عقيل العرد
مابين صدگ وچذب
ضاعت معانينا
فجأة لگينه العمر .. طالع گبل بينا
ضعنا بضباب الزمن
والجاي ماينحزر ..
مو واضحة سنينه
متيهين باب الفرح
غربة وندور نشد ..
محد يلفينا
نتمنى نكبر گبل
ولمن كبرنا صدگ .. نتمنا ماجينا
ننزف وماصح گطن
من روحة ينطينا
ونفرض لگينه گطن
البينه اكبر منلجرح
مانعرف شبينا..!
مابين صدگ وچذب
ضاعت معانينا
فجأة لگينه العمر .. طالع گبل بينا
ضعنا بضباب الزمن
والجاي ماينحزر ..
مو واضحة سنينه
متيهين باب الفرح
غربة وندور نشد ..
محد يلفينا
نتمنى نكبر گبل
ولمن كبرنا صدگ .. نتمنا ماجينا
ننزف وماصح گطن
من روحة ينطينا
ونفرض لگينه گطن
البينه اكبر منلجرح
مانعرف شبينا..!
❤11👍2
#قصيدة_وشاب
علي حميد ( ميسان)
كل مصباح بعيوني يضل اسود اذا مو انته مصباحي
واذا جفي ذكر جفك يروح ويلزم اصفاحي
جاا وعيوني التحبك اذا ما شافت عيونك تشوف المن
اذا مو عدك سنين الكضن وياك جا عدمن
مو وكته وكبر وجهي السبب انته
تجاعيدي ورجيف اجفوفي من عندك
يما تدري الجرس كتالته السكته
عتب كل عمري جبته وياك
ما كتلي العتب من يثكل اتسافر
كلبك ما ادري اشايل نفس باجر
من كتلك برد شوكك كلت معذور
ولحد هسه جمر شوكي وتجوي حرورتي التنور
كل ذني وردت وياك بس انته ولا جنك
ما تلزم اجفوف الرادتك للدوم تركض ع اليبيعنك
هذا انته ضريح لكل بشر خاين ولك بسك
ارحم سكتت جروحي ولك شحجي
اذا تعبك يضل يبين بحسك
وعله بالي الدمع كفارة المذنب طلع جذاب
ترجيتك هوى تمرني!! تمر الباب !!
علي حميد ( ميسان)
كل مصباح بعيوني يضل اسود اذا مو انته مصباحي
واذا جفي ذكر جفك يروح ويلزم اصفاحي
جاا وعيوني التحبك اذا ما شافت عيونك تشوف المن
اذا مو عدك سنين الكضن وياك جا عدمن
مو وكته وكبر وجهي السبب انته
تجاعيدي ورجيف اجفوفي من عندك
يما تدري الجرس كتالته السكته
عتب كل عمري جبته وياك
ما كتلي العتب من يثكل اتسافر
كلبك ما ادري اشايل نفس باجر
من كتلك برد شوكك كلت معذور
ولحد هسه جمر شوكي وتجوي حرورتي التنور
كل ذني وردت وياك بس انته ولا جنك
ما تلزم اجفوف الرادتك للدوم تركض ع اليبيعنك
هذا انته ضريح لكل بشر خاين ولك بسك
ارحم سكتت جروحي ولك شحجي
اذا تعبك يضل يبين بحسك
وعله بالي الدمع كفارة المذنب طلع جذاب
ترجيتك هوى تمرني!! تمر الباب !!
👍6❤2
#قصيدة_وشاب
محمد طالب ( كركوك)
واطيح بفييّ قميصك شم
بصابيعك اخذ روحي
صحرة روحي شربت ماي من چفك
لمن گتلگ بصابيعك أخذ روحي
تدنّه الفييّ روازيني فك جنحك لغنيلك حزن شمسي
انثرني بلهفتگ ااااخ
ضمني بفييّ رموشك روحي حفنة خوف
واشتل حنة احديثه .. ولك گلبي خضار وگاع
نهر سكران من جرفه
يشبگني المطر . يدّفه امن اگول اسمك
بديني اعلى خصرك كاس
واترگ خمرة السوّاك واسكر من عِرگ خصرك
وانذرني الشمس روحك
طين امن الجرف روحي
ولا حفنة نسيم أينام بشراعي
واغنيتي الگمر والماي واصابيعك الشگره اتسامر بگاعي
واخذني الكل تعب روحك
بيه افياي نخله وراحة الماي
صوت الماي
ريح الماي
والگمره التزف اضواها فوگ الماي
وهلهولة الشجر اعلى وجهّ الگاع
ماي التين
ماي التين طاح ولاگّته اچفوفك
واشراعين گلبي وتايهّ وي الريح
تغنّي النجمه لجروفك
مسافه البين اصابيعي واصابيعك
گلب ينبض بأغانيّك
( طين وماي و اچفوفك )
صلاة العاشگ اچفوفك
فييّ اشما تهّت .. روحي بأصابيعك
كاتبلك شعر يبدي بأصابيعك
وأرسم عود .. خصرك لاعب طيوفي
وافز الغبشه بأغنيه
و اجيس الله ب اغانيك
من فوگ العرش راسم لصابيعك
عود وطين
وافياي الشجر والماي ثلج والكاس وانهودك
ونبي آمسودن ب اغانيك
ماي الطين زمزم فايض بخصرك
يهنيال الگماري التضوي بزلوفك
يهنيال المحابس تشتم اچفوفك
اااخ اشچم نجم سكران
لأن الريح جايس خيط نفنوفك
خلخالك شبگ جدمك
لمن ضاگ طينك من مشيت بماي
حدر الماي ضل يبچي
ويدگ روحه ويغني هناك
يعزفلك حزن بهداي
لاگيني .. الفجر يشرب عيوني بكاس
تعال بلهفة الخمره الحزن ينجاس
محمد طالب ( كركوك)
واطيح بفييّ قميصك شم
بصابيعك اخذ روحي
صحرة روحي شربت ماي من چفك
لمن گتلگ بصابيعك أخذ روحي
تدنّه الفييّ روازيني فك جنحك لغنيلك حزن شمسي
انثرني بلهفتگ ااااخ
ضمني بفييّ رموشك روحي حفنة خوف
واشتل حنة احديثه .. ولك گلبي خضار وگاع
نهر سكران من جرفه
يشبگني المطر . يدّفه امن اگول اسمك
بديني اعلى خصرك كاس
واترگ خمرة السوّاك واسكر من عِرگ خصرك
وانذرني الشمس روحك
طين امن الجرف روحي
ولا حفنة نسيم أينام بشراعي
واغنيتي الگمر والماي واصابيعك الشگره اتسامر بگاعي
واخذني الكل تعب روحك
بيه افياي نخله وراحة الماي
صوت الماي
ريح الماي
والگمره التزف اضواها فوگ الماي
وهلهولة الشجر اعلى وجهّ الگاع
ماي التين
ماي التين طاح ولاگّته اچفوفك
واشراعين گلبي وتايهّ وي الريح
تغنّي النجمه لجروفك
مسافه البين اصابيعي واصابيعك
گلب ينبض بأغانيّك
( طين وماي و اچفوفك )
صلاة العاشگ اچفوفك
فييّ اشما تهّت .. روحي بأصابيعك
كاتبلك شعر يبدي بأصابيعك
وأرسم عود .. خصرك لاعب طيوفي
وافز الغبشه بأغنيه
و اجيس الله ب اغانيك
من فوگ العرش راسم لصابيعك
عود وطين
وافياي الشجر والماي ثلج والكاس وانهودك
ونبي آمسودن ب اغانيك
ماي الطين زمزم فايض بخصرك
يهنيال الگماري التضوي بزلوفك
يهنيال المحابس تشتم اچفوفك
اااخ اشچم نجم سكران
لأن الريح جايس خيط نفنوفك
خلخالك شبگ جدمك
لمن ضاگ طينك من مشيت بماي
حدر الماي ضل يبچي
ويدگ روحه ويغني هناك
يعزفلك حزن بهداي
لاگيني .. الفجر يشرب عيوني بكاس
تعال بلهفة الخمره الحزن ينجاس
👍5❤3
الاستاذ غانم الفياض
انا وذان اعلى حسي تصلي الولايات
وبعد فوگ المناير ينقره اوذاني
واثر جدمي لهسه على الشمس نيشان
رغم الصار والماصار
مامسحت ليالي السود نيشاني
عناوين الاحبهم
فوگ جلدي جروح
وبگلب المشو وياي عنواني
نجمة وبالسمة ومالاح جدمي الگاع
بس بكل شبر بالگاع تلگاني
يم كل طفل يلعب بالمرض والجوع.. تلگاني
يم كل گمر يطفئ وكل شهيد يطيح ..تلگاني
يم كل بيت علگ لافتة تأبين.. تلگاني
بگلب نخله اصيله تعارچ وي الموت.. تلگاني
يم نهر العشگ بولايتي التعبان ..تلگاني
قصيده من اول الدنيا ولحد الان
كل داير سنه الانسان يقراني
انا بروحي نهر يجري وجرف خدران ..
چم نخله اعلئ چتفه تنام... مايدري..
وعشگ عذري الوطن
يمتد مسافة ابين
كاروكي وحظن گبري
انا وذان اعلى حسي تصلي الولايات
وبعد فوگ المناير ينقره اوذاني
واثر جدمي لهسه على الشمس نيشان
رغم الصار والماصار
مامسحت ليالي السود نيشاني
عناوين الاحبهم
فوگ جلدي جروح
وبگلب المشو وياي عنواني
نجمة وبالسمة ومالاح جدمي الگاع
بس بكل شبر بالگاع تلگاني
يم كل طفل يلعب بالمرض والجوع.. تلگاني
يم كل گمر يطفئ وكل شهيد يطيح ..تلگاني
يم كل بيت علگ لافتة تأبين.. تلگاني
بگلب نخله اصيله تعارچ وي الموت.. تلگاني
يم نهر العشگ بولايتي التعبان ..تلگاني
قصيده من اول الدنيا ولحد الان
كل داير سنه الانسان يقراني
انا بروحي نهر يجري وجرف خدران ..
چم نخله اعلئ چتفه تنام... مايدري..
وعشگ عذري الوطن
يمتد مسافة ابين
كاروكي وحظن گبري
👍9
2018/12/5
الذكرى السنوية لرحيل عريان سيد الشعر
ضمني بليل ثاني وحل حلال الخل
شحيحه افراحنه ودكانهه معزل
البسمة نبوكها من الاه والـ ياويل
وصياد الهموم بدفتره يسجل
ياكلبي شبع ومعكرات الكيف
زمن توزهن ما اضن بعد تحمل
يولنك ضواري مهذبات الناب
لامخلص يعينك لو ردت تجفل
يا مشاجج زمانك حد كطاع النيط
تترجه الشفه وشكواك سل السل
لاعاد الصبر يلجم مصب العين
ولا مثل الخلك بدموعنه نمثل
ولاذيج المضايف عاجدة الديوان
ولا سربة وذن برياضهن تصهل
ولا شارب يرف لو مطكت ام عريف
ولا شكرة جعد بوجوهنا تهلهل
ولامدرع فشك ينحر صدور الكوم
وما بين اللميض يحول تحول
ولاصاحب ذرب يوجد الماذيك
يبسط خاطره وفوك الجرح ينزل
مصخت والضماير غبراهه الغيض
وامتد الدرب وام الفرح مثجل
وطالت والعمر كلما تلف بي يطول
غم ذاك العمر من ينكضي تعلعل
****
يالشعرك مليّل حل حلال الخل
وطوّل واهسك للواهسه مخيل
كل بوست خفو تطرز حياتي نجوم
وكل شمت نحر جبرة خليل لخل
اسلم من عذاب الاه والـ ياويل
وعللني بهواك العافيه تعلل
يالتالي العمر جل العمر عيسوب
فوك مروز روحي الزور صاير جل
مدنف فوك وكري بطارف الصعبات
وصكور الروابي العالية تزبل
مشكلتي الفرح ما اعرف بابه منين
وبلون الحزن من زغري متمشكل
ناورني الدمع باول مدب عالكاع
وناغمني الحزن وي رنة الجنجل
ضميت الصداكة لساعة الكلفات
وحرزت الذخر لن جودهه موشّل
دحل شعرك حبيبي الليل باجي يطول
لاخيط الفجر يتعجل من يهل...!
الذكرى السنوية لرحيل عريان سيد الشعر
ضمني بليل ثاني وحل حلال الخل
شحيحه افراحنه ودكانهه معزل
البسمة نبوكها من الاه والـ ياويل
وصياد الهموم بدفتره يسجل
ياكلبي شبع ومعكرات الكيف
زمن توزهن ما اضن بعد تحمل
يولنك ضواري مهذبات الناب
لامخلص يعينك لو ردت تجفل
يا مشاجج زمانك حد كطاع النيط
تترجه الشفه وشكواك سل السل
لاعاد الصبر يلجم مصب العين
ولا مثل الخلك بدموعنه نمثل
ولاذيج المضايف عاجدة الديوان
ولا سربة وذن برياضهن تصهل
ولا شارب يرف لو مطكت ام عريف
ولا شكرة جعد بوجوهنا تهلهل
ولامدرع فشك ينحر صدور الكوم
وما بين اللميض يحول تحول
ولاصاحب ذرب يوجد الماذيك
يبسط خاطره وفوك الجرح ينزل
مصخت والضماير غبراهه الغيض
وامتد الدرب وام الفرح مثجل
وطالت والعمر كلما تلف بي يطول
غم ذاك العمر من ينكضي تعلعل
****
يالشعرك مليّل حل حلال الخل
وطوّل واهسك للواهسه مخيل
كل بوست خفو تطرز حياتي نجوم
وكل شمت نحر جبرة خليل لخل
اسلم من عذاب الاه والـ ياويل
وعللني بهواك العافيه تعلل
يالتالي العمر جل العمر عيسوب
فوك مروز روحي الزور صاير جل
مدنف فوك وكري بطارف الصعبات
وصكور الروابي العالية تزبل
مشكلتي الفرح ما اعرف بابه منين
وبلون الحزن من زغري متمشكل
ناورني الدمع باول مدب عالكاع
وناغمني الحزن وي رنة الجنجل
ضميت الصداكة لساعة الكلفات
وحرزت الذخر لن جودهه موشّل
دحل شعرك حبيبي الليل باجي يطول
لاخيط الفجر يتعجل من يهل...!
👍21❤2🥰1
فراس غالب
لا ليلك يبچّي الروح ..ولا صبحك يغنيّها
لا بُعدك يذبّلها ...ولا گربك يسليها
لا صمتك يسكتها... ولا صوتك يحچيّها
حتى الذكريات البيك مطفيّه بثلج گلبك
حتى الأغنيات البيك مدفونه بچذب حبك
كلشي بيومك يشبهك
كلشي بوجهك يكرهك
كلشي بناسك الحبوك ما يلتفت ويرغبك
عجيب ولا گمر منهم ..ذكر حزنك بهلهوله
عجيب ولا وجه منهم
ضحك لأسمك بتعلوله
ولا بيرغ صديجك عارك الصوبين
لمن بيك گالوله
يبو گلب السبيل اشبيك.. ماتبخل عله العافك
ويبو دمع الثجيل اشبيك.. ماتلتفت للشافك
اشبيك مفارگ الشاريك
ومچلب بچلمه تخورس اشفافك
اليطفيك لا تسجن ضواك بعتمة ايامه
واليبچيك لا تنثر دفو عيونك عله احلامه
دگ عينك نذر لجروح اليغنيك
وطش گلبك فرح بچفوف اليحنيك
ولا تنطي النشد لو موطنك ناسيك
مايندلك الناسيك
لا ليلك يبچّي الروح ..ولا صبحك يغنيّها
لا بُعدك يذبّلها ...ولا گربك يسليها
لا صمتك يسكتها... ولا صوتك يحچيّها
حتى الذكريات البيك مطفيّه بثلج گلبك
حتى الأغنيات البيك مدفونه بچذب حبك
كلشي بيومك يشبهك
كلشي بوجهك يكرهك
كلشي بناسك الحبوك ما يلتفت ويرغبك
عجيب ولا گمر منهم ..ذكر حزنك بهلهوله
عجيب ولا وجه منهم
ضحك لأسمك بتعلوله
ولا بيرغ صديجك عارك الصوبين
لمن بيك گالوله
