🙃Loloni Pepesi ga...🙃

Эътиборсиз бўлиб қолсам,
Рашк ўтида куйманг бегим!
Кулгичларим яширсам гар,
Қовоғингиз уйманг бегим!

..Қалбим сизга талпинади,
Лек айтолмай туйғуларин.
Дилим пойлар, тилим пойлар,
Кечиб ҳар гал уйқусидан.

Сочларимда соғинч ини,
Қўлинг қумсаб тугун-тугун.
Кўришмоқни истар кўнгил,
Насиб қилсин дийдор бугун.

Қочоқ дейсиз қочиб кетдим,
Пойтахт мени қучиб олди.
Энди қачон қайтасан деб,
Бисотингда сўз толди-ми?

Йўл узоғ-у, кўнгил яқин,
"Йўл яқиндек, кўнгил узоқ".
Рашк ўтида қоврилажак,
Майда гаплар қўйди тузоқ.

Доимгидек, араз устун,
Яраш четда сарсон бегим.
Тилинг ёғлар яхшиларинг,
Ёмон бўлиш осон бегим.

Ошуфта қалб,
мўжаз севги,
...йўлимизда гул унажак,
Бағримни
гулчечекга боғичлаб келинг бегим..!

✍️ Гулҳаё Ҳусанова

https://tttttt.me/joinchat/AAAAAEY-Yw_RrkwoDoIFAQ

https://tttttt.me/joinchat/AAAAAD5sz0pDjeFn_IXLJg

@sheriyatuz

Сўнгги қўнғироқ ҳам чалинди мана —
Мактаб эшиклари ёпилар секин.
Ҳаёт деб аталмиш мактаб эшиги
Очилар лекин.
Ҳа, янги синовни қаршилар ҳамма,
Умрбод ўртагай ёшлик фироғи.
Сўнгги қўнғироқ деб атаманг асло,
У асли ҳаётнинг илк қўнғироғи.

Х. Хамидов

Mana bugun sòngi qònğiroq
Sòngi yòlga elitguvchi yòl.
Hayr dòstlar, hayr birodar
Endi ayro bòlar bizning qòl.

Chalmay turgin sòngi qònğiroq........


✍ GULHAYO HUSANOVA

@sheriyatuz

Водий - Тошкент
Тошкент - Водий
Йуналишлари буйича такси хизмати элонлари мутлако бепул
https://tttttt.me/vodiytashkenttaxi

Тонг отди, саҳардан типирлаб,
Дер: эрта хамирим қораман.
Ўзича. ичида пичирлар:
Онамни кўргани бораман...

Қиз меҳри, барибир бўлакда,
Гарчи у ҳам, она, уй бека,
Соғинчи тинч қўймас юракда,
"Онамни кўргани бораман..."

Супурар, ҳовлини ҳаспўшлар,
Нонушта тайёрлаб, жой тўшар,
Қувончи ғайратин ҳовучлар...
"Онамни кўргани бораман..."

Эр мудраб туради, минғилаб,
Бош оғриб, қулоғи шанғирлар,
Кўзидан қуйилар, ёмғирлар,
"Онамни кўргани бораман..."

Уйғонар, болалар шу тобда,
Кузатар, мўлтираб мактабга,
Ютинар, илинжи зардобда...
"Онамни кўргани бораман..."

"Ўлтирганмикан-а? фаромуш,
Эшикка кўз тикиб, жим, ҳомуш,
Йўл қараб, юролмас, бояқиш,
Онамни кўргани бораман..."

Бўлмади, охири қўл силтаб,
Отилди, қуш каби чириллаб,
Югурди кўчага, уй ҳатлаб,
"Онамни кўргани бораман..."@sheriyatuz

Kerakmas mingta so'z bilan avrashing...
Hamono yodimda o'zing deyishing...
Har tongda seni men tushda ko'rdim deb
Kerakmas his etmas kuylar kuylashing...
Birgina so'rayman sendan xamisha...
Eslagin o'zgaga bir boqganningda...
Kimningdir ko'ziga uqiganingda...
Suratim namoyon bo'lsin ularda...
Diqqating buzganda begona chiroy...
Yuraging qattiqroq ursa birovdan...
Jumbushga kelganda eting suhbatdan...
lltimos bir bora eslagin meni...
Kerakmas eslashing yonimda bo'lsang...
Kerakmas o'zimga aytishing sevging...
Yolvoray bir bora eslab tur meni...
Birovlar yonida o'tirar bo'lsang...
Yodga ol birbora menim nigohim...
Nursiz bir ko'zlarda ko'ringaningda...
Dilim yetimlikda o'ksiganini ham...
Kimnidur mexrida ovunganingda...
Hamisha eslab tur kelganingdamas...
Sen mendan yiroq-ga ketar bo'lganda...
Qalbimda g'amimni eslagin birbor...
Kimnidir o'gushida quvonganingda...
Kimningdir ovozi jaranglaganda...
Qulog'inga qo'shiq bo'lib kelarmu...
Navosi yoqimli bo'lsada uni...
Meningdek nolasi unda bo'larmu..,..
Zor qaqshab yig'lagan bemor ishon...
Ko'ngli to`q zolimlar tushunarmidi...
Mehringa zor tashna sahrolarimda
Bir bora oyog'im kuydirarmidi...
Bog'izlab qo'ysaydim beburt ishqimni...
Tilkalab tashlasam bemor sevgimni...
Mendan ham qaysarroq chiqdi tuyg'uyim...
Menga emas vafosi senga deydi ya...
Jimgina termulgan ko'zlarim asli...
Yurak og'rig'idan hayqinganini...
Churq etmas lablarim tishlanganini
Kimnidir o'p-ganda yodga olsayding...
Kerakmas qo'limga bergan sovg'ang ham...
Qo'limdan tuganda issiq tafting ham...
Birdonang bo'lmasam yurak-kinangda...
Joningni bersang ham kerakmas manga...
Kerakmas, shart emas so'ramayman ham...
Talab ham qilmayman, surishtirmayman...
Kim bilan qayerda bo'lsang ham mayli...
Birgina iltimos yodga ol meni...
Kerak bo'lsa mayli taqqosla meni...
Yuragim qalbim ya mehrim taftimni...
Ko'zlar tuzilishi emas, nurin taqqosla...
Quchoq ehtirosi emas, mehrin taqqosla...
Kerakmas sevganim zavqin berish...
Kerakmas yonimga to'lib kelishi...
Kimdandir visolni sog'inganida...
Birgina tilagim eslab qo'yishi...
Qizg'onish, rashq emas hudbinlikdan-mi...
Jimgina shukurdan alamli darmon...
Kimgadir nigohing qadalganida...
Birgina eslash ALLOHdan so'rayman...
Eplay ololmayman talab qilishni...
Yer bilan bir bo'lib jonga tegishni...
O'zgalar bir chetdan rom qilganida...
Unutma meni bir eslab qo'yishni

Atlantika okeani ustida

Tepada bir ummon, pastda bir ummon,
Ikki dengiz aro kechar lahzalar.
Xayolga tolaman: men o‘zi kimman?
Ojiz va notavon zarra.... alhazar!

✍ O‘tkir Hoshimov
Daftar hoshiyasidagi bitiklar.

@sheriyatuz

Ha, men o'sha ko'p "men"lar vakiliman

"Jim" - dedilar "qo'shnilar eshitmasin"!
"Jim" - dedilar "odamlar gapirmasin"
"Jim" - dedilar "yuqorida bilmasin"
Sukut saqlab, "jamiyatga" qul bo'lgan,
Tirik murda, qurbonlar vakiliman.

G'iybat qilib, yangilashdi dardimni
Tuhmat qilib, tepkilashdi baxtimni.
Endi qaydan topay o'tgan umrimni?
Izlab-izlab, zulmatda qo'nim topgan
Adash(tiril)ganlarning vakiliman.

Bolalikda - mehr nima? - bilmagan
Uzatildi - turmush nima? - bilmagan
Ona bo'ldi, farzand qadrin bilmagan
O'sha kuchsiz, hayotda maqsad topmay,
Sarson bo'lgan zaiflar vakiliman.

Dindan so'zlab, o'zi amal qilmaslar,
Yerga urib, o'zi yerdan turmaslar,
Nafsin tiymay, la'natlashdan to'ymaslar,
Tinmay nolib, adolat talab qilgan,
Qonunbuzar, maddohlar vakiliman.

Rahmim kelar o'zimga, lek mag'rurman.
O'zdan kechgan, lek shu elga manzurman.
Birxillikda, birgalikda masrurman.
Pana izlab, yolg'iz esa yosh tokkan,
Ha, men o'sha ko'p "men"lar vakiliman.

©Honey flower

#muxlisminbari

@sheriyatuz

​​ШУМ БОЛА

Ўрнимдан туришим билан телеграмга кирдим. Санъат арбоби Абдурайим Абдуваҳобов қазо қилгани ҳақидаги хабар қарши олди мени. Ажиб, барчанинг қайғуси умумийлигини, муносабат бир хиллигини кўрдим. Яъни, катта ёшли инсоннинг вафотига қайғурганлик ҳисси эмас, боласидан айрилганлик туйғусини туйдим.

Ҳа, Абдурайим ака “Шум бола”дан кейин жуда кўп ролларни ижро этган бўлса-да, уларнинг барчасида ўша биз билган беғубор ўспириннинг нигоҳи сақлаб қолинди. Ҳозирга қадар у инсонни кўрганимизда беихтиёр Қоравой сиймоси гавдаланаверди кўз ўнгимизда. Бошқа ролларини миллат ё тан олмади, ё қабул қилолмади. Аслида кейинги роллари ҳам юксак маҳорат билан ижро этилган, доимо образининг ички руҳиятини чиқара оларди раҳматли. Лекин баъзиларга қисмат шундай мукофот улашадики, уларни ҳеч қачон болаликдан айро ҳолда тасаввур қила олмаймиз. Кўз ўнгимизда бола бўлиб қоладилар.

Голливуднинг “Уйда ёлғиз” фильми бош қаҳрамони – Маколей Калкин (Кевин Маккалистер) фаолиятини эшитгансиз. Отасининг очкўзлиги билан катта пулларга роллар ўйнаган ва кейинчалик киноиндустрияга сиғмай қолган Кевин ўзига мос образлар топа олмагани учун муваффақиятсизликка учради. Хароба уйида буюк фильмини алам билан томоша қилиб ўтирганини айтган эди бир интервьюсида. Лекин бизнинг “шум бола” ўша ёшлигидаги буюк ижросига халақит бермайдиган ижод устида яшади. Кимнинг ролини ўйнаса ҳам ўша беғуборлик кўзидан, қалбидан сезилиб турди. Қайнота ролини ўйнаса ҳам Қоравойлигини унутмади, миллат боласининг хислатини улашиб ўйнади. Яъниким, Абдурайим Абдуваҳобов охиригача “Шум бола” бўлиб яшади.

Телеграм каналлардаги муносабатлардан англаб етганим шу бўлдики, у нафақат шум бола бўлиб яшади, балки миллатнинг эркатой боласи бўлиб вафот этди. Барча хабарларда эллик еттига кирган одамдан айрилганлик ҳисси эмас, боласидан айрилганлик туйғусини туйганим шундан бўлса керак. Ҳатто Абдурайим аканинг видолашув овозлари ҳам ўша ёшликнинг ҳорғин овозидек эшитилди менга.

Аллоҳдан “миллатнинг боласи”га раҳматлар сўраб қоламиз.

Дарё тошқин, сувлар тўлқин...

t.me/xayrulla_hamidov

Orzu bilan haqiqat o`rtasida bir kiprik qoqgudek vaqt bor. Orzu qila turib kiprikni bir qoqsang haqiqat aslida qandayligini sezasan. Orzu orzuligicha qolaveradi .

@sheriyatuz

Вужудимни тилиб тилка-тилка,

Айла, виждонимни сотмайман,

Халқ дардини жойладим дилга,

Ўлай, ўлимдан ҳам қайтмайман.

Ушбу тўртлик муаллифи 1938 йили мана шу сатрларни оққа туширган бўлса, орадан 11 йил ўтиб, айнан шу сўзлари учун совуқ Сибирь ўлкасига сургун қилинганди. У Усмон Носир, Абдулла Қодирийни ҳам кўрган. Узоқ йил хоин замондошлари касрига босимлар остида яшаган. Бугун у вафот этди. У 99 йил умр кўрди. Омонатини бугун топширди.

Шукурулло домла, Аллоҳ сизни раҳматига олсин.

Кечроқ, Kun.uz'да шоир билан суҳбатимиздан ёдда қолганлари ҳақида ёзаман.

Жаллодидан узоқ яшаган шоир (с)

Аллоҳ раҳматига олсин Шукрулло домлани. Яхшиликларини, жўмардликларини ўзларига ҳамроҳ айласин.

Эгилмаган, букилмаган шоир бир йили кам аср кўрдилар. Ҳақиқат узоқ яшай олишининг зўр намунаси бўлдилар.

@Xayrulla_Hamidov_adabiyot

Юлудузлар
сен учун порлар эҳтимол.

Сен учун эҳтимол
баҳорлар келар.

Эҳтимол бу дунё сен учун
яралган…

Анов, тақдир эса —
Фақат сен учун.

Нега у
ташландиқ уй каби ғариб?

Нечун
тақдирингда
яшамаяпсан?

Уни
бировларга
нечун топширдинг?

✍ Усмон Азим

@sheriyatuz

Ajoyib status va rasmlar qidiryapsizmi? Unda sizga ushbu kanalni taklif qilaman🥰👍👇

A'zo bo'ling, tavsiyam: 👉
👉 @lola_gulingman🥀🌱
@lola_gulingman🥀🌱
@lola_gulingman🥀🌱

✍️ Norboboeva Jasmina
🎤 Zulpanov Fazliddin

#muxlisminbari
@sheriyatuz

Òtib borayotgan muborak kunlar
Allohning rahmati yoğilmiah tunlar
Kòzlatda yosh ila tilaymiz tilak
Arafa kuningiz bòlsin muborak.
Azizlar barchamizga arafa muborak bòlsin.😊😊😊

• "Кар" билан "кўр" овга чиқибди.
"Кўр"нинг қўлида милтиқ, "кар" эса овланадиган ўрдакни кўрсатадиган бўлибди.
- Ана ўрдак, от!- бақирибди "кар".
💥 Бадабанг!!!
• Милтиқни осмонга қаратиб тепкисини тахминан босворган "кўр":
- Тегдими?!- деса:
- Отдингми?!- дермиш "кар".

• Хулоса:
- Ҳаётда милтиқ "кўр"нинг қўлида, нишон кўрсатиш "кар"нинг измида қолмасин, ишқилиб.

© Аброр Мухтор Алий

📚📚📚
@sheriyatuz