بهالچلـمتيـن
الحاجه تذبهـا عالشــباچ الجفـــوف
وشبابيــچ المراقـد شبـعت ايـــدين
بــس ام البنيــــــن بلايـه شبـــاچ
نذب الحاجـه ويــن لــ لأم البــنين
شلت الــــها علگ متـــروس دمعــات
وگبــرها اتراب اشـد الها العـلگ ويـن
ــــــــــــــــــــــــــ
ذبل وردي اومن إيـدك * ماي اتاني
اصـــيح لگــلبي تاني * ما يتـاني
اعله گبر ام ابو فاضل * ميّت آني
أزوره منيــن من يا ناصـــبيه
ـــــــــــــــــــــــــــ


مهدي التقي

https://tttttt.me/ssgadAl

نعي الي السيدة ام البنين (سلام الله عليها)
_______________________

الحمد لله ییمه اعله نصیبــي

وحلال اعلیک یولیدی حلیبي

یا عباس ما ضیعت طیبــــي
*****
حلال اعلیک دّر صدري وبري الذمه

یل بیضت وجهي عند ابوالیمه

ییمه وراسي ارفع لوشفت أمه

#الشاعر_الکبیر_عزیز_الفیصلي

https://tttttt.me/ssgadAl

( نعي ليلة ام البنين )
-------------------

ها يفراگهم شمسوي بيه
بكثر دمعاتي يا. هم العليه
المنيه الله واكبر يلمنيه
خذت عافيتي من ما بين اديه

راحالي ابن موش ابني اني
وحگ الزهره راح ويتماني
فديته باربعه ومقصره وياه
يبعد ام البنين حسين تاني

يا ريحة محمد يا هوانه
منين الطف يبعد امك لفانه
ها يا موت تاخذني بمچانه
كون يظل واموتن شنهي انه

حنيت الظهر حتى الصوت محني
هيچ انا صرت من فارگتني
مثل ما منكسر ظهرك على ابني
اكسر ضلوعي لو موتك وصلني


انا ام البنين وگلبي تعبان
اباوع علدرب وبروحي نيران
مامش خبر منهم وين الحنان
ي بشر شبيك جبت وياك دفان


خبرهم لا تجيبه ولا تگوله
شنهي استشهدت كل الرجوله
دگلي حسين وينه شلون انوله
سألت علرحت فدوه اعلى طوله


نايم علتراب وجسمه مطعون
لا ما صدگت يا عالم شلون
زينب شنهي طمني اعلى العيون
يگلهه اتغيرت صارت غريبه

غريبه شلون والعباس چا وين ؟
گلهه بلا علم مگطوع الايدين
واخوته وياه لا لتگول عدلين ؟
كلهه الراح صعبه شلون اجيبه

كلمات خادم الحسين :: رعد الفريجي
1440للهجره :: 2018 ميلادي

https://tttttt.me/ssgadAl

نعي ... في رثاء ام البنين عليها السلام


خلّصت العـمـر دمعه عله دمعـه
انوح عله الغـريـب حسين ونعـه
وگرب موتي وردت ياناس فزعه
نعـشـي لـو مـتـت ياهـو اليشيّعه
وبنيـنـي بكـربــله ياناس صـرعـه


طبـع كـل والـــــده تحـنّ لأبنـــها
بســاعــة مـوتـها تريـده ودفنــها
يحـضـر يمــها ويغـمّـض جفنــها
وانـه ام البنـيــن الـراح منـــــــها
شـبـــاب اربـعــــه وبـدور چنـــها


ابـاوع والتـفـت يسـره ويمينــي
عبّـاس الـگـمـر بلـكـت يجينـــي
حبيـبـي لشوفتـه مشتـد حنيني
گبـل لا ينگـطــع نـوحــي وّنينـي
يعيني غمضي ما يحـضـر يعيني


جواب العباس عليه السلام

ييُمّه شلون اجيـچ بلا چفـوفـي
ييُمّه وبالسـهـم مفـگـود شوفـي
خـوفـي عليـچ تنلچمين خوفـي
عـوفي العتـب يمّ عباس عـوفي


عيوني من البواچي عليك. ضعفن
جروحـي تراكـمــت عباس. ضعفن
سلّتنـي المـحـن وعضـــاي. ضعفن
ومتت من يوم جـرح الغاضريه


ما انـصـف زمــانـي ويــاي. لحسين
خلص عمري بواچي ونوح. لحسين
امــوت ولا اظـل بـجـفـــاه. لحسين
شلي بعمري عگـب روح الزچيه

خادم ام البنين عليها السلام
سيد زيد الفحام
______________________________

https://tttttt.me/ssgadAl

نعي للسيدة ام البنين عليها السلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

غمضت عيني وماكو الاولاد
حسبالي ابني حسين هالراد
وصلت منيتي الوكفه تنراد
بچيت غرب ما تشفي اللفاد

عباس وينك والله اريدك
اجنازة امك زتهه بايدك


چا هيچ اظل اوجهي خالي
هذا الوكت ما خله غالي
وافيتو بعد امكم دلالي
بس الجنازه تظل تتاني

محد ينوح اعليهه وسفه
فوگ الچتاف المات يدفه
اهله تشيله وعينه تغفه
بس انه ياهو الشيعاني


وياي ردتك تجي عباس وياي
والماي بيدك تشرب امك الماي
ما جاي گالولي ابنچ راح ما جاي
وحذاي تگعد تنوح وتنحب حذاي


ميته واحس بوحشت الموت
تمشي الجنازه بدون زاتوت
من اولادي ردت الدمعه والصوت

انه الردت عباس دفان
واحچيله ضيمي الوحده بردان
يمه الرمل ما عنده ذرعان
ينزلني بيده شلون ما چان


مشتاگه يمه وگلبي ملچوم
جوه التراب يتعب النوم
يا گلبي من احبابه محروم

كلمات الخادم
رعد الفريجي
16/2/2019

https://tttttt.me/ssgadAl

ابوذيات بحق ام البنين ع،،

،،،،،،،،
وحگ الربه ويلادي وياهه
زماني نار عازتهم وياهه
تريد الربت وتعبت وياهه
ولدهه حظور ساعات المنيه..

،،،،

اطالع مامش امن الولد يماي
ولامن من همل دمعه ونده يماي
هنا وينك صحت يالطحت يماي
الفرات امك تنشدك الك جيه..

،،،،

كباراجروحي كلهم مالهم عود
دخذ ياموت روحي مالهم عود
اعذرتهم مااگولن مالهم عود
حلم جان انذبح بالغاضريه..

؛؛؛؛؛؛؛؛؛
خادم ام البنين ع،،،
سيدسعد الفحام،،،

https://tttttt.me/ssgadAl

🏴مجموعة في رحاب الحسين🏴
⭕️برنامج محرم1441هـ/2019م⭕️
#قناة_الشعراء

◼️◾️▪️ اليوم الرابع ▪️◾️◼️

💠 رابط القصائد ⬇️ 💠
https://tttttt.me/ssgadAl/5042
••••••••••••••••••••••••••••••••••••••

💠 رابط النعي والأبوذيات ⬇️ 💠
https://tttttt.me/ssgadAl/5106
••••••••••••••••••••••••••••••••••••••

◼️ برنامج محرم 1441هـ / 2019م ◼️
#محرم_1441هـ #2019م
🔺 قصائد اليوم الخامس 🔺

رحلت عشگ راحل ياچف أبو فـاضل
يالدافن ابالك علي وبعيونك الحسين
ــــــــــــــــــــــــــــــــــــــ
يمسلم يالعشگت الطف .. عشگ عباس للرايه
وابگلبك تشوف احسين .. ماتحتاج لامرايه
طريق الكوفه مايخلص .. يالخلصته بحچايه
قد قامت صلاة الحُب .. والـمذبح امصلايه

صلي انته وجروحك وافديـهم ابروحك
واترك حميده ابكربله تدعيلك بحنين
ــــــــــــــــــــــــــــــــــــــ
يالهايم ببو اليمه.. روح الذمه مبيوعه
ماتت بيهم الشيمه.. والأخلاق منزوعه
كالتمثال واحدهم.. مامفهوم موضوعه
كلهم وي عُبيد الله.. وانته اوياك بس طوعه

يالعايف ازهارك وانگطعت اخبارك
ماصادفتهم بالدرب أولادك الثنين
ــــــــــــــــــــــــــــــــــــــ
من سألوك عالصحراء.. ادموعك ظلّت اتجاوب
قصة عشگ گلتلهم.. موقصة فرس راكب
يالعمّك يسمونه.. عليّ ابن أبي طـالب
وعالعصابه الابراسك.. حسينا سيدي كاتب

