بسم الله 💛✨

رواية قـصـيـرة 🌸
لـ آية الفاضل

#شـهابي
(مَن اطفأ نوري ! )
-1-
#البداية
...... :- ي سلمي ..برضو م عايزة تردي عليّ ...انا اسف والله معليـش 💛 بس عليك الله م تفتحي الخط وتسكتي كدا ..
سلمي :- لا ماهو برضو الحصل دا نقطة ولازم نقيف عندها وانا م حرضاها تتكرر معاي تاني ولا حسمح انها تعدي ساي كدا ..💔
...... :- لا ي سلمي عليك الله ...انا اسف والله عمري م حكررها بس سامحيني عليك الله اشان خاطري وخاطر البينا😢💔
سلمي :- اسفة ي شهاب م حقدر ...كلو بستحملو بس تصل بيك لانك تضربني كف بس اشان اختلفنا سوا ف الكلام .....انا الاسفة اني عرفتك من الاول ودبلتك حتصلك بكرة ...وزي ماربنا ادانا القدرة نحب حيدينا القدرة ننسـي 💔 ...مع السلامة ..
شهاب :- سلمي لاااا عليك الله لااااا اقيفي اسمعيني م تقفلي الخط ....الو الو 💔💔

✨✨✨✨✨✨✨✨✨
ايوة كدا انا خلاص انا انهيت خطوبتي من حُـب عمري شهاب💔💔
انا سلمي ..اتخرجت من سنة من هندسة معمار واتخطبنا انا وشهاب قبل 6 شهور وهو كان سنيري ف الجامعه وكان حُب العمر وحُب الدنياا ...لكن ف الفترة الاخيرة وبعد الخطوبة بـ حوالي 4 شهور كدا ..شهاب اتغير شديد 💔💔وبقي كعب ف تعاملو وم براعي لي ازعل ولا لا ...لكن لمن يجي يصالحني بصالح بطريقة حلوة انا وهو بنحبها💛💛
وانا برضي طوالي وهو معودني يجي يعتذر ف اقل من 24 ساعه ...لكن ف اليوم دا وصلت العلاقة لاخرها خلاص 💔💔
قررت افسخ الخطوبة وكل واحد يمش ف طريقو ...والسبب انو ف نفس اليوم دا شهاب كان جانا زيارة عادية ف البيت💛💛
وبعدها طلعنا سوا كافيه ...وكنا بنتونس وعادي يعني ...لكن ف نص القعدة تلفونو ضرب كانت بت اسمها "رؤي" ..البت دي كانت دفعتو ف الجامعه وانا بعرفها وعارفة انها ملصقة فيهو من وهم ف الجامعه وكذا مرة بترسل لي وتتضايقني بالكلام 💔....وهو كان بجي يقول لي م تشتغلي بيها ويحكي لي براهو انو صداها ....وانا واثقة فيهو اصلاً وم عايزة اجادل ولا عايزة اعمل مشاكل ...
بس غلطت اني قلت ليهو :- انا بعد دا خلاص حتكلم معاها وش لوش واقول ليها الحركات البتعملهادي شينة ف حقها😞😞
انا لمن قلت لشهاب كدا شاكلني ..وقال لي ارح نتخارج من المحل دا ..وفعلاً مرقنا وركبنا العربية وهو كان سايق بزهج ...وانا كنت ساكتة بس لحدي لمن وصلنا وقبل انزل فتحنا النقاش تاني والمرة دي اتقفل بكف من شهاب💔💔💔
طبعاً انا خشت فيني صدمة لمدة دقيقة وبعدها نزلت من العربية وجريت علي بيتنا جرري 🚶🚶
وبقيت ببكي لحدي لمن نمت....وبعد صحيت سارة اختي جاتني ..
سارة :- مالك ي بت م طبيعية ف شنو 😳
انا :- شهاب اداني كف. .💔
سارة :- شنووو! كيف يعني كيف يعمل كدا ويتجرأ واشان شنو ...حسابو معانا نحن ديل ...ليه قال م عندك اهل ولا م عندك ..
انا :- ححكي ليك بعدين بس اسه عايزة اتكلم مع ابوي واقول ليهو انو انا وشهاب حننفصل بهدوء واحترام 💔💔

وفعلاً اتكلمت مع ابوي ...والمساا ياهو شهاب ضرب لي المكالة دي وكلمتو انو دبلتو حتصلو بكرة 💔
"الحياة دي صعبة شديد ومرات بتوصلنا لطرق مسدودة شديد ..."
وتاني يوم قلعت الدبلة من يدي وختيتها لحدي لمن القي طريقة اديها لشهاب ف يدو ....
وف نفس اليوم دا شهاب جانا ف البيت عايز يلاقيني ..بس انا م لاقيتو ابداً وقابلو محمد اخوي الكبير ...ومحمد صاحب شهاب وكان زعلان علي الحصل وحاول يفهم من شهاب شي ...ويفهم شنو الوصلو للمرحلة دي ..بس شهاب للاسف م كان عندو رد ولا تبرير وبس بقول معليش ي سلمي عليك الله اعفي لي💔💔💔
انا قررت اطوي صفحة شهاب من حياتي ودا كان اصعب قرار ف حياتي كلها اشان اولاً انا بحب شهاب شديد شديد واخيراً اشان انا بحبووو💔💔💔💔

انا عايشة مع ابوي ومحمد اخوي الكبير وسارة اختي البعدو واخر شي انا ....امي متوفية من 5 سنة 💔💔
وانا نزلت شغل ف شركة من شهرين ..واصلاً خريجة معمار وشهاب كان ف الدفعة القبلي بـسنتين واتعرفنا ف الجامعه وقصتنا بدت فيها لحدي لمن هو اتخرج وانا كنت لسه ف تالتة 💛💛
ف الفترة دي هو كوّن نفسو واشتغل لحدي لمن انا اتخرجت واتخطبنا والعرس كنا محددنو ف اقل من سنة 💔💔
برضو بعد التخريج كانت بتجمعنا الشركة ..لانو شهاب زمان بدا فيها وتاني راح حتة تانية ...وانا حالياً شغالة فيها وهو بجيها زيارات شغل كتير وبنتلاقي فيها 💛💛✨
بعد يوم جاتني رسالة ف الواتس من منذر (ود خالة شهاب وصحبو واخوهو وقرا معاهو يعني كان سنيري برضو) وبالنسبة لي اخ وكتير💛💛
منذر كان بدبر لينا مفاجأت طوالي انا وشهاب وكنا مزهجنو بقصصنا لدرجة لمن نتشاكل بدخلنا قروب هو ويخلينا نردح لبعض ونتفشي 😂😂😂وف الاخر نتصالح ويقوم يطلعنا من القروب ...
نحن مؤمنين بحكاية انو مشاكلكم تحلوها سوا ...ونحن بنكون طوالي متأكدين انو حنرجع لبعض وبرغم كدا بنعمل نفسنا زعلانين شديد ونعذب معانا اهلنا 😂
بس لمن جات المشكلة الاخيرة الجادة دي انا اصريت انو م ف زول يتدخل بينا ...
منذر كان كاتب لي ف الرسالة .."يعني انا تاني حتمعط من منو ...وانا و

بسم الله 💛
في البدء "اللهم ارفع الوباء والبلاء"

رواية جديدة ...(تسلية في الحجر المنزلي دا 💛)

#سُكر_مُر ♥️🔐

لـ :- آية الفاضل

ـ1ـ
#البداية
"ليت لأرواحهم أشباه كثيرة اولئك الأنقياء الذين يحبونك لأنك أنت ...أنت لا لشئ آخر ...ويصادقونك دون غاية او منفعة ...فقط لأنهم يحبونك" ✨

......:- صباح الخير ندي انا جيت الكلية انتي وين ?!مش قلتي لي انك وصلتي قبلنا ?
ندي:- روقي ي بسمة انا وصلت ومستنياك ف الكافتريا يلا سريع التسليم بتاع البحث باقي ليهو يومين بس😭
بسمة:- جاياك خلاص.

(بسمة في السنة الاخيرة من كلية الهندسة خريجة خلاص ..وهي وصحباتها ندي وريم ومريم وقتهم كلو في الجامعة اشان يسلمو مشاريعهم ويتخرجو خلاص💛)

بسمة:- ها بنات خلاص تعبت ارح نأكل ..
ريم :- ارح ارح
ندي:- بطلو كسل فضل لينا حبة بس.
مريم :- ي بت ملحوق ارح رجولي وجعوني عايزة اتمشي حبة ..
بسمة :- بنات دقيقة ارد علي التلفون واجيكم 😃💛
ريم :- منوو المتصل
بسمة :- محمد 🙈
ريم وندي ومريم :- اووووووووو

(محمد خطيب بسمة ..مخطوبين ليهم سنة وزيادة وحيتزوجو بعد هي تتخرج اسه ...اتخطبوا بعد قصة حب ملحمية 😂💛هو خريج نفس الكلية وكان بيجي بعد اتخرج وشافها من هي في اولي وشبط فيها وحباها وهي بعد طلعت روحو لقت روحها بتحبو و وافقت بيهو لمن جاا اتقدم ليها ف سنتها التالتة من الكلية واتخطبوا 💛💛)

محمد :- السمحة ازيك ..
بسمة :- الحمد لله كويسة انا انت كيفك و وينك من امبارح.
محمد :- انا كويس مدام انتي كويسة +تصدقي تلفوني قافل من امبارح المغرب ..اها وين انتي
بسمة :- ف الكلية مع المشروع غايتو غلبة شديدة انا تعبت خلاص ..
محمد :- معلييييش كلووو بيعدي انا مستني تخريجك بفارق الصبر اشان عارفك شاطرة ي سجم وخلاص زاتو اشان نحدد يوم الزواج الميمون ..
بسمة :- 😂طيب شكراً علي التشجيع ورفع الروح المعنوية ي سيدي ..
محمد :- ااي خدمة ي قلبي 😉
بسمة :- طيب خلاص انا ماشة اكل والبنات بحدرو لي ..يلا اشوفك بخير
محمد :- ربنا معاك ..
بسمة :- بنااااات معليش معليش يلا نأكل ...صحي انتو وين سامي وعبد الله الليلة 😳
ريم :- عبد الله قال م جاي 😂😂💔وسامي ف المكتبة مابعرفو بسوي ف شنو ..
سامي :- سامع زول جاب سيرتي 😌
بسمة :- ماشاء الله ابن حلال جيت مع سيرتك طق ...كنت وين ي الفالح ..
سامي :- انتو م اديتوني رنة ليه اشان نجي نكمل الشي دا هنا ...افتكرتكم م جيتو قمت مشيت المكتبة بعبشت حاجات ..عان دا عبد الله بتصل تلقاهو نايم لسه ..الو عبودي وين انت?
عبد الله :- صحيت ولبست واسه جاية علي الكلية قربت ..انتو هناك
سامي :- ااي ياخ م عندك دم دي ايام ينومو فيها ..
عبد الله :- جاي والله خلاص اشان نقفل الموضوع دا ونتخرج بسلام ..

