جواد الدراجي
اغني..بشوگ.. ومسلطن..
وأحس روحي ..اعثرت صفنه
بطواري.. احباب
وأتكشف شكو بعمري
ضماد اعله التعب ملفوف
وقماش الصبر جذاب
جبت هلال.. شايل حيل
وملصف شذر نجمات
هل.. توه.. وسماهم غاب
طحنه أثنينه لسابع أرض سمره
وصعد بس الصدى يلولي
صعد عطاب
لو فاض السراب
وترس درب العين
ما حاجه لعذر وأسباب
اغني..بشوگ.. ومسلطن..
وأحس روحي ..اعثرت صفنه
بطواري.. احباب
وأتكشف شكو بعمري
ضماد اعله التعب ملفوف
وقماش الصبر جذاب
جبت هلال.. شايل حيل
وملصف شذر نجمات
هل.. توه.. وسماهم غاب
طحنه أثنينه لسابع أرض سمره
وصعد بس الصدى يلولي
صعد عطاب
لو فاض السراب
وترس درب العين
ما حاجه لعذر وأسباب
🔥3❤1👏1
قصيدة : القربان
عبد الكريم القصاب
ياهو الكَال دفنوا بالتراب اهلال ؟
ياهو الكَال ....
عمود الضاويات آنكسر ظهره ومال ؟
امس مالت الدنيه بناسها وما مال
عسى لا كَالها لله وهيّ ابد متصير
محمد ما اِله جتال .
ابو الغيره نزل سجده اعلى كَاعه وباسها ..وكَلبه تبدّه وسال .
عثك برحي ،
.رضع مونة حلاة امه ونزل بسلال
محمد سنبله وطاحت رغيف اعيال .
بذره وسيّرت نجمه اعلى وجه الكَاع ،
والبذره وراها آجيال .
آشعظم معناك يمحمد !!
آشعظم نور البوجهك والسنين آثكَال !!
كَد مابيك من اشموس ، من انجوم ،
شفت كَبّة سما برجّال
خذت كل الضوه حد مابقالك ظل ،
حد ظلك صبح شلال .
تتشرف خيوط الشمس
....لثيابك تصير اذيال
الشرف كَامة جبل عالي ،
وانت اشراع عالقمه
.....وظلك عالسفح شلال
هنيالك على ادروب الغدن بيدك رسن ...
......وآنت اعلى من خيّال .
هاي دروب ماتنّسي ولاتنمل ،
هاي دروب بيها المايرى يندل ،
هنيالك .....
صعدت اعلى البراق بدوسة التمثال
شعلاتك وانت ساجد أعلى من اهلال .
ياشفّة نبي وموال ،
اشلون آتموت ؟ يا هو الكَال ؟
وآنت المرتوي من ماي معسول ...
ونبت حرّي وحجي معدول .
وانت الغاسلك صوت السما....
....وما خلّه بيك آشكال .
وانت السابح بضيء السما .....
.. وطالع آمن المشكاة .
آشلون آتموت ....
...وانت المأ اِلك جتّال ؟
يمحمد محبّينك بجوا حسبالهم ميت .
بجوا حسبالهم دفنوا جسد ....
...وتراب فوكَه آنهال .
بجوا كالوا كبر هذا .
كَلت :لا ، موكَبر هذا .
هذا كَراب سيف لركَبه الشيطان .
هذا آزناد للزلزال .
هذا لسان قرآن وعشب جنه ....
.....وسواجي اشكال
هذا مئذنه ....
والمئذنه مفتاح باب الله ...
.. وحواليهه تطوف آجيال .
هذا الماله جتال .
أبو الغيره .....
نزل سجده اعلى كَاعه وباسها ....
...ودمه تبدّه وسال .
عثك برحي ....
رضع مونة حلاة آمه ونزل بسلال .
محمد سنبله وطاحت رغيف اعيال ،
بذره آمعفّره وطاحت بحضن الكَاع .
والبذره وراها آجيال .
عبد الكريم القصاب
ياهو الكَال دفنوا بالتراب اهلال ؟
ياهو الكَال ....
عمود الضاويات آنكسر ظهره ومال ؟
امس مالت الدنيه بناسها وما مال
عسى لا كَالها لله وهيّ ابد متصير
محمد ما اِله جتال .
ابو الغيره نزل سجده اعلى كَاعه وباسها ..وكَلبه تبدّه وسال .
عثك برحي ،
.رضع مونة حلاة امه ونزل بسلال
محمد سنبله وطاحت رغيف اعيال .
بذره وسيّرت نجمه اعلى وجه الكَاع ،
والبذره وراها آجيال .
آشعظم معناك يمحمد !!
آشعظم نور البوجهك والسنين آثكَال !!
كَد مابيك من اشموس ، من انجوم ،
شفت كَبّة سما برجّال
خذت كل الضوه حد مابقالك ظل ،
حد ظلك صبح شلال .
تتشرف خيوط الشمس
....لثيابك تصير اذيال
الشرف كَامة جبل عالي ،
وانت اشراع عالقمه
.....وظلك عالسفح شلال
هنيالك على ادروب الغدن بيدك رسن ...
......وآنت اعلى من خيّال .
هاي دروب ماتنّسي ولاتنمل ،
هاي دروب بيها المايرى يندل ،
هنيالك .....
صعدت اعلى البراق بدوسة التمثال
شعلاتك وانت ساجد أعلى من اهلال .
ياشفّة نبي وموال ،
اشلون آتموت ؟ يا هو الكَال ؟
وآنت المرتوي من ماي معسول ...
ونبت حرّي وحجي معدول .
وانت الغاسلك صوت السما....
....وما خلّه بيك آشكال .
وانت السابح بضيء السما .....
.. وطالع آمن المشكاة .
آشلون آتموت ....
...وانت المأ اِلك جتّال ؟
يمحمد محبّينك بجوا حسبالهم ميت .
بجوا حسبالهم دفنوا جسد ....
...وتراب فوكَه آنهال .
بجوا كالوا كبر هذا .
كَلت :لا ، موكَبر هذا .
هذا كَراب سيف لركَبه الشيطان .
هذا آزناد للزلزال .
هذا لسان قرآن وعشب جنه ....
.....وسواجي اشكال
هذا مئذنه ....
والمئذنه مفتاح باب الله ...
.. وحواليهه تطوف آجيال .
هذا الماله جتال .
أبو الغيره .....
نزل سجده اعلى كَاعه وباسها ....
...ودمه تبدّه وسال .
عثك برحي ....
رضع مونة حلاة آمه ونزل بسلال .
محمد سنبله وطاحت رغيف اعيال ،
بذره آمعفّره وطاحت بحضن الكَاع .
والبذره وراها آجيال .
👍3😭1
كاظم الركابي
مره گتلي
الما يمد روحه اعلى چفه تموت عينه
ومره گتلي
الصوت يكبر لو زغر ليل المدينه
من اهدها وطاحت عيون الشمس
شوك اعلى كلبك
من اهدها وتاه جدمك
ياغريب الليل عثره وخاف تلكاني اعلى دربك ..
ياشذر دمي الرسم شامه اعلى جيدك
طشني وي اخر نهار
ارسمني نگشة مستحه اتلوك اعلى ايدك ...
ياگصر شوفك جزاني و
معضد عيونك زغير
يا نهر طيح اعلى كلبي من تضوك العطش عيني اتخضر الدنيا قصايد من حرير ..
ومره گتلك ذكروني بغربة دموعي واديك
ويبست اجفوني ولكيتك
وذكّروني وذكّروني
وجان اخر موت ساومني وشريتك
ذكروني وفزن عيوني اعله طولك
سكتن وما كالن انت
وماگلتلك !!
ابنادم من يضيع باجر ، دنيا يلكاها بصفنته
وﻻ كلتلك .... صوج عيني
الشالت عيون الجزوها الما عثر بيهم سهر
وحملتها ذنوب ليله
اشكبره ذنب الكاع لو مات النهر
وانت عاشك
موت بحرورة لهفتك
هي ذلة اعله الشمع لو مات بارد
وانت ربح البارحه الخسرني عمري
اشما يصح شراي للهم .. انه همك
يابخت جتالي بيك
من يحز الشوك كلبي ايفيض دمك
مره گتلي
الما يمد روحه اعلى چفه تموت عينه
ومره گتلي
الصوت يكبر لو زغر ليل المدينه
من اهدها وطاحت عيون الشمس
شوك اعلى كلبك
من اهدها وتاه جدمك
ياغريب الليل عثره وخاف تلكاني اعلى دربك ..
ياشذر دمي الرسم شامه اعلى جيدك
طشني وي اخر نهار
ارسمني نگشة مستحه اتلوك اعلى ايدك ...
ياگصر شوفك جزاني و
معضد عيونك زغير
يا نهر طيح اعلى كلبي من تضوك العطش عيني اتخضر الدنيا قصايد من حرير ..
ومره گتلك ذكروني بغربة دموعي واديك
ويبست اجفوني ولكيتك
وذكّروني وذكّروني
وجان اخر موت ساومني وشريتك
ذكروني وفزن عيوني اعله طولك
سكتن وما كالن انت
وماگلتلك !!
ابنادم من يضيع باجر ، دنيا يلكاها بصفنته
وﻻ كلتلك .... صوج عيني
الشالت عيون الجزوها الما عثر بيهم سهر
وحملتها ذنوب ليله
اشكبره ذنب الكاع لو مات النهر
وانت عاشك
موت بحرورة لهفتك
هي ذلة اعله الشمع لو مات بارد
وانت ربح البارحه الخسرني عمري
اشما يصح شراي للهم .. انه همك
يابخت جتالي بيك
من يحز الشوك كلبي ايفيض دمك
👍10❤2👏1
زهير الدجيلي
هو الحب إيفتّح ورده..
لوما العشاق الحلوين ؟
هو الحب أيعرف الكًاع
لوما أحبابه الفلاحين ؟
مرات يخلينا بآه ..
وسهرانه سوالفنا أبليل
ومرات ينسينا الآه !
وننسى أفراكه وننسى الويل
ومرات أنشوفه ابمكتوب
يعاتبنا وهاكثر أعتاب
ولو مرة أيغيب المحبوب
تصير الدنيا أبلايه أحباب
يراوينا أفراق ايراوينا
يراوينا اشواق ايراوينا
ولوشاف الأه أتمض بينا
هاساعة أبفرحة ينسينا
الحب يامحلا ساعاته
والحب يامحلا أحجاياته
يامحلا النسمات الحلوة
بليل العشاق وآهاته
ويامحلا الضحكات الترسم
وجه المحبوب بضحكاته
ياعيني أشكد يمر بينا
وياعيني أشكد يراوينا
ولو شاف الأه أتمض بينا
هاساعة أبفرحة ينسينا
لوتدرون الحب لوعاش.. ابين اثنين
كل الدنيا الحلوة اتورد
لو عاش الحب بين اثنين
هو الحب إيفتّح ورده..
لوما العشاق الحلوين ؟
هو الحب أيعرف الكًاع
لوما أحبابه الفلاحين ؟
مرات يخلينا بآه ..
وسهرانه سوالفنا أبليل
ومرات ينسينا الآه !
وننسى أفراكه وننسى الويل
ومرات أنشوفه ابمكتوب
يعاتبنا وهاكثر أعتاب
ولو مرة أيغيب المحبوب
تصير الدنيا أبلايه أحباب
يراوينا أفراق ايراوينا
يراوينا اشواق ايراوينا
ولوشاف الأه أتمض بينا
هاساعة أبفرحة ينسينا
الحب يامحلا ساعاته
والحب يامحلا أحجاياته
يامحلا النسمات الحلوة
بليل العشاق وآهاته
ويامحلا الضحكات الترسم
وجه المحبوب بضحكاته
ياعيني أشكد يمر بينا
وياعيني أشكد يراوينا
ولو شاف الأه أتمض بينا
هاساعة أبفرحة ينسينا
لوتدرون الحب لوعاش.. ابين اثنين
كل الدنيا الحلوة اتورد
لو عاش الحب بين اثنين
👍4❤2😢1
لطيف العامري
باچر بكلّيتك ايحط الحَمَام
إيلگّط
بوشلة ضحكتك
شهگة شهگة
و يرتوي بلذة حلاتك
باچر
تطير أمنياتك
تترس الدنيا سلام
باچر
تخضّر رحلتك وطن
و نجُوم
و قَصيدة
و شمس تكبر عالظلام
و باچر
الگلتلها "أحبچ"
تترس
الدنيا چفافي
و كل عمرها يصِير عيد
و تمشي
تتباهى على حِلها
الحلوة محبُوبة "شهيد"
باچر
يغنولك ربعك نشيد
اللّيلة
سهرة
و بالگبر لحد ينام
و گلو.. ل (اعميّر ) يجي
باچر دوام.
باچر بكلّيتك ايحط الحَمَام
إيلگّط
بوشلة ضحكتك
شهگة شهگة
و يرتوي بلذة حلاتك
باچر
تطير أمنياتك
تترس الدنيا سلام
باچر
تخضّر رحلتك وطن
و نجُوم
و قَصيدة
و شمس تكبر عالظلام
و باچر
الگلتلها "أحبچ"
تترس
الدنيا چفافي
و كل عمرها يصِير عيد
و تمشي
تتباهى على حِلها
الحلوة محبُوبة "شهيد"
باچر
يغنولك ربعك نشيد
اللّيلة
سهرة
و بالگبر لحد ينام
و گلو.. ل (اعميّر ) يجي
باچر دوام.
😢4👍1
محسن الخياط
امهات الگيمر وريحة خبزهن
مطر بشّر بالزرع والكاع هيمه
وغبشت الحلوات فرحة
لسهر بياع الجكاير... والفرح ياهو اليديمه
وانه وانت
ماارتاح الحادي بينه .. ولاتلاكينه اعله صدفه
وكالو الصدفه نميمه
وانت تدري بالكصيبة تريد چِلّاب اليزرهه
والحزام يريد طبّاگة بِزيمه
وتدري صبري الكات چتال النديمه
وتدري بيهه العَشرة عُبرت
بليل واهي تطلگ والتجيّبهه اليمه
وشكثر حبيت گبلك
وانت تالي
وبلوة التالي عظيمة
هاك روحي
اعجنهه بچفوفك مثل عجن الحلاوة
ودِگهه دورهه اذا بيهه ضميمه
وانه جيتك
جيّة العطابة للدم
الهه قيمة
وانت شجرة برتقال
اليشتَم بخدهه الهوه بفي البريمة
وانه منك نخلة زهدي.. ومامطلعه
والغراب يبات بيهه
بجولة معزولة يتيمة
ياجروحي تخلبص عليهه الخيط
وضاع راس الخيط بجفوف الغشيمة
اكتلني
وبجم سيف تكتلني.. ارد انشدك !
يلي حلواتك خذني
اجاسمن عمري جسيمة
عمري نص منه اعلمودك
مردي نايم
وبلم مهدود ويلط بيه ضيمة
ونص الاخر حط على النغيز بالبر
وبعطش وفياي خيمة
تكول ماتنشد علية ؟
هو ياهو اليدري بيكم حته انشده
وآمن بذاته السليمه
شلون الاعمى.. ينشد اعمى..؟!
من يمد ايده بعزيمة
امهات الگيمر وريحة خبزهن
مطر بشّر بالزرع والكاع هيمه
وغبشت الحلوات فرحة
لسهر بياع الجكاير... والفرح ياهو اليديمه
وانه وانت
ماارتاح الحادي بينه .. ولاتلاكينه اعله صدفه
وكالو الصدفه نميمه
وانت تدري بالكصيبة تريد چِلّاب اليزرهه
والحزام يريد طبّاگة بِزيمه
وتدري صبري الكات چتال النديمه
وتدري بيهه العَشرة عُبرت
بليل واهي تطلگ والتجيّبهه اليمه
وشكثر حبيت گبلك
وانت تالي
وبلوة التالي عظيمة
هاك روحي
اعجنهه بچفوفك مثل عجن الحلاوة
ودِگهه دورهه اذا بيهه ضميمه
وانه جيتك
جيّة العطابة للدم
الهه قيمة
وانت شجرة برتقال
اليشتَم بخدهه الهوه بفي البريمة
وانه منك نخلة زهدي.. ومامطلعه
والغراب يبات بيهه
بجولة معزولة يتيمة
ياجروحي تخلبص عليهه الخيط
وضاع راس الخيط بجفوف الغشيمة
اكتلني
وبجم سيف تكتلني.. ارد انشدك !
يلي حلواتك خذني
اجاسمن عمري جسيمة
عمري نص منه اعلمودك
مردي نايم
وبلم مهدود ويلط بيه ضيمة
ونص الاخر حط على النغيز بالبر
وبعطش وفياي خيمة
تكول ماتنشد علية ؟
هو ياهو اليدري بيكم حته انشده
وآمن بذاته السليمه
شلون الاعمى.. ينشد اعمى..؟!
من يمد ايده بعزيمة
❤9👍4
عباس الغالبي
بعد بالدنيا أمل وانفهّم الدنيا
طيرة اطّيح
مكتوب بجنحها اطّيح
ماي معلّك بشلّال.. معگود اعل رگبة ريح
ريح اتبوگ بوسة سعفة للسعفة
اعل خد الريح
وتاليها نذم الريح !