يايوسف الثاني واستقبلك هاني
وخاطَر ابنفسه من أجل أمير المؤمنين
ــــــــــــــــــــــــــــــــــــــ
أتصور حالك المغرب.. وانته العاشگ الولهان
صَمتك بي سوالف طف.. وابوجهك أثر حرمان
حَضُر تجوال بالكوفه.. وبالشارع ولا انسان
وطاحت منهم الشيمه .. لـمّن سدّو البيبان

هم چنك المهدي خلفك ولا جندي
محّد يگلك ياهله ويبسطلك الادين
ــــــــــــــــــــــــــــــــــــــ
بالاتلاثين الف مرسال.. ودّولك يبو طاهر
تالي أمن القصر تنذب.. وحالك يكسر الخاطر
وتنجر بحــوافر خيل.. حافر يسند ابحافر
وماطلعو يدفنونك .. ولا يمّك وصل زاير

الوادم اتباوع والجثه بالشارع
ماتت شيمهم للأسف أهل الحميّه وين
ــــــــــــــــــــــــــــــــــــــ
عندك بالضعن لو مر..وردة ابهيئة أبنيّه
مچتوفه ابحبل واتصيح.. بس ابصوت حنيّه
فك باب الگبر وأگعد .. مسلم ياهوه الريّه
اتغير شكلي من الحر..وامدمايه رجليّه

يمك وگع حيلي والحادي يوميلي
ايگلي لقد حان السفر اعذرني يالحنين


محمد الجماسي

https://tttttt.me/ssgadAl

لو نفترض مسلم ظال
وبالكوفه ماطاح اعگال
چاهوه والعباس
طگوهه راس ابراس
ــــــــــــــــــــــــــــــــــــــ
لو باقي بالطف ... چــا ماتطيـح الچفين
وي ابو فاضــل ... چان اصبحو عباسين

ظـهر ابـضـهـر وي الگـمـر يبارز
چا وصلت السابع سمه الجنايز
والنـوگ چـان اتحـولن عجـايز

واتگابلو حيل ابحيل
وگصصو رجلين الخيل
وأي جثه ما تنداس
طگوهه راس ابراس
ــــــــــــــــــــــــــــــــــــــ
تـحـلـم حـميده ... مسلم يكمل المشوار
ومثل الگمر هم ... ايسمونه ابو راس الحار

وچا بالعكس تتحول القضيه
ومتروح زينب عالهزل سبيه
وچا عايشه الهسه بقت رقيه

ولا هودج ابهيمه ايطيح
مسـلـم يعـبـاس ايصيـح
خل نگطع الانفاس
طگوهه راس ابراس
ــــــــــــــــــــــــــــــــــــــ
للكـوفه مسلم ... لو ناهي سالفته وجاي
عبد الله هسه ... چا عمره كبران اهـواي

عبـــاس ابــد ماقـصـر ابقتاله
بس حلوه من تتكامل العداله
مسلم وابن عمه اهـــل كفـاله

چنهم علي أمن ايزعلون
نص آل اميه ايـمــوتـون
وبكربله ياناس
طگوهه راس ابراس
ــــــــــــــــــــــــــــــــــــــ
لو سيفه واگف ... حارس عله العلويات
مــحــد يفــكـر ... يحرگ امان الخيمات

مسلم يظل يم الخيم حمايه
وعباس ياخذ دوره بالسقايه
وذرة رمــل ما تلمس العبايه

وما يحتـرگ اي احجاب
وطاري الخدر ما ينجاب
واحسين ما ينجاس
طگوهه راس ابراس
ــــــــــــــــــــــــــــــــــــــ
راح وحميده ... متخــذه دور الرحـــــال
بالطـف تدور ... واتصيح ضايعلي اهلال

والجابلي مـن الابـــو بــشـــاره
ابدولة المهـدي يستلم صــداره
بس يبقه عمي محتل الصداره

ومـــادم الحـسـيــن ابخير
خل كلشي الايصير ايصير
فلتخسأ الارجاس
طگوهه راس ابراس
ــــــــــــــــــــــــــــــــــــــ
ضعن السبايه ... لمن يمـر ابــكـوفــان
قصر الامــاره ... ابعين الفواطم لوبان

كــــل النسـاء اتبــاوع الحــمــيــده
ومجلـس يـســون عالنــزف وريده
وطوعه اعله مسلم تقرا بالقصيده

راح السبــع راح الــزين
البالحومه كاتل سبعين
هوه ابو النوماس
طگوهه راس ابراس



#العبدالحسيني_محمدالجماسي

https://tttttt.me/ssgadAl

حي الله ابن عم الكفيل
طبلهه مسلم بن عقـيـل
ــــــــــــــــــــــــــــــــــــــ
هله بسبع المراجل .. ابن عم ابو فاضل
كأن من الله نازل .. غضب رباني
التخزره اشماله يرفس .. سكوت وگطعو الحس
ابظلام وليل وهندس .. حميده إتاني

وياليل الإمفارگ طويل
طبلهه مسلم بن عقـيـل
ــــــــــــــــــــــــــــــــــــــ
گطع روس الافاعي .. الذبح سواه جماعي
ترسهم بس نواعي .. وصفت دمايه
هله بشيخ القبيله .. والاعلوم الثجيله
يطوعه هلهليله .. وأعگدي الرايه

مايسلم احد مستحيل
طبلهه مسلم بن عقـيـل
ــــــــــــــــــــــــــــــــــــــ
وحيد وهمه لمه .. وعلي الكرار عمه
يتربات الائمه .. جبل ظل واكف
يكلهم ها يوادم .. طمعتو بالدراهم
لسويكم غنايم .. واذلكم حالف

ويذكرهه جيلن بعد جيل
طبلهه مسلم بن عقـيـل
ــــــــــــــــــــــــــــــــــــــ
حُسيني بالعقيده .. زلم ماتلوي ايده
وحگ دمعة حميده .. غنم سواهم
وجوباً كلهه تركع .. النمل خلاهه تشبع
سريع وسيفه أسرع .. رعب راواهم

والكوفه ظل تصرخ دخيل
طبلهه مسلم بن عقـيـل
ــــــــــــــــــــــــــــــــــــــ
چذب طلعن كتبهم .. يگص لازم رگبهم
عبيد الله ابگلبهم .. أبالس ذوله
مثل عباس اشوفه .. گِلب كوفه اعله كوفه
العطش غير ضروفه .. وتمايل طوله

عطشان ابو الحچي الثجيل
طبلهه مسلم بن عقـيـل
ــــــــــــــــــــــــــــــــــــــ
أبد ماينطي لزمه .. اليخزره ابسرعه يعمه
وحگ الله اليلطمه .. يخرس السانه
ولكن بالحفيره .. وگع شيخ العشيره
وبالأنفاس الاخيره .. هتف شريانه

أين السبيل ابن السبيل
طبلهه مسلم بن عقـيـل



#العبدالحسيني_محمدالجماسي

https://tttttt.me/ssgadAl

مسلم


كل اليغيبـون طــارش يودون
وآنه يامسلم عليه ضاعت اخبارك

ـــــــــــــــــــــــــــــــــ
وينك تعــــال النه . . . يالشوفتك جنــــه
ونــــه بأثــر ونه . . . ونـــيـــت الــــك
عايفني من زغري . . . ابغربه ودمع يجري
محتاجتك تـــدري . . . واتــــوســــــلك

محتاجه ملگــاك ذابحني فرگــاك
لو ترد هاليوم اگولن يـــوم المبارك
ـــــــــــــــــــــــــــــــــ
ترجعلي واحچيلك . . . ومن دهري اشكيلك
يامسلـم ادخيــلك . . . مـــــن هالبعــــد
ارد اغفه باحضانك . . . اذاني هجـــــرانك
مو گتلي بلسـانك . . . بـــاجــــــــر ارد

چم باچر الـــراح واچم فجــر لاح
وانته فجرك لا اجه ولا شعت انوارك
ـــــــــــــــــــــــــــــــــ
كــل طفله والدهـه . . . ابحضنه يگعدهه
جنة عــدن عــدهـه . . . هــــذا الحضـن
وآنه آكـــل بروحي . . . وتتزايد جروحـي
وكل ليله وي نوحي . . . يغفه الجفـــــن

واتمرني حسبات اتگول الابو مات
آيليل الضيم يمته ويشـــرق انهارك
ـــــــــــــــــــــــــــــــــ
صليت الــــف ركعـه . . . وهليت الف دمعه
وروحي صفت شمعه . . . وانتـه الضـــــوه
مسحو على راســي . . . واتهيج احساسـي
ظل يجرح انفاســـي . . . حتــى الهـــــوه

كــل لحظه انهـــار وچن الدمع نار
توگع ابشده حسافه وحيدر اجــوارك
ـــــــــــــــــــــــــــــــــ
يمك علي ايحضرك . . . واعليهم اينصرك
أعرف صعب امرك . . .وادري بعــــذاب
والسلطه والكوفـه . . . قصتهه معروفـه
حاكمهم اسيوفـــه . . . واتگص بالرگـاب

لا تــدنه ليهــم إوتوگـــع بديهــم
مايخلولك عذر لـــــو عرفو اســـرارك

#العبدالحسيني_محمدالجماسي

https://tttttt.me/ssgadAl

مسلم


ملك ماضل عله اچتافي اشيسجل وانته بشفافي

دكافي من الهجــر كافـــي
ـــــــــــــــــــــــــــــــــــ

حلم ترجــــع واشـــوفنك . . . واسولفلك علــه البيـه
يمي عينـــــي واگلــلـك . . . الحمد لله على الجيـه
واظل ليل ومسه ابحضنك . . . ابوه وايـــلاعب ابنيـه
وداعـك شيب اعيــونــي . . . ولبسته بأذني ترجيـه

تعال ابشبگه صالحني انتظارك والله ذابحنــي

اناطـر والجــدم حــافـي
دكافي من الهجر كـافي
ــــــــــــــــــــــــــــــــــــــــــــــــــــــــــــــــــ
السبي ونيــــران الامخيم . . . تدور ابالــي مــن هسه
الهزل لـــو عثرت واوگــع . . . يگومني العـــدو ابرفسه
الشمر يصرخ علي گومي . . . بعد ماكو حچي ابهمسه
منو ابحضنــــه ينومنــــي . . . عليه الليل لــــو أمسه

الحبل ينظب عله ازنودي الشمس ماترحم خدودي

الخرابه امچان مـو دافي
دكافي من الهجر كافي
ــــــــــــــــــــــــــــــــــــــــــــــــــــــــــــــــــ
اذا مـــريـــنـه بالكـــوفــــه . . . واشم الهوه العاشگته
لاتســـال علــــه احـجــابـي . . . احجابي النار حـارگتـه
حتـــه اليمســح براســــي . . . تـــره ابنيتك امفارگته
سحگت الشوك تدري اشگد . . . ابگــد ماخيل ساحگته

تعال وحبني من ضهري كثر شيبي وزغر صبري
صفـت مو ذيچه اوصــافي
دكافــي من الهجر كافي
ــــــــــــــــــــــــــــــــــــــــــــــــــــــــــــــــــ
يبويه اتصور ابگد مـــــا . . . جفني ابغيبتك سهران
صلاة الشوگ كل لحظه . . . اصليهه بــــدون اوذان
ابكثر ماانشف المدمع . . . ابثوبي مـــابقالي ردان
شالبس ياشكل عگبـك . . . شكل يعقوب لو سلمان

اعله بنتك ليش ماخايف طفله لـــو نبي اشعايف

نفـــس مابيـــك لو غافي
دكافــي من الهجر كافي
ــــــــــــــــــــــــــــــــــــــــــــــــــــــــــــــــــ
يمسلم لــــو اسولفلك . . . ابچي الما بچه ابعمره
صرت يابويه مــن دونك . . . بــلال وفرگتك صخـره
حميده اذكر گبل اسمي . . . وهســـه ماتت الذكره
اخوتــي اثنينهم بالبـــر . . . يتامــه وتاهــو ابصحره

مشو عني وخذو روحي وبقـت تتناوب جروحي

جرح صاحي وجرح غافي
دكافـي من الهجر كافـي
ــــــــــــــــــــــــــــــــــــــــــــــــــــــــــــــــــ
يمسلم ياقصر ضمــك . . . وانت من الشمس قطعه
ياهو الي شمر جسمك . . . الجبل مــن فوگ شيوگعه
يبويــــه اخبـــارك اعليه . . . شهــر صارالهه منگطعه
عهد راح انوي انـذرلك . . . نذر كـل ليلة الجمعه

مجالس راح اســـويلك مشي للكوفه امشيلك

واكلك بويــــه لتجافـي
دكافي من الهجر كافي


#العبدالحسيني_محمدالجماسي

https://tttttt.me/ssgadAl