ألااام ام البنين ع

احس ابروحي مختنگه .. ما احمل ألم فرگه

راح اتروح .. وادري الروح .. ماتحمل غيابك
والله وياك .. روحي هناك .. اشتلها عله بابك

……………………..
يحسيني تدريني .. مومالت هجر يبن الزچيه
لوتبعد عن عيني .. چنت ساعه تضيج الدنيه بيه
هسه شلون حاچيني .. رايح انته گتلي وهاي هيه
يالحره ودعيني .. گلتلي خطره حيل الغاظريه

گلتلي اني اتوقع .. بعد يايمه ما ارجع
لطمت راسي .. ودره احساسي.. شفت چني مصابك
والله وياك .. روحي هناك .. اشتلها عله بابك

……………………..
مالي روح عني اتروح .. وابقه ابيت منك صار خالي
شلي بهلروح وانته الروح .. يحسين انته عندي هواي غالي
مثل طير الگلب مذبوح .. بعدك هذا تدري يصير حالي
ولعيوني اشوف اتلوح .. عني لو رحت سود الليالي

عيني لورحت تعمه .. بدونك دنيتي ظلمه
وحشه الدار .. هجرك نار .. ما احمل عذابك
والله وياك .. روحي هناك .. اشتلها عله بابك

……………………..
رحت وادري علي صعبه .. گبل ماضايگه افراگك يغاتي
گمت بيتك ولا طبه .. وحشه البيت ياسلوة حياتي
انه بدونك عشت غربه .. شتهيت بفرگتك كلش مماتي
بروحي الهم بقه يربه .. وكبر بيه الحزن واصبحلي ذاتي
فراگك يحرگ بدمي .. وصرت ام الحزن اسمي
ماترجع .. وشينفع .. يالغايب عتابك
والله وياك .. روحي هناك .. اشتلها عله بابك

……………………..
گمت بالباب اني اگعد .. واتاني جيتك واتنطر اخبار
امل عندي يغالي اترد .. وترد الفرح ذيچ التارسه الدار
هجرك حيل ضل يضهد .. روحي والگلب مستعره بي نار
الراحه منين يالمبعد .. واني ابالي مزدحمات الافكار

حسبات شكثر بيه .. اخافن ماترد ليه
بطل ظني .. ترد يبني .. وگر عيني بشبابك
والله وياك .. روحي هناك .. اشتلها عله بابك

……………………..
اشوف ابعيني الك صوره .. وضعك مختلف ها يبو اليمه
ضلوعك چنها مكسوره .. جسمك خيل رضت چنها عظمه
جبهتك چنها مطبوره .. وشيبك مختضب يحسين دمه
اصابع چنها مبتوره .. عله صدرك صاعد المابيه رحمه

على صدرك چن شمر صاعد .. ويحز بمنحرك گاعد
بده يذبحك .. گلب وجهك .. وتخضب من ترابك
والله وياك .. روحي هناك .. اشتلها عله بابك

……………………..
اشوفن زينب الحره .. بين الخيل ترگض جمر بيها
بدربها اطيح چم عثره .. وتتلگه الثره بچويات اديها
تصيح احسين منكسره .. بخيامي النار ياهو اليطفيها
اختك يللي عالغبره .. ولاها الشمر گوم الحگ عليها

بسوطه ضل يروعها .. يطگ بيها ويوگعها
يطگ بيها .. يواليها .. ويضحك مايهابك
والله وياك .. روحي هناك .. اشتلها عله بابك

الشاعر عقيل كاظم الحسناوي..

https://tttttt.me/ssgadAl

حرت مدري شلون اردلك هل جميل /
جنت بدويه وصرت ام الكفيل /
بكل مسيه اتوجه ال الله واكول /
الله اليطولي عمرك ياعقيل /

"""""""
جانت امنيتي بحياتي
اطب بيتج فاطمه

والله الانطاني على نيتي
تزوجت حامي الحمه

احجي واكعد ويه زينب
بالحلم ما حالمه

الهسه مامقتنعه اصيرن
مرت ابوهه وخادمه

راح اخلص عمري بس صوم وصلاة /
جنت ميته وهسه ردتلي الحياة /
خادمه ابيتك علي جا شرد اصير /
واخدم اولادك بعد عمري الطويل /

الله اليطولي عمرك ياعقيل

@@@@@@

هيج واكعد ويه زينب
بعد بالجنه شلي

وتامر اعليه واكلهه
يمه ابشري ادللي

وتلتم الكعده الجبيره
وفوكنه يسولف علي

مدري اضحك مدري ابجي
اهل بيت الله هلي

ماتمر ع البال ماتخطر ابد /
راح اخلف وي ولد حيدر ولد /
يكفل النسوان واطفال وخوات /
حيدر اختاره يصير الهن كفيل /

الله اليطولي عمرك ياعقيل

@@@@@@

سامعه بحنيه كبلك
ماشفت مثلك حنين

ياعلي عندي وصيه
الحسن خيگل الحسين

لحد يسميني يمه
غايتي تعرفهه زين

فدوه خيصيحون اليه
الخادمه ام البنين

فاطمه لحد يناديني ويصيح /
خاف يتذكرون والمحسن يطيح /
اعزاز عندي وحك شيبك يالحنين /
بس مكان الزهره ماحصل مثيل /

الله اليطولي عمرك ياعقيل /

@@@@@

هواي طولت بقدومك
يمه عباس الكمر

زينب اشتاكت تشوفك
اعليك عطشان النظر

يمه كل ساعه تكلي
بعد باقي شجم شهر

حضرت رايه وشريعه
الكافلي وجربه ونهر

هواي مشتاكتلك اختك واشكثر /
كاعده اكبالي وطلعتك تنتظر /
تدري انت الراح تكفلهه وتصير /
حامي كل خدر الضعن من اليعيل /

الله اليطولي عمرك ياعقيل /

@@@@@

يمه من تطلع اريدك
تعيش وي زينب خيال

تصيح اجيتج يالعقيله
كبل لاتسمع تعال

مدللات ومايعرفن
يمه بس جلمت دلال

صوت ماسمعن عمرهن
فقط جبريل وبلال


عد خواتك اي سؤال انت الجواب /
يبني ماوصيك يارب الحجاب /
حط خواتك يمه بعيونك ضواك /
ومن يجيك السهم حطهن بالدليل /

الله اليطولي عمرك ياعقيل

@@@@@@@@




موسى البطلي

https://tttttt.me/ssgadAl

السلام عليك يا باب الحوائج يا ام البنين ( ع )
يحسين هـاي أولادي كدامــك * يفزعون ماي لحركة خيامــك
أبكيفك أتخيــرهم - - - بالشـده بس جربهم
*
منطيتك أنه اربع زلم --- ومقصره أحس هوايـه
واحـدهم يجيـب النهر --- يــم رجـلك يـذل مايــه
كلتلهم اليرجع عـدل --- لا يحجي يـمي حجـايـه
قسمولي منعوفـك وعد --- شاهدنه جـان الرايـه
----------------------------------
يحسين كالـو فـدوه لعيـونك * أرواحــنه نـفـديها مـن دونـــك
يمك بقت تقبلهــم؟؟ - - - بالشـده بس جربهم
*
يغــدولك فـدوه ونـذر --- بس كونك تــرد سالـم
كل واحد من أولادي الك --- أعتبره عدك خـادم
يتـفـاخــرون بخــدمتـك --- غير أنته امك فاطـم
أشكد معزتك بالكلب --- بــس الله هــوه العالــم
----------------------------------
هنياله كلمن خلص سنينه * شمحلاها يكضن يخدم حسينه
خدمتكم تشرفهم - - - بالشـده بس جربهم
*





تمـنيــت مــو اربــع ولـد --- تمنيــتهم انــه اكثــر
جعفر يجيب العلكمي --- وعون اليجيـــب الكــوثـر
وعبد الله لو حل الظهر --- يفيي لرباب من الحــر
يــم زيـنبك يــمشي الكمــر --- ناكتــها خافن تــعثر
----------------------------------
ويكلها خويه بخدمتج امري * ياهوه اجيبن راسه بس اشري
عل التضحيه معلتمهم - - - بالشـده بس جربهم
*
لتسهيل امـرك من رحــت --- الفاتحه اقـره الروحــي
مكسوره خاطر بس اون --- وكدامي تمشي جروحـي
تسبيـحي بغيــابك دمــع --- يــنوح الغــروب لنوحــي
اقــره بمعانيــك هجـــر --- وبفــراك وجهــك يـــوحي
----------------------------------
يالغالي ترجع لو مترجعـلي * يل فدوه اروحلك يــبعد اهلي
نذرو الك كـل دمهم - - - بالشـده بس جربـهم
*






ما ريد يرجعلي بشر --- وجايبلي يمه علــومـك
ليكلي كطعو خنصرك --- وسلبو يغالي هدومــك
ليكلي نايم عل الرمل --- وخربت ييمه رسومـك
بكد السهـام البلصدر --- يحسيــن بيه همومــك
----------------------------------
ليكلي مات من الضمه الغالي * وعبد الله ذبحو منحره كبالي
عدي انته اهم من عدهم - - - بالشـده بس جربهم
*
خادم الحسين ( عليه السلام )
ملا حازم البزوني

https://tttttt.me/ssgadAl

السلام على قبلةالوفاء ام البنين

يــا أم البنيــــن * سجليـــنه بســجــل
خـــدام الحسيـــن * نعمه اليـــنقــــبل
يــم الــوفــه --- يـــم الــوفــه
--------------------(1)-------------------
والله هنياله --- الينطي كل ماله --- بخدمة حسيـن الشهيـد
الدنيــه عايفها --- ما يهم الها --- بــس شفاعتــكم يــريــد
فـدوه سجليني --- خادم حسيني --- ورافض الطاغي يـزيد
غيـر ابو اليـمه --- باب للرحمــه --- ياهـــو كليلي اليفيــد

من أنصب عزاء * وابــدي بمقتله
دم تبجي السماء * لحسيــن وهله
يــم الــوفــه --- يـــم الــوفــه
--------------------------------------------
(2)
لمجلس حسينج --- تحضر بنينج --- والدمــع يـجري دمــاء
فاطمه الزهره --- المجلس تحضره --- وتسمع الناس البكاء
الليله حضرينه --- شويه بجينه --- أحجي عن طف كربــلاء
دعـوه قبليها --- لا تــرديــها --- حضــري ويــانـه الــــعزاء

أنــعـرفــج تجيــن * يــــم الاربــعــه
نحلفج بالثــنين * حسين ومصرعه
يــم الــوفــه --- يـــم الــوفــه


