يَـاهِـي البالشِـدَد وَاجِـب ذِكِـرها
وكِل رُوح التِـوِن تِجـبر كَسرها
مَعروفه كِل حِين
أُم المَسـَــاكين
كِل رُوح التِـوِن تِجـبر كَسرها
*
مِـن يشـتَد ألَم دَهـرك يَراعِــي الهَــم
ونهَـار النـَـاس بعـيُونك يصِـير اَظـلَم
وكـُـون اَلله الوسِـيع اتشَــاهِـدَه غـَـيَّم
صَـفـِّـي النِـيـَّـه واقصِـدها وفـلَا تِهتم
إقــرَه الفاتحـَـه واِهدِيهـَــا لِـيهَه
واِجري ادمُوعك التِفهَم حَـﭼيهه
اتحِب دَمعة العين
أُم المَسـَــاكين
*
إقصِــدها ابيـَـقِـين امـنِ الفَرَج ﮔَـَـرُب
ولا تســأل حَكِـــيم وإســـأل امجَــرّب
امن اﮔلّـك عالتِـﮔـدرَه ابداً لتِـستَغـرُب
حَقيقه العِندي عَنها ومُو مَثل أضرُب
شِيل إيد الرِجَه وإلهَـج بِسِمها
وحَـل المشكله اتشَاهِد رَسمها
بالدِنيه والدِين
أُم المَسـَــاكين
*
ﮔَـَـبل لاتطلُب الحَاجه اِنتِـهِج إسلُوب
وحلّفهـا ابـﭼبـير اَولَادهـا المَهيـُـوب
الوِفه ابـﭼَفين وابرَاس ابعَمَد مَظروب
تنطِـــيك المُــرَاد وماتـظل مَتعـُـــوب
صَـدّك تِحضـرَك واتـزِيـل همـَّــك
وعَليك اتصِير اَحَن مِن ﮔلُب أمَّك
اتشيلك بجفين . ام المساكين
*
هـَـاي أم الوَفـَــاء اتوَافـــي دَاعِــيها
وبِاذن رَب الجَلاله الحَاجه تِـﮔضـيها
ومفتــَـــاح الفـرَج للشِـــده بيــديهــا
اتعَـزّب ضَـيفها ابسُــفره التـخلـِّـيها
أَمـَّــن مِن يناديها ابنوَايــب
وحاشَه ما يرِد ابيوم خَـايب
حِصن المُذنبين
أُم المَسـَــاكين
***
هـَــاي الشَارِكَـت بنت النَبي الهادي
بالهـَــم عالذبيــح ابغــبرَة الـــوَادي
مَـيردها الإلـــه وكِـل طَـلَـب عَــادي
مِن اتـﮔِلـَّــه ربـِّـي ابدَاعَــة اولادي
هاي اُم البنين ومِـن اَجيـبَـه
طَاريها يَـجِـد جَرحِي طَـبيبه
وايبَطـْـل الوِنين
أُم المَسـَــاكين
---------------------------------
لقمان البدران

https://tttttt.me/ssgadAl

الفاطمه حسن الختام الله علّه هلمقام
الفاطمة ام البنين



******



باب الحوايج فاطمه يم البنين
ياهو اجاج وعاد من عندج حزين
بالشفه العاجل فلاتتاخرين
وصفه انتي امسجله من الحسين
ياهو اجاج وماشفه ياطبيبة ومسعفه
الج يابرد وسلام
الله عله هلمقام
الله عله هلمقام
الفاطمة ام البنين



*********



باب الحوايج ياكريمه وعالمه
فاطمة نلتي الشرف من فاطمه
بالسمه مرتبتج انتي من السمه
للحتف ياام ابنها تقدمه
انجوم قدمتي وكمر كلتي لحسين الامر
بطاعة الله والامام
الله عله هلمقام
الله عله هلمقام
الفاطمه ام البنين



******************



وصفه من الله الشفا بيها قريب
بابها الثاني ابوفاضل طبيب
يادعاء مجرب والله المجيب
معجزاتج امر هذا موغريب
ناتجه يم الكمر من قرابين ونذر
وبلصلاة وبلقيام
الله عله هلمقام
الله عله هلمقام
الفاطمه ام البنين



**************



سلوة الكرار صرتي بناظره
من بعد نور الزجيه الطاهره
جبرتي كسره وطيبيتي خاطره
بكل محن وياه عشتي صابره
بعين شفتيه انطبر والحسن جبده انفطر
لله سلمتي الزمام
الله عله هلمقام
الله عله هلمقام
الفاطمه ام البنين


*********


من اصل طيب وثمره طيبه
يلوفيتي شكثر لاصحاب العبه
نلتي من الباري اصعب مرتبه
وصفه للعلات انتي مجربه
تكضي يمج حاجته الجاي يشكي علته
يلمثل بدر التمام
الله علّه هلمقام
الله عله هلمقام
الفاطمه ام البنين


الشاعر حسن لعيبي الحريشاوي

https://tttttt.me/ssgadAl

عن لسان ام البنين على وزن قصيدة
(يبن امي علتربان عفتك رميه )


ام البنين اليوم صاحت يعباس
يم فاطمه ترجاك كون ارفع الراس


********************


راسي ترفعه اهناك يم الزجيه
جسمك درع لحسين بالغاضريه
لومايرد حسين لاترد ليه
لنفاسه كون اهناك كطعها الانفاس


***************************

حط عينك على حسين هابالك اتنام
ومن السهام احميه صيرانته كدام
وي اخوتك منذور للزهره خدام
يابوالفضل هليوم دك للوفه الساس



*********************


هايبني يلعباس هايبني انخاك
وي جعفر وعثمان عبد الله وياك
لاتغفل على السيف وتهده يمناك
لتعوفه وحده حسين مابين الارجاس


****************************


لاسهم يوصل ليه لووصل صدرك
لووصل سهم عليه مايوم اعذرك
النحر ابوالسجاد ضميته نحرك
وجسمك بحافر خيل موجسمه ينداس



**********************


يلي طحت بحشاك سهم المنيه
لاتعتذر وتكول زينب سبيه
بيش اعتذر وشلون عند الزجيه
الكفل زينب وين تنشدني هلناس


الشاعر حسن لعيبي الحريشاوي

https://tttttt.me/ssgadAl

كعديه قصيده عن ام البنين سلام الله عليها

بالمودة وبالوفه واست ال المصطفى
بالمحبة وبالحنين فاطمة ام البنين
واست ال المصطفى

*********************
رعت اولاد الزجيه مثل حيدر ماتمنه
لكوا عدها فيض رحمه وعاطفه وطيب ومحنّه
المرتضى شاكر سعيها ابد ماخيّبت ظنه
عوضتهم عن كسرهم
للكسر صارت جبرهم
تحملت كلشي من اجلهم اتحملت محنه على محنه

ضحت اسنين العمر وحمدت الباري شكثر
خادمة للطيبين فاطمه ام البنين
واست ال المصطفى

*****************

فاطمه الجمعت ولدها عليهم اتعيد الوصيه
حسين سيدكم يولدي هذا ابن خير البريه
هذا ابن فاطمه الزهره هذا ابن حامي الحميه
يمه للصعبه اذخرتكم
وللشدايد حظرتكم
رضا الباري ينتظركم عنّه من ترضه الزجيه

كسرت قيود المحن وعاندت ظلم الزمن
بمعنى ثاني ماتلين فاطمه ام البنين
واست ال المصطفى

*****************

نالت من الله الكرامه عن مواقف قدمتها
عاليه بعلو الثريه وفوك واكثر منزلتها
سجّل التاريخ اسمها بكل بطوله السطرتها
مو عن فراغ امسجلّه
من وصلت الهلمرحله
جاه وكرامه ومنزله عن جداره حصلتها
القدمتهم للحرب لله بيهم تقترب
تشهد عليها السنين فاطمه ام البنين
واست ال المصطفى

**********************

من علي طلبت ورادت لايسميها اباسمها
لاحسن وحسين يحزن ويكبر بزينب المها
هذا من قمة ادبها وعاطفتها ومن كرمها
روحها لهل الحميه
وقف صارت للمنيه
صابره وحره وقويه ابد مايضعف عزمها
هذا خطها للابد من المهد حد اللحد
عن ثبات وعن يقين فاطمه ام البنين
واست ال المصطفى

*****************

ودعت دنياها لكن مايودعها دمعها
علجره بهل النبوة وفاطمة الكسروا ظلعها
وعلحسن وحسين لمن هلوكت بيهم فجعها
ومن بعد طبرة وليها
وزينب وماجره عليها
وعلى الراحوا من اديها بالكلب يكتل صدعها

بكل صلابه وكل عزم للحرب انطت زلم
باربعه تفدي الحسين فاطمه ام البنين
واست ال المصطفى


الشاعر حسن لعيبي الحريشاوي

https://tttttt.me/ssgadAl

( لهفي على ام البنين)


لهفي على ام البنين
لرزئها بعد الحسين
فنفسها مرّوعه بعد بنين اربعه
لهفي على ام البنين



***********************

ام البنين استذكرت
ايام وياهم كضت
وي حسن وحسين انتهت
الزينب غدت ام واخت
بعد النعيم اتحسرت
شيرد بعد ذاك الوكت

بين الليالي والاسى وفقد اصحاب الكسا
نفس غدت موزعه بعد بنين اربعه
لهفي على ام البنين

************


بالخدمه صارت تفتخر
لاشكت عوز ولافقر
بالخدمه مارادت شكر
بنجوم ضحت و الكمر
توفي العلي وسيد البشر
والزهره ترضه وتبتشر

عمر مضى حتى انتهى غير الامانى مالها
فعمرها مااسرعه بعد بنين اربعه
لهفي على ام البنين


*************************

بخدمة علي متواصلة
ام البنين الفاضله
الصابره بكل معضله
حصّلت اعظم منزله
ضحت ابدور بكربله
متوذرين على الفله


للصبر كم مواليه مثل الرواسي العاليه
فصبرها مااروعه بعد بنين اربعه
لهفى على ام البنين



*************************

ياهي المثلها قدمت
اربع اسود وماشكت
ماساعه وحده اتندمت
طول العمر ماقصرت
للزهره خافن ماوفت
والعمر ساعاته كضت

بعد الذي ذاق الردى العمر قد ضاع سدى
فاي شئ تصنعه ؟ بعد بنين اربعه
لهفي على ام البنين


***********************

خلصت لياليها تون
من غاب حيدر واندفن
ولمن رحل عنها الحسن
شيظم بعد الها الزمن
اعظم مصايبها لفن
مكطّع حسين ابلاجفن

احبابها اذ رحلوا في اي واد نزلوا
شمل لها من يجمعه بعد بنين اربعه
لهفي على ام البنين



الشاعر حسن لعيبي الحريشاوي

https://tttttt.me/ssgadAl

ام البنين اتعودت وي دار الاحزان
من طاح عبد الله وكضه جعفر وعثمان
ويم النهر طاح الكمر
من سمعت بهذا الخبر
حال الجمر من الصبر والكلب خلصان

*****************

واشد كل هاي المصايب سمعت حسين انذبح
والعده بالراس تفتر راسه شالوه ابرمح
والعقيلة بليل موحش صفت مكسورة جنح
بالظعن محتاره ظلت ابليل مابعده صبح
اتبات وين ام الخدر محتركة الخيام
ومن كربله يبدي الهظم وي لوعة الشام
امتون ورمّها الضرب
وظعون ظلت للنهب
زينب دمعها بس يصب والكلب خلصان

****************

شكد محن مرن عليها والمصايب عذبتها
طبرة الكرار صارت لوعه ابد مافاركتها
والحسن مسموم جبده شلون ساعه المانستها
وكربله اخذت ولدها بلوعه زينب رجعتها
وحسين مرضوض الجسد من سحكته الخيل
من كربله جاها الخبر خله الصبح ليل
جاها الخبر من كربله
شلون الخبر تستقبله
حسين مرمي على الفله والكلب خلصان

**************

شلون ناعي الطف اجاها بياخبر كصّرعمرها
كون بس حسين سالم هوه سلوتها ونظرها
من بعد غيبه طويله اخبار اجتها الماتسرّها
الكللّها ابنج منذبح جن حفر بيده كبرها
جاوين تنطيه الوجه من بعد الحسين
وحسين متشوفه بعد شتسوي بالعين
مثل الخيم كلب احترك
ريت الصدك لامو صدك
مهمومه من دون الخلك والكلب خلصان

*****************

للعلل باب الحوايج مايخيب القصد الها
اختارها الحيدر الباري من اصل طاهر نسلها
الرضا اهل البيت تسعه هذا بالدنيا املها
ياحياة البيت لاجن استعجل وقرّب اجلها
من يوم حسرة كربلة وحسين مذبوح
كام الجرح يندّه جرح ويحشم النوح
الفاكده بدور وكمر
حتما تموت من القهر
على حسين مكسورة ظهر والكلب خلصان

************************

القدمت للباري كلشي انطاها ميزات وكرامه
للحوايج باب هيه وللعلل طب وسلامه
نصرت المصطفى ودينه وساندت نهج الامامه
اداوي بالدنيا الكصّدها وتشفع بيوم القيامه
رادت يمر بيها الاجل وتودع الدار
للجنه يم حامي الحمه والعتره الاطهار
راح الشمل ماينجمع
يوم الضعن خالي رجع
وعيون ظلت للدمع والكلب خلصان

الشاعر حسن لعيبي الحريشاوي

https://tttttt.me/ssgadAl

قصيدة سلامي على ام البنين

سلام اختلط وي جمر المدامع
على ام الا ربعه ابدور السواطع

على ام الوفه الحد المنيه
على ام البنين الكلابيه
سلامي


****************


سلامي علحوّت خير المزايا
الجليله الصابره بوجه الرزايا
على الودّت ولدها للمنايا
سلام الماله حد ولا نهايه

على الي ساندت حامي الحميه
الشالت كل حمل بعد الزجيه
سلامي


************


سلامي على الوفيه الكلها طاعه
على الماقصرت بالخدمة ساعه
على المتواضعه وتحمل قناعه
على الغذت ولدها بالشجاعه

على الي عاشرت اهل الرساله
بمحبه وعاطفه وطيبه وعداله
سلامي


**************


سلامي على ام بخت طاهر نسبها
كريمة بجودها وعالي ادبها
على الشايل سمه ويمطر كلبها
ملت دار الامامه بفيض حبها

على الي ماشكت لحظه بزمنها
بس لله المصايب شكت منها
سلامي


**********


سلامي على الماينشف دمعها
لزينب من تحن لمها وضلعها
وفيه ومن اصل طيّب فرعها
رضا اهل البيت غايتها وطمعها

على الي بذلت وضحت ولدها
وتمنت لوبعد من ولد عدها
سلامي


**************


سلامي للرعت نور الامامه
وصفت باب الحوايج والكرامه
يمرضّيه شكثر يوم القيامه
يمصنع زود وابطال وشهامه

على الي نالت من الله اجرها
ورادت منه يتقبل نذرها
سلامي


**************


سلامي علّي وصّت كل ولدها
درع لحسين بالطف وشددها
بزينب وصت وبذلت جهدها
نخت عباس يكفلها ويردها

على الي صابرت تنطر خبرهم
سيوف اهل الضلاله كطعتهم
سلامي


الشاعر حسن لعيبي الحريشاوي

https://tttttt.me/ssgadAl

قصايد ام البنين


لجل الحسين اضحي بكل حياتي
ما اوفــيـــه لحد ساعة مـمـاتي
ابنيني من فديته
احس لاما وفـيـتـه
ما اوفــيـــه لحد ساعة مـمـاتي

من مشه عـني والحــزن يكـبــر
الگلب حسيـت نـاره هـالتـسعــر
لـون شاهــدتـه بـاچـــر الحـيـدر
شعـتــذر مـنــه شلـــون ما اگـدر
شرد اقــدم اذا يسأل جــوابــي
دمعة العين الهى تشرح جوابي
الدمع كله بچيتـه
احس لاماوفـيته
ما اوفــيـــه لحد ساعة مـمـاتي

حسبت يـرجـع من مـشه الـغـالي
حسين ابو السجـاد سـلــوة آمالي
من عگب عـيـنه مـنهــو يبـرالي
يجي ايشاهــدني وينظــر الحـالي
بهـمـي ضليت يشاركني ونيني
انه الضحيت اله بـــأربع بنيني
لون روحي نطيته
احس لاماوفـيـتــه
ما اوفــيـــه لحد ساعة مـمـاتي

اربـــع اولادي ويــا يحـرســــونــــه
بيهـم امـــضحـيــه فـــدوه لعـيـونــه
امــوصـيــــــه اولادي مـايخـلـونـــه
وحـــده ويضـحـــون بالعـمــر دونـه
لجله ربيت بنيني وكبـرتـهـم
حتى يوفون لبو اليمه انذرتهم
اذا بعمري شريته
احس لاماوفـيـتـه
ما اوفــيـــه لحد ساعة مـمـاتي

ابقه مـنـتــظره والحــزن بــالـــروح
وعالحسين هناك سيوف اميه اتلوح
فــوگ عـالغــبــره گلي ضل مطروح
الناعي خـبـرنـي ابـنچ ومــذبــــــوح
عـنـه اســأل وفــاءً للــــوديــعــه
مايهمني الـوگع فــوگ الشـريـعـــه
اون عمري گضيته
احس لاماوفــيــتــه
ما اوفــيـــه لحد ساعة مـمـاتي

انتـظـر ضليت حــايـــره بــأمـــــري
وحــدي محــتــاره والــدمع يجـــري
شيسوه من بعده شيسوه كل عـمري
نحــره لــو سـالـم وينگـطـع نحــري
بخدمة حسين لون عـمري خسرته
مايهمني وانـه اتشرف خــدمــتـــه
رغم كل الحچيتـه
احس لاماوفـيـته
ما اوفــيـــه لحد ساعة مـمـاتي




الشاعر السيد رياض الرسل الجابري

https://tttttt.me/ssgadAl

الي عنده حاجه عند ام البنين





تريد حاجه اطلبها من أم البنين
الحاجه تكـضيها الك


حـاجــه اذا عـنــدك ابــد لا لا تبالــي
شما گلت صعبه وتظل تسهر ليالــي
اگـصد الام البنـيـن وشــوف تــالــي
شلون ربـك الـهـا منطي جــاه عالي
هاي ربك الك جاعلها معين
الحاجه تگـضيها الك

من تحس بضيق انته وبـيـن شــده
لا تفكر غــيـر بس بالباري وحــده
بـاب هـو انـطـاك بـاب ومــايســده
اليگـصـد الهل باب حـاشه مايـرده
من تجيها بگلب ينحب وبآنين
الحاجه تگـضيها الك

جبل لو همك يصيـر ومـاتـحـمـلـه
ومن تحس مال الحمل ربك يعـدله
حاجتك لـو يم بشر صعـبـه تگـلـه
وأيـدك الأم البنين أتمـدهــا سهلـه
مدها ايدك ---- يم ملاذ الخايفين
الحاجه تگـضيها الك



بيها فـكـر والامـل بالـروح يكـبــر
راح اخـبـرك انته لـو وكتـك تعثـر
من تطيـح بشده والموقـف تعسـر
صيـح يا ام البنين وهـي تحـضـر
الك تحضر ثابت وهذا يقين
الحاجه تگضيها الك


منها تبدي وتنختم يمها الفضايل
هاي ام الاربـعــه وبنت الاصايـل
الف حاشه وحاشه متردك يسائل
من تحـلـفـها بكـفـالـة ابـو فـاضل
ماتردك ابد مكسور وحزين
الحاجه تگـضيها الك


راح اخبـرك بعد يالتسئلني عنها
الله شرفـهـا بكـرامه ماكــو منها
تحضر بهيئة ملك بالحشر چنهـا
براس مرفوع ويجي وياها ابنها
ابو فاضل يحضر ابلايه ادين
الحاجه تگـضيها الك


الشاعر السيد رياض الرسل الجابري

https://tttttt.me/ssgadAl

اجنيه مراد نطلب جينـه
اجنيه بجـاهـج وتنطينـه


هالليله بدموع الحزن جينه الچ عـنــايــه
انتي رجـانــه بــالعـسر والامـل والـغـايـه
لو الـچ مرقــد كل سـنــه نعـتنيه مشـايـه
ونشوف احنه گبتچ وترف بيها الــرايــه
اجنيه زحـف وتعـنـينه
اجنيه بجاهچ وتنطينه


جيناچ بدموع الوفه مرادچ احنه انــريـده
كـلـمـن دعـيـتـيـله بطلب الله يترس أيــده
جاهچ چـبـيـر وبـالسمه امئـيـده بـتـئـيـده
منچ طـلـبـنه والطـلب تعـرفـيــه منعـيــده
اجنيه بالسجل سجلينه
اجنيه بجاهچ وتنطينه




بعـباس احنه انحلفـچ وبعـلـي والطـبــره
وعليچ مشينه بعد حسين وامه الـزهـره
منچ الخادم يرتجي تحضريـنــه بگـبــره
والعـنــده جـاهچ بالسمه الله يرفع قـدره
اجنيه كونچ اتنظرينه
اجنيه بجاهچ وتنطينه


خدام كلنه بمجلسچ والخدم خي عـونه
وانصيح خدامچ نضل خلهم يسمعونـه
ام البنين وخـدمتچ بالحشر مضمونــه
حتى الملائك بالسمه باچـر اتحسدونـه
اجينه وبسمچ اتسمينه
اجنيه بجاهچ وتنطينه


الشاعر السيد رياض الرسل الجابري

https://tttttt.me/ssgadAl

شوط كربلائي للسيده ام البنين ع







للعاشت تون وأتنـوح وتبجي بـنـار لهـابـه
خلصت كل عمرها اتصيح آ يحسين ومصابه


هاي ام البنين اتنوح تنوح وشاب منها الراس
هاي الضحتلها اشبول نادت والوفه مقيــــاس
لو سالم يجيني حسين فدوه ايروحله العبــاس
تضحي بأربــعـــه دونــه
تضحي الخاطـر عـيـونه
المثلها يصير خي عونه
خادم للحسين يصير ويموت ابحرگت اصوابـه


ربـت اربـعــه شـبــان لجـــل حسـيــن ربـتـهـــم
ومن در الوفه الصافي امهـم خـوه رضعـتـهـــم
اليوم الطف لأبنها حسين بدمعها الغالي كبرتهم
عمرها خلصته بعــبــره
وتحس ماوفت امقصره
ابيش اتواجه الــزهــره
وشتقدم عــذر لحسين منه وثـلـة اصحـابـــه



عمرها واربعـة شبان كـلـشي قــدمـتـه لجـلـه
ماوفــت تحس تشعــر قـلـيـل شما تـقـدمـلـــه
القليل القدمته لحسين كـــون اتمنت أيـقـبـلــه
رغم ماهــيـه وفــايــه
تحس امقصره هوايه
تگله الحامل الــرايــه
صير انته عبد لحسين صيــر وخـادم ابـابــه

ومن مرت عليهــا ايام عاشت بالحزن عاشت
مــو للاربعه لحسيــن بدمعهـا وبالحزن ناحت
عاشت خادمه لحسـيــن وماتت خادمه مــاتت
من كثر الهضم والنوح
ماتت وبگلبها جــروح
تنادي يبني يالمـذبـوح
ماحملت فراگ حسين وناره ولوعت غيابه

المثل ام البنين يصير خــالــد لا ابــد مـامــات
ويكرمه آله الكـون وباب يصـيــر للحــاجــات
خل نلطم لجلها اليـوم وننحب نسچب العبرات
نبچيهـا بـألـم حســره
وانحلفها بالــزهــــره
منها انريد بس نظره
خدام الابنها انصـيــر احنه واحنه احبابه


الشاعر السيد رياض الرسل الجابري

https://tttttt.me/ssgadAl

(( قصة ام البنين ))

هاي ام البنين اسمعها قـصتـهــا
ابدمعه من بدت وبلوعه ختمتها


هـاي ام البـنـيــن العــاشــت بـأيـثار
عـاشت خادمه عــد حــيــدر الكـرار
مـاتــرضـه اسمها ينــذكــر بــالــدار
فـاطـم چان اسمها وشرف سمعتها


نفس الـزهــره چانـو همه بالاسمين
خافـت من اسمها عـالحسن وحسين
وزينب من تسمعه تهل دمـع العـيـن
وخافـت على زينب تهل دمعــتــهــا


عاشت خادمه بس تشعــر امقصره
شما چــانت الحيدر تمتـثــل لأمــره
تشعـر بالخــدامه واجــب اشكـبــره
چيبره اعليها حتى الخدمه شافـتهـا


تــزغــر بــروحها چانت وترضيهــم
اولاد الــزچــيــه ونعـمــه تــدريهــم
تاج ابــراسهــا چــــانت اتخــليــهــم
تحس تاج وشرف كل هاي خــدمتها


چانت من گلبها الخدمه تخــدمــهـا
والخاطر الخدمه بالباري عــظــمهـا
انطاها اربع بنين وشرف كــرمـهـــا
شلون اربع بنين ابـدمــعــه ربتهــم


ربتهم ابــدمــعــه ونـعــم مــاربــت
قدمتهم هديـــه ونعــم مـاقــدمــت
رغم كل مانطت بس تحس ماوفت
تحس كلش خجوله بهاي وگـفـتـهـا


صارت بالـوفـه لهـل الـوفــه مقياس
محد ما عــلاهــا بهــاي كل الـنــاس
قدمت اربعـه وشمعــتــهــم العـباس
وچــانـــت خــالصــه لله نــيــتــهــا


هـــاي ام البنين الضحــت الشـبان
من اجل الحسين المـنـذبح عطشان
ضل عالي اسمها وللــوفه عــنــوان
والزهره المواقف كلها سجـلـتـهــــا


وسلمــت للـقــدر ام البـنـيـن الـيوم
خل نبچي عليها مو دمـــوع ادمـوم
ماتت بس گلبها مــن الحزن مالـــوم
هـــاي ام البنـيــن وهــاي رحلـتــهــا


الشاعر السيد رياض الرسل الجابري

https://tttttt.me/ssgadAl

قصيدة بحق ام البنين ع



يدهري انطيت لحسين بفخر
يدهــري اربع ابنين وكـمـر


انه ام عـبــاس انه والدهـر خلاني
بالمدينه ابقه وحدي والبعـد اذاني
ابقه كل عمري وحياتي عايشه بأحزاني
حسين بس هو الهضمني حسين بس بچاني
يدهري بفركته راح النظر
يدهري اربع ابنين وكـمر


وحدي خلوني بحسرتي والدمع يبرالي
وياي بس خلو عليله مدري وين التالي
راحو الارض المنيه الراسي بيهم عالي
بأربع ابنيني فديته ذوله لجل الغالي
يدهري بس ردت منهم خبر
يدهري اربع ابنيـن وكـمــر




بس عليله ويايه ظلت تنحب ومالومه
قصه مرسومه وحزينه بالوجه مرسومه
يادهر من انظر الها بالمرض مهمومه
شلون اصبرها يدهري فاطمه المظلومه
يدهري والله خاطرها انكسر
يدهري اربع ابنين وكـمــر


يادهر راح ابـقه انطر وانتظـر احبابي
على ساعه وللمدينه لو تـرد غــيابي
بيه محد يشعر اني بحيرتي ومصابي
حسين بس حسين اريده من يجي يدگ بابي
يدهري كلبي عايش بخطر
يدهري اربع ابنين وكمر


راح اودع صبري وابقه عايشه بضنوني
من المدينه لو اصيحن ابد ميسمعوني
لجله ضحيت ابنيني كلهم يعرفوني
حسين لجله لمن ابچي خلها تعمه عيوني
يدهري وين وينه المنتظر
يدهري اربع ابنين وكمـر


الشاعر السيد رياض الرسل الجابري

https://tttttt.me/ssgadAl

قصيده بحق ام البنين ع
------------------------

ام البنين تصيح والدمعه بالعـيـن
انه وبنيني شلون مانفدي لحسين
----------------------
اربـع اشـبـول حـيـود مــن كـبـرتهـــم
ينصرون ابـو السجاد بالطـف ردتهــم
الهل موقف وهل يوم انه اذخــرتهـــم
مطلوبه للــزهـراء يـولادي هـالـديــن
-----------------------
ديــن بـــرگـبـتـي شـلــــون لازم ارده
للزهـره هــا يــولاد خـــلـونــي اســده
لاتـتـركــون حسيـن بـالحـومه وحــده
اعـرفـكـم انتـو سباع انـتـم يطيـبـيـــن
-------------------------
عبد الله جعفر عـون صاحت يهل لناس
ويلادي والنعـمـيــن يـا رفعــت الـراس
والاغله من الروح والشمعـه عـبــاس
سمعـو وصيتي زين خاف انتو ناسين
-----------------------
ضحوله فـدوه الروح يـولادي وحموه
بالحـومه وحـده حسيـن لا لا تخـلـوه
والعـمــر للـمـظـلـوم لمـن تـقـدمــــوه
لأمكم فخـر يــولاد بالعــزه مـاشـيــــن
---------------------

عـندي بعـد عـبـاس هــاي الوصـيـــه
زيـنـب تظـل بحـمــاك بـالـغـاضـريـــه
بـيــدك امانـه تصـيـر مــن الـــزچـيـه
توصل عـزيـزه ويـاك فخـر النساوين
--------------------------
ويـاك امـانـه تـروح زينب والعـيــال
لتـقـصـر وحاشاك وبأصعــب الحـال
يايمه ياعـبـاس خاف السفـر طــــال
تبقه وتظل بحماك حـتى الصواويـن
---------------------
ظـلـت تون وتـنـوح بــرض المدينـه
ام البنين هـنـاك تبچـي وحــزيــنـــه
ماتدري طاح شلون حامي الضعينه
ومنفصل راس حسين عن جسمه نصين


الشاعر السيد رياض الرسل الجابري

https://tttttt.me/ssgadAl

دخيلج يا ام البنين نظره مولاتي
--------------------------

شوف أم البنين البقـت وحدها
گبل متموت جان أخر طلب عدها

گبـل متموت رادت واحد اتظـمه
الصدرهـا من تشوفه اتشبگه وتشمه
ودوله خبر خـل يـحـظر الامه
تحچي والحـزن بالـگـوه ساندها

يصبرها دمعهــا وهـيه منتـظـره
نـادت وبرفيـع الصوت وبعــبــره
يولـيـدي تعال بداعت الــزهـــره
تعال وانظــر ألامك وشاهدها

ضلت تنـتـظـر والدمـعه سچـابه
تـتعذب الأم بـالابن وغــيـابه
تنادي ابدمعه آه يحسيــن ومصابه
ودمعها من البچي ضل يحفر بخدها

عذبهـا صبـرهـا ولوعـت المـدمـع
نـادت بس ابنهــا بعـيد مـايـسمـع
امـك نادتـك يالــولد ماتـــرجـــع
وينك يبني ويـنــك بس تــرددها

رضعـتـك وفــه و در الـلبـن صـافي
اسمـك مـا امـله بطــارف اشـفـافـي
هـالـلـيله اريــدك كـونك اتوافي
تـدري البعـد امك حـيـل يضهـدها

بلحظات الوداع أتنادي وبـأحساس
بالـدمعه تصيح اگـبال كل الناس
صاحت يمه احـظر يمه ياعـباس
اريدك بالگبر امـك تــوسدهــــا

حضر عباس و دموعه دمه من العين
يدفن امه مايگدر بلا چفين
بيا حاله وتسئله وين اخوك حسين
ماعباس امك حان موعدها

موعدها تودع دنيه غداره
اشگد رادت تشوف حسين وانواره
حتى بأخر الانفاس محتاره
وعلى هده الوفه بارينه خلدها

ثواب هذه القصيده لتعجيل فرج مولانا صاحب الزمان (عج)

الشاعر السيد رياض الرسل الجابري

https://tttttt.me/ssgadAl

اذا أردتَ حاجةً اقرا أليها الفاتحَة
فكلُّ ضيقٍ يَنتهي والشرُ لا لن تَلمحَه
شفيعةٌ امُ البنينْ حَاضرةٌ في كلَّ حينْ
__________________________
امرك الله يسهئله ولا ما تحير
وتعلى مثل الطير لورايد تصير
أنته لم عباس بس وجهك تدير
بخير راح اتصير وتعيش انته أمير

أمُّ البنينِ قِبلةٌ يَذوبُ عِندَها الاسى
فقم وأطلبْ حاجةً فَهي الشّفاءُ والدّوا
ارفعْ لها تلكَ اليَدينْ شفيعةٌ أمُ البنينْ
_____________________________
جرب انخاها لون مرك مصاب
لكل سوالك راح تلكاها جواب
وذكر بجرحك اسمها اتشوفه طاب
وما تردك لو تدك اعليها باب

سيّدتي شَفيعتي طَرقتُ بابَ الرّحمةِ
يا أمَ عَباسٍ لنا صرتِ كبابِ الجَنةِ
هلّا رحمتِ العَاشقينْ شفيعةٌ أمُ البنينْ
_________________________________
انزور كبرج يمته احنه ومن قريب
ومجلس بصحنج نسوي بي عجيب
ويشفه كلبج لو ذكرنه احنه الحبيب
الباقي عل تربان وبدمه الخضيب

لبيكَ يا حسينُ ذا صَوتُ الدّعا في حَضرتِك
ونَرفعُ الكفوفَ والرّاياتِ في مَنارتِك
يعلو نداءُ العالمينْ شفيعةٌ أمُ البنينْ
_____________________________
برضاها يرضى رب العالمين
وما يموت الاسمه وي العاشقين
ولو اسمها يمر عليك ابجيله عين
الجنه سهله للخدم ام البنين

هَذي التي في خَلقِها سرٌّ أتى من فاطمِةْ
لا ريبَ لا فهي التي تَقضي الليالي قائمةْ
ولا تردُّ الطّالبينْ شَفيعةٌ أمُّ البنينْ

_________________________________
يدعي بيها بحاجته حتى الدعاء
نعمة هيه ندري بيها من السماء
اشكثر نتمه تصير بكربلاء
حتى يوميه نجيها احنه بعزاء

ففي رِضاها جَنةٌ واسمُها مكارِمُ
تَعشقُ كُلَّ خادمّ ونورُها لي دائِمُ
بِالحبِّ والعَهدِ المتينْ شفيعةٌ أمُ البنينْ

________________________
الشعر الفصيح : علي حبيب الشابي
الشعر الشعبي: أنور خلف البيضاني

https://tttttt.me/ssgadAl

الحسين يخاطب ام البنين لطمية لأم البنين                تجليبة الشاعر قاسم الساعدي المندلاوي

يمه لازم أعتنيچ                آنه والشيعة نجيچ

إنتي ضحّيتي البنين             دوني يا أم البنين

*******

يا أم البنين وأمي بالخـــــــــــدمة

شرف عندي تكونين ام لابو اليمّة

فدوة الكم بنيني باذني هالچلــــمة

أوفّيهه ألچ من جوهر العصمـــــة

أعتني الڴبرچ أزور        واشكي ما حل بالبدور

أربعة المتخذمين                  دوني يا أم البنين

*******

ماتت أمنه شفناچ انتــــــي أم لينه

حنان امنه لمسنه ابصدرچ اعلينه

عليهه ابدمعة الفرڴة تــــــــسَلّينه

وبسمچ من بعدهه يمه نــــــادينه

منچ امواج الحنان            ناخذ وحضنچ أمان

ابهالصمود امكلّفين            دوني يا أم البنين



******

أسمچ فاطمة لاچن فرق بــــــالحال

ضلعچ ما نزف من هجــــمة الچتال

نزفتلچ رڴاب اعله النـــهر دم سال

من عدهم روت هاي الدموم ارمال

وينچ ابوادي الطفوف        ريت انه عينچ تشوف

هالشهادة عاشڴين                دوني يا أم البنين

******

ابڴلب ملهوف ازورچ وابچي يم ڴبرچ

واسولف قصة هيّه الڴصّرت عـــمرچ

قصّة كربله البيهه غلَب صبـــــــــــرچ

صبر كل ام ولد ڴبل وبعد عصـــــــرچ

ما نشدتي اعله الڴمر      عنّي نشدچ بالسفر

كون بيكم يستعين            دوني يا أم البنين

*********



أڴعد واشتكيلچ ڴعدة الكـــــــــرار

يم ڴبر الزچية يشكي ليهه الصار

طعناتي چثيرة وڴلبي يسعر نـــار

بدموعي الجريّة أكشف الأسـرار

صوَر بعيوني تطوف     عله مڴطوع الچفوف

أبن امير المؤمنين            دوني يا أم البنين

********

أوگف يم ضريحچ والدمع أحمـــر

مثل دمعاتي يم مَصرع علي الأكبر

أصيحاً حتى احس دلاّلي يتـــــفطّر

مصابچ ما يقل عن امي الكوثــــر

ومثل دمعاتي التسيل        من شفت حال الچفيل

منّه أسمع بس أنين              دوني يا أم البنين


الشاعر قاسم المندلاوي

https://tttttt.me/ssgadAl

يوم ام البنين ع
..دخيل شوگ ام البنين ع ...

يحسين منك أيست .. چنك ولا رايد تمر
چم مره بغيابك متت .. تدريني مو مالت هجر
وحدك ردت تجيني .. مافكرت ببنيني ..
تدريني مو مالت هجر..
………………………………
من يوم ماضعنك مشه وخليتني بحسراتي
برموش عيني بينن من القهر شيباتي
اگعد وگوم ابلا وعي وافرك هضم راحاتي
وبخدي سچه بينت مجره اثر دمعاتي

النوم ماعرفه بعد .. صارتلي عشره ويالسهر
الفرح من بيتي انطرد ..والضحكه ما الها اثر
ما ضلي بس ونيني .. مافكرت ببنيني ..
تدريني مو مالت هجر..
………………………………
اگبال بابك گاعده والروح بيه متعلگه
ايدي علخدي وانتظر يالحظه بابي ادگه
لهفانه عيني الشوفتك جفني ابد ماطبگه
منتظره ياساعه تجي وازحف زحف للملگه

هد حيلي يحسين البچي .. منذاك يومك ماهدت
واشكد الك عندي حچي .. واشكد قهر بيه اخزنت
بس انته الك حنيني .. مافكرت ببنيني ..
تدريني مو مالت هجر..
………………………………
ماتدري شمسوي القلق ابروحي يابو اليمه
ابالي حسبات اشكثر وظنوني بيه مزدحمه
ياخوفي ماترجع بعد وعيوني بعدك تعمه
اتراب اثر رجلك خذت حاظنته بس واشتمه

من تراب رجليك الطهر .. سويت الي تربة عشگ
من گلبي كلش ينعصر .. اسجد عليها من اختنگ
ترابك احس يشفيني .. مافكرت ببنيني ..
تدريني مو مالت هجر..
………………………………
ابالي چم فكره تجي وبعيني الك چم صوره
كل صوره اشوفنها الك مرضوضه لو منحوره
يوجعني صدري وبيك احس اضلوع الك مكسوره
مخنوگ گلبي وچن صدگ اضلوعي المعصوره

تتزاحم بعيني الصور .. واتنخه بالزهره وعلي
يالزهره، يافارس مضر .. سالم اريده ايرد الي
سالم اريده حسيني .. مافكرت ببنيني ..
تدريني مو مالت هجر..
………………………………
يحسين اشوف وچذبت ابعيني كل ماشوفه
زينب وحيده وحايره مرعوبه شو مخطوفه
يمك اشوفنها تون الدمعه بقهر مذروفه
وماتگدر اتشبگك اشو چفيها اظن مچتوفه

يمك اجت زينب شفت .. ويمها دنه شفت الشمر
يضحك عليها من بچت .. گاللها هايم الخدر
تگلك يالمخليني .. مافكرت ببنيني ..
تدريني مو مالت هجر..
………………………………
معقوله زينب بت علي برمحه الشمر يدفعها
بت فاطمه گبالك صدگ شمر الخنه يوگعها
وبالسوط يضربها بحقد بكل قوته ويوجعها
شچم مره مت من انتخت الحگ الي تسمعها

تزحف گمت شفتك زحف .. بس ماگدرت من الرمح
مابيك حيل من النزف .. چم طبره بيك اشچم جرح
عميه لونها عيني .. مافكرت ببنيني ..
تدريني مو مالت هجر..

الشاعر عقيل كاظم الحسناوي..

https://tttttt.me/ssgadAl

الليله الرابعه
1 قصيده بحق ام البنين عليها السلام

هذا الوفه المنسوب الي
انته الزرعته بداخلي

من عندك انه اتعلمت كل الوفه الزين
من شفتك اندارت حياتي وصارت حسين
..........................

من جابني الداره الولي    والعتبت الباب اوصلت
اول لقاء الشوفتك           ساعة البلبيت ادخلت 
اتسارعت دكات الكلب     وعالوكفه كوه تحملت
ماوالده  وعندي ابن        وحمدت الله وشكرت
 
اختاراني من دون البشر
يمك وما اشبع نظر

فرحانه يمه بشوفتك ياكرت العين
من شفتك اندارت حياتي وصارت حسين
.....................

بدويه بس صار اللقب     ام البنين الاربعه
يحسين لو ما رحمتك      محد ذكرني وضايّعه
وين الملوك اهل العرش   وتيجانها المترصعه
ماينذكر منهم ابد           وذكري يرف  عالمشرعه

بس اليخدمك ياوطن
ذكره على طول الزمن
 
تاليتي لوله انته وحقك ماعرف وين
من شفتك اندارت حياتي وصارت حسين
....................

 عفت الهوه واتنفسك         وللريه صرت انته الهوه
وصدري اختنك لمن رحت   ومن الدمع خدي انجوه
يايمه يوم السافرت            وياك كل عمري انطوه
بصفحه جديده انه ابتدي   وعنوانها موتي الدوه

يحسين وفراكك صعب
وكّفّت دكات الكلب

جان بوجودك من يدك دكاته مرتين
من شفتك اندارت حياتي وصارت حسين
........................

محله كلامك جان الي       مثل النده الينعش ورد
اشتاكيت هسه الشوفتك   وبضحكتك روحي ترد
الام من يضحكها الابن      ينطيها قوه وتستعد
لهموم دنياها بصبر           يمها الولد ما مبتعد

يالغبت عني وماتجي
امن الدنيا بعد اشارتجي

بس الدمع نهران صاير على الخدين
من شفتك اندارت حياتي وصارت حسين
.............................

ضل الالم وسط الكلب    مابيه حيل اتحمله
بيوم الطلع مني الضعن   وّدعتك ويه العايله
وضليت اعاين عالدرب    ودموعي يمه هامله
هنياله اليحصل كبر        يمك ويسكن كربله

تمنيته موتي واندفن
يم مذبحك وبجي واون

ياحيف يتاخر عليه  بجيته البين
من شفتك اندارت حياتي وصارت حسين


محمد هادي العقابي

https://tttttt.me/ssgadAl

ام البنين ع

عيني عله احبابي...فرگتهم امصابي
ساعه ويدگ بابي...ملك الأجل


ساعات الهجر...تذبح من تمر
ماخلن صبر...نار ابداخلي
لحبابي امن احن...ميغمض جفن
سهرانه وأون...يافرگة هلي
بالهم والمدامع يگضي كل يومي
أبچي وعالحبايب زادت اهمومي
ليهسه عطرهم بعده بهدومي
أولادي اشكثر أذوني بجفاهم
من الهوه أغله....والغربه مو سهله
راح العمر كله....ويه الأهل


خلاني الدهر...دمعه ابخد سهر
من طال السفر...طالت حسرتي
فرگتهم جرح...ذبحتني ذبح
نسهر للصبح...آنه وليلتي
ياريت الاجل يلفيني بالنومه
ولا يگضي العمر من ولدي محرومه
حتى انفاسي عالغياب مهظومه
ضل حتى الهوه مايرحم انفاسي
نار البعد كبره...بس الله بيهه ادره
من طالت السفره...فكري انشغل


دوم انحب وانوح...ماضلتلي روح
شيطيب الجروح...ماصح كل دوه
يگولون البنين...أعز ما بالسنين
بس عندي الحسين...أعز من الهوه
محبوبي الحسين وأغله من عيني
يخنگني الوكت واتنفس احسيني
تالي ابغربتي وحدي يخليني
مشتاگه اشكثر محبوبي شيجيبه
من ايتراوالي...تتغير احوالي
يافرگة الغالي...ماتنحمل


من أتعب وانام...يرعبني المنام
چن نار وخيام...بحلامي أشوف
أتخيل گمر...طايح عالنهر
واحزام الضهر...يوگع بالطفوف
أسمع صوت اخو من جرحه يتلوه
من يوگع اخوه يصرخ يبو النخوه
ها يا ابالفضل ضهري انكسر توه
واحساسي يخبرني عله الحومه
تتزايد آلامي...چني ابنحر دامي
وانذبحت احلامي...ومات الامل


ناعي الفاجعه...من جاني ونعه
يم الاربعه...ماضلت بنين
خبرني صحت...ومن گلي طحت
وبدمعي نحت...يبني ياحسين
ماضل حيل بيه وانخمد صوتي
واتمنيت ذيچ الساعه حل موتي
راح الچنت اريده ايشيل تابوتي
ياريته خذاني ومتت وياهم
اشما عشت انعاهم....هيهات انساهم
والموت وياهم...ياريته حل


سيد علي الموسوي

https://tttttt.me/ssgadAl