بعد بينة عسر ضويات بيت الطين
ومواصل جذب للدين
وسنون لصلاة اتضحّك الدنيا
اعله ذاك الدين
وأغاني متانية السجّان يحجيها بثواب البين
بعد بينة
رسايل تنكتب لدموع راعيها
لعب ذيج العصاري الخايفة امن غروب يلفيها
وأسامي تخوّف بصوتك
لونك رمشة ناسيها
وصور مامش عليها ألوان
راسمها التعب والعيب والحرمان
صور تحجيك بس تنساك
خاف السانك يخونك
خاف تعيش جذبة بوجه كل انسان
بعد بالدنيا أمل وانفهّم الدنيا
طيرة اطّيح
مكتوب بجنحها اطّيح
ماي معلّك بشلّال.. معگود اعل رگبة ريح
ريح اتبوگ بوسة سعفة للسعفة
اعل خد الريح
وتاليها نذم الريح !
بعد بينة عسر ضويات بيت الطين
ومواصل جذب للدين
وسنون لصلاة اتضحّك الدنيا
اعله ذاك الدين
وأغاني متانية السجّان يحجيها بثواب البين
بعد بينة
رسايل تنكتب لدموع راعيها
لعب ذيج العصاري الخايفة امن غروب يلفيها
وأسامي تخوّف بصوتك
لونك رمشة ناسيها
وصور مامش عليها ألوان
راسمها التعب والعيب والحرمان
صور تحجيك بس تنساك
خاف السانك يخونك
خاف تعيش جذبة بوجه كل انسان
👍6❤3
ميثم الطفيلي
غربة انعيش.. غربة انموت
محد يفتهم شنريد
صرنه اشموع.. يم عميان
طبعا نخلص او منفيد
حيره والعمر شيخلصه وياهم
سكرنه مو ترف بس ردنه ننساهم
نصحه انشوف.. نفس الناس
الما بيه ملامح عيد
غربة انعيش.. محتارين
ما تقبل تحبنه الناس
جبنه الياس.. يم بارود
گالو ما نشم الياس
نريد الخوف يزعل ما يصادقنه
تحجي اقلامنه او تسكت بنادقنه
عشنه اهواي.. ويه الضيم
ايد امشابگ اويه الايد
چي طيبين..
ما نرتاح
يردونه نحب الموت
گالو ليش.. عشتو احرار
ماعدكم صنم منحوت
لأن طيب عطره انقدس الوردة
عليمن ننحنيله الكلشي ماعنده
لابد يوم.. وتخلصون
واحنه الي نظل انزيد
غربة انعيش.. غربة انموت
محد يفتهم شنريد
صرنه اشموع.. يم عميان
طبعا نخلص او منفيد
حيره والعمر شيخلصه وياهم
سكرنه مو ترف بس ردنه ننساهم
نصحه انشوف.. نفس الناس
الما بيه ملامح عيد
غربة انعيش.. محتارين
ما تقبل تحبنه الناس
جبنه الياس.. يم بارود
گالو ما نشم الياس
نريد الخوف يزعل ما يصادقنه
تحجي اقلامنه او تسكت بنادقنه
عشنه اهواي.. ويه الضيم
ايد امشابگ اويه الايد
چي طيبين..
ما نرتاح
يردونه نحب الموت
گالو ليش.. عشتو احرار
ماعدكم صنم منحوت
لأن طيب عطره انقدس الوردة
عليمن ننحنيله الكلشي ماعنده
لابد يوم.. وتخلصون
واحنه الي نظل انزيد
❤7👍5
عزيز عسكر
انه قمصان البنات
انه ترجيه وضفاير انه موعد للغرام
انه بعيون الحمام...
كل كلب دافي حنينه ايام عمري
وكل نهر من روحي يجري..
وكل قصيدة انكتبت انه
وكل صحاري الله قضيتي
وكل هوية تريد تبدي
مني تبدي ومن هويتي..
انه مثلك هم احب واكره وكول الناس جذبه
والوطن جذاب ..والدنيا غريبه
صوتي صوتك ..همي همك
والفرق بيناتنا كلبي وسمارك والحبيبه..
كلت عني يموت شاعر وانه عنك ماكلت والشاهد الحب والكصيبه..
الفوك بابك شكتت بالوانها احروف الجمال
والمراجيح ولعبها
وضحكت امي والبراءة التارسه عيون الجهال...
بالجرايد تلكه
نغمه تريد تكبر تكبر بكبر الحلم والشوك خايف
وبين موسم
باع موسم تلكه مجموعة مواسم شايله اعله جفوفها حزن الصرايف..
وانت بعدك تلعب بروحي وتبجيني وتطش ايامي كلهه وتزعل وترضه وتوالف...
احرك البوب وضواها وحط ضلام وحط جسر
وحط صوري وصورتك والليل وجروحي وغلاتك والسنين ولوعتي وجذبك جسر...
بس ضميري يعدي ناسه
وانت ماعندك ضمير يعدي ناسك
انه بس ضيم العراق براسي يفتر
وانت بس ليل الملاهي افترله راسك..
عوف بجوفي الورد والحنه والدم
عوفني احلم
عوف بيه الناس كله وشيل رسمك من خيالي حروفي من دم..
انه ابوي الباعني ومارد شراني
انه تاريخي تعب ووجوه بيهه الحزن ثاني..
اسمي
مثلي يعيش وتكتله الأغاني
شاعر اني...؟
انه قمصان البنات
انه ترجيه وضفاير انه موعد للغرام
انه بعيون الحمام...
كل كلب دافي حنينه ايام عمري
وكل نهر من روحي يجري..
وكل قصيدة انكتبت انه
وكل صحاري الله قضيتي
وكل هوية تريد تبدي
مني تبدي ومن هويتي..
انه مثلك هم احب واكره وكول الناس جذبه
والوطن جذاب ..والدنيا غريبه
صوتي صوتك ..همي همك
والفرق بيناتنا كلبي وسمارك والحبيبه..
كلت عني يموت شاعر وانه عنك ماكلت والشاهد الحب والكصيبه..
الفوك بابك شكتت بالوانها احروف الجمال
والمراجيح ولعبها
وضحكت امي والبراءة التارسه عيون الجهال...
بالجرايد تلكه
نغمه تريد تكبر تكبر بكبر الحلم والشوك خايف
وبين موسم
باع موسم تلكه مجموعة مواسم شايله اعله جفوفها حزن الصرايف..
وانت بعدك تلعب بروحي وتبجيني وتطش ايامي كلهه وتزعل وترضه وتوالف...
احرك البوب وضواها وحط ضلام وحط جسر
وحط صوري وصورتك والليل وجروحي وغلاتك والسنين ولوعتي وجذبك جسر...
بس ضميري يعدي ناسه
وانت ماعندك ضمير يعدي ناسك
انه بس ضيم العراق براسي يفتر
وانت بس ليل الملاهي افترله راسك..
عوف بجوفي الورد والحنه والدم
عوفني احلم
عوف بيه الناس كله وشيل رسمك من خيالي حروفي من دم..
انه ابوي الباعني ومارد شراني
انه تاريخي تعب ووجوه بيهه الحزن ثاني..
اسمي
مثلي يعيش وتكتله الأغاني
شاعر اني...؟
👍7❤3
كامل العامري
ذاك إنتَ الربت روحك بنبض گلبي
وشواطيه حلم أخضَّر
حلم يگبر
ياشجرة الزينة البيك
وردة الشوگ ما أثمر
أشوفنك جرح يضحك يماي العاف چالية
علمني ولك مبخوت !!
علمني الهجر ونساك .
يا حلم الجهل بالروح
ذاك إنتَ الربيتوياك
أفيي تراب إجدامك بشوگي
وأضويلك درب ملگاك
صد أكثر بعد وأكثر
اريدك فرح تاخذني ينبع الما گسر فيه
أجيك إعتاب فوگ الريح وتنطر
تلملمني
تغض عينك جنح زعلان
ماچنك صرت مني
ولك مرخوص عالشمات
چلمة لوم طشَّرني
يبة أصبَّر بعد وأصبر
ذاك إنتَ الربت روحك بنبض گلبي
وشواطيه حلم أخضَّر
حلم يگبر
ياشجرة الزينة البيك
وردة الشوگ ما أثمر
أشوفنك جرح يضحك يماي العاف چالية
علمني ولك مبخوت !!
علمني الهجر ونساك .
يا حلم الجهل بالروح
ذاك إنتَ الربيتوياك
أفيي تراب إجدامك بشوگي
وأضويلك درب ملگاك
صد أكثر بعد وأكثر
اريدك فرح تاخذني ينبع الما گسر فيه
أجيك إعتاب فوگ الريح وتنطر
تلملمني
تغض عينك جنح زعلان
ماچنك صرت مني
ولك مرخوص عالشمات
چلمة لوم طشَّرني
يبة أصبَّر بعد وأصبر
👍3🔥1
الراحل سمير صبيح ... معقولة !
معقوله ماأيست... ؟ ياگلبي معقوله
سطعش متره برمل
تحفر ابير الهوه
ابهيمه والوحدك ...شيطلعك ومانبع
چاخلگك شطوله !!
الماشي عليهن كبل. غيرهن وتنسعد
اترك بعد كل حچي
واترك طريق البچي
والضحكه مشموله
وسد إذنك اعله العتب ..واقنعهه لو بالغصب
الونه كلهه غنه
والصرخه هلهوله
واطيك حل البعد ...عدي الخساره ربح
ولو كتلي جا والسهر..؟
هم هاي محلوله
بالصيف غمض چذب ...واتغطه إذا بالشته
اينام ليله ونسه
لتخاف يحچوله
ولتشوف روجه قوي.. ميصير سيلك نهر
مادام مايه مشه
بكل كاع مجهوله
واليسألك هاجرت...؟ أي ريش حطه عذر
والدم يبس وانشلع
لاگله مكتوله
وذب سيفك انسه الحرب... ومثل بأيدك بعد
لولحهه يمهم جذب
سويهه مشلوله
واجتافك ويه الحمل ...ذبلك عليهن غطه
واحذر يطيره الهوه
يشوفوهه مهدوله
ابراسه خيط وجذب... فر مغزلك بالهوه
الضاهر الهه الخلگ... ياكلبي مكيوله
ومعقولة ماأيست..؟ ياگلبي.. معقولة .!
معقوله ماأيست... ؟ ياگلبي معقوله
سطعش متره برمل
تحفر ابير الهوه
ابهيمه والوحدك ...شيطلعك ومانبع
چاخلگك شطوله !!
الماشي عليهن كبل. غيرهن وتنسعد
اترك بعد كل حچي
واترك طريق البچي
والضحكه مشموله
وسد إذنك اعله العتب ..واقنعهه لو بالغصب
الونه كلهه غنه
والصرخه هلهوله
واطيك حل البعد ...عدي الخساره ربح
ولو كتلي جا والسهر..؟
هم هاي محلوله
بالصيف غمض چذب ...واتغطه إذا بالشته
اينام ليله ونسه
لتخاف يحچوله
ولتشوف روجه قوي.. ميصير سيلك نهر
مادام مايه مشه
بكل كاع مجهوله
واليسألك هاجرت...؟ أي ريش حطه عذر
والدم يبس وانشلع
لاگله مكتوله
وذب سيفك انسه الحرب... ومثل بأيدك بعد
لولحهه يمهم جذب
سويهه مشلوله
واجتافك ويه الحمل ...ذبلك عليهن غطه
واحذر يطيره الهوه
يشوفوهه مهدوله
ابراسه خيط وجذب... فر مغزلك بالهوه
الضاهر الهه الخلگ... ياكلبي مكيوله
ومعقولة ماأيست..؟ ياگلبي.. معقولة .!
👍9❤2🙏1💔1
عماد المطاريحي
دفنت وياك ترجيه وكمر مكسور
ونجمه مغمسه بدمعة
وندى بايت من زفه
ونهد ثوري رفض مابايع لا شفافك الترفه
دفنت وياك حلمي وثمر سالفتي
وضواي وكحلتي وليلي وطعم شفتي
بغيابك لا مطر لا عشب لا نايات
لا شبكات لا لمسات
بغيابك لا نجم حولي بحضني وبات
حتى الليل بعدك مات
حتى النوم بعدك مات
طفت مهرة ضواك بعين المرايات
وردت خاليه من الحمل قافلتي
بغيابك ماغمض جفني بحياتك يوم
بغيابك طفيت عيوني مگحلتي
غيابك مو سهل اصبح جزيرة موت
والحرمان يشرب جمر عاطفتي
تذكر من تصبلي الندى بكاس النوم
وتكاسرلي غنج واشرب بمعرفتي
وتتخفى واصيدك مو علم بالغيب
بس ريحة قميصك تضل بوصلتي
و ارسم عـ مخده طيور مكسورات
ويجي طيرك ويروي طيور خاطرتي
تذكر من اغمض عيوني وانت تغيب
وادورك وانت عني تبات متخفي
تمطر وحشتك و يورد النفنوف
وبـ ورده قمصيك تنام وتغفي
احس طليع جسمك فزز التفاح
شتعل بستان صدري وناري ماتطفي
واغفى بحضن حسنك واضحك اعلى الريح
اذا كاروك حضنك طفل منزلتي
اصابيعك حرز من تمس نهدي ينام
اذا شلت الحرز مانام مشگلتي
دفنت وياك ترجيه وكمر مكسور
ونجمه مغمسه بدمعة
وندى بايت من زفه
ونهد ثوري رفض مابايع لا شفافك الترفه
دفنت وياك حلمي وثمر سالفتي
وضواي وكحلتي وليلي وطعم شفتي
بغيابك لا مطر لا عشب لا نايات
لا شبكات لا لمسات
بغيابك لا نجم حولي بحضني وبات
حتى الليل بعدك مات
حتى النوم بعدك مات
طفت مهرة ضواك بعين المرايات
وردت خاليه من الحمل قافلتي
بغيابك ماغمض جفني بحياتك يوم
بغيابك طفيت عيوني مگحلتي
غيابك مو سهل اصبح جزيرة موت
والحرمان يشرب جمر عاطفتي
تذكر من تصبلي الندى بكاس النوم
وتكاسرلي غنج واشرب بمعرفتي
وتتخفى واصيدك مو علم بالغيب
بس ريحة قميصك تضل بوصلتي
و ارسم عـ مخده طيور مكسورات
ويجي طيرك ويروي طيور خاطرتي
تذكر من اغمض عيوني وانت تغيب
وادورك وانت عني تبات متخفي
تمطر وحشتك و يورد النفنوف
وبـ ورده قمصيك تنام وتغفي
احس طليع جسمك فزز التفاح
شتعل بستان صدري وناري ماتطفي
واغفى بحضن حسنك واضحك اعلى الريح
اذا كاروك حضنك طفل منزلتي
اصابيعك حرز من تمس نهدي ينام
اذا شلت الحرز مانام مشگلتي
👍7❤3👏2😢1
فلاح السالمي
للضاگوه لذيذ الموت
للوگفوا رگب للسيف
گوم اذبح بيابي العين
اجالك من ضحكهم طيف
للماتعتگ صورهم
شذر ؟ ..مدري شمس ؟.. لو چنهه خبزة ريف ؟
گماري وموتهم بالكيف
للاختنگن جناسيهم من الدخان
للرادو وطن من غربة السلطان
للضحكوا على السجان
اجوا ..لمّة نوارس .. ورق دفتر .. بيييض
مافرزنهم الدفان
كتب فوگ الگبر عنبر بصف عنبر بصف عنبر
ووصى اولاده من يموت
اكتبوا اعلى السياسي ادنان
للأنطو عيدهم واخذو هموم الناس
للدمهم سهر من ناموا الحراس
الخبزهم ينشم وينباس
طين وصايغه التنور
للنگعت اساميهم من الكافور
وصفّوا ياس يتبع ياس
دمهم مالواه الموت
بشفاف الرصاص انباس
ابطال الرواية المارضت تنذل
الثچله الشايله المنجل
الحنينه الضاع فيهه ولونهه تبدل
نياشين الولايه القررت تندل
الانكاسرهم ويه الليل لو بردت اغاني الشوگ
وبموسمهم يطيحون برحي بسوگ
گوم وخم حزن روحك
بچي الدم اعلى دم يلوگ
محبرة الضمير الشطبت القناص
كحلهه بدمعة التاريخ
أثاري الدم رسايل تعبر التاريخ
طفينه الشمس .. من هب صباح الدم
خمر بالجنة ماينذم
صباح الماله صوت اظلم
كوم ارسم وسن بالعين
للطين اليحن للطين
من ضاعت شموس الناس
للساتر فزع تشرين
للانكتبت روايتهم بكل ساتر
وحگ دمهم
وحگ ذيچ القيامة وواقعة تشرين
وحگ العنبر الثاير
نرد كلما خذانه الموت
عاشر يندَه بعاشر
للضاگوه لذيذ الموت
للوگفوا رگب للسيف
گوم اذبح بيابي العين
اجالك من ضحكهم طيف
للماتعتگ صورهم
شذر ؟ ..مدري شمس ؟.. لو چنهه خبزة ريف ؟
گماري وموتهم بالكيف
للاختنگن جناسيهم من الدخان
للرادو وطن من غربة السلطان
للضحكوا على السجان
اجوا ..لمّة نوارس .. ورق دفتر .. بيييض
مافرزنهم الدفان
كتب فوگ الگبر عنبر بصف عنبر بصف عنبر
ووصى اولاده من يموت
اكتبوا اعلى السياسي ادنان
للأنطو عيدهم واخذو هموم الناس
للدمهم سهر من ناموا الحراس
الخبزهم ينشم وينباس
طين وصايغه التنور
للنگعت اساميهم من الكافور
وصفّوا ياس يتبع ياس
دمهم مالواه الموت
بشفاف الرصاص انباس
ابطال الرواية المارضت تنذل
الثچله الشايله المنجل
الحنينه الضاع فيهه ولونهه تبدل
نياشين الولايه القررت تندل
الانكاسرهم ويه الليل لو بردت اغاني الشوگ
وبموسمهم يطيحون برحي بسوگ
گوم وخم حزن روحك
بچي الدم اعلى دم يلوگ
محبرة الضمير الشطبت القناص
كحلهه بدمعة التاريخ
أثاري الدم رسايل تعبر التاريخ
طفينه الشمس .. من هب صباح الدم
خمر بالجنة ماينذم
صباح الماله صوت اظلم
كوم ارسم وسن بالعين
للطين اليحن للطين
من ضاعت شموس الناس
للساتر فزع تشرين
للانكتبت روايتهم بكل ساتر
وحگ دمهم
وحگ ذيچ القيامة وواقعة تشرين
وحگ العنبر الثاير
نرد كلما خذانه الموت
عاشر يندَه بعاشر
👍9🔥2❤1👏1
الاستاذ غانم الفياض
اغفريلي
الجدم مشدود الچ
بس گلبي يتعثر
اغفريلي
ذنب كلبي
ولو ماظل كلب بذنوبه يتعير
مااكدر اجاري الدنيا البروحچ
ولا لوحچ
شُرفة لهفتچ مليانه فرّاشات
وبروحي الحزن خطار
هم روحه اعله روحي ومن وكت سير
الحلم يتوضى بعيونج
لجن بعيوني يتحير
كبل سنين
مدري بيا نجم ضميت اسراري وعناويني
وتيهت النجم والليل كلهه انجوم جذابه
ومدري شلون جانت
لونهه امحيَر
لاتضوي لوجهه ولاتضويلي
ومن هذا السفر والتيه شفتج قبله توميلي
اغفريلي
حلم يتشمس بصدري
يمج ختّلت عمري
وعلى اوسادة امانج امنت ليلي
اغفريلي
يجنة حلمي وذنوبي
وعلامه الناصعة بثوبي
يـ ابليسي الغوى اجروحي ..عله اجروحي!
وعلامة الفارقة ابروحي
يـ آخر مرسى ضيعته
وشهكات الجمر بيه وتراتيلي
اغفريلي
اغفريلي
اغفريلي
الجدم مشدود الچ
بس گلبي يتعثر
اغفريلي
ذنب كلبي
ولو ماظل كلب بذنوبه يتعير
مااكدر اجاري الدنيا البروحچ
ولا لوحچ
شُرفة لهفتچ مليانه فرّاشات
وبروحي الحزن خطار
هم روحه اعله روحي ومن وكت سير
الحلم يتوضى بعيونج
لجن بعيوني يتحير
كبل سنين
مدري بيا نجم ضميت اسراري وعناويني
وتيهت النجم والليل كلهه انجوم جذابه
ومدري شلون جانت
لونهه امحيَر
لاتضوي لوجهه ولاتضويلي
ومن هذا السفر والتيه شفتج قبله توميلي
اغفريلي
حلم يتشمس بصدري
يمج ختّلت عمري
وعلى اوسادة امانج امنت ليلي
اغفريلي
يجنة حلمي وذنوبي
وعلامه الناصعة بثوبي
يـ ابليسي الغوى اجروحي ..عله اجروحي!
وعلامة الفارقة ابروحي
يـ آخر مرسى ضيعته
وشهكات الجمر بيه وتراتيلي
اغفريلي
اغفريلي
👍4❤2
عزيز عسكر
(غانم الفياض) روحي "وحلم تعبان" القصائد..
ليله من "ليل البنفسج"
(غانم الفياض) روح الناصرية..
شجن حلوات الجنوب
وغبشه بيها طيورسمره صوت (داخل) وابو ذية..
يا(محمد) والتعب (عبد إلاله)
العاشق المرتد مشه لبعيد وحده
وليل (عريان) انكتب بالماي وحده
وجيل جاي يريد بية يسافر الروحه
شعر شعبي ومواويل وصور
وانه "نافورة بنفسج" كالني (عبدالكريم )
خلصت بية المحطات وشرب عمري السفر..
انه آخر باب لجفوف القصيدة!!
وانه (ميثاق الهلالي) (وحيدر )ودمع الحبيبة
انه (عادل سامي )
والغربه وتعبها
وانه (عمار العلي) لومات تنكص جم كصيبة..
جيتك اذكرك
وانت تدري الشوك بيني وبينك ولايه بعيدة
جيتك اكلك والشعر كل يوم سالوفه جديدة
وحدك للموت تمشي
محد يغني وراك
انه اولهم نساك
غانم الفياض روحي وابو ذر كل الجنوب
من( وهاب) تعلمت ماموت وحدي
وكلشي احب ومااتوب...
(غانم الفياض) روحي "وحلم تعبان" القصائد..
ليله من "ليل البنفسج"
(غانم الفياض) روح الناصرية..
شجن حلوات الجنوب
وغبشه بيها طيورسمره صوت (داخل) وابو ذية..
يا(محمد) والتعب (عبد إلاله)
العاشق المرتد مشه لبعيد وحده
وليل (عريان) انكتب بالماي وحده
وجيل جاي يريد بية يسافر الروحه
شعر شعبي ومواويل وصور
وانه "نافورة بنفسج" كالني (عبدالكريم )
خلصت بية المحطات وشرب عمري السفر..
انه آخر باب لجفوف القصيدة!!
وانه (ميثاق الهلالي) (وحيدر )ودمع الحبيبة
انه (عادل سامي )
والغربه وتعبها
وانه (عمار العلي) لومات تنكص جم كصيبة..
جيتك اذكرك
وانت تدري الشوك بيني وبينك ولايه بعيدة
جيتك اكلك والشعر كل يوم سالوفه جديدة
وحدك للموت تمشي
محد يغني وراك
انه اولهم نساك
غانم الفياض روحي وابو ذر كل الجنوب
من( وهاب) تعلمت ماموت وحدي
وكلشي احب ومااتوب...
👍6❤4
كاظم اسماعيل الگاطع
بدى العام الدراسي وبدت الهموم
وبيتي عالمدارس بابه صاير
نسيت ...وداعتك جيت اشتري هدوم
الك ...ومحضر اقلام ودفاتر
مو تسمع قيام ...وليش ماتكَوم؟
ومر اسمك ولا من كَال ...حاضر
الشمس طلعت علينا...مو وكت نوم
وهم عدكم صبح يا اهل المكَابر
وهم عدكم ...ضوه ...وشباچ ...ونجوم
وهم ينطونكم واجب الباچر ؟
الوالد بالوداع يصير مهموم ..
وانا اثنينهن والد وشاعر
خيلك طشرتني وچنت ملموم ...
وصارت طيحتي بين الحوافر
اذا عشرين يوم وما شفت نوم..
شيظل بالحيل بالعشره الاواخر؟
فراش الفاتحه لو شفته ملموم ..
بنص كَلوبنا تلكَى الچوادر
يمنه المصبغه ..ودينه لهدوم
الحزنك مشترينه قماش حاضر
تمنيتك جرح ...كلساع ملچوم
وتبات الليل بشفاف الخناجر
انا يا بوي من ونيت مالوم ..
نزل مني دمع يعمي النواظر
خدودي تعودت تتندى كل يوم ..
وتحب الماي خشبات الكَناطر
لمت الروح بس شفادني اللوم.؟؟
شلحك ؟ وبسفينة الموت عابر؟؟
المنايا عالسطح وعيونها تحوم.
عليك ...ونزلتلك نسر كاسر
ستر الله نغگ بديارنا البوم...
اخذ عين الكَلاده وراح طاير
ديني حلاتك حلو الرسوم..
بلكي انعشگ ، دنيانا مظاهر
اظل كاظم وصبري وياي مكظوم
لوما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت، ريت البيت مهجوم
وريت اكثر بعد من هالخساير
تحب انت اللعب والگبر ملموم
شلون تحملت وشلون صابر؟
وليش من الهوى يابوي محروم .؟
ونسمات الهوى تطيب الخاطر
منهو ؟ الشوفك صورةالمعدوم...؟؟
وليش تعلكَت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر.
بدى العام الدراسي وبدت الهموم
وبيتي عالمدارس بابه صاير
نسيت ...وداعتك جيت اشتري هدوم
الك ...ومحضر اقلام ودفاتر
مو تسمع قيام ...وليش ماتكَوم؟
ومر اسمك ولا من كَال ...حاضر
الشمس طلعت علينا...مو وكت نوم
وهم عدكم صبح يا اهل المكَابر
وهم عدكم ...ضوه ...وشباچ ...ونجوم
وهم ينطونكم واجب الباچر ؟
الوالد بالوداع يصير مهموم ..
وانا اثنينهن والد وشاعر
خيلك طشرتني وچنت ملموم ...
وصارت طيحتي بين الحوافر
اذا عشرين يوم وما شفت نوم..
شيظل بالحيل بالعشره الاواخر؟
فراش الفاتحه لو شفته ملموم ..
بنص كَلوبنا تلكَى الچوادر
يمنه المصبغه ..ودينه لهدوم
الحزنك مشترينه قماش حاضر
تمنيتك جرح ...كلساع ملچوم
وتبات الليل بشفاف الخناجر
انا يا بوي من ونيت مالوم ..
نزل مني دمع يعمي النواظر
خدودي تعودت تتندى كل يوم ..
وتحب الماي خشبات الكَناطر
لمت الروح بس شفادني اللوم.؟؟
شلحك ؟ وبسفينة الموت عابر؟؟
المنايا عالسطح وعيونها تحوم.
عليك ...ونزلتلك نسر كاسر
ستر الله نغگ بديارنا البوم...
اخذ عين الكَلاده وراح طاير
ديني حلاتك حلو الرسوم..
بلكي انعشگ ، دنيانا مظاهر
اظل كاظم وصبري وياي مكظوم
لوما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت، ريت البيت مهجوم
وريت اكثر بعد من هالخساير
تحب انت اللعب والگبر ملموم
شلون تحملت وشلون صابر؟
وليش من الهوى يابوي محروم .؟
ونسمات الهوى تطيب الخاطر
منهو ؟ الشوفك صورةالمعدوم...؟؟
وليش تعلكَت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر.
👍9❤7
عامر عاصي
امتحان
امتحان
اليرسب الرايح
ولا رد لهله
تبلل الدفتر أسامينه،
ونضيع
نكتب،
يخضّر خريف الموت
بخدود الربيع
وين اموت؟
ويمته اموت؟
وليش اموت؟
آآ .. يروحي
شگد ثگيلة الاسئلة
امتحان
محَيَّرْ وكلش صعب ..
عِفنة عالعِتْبة وداع
وشِلنة بالجنطة حرب
امتحان
امتحان
اليرسب الرايح
ولا رد لهله
تبلل الدفتر أسامينه،
ونضيع
نكتب،
يخضّر خريف الموت
بخدود الربيع
وين اموت؟
ويمته اموت؟
وليش اموت؟
آآ .. يروحي
شگد ثگيلة الاسئلة
امتحان
محَيَّرْ وكلش صعب ..
عِفنة عالعِتْبة وداع
وشِلنة بالجنطة حرب
👍6