(3)
ناصبه قرايه --- وشايله الــرايه --- انتــي يــم كلب الجبيــر
أدعــي يومــيه --- بالحسيــنيه --- خـــادم اتــشرف اصــيــر
يختلـف عـــدكم --- والله خادمــكم --- الخــادم العدكــم اميــر
أتباها بالخدمه --- وقَََـّدر النعمه --- وصار اسم حمزه الزغيـر

ضايع ويـــن اروح * بس يم السبط
طيـــر وكمت انوح * وبصحنه احط
يــم الــوفــه --- يـــم الــوفــه
-------------------------------------------
(4)
عــدنه جم حاجه --- وناس محتاجه --- تدعي للمهدي الظهور
نـــاس متهمها --- تنطي كل دمـها --- فـــدوه الج يــم البـــدور
منفــتح بـابـــج --- تلّـــكي احبـــابج --- رادت الليــــله تــــزور
مجلسج جنه --- بدمعه و بونــه --- مـــن اللطم خسفو صــدور

الما لاكَي طبيـــب * يحــضر مجلسج
وبــسرعه يطيــب * من يــــبجي الج
يــم الــوفــــه --- يـــم الــوفــــه



(5)
الطايح بشده --- وسند مـا عنده --- وليله يخلـص بالونيـن
الحاجه تكضيها --- وبيده تنطيها --- بس يحلفج بالحسيـن
الكــال بــــدويه --- غلـــط علويــه --- انتـي يـا أم البنيـــن
ويانه ممقصره --- حـاشه يالحره --- وابـــد لا متقصريــن

رمــــزاً للــــوفاء * يا أم الكــــمر
وبطف كربلاء * صرتي الهم نهر
يــم الــوفــــه --- يـــم الــوفــــه
-------------------------------------------
خادم أم البنيـــن ( عليها السلام )
ملا حــازم البزونــي

https://tttttt.me/ssgadAl

ام البنين

................




اني واولادي وهلي .===
=. فدوه لحسين الولي .
...................1
السان حال ام البطوله. . وهذا حال ام البنين
اتصيح كل اولادي فدوه ... لجل مولاي الحسين .
حسين اغله من بنيني.. عالفرات اطيته عين .
اطيته چفين وثلاثة .. گلب واحدهم حنين

كل بنيني وكافلي ..==
= . فدوه لحسين الولي
...................2
مثل أم عباس لازم .. يابشر كل أم تصير
اتضحي لحسين بولدهه.. اتوافي فاطم والأمير.
المايصيح اني حسيني .. هذا ماعنده ظمير
المارفع بالشده راسه .. يبقى كل عمره زغير

اصرخ ابقى ابمقتلي. .==
== . فدوه لحسين الولي ..
.......................3
المافهم كربله جاهل .. مافهم معنى الجمال .
نحر عبد الله قضية .. كطعت اللسان النبال .
ولون تدري بالعقيلة .. ابلا ظهر تبقى الجمال .
بنص گلبهه اتشيل زينب.. والهه ماتنظر جهال
.
روحي منذوره العلي .==
= . فدوه لحسين الولي
................4
حسين لازم يبقى حاظر.. بكل مشاريع الحيات.
ابلاحمدماتصح ركعة.. ابلاحمد تبچي الصلات.
ابلا حسين اسلام ماكو.. وماكو صوم ولا زكات.
چانت ام عباس عابس .. بالجنون ام الابات
.
لو ألف ماتوا الي =
=.. فدوه لحسين الولي.
.................5
ابد ماتخجل الگصه.. الماتبوس ترابه حيل .
كل حياته لابس اسود . الليل يبچي ودمعه هيل .
عطر دمعة عين باچي.. عالحسين وثوبه ليل .
الما تكفل ببو فاضل .. يگضي عمره ابلا كفيل
.
لون كل لحظه ابتلي .==
=. فدوه لحسين وهلي .
.........................
حيدرموسى الرميثي

https://tttttt.me/ssgadAl

(عتاب ام البنين ع مع محرم )


يا شهر الحزن . راح افگد ابن .ويطيح الحظن . يم المشرعة
راحو بالدرب . والديرة غرب .وحسين الگلب . ووياه اربعه

محرم ليش هيچ وياي .. گالب ضيمك اعليه
ترة بت الاصل تنهاب .. يالتعرفني بدوية
شلعت عيوني من الضيم .. وأيدي بخدي ليلية
يالبايگ رفيف ارباي .. ماخذ زلم نشمية

يمطفي الگمر .. يم روج النهر .. والليل انكسر
والهندس حچة
من رد منكسر .. يمشي وينهطر .. وحسين العصر
ع الخيمة انتچة
_____
ليش امخلي زينب هيچ .. مو جوة الخيم برّة
زينب حِشمة العباس .. چانت واگفة بظهرة
مامش حيل بالنسوان .. ركضن والرمل وعرة
ذني امدللات الله .. ليش ايطرن الصحرة

يا شهر الوجع .. الما طالع طلع .. بيك وما رجع
ضايع چم طفل
كلّك تختلف .. ليش ابلا عرف .. زينب تنچتف
ويغثها الحبل
____
يالذبيت وادم خير .. يم وادم غشيمة شَر
ويم الما يعرف يگول .. ليش تحط المعتبر
خرز بزريتي بالطف غاد .. هظمة بگاع تتطشر
حسين العافية اعله الناس .. افة وبالخيل يتعَور

هذا ابن البخت . شو عينة انچفت .ليش اتفرفحت
بنته بالجمر
ابنيات النبي .. راحن للسبي .. بس طرگ العبي
ربات الستر
____
محرم قصرت وياي .. عيني اعله الدمع تغفة
ليش وطببتها بسوگ .. الما طلعت امن الغرفة
بعبايتها وهذاك اللون .. ضمير الوادم اتنظفة
گمر زلمتنة هذا الحوك .. حدر الخيل چا يطفة؟

طيحت اربعه .. فوگ المشرعة .. و انه امگبعة
بس ضيم ولطم
طاحن چم عگل .. وحسين برمل .. وبصدرة ثگل
مفطور العظم
____
هذا اعتابي كلة وياك .. بعد شيفيد واشيقنع
موش الاولية وياي .. المحنة ابلا دفو اشتنفع
صدگ ما ينچهب عباس؟.. صدگ چفينة ما ترجع؟
صدگ بحسين ترفس خيل؟ .. صدگ رمشة بدمة امنگع؟

ليش ابلا نعش . ع الرملة انفرش . وبريجة العطش
واگفلة صفح
ليش اعله الهزل . يركب چم طفل .. ويغبش الحبل
وي وجه الصبح
____
علي هادي الخزعلي

https://tttttt.me/ssgadAl

صوت طب الكربله ينادي بونين
اه يازينب تصيح ام البنين

يمه زينب. يمه زينب
@@@@@@@@&@&@&@@

جني اتخيلهه زينب من تدير بعينهه
ماتشوف اخوان يمهه ولا معين يعينهه
لنهه تسمع صوت يصرخ بنتي زينب وينهه
لان صوت ام البنين اعلى المصيبهه اتعينهه

يمه اجيتج ارد اواسي مصيبتج
وين خدرج والدلال وهيبتج

يمه زينب. يمه زينب
@@@@@@@@@@@@@@@

هواي متغيره يزينب يمه واصل موتج
بنتي زينب ماعرفتج يمه لو مو صوتج
شلون جبت وياي نعاي يمه موش يفوتج
صوت من گبر الزجيه عليج ينعه وخوتج

كلي زينب موتمل مصابهه
خل تخلي عيونهه اعله حجابهه

يمه زينب. يمه زينب
@@@@@@@@@@@@@@@

شلون لميتي اليتامه والطفال وعيلتج
وين ذاك اليل بتن موش حرگو خيمتج
اناا مرتاحه يزينب رغم ثگل امصيبتج
بعده خدرج ماتسلب فوگ راسج شيلتج

هينه كلهه مصيبتج والعيله
سهله مادام اعله راسج شيله

يمه زينب. يمه زينب
@@@@@@@@@@@@@@@

يمه عن ليله العاشر فدوه لتنشديني
يمه ماعولت انسه بيهه لتذكريني
منين ماباوع نشامه جانت اتحاميلي
صبحت محد لكيته بس دمعتي بعيني

صبحت لاخيمه لاخواني
الكال ماعوفج مشه وعافاني

يمه زينب. يمه زينب

@@@@@@@@@@@@@@@



الشاعر موسى البطلي

https://tttttt.me/ssgadAl

#محرم_١٤٤١

حُب وتحيه واشواگ
وادموع مالت عشّاگ
نهديهه لاُم الـعبـّـاس
----------------------------------
ام البنين ام الوفه      ام الگمر وانجومه
واحدهم الينعَد بالف   الزينات دوم اعلومه
انحيّيهه المرَبْيَه زلم   يِحنون ظَهر الحومه
الخدمة حسين ابصدِگ   هسّه اصبحت مخدومه
إلنه الشرف والإكرام
لو بينه تِقبل خِدّام
خادِمهه مرفوع الراس
----------------------------------
اْمن اختارهه حيدر تره   مو صدفه صارت هايّه
رايدله من عدهه بطَل   تِتباهه بيده الرايّه
وخلُّفت "عباس"  وعلي   ما خاب شوره ورايّه
ركّضله مدري اشچم الف   بس مَر بالمسنايّه
طَيبه وتِدُر غيره وطِيب
وين الوفي النشمي اتجِيب
الكِلهم حَمِيه ونوماس
----------------------------------
من رَد ابن حذلم بشر    موقفهه ابد مو خافي
من ظَل يعِد بالاربعه     وگالتله لَـ اتعد كافي
خبّرني بحسين اشحصَل   مات الحچي بِشفافي
وبشّرني ابراعي اللِوَه   كون اويَه اخوته اموافي
فدوه لك يابو السجاد
الوالده و الاولاد
لاجلك رخيصه الانفاس
----------------------------------
تستاهل ادموع العشگ     ومو بس دمع تستاهِل
ارواحنه ودمنه فده    نرخصهه لاُم الكافِل
امعلمتنه بالحُب تضحيه   مو فقط قَول وقائِل
والما يرد معشوگه اله    كل عمره يگضِي ذابِل
اي ينسه طعم الافراح
مَيهيد يوم ويرتاح
وايعيش مجروح احساس
----------------------------------
حانت منيتهه وبُقَت   لاخر نفس تتعذّر
يحسين خاف امن الوِلِد   ويّاك واحد گصّر
منهو اكثر اجروح انترس   بجروحه اريدن افخَر
عباس ؟ لو عبد الله ؟ لو    عثمان ؟ لو لا جعفر ؟
ياهو اللي منطيك اچفوف
وبعمد راسه مخسوف
ابگد جرحه حبك ينقاس
----------------------------------
نذكرهه لازم كل وكت   مو فقط وكت الحاجه
الِيحبهه مو بس بالمرض  منهه يريد اعلاجه
المفروض درْس ام الگمر   يثبت ضِمِن منهاجه
اتنجّيه لو بحر الفِتن   يتلاطُمن امواجه
واتعلْمه أم الاقمار
درس الوفه والإيثار
ويتميّز ابّين الناس
----------------------------------

ياسر حسن
جمادي الثاني ١٤٤٠

https://tttttt.me/ssgadAl

بحق قاضية الحاجات ام البنين //ع



بيت الاحزان صار دليلي * بفگدالاحباب يوم رحيلي
ميتــه مــن ذاك العذاب * بـس جسد فوگ التـراب

-------------------------------------------

كلشي مدفون بحياتي ومظلم بعيني الوجـــود
ادعي يوميه: بصلاتي روحي تطلع مـــا تعود
ودعت عمري وبنيني والصبر جازي الحدود
باچر يردون اكولن عايشه بهاي الـــوعـــود

بذاك الفراگ چان مماتي * خلصت هناك ذيچ حياتي

مو عمر هذا سراب

-----------------------------------------------

انحسب عدله عليمن المثلي متوسده القبـور
اقره قرءان بثوابي بالغــــرب واشعل بخــور
الميت تـــزوره الحبــايب انتظر واحد يـــــزور
انــي منسيه بجروحــي وعيني للراحـو تدور

اليرتحل عاد ناس تشيله * تهمل دموع عين خليله

واني وحدي بهالمصاب

--------------------------------------------

الحافره بخده المدامع ودافن امال الحيـــات
الوادم يحسبونه عايش وهو يشعر بالممات
اليحسب أيـام وليالـي وبالحزن غافــي يبات
يندفن يوميــه دفنــه مـــن يعيد الذكريــــات

انتظر طيف بي يجوني * سلوة الروح نور عيوني

الحلم هم عني غاب

-----------------------------------

والده وغابوا بنينــــي وانتظر يمتــه يجـــون
بس يدفنوني ردتهم ونعشي ولدي أيشيعــون
وزينب التلطم عليه بصرخه وبصوت الحنون
للگبر انــزل بديهــــم وهمـــه الي يترحمــون

نعشي ينشال ريت بديهم * ها يرجواي عود عليهم

التدعي ام اربع شباب

-------------------------------------------

ساهره بسلوه المدامع يخلص الليل بحنيـــن
ثكله ضليت بغربتي وضيعت اربـــع بنيـــــن
مأتمي دايم نصبته وكلبي مجروح وحزيـــن
ذكرى تاخذني لبنيني وذكرى ترجع للحسين

اذكر حسين حيل احيرن * جوه التراب كون اصيرن

الموتي گمت احسب حسّاب

-------------------------------------

المثلي شيّبهــه زمنهــه باللحد افضل تصيــر
راحوا اولادي الغوالي وادري مجهول المصير
عيني مجروحه بدموعي وروحي چواهه السعير
صبـــــري محدود الأملكه والجــرح كلش چبيـــر

احسب ايام طال بُعدهم * ربي دعواي هاي تردهم

عندي ضل اخر جواب

-----------------------

✍ خـــادم الـحـسـيـن ع
الشاعر رعد الچريخي

https://tttttt.me/ssgadAl

مايرد طلابهه . جرب ودگ بابها
،،،،،،،،،،،،،،،،،،،،١
مايخيب العنده حاجة. وصاح يا ام البنين.
خل يحلفهه بعشگهه. للزچيه والحسين
الفرج مفتاحه بديهه. خله ربي العالمين.
الواسطة ابين الله هيه. وهم دليل الحايرين


والشرف بترابهه . === . جرب ودگ بابها
،،،،،،،،،،،،،،،،،،،،٢
بالعلم والكتب نقره. سبعه ابواب السماء.
ربنه خصص باب الهه. ينقبل منه الدعاء.
بالدعاء دگ بابهه انظر. هيه مستشفى الشفاء
البي مرض خليه يأمن . راح يشفه العنده داء

والسماء احجابهه . ==== . جرب ودگ بابها
،،،،،،،،،،،،،،،،،،،،٣
هاي ام الغيرة صارت. هاي ام سبع الطفوف
تفخر بعباس ابنهه. الزينب أطاهه الچفوف.
التضحية تعرف اسمهه. والوفه اعليها يطوف
احتارت الدنيه بوصفهه. وتبقى خجلانه الحروف.

والحلول اسبابها . ==== . جرب ودگ بابها
،،،،،،،،،،،،،،،،٤
ادعي وعله الزهره ابچي. وگلهه احلفچ بالبتول
من يمر طاري الزچية. تفرح ابنت الرسول.
تحب فاطم هالوفية . وغير فاطم ماتگول.
والوفه آياته نزلت. نعرف اسباب النزول

.
والفضل بكتابها . === جرب ودگ بابها
،،،،،،،،،،،،،،،٥
بالمصايب والمصاعب. هالدعاء اعظم سلاح.
والنخه ام عباس ينجه. بدنيته ينال الفلاح.
شمايطول الليل تفرج. بيدهه شمس الصباح.
لليطيح بشده تبقى. حزام اله واعظم جناح.


يالحسبت حسابها . ==== جرب ودگ بابها

==================

للشاعر حيدر موسى الرميثي

https://tttttt.me/ssgadAl

لسان حال ام البنين ((ع))

حسين حسين وي روحي اقره حروفه
حسين حسين مشتاگه عيني تشوفـــــه
------------------------------------
بالنار خلاني ومشه والعين تربي لكربلـــه
نساني فگد الاربعه وفراگه ما اتحملـــــــــه
محبوبي طالت غيبته وانه بدموعي أتئمله
دلالي يسعر بالحزن ورويحتي مشتاگه اله

بعيد بعيد رغم البعد ما اعوفه
------------------------------------
باحزاني اعاتب بالزمن وليل اخلصه مساهره
اتسله بنجوم السمه والغالي وحده اتنطــــــره
للباب اصدن وارتچي والماضي كلـــــه اتذكره
عودني اكحل ناظري راح وبقيت محيـــــــــره

عذاب عذاب دلالي زايد خوفه
------------------------------------
أبدونه ما اريد العمر والدنيا هاي شبيهــه
يوميه تنزل دمعتي وفوگ الخدود اجريهــه
المن اريدنه النظر وعيوني كون اعميهــه
طال الغياب وحسرتي ومدري شبعد تاليهه

تغيب تغيب شمس البعد مكسوفه
------------------------------

خلاني مكسورة گلب ودموعي تهمل بالدمــه
الغالي عافاني ومشه وروحي بمحبته متيمه
بعيوني راسم صورته سبط الرسول وفاطمـه
عذب دليلي بغيبته والدنيا صارت مضلمـــــه

دموع دموع بعيوني مثل اطفوفه
------------------------------------
اچفوفي أحَنيهن نذر حسين اناطر جيتـــــــــــه
ما اخلي دمعاتي التصب انزع سوادي بشوفتــه
هو الوسيله لغايتي وملكت شعوري محبتــــــــه
أبجيته اكحلنه النظر ما اهمن بجيت اخوتـــــــه

حبيب حبيب امنيتي اقبل اجفوفه
------------------------------------
كل ساعه اموت بغربتي ولروحي اقره الفاتحه
چوتني نيران البعد وافكاري بالطف سارحــــه
ما ينفع امكابر الي وجفوني كلهه امجرّحــــــــه
اغفه بميادين السهر واحلامي تفزع جامحــــه

انام انام گدامي الگه اطيوفه
************

✍ بقلم خادم الحسين ع
الشاعر رعد الچريخي

https://tttttt.me/ssgadAl

ام البنين الطاهره


سوره. ام ابنين اقراهااااااا
مترد. ادموع الي تتعناها
تگضي. كل حاجه للينخاها

ام البنين. الطاهره. ام البنين.


…………………

لورايد الحاجه تفظ خل دمعتك سجابه.
حلفها بحسين الولي وروح اعتني يم بابه
لا ماتردلك كل طلب لا والذي انطه اجفوف.

صلي ركعتين الشكر وسجد اوقبل اعتابه

اگصد. للجنه واحجي وياها
روحك. شاطي الوفه مرساها
ابصوتك. ونه وحزن انعاها

ام البنين الطاهره ام البنين.


……………… .

لم الكرامات انحني وحلفها بالطف واهله.
لاماتضل كل نايبه والصعبه تصبح سهله.
ربك جعل هامنزله وتگصدها كل هاي الناس.
والي گصدها ابمعضله البر الامان اتوصله.

لتهم. هيه كفيله ابهايه. عدها جفوف الگمر عطايه
اعقد. بس يمها شد الرايه

ام البنين الطاهره ام البنين.

…… ..…………… ..

اتوجه البحر الوفه بجود العذب ذكرها.
واندبها يم الاربعه بالمدمع انته اشكرها
ام ابو فاضل بالشدد تحضر لون مسـك ضيم
علمها روحك عالصبر مولاتك اتيسرها.

يمها. امرادك تسلمك بيدك
والله. الحاجه هيه اتـريدك
اطلب خير وسعاده اتزيدك.

ام البنين الطاهره. ام البنين.

………………… ..

معروفه سفرتها حرز
بس صفي نيتك يمها.

ايامك اجعلها وقف
كل العمر سلمها

حاجيها انته ابنظرتك
عن محنتك كلمها

احچيلها كل الحچي
صدگني انته اتهمها







الحمد لله والشكر
2019

رحيم الوائلي

https://tttttt.me/ssgadAl

موكب عزائچ↓↓↓↓↓↓قدس وفائچ
يم البنين→→♣←←يم البنين
؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أبنوحچ أنخطة يحره أشرف عباره...
المهم عندي حسين ياولدي الغياره...
كون اشمنكم وفه أبريت الزياره...
حرس يم گبته أريدنكم مناره...
ورفرف وﻻئچ↓↓↓↓↓↓قدس وفائچ
يم البنين→→♣←←يم البنين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ودنگ أكبر جرح يم هيبة وصيتچ...
أمنالولد ترظين يفرغ چان بيتچ...
فدوه لو تختنگ لجل حسين ريتچ...
المهم سالم حتى لوتدنه منيتچ...
حسين ابسمائچ↓↓↓↓↓↓قدس وفائچ
يم البنين→→♣←←يم البنين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عفتي بجروح الزمن والونه تسعر...
لون دمعچ من يهل بچفوفه منحر...
أبليل من تنعين چم نجمه أتگدر...
كون عندچ ولد چاضحيتي أكثر...
ونسمع ندائچ↓↓↓↓↓↓ قدس وفائچ
يم البنين→→♣←← يم البنين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
نقره تسهيل أمر من نلطم يحره...
ألچ حتى بالعزه تچوينه جمره...
والله خسران أنه احسه الگظه عمره...
وﻻمره أتحزم ودگ چفه صدره...
وعاش ابثنائچ↓↓↓↓↓↓ قدس وفائچ
يم البنين→→♣←← يم البنين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشما لطمنه ماتوفي الحزنچ الروح...
أنتي غيمه وبمحرم تمطر أجروح...
نوحنه يمچ فﻻ يسمه كل نوح...
نشم نوحﭼ بي حرگ چن خيمه ويفوح...
وغيمه أبدعائچ↓↓↓↓↓↓ قدس وفائچ
يم البنين→→♣←← يم البنين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
خادم أهل البيت..ع..
أبوحسين السرﮔودي...
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
https://tttttt.me/ssgadAl
____
لمن يجد صعوبة بالحن اطلبه من
@moatmed1

أم البنين البيهه مرفوع. الراس
العنده حاجه ايصيح ها يم عباس
•••••••••••••••••••••••••••••••••••••••
يالشايل الحاجه ابثگل مجلسهه٠٠٠
من تختنگ بالعبره اسمع حسهه٠٠٠
ودمعة اعيونك لسبط خمسهه
وخل دمعتك عالخد تهل ابنوماس
•••••••••••••••••••••••••••••••••••••••
خل عينك الجربه ودمعهه المطبوع٠٠٠
خليهه ترسم عله الخد چف مگطوع
ابهاي عيش انته وتعرفه المفجوع
وعيش انته ويه الفاجعه ابهيج احساس
•••••••••••••••••••••••••••••••••••••••
عيش انته ويه الفاجعه ورخي النوح٠٠٠
وتشوف منحر روحك ايبچي الروح٠٠٠
بس انعه تسمع صوت بس چن مبحوح٠٠٠
بالخيل صدرك ليش يحسين انداس
•••••••••••••••••••••••••••••••••••••••
بالخيل داسو صدرك انه اعرف هاي٠٠٠
رادو ابصدرك ينكسر بينه الراي٠٠٠
چيه شاهدوه جبريل جايبلك ماي٠٠٠
مارادو اتعيش انته بگلوب الناس
•••••••••••••••••••••••••••••••••••••••
وخلي لطمتك يالتحبهه ابهمه٠٠٠
حتى احنه كلنه ننشمل بالرحمه٠٠٠
وصيح انته يم عباس احلفچ بسمه٠٠٠
وبحسين دوم اودوم اعطر اﻻنفاس
•••••••••••••••••••••••••••••••••••••••
خاد اهل البيت..ع..
ابوحسين السرگودي...
•••••••••••••••••••••••••••••••••••••••
الشاعرابوحسين السرگودي…:
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
https://tttttt.me/ssgadAl
________
لمن يجد صعوبة بالحن اطلبه من
@moatmed1

..........................

عندي ولد يبني ترى اولهم انته
واحد وره واحد ألك عمري نذرته

ادعي تجيني ........... اتسكت ونيني

..............................................................

يايمه انطي الاربعه بس كونك ابخير
اتمنى ترجعلي عدل ما اهوه للغير
روحي حمامه ابشوفتك جنحاني مطير
ملاني موضوع الصبر ويايه ميصير


موضوعي يسوه هالعمر والرايح أوجاي
انه انتظر سيد الي امضويلي دنياي

انته حنيني ...... بسمك ونيني

..............................................


تدريني مشتاكه و علي يمتى ترد وين

حتى الگلب ينبض الك اه يبني يحسين

لو بيدي امشي ابخطوتك لوأنطي الأيدين

وانذرلك ابروحي بعد مو بس الابنين


ردلي يمن عگبك شفت كل حزني عنوان
آمن البچي شيبي صبح أيخجل الأجفان

صرت أنت ديني ..... بسمك ونيني


.................................................


ارفع چفوفي للسمه بس كونك اتعود
ياحيلي انت ومن رحت صرت انه چن عود
نظراتي مطبوعه ألك خطواتك اشهود
وأختنگ بنفاس الهجر اتمنى موجود


صدگني ما تبعد ابد عن بالي متروح
والاربع ولدي فده وياهم الروح

انطي بنيني ......بسمك ونيني

...........................................

صح انه عندي الاربعه كلهم غوالي
بس أنت عنهم تختلف دوم اعلى بالي
دمعاتي بسمك تنتفض نگعت خيالي
صدگني ما اصبر بعد مدري اشجارلي


لا تعتبرني الوالده خدامه تدري
من امك انه الاعتذريابعد عمري

مهجت سنيني....... بسمك ونيني

.................................................

طبع اليحب وكت الغرب اتهجره الانفاس
من حرگتي صوتي اعتنه حشمته عباس
وصيته چيه ناگع وفه ميهبط الراس
كل هذا وانه امقصره يا سيد الناس


كون العمر انطي الك فدوه المماتي
دونك فلا عيشه بعد شلي ابحياتي

يمضوي عيني ..... بسمك ونيني

...............................................

خادم ام البنين...
سيد حسنين الحديدي

https://tttttt.me/ssgadAl

◼️ برنامج محرم 1441هـ / 2019م ◼️
#محرم_1441هـ #2019م
🔺 نعي اليوم الرابع 🔺

الشاعر حسن لعيبي الحريشاوي:

عن لسان ام البنين تخاطب الامام الحسين عليه السلام


ام البنين اتصيح يبن الزجيه خلت الطف بحشاي نار السريه



*********************



دمك يبو السجاد علغبره جاري
مثل الدمع بالعين مابطل جاري
ياجاري بعدك صار هلحزن جاري
انطيت اربعه وظنيت ترجع عليه



*********************



روحي يبو السجاد عالي قدرها
غثها الوكت ياحيف ظالم قدرها
انته بليالي الصوم ليله قدرها
راسك مثل قران علسمهريه



****************



بعدك يبو السجاد كل وكتي ونصار
بلاصبح ليلي وياي دورته ونصار
لااكبر او عباس لاربع ونصار
وحدك بقيت شلون بالغاضريه



***********


لاخوته لاانصار ماباقي عده
سبعين الف فرعون حضّروا عده
مثلث سهم بحشاه هلسهم عده
منين اجيب منين حامي الحميه



*************

مر الخبر علروح منك وردها
جنة عدن واعداك كطعوا وردها
تريد العليلة تروح علطف وردها
كتلها راح حسين نصبي عزيه



**********

حبال العزه شديت علطف محلها
ايام اللطم والنوح هذا محلها
ذيج الصور علبال محد محلها
ماينمحي طرواك حد المنيه



الشاعر حسن لعيبي الحريشاوي

https://tttttt.me/ssgadAl

الشاعر موسى البديري:
ابيات ابوذيه الى ام البنين عليها السلام

فحــــول العرب هالحــــره ولدهــه
وبالطــــف ضحت ونذرت ولـــدهه
أم وفاگـــــده الأربـــــــــع والأدهـه
فگـد حسين راواهه المنيــــــــه
*
على النوح الگـلب ساجم وراهم
وإذا مــرلي الفرح صدگ واراهم
مشو وگـليبي ظل يمشي وراهم
سرى ضعن الولد يـبن الزچـيـــــه
*
صوتك فــت دليلي وحيــل مــارد
يبن حذلم حسين أشلـــون مـا رد
على الأربع أخبار الگـلب مـا رَد
راد أخبار عن شبل الزچـيـــــه
****
الليالي وياهه سارت عكس وجرت
وروح أم البنيــن أبنـــار وجـرت
بچت دم أعلى فگـد حسين وجـرت
على أغيابه أبدمع صبح ومسيــــه
****

وحــگ ألاف والأميــــن والهـه \ الله
بحبكم دوم أسلي الــروح والهـه
تــــاج أم البنــين تصيــر والهه
كرامه من الله تگضي الحاجه هيه


*

شكثر أحــــزان بينه شكثر مرهمْ
تـراني أبـــلا محبتــچ أبـــد مرهم
يمّــن حبــــچ لجرح الگلـب مرهم
ونخيتچ هالجرح تشفينه أليـــه

****
الشاعر
موسى البديري

https://tttttt.me/ssgadAl

مجموعة ابويات الى السيده الطاهر هام البنين عليها السلام

عيني أعلى الدرب كل ساع تربه
وصفت وي الدمـع والنوح تربه
لـوّن مـنــك بقـــت يحسين تربه
أشمنها لمّن تــدنه المنيـــه
*
روحي أعليك ظــل يسعر يمرها
الليالــي أبغيبتــك حنظــل يمرها
بعــدك لا فـــــرح يبنــي يمرها
الفرح يحسين من ترجــع عليه

**
كفيــل وادري يــا عبــاس كفــاي
ونذرت اچفوفـك وي اثنين كفـاي
أعيوني وي الگمر هاليوم كفـــي
حرام الشوف عگب ابن الزچيه

*

يگلبي وي الضعن امشي ويا گوم
ويـــا نــاس الجفـو عنك ويا گوم
الفــرح مــن غابو أعليه ويا گوم
وبعد هيهات ما نرهم سويه

بعد ان سمعت ابن حذلم ينعى الحسين سألته ام البنين واجابها

رسايــل مــن ضعنهم ليـش مايات
گلها حسيـن فـوگــه الخيــل مايات
صدگ صاحت على التربان ميّـت
وضامي وداستك خيل ا ل أميه

*
تراب الطف الك صايــر وساده
واهــلك فخــر للعـــالـم وساده
فــك بابه الحـزن بعدك وسّـده
عليّه والعمر أصبـــح عـــزيه
*
الشاعر
موسى البديري

بغداد/الكراده ٢٠١٩/٢/١٧

https://tttttt.me/ssgadAl

هوسات للعباس عليه السلام

تلولي ام البنين احتــــارت بأمــــره
تصد عباس عينه من الزعل حمره
نام ابيوم ذكـــــرت زينب الحــــره
( وبزينب گام اتلوليله )

*
اذا تصعب الحاجه ويصعب المطلب
يم واحـــد ابد هالحاجه مـــا تصعب
للعبـــــاس اگصــد حلّفـــه ابــزينب
(( وبزينب حلفه ويگضيها ))
***
تطلگ أمـــه تطلگ جابت العبــــــــاس
جابت غيره والله وتضحيه وأحساس
بچفوفه الگمــــــر للخوه دگ الساس

(بچفوفه الخوه أموافيهه )

موسى البديري

https://tttttt.me/ssgadAl