#هو ليه #القلوب ما عندها #عقل 😔 ~
و #الظروف ما عندها #رحمة 😣✋
و #نحن في حد #ذاتنا_ليه ما عندنا #حظ 💔 ؟!
#نفسي_بس_أفهم 😢 ؟!
#ألَآء حمدي

رواية جديدة؟

‏لِلَّذِين خَذلُونا اللَّهُمَ طريقاً لا يَجمعُنا بِكُم أبداً .!

ماذا لو كان الذي تنتظر منه ضوءً أخضراً ، ينتظر منك الضوء ذاته في هذه اللحظة؟ ♥

‏"ولعلّك زرعتَ نفسك في غيرِ ارضكَ ، فذبلت."🥀

{ وَالْمُوفُونَ بِعَهْدِهِمْ إِذَا عَاهَدُوا } ❤

#كسر_مركب 🖇💔

-5-

سارة :- اتأخرنا عليك صح ،، معليش والله .
سلمي :- الحقيقة الغلط دا غلطها هي انا مرقت من المحاضرة وجريت جري اشان اصل ف الميعاد ولمن وصلت لقيت حضرة سيادتها م فكرت تطلع ..

سارة :- سلمي خلاص اسكتي ي بتي ..
مهند "وهو بضحك" :- شكلها زعلانة شديد سلمي 😹

سلمي :- ااي والله يا .. ،، صحي هو اسمك كان منو 😅
سارة :- سلمي خلاص ،، غلطانة انا الجبتك معاي ..
مهند :- لالا ي سارة عادي عادي .. انا اسمي مهند ي سلمي ،، مـ هـ نـ د حفظتيهو ؟
سلمي :- حفظتو ي مـ هـ نـ د ..
سارة :- 😹😹سلمي
مهند :- وبتقري شنو ي سلمي ..؟
سلمي :- انا بقرأ تقانة معلومات .. خريجة خلاص باقي لي شهور بسيطة شديد واترحم من مشوار الكلية ..
مهند :- موفقة ي رب ..
سلمي :- ي رب ،، طيب علي اذنكم انا حتمشي برة شوية وانتو خلصو كلامكم سوا ..
سارة :- طيب بس م تبعدي وحنطلع سريع ،،
سلمي :- حاضر
سارة :- وم تقعدي ف الشمس برة ..
سلمي :- حاضر ي ماما سارة 🤣💛

مهند :- حلوة ماما سارة دي ..
سارة :- طبعاً طبعاً .. هي واحمد لمن يحبو يغيظوني بقولو لي كدا بس الهبل م عارفين اني بفرح بيها ..
مهند :- م اتغيرتي ،، لسه زي م انتي قلبك كبير ،،
سارة :- طيب خلينا من دا و وريني الملف ،،

^^^^^^^^^^^^^^^^^^^^^^^^^^^^

سلمي :- آلوو منو معاي ؟
.... :- مُعجب
سلمي :- بالله ي عبيط ! انتو لسه بتتصلو وتتهابلو كدا ..
.... :- استني استني ي سلمي م تقفلي الخط انا عمر .
سلمي :- تصدق كدا يادوب حقفل الخط بالجد ..
عمر :- للدرجة دي ي زولة م دايرة تسمعيني ..
سلمي :- جبت رقمي من وين ؟ اظن سؤال واضح صح وم تلف وتدور ،، عارفاك تموت ف اللف والدوران ..

"سلمي كانت بتتكلم ف التلفون وهي منفعلة و واقفة ف جنينة المطعم "



سارة :- حقيقة الشغل الفي الملفات دا حلو شديد .. حدرسو زيادة وارسل ليك ف الواتس كويس ؟
مهند :- كويس شديد .. (مهند عاين ف القزاز وبقي شايف سلمي وهي بتتكلم ف التلفون ومنفعلة شديد ،، بقي يعاين ليها وهو ببتسم)



سلمي :- احسن ليك م تتصل لي تاني ي عمر ،،
عمر :- حتصل وبمزاجي .

سلمي قفلت الخط ف وشو وهي زهجانة منو شديد ..


سارة :- سلمي يلا انا خلصت ارح نمشي اشان شهودة ..
سلمي :- ارح زاتو المعولق دا عكر مزاجي ..
سارة :- شنووو ؟؟؟
مهند :- معولق ؟؟؟
سلمي :- هيي انتو فهمتوني غلط انا بتكلم عن حاجة تانية ..
مهند :- 🤣خفت قلت ي ربي انا معولق !
سلمي :- لالا العفو حضرتك والعولاق خطان متوازيان م بتتلاقو ،، ماشاء الله يعني 🙊
مهند :- حقيقي اول مرة انبسط بمدح سمح كدا..
سلمي :- مش يلا ي سارة ؟
سارة :- ارح .. مع السلامة ي مهند
مهند :- ف آمان الله ..

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شهد :- جيت قبل ٥ دقايق .. الحمد لله م اتأخرتو ..
سلمي :- كفاية تأخير سارة عليّ قبيل ف مشوار اصلاً هو بتاعها هي .
سارة :- والله ي شهد شوق شديد ..
شهد :- اييييك شوق كبير شديد ي سرسورة ..
سلمي :- حنأكل شنو ؟

^^^^^^^^^^^^^^^^^^^^^^^^^
مساء نفس اليوم :-

سارة من ساعة رجعت من برة مع سلمي وهي قاعدة ف السرير ومبسوطة وبتفكر ف مهند وهي مبسوطة ،، وبتفكر ف انو بالنسبة ليها اكتر من صاحب لا دا اكتر بكتيييير 💛

بالمقابل :-

...... :- خير خير الليلة مبسوطة وفرحان شديد ي مهند الحاصل ؟
مهند :- والله ي أمي م عارف بس حاسي كدا احساس اول مرة احس ف حياتي الاحساس دا وم حسيتو قبل كدا .
ام مهند :- شنو 😳؟ شابكني احس احساس وحسيتو .. ف شنو ي ولد

مهند :- طيب عارفة لمن تلاقي زول لاول مرة ويخطفك كدا ؟
ام مهند :- اها ،، ودا معناتو شنو يعني ..
مهند :- انا نعسان وماشي انوم .. يلا تصبحي علي خير ي والدتي ..
ام مهند :- وانت من اهل الخير ..