(عبد الله وسامي اصحاب ناس بسمة من اولي كلية وكل سنين الكلية قضوها سوا 💛💛💛💛)

ريم :- نقتكم دي نستنا الاكل ..انا عايزة أكل ما لي دعوة ..
بسمة :- ااي ارح خليهم ديل عويرين ساي ...
سامي :- ارحكم كلنا وعبد الله بلحقنا ..
بسمة :- ارحكم المطعم الجنب الكلية دا اشان اقرب شي ونرجع سريع ..
ندي :- اايوة احسن ...

بسمة وندي وريم ومريم وسامي :- 🍟🍛🍝🍸🍜🍞
عبد الله :- خاينين بتاكلو من غيري ..خلاص البينا انتهي خلاص خلاص
ريم :- فقرة الدراما بدت ...
عبد الله :- م حرد عليك 😊
ريم :- لا رد علي عليك الله اشان لازم اسمع ردك ..
عبد الله :- امي قالت لي م تتكلم مع السحاريات ..
بسمة وندي ومريم وسامي :- 😂😂😂😂😂😂😂😂😂😂😂😂
ريم :- هاها عوير ..انا سحارية كويس ي عبد الله ..
عبد الله :- واحلي سحارية والله 😂💛يلا اقسمي لي معاك من صحنك ..😂

....................
ف الكلية :-
ندي :- بسمة عايزة اتكلم معاك في شي ..
بسمة :- اتكلمي حبيبي💛💛
ندي :- معتز (ود عمتها) اتكلم مع ابوي انو عايز يتقدم لي فوراً وابوي قال ليهو حياخد رايي بس انا شايفة ابوي موافق شديد وف نفس الوقت م عايز يضغط عليّ وانا زي ما انتي عارفة م قادرة اتقبل معتز نهائي ..انا م عارفة اعمل شنو خلاص ..
بسمة :- كدي قولي بسم الله اول شي ...عايني ي ندي معتز ود عمتك يعني بتعرفيهو من انتو اطفال صغار وبتعرفيهو اكتر مننا بس نحن ف الفترة العرفناهو معاك ..انا شخصيا م شايفة فيهو ااي عيب بس اكيد م ف زول حيضغط عليك بس انا رايي فكري كويس ..وحاولي اقعدي معاهو وقت اكتر واعرفيهو اكتر ...عليك الله م تستعجلي ي ندي فكري كويس ..واستخيري ومعتز لو كان خير حيبقي معاك ولو م مناسب يبقي م مشكلة 💛
ندي :- دايماً بتريحني بكلامك ي بسمة انا بحبك ..
بسمة :- وانا بمووووت فيك ...

ريم ومريم :- انتو قاعدات هنا ونحن بنفتش ليكم ..
بسمة :- تعالو تعالو كنا بنتكلم ساي ..
ريم:- خلاص اليوم انتهي انا حمشي البيت والله اشان نعسانة ..
مريم :- وانا حمشي اشان مشوار ضروري ...
بسمة :- وانا ماشة امسك اولاد الاء اختي 😊😊💔اشان حضرتها ماشة لصحبتها ..وامي م بتقدر تجري وراهم لحدي الشارع ..

بسم الله 💛
"اللهم ارفع عنّا البلاء والوباء"

رواية جديدة 🌸


#كسر_مركب 🖇💔

لـ :- آية الفاضل


-1-
#البداية

" فـ الأقدار كلها خير ولو أحزنتك 🕊💛.

.....:- الود دا ي إما مكتئب ي إما مكتئب ..
.....:- ي إما مشوكش 🤣
......:- بس ي بت انتي وهي سيبو اخوكم ف حالو ..وانتي ي سلمي قومي شوفي الاكل الفي النار دا ..
سلمي :- حاضر ي امي بس برضو الود دا مشوكش 🏃🏻‍♀️
.... :- مخليكم تتكلمو عني براحتكم انا وللان م رديت علي وحدة فيكم بس لو رديت ..
امهم :- معليش معليش ديل بنات معولقات ساي ..اها م ناوي تقول مالك ..من الصباح قاعد ف السرير وم بتتكلم وصاري وشك .. مالك ي احمد ؟!
أحمد :- م ف شي بس حاسي بيأس شديد مع انو م مفروض ايأس بس م بعرف ف شنو 💔
امهم :- م تقول كدا ي ود كلو لخير وكلو حيتحسن .
سارة :- ف الاخير مكتئب يعني كلامي الاول صاح ؟
أحمد :- م ناقصك والله ي سارة انتي والهبلة التانية ..

"سلمي جات جري من المطبخ وقالت ليهو :- سمعتك علي فكرة ..

سارة :- المهم اسه ورينا مالك بالجد قبل ابوي يجي ويشوفك كدا .. انت بتتدلع ي ولد ؟؟

"فجأة جاهم صوت من برة الاوضة بقول :- اها ابوهو جاا وشافكم 😌

احمد :- ابوي ديل بنات سغيلات والله .. الواحد يقعد براهو حبة يشبكوهو مكتئب وشنو م بعرف و وحدة تعمل ليك فيها كبيرة وتقول لي مدلع وم بعرف شنو ..
عم عبد المنعم (ابوهم) :- اها ورينا مالك وعملت شنو ف مقابلة الشغل الليلة ؟
أحمد :- دي المشكلة هنا ..م اتقبلت وحاسي بخزلان كبير لانها رابع مرة ف الاسبوع دا ..💔
امهم (سامية) :- ولا يهمك بكرة تلقي الشغل الاحسن من كل المقابلات الفاتو ..
سارة :- صاح ي أحمد .. انت م تيأس بس .. وشوف انا قدامك قريب السنة حتي لقيت الشغل دا ..
عم عبد المنعم :- ولدي البعرفو بحاول وم بوقف صاح
أحمد :- صاح ي ابوي .. الله يخليك لينا دائماً فاهمني ورافع معنوياتي 💛
سلمي :- الله الله طيب وامي وسارة وانا نحن قعد نحبطك يعني ولا كيف .. عذراً ي والدي العزيز بس الولد دا نكّار جميل 🌚
أحمد :- ولا حرد اصلاً ..

"عم عبد المنعم ضحك فيهم وبعدها اتغدو سوا وكملو ونستهم" 💛
عم عبد المنعم هو الاب .. رب الاسرة ..شخص حنون جداً .. مُحب لزوجتو .. شغال ف هيئة حكومية من سنين .. وبين الاشغال البسيطة ف شبابو قدر يربي اخوانو الصغار لانو كان الكبير فيهم و والدو اتوفي من بدري وخلي اخوان عم عبد المنعم صغار جداً .. ساعتها اشتغل وقرأ وكافح مع امو لحدي لمن كبرو اخوانو وكِبر هو ف شغلو ومكانتو واتزوج سامية وحالياً عايشين ٢٧ سنة مودة ورحمة💛 وجابت ليهو اول فرحة ف حياتهم "سارة" ملت حياتهم فرح لحدي لمن جاا بعدها "أحمد" وزاد الفرح واخيراً اخر العنقود "سلمي" وزادت الفرح تاني 💛 وكمان عم عبد المنعم مشهور بانو فكاهي جداً ومحبوب من الكل وخاصة اخوانو اللي حاسين ناحيتو بالابوة وانو صاحب الفضل عليهم لانو رباهم مع امو لها الرحمة والمغفرة .. وحالياً كل شخص فيهم متزوج وعندو حياتو "


سلمي :- ابوي انت معاي ولا سرحت ؟
عم عبد المنعم :- معاك والله لكن م حاسة انو ليك نص ساعة بتتكلمي ف حاجة واحدة وانا اصلاً م فاهمها هي شنو ..
سلمي :- يعني طلعت م بقدر اشرح واوصل الفكرة 😭💔 حعمل شنو ف يوم بكرة دا ف الكلية اختاروني انا اتكلم ..
عم عبد الله :- انتي حالياً جاية م مخططة موضوعك ولا مرتبة افكارك ومتوترة ،، ركزي وحتنجحي ثم دي م اول مرة صح ؟
سلمي :- م أول مرة بس مهمة ي ابوي ..
عم عبد المنعم :- انتي خريجة وف اخر سنة ليك يعني بتقدري بس ركزي واهدي حبة بدل الجن والجوطة ديل ..
سلمي :- 🙈سمح ي ابوي .. يلاااا حمشي اظبط اموري الي اللقاء ي ابي🏃🏻‍♀️
عم عبد المنعم "وهو بضحك" :- الي اللقاء 😹
سامية :- والله ي عبدو الشغل الايام دي فاير شديد ..
عم عبد المنعم :- ليه خير الحاصل شنو .. ولا مشاكل التعليم اصلها م بتخلص زي مابقولو ..
سامية :- والله ياهو زي ماقلت م بتخلص .. بس الحمد لله ..
عم عبد الله :- التعليم الاساسي بالذات لانو اساس ويتبني عليهو الطفل وتعليمو اشان كدا لازم يبقي اساس متين وقوي ..
سامية :- حقيقي ودا بكبر المسؤولية علي اهل المسؤولية ..
عم عبد المنعم :- حقيقي ..


"سامية هي الام وهي ربة المنزل 💛 كانت شغالة مُعلمة وحالياً شغالة موظفة ف إدارة التعليم الأساسي
اتزوجت عم عبد المنعم من ٢٧ سنة وعاشت معاهو علي الحلوة والمُرة يعني رفقية عُمر ودرب" 💫

.............................
صباح اليوم التاني :-
أحمد :- صباح الخير ي نبع الحنان .. الليلة مقابلة شغل جديدة وعايز دعوات كتيييييرة عليك الله ..
ام احمد :- داعية ليك وراضية عنك 💛
سلمي :- بتقولو ف شنو براحة كدا ..
أحمد :- اسرار ماليك اي دخل بيها والله ..
سلمي :- ايوا قلت كدااا !؟
أحمد :- قلتي لي مشوكش ؟ امبارح عاملة لي نفسك مشخصاتية نفسية وتقولي لي مشوكش ؟ بوريك مشوكش دي عاملة كيف ..
سلمي :- المصيبة اني عارفاها واقدر اعرف شوكشتك ولا لااا ف ثانية 😌

بسم الله 💛




#عندما_ذبل_الورد
رواية جديدة ل :-
آية الفاضل


#البداية

‏"كم كانت ضاحكة وباكية وثائرة وهادئة وحانية وقاسية كأنها كانت تقتبس أمزجة الحياة." 🖤⚡️


...:- الليلة عيد ميلاد وردة حياتنا ونورها ،،لازم نخليهو يوم مميز جداً

...:- حعمل ليها الكيك الهي بتحبو وحعزم شهد صحبتها تجي تحتفل معانا ،،انت عارف هي بتحبها قدر شنو

...:- عارفة يامنال ال١٥ سنة ديل نحن كنا غرقانيين فيهم بالنعم من يوم اتولدت ورد ونحن الحمد لله حياتنا ماشة تمام التمام ،، فعلاً البنات بيجو برزقهم 💛
منال :- ربنا يخليك لينا يامحمد ،، ويجبر بخاطرك زي ما انت بتجبر بخاطري دايماً ،،انا عارفة اني ماجبت ليك الولد الانت عايزو وانو امك ماتت وهي زعلانة اشان نفسها تشوف ولدك وانو...

محمد :- ياا منال ياخ انتي بتقولي في شنو ،، انا بتكلم ليك عن النعم النحن فيها وعن ورد بتنا وانتي بتقولي لي في كلام ماعندو راس من قعر ،،ثم منو القال ليك امي ماتت زعلانة بسبب شي زي دا الله يرحمها ويغفر ليها ،،اقفلي سيرة الموضوع دا وارح نقول ل ورد كل سنة وانتي طيبة قبل تمشي المدرسة

منال :- (وهي بتبكي) سامحني يامحمد بس انت عارف انو انا عشت عمري كلو خايفة من اللحظة التخليني فيها اشان انا مامسنودة امي وابوي ماتو خلوني صغيرة واخوي طفش خلي البلد وخلاني عند خالي ولو ما انت جيت وشفتني عند خالي اليوم داك واتزوجنا خالي كان ناوي يشغلني في ولاية تانية وانا عمري ال ١٥ سنة ماتميتها ،،انت الشلتني وعلمتني وبقيت لي سند واهل وعز ،،كنت خايفة موضوع الولد يبعدك مني ساعتها اروح وين انا ..لكن الحمد لله علي بتنا ورد وردة حياتنا

محمد :- ياعويرة وانا من قبيل بقول في شنو ،،بقول نشوف النعم النحن فيها ونحمد الله عليها الف مرة 💛 ويلا سريع امشي صحي ورد ست العيد ميلاد .

ورد:- صباح الخير ياابوي
محمد :- ياصباح النور والياسمين والورد علي احلي ورد في الحياة ،، كل سنة وانتي طيبة حبيبتي وان شاء الله سنة حلوة زيك وكل سنينك تبقي حلوة زيك

ورد :- وانت طيب ياابوي ،، وانا عايزة سنيني حلوة زيك انت ما زيي انا

محمد :- (هو بضحك) طول عمرك لسانك بيعرف يحنك كوويس يابت محمد 🤣💛

منال :- طيب تعالي احضني امك الواقفة ليك من قبيل ومستنياك دي

ورد :- ياسلام ،، احلي حضن ل احلي منال في الكون حالاً حالاً

منال :- احييي منك اسه منال دي شنو دي
ورد :- اسمك 🤣 خلاص ياامي معليش معليش ماتزعلي

محمد :- ويلا اشان اوصلك المدرسة ،، سريع اشان مستعجل
ورد :- حاااضر يلااا طلعت

................
في المدرسة :-

شهد اول لمن شافت ورد جات جرت عليها وحضنتها
شهد :- كل سنة وانتي طيبة ياوردتي
ورد :- وانتي طيبة ياشهودة
شهد :- عازماك اسكريم الليلة علي حسابي اشان خاطر عيونك ديل
ورد :-لا انا عايزة شوكلاتة ماايسكريم🤣
شهد :- كمان بتتشرطي علي كيفك ،، لكن كويس حعزمك ،، ارررح
ورد :- ارررحح


.............
ورد كانت محبوبة جداً ومعروفة وسط زميلاتها وحتي اساتذتها انها واعية وعاقلة وسابقة سنها ماشاء الله وعقلها مرن جداً ومثقفة وزاد علي دا كلو انها جميلة بتشبه الورد جد جد 🌸
.............


في مقر شركة استيراد وتصدير كبيرة :-

..... :- يعني افهم من كلامك شنو يامحمد افهم انك ماحتكمل في القضية ؟
محمد :- يااستاذ ابراهيم انا محامي من سنين طويلة وماشي بمبدأ واحد شي انا ماارتحت ليهو ولا موكل انا ماارتحت ليهو انا ماحواصل في القضية تقدر تقول انا بتبع حدسي واحساسي في حل القضايا

ابراهيم (مدير الشركة) :- دا اسمو لعب عيال ماتقول لي حدس وبتاع ،، يعني بعد شهر من استلامك للقضية جاي اسه تقول لي حتخليها ؟؟ بنلعب نحن ،؟

محمد :- انت وكلتني ادافع عن اخوك كمال في قضية بتاعت حيازة مخدرات ،، وانا بعد شهر من البحث والشغل علي القضية لقيت انو ماعندي ااي ادلة براءة علي كمال وبيني وبينك انا شاكي اصلاً من فترة بس حبيت اكون مهني واتأكد وفعلاً اتأكدت وماحواصل في المهزلة ليه؟ لانو ببساطة مااتعودت ادافع عن موكل لي وانا شاكي في براءتو اصلاً ،، ماحكذب علي نفسي ولا عليكم وعلي المحكمة ولا علي الناس ...

ابراهيم :- كلامك دا تقولو لأي زول تاني الا انا الا ابراهيم الديب يااستاذ يامحامي ،،شكلك ماعارف انت واقع مع منو

محمد :- عارف وعارف كويس ومازال البحث جاري ولو لحقت اتأكدت من المعلومات العندي يبقي نتلاقي في المحكمة بس المرة دي حتفرج عليكم وانا محامي اتهام مامحامي دفاع ..يااستاذ الديب

ابراهيم :- انت ورطت نفسك ابقي قدر الانت بتقولو دا + وجودك بعد دا معانا في القضية بقي مايلزمنا اصلاً بقيت كرت محروق بالنسبة لينا

محمد :- ماتعملو انكم استغنيتو عني اسه ..انا الخليت القضية وانسحبت كرت محروق ديل انتو بالنسبة لي مش انا ،،وعلي اذنك ..


ابراهيم للمساعد بتاعو :-
المحامي الاسمو محمد الصافي دا لعب في عداد عمرو و وقع معاي انا وشكلو ماعارف هو وقع مع منو



................

#سنموت_في_اليوم_السابع
#البارت_الأول

✏بشرى عوض_Bushra Awd

#مدخل

كلمتي في البداية بعد التحية.
هذه الرواية مستنبطه من خيالي مع تأثيرات من الثقافة والاطلاع..
(لقد ترددت كثيراً قبل أن امسك بقلمي وأكتب ترددت كثيراً لأقدم على هذه الخطوة ولم أكن مستعداً لها بعد ..
ترددت ولكن ماجعلني أحاول مرة أخرى هو الشغف للكتابة.
.
#اتمنى_لكم_قراءة_ممتعة
.
#البداية
أعرفكم بنفسي : أنا طارق كاتب بجريدة اقصوصات،، قسم باب ماوراء الطبيعة والرعب ..
كنت قد تركت عملي أو بالأصح تغيبت عنه لأسباب احتفظ بها لنفسي ..
وعندما عدت رحبوا بي جميع الصحفيين والكُتاب معاً بالرغم من اني تغيبت بدون سابق إنذار او إخبارهم بذلك ..
لم انسى كلمة المدير عندما أخبرني : أن جميع قرائي كانوا مستائين بسبب غيابي لدرجة أنهم أعلنوا عن احتياجهم لكاتب قصص الرعب .
واخبرني أيضاً انه تقدمت بنت للعمل بهذا المجال وقال بأنها تذكره بي , نفس الشغف ونفس الجرأة ..
واعتذر لي وقال سامحني يا طارق أنا لن أستطيع التخلي عنها حتى بعد عودتك لأنك تتغيب بشكل مستمر وأننا مسؤولين عن الالتزام بأوقات النشر ولذلك سأقسم الكتابات والأبحاث بينك وبينها، ولكن لا تقلق ياطارق فهي تعلم إنك اقدم منها ولك خبرة عالية ..
هذا كان كلام المدير، كانت صدمتي أن أسطورة طارق كاتب الرعب المشهور تنهار أمامي وظهر وجه جديد على ساحة هذا الباب المرعب ..

والسبب أنا من تغيبت وأهملت عملي، توقفت عن تفكيري والمدير يقول : أنا أريد أن أعرفك عليها، هي الآن موجودة في مكتبك لكن أعدك يا طارق أننا سنعيد لك مكتبك وسنأتي بمكتب جديد لها ..
اصطحبني المدير لمكتبي أو بالأصح الذي كان مكتبي ،ولكن الذي لفت انتباهي أن المكتب كان أكثر تنظيماً وظهرت عليه اللمسة الأنثوية ..
دخلنا إلى الغرفة وعرفني عليها ..
قال المدير : أعرفك يا طارق هذه مريم أحد أكثر المهووسين بكتاباتك والتي أحبت الرعب بسبب ماتكتب ..
فقلت اهلا وخرجت عن الغرفة ..
قال لي المدير : ماذا بك يا طارق ؟ لا تخف لن ينقص مرتبك نحن فقط نريد أن تتقاسموا الكتابة ليصبح عملكم أقوى ولكي لا يُسيطر الملل على القُراء ..
تركته وذهبت إلى المنزل وأنا أفكر انه لابد أن أعود لعملي أقوى من السابق .. وإني سأبحث عن جريدة أخرى تُقدرني ..
قطع تفكيري : صوت الهاتف
رديت : الو
بصوت انثوي : الو أنا مريم هل تذكرني ؟ أنا صاحبة قسم ماوراء الطبيعة ..
رديت عليها : صاحبة القسم ؟ اها نعم أذكرك !
قالت : من مدة أتاني جواب من قارئ يحكي كلاماً غريباً
قلت : ماذا ؟
قالت : يقول بأنه باحث آثار ويبحث عن كنز في منزله ويقول بأنه منذ بدأ بذلك وهناك شيء غير عادي يحدُث.
ومن خمس دقائق اتصل على هاتفي وقال لي: اسمعي
فسمعت أصواتاً وصراخ وكأن هناك ناس ينحرقون ..
ومن وقتها أحاول الاتصال به ولكنه أغلق هاتفه فلم أجد غيرك لأخبره ..
أنا أعلم إنك لا تحبني ! ولكن ليس لي ذنب بذلك، أنا وجدت إعلان توظيف وتقدمت وتم قبولي يعني اني لم اقصد أن آخذ مكانك صدقني.
قلت لها : مريم اسمعي جيداً، غداً أحضري لي الجواب الذي أرسله إليك ولنرى ما الذي يمكن أن نفعله.
خلدت للنوم وأنا أفكر إني من الممكن أن أثبت نفسي مرة أخرى غداً وأن اثبت مدى جهل مريم.
أو من الممكن أن تكون سيدةً جيدة وأن نتقبل بعضنا في العمل سوياً.
في اليوم التالي ذهبت إلى الجريدة وحين دخلت وجدت مريم أمامي وكان واضحاً عليها إنها لم تنام الليل كله، وأعطتني الجواب .
كان في البداية الكلام موجهاً إليّ أنا ولم يكن لها.

كان هذا نص الجواب :
أستاذ طارق، أنا اسمي عماد وأعيش بمنطقة بعيدة نوعاً ما ولدينا فيلا قديمة نعيش بها ودائماً كان يأتي لوالدي عروضاً لبيع هذه الفيلا وكان يرفض بشدة، وبعد وفاته، فتشت ببعض أوراقه فوجدت يومياته أو مذكراته، جميعها كانت عادية ولكن كان هناك فصل بهذه المذكرات كان يُسمى
" تحت الارض "
وتفاجأت أن والدي كتب أن هناك باب مخفي سري بالمخزن يقود إلى ممر طويل يقود إلى شيء ما،،و هو متأكد منه ..
وكتب إنه كنز !!
ذهبت مسرعاً للمخزن ووجدت هذا الباب الذي لم ألاحظه يوماً من يوم سكنا بالمنزل ..
مشيتُ بالممر ولكني رجعت وقررت إني سأعود غداً بسبب خوفي وقلقي ولكني لم أعود مرةً أخرى فالكوابيس من ذلك اليوم وهي تُلاحقني.
حتى وأنا مستيقظ اسمع أصواتاً آتية من المخزن ولم يكن أحد من أهلي يسمعه غيري ..
أرجوك يا أستاذ طارق أن تُقابلني في أسرع وقت أنا وضعت لك رقمي في الجواب فقط أخبرني متى ستُقابلني، وشكراً
أخبرت مريم إني سأذهب لذلك المدعو ب عماد أخبرتني إنها تريد ذلك أيضاً ...

ماذا سيحدث ؟
هذا ما ستعرفونه في الحلقة القادمة ...



#بشرى_عوض_Bushra_Awd

إنسان بعد الواحدة

بقلم: رحاب يعقوب (مُور فِـيـنَا)

الحلقة الأُولى

"ونستقي المُر من كأسِ الحياة بلا توقُّف"

"النداءُ الأخير، ستقلع الطائرة المُتجهة نحو المملكة العربية السعودية، على جميع الرُكاب على متن الطائرة الاستعداد وربط أحزمة الأمان وإغلاق الأجهزة الجوَّالة"

هكذا وبلهجةٍ إنجليزية جاء هذا النداء قبل أن تنطلقَ الطائرة في رحلتها بين الغُيوم، جلستُ أفكّر وأجوبُ أفكاري: "يا تُرى من أنا؟ لمَ لا أذكر من أنا؟ لأي عائلة أنتمي وأي مدرسةٍ درستُ بها؟..." الحقيقة أنا لا أذكر غير أنّني شخصٌ مُتيم بالسفر، ومليءٌ بالثغرات التي أبحث عمّا قد يسدّها في هذا العالم البائس، لذا أنا الآن على متنِ هذه الطائرة لربّما.

"مرحبًا"
جاءني هذا الصوتُ الأنثوي الرقيق من الكُرسي المجاور، حانت منّي التفاتةٌ سريعة نحوها؛ فإذا بي أرَى جنّةً على هيأةِ فتاة، عطرها الصارخ الذي دغدغ أنفي جعلني أشعر أنّها مخلوقةٌ من رحم زهرة، وعيناها الزرقاوتين تبدو سماءً تناثر السحاب حوله واحتضنته، أهل هذه بشرٌ مثلنا؟... داهمت أحاديثُ الهوى بداخلي بتلويحةٍ من يدها وابتسامة أفلحت أن تخترقني بها:
_ مرحبًا.. هل تسمعني؟

قالتها بلهجةٍ إنجليزية طلقة ومكلَّلة بالفتنة، أجبتُ وأنا أحاول صرف نظري عنها:

= أجل.. مرحبًا
_ كيف حالك؟
= بخير
_ رأيتك مهمومًا بعضَ الشيء فأحببتُ أن اسألك.
= أوو.. هل تجلسين هُنا منذ لحظة الركوب؟
_ أجل

سحقًا، كانت تجلسُ بجانبي منذ بدايةِ الرحلة ولم انتبه لها؟ كيف لفتاةٍ سماويّة الوجه مثلها أن تسأل عن شخصٍ مثلي؟ أهل أبدو مميّزًا أم أنني مثير للشفقة كعادتي؟ بدأت الشكوك والتساؤلات تُمطر على عقلي مطرًا؛ فالمصابُ بلعنةِ الريبة لا يُشفى، والثقة المُنهزمة ستبقى دومًا وحلُ المشاعر الذي لا منجاة منه، وجدتُ فضولي يقتادني نحو سؤالها، لا أعلم لم يحدث معي هذا في هذه اللحظة؛ سألتها بلا مقدِّمات:

_ هل أنتِ من النمسا؟
= لا أنا من تركيا.
_ هه، كنت متأكِّدًا.
= عفوًا، ماذا تعني؟
_ انسي لا شيء.
= حسنًا، أنت من النمسا صحيح؟

أومأتُ برأسي مُشيرًا للإيجاب واكتفيت بذلك...

= أوه، لم تتجهُ نحو المملكة؟ هل أنت مسلم؟
_ وهل بالضرورة أن أكون مسلمًا؟
= لا لم أقصد ذلك.
_ حسنًا.
= لا أريد ازعاجك، ولكن حدِّثني، ماذا يجول بخاطرك الآن؟

تبًّا ما بها هذه الفتاة كثيرةُ السؤال، يبدو أنَّها لا تعلمُ أنّه لا بدّ أن لا تسأل شخصًا مغمورٌ بالريبة مثلي؛ فإنه وإن بدا أنّ منبع البراءة هو عينيها ونبرةُ صوتها، لكنّي مؤمنٌ
أن الخداع ما ارتدى إلَّا ثوب الطيبة، تنهّدتُ وقلتُ عبارةً تجسَّدت حياتي فيها:

_ خواطرنا لا تنجُ من التفكير المُظلم، ونستقي المُر من كأسِ الحياةِ بلا توقُّف.

سيطرَ الصمتُ بعد هذه العبارة على الجو المحيط بنا لفترةٍ طويلة، لا أدري كم قدرها، لكنّها طويلةٌ جدًا تمنيّتُ بعدها أن أسمعَ صوتها ولو لمرَّة، وكنتُ أحاول أن أختطف نظرةً منها في كلّ حين ولكنني أجبنُ من أن أفعل ذلك، مر الوقتُ بين ألمٍ وألم، لقد قضينا يومًا كاملًا على متنِ هذه الطائرة، تمنيتُ لو أنه قرن لأنظر لها وهِي نائمة كنرجسٍ في حُضن الأحلام، لأوَّل مرّة اتأمّل شخصًا هكذا، وجنتيها ممتلئتان كطفلين زائدين في الوزن، أهدابها تُنافسان البحر في غزارتهما، امرأةٌ كان لوجهها من اللمساتِ الملائكيّة نصيب، لا أعتقد أن لغيرها هذا النصيب، قضيتُ الوقت أتتبّع قسماتها النائمة وأرسمها في لوحة ذاكرتي؛ فبالكادِ لستُ محظوظًا لألتقي بها مرَّة أخرى، فاجئني نداءُ الاستعداد لهبوطِ الطائرة، أوه لا! متى أقلعنا حتّى تهبط الطائرة؟ ما هذا أكان هذا سفرٌ أم رحلةٌ من منزلي للجامعة؟ استيقظت وهي تتثاءبُ على حسِّ هذا النداء، تغلق فمها بأصابعها الرقيقةِ كقطعة البسكوت، ثمّ تبتسمُ تلك الابتسامة مجددًا وكأنّها تقصدُ أن تجعل مشاعري تضطربُ بهذه الطريقة:

_ مرحبًا، صباحُ الخير.
= صباح النور، ستهبط الطائرة.
_ حقًا؟

تحوَّلت ملامحها المُبتسمة إلى متوتّرة فورًا بعد هذا السؤال، جعلني هذا أشعر بأنّها أيضًا لا ترغبُ في أن تنتهِ هذه الرحلة مثلي، قبل أن اسألها شعرتُ بأننا نتجه نحو الأسفل بقوَّة، مم جعلني أغمض عيني، وبعد مُدَّةٍ لا أعلمُ قدرها فتحتُ عيني على هبوط الطائرة وترجل المسافرين على متنها، جمعتُ قواي لأنزل، وربَّما كُنّا آخر النازلين، أردتُ الاسراعَ للدخول إلى المطار دون أن التفت لها، ولكن...

يُتَّبع.

#صلِّ على النبي
#البداية ♡