حتى ما نلكه عذر

نعيش باجر

وبين حلوات السواجي نطيح ماي

وحنه متروسه الصواني

صوت دافي

والهلاهل جانت بروحي حلم

غير وجهك ماترس عيني رسم

يادلالي وخير تعبي

حصت الطير الغصن

انت يا اول وطن

وانت يا اخر وطن ،






لـــ فارس قاسم

#قصیده_جمیله_للمبدع_مهند_العزاوی
#لاتفوتکم

هل  يا تُرى؟؟

هل يا تُرى ؟

لو مت انسى ماجرى ؟

هل يا تُرى ؟

لو كان عندي غيركم قلبي اليكم ما سرى ؟



هل يا تُرى ؟

يحتاج مني كرهكم قلباً قوياً ثائراً وتمرداً وتجمهرا ..

ها قد افأضت أجفني والدمع منها قد جرى ...

والدنيا ضاكَت والنفس باقي على كَد الحسرة ...

فرحان داويت الغصن ثاري المرض بالشجرة ...

مرت سنين من العطش ...


مو شفتي روحي تفطرت ومتاني حبكم كَطره ...

وما كَلت ليش اتعذبت !!

جنت ادري اليحب من صدك يرتاح بس بكبره ..

وصار المعارك بالحجي ..

وبين الضجيج المرتفع فرزنت منكم نبره ..

حنيت كَمت اكتب شعر ..

ديوان كامل بس غزل ..

كملته وانطيته الشخص لايكتب ولايقراءه ..

أمست جروحي معطفاً .. 

وأحتل لوني نزفها والحزن بي قيثارةً يُبكي جماداً عزفها ...

صارحتكم بمشاعري وأزداد فيكم صدها ..

لو كان فيها كذبةً ما كان منكم ردها ..

مو صوجكم طبع البشر يرتاح للي يغدره  ..

لو غاب يومين الرمج يشتاق ويفك صدره .. 

وجيف اني احبكم من صدك ..

وبروحي شايلكم عشك ..



مل غيري منه عيونكم وأني بحسرتي النظرة ..

وشكد اجو رادوني احب ..

علمت كَلبي وماعرف ..

يعني اني احبكم من طرف واحد وصنت العشرة ..

وشكد فضول اتحملت و وجوه مابيها طعم ..

واني بكثر ماغيمت يرعبني لون الكَمره ..

مليت وكلش من صدك و يبست الروح الخضره ..

احتاجُ بيتاً هادئاً ..

احتاجُ بيتاً هادئاً يوماً اذا فيه ارتمت ينسمع صوت الابره ..

احتاج صدراً واسعاً ما عاد صدري يحتمل كسرت ضلوعي العبرة .. 

وبالضحكة حيل استعجلت فرحان داويت الغصن ثاري المرض بالشجره


#مهند_العزاوی

بلايه شفه
الموت صاح
بشر عيونك يـ نايم

اليريد
أيعيش باجر
يركب بـ ريل العمايم

اگعد ..
اگعد ..

صار شوك التربه باهت
والجوامع فاهيه بـ عين السكاره

وخوفي ..
لا يرخص الدين
وربكم أيصبح خساره

بـ يا حلم
ضيعت عينك

بـ يا بخت
جرحك تنينك

خذو من گلبك گصيبه
وقشمروك بــ حاسبينك

وهمه ؟؟
بيمن حاسبينك

حاسبينك ..
لـ الضحك للـبيع للچلمه الرخيصه

يابساتين البنفسج عين روحك
الك ثلـثين بمطرهم ليش يابس

فنك ..
تكض الشمس
وتگودها الباب الحرامي

اگعد ..
اگعد ..

ديرم أشفاف الصريفه
وشيلها بواهس مضيف

واسگف ..
العوز بـ عباته

الـ صدك نادر
يفزع گلاده الخواته

أمس جان
الغيم خير

أيبدي روحه
وين ما عد الله حب

ومايعطله دعاء

الگاع من فكت صدرها
مطرت الدنيه عصافير وشلب

اي يـ شيال الطواري
أشتري النعشك أمتون

ولبس !
أسنين النشامه
الترست الـ عفيه هلاهل ..

كل عشگ تكبر بعينه
لو متت فوك الرسايل ..

ناصر البدري

الثورة من تبدي گصيبة
وتنضفر للوطن , للچف النظيف
لديرة سمرة..
الثورة من تبدي قصيدة
وفكر شعبي
الما تلمّ الناس ماتسّمّه ثورة...
وطولك اليندل مشاوير الملح والماي
وعيون الشمس
كلما يطيح تغنّي فوگ ترابه شجرة...
انت يازفة عشگ ليلة مطر
صلّت عليها گلوب خضره..
گلبك يجيس الفلِح والگاع
وتهلهل بيادر
ترگص الحنطة وطن والديرة خير...
صوتك يعلّمني
احب گاعي وهويتي
واضحك بوجه الهوى شماغنّى طير..
چنْت الم دمعي اعلى مودك
يم جرف عاشور ابدّي
واشتعلّك شمعة شمعة...
هسه چم عاشوريندل
خلّص دموعي وكسرني
الليلة مابيّاش دمعة...
الليلة بس آنه
وضريحك والبخور
وعلگ بالشباچ من عاشگ علامة...
الليلة اشد راسي بحضرتك
ياندى يالون
ياطلعة فجر يتنفّس الدنيا ابتسامة....
للعشگ مشتولة روحك
طينتك طينة صريفة و نيّتك نيّة حمامة...
أكبر من الدمعة صوتك
وأبعد من الشعر ماضيّه وجديده....
انت بس عبد الله عندك يشتل الصحره براءة
و يسگي تاريخ العطش ماي وقصيدة...
غروبهم مابدّه شمسك
ذيچ شمسك طافحة بچبد السمه....
وذاك شوفك
يمتد لآخر مدينة
يسيّر اعليها العمه ...
وهذا صوتك يغزل السچة البعيدة
ويندل المهرة الجموح...
واحنا شبّينه اعلى مودك
عِشرة صرنا ويه الرماح
وغزّرت بينه الجروح ...
شكثر متنه
شكثر فوگ صدورنا داست حوافر
وانت تشهگنه اعلى كيفك
نسمة نسمة ...
تريدنه نضوّي الوطن
من تكبر جبال الظلام
ونشتعل بالثورة نجمة.....
الليلة من يطفه الگمر
چم نجمة تطفه ؟!..
وچم نهر بالديرة ينسد؟..
وباچربوجه العطش چم وردة توگف!
باچرالغيم ايتدلّه
وچم علگ للثورة ينشد!..
خاطر يطش الخضار ويه المطر
ويطير دخان الحرب
واللون الاسود....
خاطر يبردن عليك گلوب اهلنا
وگلب خيمة زينب المحروگ يبرد
گلب خيمة زينب المحروگ يبرد

ميثاق الهلالي

شد جرحك يكلبي وعوف كلمن راح
بعد ما بيه اصير الكل ظهر دمعه

ولا بيه اماشي اليفرح من اغتاض
ولا بيه اصيرن للربع سلعه

صرتلهم بلم من شحت المعبار
وعلى متن الجرف عزوا عليّ دفعه

اعرفهم صدك ودريهم يخونون
وطبع البير كلبي البيه شيطلعه

وكفولي اعترف كل هذا ما ناسي
لجن وكفت الريح بصفحة الشمعة

صوجي وما خذت طبع الفلح ولكاع
العيط الما ثمر تتحزم تشلعه

ونه طبعي احن من ناكة البدوان
من تهجر سلفهه وعينها مدمعه

عشت مثل المرايه بغرفة العميان
اتحسر ع الجهبني وعيني اله مفرعه

قاسم الشريفي......🍀🍀

هـم رجـليك عالـملگـة…

قـابل بيـك لـو تابـوت المهـم اي…
تنحسب شبـگـة

أشـمك ويـن يـاكـافـور??

تـرة النـاعور…
يضـل يـصـفـگ بـدي لـو مـاي مـايـلگـة

المثـل صخـرت بلال بصـدري شـربت مـاي
انـه بصـدري يـرفـس حـافـر الخنـگة

المـضيـع ولـف مثـل المضيـع چـفوف
وسـمع هـدو عمـامـة شيـحچي للتفگـة

تـرة الفـرگـة البـراسي مـوش مـالت شـاب
مـالـت واحـد مـگضـي العمـر فـرگـة

انـة وخيـط الفجـر رفگـة

اگـود الـطيـف اذا سـكران
وادليـه بحضـن خـدران

واشـرب مـن مـتن بـت مـاي
مـن ثـگـل الگـصايب للـسمـة مـدنــگـة

لـ#سجاد_التميمي

سهران وألم بالشوف..

مدري شطايح بروحي تعب لو واحد يغني؟

لو ظلمه ومسافة خوف..

روحي تفك فرحها بساع بس تاخذ حزنها جفوف..

روحي ومدري وين تريد ليليه اعله ديره تطوف..

أحب ربعي وأحب امي التكلي شبيك
ياوحشت رسايلنه العمرها زغير..
انه وأنته مدري منين بس الكل شعار نصير.

جبيره الشاره البروحك..

اخاف من الشعر ينسه ويذم بين العمر صبحك..

زغيره العافيه بلياك
يلمتبدي برسومي أغاني وسالفه وجرحك..

انه لباب المتانيك..

انه الطيف المتانيك ترمش حته اكلك جاي..
تجيني ويه العطش كطره وأصوغنك شعب من ماي..

حيطان وسهر متبدي ع الشباج
بس يتنفس الشاعر اذا ماصايغ الشباج..

أحس ثورة شعب بيه ونثايه تنوح..
مدري شيجري يم كلبي احس روحي تجيس بروح..

خوف يشد ظلام العين
ويكسر الظوه اعله الباب..
وناس تحب ضحكتي وياك نعمه وعندي لون احباب..

عبدالله راهي

انتِـ ي يحليوة اهلنا ويادُبگ ماي الشكر !!

تهندست شمس الله بيه

ومن وره البرده العتيكة وجهج ينگط گمر !

مديت اديه اعلى الوجن بيه شتعلتي

باگة گرنفل

خضار

وياسمين

ومحبس يلالي اعلى جفي

طويسه حنه

وياس بعده بياسه ويفرفحلي دنيا

وديرم مغمس سمار امي وكحلها

شوي مسجها

شويه من عيناها عين

انتِـ ي يا اول هوى اليضحكلي ريه

ردي طيشي وطشي بيه

فدوه ردي

ردي ياول بشر بخياله وردي !

فدوه ردي

مفصل احزوني اعلى گدي

يابعدني

وعين عيني

ياحنين اهلي

وحنيني

كلشي بعدج طعمه فاهي والشكر مات اعلى تيني

شني ذنب الزعفران مفرهد وريگاته منه

ها تجي ها ماتجيني

ماتجيني ،،



اوس_النواب

الكبير
..........غانم الفياض

شفتك تشرب جروحك
ضوة امبسمر عذابة بلوحة الايام
طش ثوبة الظلام .. وما طفت روحك

وشفت ابظل تواريخك حزن يغلي
اوجه غابة اونهر متعوب
واگف وحدة ايصلي

وشظايا .. ومنجل .. ونخلة
اومدن ميته رماد ابعينهه اتخلي
لگيتك هم مثل روحي

عثگ عالي .. بعيد وما تلوحة الايد
للچف اليحبه الوحدة ايدلي
لگيتك هم مثل روحي وجرح مثلي

وطبع گلبك مثل گلبي
غريب وبالسفر معني
اتناسل ليل المجنون
ليل .. وخضرتله سنون
واحنه اثنينه ابهالليل
بس اثنينه انغني

تذكر
من چنت تركض وره اهلالك
ماواحد ركض وياك
اول ما ركض گدامك اخيالك
وتذكرمن گمت غنيت

شفت ابكل حرگته الماي غنالك
وتذكر .. من بنيت امن الثلج تمثال
طلعت چم شمس
ما ماع تمثالك

باجر عيد لو ورطة..!

