#رواية_تؤام _الروح

*📖╏تــــــوأم الـــــــروح👭💞*

*📖╏#الـبــــ( 1 )ـــــــــارت*

➖➖➖➖➖➖➖➖➖

بقلم_رومانتيكا
طلعت من المصنع عم برجف عيوني متل الجمر وما عم بقدر أكتم شهقاتي وكأنو بهاللحظة العالم كلو عم يطعن روحي ويشتت أملي
كان الجو عاصف والمطر عم ينزل بغزارة عم ياخد معو حكايا عم ياخد معو كل شي حلو حب وعشق تملكوني من سنين بلش مع هالمطر ورح ينتهي معو
كنت

عم بمشي ضايعة تايهة روحي نسلبت مني بلحظة وما بعرف شو بدي أعمل بهالمصيبة عم اتخبط بخطواتي لوصلت لمحطة الباص دموعي عم تمتزج مع حبات المطر لتطالع كل شي كبت جواتي
قعدت عالكرسي وحبست جسمي الهزيل بين أيديي صرت أبكي وأسترجع الي صار معي بالمصنع

.......................................

كان حابسني عالحيط بأيديه التنتين وعم يمنعني اني أتحرك

صهيب. شو فكرتي بموضوعنا ولا لسا؟!

تطلعت فيه بتوتر لين. صهيب بترجاك بعد عني مو وقتو هلق حدا بيشوفنا بيفكر شي تاني

تطلع فيني بمكر صهيب. هههههههه ما انا هاد الي بدي أوصلو الشي التاني

صرت أرجف بين أيديه لين. شششو قصدك؟

صهيب. ليكي رح قلك ياها بصريح العبارة ادا ما بتجي عبيتي يوم الخميس اعتبري صورك وتسجيلات صوتك وفضايحك منشورين بكل البلد عم تفهمي؟

حسيت وكأنو حدا كت عليي مي باردة تطلعت فيه نظرة استحقار وصرت حاول امنع دموعي من انو تنزل
لين. انت عنجد واحدا واطي لك انا حبيتك وسلمتك كل ثقتي شو عملتلك انا آااه بس يا عيب الشوم عليك

صهيب. هههههه والله العيب على الي بيعمل العيب
غمزني. يا محترمة

صار يتلمس وشي بطريقة مقرفة شلت أيدو عني ونترتا
صهيب. هلق رح أتركك بس وحياتك عندي يوم الخميس ما رح أرحمك

بعد عني شوي وأشرلي بأيدو صهيب. تشاو لا تنسي موعدنا الساعة 12 بالليل لتكون نامت شمئرين

لين. مريض

..........................................

ضليت قاعدة وكاتمة شهقاتي لحسيت بأنفاس حدا قريب مني

أمل. ليه طلعتي قبلي وما عم تردي عموبايلك؟

تجاهلت حكيها وما رديت عليها
قربت مني وفي ألف اشارة تعجب براسها

أمل. لين !
أختي فيكي شي صايبك شي؟
ليش لون وشك أحمر كنتي عم تبكي؟

هزيت براسي بسرعة لين. مافي شي بس تعبانة

هزت براسها مع انو بعرف ما صدقت هي توأمي وبتحس فيني وصل الباص ورجعنا عالبيت
فتت عغرفتي وانا مخنوقة كتيير ما بعرف شو بدي أعمل

فتحت موبايلي لقيت صهيب باعتلي صورة وهي عم تحمل قلبي عم يرجف من الخوف فتحت عيوني على وسعهن وصرت أفركهن

رميت الموبايل عالأرض وحبست رجليي بزاوية الغرفة
لين. حقييير واطي

كان طابع صوري على ورق وكاتبلي جهزت الصور مشان علقهون عكل حيط بضيعتنا ادا ما جيتي ضليت حابسة حالي بالزاوية وعم ببكي انا شو عملت بحالي

قمت غسلت وشي وفتت لعند أختي أمل عالمطبخ انا وياها ساكنين لحالنا بالبيت بعد ما طلعنا من الميتم منشتغل بمصنع حلو ومنصرف عحالنا وما عنا معيل غير الله كانت حياتنا قاسية بالبداية بس شدينا بأيدين بعض وتحدينا كل الصعوبات

قعدنا انا وياها عالسفرة وصرنا ناكل كنت حاطة عيني بصحني وعم باكل بشراهة

أمل. لييين!

لين. امم

أمل. ليه هيك عم تاكلي عمهلك

كملت صحني بسرعة ورجعت عبيت غيرو وأمل عم تطلع فيني وهي ساكتة

أمل. خلصتي

مسحت تمي بالمحرمة لين. الحمدلله

أمل. وهلق ما بدك تقوليلي شبك صرلك أسبوع مو عاجبتيني

لين. مافي شي أمل مافي شي ليش ما عم تقتنعي

تنهدت بعمق أمل. اختي انا بعرفك متأكدة انو في شي مدايقك ما بتاكلي بشراهة هيك غير لما تزعلي

لين. خلصنا أمل قلنالك مافي شي

أمل. مبلا في ورح أعرفو بس تذكري وعدنا بأنو ما نخبي عبعض شي ونوقف جمب بعض شو ما صار

زتيت المعلقة بالصحن واكتست ملامحي الغضب
لين. اوووف أمل اووف انا فايتة عغرفتي

ارجعت فتت عغرفتي وانعزلت بعالمي الصغير ورجعت فكر بحل لمصيبتي الي ما حدا بيعرف فيها غير الله فتحت موبايلي واول ما وصلتني رسالة صهيب صرت أضحك بهستيريا
كان باعتلي صورة وكاتب تحتها ((لبسيلي متلها أحمر))
رجعت أضحك شوي وابكي شوي حسيت حالي عم جن عالبطيئ حسيت روحي عم تختنق طيشي وصلني للهاوية انا صدقاً ما بعرف كيف بعتلو هيك صور معقول ما كنت بوعيي معقول حبو خلاني اتخدر خدر ضميري خدر قلبي وعقلي لحتى صرت ما ميز الصح من الغلط

رجعت حبست وجهي بأيديي وصرت أبكي بلكي هالدموع بتمسح الوسخ المعشعش جواتي عندي خيارين مافي غيرون اما بنفضح وما بقى اقدر ارفع راسي من الأرض أو بخسر شرفي وما حدا بيخبر بشي

كان الموت عم يتلقاني عالجهتين كرامتي او شرفي ولازم اختار بين هالتنين

لما سمعت دقة الباب مسحت دموعي وحاولت بين طبيعية فاتت اختي أمل لعندي وبأيدا في كيس طالعت منو فستانين لون أحمر وزتتلي واحد بيناتون

أمل. يالله اختي قومي لبسي بسرعة ما ضل معنا وقت

لين. ليش بدي ألبس؟

أمل. لك شبك لين صحصحي ما بدنا نقابل عصام بيك اليوم

لين. مين عصام بيك
ضربت أيدي عراسي. آاااه اي قصدك ابو الملوك بتصدقي نسيت القصة

أمل. اي يالله قومي قومي لكن موعدنا بعد ساعة

وقفنا جمب بعض وتطلعنا بالمراية نحنا نفسنا مو قادرين نميز بعض فستان أحمر للأرض مع روج خفيف كعب فضي وفاردين شعرنا مسكت ايد أختي وشديت عليها

أمل. خايفة؟

لين. ههههه لاء بس متوترة شوي يعني فكرة انو نقابل أبو الملوك عم تخليني اتوتر

أمل. مرينا بكتير تجارب وتجاوزنا كتير اشياء من قبل مافي داعي للتوتر

قفلنا الباب وطلعنا وقفنا تكسي ورحنا عالعنوان الي بعتو ابو الملوك

فاتت بخطى ثابتة رافعة راسها لفوق وطقطقة كعبها كانت كفيلة لتخلي الكل يلاحظ وجودها ويطلع فيها رفع راسو عن الطاولة وانبهر بجمالها كان واحد بحيطان ال 45 سنة ملامحو ضخمة ومخيفة لكن مو مبين عليه العمر
تطلعت بساعتها وأبتسمت

أمل. انا أسفة تأخرت عليك دقيقتين

بلع ريقو وحاول يظهر أبتسامة مزيفة
أبو الملوك. ولا يهمك اتفضلي

قعدت عالكرسي بهدوء وحطت جزدانها جمبها

أبو الملوك. شو بتحبي تشربي؟

أمل. قهوة سادة

بعد ما طلب قهوة كان عم يطلع فيها نظرات مخيفة تجاهلت نظراتو بأبتسامتها الساحرة

أمل. انا ما كنت حابة اجي لانو متل ما قلتلك امي مريضة وما فيني أتركها بالبيت لحالها بس لأنك أصريت عليي كتير قلت بجي

أبو الملوك. بعتذر منك ادا عطلتك عن شي بس مو معقول انو بنفس المدينة وما شوفك لهلق
كانت عم تتوسع حدقة عينو وبان عليه الأستغراب.

أمل. خير عصام بيك في شي

أبو الملوك. اتطلعي وراكي

أمل. أااااه

أبو الملوك. شو شبك شو صار

بهالاثناء اختفيت من قدامو فجأة لما شفتو نزل راسو

أمل. لا لا مافي شي بس تشنجت رجلي فجأة شو في ورايي

التفتو تنيناتن بنفس اللحظة بس ما كان في شي

أبو الملوك. أنسي مافي شي

هزت راسها

أمل . اييي احكيلي عنك صح منعرف بعض عالفيس بوك بس حابة أعرفك اكتر

أبو الملوك. شو بدي احكي كل شي بتعرفي عمري 45 مطلق عايش بالبيت لحالي تقريباً مالي حدا وبشتغل بالتجارة

حكو عن حالهون شوي وبعد ساعة قامو تنيناتون وطلعو من المطعم
أمل. لحظة نسيت جزداني جوا رح فوت جيبو وأرجع

فاتت أمل وبعد ثانيتين وقفتلو جمب السيارة تطلع فيني بأستغراب وكأنو انصدم

ابو الملوك. ممما فتي تجيبي الجزدان

ابتسمت بمكر وأشرتلو عليه لين. ليكني جبتو

حاول يخفي توترو وخوفو وتطلع فيني ابو الملوك. اتفضلي خليني وصلك

لين. يا ريت بس ما فيني أترك السيارة هون

قرب مني واتصافحنا
أبو الملوك. متل ما بتحبي ومرة تانية فرصة سعيدة

لين. انا أسعد

أبو الملوك. منلتقى قريباً

لين. ان شاء الله

دور سيارتو ومشي بعد شوي طلعت أمل من المطعم ومبين عليها الفرح

أمل. ههههههه كيييف

مديت كف ايدي وضربتو بكفها حركتنا المعتادة
لين. برافو طلع مقطوع قلبو يا حرام مع انو ما عملنالو شي

أمل. اي عادي عادي مو معقول من اول لقاء نثقل العيار منثقلو شوي شوي بس بتعرفي شو لك كان جاي عبالي ادبحو من غلاظتو

لين. هههههه ما هيك شو شريين يا توأمي والاخ بدو لقاء تاني ههههههه

أمل. اي ليش لاء

كنا عم نمشي ونضحك عالموقف الي صار فجأة لما تذكرت مصيبتي انقلبت ملامحي كنت عم فكر قول لأمل كل شي يمكن تقدر تساعدني تشجعت وصرت احكي بتوتر

لين. أمل!

ندارت لعندي أمل. اي لين

لين. آااه مافي شي بس استعجلي شوي لاني فارطة من التعب

"جبانة” "جبانة" كنت عم ردد هالكلمة جواتي وذكر حالي فيها
.................................................

"يوم الخميس"

عالساعة 12 مساءاً شقيت باب غرفة اختي شوي شوي وتأكدت انها نايمة كنت لابسة جاكيت أسود للركبة وفاردة شعري عكتافي طلعت برا البيت وسكرت الباب شوي شوي

مشيت بالشارع ضايعة تايهة بين صفحات القدر...
بعرف اني عم بغلط بعرف اني صاحبة السم الي عم ببلعو بس لما حطني بين الموت والموت كان لازم اختار....
لين شو عم تعملي؟!
لين أصحي عحالك انتي مانك هيك!
ليش استسلمتي بهالسهولة؟

بس هو بأيدو السلاح القوي ضروري تستسلمي

ضليت عم بمشي وعم تتراطم الأفكار جوا عقلي لوصلت عبيتو فتت عالبناية ووقفت جمب بابو حطيت أيدي جمب الجرس
لاء ليين لاااء....
رح تضيعي

كنت رح لف وأرجع كنت بدي أهرب انا ماني هيك لاء درت وشي لأرجع بس بهالاثناء اجا حدا من ورايي حط ايدو عتمي وسحبني!...#يتبع
...................................................................
تائهة بين صفحات القدر...
كأنني ابحث عن طريق للحياة...وروحي معلقة بين موت وموت!!
...........................................

*يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 2 )ـــــــــارت*

➖➖➖➖➖➖➖➖➖


بقلم_رومانتيكا
كنت رح لف وأرجع كنت بدي أهرب انا ماني هيك لاء درت وشي لأرجع بس بهالاثناء اجا حدا من ورايي حط ايدو عتمي وسحبني!
كنت عم حاول خلص حالي من بين ايديه ضل يسحبني حتى صرنا بمدخل البناية لزقني عالحيط ومسكني بأيديه التنتين
بلعت ريقي غمضت عيوني

وصرت أحكي بتوتر

لين. أأمل ههي انتي!

أمل. هلق بدي أفهم شو عم يصير

لين. أمل خلينا نطلع من هون ورح فهمك كل شي الله يوفقك

سحبتني وطلعنا من البناية بسرعة وضلينا نركض لوصلنا عبيتنا سحبت نفس عميق وقعدت عالكنباية كانت أمل واقفة ومتكتفة عم تنتظر مني تبرير للشي الي صار

أمل. مطولة لتحكي

سحبت نفس عميق لين. أمل قعدي رح أحكيلك كل شي

قعدت قبالي وتطلعت أمل. هي قعدت يالله لين قلبي صار بين رجليي ليش صرلك فترة مانك عبعضك ليش طلعتي الساعة 12 بالليل ولعند مييين؟!

لين. آاااه أمل يا اختي الي رح أحكيلك ياه رح يكسرك متل ما كسرني انا غلطتي خلتني أوقع بمصيبة يمكن تدمرنا او اكيد مو يمكن بس الي بدي يا منك تسامحيني بدي توقفي جمبي بلكي بطلع من هالمصيبة

هزت راسها بتوتر وأشرتلي لبلش طول ماني عم بحكيلا القصة ودموعي عم تنزل متل شلال كنت وقف شوي أسحب نفسي وارجع كمل

أمل كانت مصدومة من الي عم تسمعو كانت عم تحاول توقف دموعها وكل ما ينزلو تمسحهن بكف أيدها
حطت أيدا عتما وصارو عيونها حمر مسكتني من كتافي وصارت تهز فيني

أمل. ليييين ليييش لك لييش عملتي هيك ليش؟

صرت أبكي لين. ما بعرف أختي والله ما بعرف شو الي وصلني اني ابعتلو هيك صور

صفنت فيني شوي وصارت تحكي بتوتر
أمل. الصور كتير أوڤر

هزيت راسي ورجعت أبكي

شتت نظرها عني وصارت تطلع عالأرض أمل. نحنا تواعدنا أنو نحافظ عحالنا وما نسمح لحدا يئذينا لين نحنا ما ألنا حدا ياخدلنا حقنا ادا ما حافظنا عشرفنا مافي حدا رح يوقف جمبنا انتي خلفتي الوعد

لين. أنا أسفة

أمل. ههههه أسفة ...أسفة على شو؟
لك كييف بتفكري تروحي لعندو عالبيت اذا ما فكرتي فيني و ما فكرتي بحالك ما خفتي من غضب رب العالمين

لين. مشان الله لا تزوديها عليي انا خفت لننفضح بالضيعة بس والله كنت رح أرجع لما أنتي اجيتي

كان موبايلي عم بيرن سحبتو أمل مني
أمل. هاد هو؟

لين. أمل لاء لا تردي بلكي ميز صوتك

فتحت خط وأشرتلي بأيدا ما أحكي
أمل. الو ...اي صهيب

صهيب. صارت الساعة 12:30 شو بفهم انا ما رح تجي ؟؟
يعني حابة تنشهري بالضيعة!

أمل. لاء...لاء بسسس أمل

قاطعني صهيب. لسا ما نامت

أمل. لاء مو هيك بس ما بعرف شو صرلا داخت وأخدتا عالمشفى صدقني ما فيني أتركها

صهيب. ليكي لين اعتبريني اني صدقتك معك يومين مو اكتر ادا ما جيتي رح نفذ الي قلتلك عليه وانت بتعرفيني كتيير منيح تمام!

فصل الخط بوجها وصارت تروح وتجي بالغرفة

لين. صدق؟!

هزت براسها
لين. وهلق شو رح نعمل؟

أمل. رح خلي يندم لهالواطي

قربت منها لأضمها كنت محتاجتها كتير بهاللحظة بعدتني عنها وتطلعت فيني

أمل. انا رايحة نام وانتي كمان نامي لأنو بكرا عنا شغل كتير

طول الليل ما قدرت نام وانا عم فكر بيلي صار والي رح يصير شو رح تعمل أمل وكيف رح تحللي مشكلتي
فقت الصبح عصوت أمل كانت عم تصحيني فتحت عيوني بصعوبة وصرت أتمطمط

لين. شوفي أمل خلينا نام كمان شوي

أمل. قومي ما معنا وقت بدنا نشوف الاستاز باسم

لين. مين باسم؟

أمل. لك شبك باسم مديرنا بالمصنع

جلست حالي وتطلعت فيها بأستغراب
لين. اكيد ما رح نطلب من باسم انو يساعدنا مو هيك أمل؟

أمل. مع الأسف الكرة مانها بملعبك
ما عنا غير هالحل لبسي بسرعة بعد عشر دقايق موعدنا

لفت حالها لتطلع ناديتلا
لين. وبلكي شافنا صهيب ما قلنالو انك بالمشفى

أمل. رح يجي لهون ياخدنا

طلعت وسكرت الباب وراها بعد عشر دقايق كنا جاهزين دقلنا سامر وطلب منا ننزل عالسيارة سلمنا عليه وفتنا عالسيارة

اخدنا عكوفي قريب من البيت انا وأمل قعدنا جمب بعض وهو قعد قبالنا كنت متوترة كتير وعم برجف من الخوف

أمل. اكيد مستغرب اني طلبت نقابلك برا الشغل بتمنى ما نكون عطلناك عشي

باسم. ولا يهمك

أمل. الصراحة نحنا طالبين مساعدتك وبتمنى تساعدنا

باسم. بساعدكون علي بقدر عليه ان شاء الله

أمل. نحنا خجلانين منك كتير بس متل ما بتعرف مالنا حدا نطلب مساعدتو وشغلة تانية ما منعرف حدا قريب لصهيب ورح يساعدنا غيرك

باسم. صهيب ابن خالي؟

أمل. مع الأسف

كنت مكتفية بالصمت من اول ما وصلنا وانا ساكتة عم بسمع امل عم تحكي القصة ومنزلة عيوني عالأرض بس ما بنكر لحظات الأستحقار الي شفتا من باسم بهاللحظة كانت كفيلة لتقتلني من جوا

كان موجه نظراتو وكلامو لأمل متلاشي وجودي نهائياً
باسم. مع انو لين غلطت كتير بس انا رح ساعدكون وما رح قصر

لين. عنجد!

باسم. اليوم رح روح لعندو لهالكلب وبوعدكون ينمسحو كل الصور

أمل. استاز باسم منتشكرك كتيير عنجد ما منعرف كيف نوافيك حقك

باسم. نحنا بالخدمة دائماً وهلق خلوني وصلكون لانو عندي شغل كتير والأفضل ما تبينو هالفترة لانكون قلتو لصهيب انو امل بالمشفى

وصلنا عالبيت وباسم رجع عشغلو
كنت كتير متوترة وخايفة عم روح واجي بالصالون وانا عم فكر شو رح يصير معقول يقدر يساعدني ويمسح كل الصور

ضليت روح واجي وطقطق بأصابيعي كانت الساعات بالنسبة ألي سنين عالساعة 6 المسا رن موبايل أمل فتحت الخط كان عالخط باسم
وق

فت جمبا وصرت حاول أسمع شو عم يحكي وانا عم برجف من الخوف

باسم. تعو انتي ولين عبيت صهيب بسرعة انا هناك

أمل. يالله تمام..تمام جايين
سلام

فصلت الخط ولبسنا عالسريع طلعنا انا وأمل من البيت بسرعة فجأة استوقفنا صوت منعرفو كتير منيح

ام محمد. أمل لين يا بنات وين رايحين

أمل. خالتي بعدين بعدين

ام محمد. شفتكون الصبح نازلين من سيارة شب كتيير فخمة يا ترى مين هالشب

أمل. خالتي الله يوفقك مستعجلين كتير

قربت من أمل وشوشتا لين. ولي هلق لتفضحنا بالضيعة

أمل. خالتي لا تحكي لحدا بس نرجع منقلك كل شي

تركناها وصرنا نركض لما وصلنا عبيت صهيب وقفنا شوي واخدنا نفس كانت صوات صهيب وباسم طالعة لبرا الفضول خلانا نقرب شوي ونسمع شو عم يحكو

صهيب. لك انت كيف بتتجرأ تكسرلي موبايلي لك هاد في حسابات ومعلومات وأرقام كيف بدي أوصلها هلق

باسم. وصور

صهيب. نعم!!

باسم. صهيب لا تحاول تنكر انت بتعرف تماماً ليش انا كسرتلك الهاتف

صهيب. شو قصدك

باسم. طول عمري كنت قول عنك ذكي هلق شو صرلك ما بقى تفهم صور لين البنت الي استغليتها

صهيب. هي الي قالتلك ؟!

باسم. مو مهم مين قلي المهم انك عم تبتزا للبنت وتهددها بصورها قلتلي بدك تعلقلا صورها بكل الضيعة

صهيب. اولاً انت مالك علاقة شو بعمل او ما بعمل لحتى تكسرلي الموبايلي ما بيحقلك تدخل بشي ما بيخصك تانياً انت مانك محامي دفاع عن لين تجي تاخد حقها بنفسها ولا لتكون خايفة

باسم. هههه طبعاً بدا تكون خايفة ما حضرتك هددتا بشرفها للبنت

حطيت أيدي عالجرس وكبستو بس هالمرة كنت متأكدة انو ما رح يضيع حقي هالمرة ماني خايفة فتحلنا باسم الباب وأشرلنا لنفوت

أمل ولين. مرحبا

باسم. اهلين اتفضلو

صهيب. لين فيكي تروحي هلق موعدنا مو اليوم ولا اشتقتيلي وما قدرتي تنتظري لبكرا

وجه باسم ايدو بأتجاه صهيب وكان رح يضربو كف مسكت أيدو بسرعة

لين. استاز باسم رجاءاً مو قدامنا

تراجع لورا خطوتين ووجه أصبعتو لصهيب بتهديد
باسم. ليك صهيب قسم بالله ادا لسا بتهددها لهالبنت لا تلوم إلا حالك هي الموبايل انكسر والصور راحو

صهيب. تهديدك مردود عليك ادا شايفني غبي متلك بتكون غلطان يا استاز مو معقول يكون عندي نسخة وحدة من الصور

لين. انت واحد كلب واطي حقيييير الله لا يوفقك

صهيب. وبس ينتشرو صورك شو بصير؟

باسم. لين رجاءاً طولي بالك

طالع موبايلو وصار يكبس عليه شوي
باسم. هههههه فعلاً ادا انت مفكرني غبي متلك ما باخد احتياطاتي
يا استاز كل شي حكيتو تسجل بمقطع صوت وانبعت لكل شي عندي بالواتس اب وادا ما طالعت كل شي صور عندك لهالبنت رح سلمو للشرطة تهديد بنت بشرفها مانها تهمة بسيطة اي صح في ناس مستحيل تقدر توصلون لتمسح تسجيل الصوت

صهيب. عم تغدر فيني يا ابن عمتي

باسم. والله اعتبرها متل ما بدك الي بيهمني تنمسح الصور

لين. استاز باسم في صور طابعهن عورق خلي يجيبن

باسم. سمعت !

باسم قدر يخلي صهيب يحذف كل الصور الي عندو رجعنا عالبيت انا وأمل وباسم

أمل. استاز باسم عنجد كتيير منتشكرك الي عملتو معنا ما بيعملو اخ لخواتو

تطلع بأمل وابتسم باسم. ولو هاد أقل من واجبي المهم هلق تكون لين تعلمت درس طول عمرها ما رح تنساه

لين. ان شاء الله شكراً كتير استاز باسم

كنت عم بقدر ميز نظرة الاستحقار بعيونو اكتفى بس انو يهز راسو

رجعنا عالبيت وانا طول الوقت كنت عم حاول أفتح مع أمل أحاديث وبينلها قديش مبسوطة بس هي كانت عم تطنش وما تعطيني وجه
طبعاً ما نسيت أعمل حظر لصهيب من حياتي ومن كل شي برامج عندي

تاني نهار فقت نشيطة كتير اول ليلة من أسبوع بقدر نام وبعمق كان باين هالشي من وشي المرتاح ورايحة من عليه معالم الحزن
قمت بنشاط فيقت أمل لبسنا ورحنا عالمصنع

اول ما فتنا الكل اتجمعو حوالينا وصارو يسألونا ليش ما اجينا مبارح

اجى سامي المسؤول عن القسم وصار يناديلي
سامي. لين لين

لين. اي سامي

طالع ورقة وعطاني ياها سامي. ودي هي الورقة للاستاز باسم وقوليلو لازم تأمنلنا هي المواد لطلبية ابو عبدو الحمصي

لين. سامي ما بيصير تبعت حدا غيري

سامي. لا

لين. الله يوفقك بالييز

صار يعلي صوتو سامي. عم قلك لاء حاج تضيعي وقت

صرت أتأفف جواتي ما جاي عبالي شوف باسم كنت بغنى عن نظراتو
كنت عم بمشي بالممر وانا عم أتأفف فجأة حط ايدو عتمي ولزقني عالحيط

لين. صهيب!

صهيب. هههه مبالك خلصتي مني بهالسهولة!...#يتبع
......................................................................
وكان يلاحقني كظلي ...وكأنني لا أرى من الحياة سوى نظرة عينيه ...وكأن رائحته عبيري الجميل الذي اتنفس به ...وكأن قلبه الفولاذي هو ما يجعلني على قيد الحياة.
.....................................................................
ادا شفت حماسكون رح نزل كمان جزئين.

*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 3 )ـــــــــارت*

➖➖➖➖➖➖➖➖➖


بقلم_رومانتيكا
كنت عم بمشي بالممر وانا عم أتأفف فجأة حط ايدو عتمي ولزقني عالحيط

لين. صهيب!

صهيب. هههه مبالك خلصتي مني بهالسهولة!

نترت حالي منو وصرت نفض مكان ايديه
لين. حل عني صهيب أهجيلك ياها ححححل عنيييي

صهيب. لكن شكيتيني لابن عمي ههههه مبالك

رح يخلصك مني وحياتك نهايتك عأيدي يا لين

لين. هههههه اعلى ما بخيلك ركبو

صهيب. ها هيك لكن قويان عصك انا بفرجيكي والله لتندمي

قبل ما أمشي غمزتو لين. مافي داعي عدلك ياها مو هيك

تركتو ورايي عم يتحلف ويتوعدلي ومشيت كنت عم حاول قدر الأمكان أظهرلو قوتي لحتى ما يستغلني كنت عم خبي خوفي الي عم ياكلني من
جوا
صرت أسرع بخطواتي لوصلت لمكتب الاستاز باسم دقيت الباب ودقات قلبي عم تتسارع من الخوف والخجل

كنت منزلة عيوني عالأرض
لين. صباح الخير استاز

كان عم يشتغل عالاب توب الي قدامو ويحكي معي من دون ما يلتفتلي
باسم. اهلين لين

لين. استاز باسم سامي بعت معي هي الورقة وبيقلك لازم تأمتلنا هي المواد لطلبية أبو عبدو الحمصي

باسم. ايوا طيب لين حطيهن عالمكتب والتفتي لشغلك بس افضى بشوفن

هزيت براسي لين. حاضر

قبل ما أمشي نادالي باسم. لين

لين. ايوا استاز

باسم. بعتيلي أمل عمكتبي هالمرة بدي ياها هي الي تتكفل بهالطلبية اكيد مع مساعدتكون

شديت قبضة أيدي وصرت حاول اكتم غضبي
لين. رح ناديلا

طلعت من المكتب معصبة كتير وعم بربر جواتي بس بدي أفهم ليش هيك عم يعاملني بعد قصة الصور اختلفت معاملتو معي 180 درجة انا بس لو افهم شو دخل الشغل بالنص
وانا عم بمشي وعم حاول اكتم قهري خبطت بكتف ريما

تطلعت فيني من فوق لتحت ريما. ليين شو صايرلك ليش معصبة

لين. تركيني بحالي مشان الله

ريما. ليش شو صاير معك

لين. لك كل الي بالمصنع بيعرف اني اشطر وحدة بالحلويات ليش بدو أمل تتكفل بشغلي

تطلعت فيني بأستغراب ريما. الاستاز باسم!

لين. اي اي الاستاز باسم
انا بس لو أفهم شو دخلو بأموري الشخصية لحتى يتغير معي 180 درجة لك رح جن

ريما. اي لا انا هيك بلشت انخوث وبطلت أفهم عليكي شي على هالحالة لازمنا قعدة

لين. اوووف لك محسسيني اني عاملة ذنب كبير

ريما. باسم!

لين. لك وأمل كمان اووف رح اختنق

صارت تطبطب عكتفي وتحاول تهديني ريما. اليوم عأستراحة الغدا رح اجي لعندك وبدي أفهم كل شي تمام

لين. تمام تمام رح روح شوف أمل

صرت أمشي ودور بعيوني عأمل لحد ما لقيتا قلتلا انو الاستاز باسم طالبها ورحت كمل شغلي

عأستراحة الغدا نزلت عالكفتيريا اخدت فنجانين قهوة وقعدت عالطاولة استنا ريما

ريما. طولت عليكي

لين. يعني

ريما. هاتي لشوف حكيلي كل شي شو صاير معك صرلك فترة مانك عاجبتيني

لين. ههههه بطلت أعجب حدا بهالفترة
تنهدت بعمق. تركنا انا وصهيب

ريما. شووووو؟!
كككيف يعني لك ما عأساس بتحبو بعض كتييير ورح يخطبك ومستحيل تتركو بعض كيف صار هيك

كنت عم حاول امنع دموعي من انون ينزلو حبست راسي بين ايديي

لين. كلو كذب بتصدقي!
بطلت آمن بالحب بسببو لك هو علقني فيه واستغل مشاعري طلع ما بيحبني

صارت تطبطب عأيدي ريما. طولي بالك حبيبتي كلون هيك بس سؤال انتي كيف عرفتي انو ما بيحبك وعم يكذب عليكي

لين. هو قلي

ريما. هو هيك قلك قلك عم بكذب عليكي!

لين. ايي والأحلى من هيك لما سمعت أمل بالقصة زعلت وصارت تتجاهلني لك صرت حس حالي حشرة ولا كأني موجودة بتطلع من البيت وما بتخبرني بحكي معها ما بترد بسألها بتجاوب عقد السؤال

ريما. طيب بغصب عنها قعدي بحضنها وضلي راضيها لترضى انا قلتلك من الاول لا تخبي عليها انك بتحبي صهيب

لين. لك هي بتكرهو كتير كانت تضل تحذرني منو لو قلتلا هيك فجأة رح تجن
بس طلع معها حق

ريما. بس انا لهلق ما عرفت شو دخل أستاز باسم بالنص شو كان قصدك من شوي لما طلعتي من عندو

سحبت نفس عميق وترددت كتير قبل ما أحكي
لين. اوووف خلص مضطرة احكيلك كل شي بلكي بتساعديني بس اكيد مو هون المصنع صغير كتير وادا قلتلك الكل رح يسمع

تطلعت عساعتها ريما. لسا لأستراحتنا نص ساعة خلينا نطلع لبرا واحكيلي شو صاير معك

لين. ماشي خلينا نطلع

طلعنا لبرا وحكيتلا كل شي صاير معي لريما حسيت حالي ارتحت كتير أول مرة بحكي قصتي لحدا وما بينظرلي نظرة الأستحقار
نصحتني حاول أحسن علاقتي مع أمل مبدئياً وكل شي بعدين رح يتحسن لحالو

بعد ما خلص دوام المصنع كل وحدة منا رجعت على بيتها وانا طول الطريق صافنة بكلام ريما قديش هالبنت قلبها طيب وما بتجرح بالحكي لما بقعد معها بشعر بالراحة بحس حالي قاعدة مع وحدة ناضجة فاهمة الحياة كتير صح

اول ما وصلت عالحارة كنت لازم أتوقع المشهد المعتاد خالتي ام محمد قاعدة مع باقي الجارات مجتمعين حوالي بعض وعم يفصفصو بزر طبعاً هالقعدة لا تخلو من بعض النميمة
ابتسمت وسلمت عليهون

لين. مرحبا

اتطلعو فيني الكل وصارو يتزاورو فيني. اهلين

لين. شو هالقعدة الحلوة ما شاء الله عاملين مجزرة بزر

كانت نظراتون مخيفة وما بطمن تطلعت فيني ام ياسين وصارت تحكي
ام ياسين. لين نجد رح تتزوجي وما بتخبرينا؟

رجعت خصل شعري ورا اذني وفتحت عيوني على وسعهون لين. شووو رح أتزوج؟

ام نبال. اي هيك قالتلنا ام محمد قال شافتك نازلة من سيارة خطيبك وشكلو غني كتيير وشخصية بس كان لازم تخبرينا نحنا اكيد ما رح نحسدك

تطلعت بأم محمد وصارو عيوني يقدحو شرار
لي

ن. مو لحتى اخبر انا بالأول ما شاء الله ادا كل واحد نزل من سيارة بتزوجو مصيبة
على هالحالة بيكون صار عندي أحفاد

ام ياسين. انا قلتلون مستحيل لانو هالبنت انا حاجزتا لأبني ياسين وما بتاخد غيرو على جثتي

لين. خالتي ام محمد انا ما قلتلك بس نرجع منحكيلك كل شي مو معقولة

ام محمد. يعني هلق ما رح تتزوجي

لين. اوووف والله عم بسمع منكون بس أوعكون تعملو العرس قبل ما تخبروني ها والله سمعة

تركتون ورحت عالبيت وانا معصبة بهالحارة الواحد بيتزوج وبيخلف وبيتطلق وهو آخر من يعلم
سحبت نفس عميق وحمدت ربي انو نحلت مشكلتي وما علقت بلسانون

ضليت قاعدة بغرفتي لحد ما سمعت صوت باب غرفة أمل عم ينفتح شقيت الباب شوي كان حدا لابس عباية سودة ومغطي وجهو بشال أسود
دقات قلبي صارت تتسارع لوهلة بعدين مديت راسي من الباب وسحبت نفسي براحة

لين. أمل!

التفتت لعندي أمل. ايي

لين. هي انتي ليش هيك عاملة بحالك

أمل. رح روح لعند أبو الملوك

طلع صوتي عم يرجف لين. تروحي لعندو من دوني؟!

أمل. اي

ركضت لعندا ومسكتلا ايدا لين. من أيمتا أمل من أيمتا؟!

أمل. شو هو الي من أيمتا

لين. من ايمت بتروحي هيك مكان لحالك؟!
من ايمت بتتركيني لحالي بالبيت وبتروحي لعند ابو الملوك؟!
من ايمت صار قلبك قاسي لهالدرجة؟

ابتسمت ابتسامة صفرة وسحبت أيدها أمل. ههههه والله بدك تسألي حالك هالسؤال
مثلاً من ايمت منخبي عبعضنا شي؟
او من ايمت منكذب عبعض؟
وحتى من ايمت منضيع شرفنا مشان حدا متل صرمايتي؟

حسيت قلبي عم ينعصر من كلماتها وصارو دموعي ينزلو
لين. حاج تجرحيني بحكيك انا غلطت بس صدقيني انا ماني هيك

أمل. انتي خذلتيني وخذلتي ثقتي فيكي لين انتي مانك صغيرة لحتى تقولي هالحكي

قربت منا ضميتا وصرت أشهق وأبكي بهستيريا
لين. مشان الله سامحيني والله الي صار كان خارج عن سيطرتي أمل انا خبيت عليكي لأنك بتكرهي بس كان معك حق انا ندمانة وحياتك عندي ندمانة

بعدتني عنها شفت دمعة عالقة عطرف عينها مسحتها وصارت تهديني
أمل. خلص حاج تبكي ما قلتلك ما بحب شوفك ضعيفة

لين. يعني سامحتيني؟!

بعدت خصل شعري عن عيوني ورجعت ضمتني
أمل. انا مسامحتك من زمان بس كان بدي تحسي بتأنيب الضمير كنتي رح تضيعي وتضيعيني معك كان بدي ياكي تحسي بخطورة الشي الي كنتي رح تعملي الله يصلحك يا أختي...الله يصلحك

كنت متأكدة بهالوقت انو كانت عم تبكي...صوتها كان عم يقلي هالشي:(

أمل كانت أسم عمسمى أملي بهالحياة وفتحة التنفس الوحيدة الي بلجألها بهالعالم الصعب...

أملي كانت أمي الي اجينا انا وياها بنفس الرحم ...
توأمي بس بالرغم من هيك بحسا اكبر مني بسنين...

دموعها كانو غاليين كتير لدرجة مستحيل تشوفهون:)
صلبة، قوية ،مستحيل تنكسر وما بتشوف بعيونها غير التفاؤل

بعدت شوي عنها وتطلعت بعيونها الي كانو محمرين

لين. أملي بتعرفي شو!

أمل. شو!

لين. أحياناً بحسك أكبر مني مو توأمي

أمل. شو نسيتي اني أكبر منك بدقيقتين!

لين. اووووف رجعنا احسن شي قوم ألبس بلا ما تعيديلي نفس الأسطوانة كل يوم

أمل. لوين يا مسهل؟

غمزتا وابتسمت لين. لعند أبو الملوك ولا نسيانة!

رحت عغرفتي لبست عباية سودة للأرض ولفيت وشي بشال أسود متل أمل كانو مبينين بس عيونا

أمل. لين بتعرفي شو هيك رح نلفت الانتباه اكتر برأيي خلينا نحطو حجاب عادي لبين ما نطلع من حارتنا وبعدين منغطي وجهنا

لين. بس بلكي عرفونا وانكشفنا

أمل. لا لا الدنيا عتمة واصلاً بيكون الكل نام بهالوقت

لين. تمام

طلعنا من البيت وطبقنا الباب شوي شوي كان الخوف متملكني مع انو مو اول مرة منعمل هيك شي

لين. شو رح نعمل اليوم؟

قربت مني شوي وصارت تحكي بصوت واطي
أمل. رح نغيرلو مكان السيارة

لين. كيييف؟
قصدي من وين جبتي المفتاح! ههههه

أمل. شغلتي هههه خلينا نمشي ووطي صوتك بلا ما تشلقي العالم علينا

دورنا السيارة وضلينا سايقين فيها لوصلنا ورا بيت ابو الملوك طفيناها ورجعنا عم نضحك ومبسوطين بيلي عملناه

أمل. أخخخ بس لو شوف منظرو بكرا لما ما يلاقي السيارة قدام الباب

لين. ههههه يا ربي قلبي فرط معد استحمل وانا عم بتخيل بس

أمل. ليش لنتخيل بكرا منشوف عأرض الواقع

مدتلي كف ايدها وعملنا حركتنا المعتادة بعد كل مهمة
لين. براڤو

قبل ما كمل كلمتي كان جاي بأتجاهنا وعيونو عم تقدح شرار تطلعنا انا وأمل ببعضنا وصرنا نرجف من الخوف مسكت أيدها وتمسكت فيها منيح!...
.................................................................
كان العالم يعتصر آلمي يحرقني ويزدادُ صلابة أمام قلبي الهش ...في ظل هذا الضجيج كانت فتحة تنفسي في واقعي المر وكأنها أمي من نفس الرحم لا بل كانت أقحوانتي وسبب سعادتي.
...........................................
*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 4 )ـــــــــارت*

➖➖➖➖➖➖➖➖➖


بقلم_رومانتيكا
قبل ما كمل كلمتي كان جاي بأتجاهنا وعيونو عم تقدح شرار تطلعنا انا وأمل ببعضنا وصرنا نرجف من الخوف مسكت أيدها وتمسكت فيها منيح

لين. هاد باسم شو جابو هلق!

أمل. عملي حالك مو منتبهتيلو وكملي طريقك

لين. طيب ليه هيك عم يطلع علينا من فوق

لتحت وعم يزورنا

قربت من أذني وصارت تحكي بصوت واطي
أمل. يمكن مفكرنا ...

لين. لاااا معقول!
هه هي ادا ما كان عند شي وحدة منون بهالوقت وعم يستشرف عليي

أمل. امشي امشي شلقتي الحمير

_________________________
_________________________

فقت على أشعة الشمس الي عم تتغلغل بشعري البني فتحت عيوني بصعوبة وصرت اتمطمط لحد ما سمعت صوت أمل عم تصرخ حطيت المخدة على راسي لحتى ما أسمع بس لاء معقول حدا يسلم من صوتها
فتحت الباب بقوة وشالت المخدة من على وجهي

أمل. لك مو صرلي ساعة عم ناديلك قومي بسرعة رح نتأخر

رفعت حالي وصرت اتأفف لين. اووف سمعتك والله سمعتك حاسستك عم تداهمي عصابة مخدرات لك انا عدوتك ولا اختك

أمل. ما شاء الله بدك مدفع ما بفيقك

لين. اووف قايمة خلص
تطلعت عالطوق المعلق برقبتها ورجعت تطلعت فيها وابتسمت
لين. أموول

أمل. خيير!

لين. شو رأيك اليوم نتبادل الأدوار انا وانتي

أمل. كييف يعني؟

لين. اممم يعني انا بلبس طوقك الي عليه حرفك وانتي بتلبسي طوقي الي عليه حرفي شو رأيك

أمل. لاء ما عجبني

لين. باليييز حبابة والله منغير جو

أمل. لك خلص لين بلا ولدنة انا اسلوبي بالحكي وطريقتي ومشيتي ما بيشبهوكي وحتى طريقة لبسي غير

لين. منغيرون حبابة وافقي

شلحت الطوق وزتتلي ياه أمل. اوووف اتفضلي بعرف ما رح اخلص من نقك

لين. ييس

بعد خمس دقايق بدلت تيابي لبست فستان احمر للركبة وفردت شعري عكتافي وطلعت لعند أمل كانت لساتا عم تلبس

لين. انا جهزت

تطلعت فيني من فوق لتحت
أمل. هاد لبس بدك تروحي فيه عالشغل لا وبدا تعمل حالها انا

لين. ليش شبو لبسي؟!

أمل. لا ابداً حبيبتي هاد لبس بتروحي فيه عحفلة مو على شغل

لين. من طول عمري بلبس هيك شو تغير هلق !

فتحت خزانتها وطالعتلي منها فستان أسود ساتر وزتتلي ياه
أمل. لبسي هاد من هون وهيك انا الي رح أشرف على لبسك اي ورفعي شعرك لفوق لانك رايحة عشغل ورح تشتغلي بالأكل

لين. بس انا دائماً برفعو هناك لاني بحب روح عالشغل متأنقة

هزتلي براسها بطريقة خلتني أضحك
أمل. لين سمعي الكلمة

كتمت ضحكتي لين. حاضر والله حاسستك أمي مو اختي

لبست الفستان الي عطتني ياه أمل ورفعت شعري لفوق متل ما قالتلي اما انا عجزت فيها لتلبس شي بيشبه ستايلي وبألف ويلاه حتى اقتنعت تلبس أفرول قماش لون ازرق فاتح
ضلينا نمشي لحد ما قربنا نوصل لبيت ابو الملوك

لين. قولك بيكون شاف السيارة!

أمل. ما بعرف خلينا نشوف المكان هدوء معناتا لسا ما فاق

لين. اوووف أمل خايفة نتأخر عالشغل وما يطلع

أمل. ما بعرف خلينا نستنا شوي

بعد ربع ساعة...

لين. ليكو ليكو طلع

أمل. هههههه شوفي كيف عم يلتفت يمين ويسار

كان عم يلتفت يمين ويسار ووشو عم يكتسي الغضب كان عم يندار حواليه متل المجنون ومو مصدق وين راحت السيارة لحد ما صار يصرخ

أبو الملوك. لك السيارة يا عالم يا ناس وين طارت سيارتي لك سيارتي انسرقت انا بفرجيكون والله لتندمو

اتجمعو حواليه الناس وصارو يسألو شو القصة
ابو الملوك. مبارح عند هالمغرب صفيتا ونزلت لك كييف سرقوها

م. ابو الملوك انت متأكد انو حطيتا هون

ابو الملوك. لك اي اي متأكد لكن وين بدي حطا

م. الصراحة انا من شوي شفت سيارتك ورا البيت من الجهة الخلفية

صارو يركضو الكل للجهة الخلفية لحد ما شافو السيارة

سحب نفس عميق ابو الملوك. اووف ها هي بس مين جابها لهون

م2. الله يصلحك يا ابو الملوك معقول الي عملتو نبزت كل العالم وبالأخير طلعت نسيان وين حطيتا

___________________________
___________________________
حطيت ايديي عتمي وصرت امنع ضحكتي
لين. يالله أخخخ رح موت طالع منظرو متل شرشبيل

أمل. ستني لسا رح خلي يحكي مع حالو

لين. ههههه ما حكى مع حالو وخلص

تطلعت عالساعة وتبدلت ملامحها أمل. ييي تأخرنا عالشغل نص ساعة والله هلق استاز باسم ليفضحنا

تركناهون علقانين ورانا وصرنا نركض لمحطة الباص فتنا عالمصنع عم نلهث

لين وأمل. صباح الخير

تطلع فينا من فوق لتحت سامي. صباح النور الاستاز باسم عم ينتظركون بمكتبو

ونحنا عم نحكي اجى باسم تطلع عساعتو وعكف حواجبو باسم. ساعة متأخرين عموعد الشغل

أمل. نحنا منعتذر منك عنجد بس راح علينا الباص الاول ونطرنا لأجا الي بعدو

باسم. صبايا انتو بتعرفو تماماً انو ما ضل معنا وقت كتير لطلبية ابو عبدو الحمصي رجاءاً ما بدي يتكرر هالشي مرة تانية وخصوصي بهالفترة

هزيت راسي لين. حاضر

باسم. امل شوفي شو بدكون مواد اليوم وسجليهون عورقة وهاتيها عمكتبي

مسكت ايد أمل لحتى تتذكر
لين. حاضر استاذ

صبحت عرفقاتنا عالسريع وسجلت كل المواد الي منحتاجها لليوم دقيت الباب وفتت عمكتب الاستاز باسم كنت رافعة راسي لفوق وعم بمشي بنفس الطريقة الي بتمشي فيها أمل رفعت خصل شعري من على وجهي وصرت أحكي برسمية

لين. اتفضل استاز هي الورقة الي طلبتها

من دون ما يلتفت عليي باسم. بس انا بتذكر قلت أمل مو لين ما هيك؟!
ولا نسيان!

ارتبط لساني بهاللحظة وتمنيت الأر

ض تنشق وتبلعني لفيت وجهي عالجهة التانية وما عرفت شو رد عليه لحتى وعاني صوتو

باسم. لييين

لين. اي استاز انااااا انااااا

باسم. انتي شو !

نزلت راسي عالأرض وصرت أحكي بتوتر لين. انا أسفة ما كان قصدي اضحك عليك والله بس اليوم انا وأمل قبل ما نطلع عالبيت اتفقنا نمزح مع رفقاتنا ونتبادل الأدوار ليوم واحد وحتى أمل ما كان بدا بس انا اصريت عليها انا اجيت بدال أمل لانك ناديتلا قدام رفقاتنا عنجد بعتذر منك

باسم. برجع بقلك يا ريت ما بقى يتكرر هالشي وهلق ارجعي عشغلك

لين. بعتذر مرة تانية

مشيت بتوتر لحد ما استوقفني صوتو باسم. اي صح!
التفتت لعندو. أمل ما رضيت تستلم طلبية ابو عبدو يعني هي الك

ابتسمت بشكل لا أرادي لين. شكراً

طلعت من مكتب باسم بيك محروجة كتير من الموقف الي صار وبنفس الوقت مبسوطة اني رح استلم الطلبية
وأمل بالرغم انو كانت زعلانة مني ما هنت عليها

فتت عالمطبخ كانت أمل وريما وسامي واقفين مع بعض فتت مبتسمة وعم بضحك بس فجأة لما تذكرت اني لازم مثل دور أمل رجعت لجديتي

لين. صباحو

ريما. صباحو لينو قصدي أمول

تطلعت بأمل وزورتا لين. قلتيلون!

أمل. انا ما دخلني هنن عرفو لحالون

شلحت السنسال وزتيتو لأمل لين. اووووف منك أمل اووف

سامي. بربك جايبتيلنا ياها ضاربة بوز عشر متار وما بدنا نعرف

لين. رجاءاً لا تحكو على أختي بس انا مسموحلي

سامي. رجاءاً انتي رجعي لشغلك لانو ما عنا وقت لطق الحنك

لين. اووف ماشي

سامي. انا رح أتفقد الطلبيات

رجع الكل عشغلو بعد ما وزع المهمات بيناتنا وانا صرت اعمل الخلطات ونبلش كلايتنا شغل فيها

كان الدوام متعب كتير نضل عم نشتغل للساعة ستة وما نلحق طلبيات بالرغم انو المصنع ما كان كبير كتير بس كان الو زباينو وكنا كلنا ايد وحدة

انا وأمل وريما بالمطبخ ولو كان عنا طلبية كبيرة الكل بيجي بيساعدنا حتى الاستاز باسم اما سامي كان مسؤول عن الحساب وبيجيب زباين للمصنع
وصهيب هو اقل حدا بيشتغل بالمصنع عامل فيها مدير وما بيتحاكى لأنو الو ربع المصنع مع انو الاستاز باسم الو القسم الأكبر وبيساعدنا بكل شي

طلعنا انا وأمل من المصنع هلكانين من التعب وأخيراً خلص الدوام

لين. يالله ضهري صار يوجعني من التعب رح موت

أمل. اووف لكن شو بدي احكي انا
ورح موت من الجوع كمان

لين. احسن حل نطلب بيتزا مالي حيل للطبخ اليوم

أمل. قولتك

طلبنا بيتزا وبعد ساعة وصلت اخدتا من ايد الموظف وفتت لجوا

لين. واخيراً وصلت

حطيتا عالطاولة وصرنا ناكل

لين. أمل بشو صافنة؟

أمل. عم فكر بشو بدنا نعمل اليوم

لين. لأبو الملوك؟

أمل. لكن لمين
برأيي لازم نثقلو العيار شوي

لين. الصراحة انا فكرت بخطة بس ما بعرف ادا بتوافقي

أمل. شو هي هاتي لنشوف!

لين. اممم هي صعبة شوي لازم نطلع عسطح بيتو ونطالعلو اصوات وهو نايم ونعملو شغلات بترعب مثلاً منزت حجر عند شباك غرفتو مننزل ضو ومنطالعو فجأة منفصل الكهربا وهيك

أمل. اممم هلق هو فيها مخاطرة بس ماشي موافقة

لين. اوووف ايمتا بدنا نخلص منو صار حلمي نام الليل متل الخلق

أمل. ما هاد كان اقتراحك ست لين

لين. وانتي كان أحب على قلبك

سحبت نفس عميق ودمعو عيونها بس بسرعة مسحتهون أمل. أذاني كتييير ودمرلي حياتي لازم يدوق شوي من الي دقتو رح خلي يحكي مع حالو

قربتا مني وضميتا لين. طولي بالك كل شي رح يصير أحسن

أبتسمت من بين الوجع أمل. متأكدة من هالشي وما عندي شك

...........................................
..........................................

عالساعة وحدة بالليل كنا لابسين وطالعين من البيت
ضلينا نمشي شوي شوي وبهدوء لحد ما وصلنا لبيت أبو الملوك

ركينا السلم عالبيت وصارت تطلع أمل شوي شوي وانا ضليت تحت عم بطلع عليها ناولتها الغراض الي جبناهن وهي كانت واقفة وعم تستناني اطلع

كانت دقات قلبي 1000 بهاللحظة رح موت من الخوف لما سمعت خطوات حدا عم يمشي بالطريق

لين. امل تخبي بسرعة

تخبت امل وانا ركيت حالي عالحيط جمب السلم مشان ما حدا ينتبه بس كانت الخطوات عم تقرب أكتر لحد ما صارت كتير قريبة مني

سحبني لعندو حاوط خاصرتي وحط المحرمة عتمي حسيت بهاللحظة انشلت حركتي كانت عم تتسارع أنفاسي وحاسة حالي رح غيب عن الوعي!....
...................................................................
من أكون!
دائماً ما يجول هذا السؤال في مخيلتي ف أنا أمامه لستُ انا ...تارة تراني فتاة رمادية جافة وتارة أخرى خضراء مفعمة بالحياة والحب وكأن انفاسه كانت تفقدني السيطرة ...فمن انا؟!
...................................................................
سبحان الله عدد ما كان وما يكون سبحان الله عدد الحركات والسكون🌸🌸

*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 5 )ـــــــــارت*

➖➖➖➖➖➖➖➖➖


بقلم_رومانتيكا
سحبني لعندو حاوط خاصرتي وحط المحرمة عتمي حسيت بهاللحظة انشلت حركتي كانت عم تتسارع أنفاسي وحاسة حالي رح غيب عن الوعي!.

بحركة سريعة سحب الشال عن وشي كان سارح بعيوني عم تتسارع أنفاسو وقلبو عم يدق بجنون

بصوت متقطع باسم. ههي أنتي!!
لين

ششو عم تعملي هون

سحبت حالي من بين ايديه بعصبية لين. لك انت شو دخلك شو جابك لهون اصلاً

كانت أمل لساتا فوق لما سمعت صوت باسم طلت راسها بأستغراب
أمل. استاز باسم هاد انت!

باسم. اي انا
شفت تنين من بعيد لابسين أسود لحقتكون لانو فكرت حرامية

نزلت أمل عالسلم ووقفت جمبي كان عم يطلع فينا وناطر تبرير للشي الي شافو

باسم. ممكن افهم شو الي عم يصير هون وليش انتو بهالمكان ؟!

تنحنحت أمل. نحنااا...هون بغصب العنا

باسم. كيف يعني ما فهمت شو هو الي بغصب العنكون!
انو تطلعو سطوح الناس وانتو ملثمين متل الحرامية بغصب العنكون؟!

أمل. خلينا نمشي من هون بالأول ...و ادا حابب تعرف منلتقى بكرا بمكان عام ومنشرحلك كل شي

لويت تمي لين. بسسس

قاطعتني أمل. الوقت تأخر هلق

عكف حواجبو بأستغراب وعدم رضى كان مظهر غريب بالنسبة لألو يشوف بنتين على سطح بيت حدا غريب وملثمين كمان
باسم. تمام خلوني وصلكون لكن

لين. لو سمحت استاز باسم مافي داعي فينا نعتمد عحالنا متل ما اجينا منرجع

...................

سحبت أمل من ايدا وصرنا نمشي بهالطريق كان واقف ورانا وعم يراقب خطواتنا الي كل مالا عم تبعد اكتر

الجو هادي وكل اضوية الحارة مطفية في نسمة برد هادية عم تسري بجسمي وتبعث قشعريرة خفيفة فتحنا باب البيت وفتنا لجوا

تمددت عالكنباية وسحبت نفس عميق
لين. رح نحكيلو؟!!

قعدت جمبي وتنهدت أمل. ما عنا خيار تاني

لين. خلينا نلاقي شي كذبة ونقلو ياها

أمل. آااااه
مفكرة باسم بهالسهولة مستحيل يقتنع لك هو شافنا عسطح الزفت بعينو شو عم تحكي انتي

لين. اوووف من وين طلعلنا هاد هلق اصلاً هو شو دخلو فينا

ربتت عكف ايدي من فوق أمل. لا تخافي باسم رح يتفهم ورح يساعدنا بكرا شوفي

لين. اوووف انا نعست تصبحي عخير

أمل. وانتي بخير

......................................

فقت الصبح عصوت المنبه فتحت عيوني بصعوبة وصرت اطمطم بالفرشة ضربت عيني عالساعة كانت سبعة تماماً
قمت من التخت بنشاط وفتحت البرادي والشبابيك كان الجو كتير حلو السما صافية والزهر مزين الشجر عبداية فصل الربيع كانت الشمس ساطعة بعيوني ونسمة هوا خفيفة عم بتداعب خصلات شعري
ضليت واقفة عالشباك شوي عم بتأمل هالمنظر منظر بيبعث بالروح الطمأنية وبالنفس راحة

أمل. شو بلاقيكي فقتي أشعر بالأستغراب انو كيف هيك حصلت هالمعجزة وفقتي لحالك من دون ما تعلي قلبي

التفتت لعندا وطنشت حكيا لين. الجو كتير حلو اليوم حاسة بنشاط فظيع

أمل. اي قومي قومي لبسي مشان يصير احلا

لين. اووف يالله قايمة

..........................................

طلعنا من البيت انا وأمل وقفلنا الباب ورانا كنت عم بتأفف لانو ما خلتني أمل افطر عالسوا من كتر ما استعجلتني وانا مستحيل اطلع من البيت بلا فطور فجأة لمحت سيارة باسم صافة جمب البناية لما شافنا نزل الشباك

باسم. صبايا اتفضلو خلوني وصلكون

تطلعنا انا وأمل ببعض بأستغراب بمعنى"شو جابو هلق"

لين. معلش استاز باسم نحنا متعودين نروح مشي ما بدنا نعذبك

باسم. معلش تطلعو بدي أحكي معكون

قربت من ادني ووشوشتني أمل. خلينا نطلع بلا ما نعمل شوشرة ويشوفنا حدا من الحارة

سحبت نفس عميق وطلعنا بالسيارة
انا وأمل. صباح الخير

باسم. صباح النور
بتحبو نقعد بشي مكان ونحكي؟

أمل. لا بلاها قصدي انو عنا شغل كتير بالمصنع
خلينا نحكي عالطريق بيكون احسن

باسم. متل ما بدكون هو سؤال واحد مافي غيرو وبتمنى تجابو عليه بصدق

أمل. اتفضل

باسم. ممكن افهم الي صار مبارح و شو كنتو عم تعملو ببيت عصام السعدي؟

لويت تمي لين. شايفتون صارو سؤالين

شدت أمل عأيدي بمعنى اسكت أمل. عم ننتقم

فتح عيونو على وسعهون باسم. عم تنتقمو ؟!

هزت راسها أمل. عصام السعدي بيكون قاتل بنتي الله يرحمها وكان السبب بتدمير حياتي وحياة الكتيرين متلي مشان هيك قررنا انا ولين ناخد حقنا بأيدنا هههه طبعاً مين رح ياخدلنا حقنا نحنا

باسم. بأيدكون!
اي شو الدنيي سايبة بهالبلد مافي قانون

لين. ههههه فعلاً ضحكتني استاز باسم كأنك مانك عايش بهالبلد ولا شو
لك هون وبهالأوضاع ما بتمشي أمورو الا الي ايدو واصلة حتى لو كان مجرم وسفاح

عكف حواجبو وتزاورني باسم. هاد ما بيعني انو فيكون تعملو الي بدكون ياه وما فيكون تعاقبو عن رب العالمين لو ما اخد عقابو بالأرض في أخرة وفي رب ما بينسى

أمل. شو بدك منا نعمل نكبس عالجرح ملح ونضل ساكتين لك هي الي ماتت بتكون بنتي انت عم تفهم شو يعني بنتي ...لك هي قطعة مني هيك راحت بسبب واحد سفاح هيك بهالبساطة بدك مني اتنازل

تطلع فينا كانت مكتسية ملامحنا الغضب والقهر كنا ناطرين شو رح يحكي وفي الف حكاية وغصة بعيوننا قاطع كل هالتساؤلات بنبرة حادة

باسم. انا رح ساعدكون

توسعت حدقة عيني وتطلعت فيه بأستغراب كأني عم بستنكر الي سمعتو لين. عنجد عم تحكي؟!

باسم. انا رح ساعدكون لنسلمو للعدالة

ضحكت ضحكة مسخرة أمل. ههههههه وانا الي كنت رح صدق
كان غيرك اشطر منك بكتير هاد ثعبان هاد سمو سابقو ومنت

شر حواليه واصلاً لو هو ما فلس كان من سابع المستحيلات نقدر نخطي خطوة لقدام بيتو

باسم. شو يعني هالحكي ؟!

لين. هالحكي بيعني انو ما مخلي عليه ولا دليل ههههه مرة صورنا صور لسياراتو وهي محملة بضاعة محضورة وقدام باب بيتو ولما سلمناهن للشرطة مافي ولا دليل لانو ببساطة البيت بأسم اخو والسيارات بأسم عمالو ومافي شي يثبت انو البضاعة لألو

تطلع فيني باسم وكأن في شي براسو باسم. لسى الصور عندكون

أمل. موجودين بس شو رح يفيدو

باسم. معلش ارجعك عالبيت وجيبيلي ياهون او ادا معك صورتهون عالموبايل

أمل. مبلا صورتون موجودة عموبايل لين نقلنا الرقم خلينا نبعتلك ياهون

باسم. سجلي عندك 07********

تطلعت بأمل وزورتا انو ما بدي رقمي ينتشر
بعتلو الصور وسكرت الموبايل

باسم. تمام هي الصور وصلو بتمنى توثقو فيني اني رح ساعدكون ورح يوصلكون حقكون بس بدي منكون ما تتصرفو شي هلق عتبروها فترة هدنة او استراحة

أمل. وبلكي ما قدرت تساعدنا

باسم. عم قلكون اعتبروها استراحة ادا ما ساعدتكون ما بتكونو خسرتو شي اتفقنا

أمل. تمام

....................................

دخلنا عالمصنع انا ولين وباسم كانو الكل جايين قبلنا كنا متعودين كل يوم الصبح نجمع الطلبيات ويخبرنا الاستاز باسم شو في طلبيات جديدة صبح عالكل وتجمعنا حواليه لنسمع شو بدو يحكي

باسم. يعطيكون العافية الحمدلله بسبب جهدكون وتعبكون قدرنا نخلص طلبية ابو عبدو الحمصي ورح نسلمو ياها اليوم

ريما. الله يعافيك استاز

سامي. الحمدلله واخيراً خلصت

تطلع بسامي باسم. شو الطلبية الي بعدها؟

سامي. في طلبية المدام سهيلة بدا 10 كيلو راحة و15 كيلو وربات وكيك 4 طبقات

باسم. كتير منيح منضل نشتغل فيها أسبوع بعتتلك تصميم الكيك؟

سامي. بعتتو بس في مشكلة صغيرة

باسم. مشكلة شو خير ان شاء الله؟!

سامي. المدام سهيلة بدا الطلبية بعد 3 ايام لانو حفلة خطبة ابنها بعد 3 ايام

باسم. شووو!!
شو عم تحكي انت مستحيل هالحكي طيب المدام سهيلة بتعرف حق المعرفة انو نحنا ما منشتغل غير عالموعد وعالحجز كيف بتطلب هيك طلب ونحنا عنا الطلبات الصغيرة ما بيصير نتجاوزها

سامي. اعتذرت كتير مننا وقالتلي انو صارت الخطبة هيك فجأة وانو هي بتوثق فينا وبشغلنا ومستعدة تدفع المبلغ الي بدنا ياه مقابل يجهزو بعد 3 ايام

باسم. بس يا سامي عنا طلبات قبلها حتى لو كانت صغيرة ما بيصير نتجاوزها

تطلعت بباسم لين. استاز بتسمحلي اقترح عليك اقتراح

ركز بعيوني باسم. اتفضلي لين

حسيت حالي تهت بين عيونو شتت نظري عنو وصرت احكي بنبرة سريعة
لين. ليك نحنا منتصل مع اصحاب الحجوزات ومنعتذر منهون كلون ومنوقف مع بعض كلنا بهالفترة منشتغل كلايتنا انت وسامي وصهيب ونحنا رح نضل نشتغل لنخلص حتى لو تأخرنا بالمصنع ولو اضطرينا منجيب ناس من برا يساعدونا لانو بالنهاية هي فرصة ما بتتعوض

سامي. براڤو لين هاد الي بدي وصلو

تطلع باسم بكل يلي موجودين قبالو باسم. انتو مستعدين لهالتجربة يا ريت تجاوبوني بصراحة ومن دون خجل

قلنا كلنا بصوت واحد. اكيد مستعدين

باسم. كتير منيح لكن رح نكون كلنا ايد وحدة سامي انت بتروح بتسلم طلبية ابو عبدو
صهيب انت بتنزل عالسوق وبتجيب كل شي مواد لازمة لهالطلبية وأمل اتصلي مع صحاب الطلبات الصغيرة واعتذري منون

صهيب. رح قاطعك باسم انا ما رح روح عالسوق ادا بدك روح انت

باسم. صهيب هلق مو وقت المناقرة لازم نتساعد انا رح اشتغل بالمطبخ بتشتغل بالمطبخ ولا بتجيب الطلبات

صهيب. اوووف خلص رح جيبون

باسم. كتير منيح يالله لكن لين بلشي بتطبيق الخلطات

لين. حاضر

كل المصنع عم يمشي متل الساعة صوت قرقعة الصحون والمعالق وادوات المطبخ عم تطغي عالمكان وروايح السمن العربي عم تنتشر بزوايا المصنع كل واحد منا مهموك بشغلو متل الأيد الوحدة رغم الاختلافات الي بينا
جوات كل عين في حكاية في عيون عاشقة وعيون تعبانة وفي عيون يأسانة

..............................................

بعد ما خلصنا قسم كبير من الطلب رجع كل واحد مننا عبيتو كانت الساعة سبعة ونص عم نمشي انا وأمل بالطريق لوحدنا الطرقات هادية والسما صافية عم تبعث نسيم هادي كتير حلو
ليلتها كان الجو مثالي حتى القمر كانت لمعتو غير والنجوم عم تعطي رونق خاص وكأنو عم تزيد الجمال جمال...

لين. كأنو الجو كتير حلو اليوم

أمل. اممم معك حق بلش الجو الربيعي
لينو!

التفتت لعندا لين. اي اختي!

أمل. بدي اسألك سؤال جاوبي عليه بصراحة وادا بدك تكذبي بلا ما تجاوبي؟!

لين. سؤال شو!

تطلعت بعيوني لتشوف ردة فعلي أمل. انتي معجبة بالاستاز باسم!

فتحت عيوني عوسعهون وصرت اضحك بهستيريا من دون شعور
لين. شووو!!
ههههههههه يا ربي معد اقدر لك اختي من وين جايبة هالحكي

أمل. وضريب شو قلت نكتة لحتى تضحكي وعلى فكرة انتي كذابة يا اما ما بدك تعترفي لحالك لانو لو ما بتحبي ما بتعصبي لما بيطنشك او بيهتم بحدا تاني او حتى لما بيطلع بعيونك وكمان على فكرة في عندي احساس بيقول انو هو كمان معج

ب فيكي

رفعت حاجبي اليمين ولويت تمي بأستغراب لين. ههههه مستحيل هو من يوم الصور وهو مستحقرني وكأنو بيقرف يطلع بوشي ولك حتى افكاري الحلوة بتعجب الكل وهو بيطنشها
هههه يعني ليش ما بيكون معجب فيكي ألك بيحترمك بيوجهلك كلام بيطلع فيكي بأحترام عالأقل

هزت راسها وابتسمت أمل. شايفة انك معجبة فيه شايفة غيرتك هي ما بدل غير عشي واحد وانتي بتعرفي كتير منيح
امممم وبالنسبة لانو مستحقرك شي طبيعي لانو عم يعيش صراع جواتو كان معجب فيكي وتزعزعت صورتك بمخيلتو فصار بدو يجاكرك ويكره حالو فيكي

لين. هههههه ما عم بعرفك انتي وتحليلاتك النفسية عم تقعدي مع جارتنا ام محمد كتير بهالأيام
هه ذكور القط قام ينط ليكون قاعدين وعم يفصفو بزر متل العادة

أمل. الله يستر ما يكونو جوزو حدا جديد بهالقعدة

كانو متجمعين حوالين بعض جمب الباب وعم يفصفصو بزر ام محمد ام ياسين وام نبال الثلاثي الي مستحيل يسمعو بسيرة الا ويضيفولا رشة بهار وينشروها بكل الحي كانو عم يحكو بصوت واطي مرقنا من جنبون وسلمنا عليهون

لين وأمل. مسالخير

ام محمد. اهليين شو أمل وين كنتو لهلق عتمت العين وما ضل حدا بالشوارع

أمل. بالشغل خالتي وين بدنا نكون

ام محمد. بالشغل لهلق؟

ام ياسين. اي شغل عحد علمي شغلكون بيخلص من ساعتين!

ام نبال. لك انتو من كل عقلكون مصدقين هالحكي ليكي انتي وياها انكون تعيشو معنا بهالحي لازم تحترمو وجودكون فيه هه ولا لأنو ما عندكون اهل بتفوتو وبتطلعو عكيفكون

مسكت ايدي وشدت عليها أمل. امشي لين
زورتهون. لا تنسو تألفو سيرة علينا

ام نبال. ههه جيل أخر زمن والله

ام محمد. ام نبال يمكن ظلمناهن لين وأمل محترمات ومانون من هدناك البنات يمكن عنجد كانو بالشغل

ام ياسين. لك اي شغل بهالوقت الله اعلم وين كانو

.................................

فتنا عالبيت وطبقت الباب ورايي بقوة

لين. اووف نزعولي مزاجي

أمل. انسي الموضوع احسن الشي هدول مستحيل يتغيرو

دحشت حالي بالفرشة وصرت اسمع لقلبي كنت عم بسمع دقاتو كل ما بتذكر موقف صار بيني وبين باسم عم ينطق بجنون اي انا بحبك ... انا بحبك باسم ........بحبك كتيييير لأول مرة بعترف لنفسي اني بحبو كيف وليش وايمتا ما بعرف وكأنو اخترق قلبي من دون استأذان

لما سمعت رنة موبايلي فتحت عالرسائل ابتسمت بشكل لا أرادي لما شفت أسمو وصار قلبي يدق بسرعة فتحت الرسالة وكان كل بدني عم يرجف

تجمعو الدموع حوالين عيوني وحطيت ايدي عتمي لأمنع شهقاتي

كييييييف؟....مات!...#
......................................................................
أزهرتّ قلبي ورويت جسدي بالماء وكأنني بقربك أرى الحياة للمرة الأولى فقد كانت روحي عطشى وقلبي كالصحراء القالحة لم يذق طعم الحب يوماً وكأنني قبلك ما حييت ...أجل سأروي جسدي بها للمرة الأولى أحبك...أحبك جداً.
..........................................

*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 6 )ـــــــــارت*

➖➖➖➖➖➖➖➖➖


بقلم_رومانتيكا
لما سمعت رنة موبايلي فتحت عالرسائل ابتسمت بشكل لا أرادي لما شفت أسمو وصار قلبي يدق بسرعة فتحت الرسالة وكان كل بدني عم يرجف.

كان باعتلي رسالة ((اسف اني عم دايقك بهالوقت بس في شي صار جديد ولازم تخبرو فيه انا وعدتكون اني ساعدكون بخصوص

موضوع عصام السعدي وفعلاً انا جمعت أدلة كتير منيحة بس الله ما راد يعاقبو بالدنيي ان شاء الله بالأخرة))

تجمعو الدموع حوالين عيوني وحطيت ايدي عتمي لأمنع شهقاتي

لين. كييييييف؟....مات!..

باسم((انا خبرتك لألك لحتى تحكي لأمل بطريقتك قد ما كان بيضل جرحها غير))

مسكت الموبايل وانا عم برجف ودقيتلو اتصال كنت عم بكتم شهقاتي واحكي

لين. الو باسم خبرني كيف هيك صار كيف مات كييييف!!

باسم. لين اهدي وروقي بالأول

لين. اهديت مشان الله احكيلي شو الي صار

باسم. عصام وقع بالحفرة الي حفرها لغيرو انفجر مخزون الاسلحة عندو ونفجر معو عصام

لين. هون بالحارة!!

باسم. لاء لين عصام عندو مخزون اسلحة برا الحارة ما حدا بيعرف فيه اغلب الاسلحة مانها مرخصة كان ضمن الأدلة الي جمعتون ...عم تبكي لين؟!

مسحت دموعي وتصنعت القوة بصوتي لين. لاء ما عم ببكي شكراً لانك خبرتنا والله يرحمو

سكرت الخط وحبست رجليي بأيديي ما توقعتو يموت بهالطريقة ما توقعت يصير هيك قد ما نأذينا بسببو بس بيضل الموت الو رهبتو
حسيت حالي رح اختنق فتحت الشباك الي قبالي وصرت أسترد أنفاسي
بعد كل الأطفال الي قتلهون بعد كل الشباب الي ضيعهون والعيل الي تشتت بسببو الله انتقم منو اشد أنتقام...ماااااااااااات!

...........................................

كانت ضامتني وعم تبكي بحضني كنت عم بمسحلا عشعرا

لين. خلص اختي روقي ما كنتي بدك تنتقمي منو هي ربك انتقملك

أمل. ما بعرف اختي...ما بعرف حاسة قلبي عم ينعصر ومنظر بنتي سعاد وهي عم بتموت بين ايدييي ما عم يروح من بالي
لين انا سهرت ليالي وايام لأنسى هداك المنظر وهلق شو كل شي عم ينعاد قدامي

لين. أملي انتي قوية احتسبي أمرك لربك وقومي صلي ركعتين بترتاحي

أمل. آااااخ حاسة قلبي عم يموت

تركتا بعد ما نامت ورجعت عتختي كنت صافنة بكل شي بهالدنيي بهالعالم ...بالمووت!
ليش دائماً مننسى انو في موت ...ليش مننشغل بمشاغل الحياة ومننسى مشاغل الأخرة

انا وحدة من الناس الي مانون مرتاحين بحياتون دائماً مخنوقة وفي شي عم بيعص عقلبي ،دائماً مدايقة.
عطول بتكون حجتي ما عندي وقت.........
نسييييت.......
ما عندي وقت صلي الصلاة عوقتها لاني مشغولة وأحياناً كتير بنسى صلي:(
ما عندي وقت اقرأ كل يوم صفحة من القرأن مع انو لما فتحت عوقت استخدام الانترنت عجهازي طلع 10 ساعات:(
ما بلحق اقرأ اذكار الصباح والمساء ولا الأدعية لأنو مافي وقت:(
وقتي ثميين كتييير؟؟!
يا ترى كيف بدي اتغير من انسانة مهملة كتير بأمور دينها لإنسانة ملتزمة؟؟. كبسة زر مستحييل
ضليت صافنة بمخيلتي لحد ما اخدت اهم قرار بتخذو بحياتي
اني أتغير كان أبداً مانو قرار سهل كان بدو أصرار وتحدي كبير بدو جهد💪🏻💪🏻

..........................................

مع أشعة الشمس وزقزقة العصافير مع رفرفة أغصان الشجر والنسيم الهادي الي بيبعث بالنفس راحة وطمأنينة مع اللون الأخضر الي مكتسي الأرض بهاليوم الربيعي وكأنو الكون كلو تكاتف عالحب بهالوقت تعانقت لتنتج عطر طمأنينة وراحة بتنبعث بالنفس

فتحت عيوني مع نهار يوم جديد ومع طاقة جديدة غسلت وشي وفتحت خزانتي سحبت فستان زهري قصير للركبة صفنت فيه لوهلة لما تذكرت العهد الي عاهدت حالي فيه مبارح
تنهدت بعمق ورجعتو للخزانة طالعت بنطلون أسود على كنزة كم لون سماوي فاتح ربطت شعري ذيل الحصان وطلعت

طلعت من البيت شوي شوي وتعمدت ما صحي أمل لأني كنت بعرف حق المعرفة انو طول الليل ما قدرت تنام

.......................
((بالمصنع))

لين. صباح الخير أستاز باسم

كان عم يراجع الطلبيات التفت لعندي باسم. اهلين لين صباح النور
ضلت عيونو معلقة فيني وكأنو شاف في شي غريب
باسم. عم اتأكد انو حكينا مع كل اصحاب الطلبيات واعتذرنا منهون

قاطعت نظرتو لين. بعرف انو عنا ضغط كتير بهالكم يوم بس عنجد منعتذر كتير أمل ما بتقدر تجي عالمصنع مبارح كانت كتير متأثرة بموت ابو الملوك وحسيت ما خرجا تجي اليوم

باسم. ولا يهمك المهم تكون بخير كيف صارت اليوم ؟؟
ان شاء الله أحسن

لين. ان شاء الله رح بتصير أحسن انا متأكدة من هالشي

باسم. اكيد لين أمل قوية وما بينخاف عليه

تنهدت بعمق لين. الله يريح قلبا أحسن الشي

باسم. آمين

لين. بدك مني شي؟

باسم. جهزي الخلطات وانا شوي وبلحقك لازم نستعجل ونخف ايدنا اليوم ما بقيان معنا غير هاليومين

لين. حاضر استاز باسم

طلعت من مكتب باسم ورحت عالمطبخ صرت طالع المواد المطلوبة لبلش بخلطات الحلو
فجأة استوقفني صوت أمل التفتت لعندا بأستغراب

لين. أمل!!
ايمتا أجيتي

أمل. حضرتك كيف بتروحي لحالك وبتتركيني بالبيت ؟!

لين. اختي انا قلت خليكي أرتاحي اليوم شوي بالبيت لانك تعبانة وبحاجة لفترة راحة

تطلعت فيني بنظرة قوة وزورتني أمل. انا منيحة تمام وماني تعبانة مافي داعي لهالحركات لين انتي بتعرفي كتير منيح انو بهال3 ايام عنا ضغط كبير بالشغل

لين. خلص أمل روقي وطولي بالك مافي داعي لهالتعصيب هاد كلو

أمل. اووف ماشي

ونحنا عم ن

حكي اتجه لعنا صهيب بخطوات ثابتة وأبتسامة كيد مرسومة عوشو
صهيب. صباح الخير صبايا
كيفكون!

طنشنا ورجعت كل وحدة مننا عشغلها
صهيب. على فكرة السلام لألله

سويت حالي ما سمعت وصرت طالع المواد وطبق الخلطات لنبلش بالشغل
شغلت العجانة ما كانت تشتغل رجعت طفيتا وصرت حاول فيها بس كمان ما اشتغلت عم حاول فيها عفوتت باسم عالمطبخ

أمل. لين شوفي

لين. استاذ باسم!

باسم. اي لين

لين. تعى شفلي العجانة ما عم تشتغل تعى شفلي شبها ليش هيك

باسم. شو هالحكي مو وقتها هلق لين نقلي المواد عالعجانة التانية بين ما شوف هي شبها

لين. حاضر

أمل. الفرن ما عم يشتغل

لين. والعجانة التانية كمان

تطلعنا كلايتنا ببعض بنظرة أستغراب. مقطوعة الكهربا

لين. اوووف والحل هلق مو وقتها كيف بدنا نلحق كل هالشغل وهي مقطوعة

باسم. طولو بالكون واهدو انا رح اتفقد القاطع وادا ما مشي حال بتصل بشركة الكهربا وبفهم منهون شو القصة

غاب باسم شغلة شي نص ساعة كنا قاعدين كلنا جمب بعض وناطرين منو خبر المشكلة كان ما لازم نتبارد لان طلبية المدام سهيلة لازم تجهز بكرا كنا كلنا عأعصابنا لحد ما أجا باسم

باسم. كلكون ضبو غراضكون رح نطلع من المصنع
في تصليحات بالكهربا ما رح تجي اليوم

لين. كيف يعني نضب غراضنا طلبية المدام سهيلة شو رح يصير فيها

صهيب. باسم انا ما بسمحلك تضيع سمعة الشركة مشان تهورك كيف بدك يانا نطلع وعنا ألف شغلة

أمل. برأيي معهون حق يمكن تجي الكهربا وبهالاثناء منعمل الشغلات الباردة

كان واقف ومكتف ايديه عم يطلع فينا واحد واحد
باسم. اوووف خلصتو
نحنا رح نطلع عبيتي وبيت صهيب ونكمل الشغل هناك ما عنا غير هالخيار

صهيب. اي ماشي حال لكن انقسمو قسمين قسم بيروح معي وقسم بيروح مع باسم

قاطعتو لين. انا وأمل رح نروح مع باسم

باسم. لكن ريما وسامي روحو مع صهيب
تطلع فيني. ولين انتي شوفي شو بدك مواد جهزيها والناقص جيبي من المستودع

لين. حاضر رح جيب المواد الناقصة من المستودع

حسيت صهيب انزعج اني رح روح مع باسم كان عم يطلع فيي نظرات حقد وكيد نظرات ما بتوحي بخير أبداً طنشتو ورحت
نزلت عالمستودع وصرت دقق بالورقة وطلع كل شي مواد ناقصتني طحين،سكر،بكنغ باودر،رقائق.....
فجأة استوقفني صوت باب المستودع فات وطبق الباب وراه بقوة حسيت قلبي وقع من محلو لما شفتو عم يطلع عليي بحقد

كيفك يا حلوة!...

عملت حالي ماني شايفتو ورجعت طلع باقي المواد الي لازمتني

ترا مو من مصلحتك انك تطنشي ها
ابتسم بكيد. بيصير شي ما بيعجبك بعدين!!..

بلعت ريقي بتوتر لين. شو بدك مني!!

صهيب. بدي منك كتير وأولهون هاد
وحط ايدو عقلبي

سحبت ايدو بقوة عني ورفعت صوتي لين. لا تحلم!

صهيب. بس انا بحب أحلم والي بحبو أكتر انو أحلامي كلا بتصير حقيقة يعني مثلاً رح يجي يوم وتكوني معي والي ببساطة لانك بتحبيني ومستحيل تستغني عني

لين. هههههههه والله ضحكتني عنجد ليك ادا فهمان الموضوع غلط مضطرة أشرحلك مو مشان شي بس مشان ما تبني أحلامك على وهم

كتف أيديه ببعضون وعكف حواجبو صهيب. ها هيك لكن ، هاتي لشوف شو في عندك؟!

لين. فهمها كتير منيح لاني ما رح أرجع عيدها
اشرت عليه بنظرة ثقة. انت ما بتعنيلي شي قبل كنت حبك اي بس هلق من المستحيل اني أرجع حبك لانك خلص اطلعت من قلبي

هز براسو بسرعة صهيب. مستحيل ما بصدق

لين. لاء صدق وكتير كمان صهيب انت عنجد ما بقى تعنيلي

صهيب. بس انا بحبك وبدي ياكي

لين. وانا قلتلك ما بحبك وما بدي ياك طلاع من حياتي بقى انت كسرت ثقتي بكل الناس بسببك بطلت اوثق بحدا

صهيب. لين انا تغيرت وغلاتك عندي تغيرت بهالفترة الي تركتيني فيها حسيت بغلطي عطيني فرصة لأثبتلك هالشي جربي وثقي فيني ومتأكد ما رح تندمي

لين. لك انا وثقت فيك وندمت رح عدلك ياها بلكي ما فهمتها بالمرة الأولى انت طلعت من قلبي اهجيها بلكي بتستوعب

خبط أيدو عالحيط بقوة صهيب. لاء ما فهمت ولا بدي افهم انتي لألي لألي وبس

لين. استغفر الله
بعد من طريقي بدي اطلع

حاوطني بأيديه التنتين وحبسني بالزاوية كانت نظراتو متل النار عيونو عم تقدح شرار وكأنو مو ناوي عخير علي صوتو صهيب. بتحبي لألو مو هيك ؟!!
بتحبي لأنو انقذك مني ؟!مبالك رح يقدر يساعدك هالبطل الخارق المرة هي!!
قرب مني اكتر لحد ما امتزجت أنفاسنا صار يصرخ. عم بسألك جاوبيني بتحبي لألو؟؟

ضليت ارجع لورا لحد ما لزقت بالزاوية صرت احكي بصوت عم يرجف لين. صهيب لا تتهور!!
بعد عني!!
مسك ايديي التنتين لتتسارع انفاسو اكتر صهيب...صهيبب..أرجوك بعد عني لا تتهور صهيب

ضليت صرخ لحد ما حسيت حالي تخدرت ما بقى يطلع صوتي اول ما شفت عيونو ما عدت أعرف انا وين وشو عم يصير معي حسيت حالي بمكان تاني كنت رح افقد الوعي اول ما سمعت صوتو!!...#
....................................................................
كدتُ أراهن على أنك عذابي ونقطتي السوداء في هذا العالم حتى ما غاب الرهان عندما رأيتُ عيناك فأيقنتُ بأنني لتلكَ العينان رهينة.
....................

................................................

استغفر الله،استغفر الله ،استغفر الله
اللهم انك عفو كريم تحب العفو فاعفو عني🌸🌸

*#يتبـــــــــع.....*
➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw