قصيدة للراحله وجدان النقيب

گلوبكم ذيج الغريبه
الضاعت بهوسة ملامح

مدري شنهي يعثر الماي بوجهكم؟؟
كل حقدكم ذاك واضح

مدري شنهي يعثر الجلمات
لو شفه حجتهة بغيض طافح

وحته اديكم
بردت بواجب هله
وفاهي بيدينة السلام
وموش مالح

شتنة منك
وانتوا ضيعتوا بكايا الطيب من وجه التعب

مالزمكم عيب خاطر
مايهمكم من تغطون الغلط باكبر ذنب

هي حت النار تفشل
لو حظنهة تراب من يم گاعنة

انتوا اصلا مافشلتوا
هي حت الروح تعتب،،،

من تحملوهة ذنب كلش غشيم
ماعتبنة،،،وماتعبتوا

وماندهنة المايجيب طيوفكم
ماتهنة بي
عيب نتصيد خطاياكم
وگلنة الطيب اهون

قصيده بدون مقدمات
.
.
مظفر النواب


قمم

قمم..

معزى على غنم

جلالة الكبش

على سمو نعجة

على حمار

بالقدم

وتبدأ الجلسة

لا

ولن

ولم

وتنتهي فدا خصاكم سيدي

والدفع كم ؟!

ويفشخ البغل على الحضور

حافريه

لا . نعم

وينزل المولود

نصف عورة

ونصف فم

مبارك .. مبارك

وبالرفاه والبنين

أبرقوا لهيئة الأمم

أم قمم

كمب على كمب

أبا كمباتكم

على أبيكم

جائفين

تغلق الأنوف منكم الرمم

وعنزة ... مصابة برعشة

في وسط القاعة بالت نفسها

فأعجب الحضور ..

صفقوا .. وحلقوا...

بالت لهم ثانية

وستعر الهتاف...

كيف بالت هكذا ..!!!

وحدقوا .. وحللوا...

وأجلوا

ومحصوا

ومصمصوا

وشخت الذمم

وأهبلتكم أمكم

هذا دم أم ليس دم ؟؟!

يا قمة الأزياء

يا قمة الأزياء

سوّدت وجوهكم

من قمة

ما أقبح الكروش من أمامكم

وأقبح الكروش من ورائكم

ومن يشابه كرشه فما ظلم

قمم ... قمم .. قمم...

قمم

معزى على غنم

مضرطة لها نغم

لتنعقد القمة

لا تنعقد القمة ؟

لا....تنعقد القمة .

أي تفو على أول من فيها

إلى آخر من فيها

من الملوك .. والشيوخ .. والخدم

(ليله) عظيمه شعرا ...جسدها

عمار التميمي




يــا نـذر ينـراد للـما شـربن شمـوعه الصـواني

هاي ليلـه شـطولهـه بـطول العـمر
وخاف ما تكفي الاغــاني

الليله ما هـز الهـوه كـلبي السعـف
بـس لا نـسانـي؟؟

الليـله مـحد كـالي فـارغ مكـاني

شعجـب شـو كـل النـدّه بشبـاجي ملتـم

يا ضـوه مـيت و ظـل يبـجي عـله حيـله
عيـوني ما بيهـن حلـم ياهــو اشتكيله
الليـله احـس عيـني ثكـيله

الليله محد كالي يا كاع احب
لو نعس بروحي المطر وادفه بعطشهم
ولا فز بيهم ورد من نكطت عيني عله خدهم

اظـن باعـوني خشـب عـالروج
لمن خضـر جـناح بـسماهـم

اخ من زيبك ال(وين)
عطر متشضي بهواهم
اخ من لوني الحجاهم

اخ من كون النشد يخلص بليله
الكاتـلتني البيـر ما ينـفض شلـيله

الخانكـتني حـجايه عـد روحـي دخـيلـه
ارد اكلـلـهم ضحـكتي بيـا ذنـب تنـشكل ذمـه

ارد اكـلهم لـيش دكيتوا جذر بيه ومشيتـوا
المـوت مـن شـوكت قسمـه

نص جدا ممتع..


محمد لفته العماري

ياهو…
ال باگنه من…الله….!!!!
وياهو
ال نزلانه بزحمة المعراج
لو باقين
غااااد معلگين…..احسن
لو
باقين صم تراب

مامنفوخ بينه
من…الوجع
و…. . الخوف
و…. الحرمان

ياهو
ال عودانه اعله السواد….
وگادنا ب هالليل
مايخلص
يرب الليل
مايخلص…

سواد هدومنه ال خشنات
لو باقين
غااااااد بلا هدوم……. احسن…!!!

اذا
ميتين…گلنا
واذا عدلين
كل هذا السدر
وال… ياس
وال…. كافور
كل….. ماي الورد
وگبورنه
اليمشن…

ورانه الوين ماماشين
كل هذا ي رب………المن…!!!

كل
هذا ي رب لاوين
وال ياصوب……وال يمته

گضينا
من الحزن
هلبت…
گضينا
من ال تعب
بلكت…

مغتاضه ال سما
ولن
صوت….
متعوبين سكته… وتذبح السكته…!!!
ياثگل
ال تعب سكته

يا وسفة
هذااااك ال ينذبح…. سكته
ي رب
مامش
صدر يجرعنا من نشكي

يرب
مامش چفوف
ال تمسح اعله الروس
لا
ذرعان من نبچي

ي رب مستاهدين….…انته…!!!
ياهو
الي خذانه
وگادنه….ب هالليل

ياهو
ال طشرانه
بديرة ال وهواس
يدرينه
ورگ صفصاف
ياهو

الطش ورگنا
ال يابس اعله……سهيل

ياهو

ال باگنه من…الله……..!!!!!

قصيدة {{ منهو انته }}

للشاعر الكبير عريان السيد خلف

القيت في بغداد بتاريخ 1تشرين الاول 1966
.............................
وكأي غريب
طرق الباب ....

كان السؤال التقليدي منهو انته ؟؟؟؟؟


منهو انته ...؟؟
منهو انته ...؟؟


.................ا............
اوجا الغريب ...
اعرضت عني ...
اوضيعت كلبي ... اورجفته

انه من جافاه خله ...اومانصح ...وياه وكته

انه ... زين ...وشين ...
لاجلك غلست عنه ...
اوحملته

كورت ... حسرات كلبي ...اوشوكي ...
بين اجلاي ... جبته

او جيتك ...ابتلة دليل ...المايعن ...
واشكثر لمته

جيتك ... اوجرني الهوى ...اوطاعة ...
ذليل الشوك طعته

اوجنت اظنك ...طيب ...
او جفك على الطيبات فلته

حسبت لسه اعله حالك
اريحي ...
اوذاك الوفي انته

حسبت ....
غم الوكت ...
يارخص الحساب الحسبته

جيتك ...
او حسبالي اخو ...اوسمت الاخو
يطلب ابدرته

ياونين المانفع ...
جارد صخر من مات لاخته

اوياحسرتي الطولت ...ومكضي ليل اجفاك ...
سكته

صابر ...
اوذوب سواد العين ...صبري
اوماجرعته ...

وانته ابد ...ماجنك انته

حتى يوم كوضت .. .كلبي ...
اوبلايه اوداع عفته ...

وانه جيتك ...
واليجيك بزوم عاني لشوفتك ...
ليه ماعرفته ... ؟؟؟

لا تلكيته ابسلام احباب ...
ومحاضن حضنته

ولا بجيت الحالته ...
اولا نشفت ...
بيدك دمعته

اولا كطعت النفس منه
اوطردت الضايع طردته

اولا نشددته ؟؟؟
هذا المتاني الوفه
هلبت يناهي ...
اعرفت قصته

ياندمته

يافشلته

اشكد تعب ...
تالي ابجحف مكسور ...
بعته

من اجمل ماقرأت للشاعر

علي حسن علوان

مشكور جازيت التعب بس يمته
شايف شثكله المايجيك بوكته

بالفزعه هم ضايك ال چا وين فلان

وشتضوك منها وهوه الفلان انته

لا تلتفت بس عينك اعله الوياك
ورحم كلب ماعافك شماعفته

بين الكطن والشيب عاشه النداف
واللون الأسود واكف بفاتحته ..

دنكت يمك بس احس رفعة راس
مثل اليدنك راسه يم والدته

يكفيك شرها الفاكده اعزاز…
يانومه عكبك منها مافاز
تصعد بروحي انكاب جناز

كبر السمه وعصب عيون العصفور
يندل الشجره العاشها وعايشته..

يندل الريح الخربت سالفته
يسكت ويعرض عشه المطيحته
اجناحه مو ايد ويكض خاصرته ..
غير الغصن غير الحجي الماكلته

مريت بيهن بس العناد عناد
ذاك الهوه ال لاشالني ولاشلته ..

ارجعله هوه اليستفز الصياد
الينفرد بالصحره عن قافلته

جاهوه هيج افراك الحباب
كل ما يشوف اجناح جذاب
راس النعامه يبوكه التراب ..

اليوجعني كلها اصيح هاذا الردته
هم حاسب حسابك كلت تعبته
كلت الموسيقه اسوت بذاكرته
بس كله طايحلك الهاي السكته
هاذا البجي اسويتله وضحكته

مشكور جازيت التعب بس انته....

(كاظم اسماعيل الكاطع )

تعتبر قصيدة ( مامرتاح ) من أجمل القصائد التي حول فيها الشاعر محاورة هواجسه ، وابداءه القلق من محيطه الذي يحاصره ويحسب عليه انفاسه ، فاختلطت عليه الصور مع إي منهم يصارع؛ صديقه الذي يتنظر سقوطه ، ام عدوه الذي يجهد لاسقاطه ، ، ليكتب بعدها واحدة من اروع القصائد التي تعالج عملية الصراع السياسي المعقد على الرغم من الصور الغير مباشرة لهذه القصيدة ، الا انها مقاربة لقصيدة مظفر [البراءة] مع الأخذ بنظر الاعتبار الحالة الإنسانية والظروف التي كتب بها الشاعران قصيدتهما ، ويقول الشاعر في قصيدته ؛

ما مرتاح .. ما مرتاح .. مامرتاح

ساكت والسوالف بيه مال صياح

عيوني تستحي بس الدموع اوكاح

ما مرتـــــــــاح

منٌك.. منٌي .. من الجاي من الراح

ما مرتــــــــاح

عركه وي الزمن وارجعنه مكسورين !!

وبعيده المسافه وينٌسي اللٌي طاح ..

ما مرتـــــــــــــاح

لأن شفت الشمس نزلت تبوس الكًاع

وبجف الطفل تنلاح

ولأن قاضي البلابل مدٌد التوقيف

ومفتوحه السما

والفيل عنده جناح !

ما مرتـــــــــــــــاح

لأن قفل المحبه إنباكً

وِاترهٌم عليه مفتاح

متروك بجزيره وتيٌهت بالليل

وإجو ربعي عليٌه بقافلة أشباح

وإنته إشبيك ؟؟؟؟؟

لمٌن دافعت عن نفسي صابك غيض

مو حتى الكًنافذ من تحس بالخوف

تستخدم جلدها سلاح !!

ما مرتـاح من ربعي ولا مرتاح

تمساح إبنهرهم صاحوا من الخوف

وجازفت بحياتي من سمعت إصياح

صارعت المنيٌه وبيده هزني الموت!!!

ومدمٌى إطلعت

صفٌقًوا للتمســــــــاح !

كل هذا وتريد أرتاح؟؟؟؟؟؟؟؟

ما مرتـــــــــــــــاح

ولا جن الفجر مثل الفجر محبوب

لون الفجر صاير يقبض الأرواح !!

رجعت الستارة بحركه عالشباج

ورثيت الورد وابجيت

من شفت الندى فوك المدافع طاح

قل شوف السفينة والضباب يزيد

وسيوف الملامة بجلوة الملاح

ياسن الصخر وتكسرت بالروج

مو كنت بزمانك ترهب السفان؟؟؟؟

ما مرتاح من ربعي ولا مرتاح

نادوونـي.. وركضت إبليــل

إيد الرسن بيها وإيد بيها سلاح

عثرت مهرتي ... وربعي قبل ما طيــح

واحد كًال للثاني: ابشرك طاح.. ابشرك طاح

قصيدة ( ماترتاح ) لسمارنا المثبت على دين المضمون الجبل الأشم عريان السيد خلف ..
صداقات العمر "عفوا" خسارات العمر يختصرها أبو خلدون بهذه الرائعة الأزليه حين يوضح ان الجبن وانعدام المبدأ وانعدام اخلاقيات الخلاف هي اكبر مايفاجيء المرء بعد كل طريق وكل ضوضاء نفسية يعانيها مع بعض من توهم انهم اصدقاء ..



كالو طاح .........كتلهم فلايرتاح

وماترتاح… لأن سدَّيت اذانك من ضميرك صاح

وهي مزنه… ثجيله أو عاصف أو حالوب

يريدلهن سكف مصبوب موش ألواح

ريح امسودنة بيهَ المعمرة أتطيح…
ونته أعويد حلفه أمنيلك سباح

جان الريح شامل والغثيث أيضيع… بس من صفه الحاصل شالك المرواح

بالزرع الجثير أيشيه شوف العين… والنبته الخبيثه أتفوت عالفلاح

ما ترتاح.. من هاج البحر وابعد علينه الكَيش.....

غادرت السفينه أو خنت بالملّاح

أو حشَّمت العواصف والمطر والروج…لذكرت الربه او لاكلت بيهه أرواح

صحبة عمر جانت والعمر دربين… أشو باوَّل الخطوة

أو ماي وجهك طاح

بدلت الاكلوب الجانت اتهم بيك

بمسامر لواكة وليل مغنه وراح

ولميت ..العفن ..والسكط.. والممروض وخاويت.. الوذر والزفر.. واللفاح

أو من دارت الدنيه أوزره أوياك الحال…

غطَّوا روسهم والداح منهم داح

ماترتاح ماطول الشمس كل يوم تلبس ثوب وتلاعب النسمه الرازقي الفواح

ماطول الخبز والملح بيه ناموس

وارواح البشر عد البشر ترتاح

ما ترتاح… لأن ندبه أبضميرك والجبيل أبخيت
والشاره التحركَك عمر ما تنزاح

ماترتاح ماترتاح

#جرح_سبايكر

عامر عاصي


-عراريس النهر -
يا نهر ذبني عله الجرف ناي
وبهداي جيس الروح بهداي
سولفلي أدري جروحك هواي
ودمهم حرير ويجرح الماي
...........
يا نهر ذبني عله الجرف عين
بعيونهم تقره العناوين
يا نهر حلّفتك بالحسين
من موتهم ، هم استحه الطين ؟
......
توّه الدمع والموت ، توّه
والعاش گوّه ، يموت گوّه
يا نهر شوف آدم شسوه
يمطر جثث بچفوف حوّا
......
يا نهر يا گبر النواميس
ابليس راح وخلف ابليس
والروج ظل يكنس عراريس
ونذور وشموع وفوانيس
......
يا نهر دم ودموع صاير
وچنّك بالولايات حاير
خجلان ؟ شتگل للمناير؟
الشبان بمتونك ضفاير
........
بس يا نهر لا تغسل الدم
كل روجة من روجاتك بهم
ليشيل من ماي الجرف صم
يقره الأسامي وموت يِشتَم
........
يا نهر بالعباس احلفك
لاويتهم ؟ لو مال چفّك ؟
أحمر على الشطين زلفك ،
دم ، لو نِشَغ بالطين جرفك ؟
........
بس يا نهر طينك عماهم
وبرياگهم وذّن ظماهم
أدري النخل يشرب دماهم
وتنوح برحيّة بسماهم
......
طير اعله متن الريح نَصّه
ورف من لِمَح بالماي گِصّه
صااااح .. .. (النهر شبّان نِصّه
كون الگصب حيّه وتگرصه)

صار النهر حيّه وتمد ناب
تروي الشواطي بدمعة احباب
غِيّاب .. چنهم موش غياب
شو چن أديهم دگّت الباب

نام الولد ، والشوگ ما نام
والريح تعوي ومالها لجام
يا طيف يبن ثمنطعش عام
تبچي الصور وتبلل الجام
......
مر يا بلم بالليل جنّاز
بتابوت روجك لمهم الماز
معتاز ، ون الليل ، معتاز
والروج شايل ريحة اعزاز

سجاد الابراهيمي ..... ♥غزل♥

تشــابكــنه ودفــه كلــــشي
صــفـــن ويبـاوع بـرمـــشي
ظحــك من كتله هااا نمــشي

غمزلي وكالي شـــــــويه

بيــاض اسنونه جنهن شــب
مــادك باب كلبــي وطـــــب
انـــا المشـكله مــن ارغـــب

ايـــشاركـنــي بهــوى الريه

اشـكر والعيون اوســـــاع
شــفايف لــوطعم نعـــنـاع
مشه وتبوس جـدمه الكاع

ابنادم مــدري حــــــوريه

شحــلاته اليلتــقي بـولفــه
لا والحــلـوه مــن يــغـفــه
اعله زنـــدي وألـــعب بزلفه

واكعــدنه اعله رجـــــليــه

شحلات عيونه اذا ســلهم
تْرَدِ عــافيتي مــن اشــتم
ركِبته وبيها مــدري اشجم

حدايق ورد جــــوريــــــه

احبـــه بســـاعــة المــــلكـه
الــهـلا مــن تـطـلـع بـحـركه
بــدفو من اسـمعـها من حلكه

واردد بـيـهـا لـيـلـيــــه

ترف بــس يجــرح المعشوك
اذا مــابـيـه مــحــنة نــووك
حـبيــتك وشــرط الظــوك

وطـــعــم اشفايـفك بيــه

كل ذنــي وبعدنه انــخـاف
طفيــنه الضــوه واننشـاف
يــلـــمــع خـــدك الـشـــفاف

طولك جـــنه بــرحـــيه

انه من اشتم ركبته ارتاح
خدر مابين اديه وطــــاح
ادم مـــــاكـــل الــتـــفـاح

خــــايــب جاانه شــــعليه

كتلني بخصره من ايميـل
وحُدنَه وكــام بيه ايعــيل
شحلاته بزلفه من ايشـيل

ثخيــن ونــكعـــد افـــيه

انته منين يــمدلل وانــامين
ثقه وارتاحلك كلبي وانـامين
اشم بصورتك واخدر وانامن
وهــلي بيا فاطمه ايكعدون بيه

||عقيل العرد||

(وسفة )


والله ولا جان اعله بالي
مديتلك جفي وسؤالي
حسبالي حالك مثل حالي
انه انسى كلشي وكَلبي خالي
جكليت طشيت ال(هلا ) عليك
واستغربتلك ؟ مو بحالي .

تاليتي ابد مو خوش تالي
خله اليطك صورة لخيالي
ثكلان وجهه وصار غالي
ضميت بالكوة انفعالي
وانه الموزع دمعي عالناس
وبعيون ناسي دموع مالي .

عفتك انصيص هسه عالي
يالهدمت من كَلبي جالي
امس انه جذبت الحجالي
خاين وكلتلهم حلالي
وياريت ما لاكيتك اردود
ملكاك حط المو ابالي

تلاكينه شرجية وشمالي
ملكه التواضع والتعالي
مستاهدك عالروح غالي
زعلان؟ تكره ؟ لو مثالي ؟

ومن كل كَمر حطيتلك لون
ثاري الليالي تضل ليالي

جواد زغير --- خسرتيني




خسرتيني ،

بعد مالوگ لـ عيونچ

ولا ارهم شمع تندار ضوياته بسما أضنونچ

خسرتيني ،

و جزيتچ شوف فارگ عين

ولچ يا ظلمة أسنيني الحنين انباگ ،

باچر طين يعطش طين

هيستچ حزن ما ينگضي بـ موسم

وسولفتچ على جروحي ،

لگيتچ هم

يـ ورده شما اردلها ،

عشرتي وياچ عثرة شـم

ما راهم لـ عطرچ لا تلوميني

ولا لايگ لـ حسنچ لا تذميني

مدري شـ وازه بيباني وضگت چفچ ،،؟

ومدري شبلل أجناحي وطحت يمچ ،،؟

ولچ حسبالي گلبچ ساجيه ،

شما عطش گلبي ،

أيفيض

شمدريني سمومه أيبيعني أعله الگيض ،،؟

ما ادري !!

ما أدري السفر بـ عيونچ أيتعب

و لا أدري حصاد أمحبتچ ينهب

خسرتيني ،

وخسرت أفياي عمري النهبته أشموسـچ

ولچ ما ظل غصن بـ الروح ،

شـ ألها أوي الصبخ فوسچ

و شـ ألج يمي ،،؟

يـ بنت الناس

تيهيني

أشتهيت أسرح لـ كلشي بعيد ،

واعبر گوه عـ المامش غصب واعناد

أشتهيت اندفن غاد أ.من الغباشي أطيوف ،

بـ أول فزه للدنيا وبعد هم غاد

شـ تلوميني ،،؟

الملامه الـ ما تسكرني بـ عشگ يسوه دفنها أمراد

شـ تشهگيني؟

النسيم أيگود ما ينگاد

شـ تلميني ؟

ولچ مليت أموت لـ وطن لا رايد ولا ينراد

أي مليت ،

هاي سنين اشب وحدي

هاي سنين اطوف الناس واهوى الناس ،

واغفى بـ كلشي ما عندي

و آخ انتي ،

أنتي أگدار كل چذبه

وحگ حزني ،

أشتريت عيونچ بـ شوفي ،

ولگيتچ بايعتني لـ كلشي بيه غربه

خسرتني ،

المري تهوى الكسر نوبات ،

و ابو روح العزيزه أيموت اذا شاف العشگ ذنبه

كتبها //كاظم الكاطع//

و هو بعمر 12 سنه

بين اديكم القصيده



انتهينه

وانتهى
الما ينتهي وخلَّص حجينه

انتهينه
وبقت
كَطرات الوفه المذبوح تتناثرعلينه

وبقت
للمجفين كوم اسرار عد روحي الامينه

وكون نستاهد عتبنه يفيد بيهم عاتبينه

وكون يسوون
البجي
جابثنعش
ناظر بجينه

غافلونا
وباكَو
العشرة غفل من بين ادينه

وباكَو من
ايد العمر سنتين وبوجهم رضينه

تالي. نزعوا
شوكَنا من كَلوبهم
وكَالوا
عوض عنكم لكَينه

تالي سدوا
بابهم من شافوا عالباب اجينه
وشكَكَوا مكتوبنه
وبلا خجل ذبو علينه

تندمينه
جينه
بجنازة عشكَنه المات غفله وأيّسينه

وابتعدنا
بعيد لكن طيفهم ظل يعتنينه

ظلت حجاياتهم عالبال ما جلمه نسينه

ياما لسعتنا الشمس وبفي كَصايبهم غفينه

يامافيَّضنه الوفه وحطّولنا المهجة سفينه

ياما ذبنه

العطش يمهم وبجدح جفه. روينه
تالي نزعوا
شوكََنا من كَلوبهم
وكَالوا
عوض عنكم لكَينه

تندمينه
جينه
بجنازة عشكَنه المات غفله وأيّسينه

وابتعدنا بعيييييد
لكن طيفهم ظل يعتنينه

||عامر عاصي||

نسيتك
واشتهيت اذكر

ذكرتك
واشتهيت انسه

ولگيتك سِدْ

عشگتك
واشتهيت أكره

كرهتك
واشتهيت أعشگ

لگيتك ضِدْ

وگلتلك
مد ذهب شعرك على جناح
النوارس مد

شسويلك؟
حريرك طول
بس يزعل عليّه
يهد
........
گصيرة
وطولچ البرحي

زِغيرة
وشمسچ التتثاوب تصحّي

قريبة بخبزتي وملحي

وغريب آنه
بعيد آنه
وحيد آنه
مثل جرحي

ملينا يذاك الفوك ملينا ...

