Qadrdon itlar


Depsinib raqsga tushadi poyiz,
Uxlar chiroqlarga talangan shahar.
Oy kezar dalalar ustida mayus,
Sukunatni uyqu elitgan mahal.

Yulduzlar koinot kengliklarida,
Kiprikdagi ko'zyosh singari titrar.
Kimsasiz osuda zulmat qa'rida,
Xorg'in akillaydi qadrdon itlar.

✍️ Xoldor Vulqon

@sheriyatuz

Shu'lalardan qamashadi ko'z

Olamni beminnat yoritadi oy,
Surishtirib yurmas hatto ish haqin.
Xonalarda qolmas yorishmagan joy,
Darchalarga kelganda yaqin.

Zulmat bag'rin tilib yulduzlar uchar,
Oydin yo'laklarga to'shaladi bo'z.
Odam ko'rinmaydi bo'm bo'sh ko'chada,
Shu'lalardan qamashadi ko'z.

Uzoq uzoqlarda daydi it hurar,
Olis yulduzlarga yetadi ohi.
Porlayotgan oyga shundoq tegib turar,
Gullayotgan o'riklar shoxi.

✍️ Xoldor Vulqon

@sheriyatuz

Bahor toshqinlari


To'lqinlar garmonin cho'zg'ilab, chalib,
Beshikday lapanglab oqadi daryo.
Mudroq oy ohista ko'kka yuksalib,
Suvlar ko'zgusiga boqar beparvo.

Baqalar zulmatda g'amgin valaqlar,
Sokin gurungida ilohiy hasrat.
Tizza bo'yi suvga botgan daraxtlar,
Qushlarning inlarin avaylab asrar.

Daryo toshqinlari qulochin yoydi,
Shaffof suv ko'zgusi - to'lin oy suygan.
Qirg'oqlarda yolg'iz yuraman daydib,
Qochib chiqib maxbusday uydan.

✍️ Xoldor Vulqon

@sheriyatuz

#tungituhfa @sheriyatuz

Termulib to'ymaydi ko'lmaklarga oy


Xiqillab yig'laydi oydinda aprel,
Shar shur eriyverar qaxrli qorlar.
Dong qotib, go'dakdek uxlab yotar el,
Darchalarning xorg'in chirog'i porlar.

Ko'chada ko'rinmas bironta odam,
Dov daraxt odamday o'yga botadi.
Vaqt soat bilan hamon hamqadam,
Oqsoqlanib, g'amgin odim otadi.

Bahor ko'z yoshlari chakillab tomgan,
Ko'cha ko'y ko'lmaklar ko'zgusiga boy.
Sumalaklar tushar qarsillab tomdan,
Termulib to'ymaydi ko'lmaklarga oy.

✍️ Xoldor Vulqon

@sheriyatuz

Garchand so'qir ishqning ko'zlari

O'yga botgan yomg'irli shahar,
Elovrayman, ozg'in so'qirman.
Ko'r yomg'irga aylanib, sahar,
Derazangni tinmay, cho'qirman.

Ko'zim oppoq ochilgan paxta,
Tergil uni jonim, etaklab.
Savob bo'lar edi poytaxtda,
Men so'qirni yursang yetaklab.

Tumanlarda tentirab, daydib,
Dalalarda gulxan yoqarman.
Balki bir kun vatanga qaytib,
Dorvozangni topib, qoqarman.

Paypaslayman shahlo ko'zlaring,
Titrayotgan lablaringni ham.
Yuzlarimga bosib yuzlaring,
Shivirlaysan yomg'irday, erkam.

Qalblarga yo'l topar ro'zi shab,
Garchand so'qir ishqning ko'zlari.
Lablar yomg'ir kabi cho'lpillab,
Bir -birini topar o'zlari.

Yomg'ir yig'lar odamday asta,
Ko'z yoshlarin hech kimsa artmas...
Boshqa topqir a'zolar haqda,
Nazarimda, yozish ham shartmas.

✍️ Xoldor Vulqon

@sheriyatuz

Шундай оғир кунларда соғлиғини, ҳаётини гаровга қўйиб, Ватан, халқ учун хизматга бел боғлаган инсонларга таъзим қиламиз!
__

Мы преклоняемся перед теми, кто рискуя здоровьем, жизнью, встал на путь служения Родине и народу в эти трудные для всех дни!

#sinovdavri #bizbirgamiz #bizyengamiz

Иккинчи апрель

Мен чарчаб сенга суяндим,
Ҳақиқат!
Соат бонг урмоқда гаплашайлик, кел.
Қўрқма ўтиб кетди бир кунлик даҳшат,
Бугун иккинчи апрель,
Ҳақиқат,
иккинчи апрель...

✍️ Усмон Азим

@sheriyatuz

Egnimdagi qog'oz ko'ylagimni
Ivitib yirtibdi
Bahor yomg'iri.

#hokku
@sheriyatuz

Oydin kecha
Tiniq sholipoya suvida
Oqib yurar gilos gullari .

#hokku
@sheriyatuz

#Iqtidorlar_tanlovi
#videosher 📽
💎 Gulhayo Husanova - ONAMNI SOG'INIB

ishtirokchimizga omad, ovoz yig‘ishda faolroq bo‘ling.

https://tttttt.me/joinchat/AAAAAFJhI_RfpLAEL6TFjQ

Yolg'izlik


U stol ustida yotgan qog'oz markaziga
qalam bilan nuqta qo'yarkan, dedi:
- Bechora, qanchalar yolg'iz u
qog'ozning qor bosgan dalalarida!..
So'ngra shosha pisha o'chirgich bilan
o'chirarkan nuqtani, o'ziga o'zi:
-Endi qorbo'ronda ko'rinmay ketdi -
dedi, qayg'u bilan chuqur xo'rsinib.
So'ng deraza ortida bo'ralab yog'ayotgan
Tung laylakqorga termuldi uzoq.

✍️ Xoldor Vulqon

@sheriyatuz

Tongi sukunat


Osuda tong otar, sukunatli yo'l,
Bo'zara boshlaydi osmon yanada.
Shudringdan shalabbo, qanotlari xo'l,
Bedanalar sayrar tongi dalada.

Xovlilardan o'tib, xovliga ko'char,
G'ir g'ir esayotgan ilohiy sabo.
Xorg'in darchalarning chirog'i o'char,
Yo'talsang, sukunat berar aks - sado,

Xaybatli quyoshga termuladi lol,
Uzoq - uzoqlardan dala, qir - qiya.
O't -o'lan ichida to'xtar majnuntol,
Shudringlar to'kilib ketmasin deya.

✍️ Xoldor Vulqon

@sheriyatuz

Kalishnoma



O, orqasi yirtilgan kalish!
Kiyilaverib maymayib, rangi o'ngib,
Oqshayib ketgan kalish...

Buncha og'zing katta bo'lmasa sening?
Yoki yig'layapsanmi ovozsiz, xo'ngrab?
Balki esnayotgandirsan
Kinnachi kabi?

Yoki kulayapsanmi mening ustimdan?

Kim biladi,
Balki,
Qo'shiq aytayotgandirsan
Bir paytlar og'zinga kirgan
Oyog'imni sog'inib, qo'msab...

✍️ Xoldor Vulqon

@sheriyatuz

Qiziq dunyo



Qorong'udan chiqib qorong'ulikka,
Ketguvchi umrlar aylana chiziq.
Boshing sharga o'xshar buning ustiga,
Shar ustida yashash undan ham qiziq.

Qiziq tuyularkan yer - bepul uchoq.
Doim xizmatingga tursa shaylanib.
Sen borib yurmasang. ochgancha quchoq,
Fasllar yoninga kelsa aylanib.

Qiziqda, bir umr koinot bilan,
Qo'shilib aylansang, aylansang yerga.
Undan ham qizig'i, bu voqeani.
Kimdir aylantirib yuborsa she'rga.

✍️ Xoldor Vulqon

@sheriyatuz

Xovuz

Oydin osmon g'azna singari ochiq,
Oy oydin xovuzga otilgan chaqa.
Xovuzda ko'zagul g'unchasi yopiq,
O'ltirar zangori yaproqda baqa.

Yulduzlar baqadan qo'rqadi yomon,
Olov sovuq suvdan qo'rqqanday xuddi.
Tilini uzatib osmonlar tamon,
Baqa bir yulduzni shilt etib yutdi.

So'ng yana birini, keyin boshqasin,
Yutaverdi olmos chivinday tutib.
To'lin oy berkindi chiqarmay sasin,
Qo'rqib, nafasini ichiga yutib.

Chirildoq nega jim, qayoqqa qochdi?
Dong qotib uxlaydi uyquchi kunduz.
Xovuzda ko'zagul g'unchasin ochdi.
Osmonda bitta ham qolmadi yulduz.

✍️ Xoldor Vulqon

@sheriyatuz

Yolg'izlik istab

Quchoq -quchoq oppoq, parqu bulutlar,
O'rikning gullarga burkangan shoxi.
Bog'larda sayragan jiblajibonlar,
Qishloqning dalaga tutashgan roxi.

Men o'sib, ulg'aygan uyning ayvoni,
Devorlar qo'sh o'rkach kulrang tuyalar.
Loypaxsa tom uzra bulut karvoni,
Qizg'aldoqlar boshin egib, uyalar.

Kechuvlarda sigir xaydagan bola,
Yelkamda qarmog'u qo'limda chelak,
To'rg'aylar sayragan o'tlog'u dala,
Umrbod yodimdan chiqmasa kerak.

✍️ Xoldor Vulqon

@sheriyatuz

Баҳор кунларида кузнинг ҳавоси,
Танимни жунжитар оқшомги шамол.
Нега мунча ғамгин найнинг навоси,
Нега қалбим тўла ўкинч ва малол?

Барглар орасига тинмасдан сира
Ошно юлдузлардан тўкилади нур.
Билмайман, қийнайди қайси хотира,
Титроқ юлдуз каби музлаган шуур.

Мағлуб баҳодирнинг найзаси мисол
Маъюс эгилади терак учлари,
Барглар соясида ўйнайди беҳол
Уйқудаги қизнинг бедор тушлари.

Атрофимда ётар ғариб бир виқор,
Билмам, нега ўчди қалбим сафоси?
Нима ҳам қилардим, на иложим бор,
Баҳор кунларида кузнинг ҳавоси.


✍ Абдулла Орипов

@sheriyatuz