#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 7 )ـــــــــارت*

➖➖➖➖➖➖➖➖➖

بقلم_رومانتيكا
ضليت صرخ لحد ما حسيت حالي تخدرت ما بقى يطلع صوتي اول ما شفت عيونو ما عدت أعرف انا وين وشو عم يصير معي حسيت حالي بمكان تاني كنت رح افقد الوعي اول ما سمعت صوتو
كان صوتي مخنوق ودموعي عم تنزل بغزارة اول ما فتح الباب وشفتو كان وجهو أحمر م

كتسي الغضب وعيونو عم تقدح شرار كل خطوة عم بيقربها منا عم تخلق جوا قلبي معارك

حطيت ايدي عتمي وطلع صوتي مخنوق لين. باسم !!

قرب أكتر بخطواتو المتخبطة سحب صهيب من قبة قميصو ودفشو عالحيط بقوة
باسم. ولاه واطي عم تتقاوى عبنت لك انت شو آاااه شوووو؟!!!
انت واحد بلا شرف وبلا اخلاق

صهيب. باسم بعد عن طريقي أحسنلك وما بسمحلك تقلل أحترامك معي عم تفهم

باسم. ما شاء الله شو بتعرف الأحترام
قرب من ادنو وعلي صوتو. ياااا محترمم

صهيب. اولاً خراس وسد حلقك ما دخلك فيني شو بعمل تانياً لين ألي رجاءاً لا تتدخل بيناتنا احسن ما تشوف شي ما بيعجبك

رفع ايدو بقوة وضربو بوكس بنص بطنو باسم. عم تتقاوى عبنت يا واطي...عم تتقاوى عبنت ...والله لأدبحك وأشرب من دمك يا قليل الشرف

كان عم يرفسو برجلو وبأيدي التنتين صهيب عم يحاول يخلص حالو من بين ايديه بس عبس ما عم يقدر حسيت ايديي مربطين ما بعرف شو بدي أعمل تحت تأثير الصدمة والي عم يصير هلق صرت صرخ وأمسك بباسم

لين. باسم بترجاك تركو ...ببوس أيدك بيكفي خلص
باسم...مشان الله لا تخلي يموت بين أيديك

ضل عم يضربو ويفش غليلو فيه لحد ما سمع صرخاتي. أخخخ ....يا ربي

تركو رح يغمى عليه وقرب مني ضمني بقوة كنت عم بشهق بين أيديه عم بسترد أنفاسي وكأنو رجعتلي الحياة من جديد ماني قادرة أهدى كان عم يتلمس عشعري وعم يحاول يهديني

باسم. خلص لين اهدي ...حاج تبكي...خلص ما صار شي روقي
بعدني عنو شوي لما حس أنفاسي استقرت تطلع بعيوني. انتي منيحة!!

جمعت كل قوتي ونطقت بصوت مهزوز. منيحة...صصهيب صرلو شي!

باسم. لا تخافي ...لا تخافي لين ما بيصرلو شي

تطلعت حواليي كانو متجمعين كل الي بالمصنع عند المستودع عم يطلعو علينا بطريقة غريبة والف اشارة استفهام براسهن كان الصمت سيد الموقف لحد ما أمل قطعت هالصمت وقربت مني بخوف

أمل. لين ...اختي فيكي شي!!

هزيت راسي بسرعة لين. انا منيحة ما فيني شي ..بتشكرك استاز باسم على الي عملتو.

تطلعت ريما بأستغراب ريما. نحنااا...سمعنا صوت صراخ خفنا يكون في شي لهيك أجينا

بهالأثناء صهيب تجلس بصعوبة وصار ينفض أثار الغبرة من على جسمو قرب من باسم بخطوات ثقيلة وأشر اصبعتو بأتجاهو

صهيب. انا بفرجيك يا كلب...ادا ما بخليك تندم عكل بوكس ضربتني ياه ما بيكون أسمي صهيب ...انا بفرجيك والله لخليك تندم يا حقير

باسم. انقلع من وجهي ومن المصنع كلو ويا ريت ما بقى تفرجيني وشك هون ادا رجلك بتخطي خطوة وحدة لهالمصنع بدي اكسرها عم تفهم

ابتسم بمكر صهيب. عم تقلعني من مصنعي يا ابن عمتي!!
شو نسيان انو المصنع ألي متل مانو ألك ادا نسيان لأذكرك

باسم. انقلع من وجهي صهيب

صهيب. انا بفرجيك ادا ما بخليك تندم ما بيكون أسمي صهيب

تجاوز الكل بخطواتو الثقيلة وهو عم يتوعد لباسم انو يخلي يندم كانت مبينة الحيرة عوجوه الكل ومو فهمانين شي

سامي. باسم!!

باسم. اي سامي

سامي. هاد مجنون...خايف يبلغ عليك للشرطة ويبليك بسين وجيم

باسم. الي بيطلع بأيدو يساوي برجلو ...يعمل الي بدو ياه

سامي. بس يا باسم...

قاطعو باسم. خلص سامي سكر عالموضوع...
وجه كلامو للكل. رجاءاً انتبهو لعندي كلكون يا ريت تنسو موضوع صهيب والي صار من شوي بالنهاية عنا شغل بدنا نخلصو بكرا ولازم نستعجل فيه ...يا ريت تنسولي هالفوضى الي صارت وكل واحد يرجع لشغلو ...رح نكمل الشغل ببيتي بدي منكون تجمعو كل شي بدكون تاخدو معكون مشان نمشي

سامي. متل ما بدك باسم

باسم. يالله كل واحد يلتفت لشغلو رجاءاً عشنا فوضى بما فيه الكفاية بيكفي لهون

التفت كل واحد عشغلو صهيب طلع شبه فاقد الوعي من المصنع وانا حاضنة أمل وعم تحاول تهديني بعد الي صار

بعد ربع ساعة جمعنا الغراض الي بدنا ناخدهون معنا وطلعنا بسيارة الاستاز باسم وسيارة المصنع عبيت باسم
نزلنا الغراض ودخلنا كان بيت أرضي ململم شوي ومو كتير كبير الو حديقة ومسبح صغير

ريما. استاز باسم عايش بالبيت لحالك؟!

باسم. تقريباً ،بتجي لعندي أمي يومين بالأسبوع وابي متوفي الله يرحمو

الكل. الله يرحمو

باسم. آمين
يالله لين بلشي بالخلطات خلينا نبلش شغل

كنت صافنة وماني معهون نهائياً لما قال أسمي التفتت لعندو بأستغراب
لين. نعم!!

باسم. عم قلك جهزي الخلطات خلينا نبلش شغل وانتو كمان سفطو الغراض وساعدوها

لين. حاضر

حطيت الجاطات عطاولة السفرة وصرت طبق المواد والباقيين كانو عم يسفطو الغراض ويجهزو الصواني كنت صافنة لحد ما سحبت أمل العلبة من ايدي وقربت من اذني

أمل. لين اختي انتي منيحة!!

لين. منيحة أمل ما فيني شي

اشرت علبة الملح بأتجاهي أمل. لشو سحبتي الملح

لين. آاااه هاد ملح

طبطبت عكف أيدي أمل. خلص اختي ادا تعبانة بلا ما تشتغلي

لين. لا لا خلص انا منيحة

خلصت الخلطات ورحت غسل أيديي بالمطبخ كان باسم عم يطالع الفناجين ليعمل شي نشربو

باسم. تشربي شي لين!

لين. يا ريت قهوة

باسم.معناتا رح ساوي للكل قهوة
سادة!!

ابتسمت لين. اي سادة كيف عرفت؟

باسم. شغلتي

قربت منو

بخطوات بطيئة ونزلت راسي عالأرض بخجل وصوت عم يرجف
لين. انااا بدي اعتذر منك عالشي الي صار بالمصنع والموقف الي نحطيت فيه بسببي

باسم. مافي داعي للأعتذار

لين. بس صهيب بيضل ابن خالك وما بدي يصير بيناتكون مشاكل بسببي

بعدم اكتراث باسم. انسي لين انسي
هالشراكة من بدايتها كانت غلط بغلط واجى الوقت لصلح هالغلط بفضلك

لين. ما بعرف شو بدي قلك انا بتشكرك كتيير عنجد هي تاني مرة بتساعدني من دون مقابل ما بعرف كيف بدي أوفيك حقك
باسم انت انسان كتير منيح عنجد وفعلاً انا كنت ظالمتك

عكف حواجبو باسم. ليش قبل كنت كتير سيئ بنظرك

خجلت ونزلت راسي عالأرض لين. بعتذر منك كانت فكرة غلط وهلق تصلحت

عبا فناجين القهوة وعطاني فنجاني بأبتسامة ناعمة باسم. كتير منيح

لين. يسلمو

.................................................

الكل كان مجتمع حوالين طاولة السفرة وعم نطبق بالوربات وكأنو عيلة وحدة منشتغل شوي منحكي شوي ومنضحك شوي كنا مبسوطين رغم كل التعب حسيت حالي لأول مرة بحس بطعم العيلة الي فقدتو من وقت طويل من وقت كتير طويل

خلصنا شغل واخدنا استراحة صغيرة لنستعيد فيها نشاطنا
كان في غصة بقلبنا انا وامل طول عمرنا كنا وحيدين مافي سند لألنا غير الله مافي شي نرتكز عليه بهالعالم مافي ام تطبطب علينا ادا تعبنا وتنتبه ادا غلطنا مافي اب يخاف علينا من هالعالم الموحش

كنت غاصة وفي دمعة عالقة عطرف عيني

ريما. شبك لينو فيكون شي انتي وامل

سامي. عنجد وانا لاحظت انو فيكون شي

التفت لعندي باسم وشاف الدمعة العالقة بطرف عيني كان الكل عم يوجهلنا نظرات استفهام

لين. لا تطلعو فينا هيك مافي شي كل القصة انو عم نعيش جو العيلة الي نحنا افتقدنا من زمان

أمل. انا ولين فقدنا جو العيلة من زمان ما كنا واعيين لما فقدنا اهلنا كانت الحياة قاسية كتير وظالمة من بعدهون

باسم. وليش الدموع؟!
نحنا كلنا عيلة وحدة

لين. ههههه ولا شي من الفرحة انو حاسين حالنا بعيلتنا

ونحنا عم نحكي رن الجرس قام باسم ليفتح الباب التفتنا كلنا لنعرف مين وراه

م. باسم رضوان موجود؟!

باسم. اتفضل انا باسم رضوان خير في شي

الشرطي. اتفضل معنا عالقسم

باسم. خير ان شاء الله شو عامل

الشرطي. في واحد مقدم فيك بلاغ

باسم. بلاغ بشو؟!!

الشرطي. اتفضل معي عالقسم هناك بتعرف

باسم. طيب ممكن تمهلني دقيقتين

الشرطي. خود وقتك

فات باسم عالصالون ووجه كلامو للكل
باسم. سمعوني كتير منيح انا هلق مضطر روح معهون بس يا ريت ما تتأثرو بغيابي ما بدي منكون غير شي وحيد انو تخلصو الشغل الي بين ايديكون وادا بتقدر تسلمو الطلبية

لين. استاز باسم طمنا شو في شو بدهون الشرطة

باسم. لا تخافو متقدم فيي بلاغ رح روح شوف شو القصة

سامي. اكيد صهيب هو صاحب هالبلاغ

باسم. بخاطركون انتبهو عالشغل

((عالساعة 7 المسا))

نزلنا من سيارة المصنع انا وأمل وكملنا مشي عالبيت وصلنا سامي عراس الحارة وكملنا مشي مرقنا من جمب بيت ابو الملوك وقفنا جمبو للحظة وتطلعنا ببعض بأسى حسيت بقشعريرة سرت بكل جسمي

لين. آاايه الله يرحمك يا ابو الملوك

تطلعت فيني أمل وزورتني

لين. اختي بالموت مافي شماتة

أمل. اووف خلينا نمشي من هون احسن الشي

مسكت بأيدها ومشينا لوصلنا عالبيت
بدلت تيابي وفتت عغرفتي كنت مخنوقة كتير وبنفس الوقت بالي مشغول على باسم لأنو الي صار معو بسببي انا قعدت عالتخت وفتحت الشباك سحبت نفس عميق لارتاح شوي
كان الجو مظلم كتير وفي رعشة هوا باردة حسيت كل شي عم يبكي بهاليوم حتى القمر متخبي ومخفي جمالو

حسيت فيها لما قعدت جمبي وضمتني لحضنها

أمل. شو في ببالك لين!!

كان الهوا عم يطير شعري رجعتو ورا اذاني وابتسمت ابتسامة باردة
لين. بدي أتغير امل
انا بدي اتغير

أمل. تتغيري!!
كيف يعني

لين. اوووف ما بعرف أمل الي صار معي اليوم خلاني زيد من أصراري اكتر وأكتر

أمل. ما بدك تخبريني شو صار معك اليوم بالمصنع ؟!

