كرار وحيد
مقفول گلبي ووادم اتصيح
وطبيته چي نيتك مفاتيح
وطحنه رغم ماهازنه الريح
الغيم من يتشابگ ايطيح
مقفول گلبي شلون طبيت
كتلي ارد اطب گوه اعله ابو البيت
شميتك ولاچني شميت
واتنشگت واتنشگ البيت
دنيني گتلي .. وگتلك شلون
گتلي مثل چف دنى ماعون
ادنيت بس حرگني العيون
يتبارگن ماثبتن بلون
گتلك حلالي ؟ وگتلي مرخوص
يالبيك طبگة ثنية الخوص
گارصني شوگي ودوم مگروص
وشرب اللبن ماداوه مگروص
كون اليغيب ايغيب كله
مو يترك ارسوم اعله خِله
باچيني مبچه العنده عِله
عايش مثل زعل المساجين
بودي امشي وتردني الحياطين
وجه بوجه وگلوب ماشين
مابيه اگوم وگعدتك غاد
ولاعندي طيف يجيب البعاد
يالحدر راسك شعرك امخاد
لاتلح مبرد ينعمي الحاد
هذا انه صيده وچنت صياد
وغيبتك چيله ودوسة زناد
مقفول گلبي ووادم اتصيح
وطبيته چي نيتك مفاتيح
وطحنه رغم ماهازنه الريح
الغيم من يتشابگ ايطيح
مقفول گلبي شلون طبيت
كتلي ارد اطب گوه اعله ابو البيت
شميتك ولاچني شميت
واتنشگت واتنشگ البيت
دنيني گتلي .. وگتلك شلون
گتلي مثل چف دنى ماعون
ادنيت بس حرگني العيون
يتبارگن ماثبتن بلون
گتلك حلالي ؟ وگتلي مرخوص
يالبيك طبگة ثنية الخوص
گارصني شوگي ودوم مگروص
وشرب اللبن ماداوه مگروص
كون اليغيب ايغيب كله
مو يترك ارسوم اعله خِله
باچيني مبچه العنده عِله
عايش مثل زعل المساجين
بودي امشي وتردني الحياطين
وجه بوجه وگلوب ماشين
مابيه اگوم وگعدتك غاد
ولاعندي طيف يجيب البعاد
يالحدر راسك شعرك امخاد
لاتلح مبرد ينعمي الحاد
هذا انه صيده وچنت صياد
وغيبتك چيله ودوسة زناد
👍8❤1😢1
بهاء سوادي
بعد التعب
ملهوف اجيتك عصفور..
گلبي حطب
وچفوف اديك التنور
ودي احترك
حيل احترك
وارماد اصير
وحدر جدمك منثور
وك يا برد ..؟
چا دمك اليصهل ثلج
يمتى يفور
يمتى تدك حزن شباط
ويگوم نيسان بمضايفنا يدور
ويشگگ احـزانه السهر
واتهلـهل شموس الصُبح عالناطور
ويفيض بگليـبي نهر
ويخضّر انسـان
وعطر بسـتان
وچفوف
وسور..
يمتى تّـدگ حزن شباط؟
جا دمك اليصهل ثلج
يمتى يفور؟
بعد التعب
ملهوف اجيتك عصفور..
گلبي حطب
وچفوف اديك التنور
ودي احترك
حيل احترك
وارماد اصير
وحدر جدمك منثور
وك يا برد ..؟
چا دمك اليصهل ثلج
يمتى يفور
يمتى تدك حزن شباط
ويگوم نيسان بمضايفنا يدور
ويشگگ احـزانه السهر
واتهلـهل شموس الصُبح عالناطور
ويفيض بگليـبي نهر
ويخضّر انسـان
وعطر بسـتان
وچفوف
وسور..
يمتى تّـدگ حزن شباط؟
جا دمك اليصهل ثلج
يمتى يفور؟
👍4
محسن الخياط
انا مجوجي عليك ابليل ونهار
درت عمرين وياك العشگ دار
يمكسر وابثنيه والوكت حار
يروحك مستحميه وشوكهه كدار
يروحي المنها بيهه هموم الكبار
مثل دلة الطرگي.. الشايله النار
تراني من اشد وياك تحتار
انه اظفر وكت العناد من الكوار
شفت؟
حبيت اشوفك بلكت اتغار
شفت لاذت طويله بسد الكصار ؟!
شفت هرفي الدگل شاخ اعلى كنطار !؟
شفت طير الشلوحي صفگ وطار ؟!
يحال اطلوك عميه وجاهه خطار
مشيت ومادريت شصار ماصار
عطشنا
والمطر يوگع ع البيار ...
انا مجوجي عليك ابليل ونهار
درت عمرين وياك العشگ دار
يمكسر وابثنيه والوكت حار
يروحك مستحميه وشوكهه كدار
يروحي المنها بيهه هموم الكبار
مثل دلة الطرگي.. الشايله النار
تراني من اشد وياك تحتار
انه اظفر وكت العناد من الكوار
شفت؟
حبيت اشوفك بلكت اتغار
شفت لاذت طويله بسد الكصار ؟!
شفت هرفي الدگل شاخ اعلى كنطار !؟
شفت طير الشلوحي صفگ وطار ؟!
يحال اطلوك عميه وجاهه خطار
مشيت ومادريت شصار ماصار
عطشنا
والمطر يوگع ع البيار ...
👍4❤3
عمار سالم
شگگت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك
وثگل وجهك .. وسدة الباب من تالي
ويارخص الثگل لو صار من تالي
ولا حسبالك بكل ديره الك شراي
تره تراب الوطن
بس بالوطن غالي
وانا مثل الذهب مابور
اغلى .. وارخص .. وانباع
لاچن ماوصلت المحد ابحالي
وگتلي امچانك بگلبي ..
