ТЕЛЕФОН

Мен бугун телефон хотирасидан
Таниш рақамларни ўчирдим.
Энди
Ҳеч қачон қўнғироқ қилмайман сизга,
Сиз томон талпинган жаранглар тинди.

Бахт дегани гўё таманно бир қиз,
Секин-секин келиб, кетаркан тезда.
Бошқа бир рақамлар ҳеч андишасиз
"Жоним" деб сақланар телефонингизда.

Йўқ-йўқ, ачинмайман, йиғламайман ҳам,
Фақат юрак қурғур кўнса бўлгани.
Қабр кавлаяпман кўнглимнинг сокин,
Ғариб гўшасидан ишқни кўмгани.

Неча бор қайтмоқни истаганим рост
Висол иқболига босиб қадамлар,
Сиз бир бор қўнғироқ қилсангиз, холос,
Ёдимга қайтсайди ўчган рақамлар.

Келиш бор эканки, кетиш муқаррар,
Ҳижрон муҳаббатнинг яқи-и-иин ошнаси.
Фақат чидамайман сизнинг рақамни
"Жоним" деб сақласа мендан бошқаси...

Малика Салимова.

@sheriyatuz

Niyyat

Zulmatda chirildoq chirillagan on,
To‘lin oy porlasa paykalga qarab.
Yag‘ir do‘pping kiyib, yelkangda ketmon,
Dalalarda yursang yolg‘iz, suv tarab.

Sokin uvotlarda bo‘zraysa fonar,
Xudo yulduzlarni birma bir yoqsa.
Og‘zini lang ochib oydin dalalar,
Oyning qo‘rg‘oniga ag‘rayib boqsa.

Suvlar jildirasa, pushtalar to‘lib,
Ko‘rshapalak uchsa shodon, ovozsiz.
O‘ltirsang porlagan oyga termulib.
Oddiy suvchi bo‘lsang, bo‘lsang savodsiz.

Shiypon tamondagi so‘rida yotsang,
G‘ir – g‘ir esaversa tungi shabada.
Uyg‘onsang to‘rg‘aylar chuldirayotgan,
O‘z ona yurtingda, tongi dalada.

@sheriyatuz

Чулда ёнма-ён кетаётган жуфт тошбақа бирига деди:
- Сен 300 йиллик умримни ҳазон қилдинг!)))

@sheriyatuz

Kar odam shivirlar
Jon berayotib:
– O’lsam, mozorimda qirq kun kuy chaling…

Ko’r odam o’tinar
Jon berayotib:
– O’lsam, mozorimni kungayda qazing…

Soqov g’o’ldiraydi
Jon berayotib:
– O’lsam, tosh qo’ymanglar mening qabrimga…


@sheriyatuz

Тонг отди, саҳардан типирлаб,
Дер: эрта хамирим қораман.
Ўзича. ичида пичирлар:
Онамни кўргани бораман...

Қиз меҳри, барибир бўлакда,
Гарчи у ҳам, она, уй бека,
Соғинчи тинч қўймас юракда,
"Онамни кўргани бораман..."

Супурар, ҳовлини ҳаспўшлар,
Нонушта тайёрлаб, жой тўшар,
Қувончи ғайратин ҳовучлар...
"Онамни кўргани бораман..."

Эр мудраб туради, минғилаб,
Бош оғриб, қулоғи шанғирлар,
Кўзидан қуйилар, ёмғирлар,
"Онамни кўргани бораман..."

Уйғонар, болалар шу тобда,
Кузатар, мўлтираб мактабга,
Ютинар, илинжи зардобда...
"Онамни кўргани бораман..."

"Ўлтирганмикан-а? фаромуш,
Эшикка кўз тикиб, жим, ҳомуш,
Йўл қараб, юролмас, бояқиш,
Онамни кўргани бораман..."

Бўлмади, охири қўл силтаб,
Отилди, қуш каби чириллаб,
Югурди кўчага, уй ҳатлаб,
"Онамни кўргани бораман..."@sheriyatuz

Ўшал кун унутдим таниш йўлларни,
Турфа сояларга тикилдим ҳайрон.
Мен йўқотиб қўйган жавоҳирлардек
Кўзимга босилди юлдузли осмон.
Ўшал кун кетолмай паришон турдим,
Хаёлингга кирдим балки сўнгги бор.
Ихтиёрсиз ерга номингни ёздим,
Номсиз ўйларимнинг тасвири мисол.
Уза олмаётган қарзларим кўпдай,
Тик боқа олмадим ўтмиш кўзига.
Елларга ишондим сирларимизни,
Ишона олмадим балки ўзимга.
Йиғладим , тушуниб-тушунмай ғамни,
Хаёлнинг беўхшов рақсини кўрдим ,
Умримнинг энг озод тўлқинларини
Бир тор дарёларга топшириб қўйдим.

@sheriyatuz

Bedorlik soati ..... hayrli kech tungi bedorlar......

https://tttttt.me/joinchat/GaM_oUhM5Eh_1vd0BFyKJw

@sheriyatuz

Тонг отмоқда. Тонг ўқлар отар,
Тонг отмоқда, қуёш — замбарак.
Яраланган Ер шари ётар,
Бошларида яшил чамбарак.
Тонг отмокда, мусаффо тонгга
Юрагини тутар одамлар,
Шу тонг учун келган жаҳонга,
Шу тонг дея ўтар одамлар.
Тонг отмоқда… @sheriyatuz

Кўп йиғлама,
оғрийди бошинг,
ахир бахтли бўлмоғимиз шарт.
Ёмон бўлар агар кўзёшинг
тугаб қолса, келгунича Бахт.

Кўзёшингни сочма тунларга.
асраб қўйгин яхши кунларга...

Шавкат РАҲМОН


@sheriyatuz

Uzoqdan termulib suygandan ko'ra,
Alamlar o'tida kuygandan ko'ra,
Jonimni azobga qo'ygandan ko'ra,
Yurganim yaxshidir sizni sog'inib.
"Sevdim" degan so'zim yerda qolguncha,
Hijolatda ko'zim yerda qolguncha,
Siz osmonda, o'zim yerda qolguncha,
Yurganim yaxshidir sizni sog'inib.
Beshafqat hirondan muruvvat kutib,
Besamar visolni bahridan o'tib,
O'zimdek Majnunlar etagin tutib,
Yurganim yaxshidir sizni sog'inib.
Sizni ko'rib dardim yangi bo'lgandan,
Qalbim g'arib xayollarga to'lgandan,
Do'stu dushman bu holimga kulgandan,
Yurganim yaxshidir sizni sog'inib.

@sheriyatuz

Кунгил дардларга тулиб кетганда
Номардлар холинга кулиб кетганда
Кечаси бевафо ёрни кутганда
Мени эслаб йиғлаб ол гулим

Омад сенга асло кулмаса
Кайфиятинг хеч хам булмасп
Бари булар агар чидаса
Мени эслаб кулиб ол гулим

Чин севгини топа олмасанг
Армон эшигини ёпа олмасанг
Ёлғизликка ортиқ чидай олмасанг
Суратимни қулинга олиб қучиб ол гулим https://telegram.me/sheriyatuz

Orzu
Tug`ilmasdan oldin men
Chiqib Arshi aloga,
Oyni o`pib, qoldim men
Yulduzlardan baloga.

Tug`ilgandan to shu dam,
Qumsab kecha-kunduzlar.
Oy qani deb yig`lasam,
G`iybat qilar yulduzlar...

Hiqqillama, der yurak,
Dunyo bilan ishim yo`q.
Bo`lsa menga Oy kerak.
Yulduzlarga hushim yoq!

Kapalakka almashaman
Bisotimni bog`da bir halol,
Kapalakka almashaman men.
Hayotimni ko`kdagi zilol,
Kamalakka almashaman men.

Yog`dularga ko`milgan shahar
Betonlari biqinni chaqar.
Uyim qasr bo`lsa ham agar,
Guvalakka almashaman men.

Shoirlikni suymaydi jinim,
Menga havas qilmagin inim.
Shuhratimni totli bir tilim,
Handalakka almashaman men.

