و وحكالا

محمد: ما بدي لما أكبر يجي ابني ويكبني

رهف: انت ماعم تكبو

محمد: مبلا وسكري عالسيرة

رهف: لا ما حزرت

فاتت الغرفة وبلشت تضب غراضها...لحقها محمد وحاول يقنعها...وبعد ساعتين من الخناق والجدال...اقتنعت على شرط انو مرام تهتم فيو وبالطبخ...!

#بعد أسبوع...

صحيت مرام على صوات خناقاات جديدة...
تجاهلت الموضوع لأنو بقي أمر روتيني وما منو مهرب
اليوم عطلة ومافي محاضرات بس لازم تطلع من البيت...قررت ترجع الكتب يلي استعارتهن وتجيب كتب جديدة...

رهف: شو وين رايحة؟

مرام: ح رجع الكتب

رهف: عملي حسابك معك ساعة وحدة بس...لسا في شغل البيت...في الطبخ..وفي انك تهتمي بأبوك العاجز

مرام: خلص بقا

رهف: كلمة تانية ورح تندمي ست مرام

تجاهلتها مرام وطلعت

#وبالطريق...

كانت عم تحمل الكتب...وتفكر..كانت تعبانة كتير...فجأة طلع بوجها نفس الشب!

قيس: انتِ منيحة؟

مرام:.....

قيس: شبك؟

مرام(بتبكي): لو سمحت بعد عني

قيس: ليه بتبكي؟

مرام: شوو دخلك

وفجأة قبل ما تكفي كلامها...حست بدوخة ووقعت...

#لما فتحت عيونها كان هو قدامها عم يحاول يصحيها.. كمان حوليها ناس تانية

قيس: انت منيحة؟

مرام: اي

قرب منها شخص غريب وسألها:

-عطيني رقم أهلك يا بنتي اتصل فيهن يجو

قيس: لا مافي داعي انا موجود

-مين حضرتك؟

قيس: خطيبها

اطلعت مرام فيه باستغراب...خطيبة مين!
حملها كتبها ومشي معها..

مرام: ليه هيك حكيت؟

تجاهل سؤالها وحكالها

قيس: ح تروحي ع المكتبة؟

مرام: اي

#وبالمكتبة...

رجعت مرام الكتب لمكانهن وقعدت عالكرسي...قعد هو جنبها

مرام: بشكرك

قيس: ما تشكريني هاد واجبي

مرام: واجبك؟

قيس: اسمي قيس وانت؟

مرام: اسمي مرام

شوي شوي بلشت ترتاح للحكي معو...وتحكيلو اكتر

#بعد ساعة..

مرام: انا اتأخرت لازم ارجع

قيس: تمام...بس ح شوفك مرة تانية؟

مسكت مرام تلفونها حتى تشوف اديش الساعة وانصدمت..يا ويلي ٢٠ مكالمة فائتة من اخوها ومرت اخوها..
شو ح تعمل هلأ؟
معقول شك بشي؟
اخدت غراضها بسرعة ووقفت

مرام: عن اذنك تأخرت..

~*_❀{‹‹نـهـايـةة الـبـارت››}❀_*~
〰️〰️〰️〰️〰️〰️〰️〰️〰️〰️
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw