╚═══════════ ▫▫▫
#حضرت_علی_اکبر_ع
#وداع
_______________________________
✍
قلج چکوبله قتلوه بو لشکر جفا علی
آنان رضادی سنده گیت قضایه ویر رضا علی
______________◾◼◾__________
خیال وصل یاریله باشندا وار خیال اوغول
بویانسا قانه راضیم بو زلف و خط و خال اوغول
آنالیق حق زحمتین من ایلدیم حلال اوغول
خلیل کربلا سنی ویروبدی چون فدا علی

______________◾◼◾__________
عبث دگل که زحمتون چکوب تحمل ایتموشم
نه عارض گله باخوب نه سیر سنبل ایتموشم
هامی مرام قلبیمی بو گونده حاصل ایتموشم
اوجالدی باشیمی باشون اوجالدا گر جدا علی
______________◾◼◾__________
بو گیتماقوندا هر قدر یتشسه غم اوسانمارام
کمال دلخوشام علی باخوب دالینجا یانمارام
مین اوغلوم اولسا سن کیمی فدا ویروب دایانمارام
بو دور مرید عشقه چون مراد و مدعا علی
______________◾◼◾__________
دوتاللا ایمدی بولموشم گروه کین کناریوی
توکلله قانوی علی آلوللا اختیاریوی
دایانما قاتلون چکور یول اوسته انتظاریوی
باشون ویر ایله منقذی بو قید دن رها علی
______________◾◼◾__________
او هاجرم گتورموشم اوغول منایه گوندرم
اوزوم بزندروب یولا سالام یوزیمی دوندرم
گرک من ای درخت گل بو گون که گون گلون درم
هانی درخت گلده بو طراوت و صفا علی
______________◾◼◾__________
وجودون اتولسا بند بند علی شکایت ایتمرم
یارالی نعشون اوستنه یتونجه کامه یتمرم
دالونجا گلم ای اوغول دیمم که شامه گیتمرم
باشون جداده اولسا گر قباقدا رهنما علی
______________◾◼◾__________
قباقدا سن گیدن یولا بابان علی دلیل اولوب
طریق حقی گوسترن سلالیه سلیل اولوب
آخوبدی قانی سجده ده بسان سلسبیل اولوب
فنای محض اولوب تاپوب حقیقتا بقا علی
______________◾◼◾__________
کنار طره کجون دولوبدی پیچ و تابیله
دیار عشقی دولدوروب شمیم مشک نابیله
نه یاخشی پر فروش اولوب گوزومده کی گلابیله
یتورسه شامده اگر بو نکهتی صبا علی
______________◾◼◾__________
اوغول نه نوعیله که سن اجابت ایتموسن ازل
حسین یولوندا الماقون الوب قضای لم یزل
آناوادا دیوبدولر اسیر اولوب دمشقه گل
همان بیر عهدی دور که دل ویروب آنا بالا علی
______________◾◼◾__________
دیمم که ویرمه ای اوغول قلج قباقنه باشون
آناوی روسفید ایدر بلشسه قانه گوزیاشون
نه ایستیوبله تک سنی – رواندی یار و یولداشون
بو مشقی اهل عشق اوچون ویروبدی مرتضی علی
______________◾◼◾__________
خوشا اوشخصه (صافیا) باشوندا عشق شوری وار
او شور عشقدن اونون اورکده بیر سروری وار
او کس که قلبنون خدا محبتیله نوری وار
چکر الونجه واحسین – دیر الونجه یا علی
__________________◾◼⬛______
_______________◾◼⬛_________
___________◾◼⬛____________


https://tttttt.me/joinchat/AAAAAEHee97Eo5uvSOVokQ
╔ ▫▫▫ ═══════════╗

مرحوم_قمری_دربندی
#خروج_از_مدینه
#وداع_فاطمه_ام_البنین_س_با_امام_حسین_ع
__________________________
__________________________
✍
رجوع قیلدی درست ایتماقا بساط سفر
تمام یاور سلطان دین صغیر و کبیر


خصوص تازه جوانان هاشمی فطرت
ویرردی جمله سی تخت روانینه زینت


ایشیدیلر اوجالوب طرقوا صداسی گلور
شهنشه نجفین یار مه لقاسی گلور


دیردیلر یول آچون یا معاشر الاحباب
زمین ماریه سقاسینین أناسی گلور


نه گوردولر که یتوب کاروانه ام بنین
یاپوشدی دوتدی علمدار کربلا نین الین


آپاردی محضر پاک امام والایه
دولاندوروب باشینا ایتدی عرض مولایه


فدا اولوم سنه ای کاینات مولاسی
علی اکبره قول ویر میشم بو عباسی


اگر قبول ایلسن ای امام عرش فراش
بو اوغلوم اوغلووا نوکردی من سنه قره واش


بویوردی سرور بطحا ایا ملک منظر
بو قدر ویرمه حسینه بیله خجالتلر


اوزون منه آناسان اوغلون همزبانیمدور
وفالی قارداشیم عباس جسم و جانیمدور


بو سوز تمامه یتوشموشدی گوردیلر یاران
اوجالدی خلق آراسیندا آهیله افغان


ایدوب نظاره خلایق نه کوردولر ناگاه
جناب جعفر طیارین اوغلی عبدلله


گلور یانینجا ایکی نوجوان لاله عذار
دیر فغانیله ای سبط احمد مختار


قوجالموشام من اوزوم یوخدی طاقت سفریم
منیم یریمه عوضدور بو نور دیده لریم


عم اوغلوووندا بولار تحفه محقریدور
ولی ایکی قوزی بیر قوچ فدا برابریدور


زمین کرببلا ایچره ای امام زمان
کرگ ازل اولالار اکبر اوغلووا قربان


سوزین تمام ایدوب اول پیر ناتوان علیل
دوروب کناریده گوز یاشینی ایدردی سبیل


او دمده چونکه بفرموده امام امم
گلوب کجاوه لره اگلشوبدی اهل حرم


حرمسرا قاپوسیندان اوجالدی سس ناگاه
نجیبه زینب بنت علی ولی الله


کنار اولون چکیلون نور حق ضیاسی گلور
حریم لم یزلین بانوی حیاسی گلور


عروس جعفر طیارخواهر حسنین
جلال مخزنینین در پربهاسی گلور

او کیمسه دور بو گلن عورت ای معاشر ناس
أچاندا باشینی گون چخماقا حیاسی گلور


چکیلدی خلق کناره تمام پیر و جوان
جلال و کوکبه فاطمیه اولدی عیان


چخوب حرم قاپوسیندان بعز و ناز و ادب
حسین باجیسی خیر النسا قیزی زینب


کنیز لر دوزولوب هم صولوندا صاقیندا
دوروب نظامیله قارداشلاری قباقینده


ألوب أرایه اونی هاشمیه عورتلر
گیروبله قولتوقنا قاسم و علی اکبر


بو شوکتیله یتن وقته بانوی دو جهان
قباقینه چکیلوب زر نگار تخت روان


باخاندا تخت روانه او بنت اشرف ناس
ویروب ایاقینین ألتینا چکنینی عباس


یاپوشدی قولارینی مکه و حرم شاهی
خطاب قیلدی که ای برج عصمتین ماهی


بویور جلالیله تخت روانه بسم الله
گرک عراقه گیده پیشخانه بسم الله


بویرده خاطریمه دوشدی دشت کرب و بلا
کباب اولوب اورکیم یاندی آه و واویلا


او دم که ماریه دشتینده روز عاشورا
همین بو زینب محنت نصیب بخت قرا


جفائیله قولی باغلی ایکی گوزی گریان
برابرینه چکن دمده ، ناقه عریان


غرض مدینه دن اول زاده ولی الله
اولوب جلای وطن قیلدی عزم بیت الله


فلک زمانیه بیر شور و آه و وا سالدی
عیال فاطمه نین دردی بی دوا قالدی


بس ایت بو قصه نی ((قمری))جهانی دوتدی الم
یازاندا شرح مصیبت شراره دوتدی قلم

مرحوم_حقیر_خوئی
#وداع_حضرت_سیدالشهدا_ع
__
__
✍
گل ای جفای فلکدن قدی کمان زینب
زمین ماریه ده زار و ناتوان زینب

گیدن دمشقه کیمی شمر شوم النده اسیر
دیار کوفه ده زنجیره باغلانان زینب

بو گورماقیم سنی چون آخرین وداعیمدور
دوباره گوماقا یوخدور داخی گمان زینب

سنیله وعده دیدار محشره قالدی
بیله مدار ایلدی دور آسمان زینب

وصیتیم بودی صبر ایله ای وفا کانی
گلنده قتلیم ایچون شمریله سنان زینب

گورنده شمر گلور الده خنجر خونخوار
مباد یالواراسان شمره الامان زینب

اوزوم بلانی قبول ایتموشم ازل گوندن
گلور ظهوره بو گون بیر به بیر عیان زینب

کسر بو گون باشیمی شمر یدی ضربتیله
گرک ویرم ره جاناندا تشنه جان زینب

اوز اختیاریمیله ویرموشم قضایه رضا
بلایه سینه می ویرم اوزم نشان زینب

دوشر بو گل بدنیم پاره پاره صحرایه
اولور بو قانلی باشیم زینت سنان زینب

عیالیمی سنه تاپشوردوم ای حیا کانی
یتیم اوشاقلارا غمخوار و پاسبان زینب

بلا نقدر گلور سن بلایه صبر ایله
وفالی عاشقی ایلله امتحان زینب

ملول اولما اگر شام پرجفاده سنه
خرابه یر ویره لر منزل و مکان زینب

اگرچه شمر آپارا مجلس یزیده سنی
مباد ترک ایده سن صبری بیر زمان زینب

او وقت خرمن صبر و قراره ویرما شرر
ویراندا لبلریمه چوب خیزران زینب

شفاعتیم گچه جاقدور (حقیره) محشرده
اولوب مقدمه شامه نوحه خوان زینب


@shoaravamadahantabriz

#وداع_امام_حسین_ع
____________
✍
حسیـن تعجیللن گئتمه ایاق ساخلا دایان قارداش
دالونجه گورگوزوم یاشی نجه اولموش روان قارداش

دوشوبدور جانیمه رعشه گلوبدور خاطریم درده
گوزوم یاشـی آخار آمال کاریم نقش اولور یئرده 
بویور قارداش گوروم گئتسن گلورسن خیمیه بیرده 
و یا اینکه امان وئرمز سنه بو کوفیان قارداش 

سنـه زحمتدی عرض ائتسم من نالانی بیر دیندیر 
و یا کی تک به تک بو جمع سرگردانی بیر دیندیر 
جوان اوغلی اولوب قلبی یانوب لیلانی بیر دیندیر 
یاخوندی آیریلا روحی ائده تسلیم جان قارداش

شرار نار هجرانه وروب بیله اتک گئتمه
سنی یالقوز گوروب روحیم گلور آردونجه تک گئتمه
یول اوسته صف چکوب هشتاده تک قاره لئچک گئتمه
دولان بیر اهل بیتون گور نجه ایلر فغان قارداش

سکینه مرغ بسمل تک حسین چوخ اضطراب ایلر 
اونون اول مضطرب حالی منی بی‌صبر و تاب ایلر 
ایله حسرت باخور آغلور ئوره‌‌ک باشین کباب ایلر 
تسلـی وئـر اولا آرام بلکـه بیـر زمان قارداش 

آنام زهرادن ازل گون دؤزوم سرمشقنی آلدیم 
جهاندا هر غمه دؤزدوم عجب دور اؤلمدیم قالدیم 
اولوم میداننـه آخر سنی عطشان یولا سالدیم 
منیم تک بیر مصیبت‌کش وئرن یوخدور نشان قارداش

آتام رحلت ائدن گوندن اگر چه شور و شینیم وار 
حسین ایله حسن تک من دیردیم نور عینیم‌وار 
حسن کی گئتدی دنیادن دئدیم قارداش حسینیم وار 
گئدورسن سنده بس نیلوم من بی‌خانمان قارداش 

دایان اطرافوی بیرده حسین اهل حرم دوتسون 
دئمه‌ شه سن سپاهون یوخ سنی نامحترم دوتسون
اجازه وئرقباقنده باجین زینب علم دوتسون 
شکسته گورمسون حالون باخاندا کوفیان قارداش 

بو قدری بی‌پناه عورت اوشاق غربت ولایتدی 
بدنلر بیـد تک لرزان حسین گویا قیامتدی 
سنی اؤلدورسه‌لربوللم بو قومون قصدی غارتدی 
نه باشلاردا قالار معجر نه رخت بانوان قارداش


@shoaravamadahantabriz

مقدمۀ خروج امام از مدینه منوره

.
مرحوم عاصی تبریزی
.
عاشق همیشه رسمدی درد و بلا چکر
دلدن بلا بلايه ديوب ابتلا چکر
.
صبر ائیلر هر مشقت و رنج و مصیبته
گلسه ئولونجه باشنه هرنه قضا چکر
.
ائتمز گلایه محنتی ائتدوقجه ازدیاد
هر قدر اولسا دوست یولوندا جفا چکر
.
آخر اولار جلای وطن ترک خانمان
بالمرّه مال و ملكنه خط فنا چکر
.
اهل و عیالنی گوتوروب چوللره دوشر
هر بیر یره که عشق ائیلیوب اقتضا چکر
.
هر عشق صاحبی دوزه بولمز بو زحمته
اوّل قدمده گورسه بلا واردی پا چکر
.
امّا حسین که سرور عشّاقدور اونی
کوی نگاره وارد اولان مدّعا چکر
.
یعنی حجازی ترک ائیلیوب شاه نینوا
دشت عراقه باشداکی شور و هوا چکر
.
قربانلارین یاننجه سالوب وارث خلیل
کوه منابه دلده کي شوق منا چکر
.
گویا معاینه گورورم نوجوانلارین
الله یولوندا اهل حرمدن سوا چکر
.
کالای عشقه چونکه خریداریدی او شه
بازار عشقه ائتدوقی بیع و شرا چکر
.
بیر بیر گئدر قتاله جوانان هاشمی
گورجک آنا بالاسینی وامحنتا چکر
.
لیلا گورنده شبه پیمبر جنازه سین
دلدن یانوب، ترانه وامصطفا چکر
.
هل من معین سسی یتشنده قولاقنه
فوراً عروس الیندن الين کدخدا چکر
.
طوی حجله گاهی باخماز اولار تعزیت سرا
یا نوعروسی، نی کیمی دلدن نوا چکر
.
یا یاخمیوب طویوندا حنا واردی حسرتی
داماد الينه قرمزی قاندان حنا چکر
.
عبّاسی ئولدورنده او قوم ستم شعار
زینب خیمده ناله واضیعتا چکر

.
گُل تک عطش پوزار سارادار اصغرين بوزین
اظهارینه آنا، آتاسندان حيا چکر
.
بیر شربه سو تاپانماز هامی خیمه گاهده
ويرسون بالاسینا آنا واذلّتا چکر
.
سو دگمیوب دوداقنه اوچ گوندی یوخ سودی
هم آجدی هم سوسوزدی بالا آه و وا چکر
.
گاهی سالوردی سینه سینه بلکه یوخليا
یاتماز بالاسی ناله او بخت قرا چکر
.
گاهی دورار خیامی گزر سو تاپا گورر
فریاد العطش هامی آل عبا چکر
.
گَه عمّه سی قوجاقه آلوب لای لای دیر
آغوشه گه سكينۀ غم آشنا چکر
.
آخرده تیر حرمله سیراب ائدر اونی
قلب حسینه داغ همین ماجرا چکر
.
ائلر تبسّم آندیرار اول سروره سوزین
خجلت او حاله چون گورر اول مقتدا چکر
.
یعنی دیر سو اولمادی چوخ اولما دلفگار
جنتده انتظاریمی خیرالنسا چکر
.
قایتر خیامده یارامی باغلاسون آنام
بو رسمدور بابا، بالانازین آنا چکر
.
#گریز #وداع
.
بیر ماجرا مجسم اولور لوح سینه ده
امّا قلم بیانینه نی تک نوا چکر
.
گویا گورور اورک گوزی سلطان دین دوروب
خيمه مقابلنده وداعین ندا چکر
.
یعنی باجی گلون گئدورم بیرده گلمرم
ميداندا انتظاریمی شمر دغا چکر
.
آلجاق سسین توکولدوله دیشره مخدّرات
واغربتا حریم شه قل کفی چکر
.
وقت شهادتی گئچوری قویموری گنده
دوتموش قولون بیری، اتگین بیر بالا چکر
.
گاهی بیری قولون آتنون بوینونا سالور
گاهی الین ایاقین ئوپور وا ابا چکر
.
قویموش بیری الین سوسوزوندان دوداقنه
یعنی بو تشنه حسرت بیر شربه ماء چکر
.
اوچ گوندی دگمیوبدی سو تشنه دودانیمه
خجلت گورون نه قدر بالادان آتا چکر
.
بير نوعيله اوزیندن آیردی بالالارين
بول ایندیده او حاله نوا انبیاء چکر
.
زینب بویاندا ساکت ائدوب آغليانلاری
کلثوم اویاندا شه قباقنجه لوا چکر
.
عاصی بو آستانده صرف ائيله عمریوی
حق عمریوین حسابینی روز جزا چکر
.
اشغال ائتمسون سنی بیهوده فکرلر



@shoaravamadahantabriz

شأن عزادار و گریز به #وداع امام حسین علیه السلام

مرحوم استاد ملّا حسین #دخیل_مراغه_ای


هر کیم حسابِ شدّتِ روزِ شمار اِیدر
گُوز یاشینی بو بَزم ده سان سیز نِثار اِیدر

هر کیم تُوکه سرشگ عُذاره قطاریلَن
آل رسولیلَن اُوزونی هم قطار اِیدر

باشَه وورار بیری ، بیری آغلار ، بیری باخار
هر کیمسه اوز محبّتینی آشکار اِیدر

گُوز یاشینی تُوکنده دوتار شیشیَه مَلَک
هر قطره سین یگانه دُرِ شاهوار اِیدر

محشر گونی او دُرَّه اُولور مشتری خدا
قیمت ده اهل خُبره نی چون اختیار اِیدر

صرّافِ کربلا سُوزونی صرفه َلی بولَر
هر نه دِیسه امام حسین اعتبار اِیدر

گوز یاشینین قتیلی چون اول گوهره باخار
باخدیقجا گوز یاشینی توکوب آه و زار اِیدر

اطرافِ اَرضِ محشره بیر گُوز دولاندورار
وانگاه جستجوی یَمین و یَسار اِیدر

آغلار دیَر گوزوم ایشیقی اکبریم هانی؟
بو گوهری اونون گُوزی کامل عیار ایدر

مخصوص دور بو دُرّ چون اول نورِ عینیمه
سُکّان عین نور گُوزون نوری تار ایدر

جانلار جواهرینه جواهر فروش اُولان
قیمت او دُرّه مغفرت کردگار ایدر

بیر صاحبِ بصیرت اگر عبرت ایلیه
بی اعتبار دَهره ، نجه اعتبار ایدر

اولادِ مصطفانی جلای وطن قیلار
آل زنا یرین حرمِ زرنگار ایدر

عمّامه سیز حسین باشین نیزیه ورار
اما یزیده حرمت ایدوب تاجدار ایدر

قرآنیله ، قرابیه بیر یرده یِر وِیرَر
زین العبادی داخلِ بزم قُمار اِیدر

کونده وورار اَیاقینه دوشسون اَیاقدن
شُرب اهلینه ایاغ ویروب پایدار ایدر

کونده وورار اَیاقینه دوشسون اَیاقدن
شُرب اهلینه ایاغ ویروب پایدار ایدر

زنجیری سیّدِ قرشی بوینونا ورار
نسبت ده دیلم و حبش و زنگبار ایدر

جَهلیله چون مدینه ِیِ علمی ایدر خراب
اول شهر ، شهریارینی بی شهریار ایدر

چرخین نقدر عداوتی وار اهلِ حقّیله
هر یرده بیر عزیز گوروب ، خوار و زار ایدر

سلطانِ مکّه و حرم و یثرب و یمن
عزمِ جهادِ معرکه ِیِ کارزار ایدر

یالقوز قالوب او چولده جلودار ایستیوب
دُلدُل سوار اوغلونی ، زینب سوار ایدر

آتلاندیرور حرم حرمی مکّه شاهینی
نسلِ حرامی ، محترمِ روزگار ایدر

بیر پادشاهِ تختِ کرامت (دخیلیم)
بی دخل اولاندا شاه اُوزونه دَخلدار ایدر.

التماس دعا

@shoaravamadahantabriz