مهند دخل الاوضة وغير هدومو وقعد ف كرسي وقدامو ورقة وقلم وبقي يتذكر ف ملامحها ويرسم علي الورقة "


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بعد مرور شهر :-

عم عبد المنعم :- يلا ي أحمد م عايزين نتأخر علي العقد ..
أحمد :- انا جاهز ي ابوي عايز الف العمة بس ..
ابوهو :- تعال الفها ليك انا اشان الوقت ..

سلمي :- حقيقي م قادرة اصدق انو عرس فطومة الليلة 💃🏻💃🏻
امها :- وقاعدة لي هنا من الصباح تتسكعي وتغيري لي ف فساتين ومخلية اختك سارة هناك ف بيت العرس يحليلها ..
سلمي :- الله ي امي يعني م اتظبط يعني ..
امها :- اتظبطي يختي بس انا اسه خلاص مارقة الحاجة الجيت اعملها انتهيت منها ،، عندك ٥ دقايق بس القاك قدامي اشان نمشي سوا غير كدا اقعدي ف البيت براك وتعالي هناك براك ..
سلمي :- لالا لبست خلاص والله استنيني دقايق بس 😭

........................
ف الحفلة :-
سلمي :- ارح نتصور ،،يلا حيفوتونا ياخ
سارة :- روقي عليك الله ي سلمي روقي ي بت ..
سلمي :- انتي مماطلة وم عايزة تمشي ،، ارح نحن ي شهد .
شهد :- للان م ف زول طلع يتصور ،، الاوت دور برة والمصور بصور ف العرسان ..
سلمي :- اوف منكم انا حقوم اشوف لي ناس غيركم زاتو ..🚶🏻‍♀️
سارة وشهد بقو يضحكو .

.

"سلمي قامت من الطربيزة وبقت حايمة ف الصالة وتاني طلعت من باب الصالة للجنينة البرة .. هي كانت لابسة فستان اسود بالفضي راقي شديد وعاملة تحجيبة حلوة ومكياج خفيف بس ظابط .. بقت ماشة ف الجنينة وبتقلب ف تلفونها طبعاً رقصت وانبسطت ف الحفلة رقصت مع بت عمها العروس كتير ،، والحفلة جوة كانت انتهت بس لسه ف حاجات تانية وتصوير وكدا
.. سلمي كانت بتتمشي وتتفرج وتاني قررت ترجع جوة وبقت بتحاول تمسك فستانها وماشة فجأة لقت نفسها اتطقشت مع زول لمن قربت تقع ورجلها اتلوت .. الزول بقي يعتذر ليها ويقول انا اسف اسف جداً والله وهي مدنقرة رأسها وهو حاول يسعادها .. قامت رفعت رأسها وهي معصبة وحتتشاكل معاهو فجأة عاينت ليهو وسكتت وهي مقلعة عيونها 😳

الزول الطقشها "وهو متفاجئ شديد" :- سلمي !😦
سلمي :- اووبس دا انت .. آسفة والله ي مهند ..
مهند :- آسف انا والله .. حصلك شي ؟ فستانك حصلو شي ؟
سلمي :- لالا نحن كويسين الحمد لله 🤣
مهند :- الجايبك هنا شنو ؟
سلمي :- اننا قدام صالة عرس وانو انا لابسة كدا دا م اوحي ليك بشي ؟
مهند "وهو بضحك" :- صح والله ،، انا غبي انا اسف ..وجاية عرس منو .
سلمي :- عرس بت عمي ..
مهند :- علي كدا سارة برضو معاك ؟
سلمي :- ايوة قاعدة جوة وانا طلعت اتمشي بس ،، لكن انت الجايبك هنا شنو ؟
مهند :- قدر
سلمي :- نعمم ؟؟؟؟
مهند :- جايي اشوف صحبي كان هنا ف حتة قريبة للصالة وتاني جيت اشتري شي من المكان داك واثناء انا ماشي لقيتك ..
سلمي .:- اممم كويس .. طيب علي اذنك حمشي انا ..
مهند :- طيب ..اا نسيت قولي لي سارة مهند بسلم عليك ..
سلمي :- حاضر

سلمي لمن جات تمشي لقت رجلها اتلوت من الطقشة و واجعاها بس كتمت الوجع ومشت عادي اشان م تحسسو بشي ..


عم محمود "ابو العروسة" :- عقبال اولادك ي عبد المنعم ي اخوي ..
عم عبد المنعم :- ف حياتك وانت بخير وتفرح بالباقين .
محمود :- انت عارف نحن بنعزك قدر شنو .. بعد ابونا مات ولمن وقفت مع امي وكبرتنا وعلمتنا .. انت اخونا الكبير وابونا ومنقذنا ..
عم عبد المنعم :- ربنا يرحم ابونا وامنا .. ويحفظكم لاولادكم ويفرحكم بيهم
٠٠٠٠٠٠٠٠٠٠٠٠٠٠٠٠٠٠٠٠٠٠٠

في البيت بعد العرس انتهي :-
عم عبد المنعم :- عقبال افرح بيكم كلكم ..
سامية :- آمين ي رب العباد ..
سارة :- الله يحفظك لينا ي ابوي ..