يبو گلب السبيل اشبيك.. ماتبخل عله العافك
ويبو دمع الثجيل اشبيك.. ماتلتفت للشافك
اشبيك مفارگ الشاريك
ومچلب بچلمه تخورس اشفافك
اليطفيك لا تسجن ضواك بعتمة ايامه
واليبچيك لا تنثر دفو عيونك عله احلامه
دگ عينك نذر لجروح اليغنيك
وطش گلبك فرح بچفوف اليحنيك
ولا تنطي النشد لو موطنك ناسيك
مايندلك الناسيك
👍10
#قصيدة_وشاب
مهند محمد الغزالي ( النجف)
روح اغفى
بحظن كل بايع ضميره
ودور أبن ادم يخونك
وبيع روحك لو لكيت اليشترونك
ماتت بعينك رسايل جانت تفشل بدونك
أنت يا لص الگلوب الباگ گلبي
وسافر بعمري ورگ شجرة بخريف
فراگك یذبل بروحي
وفرگتي أثغاث طيف
وليش ألومك .... الباع روحه نلومه ليش ؟؟؟
ماخذت طبع القطار بدون سكاته فلا يكدر يعيش
دور بروحك فرح تلكاني لسه لفرحتك ارسم ملامح
ودور بروحك نصيحة تموت من تلكاني طايح
ودور بروحك وعودك تلكى اكاذيبك وعود
وتلگه أثر جذبة على شفتك بيها معدومة الشهود
يجوز تذكر صدفة الله الجابتك بعيون سود
يجوز تذكر مغرب الله المن يجي أفرشله دموعي وشهكتي بطعم الجكاير صوت ناي
وعبرتي و وحشة وحدتي وخنكتي گبال التحبهم صعبة هاي
كافي ادورلك بروحي أثار والكه جروحك متعبات ليلي
وكافي من أمشي بدربكم ينهدم بالباب حيلي
ضلمة الليل الشفتها وصورتك غركانه بذنوب الشبگ
آه يا صوت الأغاني الجانت تفزز ولاية من يمر أسم العشگ
گمت أحس روحي غريب سنين مبيوگه من اديه
بوطن عايش مالي بيت جاا شتعنيلي الهوية
جنت أشمنك نفس بس ادري تخنگ ريتي
وجنت أريدنك عرس تترس غرفتي و ديرتي
الموت ينبظ بيه وأسودت جفوني
وألف هنيالي لون أشبه جفونك
ماتت بعينك رسايل چانت تفشل بدونك
مهند محمد الغزالي ( النجف)
روح اغفى
بحظن كل بايع ضميره
ودور أبن ادم يخونك
وبيع روحك لو لكيت اليشترونك
ماتت بعينك رسايل جانت تفشل بدونك
أنت يا لص الگلوب الباگ گلبي
وسافر بعمري ورگ شجرة بخريف
فراگك یذبل بروحي
وفرگتي أثغاث طيف
وليش ألومك .... الباع روحه نلومه ليش ؟؟؟
ماخذت طبع القطار بدون سكاته فلا يكدر يعيش
دور بروحك فرح تلكاني لسه لفرحتك ارسم ملامح
ودور بروحك نصيحة تموت من تلكاني طايح
ودور بروحك وعودك تلكى اكاذيبك وعود
وتلگه أثر جذبة على شفتك بيها معدومة الشهود
يجوز تذكر صدفة الله الجابتك بعيون سود
يجوز تذكر مغرب الله المن يجي أفرشله دموعي وشهكتي بطعم الجكاير صوت ناي
وعبرتي و وحشة وحدتي وخنكتي گبال التحبهم صعبة هاي
كافي ادورلك بروحي أثار والكه جروحك متعبات ليلي
وكافي من أمشي بدربكم ينهدم بالباب حيلي
ضلمة الليل الشفتها وصورتك غركانه بذنوب الشبگ
آه يا صوت الأغاني الجانت تفزز ولاية من يمر أسم العشگ
گمت أحس روحي غريب سنين مبيوگه من اديه
بوطن عايش مالي بيت جاا شتعنيلي الهوية
جنت أشمنك نفس بس ادري تخنگ ريتي
وجنت أريدنك عرس تترس غرفتي و ديرتي
الموت ينبظ بيه وأسودت جفوني
وألف هنيالي لون أشبه جفونك
ماتت بعينك رسايل چانت تفشل بدونك
👍12❤5
باسم الخاقاني
الصمت فنان
يگلي : أعزف !!
واشوف الدم
على اوتار القهر نيشان
يگلي ارسم : أغاني وضحكة للسكران
وارسم : عابد وقرآن
وارسم : للفرح أوطان
گلتله : منين اجيبن لون للأنسان
إختلفنه، وصوتنا اتعده
وبنص الضجيج اتبدت الالوان
يبو الانسان
صار الموت يشبهنا
وصار العيد بين گبورنا نگضيه
وصرنه نصاحب الدفان
يبو الانسان…
اختلط صوت الابواق بشهگة الآذان
اختلط دمع الحرير بضحكة السلطان
يبو الانسان
اختلط كلشي، ومات بصاحبي الانسان
اختلط كلشي وبقيت انا
الاحب صوتي
واغني لروحي بالغربة !!
وتگلي : أسكت !!
شيسكتني !!
يبني أسكت : مادام بسكوتك صوت
غمّض، عن هوى الغربان
مرات السكوت چفوف
تكسر هيبة البيبان
ومرات الحچي المعدوم
يتبختر مثل سجّان
و مرات الصمت فنّان
الصمت فنان
يگلي : أعزف !!
واشوف الدم
على اوتار القهر نيشان
يگلي ارسم : أغاني وضحكة للسكران
وارسم : عابد وقرآن
وارسم : للفرح أوطان
گلتله : منين اجيبن لون للأنسان
إختلفنه، وصوتنا اتعده
وبنص الضجيج اتبدت الالوان
يبو الانسان
صار الموت يشبهنا
وصار العيد بين گبورنا نگضيه
وصرنه نصاحب الدفان
يبو الانسان…
اختلط صوت الابواق بشهگة الآذان
اختلط دمع الحرير بضحكة السلطان
يبو الانسان
اختلط كلشي، ومات بصاحبي الانسان
اختلط كلشي وبقيت انا
الاحب صوتي
واغني لروحي بالغربة !!