وحلى بعينك شخص ثاني
ونزف مشيول صب دمعي اعله قمصاني
ولاتهتم ورد سندان ... انه تعودت يتغير امچاني
شريد اعتب .. على البايعني
اذا شرايي بچاني
خذك جدمك زعل خلان... باجر گلبك يردك
واتلگاك كل حيلي ...حظن حاجوز ماهدك
واطيح عليك بجروحي.. دم وتراب شيفردك
حزني خيالي واكبر مني من بعدك
وحزنك ثوبك ابگدك
وعفتني لوحدي وانه سنين
غير بگلبي
ماخليتك لوحدك
شگگت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك
وثگل وجهك .. وسدة الباب من تالي
ويارخص الثگل لو صار من تالي
ولا حسبالك بكل ديره الك شراي
تره تراب الوطن
بس بالوطن غالي
وانا مثل الذهب مابور
اغلى .. وارخص .. وانباع
لاچن ماوصلت المحد ابحالي
وگتلي امچانك بگلبي ..
وحلى بعينك شخص ثاني
ونزف مشيول صب دمعي اعله قمصاني
ولاتهتم ورد سندان ... انه تعودت يتغير امچاني
شريد اعتب .. على البايعني
اذا شرايي بچاني
خذك جدمك زعل خلان... باجر گلبك يردك
واتلگاك كل حيلي ...حظن حاجوز ماهدك
واطيح عليك بجروحي.. دم وتراب شيفردك
حزني خيالي واكبر مني من بعدك
وحزنك ثوبك ابگدك
وعفتني لوحدي وانه سنين
غير بگلبي
ماخليتك لوحدك
👍8❤5
صفي الدين الحلي
شمس النهار
شَمسُ النَهارِ بِحُسنِ وَجهِكَ تُقسِمُ
إِنَّ المَلاحَة مِن جَمالِكَ تُقسَمُ
جُمِعَت لِبَـهجَتـِكَ المَحاسِنُ كُلُّها
وَالحُسنُ في كُلِّ الأَنامِ مُقـَسَّمُ
يا مَن حَكَت عَيناهُ سَيفَ سَمِيِّهِ
هَلّا اِقتَدَيتَ بَعَدلِهِ إِذ يَحكُمُ
أَنتَ المُرادُ وَسَيفُ لِحظِكَ قاتِلي
لَكِن فَمي عَن شَرحِ حالي مُلجَمُ
تَشكو تَفَرُّقَنا وَأَنتَ جَنَـيـتَهُ
وَمِنَ العَجائِبِ ظالِمٌ يَتَـظَـلَّمُ
وَتَقولُ أَنتَ بِعُذرِ بُعدي عالِمٌ
وَاللَهُ يَعلَمُ أَنَّـني لا أَعلَمُ
فَتُراكَ تَدري أَنَّ حُبَّكَ مُتلِفي؟
لَكِنَّـني أُخفي هَواكَ وَأَكتِمُ!
إِن كُنتَ ما تَدري فَتِلكَ مُصـيبَةٌ
أَو كُنتَ تَدري فَالمُصيبَةُ أَعظَمُ.
شمس النهار
شَمسُ النَهارِ بِحُسنِ وَجهِكَ تُقسِمُ
إِنَّ المَلاحَة مِن جَمالِكَ تُقسَمُ
جُمِعَت لِبَـهجَتـِكَ المَحاسِنُ كُلُّها
وَالحُسنُ في كُلِّ الأَنامِ مُقـَسَّمُ
يا مَن حَكَت عَيناهُ سَيفَ سَمِيِّهِ
هَلّا اِقتَدَيتَ بَعَدلِهِ إِذ يَحكُمُ
أَنتَ المُرادُ وَسَيفُ لِحظِكَ قاتِلي
لَكِن فَمي عَن شَرحِ حالي مُلجَمُ
تَشكو تَفَرُّقَنا وَأَنتَ جَنَـيـتَهُ
وَمِنَ العَجائِبِ ظالِمٌ يَتَـظَـلَّمُ
وَتَقولُ أَنتَ بِعُذرِ بُعدي عالِمٌ
وَاللَهُ يَعلَمُ أَنَّـني لا أَعلَمُ
فَتُراكَ تَدري أَنَّ حُبَّكَ مُتلِفي؟
لَكِنَّـني أُخفي هَواكَ وَأَكتِمُ!
إِن كُنتَ ما تَدري فَتِلكَ مُصـيبَةٌ
أَو كُنتَ تَدري فَالمُصيبَةُ أَعظَمُ.
👍4❤1🥰1
محمد الدراجي
أنته ..
بكل درابينْ الوجع بالراس .
من أفتـر ألاگي .. أسمـك ،،
أنته ..
أبصفنة الحيطان .
و الشباچ .
و البردة .
وملامح كل تفاصيلي العله البردة .
تهلّ ليغاااد ... وجه أسمك ،،
بـَ أيام النـذر .. و الـ آآآخ ..
و الحلوات ..
من ذبن حملهن ماي ..
فزّ و هَـم ندهنـي .. أسمك ... !!!!
لَهبْ بيه حريق الليـل ..
وأيامي تلوذ أرماد .. و تحنّي بـ أثر جدمك ،،
يَ ذاك أنته ..
سواليفك غنه طفلين .
تضحكني حلم عطشان للمفتاح .
و اتّطرز عَليّ هَمك ،،
كون الگه الـ صدگ ضَمك .
لَ أشمك يا رضيع التين .. من جلدك لحد دمك ،،
يَ ذاك انته ...
الـ ولا تطلع .. مرض بـ الروح .
كون ارتد ..
على اغيومك و اضيع أرسوم .
و يلمنّي الهوه حسبة بخت للگاع ،،
و أستورح عرس يمك ...
أنته ..
بكل درابينْ الوجع بالراس .
من أفتـر ألاگي .. أسمـك ،،
أنته ..
أبصفنة الحيطان .
و الشباچ .
و البردة .
وملامح كل تفاصيلي العله البردة .
تهلّ ليغاااد ... وجه أسمك ،،
بـَ أيام النـذر .. و الـ آآآخ ..
و الحلوات ..
من ذبن حملهن ماي ..
فزّ و هَـم ندهنـي .. أسمك ... !!!!
لَهبْ بيه حريق الليـل ..
وأيامي تلوذ أرماد .. و تحنّي بـ أثر جدمك ،،
يَ ذاك أنته ..
سواليفك غنه طفلين .
تضحكني حلم عطشان للمفتاح .
و اتّطرز عَليّ هَمك ،،
كون الگه الـ صدگ ضَمك .
لَ أشمك يا رضيع التين .. من جلدك لحد دمك ،،
يَ ذاك انته ...
الـ ولا تطلع .. مرض بـ الروح .
كون ارتد ..
على اغيومك و اضيع أرسوم .
و يلمنّي الهوه حسبة بخت للگاع ،،
و أستورح عرس يمك ...
👍11❤3
حيدر البكري
گالوا يضحك، وگلتلهم يچذّب
من تيبس عروگه السنبل يحدّب
گالوا هم رجع يعشگ وعنده اعزاز
گلتلهم اليغرگ لازم يچلّب
گالوا شمس صاير يرجع تماشيه
گلتلهم عشرته تخلّص المغرب
ولو مابيّه آخ وفشلة ارد لهيچ
واحد منطي روحه من الگشر للب
وانه شفت الفرق مايسوه اعض اچفوف
انه تنور طيني، وهوّ طينة حِب
مثل ماي النهر مايدري وين يروح
لا مرزي اليكظه ولا لگه معزّب
مثل الشجر غامض طبعه مامفهوم
ماتعرف بگلبه شيكره وشيحب
مثل البدوي يتعب يلا يلگه البير
فترة ومن يعوفه احجار وسطه يذب
ومابين المناجل والفلح والماي
الزرع ياهو اليكتله احتار من يشب!
بعد ماصير خير وينوكل مگفاي
هو السجن زين وفيت للمذنب
وسولفت شكثر بس النتيجة اهنا
مثل الگضّه عمره اعلى الجرف يكتب
ماارجع بعد گايلها بأول بيت
من تيبس عروگه السنبل يحدّب
گالوا يضحك، وگلتلهم يچذّب
من تيبس عروگه السنبل يحدّب
گالوا هم رجع يعشگ وعنده اعزاز
گلتلهم اليغرگ لازم يچلّب
گالوا شمس صاير يرجع تماشيه
گلتلهم عشرته تخلّص المغرب
ولو مابيّه آخ وفشلة ارد لهيچ
واحد منطي روحه من الگشر للب
وانه شفت الفرق مايسوه اعض اچفوف
انه تنور طيني، وهوّ طينة حِب
مثل ماي النهر مايدري وين يروح
لا مرزي اليكظه ولا لگه معزّب
مثل الشجر غامض طبعه مامفهوم
ماتعرف بگلبه شيكره وشيحب
مثل البدوي يتعب يلا يلگه البير
فترة ومن يعوفه احجار وسطه يذب
ومابين المناجل والفلح والماي
الزرع ياهو اليكتله احتار من يشب!
بعد ماصير خير وينوكل مگفاي
هو السجن زين وفيت للمذنب
وسولفت شكثر بس النتيجة اهنا
مثل الگضّه عمره اعلى الجرف يكتب
ماارجع بعد گايلها بأول بيت
من تيبس عروگه السنبل يحدّب
👍14❤2
مازن الحمزاوي
گبل لا موسمك يگرب نثرنااك
وگالو كل تعبكم عالمخاسير
عاندنه ودمعنه البي سگيناك
وبلش ناعورنه عله خدودنه ايدير
وجزتنه أربع مواسم ماحصدناك
وردنه بطول الأضفر عودك أيصير
لا گاعك ملح ونگوول غطااك
ولا ماي السگااك وشالة البير
ولا عن عين تحرگ ماسترناك
ولانذكر غفلنه وجااسك الطير
شعجب مو عد فلح لمن لگيناك
تزهي ومن حصادك ملوو الخير
برخص عرضو بذرتك بس شريناك
بل حته بگحط وفرتهن أتصير
أثاري الينهمل ما يلگه تقدير
تضل للهامله من رويحته ال(هاااك)
ويحس شما يبدي بروحه تقصير
غلط ما ينغفر من ما هملناك
ذمتنه الخلگ بأقسه التعابير
وندم عضينه أدينه المنهه ردناك
شحلاته العمر من يخلص مشاوير
تعب. عالگبل موتك يووفي وياك
نتانيهه ولشااامتنه التباشير
وعلينه الخايبين يصيح ذوولاك
تروح بربح وترد المناشير
ونروح ونرد بالفدوه وخسرناك
گبل لا موسمك يگرب نثرنااك
وگالو كل تعبكم عالمخاسير
عاندنه ودمعنه البي سگيناك
وبلش ناعورنه عله خدودنه ايدير
وجزتنه أربع مواسم ماحصدناك
وردنه بطول الأضفر عودك أيصير
لا گاعك ملح ونگوول غطااك
ولا ماي السگااك وشالة البير
ولا عن عين تحرگ ماسترناك
ولانذكر غفلنه وجااسك الطير
شعجب مو عد فلح لمن لگيناك
تزهي ومن حصادك ملوو الخير
برخص عرضو بذرتك بس شريناك
بل حته بگحط وفرتهن أتصير
أثاري الينهمل ما يلگه تقدير
تضل للهامله من رويحته ال(هاااك)
ويحس شما يبدي بروحه تقصير
غلط ما ينغفر من ما هملناك
ذمتنه الخلگ بأقسه التعابير
وندم عضينه أدينه المنهه ردناك
شحلاته العمر من يخلص مشاوير
تعب. عالگبل موتك يووفي وياك
نتانيهه ولشااامتنه التباشير
وعلينه الخايبين يصيح ذوولاك
تروح بربح وترد المناشير
ونروح ونرد بالفدوه وخسرناك
👍5
ذكرى رحيل خياط القصائد
.
.
شوگ الغريب
انا شوكَ الغريب الكَرب ولاح
انا حسرة هذاك الأيس وراح
تعنيت اليخوف جلمتي سلاح
انا العن الشماتة بوجعته ارتاح
انا الكلما تحصده يردله سباح
ذهب من زيج حلوة وبالدرب طاح
هوه عذيبي على روحي الشكر فاح
يالمضيعين عمري هنا يالوكاح
اجر بالليل جن مجرار ملاح
يطليعة البعد ماضاكَت اللكَاح
يفيضة وبحضنها خيار قداح
يسلطان الحباري الفارش جناح
يماي الدلع صدره وطفطف وساح
رهم عشكَك عليه ارهام مفتاح
وانا وهمي عرايا ثنين بوشاح
كَصت روحي على جرحي ولحت اللحاح
اخذني بطيبتك ياريع مسطاح
تعت بيه ومرامي بياكتر داح
ازر وحدة على وحدة ابميبر انياح
نمت وكَفة شكَف عن لجم الصفاح
تهت والضيفوني طلعوا اشباح
اداور بالمرادي وكَيش ماصاح
علت هامة الخورة ولاكو ملواح
يهالتحلب بروحي منيلها امناح
هلب ويدوخ بي قباض الارواح
انا المامش وراها جنازتي صياح....
.
.
شوگ الغريب
انا شوكَ الغريب الكَرب ولاح
انا حسرة هذاك الأيس وراح
تعنيت اليخوف جلمتي سلاح
انا العن الشماتة بوجعته ارتاح
انا الكلما تحصده يردله سباح
ذهب من زيج حلوة وبالدرب طاح
هوه عذيبي على روحي الشكر فاح
يالمضيعين عمري هنا يالوكاح
اجر بالليل جن مجرار ملاح
يطليعة البعد ماضاكَت اللكَاح
يفيضة وبحضنها خيار قداح
يسلطان الحباري الفارش جناح
يماي الدلع صدره وطفطف وساح
رهم عشكَك عليه ارهام مفتاح
وانا وهمي عرايا ثنين بوشاح
كَصت روحي على جرحي ولحت اللحاح
اخذني بطيبتك ياريع مسطاح
تعت بيه ومرامي بياكتر داح
ازر وحدة على وحدة ابميبر انياح
نمت وكَفة شكَف عن لجم الصفاح
تهت والضيفوني طلعوا اشباح
اداور بالمرادي وكَيش ماصاح
علت هامة الخورة ولاكو ملواح
يهالتحلب بروحي منيلها امناح
هلب ويدوخ بي قباض الارواح
انا المامش وراها جنازتي صياح....
❤11👍10
#قصيدة_وشاب
حمزة آل جبور (الناصرية )
" سنين الموت "
اخط رسمك
واعاين ع الدمع
سجان لعيوني
والگه العمر صحبه طيش
حسبة وكت .. ينسوني
خل ابجي بكثرما تعبني الغربة وجفوني
عشت الموت چم ليله
وارد احترگ بظنوني
مات الفرح بعيوني
ليالي فراگكم لچمات
چا يمته تداووني
يسير الليل ياخذ كل وسن بيه وانعالك
اناغي وروحي تبرالك
اناغي ولهفة تسبيني
لاول نظرة الي گبالك
وادعيلك
يرب الشوگ والفرگه
بهيدة وطش حزن گلبي
نذرتلك كل ضوه بروحي !
عليش تسد روازينك ؟
ليمته ابقه انسگم بجفاك
ليمته يبزني حچي الناس
ليمته الذكرة تسجني
والوذن بيها باول الكاس
ليمته .. يرب الاخ ؟
تشدهني طواريك المفضوحه
لانه الحاظي بزلوفك
ولانه الطابت جروحه
ولانه الجفني كض دمعي
گبل لايشرگ جروفه
انه اليكرهه طواريك
ويرد يرثيك بجروحه
ومدري شضال بسنيني ..
الگضاها الشوگ يحديها
انه خاطر يتيم بعازتك ضليت ..
وتسألني عليك الناس مادري شحاجيها
النشد بالـ لَمّه التذكرك اكابر خاطر اخطيها
يگلبي ..
وليفك البذات
صعد باول قطار وراح
ومامش كل محطة تردك عله الفات
وتندهني .. يحر صواب
حسبة وكت
وترد اردود تلچمني .
حمزة آل جبور (الناصرية )
" سنين الموت "
اخط رسمك
واعاين ع الدمع
سجان لعيوني
والگه العمر صحبه طيش
حسبة وكت .. ينسوني
خل ابجي بكثرما تعبني الغربة وجفوني
عشت الموت چم ليله
وارد احترگ بظنوني
مات الفرح بعيوني
ليالي فراگكم لچمات
چا يمته تداووني
يسير الليل ياخذ كل وسن بيه وانعالك
اناغي وروحي تبرالك
اناغي ولهفة تسبيني
لاول نظرة الي گبالك
وادعيلك
يرب الشوگ والفرگه
بهيدة وطش حزن گلبي
نذرتلك كل ضوه بروحي !
عليش تسد روازينك ؟
ليمته ابقه انسگم بجفاك
ليمته يبزني حچي الناس
ليمته الذكرة تسجني
والوذن بيها باول الكاس
ليمته .. يرب الاخ ؟
تشدهني طواريك المفضوحه
لانه الحاظي بزلوفك
ولانه الطابت جروحه
ولانه الجفني كض دمعي
گبل لايشرگ جروفه
انه اليكرهه طواريك
ويرد يرثيك بجروحه
ومدري شضال بسنيني ..
الگضاها الشوگ يحديها
انه خاطر يتيم بعازتك ضليت ..
وتسألني عليك الناس مادري شحاجيها
النشد بالـ لَمّه التذكرك اكابر خاطر اخطيها
يگلبي ..
وليفك البذات
صعد باول قطار وراح
ومامش كل محطة تردك عله الفات
وتندهني .. يحر صواب
حسبة وكت
وترد اردود تلچمني .
👍9❤1
#قصيدة_وشاب
علي السعيدي (الناصرية)
حن عليه
يا واهس عيوني وشوفي يا كلشي
حن عليه
چا تدريه منك يگترب ويعيش
كلما وچدت نعشي
واگللك اشگد مشتاگ
بس شلون ما ادري
اتيّه كلشي من ينجاب طاريك
والگه ارويحتي اعله احروفك اتغني
يبعد ازلوف الحديثات
يبعد الهور والبردي واليتسامر بجرفه
يا واهس حچي العشاگ
بس "بداخل الغرفه"
چذب كل ما اگول انساك
شقنّع روحي لو عينك
واصيرلك ربيع الشوگ
بس خليني بسنينك
يا رصعة اخدودك هاي خلت بالگلب رصعة
واذكر مرة من مريت موش بكيفي اجيت اركاض
مدري امنين اجت دفعة
ها يا لمعة اللمعة
ادموع عيوني هم تلمع تعال وبدّل الدمعة
شنهي الفايدة من الماي
وانت اسوالفك تروي
والمن عايش الشيطان
وانت عيونك التغوي
اشما يبطي المطر والخير
اسد وحشتهن بصوتك
وخل يندلني طاري الموت بس خل يبطي تابوتك
مرات المسچ الگاه ايغني ويندل اشفافك
دليني بسواد عيونك الحلوات حتى اسجد بمحرابك
لحظه من اوگف بصفك
احس الدنيا إلي كلها
وصل بيه العشگ تدريه
الدربونه التمر عليها ماشايفها واندلها
علي السعيدي (الناصرية)
حن عليه
يا واهس عيوني وشوفي يا كلشي
حن عليه
چا تدريه منك يگترب ويعيش
كلما وچدت نعشي
واگللك اشگد مشتاگ
بس شلون ما ادري
اتيّه كلشي من ينجاب طاريك
والگه ارويحتي اعله احروفك اتغني
يبعد ازلوف الحديثات
يبعد الهور والبردي واليتسامر بجرفه
يا واهس حچي العشاگ
بس "بداخل الغرفه"
چذب كل ما اگول انساك
شقنّع روحي لو عينك
واصيرلك ربيع الشوگ
بس خليني بسنينك
يا رصعة اخدودك هاي خلت بالگلب رصعة
واذكر مرة من مريت موش بكيفي اجيت اركاض
مدري امنين اجت دفعة
ها يا لمعة اللمعة
ادموع عيوني هم تلمع تعال وبدّل الدمعة
شنهي الفايدة من الماي
وانت اسوالفك تروي
والمن عايش الشيطان
وانت عيونك التغوي
اشما يبطي المطر والخير
اسد وحشتهن بصوتك
وخل يندلني طاري الموت بس خل يبطي تابوتك
مرات المسچ الگاه ايغني ويندل اشفافك
دليني بسواد عيونك الحلوات حتى اسجد بمحرابك
لحظه من اوگف بصفك
احس الدنيا إلي كلها
وصل بيه العشگ تدريه
الدربونه التمر عليها ماشايفها واندلها
👍4❤3
مصطفى الاشتراني
مدري شيريد الهوى امن الباب اسمعه
مدري شيريد العمر يدفعني ؟ ادفعه
خاف اغيب هواي هالمرة بسلامه
كل جفن متعوب يطلبني ابتسامه
ياحزن ياريت ترسملي علامه
حت اراويك الخساير
من يجن وحدة اويه الاخرة افطور طابوگه ع جامه
ضيعوني الچنت احبهم
باردة حچايت گلبهم مثل چلمة بالسلامه
مدري ياطلاگة تكتبلي البچيته
ومدري ياطيف البطه بعيني ولهيته
ومدري يامچتول احس شايل خطيته
ونت لا حادي الوفه ايرد بيك لاتهديك شارة ،
ادموعي ركضت خيل
مذعورة ابحرب خوف وخسارة
امنيلك متعوب مثلي ايكابر ابعز انكسارة
تطلگ ابراسي امنياتي وتسحگ احلامي بجسارة
بيا مطر تلمع ضحكتي
وحزني موعد بالسچچ لاثار جدمك
بياشمس ترتاح روحي وماعشت لسعات دمك
مدري ليش ابهندسك خلص ضواي ،،
اتوسلك تشعلي طيفك
ومدري ليش اعيوني سولتها ابرفيفك
ياعمر يالطايح امن اجيوب روحي
شگد رخيصه احلامي بيك
كون اراويك شكثر خسران بيك
مارثيتك انا بچتني المري اوجهي القديم
وگلت خلف الله عليك
تدفن ايامك بديك شگد چنت فرحان بيهن
تـزغر ابعينك ضفاير عاندت گلبك عليهن
وتسرگ عيونك بعد ما دهورتهن
وتنكث اضنونك بعد ما خيبتهن
مدري شيريد الهوى امن الباب اسمعه
مدري شيريد العمر يدفعني ؟ ادفعه
خاف اغيب هواي هالمرة بسلامه
كل جفن متعوب يطلبني ابتسامه
ياحزن ياريت ترسملي علامه
حت اراويك الخساير
من يجن وحدة اويه الاخرة افطور طابوگه ع جامه
ضيعوني الچنت احبهم
باردة حچايت گلبهم مثل چلمة بالسلامه
مدري ياطلاگة تكتبلي البچيته
ومدري ياطيف البطه بعيني ولهيته
ومدري يامچتول احس شايل خطيته
ونت لا حادي الوفه ايرد بيك لاتهديك شارة ،
ادموعي ركضت خيل
مذعورة ابحرب خوف وخسارة
امنيلك متعوب مثلي ايكابر ابعز انكسارة
تطلگ ابراسي امنياتي وتسحگ احلامي بجسارة
بيا مطر تلمع ضحكتي
وحزني موعد بالسچچ لاثار جدمك
بياشمس ترتاح روحي وماعشت لسعات دمك
مدري ليش ابهندسك خلص ضواي ،،
اتوسلك تشعلي طيفك
ومدري ليش اعيوني سولتها ابرفيفك
ياعمر يالطايح امن اجيوب روحي
شگد رخيصه احلامي بيك
كون اراويك شكثر خسران بيك
مارثيتك انا بچتني المري اوجهي القديم
وگلت خلف الله عليك
تدفن ايامك بديك شگد چنت فرحان بيهن
تـزغر ابعينك ضفاير عاندت گلبك عليهن
وتسرگ عيونك بعد ما دهورتهن
وتنكث اضنونك بعد ما خيبتهن
👍10❤4
الى بدر شاكر السياب وقصيدته (المومس العمياء)
لطيف العامري .. (الأحفاد )
(بدر )غني
بعدهي (المومس العمياء)تنجب عاهرات زغار
ويكبرن قصيده بظنك وظني
مد الشوف...
صحراء الحزن بيه وعلى المامش...
وصفكة جنح بوم شثكل طاريه
الحزن بيّه وعلى المامش...
ويمر العمر سچه بجدم تنداس
باليمنه حرامي اتفوت
واليسره تمر حرّاس
وتخضّر صبر كاعي على المامش..
ويمر بيّ المكابر وأذلن خوف...
وتحسبني بشر عايش
وتحط أعله كدي طيوفك مرايات...
بيه تشوف
صورة وجهك الباهت...
وأحطك صوت ضحكة (عاهره)
بليلة سمر
تكبر بلون الليل
ومن يطر فجر
تزغر على الهامش...
وتظل عايش
عرس دنياك
ضحكتهه أعله كد الزفه
وبدخلة عروس تذوب....
وأظل عايش
وأنه روحي مدينة حزن
كلهه كبور....
وآنه وياك
كل واحد بظنه يدور
حد ظنك
الماي الشلته زود...
وكمت عالماي بيه تجور
وحد ظني
نهر يضحك على الناعور.....
بسك لاتظل تدور
وبسك لاتحط ظنك كبر ظني
وبس مني
يشايلني صنم من تمر
تسجدلي إذا تحتاج
ومن اتجوع تاكلني....
دبطل صوتك المبحوح
مسدوله الستاره
ووحدك تغني...
كبل بعيوني أحسك لو حجيت وياي
هسه أضحك بطر لمن تعاتبني
ألم دخانك
من آخر عطش بالروح...
وأترجاك غيمة ماي تمطرني
لجن ماصح.....
يهل لميت عمري لعشرتك حصوه
ولكيتك طين ..ويّ الحصو ماتجدح.
ولــو
موطبع جفي يكبّح ويّ الماي
بس شافك سراب
وبالعطش گبّح....
ولـو..
للمثلك جفوف الگباحه ألوَح
كثّرت السجج ...خايف عليك أتيه
كدماتسرح وتمرح....
أخاف أتيه
لا...تايه
وعنوانك نساك...وغلفاك الليل....
ولم حيله الصبح سچين
حز روس البلابل مابعد ماتصدح...
ولـو...
حچي الصدك مريود للمثلك
دكافي أتزل..
وكافي تريد كلهه أتذل
يهل تحسبني خيط
وأنكطع بالعت
طبع السيف بيه شما ضعف يكتل.......
وتتلمسني ناعم وأوجرت وياي
ماحسبت بيّ حساب طبع الصل
وتحاجيني ساكت حد رضاك وياي
بيّ الغيض مهره
وجامحه وتصهل...
لجن طاوعتك وكصرت حد ممشاك
ردتك بيّ بس تكمل
لجن ماصح...
لان طبعك رخي
ومن النسيم تطيح
وأنه طبعي جبل
بالريح أشب وكفه....
شيلمني وياك!؟
والدنيه يخايب كلمن وصنفه...
طبع بيهّ...
اليدنك كبل لاتنخاه يكتلني..
ويحييني اليكلك كول شتكلفه
.وأسجد للعيون التنكسر بالعيب
وأكفر بالعيون البالعتب صلفه....
وأكبر باليحطني بروحه جلمة شوك
وأزغر باليذبهه وياي عالصدفه....
لجن ماذل....
ولاأسجد أبابك
وأركع بمحراب حبك
لو ردتني بذل...