Qo`shiqlarim bo`lib ovoza,
Yurtda mashhur emishman toza!..
Barcha yozgan sherim bir kosa
Sumalakka almashaman men.

@sheriyatuz

#retro

Shahzoda - Seni osmonimga olib ketaman.

@sheriyatuz

МЕН БИТТАДУРМАН

Санам, сочингдан ҳам шайдоларинг кўп,
Ҳуснинг ошиқлари - адоларинг кўп.
Ниманг кўп, кўйингда гадоларинг кўп,
Аммо мен биттаман, мен биттадурман.

Бек йигит бир сенинг пойингда хорман,
Гарчи дийдорингга муштоқу зорман,
Мен беун севарман, мен жим севарман,
Қиёматгача шул сукутдадурман.

Дейдилар: муҳаббат билмас масофа,
Айрилиқни писанд қилмас масофа.
Келурсан ўзинг деб бир кун инсофа -
Гоҳи Тошкент, гоҳи Ургутдадурман.

Тилинг билмасам ҳам тушунгандайман,
Сен билан гоҳи дўст тутингандайман.
Гоҳи бу дўстликдан ўкингандайман,
Минг бир хаёл ичра минг биттадурман.

Суймоқ - бу гулханда куймоқ азали,
Мен шаҳар эркаси, сен тоғ гўзали. 
Эслаб юр ёдингга тушган маҳали -
Шайдоларинг кўпу, мен биттадурман!..

@sheriyatuz

Sheriyat

Goh otam gapini olmayman
Bilganimdan sira qolmaynan
Sher yozmasam tura olmaynan
Meni o'ldiradi sheriyat

Tunlari uxlamay yozaman
Bu yo'lda qaygacha boraman
Bir kuni devona bo'laman
Meni o'ldiradi sheriyat

Gulyuzmas qalamni erkalab
Jonimni kuyida nimtalab
Birkuni qalbimni titkilab
Meni o'ldiradi sheriyat

Satirga termulib erta kech
Halovat bilmaydi jonim hech
Shoiridan olib ohir o'ch
Meni o'ldiradi sheriyat

"Ayt nima topasan" dedilar
Ba'zida ustimdan kuldilar
Devonaga chiqarib qo'ydilar
O'ldirsa o'ldirsin sheriyat

07.03.2018

✍Azam Maxmud

#muxlisminbari
@sheriyatuz

Nomardlar;

Ne tongki allalar ruhimni sabo, Bedor tun uygʻoqman kunduzim behol,
Mahzun taraladi maʼyus bir sado,
Qalbimga zahrini sochar bemalol.

Jondan aziz bilib mehru vafoni,
Mening topganimdir ikki ogʻiz soʻz.
Hayhot hayronu lol izlab davoni,
Dilimda dogʻ tilda afsuslar hanuz.

Haqiqatni hasta qilmoq istarlar,
Nedir maqsadlari nedir oʻylari.
Oʻzganing soʻnmogʻin tinmay qistarlar,
Birovning azasi boʻldi toʻylari.

Ne tongki allalar ruhimni sabo,
Bedorman tunlari ne erur bu hol.
Tun kun farqsizdir qalblari qaro,
Nomardlar mardlikni olarlar malol....

✍ Saidabdulazizxon

#muxlisminbari
@sheriyatuz

#OYMOMA

Оқшомлари қовундай юмалайди ой ерда.
Менга айтинг, қуёшнинг остонаси қаерда?

Тилинг борми, бўлса бир ҳайқириб бер, оймома.
Шу кўчада бир қиз бор, чақириб бер, Оймома!..

Ўрмалаб бор, мен учун эшигига бошинг ур.
Юзларига юзинг бос, қошларига қошинг сур.

Узрим айтгин юракдан, уни тавоф этарман.
Келаман деб ҳар кеча, келолмасам нетарман.

Қай кун йўқлаб боргандим, кўрмайин ҳол сўргандим.
Мен севишни тундаги сукунатдан ўргандим…

Мен учун ҳам ўзинг бир ҳайқириб бер, Оймома.
Сендан ойдин бир қиз бор, чақириб бер, Оймома.

@sheriyatuz