ناصر البدري ...


نمشي وي الدهر دخان
محد يعرف شبينه

ضعنه
ومايصح نادر يدلينه اعله اسامينه

متوازين
نتوسل سما البيبان
حتى الغربه ضلت ما تلفينه

ملينه يذاك الفوك ملينه

شوف التعب شمسوي بملامحنه
واحدنه مسيت ارماد. بخزرة هوه يتكسر

ضاكت يا چبير الغيم
هضيمه يمشط العاكول يم امراية العنبر

ماضل للعذر شفه شمسوين حتى تسد دكاكينك

كلنالك اخذ صوغة خواطرنه ، وبيعلنه ولو حسبة ضحك ساعه

عطشاااانين
جينه من الشمس حفاي

ماندري الجرف مكتول ،، والمحبس بجيب الري
ولا ندري الصحاري كبور ،، متروسه جثث للفي

لكينه الدنيه سوك حضوض
والميت دفن كلبه ورجع خطار وي الحي

المن بعد نتمنه ،،، اشو صارت القسمه الوان
ناس انترس خدها وداع ،، وناس مرافكه النعناع
وناس مرافكه التيجان

واحنه تكول جف مراد كضتنه مرادم الحيطان
..

(رجائي منكم القراءة بتركيز )

||كاظم اسماعيل الكاطع ||


اجن طيرين حطّن فوگ حايطنه

من شايف صفنتة الطير؟
كل مخلوق اله صفنه

من شايف حزن الطيور
من تصيبهن محنه؟

جبنه الماي عافنّه

جبنه الزاد عافنّه

فتحنه الباب بالعتبه بچن چا وين صاحبنه؟

بچن چا وين ثالثنه

ثالثچن يالطويرات صار طوير بالجنّه

اجه #صگر المنيه بيوم عاصف
شاله من عدنه

جفلن هلطيور وصفگن الجنحان
صعدن للسمه بونّه

جفلن هلطيور و صفگن الجنحان
شافن صگر تبعنّه

صعد..صعدن رعد ...رعدن

جرحهن مدري جرحنه

حچن ويّاه حجي بلا خوف
وشعدهن حجي ابهليوم گالنه

انته الخذت ثالثنه ؟
انته الخذت صاحبنه؟

تلاشن بالسمه وضاعن
وبعدن عن نواضرنه

ولا ندري الصگر هوّه الكتلهن
مدري كتلنَه؟

بس شفنه الدمه و الريش؟
ينزل فوگ ححايطنه

(الاصرار على الحب ) في كلمات

بيلسان امين



من روحتي الأولى القديمه

انا احبك

من اول رجفتي وياك احبك

من تنجفي اعله الكاع عيني

من اشوفك‘ هاي احبك

وتركض الضحكه اعله شفتي..

وتبحر بنص الفرح

يعني احبك...

من يفرهدني الزعل معناها احبك

من اكلك راح اعوفك وابقى يمك هم

احبك..

ولو تغثني وسافرت يم الحزن اي هم

احبك

ومن يبرد بروحي الزعل

وانطش عذر

تلگاني احبك

ومن يبرد بگلبك حنينك انا احبك...

|| اشجع الخفاجي ||

|| طشت سالفتي ||

طشت سالفتي عله الديره
كل الناس اندلت حزني .
وكلهم عرفو ذابل غصني .

وكلهه اشتمت بيه مفارك .
وأحتاريت شما طب شارع
كالو هذا الصدكي العاشك .

هذا الشاعر
هذا الطفه الليل شموعه
وضل يكابر .

هذا الشربت لونه السكته .
هذا الترست صدره ال أخ

وضل تايه ما خذ صاحبته .

هذا الربعة أنزفو كلهه
وطك بيهم موسم نعناع

وخلص عمره يناطر زفته .

ولامتني الناس عله البيه ..
وانا اسمع والدمعه بعيني .
والنسمه التعبر تجويني ..

وكلت تهون
موش اول شاعر حب كمره
وتالي الظلمه تفرهد خيرة

وموش اول من يشتل جوري
وتعبه يروح لريه غيره

قصيدة كبيرة للمرحوم

( كاظم اسماعيل الكاطع )

توازت والله يستر من الموازه

كرهت الروح
جن روحي طريق اتكتلت بي ناس
وجنازه وره جنازه

ولا عنده غرض يسوى
كضن سلعه ورئ سلعه
بيعة ناس معتازه

تعال وشوف بالوكفه شتبيع الناس
موبس الغراض !
اجساد معروضه اعلى الميازه!

رادو ياجسر من تنكَلب ع الماي
حايط والجروح بجسمك درازه

رادو ياجسر ماتعبر العشاكَـ
ولا كَرصة شمس بخدود خبازه

امس معزوم يم شاعر.. وجانت كهرباء ماكو
لا مي لا نفط لا غاز

وكَع بطل الصبر واطشر إكزازه

امس معزوم يم شاعر بتت وياه

ريكَني جرح بايت
وغداني جرح تازه

وتكلي ليش تتوازه؟!

وصتنه الشمس للضلمه مانرجع
لان ندري الشمس عدنه
على كَبة شهيد أتغيب
وعلى خوذة مقاتل كل فجر تطلع

يبصم ع الخيانه الاصبع المعيوب
وراس بدون غيره كصته ماتنفع

تعلمنه من اهلنه نشد على الركبه خشب وحبال

حتى من تجرهه النايبات بيوم ماتركع

هذا البيت بي ورده وضفيره وحنه ومرايات
وهلهوله
وقصيده تشدك الها بأول المطلع

دلع صدر الزمان واحنه صرنه زرار
وزرار الشمس كلما تجي يلمع!

لو كان عريان السيد خلف في العصر الجاهلي
لقام أمرؤ القيس بنفسهِ وعلّق نصوص عريان على جدار الكعبة

(( غريبة ))


يا غريب اذكر اهلك - والكَالها
ابحجية ايتنكّت

هيّج اجروح الكَلب .. والعين
كت مهضوم .. كتت

ذكروّها .. واعادة اليذكر يحن
والروح .. لاهل الروح حنّت

ونتّ .. اوماظن مثل ونها .. الصخر
خنساه ونّت

صبّرتها .. اوكابرت عالظيم .. والكابر
يظل بسكوت .. ينهت

طاحت ، اوفوك الفشل .. بمصابها
الشامت .. تشمت

شلون ذلت .... ؟

اخ ياروحي .. الكّبل جانت عزيزة
شلون ذلت .. ؟

ملت امن اونينها .. او عذّالها
امن اللوم ملّت

واصبحت .. مثل الرشة المتروك
من يشله .. جليبة

اوحنت .. اوعاداة المحبين

لو حن المحب .. يطلب حبيبه يالتريدين
الولف .. ولف الجفاج .. امنين اجيبه

كافي غيبه .. كافي .. جلمات العتب
عالناس .. ياروحي الغريبة

يالمثل دلّه استوت بوجاغ ما يخمد لهيبه
يالتظنين .. ابعظم بلواج .. ما صارت مصيبه

هذا سهمج .. والسهم لوعات
والخانه الوكت يرضه بنصيبه

او هذا طبع الناس .. بيهم بلاوفه
اوبيهم وفي .. اتجيبه الحليبه

وانتي لا جف الينشف العين .. لا دار
الولف .. يمج جريبه

يالحسرتج . حسرة المجبود .. وادموعج
تبدّت

يالعلى اجروحج .. اعز الناس
من شافت ، تشمت
يالتظنين الشمل .. يلتم
شمل عزّج .. تشتت

شمل عزج تشتت