عبد المنعم :- ويحفظكم ،، يلا ننوم بعد دا الله يصبحكم علي خير ..

أحمد :- برضو ماشي انوم 🚶🏻‍♀️

ف الاوضة :-
سلمي :- اخخ ي رجلي الاتلويتي و وجعتيني ..
سارة :- مالك ؟ مالها رجلك ..
سلمي :- اتلوت لمن كنت حايمة ومرقت منكم ..
سارة :- اشان تاني تعملي كدا .. حجيب ليك تلج استني .. تلقاك ماشة وم شايفة تحتك عارفاك انا ..
سلمي :- لا والله دا بس بسبب الطقشة ..
سارة :- وطقشتي شنو ي الفالحة ؟؟

سلمي :- مهند 😃
سارة :- مهند ؟؟؟؟؟ مهند منو ؟
سلمي :- مهند اللاقيتو معاك من شهر داك ..
سارة :- كيف ؟ و وين لاقاك ؟
سلمي :- اهدي اهدي مالك ي بت .. لاقيتو قدام الصالة كان جايي لصحبو ولا شنو م بعرف ولمن طقشني رجلي اتلوت وكنت حتشاكل معاهو بس لمن لقيتو هو سكتت قلت م ف داعي للمشاكل 🤣 بالمناسبة م وريتو انو رجلي اتلوت واكلتها ف حناني وبالمناسبة تاني هو بسلم عليك ،، يلا حمشي اجيب تلج وانوم طوالي ،، تصبحي علي خير .

سارة :-وانتي من اهلو

٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مهند "مع نفسو" :- ي رب امي م تكون صاحية وتشوفني بتسحب كدا ..
امو :- خسارة امك شافتك وانتهت 🙂

مهند :- ازيك ي امي كيف اامسيتي ؟
امو :- اتأخرت وم اتصلت ليه ..
مهند :- معليش والله ي امي لقيت صحبي وسرحت معاهو واسه نعسان شديد
امو :- طيب تصبح بخير والصباح لينا كلام تاني ..

مهند دخل الغرفة وقعد قدام الطربيزة وجاب ورقة وقلم وبقي يرسم ف الوش الشافو الليلة ويتذكر كل ثانية ويضحك💛

#تُستكمل

كل ما احتاجه تلك الكلمات البسيطة
"اعتني بنفسك " "تقدم " "انا معك لاتقلق"
لسنا عاجزين بل حطمتنا قساوة من حولنا

#hmdalnyl

••
صاحب الصورة يقول :
جاء أخي الصغير إلى عيادتي وهو خائف من إبرة التخدير؛ انظروا إلى يده تحكي قصته ..
"إني أنا أخوك فلا تَبتئِس"‏.!!🖤✨

لم يكن ابدا من شروط السير الي الله ان تكون في الة طهر ملائكية سر اليه بأثقال طينك فهو يحب قدومك عليه ولو حبوا.

جلال الدين الرمي

ح تصحى وتلاقيها محلولة وينجبر خاطرك الله في تاني عوجة ماف♥️♥️🌻.

#كسر_مركب 🖇💔

-6-

عم عبد المنعم :- ان شاااء الله السنة الجاية انا وانتي حنمشي عمرة سوا وياسلام لو اتسهل لينا الحج ي سامية ..
سامية :- اللهم آميين ي رب ي رب ان شاء الله ..
عبد المنعم :- وين أحمد الليلة م شفتو نهائي ..
سامية :- مرق تقريباً مع صحبو ..
عبد المنعم :- كويس ،، صحبو يعقوب صح ؟! الولد دا كويس ومحترم وبحس بيهو شبه أحمد شديد اشان كدا متناغمين مع بعض .
سامية :- فعلاً والله ..تقريباً أحمد قال انو يعقوب بقي يسوق ركشة بتاعتهم تقريباً ..
عبد المنعم :- ماشااء الله عليهو .. ربنا يوفقو ويرزقو.. اسه لو أحمد اشتغل ااي شي انا م عندي ااي مشكلة وانا عارف أحمد م حيستحمل يقعد ساي كتير .. اساساً اليد العاطلة صعبة وانا عارف أحمد كويس عايز يكون مفيد لمجتمعو .. الله يرزقهم الخير .


٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ام مهند :- مهند اختك الليلة جايبة اولادها وجاية .. انت مارق ولا قاعد ؟
مهند :- مشوار ف السريع كدا وبجي اقعد معاكم .
امو :- طيب


مهند راح مشوار م اتوقع ف حياتو انو يمشيهو ..
م مشي من باب الصدفة لا هو كان مخطط المشوار دا وللحتة الماشيها دي وحاسي انو عايز يمشي ..


^^^^^^^^^^^^^^^^^^^^^^^^
سلمي :- والله ي نهي انا م مصدقة انو الامتحانات خلاص ف ظرف شهر 😭
نهي :- ربنا حيوفقنا ان شااء الله ونتخرج ونتفك خلاص ..
سلمي :- اخخ دا انا مستنية اليوم دا بفارغ الصبر وبعلي اتخرج بس ،، ان شااء الله ي رب ..

عمر :- ازيكم ي حلوات ..
سلمي :- اصبحنا واصبح الملك لله ..
نهي :- طيب حقوم اجيب شي اشربها ..
سلمي :- لا م حتقومي ولا حتمشي حتة .. حنمشي سوا اظن م في حاجة نتكلم فيها صح ي استاذ عمر ؟
عمر :- وليه القفلة دي ي سلمي بس ..

سلمي :- يلا ي نهي من هنا يلا اشان المكان بقي بايخ شديد 😏


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مهند وصل المكان العايز يمشي ليهو "مكان كبير ،، بوابة عليها حرس ،، ناس كتيرة ماشة وجاية ،، والناس ديل كانو طلبة .. ايوة دي جامعة
مهند وقف جنب الجامعة وبقي يراقب من بعيد .. لحدي لمن جاهو صحبو من جوة ..
مهند :- الحمد لله انو الواحد انو اخو صحبو الصغير بيقرا ف الكلية هنا ..
مصطفي "اخو صحبو" :- وجاي يدخلك الكلية ابقي اتذكرها لي ي مهند باشا 🌚
مهند :- حااضر ،، انت بس دخلني ..
مصطفي :- ارح

مهند دخل الكلية وبقي حايم مع مصطفي ..
مهند :- الناس الفاينل مكانهم وين .؟
مصطفي :- حالياً ف القاعة ديك بتلقاهم بس حالياً فاضية شكلهم خلصو ..
مهند :- طيب انا ححوم كدا حبة واشوف وبعدها امشي ،، شكراً ليك ي الحبيب ..
مصطفي :- طيب تعال اعزمك شي ف الكفتريا
مهند :- لالا م حعذبك روح انت م اعطلك ،، شكراً ي خوة..
مهند بقي حايم ف الكلية لحدي لمن شافها وهي ماشة مع صحبتها وبقي وقت طويل يعاين ليها ويراقبها ف كل تحركاتها قريب الساعة تقريباً ،، بعدها طلع من الكلية ورجع البيت قعد نفس القعدة وطلع ورقة وقلم وبقي يحاول يتذكر ويرسم ف ملامحها الحلوة ،، وقرر انو كل مايلقي فرصة حيمشي يشوفها ف كليتها اشان دي الحتة الوحيدة اليقدر يشوفها فيها ويملي عيونو منها .. "
مهند "وهو بتكلم مع نفسو" :- معقولة كدا بس البيحصل لي دا ي ربي ،، يعني للآن شفتها تلاتة مرات وف كل مرة خاطفاني اكتر من المرة القبلها ..اخخ ي رب ااجعلها من نصيبي

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

أحمد :- مقفلة ف وشي شديد ي شهد الايام دي وم عارف اعمل شنو وبكرة حمشي مكان جديد افتش شغل ..

شهد :- ي حمادة ليه بتشيل ف قلبك هموم كبيرة كدا ،، كل شي حيكون كويس ..
أحمد :- يعقوب سايق ركشة عمو وشغال عليها كويس شديد ماشااء الله .. ولمن سألتو قال لي :- ي أحمد انت فاكرني وقفت احلم اني اشتغل بشهادتي ؟ لا انا م وقفت ولا يئست بس تعبت والحياة ماشة وم حتقيف اشاني وانا لازم اواكبها واشتغل .. عارفة ي شهد كلام يعقوب كان هو نفس كلام ابوي لمن حكيت ليهو عن انو انا عايز اشتغل ااي حاجة وم اقعد ساي .. ابوي قال لي :- الحياة بتمشي ي أحمد وم بتقيف لزول ولا بتقيف ل أحلام لزول اشان كدا الزول بيسعي ورا احلامو ..كلامهم دا كلو صح م لازم اقيف ..

شهد :- وانا واثقة انك م حتقيف اصلاً 💛

^^^^^^^^^^^^^^^^^^^^^^^^^^
ف الواتس آب :-
سارة :- مهند وين مختفي كدا .. انا عندي فكرة لشغل رهيبة درستها قبيل ف الشركة وحوريك ليها ..
مهند :- سرسورة ازيك انتي ي جميلة 💛 انا كنت منغمس ف حبة شغل كدا .. احكي لي الفكرة ولا اقول ليك انا بتصل عليك وانتي احكيها لي ..
سارة :- طيب 😃

سارة اتكلمت معاهو وكانت مبسوطة وهي بتسمع ف صوتو ..

٠٠٠٠٠٠٠٠٠٠٠٠٠٠٠٠
بعد اسبوع :-

عم عبد المنعم :- سامية انا طالع اقابل عادل اتصل عليّ وقال لي اجيب أحمد معاي م عارف ليه ،، المهم لمن أحمد يجي خليهو يحصلني ..
سامية :- حاضر


^^^^^^^^^^^^^^
مهند :- خلاص ي امي م تزعلي عليك الله كلها ٣ شهور بالكتير وارجع ..
ام مهند :- مش كفاية سفرك السنين الفاتت بعيد عني ي ولدي 💔

مهند :- اعمل شنو ي امي مضطر والله ،، الشغل لمن رجعوني الفرع هنا كان لازم عليّ اسافر كل فترة ،، معليش وم حتأخر عليك ان شاء الله بس انتي خلي بالك من نفسك وادعي لي ..
امو :- داعية ليك ي ولدي .

مهند وهو بجهز ف شنطة سفرو كان بفكر انو م حيشوفها تاني لفترة ٣ شهور تقريبا .. بس لازم يسافر اشان مستقبلو .. وبعد انتهي من تجهيزاتو طلع سلم علي امو واختو ومرق علي المطار وهو ف الطريق للمطار ضرب لسارة وسلم عليها و وراها انو مسافر وحيرجع بافكار جديدة ليها علاقة بالشغل ..



سلمي :- صحي ي سرسورة عايزة اسألك انتي وين مهند داك مختفي صح ؟
سارة :- تخيلي اتصل عليّ الليلة وقال لي سافر .
سلمي :- بجد .. يصل بالسلامة ان شاء الله ..
٠٠٠٠٠٠٠٠٠٠٠٠٠٠٠٠٠٠٠٠

عم عبد المنعم :- اها ي عادل قلت عندك موضوع عايز تقولو ..
عم عادل :- وين أحمد لكن ي عبدو ياخ ..!
عبد المنعم :- حيجي وراي اسه ..

أحمد :- سلام عليكم ..
عم عادل :- اوو عليكم السلام ي أحمد ،، تعال اقعد اتفضل ..
أحمد :- كيف صحتك ي عم عادل ان شاء الله كويس ؟
عم عادل :- بخير الحمد لله ..
عم عبد المنعم :- يلا سامعنك ي عادل قول ..
عادل :- طيب انتو عارفين انو انا كنت سايق عربيتي تااكسي بعد يوم الشغل ودا كلو قبل امرض واقعد ف البيت .. حالياً م قادر اشتغل عليها وهي مركونة ساي .. ف بدل كدا ياريت أحمد يطلعها ويشتغل عليها علي كيفو تاكسي خاص او ينضم للشركات ديل البيحجزو عندهم بالنت ويجوك قدام البيت ،، المهم هو حُر ف النقطة دي ... وم حتتعطل عن ااي اشغال تانية ف حياتك وبمجرد انك تشتغل او تلقي فرصة احسن وتكون م عايز تسوقها تاني كلمني بس .. انا طلبت كدا لانو انتو عارفين ربنا م رزقني ولد بس عارفين انو أحمد ولدي ..

عم عبد المنعم :- والله ي عادل انت اسعدتني جداً .. م عارف زاتو اقول ليك شنو ..
عم عادل :- اهم شي نسمع راي احمد وي رب يكون م عندو اعتراض ..
أحمد :- م لقيت كلمات تسعفني وتعبر عن امتناني وشكري ،، انت م عارف ي عم عادل فرصتك دي جاتني ف وقت مناسب كيف .. انا حشتغل عليها ان شاء الله .. وما حوقف اني افتش عن شغل بشهادتي .. شكراً ي عم عادل ،، حقيقي ممتن💛

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠


بعد مرور شهر :-

سلمي :- دعواتكم ي جماعة انا خايفة شديد مع انو ظبطت ااي شي والله ..
عم عبد المنعم :- اها الخوف الكتير دا مشكلة ،، دي م اول مرة تمتحني صح !..
سلمي :- بس دا الامتحان المنو واتخرج خلاص ،، متوترة بالجد والله..
امها :- دعواتنا كلها معاك م تخافي وحتتخرجي وحنفخر بيك اكتر واكتر ..
سارة :- حبيبتي استهدي بالله بس وزي ماقالو ليك نحن دعواتنا معاك ..
أحمد :- وليك عليّ كمان اني حوصلك الكلية الليلة ..
سلمي :- ياريتو كان كل يوم امتحان اشان تحن عليّ وتوصلني .
أحمد :- 🤣لميضة خلاص البت دي ،، ارح اشان اوصلك سريع ..بالمناسبة ي جماعة احب احتفل معاكم بمرور شهر من سقت عربية عم عادل واشتغلت بيها والحمد لله الوضع كويس شديد ... حقيقي انا حاسي باني انسان منتج م مستهلك بس وبشتغل واصرف وم قاعد ومشيل زول حملي ..
عم عبد المنعم :- انت عمرك م كنت حمل تقيل ولا عالة علينا ،، طول عمرنا مؤمنين بيك وبطموحك وان شاء الله ربنا حيسدد خطاك ويسعدك ..
أحمد :- آمين ان شاء الله ،، والله م عارف من غيرك ي ابوي كنت حعمل شنو ..

سلمي:- بعد اذن الحوار الابوي اللطيف شديد دا بس انا اتأخرت وحبكي خلاص حاسة دموعي حينزلو من التوتر 😭
عم عبد المنعم :- معليش معليش تعالي اسلم عليك قبل تطلعي .

سلمي :- ياسلااااااام ،، دي احلي حاجة حتكون ابدا بيها اليوم ..

^^^^^^^^^^^^^^^^^^^^^^^
مهند :- اها ولي شهر من انا هنا وشكلو بعد الشهرين يخلصو ان شاء الله حيمطو لي والشهرين يبقو ٤ وانا صراحة المرة دي عايز ارجع السودان سريع .
صحبو :- اشمعنا المرة دي ،، ماكل مرة بتقعد عادي بالشهور .
مهند :- عندي امانة وعايز اخدها من اهلها ..
صحبو :- اوووبباااا الموضوع جاب امانات وعيون بتنط منها قلوب .. دي منو ياخ 😉
مهند :- حالياً حتكون بتمتحن ،، وحتتخرج خلاص ،، ربنا يوفقها ان شاء الله ويسهل لي الموضوع ..انت عارف انا للان م عارفها مخطوبة ولا مرتبطة ولا ااي شي بس حاسي انها م ف زول ف حياتها ومستنياني 💛
صحبو :- تخيل تلقاها اتخطبت ولا عرست ،، واي واي حيبقي شاكوش حار عليك شديد 🤣
مهند :- لا .. ان شاء الله م حيحصل كدا ..
صحبو :- وعلي كدا الست هانم دي اسمها منو ؟

مهند :- سلمي .. اسمها سلمي 💛

^^^^^^^^^^^^^^^^^^^^^^^^^^^^
#تُستكمل

_

حبونا واتقبلونا بعيوبنا يا جماعه ولما نغلط تعالو اتكلمو معانا بطريقة ظريفة وواعية حنسمع كلامكم والله.."💙

‏"تأهبوا لي يوم عرفة، جهّزوا دعواتكُم وأمانيكم، خبئوا حوائجكم لهذا اليوم العظيم الذي يُباهي الله بكم ملائكته، قال عليه الصلاة والسلام : خير الدعاء دُعاء يوم عرفة .🌻♥️🕋

لا احد يعرفي لغتي ولا احد يملك قاموسي
لا احد يجيد التعامل معي

ادرس لغاتنا ومن ثم احكمو علينا

#كسر_مركب 🖇💔

-7-


سارة وشهد قرروا يعملو مفاجأة ل سلمي اشان الامتحانات والنفسنة الهي فيها دي .. وطلعو اشتروا ليها اكل وحاجات وجو البيت وهي كانت بتقرا ف الاوضة وخلاص حتطرشق بعد دقيقة 😹
ولمن شافتهم داخلين ومعاهم اكل وبارد وبلومة "اصرت شهد تشتريها م عارفة ليه بس اصرت غايتو 🤣" سلمي بقت منططة عيونها وفاتحة خشمها مترين وقالت ليهم :- انتو جادين .. انتو جادين م قادرة اصدق ..الحاجات دي لي .. واي قلبيي ي ربيي ..
سارة :- لا صدقي ي حلوة ،، يهمنا انو نفسياتك تبقي فل وم تكوني زعلانة ..
سلمي :- ي الله ،، انا بحبكم ياخ .. جبتو لي بيتزا 😃؟؟
شهد :- ايوة جبنا ليك ..
سلمي :- شيلو قلبي انتي وهي اتقسموهو ..

سارة وشهد بقو يضحكو فيها .. وبعدها قعدو واكلو واتونسو وضحكو .. وبعد خلصو خلاص سارة وشهد طلعو وخلو سلمي تذاكر ..
شهد :- يلا ي سارة استعجلي اشان م اتأخر ،، توصليني لحدي باب البيت 🌚
سارة :- حاضر يختي ،، حوصلك لحدي باب البيت وم حخليك براك كدا ..

جاهم أحمد داخل من باب الشارع وعاين ليهم وابتسم وبعدها قال :- يبقي لي ف ناس محتاجة توصيلة هنا .. يلا ي شهد حوصلك انا .. والله ابوك دا عمل فيني جميل مرتين .. مرة لمن جابك الدنيا ومرك لمن اداني العربية اشتغل فيها ..

سارة :- اووووو والله دا كلااااام لكن 😉
شهد :- اشان انت تستاهل كل شي حلو والله ..
سارة :- من دون مقاطعة لغزلكم الجميل دا .. انا حمشي معاكم ولا لاا اشان اعرف بس ؟؟
شهد :- حتمشي طبعاً ،.
أحمد :- حتمشي للاسف 😏
سارة :- هخهخهخهخ علي قلبكم قاعدة الليلة ..


^^^^^^^^^^^^^^^^^^^^^^^^^^^^

بعد مرور ٤٠ يوم :-

عم عبد المنعم :- الف مبروك ي سلمي التخريج ،، طول عمري فخور بيك وطول عمرك قدر المسؤولية .
سلمي :- الله يبارك فيك ي ابوي ،، شكراً لانك ابوي وسندي ومعلمي واي شي ف كبير وقيّم ف حياتي .. لولاك م كنت وصلت لاي شي .
أحمد :- الف مبروك ي سلمي ،، احلي من يتخرج ولا كيف ..
امهم :- حبيبتي بتي ي ناس ،، شاطرة وحلوة من يومها 💛
سارة :- ايوووويووووي عندنا تخريج الليلة ي ناس ،. الف مبروك ي عسسسل

سلمي :- 🙊💛فرحانة شديد انكم فخورين بي والله .. المهم بكرة حتكون ف احتفالية التخريج ف الكلية ،، لازم من الصباح كلكم تكونو معاي ..
عم عبد المنعم :- ان شاء الله ..

تاني يوم :-

العيلة كلها جات تحضر تخريج سلمي وهي كانت مبسوطة شديد وف عيونها لمعة كدا حلوة شديد ،، وكانت لابسة ومتشيكة ورهيبة شديد طبعاً ..
ولمن زاعو اسمها كانت ماسكة يد ابوها وهو واقف جنبها وحولينا تصفيق وغنية هادئة شغالة .. عاينت لابوها وهي مبتسمة ف منظر ومشهد حلو جداً 💛

سارة :- عقبالك ي شهودة .
شهد :- آمييين ي سرسورة آمييييين "وحضنو بعض "


سارة :- دقيقة علي اذنكم حرد علي التلفون ..
"ومشت بعيد وردت ..
مهند :- ازيك ي سارة ..
سارة ؛- الحمد لله كويسة ،، كيف انت و وينك لسه مسافر ؟
مهند :- رجعت ف طيارة الفجر الليلة ..
سارة :- بجد 😃 حمد الله علي سلامتك ،، نورت الوطن ياخ
مهند :- اساساً منور بناسو الحلوين ،، رجعت ليك بملفات وافكار واثق حتفيدك ،، لازم نتلاقي ف الايام الجاية .
سارة :- تمام شديد ،، نحدد مكان وزمان ونتلاقي طوالي ..
مهند :- صحي الدوشة الحوليك دي شنو .. انتي وين ؟
سارة :- ايوة دوشة شديدة انا ف تخريج سلمي اختي ،، اتخرجت بتفوق الحمد لله 😃
مهند :- ماشاء الله الف مبروك .. التخريج مكانو وين ؟
سارة :-ادتو العنوان بتاع الكلية "وهو اصلاً عارفو"
مهند :- سبحان الله قريب لبيتنا شديد ،، ممكن اجيكم منها اسلم عليك وابارك ل سلمي ..
سارة :- تنورنا اكيد .

سارة كانت مبسوطة انو مهند حيجي وهي حتشوفو بعد غياب شهرين وحاجة ..

^^^^^^^^^^^^^^^^^^^^

مهند :- ازيك ي سارة ،، مشتاقين والله .
سارة :- والله بالاكتر ،، نورتنا .. تعال اتفضل .. طبعاً كان نفسي تقابل الوالد والوالدة بس مشو قبل دقايق واحمد راح يوصلهم .. لكن ف هنا شهد نعرفك عليها ..
مهند :- اهلاً ازيك ي شهد ..
شهد :- اهلاً اهلاً ي مهند .. اتفضل اقعد .

سارة :- حروح انادي سلمي واشوفها وين ..


سلمي طبعاً منسجمة مع صحباتها ومبسوطة .. وجاتها سارة ونادتها ..

لمن سلمي وصلت الطربيزة ولقت مهند قاعد نططت عيونها واستغربت ..
مهند وقف علي حيلو وابتسم لمن شافها ،،

مهند :- الف الف مبروك التخريج ..
سلمي :- الله يبارك فيك .. شكراً كتير (سلمي كانت مستغربة ومبسوطة ف نفس الوقت وبتحاول تدس ابتسامتها بخجل كدا)

انتهي اليوم المميز دا وكل زول راح بيتو .. وكان كل زول فيهم فرحان من ناحية 💛


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

مهند "مع نفسو" :- لازم اتشجع واقول ليها ،، لو سكتت اكتر من كدا م عارف حيحصل شنو .. لازم اقول ليها يارب ساعدني يارب ..
وشال تلفونو واتصل ..
مهند :- صباح الخير ،، ي رب م اكون ازعجتك ..
سارة :- لالا ابداً ازعاج شنو كمان ي مهند ،، صباح النور عليك ..

مهند :- عايز اتكلم معاك ف موضوع كدا ممكن اقابلك ؟
سارة :- طبعاً ممكن ..
مهند :- طيب ساعة والاقيك .

""""""""""""""
سارة :-اها خير يلا احكي
مهند :-"اخد نفس طويل كدا" .. متوتر شديد والله ..
سارة :- ليه ؟؟ الموضوع دا شنو اصلو .. احكي احكي م تخاف
مهند :- طيب .. نحن بنعرف بعض لينا سنين صح ؟ ومن زمان ونحن اصحاب شديد صح ! حتي لو فرقنا الزمن والمكان بنرجع نتلاقي صح ! طيب انا بعرفك شديد وانتي برضو بتعرفيني .. عايز اقول ليك انو يوم جيتي لاقيتيني ومعاك سلمي انا من اليوم داك حاسي اني زي المسحور والمخطوف .. وبعد شفتها كذا مرة وبعد حكاويك عنها وبعد كل دا انا حاسي اني معجب بيها جداً وعايز اتزوجها علي سنة الله ورسوله انتي عارفة اني م بتاع لعب .. عارف انو الموضوع غريب انو اكلمك انتي بس انا محظوظ انو انتي صحبتي واختي وف نفس الوقت اخت سلمي يعني انتي الطرف المهم شديد ف كل الموضوع .. انا عايزك تكلمي سلمي وتكلمي ابوك وامك واخوك وتوريهم اني جادي وعايز اتقدم رسمي ودا كلو طبعاً بعد موافقة سلمي وانا بتمني انها توافق ان شاء الله .. اها قلتي شنو ي سارة ؟


طبعاً سارة كانت بتسمع ف كل حرف بيتقال وهي مصدومة شديد وقلبها واجعها بس نهائي م بينت ليهو كدا وحاولت تكتم دموعها وف الاخير طلعت ابتسامة بسيطة تعبت علي بال ماطلعتها ..
سارة :- ان شاء الله حيحصل الخير ..حكلمهم💛

مهند :- اخخخخ اخيراً قلبي ارتاح .. م عارف اقول ليك شنو والله .. شكراً ي سارة شكراً شكراً قدر العالم .. الله يسعد قلبك ي جميلة زي ماانتي بتسعدي الحوليك طول العمر ..

سارة :- تستاهل كل الخير انت ،، اها بعد كدا حمشي انا ..



سارة وصلت البيت وطوالي جرت علي الاوضة وقفلت الباب ورمت نفسها ف السرير وبقت تبكي وتبكي ... تقريباً بكت البكااااء الفي الدنيا كلو ..بعدما بكت بقت قاعدة وهي مستغربة كأنو الحصل دا شئ هي م كانت متوقعاها ابداً .. ولا خطر علي بالها يوم انو يحصل كدا ،،كأنو حلم ،،ورجعت تبكي تاني 💔
٠٠٠٠٠٠٠

سلمي :- امي وين سارة ؟ م شفتها ..
امها :- جات ودخلت الاوضة ..
سلمي :- طيب حمشي اشوفها 🚶🏻‍♀️


سارة بعد بكت طلعت من الاوضة ومشت غسلت وشها ورجعت الاوضة لقت سلمي قاعدة ..

سلمي :- وين انتي .. دقيقة دا شنو عيونك وارمة كدا ليه ؟ انتي كنتي بتبكي ؟؟!
سارة :- لااا م كنت ببكي .
سلمي :- هبلة انا يعني ماهندا عيونك ظاهر انها باكية .. ف شنو .. ف شي زعلتك ؟
سارة :- كنت بحضر ف فيلم ف اللابتوب وكان مؤثر فجأة لقيت نفسي ببكي ..
سلمي :- اهاااا .. والله انتي عيوطة وحساسة جداً .. المهم كنت عايزة احكي ليك موضوع مضحك تعالي اقولك ..اقعدي

سارة :- احكي

سلمي :- تتذكري عمر داك الكان ف الكلية وبحكي ليك عن بياختو وقلة احترامو معاي .. المهم ي ستي هو كان معانا ومفروض يتخرج السنة دي معانا مع انو دفعتو اتخرجو من سنين .. المهم برضو م نجح ولا اتخرج .. وطردوهو زاتو .. انا م شمتانة فيهو ابداً حاشا وكلا بس تخيلي من يومين ضرب لي وقال لي :- (كان نفسي نتخرج سوا ونتزوج ونعيش حياة سعيدة بس ابوي قرر يسفرني معاهو برة وحتزوج بت عمي بالغصب ..مع السلامة ي سلمي ) اتخيلي ي سارة قال لي كدا🤣🤣

سارة :- مبالغة والله ،، كويس ربنا فكاك منو ..
سلمي :- ايوة الحمد لله ي زولة ،، سارة متأكدة انك كويسة ؟
سارة :- ايوة الحمد لله

^^^^^^^^^^^^^^^^^^^^^^^^^

ام مهند :- الحمد لله وربنا يتم ليك علي خير ..
مهند :- ادعي لي بس ي امي عليك الله ،، طبعاً لمن تعرفيها حتحبيها شديد ،، بس الصراحة انا م عارف حتقبل بي ولا لاا !! ان شااء الله حتقبل ..

امو :- طيب انت عرفتها كيف ؟ احكي لي
مهند :- انا بعرف اختها الكبيرة لي سنين وشفتها معاها كذا مرة وحبيتها والله .. ناس محترمين من عيلة محترمة ..
امو :- طيب علي بركة الله

٠٠٠٠٠٠٠٠٠٠٠٠٠٠٠٠٠٠٠
بالمساء :-
سارة :- ابوي وامي عايزة اتكلم معاكم ف موضوع
عم عبد المنعم :- اتكلمي ي سارة

سارة :- ف زول محترم جداً انا بعرفو من الجامعة زمان ،، وحالياً شغال ف شركة زي الانا شغالة فيها ،، وبعرفو معرفة كويسة شديد وهو كويس ومحترم جداً ،، الشخص دا عايز يتقدم ل سلمي .. وحابب يجي يقابلكم ..
عم عبد المنعم :- طيب وسلمي عارفاهو ؟ ولا م بتعرفو !
سارة :- سلمي بتعرفو من بعيد لبعيد بس انا لسه م وريتها لكن حتكلم معاها اسه .
عم عبد المنعم :- طيب مادام انتي قلتي انو محترم و ود ناس انا م عندي مانع اقابلو ..
سامية :- انا برضو م عندي مانع نقابلو .. وان شااء الله يطلع ود حلال ونفرح بيها ..
سارة :- ان شاء الله .. علي اذنكم انا حروح اتكلم مع سلمي .

٠٠٠٠٠٠٠٠٠٠٠٠٠٠
سارة :- سلمي متذكرة مهند صح ؟
سلمي :- مهند 😳 ايوة ايوة متذكراهو طبعاً مش كان معانا ف التخريج .. مالو ،؟ حصل ليهو شنو ؟؟
سارة "وهي مبتسمة" :- عايز يتقدم ليك

سلمي :- يتقدم ليك يعني شنو ؟؟
سارة :- بطلي استغباء ،، يتقدم ليك بمعناها الواحد دا ..

سلمي :- يتقدم ليك يعني يتزوجك 😳
سارة :- سلمي انتي بتستغبي ليه ي بت ،، ايوة يتزوجك .. وكلمني وانا كلمت ابوي وامي وهم شايفين انو م ف مانع يخليهم م يقابلوهو وعايزين يعرفو رأيك بما انك شفتيهو قبل كدا وعارفاهو .. اها موافقة يجي ولا لاا ؟

سلمي بقت ساكتة وم ردت لمدة كدا

سارة :- سلمي انا بسأل فيك ،، ردي علي موافقة يجي ولا لاا ؟؟

سلمي قامت علي حيلها وجات علي سارة حضنتها وقالت ليها :- طبعاً موافقة ،، موافقة شديد كمان .. وااي ي سارة انا مصدومة م قادرة اصدق 😭دي من المرات القليلة الاتمني فيها شي ويحصل زي ماهو .. م مصدقة نهائي 💃🏻💃🏻

سارة "وهي مستغربة" :- كيف يعني ؟ اشرحي لي

سلمي :- صراحة صراحة من اول مرة شفت فيها مهند معاك كان بالنسبة لي كراش لابعد الحدود ..اسلوبو ،،تعاملو ،، ظرافتو ،، شكلو ،، يعني كان جنتل مان شديد .. وف كل مرة كنت بشوفو فيها كنت بحس كدا بس بقول لنفسي يكون خاطب ولا مرتبط وكنت عايزة اسألك
بس م عارفة ليه كنت بخجل وم اقدر اسألك .. حالياً انا م مصدقة البحصل دا .. معقولة هو عايز يتزوجني .. اشان كدا قلت ليك دا شبه حلم لي واتحقق .

سارة كانت مصدومة وحاسة روحها ف نص البحصل دا كأنها صفر علي الشمال وم قادرة تستوعب شي ..

سلمي "وهي بتحضن سارة" :- شكراً سرسورة انك عرفتي مهند وبسببك انا عرفتو ،، شكراً حبيبتي💛


#تُستكمل