وتگلي : أسكت !!
شيسكتني !!
يبني أسكت : مادام بسكوتك صوت
غمّض، عن هوى الغربان
مرات السكوت چفوف
تكسر هيبة البيبان
ومرات الحچي المعدوم
يتبختر مثل سجّان
و مرات الصمت فنّان
👍23🔥5❤2
ديوان_أيام_الشمس_الشاعر_علي_الشباني.pdf
6.2 MB
👍18❤9🔥2😱2😢2
كاظم لاله ... قراءة في لوح من طين
قره بالماي حزنه المنكتب عالطين
اولگه بالماي وجهه المنطبع عالطين
وقره بلوح السفرمكتوب...
من يبچي الگلب بسكوت..
ماتقره الدمع بالعين
اوكتب عالطين:
(لم أخفَِ ألموتَ أبداً ،
حتّى أنّ يديه ،كانتا أتعس من إلإبتذال
خوفي إطلاقاً، من ألذينَ يخافونَ الموتَ
على ألأرض ألتي ،إجرةحفّار القُبور فيها
تُزيد على حريّة الشخص)
اللگه جرحه إموالف السچين
اوكبر بوجوه المغربين...
صلاة دموع للغايب ..
ونبي ابلا دين
قره بالماي حزنه المنكتب عالطين
اولگه بالماي وجهه المنطبع عالطين
وقره بلوح السفرمكتوب...
من يبچي الگلب بسكوت..
ماتقره الدمع بالعين
اوكتب عالطين:
(لم أخفَِ ألموتَ أبداً ،
حتّى أنّ يديه ،كانتا أتعس من إلإبتذال
خوفي إطلاقاً، من ألذينَ يخافونَ الموتَ
على ألأرض ألتي ،إجرةحفّار القُبور فيها
تُزيد على حريّة الشخص)
اللگه جرحه إموالف السچين
اوكبر بوجوه المغربين...
صلاة دموع للغايب ..
ونبي ابلا دين
👍6❤4
جبار رشيد ... صفنة تماثيل
اركض ما اطيح وبيّة اشمت الگاع
ومو آنه اليظل ياهو اليجي يفوته …
واركض بالعكس لوبيه دار الكون
اصير آنه اليهد والناس مشحوتــه..!!
واگول الموت عِز وعيشة الأحرار
موشغلة اماني…وكلمه مكبوتـــــة
وهنيالي من اموتن واخلص من الموت
واشيل آنه آنه واركض بتابوتـه…
واصيرن خوف اخوّف وآنه عايش موت
واشحدّة اليجيني؟ واهجم إبيوتــه…
ميتين المگابر ما تشيل اسيـــــــــوف!!
بس جيب اليطب بالليل للموتــــة؟!!
خليني إعله حالي وارضه اصيرن ليل
ومنو يدري..اشيظم الليل بسكوته؟!!
مرات البشر بعيونه حجيه يصيـــــــر
مو كل السوالف واضحه بصوته
التماثيل بطبعهه الخرس والصفنــــات
وتحچي اشگد معاني وهيّة منحوته ..
وإبنادم چذب وبحلگه ميتْ الســــــان
ياصدگ الچذب..والناس مبخوتــــة …
يگلّك عالگمر راح وخذاه الحوت
ولا هوّة النزل لا صعدت الحوتة
اركض ما اطيح وبيّة اشمت الگاع
ومو آنه اليظل ياهو اليجي يفوته …
واركض بالعكس لوبيه دار الكون
اصير آنه اليهد والناس مشحوتــه..!!
واگول الموت عِز وعيشة الأحرار
موشغلة اماني…وكلمه مكبوتـــــة
وهنيالي من اموتن واخلص من الموت
واشيل آنه آنه واركض بتابوتـه…
واصيرن خوف اخوّف وآنه عايش موت
واشحدّة اليجيني؟ واهجم إبيوتــه…
ميتين المگابر ما تشيل اسيـــــــــوف!!
بس جيب اليطب بالليل للموتــــة؟!!
خليني إعله حالي وارضه اصيرن ليل
ومنو يدري..اشيظم الليل بسكوته؟!!
مرات البشر بعيونه حجيه يصيـــــــر
مو كل السوالف واضحه بصوته
التماثيل بطبعهه الخرس والصفنــــات
وتحچي اشگد معاني وهيّة منحوته ..
وإبنادم چذب وبحلگه ميتْ الســــــان
ياصدگ الچذب..والناس مبخوتــــة …
يگلّك عالگمر راح وخذاه الحوت
ولا هوّة النزل لا صعدت الحوتة
👍14❤2👏2🔥1
كريم البغدادي
روح ميته
وجسد ذابل
والصور تعتگ آبالي وبالي شارد
والبرد والوحشة ذيچ وذكرياتك والدموع
كلهن التمن عليه بيوم واحد
لا والتكتلك رحت ادورك
بالمحطات النساها الريل
والمطر ماكل سچچها
واني اعرف زين وهمان بعشرتك
المن مسويلي حضرة وجاي اطوفك
والمن مخليلي شباچ وانطرك
واني اعرف ما احظرك
حتى من ينذكر اسمي گبال عينك
ادري راح ادير ضهرك
چنت ارسمك نورس بعيني وتطير
والله اعرف ما اهمك
لچن روحي الوهدنتني
وصبت اسنيني مثل ماي اعلئ ماي
وضيعت عمري ويه عمرك
كبريتك وانت اصغر من دمعتي
منيلك حزني ووحشتي
انه اداين حزني للفاگدله شاب
وانه اقشمر روحي حاب
روح ميته
وجسد ذابل
والصور تعتگ آبالي وبالي شارد
والبرد والوحشة ذيچ وذكرياتك والدموع
كلهن التمن عليه بيوم واحد
لا والتكتلك رحت ادورك
بالمحطات النساها الريل
والمطر ماكل سچچها
واني اعرف زين وهمان بعشرتك
المن مسويلي حضرة وجاي اطوفك
والمن مخليلي شباچ وانطرك
واني اعرف ما احظرك
حتى من ينذكر اسمي گبال عينك
ادري راح ادير ضهرك
چنت ارسمك نورس بعيني وتطير
والله اعرف ما اهمك
لچن روحي الوهدنتني
وصبت اسنيني مثل ماي اعلئ ماي
وضيعت عمري ويه عمرك
كبريتك وانت اصغر من دمعتي
منيلك حزني ووحشتي
انه اداين حزني للفاگدله شاب
وانه اقشمر روحي حاب
👍6👏2🥰1
موعود قاسم الرشيدي
محتار
چني عجد
غص بطواري السيل
مهودل.. وچني گمر
مملوخ من الليل
بضلمة عشگ منسجن
والحیل هزلة ثوب
مرسال اجه للسجن
لاگيته من كل صوب
بشباچي ثلمة شمس
ماوچد اقرا چنت
مدیت ادي لضوه
و مابین شمکتوب
توسفت دمعي هدل
ورموشي لزمنه
مرسالك الماحچه
شميت بي حنه
الونه صح تنحچي
بس تنسمع ونه
محتار
چني عجد
غص بطواري السيل
مهودل.. وچني گمر
مملوخ من الليل
بضلمة عشگ منسجن
والحیل هزلة ثوب
مرسال اجه للسجن
لاگيته من كل صوب
بشباچي ثلمة شمس
ماوچد اقرا چنت
مدیت ادي لضوه
و مابین شمکتوب
توسفت دمعي هدل
ورموشي لزمنه
مرسالك الماحچه
شميت بي حنه
الونه صح تنحچي
بس تنسمع ونه
👍7❤5👏1
عبد الكريم القصاب
.
.
كـون الليلة الشوگ يجيبك
و اتوَعّي بـ صوتك شباچي
چا ماعَت لك .. رزّة بابي !
وچا كَتلك ميخالف ، ماشي
چا گتلك مغسـولة ذنـوبك ،
لا تعرگ سامحتك ، ماشي
كـون الليلة الشـوگ يجيبك
چان تشـوف ، شكَد ارمادي
و توگع مكسور اعله چتافي
و اتعايِن لي ، و دمعك دافي
وچا گتلك سامحتك ، كافي
چا گـتلك ميخالف .. ماشي
كون الليلة .. الشـوگ يجيبك
أشعـل بيك امراية ليلي
حتى بصفنة تجيس جروحي
و يفوح القداح بروحي
و أفرح ، و أنگز فـوگ فراشي
أفـتر ويْ طولك فـرّاره ...
و أركَص زيبگ فوگ الكاشي
أخدر و اغفه ومامش وحشة
و من تندهني خيوط الغـبشة
أوگف فوگ العتبة مراية
و البوس أموَرّد بخدودي ،
و شبگاتك تلمع بـ زنودي .
تتلفـت لي عيـون الـماشي ،
و إينطّ امن الحرگة الواشي
.
.
كـون الليلة الشوگ يجيبك
و اتوَعّي بـ صوتك شباچي
چا ماعَت لك .. رزّة بابي !
وچا كَتلك ميخالف ، ماشي
چا گتلك مغسـولة ذنـوبك ،
لا تعرگ سامحتك ، ماشي
كـون الليلة الشـوگ يجيبك
چان تشـوف ، شكَد ارمادي
و توگع مكسور اعله چتافي
و اتعايِن لي ، و دمعك دافي
وچا گتلك سامحتك ، كافي
چا گـتلك ميخالف .. ماشي
كون الليلة .. الشـوگ يجيبك
أشعـل بيك امراية ليلي
حتى بصفنة تجيس جروحي
و يفوح القداح بروحي
و أفرح ، و أنگز فـوگ فراشي
أفـتر ويْ طولك فـرّاره ...
و أركَص زيبگ فوگ الكاشي
أخدر و اغفه ومامش وحشة
و من تندهني خيوط الغـبشة
أوگف فوگ العتبة مراية
و البوس أموَرّد بخدودي ،
و شبگاتك تلمع بـ زنودي .
تتلفـت لي عيـون الـماشي ،
و إينطّ امن الحرگة الواشي
👍12❤7
طارق صبار
حبيتك جرح
ينزف عشگ ..
بس طيبته من الطين
بين ولايتي وناي المراعي .. اطلال
مدري اطفال
بس اطفال خدرانين
وبعينك نهر چذاب ما يجري
عذاباتي .. وعطش روحي
وسرابك يشرب بعمري
ولك ياماي يتبدّه على گلبي الصيف
وانت بعيد
يتعدّه على دربي الليل ..
وانت بعيد
اذا مثلي عشگت هلال ما يطلع
بعد شمتاني من العيد ؟
وحبيتك نجم سهران
يبچي على الورد والناس والنهران
أشتَم ضلك بدربي
اشيلك لو عثر گلبك
واحط گلبي
تصعد للسما جروحي
واحس كل السهارى احلامها بروحي
وحبيتك خمر ووذان
اندل ليلك السكران
واعرف جدمك بياكتر من گلبي
طبع نيشان
وبروحي صهيل اشواگ فحطانه
حرمت اشفاف
عطشانه على رگص الماي
وجفيت جروح
ذبلانه بنواعي الناي
وعصرت گلوب
شافت من عذاب الذكريات هواي
ذمة برگبتك
دگة جرسنا الميتة صار سنين
وآلام المسيح
العايشة بروحي بهوى العشرين
ذمة برگبتك صورة صليب حسين
حبيتك جرح
ينزف عشگ ..
بس طيبته من الطين
بين ولايتي وناي المراعي .. اطلال
مدري اطفال
بس اطفال خدرانين
وبعينك نهر چذاب ما يجري
عذاباتي .. وعطش روحي
وسرابك يشرب بعمري
ولك ياماي يتبدّه على گلبي الصيف
وانت بعيد
يتعدّه على دربي الليل ..
وانت بعيد
اذا مثلي عشگت هلال ما يطلع
بعد شمتاني من العيد ؟
وحبيتك نجم سهران
يبچي على الورد والناس والنهران
أشتَم ضلك بدربي
اشيلك لو عثر گلبك
واحط گلبي
تصعد للسما جروحي
واحس كل السهارى احلامها بروحي
وحبيتك خمر ووذان
اندل ليلك السكران
واعرف جدمك بياكتر من گلبي
طبع نيشان
وبروحي صهيل اشواگ فحطانه
حرمت اشفاف
عطشانه على رگص الماي
وجفيت جروح
ذبلانه بنواعي الناي
وعصرت گلوب
شافت من عذاب الذكريات هواي
ذمة برگبتك
دگة جرسنا الميتة صار سنين
وآلام المسيح
العايشة بروحي بهوى العشرين
ذمة برگبتك صورة صليب حسين
👍12❤2👏2
#قصيدة_وشاب
احمد قحطان (كربلاء )
حته العايفك متحير وياك
ابيبان الاحلام جفوفك ادگ
واطلع بالحلم للباب فرحان
افراج عله واحد مامصدگ
مااحترگ لو ذبيتني بنار
خذلان التحبه هواي يحرگ
اقوه سلاح عندي دموع العيون
من انجرح تلگه فصوصها اطگ
قررت انسحب جي ما الك لون
جناحك كل سرب لو مره يصفگ
تره الماعاجبك جان عله طرواك
من گد ماترف بنفاسه يشرگ
شطبت الذكريات البيها موجود
يم ركن الحديقه استنكف امرگ
مليت الحايط بذيج العبارات
الماتستاهل اسمك بيها يطرگ
بعد يومين خاف تمر عله الباب
من يسمع بصوتك وحده يطبگ
تناقض جان بيه وهسه لاراح
من شفتك لغيري بحرگه تشبگ
احمد قحطان (كربلاء )
حته العايفك متحير وياك
ابيبان الاحلام جفوفك ادگ
واطلع بالحلم للباب فرحان
افراج عله واحد مامصدگ
مااحترگ لو ذبيتني بنار
خذلان التحبه هواي يحرگ
اقوه سلاح عندي دموع العيون
من انجرح تلگه فصوصها اطگ
قررت انسحب جي ما الك لون
جناحك كل سرب لو مره يصفگ
تره الماعاجبك جان عله طرواك
من گد ماترف بنفاسه يشرگ
شطبت الذكريات البيها موجود
يم ركن الحديقه استنكف امرگ
مليت الحايط بذيج العبارات
الماتستاهل اسمك بيها يطرگ
بعد يومين خاف تمر عله الباب
من يسمع بصوتك وحده يطبگ
تناقض جان بيه وهسه لاراح
من شفتك لغيري بحرگه تشبگ
👍15❤10😢3
غني محسن
مسافر
مسافر گضيت العمر ..
ورقة اعله ﭼـتف الريح ..
كل شهگه صارت جنح ..
يم عمري خاف تطيح ..
يا روحي وحشه ابدرب
وبخطوتج سمّي..
انتي عليج الجرح..
وانه علي همّي
شفت الونين برمح ..
يعبر نهر دمي..
ما ادري عيني البـﭼت..
لو غيمه اجت يمي..
كل ما اگول اعبرت ..
يتبعني حبل الصوت ..
حسبالي من ابتعد ..
كل ذكرياتي تموت ..
يا روحي ظل بس درب
خلنه بـ أمان نفوت ..
لو هيه خطوة امل ..
لو هي بحضن تابوت ..
مسافر وخذني التعب ..
و الغربه صارت طبع ..
يالوحشتك من تمر..
سفرة ونين بـ ظلع
مرات احسك عطش
من روحي راح انشلع
ليلك تبعني برمح ..
واحتمه بظهري الشمع ..
كل الليالي انگضت ..
بس ليلك اشگبــره ..
يا گلبي صار الدمع ..
مرسـاة للعبره ..
دورلي يمك صبر ..
گلبي خلص صبره..
لو ماي اعبره ابـلم ..
بس ليل شيعبـره ..
امشي ومتاعي جرح ..
وبلا امل لا دوه ..
وخطواتي صارت جنح ..
وامشي اعله درب الهوه
غشاني هذا الدرب
وصف لي درب الضوه
شمدريني ضهري الشمع
راكب عليه الهوه ..
مسافر
مسافر گضيت العمر ..
ورقة اعله ﭼـتف الريح ..
كل شهگه صارت جنح ..
يم عمري خاف تطيح ..
يا روحي وحشه ابدرب
وبخطوتج سمّي..
انتي عليج الجرح..
وانه علي همّي
شفت الونين برمح ..
يعبر نهر دمي..
ما ادري عيني البـﭼت..
لو غيمه اجت يمي..
كل ما اگول اعبرت ..
يتبعني حبل الصوت ..
حسبالي من ابتعد ..
كل ذكرياتي تموت ..
يا روحي ظل بس درب
خلنه بـ أمان نفوت ..
لو هيه خطوة امل ..
لو هي بحضن تابوت ..
مسافر وخذني التعب ..
و الغربه صارت طبع ..
يالوحشتك من تمر..
سفرة ونين بـ ظلع
مرات احسك عطش
من روحي راح انشلع
ليلك تبعني برمح ..
واحتمه بظهري الشمع ..
كل الليالي انگضت ..
بس ليلك اشگبــره ..
يا گلبي صار الدمع ..
مرسـاة للعبره ..
دورلي يمك صبر ..
گلبي خلص صبره..
لو ماي اعبره ابـلم ..
بس ليل شيعبـره ..
امشي ومتاعي جرح ..
وبلا امل لا دوه ..
وخطواتي صارت جنح ..
وامشي اعله درب الهوه
غشاني هذا الدرب
وصف لي درب الضوه
شمدريني ضهري الشمع
راكب عليه الهوه ..
👍15❤3
كرار حسن
كبل ليله تواعدنه
وتفاركنه كبل ليله
ومشه ذاك اليغنيلي واغنيله
مشه ذاك العيله كل ما ضاكت الدنيا
ادور ضلمه وابچيله
وكبل ليله
دريت
الدنيا ما تهوه اليمد روحه جسر للغير
ودريت
الشجره كل موسم
يمرها اورقاها من اطيح
ما يرغب غصنها اي طير
وكبل ليله
خذتني الدنيا مدري الوين
ومدري الوين ودتني !
دورت الصدك والكاس
وكلبت الصور والناس
مابيهم ولا واحد عرف حزني
مشيت ودمعي ماخذني …
بس صدكني من رديت
احس بروحي ما خسران !
لان فشله اذا غيرك عرف حزني
ولان فشله اذا غيرك بشر لمني
كبل ليله
دريت بروحي للمثلك حلم عابر
جا هيج المجازه يصير
عفتني وانت ما غلطان
ولسه ومعرف شصاير
تذكر من جنت تغلط واعديلك
تبعد
من ترد تلكه العذر حاضر
جا هسه شعجب وشغير ضنونك
وانه الكاتلتني ومحتار
ياهوه الانشده واعرف شلونك
وياهوه اليكلك بعدك شلوني
و اخ شسوت عيونك
كبل ليلة
راودني القلق والخوف
من شفت الكمر زعلان
من التم عليه الغيم واتغطه
وما ضل الضواه بيبان
من شفت النجم ضايع وباهت لون
ومستاحش سماه وذابل وخدران
ساعتها اعرفت بحساس كل خسران
شمدريني الصور من ذكريات اصير
اضل تثكل عله الحيطان
حسبالي الجرح مضمونه دم يصير
مرات الجرح انسان
واثاريني جنت غلطان
كل هذا كبل ليله
كبل ليله تواعدنه
وتفاركنه كبل ليله
ومشه ذاك اليغنيلي واغنيله
مشه ذاك العيله كل ما ضاكت الدنيا
ادور ضلمه وابچيله
وكبل ليله
دريت
الدنيا ما تهوه اليمد روحه جسر للغير
ودريت
الشجره كل موسم
يمرها اورقاها من اطيح
ما يرغب غصنها اي طير
وكبل ليله
خذتني الدنيا مدري الوين
ومدري الوين ودتني !
دورت الصدك والكاس
وكلبت الصور والناس
مابيهم ولا واحد عرف حزني
مشيت ودمعي ماخذني …
بس صدكني من رديت
احس بروحي ما خسران !
لان فشله اذا غيرك عرف حزني
ولان فشله اذا غيرك بشر لمني
كبل ليله
دريت بروحي للمثلك حلم عابر
جا هيج المجازه يصير
عفتني وانت ما غلطان
ولسه ومعرف شصاير
تذكر من جنت تغلط واعديلك
تبعد
من ترد تلكه العذر حاضر
جا هسه شعجب وشغير ضنونك
وانه الكاتلتني ومحتار
ياهوه الانشده واعرف شلونك
وياهوه اليكلك بعدك شلوني
و اخ شسوت عيونك
كبل ليلة
راودني القلق والخوف
من شفت الكمر زعلان
من التم عليه الغيم واتغطه
وما ضل الضواه بيبان
من شفت النجم ضايع وباهت لون
ومستاحش سماه وذابل وخدران
ساعتها اعرفت بحساس كل خسران
شمدريني الصور من ذكريات اصير
اضل تثكل عله الحيطان
حسبالي الجرح مضمونه دم يصير
مرات الجرح انسان
واثاريني جنت غلطان
كل هذا كبل ليله
👍14❤3🥰2
ابراهيم رشگ
نحبچ بس أنا وروحي..
وماتدرين باأهاتي
وماتدرين بجروحي ،،
أنا وروحي نسولف بيچ
ومحتاره، البشر.. كلمن وسالفته ،
وأنا وروحي سهرنه الليل
وأنتي ِ الليل نايمته ،،
چا يمته انتلاگه وتنتهي السكتة ..؟
چا يمته بعد منكول "چا يمته" .؟
تعال وشوفي شنسوي
ندلل بيج
طفل.. توهه أمه فاطمته
نحبچ بس أنا وروحي..
وماتدرين باأهاتي
وماتدرين بجروحي ،،
أنا وروحي نسولف بيچ
ومحتاره، البشر.. كلمن وسالفته ،
وأنا وروحي سهرنه الليل
وأنتي ِ الليل نايمته ،،
چا يمته انتلاگه وتنتهي السكتة ..؟
چا يمته بعد منكول "چا يمته" .؟
تعال وشوفي شنسوي
ندلل بيج
طفل.. توهه أمه فاطمته
❤11👍6😢6❤🔥2🥰2