لين. رح خبرك ...رح خبرك كل شي

.................................

لما منحس حياتنا كلا غلط لازم نتغير...
لما يتملكنا الطيش ،الاستهتار واللامبالاة لازم نخطي خطوة لقدام حتى نتغير...
لما بتحس حالك بحبل بين طرفين طرف بيسحبك للخير والطرف التاني للشر لينتصر الخير لازم نتغير...

الحياة قرار وأختيار قرارك للخير وأختيارك الطرق الي بتوصلك ألو
بمرة قريت عالنت أنو الأنسان بحاجة ل 21 يوم لحتى يصير اي شي عندو عادة وبيحتاج 21 يوم ليترك هي العادة ومن هون بلش مشواري مع رحلة ال 21 يوم قررت غير من حالي ب 21 يوم يا ترى رح تطلع بنتائج؟!!

اول الشي عملتو مسكت دفتر وكتبت عليه 21 يوم رسمت جدول وعليه قائمة عادات سيئة بدي أتركها متل السهر وعادات جيدة حابة أكسبها مثل قراءة سورة الملك كل يوم وصلاة الوتر قبل ما انام حاولت ما اكثر لحالي مهام بالجدول لحتى ما أمل وأيأس بسرعة

.....................
سكرت الدفتر وعوجهي أبتسامة رضى

قمت توضيت وصليت صلاة الوتر وقرأت سورة الملك كانت أمل قاعدة وعم

تقلب عموبايلها

لين. أمل انا فايتة نام بدك شي!!

أمل. تنامي!!
من ايمتا بتنامي بكير الساعة عشرة لين؟
وبتقرأي قرأن وبتصلي انو شو هالتطورات

لين. من اليوم

أمل. حلو كتير الله يثبتك

لين. آميين

حطيت أشارة صح على الي عملتو اليوم ودحشت حالي بالفرشة لنام برضى وسعادة عن حالي اليوم

تاني نهار الصبح فقت نشيطة صليت الصبح وفتحت الشبابيك بكل البيت لتفوت أشعة الشمس ونسمع زقزقة العصافير الي بتخليك تشعر بنشاط وسعادة

رحنا عالمصنع وكان في شي جديد عوشي في أمل جديد في ابتسامة صافية في راحة رغم كل شي عم مر فيه

لين. صباح الخير

الكل. صباح النور

ريما. لين شبك مبسوطة اليوم وعم تضحكي

سامي. فعلاً شو القصة هاتي لشوف خبرينا

أمل. ههههه من الصبح فاقت هيك الله اعلم شبها بس الله العليم هرمون السعادة مرتفع عندا شوي


عكفت حواجبي لين. لك شبكون يا جماعة القصة وما فيها اني راضية عن نفسي مو اكتر بعدين شو بدكن احسن من هيك بنشر طاقة ايجابية بالمكان لنقدر نخلص شغلنا شو نسيانين ما ضل معنا غير اليوم لنخلص

سامي. لا ما نسيانين

لين. ما رجع باسم !!

سامي. مرقت عالقسم الصبح قبل ما اجي لهون طلع صهيب الي مبلغ عنو

لين. ايييي

سامي. اخدتلون تسجيلات الكميرات الي بالمستودع لنثبت انو باسم ما ضربو لصهيب بلا سبب

ريما. شو رح يصير هلق

سامي. رح يدققو فيها وادا اضطر الأمر منروح كلنا نشهد ضد صهيب ومنقدم فيه بلاغ

لين. اكيد منروح ليش لاء بس برأيي حاج نقطع وقت لازم نسلم الطلبية بعد 5 ساعات شو نسيتو شو وصانا وائل

سامي. معك حق واحتمال تكون هي أخر طلبية لألنا هه

أمل. كككيف
ريما. كيف يعني آخر طلبية!!

غمض عيونو وزفر زفرة قوية بعدين تطلع فينا ونطق سامي. رح يتسكر المصنع!!...#
.............................................................
وكلما ستبدأ بالاستقامة سيواجهك منعطف ،أن كان لا بد من الانحناد أنحني، ولكن لا تنكسر.
...........................................
*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 8 )ـــــــــارت*

➖➖➖➖➖➖➖➖➖


بقلم_رومانتيكا
سامي غمض عيونو وزفر زفرة قوية بعدين تطلع فينا ونطق سامي. رح يتسكر المصنع!!..

لين. كككيف يعني رح يتسكر المصنع

ريما. شو هالحكي

سامي. رجاءاً لا تسألوني شي بس يجي باسم سألو شو ما بدكون

أمل. بس ما بيصير هيك انت حكيت ولازم تكمل الي حكي

تو ما بيصير تخلينا بحيرة هيك

سامي. اوووف خلص راسي عم يوجعني بس يرجع باسم بتعرفو كل شي

تركنا عم نتخبط بأفكارنا وراح من دون ما يحكي شي انقلبت ملامح الكل وما حدا عرفان شو ناطرو بهالمستقبل المجهول
صرنا نشتغل بلا نفس اليوم لازم نسلم الطلب وما عنا خيار تاني اخدت تصميم الكيك الي لازم اشتغل عليه وبلشت اشتغل
اما الباقيين كانو عم يكملو شغل الوربات

كان المصنع ولأول مرة بارد،مافي روح وكأنو هجرتو الحياة بغياب باسم
ضلت عيوني معلقة عالباب لوهلة وقعت المعلقة من أيدي وابتسمت بشكل لا أرادي لما شفتو كان قلبي عم يخفق بجنون وجاي عبالي ضمو من الفرح

لين. استاز باسم!!

التفت الكل لوراه لتكتسي وجوهون البسمة اول ما شافو باسم
قرب منا بخطواتو الثابتة باسم. مرحبا
كيفكون!!

لين. الحمدلله عسلامتك استاز باسم

ريما. الحمدلله عالسلامة

سامي. الحمدلله عسلامتك
ليش ما خبرتنا انك طلعت باسم

باسم. الله يسلمكون يا رب طولو بالكون عليي يا جماعة خلوني أخد نفس بالأول

لين. طيب طمنا شو صار معك بالأول

باسم. شغلة عرضية يا ريت لو تنسو الي صار

أمل. الحمدلله مرقت عخير

باسم. طمنوني كيف الشغل؟!

