بقلبي على طول💔

اطلّع فيها بألم وحزن...اطلّع فيها بنظرة رجاء....ودعها بعيونو..حكى كل شي بعيونو...و مشي

#قبل ثلات سنوات...

كانت مرام بتمشي وزعلانة كتير...تعبت كتير بكتابة حلقة البحث..تعبت كتير لحتى كتبت موضوع يعجب استاذها وبكل بساطة رفيقتها بتسرقو !
قررت تبقى وحيدة...تبقى لحالها...ماعاد بدها رفقات..شبها الوحدة؟

فاتت عالمكتبة وبلشت تستعير كتير كتب...بدها تعوض عن اخر رفيقة خسرتها..
وهي طالعة كان الكتب كتار كتير...والحمل تقل عليها ف وقعو...
وفجأة بيجي شب وبيحملا اياهن...كانو ايديه متوسخات وتيابو كمانه...

قيس: تفضلي

اطلعت فيه بحزن...وسخلها الكتب يلي اصلاً هن مو الها
هو حس على نظراتها...وتلبك كتير

قيس: بعتذر وسخت الكتب...انا بشتغل بالنجارة هون..كنت طالع على استراحة الغدا وشفتك...ما قدرت ما اساعدك...عذريني

مرام: ولا يهمك

قيس: اسمي قيس

ابتسمت بوجهو...ومشيت...هو حسها متل النسمة يلي بتمرء بغير وقتها...كانت متل الملاك...كانت حلم لطيف كتير وشو حلو...

#وبالبيت...
بلشت تقرأ من كل كتاب شوي..كان تفكيرها مشغول فيه...حاولت تتجاهل هالأفكار لحد ما سمعت صوت مرت اخوها واخوها..
اي نسيت خبركن...امها توفت بحادث سيارة وابوها انشل...لذلك هي وابوها عايشين عند اخوها ومرتو وابنو...

#برا الغرفة

محمد(اخوها): لك كرمال الله اهدي شوي يا حبيبتي

رهف: ولا يمكن اهدى أبداً

محمد: انا برتب البيت من عيوني

رهف: بالله شو عم تضحك علي؟
ابوك كسرلي الكاسة...ابوك جنني...انا ما عاد اتحمل عاجز ببيتي

محمد: لك هسس

طلعت مرام وهي بتبكي

مرام: انا بلم البلور بعيوني حتى لو انجرحو...بس لو سمحتي ما تحكي عن ابي وقدامو!

اخدت ابوها يلي مو قادر يعمل شي غير يحكي:

-حسبي الله ونعم الوكيل

دخلتو الغرفة...وطلعت تلم البلور وتشطف...

رهف: ليك محمد انا ماعاد اتحمل

محمد: شو يعني؟

رهف: يا أنا يا ابوك بالبيت...ولما ح اطلع ح يبقى ابنك معك...وبنتي يلي ببطني معي

محمد: شووو هالحكي!

رهف: متل ما سمعت...انا ماعاد احتمل...بكفي متحملة اختك

محمد: شو اعمل يعني؟

رهف: فوّت ابوك على دار العجزة

مرام: شوووووو..

~*_❀{‹‹نـهـايـةة الـبـارت››}❀_*~
〰️〰️〰️〰️〰️〰️〰️〰️〰️〰️
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_حب_ثلاثي_الاطراف

#حب_ثلاثي_الاطراف
#ياسمينة
#الحلقة_الاولى
..

- خلص بكفيي
- انتي يلي عم تجبريني اعمل هيك
- اناا انااا .. لك نسيت لما كنت موت عليك وانت هاملنييي نسيت اديه عذبتني وجرحتني وذليتني . خلص بكفي بقى تركني عيش حياتي مع الشخص يلي بحبو ومقدر قيمتي
- انتي الي غير هيك والله بقتلك
- انا مو الك عم تفهم
- ماشي انتي يلي جبرتيني اعمل هيك ..
#صوت_طلقة_بوسط_هدوء
_______________________________
#قبل_سنتين
- ايلا : مامااا صباح الخير
- ام عماد: ريتو الله يسعدلي هالصباح شكلك فايقة ورايقة
- ايلا : اي رايقة ومبسوطة كتير كتير كتير يا مااما
- ام عماد : شو في هاتي فرحيني معك
- ايلا : مبارحة قبل ما نام اتصلت فيني سوزان
- ام عماد : ايي ؟
- ايلا : وقالتلي انو جاي هي واهلا رح يقضو زيارة عنا
- ام عماد: اهااا وشكلو حبيب القلب جاي معن
- ايلا : ماني مصدقة يا ماما واخيرا رح شوفوو
- ام عماد : تشوفيه
- ايلا : قصدي شوف عمتو لان اشتقتلا كتير
- ام عماد : اي اي صدقت
- ايلا : ومو بس هيك يا ماما ما بعرف حسيت من كلاما عم تلمحلي ع شي انو
- ام عماد : انو شو
- ايلا : هلأ ما بعرف بس سوزان قالتلي انو هنن راجعين لان عمتو بدا تخطب ليوسف ومو حابة تخطبلو وحدة من المانيا لهيك جاي الزيارة
- ام عماد : ايواا . روحي ان شاء الله بتكمل معك وبيفرح قلبك يا رب
- ايلا : يلا انا طالعة ع الجامعة
- ابو عماد : لوين لوين رايحة اميرة ابوها
- ايلا : ع الجامعة
- ابو عماد : اي بنتي الشوفير ناطرك برا
- ايلا : بابا مو ع اساس ما عاد في شوفير
- ابو عماد : لك انتي بنتي الوحيدة وبتعرفي كم مرة حاولو يأذوكي بس الحمدلله رجعتيلي سالمة . بعدين الشوفير يلي جبتو هلأ قد حالو واثبتلي هالشي واذا كان معك انا رح كون مطمن
- ايلا : طيب متل ما بدك بابا
- ابو عماد : يلا بنتي لا تتأخري
___
- اهلا وسهلا
- ايلا : كمان انا بدي افتح الباب لحالي
- هي مو شغلتي شغلتي احميكي انا
- ايلا : لا يا الله من اول يوم عمم تتواقح معي انا بورجيك المسا بس ارجع رح اشكيك لبابا
- طيب هلأ طلعيي

#طلعت ايلا ع الجامعة وهي معصبة ومنرفزة كتير من هالشب . فاتت ع محاضرتا وطلعت مع رفقاتا وكان هو ناطرهااا

