نزال والقفله رباط.
في حق مولاي ابالفضل العباس. ع

عباس ياكشخت ابوه. ياهلا بسركال اخوه
حياالله عباس. حياالله عباس
----------------------
ياهلا بكفال اخيته وكافل اخيام الخدر
عباس يارمز البطوله والفخر بي يفتخر
هيبت الله من نزل نيران بالطف يستعر
زلزل الحومه عليهم والهوه ضل ينعصر

يطبگ الميه سوه. زلمه اليشم الهوه
ها
وتتگاطف روس الخياله****
حياالله عباس. حياالله عباس
*
ابن ابو اتراب الاجاهم زلمه يندل الدرب
الگنطره ردها عليهم يضحك بنص الحرب
خله فرسان آل اميه تحبي وتلگ الترب
عسكر بعسكر طبگهم صعصع ودمهم يصب

براسه نار اموجره عالموت خلاهم سره
ها
*عباس وياهو اليدناله*******
حياالله عباس. حياالله عباس
*******
نزل مختاض اخو اخيته عالنهر چي مااجه
ضهضب ولوّح بسيفه غار والطف عججه
هذا عم اسكينه اجاهم والنهار اصبح دجه
لاذ من شاف ابوفاضل النهر رحمه ارتجه

بشاربك صاح النهر. يابوفاضل ياكمر
ها
*ويتعذر من عباس الشاطي******
حياالله عباس. حياالله عباس
*************
صاح بيهم ابو فاضل انه وجه الله الصمد
حسين وتنخه بعضيده اليوم ماخلي احد
هذا صمصامي بيميني وحته مااطلب مدد
هـيبـت الـجـبار آنه والـرفـعـهـا بـلا عـمــد

اعليكم اگطع الهوه. وحگ سيفي واللوه
ها
****عباس الله يحب ازماطه*****
حياالله عباس. حياالله عباس
**
شمّر اذراعه واجاهم بگت تصهل مهرته
اتحنت بدم العساچر دمه تنگط ريشته
بكيفه يتخيير رگبهم فگره يوصل يمنته
شيطلع وحيدر ابوه وام البنين الجابته

هذا ابن ام الوفه. والوصف مايوصفه
ها
*وغيرة الله. ابناصيته
حياالله عباس. حياالله عباس
**
حسين للكافل يهوّس واگف اباب الخيم
ياهلا بريشات اخيي ومحله سيفه والعلم
اتذكرت حيدر ابونه بكشخته ينگط شيم
يدعي ابو اليمه لخييه شاف دخان الجيم

ظلمه صارت الارض. نزل حماي العرض
ها
****عباس الطف حدر اجدامه*****
حياالله عباس. حياالله عباس
*****
الشاعر عمار حسن الدراجي.محرم 1440

https://tttttt.me/ssgadAl

🛑رابط قناة الشاعر👇👇
https://tttttt.me/joinchat/AAAAAEEM6pgUfkKxmOJj2g

نزال شجاعي بحق مولاي
اباالفضل العباس ع

عباس طب للحومه
ومنه الزلم مهزومه
**

طب وگلبها كربله
عباس راعي المرجله
طاحت زلم فوگ الزلم
من علي ماخذ هالعزم
سيفه بيمينه يسطلي

سبحان رب الخالقه
ماله شبيه ايطابقه
السيفه ياهو اليوصله
والسيف من عقد الوله
واليدنه منه يبتلي

كل ميه يطبگهم سوه
زلمتهم يشم الهوه
گالو اجانه حيدره
لوهذا سبع الگنطره
عباس هذا لوعلي

عباس طب للحومه
ومنه الزلم مهزومه
**

عباس بالعسكر يكر
والجيش فنه لويفر
بالثايه دگ الهم وتدد
زلـــمتـهم المـنه شرد
من الگمر وين المفر

صعصع واجاهم كالرعد
ويريــد فـــوگاهم بـعد
صاح الشمر منه وهرب
هذا ابـن قـتّال الــعرب
الليله يبعثنه السقر

والروس تتگاطف غدت
والخـيل تـتـرادم صفت
زلُـزال صـــار اواقـعه
والطف تحوّل قارعه
وبجوده عباه النهر

عباس طب للحومه
ومنه الزلم مهزومه
****

العطوه راداها ونفه
عباس وينگّط وفه
مثله اخو لامن وجد
من المهد ونطه عهد
بحماي زينب والخدر

زينب تنادي بت علي
والنعم منك كافلي
بزودك تراني امدلـله
بحماك هاي العايله
ياشهم يالماتنكسر

متگمط ابيرغ نبي
هم هاشمي وهم طالبي
شايل احساس وعِلم
كفوين منه والنعم
زينب بخوها تفتخر

عباس طب للحومه
ومنه الزلم مهزومه
*******

ام البنين الجابته
وزينب اخيته الربته
وبمدرسة حيدر دخل
والدرسه خير العمل
ماخذ شهاده رايته

عباس من هوه صبي
سركال لحسين الابي
ويگوطر احساس وشرف
بالغيره عباس انعرف
عالماي اخته اتنخته

يازينب وداعت هلج
الغيم اعصرنه الچ
والشاطي اجيبنه سحل
ماريد دمعاتج تهل
اغتاض واخذها جربته

عباس طب للحومه
ومنه الزلم مهزومه
****
الحين اسويكم وذر
ناداها ابن فارس مضر
خنياب اطوّفنّه الدمه
قربان روحي الفاطمه
ماهاب موت ولاحرب

غزوة بدر بيكم ارد
صاح وصفگهم البرد
وارجال ضلت ترتعش
چنها نمل صارت تطش
عباس خلاها برعب

نعمين منك وكفو
امك اميرة البدو
وعودك علي ذاك الفحل
عباس ماغيرك بطل
حازم مُسامح وصعب

عباس طب للحومه
ومنه الزلم مهزومه
*****
تمت والحمد لله
الشاعر عمار حسن الدراجي محرم1440

https://tttttt.me/ssgadAl

🔴رابط قناة الشاعر👇👇
https://tttttt.me/joinchat/AAAAAEEM6pgUfkKxmOJj2g

نزال شجاعي بحق الامام العباس ع

راچب الغيم ابوفاضل راچب الغيم
**********
البرق سيف ابوفاضل والسحابه مهرته
يرعد ويمطر منايه وعله امتونه رايته
موفقط ماي اليجبه الجيش حطه بجربته
شافو العباس اياهم حيد راچب غيمته

الجيش ضل بي محتار
اعصار طباها اعصار
راچب الغيم ابو فاضل. راچب الغيم
*******
يبست ارياج الشريعه ومنه ضلت ترتعش
من دخل بين البواتر الروس خلاها تطش
شردت ازلام العساچر والگمر بيها يگش
هنا وگف عزريل شافه ببو فاضل مندهش

تعب عزريل وصاح
امهلني اريدن ارتاح
راچب الغيم ابوفاضل. راچب الغيم
*********
طبها وعيونه خزرها كون اروحلهن فده
ريح صفره من اياها ترادمت خيل العده
دخنت غيرة الكافل سمه عالسيف وبده
بغيمته طـب وخبطها وطلع منها الوحده

طب عليهم زعلان
الجيش اصبح دخان
راچب الغيم ابوفاضل. راچب الغيم
************
زلزل الحومه ابوفاضل مالت وچنها انچفت
العاديات إگبال عينه والسمه وياه رتلت
ينفخ العباس صوره چنها نار الله اسعرت
هاي من عباس صيحه وحده واجهنم دوت

الروس صارت طشار
عباس بيده البتار
راچب الغيم ابو فاضل راچب الغيم
*******
هالله هالله ياجماله كاشخ بثوب الفخر
قُل اعوذُ حسين يقره لايحسدونه الکمر
حسين من عينه يحبه وهوه حبه من النحر
تشابگو چنهم ضفيره وراح شداد الضهر

عباس اياهم. طلاب
ودموم صارت خنياب
راچب الغيم ابو فاضل. راچب الغيم
********
هيبة الجبار طـبّـها وكلـشي صار بقبضته
القارعه بسيفه كتبها الواقعه بچف يمنته
حگها سادتنه اتفاخر لإن كلشي بخدمته
دخيل عم الساده والله الغيرة تحسد غيرته

ادخيل اسمه العباس
وريشته الفوگ الراس

راچب الغيم ابوفاضل. راچب الغيم
****
خادم بني فاطمه13_صفر 1440
عمار حسن الدراجي...ك في المشايه المقدسه محافضة الديوانيه ناحية الطليعه

https://tttttt.me/ssgadAl

نزله وصية ام البنين ع والامام العباس ع

انطي چفيني.. حته ضي عيني
قربتاً لفاطمه قربتا لفاطمه

****************
ابوفاضل هذا اسـمي والفـضل عـنوانــي
غيره واحساس وشجاعه حيدره غذاني
لاتــوصـــينـي يـيـمه عــلـي هـم وصـاني
اطمئني وريحي بالچ عني واعله اخواني

لو يذبحونه. لو يگطعونه.
قربتاً لفاطمه
قربتاٌ لفاطمه
**************
امك انـه وزيـن اعرفـك راح تـرفع راسـي
وتدري يوليدي انذرتكم لعز من كل ناسي
اقصد ابن الزهـره يمـه عايـش بإحـساسي
كون اموت وانه اخدمه لَمَن تگضي انفاسي

خدمة احسيني. واربع ابنيني
قربتاً لفاطمه
قربتاً لفاطمه
**************
مااخـلي بـعيـني زينـب خـوفـي مـن تاليها
من السهم باچر ييمه واختي اخاف اعليها
شلون لو طفالي عيني واختي چانت بيهـا
يعني ياسـتـار زينـب عـينــي اضــن تاذيها

بروحي افديها... اختي احميها.
قربتاً لفاطمه
قربتاً لفاطمه
*****************
فوگ راســك لاتـخـلـهـا راسـك ايـطرونه
بالعمد صـوب الـشريعه ودمـك ايهـدرونه
انه ارفـع راســي يـمــه بنحــرك يحزونه
فدوه ياعباس اريد حسين تـفـدي اعيونه

تدري يوليدي. تنذبح عيدي.
قربتاً لفاطمه
قربتاً لفاطمه.
************

قــربتـاً لـمّه الزچـيـه افــدي الـه چـفـينـي
حسين امامي وبن امامي وجب تطفه عيني
ارفـعـي راسـج يالحنينه وبــعد لتـوصيني
موفقط لحسين اضحي بمـوتي انصر ديني

المذهبي الغالي ونصرت الوالي.
قربتاً لفاطمه
قربتاً لفاطمه
*********
اعزاز عندي اربعتكم والولد عد امه غالي
اجازوني اريدنكم ييمه بتعبي وبسهراليالي
مااريد حسين يعطش ابوسكنه عندي غالي
حسين هم ابني حسبته وهم الي يايمه والي

لاتخلونه. وحده بضعونه
قربتا لفاطمه. قربتا لفاطمه
"*****
الشاعر عمار الدراجي... 1440هـ
اسالكم الدعاء والفاتحه على روح والدي

https://tttttt.me/ssgadAl

🔴رابط قناة الشاعر👇👇
https://tttttt.me/joinchat/AAAAAEEM6pgUfkKxmOJj2g

دت اهضم العباس يمه اشمر الشيله
عرج لبكَصته طگ غيضة
يا عباس يا خوية
عـزم لبروحـي من فيضه
يا عباس يا خوية
ــــــــــــــــــــــــ
معنون جان بس للماي ما جان الحرب نيته
راح معكَـل العبــاس ولازم بـيـده خـاجـيـتـه
لو نــاوي الحـرب عبـاس وانـا الي موصيته
جــا حار العرش بـيـها لـو قـدمـهـا حـربيـته
يستنفرله لـه عزرائيل
يا عباس يا خوية ويفزع للارض جبريل
يا عباس يا خوية
ـــــــــــــــــــ
تضيك الوسعـة عـد عباس بس لو زينب تطلبه
يجـيـهـا مـفـرع العبـاس يركض يـعثـر بـدربـه
يموع امن الخجل عباس ويسرع بل نبض كَلبه
طلبـي زيـنـب شتـرديـن خـوية ونكَـي الصعبه
وارتـاح امن اشـوفنه
يا عباس يا خوية
وشم ريحت علي منه
يا عباس يا خوية
ـــــــــــــــــ

كريم الدراجي

https://tttttt.me/ssgadAl

زينب كَصدت العباس مهضومة شلّت حالي خوية الطيحة ولكَومه
ــــــــــــــــــــــ
جابتني الخوة وجيت شجاية
كَوم ويـاي ماهي نومتـك هايـة
يَمّعَدِل الميلة وكَد الحـجـايـة يَمّفوتازماطكليش هل نومة
ـــــــــــــــــــــــــ
أنا الزامطـت بوجـود عـباسي
أنتـه بـركَعـي والشـيلـة لبراسي
صوابك حدداني وضيك أنفاسي
على جفوفك تلوع الروح مالومه
ــــــــــــــــــــــ
المصايب يبن أبوي أرداف ردمني
أذا نزلن على العينين يعمني
دخـيلك يبـو فـاضل والحـرم ذني رادنك تجـي خـوية يجيدومه
ـــــــــــــــــــ
جـيدوم الزلم ومبجي عـدوانه
يا خـيمة شرفنه وعزنه ولوانه
طولك يا حلاتة أباب صيوانه
صورة بعيني للعباس مرسومة
ــــــــــــــــــ
تفتر عل مخيم أختك أتشوفك
وعلى روس اليتامى تمسح جفوفك
أختك أبد ما تنساش معروفك
تضل أبهل عـهـد للمـوت ملزومه
ـــــــــــــــــــــ
يا لناشر عباتك عل حرم كلهن
لهوى يستأذنك لورايد يمرهن
مريود الخدر يا كافلي منهن
وبجالك خواتك كَبل محشومه
ـــــــــــــــــــ
جنت للخدر خوية واكَف بحده
خدر أختك يخويه بشاربك شده
شحـده الي يـردد أسمي اشحده
جا عبـاس والله شـكَك هـدومه
زينب كَصدت العباس مهضومة

كريم الدراجي

https://tttttt.me/ssgadAl

والله رفعت راس ياسيدي العباس
يابوالفضل ماقصرت لحسين كلشي قدمت
ياطيب الانفاس
ياسيدي العباس

***********************

للوفه مضمون وشكل وللخوه عنوان ومثل
ماتنوصف يابو الفضل يابوطبع قول وفعل
يامضرب الامثال ياسيد الابطال
ياسيدي عندي اتضح مايوصل الوصفك شرح
ولاينتهي بمقياس
ياسيدي العباس

*******************

خلتفتخر من جابتك جيش انته وحدك سوتك
بحظن العقيده ربتك اليوم المخاطر ظمتك
ياقمة العطاء كملت كربلاء
معلوم يابو المرجله وي حسين تبني كربله
وتشيد الاساس
ياسيدي العباس

**************************

شخصيه من فرع واصل حيرت كل فكر وعقل
من كل جوانبها جبل وبعزم حيدر تتصل
يمحول النهار ظلمه على الاشرار
خليتهم يابو الفضل حالتهم بهذا الشكل
تعثر الناس ابناس
ياسيدي العباس

************************

بياوصف ابدي وياصفه يلتشبه ابهذا الوفه
حيدر وزير الصطفى كلك شجاعه ومعرفه
لحسين دوم وياه عن يمنته ويسراه
شايل همومه ورايته يلغايتك من غايته
عيونك اله حراس
ياسيدي العباس

********************

ربتك امك ياكمر لحد يوم معلوم الخطر
محسوم امرك والعمر من المهد حد النهر
ياريحة الفقار ابسيفك البتار
عليهم رعب ماينجلي صاروا يظنونك علي
يامرعب الارجاس
ياسيدي العباس

الشاعر حسن لعيبي الحريشاوي

https://tttttt.me/ssgadAl

◼️ برنامج محرم 1441هـ / 2019م ◼️
#محرم_1441هـ #2019م
🔺 نعي اليوم السابع 🔺

نعي

كوم يابوالفضل شوف شمالها
وين زينب وصل بعدك حالها
الكوم نهبوا يبوالغيره ارحالها
واكفه اكبال الشمر يبرالها
بالشماته الشمر جلمه الكالها
ال هاشم وين وين ابطالها

******

صدعت كلب الصخر زينب بجت
بكربلا بدور الهواشم فاركت
ترضه ياعباس شامت يشتمت
الشمر لمن يبوفاضل صحت
يدري يم المشرعه مكطع صرت
ويدري يابوالغيره ماترجع رحت

******

رفع ايده الشمر بالسوط اللعين
وين عباسج يزينب كلها وين
يدري ماضلت يسار ولايمين
وبالنبل ماضلت العباس عين
وشج المثلث غدر صدر الحسين
راح عمرج يكضي حسرات ونين

شعر حسن لعيبي الحريشاوي

https://tttttt.me/ssgadAl

نعي عن استشهاد بالفضل العباس

شاف ابو فاضل اتقدم حسين كله اشقرريت
وين ياسلوة زماني خويه عباس اشنويت
ينكسر ظهري ابطلعتك على الموت اتحزميت
وين ياحامل لوائي وزودي البيه اعتليت
كال يابواليمه عذرك خاف بافعالي قسيت
معتني للماي اجيبه ارخصني للمي لوسعيت
يلجواك العطش خويه الماي منه مارويت
سكنه وربات الهواشم منهن ومنها استحيت
كاله تمهل يخويه شلون حالي مادريت
علي يصعب لواعوفك عد جمع غادر مضيت
خوفي زينب لاتسمعك معتني الهم لومشيت
تروح ماترضاها زينب انجان كتلك لورضيت
سمعته من الخيمه زينب وين ياشمعة البيت
وين يابو الغيره رايح ليش علموت اعتنيت
ضاك يم الخدر صدري هواي خويه اتحمليت
اصحاب وي الاهل طاحوا ولاعدل منهم لكيت
هلت الدمعات زينب يبو فاضل جن نسيت
خويه موانته اكفلتني وبالوعد من واعديت
شلون لوبضعوني باجر امشي عنك وانسبيت
كال من يوصل يزينب حدج الا انه انتهيت
يارجل يوكف ابوجهي لوصلت واتوجهيت
ابوفاضل وصل للمي كال يامي مانسيت
شلون كبل حسين اشرب علي انته اتحرميت
شلون كبل حسين اشرب ريت ماصرت وحييت
يانفس من بعده هوني لاصرت بالدنيا ريت
يافرات التجري ريتك ريت كونك ماجريت
ابو فاضل مله الجربه ومر عليهم مستميت
ياهو حد عباس يوصل ذكر ماله وماله صيت
من خلف شجرة الاعادي زمره بيها الشر مقيت
ابعمود اضربوا راسه وكال للموت اشتريت
اسهام حضنت صدره ناده اقبلني ياربي دعيت
كطعوا ايمينه وشماله وكال خافن قصريت
اعذرني يحسين اغدروني اسيوف بالمكفه انوليت
اتعنه ابو السجاد يمه صاح بعدك لابقيت
حيلتي قلت ياخويه من الشماته اتوجريت
ياكتر سالم واشيلك اموذر امكطع صفيت
ناده خويه حسين خلني الماي ماجبته واجيت
شرد اكلها السكنه علمي وانه اخويه اتوذريت
شلون اشوفن بعد زينب وانا بيها اتكفليت
كال ابوالسجاد خوية بالوفه ماقصريت
منهو مثلك يبوفاضل الدينك شكد قدميت
هذا المكدر علينه يابوفاضل لودريت
مثل حيدر للنبي عباس اليه بيك كل باطل رميت

شعر حسن لعيبي الحريشاوي

https://tttttt.me/ssgadAl

نعي عن لسان زينب تخاطب ابا الفضل العباس بعد استشهاده


راعي الظعينه للحرم كوم
خوية الظعنه وصلت الكوم
ياخويه ميت هذا لونوم
ما اظنه سيفك طاح مثلوم
والعلم فوك الكاع ملموم
عباس راسك صدك مهشوم
وسهم الي صاب العين مسموم
ومكطعه ازنودك يمظلوم
جيتك يخويه الحيل مهدوم
لاني بعتب جيتك ولاالوم
هذا العلينه وصار مقسوم
اسوت بحالي كربله اليوم
مابيه خلّت بعدك ارسوم


الشاعر حسن لعيبي الحريشاوي

https://tttttt.me/ssgadAl

:
نعي عن ابي الفضل العباس

كوم يابوالفضل ياكفالها
صد على زينب وشوف احوالها
الكوم نهبوا يبو الغيره ارحالها
حايره وكام الشمر يبرالها
بالشماته ينوي جلمه وكالها
ال هاشم وين وين ابطالها
علتراب اموذرين ارجالها


صدعت كلب الصخر زينب بجت
بكربلا بدور الهواشم فاركت
حايره ترعه بضعنها وتلتفت
وين ياعباس بسمك حشمت
مايهاب الشمر من بيك انتخت
يدري يم المشرعة مكطع طحت
ويدري يابو الغيره ماترجع رحت


الشاعر حسن لعيبي الحريشاوي

https://tttttt.me/ssgadAl

نعي للعباس ع

كبل مازور ابو اليمه
لبوفاضل انا اتعنيت
زرته وبالدمع كتله
بضريحك ياكمر ناديت
يمك تنكضي الحاجات
تكضي حاجتي اتمنيت
الصاحب من نشدني وكال
الزياره منين بيها ابديت
تزور حسين كون اول
ابالك شنهي ماعرفيت
كتله ماغلطت بهاي
وافهمنك اذا حبيت
باب حسين ابوفاضل
وانا من الباب اله طبيت

شعر حسن لعيبي الحريشاوي

https://tttttt.me/ssgadAl

🔴رابط قناة الشاعر👇👇
https://tttttt.me/joinchat/AAAAAD7f0FNmkN2JjlNIBw

نعي….. عن لسان زينب وهي تخاطب اخاها العباس


علينه الخيل هجمت وانت مويمي
شطت للتل يخويه بحيرتي وهمي
صحت عباس الحك حركوا خيمي
اطفال وخدر ظلينه. بغيابك منهو اليحمينه


الشمر من شافني بلا والي وتحسر
اجاني السوط بيده وقترب اكثر
ضربني بسوطه حيل وروع الخدر
اكبالك سبني ومارديته. يسلب خدراختك خليته


يضربني الشمر بالسوط وتلوه
كوه احمل اسياطه من الالم كوه
وصيح بصوت وينك راعي المروه
انهض ياخويه وحاميني. تقبل هالظالم يسبيني


حاجاني الشمر وينه الكفل خدرج
ماينهض يحاميج ويرد كدرج
اريدج للسبي يازينب شعذرج
كتله الكافل مايقبلها. زينب اخته اشلون اتذلها


ايسي يكلي منه ولا تحشمينه
كطعنه عله النهر يسراه ويمينه
ماينهض يازينب وتنخينه
تسمع ياعباس شيحجي. انه اختك مهضومه وابجي


يوارث والدي وعله. وجاها
الشمر لخيامك بأيده. وجاها
تعنه لاختك بسوطه. وجاها
سلبها اكبالك. وسب الزجيه


الكلايف تنكظي ويمك. مردها
العساكر غير بتارك. مردها
الشمر بغيابك الروحي. مردها
بيوم الشافني اطلع سبيه


يريتك تنهض بعينك. تره الحال
سبوني ونهدم بعدك. تره الحال
اذا ماتنهض الزينب. تره الحال
لبن مرجانه يهدوني سبيه

سيد زيد الفحام
_____________________
https://tttttt.me/ssgadAl

السيده زينب ع تخاطب الإمام العباس ع
هامال
دريت امحملي عبـــاس هامـال
وسط النوك دمع العين هامال
زرع بيه الشمر عكبك هم مال
الف نوح بعجاف اليوسفيه

السؤال للموفق سعد الجياشي

جواب الإمام العباس ع

دريت امحملج والراس /هم مال
من فوك الرمح والدمع /همال
يازينب اعذريني الدهر /همال
كطع جفيني يختي وخان بيه
✍ الجواب عمار الدراجي

https://tttttt.me/ssgadAl

هوسات لسيدي ابالفضل العباس ع
بالطريقه البصراويه الشاعر عمار الدرجي

انه من ارد اهووس ابدي للعباس

اخو زينب غيور وراعي النوماس

بطل ياحيد يمشكر
اخوزينب كافل الخدر
لونزل للحومه يتبختر

علي الكرار چانت تشوفه الناس

هاو
هاو
كرار الناس اتشوفه

صولاته الكافل معروفه

يهز العسكر واصفوفه

صطراته بحيدر مألوفه

(زلزال وطاح اعله الحومه)



نزل عباس وبجفه يرف الواه

الرايه بيسرته ومحتمه بيمناه

نزل بركان وتفجر

ونيران الحمم تسعر

وبسيفه الرگب تتبتر

أبو فاضل ريح صفره وفنه الذي يدناه
هاو
هاو
هاو
والكافل لو صال اعليهم

چه الريح الصفره ويفنيهم

وبسيفه الباشط يگضيهم

تترادم عدوانه يخليهم

(يرعد لوعصّب والينه)

الشاعر عمار الدراجي

https://tttttt.me/ssgadAl

نعي


زينب تگل للحسين. من وگع العباس شگالتله.
.......


.................................................
لبوفاضل يبو السجاد وديني.
وين المشرعة يحسين دليني.
،،،،،،،،،،،1
يم عباس وديني يبو اليمة.
وجهي اردن اصبغة خويه من دمه.
گلي بياكتر عباس ضل جسمه.

احچي وياه بلكي الله يحاچيني.
،،،،،،،،،2
صدگ عباس اخيي اچفوفه مگطوعه.
اخذني يمه ما اتحمل اللوعه.
بالعباس صرت اليوم مفجوعه.

من بعده بعد منهو اليباريني.
،،،،،،،،،،3
يخويه حسين يمه ارجوك تمشينه.
تگلي عينه شنهو خويه البعينه.
بسهم مفتوحه عينه ومايرد لينه.

سهم عينه يريته يوگع بعيني.
،،،،،،،،،،،،4
خل نمشي نشيله انجيبه لخيمنه
ونلگه امنه الزچية هناك نلگه امنه.
من بعده الشمر كل ساعه يشتمنه.

المدينة جدي بعده من يوديني.
،،،،،،،،،،5
خيول الگوم گلي منهو الي يردهه.
صياط الگوم بس ظهري الذي يصدهه.
گله اختك سبيه تروح وحدهه.

منو عالناگه يصعدني ويمشيني ،
،،،،،،،تمت. ،،،،،،،،،،،،،،
حيدرموسى الرميثي.


،،،،

https://tttttt.me/ssgadAl

نعي السيده زينب للامام العباس
،،،،،،،،،،،،،،،،،،،،،

اليروحلهه عزيز الدنيا تاذيهه
ويكثر نوحهه ودمعة بواچيهه
وانه اليم النهر رايحلي عباس
مضيعهه اعله الشريعه سنين واحساس
بعد كلمة يخويه وين اوديهه


ينايم علتراب وعايف خيامك
حاظن جربتك ما تترك سهامك ؟
شنهي العطلك مو تنطر ايتامك
اعرفك هم ترد لو موت گدامك


عباس ظل حسين محتار
محد يعينه ومامش انصار
كلساع صوب الخيمه يندار



عوف النهر ردلي بسلامه
عباس يلكلك شهامه
بعيوني الك مية علامه




يمي سكينه تريدك بساع
عباس لا مو وكت الوداع
اترك اجروحك واترك الگاع



يلواعدتهه الحگ عليهه
خويه العطش شمسوي بيهه
ما بيهه حيل تشيل اديهه


كلساع تسأل عمي وينه
گلولي ما يرجع علينه
گلوله سكنه مزاعله الماي
الا يرد وتشوف عينه


الخوف طب خيامك ارجع
عباس كونك خويه تسمع
يا دنيا بعدك گلي تنفع



من بعيد واسمع صوت السيوف
وگلبي لچمني وعيني شتشوف
شميت ريحة ذيچ الچفوف
رديتلي لو گطعوهن


مدري شجرالي وگلبي تعبان
من شفت چف بلايا ذرعان
عباس خويه العمر خلصان
يا شدة الما يلفي اخوهه


علخيمه وجهك وانته ممدود
ليهسه سكنه تريدك تعود
وصلو خيمكم خويه الجنود
صاحو بضعن حسين فرهود


عباس وليه وماكو حماي
ركضن بنات حسين حفاي
ياهو اليلمهن خويه وياي


وياهو اليلمك انته گلي ؟
بنص الحرب ناديت يهلي
تيهت ما صح اليدلي


كلمات خادم الحسين
رعد الفريجي
4/8/2019 ميلادي
1441 للهجره

https://tttttt.me/ssgadAl

هوسات بحق العباس ع

يوم الجرد البتار راعي الباس
فر الجيش بيده وراس طك براس
يرهب چنه حيدر من برز عباس

چن حيدر من طب للحومه
×××××××××××××××××××××××
كون اليلزم الرايه زين ايعرف معناهه
وگبل لطيح عالتربان چفه يطيح وياهه
سبع تنعام من عباس تحچي الزوده خلاهه

بس هوه الاگتله الرايه
××××××××××××××××××××××
شسولف عن ابو فاضل ونتم زين تدرونه
گبل ليجرد البتار تكتل نضرت عيونه
خيل وزلم بالميدان اقسم مايخوفونه

عباس اليكتل بعيونه

××××××××××××××××××××
✍الشاعر رعد الجريخي

https://tttttt.me/ssgadAl

نعي لسان حال السيده زينب مع العباس ع مفجع


ادري چفوفك بكتــرك وحالك هذا اشوفنــه
بس الضيـم جابانـــي غيرك ياهو افزعنــه
غيور واعرف بطبعـك وجرحك راح الچمنه
واگلك ضربو سكينـــه وعلينه حرگو خيمنه

اجيتك حافيه واركض وانت اتكفلت بيــــــه
النار الحرگت الخيمات چوت حيل رجليــــه
عمري يقارب الستيــن زحمــه انگاد مسبيه
ويعرفوني عزيزة گوم هاي التصعب عليــه

گدام الزلم والخيـــــل اركض والجدم حافـــــي
واسياط الشمر والنــار حرگت ثوبي واجتافــي
اسولفلك هضم دنيــاي واحچي الصار لو كافي
رقيه تناطر الجـــودك وانـــت بنومتك غافـــي

اخت عباس يدرونـــي راسي بهيبتك عالــي
شلون اجناب تنضرني وانا مخدر اخيالــــي
عمري ارخيص يالكافل تدري والخدر غالــي
عيون الناس تطعنــــي وتجرح حيل دلالــــي

چنــت امخدره ويـــاك گلي شلون ما تصعب
بعباتي النار مستعـــره واگبالي الشمر يگرب
شمتاني يراعي الجود اختك فرت المعصـــب
اطلبك يالجبتني بديــن گوم و وفــي بالمطلب


ترضاهــه انـــربط بحبـــال وانا مخدرت عدنـــــــان
لو ترضى انضرب بالسوط و واكف وانشتم وانهان
مـــو عـــــاده لبني عدنان وحدهن تطلع النســـوان
كـــون المــــوت ياخذنـــي وكـــون موسده التربــان

عفتهه بمدمع واجيتـــك رقيه ويابسه الشفـــــه
ذبلت بالعطش والخوف عزيـــــزة گلبك الترفـــه
شكلهه اتعذرج عبـــاس وحُبك يالاخـــو تعرفــــه
لو اگلهه البگه براســچ على الشاطي انگطع چفه

احــــاول اقنـــع رقيـــــه وگلبهه يهود ونينـــه
بس شلــون يالغـــالــــي عذري يصير لسكينـه
تشوف ادموعي عالخدي وتسالني الكمر وينـه
مـــا اگــدر اگلهه بهـــاي دامي ونبلتـــه بعينه

نــــام مهنه بالنومــه ادري بحچــي اذيتــك
سويت الكبل ما صار وابقى اتفاخر بصيتـك
اعذرني وعتبت عليك وبدمع الجفن جيتـــك
الله ويــاك يعيونـــــي سفره بنيتـي ونيتـــك


✍الشاعر رعد الجريخي

https://tttttt.me/ssgadAl