سامي. قربنا نخلص ما ضل شي غير نجهز كل شي عملناه بعلب ونروح نسلم الطلبية

باسم. حلو كتير هي الأخبار الي بتنسمع

مشي بخطوات ثابتة ناح قالب الكيك وتطلع فيه بأعجاب كان بيتكون من 4 طبقات ملفوف بورد أبيض عالداير وعليه أحرف اسماء المخطوبين من تحت

وقف وراه سامي. شو شكلو عجبك الكيك باسم
شو رأيك؟!

باسم. حلو كتير وانيق
لازم خلي لين تعملي قالب عرسي

غصيت بريقي وصرت أسعل لين. اكييد...اكيد تكرم

سامي. كيف عرفت انو لين هي الي عملتو
مين قلك؟!

باسم. مافي داعي حدا يقلي انا بعرف

تطلعت فيه بقلق فجأة لين. استاز باسم صحيح رح يتسكر المصنع!

تبدلت ملامحو فجأة باسم. ما بعرف لين لسى مو مبين شي لهلق
تطلع ناح سامي. سامي فيك تروح توصل طلب المدام سهيلة هلق
والباقيين اعتبرو اليوم اجازة ومكافأة صغيرة لمجهودكون فيكن تروحو عالبيت خلص شغلنا لليوم خدو استراحة باقي اليوم بما انكن تعبتو بهال 3 ايام

تركنا ومشي عمكتبو
ريما. اووف شبو هاد!

لين. ما بعرف خلونا نطلع بما أنو خلصنا بدي ياكون تروحو معي مشوار

أمل. مشوار!
لوين لين

لين. عالسوق

أمل. شو بدك من السوق!

لين. اممم خليها مفاجئة

ريما. مفاجئة؟

لين. لك شبكون أمشو معي هلق بتعرفو كل شي ليه مصرين تعذبوني وتعلولي قلبي عنجد مو طبيعي

ريما. شبك ولو فضحتينا الله لا يعلق حدا بلسانك

لين. لكن أمشو معي من تم ساكت

ريما. حاضر

طلعنا من المصنع انا وأمل وريما طول الطريق ونحنا عم نحكي كان السوق ما كتير بعيد عن المصنع مجرد خمس دقايق بتكون بنص السوق ضلينا نمشي لحد ما وصلنا عواجهة المحل الي بدي ياه

لين. يالله فوتو

تطلعو أمل وريما ببعض ومبين عوجهون الاستغراب
أمل. شو بدك من محل الأكسسوار!

لين. محل الحجابات مو الأكسسوار

ريما. بدك تتحجبي!

لين. يب

أمل. ههههه عنجد عم تحكي

لين. طبعاً عنجد لكن عم بمزح

أمل. اي الله يثبتك خلينا نفوت لكن نشوف شو بدنا نجبلا لست حلويات

ريما. يالله فوتو

"بعد ساعتين"
كنت ماسكة كيسين وعم بشحط حالي شحط بالسوق أمل وريما ماشيين قدامي وعم يضحكو عليي وانا عم حاول ألحقهون وجمع أنفاسي بصعوبة

لين. اوووف مو طبيعي شو سريعين

أمل. انتي مو طبيعي شو باردة لكن في وحدة بضل ساعتين بالسوق وبالاخير بتجي بكيسين كل واحد قد كف الأيد

لين. اووف خلصنا بقى فضحتوني
تطلعت بريما. ريما فوتي تغدي عنا أمول رح تعمللنا معكرونة بشاميل كتير بتطلع طيبة معها وقبل ما تحكي ايا حجة رح تقدميها مرفوضة

ريما. ههههه تحميتي وتزميتي عمعكرونة

أمل. اي فوتي فوتي

لين. كنو اليوم ثلاثي النميمة مو مبينين أشعر بالأستغراب ولأول مرة بتصير بضيعتنا

أمل. هههههه شي غريب مو هيك لك هدول صارو من اساسيات الطريق بتحسو ولدتهون امهاتون بأخر الشارع وقالتلون راقبو الرايح والجاي

لين. ههههه الله يستر ما يكونو عم يطبخو شي طبخة

فتحنا الباب وفتنا كانت اول مرة بتفوت فيها ريما على بيتنا القت نظرة سريعة عالصالون وتبدلت ملامحها
صوفايات قديمة والخشب عالطراف مقبع دهان الحيطان مقشر والأرض ما مبلطة كان البيت قديم كتيير وماكل عمرو وزيادة كنت عم شوف نظرة الاستغراب بعيون ريما وعم بقدر ميزها كتير منيح

لين. اممم الهيئة بيتنا كتير عجبك حتى هيك صافنة

شلحت بوطها وصارت تحكي بتوتر ريما. لا ما قصدت شي انا أسفة

لين. ولا يهمك فوتي

ريما. بس عندي سؤال

اشرت عالكنب أمل. اتفضلي قعدي شو هالسؤال

ريما. ليش قاعدين بهالبيت لحالكون يعني قصدي فيكون تاخدو بيت احسن منو بس بتاخدو مشترك مع بنات تانيات منو بتتونسو ومنو بيكون وضع البيت أحسن

أمل. هههههه ضحكتيني عنجد

ريما. ليش بقى!!

سحبت نفس عميق ورجعت لورا أمل. ما منوثق بحدا لنعيش معو ببساطة البشر كلون غدارين وما بينوثق فيهون

ريما. بس في المنيح وفي القبيح شوفيني انا عايش

ة مع كتير صبايا وما بعتبرون غير متل خواتي يشهد ربي

لين. يمكن بس ندر لنواجه المنيح

أمل. الحياة قاسية بتعرفي ريما انا ما بوثق بحدا لانو وقت الجد أقرب الناس لألنا انا ولين طعنو فينا ورمونا عالميتم بهالزمن لا تسلمي ثقتك بسهولة

لين. لك انا وياها ضلينا ايام ننام بالشوارع وما حدا يسأل عنا كنا ننام جوعانين وهنن عم يعشو ولادهون بعز البرد ما كان عنا شي نلبسو وندفي لحمنا فيه

ريما. آاااخ من هالحياة الفانية

ابتسمت بآلم أمل. بيعين الله
ما جعتو؟!

ريما. ههههه اي والله جعنا

أمل. يالله لكن قومو معي عالمطبخ

............................
بعد ساعتين رجعت ريما عبيتها
لأول مرة بيدخل حدا لعنا عالبيت كنا مبسوطين فيها كتير وخصوصي انو ريما بنت محترمة ومؤدبة

كنا انا وأمل قاعدين وعم نحكي لما رن جرس البيت قمت من مكاني ورحت افتح الباب بلعت ريقي بتوتر لما شفت من العين صاحب البيت ورا الباب

لين. هاد صاحب البيت

أمل. افتحيلو

فتحت الباب وابتسمت ابتسامة مسطنعة
لين. اهلين عمو

صاحب البيت. لا اهلين ولا سهلين انا جاي لقول كلمتين مافي غيرهون

جت أمل بسرعة وقربت من الباب أمل. خير عمو في شي

صاحب البيت. من وين بدو يجي الخير طالما انتو موجودين بهالحارة هه قال خير قال بيقتلو القتيل وبيمشو بجنازتو

لين. طيب ما بدك تقلنا شو في شو صاير معك حتى هيك معصب

صاحب البيت. ليكي وليك انتي وياها انا ماني جاي لهون لأتناقش معكون شو صاير بالنهاية ماني مسؤول عنكون بس كلمتين ما فيهن رجعة معكون يومين بس لتفضو البيت وتطلعو منو

لين. لككك انت شو عم تحكي؟!!
قول انك عم تمزح

ابتسم بسخرية صاحب البيت. شي حلو والله من ايمتا كان في بيناتنا مزح آااه

تطلعت فيه بثقة وصارت تتزاورو أمل. ليك نحنا من هون مانا طالعين لحتى نعرف شو القصة ومين الي دافشك علينا هالدفشة ولعبان براسك

بغضب صاحب البيت. انا قالولي عنك مانك محترمة بس ما صدقت لحتى شفت بعيني

لين. لو سمحت تتجاوز حدودك وما تغلط عأختي

صاحب البيت. ليكي انتي وياها بدكون تطلعو من البيت ادا ما بكيفكون مستعد جيب الشرطة ههه قال انا شفقت عليكون لأنكون أيتام بس فعلاً ياما تحت السواهي دواهي

أمل. بدك توضح حكيك ولا شو؟!

زورها صاحب البيت. ههه انا ماني فاتح بيتي للفلت بتمنى تكون وصلت الفكرة وبعد يومين ما أرجع ولاقيكون هون

تطلع فينا تطليعة اشمئزاز وراح كنت بدي صرخ...
بدي أبكي...
بدي فجر كل شي براكين جواتي...
الظلم قاسي كتيير وبيحرق الروح من جوا ما بيعرفو الله ما بيعرفو عقاب قذف المحصنات!!
ما بيعرفو كسرة اليتيم ودعوة المظلوم!!

طبقت الباب وراه بقوه كنت عم حاول فرغ لو شوي من الي جواتي وزفرت بضيق
لين. درب يسد ما يرد
كنت عم ببكي. شو رح نعمل هلق بهالمصيبة وين بدنا نروح بحالنا

اكتست ملامحها الغضب وصارت تصرخ أمل. الف مرة قلتلك لا تبكي نحنا مانا ضعيفين

لين. لك نحنا صفينا بالشارع فهمانة شو يعني صفينا بالشارع

أمل. وكأنو اول مرة بتصير

لين. بس هالمرة ظلم والله ظلم ليش عم يصير معنا هيك لك طول عمرنا بحالنا مين الو مصلحة يضرنا ويوصلو صورة غلط عننا مين ممكن يكون ميين؟!!

بحقد أمل. انا بعرف مين ممكن يكون امشي معي لين والله لدفعها التمن غالي وخليها تندم عكل كلمة قالتها

لين. لك مين هي؟

أمل. امشي معي هلق بتعرفي كل شي

سحبتني من ايدي بقوة وطبقت الباب وراها كنت عم بمشي معها من دون ما اعرف لوين رايحة ولييش ؟!!
وصلنا...صارت تدق عالباب بقوة وتخبط لحتى فتحتلها وتراجعت لورا بخوف لما شافت أمل

شدتها من قبة قميصها وصارت تصرخ أمل. لك انتي شو آاااه انتي شو !!
انتي ما بتخافي الله؟
ما كفاكي كل شي عملتي وعم تعملي انا سكتلك كتيير بس انو توصل معك انو تطعني بشرفنا لاء ...ما بسمحلك عم تفهمي!!...#
...............................................................
سقطت ، قتلتْ ودفنتُ بالحياة الف مرة ،ذقتُ جميع الطعنات ولكن أقساها كانت طعنة ظلم كانت حادة للحد الذي يجعلني أموت ألف مرة ،للحد الذي يذهب بروحي عن جسدي ويجعلني أيقنُ بأنني في هذه المرة قد ذبتْ.
..............................................................
أصبحنا وأصبح الملكُ لله لا إلاه إلا الله وحده لا شريك له له الملكُ وله الحمد وهو على كل شيء قدير🌸🌸

*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 9 )ـــــــــارت*

➖➖➖➖➖➖➖➖➖


بقلم_رومانتيكا
شدتها من قبة قميصها وصارت تصرخ أمل. لك انتي شو آاااه انتي شو !!
انتي ما بتخافي الله؟
ما كفاكي كل شي عملتي وعم تعملي انا سكتلك كتيير بس انو توصل معك انو تطعني بشرفنا لاء ...ما بسمحلك عم تفهمي!!...

سحبت حالها من بين أيديي بصعوبة ام مح

مد. لك ليش عم تتهجمي عليي هيك شو عم يصير معك شو في!

رجعت مسكت فيها أمل. انا استحملت كرك كتيير بس انو توصل مواصيلك لهون لك انتي شوو ما فيكي دين ما فيكي ضمير؟!

سحبت أمل عنها وصرت حاول هديها
لين. امل اهدي خلص روقي ما بيصير هيك بضل ام محمد قد امك وما بيصير تحكي معها بهالطريقة

أمل. انا امي ماتت الله يرحمها
سؤال واحد ام محمد وبتمنى تجاوبي عليه بصراحة انتي كيف الك قلب تظلمي كيييف؟!

ام محمد. اولاً فوتتك لعندي بالهطريقة وتهجمك عليي ما رح انسالك ياهون
تانياً انا ما ظلمت حدا عم تفهمي انا شفتكون بعيني انتي ولين نازلات الساعة 8 بالليل من ميكرو أبيض مغلق شو بتسمي هالشي

لين. يعني انتي الي خبرتي علينا صاحب البيت

ام محمد. اي نعم انا لأنو الشي الي عم يصير ما بقى ينحمل اني شوف الغلط واسكت مستحيل لانكون عم تشوهو سمعة كل بنات الحي

أمل. لو كتير هامك سمعة بنات الحي كان بتشوهي سمعتنا وحتى من دون دليل

ام محمد. ههههه الرجعة عالبيت بأخر الليل والسيارات الي عم توصلكون كل يوم وتاخذكون من باب البيت الرجال الي عم نشوفهون عنا بالحي كل هاد شو بتسمو دليل ولا مو دليل

أمل. لا عنجد البشر فقدت الرحمة بتمنى تكوني انبسطي هلق تقلعنا من البيت بسببك وصرنا مشردين بلا مأوى بتمنى تكوني حققتي طموحك

شديت عقبضة ايدها لين. أمل!!

أمل. تركيني لين تركيني بدي احكي كل شي
رجعت تطلعت بأم محمد. مبسوطة كتيير هلق سعيدة بالأنجاز الي عملتي
اكيد بكر لما تشوفينا نايمين تحت شي شجرة او بضل بيت او بشي حديقة رح تكوني سعيدة اكتر واكتر هههه

ضلت ساكتة من دون ما ترد عليي بشي
أمل. لك بيكفي ظلم بيكفي بقى، تركي الناس بحالهون خافي ربك يا مخلوقة خافي ربك فيني وبهاليتيمة لانو دعوة المظلوم مستجابة بأذن الله

أمل. ههههه اي ضلي ساكتة بلكي ضميرك تحرك شوي

تركناها ساكتة ورجعنا عالبيت بدقايق كنت بتختي بعد ما صليت كان الجو متوتر كتير بالبيت كان فيه الف هم فوق راسنا شغلات بتنحل وشغلات غير الله ما بيحلها قرأت سورة الملك وحطيت اشارة صح عالمهام الي عملتها اليوم ونمت

............................

فقت الصبح عصوت أمل عم توعيني تمطمطت شوي بالفرشة وقمت بدلت تيابي
جبت الحجابات الي اشتريتون مبارح ولبست واحد منهون كان شال كاروهات خمري واسود اول يوم بلبس في الحجاب حسيت بشعور غريب شعور ما بقدر أوصفو لانو صعب ينوصف

أمل. خلصتي لبس

تطلعت فيني لوهلة وضلت صافنة لين. شو في

أمل. كتير لابقلك الحجاب لين الله يثبتك

لين. آمين يا رب

أمل. كنت فايتة اقلك تضبي تيابك والشغلات الضرورية الي بدك ياها لانو بدنا نطلع من البيت اليوم

لين. حاضر انا مبارح ضبيت شوي بس كنت تعبانة وما كملت

ضبينا كل وحدة شنتة تياب وطلعنا من البيت عالمصنع
حطينا الشناتي جمب الباب الجواني وفتنا عالمصنع

كانو الكل جايين ريما وسامي وباسم
أمل ولين. صباح الخير

التفتو لعنا الكل بأستغراب لتختلف ردة فعل كل واحد عن التاني ما حدا بيعرف غير ريما

ريما. مبروك الحجاب لينو

باسم. مبروووك الله يثبتك

نزلت راسي عالأرض لين. الله يبارك فيكون آمين الله يثبتنا جميعاً

كان باسم لسى عم يطلع فيني حسيت بتلبك من نظراتو صرت حاول شتت نظري عنو بس كل ما بقول بدي بعد بقرب اكتر

باسم. بما انو كلنا هلق اجتمعنا وباركنا للين بحجابها انا كمان عندي خبر ولازم تسمعوني كتيير منيح

ريما. خبر شوو!!

تبدلت ملامح وشو كان عم يحكي وعيونو عالأرض
باسم. صرلي بشتغل معكون سنين ويشهد ربي اعتبرتكون عيلتي التانية تساعدنا بالضيق وكنا أيد وحدة وهالمصنع كان بمثابة العمود الي متمسكين عليه لنستمر

سامي. والنعم منك

باسم. ادا راح هالعمود ما بيضل حدا حوليه احياناً منضطر نعمل شغلات ما منحبا بحكم انو القدر اخترلنا ياها ما فينا نعترض عحكم القدر وادا راح هالمصنع ما بيضل شي يربطنا

سامي. رح تترك المصنع

باسم. انتو صرتو عيلتي مشان هيك ما رح أخفي عليكون صهيب بدو يضغط عليي ليفك شراكتي معو طالب مني مبلغ كبير ليبيع ربع حصتو وحتى لو ما كان السعر غالي ما معي الميزانية لأشتري ربع الحصة

لين. شو يعني هالحكي

باسم. مضطر بيع حصتي لصهيب وانتو ان حابين تبقو وتشتغلو مع صهيب اكيد ما عندي مشكلة ولو حابين تتركو كمان براحتكون

سامي. بس يا باسم انت هاد المصنع تعبت لأسستو هاد شقى عمرك كيف بتتخلى عنو بهالسهولة

باسم. ما عندي خيار تاني اما ببيع او بشتري بس اني ابقى معو هالشي مستحيل

كلماتو حسستني بالعجز للحظة حسسني بالضعف بس فجأة لما لمعت فكرة براسي حسيت انو لسا في فرصة ان كل شي يتحسن ما ترددت ابداً قبل ما احكي

لين. استاز باسم انا عندي الك اقتراح بخليك ما تخسر المصنع وبنفس الوقت بتخلص من صهيب

باسم. وكيف بالله!!

لين. بتخلي حدا تاني يشتري حصة صهيب وبتدخلو شريك بالمصنع

سحب نفس عميق باسم. مع الاسف فكرت فيها بس المبلغ الي حاطو صهيب خيالي ومستحيل حدا يقبل يشتري بهالرقم

أمل. طيب انت جرب الي قالتلك عليه لين مانك خسران شي

سامي. جرب يمكن تكون فرصة ليتصلح كل شي

ابتسم بعفوية باسم. طيب انا رح جرب مشانكون بس ما رح أوعدكون بشي

رجعنا كل واحد عشغلو ما كان عنا اليوم غير طلبيات حلو صغيرة مشان هيك باسم ما طلع من مكتبو
كنت مخنوقة كتير وعم بحترق من ناحية مشكلة البيت ومن ناحية تانية أحساسي بالذنب تجاه باسم عم يقتلني عم يخليني حس انو كل شي صار معو بسببي انا بالرغم انو كان في مشاكل كتيرة بين باسم وصهيب من قبل بس ما فيني انكر انو اخر مشكلة والي هي بسببي قلبت كل الموازين

كنت عم روح وأجي بالمطبخ عم فكر شو لسى ممكن يصير اروح لعندو او لاء

أمل. شبك صرلك ساعة عم تروحي وتجي شو الي شاغل بالك

لين. اوووف بتقتلني برادة أعصابك خلص رح روح

عبيت فنجان قهوة كبير واخدتو معي دقيت الباب عمكتب الاستاز باسم ودخلت

لين. اتفضل استاز جبتلك قهوة

تطلع فيني وابتسم باسم. ما كان في داعي تعذبي حالك لين يعطيكي العافية

لين. ولو استاز باسم عذابك راحة قلت بما انك اليوم ما طلعت من مكتبك نحنا منتفقدك لنطمن عليك

باسم. انا منيح بس كل القصة اني مدايق ومخنوق شوي مو هاين عليي اترك المصنع بعد تعب هالسنين تعبت لأسستو وبنيت أسمو بين العالم لك انا تركت دراستي من العاشر وكرست كل تعبي مستقبلي وماضيي لهالمصنع

لين. ما بعرف شو بدي قول او رح ينفع الاعتذار بس صدقني عم عيش جواتي صراع وعذاب ضمير كبير انا حتى خجلانة قلك انا اسفة

باسم. ههههه انتي شو دخلك !
من طول عمرنا انا وصهيب هيك بعمرنا ما اتفقنا انا اساساً بستغرب من حالي كيف عملتو شريكي وين كان عقلي

لين. لو ما اشتغلت بالمصنع وتعرفت عصهيب وصار الي صار يمكن ما كانت كبرت الأمور بيناتكون لهالدرجة وتفاقمت وحتى لو صار كان ممكن تحلوها بغير هي الطريقة

باسم. لين أرجوكي حاج تلومي حالك
انتي مالك علاقة بشي وعلى فكرة وصلت بيناتنا كذا مرة انو نفك هالشراكة بسبب استهتارو وبرأيي هاد الحل الأنسب لتنيناتنا

لين. يعني عنجد انت مانك زعلان مني ولا حاطط الحق عليي

هز راسو بسرعة باسم. ابداً بالعكس انتي الي بينتي عحقيقتو بتعرف الاستاز شو هددني ادا ما منفك هالشراكة بعد اسبوع

لين. هددك!!!

باسم. هههههه قال بدو يفتح ربع المصنع كبريه ادا ما خلصتو من هالقصة

لين. شو هالحكي لهون وصلت معو

باسم. هاد الي صار مع الأسف

لين. طيب بتمنى ما تطنش الاقتراح الي عطيتك ياه من شوي فكر فيه كتير منيح وهلق عن اذنك

باسم. اذنك معك

........................
رجعت عالمطبخ ورجعت اشتغل متل اول بنشاط وولا كأنو صاير معي شي

أمل. ارتحتي هلق مشي حالك

لين. لسا ما عالسوا
تطلعت فيها بحيرة. الدوام قرب يخلص

أمل. اييي شو يعني!!

لين. وين بدنا نروح بحالنا أمل؟!!
شو رأيك نطلب مساعدة باسم

أمل. لا..لا صرت أخجل اطلب منو شي من كتر ما وقف جمبنا وساعدنا

لين. اوووف والحل أمل خبريني مشان الله شو الحل!
مناخد غرفة بالفندق

أمل. ههههههههه عنجد ضحكتيني حبيبتي راتبنا بيكفينا ان كثرت اسبوع بالفندق هي طبعاً ما عدا الأكل والشرب

لين. طيب انا رايحة صلي العصر لبين ما تفكريلك بشي حل لهالمشكلة

أمل. تمام شيختنا الله يتقبل لا تنسي تدعي تنحل كربتنا بخير وسلامة

لين. ان شاء الله

رحت توضيت وصليت دعيت ربي كتير انو تنحل هالمشكلة عخير وسلامة ونقدر نلاقي مأوى لألنا
طلعت من الغرفة فجأة واجهني صوت سامي وباسم كانو عم يحكو الفضول خلاني قرب من الباب لأسمع شو عم يحكو

حطيت أيدي عتمي وما قدرت أمنع شهقتي لما سمعت شو عم يحكو كانت دموعي عم تنزل وما عم بقدر وقفها حسيت شي طعن جوات روحي مسحت دمعتي بطرف ايدي ورحت كنت مضطرة ما بين خيبتي

كانت أمل واقفة مع ريما وعم يحكو تطلعت بأمل وكانت عيوني كفيلة لتسئلها وقفت جمبون وصرت أسمع اكتفيت بالصمت

أمل. انتو كم صبية بالبيت؟

ريما. نحنا 3 صبايا وطفلين انا ووسن وولادها وأزهار وفي عنا غرفة فاضية بتاخديها انتي ولين

عكفت حواجبي من طول عمرا أمل ما بترضى نعيش مع حدا كيف لو البيت في أطفال

أمل. في أطفال

ريما. لا تخافو ولاد وسن كتيير هاديين وما ألهن حركة متل باقي الولاد

أمل. بتشكرك ريما عنجد لولاكي ما كنا عرفنا كيف رح نطلع من هالمشكلة

ريما. ولوهاد أقل من واجبي ومتأكدة انكون رح ترتاحو معنا

أمل. ان شاء الله

كنت لساتني صافنة بعد الي اكتشفتو بمكتب الاستاز باسم

ريما. شبك لين مانك على بعضك

لين. مافي شي

أمل. لا مبلا في احكي احكي ليه هيك صايبتك الجمدة

سحبت نفس عميق وتطلعت عالساعة لين. خلص الدوام خلونا نمشي وبحكيلكون عالطريق

أمل. تمام خلونا نمشي

اخدنا غراضنا وطلعنا كانت الشناتي لساتا جمب الباب اخدنا انا ولين كل وحدة شنتاية وعطينا وحدة لريما كنا بدنا نمشي قبل ما يستوقفنا صوت باسم
غمضت عيوني وسحبت نفس عميق بقهر

باسم. صبايا وين رايحين شو هي الشناتي؟؟

التفتت لعندو امل. آااه

باسم. شو القصة!

