بسم الله 💛
"اللهم ارفع عنّا البلاء والوباء"

رواية جديدة 🌸


#كسر_مركب 🖇💔

لـ :- آية الفاضل


-1-
#البداية

" فـ الأقدار كلها خير ولو أحزنتك 🕊💛.

.....:- الود دا ي إما مكتئب ي إما مكتئب ..
.....:- ي إما مشوكش 🤣
......:- بس ي بت انتي وهي سيبو اخوكم ف حالو ..وانتي ي سلمي قومي شوفي الاكل الفي النار دا ..
سلمي :- حاضر ي امي بس برضو الود دا مشوكش 🏃🏻‍♀️
.... :- مخليكم تتكلمو عني براحتكم انا وللان م رديت علي وحدة فيكم بس لو رديت ..
امهم :- معليش معليش ديل بنات معولقات ساي ..اها م ناوي تقول مالك ..من الصباح قاعد ف السرير وم بتتكلم وصاري وشك .. مالك ي احمد ؟!
أحمد :- م ف شي بس حاسي بيأس شديد مع انو م مفروض ايأس بس م بعرف ف شنو 💔
امهم :- م تقول كدا ي ود كلو لخير وكلو حيتحسن .
سارة :- ف الاخير مكتئب يعني كلامي الاول صاح ؟
أحمد :- م ناقصك والله ي سارة انتي والهبلة التانية ..

"سلمي جات جري من المطبخ وقالت ليهو :- سمعتك علي فكرة ..

سارة :- المهم اسه ورينا مالك بالجد قبل ابوي يجي ويشوفك كدا .. انت بتتدلع ي ولد ؟؟

"فجأة جاهم صوت من برة الاوضة بقول :- اها ابوهو جاا وشافكم 😌

احمد :- ابوي ديل بنات سغيلات والله .. الواحد يقعد براهو حبة يشبكوهو مكتئب وشنو م بعرف و وحدة تعمل ليك فيها كبيرة وتقول لي مدلع وم بعرف شنو ..
عم عبد المنعم (ابوهم) :- اها ورينا مالك وعملت شنو ف مقابلة الشغل الليلة ؟
أحمد :- دي المشكلة هنا ..م اتقبلت وحاسي بخزلان كبير لانها رابع مرة ف الاسبوع دا ..💔
امهم (سامية) :- ولا يهمك بكرة تلقي الشغل الاحسن من كل المقابلات الفاتو ..
سارة :- صاح ي أحمد .. انت م تيأس بس .. وشوف انا قدامك قريب السنة حتي لقيت الشغل دا ..
عم عبد المنعم :- ولدي البعرفو بحاول وم بوقف صاح
أحمد :- صاح ي ابوي .. الله يخليك لينا دائماً فاهمني ورافع معنوياتي 💛
سلمي :- الله الله طيب وامي وسارة وانا نحن قعد نحبطك يعني ولا كيف .. عذراً ي والدي العزيز بس الولد دا نكّار جميل 🌚
أحمد :- ولا حرد اصلاً ..

"عم عبد المنعم ضحك فيهم وبعدها اتغدو سوا وكملو ونستهم" 💛
عم عبد المنعم هو الاب .. رب الاسرة ..شخص حنون جداً .. مُحب لزوجتو .. شغال ف هيئة حكومية من سنين .. وبين الاشغال البسيطة ف شبابو قدر يربي اخوانو الصغار لانو كان الكبير فيهم و والدو اتوفي من بدري وخلي اخوان عم عبد المنعم صغار جداً .. ساعتها اشتغل وقرأ وكافح مع امو لحدي لمن كبرو اخوانو وكِبر هو ف شغلو ومكانتو واتزوج سامية وحالياً عايشين ٢٧ سنة مودة ورحمة💛 وجابت ليهو اول فرحة ف حياتهم "سارة" ملت حياتهم فرح لحدي لمن جاا بعدها "أحمد" وزاد الفرح واخيراً اخر العنقود "سلمي" وزادت الفرح تاني 💛 وكمان عم عبد المنعم مشهور بانو فكاهي جداً ومحبوب من الكل وخاصة اخوانو اللي حاسين ناحيتو بالابوة وانو صاحب الفضل عليهم لانو رباهم مع امو لها الرحمة والمغفرة .. وحالياً كل شخص فيهم متزوج وعندو حياتو "


سلمي :- ابوي انت معاي ولا سرحت ؟
عم عبد المنعم :- معاك والله لكن م حاسة انو ليك نص ساعة بتتكلمي ف حاجة واحدة وانا اصلاً م فاهمها هي شنو ..
سلمي :- يعني طلعت م بقدر اشرح واوصل الفكرة 😭💔 حعمل شنو ف يوم بكرة دا ف الكلية اختاروني انا اتكلم ..
عم عبد الله :- انتي حالياً جاية م مخططة موضوعك ولا مرتبة افكارك ومتوترة ،، ركزي وحتنجحي ثم دي م اول مرة صح ؟
سلمي :- م أول مرة بس مهمة ي ابوي ..
عم عبد المنعم :- انتي خريجة وف اخر سنة ليك يعني بتقدري بس ركزي واهدي حبة بدل الجن والجوطة ديل ..
سلمي :- 🙈سمح ي ابوي .. يلاااا حمشي اظبط اموري الي اللقاء ي ابي🏃🏻‍♀️
عم عبد المنعم "وهو بضحك" :- الي اللقاء 😹
سامية :- والله ي عبدو الشغل الايام دي فاير شديد ..
عم عبد المنعم :- ليه خير الحاصل شنو .. ولا مشاكل التعليم اصلها م بتخلص زي مابقولو ..
سامية :- والله ياهو زي ماقلت م بتخلص .. بس الحمد لله ..
عم عبد الله :- التعليم الاساسي بالذات لانو اساس ويتبني عليهو الطفل وتعليمو اشان كدا لازم يبقي اساس متين وقوي ..
سامية :- حقيقي ودا بكبر المسؤولية علي اهل المسؤولية ..
عم عبد المنعم :- حقيقي ..


"سامية هي الام وهي ربة المنزل 💛 كانت شغالة مُعلمة وحالياً شغالة موظفة ف إدارة التعليم الأساسي
اتزوجت عم عبد المنعم من ٢٧ سنة وعاشت معاهو علي الحلوة والمُرة يعني رفقية عُمر ودرب" 💫

.............................
صباح اليوم التاني :-
أحمد :- صباح الخير ي نبع الحنان .. الليلة مقابلة شغل جديدة وعايز دعوات كتيييييرة عليك الله ..
ام احمد :- داعية ليك وراضية عنك 💛
سلمي :- بتقولو ف شنو براحة كدا ..
أحمد :- اسرار ماليك اي دخل بيها والله ..
سلمي :- ايوا قلت كدااا !؟
أحمد :- قلتي لي مشوكش ؟ امبارح عاملة لي نفسك مشخصاتية نفسية وتقولي لي مشوكش ؟ بوريك مشوكش دي عاملة كيف ..
سلمي :- المصيبة اني عارفاها واقدر اعرف شوكشتك ولا لااا ف ثانية 😌

أحمد :- انا حمشي بدل ارفع ضغطي ساي هنا ..
امهم :- موفق ي رب
سلمي :- موفق ي حمادة 🌚💛

امهم :- اها حشرية هانم واقفة لي عايزة شنو ؟
سلمي :- جاية اسلم عليك قبل امرق الكلية واخد رضاك اشان انتي حبيبتي وقلبي وروحي وحياتي و ...
امها :- عايزة كم ؟
سلمي :- 🙊٣٠٠ جنيه .. يشهد الله فاهماني ي نبعو ..
امها :- اعمل شنو والداك وعارفاك ..
سلمي :- يلاااا الي اللقااء 🏃🏻‍♀️
سارة :- امي ي امي صباحك ورد💛
امها :- صباح عسل زي بتي دي ..
سارة :- الله الله باينو يوم حلو زي امي كدا ..
امها :- ربنا يسدد خطاك ي بتي ويسعدك .. يلا شيلي شاييك اشربيهو ..
سارة :- ودا ل ابوي صح ؟ حشيلو ليهو معاي نشرب سوا ف الحوش .. اولادنا طلعو مش 🤣
امها :- بتي الكبيرة ي ناس البتربي ف اخوانها الصغار ..
سارة :- مع سارة اولادك ف ايدي امينة 🤣
امها :- دا الحال الفرق بينك وبين أحمد ٣ سنة بس وبينك وبين سلمي ٤ سنة ونص وعاملة عليهم كبيرة القوم ..
سارة :- 🙈
امها :- يلا ي الكبيرة العاقلة شيلي الشاي اشان نمرق وم تتأخرو علي شغلكم ..
سارة :- حاضر


( "سارة" كبيرة البيت وفخورة انها الكبيرة شديد .. عمرها ٢٥ سنة .. خريجة لغات .. وشغالة ف شركة انترناشونال من النوع العندو ف كل دولة فرع .. الشغلانة جاتها بعد تعب ومعافرة وتشجيع من ابوها عم عبد المنعم .. )


أحمد :- لا ولا يهمك .. شكراً لوقتك
مدير الشركة :- مؤهلاتك كويسة شديد وان شااء الله فرصتك ف الشركة الحرسل ليهم ملفك تبقي احسن..
أحمد :- شكراً ليك .. علي اذنك


أحمد "مع نفسو" :- اخخخ ي رب العون من عندك ..

تلفونو ضرب وكان الاسم الهو بحبو وجنبو قلب 💛
أحمد :- دايماً بلقاك وقت احتاجك دايماً ..
.... :- وطول م انا عايشة حتلقاني وقت تحتاجني .. اها مالك .. أحمد صدقني حتلقب الشغل باذن الله .. عليك الله م تشيل ف قلبك كدا ..اشان خاطري ..
أحمد :- حاضر والله 💛 ان شاء الله كلو لخير .. المهم انتي وين خلصتي محاضراتك ؟
..... :- ايوة وراجعة البيت
أحمد :- صحي عم عادل كيف اسه كويس ؟ امس سألت ابوي وقال لي اتحسن ..
..... :- كويس اسه الحمد لله وامبارح عم عبد المنعم كان بتكلم معاهو ف التلفون ..
أحمد :- تعرفي صداقة ابوي وابوك دي دايماً بتديني طاقة ايجابية ..
......:- صح والله .. ربنا يحفظهم لبعض ويديماا 🌸 ويحفظك لي ..
أحمد :- آميييين ي رب ..
...... :- يلا حقفل انا مع السلامة .،
أحمد :- شـهد
شهد :- ايوة ي احمد
أحمد :- انا بحبك 💛
شهد :- وانا اكتر ..


( "أحمد" شاب طموح جداً ..اتخرج من قريب السنة من كلية الهندسة .. وبفتش علي شغل من وقتها .. اوقات كتيرة بيأس ويقعد ف البيت بالايام بس عم عبد المنعم دايماً بشجعو وكان بشاكلو عديل لمن يسمعو يقول : "انا شكلي م حشتغل وم حشوف مستقبل" .. بس برضو بحاول ويعافر ولسه م لقي شغل .. بحب شهد جداً وهي بت صحب ابوهو .. واضح انو ابهاتهم هم سبب تعارفهم ودا لانو عم عبد المنعم بيعز عم عادل صحبو دا جداً لانو رفيق درب برضو ولذلك بيسوق عيلتو ويمشي ليهو وبالمقابل عم عادل بيسوق عيلتو ويجوهم زيارة ... ف من سنين أحمد عرف شهد وهي كانت ف الثانوية وكان صاحبها وبحبها والي الآن وهي فضل ليها سنة ونص ف الكلية وتتخرج" 💛


#تُستكمل

كنت أجبر خاطر الجميع أملا أن يجبر خاطري يوما !💔

‏الأستغفار : وطنّ للخَائفين، ضِماد للبائسِين، سعَاده للتائهين، فرجّ للمكرُوبين، غُفرَان للمذَنبين، شفاء للمتألمين، استغفرالله العظيم وأتوب إليه.

لبيكَ اللهُمَّ حُبًا وإشتياقًا، لبيكَ خوفًا ورجاءً، لبيكَ قلوبًا قد اشتاقت إلى لقياكَ، لبيكَ ربي وإنْ لم أكنْ بين الحجيج ساعيًا ومُلبِّيًا.

كأن تأتي الله فارغاً فتفيض ♡✨

رُبَّ رُكعَةٍ يُقَالُ لَكَ فِيِها ؛ "قَدْ أُوْتِيْتَ سُؤْلَكَ" 💙

‏فقط اصبروا وصابروا ، فَ لو كانت الدنيا سهله مُيسّره لما كان الصبر أحد أبواب الجنّه💙✨.

ثم اني لم احبك بقلبي😴💔 لان القلب يتوقف🙂ولا احبك بروحي لان الروح تذهب❤🖤 احبك في الله لانه هو الحب الذي لا يموت💗🙂✨🗝💙
#ألَآء حمدي

#كسر_مركب 🖇💔

-2-

سلمي :- دا شنو اليوم الطويل المابينتهي دا ..
نهي (صحبة سلمي ):- خلاص هانت اخر محاضرة خلااص ..
سلمي :- اخخ ي ربي .. والله طاقتي نفذت خلاص ،، ارح ناكل شي ..
نهي :- ارح .. بالمناسبة عمر سأل منك الصباح ..🌚
سلمي :- عليك الله قولي ليك شي سمح بدل السيرة الاستغفر الله دي ..
نهي :- حرام عليك مجرياهو وراك من سنين ..
سلمي :- ي بتي دا واحد دخلنا سنة اولي كان فاينل وحالياً نحن فاينل وهو برضو فاينل .. لو البحصل دا بسبب ظروف حاصلة ليهو انا بقدّر دا واراعي واقيف معاهو بس دا لعب .. م معقولة كدا .. وماسك عشرين الف بت عامل فيها بحبها ويجي يقيف قدامي بكل بجاحة يقول لي : نتصاحب ي سلمي ؟
ي حبيبتي دا بيلعب ساي .. يلا بس نأكل ..

نهي :- 😹عسسسل والله ي سلمي ،، علي رأيك يلا ناكل

...............................
عم عبد المنعم جا راجع من الشغل ف ميعادو ودخل لقي احمد قاعد جوة .
عم عبد المنعم :- سلام عليكم .
أحمد :- عليكم السلام ي ابوي ..كيف يومك ؟!
ابوهو :- كويس الحمد لله .. بس باين من الوش الزعلان دا انو يومك م تمام ..
أحمد :- الحمد لله بس .
ابوهو :- ي ولدي المستقبل قدامك منور وانا واثق من دا ،، شوف كل احلامك الفي لستتك دي حتتحقق ان شاء الله بس انت وسع الطرق بتاعتك ،، انا عارفك بتعافر وتفتش ف شغل بس انت حصرت نفسك ف مجالك بس ،، انت بتعرف تعمل حاجات كتيرة صح ف حاجات موهبة منك وحاجات اتعلمتها ف مسيرتك الدراسية وحاجات علمك ليها الزمن ،، استفيد منها وانا واثق حتنجح فيها وتكسب خبرات تفيدك لمن تشتغل ف مجالك ..

أحمد :- صاح ي ابوي .. انت صاح دايماً ..

سارة :- سلام عليكم ومساء الخير عليكم .
عم عبد المنعم : وعليكم السلام ومساء النور والسرور ..
أحمد :-عليكم السلاام
سارة (بعد قعدت واتربعت) :- بتحكو ف شنو ؟!
أحمد :- يعني الاتنين شمارات زيادة عن اللزوم انتي والتانية ديك ..
سارة :- ولد عيب تكلم اختك الكبيرة كدا 😌 وقدام ميين ! قدام الوالد كمان ..
ابوهم :- كملو انتو ف البتسو فيهو دا انا رايح اغير هدومي واستني امكم تجي تغديني .. 🚶🏻‍♀️
سارة :- صحي امي وسلمي م جو ؟
أحمد :- لالا لسه ..
سارة :- احكي لي عملت شنو انت الليلة ؟
أحمد :- ولا شي ،، مدير الشركة حولني مقابلة ل شركة تانية وشايف انو مؤهلاتي كويسة بس م عندو خانة لي ..
سارة :- طيب مايمكن فرصة الشركة التانية احسن .. انت م عارف الخير وين ي حمادة ..
أحمد :- عارفة انك ف رحلة بحثك عن العمل تاني مثال أعلي لي بعد ابوي ..
سارة :- عارفة عارفة 😌💛 ي رب اشوفك احسن مني كمان ..


...................................
سلمي :- ي قمر ي سُكر دي شنو الحلاوة دي ،، يشهد الله البجامة حتاكل منك حتة 🌚 ..
سارة :- ي شيييييخة ؟؟؟؟؟ سلمي ذات الاسلوب الواحد ف طلب المصلحة ودايماً كسير التلج حقها م جايب حقو ،، عايزة شنو اختصري بس اشان الواطة ليل ولو لحقت مسكت اضانك دي م بفكها وتقعدي تصرخي وتلمي النايمين ..
سلمي :- لا لا ،، الله م يجيب مسك اضنين ،، كنت عايزاك تسلفيني شنطتك الرمادية القمر الشبه ستها دي 🌚
سارة :- الرمادية ؟؟ البتشبه الوردة ها ؟
سلمي :- اينعم ..
سارة :- الفي الدولاب حقي ؟ الفيها كيس صح؟ الانا م لبستها صح ؟؟ الاشتريتها الاسبوع الفات صح ..
سلمي :- بالظبط كدا 😃
سارة :- حقيقي لساني يمتنع عن الرد .. اسلفك باقي الدولاب كلو ولا تشيلي دي حبيبي انا 🙂 وي رب يدي م تجي جنب اضانك ..
سلمي :- شكراً ي اختي او الكنت فاكراك اختي 😏
سارة :- عفواً حبيبتي يلا اقري ليك شي تنفعك ..
سلمي :- كان بودي بس نعست خلاص يلا تصبحي علي خير ،، اطفي النور ..
سارة (وهي بتطفي ف النور) :- ي رب من عندك الصبر
(سلمي "اخر العنقود" ف اخر سنة كلية خلاص ،، بتقرا تقانة معلومات .. مشهورة بانها دمها خفيف وفرفوشة جداً ..وف البيت بتكسر تلج لمن تكون عايزة شي .. عندها لمسة خاصة وسحر خاص زي مابقولو 💛 عندها ابوها مرايتها ف الحياة حتي لو عندها شي لازم تقولها بتجي تجرب وتقيف قدامو وتقول ،، بتثق ف رأيو جداً .. وبتقول عايزة فارس احلامها شبه ابوها ولمن يتقال ليها :- زي ابوك يعني ؟
بتقول :- لا ،، ابوي م في زيو .. شبهو بس 💛)
..........................................