-رانيا : مين هاد الشب الحليوة يلي عند سيارتك
- ايلا : الشوفير الجديد يلي جابو بابا
- رانيا ؛ وااو بجبلك شباب شخصية كمان
- ايلا : خرسي انا مقلوعة
- رانيا: خليني امشي معك وشوفو عن قرب واسمع صوتووو
- ايلا : مستفزز كتير ما بنصحك
- رانيا: ما دخلك امشي
- عمر : اهلا وسهلا خلصتي محاضرات اليوم
- ايلا: خلصتت
- عمر : طيب تفضلي
- ايلا : كأنو مو شايف رفيقتي عيب عليك حركة التجاهل هي
- عمر : عفوا بس انا مسؤول عنك مو عنك وعن رفقاتكك
- ايلااا : ااااه منتحاسب
_______________
#بالبيت
- ايلا : بابا .. بابا
- ابو عماد : خير خير اللهم اجعلو خير
- ايلا : اذا هاد الزفت الشوفير ما بتقلعو فورا انا رح اطفش من البيت
- ابو عماد : ليش شو عملك
- ايلا : لك من الصبح عم يزعجني بيعمل كل شي عكس يلي بقلو عليه شو هاد
- ابو عماد : يا بنتي هاد مو خادم عندك لتتأمري عليه . هاد اجى ليحميكي
- ايلا : اهاااا
- ابو عماد : بعدين انا لما شغلتو كان شرطو انو هو ما رح يكون خادم الك رح يحميكي وبس وما رح تتأمري عليه
- ايلا : بس بابا ..
- ابو عماد : الله يرضى عليكي بلا مشاكل تحملي هالفترة معلش انا خايف عليكي كتير هالفترة
- ايلا : طيب امركك
- ام عماد : وجهزي حالك عمتك المسا بتكون هون
- ايلا : اا عنجد طيب انا رايحة جهز حالي
- ام عماد: اشوفك روقتي
- ايلا : لا ابدا بس عم حاول هدي حالي مو حلوة استقبل عمتي بوجه عابس
- ام عماد : اي قلتيلي . روحي روحي ما ضل وقت
#المسا
#اجت عمتها ل ايلا وكان معها ابنها يوسف يلي عمرو ٢٤ سنة وبنتها سوزان يلي عمرا ٢٠ .. تعشوا وقعدوا الكل قعدة عائلية ومضت اول ليلة ع خير .. فاتت ايلا ع غرفتا وفتحت شباك الغرفة وقفت وصارت تحكي مع حالا
- ايلا : يا الله يوسف شو حليان .. حاسة حالي صرت حبو اكتر واكتر .. بس حسيتو مو مبسوط او لا لا اكيد مبسوط بس تعبان من السفر
#نامت ايلا وتاني يوم مضى عادي
#ضلت هالايام عم تمشي يوسف وايلا عم يقضو وقت مع بعض .. شوي شوي بلشت ايلا تحس يوسف مبسوط معها .. بنفس الوقت مشاكلها هي وعمر ما كانت تخلص ..
#بعد_10_اايام
-ايلا : عمر عمر يلا تأخرنا
- عمر : يلا جاي
#طلعو بالسيارة كانت ايلا متلبكة لان متأخرة ع امتحان
- عمر : روقي بنوصل ع الوقت
- ايلا : ان شاء لله
- عمر : اخبار يوسف ايه
- ايلا : يوسسسسف ..
- عمر : شبك نسيتي فحصك
- ايلا : لا لا ولا شي اصلا وصلنا .. انا ما بطول انطرني هاا
- عمر : ماشي ماشي
#خلصت ايلا فحص ورجعت ع البيت.. فاتت وراحت فورا ع غرفة يوسف كانت حابة تاخدو ويفطرو بشي مكان رايق .. كان الباب مفتوح شوي وكان ..
- ام يوسف: انت جنيت.. انت بدك تورطنا ؟ بدك تدخل ال

- عمر : انتي طلبتي نصيحتي صح!
- ايلا : صح
- عمر : طيب وانا عم قلك غلط انك تفسخي هلأ يعني ممكن يلاقي حجج او اي تفسير ويكذب حكيك لهيك لازم تكملي وتحاولي ما تخليه ياخد مصاري وانا الي رفقات بظن بساعدوني وبقدر اعرف شو المشكلة ولشو بدو المصاري
- ايلا: طيب
___
بعد الاكل .. جهزت ايلا الشاي وراحت قعدت مع عمر وفتحت تلفونها واتصلت ب امها
- ام عماد : ايلااا
- ايلا : كيفك ماما
- ام عماد : منيحة انا انتي كيفك يا امي طمنيني عنك
- ايلا: ماما انا كتير منيحة ما قلتلك لا تشغلي بالك علي
- ام عماد : شو صاير معك يا بنتي
- ايلا : ماما ما بقدر احكي هلأ
- ام عماد : طيب ما بدك ترجعي عالبيت حاج والله مو متعودة تضلي برا البيت
- ايلا : بهاليومين رح ارجع
#وقت كانت ايلا عم تحكي مع امها فجأة بتسمع صوت يوسف وبتنقلب فجأة
- يوسف: مرة خالي هي ايلا
- ام عماد : اي ابني
- يوسف : عطيني .. الو ايلا
- ايلا : اهلين
- يوسف : كيفك وينك قليلي لاجي اخدك هلأ بعدين ليش اختفيتي وما خبرتيني انشغل بالي قوليلي شو اللي صار ايلااا
- ايلا : انا منيحة بس كنت حابة بعد شوي
- يوسف : ليش قوليلي
- ايلا : يوسف بعدين منحكي
- يوسف : طب قوليلي وينك لاجي وضل معك
- ايلا : مافي داعي عمر معي .. باي
_____
- يوسف: الو ... الووو
سكرت
- ام عماد : الله واعلم هالبنت شو صاير معها
- يوسف: عمر
- ابو عماد : شبو عمر
- يوسف : خالييي ايلا خطيبتي انا صح
- ابو عماد : صح ابني
- يوسف : وخطيبتي اناااا قاعدة مع رجال غريب
- ابو عماد : ايلا لما تكون مع عمر متل كأنها معي لا تخاف
- يوسف : انا مو خايف يعني .. يعنيي
يعني ايلا وعمر لحالن بالبيت وهي ع ذمتي ووو
#قبل ما يكمل يوسف كلامو كان خالو ضاربو كف بكل ما فيه من عزم
- ام يوسف: يوسسسسسف
- ابو عماد : لما بدك تحكي عن بنتي بتحكي باحترام .. ابنك شكلو بدو ترباي من اول وجديد
- ام يوسف : ما تواخذو هو غار شوي وبطل يعرف شو يحكي روق انت اخي وانا بحكي معو
_____
#فصلت ايلا المكالمة ورمت الجوال ع الارض
- ايلا : عامل حالو بحبنيييي .. ليششش ليشش هيك يا الله ليشش
#ضمت ايلا رجليها وقعدت تبكي وتبكي.. قرب عمر لعندا
- عمر : لا تبكي
- ايلا : ليش هيك صار فيني
- عمر : تأكدي انو خير الك يعني كان بدك تكملي ولما ياخد يلي بدو ياه يتركك ويهرب
- ايلا : ما الي حظ .. ما لحقت افرح حتى
- عمر : تمام اهدي هلأ وروحي نامي
- ايلا : ...
- عمر: يلا
- ايلا : تصبح ع خير
- عمر : وانتي من اهلو
______________
#قام عمر ووقف عند الشباك بعد ما طلعت ايلا ع غرفتها ..
- عمر : مستحيل.. مستحيل .. عمر اصحى قلبك ما لازم يرجع يدق .. واصلا حتى لو حبيتا ما رح تستفاد شي هي بتحب غيرك .. اصحى اصحى ما رح حب .. ما رح عيد الغلطةة .. لازم ترجع لعند اهلها لازم بعد عنها بس ...
بس وعدتا اني ساعدها وما رح اتركها من اول الطريق .. رح بعد .. رح ساعد من بعيد
ما رح حبا .. انا مستحيل حبا
___________________
#اليوم_التاني
- ايلا : صباح الخير
- عمر : صباح النور
- ايلا : طالع
- عمر : اي
- ايلا : لوين
- عمر : صايرة عم تدخلي كتير
- ايلا : ما كان قصدي ازعجك بس حبيت اسأل فضول يعني
- عمر: لا تكوني فضولية احسن الك.
#طلع عمر من البيت وسكر الباب وراه بقوة
- ايلا : شبو هاد .. بلشت خاف منو
اكيد عندو شغل ومعصب من شغلو .. اكيد
واكيد انا هلأ عم حاول طمن حالي بس مو اكتر افف يا افف
__________
#فاتت ايلا ع المطبخ وبلشت تجهز وتتفنن بالاكل
- ايلا : مشان يعرف مو بس هو بيقدر يتفنن
#خلصت بعد تعب طويل وقعدت تنطر عمر ونطرت ونطرت وعمر ما كان يجي .. وقفت ع الشباك وعم تتفرج ع الحديقة وبعدين قررت تنزل تسقي الورد والشجر يلي بالحديقة
طلعت ع الحديقة وهي عم تسقي كانت الجارة يلي جنبا عم تطلع عليها كتير .. حاولت ايلا ما تبين انو شايفتا بعدين
- انت شو بتقربيه لعمر
- ايلا: عفوا عم تحكي معي انا ؟
- اي معك ليش في حدا غيرك
#كانت صبية بالعشرينات شعرا قصير وطويلة ونحيفة
- ايلا : مافي
- شو بتقربي عمر
- ايلا : ليش هالسؤال
- لان عمر معروف عنو شب عذابي وما الو حدا وكمان ما الو شغل بناات وهالقصص فالكل مستغرب من وجودك ببيت عمر يعني
- ايلا : عمر ..
- شبك تلبكتي ! يه يه لتكوني هربانة من بيت اهلك
#طلعت جارة تانية ع بلكونة بيتا
- تركي هالبنت بحالا شو بدك
- ما بدي شي يا خالتي كنت عم اسألا من فضولي بس الله يستر ع الجميع
- ايلا : انا ما بقربو لعمر بس انااا
- انتي شو صرلك ساعة بتقولي انا وبتتلبكي وبتفوتي بالحيط.. يعني جارنا ومنعرفو ما عندو هالقصص بس الله العليم شو عم تعملي عندو
#بلشوا الجارتين يهمسو بين بعض وايلا واقفة وكتير مزعوجة وبنفس الوقت متلبكة وما عرفانة شو تحكي .. وفعلا بلشت تفكر هي ليش قاعدة هون مين هو لتقعد ببيتو
- حرام شوفي كيف خجلتيا للبنت
- خالتي محدا بيخجل الا اذا كان عامل شي والعياذ بالله
- ايلا : بس انا مو عاملة شي

#رواية_حب_ثلاثي_الاطراف

#حب_ثلاثي_الاطراف
#الحلقة_الرابعة
#ياسمينة
..
..
..
#اليوم_التاني
#فاق عمر وفورا تذكر شو حكا مع ايلا
- عمر : اووف انا كيف حكيت هيك.. اكيد هلأ بتكون مزعوجة كتير لقوم شوفا
#طلع عمر من غرفتو وراح ع غرفة ايلا دق الباب ونادالا بس ما حدا رد رجع دقو اكتر من مرة وما كانت عم ترد .. فتح الباب شوي ونادا ايلاا بس كمان ما ردت دخل ع الغرفة ما لقى حدا
- عمر : معقول تكون تحت او بالجنينة
#قبل ما يطلع من الغرفة ضربت عينو ع الخزانة مفتوحة وما فيها ولا غرض
- عمر : لا ايلا انتي بنت عاقلة ما بتعملياا لااا
#نزل ركض ع الطابق الاول يدور عليها بس كمان ما لقاها وطلع ع الجنينة وما لقاها
- عمر : شكلك عملتيها .. شو هالعقل الصغير يلي عندك
#طلع فورا ع غرفتو ودقلها بس كان الرقم عم يعطي مغلق حاول اكتر من مرة بس كمان مغلق
- عمر : معقول تكون راحت لعند اهلها
#جهز حالو وراح فورا ع بيت اهلها بس لما فات ما كانت موجودة واستغرب اكتر لما قالولو ليش ما جبتا معك واشتقنالا ويلي استغرب منو اكتر انو كان الوضع طبيعي كتير واكيد ما حدا منن بيعرف انو ايلا مختفية
- ام عماد : اليوم رح تجي بنتي ع البيت حاجتا
- ابو عماد : لا
- ام عماد : شو قصتك يا رجال لا بتخلينا نروح لعندا ولا هي تجي ع بيتها
- ابو عماد : ع القليلة انا هيك متطمن انو بنتي بأمان بس بلشت تروح وتجي الكل رح يعرف وينا وهالفترة ابدا مو لمصلحتي انو حدا يعرف وينا
#عمر كان ساكت مو قدران يحكي ابدا بس عم يفكر وين ممكن تروح وكيف رح يلاقيا ويخبرهن ولا ما يخبرهن
- عمر : عن اذنك يا بيك انا عندي شغل
#قام وعمر وفتل ضهرو ومشي خطوتين فجأة برن جوال ابو عماد وبيصرخ بصوت عالي ومليان خوف ايلااااا .. الكل التفت لعندو واولهن عمر
- ابو عماد : وينك بنتي قوليلي .. الو الووو
شو بدك مني ليش لتاخد بنتي ليشششش
- انا ما دخلني انت تركت بنتك بمكان ابدا مو امن
- ابو عماد : اديه بدك ١٠ مليون او اكتر حدد رقم
- يلي بدي ياه اكبر بكتير من هيك واكبر من انو حددو برقم
- ابو عماد: شو بدك
- حاليا ما رح اطلب برجع بدقلك بعدين سلام
- ابو عماد : الو .. الووو
#راح ابو عماد بسرعة لعند عمر ومسكو من جاكيتو
- ابو عماد : وين بنتييييي انا مأمن انك معها وانا واثق فيك وكنت نام مرتاحححح لانو عندي ثقة فيك ليش هيك عملت ليش
- عمر : ايلا طلعت بنص الليل وكنت نايم
- ابو عماد : وليش لتطلع بنتي بنص الليل ليشششش انا رحت وشفتا كيف كانت مرتاحة بالقعدة هنيك شو يلي بخليها تترك وبنص الليل كمان قلي شووووو
- عمر : ما بعرف بس بوعدك اني لاقيها
- ابو عماد : لا لا ما عاد اوثق فيك انا بنتي رح لاقيها لحالي
- عمر : يا بيك
- ابو عماد: قلت لا
- يوسف : خالي انا رح دور عليها
- عمر : يا بيك بس
- ابو عماد : يوسف يلي رح يدور عليها .. طلاع لبرا
- عمر : عم تقلعني ورح اطلع بس ايلا رح لاقيها وجبلك ياها سليمة بوعدك بهاد الشي
- ابو عماد : بدك صدق وعودك بعد اليوم
- عمر : ما بجبرك انك تصدق بس كمان ما فيك تجبرني اني اقعد بدون ما دور عليها
#طلع عمر من البيت وابو عماد كان معصب وعم يناديلو بس ما عم يرد ويوسف كان عم يحاول يهدي خالو والكل بالبيت عم يبكي ..
طلع عمر بسرعة من البيت وراح لعند واحد من رفقاتو
- ايمن : عمر !!
- عمر : لازم تساعدني بشغلة
- ايمن : من عيوني
- عمر : هالرقم ***** قبل شي ساعة اجاه اتصال بدي تعرفلي الموقع
- ايمن : اي تكرم .. فوت ارتاح جوا لبين ما اعرفلك المكان
#قعد عمر وهو متوتر ومعصب بنفس الوقت وبعد ربع ساعة
- ايمن : عمر المكان هو ****
- عمر : متأكد
- ايمن : اي بس يمكن يكونو غيروه لان الجوال انكسر ما عم ينلقط مكانو هلأ
- عمر : مو مشكلة انا رح اروح ع هاد المكان ويلي بدي ياه منك تحاول تعرفلي هوية الشخص ضروري
- ايمن : تمام بس اعرف بدقلك
#مشي عمر باتجاه الباب بس وقف لثواني وفتل لعند ايمن
- عمر : رقم بدي تعرفلي كل مكالمة ورسالة بيبعتا او بتجيه وبتخبرني اول باول كفو ؟
- ايمن : اكيد كفو ولو
- عمر : تمام *****
- ايمن خلص ما عليك انت الموضوع عندي
#طلع عمر من بيت ايمن وبسرعة راح ع المكان يلي قلو عليه ايمن .. كان بيت شبه مهجور
صف السيارة بمكان بعيد ونزل شوي شوي قرب ع البيت وطبعا كان المسدس ب ايدو دخل ع البيت بكل حذر .. كان بيت مهجور عبارة عن خرابة .. دور عمر بالبيت كلو بس ما لقى حدا
- عمر : اكيد غيرو البيت
#نزل عمر المسدس وراح باتجاه باب البيت بس سمع صوت جوال عم برن .. لحق الصوت لحتى وصل للجوال مسكو ورد ..
- مفاجأة.. اكيد ما كنت متوقع انو ما رح تلاقينا يا بطل مو هيك
- عمر : شكلك بتحب تلعب لعبة القط والفار كتير بس نسيان انو اخر شي القوي هو يلي رح يفوز
- اي عنجد انا كتير بحب هاللعبة صراحة ومستمتع فيها بس قلي انت شو جايك من ايلا لحتى عم تدور عليها .. هي لو ما بتلزمنا ما كنا فكرنا نستضيفا
- ايلا : عمرررررر
- عمر : اذا بصرلا شي اعتبر حالك ميت ماشي
-

خلوك يتيم اي ماشي بس مالك أول يتيم ، يا ما أيتام نجحوا لوحدن وبقوتن وبإنسانيتن ..أول يتيم بضربلك فيه المثل هو سيدنا محمد ، ساد الأمم ولبعد 1400 سنة ،بعيدا عن الرسالة اللي انأمر يوصلها بس عاش حياة صعبة كتير وفقد غوالي كتير و ضل إنساني كبير

سكتت ودارت وجها ،أما هو ضل صافن

سعيد :القتل أسهل حل لنخلص على ندل

نسمة :اللي بتشوفه أنت ندل غيرك شايفه ملجأ وقوة ، وبعدين في حلول كتير لتخلص منه ،أجبروه ينتقل لشي مكان تاني

سعيد :بخلص منه أنا بس بيتنادل عغير ناس ﻷ بقتله أحسن

نسمة :لا تنقلوه ،استردوا حقكن ،اللي سرقه استردوه

سعيد :بيرجع بيسرق

نسمة :هددوه

سعيد :بالقتل

نسمة :ﻷ ..بالضرب ..بالسجن

طلع فيها يلاقي مخرج من نقاشا ، كان بدو يجبلا سيرة أبو أيمن بس ما اتجرأ كونه غلطان ذات غلطه ،اتصله الريس ،راح لعندو فات لقاه معصب وكاتم غضبه

الريس :ما سمحتلك تعطيه فرصة

سعيد :....

الريس :من إيمتا بتعطي فرصة لزلمة واطي بيعتدي عمرة متجوزة وفوق منها جوزها شغيل عندو ..ااا قليي

سعيد :... عندو أولاد

ثبت الريس متفاجئ :شوو !!

سعيد :..ريس ...عندو أولاد صغار وبيكفي التهديد اللي عطيته ياه

الريس :شو قصدك بأولاد ، خايف يصيروا أيتام ،ليش مين أيمت بترك أولاد بحاجة

سعيد :المصاري ما بتعوض أبوهن

غص سعيد بآخر كلمة ،ونزل راسه ،اتفاجئ فيه الريس ،شو اللي قلب أفكاره ، ليش فجأة حن ﻷبوه ، أو كيف اتوسع تفكيره ليحس بغيره ، وهو اللي كان ما يتردد وقت يأمره بقتل حدى

الريس :وإذا ما كفى هالتهديد بدك ترجع تقتله

سعيد :..ريس ما بيمشي الحال نسجنه ؟

الريس : !!

إجى ياسر

ياسر :بيي جيت أطمن عليك صارت الساعة 12 وما طلعت ..شوفي

طلع ياسر بسعيد حسه عامل ذنب وبالريس عم يطلع بسعيد و متفاجئ

الريس :شو في سعيد .. ضميرك متحرك شو القصة

وقف سعيد :اسمحلي ريس قتل ما عاد اقتل ،لما بتنحل بالسجن بالضرب بالغرامة ما رح اقتل ،بدك جيب هلق أبو أيمن وانزل فيه ضرب ليطلع الدم من ... بجيبه بس اقتله ﻷ ما رح احمل مسؤولية أولاد لسى ...

ضل الريس وياسر متفاجئين فيه

سعيد :بعد إذنك

برم وراح عالبيت ،ترك الريس وياسر مصدومين ،رجع عالبيت مستعيد شيء من مزاجه بعدما حس هم وانزاح عن ظهرو ، اتحمم و طلع أخد نسمة وفات ينام ، شعور راحة لمسه وهو عم يتخيل نفسه ما بقى يقتل حدى وحيعيش طبيعي متل اي حدى ، همس بأذانها ( بحبك ) قبل ما تغفل ، ما أبدت أي ردة فعل ،، تاني يوم راح ليصفي حسابه ويسترد حقه من نهلة ، اتصله الريس ليجي لعندو ، وصل لقى الشباب كلن معه

سعيد :شلونكم شباب

:حبيبنا

الريس :بلاقيك ما استغربت

سعيد :ريس أنا قلتلك إذا بتجيبلي 200 واحد يساعدني بلا منقود يا شباب بس مارح يفيدني غير سلاحي وبصري

الريس :سمعانين ..شو معتز

معتز :والله يا سعيد نحنا ضالين معك ولو بترفسنا برجليك إجينا لحالنا الريس ما قلنا نجي

عدي :ليكنا جايين كرمالك ومستعدين للموت المهم تاخد حقك من الأندال

قام ،سعيد :عراسي ..بس انا مو مستعد فرط بواحد فيكن مشان هيك رجاء رجاء اتركوني سلم عالريس وروح

أصروا يضلوا معه وما خلوه يروح لحاله ،،

#قبل_سنة

سعيد كان يوصل بنت الريس عالجامعة دوما كون سعيد أكتر حدى بيأمن فيه الريس ،، نزلت وركبت بالسيارة ومشي

غالية :صباحك سعيد

سعيد :أهلين

وربت تمها ماعجبها نشفانه المتكرر

غالية :سعيد

طلع عليها من المراية
غالية :بيي عرف شي عن توصيل رفيقتي معي ؟

سعيد :أبدا

غالية :طيب ..كمان اليوم رايحة معي مشان ما تنسى تمرق من جنب بيتا

سعيد :تكرمي

غالية :تسلم ..بس ياريت كمان لما تحاكيك نهلة تضحكلا شوي ..بستغرب منك لما بتلتئم فيها وهي بنت الكل بيتمنى يحاكيها

عبس ،سعيد :آسف بس ماعم بفهم عليكي

بغيظ ،غالية :ولا شي كمل طريقك

نهلة كانت بتعرف سعيد عن طريق غالية وغالية بتحب أخ نهلة ومن مصلحة غالية أن تقنع سعيد بنهلة اللي بتعشقه كمان هيك اختلطت المصالح بالحب بس سعيد ماكان بهالمود أبدا ،كان بيكره الدنيوية اللي بالبنات ،وجلقتن عليه ،ما تلفت نظره ولا بنت ،ﻷن عندو إحساس قوي بغدرهن وهدفهن ،وسبب هالكره بيرجع لخيانة أمه اللي كانت سبب بتيتمه ،وصلوا قدام نهلة ،مزبطة حالا عالسنتي وكأنها رايحة على عرس،طلعت بالسيارة عبقت الريحة بالعطر ،زاد اشمئزاز سعيد من فستانا القصير ،سلمت عليهن واتجاهل سلاما ،وهنن وماشيين بهالسيارة غمزتا نهلة لغالية

غالية:ءء سعيد فيك توقف شوي

سعيد :في شي؟

غالية :ﻷ بس نهلة بدا تاخد كتابا من عند رفيقتنا هون بيتا
استغرب ،مو شكل المنطقة فيها بيت أصلا كلا فلا وشجر
سعيد :متأكدة لك غالية

نهلة :أي طبعا شو عم بمزح معك وقف عم قلك هلق بتقطع البيت

وقف السيارة ونزلت ،لفت لقدامه وحاكته من الشباك
نهلة :ءءسعيد متل مو شايف البيت ليكو بعيد بدنا نمشي من هون بس امشي معي لجيب الكتاب

غالية :خايفة يطلعلك شي؟

نهلة :اي والله بس هالمسافة الصغيرة بتخوفني

طلع سعيد لمكان ما أشرتله شاف بيت صغير استغرب من مكانو كمان