#رجائی

#شهادت_موسی_بن_‌جعفر_ع

گورسنور آثارِ محنت عالمِ امکانیده
جان ویروب موسی ابن جعفرگوشهء زندانیده

نچه ایل حسرتله غربتده قالوب آغلار گوزی
درد و محنتدن دونوبدور تیره شامه گوندوزی
عبدِ صالح شهرتی ، باب الحوائجدور اوزی
دردینی ایتسون بیان ، عاجز قالان درمانیده

گر باخا چشمِ بصیرت ، اولمیه مانع حجاب
واردی اوضاعِ کواکبده گورر بیر انقلاب
بو غریبون حالی زهرانی ایدوبدور دلکباب
جدّینی آغلار قویوبدور روضهء رضوانیده

عترتین ترک ایلدی غربت اولوبدور مسکنی
اول غریبه سِجنده یر ویردی هارونِ دنی
ظلمتِ مسطوره دن عرشه چیخاردی شیونی
عرض ایدردی بارالها صادقم پیمانیده
.
بیر چخور یرده ایدردی صدقیله راز و نیاز
متصل شغلی اولوردی گه دعا گاهی نماز
اولنمازین قیمتین بلمز ندور اهل مجاز
کشف ایدر اهلِ حقیقت معنی قرآنیده

بی سبب بولمه عدو زحمت اونا هر آن ویروب
آنلا گور علت ندور زنداندا یالقیز جان ویروب
آند اولا اوز جانینه دینه اوزین قربان ویروب
معرفت اهلی تانولار دینیده قربانیده

بیر وجودیکه مقدس دینینه ناموس اولا
قبرینه شاه وگدالر یوز قویا پابوس اولا
گور نجه انصافدور زنجیریله محبوس اولا
حدّدن چیخمیشدی هارونِ دنی طغیانیده

منده یوخدور شرح حالین یازماقا تاب و توان
نه طریقیله قالوبدور حبسیده چوخدور یازان
جان ویرن وقتینده سسلردی اوغول بس هارداسان؟
گوزلریم آغلار قالوب یول گوزلورم هر آنیده

چرخِ اطلس سیردن قالماز اونون یوخ چاره سی
وار یری تغییر تاپسون ثابت و سیاره سی
گور بو یاره چوخ چتیندور یا قلج اوخ یاره سی؟
بو ستم گورسنمیبدور آلِ بوسفیانیده

امرینه هارون ایدوبدور بیر شقینی انتخاب
شمردن بی رحم و بی انصافیدی خانه خراب
حجة الله نه روادور جدّوه ایتسون عتاب
بلمورم بو نه شقاوتدور او سست ایمانیده
.
یارسول الله اوزون دور قبریدن امداده گل
سِند الیندن اوغلوی قورتارماقا بغداده گل
عرض ایدیم مطلب ندور سن ناله وفریاده گل
اعتذاریم وار ولی عرض ایتدوقوم عنوانیده

وار یری زهرا بهشتِ عدنیده ماتم قورا
حشر اولونجا شیعه نین قلبین بو محنت یاندورا
نه روا سند ابن شاهک اوغلووا سیلی وورا؟
بیکس و مظلوم امامی انجیده زندانیده

عرصه نی از بسکه تنگ ایتدی اونا اهل جفا
ضعفیدن ایتدی تصرّف جسمینه بادِ صبا
برگِ گل تک میل ایدردی گه صاقا گاهی صولا
وار بو تاثیری نسیمون بوطهء ریحانیده

باش قویاردی سجدیه اول بیکس و بی اقربا
روز و شب اوز حالینه آغلاردی ایلردی نوا
یوز دوتاردی درگهِ معبوده سویلردی خدا
صبر قیلام هر بلایه قدرتِ امکانیده

من دیمم زندان ، بو یر جای عبادتدور منه
سن بولورسن عمده مقصودیم اطاعتدور سنه
زهرِ کین تأثیر ایدوب باعث اولوبدور شیونه
قالمیوبدور اختیاریم سینهء سوزانیده

نچه ایلدور قالمیشام حسرت من اوز اولادیمه
گوز یاشیم قانه دونر هر دم دوشنده یادیمه
راضیم تیز جان ویرم ملحق اولام اجدادیمه
یانمیشام نارِ فراق و آتشِ هجرانیده

ای اولان حُکمنده عرش و فرش و کلِ ماسوا
من غریب و بیکسی زندانیدن قورتار خدا
بیرجه گورسم باشیم اوسته اگلشوب اوغلوم رضا
نوشِ جاندور بذل ایدم جان محضرِ جانانیده

مستجاب ایتدی دعاسین ، سویدی الله ناله سین
قورتولوب زنداندا عمری اولغریب و بیکسین
جان ویرنده باشی اوسته گوردی اوز دادرسین
آختارور ایستکلیسین هر جان ویرن دورانیده

یادیمه دوشدی بو محنتدن غریبِ کربلا
جان ویرن دمده اودا قانلی گوزون آچدی خدا
سینه سی اوسته گوروب شمرِ شریری برملا
قالمامیشدی حالِ دعوا اول شه عطشانیده

ضعف ایدوب حاله گلنده آشنا بیر سس آلوب
گوزلرین آچدی گوره کیم نعشینه سایه سالوب
گوردی قاتل پنجسینده زینبی یالقیز قالوب
تازه قان آثاری واردور خنجرِ برّانیده

سسلدی یالوراما قاتل بی مروّتدور باجی
سن بلورسن مقصدیم فیضِ شهاتدور باجی
دین یولوندا هر مصیبت جانه منّتدور باجی
سنده صبر ایت سربلند اول محضرِ جانانیده

باشیمی زهرا آنام معناده آغوشه آلوب
سن قایت گیت خیمگاهه عترتیم یالقیز قالوب
وار نه علت گور سکینم شورشِ محشر سالوب
صبره قیل دعوت اوزون صغرانیده کبرانیده

ای (رجائی) چخما مطلبدن کناره بیر دایان
چکمه ال باب الحوائج دامنیندن هیچ زمان
آغلا صدقیله اونا قیل دردیوی بیربیر بیان
آغلاسان یانماز وجودون آتشِ نیرانیده.

التماس دعا

مرحوم خوندل تبریزی
.
سند الیندن گلمیشم جانه آنا یافاطمه
سنده گل بغداده زندانه آنا یافاطمه
.
.
کاش اولیدی ای آنا آزاده لردن بیر نفر
شعلۀ آهیله قلبیم تک یانیدی مختصر
بیر دییدی رحمسیز هارونه ای بیدادگر
سیلی ورمازلا مسلمانه آنا یافاطمه
.
.
من بو خلوتگاهیده جانانیله همرازیدیم
محو وصل یاریدیم عشاقدن ممتازیدیم
حلقۀ زنجیریمیله روز و شب دمسازیدم
شکر ایدردیم حىّ سبحانه آنا یافاطمه
.
.
قویمادی افسوس اولا دشمن منی اؤز حالیمه
یاد یاریله یتم قلبیمده کی آمالیمه
حالیمی احساس ایدر هر کیم باخار احوالیمه
گوز یاشیم آخدوقجا دامانه آنا یافاطمه
.
.
بیر گجه مندن اولور زنداندا زجریله سحر
قاتلیمده بیر گجه تخت زر اوسته صبح ایدر
وای او گوندن موج ایدر دریای قهر دادگر
غرق اولار ظالم او طوفانه آنا یافاطمه
.
.
ایتمدی رفتار دشمن منله بیر انسان کیمی
قلبیمی یاندیردی زهری آتش سوزان کیمی
قطره قطره قان دوداقیمده دوروب مرجان کیمی
لاله تک باغریم دونوب قانه آنا یافاطمه
.
.
نه عزیزیم وار آنا گورسون ملال فاشیمی
قلبی یانسون حالیمه سیلسون منیم گوز یاشیمی
نه قیزیم معصومه وار آلسون دیز اوسته باشیمی
همدم اولسون بو پریشانه آنا یافاطمه
.
.
واردی نه بیر اهل دل احوالیمی بیلسین منیم
گوگلومی آلسین ملالیم بلکه اسکیلسین منیم
نه گلور اوغلوم رضا گوز یاشیمی سیلسین منیم
بیر سو سپسون سوز پنهانه آنا یافاطمه
.
.
ایمدی جان ویرسم بو حالیله اگر زنداندا من
نه ایلیم وار نه قبیلم نه گلن وار نه گیدن
کیم مزاره تاپشورار کیم بس منه ایلر کفن
کیم گلر شام غریبانه آنا یافاطمه
.
.
چون ایدوب مشمول رحمت خالقیم اوز بنده سین
گون کیمی گورّم ایشیق تاریخمین آینده سین
مرگ باغلار هر گجه محکوم اولا پرونده سین
آشنا یا اولسا بیگانه آنا یافاطمه
.
.
سندی گورسم رنگ رخساریم دیمه قاچماز منیم
طایر روحیم بو خاکی دامدن اوچماز منیم
دشمن بی عاطفه زنجیریمی آچماز منیم
جان ویرم آسوده جانانه آنا یافاطمه
.
.
من آنا باشه یتوردوم باشدا کی تقدیریمی
اهل دل باخسا وجودیمدن گورر تصویریمی
قاتلیم ئولسمده آچماز جسمدن زنجیریمی
ظلم ایدر بیروح انسانه آنا یافاطمه
.
.
جان ویرنده دفنه راجع بیر وصیت ایلرم
بو مقیّد جسمیله محشرده شرکت ایلرم
منتقم اللّهه دشمندن شکایت ایلرم
انتظارم من او دیوانه آنا یافاطمه
.
.
نوکرون «خوندل» بو درگاهه قویوب چوخدان یوزون
وار سنه آرتوق ارادت اوندا آگهسن اوزون
قویما قالسون ننگدور بیگانه اللرده گوزون
تا قوتارسین عمری شاهانه آنا یافاطمه
.

بخش 1

بو رایی ایلمیشم اوزلیقیمدا من تصویب
ایدم قضیّه ی موسی بن جعفری تعقیب


ایدر گوزوم یاشی شرمنده بحر عمّانی
سالاندا یادیمه هرآن غریب موسانی


او گونکه دوتدولا موسی بن جعفری اشرار
دیار بصریه گوندردیلر او مولانی


قالوبدی بصره ده بیر مدّت اول امام غریب
ولی مُوَکّلی گوزلردی رسم مهمانی


امامه ایتمزیدی هتک حرمت و آزار
روا او سروره گورمزدی جور و ایذانی


بُلوب بو مطلبی هارون که والی بصره
چوخ احترامیله ساخلور او شاه والانی


گوتوردی یازدی یولا سال امامی بغداده
مُوکّلی یولا سالدی او شاه دورانی


نجه گَتوردیله بُلمم بو قدر عرض ایدورم
یوزینده ظاهریدی انکسار پنهانی


ندندی اولمادی بر باد خطّه ی بغداد
اسیر گَتدیله بغداده شاه بطحانی


ایدوب عنادینی هارونِ بی حیا ظاهر
گَتوردی نالیه دوردومجی گویده عیسانی


پیمبر اوغلونا ووردوردی بیر آغور زنجیر
غم و مصیبته سالدی بتول عذرانی


او شاهه ایلدی سِند بن شاهکی مامور
خراب اولیدی گوروم کاش کون و امکانی


یازولّا سِندی شقاوتده شمریدن برتر
اونون یانیندا نه حارث، نه زجر و نه ثانی


امامی محبسه سالدی ولی نجهمحبس
قصوری وار قلمین شرح ایده او زندانی


نه حبس خانه دل اهل کفر تک تاریک
گونوز اولوردی او محبس چو لیل ظلمانی


دینمورم نجه یر، تو به تو اوزی ظلمت
مورّخین ایدر کشف بو معمّانی


خبرلرین بودی مفهومی محبس هارون
چو قعر چاهیدی، مرئی دگولدی پایانی


قوجا امام او محبسده اون بیر ایل قالدی
صباح و شام اوجالدی سپهره افغانی


نه بیر گَلَن، نه گیدن، نه انیس، نه مونس
انیسیدی اوزینه محنت فراوانی


گئجه صباحه کیمی نی کیمی سیزیلداردی
نشان ویرردی سرشکیله نوح طوفانی


هدایتین گونی اولدی ضعیف مثل هلال
خسوفه دست قضا سالدی ماه تابانی


خزانه دوندی بهاری، سارالدی گُل رنگی
پوزولدی فاطمه نین باصفا گلستانی


نماز صبحی قیلاردی قویاردی سجدیه باش
اولوردی ظهره کیمی وردی ذکر سبحانی


نماز ظهری قیلاندان صورا ایدردی سجود
زمان عصره کیمی یاد ایدردی جانانی


ایدردی سجده ده ناله نماز مغربه تک
قیلاردی روشن او زندانی آه سوزانی


عشا نمازی قیلاندان صورا امام حلیم
خدای قادره سَبحیده ایدردی طولانی


نماز صبحه کیمی سجده ده بلالی باشی
توکردی گوز یاشی رخساره اول بلا کانی


ایدردی هر گئجه گوندوزده بیر وضو تجدید
اوخوردی ناطق قرآن همیشه قرآنی


قویاندا سجدیه باش بیر نفر باخِیدی اگر
او قعر چاهیده گورمزدی شکل جسمانی


باخان گورردی او زنداندا کهنه بیر جامه
محالیدی ویره تشخیص واردی انسانی

#سعدی_زمان

بخش 2

گورردی منزلی خلوت، ایدردی راز و نیاز
دیردی باشه یتوردوم الهی پیمانی


سُوَردیم اولمیا اغیار بزم رازیمده
هزار شکر مرامیمده یوخدی نقصانی


غریبه یردی بو یر، بزم راز خلوتدور
بنا ایدوب منه گویا بو مَحبَسی بانی


قویِیدیلر قالا آسوده کاش محبسده
اذیّت ایلمیِیدی زمانه دونانی


آناسی فاطمه دن رخصت ایستورم بو سوزه
پوزار بو شرح مصیبت آناسی زهرانی


ایله امامی اَریتمیشدی بوته ی محنت
او حبس خانه ده تشریح محضیدی جانی


دیسم دویولماقینون اصلی وار حیا ایدورم
دیسم غلطدی ندور بس زیارت عنوانی


سلام اولا او شهه سِجن ده معذّبیدی
گورردی دشمن بی رحم اَلینده ایذانی


ایدر بو مطلبه گویا اشاره زوّاری
سالار خیاله او محبسده کی قضایانی


او قدر جسمینی سخمشدی حلقه ی زنجیر
دامارلاریندان آخاردی گئجه گونوز قانی


یارالامیشدی مبارک اَیاقلارین کُنده
دینمورم او شهه یوز ویرن بلایانی


بو قدر عرض ایده بُلّم سوموک لری اوغولوب
باخان گورردی اَیاقینده رنگ مرجانی


غریب امامی ایله حاله سالدی سِند دَنی
چَتین او حاله سالار ارمنی مسلمانی


دایاندی بیر یره ایش گوردی یوخ داخی چاره
امام میل ایلدی زهردار خرمانی


دوداقلاریندان آخوب قانی، اودلانوب جگری
دوباره دن پوزولوب حالت پریشانی


مسیّبی چاقوروب محضره امام غریب
بویوردی آز قالوری ترک ایدم بو دنیانی


گیدم بالالاریمی ایستورم وداع ایلیم
ایدم خموش وصالیله نار هجرانی


دیدی مسیّب اوزاقدور مدینه بغداده
بویون بلاسین آلوم ای حجاز سلطانی


منی مقصّر ایده للر سنی خلاص ایلسم
بو حبسخانه نین آخِر منم نگهبانی


امام ویردی جواب ای مسیّب اولما ظنین
اسیر ایدوب منی هارون مُرتَد و زانی


بقیّتُ ا... کبرایم، آیتُ اللهم
ازل بیز آدمه تعلیم ایتدوخ اَسمانی


منیم وجودیمیله عرش و فرش قائم دور
گر ایسته سم ایدرم ماسوی اللهی فانی


بونی ایشیتدی مُسَیّب دیدی جُعِلتُ فِداک
سن ایسته منده خدا محکم ایتسون ایمانی


دگوب او پارچالانان لبلری بیری بیرینه
امام ذکر ایلدی نام حیّ یکتانی


دیر مسیّب آچولدی یره دوشوب زنجیر
گورنمدیم داخی اول شهریار زیبانی


امام طَرفَهُ العِین ایچره یثربه گَلدی
وداع قیلدی خواتین خُلد و رضوانی


ایدوب ودیعه لرین اُمّ احمده تسلیم
بویوردی ساخلا یادوندا همین وصایانی


او دم که ایسته دیلر بو ودایعی سندن
بُل اُلدوروبله من دلفکار و نالانی


بولاری ایسته سه هر کیم او حُجّتُ ا..َ. دور
مُطاعیدور مَلَک و اِنس و جِنّه فرمانی


امام عترتینی بیر به بیر وداع ایلدی
وصیّت ایلدی صبره بنات و نسوانی

#سعدی_زمان


ادامه🔽🔽🔽

اویاتمادی یوخودان خورداجا بالالارینی
بیوک لرین ولی عرشه اوجالدی افغانی


بُلوردولر او سفردن داخی قِییتمیه جاق
ویروبله زهر، یتوب باشه عهد و پیمانی


بُلنمورم نجه اهل حرمدن آیریلدی
بُلر مسافر اولان بو وداع اُخرانی


آرایه آلدیلا بابُ الحوائجی بالالار
اولوبلا بیر دیلیله هر بیری نواخوانی


گنه سوزوم دولانور شاه کربلا باشینا
گوزیمده جلوه لَنور کربلا سلیمانی


یغوبدی باشینه بِلقِیس رو حرملرینی
گورر اورک گوزی اولسا او شور و غوغانی


خیالی وار گیده امّا اوشاقلار اَل چَکمور
گورولّه هلهله و های و هوی اعدانی


بیری دیور بیزی بیرده مدینیه قِیتر
اماندی قیلما نشیمن بو غملی صحرانی


بیری دیور بو سوسوزلوق منی هلاک ایلدی
بابا قوجاقیوه آل بیرده بو لب عطشانی


بیری دیور بابا گیتمه داخی سو ایستَمورم
اسیر ایده لّه سن اُلسن بنات طاهانی


تصوّر ایله حسینون پوزولماز احوالی
گورنده حالی پریشان رباب و لیلانی


گوروب حیا ایدوری اکبری اَُلن لیلا
دوروب اوزاقدا دیور گور بو خانه ویرانی


سنقدی قلبیم عزیزیم، منیده بیر دیندیر
کنیزلر بُلوسن چوخ سُوَلّه مولانی


اَلیم اورکده قالوب تازه بیر جوانیم اُلوب
قویان تاپولموری قبره او ماه سیمانی


بونی بُلورسن اوغولسوزلارین یوزی گُلمز
جهاندا کیمدی گورن شادکام ثَکلانی


یوخوندور اَلده علاجون گیدورسن ایمدی که گیت
ولیک قویما قالا یرده اکبرین قانی


اَلین فداسی اولوم ذوالفقارون آل اَلیوه
بو چولده ایله عیان سهم شاه مردانی


علیّ اکبریمون قاتلین ازل اَُلدور
گیدنده شامه گوزوم گورمَسون او ترسانی

ولی اوزوم بُلورم قانلی گوز یاشیم قوروماز
اگرچه دولدوراسان قانیله بو میدانی


یارالی سان، اورکیم دوزموری ویروم زحمت
گیدیرسن اُلماقا بو کوی عشق قربانی


باشیم اوجالیقی گَل باشیوه دولانوم گیت
سنه داخی بُلورم یوخ قِییتماق امکانی


اشاره ایله او شه لیلینی ایدوب ساکت
بُلر مسافر اولانلار بو سرّ عظمانی


امام دوندی بویوردی آنام باجی زینب
گورنمَسوز داخی بیرده بو قانه غلطانی


حلال ایدون منی، منده سیزی حلال ایلدیم
گرک نشان ویرم عالمده عهده ایفانی


کسوب علاقه سین، ا... بُلور نجه گیتدی
گوزیندن عارضه توکدی حمرانی


قلم دایاندی حسینی، دایان اورکدن یان
دوباره شرح ایله حال امام موسانی

#سعدی_زمان


❗

حضرت فاطمه صغری

خروج از مدینه

مرحوم استاد #شأنی


ایتمیسن قارداش علی مندن عیادت سن اگر
لطفوه قربان ندن بس گیمیسن رختِ سفر؟

من بیله بیر ساعتی هر ساعت و هر روز و شب
سجده ده حالِ دعاده حقدن ایلردیم طلب
وصلوی لطف ایتدی حق ، هجرانه نه اولدی سبب
آیریلیخ طرحین چکوبدور یوخسا نقاشِ قدَر

سن اولان یرده ملال اولماز بونا یوخدور سوزوم
شوقدن آغلار اودور وجهی بو شدّتله گوزوم
آغلادور وصلون منی ، گور هجره ممکندور دوزوم
هانسی باجی من کیمی قارداش فراقنده دوزر؟

اولموشام گر چه نه مدّتدور مریض و بستری
لیک لازم دور دوروم ایمدی یغوم بو بستری
اولماسون قلبون ملول ای صبحِ عزّت اختزی
یتمه سون بلکه صفالی گوگلوه گَردِ کدر

یاتماقیم ترکِ ادبدور یوخ بونا جای کلام
لیک قالموب قدرتیم ای مظهرِ خیرُالاَنام
تا دوریدیم خدمتونده ایلیدیم بیر قیام
باجی قارداش خدمتیله افتخار ایتمز مگر؟

هر قدر ناز اولسا سنده منده وار آرتوخ نیاز
بولمدیم بو لطفِ محضون ای خدیوِ دلنواز
خسته جانیله سنی یوخسا ایدردیم پیشواز
سو سپردیم اشکیله یاتسون غبارِ رهگذر

اشگِ چشممدن ملول اولما عزیزیم وجهی وار
دوزموشم زَر فام عذاره دُرّ تک اشکِ شاهوار
مقدمِ شهزادیه لازمدی اولسون دُر نثار
اشکدن آرتوخدی آیا هانسی بیر دُرّ و گهر؟

بیرده بو رنج و مرضدن ایتمرم اصلا گِله
نیلورم ، حاذق طبیبه احتاجیم یوخ گیله
سن که گَلدون گِتدی دردیم ، گَلدی بهبودی اله
دردیم ئولدورمز منی ، قالسان یانیمدا سن اگر

من بو لطفه او گلَن یولاریوا قربان اولوم
گَل رضا اولما دچارِ محنتِ هجران اولوم
گیتمه قال ، تا خدمتونده هر زمان هر آن اولوم
ناخوش اولسامدا گینه سن اولسان عمریم خوش گچر

من بو فکریله علی دلتنگیدیم لیل و نهار
اهلِ بیت ایچره آناسیزلیق منی ایلیوبدی خار
نه باجی ایلر عیادت ، نه گلوب قارداش باخار
نه اولور جویا عمولار ، نه گلر بیر عمّه لر

ایمدی بولدوم ایتموشم بو باره ده من اشتباه
اولمیوب کم لطف لیخ سیزدن ولو بیر پرّ کاه
کسمیوب مندن توجّه ، اقربا شهزاده شاه
یانیمه بیر بیر گلور قوم و قبیلم سر به سر

ای قدی سروِ چمن ، زلفی سمن ، رخساری گُل
مظهرِ ختمِ رُسُل ، صورت نمای عقلِ کلّ
محضرِ شاهه شرفیاب اولماقیم ممکن دگل
التقات ایلر منه امّا او دیداره گلر

رنگِ آلیمدن مُبرهَندی اگر چه حالتیم
گلسه شه دیداریمه آرتار و لیکن خجلتیم
شه قباقینده قیامِ خدمته یوخ قدرتیم
خدمتِ شاهی دوتوم شهزاده قیزلار چوخ سُوَر

حسّ ایدنمز هر قدر اولسون بشر فکری دقیق
شخصِ بیمارون نه اندازه اولور قلبی رقیق
هر طریقیله اولا ، توفیقِ حق اولسا رفیق
(شأنی) صغرادن شفا آلماخ یولین یاخشی بولر

منکه چوخ سعی ایتمیشم بو نوحه اولسون دلنشین
نا امید ایتمز منی صغرا ، علی اکبر یقین
دردیمه بولّم ویرور قطعی شفا جان آفرین
اوندا وار چشمِ امیدیم منده یوخ اوزگه نظر

دوزدی درد و غم ِمصیبت ، شخصی ایلر نیک بخت
اجر اولور آرتوخ نه اندازه مصیبت اولسا سخت
خشک اولور چون شاخ و برگِ میوه دن عاری درخت
قورخورام تیغِ اجل ایتسون منی بی شاخ و بر

سگّز آیدی درد الیندن گولمیوب بیر آن یوزوم
سهلدور گولموب یوزوم ، آغلار گجه گوندوز گوزوم
ائل سوزین نیلوم؟ دوتوم وار زحمتِ درده دوزوم
ائل سوزی نیلر؟ اونی کیمدن سوروشماخ؟ کیم بولر؟

التماس دعای فرج

@shoaravamadahantabriz

قمر منیر بنی هاشم حضرت ابوالفضل العباس (ع)

حماسه نهرعلقمه

 

اولموش فرات اوستونده شور محشر

دوت مين قوشون بير شيرلن برابر

 

بير سمتيده سردار دين ابوالفضل

بير سمتيده اشرار كينه‌پرور

 

بير سمتيده سقّاي تشنه كامان

بير سمتيده كمگشتگان كافر

 

بير سمتيده شور و صفا و عرفان

بير سمتيده جور و جفا و منكر

 

جان تك باسوب آغوشينه سومشگون

حفظنده جهد‌ايلر سليل حيدر

 

تنگ ايليوب ميدان كارزاري

رو‌به‌لره اول شير شير داور

 

گويا قيامتدور بوگون عوالم

آشوب و غوغادن دولوب سراسر

 

طوفان اولور موجه گلنده لشكر

باشلار دوشور نهر فراته يكسر

 

ناگه عدو بير ظلم ائديب كميندن

ساق آل قلم اولدي بسان جعفر

 

غيظه گليب عبّاس شير‌يزدان

فرياد‌ائديب اي قوم پست و ابتر

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

لشكر بولون بو صاحب‌الزّماندي

مه عارضي وجه‌اللّهه بياندي

 

شمس رخي «اللّـهُ نوره» معني

مشكوة نور حيّ لامكاندي

 

ذاتنده نور حق سرشته اولموش

يوزده صفات كبريا عياندي

 

خاك رهي كحل البصردي حوره

نور جمالي جلوة جناندي

 

عزّ و جلال و شوكت و كرامت

مهر و وفا و الفته نشاندي

 

سبط نبي زهرايه نور ديده

نفس عليّ مرتضايه جاندي

 

قدوّسيان، كرّوبيان، ملائك

جنّ و بشر وصفنده ناتواندي

 

فرمان وئره، اجراسينه سراسر

ذرّات عالم، كونيله مكاندي

 

سردار دين ارشاده دل آچوبدور

لشكر جوابي تيريلن كماندي

 

گوردي علاج اولماز نصيحتيله

حاكم اويرده تيغ خونفشاندي

 

غيظه گليب فرياد ائدوبدي لشكر

ساق آل گديب باغريم اگرچه قاندي

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

مست اولموشام من بادة وفادن

تا كام آلا دل عالم بقادن

 

جانان يولوندا رند مي‌پرستم

مست اولموشام من ساغر ولادن

 

اورگشموشم درس وفا و عشقي

مكتب سراي پور مصطفي‌دن

 

لب تشنه‌يم ظاهرده ليك جانيم

سيراب اولوب سرچشمة وفادن

 

گوردوم جمالون خيمه‌دن گلنده

مخمور عشقم چهر دلربادن

 

سردار دينم، يادگار حيدر

هيجا گونونده قوخمارم جفادن

 

اي فرقة كافر بولون كه هرگز

ال چكمرم من شاه كربلادن

 

تكرار‌ائديب اول شيردل شعارين

آلدي توان و تاب اشقيادن

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

اي قوم كين عبّاس نامدارم

نام آور ميدان كارزارم

 

جانان يولوندا گيچموشم جانيمدان

من عاشقم اسلامه جان نثارم

 

جانيم فدادور شاه عالمينه

دار بلاده رند سر بدارم

 

پيمان بودور جانانيلن وجوديم

دوغرانسادا پيماندا پايدارم

 

دنيا بويي دشمن اولا سراسر

هيجا گونونده شير روزگارم

 

اولدورموسوز ياران با وفامي

هجران غمينده يار بيقرارم

 

عهد ايتموشم حق اوسته بذل ائدم جان

اي قوم كين عهديمده استوارم

 

دينه فدا اولماق منيم شعاريم

تاوار نفس پابند بو شعارم

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

من عاشقم درد و غم و بلايه

جانيم فدا دور شاه كربلايه

 

سردار دين سرلشكر حسينم

صاحب لوا سلطان نينوايه

 

من پور شير بيشة شجاعت

من وارثم عليّ مرتضايه

 

وئرمشدي فرمان شاه مشرقينيم

تحصيل آبه طفل مه‌لقايه

 

آلديم فراتين شرعه سين سراسر

دولدورموشام سو، مشك دلربايه

 

دلده واريدي آرزو، سومشكيم

سالم يئته اولاد مصطفايه

 

ناگه ويروب اوخ مشكيمه اوجاتدوز

ناله خيمدن طاق نُه سمايه

 

ساق پنجه مي سالدوز اگر غميم يوخ

اي قوم بي دين آنداولا خدايه

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

مست اولموشام مست شراب وحدت

مخمور جام بادة شهادت

 

جانان يولوندا گيچموشم جانيمدان

تا ايليم اسلامدن حمايت

 

باك ائتمرم گر دولسا دشمنيله

بودشت غم اي فرقة ضلالت

 

من زادة شير خدا علي‌يم

عبّاسم و سر حلقة شجاعت

 

من مظهر قهر خداي قهّار

من منبع شهامت و رشادت

 

من يادگار مير لافتي يم

من وارث علي شه ولايت

 

ساق آل فدا اولدي امير عشقه

تاپديم بو نوعيله علّو و رُتبت

 

صول الده گيتسه يوخدي ذرّه باكيم

هان! اي گروه كينه و جهالت

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

دل وئرميشم من شاهد السته

سودائيم دلدار مي‌پرسته

 

زنجيري زلف نگار مه‌رو

افتاده صيدم دست و پاي بسته

 

دوتموش طريق مير انس و جاني

دل وئرميشم چشم خمار مسته

 

من خستة تير نگاه يارم

اولمام خدنگ كينه‌ايله خسته

 

مين خوشه سنبل دور ره وفاده

سينمده تير كينه دسته دسته

 

سينماز اراده‌م جنگده اگرچه

اولسا عموديله باشيم شكسته

 

اوج ولاده شاهباز عشقم

باش اگمرم خصم پليد و پسته

 

«منعمدي» كايناته شهرياريم

من «فانيم» او سرور خجسته

 

اود ياغديرار شمشير آبداريم

سيز ياغيان شاه تشنه اوسته

 

اما منه فرمان جنگ ويرموب

سلطان دين نخل هدايه هسته

 

بر ال گيديب مندن ولي وجوديم

هر ذرّه سسلرسيز سپاه پسته

 

وَاللّـهُ اِن قَطَعتَموا يَميني

اِنّي اُحامي اَبداً عَنْ ديني

 

در شهادت امیرالمومنین

حضرت علی ابن ابی طالب (علیه السلام)

 

شق القمر اثار قیامتدور الهی

یا زینبه محشردن علامتدور الهی

 

سس دوشدی که محرابیده بیر باش یارالاندی

بو سس اوجالان وقته یاتانلاردا اویاندی

ایوای علی وای ناله سی افلاکه دایاندی

نه حادثه دور بو نه حکایتدور الهی

 

ضربت یتوشوب بارچالانوب باشدا عمامه

بو نحویله اوز مقصدینه یتدی قطامه

بیر امر زنا اولدی سبب قتل امامه

بلمم بو نه اسلام و دیانتدور الهی

 

بیر خواهش نفسیله یخوب خانه دینی

غمگین ایلدی اهل سماوات و زمینی

حتما یوخوموش عاقبت امره یقینی

یوخسا بو نه جرئت نه جسارتدور الهی

 

هر کیمسه یقین ایلیه قران و کتابی

خیرین بیله وار خوش ثمری شرین عذابی

ممکن دگی یاددان چیخادا یوم حسابی

غفرانه سبب بیله اطاعتدور الهی

 

بسکه واریدی وصلت دلداره شتابی

یاددان چیخادوب یاره دکی سوز و عذابی

گوتدی باشینین یاره سینه باسدی ترابی

یعنی دیریلق بوندان عبارتدور الهی

 

فرمان یتوشوب عرشیده جبریل امینه

گیت بو خبری نشر ایله سکان زمینه

صدمه یتوب ارکان هدا مرکز دینه

بو ظلمت او ضربتدن اشارتدور الهی

 

افلاکه دوشوب لرزه همان بو خبریله

ای صورتی مستوریدی ابر خطریله

ظلمت دوتوب افاقی بو شق القمریله

چون منهدم ارکان هدایتدور الهی

 

سس چرخ چها رمده مسیحایه یتوشدی

محنت اثری قبریده زهرایه یتوشدی

ناگه بو خبر زینب کبرایه یتوشدی

اولدی متوحش نه روایتدور الهی

 

یارب نه خبردور بو نه فریاد و فغاندی

نه سوزدی دیولر که علی قانه بویاندی

زینب بلوسن اوز باباسیندان نگراندی

بلمور که نولوب یا که سلامتدور الهی

 

ناگه گوزینه اولدی او ساعتده نمایان

گوردی گتورولر اتاسین قانینه الوان

عرض ایتدی بو محنت منی چوخ ایتدی بریشان

هر چند مصیبت بیزه عادتدور الهی

 

صدمه یتوشوب گرچه اتام شیر خدایه

یوخ چاره گرک صبر ایلیم امر قضایه

من اغلاماقی ساخلاموشام کرببلایه

گوز یاشینه زیبنده او ساعتدور الهی

 

اوندا که گیچر قارداسیمین باشی جدایه

غم یوز ویرر اولاد علی ال عبایه

گلوخ هامی بیز شیونیله شور و نوایه

گوروخ که حسین خیمه سی غارتدور الهی

 

بو سوزده ایکی سید حسین ایلدی شرکت

ایستوردی (ریاضی)و (رجائی)ایده خدمت

بو خیر عمله ویردیله باهم سر و صورت

منظور شفاعتدی زیارتدور الهی

 

حرم تو کعبة دل، کرمت همه خدایی 
کنی از کرامت خود به خدا خدا نمایی 
در باز توست افزون من بی نوای محزون 
ز کدام در درآیم به بهانة گدایی 
کرم تو می دهد رو به گدای تو وگرنه 
ندهند پادشاهان به فقیر آشنایی 
من اگر گناه کارم تو رئوف و مهربانی 
کرمت نمی گذارد که کنی ز من جدایی 
تویی آن که هر که آید به زیارت تو یک بار 
تو سه بار از عنایت به زیارتش بیایی 
به خدا گناه کارم دگر آبرو ندارم 
چه شود دهی ز نارم به محبتت رهایی 
بکشم هماره نازت مگرم دهی اجازت 
که به یک زیارت تو سر و جان کنم فدایی 
همه را تو دست گیری همه را تو می پذیری 
چه امیر شهر باشد چه فقیر روستایی 
به حریم توست بارم به حرم چه کار دارم 
کند از هزار کعبه حرم تو دلربایی 
کرمت به کل عالم حرمت پناه "میثم" 
به شما از او توسل ز شما گره گشایی

یوزون ای امید صبحی منه تا مقابل اولدی

هامی محنتیم اورکدن غم ایوینده زایل اولدی

نفحات انس ایدردی منی مست اول شب

قدح ولا بُلردیم بو گیجه اولار لبالب

یتورر منی مراده اثرات ذکر یارب

او دعا اولوب مؤثر بو مراد حاصل اولدی

هامی گللریم آچلدی بو خرابه اولدی گلشن

نفس شمیم رحمت گره آچدی تار دلدن

چخوب آفتاب رخشان گئجه اولدی صبح روشن

نظر عنایت حق منه سنله شامل اولدی

بو حضوره نه سزادی گل و لاله‌ نین نثاری

که خرابیه گتوردون هامی جلوه بهاری

نفسیله وار کشاکش نچه لحظه گیتمه باری

هامی عمریدن بو ساعت منه حاصل دل اولدی

منی سالدی گفتگودن ایله شدت مصائب

که مجال، یوخدی نطقه اگر اولسادا مصاحب

اله بیرده حاشَ دوشسون بیله فرصت مناسب

یوزیوی گوروب دل آچدیم منه حل مشکل اولدی

دیمورم خرابه منزل منه کاخ آرزودور

دیمورم تراب تیره منه ناز پرّ قودور

دیمورم سرشک حسرت منه عین آبرودور

که بو اشکیدن یزیدین هامی نقشی باطل اولدی

نه لزومی وار دیم من هامی شام ماجراسین

شب قتل داستانین غم کوفه ابتلاسین

هامی پیکریم زباندی دیر اشقیا جفاسین

نه دیوم نه نوعیلن طی بو هامی مراحل اولدی

ره شامیده اگرچه غم و درد اولوب زیاده

ولی روبرو گورردیم سر اکبری جداده

یتیشنده شامه باتدی هامی ظلمت جفاده

او ایشیقلی اولدوزومدا ستمیله آفل اولدی

مه عارضونله روشن منه اولدی شام مظلم

نه بجائیدی گلِیدون علی‌اکبریله باهم

آتاجان مگر گورونمز مهیله ستاره توام

بو قران سعده بُلمم نه حجاب، حایل اولدی

رشحات فیض بیچون گل عمری ایتدی سیراب

منی غرق رحمت ایلوب کرمیله ربّ الارباب

بو حلولدن که اولموش به خلاف رسم و آداب

برکات حیّ سبحان بو مکانه نازل اولدی

دیم اهل شامیدن یا اورگیم تالّمیندن

بیرینین شماتتیندن بیرینین تبسّمیندن

بخصوص من بو قومین یانیرام ترحّمیندن

کیمه رحم کیملر ایلر کیمه کیم مماثل اولدی

من او بی نظیر لعلم من او تابناک گوهر

من او ماه عالم آرا من او پر فروغ اختر

که ایدنمیوب عوامل منی تیره و مکدر

سبب ملال اگرچه منه بو عوامل اولدی

من او نسخه ی کمالم فقرات عزّه شامل

صفحات کون و امکان منه دفتر فضایل

آچیلا اگر مکاتب یازیلا اگر رسائل

گورر اهل دل که هستی بو مقامه قائل اولدی

من او کعبه ه مطافم که طواف ایدر ملائک

من او مسلک ولایم که وفادی اوندا سالک

بو خرابه منله بیر گون اولی وجهه ی ممالک

نجه که سنیله گلشن بو خرابه منزل اولدی

منم اول فروغ یثرب منم اول چراغ بطحا

نسبیمده شیر یزدان حسبیمده واردی زهرا

سن آتام حسین عطشان ایکی کونه میر و مولا

کیمه بو جهاندا ممکن بیله بیر فضایل اولدی

من او سرفراز اسیرم منه فخردور اسارت

منه اول خرابه منزل منه خاک پادی عزّت

منه کاینات اولموش ابدی رهین منّت

که شهادته اسارت بُلورم مکمل اولدی

منی هر زمان اگرچه غمون ایلمیشدی دلگیر

بو گئجه علاوه دلده بو بلا ایدردی تاثیر

ایلیوب خیال، کلکی یوزیوی گوزومده تصویر

ایله محویدی که گویا منه دل مقابل اولدی

قطرات اشک گوزدن ایله یاغدی مثل باران

که سرشک موجی ایتدی منی غرق سیل و طوفان

او مهیب ژرفنادن یوخودی نجاته امکان

بو تشرّف زیارت منه امن ساحل اولدی

نه دیوم که لایق اولسون سنه نحوه ی خطابیم

شرف و وقار و شانیم، گل و ماه و آفتابیم

سنیلندی افتخاریم سنه واردی انتسابیم

سنیله قیزون جهاندا هامی عزّه نایل اولدی

منی لطف حق یتوردی گویول ایستین صفاته

اودی دلده یوخدی رغبت جلوات کایناته

ایله ووردی خطّ بطلان رقم تعلّقاته

هامی مکنتیم بو قولدا دوزولن سلاسل اولدی

#مرحوم_استاد_حسینی_سعدی_زمان
#امام_جواد_ع_شهادت

از اشعارِ چاپ نشدهء مرحوم استاد سعدی زمان


گلدی بهار اولدی گینه موسمِ سُرور
گوستردی گُلده قدرتینی قادرِ غفور

یوزدن نقابِ غنچه نی گُل ایلدی کنار
گلزاره گلدی ناله کنان بلبلِ صبور

گلبرگ شاخه سین اوزونه ایلیوب مکان
مستِ مِی محبّت اولوب باشلیوبدی شور

عرض ایتدی ناله سینده که ای بی وفا نگار
گور نه ایدوبدی منه رموزِ وفا ظهور

هجرونده بسکه ناله ایدوب توکموشم سرشک
وصلون دوباره گورماقا ، قالموب گوزومده نور

علّت ندور شکفته لنورسن بهاریده؟
گیچمور او قدر رنگِ رخ و صورتون سولور

اشخاصِ روزگار کیمی اولموسان دو رنگ
یارِ دو رنگ دوتماز ، اولان عاشقِ غیور

بلبل دیینده بو سوزی ، دل آچدی برگِ گل
ویردی جواب نازیله ، ای طالبِ حضور

منله دگل اگر منیله اولسا اختیار
قالّام شکفته ، سولمارام اولومونجا ، نفخ صور

علّت بودور بهاریده اولّام شکفته رنگ
گوگدن گلور مَلک گتورور مژدهء سُرور

ایلر خطاب گللّره بر پا ایدون فرح
تختِ خلافته اوتورور شافعِ نشور

گللّر تمام اولولّا او ساعت شکفته ، چون
بیر نچّه آی بو حالیله تا دور ایدر مرور

فصلِ خزان اولاندا گلور آیری بیر مَلک
بیر سوز دییور تمام گلستانی سولدورور

سویلر بولون سولوب چمنِ مرتضی علی
اولادینه تاپوبدولار ال فرقهء کفور

بولجاق بو حالی گل سارالوب گلستان سولور
بیر عمر عندلیب اولی سرگشته و حصور

یا صاحب الزّمان سنه معلومدور بو سوز
هر دوره حقّه ، ناحق اولانلار اولوب جسور

اجدادیوین تمامیسی مظلوم اولوبلا لیک
جدّون تقی غمی دلِ دنیانی یاندورور

سِنّا" جوانیدی اوزی ، اما جوادیدی
شغلی سخا و جودیدی ، هر شام و هر سحور

سِنّی یتوب ایگرمی بشه نه ملالیله
گوگلونده درد و غم ، گونی گوندن تاپوب وفور

گه قطعه قطعه دوغرادیلار جسمِ پاکینی
گه زهرلی طعامی یماقه ایدوبله زور

مجبور ایدوبله بلکه ایچه زهرلی شراب
نی تک نوایه گلدی بو غمده قصور و حور

یانسون دلیم دیسم نجه مسموم ایدوبدولر
قلبِ بشردن ایله جفا ایلمز خطور

قلبِ رسولِ اکرمه اود ووردی امّ فضل
بیر ظلم ایدوب امامه که حرمتدن اولدی دور

دسمال قصّه سین دییه بولمم صراحتا"
قورخوم بودور امامیدن اذن اولماسین صدور

القصّه زهر امامِ جواده ایدوب اثر
ذرّاتِ کایناته او حالی سالوبدی شور

غربت ولایت ایچره ویروب حسرتیله جان
احضار ایدوب حضوره اونی خالقِ شکور

بامه چیخاتدیلار او مطهّر جنازه نی
غمخانه اولدی بو غمه هم خلد و هم قصور

اوچ گون قالوبدی گون قباقیندا جنازه سی
بیر کَسده اولمیوب او یره قدرتِ عبور

ساطع اولوردی عطر ایگی اول جسمِ پاکیدن
اول نازنین وجوده دگن وقتیده دَبُور

قالدی تمام اوچ گیجه گوندوز او حالیله
فرمان ویروبدی معتصمِ کافر و شرور

جسمین ووروب سالوبلا یره پشتِ بامیدن
شرم ایتمیوب گینه دولانور گردشِ دُهور

جدّی حسینه شرکت ایدوبدی بو امریده
اوچ گون نه اولدی غسل و کفن نه قازیلدی گور

اوچ گون اگر چه قالدی بونون یرده پیکری
اما واریدی جامه سی ، جسمی دگلدی عور

عالَم گرک حسین آقا ، قان آغلاسون سنه
شرحِ مصیبتون سنون آفاقه اود وورور

بو سهلدی اولونمادی غسل و کفن سنه
سویدی یارالی پیکریوی لشگرِ شرور

چکمیشدی جسمِ اطهریوه پرده ، لخته قان
عضوِ مقطّعاته دگلدی کفن ضرور

آت دیرناقی هارا؟ او مبارک جسد هارا؟
یرده یارلی جسمیوی پامال ایدوب ستور

باشون وورولدی نیزیه ، گورسندی نورِ حق
لفظِ اناالحقیله جدا اولدی نخلِ طور

ارنی دیوب او نوری گورنده کلیمِ حق
لَن کلمه سیله اولدی مخاطب ، دوتوبدی شور

اُنظُر اِلی الجَبَل دیمدون ، ایلدون خطاب
گَل گور منی ، اولاندا یریم کوفه ده تنور

پای ملخ تک الده سلیمان حضورینه
بو نظمینی(‌حسینی) گتوردی بسانِ مور

بولمم نه واردی اسمِ شریفِ حسینیده
هر آن آدی گلنده سرشگیله گوز دولور.


التماس دعای فرج

غریبه گللر آچیب نیزه لرفرازینده
سالوبلا لاله ونسرینی قدر وقیمتدن

حریم قدسیده سبوحیان ستر و عفاف
اولوبلا مات، بو جاه و جلال و شوکتدن
 
طواف ایدیر جبروت اهلی، عشق کعبه سینی
مگر ئورکلری تاپسون صفا زیارتدن
 
جدایه سورتوری شوقیله شهپرین جبریل
که اخذ کام ایلسون مرشد طریقتدن
 
مسیح عشق، صلیب اوسته غرق استغنا
حواریون ولا دلخوش، استجابتدن
 
فراز نیزه ده ناز و کجاوه لرده نیاز
باش آچمیوب هله معشوق، عیش و عشرتدن
 
نی اوسته زمزمه شور و شوق و مستی و عشق
کجاوه لر هامی سرشار معنویتدن
 
ویریبلا هر باشی بیر محملین مقابلینه
ایشقلی آی چخیب، ایوان بزم خلوتدن
 
شکوه عشق اولوب زینبیه لرده عیان
او زینبیه که سرمشق آلیب امامتدن
 
نه زینبیه؟ که اوردان سفیر عاشورا
قیلوبدی عالمی آگه مرام نهضتدن
 
او زینبیه ده منشور انقلاب حسین
یازیلدی خون دل، اهل بیت عصمتدن
 
نه اهلبیت؟ کی راسینده زینب کبری
تزلزله گتوروب دشمنی شجاعتدن
 
محالدور آچا عشق آشناسی شکویه دل
مگر گلر دله بنت الجلال، محنتدن
 
بو بیر خانمدی که حلم و وقار و صبریلن
سالیبدی صبرین ئوزون صبر و استقامتدن
 
بیر عالمین داغینی، سینه ده نهان ایلیوب
گتورمیبدی خم ابروسینه مشقتدن
 
آلیبدی روح شهادت شهامتین درسین
مرام و مکتب والای زینبیتدن
 
نه داغدا وار بو صلابت، نه لاله لرده بو داغ
سولار چمن، اریر داغ، بو مصیبتدن
 
اسیر اولوبلا، و لیکن اسیر عشق الله
شکوه و مجد یارالدیبلا بو اسارتدن
 
اسیر، اسیرلرین محملینده رایت عشق
حکایت ایلیری معناده فتح و نصرتدن
 
اسیر اولوبلا، خلاص ایلسونله عالمده
حقیقت اهلینی زنجیر جاهلیتدن
 
قیام اهل شهادت، پیام اهل حرم
چیخاتدی عالمی غرقاب بحر ظلمتدن
 
ویروبله قان، تاپا جان، نخل دین و آزادی
ویروبله جان که جهان قورتولا فلاکتدن
 
شهید اولوبلا، شهید اولماسین حقیقت عشق
گیدیبله گیتمیه تا محتوا شریعتدن
 
قیام ایدوبله، قعود ایلسون جهاندا ستم
یاتیبلا تا اویانا خلق، خواب غفتلدن
 
سونوبله سونمیه مصباح دین لم یزلی
یانیبلا یانمیه تا اهل دین جهالتدن
 
غروب ایدیبله که عشقین گونی طلوع ایلسون
باتیبلا تا چخا اسلامین اهلی ظلمتدن
 
دوشوبله توپراقا تا دوشمسین قیامته دین
شریعت نبوی، اقتدار و عزتدن
 
اگیبله قانیله اوباش قامتین اما
ویریبله باش که باش اگمه سینله ذلتدن
 
نشان اولوبلا خدنگ بلایه تا اسلام
جهاندا دوشمیه نام و نشان و شهرتدن
 
مهاجران ولا ترک باش و جانیله
حریم وصلته یول تاپدیلار بو هجرتدن
 
حقیقتیله بو درگاهه یوز دوتان سائل
نه ایستسه آلاجاق منبع کرامتدن
 
غنی دی هر ایکی عالم، گدای کوی حسین
فقیر عشق اولار بی نیاز حاجتدن
 
دوا ایدر هامی درده مریض عشق حسین
طبیبی نیلیری بیمار اولان محبتدن؟
 
ولایت اهلینی واللهی ایلمز محروم
حسین فاطمه محشر گونی شفاعتدن
 

دوتوب شام اهلینی حیرت
گلن دوردی گیدن دوردی
کسیلمیش باش ایدر صحبت
گلن دوردی گیدن دوردی
.
.
قاچاقاچ دوشدی شهر ایچره هامی حیران و سرگردان
گورنلر بیر بیره فورا قضایانی ایدر اعلان
گلون یاخشی تماشا وار جداده باش اوخور قرآن
تعجب گلدی کیفیت گلن دوردی گیدن دوردی
.
.
هامی مایل هامی مشتاق باخا اعجوبۀ دهره
تعجبلو تماشادن آپارا حصه و بهره
یغان بازار و دکانین قاچار دروازۀ شهره
گلوب بی حدّ جمعیت گلن دوردی گیدن دوردی
.
.
مگر یول وار بیری گلسون یولی ویرسون نشان گچسون
دیسون گلمه گلن صبر ائت سنق محمل دایان گچسون
دیدله یوخ باجی قارداش گرکدور یان به یان گچسون
هامومیز ایلیک رؤیت گلن دوردی گیدن دوردی
.
.
همان باش یدی ضربتلن ذبیحاً من قفا اولدی
مکان و منزلی گه دیر و گه مطبخ سرا اولدی
ولی شامه گلن وقته او باش انگشت نما اولدی
دولوب دروازۀ ساعت گلن دوردی گیدن دوردی
.
.
جداده آیۀ کهفی تلاوت ایلین وقته
عجائب سرگذشتیندن حکایت ایلین وقته
ضلال اهلین رهِ حقّه هدایت ایلین وقته
دگوب اول باشه بیر ضربت گلن دوردی گیدن دوردی
.
.
نجه صبر ایلسون آخر گرک قان آغلیا زینب
شدایدِ مصیبتدن سینه سین داغلیا زینب
چوخ حسرت چکدی قارداشین یاراسین باغلیا زینب
ولاکن اولمادی فرصت گلن دوردی گیدن دوردی
.
.
تردد باغلانوب کوچه دوتولدی راه سد اولدی
جماعت بیر بیری اوستن گلوب بی حصر و حد اولدی
نه فرمایش ایدوب شمره امامون امری رد اولدی
بیر آزدا ظلم اولوب شدت گلن دوردی گیدن دوردی
.
.
دیدی دوندرمه ای ظالم بی بیمون اشکینی نهره
آپار بو قانلو باشلاری بیر آیری راهدن شهره
تماشاچی چکیلسون قوی او سنگ دل گلوب قهره
ایدوب برعکسنه نیت گلن دوردی گیدن دوردی
.
.
ویروب فرمان حسین باشی دوروب خواهر قباقینده
اوغولون باشی ساخلاندی او دم مادر قباقینده
خانملار ناقه اوستونده قالوب گونلر قباقینده
خجالت حال اوچ ساعت گلن دوردی گیدن دوردی
.
.
دیدی بیر شخص یاز مضطر مغلظ کلمه عنوانی
دیدوم یوخ مجلس اهلینون یانیندا کنزو برهانی
اوزاندی سوز چکوب بحثه سولاندی جنگ میدانی
بیر اولمادی ایکی نیت گلن دوردی گیدن دوردی

.
ایکی داشه بیر باش اولوب نشان
بیری کوفه ده بیره شامیده
ایکی یول دگوب اونا خیزران
بیری کوفه ده بیره شامیده
.
.
ایلیوبدی خنجریله جدا
بدنیندن او لباسی شمر ازل
گهی طعن ایدوب اونا اهل کین
گه اواوب کَُل اوستی اونا محلّ
یتیشونجه شامه جدالری
نچه یرده سِیر ایدوب اَل به اَل
ایکی یول سِنانه ووروب سَنان
بیری کوفه ده بیره شامیده
.
.
کسوب اهل کینه حسین باشین
سالوب اهل بیتینی مشکله
سارالوب حرملری اوخشیوب
چمن ایچره بیر سارالان گُله
گورولوب کسوک باشی نیزیه
وورالار خدا گنه قان گَله
ایکی یرده نیزه دن آخدی قان
بیری کوفه ده بیره شامیده
.
.
گهی کُللر اوستونه قویدولار
گه آقاجدان آسدیلا برملا
گهی بزم شربیده یِر ویروب
گهی دِیریده اونا اشقیا
نچه یرده فاطمه اوغلونا
دیولوبدی خارجی ای خدا
ایکی مجلسه گیدوب ارمغان
بیری کوفه ده بیره شامیده
.
.
یولا دوشدی غصّه لی کاروان
گیده شامه شمر دَغائیله
غمیله مُصاحبت ایلیوب
هم انیس اولوبلا بلائیله
نچه شهری سرعتیله گَزوب
ولی دوشدی جور و جفائیله
ایکی یرده لنگه او کاروان
بیری کوفه ده بیره شامیده
.
.
هر او یرده که اولوب ازدحام
یغشوب یول اوستونه شیخ و شاب
اوزینی علی قیزی گیزلدوب
که تانونماسون او فلک جناب
ولی بُلمورم نجه ظلم اولوب
داخی قالمیوب اورگینده تاب
ایکی یول ویروب حَسَبین نشان
بیری کوفه ده بیره شامیده
.
.
ستمیله عصرین امامینه
غَُل جامعه ووروب اهل نار
بو خیاله دوشدیله قانینی
توکه لر او فرقه ی کین شعار
سبب اولدی لیک حیاتینه
سپر ایلدی اوزین آشکار
ایکی یرده زینب باغری قان
بیری کوفه ده بیره شامیده
.
.
هامی رنگه فاطمه قیزلاری
خُم محنت ایچره بویاندیلار
نَقَدَر که شدّت ایدوب جفا
دوزوب اول جفایه دایاندیلار
نچه یرده آتش ظلمیله
دوتوب اود آلشدیلا یاندیلار
ایکی یرده چکدیلر الاَمان
بیری کوفه ده بیره شامیده
.
.
ویروب اهل بیتِ امامه یوز
اَلَم و مصبیت بی حساب
قولی باغلی ناقه سوار اولوب
توکوب اشک گوزلری چون سحاب
نچه یرده زینبون ایتدیلر
غمیله یانان جگرین کباب
ایکی یرده ایلدی چوخ فغان
بیری کوفه ده بیره شامیده
.
.
نه قدر «حسینی» نفس گَلور
اوزیوی کمند حسینه سال
گَلَن ایل زیارته گیتماقین
گوزی یاشلی ایسته، براتین آل
حرمینده فاطمه اوغلونون
نه گوزلدی ذکر اولا بو مقال
ایکی داشه بیر باش اولوب نشان
بیری کوفه ده بیره شامیده

منزلیم هر چند ویراندور بابا خوش گلمسن

حسرت فردوس رضواندور بابا خوش گلمسن

کیمسه بولمور وار ندن ویرانه ده بو قدر شور

دمبدم ساعت به ساعت نور حق ایلر ظهور

ایلیوبسن بو خرابه منزلی سن رشک طور

جلوه گاه پور عمراندور بابا خوش گلمسن

گرچه شیون روز و شب منله بابا دمسازدور

نالمه باعث اوزی کشف اولمیان بیر رازدور

بو دمون گوز یاشی تشریفوندی پای اندازدور

گوزلریم وار سرّی گریاندور بابا خوش گلمسن

بو یتیمه قیزلار ایچره ای شهنشاه حجاز

گلماقون بو نصف شب ویردی منه بو امتیاز

ایتمدیم باور ایسترم گرچه جنابون پبشواز

بولمدیم فکریم پریشاندور بابا خوش گلمسن

من بو فکریله توکردیم دائم اشک آلیمی

گُل یوزین بیرده گوروب شرح ایلیِیدیم حالیمی

ایمدی دل یوخدور دیَم اوز صورت احوالیمی

گورموسن گوگلوم دولی قاندور بابا خوش گلمسن

منزلیم گرچه محقّردور، قوری یردور یریم

لیک حقّیمدور سنه گوز مَردُمینده یِر ویریم

بولمرم نه دللریله من جنابون دیندیریم

هر نه گلسه فکره نقصاندور بابا خوش گلمسن

بو کسیک باشون دلیل شاهراه عشقدور

هر کسون کیفیّت حالی گواه عشقدور

گرچه ویراندی بو منزل خانقاه عشقدور

مجمع جمع فقیراندور بابا خوش گلمسن

ذکر ایدر بو کثرتون هر فرد فردی یا احد

جمله سی واصل به حقدور ایلیوب هو حق مدد

سن اوزون پیر طریقت سن دگلسن نابلد

عارضون مرآت عرفاندور بابا خوش گلمسن

چوخ تشکّر ایلرم باخدوقجه اوز اقبالیمه

آخِر عمریمده یتدوم اوّل آمالیمه

گرچه درویشم اولوب شَهدَن رعایت حالیمه

منظریم دیدار سلطاندور بابا خوش گلمسن

آختارور بیر بیله منزل دائماً خلوت نشین

فرشی خاک اولسون چراغ بزمی آه آتشین

چوخ شرافت وار بو یره حجّتّ روی زمین

سیّد سجّاد درباندور بابا خوش گلمسن

بیر اوزون مدّت سراغوندِیدیم آخِر من سنون

کربلادن شامه دین ویرمزدی فرصت دشمنون

سالموشام یاخشی اَلَه بو نصف شبده دامنون

بو سعادت لطف یزداندور بابا خوش گلمسن

جان ویریردیم من دیدیم جانانیمی یارب یتور

یاخشی وقته گلمسن قال نعشیمی یردن گوتور

بو سنق پوزقون پریشان قافله سندن اوتور

مو کنان چاک گریباندور بابا خوش گلمسن

مدّت عمرون یتور باشه اولور صافی تمام

قویما وقتون ضایع اولسون ایت گیلن خدمت تمام

نوحه نون سال مطلعین آخرده آعلا صبح و شام

منزلیم هر چند ویراندور بابا خوش گلمسن

کنج خرابه بو گجه رشک جناندور عمّه جان
لطف ایلیوب بابام گلوب،یاتما اویاندور عمّه جان
.
.
بخت منیله یار اولوب، عمّه نه خواب نازدور
رحمت حق باز اولوب، باب امید بازدور
گل آچیلوب بهار اولوب، نغمه ی وصل سازدور
فصل وصال گُل یتوب، ختم خزاندور عمّه جان
.
.
گرچه بیزیم ازل کی گون یتدی خزانه باغیمیز
جمله عزالی یاسلیوخ، واردی اورکده داغیمیز
منزلیمیز خرابه دور یوخدی اگر چراغیمیز
دلده کی شمع آهیوی بو گجه یاندور عمّه جان
.
.
عشق معاملاتینون نفعی که وار ضررده دور
خوشدی منیم هلاکتیم، جان دیمورم خطرده دور
سن که دیردون هِی منه عمّه بابام سفرده دور
گلدی غریبه وقتیده یاخشی زماندور عمّه جان
.
.
ایمدی خلاص ایدر منی طعنه ی اهل شامیدن
فارغ ایدر شماتت فرقه ی بد مرامیدن
لیک دیمه بابامه سن قصّه ی بزم عامیدن
طبع غیورینه بو غم خیلی گراندور عمّه جان
.
.
گرچه یتوردی حق منی دلده کی اشتیاقیمه
لیک چوخ اولدی خجلتیم یتدی کدر قوناقیمه
چکدی الینی باشیمه باخدی قابار ایاقیمه
آغلادی،یاندی،سویلدی بو نه نشاندور عمّه جان
.
.
ایستدیم اوزعزیزه سین، صورتی نیلی گورمه سین
هی وورولوب دوگولماقین واردی دلیلی گورمه سین
یعنی یوزومده شه گوزی نقشه ی سیلی گورمه سین
اولمادی گیزلدنمدیم گوردوم عیاندور عمّه جان
.
.
باخدی کبود عُذاریمه،آغلادی منده آغلادیم
یاندی بو حال زاریمه،آغلادی منده آغلادیم
یار اولوب آه و زاریمه،آغلادی منده آغلادیم
سنده یری وار آغلاسان، جای فغاندور عمّه جان
.
.
شمر شریر و شومیدن واردی دیمم شکایتیم
راه وفاده بهره مند ایتدی منیم ریاضتیم
گوردوم آتامی بیر نظر قالمادی دلده حسرتیم
جان ویرم آزدی وصلینون قیمتی جاندورعمّه جان
.
.
ایتدی وفا آتا بالا مهرین آتام ایتیرمدی
داغ فراقی سینه دن من دیمورم بیتیرمدی
حیف که تک گلوب اوزی اکبریمی گتورمدی
بولمور علی علی منه ورد زباندور عمّه جان
.
.
نچّه زماندور حسرتم عارض و خطّ و خالینه
کاش اونوندا بیر زمان عمّه یتم وصالینه
بیرده بو گوزلریم دوشه اکبریمون جمالینه
قالماز اورکده هر نه که درد نهاندور عمّه جان
.
.
جان ویرورم گلون گلون من دیمورم که یاندیرون
مرگیمون علّتینی بو رمزیله خلقه آندیرون
شمع زفاف اکبری قبریمون اوسته یاندیرون
باغریم او حسرتیله چوخ لخته ی قاندورعمّه جان
.
.
چاره قیل آز قالور چخا مرغِ دل آشیانه دن
گلسه دوباره شه دیمم درد و غم زمانه دن
بیرده شکایت ایتمرم زحمت تازیانه دن
دور دولاناخ بابامی تاپ آز منی یاندور عمّه جان
.
.
آلسا خبر مشقّت و زحمت و رنج راهیدن
گیزلدرم پیاده لیق زحمتینی او شاهیدن
قلبینه یتمه سین کدر باری بو بی پناهیدن
سن بولوسن بو مدّتی چوخ نگراندور عمّه جان
.
.
بیر در خانقاهیده بیرق فقر اوجاتمیشام
بالش استراحتین فکرینی باشدان آتموشام
اینجوری جسم وجان زبس بو قوری یرده یاتموشام
سهلیدی جای قمچیدور، کعب سِناندور عمّه جان
.
.
خون دلیله گوزلریم عمّه نه نوع دولماسون
من کیمی هیچ عزیزه نین گلشن عیشی سولماسون
هیچ آتاسی اُلَن بالا دشمن اسیری اولماسون
ذلّتی وار، اسیرلیق دردی یاماندور عمّه جان
.
.
کیم گوروب عمّه کیم بیله کامین آلا خرابه ده
لیک جهاندا جان ویروب هانسی بالا خرابه ده؟
شه گله شاهزاده نی یاده سالا خرابه ده
لایقی شاهزاده نین بیله مکاندور عمّه جان؟
.
.
بیرده بو جانه بولموشم دگمیه جاق نسیم یوم
بیله مقدّرات اولوب من بو مکاندا دفن اولوم
یعنی دوباره یثربه دوشمیه جاق منیم یولوم
گرچه گیدن سیزیله بو روح و رواندور عمّه جان
.
.
باجیلاریم گرک گیده شهر و وطن دیارینه
سن دُشننده جدّه میز فاطمه نین مزارینه
درد دلین دیر هامی جدّ بزرگواریمه
من که یوخام، بو حالیمی سن اونا آندور عمّه جان
.
.
ایله شفیع رقیه نی « شانی » اولونجه آغلا، تا
خالق حق بغیشله سین هر قدر ایتموسن خطا
ایلدی ثامن الحجج مطلع شعریوی عطا
کنج خرابه بو گجه رشک جناندور عمّه جان
.

کوچ ازشام

باشیمه دوشموش هوای ظهرعاشورا قیزیم
سنده دورمنله گیداخ من گیتمیوم تنهاقیزیم

ایسترم مثلِ سبکبالان دشت بحر و برّ
کوچ ائدم کرب وبلایه شامدن شوربده سر
گویلومه دوشموش اولام سنله دوباره همسفر
دورگیداخ سن گیتمه سن من آغلارام یولداقیزیم

آچ گوزون ای بلبل جان ، خسته و خاموش من همره و هم صحبت و هم درد و هم آغوش من
دور گیداخ چاوشیلر تک بیرده ای چاووش من
یاحسین سسله گینه یولّاردا ائت غوغا قیزیم

دور اولا تا کربلانون یولّاریندا رُسته گل
سن باباوابیراَتَک گل دردوتوم من دسته گل
من سپوم گل قتلگاهه سنده سپ تلّ اوسته گل
کربلانی سنله گل باران ائداخ یکجا قیزیم

دوردانش عَمّن ائشیتسین بیرده شیرین دللرون
دیزلریم اوسته سنون شانه ائدیم گیسولرون
من دوداقوندان اُوپوم سن بوینوما سال اللرون
ایلیاخ عمّه بالا باهم گینه نجوا قیزیم

دورگیداخ بو شهرده گوردون که یوخ یولداش سنه
من اگرگیتسم گلوب هیچ کیمسه چکمزباش سنه
دورگیداخ بوشهردن بوردا آتوبلار داش سنــه
شامیان گورسه سنی تک سن ائدر ایذا قیزیم

دور ایاقه بیرده آغلا بیرده چک سینندن آه
شامیدن کرب وبلایه چکسون آهون شاهراه
قتلگهده دور گیداخ قان آغلیاخ بیر قتلگاه
ایندی مقتلده یولون گوزلورآنام زهراء قیزیم

دردبی درمانو وُن دورتاپمیشام من چاره سین
آلمیشام عباس عمو وُن مشگ پاره پاره سین
هم بابا وُن کوینگین هم اصغرین گهواره سین
دور گُتور باهم قیامت ایلیاخ بر پا قیزیم

دور نظر قیل مشگیله گهواره و پیراهنه
ایلیاخ قسمت وئروم گهواره و مشگی سنه
سن گوتور ، تنها باباوین کوینگین وئر سن منه
او کفاف ایلر منه تا محشر کبرا قیزیم

◼️◼️◼️◼️

#اربعین و گریز به #ورود_به_مدینه و آمدن حضرت ام البنین س
#حقیرخوئی

هر گوشه دن نوای حنین و انین گلور
دلدن شکسته نی کیمی نالهء حزین گلور

برقِ شرار آه اولوب بسکه سینه سوز
کانونِ سینه دن نفسِ آتشین گلور

طوفانِ گریه موجه گلوب بحر ِدیده دن
دریا کیمی کنارینه دُرّ ثمین گلور

یر ، گوی اولوب حسینه مگر مجلسِ عزا
فریاده ساکنان ِسپهر برین گلور

جوش و خروش و ضجیّه سُکّان ِآسمان
آه و فغان و نالیه خلقِ زمین گلور

ایتموش احاطه شش جهتی بانگِ اَلصّلا
گویا صلای ماتمِ سلطان دین گلور

ماتم نشین پیمبر و صاحب عزا خدا
هم انبیا عزاسینه هم مرسلین گلور

گویدن یره نزول ایلیوب بزمِ ماتمه
فرش ایتماقا ملائکه بال و پرین ، گلور

خورشیدِ آسمان حیا ، بنتِ مصطفی'
صف صف صاقا و صولا دوزولوب حورِ عین گلور

عَشرِین ماهِ عاشرِ ماه محرّمی
تکمیل ایدور صفر خبرِ اربعین گلور

شاهِ شهید روضه سینه روضه خوانلیقا
بیر کاروان ، اسیرِ خرابه نشین گلور

کلثوم نوحه خوان ، دالیجا سینه زن زنان
اطفال دسته دسته یسار و یَمین گلور

کیمدور خبر ویره گله تا پیشوازینه
لیلا خانم زیارتینه اکبرین گلور

مدهوش ایدر مشامینه نافِ ترابیدن
مشکین شمیم ، نافه گشا عنبرین گلور

بیر نامراد تازه جوان قبری اوستونه
بیر بختی قاره ، قاره گیینموش گلین گلور

یول گوزلوری عم اوغلوسی چخسون قباقنه
امّا گتورموری دله قلبنده کین گلور

زینب النده قارداشا قارداش نشانه سی
حاضر دوتوب او قانه باتان کوینگین گلور

شش گوشه قبرینی چکوب آغوشه جان کیمی
آغلار ، آنان یرینده اولوب جانشین گلور

هر تیرِ غم که شستِ فلکدن اولور رها
اوّل نشانیه دل زینبِ قرین گلور

صیّاد تک کمان کشِ گردونر، جانمین -
قصدینده دور ایدوب منی دائم کمین گلور

هانسی مصیبتوندن ایدوب ذکر یَابنَ اُمّ
بیر بیر خیالیمه ستمِ اهل کین گلور

گویا وورالّا هلهله میداندا غارته
فرمان ویروبله خیمه لره مشرکین گلور

زلفیم آغاردی اوندا که گوردی بو گوزلریم
خنجر الینده قتلوه شمرِ لعین گلور

قدّیم کمانه دوندی او گوندن دوزَلمدی
گوردوم جداده تا که سرِ انورین گلور

گاهی معاینه نظره ، گه خیالیمه
عریان قالان او گل بدنِ نازنین گلور

بیمار امام خاک ِشفادن شفا آلا
حاذق طبیبه تا دیه دردِ دلین ، گلور

صد آه کربلادن ایدوب کوچ یثربه
اولادِ طاهرینِ رسولِ امین گلور

آزاده لر کمند ِجفای یزید دن
آزاد اولوبلا عترتِ حَبلُ المَتین گلور

قاصد گلوب خبر گتوروبدور مدینیه
حِلّ و حرم امینی امامِ مبین گلور

بوینوندا شالِ ماتم ، الینده قرا علم
غمناک ، سینه چاک گلور شرمگین گلور

آشوبِ رستخیز پیمبر وفاتی تک
فزیاده یثرب اهلی کَهین و مَهین گلور

اطرافینی آت اوسته بشیرین دوتوبدولار
اما گورولّه خیل ملول و غمین گلور

بیر بیر خبر دوتالّا جوانلار که هانسی گون
اکبر او سروِ لاله رخ و مه جبین گلور؟

وقتین معیّن ایله نه گونده عراقیدن
عبّاس ِنامدار او جوانِ گزین گلور

گوردی بشیر بیر اوجا قامت خانم اله
بیر طفلِ مه جبینون آلوبدور الین گلور

زهرا عزیزی اوغلی حسینی سوروشماقا
عباس آناسی فاطمه امّ البنین گلور

قلبی یانوب گورنده اونون حالتین بشیر
عرض ایلدی سنون بو سفردن کیمین گلور؟

عباس آناسی ویردی بشیره بیله جواب
سویله گوروم نه وقت حسینیم یقین گلور

هر قدر ایستدی دیه گوردی محالیدور
بیردن ویره ئولوم خبرین چوخ چتین گلور

عرض ایتدی هیچ سوروشموسان عّباسوی ندن؟
حیفی اونون جوانلیقینا عالمین گلور

دولدوردی گوزلرین دیمه قاصد آدی دله
هرگز آقا وجودی ئیله نوکرین گلور

عبّاس و عون و جعفر و فضلی حسینیمه
ویردوم فدا بو قدره گمانیم همین گلور

قربان اونون وفاسینه عبّاسیمه (حقیر)
حقا که مستحقّ هزار آفرین گلور.

التماس دعا🙏

مرحوم حسینی سعدی زمان
.
گوزومده غم گتیرور موجه اشک دریاسین
دین زمان حسن عسکری قضایاسین
.
اولیدی کاش بو معموره روزگار خراب
ایدنده معتمد دون جفایه فتح الباب
.
ایدوب امام زمانین آتاسینی مسموم
او زهریله حسن عسکری اولوب بی تاب
.
موثر اولدی ز بسکه امامه زهر جفا
دوتوبدی رعشه وجود شریفی چون سیماب
.
گیچنده سال قمردن ایکی یوز آتمش ایل
اولوبدی جدینه ملحق وصی ختم مآب
.
ربیع الاول آیی, روز جمعه، هشتم ماه
بو شاه دینون اولوبدی منامی تیره تراب
.
بیله روایت ایدور اول شهین غلامی عقید
که مندن ایستدی سو اول سلالة الاطیاب
.
حضورینه او شهین آب مصطکی گتدیم
ولیک رعشه امان ویرمیوب اولا سیراب
.
قویوب یره دیدی سو ویر ایدوم وضو تجدید
امام عصر النده گتوردی کاسه ی آب
.
زمان صبحیدی ایتدی وضوسینی تجدید
نماز صبحی ادا ایتدی پور ام کتاب
.
دوباره آلدی اله آب مصطکی ایچسون
یتوردی لبلرینه خسرو سپهر غباب
.
ایدوبدی رعشه الی، دگدی کاسه دیشلرینه
صعوبتیله ایچوب سو شفیع یوم حساب
.
عطش حرارتینی سوندوروب تمام اولدی
بو شرح غم گینه الدن آپاردی طاقت و تاب
.
حسینه اولمادی بیر کیمسه بیر ایچیم سو ویره
دیه یارالیدی، قلبین عطش ایدوبدی کباب
.
بیله روایت ایدور بو سوزی ابوالادیان
اونون دلینجه ایدوب ثبت معتبر کتاب
.
دیر امام حسن یعنی اون بیریمجی امام
منی حضوره چاقوردی بو نوعی ایتدی خطاب
.
واریمدی بیر نچه نامه آپار مداینه سن
اوتوز گونون اولی نصفی سنه ایاب و ذهاب
.
گلنده شهره گوررسن قیامت عالمیدور
ایدوبدی چاک گریبان تمام شیخیله شاب
.
دولوب فغان و نوائیله شهر شامره
او دمده داعی حقی بول ایتموشم ایجاب
.
دیدیم آتام سنه قربان خدا نکرده اگر
بو ایش اولا، سنه کیمدی وصی، ویردی جواب
.
او کس که ایستیه سندن جواب نامه لری
امام مفترض الطاعه دور او عرش جناب
.
دیدیم بیر آیری علامت بویور، دیدی هر کیم
قیلا نمازیمی بولسون امام اونی احباب
.
دیدیم بیر اوزگه علامت، دیدی که همیاندا
ویره او کس که مطلائیله طلایه نصاب
.
خیال ایتدیم ایدم عرش هانسی بیر همیان
دوتوب وجودیمی رعب امام و بیم عتاب
.
مرخص اولدوم امام هدی حضوریندن
گیدوب مداینه قیلدیم مراجعتده شتاب
.
منیم مسافرتیم جمله چکدی اون بش گون
یتنده شهره نه گوردوم جهان اولیدی خراب
.
فغان و شیونیله سر من رآی دولودور
ملال بحریدی، مردم او بحر ایچینده حباب
.
امام رحلت ایدوب صحنیده ویرولر غسل
انا الامام دیور خلقه جعفر کذاب
.
دیدیم من اوز اوزیمه بو امام هاردان اولور
و حال آنکه قمار بازیدی ایچردی شراب
.
عقید گلدی دیدی ایتدیلر امامه کفن
نماز قیل دوزولوبدور صفه تمام اصحاب
.
نمازه جعفر کذاب ایلینده شروع
حقیقتین گونی یوزدن کناره چکدی سحاب
.
طلوع ایلدی دولت سرای والادن
صغیر سنیله بیر آفتاب عالمتاب
.
جبین گشاده و دندان گشاده، گندمگون
جمالی گون کیمی طالعدی، زلفی پرخم و تاب
.
گلوب وقاریله دوتدی عباسینون اتگین
بویوردی جعفره یاعم ایتمه بیله شتاب
.
آتام نمازینی قیلماقلیقا من اولایم
چکیل کناره، او بی شرم او طفله اولدی مجاب
.
نمازی قیلدی همان سید جلیل القدر
امامی قبره قویوب قلب پاکی اولدی مصاب
.
دونوب بویوردی منه ویرجواب نامه لری
او طفله رد ایلدیم، غائب اولدی اول مهتاب
.
دیدیم من اوز اوزیمه بو ایکی علامتیدی
منه گیدنده بویورموشدی شاه ذوالانساب
.
او گیر و داریده بیر دسته اهل قم گلدی
امام موتینی بولدی او باوفا احباب
.
سوال ایتدیله کیمدور وصی، دیدی حضار