ولاغني بطورك
من تمر مبحوح
يكفيني من أسولف حته لوأرتل....
ولاأندم...
يل مني أرتويت
وفاض بيك الزود وأنغريت
مرني العطش
ردتك ماي.
بس...مايك تبده وبعد مايلتم..
لطيف العامري .. (الأحفاد )
(بدر )غني
بعدهي (المومس العمياء)تنجب عاهرات زغار
ويكبرن قصيده بظنك وظني
مد الشوف...
صحراء الحزن بيه وعلى المامش...
وصفكة جنح بوم شثكل طاريه
الحزن بيّه وعلى المامش...
ويمر العمر سچه بجدم تنداس
باليمنه حرامي اتفوت
واليسره تمر حرّاس
وتخضّر صبر كاعي على المامش..
ويمر بيّ المكابر وأذلن خوف...
وتحسبني بشر عايش
وتحط أعله كدي طيوفك مرايات...
بيه تشوف
صورة وجهك الباهت...
وأحطك صوت ضحكة (عاهره)
بليلة سمر
تكبر بلون الليل
ومن يطر فجر
تزغر على الهامش...
وتظل عايش
عرس دنياك
ضحكتهه أعله كد الزفه
وبدخلة عروس تذوب....
وأظل عايش
وأنه روحي مدينة حزن
كلهه كبور....
وآنه وياك
كل واحد بظنه يدور
حد ظنك
الماي الشلته زود...
وكمت عالماي بيه تجور
وحد ظني
نهر يضحك على الناعور.....
بسك لاتظل تدور
وبسك لاتحط ظنك كبر ظني
وبس مني
يشايلني صنم من تمر
تسجدلي إذا تحتاج
ومن اتجوع تاكلني....
دبطل صوتك المبحوح
مسدوله الستاره
ووحدك تغني...
كبل بعيوني أحسك لو حجيت وياي
هسه أضحك بطر لمن تعاتبني
ألم دخانك
من آخر عطش بالروح...
وأترجاك غيمة ماي تمطرني
لجن ماصح.....
يهل لميت عمري لعشرتك حصوه
ولكيتك طين ..ويّ الحصو ماتجدح.
ولــو
موطبع جفي يكبّح ويّ الماي
بس شافك سراب
وبالعطش گبّح....
ولـو..
للمثلك جفوف الگباحه ألوَح
كثّرت السجج ...خايف عليك أتيه
كدماتسرح وتمرح....
أخاف أتيه
لا...تايه
وعنوانك نساك...وغلفاك الليل....
ولم حيله الصبح سچين
حز روس البلابل مابعد ماتصدح...
ولـو...
حچي الصدك مريود للمثلك
دكافي أتزل..
وكافي تريد كلهه أتذل
يهل تحسبني خيط
وأنكطع بالعت
طبع السيف بيه شما ضعف يكتل.......
وتتلمسني ناعم وأوجرت وياي
ماحسبت بيّ حساب طبع الصل
وتحاجيني ساكت حد رضاك وياي
بيّ الغيض مهره
وجامحه وتصهل...
لجن طاوعتك وكصرت حد ممشاك
ردتك بيّ بس تكمل
لجن ماصح...
لان طبعك رخي
ومن النسيم تطيح
وأنه طبعي جبل
بالريح أشب وكفه....
شيلمني وياك!؟
والدنيه يخايب كلمن وصنفه...
طبع بيهّ...
اليدنك كبل لاتنخاه يكتلني..
ويحييني اليكلك كول شتكلفه
.وأسجد للعيون التنكسر بالعيب
وأكفر بالعيون البالعتب صلفه....
وأكبر باليحطني بروحه جلمة شوك
وأزغر باليذبهه وياي عالصدفه....
لجن ماذل....
ولاأسجد أبابك
وأركع بمحراب حبك
لو ردتني بذل...
ولاغني بطورك
من تمر مبحوح
يكفيني من أسولف حته لوأرتل....
ولاأندم...
يل مني أرتويت
وفاض بيك الزود وأنغريت
مرني العطش
ردتك ماي.
بس...مايك تبده وبعد مايلتم..
👍13❤1🥰1😱1
زين كاظم
كون اشوفك " جرس " من گلبك تسولف لليهزك
( جِيد ) شايلها بثگلها .. تحلي روحك بالگلايد بس تحزك
لمحتك والعين غارت .. مثل مهرة
دمها يچوي الفوگها وهوه بعرگها
بلجي تنزع ثوبها وترجع جديدة
گوم تل اثياب روحي من فتگها
ولهفتي جن مهرة شردت من حرب
واجدامها اتسابگ خفگها
وجنت اشك شايل حكم موتي برسالة .. لليخوّف
من اوصها اموت ومن اشگها
ياللي عينك تشبه اهموم السكارة
يمتى يتفرزن صدگها
وانته حزنك چنه بدوي
بروحي كاعد
من يشيل ويرد ليه ايعرف كاعي من حرگها
وانته روحك لا غصن لا ورگ صبيرة اشتحرك الريح بيها
وجوه بانيها الحزن مو مشتريها
وجان بيك المستحة يبسم المراية
ياللي من امواكحك طفحت على اجفوفك احچاية
ولو مثل حزني يشكَ حزنك لهاتك ما تعتني
چا بست نتالتك ندمة وعفتني
طوّل اذيالك وروح
ايمسحن آثارك بعد ما تمشي عني
واكحت صبري وصحت عالشمس
يمتى ايردلي سني
واحنه مثل اطراف منكاش التكَينه
شايلين الجمر بينه
لا حرگنه
ولا بردنه
ولا حچينه
كون اشوفك " جرس " من گلبك تسولف لليهزك
( جِيد ) شايلها بثگلها .. تحلي روحك بالگلايد بس تحزك
لمحتك والعين غارت .. مثل مهرة
دمها يچوي الفوگها وهوه بعرگها
بلجي تنزع ثوبها وترجع جديدة
گوم تل اثياب روحي من فتگها
ولهفتي جن مهرة شردت من حرب
واجدامها اتسابگ خفگها
وجنت اشك شايل حكم موتي برسالة .. لليخوّف
من اوصها اموت ومن اشگها
ياللي عينك تشبه اهموم السكارة
يمتى يتفرزن صدگها
وانته حزنك چنه بدوي
بروحي كاعد
من يشيل ويرد ليه ايعرف كاعي من حرگها
وانته روحك لا غصن لا ورگ صبيرة اشتحرك الريح بيها
وجوه بانيها الحزن مو مشتريها
وجان بيك المستحة يبسم المراية
ياللي من امواكحك طفحت على اجفوفك احچاية
ولو مثل حزني يشكَ حزنك لهاتك ما تعتني
چا بست نتالتك ندمة وعفتني
طوّل اذيالك وروح
ايمسحن آثارك بعد ما تمشي عني
واكحت صبري وصحت عالشمس
يمتى ايردلي سني
واحنه مثل اطراف منكاش التكَينه
شايلين الجمر بينه
لا حرگنه
ولا بردنه
ولا حچينه
👍10
#قصيدة_وشاب
حيدر صباح الدراجي (البصرة)
يحاركني بردك البارد
يميل الساعه يمته تهيد
كلساعه بحضن واحد
جروح تعايشت دربك
وعشت وياي شايلي كلب دفان
يا اه التهز كلبك
يلجنك كلب تنور ياخبزه التسد عينك
بصلافه تكلي وشبيه
الخشب من يحترك ما يضل اسمه عليه
جا شتضن يضل بيه
جبتها وياك عين وخد
يبارد حجيك وملكاك
تره التنور من ينعاف هم يبردن
حيدر صباح الدراجي (البصرة)
يحاركني بردك البارد
يميل الساعه يمته تهيد
كلساعه بحضن واحد
جروح تعايشت دربك
وعشت وياي شايلي كلب دفان
يا اه التهز كلبك
يلجنك كلب تنور ياخبزه التسد عينك
بصلافه تكلي وشبيه
الخشب من يحترك ما يضل اسمه عليه
جا شتضن يضل بيه
جبتها وياك عين وخد
يبارد حجيك وملكاك
تره التنور من ينعاف هم يبردن
👍10❤5😢1
اعتذر لاستغلال القناة لنشر قصيدتي
اتمنى ان تنال استحسانكم
❤️
اتمنى ان تنال استحسانكم
❤️
❤8
بشار المحاويلي
مابين إمنياتك والمواعيد
دورلك عذر لـ الليل وإگعد
ولا تكبر شخذنا من المواليد
وإقنع بالقفص وإعناد غرد
مرات الضحك موصدگ تعويد
عرج رحه بثلج وبنار ينگد
أمس مر طيف ولفي وگتله شتريد
وگعد يم باب جرحي وگام ينشد
گال إشغيرك گتله ألعناگيد
ذنب تنباع إذا السلال تطرد
أنه ألغناك بطنج عالعرابيد
وأنه ألواعد وطاح بغير موعد
وأنه ألبچا برودك مو رواديد
وأنه الـ يم صورتك عمرين يشرد
إشيضم جرحك ذهب فوگ المعاضيد
إشما يفتر يرد بالعين يركد
وما يتغير إحساسك تقاليد
المنجل مازرع مخلوق يحصد
يالمطشر هلا بديوان إجاويد
ولميتك مهَر للراد يعقد
وختلت بروحي ختلات المطاريد
غشيم ومادريت إتريد تبعد
مو شرط الختل واصله تهديد
گبل لا يكتل ألصياد يلبد
ومانرجع طعِم عاف ألمصاييد
الميت بالصدگ بالطيف شيرد
هذا الصارلي بطيف المشه إبعيد
وذكرته وغايتي من ألـ ليش تفگد
ومابين إمنياتك والمواعيد
دورلك عذر لـ الليل وإگعد
مابين إمنياتك والمواعيد
دورلك عذر لـ الليل وإگعد
ولا تكبر شخذنا من المواليد
وإقنع بالقفص وإعناد غرد
مرات الضحك موصدگ تعويد
عرج رحه بثلج وبنار ينگد
أمس مر طيف ولفي وگتله شتريد
وگعد يم باب جرحي وگام ينشد
گال إشغيرك گتله ألعناگيد
ذنب تنباع إذا السلال تطرد
أنه ألغناك بطنج عالعرابيد
وأنه ألواعد وطاح بغير موعد
وأنه ألبچا برودك مو رواديد
وأنه الـ يم صورتك عمرين يشرد
إشيضم جرحك ذهب فوگ المعاضيد
إشما يفتر يرد بالعين يركد
وما يتغير إحساسك تقاليد
المنجل مازرع مخلوق يحصد
يالمطشر هلا بديوان إجاويد
ولميتك مهَر للراد يعقد
وختلت بروحي ختلات المطاريد
غشيم ومادريت إتريد تبعد
مو شرط الختل واصله تهديد
گبل لا يكتل ألصياد يلبد
ومانرجع طعِم عاف ألمصاييد
الميت بالصدگ بالطيف شيرد
هذا الصارلي بطيف المشه إبعيد
وذكرته وغايتي من ألـ ليش تفگد
ومابين إمنياتك والمواعيد
دورلك عذر لـ الليل وإگعد
👍16❤5