يـــزينب لاتوصين بعدني بخير سالم
بس الماي ترديـــن انه العباس خــادم خادم
لجيب العلكمي ومايه
سهلـــه طلبــتج هايـه
انه العباس خادم
............................................
انه العباس والعباس يا زينب عليه
حدر جدمج لخلي الماي ياخذلج تحيه
عندي وياه عشرة موت عشناها سويه
حان الان موعد جان عنوانه المنيه
يزينب من الاكيه اجيبه وراسه محني
واكبالج لخليـــــــه يصيح ادخيل هدني
كفيلج كد الحجايه
سهله طلبتج هايه
انه العباس خادم
....................................................
يا زينب انه العباس واليمنعني مجنون
حتى الموت وكت الموت يسجد ليه مجنون
انه الحاء وانه السين وانه الياء والنون
انه العين وانه اللام وانه الياء يدرون
يزينب لا والحسين الزمه وما ارجمه
واعيد الكره كرتين واخلي الموت زحمه
ملك واتحكم برايه
ســهله طلبتج هايه
انه العباس خادم
....................................................
شد عزمه وتعنه الموت والغيره بوريده
كلبها وهوس العباس حي اعله الصميده
وصل للماي شال الماي رجفت ايده بيده
يسمع زينب امن بعيد خويه الماي اريده
شد الرايه والجـود وكصد للخيمه حازم
شحده اليوصل احدود دخيله كمر هاشم
دك اعله النهر ثايه
ســـهله طلبتج هايه
انه العباس خادم
....................................................
ارتعد من شاف الجنود من كل صوب زحفت
هز ايده وخزرها وصاح حتى الكاع رجفت
صاح بصوت انه الموت واهيه الدنيا وكفت
يتبختر اجه العباس يمشي وجوده صلت
وكف واعيونه للماي ترسم دمع فركه
يكله انته بحمـــــــاي وحلك الموت اشكه
شاهدنه المسنايه
سهله طلبتج هايه
انه العباس خادم
..............................................
وارث حيدر العباس شخصيته وقراره
دك الراس فوك الراس من هلهل فقاره
كطعوا يمنته وماهاب رد قدم يساره
بمحراب الاجل عباس ويقدم اعتذاره
سهم الصوب العين من شوكه عماها
الزينب ضحى جفين لجل يطلب رضاها
عشك وابلا نهايه
سهله طلبتج هايه
انه العباس خادم
....................................................
خادم خدمة الحسين
الشاعر
محمد الموالي

https://tttttt.me/ssgadAl

لا تلكه مثلي محيره ابين الناس
ولا الكه مثلك كافل اسمه العباس
انته الكفيل واختك سبيه
مكطوعه اديك مجتوفه اديه
*************

ها يأول زينب اخته وها يتاليها
ها يمن عاين لزينب واشتبه بيها
لا تكلي شبيها عينج دمعه وابجيها
كلي بعد عيون زينب عينك شبيها

عينك طفت بس راسك الهسا حار
وج المخيم وانطفه وكلبك نار
هلكد غيور يا بو الحميه
مكطوعه اديك مجتوفه اديه

""""""
اي يكاسر ظهر اخيته بطيحتك هايه
انه آيه اعليمن انطك تنقره الآيه
ما اعاتب لجن عندي بس هالحجايه
ليش بيه الناكه تهتز انه مو رايه

بالكوه اثبت عالهزل من الريح
خوفي اعله راسك خاف اطيحن ويطيح
راسك يميل وينظر عليه
مكطوعه اديك مجتوفه اديه
""""""
امن الحبل جفيني طاحن يوم الموازه
اي بعد عمري سبوني وعازتك عازه
كلبي كلما راد يوكف توكف اعزازه
اختك امن الظيم صارت مثل الجنازه

عالوجه اوكع ما امد ايديه
شيسوي التعثر واديه مجويه
اوكع واكوم واوكع رميه
مكطوعه اديك مجتوفه اديه

""""""
يا اخت مثلي واخوها بكلبه حاضنها
يحترك كلبه ويغيم لو حجوا عنها
كتلي اذكر واقسمتلي بفاطمه و ونها
خويه روحي شكد عزيزه انتي اعز منها

ماريد اجرحك بس عزيزك حكه
عباس شوف امتوني صارت زركه
لا من حرام لا من خطيه
مكطوعه اديك مجتوفه اديه

"""""
من دخلنه الشام اجوني وبيك يحجولي
صحت وينك يابو فاضل رمح جابولي
ما بجيت اكبال غربه شما يحركولي
بس هذيج الساعه نزلت دمعتي بطولي

امن التمت الشمات كلها اعليه
ساعته وصلت دمعتي الرجليه
الدنيه باب وانه الزجيه
مكطوعه اديك مجتوفه اديه

"""""
وين كل ذاكه دلالي اوين ولياني
تالي ما تالي بخرابه الحادي خلاني
اليبجي بردانه يحسها الدمعه بس اني
شلون احس دمع اليتامه ودم عله ارداني

ما عندي كافل عكبك شكد ناديت
عباس شوف شصاير بأهل البيت
عد راس اخوك ماتت رقيه
مكطوعه اديك مجتوفه اديه
**********

ميثاق الحمداني

https://tttttt.me/ssgadAl

محرم الحرام ١٤٤١
أبا الفضل العباس (عليه السلام)
لسان حال السيدة رقية (عليها السلام)


بـويـه إلـحـﮔ عـمـتـي طـاحـت
خــاف مــن إيـديــنــه راحــت
وعـمتي زينـب مـا تطـيـح
إلا أبـو فـاضــل جــريـــح
خــاف مــن إيـديــنــه راحــت

بـيـدهـا السـبـحـه وبــدت...يـابــو فـــاضــل رددت
دارت السـبـحــه ألــف مــره وقـلـيــل
فجـأه لـنـهــا اتـراجـفــت...طـاحـت وﮔـلـنـه غـفـت
لـن دمعـهـا اﭽـفـوف يرسـم من يسيـل
جِـيـب عـبـــاس الـﮔـمـر...زينـب أولـى مـن النهـر
وشنـهـي هـي المشـرعـه وتاخـذ كفيـل
تحـﭽـﻲ بـس ما تنسمـع...وسـوَلَــف ويـانـه الدمــع
زينـب اتطـيـح إلا ويـه طيـحـة ثـﮔـيـل

والــــدمــــع ﭽَـــلَـــب بـــاديـــه
جــيـبــي عـــمــﭻ يــا رقـــيـــه
وصحـت ما تسمعني اصيـح
إلا أبـــو فــاضــل جــريـــح
خــاف مــن إيـديــنــه راحــت
ــــــــــــــــــــــــــــــ1ــــــــــــــــــــــــــــــــ

اقـرينـه ﭽـم سـورة حـمـد...وتـﮔـعــد وتــوﮔــع تِــرد
عـمـي لـومـا رَد أظـن زيـنـب تـمـوت
بــويــه دلـيـــنـــي إلـــــي...منـيـن بـس جـدي عـلـي
النهـر شايـف روحـه قابـل هـو حــوت
بـويـه ســاكـت والـبـﭽــﻲ...ضَـيَـع اعـلـيـك الحـﭽـﻲ
شفـايفـك تـحـﭽـﻲ ولـكـن ماكـو صـوت
ظـهـرك اشـمـالـه انـحـنـه...أنــــه مـــا مـتـطــمـنــه
خبـر يـذبـح ضـامــه ابـهــذا السـكــوت

وأنـــه مــا مـتـعـــوده أنـــت
ﮔـبـالي تـﮔـعـد هيـﭻ سكـتــه
تمـيـل لـو مـر بيـك ريـــح
إلا أبـو فـاضــل جــريـــح
خــاف مــن إيـديــنــه راحــت
ــــــــــــــــــــــــــــــــ2ـــــــــــــــــــــــــــــــــــ

عـمي بـويـه وعـمـــتـي...اثـنـيـنـهـم سـر فـرحـتَّــي
لـو التـمـو مـن حـﭽـيهـم نـروه مــاي
بخـيمـه لـو ﮔـعـدو سـوه...اعـذيـبـي يتـخطـه الهـوه
ومـنـهـم أتـنـفــس أحـسنـهــم هـــواي
بـيـنـهـم أﮔـعــد وأحـــس...أﮔــدر اتـنـــاوش شمـس
كـثــر مـا بـيـنـهـم يـكـبــــر غـــــلاي
ليـش اشـوفــك مخـتـنـﮔ...خـنـﮔــه مــالـت مفـتــرﮔ
بويـه رِد الـروح بـيـنـه وﮔــول جـاي

خـــل أَبَــشــــر عـمـتــي راجـــع
لا تـمــوتــهـــــا الـمــــــــواجـــع
والحــزن هــذا الصـريــح
إلا أبـو فـاضــل جــريـــح
خــاف مــن إيـديــنــه راحــت
ــــــــــــــــــــــــــــــــــ3ـــــــــــــــــــــــــــــــــ

بـويـه بـــاوع لـلخــيــم...بـوجـه كـل خـيـمـه سـهــم
وجـه عـمــي امـغـيَّـره فـد شـي أكـيــد
نِـصَـب بـيده امخـيـمـه...شــوف يــا بــويـــه الدِمــه
ﮔــﺎم يـنـزف ويــن مـالـه لـزمــة إيـــد
وكـل عمـود اهنا وﮔـع...وصوت مـن عنـده انسمـع
أَتـبـره مـن الوصـل يــم راسـك يحـيـد
بـيـنَّـه وبـيــن الأجـــل...بـويـه بـس كـلـمــة رحـــل
لـو رحـل يـاخـذنـه ﭽـﺎ بـعــد اشـنفـيــد

لـلـنـهـــــر ﮔـالـلــنــــه رايــــح
لــيـش ﭽــﺎ كـــل هـالـنــوايـــح
ﮔـلـبـي شـو مـا مستـريـــح
إلا أبـو فـاضــل جــريـــح
خــاف مــن إيـديــنــه راحــت
ــــــــــــــــــــــــــــــــــ4ـــــــــــــــــــــــــــــــــ

عـمتـي مَـوَتـهـا الحــزن...وصعـبـه اشـوفنـهـا تــون
أرد اردلـهـــا بـخـبــر مـن عـمـي زيــن
هــي ويــن المـشــرعــه...أرد أروحــــن مُـســرعــه
ينهـض أعـرف يمه بس أصرخ حُسـيـن
ﮔـألـو اهـوه مـن الزغــر...إسـمــك اشــمــا يـنـذكـــر
أيـﮔـوم واعـله الـراس يوضـعـهـا الإديـن
عـمي هـلـﮔـد يـعــشـﮔـك...شـلــون بـويــه أيـفـارﮔـك
وكـل عمـركم عـشتـو ﭽـنكم ضوه وعيـن

الـفــــرﮔـه هـــاي إلا وراهــا
عـيـنـــك اتـبــــده ضـــواهــا
ومدمـعـك يرسـم ضـريــح
إلا أبـو فـاضــل جــريـــح
خــاف مــن إيـديــنــه راحــت
ــــــــــــــــــــــــــــــــ5ـــــــــــــــــــــــــــــــــــ

بـويـه إنهـض شـو طحـت...ويـا أبـو فاضـل صحـت
طيـحـتـك هـايـه تسـولـف عـمـي طــاح
وعـمـه زينب منهــو إلـﭻ...طـاح أبــــوي وكـافــلـﭻ
لِـحـﮔـي أبــوي أنــوب خافـن هــو راح
ظـهـره شــو مــا يـنـعـدل...يعـنـي عـمـي مـو عــدل
وعـمـه معـنــاهــا بـعــد مــا نـسـتـــراح
وهـسـه يـا بـنــت النـبــي...خــل نـسـولــف بالسـبــي
وﮔـبـل مــوت حسيـن خـل نـشبـع نـيـاح

نـنـحــب اﮔـبــال ابــــو اليـمـــه
وغـيــره مـا يسـمـعـنــه زلـمــه
وهـوه مـا يصـبـــح ذبـيــح
إلا أبـو فـاضــل جــريـــح
خــاف مــن إيـديــنــه راحــت
ـــــــــــــــــــــــــــــــــ6ــــــــــــــــــــــــــــــــــ

أحمد البصراوي العبادي

https://tttttt.me/ssgadAl

الليله السابعه
1 قصيده بحق ابا الفضل العباس عليه السلام


كلبي خايف خويه يابو الغيره
بعد مانرجع سوه الهلديره

خلي اشبع شوف منك
هل زمن يبعدني عنك
.........................

خل انتكاود بالمشي     وحط جفك بجفيني
اخر العشره بهل درب    خليهه تشبع عيني
بحماك خويه انه اطلعت  وبشيمتك تحميني
مابيه حيل الفركتك    من تمشي وتخليني

دمعي ينزل ما اضن ترضاهه
تبجي زينب والكفيل وياهه

مستحيل  و  أعرفنك 
هل زمن يبعدني عنك
.........................

لمتنه هاي الماترد        هيج الخيال ابالي
ايكول انتي هسه مدلله   ومايبقه عندج والي
عباس بجفوفك برد     ناوي السفر يالغالي
هل دنيه خويه بلا علم     والله ماتحلالي

شلي بالدنيه التطّيّح الرايه
بعد مالي وياهه كل احجايه

بالحرب يرعبهه فنك
هل زمن يبعدني عند
.......................

من نوصل الطف كربله   انته التنّصب اخيامي
السكاي انته بجربتك      تروي جميع الامي
شو خايفه من العطش    وبذني يصيح الضامي
مافاركاني هالصده        اعليه العطش متحامي

ارد اسئلك خويه شبت ناري
شعندك انته ويه الفرات الجاري

مخوف الماي انته اضنك
هل زمن يبعدي عنك
........................

كثر سوالف يالاخو    حجيك يضل ترجيه
گلي انتي زينب والكمر    ميفاركك لعلويه
ومنيلي انه الضوه     غير انتي الي كمريه
انتي التثبتين النصر   يازينب الثوريه

الله رايد بالسبايه ايشوفج
ولاتهمين الحبل بجفوفج

ابلايه جفين انته جنك
هل زمن يبعدني عنك
......................

صار الحديث البلدرب   وتحققت هل غايه
ياخويه بعيوني شفت   عالنهر طاحت رايه
وحسين ردالي بدمع     مخطوف لونه اهوايه
يحزام ضهره بطيحتك  كوه حجالي حجايه

راح عباس يزينب دامي
ماشرب ماي لجلنه وضامي 

الريح جابت خويه ونك
هل زمن يبعدني عنك



محمد هادي العقابي

https://tttttt.me/ssgadAl

نزله بحق ابو الفضل العباس ع



حيل شيل ايدك ودكهه لبو فاضل
ابو فاضل شبل حلال المشاكل

عله صدرك ها يخادم حيل دك بجموعك
ويه كل لطمه تطشر كون بيهه دموعك
وصيح انه يابو فاضل حاير بموضوعك
خالقك يانوع ربنه شخله بين ضلوعك

تصيح وانته ابطن امك انه كافل
ابو فاضل شبل حلال المشاكل
...........

عنك الرايد يسولف ياوصف يختاره
ونته سبعين الف كلهه بضربتك محتاره
انته حيدر لو علينه مسلمك فقاره
يرتعد كل جيش اميه من تشن الغاره

بصوت عالي تنادي الا هل من منازل
ابو فاضل شبل حلال المشاكل
...........

من الشجاعه اشكال شفنه مومثل شخصيتك
انته سبحانه وتعالى ربنه رافع صيتك
خالصه لحسين اخيك يابو فاضل نيتك
بلكي تتكرم علينه بعشر من تربيتك

حته هم انصير عالحق مانجامل
ابو فاضل شبل حلال المشاكل
..........

اليحبك راد يوفي وحيره عنده بأمره
والك شيقدم مقصر لو يضحي بعمره
انته روحك وذرتهه كلهه لبن الزهره
الوفه يمك ويوكف منه ناخذ عبره

الله مو منزله ذاخرلك منازل
ابو فاضل شبل حلال المشاكل
...........

من وصلت اعله الشريعه والعده متانينك
كلهه شردت شرده وحده من خزرت بعينك
هذا امه داعيتله الخلص من ايمينك
 من يضل اليوم روحه تطلع بجفينك

منو يكدر يوكف بوجهه ويقاتل
ابو فاضل شبل حلال المشاكل
........

للعجب ضفت العجايب يبو الغيره بزودك
جيش اميه عنده واهس على كطع ازنودك
تبيد رجليه ويصوفر من يصل لحدودك
انته واحد لجن فيلق تمشي وي اجنودك

شبعتهم رعب يالسيفك زلازل
ابو فاضل شبل حلال المشاكل





 محمد هادي العقابي

https://tttttt.me/ssgadAl

الخيل ردمت الخيل عباس من طب ليها
**********
من هجم عباس ليها كلها ظلت صافنه
والعبرهم سوه صاحو من الله هيج وعافنه
بسيفه من شفناه اجانه هدل والله اجتافنه
لبدو ومد راسه واحد كله يمكن شافنه

كومو نشرد بساع حالف تره ايصفيها
الخيل ردمت الخيل عباس من طب ليها
*********
حسين من زامط بخيه زامط بعباسه
الجيش من اكبل عليهم خمد حتى أنفاسه
ألسبع من صاح بيهم غلس وضم راسه
والغشيم الراح صوبه بجدمه كالو داسه

وروحه البقى للعباس احسن له خل ينطيها
الخيل ردمت الخيل عباس من طب ليها
**********
حيل مرعوبه الكتايب بيها صارت خوفه
كلي شيفضها الطلابه وماتفض معروفه
أرواحهم منهم نزعها ولمها لم بجفوفه
حسين خلصها من أخيك شسوه بيهم شوفه

والزلم هيه عله الموت كامت تجي برجليها
الخيل ردمت الخيل عباس من طب ليها
**********
بنصهم العباس واكف الموت صار بكيفه
ياهو من عدهم يذبحه وياهو راح ايعيفه
شكثر راعي الغيره بالطف كطع روس بسيفه
الزلم عالشط كضاها وأخذ منهم حيفه

ركضها أبو الغيره هناك والمفر ضاع عليها
الخيل ردمت الخيل عباس من طب ليها
**********
رايد الماي أخو زينب كلي ياهو ايمنعه
ولو بسابع سمه تنضم هم يجيب المشرعه
صاح جيبو الماي يله وكلها ركضت مسرعه
ولو تحط مو باب خيبر أبو فاضل يقلعه

هذا ابن داحي الباب راح وعلي يكضيها
الخيل ردمت الخيل عباس من طب ليها
*********
علي ابوي وزحمه ارجع وهاي ما مقبوله
الشمس ردها بكبرها وكلهم ايشهدوله
بيه عالو والله غشمه شورطاهم ذوله
أميه عالعباس تصعب والله ما معقوله

عليه مايصعب ماي مخبوصه هاي اشبيها
الخيل ردمت الخيل عباس من طب ليها
***********
تمت
ميثم العمري

https://tttttt.me/ssgadAl

محرم ١٤٤١
أمنية أبا الفضل العباس (عليه السلام)

كـون اخـر اثـنـيـن
زيـنـب والحـسـيـن
بـاخـر نـفـس يـمـي سـويــه
مـنـهـــم واروحــن لـلمـنـيـه
زيـنـب والحـسـيـن

مـن طـحـت ﮔـدامـــي طـاحـن ذكـريـاتــي
وشـكـو ذكـرى لزيـنــب امـﭽـلـبه بحياتــي
هنـانـه شـوفتهـا اصبحـت اغلى امنيـاتــي
ومـن ذكـرت الجــود ﮔـلـت اهـون ممـاتـي

بعـازه إلــهـا وهــواي
بـس جـودي والمـاي
شـوفـتـهـا حَـرمَـوها علـيـه
مـنـهـــم واروحـن لـلمـنـيـه
زيـنـب والحـسـيـن
ــــــــــــــــــــــــــــ1ـــــــــــــــــــــــــــــ

عيـن راحت واحـﭽـﻲ ويه البقـت عيـنـي
بـالـله شـتـســويـــن اذا زيـنــب تـجـيـنـي
اتـﮔـلي أَﮔـلهـا احـﭽـﺎيـه لـمَّـن تعـتـنـيـنـي
اعـلـيـﭻ أبـو فـاضـــل بـعـد لـتـفـارﮔـيـنـي

لا بـيــه فــرﮔــــاﭺ
لا بـيــه وانـســـاﭺ
وبيـن الاثـنـيـن الحيـره بيـه
مـنـهـــم واروحـــن لـلمـنـيـه
زيـنـب والحـسـيـن
ــــــــــــــــــــــــــــ2ـــــــــــــــــــــــــــــ

إجـه حسـيـن وخـفـف ألامــي الثـﮔـيـلــه
ويـا ألـــم يـبـقـالــه المـﮔـابــل خـلـيــلــه
وعـنـدي ظلـت أمنيه اعرف مستحيـلــه
بـس شـسـوي الـﮔـلبـي اليريـد العقيـلــه

ومــا ادري ويـــاه
لو حضـرت هـنـا
شـﮔـد تبـﭽـﻲ لو شافت إديـه
مـنـهـــم واروحــــن لـلمـنـيـه
زيـنـب والحـسـيـن
ـــــــــــــــــــــــــــ3ــــــــــــــــــــــــــــــ

جسـمي ناﮔـع بالدمـه وريــتـي بعطـرهـا
والـله مـا مشـتـاﮔ لـﭽـفـوفـي بـكـثــرهـا
منهـا اريـد اسـمـع فــقـط كـلمـة ﮔـمـرهـا
حـتى امـوت بـراحـتـي اهنـانـه بكتـرهـا



ومــا احــس بالالام
ولا جـرح الاسـهـام
امنيـتـي هـاي وهـايـه هـيـه
مـنـهـــم واروحـــن لـلمـنـيـه
زيـنـب والحـسـيـن
ــــــــــــــــــــــــــــ4ـــــــــــــــــــــــــــــ

كـون جــيــش ابــلا غـدر واشـــمــا تِـحَـزَّم
النهـر ﭽـﺎ شلـتـه وعصرتـه اعـلــه المخـيـم
ضــدي شـو حـتــى النـخــل ويـاهــم إلـتـم
وكلـشـي بالطـف ما يـريـد اﭽـفوفـي تسلـم

وتـتـصـارخ النــاس
إي غــدرو عــبـاس
وكـل الغـدر ضَـمــوه الـيــه
مـنـهـــم واروحـن لـلمـنـيـه
زيـنـب والحـسـيـن
ــــــــــــــــــــــــــــ5ـــــــــــــــــــــــــــــ

عـنـدي هـذا اخـر نَفَـس يا زينـب اخـتـي
يـمـي إنـتـي هـنـا رغـم مـو يـمـي انـتـي
ودي اشـوفـﭻ لـﭽـن زيـن وما حضـرتـي
ﭽـﺎن مـن اول جــرح يـا خــويــه مــتـي

أعـرف تـمـــوتـيــن
لـمَّــن تـشــوفــيــن
شمسويه بيـه اجيـوش امـيـه
مـنـهـــم واروحــن لـلمـنـيـه
زيـنـب والحـسـيـن
ــــــــــــــــــــــــــــ6ـــــــــــــــــــــــــــــ

أحمد البصراوي العبادي

https://tttttt.me/ssgadAl

يوم العباس ع..

ياخويه عوف الماي .. الجيش بمشاعل جاي
راحت خيمنه تشتعل..الحگ الي يابا الفضل
ياخويه عوف الماي..
………………………………
يالگصدت صوب النهر مايك بطه عليه
لا انته لا مايك اجه ونار العطش بيه
اطفالي كاتلها العطش چاوين الاميه
لاجود اجانه ولا اجه العباس راعيه

ماشفنه بس النار .. گربت علينه امتار
جيش واجانه مشتعل .. الحگ الي يابا الفضل
ياخويه عوف الماي..
………………………………
ياخويه ميهمني بعد گلبي شكثر ضامي
الكاتلني وين اطلع وافر لو حرگوا اخيامي
وين انطي ياخويه الوجه والجيش جدامي
ترضاها اركض والجمر يچويلي بجدامي

ترضاها ياعباس .. طولي تشوفه الناس
اطلع ركض ماتنعقل .. الحگ الي يابا الفضل
ياخويه عوف الماي..
………………………………
عباس الحگ مو اجوا حرگوا مخيمنه
وياخويه خيمه مابقت تسترنه واتلمنه
حفاي نسحگ عالجمر بس هذا ماهمنه
الكاتلني ياخويه الشمر سب وشتم امنه

لخيامي ماهميت .. الهاضمني انسبيت
واني بنت سيد الرِسل .. الحگ الي يابا الفضل
ياخويه عوف الماي..
………………………………
عباس مابين الزلم اختك ركض طلعت
مستحيه تركض بت علي تتعثر ووگعت
وگعت على جمر الخيم واچفوفها اتچوت
وجنود بسياط اعتنوا وعليها التمت

يطگوني ويضحكون .. وماضل اليه امتون
ودموعي مهضومه تهل .. الحگ الي يابا الفضل
ياخويه عوف الماي..
………………………………
عباس جابولي الحبل صحت اني مختنگه
واحبالهم خشنه وادي بالنار محترگه
من چفوفي ضل يوگع جلد وملوحته تحرگه
وعمداً علَي گام الحبل يالكافل ايضيگه

يجره واصيحن اه .. مجبوره اروح وياه
ويسيل دمي عله الحبل .. الحگ الي يابا الفضل
ياخويه عوف الماي..
………………………………
ياخويه راح امشي بيسر وياه مجبوره
مهضومه مكسورة ظهر محترگه مقهوره
تمنيت يمك لو متت ياخويه منحوره
ولا امشي للشام بيسر وادخلهن اقصوره

مجتمعه الي الشمات .. ونظراتهم صلفات
يركبون اميره عله الهزل .. الحگ الي يابا الفضل
ياخويه عوف الماي..


الشاعر عقيل الحسناوي…

https://tttttt.me/ssgadAl

نزله
ليلة ( العباس )عليه السلام

يم المشرعه توصل والاگيك
واگف يابو صالح يمها اتانيك
++++++++++
يمته وهيچ اشوف المنتظر جاي
تتكرر وگفـتي اعـله النهـر هـاي
مو جـية عطش لا تختلـف هـاي
هـم يشمر غرفته المهدي اويـاي

تتسالم يمهدي چفوفي وايديك
واگف يابو صالح يمها اتانيك
+++++++++
عجل يابو صالح سيفي مهموم
ماتلگه الحـرس يـم النهـر دوم
مـارجعتله مـن شردتـها للـيوم
واگف بس عليك وامري محسوم

تعال ويا تعال البيها اناديك
واگف يابو صالح يمها اتانيك
+++++++++
تجيني برايتك تنظـرلك العـين
وآنه برايتي ونـتلاگه صوبيـن
رايـه برايه نضـرب بالمياديـن
وانهـوسها يا ثارات الاحسـين

من نتظر عزم عباس يرويك
واگف يابو صالح يمها اتانيك
++++++++++
نتلاگه ولقائي اوياك اله اسرار
ادريك اعله گلبي وتعرف الصار
امنين ابديها يفك وانت تختار
مـن الطگ يتيمه لـو شعل النار

وين التوجعك اشّرلي اداويك
واگف يابو صالح يمها اتانيك
+++++++++++
تـرخصني اگـلك سيفـي عطشـان
ثـار الطـف اليّـه اشلــون مـا چـان
آنــه الـكـل جـروحـك شاهد اعـيان
اگص خشم الهـوه الشمـمنـي دخان

صولاتي القديمه منها اراويك
واگف يابو صالح يمها اتانيك
++++++++++
نار البيه بيك ونفس الاحساس
شاء الله ومشيئة ربي مقياس
مقام المهدي يـم علگمي عبـاس
باب السدره صوبك تزحف الناس

مو بس خطوه آني بگلبي بانيك
واگف يابو صالح يمها اتانيك
+++++++++
فوگ التلّه اناجـي بدمـع الاعـيون
اللهي بجاه جرحي ودمعة ام عون
كـن للمهـدي يـارب ناصـر وعــون
يارب هالسنه وهـذا الشهـر كـون

يوم العاشر وتحيه البشر بيك
واگف يابو صالح يمها اتانيك

ثائر الربيعي
1441 هجري

https://tttttt.me/ssgadAl

يعباس...عطوه لا تنطي يعم الساده
يعباس...عطوه لا تنطي يعم الساده

سمع صوت..لن تدگ اطبولهه الفصايل
الشريعه...حاوطيناهه ابألف مقاتل
علي اوياك...زينب اتناديه يابو فاضل
شني الماي...خيبر اعتبره يبو المراجل
ينوماس...حيدر الكرار عيد امجاده
يعباس...عطوه لا تنطي يعم الساده

يحسبون...من يجي العباس ينتخيهم
عله الماي...فكرو مذلول من يجيهم
ميدرون...علي لو عباس هد عليهم
من الخوف...همه جابوله النهر بديهم
هالارجاس...صار كلمن حاير ابمشراده
يعباس...عطوه لا تنطي يعم الساده

أخذ ماي...گله ياماي استمع إليه
إجيتك...وانت مو صاحب فضل عليه
أنه اگدر...آخذك كلك لعد رقيه
ولكن...جيت اذل اليوم آل اميه
يهالناس...صيح اجه العباس سوه الراده
يعباس...عطوه لا تنطي يعم الساده

نوه ايعود...والمعسكر خطط اعله غدره
يغدروه...مادرو رب العرش ينصره
يضل دوم...خالد العباس باقي ذكره
فلا مات...كل سنه الخدام تحيي أمره
يضل ساس...منهجه الأهل الشرف والقاده
يعباس...عطوه لا تنطي يعم الساده

حسيني...أبو فاضل منهجه وهويته
أبو الجود...بيضت وجه السمه قضيته
يخدام...من تحظرون ابشرف عزيته
تشمون...عطر جوده ورايته البخيته
عله الراس...خدمته ومن الله ردنه ازياده
يعباس...عطوه لا تنطي يعم الساده

سيد علي الموسوي

https://tttttt.me/ssgadAl

الليلة الرابعة
( القصيدة بحق الامام العباس ع مع ام البنين ع)

ييمه شوفي. كطعت اجفوفي

نذر للغالي. للغالي. والماي يشهد

وصحت للبين. يعيش حسين

***************

معروف. الاخو لو لزم ظهره يريد اخيه
من صاح. بجفوفي اخسفت سابع وطيه
لحسين. وافيته ييمه بدم اديه
احمي. من جنت بظهر حامي الحميه

جبيره جروحي وفيت بروحي

العمر. مو غالي. ما بالي لحسين فدوه

وشنو الجفين. يعيش حسين

***************


ورباج. انه مخلي جنت حسين بالعين
حراس. حتى رموشي خاف يمره اي بين
دمعي. ماي حسين صار جفوفي جرفين
ماعاش. حي انه وشمر يدنه للحسين

انه تربيته. وحك خاجيته

الهوه. لو غثه. لوغثه. بنفاسي اخنگه

اخوي الزين يعيش حسين

***************

فدوه. اني الصار بيه والجرالي
بلاماي. ارد شلون اني الراده غالي
ذبيت. جفي اعله النهر من شفته خالي
رايد. يم حسين يبقه راسي عالي

انه تعرفيني. هديته عيني

المهم محبوبي. محبوبي. العينه تسلم

فداهه العين. يعيش حسين

***************

عباس. انه الما ضكت طعم الخساره
للان. كبل لا فوت وكلب اي معاره
لحيدر. اقره الفاتحه وانوي الزياره
ما زال . يشتبهون بيه وبفقاره

اظنه حيدر. يصيح العسكر

علي من سيفي. من سيفي. ما ثني ضربه

تعد سيفين. يعيش حسين

***************

بالجود . كبل لا طيح انه وللخيم جاي
الحسين . شفته من بعيد يريد ملكاي
وفجئه . طاح اعله الارض من طاح يمناي
بفركاي . مشه الشيب بلحيته مشيت الماي

صحتله اعذرني. السهم صوبني


بعد. ياخويه. ياخويه. هذه ختامي

اثبتت للشين. يعيش حسين

***************

صعبه . يذبح ابن اخيته من الكفه الخال
يتركه. عاري اعله الارض بي تجوي الرمال
واصعب. من هذه الحصل يايمه بلحال
يامر. اريد اتمزكوا العباس اوصال

فلا خلوني. اجو كطعوني

الجسد. ما همني. ما همني. لحسين انادي

وفيت الدين. يعيش حسين

نسألكم الدعاء /علي حسين المياحي

https://tttttt.me/ssgadAl

الليلة السابعة

القصيدة الثانية ( القصيدة بحق الامام العباس ع )

يابوفاضل. انته بيدك مو جبتني
يابوفاضل. ما تخليني اوعدتتني
يابوفاضل. هسه بالطف شو عفتني

**********************

خويه مو انته اليعوف اخته العقيله
خويه كوم وياي امشي بأي وسيله
فرگت المثلك تره بعيني ثكليه
صعبه دمعي اكبال شماتك اسيله

اسوه بيه الشامت النظراته تكتل
اسوه بيه دمعي من اكباله ينزل
اسوه بيه. وخايفه يحسسني بالذل

**********************

خويه ملكاك اني اريده نفس ماجان
من جنت من الشريعه تفكلي ذرعان
يابوفاضل واليخلي الكلب عطشان
من يكلي الشمر ها يلمالج اخوان

يلا خويه كوم وياي اعله بختك
يلا خويه اجسر الشمر اعله اختك
يلا خويه. كوم راويني وكفتك

**********************

خويه اجيتك شايله عطش اليتامه
العطش ذبل يابو فاضل جم حمامه
بنارهم مابقت لخيامك علامه
بلا سلامه يلجنت برد سلامه

بلايه خيمه. وانته خيمتنه التلمنه
بلايه خيمه يلجنت خيمه لخيمنه
بلايه خيمه والجمر شتت حرمنه

**********************

شافك احسين واجه مكسور ظهره
كلي زينب ساحكه الخيل اعله صدره
نهر خوتنه نشف دمه اعله نحره
صارت الدنيه بعد عباس صحره

گتله وينه. گلي طايح اعله الشريعه
گتله وينه گلي وجفوفه كطيعه
گتله وينه گلي ايسي يالوديعه

**********************

من المخيم طال دربي للشريعه
حسبه تاخذني وتردني بهالفجيعه
حافيه جيتك ركض وانه الوديعه
هاك جفيني يلجفوفك كطيعه

وحدي اجيتك. والدرب عثره اعله خدري
وحدي اجيتك. خلي راسك اعله صدري
وحدي اجيتك. يحلى بس وياك عمري

**********************

متت ضامي اعله النهر وبصفك الماي
ما شربت الماي طبعك تشرب اوياي
هاي اول مره عوفك خويه بكفاي
راح امشي وذكرياتك تمشي وياي


بلكي اشوفك. تعتني لو طال وني
بلكي اشوفك. تاخذ السوط الضربني
بلكي اشوفك وانه اكلك بالشتمني


نسألكم الدعاء / علي حسين المياحي

https://tttttt.me/ssgadAl

الليلة السابعة
القصيدة الاولى ( القصيدة بحق الامام العباس ع )

اشتم هواك رضه برضاك

عندي انه جم حسين
ابخل عليه جفين
*****************


انه جم حسين عندي حته بخل بالعمر
سبع فدوات اني اروحن الك والام الخدر
ياحروره تلوح خدك اني اسف وعتذر
فياي عمري فوك منك من تمر شمس الظهر


انته الكمال واني الخصال

لو ادري عمي العين
عندي انه جم حسين

******************

لو يضر عينك ضواها بجفي اطفيها الشمس
لو غبت يوم انته عني ابقى اشوفك بالامس
ما اغيب بدرس حربك اني حاضر كل درس
لو يمرك غيظ ادري بدون متكلي انه احس

عبدك اصير وانته الامير


ما اوفي انه الدين
عندي انه جم حسين

*******************

من امر علورد اني اشم عطرك بالورد
انته قران الطفوف وبيك يقروني الحمد
انه اموت ابملكه شيبك بس اموت من البعد
انته حظن الخوه ليه بيك ازامط علبرد


لا ما اريد غيرك عضيد

انته اخوي الزين
عندي انه جم حسين

***********************

اني استنشق زفيرك ارتوي بنسمه شهيق
ياصديق لكلشي بيه انته اعز من كل صديق
عشق دربك جنه ليه اني للجنه عشيق
لو اموتن الف موته ابقى امشي بهالطريق

وياك اريد اصبح شهيد

وامحي انه كل شين
عندي انه جم حسين



***********************

انته بس امرني خويه وعينك عليه تشوف
لا يغرك جيش اميه خيل ورماح وسيوف
اني احصد روس اميه لان حيدر زرع خوف
حتى لو توكع اجفوفي بترت كل الجفوف

تربات اديك اطلع عليك

جيش ال اميه منين
عندي انه جم حسين

***********************


انته شتامرني خويه اني خادم واستجيب
اني ماعندي بغلاتك هو بس انته الحبيب
انته اقرب مني اليه حتى من روحي قريب
انه صيرن دوه لجرحك واني صيرلك طبيب

انته ابن ابوي واكشخ بخوي



الكه انه مثلك وين
عندي انه جم حسين

نسألكم الدعاء
علي حسين المياحي

https://tttttt.me/ssgadAl

نرلة
بحق الامام العباس ع

عباس انطه حجايه
يجيب الفرات ومايه
صاحت بجفه الرايه.......يعباس
**********************
سرفن اردانه وعليهم نازل هالكمر
خله دمع الخوف منهم سايل هالكمر

غضب حيدر سيفه
يصول كام بكيفه
اله ياخذ حيفه
الموت نازل ضيفه


مترهي من حاجاهم
عالمشرعه بجاهم
غضبة علي راواهم.... يعباس
**************

جيشهم ما بين واحد شارد من زعل
ونص الاخر بنخل ظل لابد من زعل


العرش يوميله
رايته اتفييله
فزع بعده بحيله
الحومه عنده ادخيله


وعيونه تجدح غيره
خله اليشوفه أبحيره
وكفته حيل اجبيره...يعباس
*************
ماتصير اثنين ضربة ايده....عادته
الطير البسابع سماء ايصيده....عادته

فنهم يردونه
سيفه ميكدرونه
جربته بمتونه
حسين بين عيونه


طب بهدوئه الكافل
سيفه وكح بس عاقل
حي الله سيف الكافل .... يعباس
***********

المخيم عنده كلش غالي .... والخدر
وصاح بس حسين ساكن بالي....والخدر


زلمه حيل امرتب
ايتعب وما يتعب
مثل كبته أمذهب
يصيح عاشت زينب

ينبض عشك لخوانه
محد يسد امجانه
ويصيح عاشك انه ......يعباس
***************

علي أيتبين ابين ارسومه....من نزل
تحت جدمه اهتزت الملزومه....من نزل

مايجامل طبعه
للمعارك يسعه
هو صاحب فزعه
ماكو حك ميرجعه

شيخه الحسين وهوه
لحسين صاير تجوه
حزام الظهر للخوه ..... يعباس
****************
شما اسولف عنه انه مقصر....سيدي
ابد مايعثر وبخته ايعثر....سيدي


بس مواقف عمره
تحبه حيل الزهره
نصيحله امن انذكره
يابوفاضل نظره

باب الحوائج عنده
والعنده حاجه ايكصده
مايوم واحد رده....يعباس
*******************
نسألكم الدعاء/علي حسين المياحي

https://tttttt.me/ssgadAl

نزلة
( السيدة زينب ع والامام العباس ع )

لا تفاركني. تبتعد عني. يعباس

بيدي ربيتك بعيني خليتك يعباس

اني كبرتك يخويه لهايه الايام
لو عبر واحد حدودك ليله مانام
انته مثلك بشر ماكو بكل الاسلام
شبه حيدر ذاك هو الرافع الهام

انته اوفاهم. انته اعلاهم يعباس

شامخ بصيتك بعيني خليتك. يعباس

انته يل شايل محنت ام البنين
نذرتك كافل اليه وحامي الحسين
كتلي ماعوفج يزينب تشهد العين
لون شفتيني طريح بلايه جفين

توفي بوعودك. فدوه لزنودك يعباس

بكلبي باريتك بعيني خليتك. يعباس


اني ضميتك كفيلي بوسط الضلوع
لو همس بذني حنانك تجري الدموع
لا تخليني بغيابك كلبي مفجوع
من ترد سالم لخيتك اشعل اشموع

تلتم جروحي. روحك بروحي. يعباس

رايه سلمتك. بعيني خليتك يعباس


بصمه جودك خله خويه لكل الاجيال
خله تشرب وفه منه هاي الاطفال
فضلك الصاير عليهم كد الجبال
من وصل حالك يخويه لهايه الاحوال

فاركت خدرك. ضيعت عمرك. يعباس

بكلبي راسمتك بعيني خليتك. يعباس


انه من امشي نشدتك تمشي وياي
كتلي من عيني يزينب هاي وي هاي
انه من امشي بغيابك صعب ممشاي
ينظر الاختك يخويه الراح والجاي

دهري اذاني باعد اخواني. يعباس

بروحي شاريتك بعيني خليتك. يعباس


الله اليعينك يخويه بهذه المصاب
من تمر زينب سبيه ويه الاحباب
لا يظل بالك علينه بين الاجناب
أنتو علمتونه خويه درس الحجاب

رغمه لمصابي ستري بحجابي يعباس

اني راخصتك. بعيني خليتك. يعباس

نسألكم الدعاء
علي حسين المياحي

https://tttttt.me/ssgadAl

انه ابو صالح يا ناس
هايم بحب العباس
وبرايته وبجوده

ماكو مثيله بالكون
ياهو كبل منطي عيون
ومنطي لخيه زنوده
........................................................

يا ناس انه هايم وعاشك الكافل
بكربله تلكاني يامن عني سائل
عمي هذا وحقي لو بيه انه اغازل
وموش كل عباس يسمه ابو فاظل


كونه شجاع ومغوار
يفزع وما ينطي اعذار
ويوافي كل عهوده

ماكو شبيه تلكون
ياهو كبل منطي عيون
ومنطي لخيه زنوده
.............................................................

عل البشر من عنده الله وزع احساس
الجابته تستاهل نحطهه على الراس
شكد شجاع وغيرته معروفه يا ناس
والشجاعه تلوكله وتعشك العباس

بيه الشجاعه تنقاس
كل الفضل لام عباس
صولات اله مشهوده

جن وانس يعترفون
ياهو كبل منطي عيون
ومنطي لاخيه زنوده
...............................................................

شنهي يوسف تحجي الناس بجماله
الكمر غاب وصفه الكافل بداله
يوم رادت بالحجي تغره خواله
صاح يرخص كلشي لحسين وعياله

شمس وكمر من ضون
بنور ابو فاظل شعن
ومعلي الله سعوده

يوسف شعيب وهارون
ياهو كبل منطي عيون
ومنطي لخيه زنوده
.............................................................

عباس واحد ما يصح يتقران وياه
مثل للخوان الله علينه خلاه
ياهو كبله للاخو منطيهه عيناه
وماكو واحد ضحه بيساره وييمناه

هسه البشر يختلفون
عل الاخو لا ميسلمون
كلمن رسمله حدوده

خوان ما يصافون
ياهو كبل منطي عيون
ومنطي لخيه زنوده
..............................................................

ابو فاظل هذا ابو النفس الابيه
شكد خجول ويستحي من الزجيه
لمن طاح عله النهر جته المنيه
صاح اعذريني سكينه ويا رقيه

وفاي لاخر الانفاس
كله خجل كله احساس
تحومر بسرعه خدوده

يامن عليه اسالون
ياهو كبل منطي عيون
ومنطي لخيه زنوده
.............................................................

رايته اعمامه والفه فوك راسي
وبيه امسح دمعي بوكت البواجي
احلف بعباس يوم اظهر يناسي
بيدي اردن حقكم من اهل الكراسي

اقسم قسم بالغالي
يوم اليهل اهلالي

الصوله الي مشهوده

كلهم ابد ما يبقون
ياهو كبل منطي عيون
ومنطي لخيه زنوده


خادمكم حسين ابو عباس الكعبي

https://tttttt.me/ssgadAl

سريعه بحق العباس ((ع))


وين الجود والرايه** وين الجود والرايه
* * * * * *****
ضليت ادور بالفله
هضمتني عملة كربله
ردتك تشوف العايله

والخيل اجت عنّايه
* * * * *

مأمونه چنت بهيبتك
دليني خويه برايتك
كفالي واعرف شيمتك

إتعذبيت بهايه
* * * * *
يا خويه حسيت بخطر
يالغالي دلالي انفطر
دمعاتي نزلت چن مطر

خويه الوعود حچايه
* * * * *
يم الشريعه تْلوَّعِت
اصعب مصاب اتجرَّعِت
يالبالسيوف اتوزعِت

يالچنت سور وثايه

* * * * *
تدريني ضيعت الامل
اكعد يبن خير العمل
دلالي فگدك ما حمل

عوف الفرات ومايه
* * * * *
يفديك يالغالي العمر
جرَّحني بسياطه الشمر
ياذنّك امتوني الحمر

تدري إعداك گصايه
* * * * *
عباس انشدك بالدمع
بلكن أوصالك تنجمع
للصوت اناطر واستمع

يالعادتك مو هايه
÷÷÷÷÷÷÷÷÷÷÷÷÷÷÷÷÷÷÷÷
✍ بقلم خادم الحسين ع
الشاعر رعد الچريخي

https://tttttt.me/ssgadAl

قصيدة ملح الطف بحق الامام العباس عليه السلام

يملح الطف تبختر ..يصگر الحر تخير
الصيد الك ..من يوصلك
غير انت عباس

غيم زعل وامطر بكيفك
يكشخ رگب هاليوم سيفك
وبمشتهاك الحگ حليفك
انت التهد لو يهد طيفك
بگصتك مطر بس حار صيفك
ملگاك چن گهوة مضيفك

ابو حگ وتدلل..على العايل تخيل
حي مرضعك..ربك معك
غير انت عباس

من غير نخوة تطگ يمنتك
اشلون من تحشمك اختك
چم ضهر يكسر چف يسرتك
چم نهر حطيته بجربتك
چم الف چتفته بخزرتك
چم خشم ساحگته مهرتك

وفي وتعرگ مراجل..غيور وماتجامل
احصد زلم..واثلم ثلم
غير انت عباس

شيصير ملچ الموت منك
انت علي لو علي چنك
حگها العواسل من تحضنك
عطرك يدليهه اعله غصنك
حالف بزودك انه اضنك
فوگ الجماجم يمر ضعنك

ترف بس بالطلابة..اسد والدنيا غابة
يبن المجد .. لاتنحسد
غير انت عباس

امعگل يوزع موت رمحک
والسفره صمصامك ودرعك
يطيحون ماواحد يطيحك
عن النهر وينه اليمنعك
ارواح تطلع ويه صبحك
سيفك تعب تطبر بصبعك

واذا سبعين الف هم..تحت نعلك تلفهم
انت القدر ..زودك بحر
غير انت عباس

ساعة لزم ضهره يندبك
مارف على المظلوم گلبك
ها ياعضيده وسيف ربك
دمعه على خدوده يكتبك
واختك المضلومه التحبك
كل ساع للحومة تطلبك

تگلك گوم اسنده ..اخوك حسين وحده
وحده صبح.. ضامي انذبح
غير انت عباس

زينب بدمعتها تحشمك
ياكافلي خليني يمك
ساعه تشمك من تكلمك
وساعه يبو فاضل تضمك
تگلك خلافك شاخ خصمك
كل ساعه وينه يصيح بسمك

تفارگني هضيمه ..انا اخلافك يتيمة
يالواعدت..ماگصرت
غير انت عباس

الشاعر وسام الغراوي ..اسألكم الدعاء

https://tttttt.me/ssgadAl

ليلة العباس ع.
الشاعرالحسيني عمار الدراجي..

طاح الگمر---------- صوب النهر
ضهري ياخويه انكسر. يزينب يزينب
-----------------------------
لا تنـشدينـي يـزينـب مـاتحملينـه الخــبر
بلاضوه ضلينه وسفه خويه مخسوف الگـمر
عمامتي من راسي طاحت من وصلت آنه النهر
فرهدو من عندي حيلي وانكسر مني الضـهـر

مات الهوه.-------- غاب الضوه
آنه جايبلچ خبر. يزينب يزينب
------------------------------------
من وصلت آنه الشريعه چفوف شفت امبتره
شفت جود وچف عضيدي يلملم الماي الجره
وچفه الاخر هايزينـب بسـيفه متوسد الثره
استورحت عبـاس اخويـه برايته الـمطبّـره

مارد الچ.-------------- الواعدچ
راسه نصين انشطر. يزينب يزينب
----------------------------------------
زينب تناشد اخوهـه حچيلي عن راعـي العلم
بداعت امي حسين جاوب وبضلعهه الي نهشم
وينـه عبـاس الكفـلـنـي ليـش مـارد للـخيـم
يستحي ياخـويـه منـچ بعينـه مكسور الـسهم

راعي الوفه --------- ضيه طفه
راد ينهض ماگدر. يزينب. يزينب
------------------------------------
من مشـه يحسـين اهيّس والله دلالي انخـمش
من گصد صوب الشريعه جسمي احسّنه ارتعش
گلي يختي الماي اجيبه عبد الله مايحمل عطش
اخذ روحـي من حضنـي حتـه جفنـي مـارمـش

من الفرس ---------- بذني همس
اليوم اجيبلچ بحر. يزينب يزينب
----------------------------------
ها يزينب راح اخونه الچان الي عون وسند
راح حماي الفواطم وجان الـچ خيمه وعمد
ايسي يسكينـه يبـويـه مايـرد عمـچ بـعـد
يعتذر كافل ضعنـچن ماگدر يوفـي الوعـد

حامي الخدر -------- ضل يعتذر
الچن شگد اعتذر. يزينب يزينب
------------------------------------
شلون اعيش بلا كفيلي شلون يغمضلي جفن
وانه ربـيته اعـله اديّه ريت من گبـله اندفـن
شلون مايفـزع لخيتـه ويسـمع گلـيبي يـون
وادري بالعباس الـيه صياره نسـاني الـحـزن

حزن وصبر ------ اگضي العمر
يضل يناديني الدهر يزينب يزينب
----------------------------------------
الشاعر الحسيني عمار الدراجي --------

https://tttttt.me/ssgadAl

وينه عمي العباس. وينه وينه العباس
*********
سكنه نادت يابو فاضل گوم والحگ للحرم
هجمت اعلينه الاعادي. بنار شبوهه الخيم
گوم شيل الرايه وانهض ونته ياراعي الشيم
جلجلت خيل آل اميه.والخدر عمي انهدم

اعلينه دارت الناس وينه وينه العباس
***************
وينه عمي الواعداني ليش ماشم ريحته
يستر الله من الشريعه خاف صارت نومته
مااضـن يتـخله عنـي آنـه كلشـي بـدنيـته
مدللت بيت الرساله بصايت الله وصايته

چنت مرفوعت راس وينه وينه العباس
************************

عمي بالعباس احلفك يابو راس اليستعر
اعليك ابو فاضل امشّي تردلي ماريدن عذر
موگلت يسكينه ارجع وانه ضليت انتضر
مااشوف الرايه وينك طحت عمـي بياكتر

بس لاگطعت الانفاس. وينه وينه العباس
********

يابوفاضل ياضخرنه انته عمي وهيبتي
ليـش مارديـت اليه عنـك انشـد عمتــي
واعدتني المي تجيبه ترد يعمي الخيمتي
مااصدگ تمشي عني وابقه وحدي بغربتي

يابو الفخر والنوماس وينه وينه العباس
***********************

عمي گوم من الشريعه وانضر اعيال النبي
انته كـفال الضعينه شلـون ترضـه ننسـبي
عمي ياعمي النواصب حرگو اعلينه العبي
عالجمر خلونه نمشي من الضرب نحبي حبي

مايملگون احساس وينه وينه العباس
****************
وين رايح يابو فاضل انته لحسينك ضهر
بلا مناصر ضل عضيدك چنت لعيونه نضر
چانت الرايه بيمينك كاسـر ضلـوع الدهـر
رحت ياعمـي واناشد مارجعـت من النـهر

وينه درعك والطاس وينه وينه العباس
*****************
الشاعر الحسيني عمار الدراجي/٢٦/١٠/٢٠١٧

https://tttttt.me/ssgadAl