عم عبد المنعم :- ان شاء الله الليلة بعد المغرب حمشي اشوف عادل ..
سامية:- بقي كيف اسه هو ؟
عبد المنعم :- كويس ،، صوتو كويس الحمد لله ..الحيمشي معاي منكم منو ؟
أحمد :- انااا 😃

سارة :- 👀
سلمي:- 👀
امهم:- 👀

أحمد :- قصدي انا فاضي ي ابوي وممكن امشي معاك اشان م تمشي براك ..
عم عبد المنعم :- طيب جداً .. اجهز بس بعد صلاة المغرب .. يلا انا قايم اشوف نشرة الاخبار ..

أحمد :- مالكم انتو بتعاينو لي كدا ؟
سلمي :- لا ابداً بس سمعنا زول قال (انااا ) وكأنو م م صدق 🌚
سارة :- 🙊
امهم :- بري النقوم اشوف شغلي ..
أحمد :- انا زاتي قايم وطالع .. مع السلامة ..

سارة :- تتذكري ي سلمي لمن قبضتي احمد بتكلم مع شهد ف التلفون وفجأة لقي نفسو قاعد ف الارض وم كان منتبه زاتو 😹😹
سلمي :- ايوة ايوة ،، وتاكي راسو علي السرير وقرب يكسر رقبتو زاتو ..
سارة :- بالمناسبة شهد كانت قالت لي نتلاقي يوم نحن التلاتاء وقلت ليها يكون يوم خميس .. رايك شنو الخميس الجاي ؟
سلمي :- حلو شديد ،، قداااام
.............................................

عم عادل :- كبرنا ي عبدو بقينا اقل شي تأثر فينا وتقعدنا اسبوع ف السرير ..
عبد المنعم :- ي زول لسه شباب ورياضة ياخ ،، لو علي حبة المرض دي ااي زول بيمرض ، البني آدم ضعيف اصلو ،،، ي زول انا عن نفسي شباب اكتر من الولد الجنبي دا 😌
أحمد :- دا حقيقي ي ابوي .. والله الشباب شباب الروح ..
عم عادل :- فعلاً .. ي شهد وين الشاي ي بتي
شهد :- جيت ي ابوي ،، ازيك ي عم عبد المنعم ..
عم عبد المنعم :- الحمد لله بخيير ي شهودة ،، كيف قرايتك ،؟
شهد :- الحمد لله كويسة ..ازيك ي احمد
أحمد :- كويس جداً الحمد لله 💛 "وكان بعاين ليها "

شهد بعد ختت الشاي خجلت وطلعت سريع ..

...................................
صباح يوم جديد :-
سلمي :- متأخرة شديد شديد ي أمي م حقدر اشرب الشاي والله .. كبيهو لي ف كباية الساخن اشان م اتأخر ..
امها :- ي بت انت طول عمرك مستعجلة كدا ،، كلو من النوم ..
سلمي :- موح مع السلامة ي امي 🏃🏻‍♀️

نهي :- مابدري ي الاخت المحاضرة باقي ليها ٣ دقايق ..
سلمي :- ارررحح اجري ي بت نحصل .

بعد المحاضرة :-
سلمي :- ي دوب كدا اقدر اشرب شايي .. اخخ الليلة كنت متأخرة شديد ..
نهي :- حروح اجيب سندوتش .، اجيبلك شي ؟
سلمي :- لالا حبيبي حشرب الشاي بس ..
نهي :- طـيب


(سلمي كانت قاعدة بتشرب وبتتفرج ف تلفونها ومندمجة )

..... :- احم احم
سلمي :- عمر 😳!

عمر :- ايوة عمر .. المطنشاهو ليك كم يوم ..
سلمي :- والله انا م مطنشة زول وقاعدة مسنترة والعايزني بيلقاني قاعدة ..
عمر "وهو بشرب ف سيجارتو" :- وليه انا لمن اجيك م بلقاك .،
سلمي :- والله م بعرف ،، غايتو هي نوايااا وجايز النوايا بتاعتنا م جاية سوا 😏

عمر :- امم كويس ،، ممكن برضو ..طيب بما إنو نوايانا خلتنا نتلاقي الليلة ،، تجي اعزمك برة الكلية ؟
سلمي :- اسفة م فاضية ،،مشغولة ،، واسه كمان مشغولة جداً بس اديتك من وقتي ٥ دقايق اشان المعرفة البينا بس ..
عمر :- لا عليك الله ؟!
سلمي :- علي اذنك ي استاذ 🚶🏻‍♀️

"سلمي بتتكلم مع نفسها :- واحد سغيل وبايخ ...قال اعزمك قال 🥴

نهي :- بتتكلمي مع نفسك وماشة سريع كدا ،،بتقولي ف شنو ؟
سلمي :- الشي الاسمو عمر دا ،، جاا قعد لي واعزمك برة وم بعرف شنو ،، انا م عارفة حرفياً اخليهو م يجي جنبي تاني كيف ؟؟ اللهم عدي الشهور الفضلت دي علي خير ،،
نهي :- قلتي براك فضلت شهور بس معليش استحملي 😹
سلمي :- الله يستر بس .. يلا جوعني الكلام الكتير حمشي اكل ..

..................................
لينا "صحبة سارة" :- سرسورة اتخيلي عملو قروب من ناس الكلية دخلوك بش خشي واتس ابوس يدك ي سجم ..
سارة :- قروب ؟ غير قروب الدفعة يعني ؟
لينا :- لا واحد تاني فيهو ناس من دفعتنا وناس الدفع القبلنا .. القروب الكنا عاملنو زمان ،، م اتذكرتي ؟
سارة :- اهااا اهااا اتذكرت ايوة .. حخش حاضر .

في الواتس آب :-

"سارة خشت وسلمت واتونست معاهم ،، وقبل تطلع من الواتس آب جاتها رسالة ف الخاص ..
....... :- سارة ؟! سارة عبد المنعم ؟ برلومتي الزمان ديك ،، حقيقي م مصدق ..
سارة :- ايوة انا سارة ،، انت ؟؟
....... :- انا مهند
سارة :- مهند 😃)؛


#تُستكمل

‏المشكلة في العلاقات الما قادرين نرجعها زي الأول ولا قادرين ننهيها...
#ألَآء حمدي

بالجد في ناس ممكن نسميهم هرمون السعادة❤ فرحة عمر او بالأحرى هم نعمة من ربنا😍😍 يحسسو الزول انو عمل حاجة حلوه وربنا كأفأنا بيهم🤩 عارفين عيوبنا وخافينها ؛... وعارفين نقاط ضعفنا ومحترمنها .. وجودهم معانا بالدنيا🤗😊 هم رضا وجبر خاطر 😃 وبدعموك من كل النواحي وبخلو ليك بصمة تسعد بيها طووول العمر وم بنندم ع اختيارهم مهما كان هم ح يفضلون جوااانا ومعانا للابد😚😚 💖
#ألَآء حمدي

#كسر_مركب 🖇💔

-3-


عم عبد المنعم :- ياسلام ياخ اخبار جميلة من بشاير العيد الكبير ..
سامية :- ماشااء الله الحصل شنو 😃
عبد المنعم :- فاطمة بت محمود اخوي جاها عريس وباذن الله العرس ف ايام العيد ..
سامية :- ماشاااء الله ،، الف الف مبروك ..
سلمي :- سمعت حاجة .. بجد فاطمة حتتزوج 😃
عم عبد المنعم :- ايوة ،، عقبال افرح بيكم انتو ..
سامية :- ان شاء الله ي رب ..
سلمي :- الله ،، عندنا عرس قريب ..

................................
مهند :- وين انتي اختفيتي فجأة ورقمك بقي م بخش واتس ..وم لقيتك ف القروبات ..
سارة :- ااي والله كنت غيرتو والتلفون اتفرمط وهيلمانة بس الحمد لله .. اها انت عملت شنو لسه مسافر ولا جيت ؟
مهند :- لا جيت خلاص .. بعد ال٣ سنة الاشتغلتها هناك جيت الفرع الهنا في السودان لي زي ٤ شهور ..
سارة :- ماشااء الله حلوو شديد ،،
مهند :- وانتي لسه ف الشركة ديك ؟
سارة :- ايوة الحمد لله يادوب ثبت رجلي فيها واسه الوضع كويس الحمد لله ..
مهند :- تتذكري ايام الكلية لمن كنت بجي احضر معاك محاضرات واخلي حقاتي ولمن دفعتك اكتشفوني سنير شغلوها لي بالشهور 😹
سارة :- ايوة ايوة بتذكر .. والله للان الواحد م بصدق انك اتخرجت مع دفعتك عادي 😹
مهند :- ي زولة دا كلامك 😎 المهم لازم نتقابل ونستعيد الذكريات دي ..اها نتلاقي وين ومتين ؟
سارة :- ممكن تجينا زيارة ف الشركة انا موجودة اليوم بطولو ..
مهند :- اتفقنا خلاص بعد بكرة ان شاء الله فاضي اديني الموقع يلا ..

.........................
مساء اليوم زاتو :-

"سارة كانت قاعدة ف الاوضة وسرحانة وبتفكر ف ايام زمان ،، لمن كانت ف الكلية ..ولمن كان مهند سنيرها وكان اكتر سنير مجنون ،، كان صديق مقرب ليها جداً ،،عرفو بعض من هي برلومة لانها كانت نشطة جداً ف الاحتفالات والندوات وهو برضو كان موجود .. وبتتذكر كيف نظمو مع بعض حاجات كتيرة .. ولمن هو اتخرج انقطع منها فترة لحدي لمن هي كمان اتخرجت اتفاجأت بانو فتش رقمها ورجع اتواصل معاها وقال ليها انو سافر واغترب وهي ورتو انها نزلت تتدرب ف شركات ،،، تقريباً سارة ف لستتة اصدقاء حياتها كان مهند من المراكز الاولي ..و واصلت سرحانها وهي بتفكر ف يوم بعد بكرة وف كمية الحنين الجواها "

قطع تفكيرها دا كلو صوت سلمي ..
سلمي :- ي بت عندنا عرس قريب 💃🏻💃🏻فطومة بت عمو محمود حتتزوج ،، ي ربي البس شنو .. سارة انتي سرحانة وين ي بت ؟
سارة :- عارفة منو الرسل لي وحنتقابل ..
سلمي :- منو يعني .، ي بت لازم نظبط فساتين من اسه ..وانتي شغالة لي الرسل ليك وم بعرف شنو ..
سارة (وهي لسه سرحانة) :- مهند رسل لي ..
سلمي :- عايني انتي م فاضية لي ،، انا حمشي اشوف امي ..


....................................
عم عبد المنعم :- علي بركة الله يعني كدا حيكون طلب رسمي بعد يومين ..
محمود "اخوهو" :- ايوة ومستنيك من بدري ..
عم عبد المنعم :- ان شاء الله ..يلا مع السلامة وسلم علي الاولاد ..
محمود :- الله يسلمك

عم عبد المنعم :- عقبال نفرح ب سارة وأحمد وسلمي ي سامية ..
سامية :- ان شاااء الله ي عبدو ي رب 💛
عبد المنعم :- نفسي اتطمن علي سارة ،، البت دي شالت معاي المسؤولية بدري عليها .. بتذكرني بنفسي زمان لمن ابوي اتوفي ولقيت نفسي مسؤول مع امي عن اخواني ،، انا شايف نفسي ف سارة شديد
،،اتخرجت سريع وبقت تفتش شغل واشتغلت وبقت علي راس اخوانها ،، تتذكري لمن كانت ممتحنة تالتة وبتقرا وتجي تقري احمد وهو ممتحن تامن .. طول عمرها م بخلت علي زول بشي 💛


سارة كانت مارة جنب الاوضة ماشة علي المطبخ ،، وسمعت اخر الكلام حق ابوها ،، ولقت نفسها بتدمع وتبتسم ف نفس الوقت ،، 🌸💫

......................:::::::"..........::::::::.

شهد :- اايوة ي احمد معليش م قدرت ارد عليك قبيل كان التلفون صامت وراسي جايط عندي كذا حاجة حعملها ..
أحمد :- المهم انك بخير ..
شهد :- ايوة انا كويسة وبخير الحمد لله ،،، عارف انا اسه واقفة ف المطبخ بجرب ف طبخة جديدة 🤣
ادعي لي تنجح اشان عملت دعاية واعلان من الصباح ل امي وابوي ،، علي فكرة بعدين م حتفكر تاكل من حتة برة بيتنا لانو زي ماعارف زولتك شيف كبيرة ولسه بتعلم كمان 😎
احمد :- بختي بختي ،، اساساً الزي زولتي ف العالم منو ..
شهد :- لا خلاص اشان م اخجل ،، المهم صوتك برضو شكلو م تمام ،، ي أحمد عليك الله ارجع زي زمان ،، بلاها الحاجات البتزعلك ياخ ،،
أحمد :- انا كويس والله ..
شهد :- طيب انت وين اسه ؟
أحمد :- مع يعقوب صحبي قاعدين سوا ..
شهد :- كويس ،، اطلعو واتونسو ورفهو عن بعض .. يلا فك تكشيرة وشك الانا م شايفاهو بس حاساهو ..
أحمد :- حاضر فكيت التكشيرة 🌸
شهد :- اضحك ولا احكي ليك نكتة 🤣


^^^^^^^^^^^^^^^^^^^^^^^^^
يعقوب :- ارح ي احمد للشباب ديل ..
أحمد :- فيهم منو ومنو ..
يعقوب :- م بتعرفهم انت بس معرفني عليهم مصعب داك اتذكرتو ؟؟
أحمد :- ايوة مصعب متذكرو .. طيب ارح ..حنمشي ليهم وين ؟؟

يعقوب :- ف بيت واحد اسمو اباذر جيران مصعب ..
أحمد :- تمام

^^^^^^^^^^^^^^^^^^^^^^^^^^

مصعب :- شباب اعرفكم ديل يعقوب واحمد ..
واحد من الشباب "اباذر صاحب البيت" :- اهلاً اهلاً اتفضلو ،، نورتونا ..

مصعب :- ديل معارفي ،، ويعقوب واحمد ديل اصحاب من سنين ..


بعد ساعة من الونسة :-
واحد من الشباب طلع سجاير كتيرة و وزع علي المعاهو .. و ولعو وبدو يشربو ..
أحمد عاين ليعقوب نظرة استغراب وبرضو يعقوب بادلو نفس النظرة ..

اباذر :- جيب المعلوم ي مصعب

مصعب طلع كيس صغير واضح جداً انو بدرة مخدرة وبالمقابل اباذر اداهو قروش مربوطة بلستك ..

اباذر :- معقولة بس ضيوفنا قاعدين ساي ،، اديهم حاجة وكلو علي حسابي ..
يعقوب :- لالا م عايزين م تدينا شي وي ريت زاتكم تحاولو تعاينو لنفسكم وتبطلو ..
مصعب :- الله الله ي يعقوب جايي تقطع عيشنا مالك الليلة ..
يعقوب :- كمان بتتكلم ،،

أحمد كان ساكت كل دا لحدي لمن جا اباذر و وقف قدامو ومدا ليهو باقي الكيس حقو .. واحمد بقي يعاين ليهو وهو ساكت ..
اباذر :- شيل شيل ي زول ،، مجان وعلي حسابي اشانك بس ،، ينسيك ااي شي وتحس انك طاير وخفيف بدل الهم ..

أحمد كان بعاين للكيس وهو بفكر ف الحاجات الشاغلة بالو كلها ..

#تُستكمل

#كسر_مركب 🖇💔

-4-


أحمد :- بتدخل سم لجسمك وتقول لي طاير ف الهوا ؟ بتصرف ف قروش ابوك ف المخدرات وكمان بتعزم فيها وعامل فيها شهم ؟ قالب بيتكم خمارة ف غياب اهلك وتقول نورتو البيت ؟ اخص .. يعقوب انا ماشي من هنا بدل ارتكب جناية ..
يعقوب :- يلا ي احمد ومعليش واسف اني جبتك لناس زي ديل ..
أحمد :- حرام عليكم نفسكم .. والله يكون ف عونكم .. يلا ي يعقوب .


"احمد وصحبو كانو ماشين ف الشارع سوا بعد طلعو من البيت داك "
يعقوب :- عارف ي احمد انا لمن لقيت الزفت اباذر داك واقف قدامك وف يدو كيس المخدر وعارضو عليك وعاينت ليك خفت م عارف ليه حسيتك ل لحظة حتشيلو ،، آسف ي صحبي بس حسيت كدا وكنت قايم اسحبك من قدامو لحدي لمن لقيتك اتكلمت وشاكلتو ..

أحمد "وهو مبتسم" :- م حدس عليك ي يعقوب ،، انا ضعفت ل لحظة قدام الكيس وقلت امكن ينسيني كتير امكن يساعدني ابقي مفوق ل ٥ مقابلات عمل ورا بعض كل وحدة ف حتة جغرافية م ليها علاقة بالتانية بس ف ظرف ثانية اتذكرت ابوي وكل نصايحو جاتني ف شكل شريط ،، قلت ليك قبل كدا انا زول ماشي ف الحياة بدعوات ابوي ونصايحو 💛
يعقوب :- ربنا يبعد عننا ااي شر ي صحبي .

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

سارة قاعدة ف الشركة وبتاخد شهيق وزفير ومتوترة جداً "
مهند :- الو اها وصلت باب الشركة
سارة :- يلا خش وانا حنزل ليك تحت نتلاقي جنب الباب ..


"بعد مهند دخل وسارة جات نازلة ،، اول لمن شافها ابتسم ليها ورفع يدو وهي رفعت يدها وحست بقلبها بيدق شديد ..

مهند :- ي الله علي لقاءات الاصحاب البعد زمن طويل 💛
سارة :- فعلاً م ف احلي منها ..

مهند وهو بسلم عليها :- مشتاقين كتير ياخ .
سارة :- كتير والله ،، كيفك كويس ؟
مهند :- الحمد لله بخير ،، وفرحان اني شايفك كويسة .. اها حتقعديني وين ؟
سارة :- اتفضل ارح نقعد ف الكافتريا ..
مهند :- ارح


تقريبا مهند قعد مع سارة قرابة الساعة بحكو ويتذكرو ف الايام الكانت حلوة زمان ،،

مهند :- وبعد سنة ونص ف الغربة اتعرفت علي سودانية مقيمة هناك مع اهلها واتعرفنا فترة وكنا علي وشك خطوبة بس م حصل نصيب ..
سارة :- وبعدها ؟
مهند :- بعدها وللان م اخدت خطوة زي دي ولا قبلها هي كانت الاولي تقريبا بس كان عادي معرفة صالونات م كان ف ولا حتي انجذاب او اعجاب .. اها وانتي حصل معاك شنو ؟
سارة :- لالا م اتخطبت سنجل زي م خليتني 🤣
مهند :- اخير انا اتلحلحت واخدت خطوة .. اينعم م كملت بس اتحسبت علي برضو 😹

سارة :- البريك بتاعي انتهي بس دي م طردة ممكن تجي معانا وتحوم عادي لانك من نفس مجالنا عادي ،، اعمل نفسك بتتدرب ف الشركة 🌚
مهند :- ياسلام علي الخطط ..، طبعاً كان بودي بس حتأخر علي مواعيد ضرورية ،، بس ضروري نتلاقي تاني وف ظرف الاسبوع دا كمان اشان عندي ليك ملفات شغل موثوقة حتفيدك هنا شديد

سارة :- طيب حستناك ف ااي يوم كمان

مهند :- تحبي نتقابل هنا برضو ولا برة ف مطعم ولا حاجة .
سارة :- علي كيفك ..
مهند :- تمام ميعادنا الخميس الجاي ف مطعم برسل ليك اسمو وموقعو واتس وممكن تجيبي اي زول معاك عادي ،،
سارة :- تمام 😄

"بعد مهند راح سارة كانت حاسة بفرحة كبيرة شديد شديد ،، "
٠٠٠٠٠٠٠٠٠٠٠٠٠٠٠٠٠٠٠٠٠
سلمي :- الله الله علي القشرة ي ابوي ،، الجلابية والعمة والحركات ..
سارة :- نبخر ابونا يخوانا ،، شنو الجمال دا .. شوفو امي بتعاين لينا كيف 🤣💛
امهم :- شوفو ولدي بالجلابية سمح كيف ،، عقبال اشوفك عريس ي رب ..
أحمد :- آمين ي نبع الحنان ي رافعه معنوياتي ..

سلمي :- لا الحقيقة نحن برضو منصفين ،، احمد برضو منور الصراحة ..
عم عبد المنعم :- عقبالك ي ولدي اكون راحي اخطب ليك كدا وراسي مرفوع 💛
سلمي وسارة :- آمين ي رب .
عم عبد المنعم :- يلا اشان م نتأخر علي عمكم محمود .. ارح ي احمد

أحمد :- يلا ي ابوي
سامية :- سلمو عليهم وباركو ليهم لحدي لمن نصلهم ..

^^^^^^^^^^^^^^^^^^^^^^^^^^^^^^

سلمي :- سارة بكرة الخميس يعني حنطلع مع شهد ،،
سارة :- ايوة صح ،، وبكرة كمان عندي عندي مواعيد 🤦🏼‍♀️ نسيت نهائي ..
سلمي "وهي رافعة حاجبها " :- نعم !!! يعني حنعمل شنو يعني .. استحالة نفوت موعد شهودة ..
سارة :- طبعاً طبعاً حنمشي ونلاقي شهد اكييد بس ف الاول لازم اشوف بكرة حلاقيهو متين ؟
سلمي :- هو منو اابت ؟
سارة :- مهند
سلمي :- لا انا حالياً م يهمني مهند ولا بتاع انا عايزة اعرف حتمشي معاي ولا كيف ...
سارة :- حمشي حمشي ي بت اديني فرصة بس اظبط مواعيدي ..

ف الواتس آب :-
مهند : طيب بكرة الساعة ٢ ف المطعم دا وحرسل ليك الموقع ..
سارة :- طيب حلو

سلمي :- اها ي ستي ميعادك الساعة كم ؟
سارة : ٢ 😃
سلمي :- وحنلاقي شهد ٢ ونص اشان دا الوقت الفاضي وعندها محاضرة ٣ ونص ؟،، اها حنعمل شنو ي فالحة ؟
سارة :- طيب تمام اساساً موقع المطعم قريب للحتة البنتلاقي فيها مع شهودة ..

، انا بطلع من الشغل ١ ونص كدا تكوني انتي قدامي ونمشي سوا الاقي مهند واخد منو الملف الحيديني ليهو وبعدها هوباا نروح ل شهد 😃💛
سلمي :- طيب ،، تمام ،، كويس
^^^^^^^^^^^^^^^^^^^^^^^^^^

صباح يوم الخميس :-

شهد :- صباح النور والهنا
أحمد :- اها حتعملي شنو يوم الليلة ،، عايز اشوفك
شهد :- اييك الليلة اليوم دا ملان عندي شديد .. محاضرتين الصباح دا ومشوار برة الكلية ،، وحلاقي سلمي وسارة حبيباتي الليلة ،، وحرجع محاضرة تنتهي قريب المغرب ،، حتي اخيراً ارجع البيت .
أحمد :- يعني الليلة نصيب سارة وسلمي يلاقوك وانا لا ؟
شهد:- معليش معليش 🌚
أحمد :- كويس
شهد :- اها انت م قلت لي مخططك ليوم الليلة شنو ؟
أحمد : ولا شي والله قاعد اقرا لي ف كتب من مكتبة ابوي غايتو ..
شهد :- الله علي التثقف ،، التثقف حلو برضو ،، لمن اروق بليل حرسل ليك وتوريني الكتب القريتها اشان اقراها زيك ..
أحمد :- من عيوني والله
شهد :- يلا اسه مع السلامة اشان م اتأخر
أحمد :- الله معاك

•••••••••••••••••••••••
سارة :- صباحك خير ي ابوي ،، الليلة عملت ليك الشاي بيدي والله ..
عم عبد المنعم :- ياسلام ياسلام بختي الليلة ،
سارة :- بالهنا 😃 وعملت ليك برضو ي أحمد تعال اشرب ..
أحمد :- لا عايز شاي امي 😛
سارة :- والله ولا بحنس ،، جيب الكباية دي ..

سلمي جات كاشحة من جوة الاوضة وجارية ومستعجلة كعادتها "
سلمي :- دا شنو بتشربو الشاي ف الحوش وتتونسو وانا مستعجلة ،، ليه كدا ليه ليه ؟؟ جيبي الكباية الفي يدك ي سارة

سارة :- 😳

"وف دقيقة سلمي شربت الكباية وختتها وجرت علي الباب وهي بتقول : الي اللقااء يخوانا 🏃🏻‍♀️
امهم :- ي رب البت المستعجلة دي كون ف عونها ي رب ..
سارة :- لا حرفيا انا كوباية الشاي كانت ف يدي وف ثانية اختفت ،، غايتو سلمي ..
عم عبد المنعم :- يلاا انا متأخر وحمشي ..مع السلامة ..
الباقين :- مع السلامة
أحمد :- وانا خاشي اتفرج ف التلفزون ،، تسلمي لي ي ست الحبايب علي الشاي

سارة :- اخخ كفاية علي ابوي شرب الشاي حقي وهو مبسوط 😌
أحمد :- خاشي جوة بدل نشتبك 🚶🏻‍♂️

امها :- وانا حقوم اطلع بعد دا علي الشغل ..
سارة :- دقيقة ي امي عايزة اقول ليك شي ..
امها :- قولي
سارة :- الليلة انا وسلمي حنقايل شهودة ..
امها :- ايوة امبارح سلمي قالت لي ..
سارة :- وقبلها حسوق سلمي معاي حقابل زميلي من زمان ف الكلية ،، كان سنير ،، تتذكري كنا بنعمل المشاريع والبرامج ديك سوا ومعانا مجموعة ..اتذكرتيهو ؟
امها :- ااا ايوة ايوة اتذكرت .
سارة :- بس حنتلاقي ويديني ورق يساعدني ف الشغل وكدا وبعد نتلاقي حنمشي انا وسلمي ونلاقي شهد ..
امها :- كويس ،، هو كان اسمو منو ؟؟
سارة :- 😃كان اسمو مهـ....

أحمد "مقاطعهم" من غير قصد :- امي انتي ناسية تلفونك جوة وقعد يضرب ..
امو :- ديل من الشغل .. يلا انا حطلع اسه ،، مع السلامة ..
سارة :- والان لازم اطلع انا زاتي .. حخش البس جزمتي ..
أحمد "بحاكي فيها" :- حخش البس جزمتي

سارة "وهي بتغني" :- الليلة حنلاقي زولة ف زول يموت ويلاقيها 💃🏻

أحمد :- م حرد عليك ولو سمحتي اقفلي الباب وراك بعد تطلعي

سارة :- واهاهاهااا 🤣


"سارة خشت تلبس الجزمة وعاينت قدام المراية وهي مبسوطة وبتفكر انها حتقابل مهند تاني"

٠٠٠٠٠٠٠٠٠٠٠٠٠٠٠٠٠٠٠٠٠
سلمي :- زفت انا واقفة قدام المكان دا وراجياك وتعبت خلاص .. انت بتشريني ف الشارع ؟
سارة :- ي بت هش جاياك اها ..

"بعد اتلاقو مشو المطعم وكانت الساعة ٢ وزيادة ..
سلمي :- هاها بسببك اتأخرنا علي مواعيدك .، مالي ااي دعوة انا 🤣
سارة :- سلمي خلاص اسكتي دخلنا نحن ومهند واقف هناك بعاين لينا ..

"سلمي وهي بتتضحك :- اشان تاني تتأخري ،،

سارة :- ازيك ي مهند 😃

مهند "صوت سارة قطع ليهو السرحان الكان فيهو وهو واقف لمدة دقيقة "
مهند :- اهلاً سارة ازيك
سارة :- الحمد لله ،، اعرفك دي سلمي اختي .. سلمي دا مهند


مهند سلم علي سلمي وهو بعاين ليها ،، خاصة بعد هي سلمت عليهو وابتسمت ابتسامتها الخفيفة .. شال نفسو وطلعو بنفس الدقيقة وحاول يبين انو م ف شي بس عيونو بقت تمشي وتجي تستقر قصاد عيون سلمي 💛!


#تُستكمل

العندو تطبيق مشاهدة انمي يرسل لي 💜🐼

@boohabanda.

-

ألى أحدهم ..
تعني لى الكثير رغم أنك قاسي ألا أن قلبي مغرمٌ بكل تفصيل يخصك!.
🖤🌻.