المرحوم سعد محمد الحسن



باجر عيد ونعيّد ..
ونحرگ بيت ابو سعيّد
ابو سعيّد گرابتنه
نذبحله دجاجتنه
دجاجتنه الهراتيه
تسوه الف وتسع ميه
باجر عيد لو قصة..؟؟؟؟
واحنه ارواحنه مخلصه..
وخافنه يجي سعيًد
ويصادف گاضيه الحصه
ﭼـا شنخلي لـ سعـيّد؟
نذبحله دجاجتنه؟؟
نجيب احنه الدجاجه امنيـن؟
وامس بعناهن بـ الفين؟
وما كفن غده النه طحين
جا بطران يـ سعيّد؟
باجر لو ورطة ..؟
رجفنه وما لگينه اغطه!
بيعنه الغطه و الفرش والماعون..
وما عازت گصصنه وباعت النگطه
ولا واحد لغفنه وصرنه حدر ابطه
نجوع انجوع كلش حد ما يدگنه الجوع
وهذولاكه بعدنه نطيــح بالخطه ..
باجر عيد لو حيــره؟
ومامش حتى كنديره!
نزرزر ثوبنا المهزول
الما عدنه هدم غيره
ودينه انتداين ثوب من الجار
لمن ما صعب ع الثوب تزريره
ثاري احنه اشوه منهم ثوبنا المهزول
عريانه صفت كل وادم الديره..
عريانه صفت ما عدها خرگه اهدوم
لـﭼـن عز الوكت ما نزعوا الغيره
باجر عيد لو محنه؟
واحنه اريوگ ما عدنه!!
گطعينه الحجي
وسدسنه بالبيبان
خافن لا يجي جار ويعايدنا
لان عدنه جهنم عشعشت بالبيت
ما فد يوم دگت بابنه الجنة ..
گضينه العمر ما لحنه كل عنگود
نوبه احنه التمصع نوبه نتمنى
باجر عيد لو بلوه
مريض وما لگيت ادوه
وصفولي الدوه كلش بعيد بعيد
ولا انا بيه حيل وعالدرب يگوه
ولا عندي واكلف وادفع الكروه
بير من الوجع ومن النزف ضليت
وعليه الجوع گام وشد حزم دلوه
شمرني اعله النصيصه وگمت اركد ماي
ما يدري صگر واتخير العلوه ..
تطيح سنين عمري وتنكسر وتضيع
ما همني العمر وسنيني گلت فدوه
بس همني الوكت جي عاشر المو خوش
وﭼـي ولّه علينه نــاس ما تسوه

مثل الجوو عل جرح بلعيد افز باجر
عيد السنه بي طعم من ليلة العاشر

جرحي الخطيه البكه يحشم عله الناصر
فزعت اخيوط الفرح جرحي بقه يناطر

وانه ادري يبقه ندي بس ضال يكابر
بكل سنه اتئمل وضن من كسرة الخاطر

اخلص وحزني يرد هاي امنيت عاجر
بعيني الطفت عل مشو مهر الدمع غاير

كتله يمهر الدمع الديرة منو ناحر
الديرة عذابك يرد وچانونك الشاجر

تيهو ارسومي هلي من كثر ما حافر
مهر الدموع الوكح والجبح والماذر

يسطي علي كل مسه ويخرب العامر
شتاكو الوجهي هلي من كثر ماداير

انكابي عله طول السنه كل ساع اخو مسافر

كلساع اطمن نبع وانه كلب شاعر
ياعمي انه الحزن كادر علي كادر
::::::::::::: ::::::::::::: :::::::::::::::
گادر عليه الحزن مانت علي أيده
يو ميه ماخذ حلم ترفه مو اليده

يهضمك الشوف الطفه موش بواعيده
يامر وينهي علي تعويده تعويده

الكلشي تقاليد اكو اتسهل المچيده
بس انه مدري شني حزني تقاليده

من مااريده يجي ويتركني لو ريده
بس تالي منه اعرفت يحسب للبعيده

يعيشني مثل النخل يعشك صواعيده
كتله اخذني ورفض ثاري انه مافيده

حسسني هوه ملك وحنه چواديده
حاسبني ثاري طعم للصيده للصيده

كل امنياتي الحدر كيدهن بكيده
سد كل سواجي الكلب سخرني الفيده
مهضوم غصن العنب كصو عناكيده

لـ مرتضى حرب

محمد لفته العماري ....

تعب…
ب رسوم وجه…الله
حزن
ب رسوم وجه…الله
خدر
من
أول ابراهيم
ل… اخر بيت

من
اول
ضريح
بمدري شنهو…..انداس
من
اول
رسول

انباگ من عنده جواز…ال ياس…!!!

من
اول
نبي
استاحش نده الصفاف
وال غبشه
خدر
يمشي
بعناوين
الكتب…كلها
خدر
يشرب
تفاصيل المدن كلها

خدر جتف رموش…الناس….!!!!
وانه
هنااااااك
انه
ب اخر السچه
حلم عابر
اتاني
ومايرد…..احد
اصيح
ومايرد……. احد
اموووووت
ومايصحلي فراش
اموت
ومايصح جناز…لل يبرد….!!!!!!

وانه
هناك
ومتانيك

عاگد
كل ضوه الدنيا
بشبابيچ
الحزن كلها
بسراگي
ال اخ
والويلاه
بمتون التعب والليل
ناذرلك
شمش يم باب….كل…معبد….!!!!

انه
هناك
ومتانيك
هلبت
يا صلاة الليل
هلبت
يا
يا مسچ الهيل
هلبت
يا مفارگ حيل
يا
غرة
هلال
وفرحه يم كل بيت

هلبت
يا
تجي
وماجيت
هلبت
لن
تچي وماجيت
هلبت…..يا گطع…..وازود…...!!!!

لسه
هناااك
ومتانيك
اعرفك
ماتجي…متانيك
راح
هناااااك
تلگاني

حزن
برسوم وجه الله
تعب
برسوم وجه الله
راح هناك تلگاني
اثر شامه
اثر شامه…..ب ضريح….اسود .…!!!

عقيل العرد

ضل يركض ورى جدامي
يتعبني ويروح الضل

ودم يحترك يم كلبي
وورى دخان كلبي اختل

حزن صحرة ومدينة , وذيب
بين البين ضاكه السل

كل ذني وبعد بالروح
شمس تمسح كفى السنبل

واضحك للوجوه واخ بيه تنوم اليجفل

اطبك ليل فوك الليل
واصعد للوجع وانزل

ومشيت بلايه نكل جدام
خوفي من الجدام اتزل

متت بس ما نكرت الناس
وضميري اعله الكبر يصهل

وجع ماله اثر بالروح
بشرايني يشد ويحل

نهر واحضن رمل مو ناس
افيض وزيفهم يبزل

خسارة الدم يصير رماد
على وادم تحضنك غل

ضيعت الصدك والخوف
مشيت وعيني زركة صل

يروحي شما تلمج كاع
ترد منج اردود اتمل

اليعزج واليكرهج راح
حرت لاني بكرامة وذل

اضحك وابجي وابجي اردود
خلصت لا عدو ولا خل

ومتت من كبل لا ارتاح
ما ادري الشعر يكتل

وردت اخلص تركت الروح
ومشيت وايدي بيد الضل

قصيدة تحمل الكثير من الوجع

اياد الحمزاوي

صباح الخير ...
عالفك ريجة بالمسطر ...

صباح الخير ...
عالشاف ابنة من الجوع ...
يرسم خبزة عالدفتر ...

صباح الخير...
عالدخن شكو ابروحة ...
ورجع لكط اكطوف العام ...
مابيهن نفس ينجر ...

صباح الخير ...
عاليغبش يجيب اغموس لعيالة...
رجع والروح كوة امجلبة بذيالة...

وجهالة التمو اعليه ضحك ومهامش ...
وكالولة يبونة ارتاح كواك اللة عالمامش ---

يبونة ايروح فدوة الجفك المتعوب ذاك السوك متعلمين بيك انضوك ...

يبونة الناس شبعت عيد وحنة شوية ضحكتنة ---
يبونة العيد لهل العيد وحنة الضيم مالتنة ---

مادام انتة يمنة انعيش...
صح غالي الخبز بس انتة كلي ابيش...

محد مات من الجوع...
نعمة من اللة عدنة اليوم نتعشة تعب ودموع...

يبونة وداعتك تدبر...
صباح الخير عالترسو عيون الگاع وحنة ابموتهم متنة----
اعلة ذيج ال لسة چف يلطم وچف ايدوف بالحنة ----

اعلة ذيج الكرهت الحلقة لان تخنگ بصابعهة----
اعلة ذيج الما اتمد العين موش اجفوف ---
مات وشوف شابعهة---

المتألق.... هيثم مجيد


ﻛﺎﻓﻲ ﺍﻓﺮﺍﮒ ..
ﻣﺮﺑﻴﻪ ﮔﺤﻂ ﻳﻮﺳﻒ ﻛﻼﻧﻲ ﻭﺿﺎﮒ !!
ﻣﺮﺑﻴﻪ ﺍﻋﻠﻪ ﻭﺟﻪ ﺍﻟﺒﻴﺮ ﻃﺎﺣﺖ ﺑﻮﺳﺘﮏ ﻣﺸﺮﺍﮒ !!
ﺧﻠﻒ ﺍﻟﻠﻪ ﺍﻋﻠﻪ ﺟﺮﺡ ﺍﺟﻔﺎﮎ ... ﺫﺑﻞ ﻣﺸﺘﻬﺎﻱ ﺍﻟﻠﻴﻞ ﻭﻳﻨﮏ ﻳﺎﻫﻮﺍ ﺍﻟﻌﺸﺎﮒ!!

ﺍﮔﻮﻝ ﺍﻧﺴﺎﮎ ﻭﺩﺭﻳﺒﮏ ﺫﻧﺐ ﺁﺩﻡ .. ﻭﮔﻮﻡ ﺍﺗﻨﺎﻭﺷﮏ ﺗﻔﺎﺡ ﻣﻦ ﺍﺷﺘﺎﮒ !!

ﻛﺎﻓﻲ ﺍﻓﺮﺍﮒ،،
.. ﻳﻮﻟﻴﻔﻲ ﺣﺮﺍﻡ ﺍﻟﺮﻭﺡ ﻣﻦ ﻳﻐﻔﻪ ﺍﺑﺼﺪﺭﻫﻪ ﺍﻟﻐﻴﺾ !!
ﻳﻮﻟﻴﻔﻲ ﺍﻟﺪﻣﻮﻉ ﺍﺗﻤﻮﺕ ﻣﻦ ﺗﻌﺜﺮ ﺍﺑﺠﺪﻡ ﺍﻟﻔﻴﺾ !!
ﺍﻟﻤﻮ ﺿﺎﻳﮓ ﺍﺣﺮﻭﺭﺕ ﺷﻮﮒ ﻣﺎﻳﻔﻬﻢ ﺳﻤﺎﺭ ﺍﻟﻜﻴﺾ !!

ﻟﻴﻠﻴﻪ ﺣﻠﻢ ﺫﭼﺮﺍﻙ ﻳﺸﻤﺮﻧﻲ ﺍﻋﻠﻪ ﭼﻬﻔﺖ ﻣﻮﺕ !!
ﻳﻮﻣﻴﻪ ﺳﮕﻒ ﺭﻭﺣﻲ ﺍﻳﺘﮕﺸﻊ ﻣﻦ ﺿﺠﻴﺞ ﺍﻟﺼﻮﺕ !!

ﻣﺘﻦ ﺧﻠﮕﻲ ﺍﺷﻜﺜﺮ ﻣﺎﺷﺎﻝ ﺣﺼﺮﺍﺗﮏ ﻗﺪﻩ ﺍﻣﻬﺪﻝ!!
ﺣﻈﻦ ﺷﻔﺘﻲ ﺍﻧﺘﺮﺱ ﻧﺸﻘﺎﺕ .. ﻣﻦ ﻛﻞ ﻟﻮﻥ .. ﺑﺲ ﺑﻮﺳﺎﺗﻚ ﺍﻣﻌﺰﻝ !!

ﻋﺰﺭﺍﺋﻴﻞ ﻛﻞ ﺳﺎﻋﻪ ﻭﺧﺬﺍﻧﻲ ﺍﻭﻳﺎﻩ ﻭﻛﺴﺮ ﺧﺎﻃﺮﻩ ﻭﺍﻧﺰﻝ !!

ﻳﺎﺧﺬﻧﻲ ﺍﻟﺪﻣﻊ ﻟﻬﻮﺍﮎ ﻭﺑﭽﻴﻠﮏ ﺛﻠﺚ ﺷﺒﺨﺎﺕ !!!!!
ﻳﺎ ﺣﺼﺮﺓ ﺣﻠﻢ ﺩﻧﻴﺎﻱ ﻣﺎﻋﺮﺱ ﺍﺯﻏﻴﺮ ﻭﻣﺎﺕ !!
ﺟﺎﻳﺒﻠﮏ ﺷﻠﻴﻞ ﺍﺣﻀﺎﻥ ﻭﺗﻨﻄﺮ ﻗﻄﺎﺭﮎ ﻓﺎﺕ !!

ﺍﻧﻪ ﻭﻓﺮﻛﺎﮒ ﻣﺎﻧﺮﻫﻢ .. ﻫﻮﺍ ﻭﺑﺮﺑﻴﻦ !!
ﺍﻧﻪ ﺍﺳﻤﺎﻋﻴﻞ ﻭﻓﺮﺍﮔﻚ ﻗﺪﻩ ﺍﻟﺴﭽﻴﻦ !!
ﺍﻧﻪ ﺍﻭﻳﺎﻙ ﻣﺜﻞ ﺍﻟﮕﺎﻉ ﻫﺎﻱ ﺍﺳﻨﻴﻦ ﻣﻐﺼﻮﺑﻴﻦ!!

ﮐﺎﻓﯽ ﺍﻓﺮﺍﮒ !...
ﻣﺮﺑﻴﻪ ﺣﻠﻢ ﻋﺮﺳﺎﻥ ﻣﺎﺿﺎﻳﮓ ﺣﻼﻭﺓ ﻛﻴﻒ!!
ﻣﺮﺑﯿﻪ ﺍﻟﮕﺮﺍﺏ ﺍﻳﺸﻮﻁ ﻣﻦ ﺗﻤﺮﮒ ﺟﻨﺎﺯﺓ ﺳﻴﻒ !!

ﺗﻌﺎﻝ ﻭﻓﮏ ﺣﺰﻥ ﺷﻼﻝ ﺷﻌﺮﮎ ﻟﻴﻞ .. ﻭﺍﺷﻤﺮﻧﻲ ﺍﻋﻠﻪ ﻣﺘﻦ ﺍﻟﺮﺍﮒ !!

ﺗﻌﺎﻝ ﺍﺑﺮﻭﺣﻲ ﻻﻳﻜﻔﺮ ﻧﺒﻲ ﺍﻟﻔﺮﮔﻪ .. ﺗﺮﺍ ﺍﺳﺮﺍﻓﻴﻞ ﺧﻠﮕﻪ من المكابر ﺿﺎﮒ ...

ﻛﺎﻓﻲ ﺍﻓﺮﺍﮒ .. ﻛﺎﻓﻲ ﺍﻓﺮﺍﮒ

علي نغيمش


اكفر بالمعابد واسجد الضحكك
واسب دينك واسب اهلك
واسب كل فقه حرم حبك وعشگك

لان بس انت ابيض دينهم چذاب
احبك واركع الحسنك شكر واعتاب
حتى اهلالهم چذاب
اجيت وفارش اضلوعي نذر لبلاب
ردوني اروح الوين ادگ يا باب

شبابيچك حرام الله
ما يردون شرع الله

اصليلك ذنب مايرضى گلبي بهاي
استغفرك چا والشوگ
المخليني مو وياي

المتعبني الماينساك كلماحاولت يهواك
اكثر من حجي الوادم صبح طرواك
اروح الوين ياچلمة غريبة ومالي بيها وياك
ياصبير ياعطاب حتى الماتشبهك صارت بذكراك

اسولف شوگك المن حاير الشيطان
حطك يمي وانه انسان
كلت روحي خجل ردتك ولكن شان
فطير اليحب من اهل الله
تلگاه ضايع بقمصان
هارش روحه بس ماهارش العنوان
يعرف كفت الميزان
حافظ كل حچي الرمان

دارس كل اصول الطين
متوضي بصلاة الشوگ
تلگه بزندة وشم اعلوگ

عاگد نيته يم الله
حنين ومحد الينصفه
يهنيال الگعد صفه

عده التين تربة وقبلتة المحبوب
مايكفر بدين الناس اذا عادل
بس يشعل بربهم لو طلع منسوب
دين الناس بالمگلوب
دين الله يحب البوب
دين الله عقل وگلوب
يالمتيهين وجه الله العشگ مطلوب

عقاب اليزني والسارق
اشد منهم
عقاب الفرگ امحبین
يالمتيهين
تنطون العذر ليوين
لو باچر شچة العاشگ الرب الدين

فارس الشباني

(باص الموت )

………………… .
ضاگت وخنگه الشوراع وإنّتظار
بين دخان المُحرك
وإزدحام الصوت يعبر
يعبر إوجوه المَحطه
فوگ من هام الشجر يگضيها سكته
يدوي كلشي إمن الصبح حتى التگرگع
فرت الخاشوگه تگضي
ابچاي ومكاسر جگاير

هورن إيشد شوف كل مسمع لذيذ
وينّحسب أول سره من الكراسي
إعله اليمين
ذوله ( أصحابُ اليمين )

والكراسي…
الكراسي إتّفور وعكه
وخربطه من الإمدافع
ذوله ( أصحابُ الشمال )

الباص ياخذ
حسب خرجية الكروه
إبلا زياده
الجيبه متروس ويطب السوگ فاز
أهوايه مرغوب الثگيل
وجنة الله إتّحب شكو واحد ثگيل
سرعة الباص التّقرر
منو يوصل للدوام

والسِكنّ عَداد يحسب
يحسب إسنين الگضت
والباص يمشي
الباص يمشي إبلا توقف
إباب سيطرة الحِساب
كلمن إتّعبره هويته
كلمن ( ألزمناهُ ) طائر
باليمن إكتاب كاض
بستدارات التقاطع

يمر في كل المراحل
والأعمال الواجبه
إبكل الشوارع
لو صلاه
لو صوم
لو حَج
لو زكاه
وحاجة الناس المهمه
ثابت المعروف
ع المُنّكر شهاده

كلمن إيقرر مصيره
منو يعبر هل مراحل
ومنو راح
إباب دربونة
صلاة الله الچبيره

إيصيح نازل
الباص يمشي
الباص يمشي
وما يگف
ما يگف
بس المُحمد
وآل بيته
إعله السراط .....

عزيز عسكر ...


مغربيه الروح والوحشه اعله طوكك
خضرت
بوسة
وسفر..
والحنين الوان
ياشبكه ونستهه الناس فختايه بنهر..

غني ياروحي وحزنهه..
وبوس كلبي البوسة قبلة وضايعه وضايع وطنهه..

غني مو كل الشوارع بيهه صوتك

بيهه حزنك بيهه انت

انا عفتك
ياشعارات الحسافه

انا عفتك يلي منك ماشفت

غير الترافه..

احرك الليل الطويل

وحرك بعمري المعاتب والدليل..

انا تايه والسمار البيك لتايه دليل..

انا جيتك والتراب التارس عيون المذله

تراب كل هاي السنين

انت جيتك ياحنين

انا خايف خاف اموت ومااشوفك

(محاولة في تهميش الومضة)

.
.
.
.

تصعد بسيارة رايد توصل لابعد مكان

تصعد بصفك ابنية… عيون

تصفن… تورثلك جگارة… تبث حسرتك ، يستحي الدخان منها ، يچلب بقمصان اليعبرون .

السايق يأشرلها گعدي

تفز حضرتك تفتح الكرسي

شيصير لو مخلوق كرسي؟

تتصل باكبر اخوانك… اسمع : بطلت ما ارد

- واهلك؟

- ما اريدن خبر منهم

- وامك

- امي گللها دعائج وصل ل لله… توفق ابنج… توفقت خويه بجسم چن ماي حدره… غارگ ونجاده صدره… شوية منه تكفي للعزاب كلهم…

الشفة احمر من شيوعيتك ودمك

والنهد مرفوع بيرغ من تطس السيارة بينا يوگف المحروس چنه يريد يدبج … يمعودة الميت عدلته…

وهي ولا يمك

تتحنحن انت… تگح … اهلج عنج بعيدين… ما راح الذيابة تمرعد الرعيان اذا بستج ولا ينطر فتگ بالدين… بس شمة ونرجع للمامش

السايق يعدل المراية ويخزرك بعيون صوفرها الفگر

شفته سودة من التتن ، خدوده لسان بسطال احترگ بآخر حرب والكرسي متمرعد بعضمه

تتخيل نفسك بست السايق

تضحك…

تلتفتلك

تگلها لو ادري الضحك يرهم بداية جان گرگشت الكراسي والدرب والگاع

تگلك

شگد حلوة ضحكتك

وانت يا چاي البخيل اليخدر بساع

يلتفت وجه السايق ويرتل حجي مدري شيفهمه

وجه السايق يلتفت وحده مرات

ومن يلتفت يبقى

وجه السايق اي واحد يخلقه…

.
موسى الحمامي

علي نغيمش


شميني على كيفچ
لو طفح حزنچ
وضميني على صدرچ
لو كثر حنچ

اشبگيني بديچ الناعمة الحلوه
انه اطلابة عشگ گوه

انه اگلادةحبيب انضمت من الشوف
انه حسرة دليل انضمت من الخوف

ضميني بنهودچ عفه ضميني
مصروفچ اليومي موش تنطيني

ضميني بزياگچ من عيون الناس
وشميني بنفاسچ لو لفاچ اليأس

انه وصلت أمل بينچ وبين الشوگ
انه حسرة دليلچ والهوى المحروگ

انه ضرفچ الماخلاني اشوفنچ
انه كل ضنچ ومنچ
انه ابيض مثل سنچ

انه امفرفح اعليچ اهواي
مثلچ وانت مو وياي

انه وگلبي اعلمودچ نحب يومية
انه مااطيح
كل موسم اطيح بصوتچ اغنية
....