#امام_زمان_عج
#گریز_به_حضرت_زینب_س
______________________________
✍
ای منتقم مُنتَظَر ، ای قائم موعود
وی گیزلنن انظاردن افکارده موجود



چوللرده سحر آخشام ائدن ناله و افغان
عالم لرین ارواحی او آغلار گوزه قربان



یابن الحسن ای حجت اثنی عشر الغوث
ای صاحب ثارات شه منتظر الغوث
بو منتظِر احبابوه قیل بیر نظر الغوث
تا کی بولود آلتیندا نهان شمس امامت
تا کی تاپاجاق زمرۀ خفاش جسارت



ای وجه خدا حق یولونا صورتی منهاج
ای قصر مَشید ای هامی شاهلاردان آلان باج
ای بئرِ مُعَطَّل ، هامی عالم سنه محتاج
ذات حق یکتایه شها سوگلی سنسن
توحید و رسالت باغینون نوگلی سنسن



حق وعده ویروبدور اولا اسلام جهانگیر
بو وعده تحقق تاپار آلسان اله شمشیر
قربانون اولوم ائتمه ظهوره داخی تأخیر
گَل دوغرولا تا وعده حی حق داور
دنیانی ائده پرچم اسلام مُسخَّر



پیغمبرینه وعده وئروب خالق اکبر
اول گون که ستمله دولاجاق یئر یوزی یکسر
سن دولدوراجاقسان اونی عدلیله سراسر
عدله هامی آفاقده غالب ستم اولدی
گل عدلیله دولدور یئر اوزی ظلمیله دولدی



مُلغی ائدن اشراریدن عنوان لاری سنسن
فرمانبر ائدن صاحب فرمانلاری سنسن
وآلّلهی آلان یئرده قالان قانلاری سنسن
مظلوم اولان ارواح مُطهر سنی گوزلر
تقصیر سیز اللرده ئولنلر سنی گوزلر



ای مصلح محبوب جهان بشریت
متروک اولوری گون بگون احکام شریعت
قرآن که پیمبر اونی قویموشدی ودیعت
ظاهرده قویور خلق آراسیندا باشا جُهّال
ایلور هره بیر نحویله باطنده لگد مال



ای عزت قرآن ، کمک سیزدی بو قرآن
غربی زده لیق قویدی مسلمانلاری حیران
ارباب کلیسا تاپوب آت چاپماقا میدان
تئز گل گتور عیسانی اولا امر مسلم
بیلسونله که تابع دی سنه عیسی مریم



ای جدینه چوللرده ائدن داد و نوا گل
ای گوز یاشی رخساره توکن صبح و مسا گل
آغلار گوزووه شیعه لرین جانی فدا گل
گل منتظر احبابی خلاص ائیله بلادن
مظلوم لرین دادینی آل اهل جفادن



ای گون کیمی نوری بولود آلتیندا قالان گل
ای خرمن کفره قلیجی برق سالان گل
ای کرب و بلاده توکولن قانی آلان گل
طول اولدی ز بس گردش دوران آرالیقدا
آز قالدی گئده ناحق آخان قان آرالیقدا



احباب گوزینده شب تار اولدی گونوزلر
یولاردا قالوب خون دیلیله دولی گوزلر
قان صاحبی قبرینده یاتوبدور سنی گوزلر
گل قانینی آل شیعه لرین جسمینه جان ویر
دشمنلرووه قدرت قهاری نشان وئر



ای سلطنت حقه نی تشیید ائلین گل
ای یر یوزینون شرکینی توحید ایلین گل
ای جدّینون احکامینی تجدید ائلین گل
تعطیل ائدوب احکام اللهیّه نی اشرار
قربانون اولوم آل اله شمشیر شرر بار



اجدادون ، آتان ، عمّن ، ایا سرور مهموم
هر تک تکی ، عالمده اولوب ظلمیله مظلوم
ممکن دگول اولسون اولارین محنتی مرقوم
عمّن کیمی مظلومه ولی دهرده یوخدور
بالّلهی آنان فاطمه دن غصه سی چوخدور



تاریخ حیاتین یازا عاجزدی قلم لر
قاصردی دلیم شرحینه چکدی نه الم لر
شمشاد قدین ایلدی خم ، بارِ ستم لر
گورموب او گورن غملری بیر قدی خمیده
باجادی دئسم عمَّن اگر اولدی شهیده



حقون وار ایا شاه جهان سرور اکوان
هر صبح و مسا عمه وه گر آغلیاسان قان
یوخ مجمع عالمده ایله حالی پریشان
بیر غمکش اونون مثلی گله عالمه هیهات
بیر کس دُوزه عمَّن کیمی هر بیر غمه هیهات



بیر جمع پریشان دل و ارباب نیایش
{{ سعدی زماندان }} بو سوزی ائتدیله خواهش
سنده اولارا قیل ایکی دنیاده نوازش
بیچاره لر ایستور ایده سن لطف و کرامت
دنیاده سلامت بدن عقباده شفاعت


https://tttttt.me/joinchat/AAAAAEHee97Eo5uvSOVokQ

مرحوم_حسینی_سعدی_زمان
#حضرت_موسی_بن_جعفر_ع
#گریز_به_وداع_آخر_امام_حسین_ع
______________________________
✍
بخش 1

او دردمند که تاپمور علاج دنیاده
عریضه اشکیله یازسون غریب بغداده


گُل عشقی اولماسا بلبلده آه و زار اولماز
گُلنده گُل اودی بلبلده انکسار اولماز


گُل اوسته قطره ی شبنم سرشک بلبلدور
اگر او آغلاماسا غنچه ژاله وار اولماز


سوروش حقیقت عشقی چمنده بلبلدن
حقیقت اولماسا بلبلده خاره خوار اولماز


محبّت اهلی اولان ماسِوانی گوزدن آتار
تجرّد اولماسا عاشقده افتخار اولماز


اگرکسیلمسه قید علایق کثرت
بشرده اوز اوزینه وحدت آشکار اولماز


غبار آینه نی سیلمسه گوزون یاشی
گوگولده اوز باشنا جلوه ی نگار اولماز


دیمه که عشقیده بی حد ملال و زحمت وار
مذلّت اولماسا گر عزّ و اعتبار اولماز


دایانمیان غم هجرانه وصله یول تاپماز
خیال خامیله عالمده وصل یار اولماز


قدم قوی عالم تجریده اهل وحدتی تاپ
مجرّد اولمیان اشخاص کامگار اولماز


تجرّد عالمینه باخ امام هفتمی گور
او شهریار کیمی عاشق فکار اولماز


معاینه گورورم روضه ی پیمبرده
نماز اوسته دوروب حقّیدن کنار اولماز


تمام ماخَلَقُ اللهی جمله گوزدن آتوب
بلی، امامیده قید دیار و دار اولماز


او شاه دین ایدوب اوز شاهدین او حالیله یاد
او هانسی گوزدی اونی گورسه اشکبار اولماز


باخوردی حالینه هارون کناریدن او شهین
دیدی بونیله منیم ملکیم استوار اولماز


هامی ممالکه سلطان اولور بنی عبّاس
ولی نه قدر وجود امام وار اولماز


نماز اوسته دوتون باغلیون ایکی قولونی
بو شیر بچّه کمند اولماسا شکار اولماز


او قدر قویمادیلار قورتارا نمازین امام
تعجّبم ندن آفاق تار و مار اولماز


نماز اوسته دوتوب قولّارینی باغلادیلار
ایله جفائیله بیر ظلم و انزجار اولماز


امامی گَتدیله فرعون عصر محضرینه
نجه گَتوردیله توضیحه اقتدار اولماز


کلیم عصر اَیاق اوستونده قالدی قول باغلی
کلیمیده او تحمّل او بردبار اولماز


امامه باخمادی بیر ساعته کیمی او دنی
ایله ستمگر و بی شرم و نابکار اولماز


او قدر گِچمدی کبریله قوزادی باشینی
خیاله سالمادی ظلم اهلی رستگار اولماز


تمام غیظیله موسی بن جعفره باخدی
او ماجرانی اگر ایتسم استتار اولماز


پیمبر اوغلونا بیر سوز دیدی پیمبردن
زهی، عجب او زنازاده شرمسار اولماز


نجه دیوم دیدیقی کلمه نی، دلیم یانسون
بُلر دل اهلی ولی مطلب اشتهار اولماز


بو دقر وار که روایتده شَتم عبارتی دور
قلمده معنی الفاظه اختیار اولماز


امام قلبینه دگدی او سوز خدنگ کیمی
پوزولدی حالی ایله تیر زهردار اولماز


دوباره ایلدی بیر حکم بی حیا هارون
بُلوب امامه داخی کیمسه غمگسار اولماز


او حکمیله ایکی هودَج ویروبدیلر ترتیب
او بی حیا کیمی مکّار کین شعار اولماز


امامی قویدولا بیر هودَجه حقارتیله
اسیر هودَجی زرتار و زرنگار اولماز


بیرینی بصریه یولّوب، بیرینی بغداده
امام حالینه بیر کسده اختبار اولماز

ادامه دارد👇


❗لطفا با ذکر منبع فوروارد کنید❗

https://tttttt.me/joinchat/AAAAAEHee97u7K4_7omMoA

مرحوم_حسینی_سعدی_زمان
#حضرت_موسی_بن_جعفر_ع
#گریز_به_وداع_آخر_امام_حسین_ع
______________________________
✍
بخش 2پایانی

امامی اوز قاپوسیندان آپاردی اهل جفا
ایله وداع ایله بیر پراسف گذار اولماز


عیالینی گوره بیر لامحاله قومادیلار
ندن خراب بو دنیای کجمدار اولماز


توکولدی دیشره حرمخانه دن مُخدّره لر
بلی، او وضعی گورن دلده اصطبار اولماز


بونی مدینه ده قوی، کربلا غریبینه باخ
ایله قضیّه ی جانسوز و ناگوار اولماز


گوزیمده جلوه لنور آخرین وداع حسین
عبث گوزوم یاشی رخساریمه نثار اولماز


همینکه بُلدی خانملار گیدیر کمک سیز امام
داخی او گیتماقینا رجعت کِرار اولماز


توکولدولر باش آچوخ فاطمیّه لر یکسر
گر ایتمَسَم آناسیندان من اعتذار اولماز


آرایه آلدیلا دوتقون آیی ستاره کیمی
دوتولسا آی مگر آفاق تیره تار اولماز؟


ایشیق گونوز اولوب آل عبایه بیر شب داج
ئولونجه شیعه لره لیل اولور، نهار اولماز


ایله توکردیله گوز یاشی اهل بیت امام
یقین او شدّتیله بارش بهار اولماز


دیسم قیامتیدی سوز غلطدی، محشرده
او شورش و او فغان و او آه و زار اولماز


تصوّر ایله نه حاله قالور خانم بالالار؟
کبار رام اولی بیر نحویله، صغار اولماز


مُحَجَّبات ویروب سس سسه دیردی تمام
حسین! سنون کیمی بیر مهربان نگار اولماز


بیزی بو دشمن ایچینده قویوب هارا گیدوسن؟
سن اولماسان بیزه بیر کسدن انتصار اولماز


ولیّتُ الله صغری، بتول نائبه سی
گوروب محبّت اولان یرده شرم و عار اولماز


یوگوردی قارداشینون بوینونا قولین سالدی
دیدی حسین منه بوندان صورا وقار اولماز


وقار و عزّت زینب بو چولده بیر سنسن
سن اولماسان داخی بو روح مستعار اولماز


سن ئولسن اهل جفا قیزلارون سویار یکسر
حیالی قیزلاریوا حایل عذار اولماز


اَلیوی قلبیمه قوی بلکه بیر دوتا آرام
بو غملریله گوگلده داخی قرار اولماز


گَلوب تکلّمه مظلوم امام ویردی جواب
خدا عزیزی، آنام باجی سوگوار اولماز


بونی اوزوم بُلورم من شهادته یِتسم
سیزون باشوزدا داخی چادر و خمار اولماز


شقیدی شمر، دیمز فاطمه قیزی زینب
جهازسیز دَوِیه باش آچوخ سوار اولماز


ولی گرک دوزه سن، باش آچوخ اسیر اولاسان
اسیر اولماسان اثبات کردکار اولماز


باشیم دولانماسا نوک جداده شهر به شهر
بابام شریعتی دنیاده پایدار اولماز


سنون اسارتون اِکمال ایدر شهادتیمی
اسارت اولماسا، حاصل مآل کار اولماز


شهادتیمده منه سن شریک اعظم سن
سن اولماسان منه بو کربلا مزار اولماز


سن اولماسان اود ایچینده یانار علیل اوغلوم
جهاندا حجّت اگر اولماسا مَدار اولماز


بالامی کوفه ده سن اولماسان ایده لّه شهید
منه بو عالم امکاندا یادگار اولماز


دونر کِنِشته مساجد، اذان اولار ناقوس
رواج مذهب اسلام زینَهار اولماز


گرک دمشقیده حقّیّتیم اولا ثابت
عبث گیرنده باشیم شامه سنگسار اولماز


گدای کوی حسین اولمیان (حسینی) یقین
گَلَنده محشره سلطان تاجدار اولماز


اَیا امام زمان صبریمیز تمام اولدی
اماندی گَل، بو قدر صبر و انتظار اولماز


❗لطفا با ذکر منبع فوروارد کنید❗

https://tttttt.me/joinchat/AAAAAEHee97u7K4_7omMoA

#جریان_معجزۀ_حضرت_حصرت_موسی_بن_جعفر_ع
#گریز_به_غارت_خیام
_______________________________
✍
بخش 1

قلم ایدور بو حدیثی که زینت دفتر
دیوبدی شرحینی بیر اهل ذکر و اهل خبر

او شخصلر که، امام ایلیوبدی ذات اِلَه
هاموسی پاک و منزّه‌دیلر بدون گناه

لباس عصمته قامتلری برازنده
هاموسی مُخبر علم گذشت و آینده

مقام معنوی و عزّ و جاهده برتر
بشردی هر بیریسی خلقتنده کَیف بشر

صفات ذات خدایه مثال آیینه
ایدوبله فیض اِفاضه جهان دیرینه

هاموسی واقف اسرار اعظم و ممتاز
هاموسنا ویروب الله، قدرت اعجاز

سند بو عرضیمه وار چوخ کتابده زنده
عجیب معجزه‌لر گورسنوب محلّنده

بو گونکه سکۀ بازار عشقه قیمت وار
بنام موسی جعفر بو بزمه زینت وار

به عون حضرت معبود جَلّتُ العَظَمَه
او اهل ذکر دیَن مُعجزی چکوم قلمه

عقیده آینه‌سی نور کبریا تاپسون
صفالی قلبلروز جلوۀ صفا تاپسون

وطندن ائتدیله تبعید سبط طاهانی
ایدوبله بصره‌ده اوّل امامی زندانی

حدود دورایل اولوبدور او شهره محبوس
ایدوبله کُنده و زنجیر ظلمیله مأنوس

رئیس محبس شهریدی فضل کج رفتار
امامی راکع و ساجد گوروبدی لیل و نهار

اورکده حُجّت حقدن خطر ایدوب احساس
یازوب خلیفیه ای مفخر بنی‌عبّاس

پوزوبدی موسی جعفر نظام زندانی
بو شهردن آپارون آیری شهره موسانی

عریضه‌مه ویرورم خاتمه بو عنواندا
بو ضدّ سلطنتی ساخلا آیری زنداندا

یتیشدی نامه‌سی هارون پست و بیداده
یازوب او سیّدی تبعید، ایله بغداده

اهانتیله ولی سال یولا او دلگیری
ترحّم ایلمه بوینوندان آچما زنجیری

مطیع امر خلیفه امامی خوار ایلدی
نجه دئمیشدی ایله کَشتیه سوار ایلدی

مراقب ایتدی نچه جیره‌خوار او رنجوره
فلک اسیر، سلیمانی ایلدی موره

واریدی کشتی ایچینده مسافرینِ زیاد
هاموسی چهره‌سی بشّاشیدی اورکلری شاد

طوییدی مجلس عیشه قورولموشیدی بساط
اوجالمشیدی سمایه صدای شور و نشاط

گتورمشیدی دیله سازینی نوازنده
گیدوردی کشتی اوخوردی ترانه خواننده

هاموسی جشن ایلیوب بیربیره چالوردی الین
مسافرین آپاروردی ئوزیله تازه گلین

سفینه اوسته قضا جشنی ایلدی معکوس
پوزوبدی مجلسی گلدی نوازه تازه عروس

سوروشدیلار ندی دردون ندور بو آه و نوا
بویون باغیم دیدی ناگه آچلدی دوشدی سووا

او سلسله منه سرمایةۀ جلالتیدی
بهاسی چوخ چوخیدی گردنیمده زینتیدی

تاپولماسا او جواهر منه وار ایرادی
گلین عزیز دوتار یادگار دامادی

او غنچیم گُل آچان لحظه‌لرده من سولدوم
آپارمیون منی بغداده قاره بخت اولدوم

طوی اهلنی بو قضیّه ایدوبدی سرگردان
دیدیلر آغلاما بو درده یوخدی بیر درمان

شناور اولسادا کشتی ایچنده دوشسه سویا
بویون باغون اَله گلسین بو نهردن حاشا

واریدی کشتی‌ده بیر سرنشین فرزانه
خطاب ایدوب اولارا چاره وار بو عنوانه

دیدیله ساغر مقصود چوخ چتیندی دولا
بو درده چالره تاپولسا گرکدی معجز اولا

دیدی گِدانی بَلی اهلِ تاج ایدن واردی
همین بو کشتی‌ده درده علاج ایدن واردی

او سیّدی که گورورسوز چکوبله زنجیره
قلمله گلمز اونون وصف حالی تحریره

ادامه دارد👇👇


❗لطفا با ذکر منبع فوروارد کنید❗

https://tttttt.me/joinchat/AAAAAEHee97u7K4_7omMoA

مرحوم_حسینی_سعدی_زمان
#مدح_و_میلادیه_حضرت_اباعبدالله_الحسین_ع
#گریز_به_شام_غریبان_امام_حسین_ع
______________________________
✍
دونوبدورعالم امکان سراسرطور سینایه
خبرویر ای صباموسی بوگون گلسون تماشایه

اولوبدورجلوه گر نورجمال نیّراعظم
سپهره اوج ایدوبدور نور یردن پایه به پایه

قالوب آباء علوی امهات سفلوی مبهوت
اولوبدور حامله چون عصمت کبری بو مولایه

اولاندا سوم شعبان طلوع صبح صادقده
یتشدی مصدر لاریبدن بو حکم لعیایه

نچه دسته گوتور حوریهٔ حوران بهشتی دن
نزول ایله یره اول قابله بو شاه والایه

بولوب بو خدمتی سرمایهٔ عز و شرف لعیا
گلوبدور خدمته دولت سرای شاه بطحایه

طلوع صبح صادق منفعل اولدی طلوعندن
حسین ابن علی قویجاق قدم بو دار دنیایه

منور اولدی نوریندن سراسر انفس و آفاق
عمود نور نصب ایتدی جمالی سطح غبرایه

قضامسرور اولوب سویلردی زهرایه مبارکباد
قَدَر آغلاردی باشنده اولان امر قضایایه

امین و حیون اللّه ایسته دی شأنین بلوندورسون
بویوردی نازل اول بو سوگلوم مولوده اول دایه

بو شأن و بو شرفدن قدسیانه فخر ایدوب جبریل
گلوب اولدی لَلَه یرده حسین ماه سیمایه

ملایک دسته دسته عرشدن فرشه اولوب نازل
ازلده تهنیت صون تسلیت ویردیله طاهایه

حسینی گورماقا گلدی ملکلر سربسر امّا
قالوبدور حاملان عرش حسرت بو تمنایه

اولاردا فکر ایدوب بیر سهم آپارسون بو شرافتدن
کمال عجزیله عرض ایتدیلر خلاق یکتایه

ملکلر بیزلره فخر ایلوری یاقاضی الحاجات
حسینی یا گتورسونلر بویور بو عرش اعلایه

ویا اول عرشوه حامل حبوطه ویر بیزه رخصت
اولاق بیزده یره نازل یتاق بو فیض عظمایه

اولوب صیت محیطیله محاط عرش برین ناگاه
یتشدی حضرت ربّ جلیل اَمری بو معنایه

اولام اوز عرشیمه حامل بونا من قادرم امّا
گرک ویرسون قماطیله حسینیم عرشه پیرایه

حسینون گلدی قنداقین آپاردی گوگلره جبریل
حبیب لم یزل باخدی او‌محبوب دل آرایه

بویوردی سوگلوم خلقه نشان بی نشانیمسن
یر اوسته مظهریمسن سن تماماً اهل ایمایه

امین وحیه امر اولدی منوّر ایلسون عرشی
همیشه زایر اولسون قدسیان بو نور زیبایه

حسینون باشنون دسمالینی آچدی امین اللٌه
او دسمالیله آرتوردی شرف عرش معلایه

روادور بیر باشین دسمالی اولسون گوگلره زینت
همان باش کوفه ده مطبخده مهمان اولسون اعدایه

نه شرم ایتدی خدادن خولی بیدین نه زهرادن
تنوره قویدی بیر باشی که سالمشدی گویه سایه

گلوب زهراکول اوستنده گوروب اوز اغلنون باشین
ویروبدور بیلمورم نه‌حال-الهی اوندا زهرایه

باسوبدور جانکیمی آغوشنه باشین آچوب زلفین
کولین زلفیله پاک ایتدی گلوب فریاد و غوغایه

دیدی مظلوم اوغول باشون هارا بو یر هارا آیا
ندور علت سنی خولی گتوردی بیله مأوایه

گلوردوم قتلگهده ایمدی گوردوم نعش صد چاکون
کلام اللّه تک اوراق اولوب دوشموشدی صحرایه

خواتین بهشت اولموش یره گویدن اوغول نازل
گوزآچ خوش گلدون ایله مریم و سارا و حوّایه

سموات و زمین اهلین ایدوبدور محنتون بیتاب
مؤثردور غمون چرخ چهارمده مسیحایه

تنور خولیه عیسی ابن مریم دیدووه گلدی
بو دیده بازدید ایتماق اوغول لازمدی عیسایه

باشون ترویج اسلامه ازل گوندن اولوب مأمور
آپارسونلار گرک نوک جدالرده کلیسایه

الون بوشدور((حسینی))وار قاباقدا بیر اوزاق منزل
حسینه آغلاگوزیاشون الونده ایله سرمایه


https://tttttt.me/joinchat/AAAAAEHee97u7K4_7omMoA

#دفن_حضرت_علی_ع
#گریز_به_دفن_شهدا
________________
✍
بخش_1

آتدی دنیانی گوزوندن تاجدار هل اتی
ایلدی آل عبایه عالمی ماتمسرا

زینب کبری یولا سالدی آتا تابوتینی
بوینی چیگنینده ٫ گوزی یاشلی ٫ دلینده وا ابا

اوزگه بیر کیفیتیله نعشینی حمل ایتدیلر
گورمیوبدور بیله تشییع جنازه ما سِوا

پیش تابوته دگولدی ظاهرا حامل اولان
باطنا تابوتی حمل ایتدی ملکلر جابجا

پشت تابوتی صاقیندان حمل ایدردی مجتبا
صول طرفدنده یاپوشمیشدی غریب کربلا

سوز غلط دوشمز دیسم نعشین قباقینجه دوشوب
ایلیوردی حضرت روح الامین بیله ندا

ایله استقبال گرم ای تربت پاک نجف
سنده گلدی دفن اولونسون افتخار اوصیا

جان کیمین آغوشه آل گل جسمین ای خاک عزیز
غبطه ایتسون شانوه هفت آسمان٫ عرش خدا

بو علیدور خسته حالیله سنه مهمان گلور
باغریقان ٫ افسرده خاطر ٫ دل یارا ٫ باشدا یارا

بو علیدور اودلی دیلده واردی بیر دنیا غمی
دردی وار داغلار بوئی ٫ ئوز آدی هر درده دوا

بو علیدور تک لیقیندا جان مجموع جهان
دوتدی بیگانه صفتلر لیک اونی بی آشنا

آلدیلار حقین الیندن ایتدیلر خانه نشین
قالدی ائوده تک ٫ انیسی اولدی آه جانگزا

یرمی بش ئیل صبر ایدوب دوزدی بو امره شاهدیم
عین فی العین قذا دور بیرده فی الحلق شجا

بسکه گوردی بی وفالیق امت بی مهردن
خلقدن گتدی کناره تاپدی حال انزوا

گورمه سین تا کیم ایکی ئوزلی مسلمانلار یوزین
چولده اوز عمرین گونون باشه ویروب بو مقتدا

گاه گیزلینجه گئدوب چاهه دیردی دردینی
درد آلان کیمسه تاپولمازدی اورک دردین آلا

ملت اسلام الیله اولین مظلوم دی
امت قرآن الیندن چوخ گوروب جور و جفا

انجیدوب صوری مسلمانلار ٫ یورولموش خسته دی
آل کناره راحت ایت ای خاک پاک پر بها

بو عدالت روحی دور ٫ اوز عدلینه قربان اولوب
دار دنیادن گوزون اورتوب ٫ گلوب سنده یاتا

خسته دور ٫ قانی گیدوب ٫ چوخ باش یاراسی کاری دور
گوزله اینجیتمه ٫ بو جان مصطفادور ٫ مرتضی

دوردی تابوتین قاباق سمتی ٫ قاباقدان ناگهان
قویدولار تابوتی یر اوسته او دم دلده نوا

گوردیلر بیر قبر حاضر ٫ باخدیلار تاریخینه
حضرت نوح نجی ٫ قازموشدی قبری گوئیا

قبریدن بیر بیله سس گلسیدی چوخ با جائیدی
گل یولوندا انتظارم من نه مدتدوور آقا

چوخ یوروب صوری مسلمانلار سنی ٫ دلخسته سن
سینم اوسته یات بیر آز دینجل سن ای فخر التُّقی

سن منیم سینمده یاتسان فخر اعظمدور منه
چوخ تاپارسان تک وجودیله مقام ارتقا

چوخ اسفلی منظره اولدی کنار قبریده
ایستدی دین باغبانین گللری قبره قویا

آچدیلار گل تک سولان رخسارین آه و وائیله
محو مهر و عاطفت اولدی حسین و مجتبی

یوز یوزه قویدی آتائیله ایکی دلبندلر
آتش دل سونمه دی بو آیریلیقدا مطلقا

مجتبا ٫ نعشین اگیلدی باسدی جان تک باغرینا
هم قوجاقلاشدی او نعشیله غریب کربلا

آه او ساعتدن ترابه تاپشریلدی بو تراب
مجتبا قویدی آتا رخسارینی توپراقلارا

حیف او گل رخسار سولدی همدم اولدی خاکیله
حیف ایله قامت که یاتدی توپراق آتدا جابجا

حیف ایله بیر باغبانه کیم ایاقدان سالدیلار
گللری چیگنینده بوئنی قالدیلار دلده نوا

حیف اولا بیر دللرین دردین آلان درد اهلینه
درد دل صاحبلرین هجرانی ایتدی بی دوا

حیف او رافت بخش ابوالایتامه یاتدی قبریده
قالدی ایتام و ارامل یولدا گوزلر ٫ بی غذا

حیف او امید فقیران که ترابه قویدی باش
قالدی بیر عده فقیر و دلشکسته بی رجا

حیف اولا بیر چاره ساز و و چارهء درماندگان
گیتدی ٫ باشسیز قالدیلار بیر عده درده مبتلا

حیف او مولا گئتدی الدن کول آلندی باشلارا
شیعه نی ایتدی عزالی آلدی دللردن صفا

حیف او شاهین فضای دین قالوب پروازدن
سست عنصر کرکسه اما وسیع اولدی فضا

حیف ایله قرآن ناطق که خموش اولدی خموش
ویرمدی فرصت او شاهه بو جهان تنگنا

بیله تشییع جنازه بیله دفن و کفندن
یاده دوشدی دفن وکفن شهریار کربلا

دوشدی قالدی گون ایوینده فاطمه اوغلی حسین
قانه غلطان ٫ خسته ٫ یورقون ٫ سر بسر پیکر یارا

دفن و کفنه حضرت سجاد گلدی کوفه دن
گوردی واردی کربلا دشتینده بیر عالی صفا

باخدی اول قانلی بیابان ایله عطریله دولوب
عطر آپارور جنته هر دم اسور باد صبا

جویبار عشقدور دوشموش ایاقدان سرولر
گل کیمی خندان اولوب یتمیش ایکی گلگون قبا

ادامه دارد👇👇👇


https://tttttt.me/joinchat/AAAAAEHee97SCUG-4SqDoQ

@shoaravamadahantabriz

#در_شهادت_امیرالمومنین_علی_ع
#گریز_به_قتلگاه
______
✍
نه وار گنه اوجالوب ناله سطح غبرادن
گیچر بو ناله سسی طاق چرخ خضرادن

دوتوبدی شش جهتی داد و ناله و شیون
فغان و ناله گَلور فرشه عرش اعلادن

یر و گوی آغلوری، آباء و امّهات آغلور
گیدوبدی علّت خلقت مگر بو دنیادن

یقین بو گون یتیشوب قلب عالمه ایذا
که عالمی متزلزل ایدوب بو ایذادن

سوروشدوم عقلیدن آیا ندور بو هنگامه
دولوب زمین و زمان دادِ تاب فرسادن

جواب ویردی بو گون کوفه ده قیامتدور
گَلور بو ناله سسی دودمان والادن

علی ولیّ خدا، آیت الله اکبر
کسوب علاقه سینی بو جهان سُفلادن

بهشته قاره چکوبلر اولوب عزاخانه
او بزمیده اوجالوب ناله روح زهرادن

یولار فغانیله گیسولرینی حورُالعین
سالولّا صورته درد نهانی معنادن

ابوتراب ایدوبدور ترابیده سُکنی
ترابی رشک بهشت ایلوب بو سکنادن

صدای لَیتنی کُنتُ تُراب اولمور مَسموع
مقام غبطه ده هر دم سپهر مینادن

ابوالائمّه ئولوبدور، یتیم اولوب حسنِین
گیچوب حسین و حسن ناله سی ثریّادن

یتیم لیق توزی بو گون قونوب حسین یوزینه
آخار عذارینه گوز یاشی چشم شهلادن

آچوبدی باشینی زینب، یولار ساچین کلثوم
چکر ایکی باجی ناله بو درد عظمادن

علی ئولوب سینوب ارکان دین لم یزلی
هدایته یتیشوب صدمه بو قضایادن

آچوب یَخاسین علمدار کربلا عبّاس
فرات تک آخوری اشک چشم، سقّادن

ایدوب آتاسینا غسل و کفن امام حسن
بو سوز وصیّتیدی اوغلونا او مولادن

اوزی مطابق قانون شرع ایتدی حُنوط
همان حُنوط که گَلمیشدی دار عقبادن

بودور قواعد قانون شرع مصطفوی
خلاف شرع گورونمز اصوله دارادن

ایدهلّه غسل و کفن شرعیده مسلمانه
ندندی کوفه لیلر چخدی شرع غرّادن

حسینی قویدولا بی غسل و حُنوط و کفن
تاپولمادی گوتورن نعشینی او صحرادن

نه چکدی بُلمورم الله بُلور خانم زینب
او جسمی عور گورنده لباس دیبادن

اماندی گیتمه قلم کربلایه، کوفه ده قال
واروندی چشم صله گر علیّ اعلادن

آتا جنازه سینه مجتبی ایدنده کفن
حسینی سالدی بو غم طاقت و توانادن

یوگوردی سالدی اوزین مرتضی جنازه سینه
علاقه کسدی تحمّل او ماه سیمادن

باجیسی زینبه یول آچدی کربلا شاهی
ویروب بلا چولونون مشقینی بو ایمادن

عقیلةُ العرب، ئومُّ المصائب عالم
فزون اولان شرفی مریمیله سارادن

دوشَندی باغرینا باسدی آتا جنازه سینی
اوجالدی وا ابتا دخت میر بطحادن

قاریشدی بیر بیرینه سر به سر بنی هاشم
اوجالدی ناله و شیون عیال طاهادن

ئولوب امام، سپوب شیعه لر باشا توپراق
دیار کوفه دولوب صوت وا امامادن

علی ایوینده ایله بیر قیامت ایتدی قیام
که حشر آیت صغری اولور او کبری دن

جنازه سین گوتوروبلر غرض بنی هاشم
آیردیلار آتانی تا بنات و ابنادن

گوروب امام حسن باش آچوق گَلور زینب
جنازه نین دالسنجا چخوب شکیبادن

دوتوب حسینه یوز آغلار گوزیله ایتدی خطاب
دایانما زینبی قِیتر حسین بو ماوادن

باجیمیزون گوره گر قامتینی نامحرم
بیزه گونوز اولی تاریک لیل یلدادن

عزیزه باجیسینی قِیتروب امام حسین
گنه گوزوم یاشینون موجی گیچدی دریادن

همین بو زینبیدی کربلاده یازهرا
گیچردی اللری باشدا صفوف هیجادن

بو فکریدِیدی اوزین مصرع حسینه سالا
حسینی حفظ ایلیه شرّ قوم اعدادن

باشیندا معجری بُلمم که واریدی یوخودی
علوم صاحبی آگهدی بو معمّادن

بو قدر وار که حمید ابن مسلم ایلر نقل
اونون او نقلی آلور تاب سنگ خارادن

اونون روایتینون بیر اشاره سین دیماقا
چوخ اعتذار ایدورم من بتول عَذرادن

دیر بو عورتی گوردوم که گون کیمی چخدی
یوزونده حایلی وار طُرّه ی مُطَرّادن

خیامیدن قاچوری قتلگاهه باشدا اَلی
سپهره لرزه سالور بانگ وا حسینادن

گهی قاچور یخولور، گه دورور گنه یوگورور
اوزین ایله ایتوروب قوخموری منایادن

قولاقلاریندا ایدور گوشواره لر حرکت
اونون او حالی موثّردی حال ثکلادن

دیور حسین نیه گوگلر یره توکولموری بس
توان و طاقت آلور صوتی پیر و برنادن

گَلوب بو حالیله گودال قتلگاهه یتوب
بُلنمورم نه گوروب شمر بی مَهابادن

بویوردی جان ویرور اینجیتمه، اَل گوتور ظالم
بو تشنه لب یارالی،‌ پاره پاره اعضادن

جسارت اولدی «حسینی» دایان چوخ عذر ایسته
امام عصریدن اَلده اولان بو طَغرادن

@shoaravamadahantabriz

#شهادت_حضرت_معصومه_شهادت
#گریز_به_شهادت_حضرت_زینب_س
#شرح_جلالت_و_کیفیت_پیراهن_امام__حسین_ع
___________________________
✍
بخش7

نه کوینک عالم امکاندا رتبه ده تک دور
آناسی فاطمه نی آغلادان او کوینک دور
__________◾◼◾__________
نه کوینک عالم آرا یوخ نظیری عزتده
بهشت عدنده ده یوخ لباس او قیمتده
__________◾◼◾__________
نه کوینک البسه خلددن گوزل یلمق
نظیر اولانماز اونا سندسیله استبرق
__________◾◼◾__________
نه کوینک ایلر اونا غبطه گیسوی حورا
گلنده حشره سالار باشینه اونی زهرا
__________◾◼◾__________
نه کوینک اولموش اونون تار و پودی مایه غم
تیکر او کوینگه گوز حشرده هامی عالم
__________◾◼◾__________
نه کوینک اولسا کلیسایه بیر تلی زیور
شرفده بیت خدایه کنشت فخر ایلر
__________◾◼◾__________
نه کوینک عالمه او نشر ایدوبدی قرآنی
مین اوچ یوز ایلدی سویوبلار یوولمیوب قانی
__________◾◼◾__________
نه کوینک آغلادار عصرین امامین اول کوینک
سویولمیوب ایمدیه دین بیر لباس او کوینک تک
__________◾◼◾__________
نه کوینک اولماز اونون قیمتی ایکی دنیا
حسین او کوینگی گیمیشدی روز عاشورا
__________◾◼◾__________
نه کوینک عالمیانه مبشر رحمت
او کوینک اوسته حسینه یتیبدی چوخ محنت
__________◾◼◾__________
نه کوینک اوخ یاراسیندان اولوبدی صد پاره
همان او کوینک ایدوب زینبی گونی قاره
__________◾◼◾__________
نه کوینک اولسا اجازه بتول عذرادن
آچار منیم قلمیم پرده بو معمادن
__________◾◼◾__________
او قدر صاحبینه اوخ قلج وروب اعدا
اولوب مشبک او ثوب عتیق سر تا پا
__________◾◼◾__________
اجازه ویرسن اگر یا بقیه الاخیار
اشاره سین ایدرم خاکپایوه اظهار
__________◾◼◾__________
یارالارین قانی یکسر قمیصی دوتموشدی
گون ایستیسی بدنه ضم ایدوب قوروتموشدی
__________◾◼◾__________
یانان دلی اویولوب جدوین او کوینگیله
دری لری سویولوب جدووین او کوینگیله*√
__________◾◼◾__________
او پیرهنده نه وار ای تمام عالمه رب
فقط اوزون بیلوسن بیرده بینوا زینب
__________◾◼◾__________
باسوبدی باغرینا علت ندور او مظلومه
ویریلسه شرح قالار شرح حال معصومه
__________◾◼◾__________
@shoaravamadahantabriz

#احوالات_حضرت_معصومه_س
#دفن_حضرت_معصومه_س
#گریز_به_دفن_حضرت_رقیه_س
___________________________

بخش8

او گونکه قمدا گل باغ بوتراب سولوب
جوار رحمته معصومه روحی واصل اولوب
__________◾◼◾__________
ایشیتدیلر که اولوب خواهر امام غریب
گوروندی شهریده بیر شور و ازدحام غریب
__________◾◼◾__________
مخدرات گلوب نی کیمی نوا دلده
ویروبله غسل اونا وا محمدا دیلده
__________◾◼◾__________
عزا بساطی قوروبلار غریب اولن خانما
تمام عزتیله ایتدیلر کفن خانما
__________◾◼◾__________
دیدیله قارداشی یوخ بوردا اشکبار اولسون
گلون عزاسینی بیز قویمیاخ که خوار اولسون
__________◾◼◾__________
ویروبله سس سسه آهیله سینه داغلادیلار
دویونجا اوخشادیلار بیر دویونجا آغلادیلار
__________◾◼◾__________
اولا جنازه سینین احترام و تجلیلی
اوجالدی اهل قمین جمله بانک تهلیلی
__________◾◼◾__________
نوا و ناله تهلیلیله فضا دولدی
گوتوردولر جسدین بابلانه نقل اولدی
__________◾◼◾__________
بو بابلان هارادور عرض ایدوم اولون آگاه
همان او یردی که ایندی اولوب زیارتگاه
__________◾◼◾__________
همان او یردی گوزل گنبد و مناره سی وار
باخان دئیر که فلک دور مه و ستاره سی وار
__________◾◼◾__________
همان او یردی گیدر پاک شیعه فوج به فوج
او یردن ایلر اذان و دعا سسی گویه اوج
__________◾◼◾__________
او نعش طاهره نی گتدیلر اورا احباب
درست ایتدیله دفن ایلماقه بیر سرداب
__________◾◼◾__________
بو مطلب اولدی ولی آل سعده مایه غم
ذکور طائفه سیندن یانیندا یوخ محرم
__________◾◼◾__________
بو بیر خانیمدی که بوندا بویوک جلالت وار
بونی مزاره قویا کیمده بو لیاقت وار
__________◾◼◾__________
او کیمدی رخت علایق وجودیدن سویسون
گیروب مزاره آچوب صورتین یره قویسون
__________◾◼◾__________
بو باره ده چوخ اولوب صحبت و سوال و جواب
صلاح کاری گوروب بوندا عاقبت احباب
__________◾◼◾__________
که وار قبیله ده بیر خادم فرشته ضمیر
تقی و اورع اهل قبیله چوخ چوخ پیر
__________◾◼◾__________
مطیع قادر قهاردور آدی قادر
سفارش ایلیه لر تا گلوب اولا حاضر
__________◾◼◾__________
قویا امام قیزین قبره قالمیا یرده
گینه گتوردی بو سوز غملی قلبیمی درده
__________◾◼◾__________
ندن امام حسینون قیزی رقیه نی بس
خرابه ده قویا قبره تاپولمادی بیر کس
__________◾◼◾__________
باخوب او حاله یانوب اهل عالم لاهوت
نه بیر کفن گتورن نه تاپولدی بیر تابوت
__________◾◼◾__________
غرض سفارش ایدوب اهل قم گله قادر
ولیه اللهی دفن ایتماقا اولا حاضر
______________◾◼⬛______
___________◾◼⬛__

@shoaravamadahantabriz

#دفن_حضرت_معصومه_س
#گریز_به_کوچ_از_قتلگاه
___________________________
✍
بخش10
همینکه قبر قویولدی او عصمت علیا
درست ایلدی بیر سقف بوریا موسی
__________◾◼◾__________
او سقفی ایلدی موسی بنا بو منظوره
که سایبان اولا اول قبر پاک و پر نوره
__________◾◼◾__________
گونون حرارتی دوشسه او قبره خفت اولور
نظرده خوار اولور قبری, هتک حرمت اولور
__________◾◼◾__________
امام باجیسی دور چون او قبرده نائیم
مزاری اوسته گرک سایبان اولا دائم
__________◾◼◾__________
قلم بو یرده حسینی گنه سوزی آزدی
اولونجه شیعه حسینه گر آغلاسا آزدی
__________◾◼◾__________
اذیتی گونون اولماز مزارده یاتانا
چتیندی گون دوشه بیر عور قانینه باتانا
__________◾◼◾__________
قالاندا عور یارالی تن امام غریب
تاپولمادی اونا بیر سایبان ویرن ترتیب
__________◾◼◾__________
گون ایستی قانلی قوم اوستی بدن دولی یاره
بسان گل داغلوبدور او جسم صد پاره __________◾◼◾__________
باجیسی زینب کبری گلنده قتلگهه
تعجبیله نظر سالدی بیر یارالی شهه
__________◾◼◾__________
نه گوردی وار نه باشی نه لباسی پیکرده
لباس سهلیدی یوخدور بیلکده اللرده
__________◾◼◾__________
گورنده واردی نه باش نه لباس قارداشدا
مدینه سمتینه یوز دوندروب الی باشدا
__________◾◼◾__________
آدیله سسلدی اوز جدینی او دریا دل
جفای اهل جفادن آچوب شکایته دل
__________◾◼◾__________
دیدی بابا بو حسینوندی قاننه غلطان
کسوبدولر دالیدان نازنین باشین عطشان
__________◾◼◾__________
یارالی جسمده واردور نه پیرهن نه قبا
نه واردی خامس آل عباده بیرجه عبا
__________◾◼◾__________
عمامه سین آپاروبلار ستمله تاراجه
یارالی باشی چخوب نوک نی ده معراجه
__________◾◼◾__________
گوروب که ویرمدی جدی او بی پناهه جواب
دونوب حسینه طرف ایلدی دوباره خطاب
__________◾◼◾__________
دی بیر گوروم یارالی سن منیم حسینیم سن
باشیم اوجالیقی عالمده , نور عینیم سن
__________◾◼◾__________
هدایتین گونی نولدی کی گون کیمی باتدون
سبب نه اولدی نظردن عیالوی آتدون
__________◾◼◾__________
هدایتین گمیسی نولدی قانه غرق اولدی
غریق بحر بلا جمله غرب و شرق اولدی
__________◾◼◾__________
تمام عالمه سن دست یاریدون یارالی
ید الله اوغلی ید کردگاریدون یارالی
__________◾◼◾__________
سنون جهاندا الون اوستونه بر ال یوخودی
مقام عز و شرفده سنه بدل یوخودی
__________◾◼◾__________
بو خلق آرا سنیدون مظهر حق بی چون
نه اولدی اولدون اراذل النده بیله زبون
__________◾◼◾__________
تمام عالمه فلک نجاتیدون قارداش
حقیقتا اوزون عین الحیاتیدون قارداش
__________◾◼◾__________
او قدرتیله تعبد یولون نشان ویردون
قوری دوداقیله باخدون فراته جان ویردون
__________◾◼◾__________
سوئی سنون یوزوه باغلیان زمان اعدا
اولیدی کاش جهان قانیله دولی دریا
__________◾◼◾__________
سنون باجون دگل آیا بو خانه سی ویران
کسیلدی چاره سی بالمره قوم و قارداشدان

@shoaravamadahantabriz

#حضرت_زهرا_س
#گریز_به_احوالات_کوفه

___
✍
بخش 1

شاه بانوی حجاز و حرم شیر خدا
پارۀ قلب نبی سیده و خیر نسا
مام سبطین و عزیزه نفر اهل کسا
حضرت فاطمه صدیقۀ کبرای بشر
ایلین چوخ گیجه سین قبلۀ طاعتده سحر


سورۀ کوثر ائدن شأنینی اثبات و عیان
یوزی خورشید حیا قامتی طوبای جنان
امتون دادرسی جدۀ سادات جهان
تازه پیراهنینی سائله احسان ائلین
شوقیله لیل زفافینده ئوزی کهنه گین


آختاران عشقیله ارضای خدای فلقی
قدری حیرتده قویان آسیه نی ما سبقی
دفتر معرفتون عزتی زرین ورقی
کیمیا دیدۀ حورایه اولان خاک رهی
درگه اقدسی ئوز محسنینون قتلگهی


نقل ائدوب بو سوزی ارباب احادیث خبر
یوخدی اشکالی موافقدی هامی اهل نظر
فیضه نائل اولاسان یاخشی قولاق وئرسون اگر
شرطیوار گیزلین اولان مرقدینی یاده سالاق
آغلیوب فاطمیه حاجتی زینبدن آلاق


خبرون دورۀ پیغمبره نسبت واریدی
مکه ده نقل ائلیوبلر بیله شهرت واریدی
بیر یهودیه قزا جشن و ضیافت واریدی
جلسه ائتدی او مجلسده ستمگر نسوان
نقشه طرح ایلدی بیر عده یهودیه زنان


یاخشی فرصتدی گلون فاطمه نی خوار ایلیک
مجلسه دعوت ائدوب روحینه آزار ایلیک
سندیراق محنت و آلامه گرفتار ایلیک
گورسون اجلاسمیزی رنج و ریاضت چکسون
گوزی دوشسون بیزه بو حالدا خجالت چکسون


گیمیشوق بیز هامومز رخت حریر و عالی
هامونون خوشدی بو مجلسده بوگون احوالی
واریدی زینت و دستبند و قزل خلخالی
سهلیدور فاطمه نون زیبی بو اندازه دگل
کهنه کوینگ گینور معجری ده تازه دگل


بیر کنیز ائتدیله زهرا ایوینه فوری روان
یتیشوب محضرینه عرض ایلدی فاطمه جان
قدمون رنجه بویور لطف ائله ای فخر زنان
مجلس جشن عروسیده یرون بوشدی خانم
طویون اهلی سنی گوزلور سنه دلخوشدی خانم


مطلبی درک ائلیوب بیلدی ندر کیف و کمی
او کنیزی یولا سالدی خانمون آرتدی غمی
آغلادی گلدی دیله وحی ایوینون محترمی
ای کریم ازلی واقف اسرار خفا
آتاما تاج رسالت ائلین لطف و عطا


گوشه گیرم بیلوسن بیر کسه یوخ دردسریم
واردی بو زندگی سادیه حسن نظریم
کچور عزتله بو کاشانه ده شا و سحریم
دعوت ائتمیش منی طوی بزمینه مغروره زنان
وئره لر زیب و زرین بزمیده زهرایه نشان


او یهودیه زنانیکه چکوب نقش جفا
بودی منظورلری فاطمه مجلسده سنا
چوخی سابقده کنیزیدی خدیجه آناما
آنامون ثروتی ترویج دیانتده گیدوب
کهنه پوش اولماقا اسلام منی تابع ائدوب


منزله قویدی او اثناده قدم ختم رسول
گوردی چوخ غصه لیدی حال پریشاندی بتول
یوز دوتوب فاطمیه اولما دیدی ذره ملول
سن بو گون فلسفۀ عزتی درک ائتملی سن
ذات حق امر ائلیوبدور او طویا گئتملی سن


درک ائدوب فاطمه فرمایش خیرالبشری
بوشلادی دلده اولان غصه نی رنج و کدری
حق رضاسی دیدی وار نیلیورم زیب و زری
گیدوب الساعه فراموش ائدرم موکبیمی
سالارام باشیمه من وصله لی چادر شبیمی


ایستدی خارج اولا اودن او مرضیه مقام
جبرئیل اندی رسول حقه عرض ائتدی سلام
وئردی بیر بوقچا اونا رخت بهشتیدی تمام
ذات حق دوزمدی زهرانی خجالتده قویا
گیینوب فاطمه گئتسون بو لباسیله طویا


جنتون رختینی زهرا گیینوبدور بدنه
نعمتون عشقینه شکر ایلدی نعمت وئرنه
شاد اولوب احمد مختار دیل آچدی سخنه
کیم دولانسا دئدی عالمده رضای حقیله
گیینور البسه سندس و استبرقیله


مجلس جشنه طرف اولدی او صدیقه روان
دوره سین آلمیشیدی باطناً حوران جنان
ایشیدوردی اولارون زمزمه سین گوش زنان
گلمیشوق خادمه لیک رمزینی اثبات ایلیک
قدمون قوی گوزوموز اوسته مباهات ایلیک


خانما منتظریدی او یهودیه زنان
ناگهان عطر بهشتی اولارا وئردی تکان
مجلسون اهلی باخوب صحن سرایه نگران
گوردیلر حضرت خاتون قیامتدی گلور
گل خوشبوی گلستان رسالتدی گلور


ادامه دارد👇👇


@shoaravamadahantabriz

احوالات ام حبیبه
#گریز_به_احوالات_کوفه



غرفه دن ام حبیبه اولارا باخدی بیر آز
اشاقا دوشدی اوزون بیلمدی تاخیره مجاز
ئوز ئوزیله بیله فکر ایلدی اول محرم راز
سارالان گل کیمی افسرده اولوبدی بالالار
نان و خرما آپاروم من ایله بیل آجدی بولار


حق تصدق ورن اشخاصه وئرر یاخشی جزا
کاروان اسرایه یتیشوب الده غذا
نان و خرماسینی تکلیف ایدوب هر خردا قیزا
ددیلر غرفه نون اوستن اورگون یاندی بیزه
بیز تصدق یمروخ نقص یتر شأنیمیزه


سرپرستوز دئدی کیمدی کیم آچار مشگلوزی
او خانمدور دئدیلر ایلیور ارشاد بیزی
هی با خور نیزده دالدان کسیلن باشه گوزی
بیر سینیق محمل ایچینده اوتوروب باش یارالی
شامه سر گشته گئدوللر باجی قارداش یارالی


محمل زینبی قصد ایلدی قاچدی قاباقا
گورجاقین زینب اونی باشینی سالدی اشاقا
گه گچوب ام حبیبه صولا گه گچدی ساقا
گلمیشم نچه سوالیم ددی وار سندن اسیر
بس نیه گزلدوسن صورتوی مندن اسیر


سنی تاری دئ گوروم هانسی یرون ملتی سوز
آدوزی خارجی دیلر هارا جمعیتی سوز
سولموسوز گل کیمی یا اینکه غذا حسرتی سوز
قلبیزون دردینی بیر کیمسیه روشن دمیسوز
کوفه نون اهلی تصدق گتورور سیز یمیسوز


نسبتوز واردی کیمه کیمدی سیزون جد و ابوز
اولما گمنامسوز اعرابیده یوخدور لقبوز
یا کی الچاقدی سیزون سلسلوز اصل و نسبوز
طعنه لی سوز خانمین قان ائلدی گوز یاشینی
دیزی اوستن یوخاری قوزادی فوراً باشینی


هر مؤذن دئدیکی مأذنده وئرسه اذان
بابامون آدینی بش وقت ائلیور گونده بیان
باخما سن ایندی کیچیلدوبدی بیزی دور زمان
آتامین پنجه سی دوتموش منیم اسلامه سپر
آنامین شوقیله درگاهینی حورالر ئوپر


کیمدی بیزدن یاخنی درگه اعلای حقه
اوزوگون وئردی نماز اوسته آتام مستحقه
هل اتا اهلینه عالمده یاراشماز صدقه
ذکر ائدوب بیرده تصدق سوزون اینجیتمه بیزی
دردیمیز چوخدی بیزیم قوی چکک اوز دردیمیزی


گورورم چوخدی دئدی قلبیده درد و محنون
هیجان گتدی منیم قلبیمه رمز سخنون
او اوزوک بذل ائلین شخص آتان اولسا سنون
عشقیمون پایه سینی عالمه من بیلدیرم
سنه زینب دئسه لر من ئوزومی ئولدورم


ولی من سهو ایئدورم کوفه هارا زینب هارا
وار کیمین قدرتی آیا اونی شامه آپارا
آلتی قارداشی اولاندا دولانار باشدا قرا
من دیین زینبون اجلالینه نقصان یتمز
او علینون قزیدور تخت روانسیز گتمز


من دئین زینب هارا گئتسه هواداری اولار
علی اکبر کیمی یولاردا پرستاری اولار
من دیین زینبون عباس جلوداری اولار
او خانم گلسه اگر محملینه گل سپولر
باملردن نه سنون تک باشنا کول سپولر


من دیین زینب ایدوب کوفه ده بش ایل سکنا
اورگدوب کوفه نون عورتلرینه درس حیا
اونی زهرا بجروب مثلینی گورمز دنیا
قد رعناسی قرا زلفی گوزل صورتی وار
نه سنون تک آغاران ساچلاری خم قامتی وار


بسدی ای ام حبیبه دئدی قان اولدی اورک
سن دین زینبم اما ایویمی یخدی فلک
کوفه ده سفرۀ جودیمده یین نان و نمک
ال چالور بام لر اوستونده توکور کول باشیما
داش آتور نیزده قرآن اوخیان قارداشیما


یادیمه سالما جلالتله کئچن گونلریمی
سندروبلار خبرون یوخ نجه بال و پریمی
صاق صولومدا گزن عباس و علی اکبریمی
ایسته سه گوگلون اگر نیزه لرون باشینه باخ
صورا کلثومیله لیلا گوزونون باشینه باخ


واژگون اولدی سلیمان زمانون تختی
یدّی قارداش باجیسی گییدی اسارت رختی
قاره بخت ایلدی دنیا نجه گور خوشبختی
حاجتی یوخ دیمگه مسئله روشندی سنه
بیله قالماق گئنه واللهی شجاعتدی منه


او اوجا نی ده کی باش که گوروسن نورانی
یوز گوزی کولدی محاسندن آخور القانی
او حسینیمدی منیم فاطمه نون ریحانی
باجیسی ئولسون اونون خولی سالوب گور نه حالا
زینبون حقیدی بونداندا گرک تز قوجالا


@shoaravamadahantabriz

مرحوم_حسینی_سعدی_زمان
امام_رضا_ع
گریز_به_شهادت_حضرت_علی_اکبر_ع
______________________
✍
یوزون_قویوب_قوری_توپراقه_چوخ_ملالیله
دیردی درد دلین بو زبانحالیله


چخوبدی عرشه فغانیم اوغول جواد ئولورم
یتوب دوداقیمه جانیم اوغول جواد ئولورم


ویروبله زهر جفا اود دوتوب یانار جگریم
واریمدی درد نهانیم اوغول جواد ئولورم


اَلیم ئورکده، یوزیم یرده، گوزلریم قاپودا
اولوبدی ورد زبانیم اوغول جواد ئولورم


ئولنده گَل یوزیمی باری قبلیه دوندَر
یوخومدی کیمسه گمانیم اوغول جواد ئولورم


ئوزوم غریب، یانیمدا باجیم عیالیم یوخ
وطن دگُل بو مکانیم اوغول جواد ئولورم


اَسوب سموم ستم سولدی گلشن عمریم
یاخونلاشوبدی خزانیم اوغول جواد ئولورم


قویوب جفائیله مامون بالالاریمی یتیم
گُل اوزلی تازه جوانیم اوغول جواد ئولورم


ودایع نبوینی گَل ایلیوم تسلیم
قالا یانوندا نشانیم اوغول جواد ئولورم


یانیمدا یوخ گوزیمی باغلیان غریبم اوغول
فراقه یوخدی توانیم اوغول جواد ئولورم


منی ایدوبدیله جدّیم حسین کیمی مظلوم
دوروب دوداقیده قانیم اوغول جواد ئولورم


دیوب بو سوزلری مظلوم امام اولوب بیتاب
گَلوب جوانی باشی اوسته ویردی بیله جواب


سرشک توکمه عذاره بابا دیمه ئولورم
جواب ویر بو فکاره بابا دیمه ئولورم


گوزیوی آچ گله آغلار گوزین فداسی اولوم
یوزیمه ایله نظاره بابا دیمه ئولورم


غم فراقیله قلبیم یانوب نه مدّتدور
بو قلبه سالما شراره بابا دیمه ئولورم


مدینه دن سسون آلدیم فغانیله گَلدیم
باخ عارضیمده غباره بابا دیمه ئولورم


یوزیوی توپراقا قویما، گوتور باشون یردن
آلوم باشیوی کناره بابا دیمه ئولورم


بو نوعیله اوره گون باشینی اوغوشدورما
غمون دور ایله شماره بابا دیمه ئولورم


آنام باجیم بیبیم آغلار، بابا یولون گوزلر
ندور عیالیوه چاره بابا دیمه ئولورم


سولوبدی گُل کیمی رنگون گورر یتیم اوغلون
فغان ایدر چو هزاره بابا دیمه ئولورم


غریب جانیوه قربان اولوم آز آغلا بابا
گوز آچ اماندی دوباره بابا دیمه ئولورم


پوزوبدی حالیمی بیحد بو پوزقون احوالون
ترحّم ایله بو زاره بابا دیمه ئولورم


دیوب باباسنا بو سوزلری امام جواد
عذاره گوزیاشی جاری ایدوب، چکوب فریاد


غریب طوس آچوب گوز گوروب جوان اوغلین
باسوبدی جان کیمی آغوشه اول زمان اوغلین


سالوبدی بوینونا قول، گَلدی مرغ دل هوسه
آتا بالا ایکیسی ویردیلر نفس نفسه



#گریز_به_شهادت_حضرت_علی_اکبر_ع


ئولونجه وار یری گَلسم فغان و فریاده
الهی بو نه گوزل آرزودی دنیاده


قوجا آتا آچا گوز جان ویرن زمانینده
جوان اوغول گوره یارب دوروبدی یانینده


اورکده نسگلی قالماز گیدر غمی او زمان
باخار جوانینه جانانه جان ویرر آسان


بونون برابری مافوق بلکه نسگلدور
بو مطلب عکس اولا هر بیر آتایه مشکلدور


قوجا آتا گوره جان اوسته نوجوان اوغلین
قالار نه حاله آتا گورسه اول زمان اوغلین


حسین نه حاله قالوب بُلمورم، خدا بُلوری
گورنده جدّی شبیهی جوان اوغول اُلوری


او حالی هر گوره نین اختیارینی آلوری
قلجلانوب باشی، قان ایچره اَل اَیاق چالوری


بدنده یاره لری چشمه چشمه قان ویروری
نفس باتوب، گوز آخوب، توپراق اوسته جان ویروری


ایکی اَلیله گوتوردی امام دل خسته
آلوبدی پارچالانان باشینی دیزی اوسته


سیلوبدی گوزلرینون قانینی اولوبدی ملول
بویوردی آچ گوزون ای جدّیمون شبیهی اوغول


سحر ستاره سی تک تیز غروبه یتدون اوغول
قویوب غریب آتاوی تک بو چولده گیتدون اوغول


شل اولسون اَلری کیم ووردی باشیوه شمشیر
بو یاره نون ایدوری سوزی قلبیمه تاثیر


گُل اوزلی تازه جوانیم آنان گوزیندن ایراق
ایدوبله پیکریوی برگ گُل کیمی اوراق


نه قَدر سسلدی دیندوردی سیّد الشّهداء
جواب گَلمدی، بیر صیحه چکدی وا وَلَدا


اوغول باشینی گوتوردی باسوب اورک باشنا
سووومادی اورگی، شدّت اولدی گوز یاشنا


باشین قویوب یره اشکیله دولدورب گوزینی
اوغول جنازه سی اوسته سالوب او شه اوزینی


یوزین قویوب یوزینه قان قاریشدی گوز یاشنا
دیدی اوغول اولا توپراق بو عالمین باشنا


غریب آتاندا عزیزیم نه تیز بیله دویدون
اوزون گیدوب منی دشمنلر ایچره تک قویدون


او قدری آغلادی، سس چکدی، ایلدی شیون
باخوب او حالینه اودلاندی سنگدل دشمن


گوروردولر اوغولون زخم جسمی قان ویروری
باخان او حاله دیردی حسین جان ویروری


اوغول یوزیندن ایدنده یوزین امام کنار
ایدوب نظاره نه گوردوله قوم کینه شعار


آتا محاسنین ایلوب خضاب اوغول قانی
او حالی وار یری یاندورسا کون و امکانی


بو شاهزاده ((حسینی)) حسینه سوگُلیدور
شبیه ختم رسل گلشن وفا گُلیدور

@shoaravamadahantabriz

عید قربان
گریز به دهه محرم و شهادت حضرت علی اکبر (ع)

مرحوم انور اردبیلی

امر ایلدی خلیلینه خلاق ماسوا
اسماعیلی گرک ایده سن شوقیله فدا

آندیردی اوغلونا بو سوزی حضرت خلیل
ایستور فدا اوغول سنی خلاق بی دلیل

امر اِلهیه دیدی دلدن موافقم
هر امره سن رضا اولاسان منده شایقم

قلبی رقیق اولار آنون ایلمز توان
هاجردن ایتدیلر اودی که مطلبی نهان

حکم خدانی قویمادیلار بی عمل قالا
قربان گونی منایه گلوبدور آتا بالا

حاضر اولوبلا دائرۀ امتحانده
اوز اوغلونا دئدی آتا آخر زمانیده

اولسا وصیتون منه اوغلوم منه بیان ایله
هر بیر سوزون آنووا واروندور عیان ایله

عرض ایلدی واریمدی نچه خواهشیم آتا
سر منزله یاخوندی وفا قافلون چاتا

باغلا الیمی گوزلریمی شوقیله اوزون
باشیم کسنده گوزلریمه دوشمسون گوزون

باشسیز جنازه نی بابا حمل ایتمه منزله
بیرده مناده قال بو گیجه گیتمه منزله

مشگلدی چوخ مصیبته تاب ایده آنام
آسوده بلکه بو گیجه نی خواب ایده آنام

بیرده بابا سولاندا منیم عمر گلشنیم
باشیم کسنده قوی یوزیمی تپراقا منیم

ایتدی بیان هامی سوزونی ایلدون قبول
آخر سوزون ولی منی چوخ ایتدی دل ملول

گلشنده گل سولاندا دوشر یاپراق اوستونه
من قویمارام سنون یوزوی تپراق اوستونه

#گریز

ای جامۀ نشاطینی هر دهّه ده سویان
قاره گیوب آدینی حسین عاشقی قویان

بو مجلس عزاده گلون همّت ایلیک
دشت غمه خلیلون اوزین دعوت ایلیک

میدان کربلاده دوروب سینه داغلاسون
گلسون حسینون اکبرینه باخسون آغلاسون

تپراقلار اوسته گوردی حسین اوغلینون یوزون
قان لخته سی باشیندان آخوب دولدوروب گوزون

نظم وجودینی ووروب اوخ نیزه بیربیره
صد برگ گل کیمی داغیلوب گوئیا یره

معبودون عشقی باشدا دیز اوسته اوغول باشی
آز قالدی قان اولا او شهون گوزده گوز یاشی

قویدی یوزون اوغول یوزینه دینجَلَنمَدی
هی سسلدی آتا بالانی نطقه گلنمدی

بو صحنۀ بلانی ویرن اولمیوب سراق
باخدی آتا جوان بالاسی چالدی ال ایاق

آهیله سالدی عالم امکانه شور و شین
بیر کیمسه اولمادی دیه که آغلاما حسین

مشکل اولوب حسینینه درک ایتدی مسئله
زهرا قیزی یتوردی اوزین فوری مقتله

اولموشدی اشک ماتمه آلوده معجری
تلّی انوب قاچا قاچا اوخشوردی اکبری

ای محنتی حسینی سالان حالیدن حالا
ای برج معرفتده ایشیقلی آیوم بالا

وی دشت کربلایه آخان سو کیمی قانی
قربان اولا آخان قانوا عمّه وون جانی

بیر حالدا گوردی زینبینی شاه کربلا
یاددان چخوبدی اکبرینون دردی برملا

تاب ایتمدی باجیسنی اُول حالیده گوره
فوراً اوغول باشینی دیز اوستن قویوب یره

سنسیز دئدی دئمه اورگیم دینجلور بالا
مندن گلایه ایلمه عَمّون گلور بالا

یوخسا آتون قوراردی عزا مجلسی گنه
قویمازدی قان دوتان یوزوی تپراق اوستونه

دلده آدون قویوبدی گوزی یاشلی قزلاری
منله دانشموسان دو بیبونله دانش باری

@shoaravamadahantabriz

شهادت پیامبر اسلام صلی الله علیه و آله
گریز به قتلگاه

مرحوم حسینی سعدی زمان

یارانمیوبدی وفا خلقتینده دنیایه
اگر اولیدی وفاسی ایدردی طاهایه

ندندی اولمادی ویران بو عالم فانی
او گون که ایتدیله مسموم شاه بطحانی

رسول اکرمه تاثیر ایدوبدی زهر جفا
سالوب اَیاقدان، ایدوب بستری او مولانی

دایاندی قابض الارواح باب امّیده
مخاطب ایتدی سلامیله آل طاهایه

دیدی رسول خدایه رسولم عرضیم وار
مهیب صوتی سالوب اضطرابه زهرانی

دیدی مریضدور ایمدی، گورَنمه سن بابامی
کِرار ایدوب ملک الموت ازلکی عنوانی

اوچومجی مرتبه حاله گَلوب رسول اَنام
سوروشدی مطلبی دولدوردی چشم گریانی

دیدی اودور ملک الموت، قابض الارواح
اجازه آلمیوب آلماز او پیک ربّانی

ولی سنون قاپیوین احترامینی ساخلور
اگرچه یاندوراجاقدور بو درگهی ثانی

اجازه حاصل اولوب، گَلدی ایلدی تعظیم
پیمبر ایستدی ترک ایلسون بو دنیانی

حسن صاقندا حسین صولدا باشی اوسته علی
ایاق طرفده بتولین اوجالدی افغانی

حسین اَلین گَتیروب قویدی سینه سی اوسته
گَتوردی درده همان حال شاه مردانی

دیدی گوتور الیوی سینه سین آغیرلاتما
اوغول حسین گوروسن جدّیوین چخور جانی

ویرنده جان بو حسین یاعلی اولیدون کاش
گورِیدون اورداکی اوضاعی قانلی میدانی

آغوردی شمرون ایاقی و یا حسینون اَلی
نه نوع شرح ایلیوم بو ملال عظمانی


#گریز #قتلگاه #حسینیه_شهادت


عزیز فاطمه نون شمر چخدی سینه سینه
یارالی سینه سینون باخمادی آخار قانی

امام گوزلرین آچدی بویوردی ای ظالم
چخوب بو سینیه تیترَتمه عرش رحمانی

یارالیم اُلورم بی مروّت اینجیتمه
سوسوز بو چولده گَل اُلدورمه بو لب عطشانی

قوناق آدیله گَتیردون منی بو صحرایه
مگر بو ذلّتیله اُلدورلّه مهمانی

دوداقلاریم قوریوب، اود دوتوب یانور جگریم
سالوبدی سوز عطش زحمته بو نالانی

خلیل وارثیم کربلا منادی منه
اوزیمی ایلمیشم کوی عشق قربانی

کَسنده باشینی سو گوستَرولّه قربانه
گَل عکس ایلمه قانون شرع غَرّانی

سو ویر منه بیر ایچیم باشیمی کَسورسن کَس
یاخوندی یاندورا آهیم بو کون و امکانی

شهادت امرینه اَل وورما ای «حسینی» دایان
دولاندوروب سوزی یاز حال شاه مردانی


@shoaravamadahantabriz

#دفن_حضرت_علی_ع
#گریز_به_دفن_شهدا
____________

بخش_1

آتدی دنیانی گوزوندن تاجدار هل اتی
ایلدی آل عبایه عالمی ماتمسرا

زینب کبری یولا سالدی آتا تابوتینی
بوینی چیگنینده ٫ گوزی یاشلی ٫ دلینده وا ابا

اوزگه بیر کیفیتیله نعشینی حمل ایتدیلر
گورمیوبدور بیله تشییع جنازه ما سِوا

پیش تابوته دگولدی ظاهرا حامل اولان
باطنا تابوتی حمل ایتدی ملکلر جابجا

پشت تابوتی صاقیندان حمل ایدردی مجتبا
صول طرفدنده یاپوشمیشدی غریب کربلا

سوز غلط دوشمز دیسم نعشین قباقینجه دوشوب
ایلیوردی حضرت روح الامین بیله ندا

ایله استقبال گرم ای تربت پاک نجف
سنده گلدی دفن اولونسون افتخار اوصیا

جان کیمین آغوشه آل گل جسمین ای خاک عزیز
غبطه ایتسون شانوه هفت آسمان٫ عرش خدا

بو علیدور خسته حالیله سنه مهمان گلور
باغریقان ٫ افسرده خاطر ٫ دل یارا ٫ باشدا یارا

بو علیدور اودلی دیلده واردی بیر دنیا غمی
دردی وار داغلار بوئی ٫ ئوز آدی هر درده دوا

بو علیدور تک لیقیندا جان مجموع جهان
دوتدی بیگانه صفتلر لیک اونی بی آشنا

آلدیلار حقین الیندن ایتدیلر خانه نشین
قالدی ائوده تک ٫ انیسی اولدی آه جانگزا

یرمی بش ئیل صبر ایدوب دوزدی بو امره شاهدیم
عین فی العین قذا دور بیرده فی الحلق شجا

بسکه گوردی بی وفالیق امت بی مهردن
خلقدن گتدی کناره تاپدی حال انزوا

گورمه سین تا کیم ایکی ئوزلی مسلمانلار یوزین
چولده اوز عمرین گونون باشه ویروب بو مقتدا

گاه گیزلینجه گئدوب چاهه دیردی دردینی
درد آلان کیمسه تاپولمازدی اورک دردین آلا

ملت اسلام الیله اولین مظلوم دی
امت قرآن الیندن چوخ گوروب جور و جفا

انجیدوب صوری مسلمانلار ٫ یورولموش خسته دی
آل کناره راحت ایت ای خاک پاک پر بها

بو عدالت روحی دور ٫ اوز عدلینه قربان اولوب
دار دنیادن گوزون اورتوب ٫ گلوب سنده یاتا

خسته دور ٫ قانی گیدوب ٫ چوخ باش یاراسی کاری دور
گوزله اینجیتمه ٫ بو جان مصطفادور ٫ مرتضی

دوردی تابوتین قاباق سمتی ٫ قاباقدان ناگهان
قویدولار تابوتی یر اوسته او دم دلده نوا

گوردیلر بیر قبر حاضر ٫ باخدیلار تاریخینه
حضرت نوح نجی ٫ قازموشدی قبری گوئیا

قبریدن بیر بیله سس گلسیدی چوخ با جائیدی
گل یولوندا انتظارم من نه مدتدوور آقا

چوخ یوروب صوری مسلمانلار سنی ٫ دلخسته سن
سینم اوسته یات بیر آز دینجل سن ای فخر التُّقی

سن منیم سینمده یاتسان فخر اعظمدور منه
چوخ تاپارسان تک وجودیله مقام ارتقا

چوخ اسفلی منظره اولدی کنار قبریده
ایستدی دین باغبانین گللری قبره قویا

آچدیلار گل تک سولان رخسارین آه و وائیله
محو مهر و عاطفت اولدی حسین و مجتبی

یوز یوزه قویدی آتائیله ایکی دلبندلر
آتش دل سونمه دی بو آیریلیقدا مطلقا

مجتبا ٫ نعشین اگیلدی باسدی جان تک باغرینا
هم قوجاقلاشدی او نعشیله غریب کربلا

آه او ساعتدن ترابه تاپشریلدی بو تراب
مجتبا قویدی آتا رخسارینی توپراقلارا

حیف او گل رخسار سولدی همدم اولدی خاکیله
حیف ایله قامت که یاتدی توپراق آتدا جابجا

حیف ایله بیر باغبانه کیم ایاقدان سالدیلار
گللری چیگنینده بوئنی قالدیلار دلده نوا

حیف اولا بیر دللرین دردین آلان درد اهلینه
درد دل صاحبلرین هجرانی ایتدی بی دوا

حیف او رافت بخش ابوالایتامه یاتدی قبریده
قالدی ایتام و ارامل یولدا گوزلر ٫ بی غذا

حیف او امید فقیران که ترابه قویدی باش
قالدی بیر عده فقیر و دلشکسته بی رجا

حیف اولا بیر چاره ساز و و چارهء درماندگان
گیتدی ٫ باشسیز قالدیلار بیر عده درده مبتلا

حیف او مولا گئتدی الدن کول آلندی باشلارا
شیعه نی ایتدی عزالی آلدی دللردن صفا

حیف او شاهین فضای دین قالوب پروازدن
سست عنصر کرکسه اما وسیع اولدی فضا

حیف ایله قرآن ناطق که خموش اولدی خموش
ویرمدی فرصت او شاهه بو جهان تنگنا

بیله تشییع جنازه بیله دفن و کفندن
یاده دوشدی دفن وکفن شهریار کربلا

دوشدی قالدی گون ایوینده فاطمه اوغلی حسین
قانه غلطان ٫ خسته ٫ یورقون ٫ سر بسر پیکر یارا

دفن و کفنه حضرت سجاد گلدی کوفه دن
گوردی واردی کربلا دشتینده بیر عالی صفا

باخدی اول قانلی بیابان ایله عطریله دولوب
عطر آپارور جنته هر دم اسور باد صبا

جویبار عشقدور دوشموش ایاقدان سرولر
گل کیمی خندان اولوب یتمیش ایکی گلگون قبا

ادامه دارد👇👇👇

مقدمۀ خروج امام از مدینه منوره

.
مرحوم عاصی تبریزی
.
عاشق همیشه رسمدی درد و بلا چکر
دلدن بلا بلايه ديوب ابتلا چکر
.
صبر ائیلر هر مشقت و رنج و مصیبته
گلسه ئولونجه باشنه هرنه قضا چکر
.
ائتمز گلایه محنتی ائتدوقجه ازدیاد
هر قدر اولسا دوست یولوندا جفا چکر
.
آخر اولار جلای وطن ترک خانمان
بالمرّه مال و ملكنه خط فنا چکر
.
اهل و عیالنی گوتوروب چوللره دوشر
هر بیر یره که عشق ائیلیوب اقتضا چکر
.
هر عشق صاحبی دوزه بولمز بو زحمته
اوّل قدمده گورسه بلا واردی پا چکر
.
امّا حسین که سرور عشّاقدور اونی
کوی نگاره وارد اولان مدّعا چکر
.
یعنی حجازی ترک ائیلیوب شاه نینوا
دشت عراقه باشداکی شور و هوا چکر
.
قربانلارین یاننجه سالوب وارث خلیل
کوه منابه دلده کي شوق منا چکر
.
گویا معاینه گورورم نوجوانلارین
الله یولوندا اهل حرمدن سوا چکر
.
کالای عشقه چونکه خریداریدی او شه
بازار عشقه ائتدوقی بیع و شرا چکر
.
بیر بیر گئدر قتاله جوانان هاشمی
گورجک آنا بالاسینی وامحنتا چکر
.
لیلا گورنده شبه پیمبر جنازه سین
دلدن یانوب، ترانه وامصطفا چکر
.
هل من معین سسی یتشنده قولاقنه
فوراً عروس الیندن الين کدخدا چکر
.
طوی حجله گاهی باخماز اولار تعزیت سرا
یا نوعروسی، نی کیمی دلدن نوا چکر
.
یا یاخمیوب طویوندا حنا واردی حسرتی
داماد الينه قرمزی قاندان حنا چکر
.
عبّاسی ئولدورنده او قوم ستم شعار
زینب خیمده ناله واضیعتا چکر

.
گُل تک عطش پوزار سارادار اصغرين بوزین
اظهارینه آنا، آتاسندان حيا چکر
.
بیر شربه سو تاپانماز هامی خیمه گاهده
ويرسون بالاسینا آنا واذلّتا چکر
.
سو دگمیوب دوداقنه اوچ گوندی یوخ سودی
هم آجدی هم سوسوزدی بالا آه و وا چکر
.
گاهی سالوردی سینه سینه بلکه یوخليا
یاتماز بالاسی ناله او بخت قرا چکر
.
گاهی دورار خیامی گزر سو تاپا گورر
فریاد العطش هامی آل عبا چکر
.
گَه عمّه سی قوجاقه آلوب لای لای دیر
آغوشه گه سكينۀ غم آشنا چکر
.
آخرده تیر حرمله سیراب ائدر اونی
قلب حسینه داغ همین ماجرا چکر
.
ائلر تبسّم آندیرار اول سروره سوزین
خجلت او حاله چون گورر اول مقتدا چکر
.
یعنی دیر سو اولمادی چوخ اولما دلفگار
جنتده انتظاریمی خیرالنسا چکر
.
قایتر خیامده یارامی باغلاسون آنام
بو رسمدور بابا، بالانازین آنا چکر
.
#گریز #وداع
.
بیر ماجرا مجسم اولور لوح سینه ده
امّا قلم بیانینه نی تک نوا چکر
.
گویا گورور اورک گوزی سلطان دین دوروب
خيمه مقابلنده وداعین ندا چکر
.
یعنی باجی گلون گئدورم بیرده گلمرم
ميداندا انتظاریمی شمر دغا چکر
.
آلجاق سسین توکولدوله دیشره مخدّرات
واغربتا حریم شه قل کفی چکر
.
وقت شهادتی گئچوری قویموری گنده
دوتموش قولون بیری، اتگین بیر بالا چکر
.
گاهی بیری قولون آتنون بوینونا سالور
گاهی الین ایاقین ئوپور وا ابا چکر
.
قویموش بیری الین سوسوزوندان دوداقنه
یعنی بو تشنه حسرت بیر شربه ماء چکر
.
اوچ گوندی دگمیوبدی سو تشنه دودانیمه
خجلت گورون نه قدر بالادان آتا چکر
.
بير نوعيله اوزیندن آیردی بالالارين
بول ایندیده او حاله نوا انبیاء چکر
.
زینب بویاندا ساکت ائدوب آغليانلاری
کلثوم اویاندا شه قباقنجه لوا چکر
.
عاصی بو آستانده صرف ائيله عمریوی
حق عمریوین حسابینی روز جزا چکر
.
اشغال ائتمسون سنی بیهوده فکرلر



@shoaravamadahantabriz

#شهادت_حضرت_معصومه_شهادت
#گریز_به_شهادت_حضرت_زینب_س
#شرح_جلالت_و_کیفیت_پیراهن_امام__حسین_ع
___________________________
✍
بخش7

نه کوینک عالم امکاندا رتبه ده تک دور
آناسی فاطمه نی آغلادان او کوینک دور
__________◾◼◾__________
نه کوینک عالم آرا یوخ نظیری عزتده
بهشت عدنده ده یوخ لباس او قیمتده
__________◾◼◾__________
نه کوینک البسه خلددن گوزل یلمق
نظیر اولانماز اونا سندسیله استبرق
__________◾◼◾__________
نه کوینک ایلر اونا غبطه گیسوی حورا
گلنده حشره سالار باشینه اونی زهرا
__________◾◼◾__________
نه کوینک اولموش اونون تار و پودی مایه غم
تیکر او کوینگه گوز حشرده هامی عالم
__________◾◼◾__________
نه کوینک اولسا کلیسایه بیر تلی زیور
شرفده بیت خدایه کنشت فخر ایلر
__________◾◼◾__________
نه کوینک عالمه او نشر ایدوبدی قرآنی
مین اوچ یوز ایلدی سویوبلار یوولمیوب قانی
__________◾◼◾__________
نه کوینک آغلادار عصرین امامین اول کوینک
سویولمیوب ایمدیه دین بیر لباس او کوینک تک
__________◾◼◾__________
نه کوینک اولماز اونون قیمتی ایکی دنیا
حسین او کوینگی گیمیشدی روز عاشورا
__________◾◼◾__________
نه کوینک عالمیانه مبشر رحمت
او کوینک اوسته حسینه یتیبدی چوخ محنت
__________◾◼◾__________
نه کوینک اوخ یاراسیندان اولوبدی صد پاره
همان او کوینک ایدوب زینبی گونی قاره
__________◾◼◾__________
نه کوینک اولسا اجازه بتول عذرادن
آچار منیم قلمیم پرده بو معمادن
__________◾◼◾__________
او قدر صاحبینه اوخ قلج وروب اعدا
اولوب مشبک او ثوب عتیق سر تا پا
__________◾◼◾__________
اجازه ویرسن اگر یا بقیه الاخیار
اشاره سین ایدرم خاکپایوه اظهار
__________◾◼◾__________
یارالارین قانی یکسر قمیصی دوتموشدی
گون ایستیسی بدنه ضم ایدوب قوروتموشدی
__________◾◼◾__________
یانان دلی اویولوب جدوین او کوینگیله
دری لری سویولوب جدووین او کوینگیله*√
__________◾◼◾__________
او پیرهنده نه وار ای تمام عالمه رب
فقط اوزون بیلوسن بیرده بینوا زینب
__________◾◼◾__________
باسوبدی باغرینا علت ندور او مظلومه
ویریلسه شرح قالار شرح حال معصومه
__________◾◼◾__________
@shoaravamadahantabriz

#احوالات_حضرت_معصومه_س
#دفن_حضرت_معصومه_س
#گریز_به_دفن_حضرت_رقیه_س
___________________________

بخش8

او گونکه قمدا گل باغ بوتراب سولوب
جوار رحمته معصومه روحی واصل اولوب
__________◾◼◾__________
ایشیتدیلر که اولوب خواهر امام غریب
گوروندی شهریده بیر شور و ازدحام غریب
__________◾◼◾__________
مخدرات گلوب نی کیمی نوا دلده
ویروبله غسل اونا وا محمدا دیلده
__________◾◼◾__________
عزا بساطی قوروبلار غریب اولن خانما
تمام عزتیله ایتدیلر کفن خانما
__________◾◼◾__________
دیدیله قارداشی یوخ بوردا اشکبار اولسون
گلون عزاسینی بیز قویمیاخ که خوار اولسون
__________◾◼◾__________
ویروبله سس سسه آهیله سینه داغلادیلار
دویونجا اوخشادیلار بیر دویونجا آغلادیلار
__________◾◼◾__________
اولا جنازه سینین احترام و تجلیلی
اوجالدی اهل قمین جمله بانک تهلیلی
__________◾◼◾__________
نوا و ناله تهلیلیله فضا دولدی
گوتوردولر جسدین بابلانه نقل اولدی
__________◾◼◾__________
بو بابلان هارادور عرض ایدوم اولون آگاه
همان او یردی که ایندی اولوب زیارتگاه
__________◾◼◾__________
همان او یردی گوزل گنبد و مناره سی وار
باخان دئیر که فلک دور مه و ستاره سی وار
__________◾◼◾__________
همان او یردی گیدر پاک شیعه فوج به فوج
او یردن ایلر اذان و دعا سسی گویه اوج
__________◾◼◾__________
او نعش طاهره نی گتدیلر اورا احباب
درست ایتدیله دفن ایلماقه بیر سرداب
__________◾◼◾__________
بو مطلب اولدی ولی آل سعده مایه غم
ذکور طائفه سیندن یانیندا یوخ محرم
__________◾◼◾__________
بو بیر خانیمدی که بوندا بویوک جلالت وار
بونی مزاره قویا کیمده بو لیاقت وار
__________◾◼◾__________
او کیمدی رخت علایق وجودیدن سویسون
گیروب مزاره آچوب صورتین یره قویسون
__________◾◼◾__________
بو باره ده چوخ اولوب صحبت و سوال و جواب
صلاح کاری گوروب بوندا عاقبت احباب
__________◾◼◾__________
که وار قبیله ده بیر خادم فرشته ضمیر
تقی و اورع اهل قبیله چوخ چوخ پیر
__________◾◼◾__________
مطیع قادر قهاردور آدی قادر
سفارش ایلیه لر تا گلوب اولا حاضر
__________◾◼◾__________
قویا امام قیزین قبره قالمیا یرده
گینه گتوردی بو سوز غملی قلبیمی درده
__________◾◼◾__________
ندن امام حسینون قیزی رقیه نی بس
خرابه ده قویا قبره تاپولمادی بیر کس
__________◾◼◾__________
باخوب او حاله یانوب اهل عالم لاهوت
نه بیر کفن گتورن نه تاپولدی بیر تابوت
__________◾◼◾__________
غرض سفارش ایدوب اهل قم گله قادر
ولیه اللهی دفن ایتماقا اولا حاضر
______________◾◼⬛______
___________◾◼⬛__

@shoaravamadahantabriz

#دفن_حضرت_معصومه_س
#گریز_به_کوچ_از_قتلگاه
___________________________
✍
بخش10
همینکه قبر قویولدی او عصمت علیا
درست ایلدی بیر سقف بوریا موسی
__________◾◼◾__________
او سقفی ایلدی موسی بنا بو منظوره
که سایبان اولا اول قبر پاک و پر نوره
__________◾◼◾__________
گونون حرارتی دوشسه او قبره خفت اولور
نظرده خوار اولور قبری, هتک حرمت اولور
__________◾◼◾__________
امام باجیسی دور چون او قبرده نائیم
مزاری اوسته گرک سایبان اولا دائم
__________◾◼◾__________
قلم بو یرده حسینی گنه سوزی آزدی
اولونجه شیعه حسینه گر آغلاسا آزدی
__________◾◼◾__________
اذیتی گونون اولماز مزارده یاتانا
چتیندی گون دوشه بیر عور قانینه باتانا
__________◾◼◾__________
قالاندا عور یارالی تن امام غریب
تاپولمادی اونا بیر سایبان ویرن ترتیب
__________◾◼◾__________
گون ایستی قانلی قوم اوستی بدن دولی یاره
بسان گل داغلوبدور او جسم صد پاره __________◾◼◾__________
باجیسی زینب کبری گلنده قتلگهه
تعجبیله نظر سالدی بیر یارالی شهه
__________◾◼◾__________
نه گوردی وار نه باشی نه لباسی پیکرده
لباس سهلیدی یوخدور بیلکده اللرده
__________◾◼◾__________
گورنده واردی نه باش نه لباس قارداشدا
مدینه سمتینه یوز دوندروب الی باشدا
__________◾◼◾__________
آدیله سسلدی اوز جدینی او دریا دل
جفای اهل جفادن آچوب شکایته دل
__________◾◼◾__________
دیدی بابا بو حسینوندی قاننه غلطان
کسوبدولر دالیدان نازنین باشین عطشان
__________◾◼◾__________
یارالی جسمده واردور نه پیرهن نه قبا
نه واردی خامس آل عباده بیرجه عبا
__________◾◼◾__________
عمامه سین آپاروبلار ستمله تاراجه
یارالی باشی چخوب نوک نی ده معراجه
__________◾◼◾__________
گوروب که ویرمدی جدی او بی پناهه جواب
دونوب حسینه طرف ایلدی دوباره خطاب
__________◾◼◾__________
دی بیر گوروم یارالی سن منیم حسینیم سن
باشیم اوجالیقی عالمده , نور عینیم سن
__________◾◼◾__________
هدایتین گونی نولدی کی گون کیمی باتدون
سبب نه اولدی نظردن عیالوی آتدون
__________◾◼◾__________
هدایتین گمیسی نولدی قانه غرق اولدی
غریق بحر بلا جمله غرب و شرق اولدی
__________◾◼◾__________
تمام عالمه سن دست یاریدون یارالی
ید الله اوغلی ید کردگاریدون یارالی
__________◾◼◾__________
سنون جهاندا الون اوستونه بر ال یوخودی
مقام عز و شرفده سنه بدل یوخودی
__________◾◼◾__________
بو خلق آرا سنیدون مظهر حق بی چون
نه اولدی اولدون اراذل النده بیله زبون
__________◾◼◾__________
تمام عالمه فلک نجاتیدون قارداش
حقیقتا اوزون عین الحیاتیدون قارداش
__________◾◼◾__________
او قدرتیله تعبد یولون نشان ویردون
قوری دوداقیله باخدون فراته جان ویردون
__________◾◼◾__________
سوئی سنون یوزوه باغلیان زمان اعدا
اولیدی کاش جهان قانیله دولی دریا
__________◾◼◾__________
سنون باجون دگل آیا بو خانه سی ویران
کسیلدی چاره سی بالمره قوم و قارداشدان

@shoaravamadahantabriz