أمل. انا ولين بدنا ننتقل من البيت الي كنا عايشين فيه عبيت ريما

باسم. ادا بدكون تنتقلو بتجيبو الشناتي لهو

ن عحد علمي ريما ساكنة قريب منكون ليه لحتى ترجعو الشناتي مرة تانية

أمل. الصراحة ما كنا عرفانين حالنا لوين بدنا نروح بحالنا

تطلع فينا بأستغراب باسم. انتو تقلعتو من البيت!!....#
......................................................................
خيبات تتلوها خيبات ،وكسرة تلو كسرة كثيراً ما أظن قلبي تخدر من الآلم ،لم يعد يصرخ ،لم يعد يتألم ، لم يعد يشعر في السعادة أو الحزن كثيراً ما أظنه قد مات وما زال على قيد الحياة.
.....................................................................
*#يتبـــــــــع.....*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_تؤام_الروح

*📖╏تــــــوأم الـــــــروح👭💞*

*📖╏#الـبــــ( 10 )ـــــــــارت والـأخيــــــر*

➖➖➖➖➖➖➖➖➖


بقلم_رومانتيكا
تطلع فينا بأستغراب باسم. انتو تقلعتو من البيت!
فجأة تدارك حالو. انا أسف قصدت انوو

قاطعتو أمل. ولا يهمك استاز باسم اي نحنا تقلعنا

باسم. شو السبب

أمل. بسبب طلبية المدام سهيلة كنا نتأخر بالرجعة عالبيت ومرة صهيب رجعنا

عالبيت بسيارة المصنع ف أهل الحي تدايقو من الموضوع وحكو مع صاحب البيت

باسم. شو هالحكي ليش ما خبرتوني كان بلعن شرفو

أمل. ولا يهمك انسى الموضوع الحمدلله نحلت ولقينا مكان نتأوى فيه

باسم. لين!

تطلعت عليه بطرف عيني لين. اي

باسم. شبك فيكي شي

عكفت حواجبي لين. لاء ما فيني شي

باسم. فكرت فيكي شي لأنو مالك بالعادة تضلي ساكتة
طيب صبايا عن اذنكون اي شي بتحتاجو لا تتردو بأنو تحكو معي تمام

أمل. تمام شكراً كتير لألك

بعد ما مشي باسم
أمل. كأنو الموضوع متعلق بباسم؟!!

كنت رح أبكي لما تذكرت الموقف

....................................................
سامي. باسم حاج تكذب عحالك انت بتحبا للين وانا وانت منعرف ومتأكدين من هالشي

باسم. لك فهام عليي سامي انا ما فيني ارتبط فيها هلق ما فيني

سامي. طيب فهمني عالأقل ليش؟!

باسم. بخاف أظلمها بخاف ما أوثق فيها وما كون قد الأمانة
..................................................

تطلعت بأمل وصرت أبكي لين. هو ما بيحبني ما مستعد يقدملي اي شي ولهلق لسا موضوع صهيب ببالو يمكن خايف احكي مع غيرو متل ما حكيت معو

أمل. باسم مانو هيك باسم بيحبك

لين. مبلا هيك واللي بيحب بيوثق بيلي بيحبو ومستحيل يفكر أنو يشك فيه

ريما. اوووف الله يريح بالك

لين. آمين يا رب

ضلينا نمشي لحد ما وصلنا عالحارة كانت الحارة هادية كتيير تطلعت عالمكان الي بيقعد فيه أم محمد وأم نبال وأم ياسين كان فاضي مافي صوت حكي مافي صوت ضحك مافي نميمة وحتى سمفونية طقطقة البزر اختفت
حسيت بغصة بقلبي ومتأكدة انو أمل حست بنفس الغصة شفت ملامح وشها المتقلبة ضلينا ساكتين لحد ما قطعت أمل هالصمت

أمل. انا رح فوت لعند أم محمد شوي نطروني هون لا تتحركو

مسكتها من ايدا ريما. أمل أرجوكي بلا مشاكل

أمل. ماني فايتة اتخانق معها

تركتنا وراحت دقت باب ام محمد بعد دقايق انفتح الباب وفتحتلا ام نبال

أمل. مرحبا خالة

ام نبال. اهلين بنتي

أمل. شو بلاقيكي هون

ام نبال. اي والله اجينا نشوف ام محمد شبها

أمل. خير ان شاء الله شبها خالتي أم محمد

ام نبال. الصراحة ما بعرف في شي مدايقها كتير بس ما عم تقبل تحكي وتخبرنا شبها نحنا خايفين عليها كتير

أمل. فيني شوفها!

ام نبال. طبعاً فوتي هي قاعدة بالصالون مع أم ياسين

شلحت كندرتها ودخلت أمل. مرحبا يا جماعة كيفكون

ام ياسين وام محمد. اهين

أمل. شو بلاقيكون عاملين أجتماعكون الثلاثي هون وانا عم قول وين مختفيين وما عم بسمع طقطقة بزركون شكلو اجتماع سري هالمرة

قربت من أم محمد وقعدت جمبا أمل. كيفك خالتي ام محمد

ام محمد. تمام

أمل. لتكوني زعلانة مني!

ام محمد. لاء

عكفت حواجبها أمل. مبلا زعلانة وانا اجيت لراضيكي
انا بعتذر عالتصرف الي بدر مني مبارح انا أسفة عنجد يمكن قسيت معك بالحكي كتيير

هزت راسها من دون ما ترد
أمل. انا مبارح كنت مدايقة كتيير وما عرفت حالي شو عم بحكي صدقيني ما قدرت سيطر عحالي سامحيني

ام محمد. انا مسامحتك

أمل. عنجد عم تحكي!

ام محمد. ايي يمكن ما كان لازم احكي لصاحب البيت انا غلطت وبدي انتو تسامحوني يمكن كان لازم خبركون انتو ادا لاحظت شي غلط

ابتسمت أمل. نحنا مسامحينك كمان

ام ياسين. صافي يا لبن

أمل. هههههه حليب يا قشطة

ام محمد. بنتي جيبي اختك وتعو عيشو معي بدير بالي عليكون وبتونسوني بوحدتي

أمل. بتشكرك خالتي عنجد بس نحنا أمنا بيت الحمد لله وعفكرة البيت كتير قريب من هون هو بالحارة الي بعدنا فوراً

ام محمد. الله يخترلكون الخير ألك ولأختك

أمل. آمين يا رب يالله هلق عن اذنكون

ام محمد. الله معك

ام ياسين. خلينا نشوفكون انتي وأختك

أمل. ان شاء الله

فاتت أمل بحالة وطلعت بحالة تانية كانت مبتسمة ومبين عليها الفرح

أمل. خلونا نمشي الحمدلله اعتذرت من أم محمد وهي سامحتني

لين. عنجد انتي مجنونة مبارح ما خليتي عليها للمخلوقة واليوم بدك ياها تسامحك

أمل. ام محمد قلبها طيب

ريما. طيب شو القصة فهموني!!

لين. امشي لنحكيلك عالطريق

ريما. حاضر
..................................

وصلنا عبيت ريما كنا هلكانين من حمل الشناتي فوتناهن لجوا وفتنا كنا عم نلهث من التعب
فوتتنا ريما عالصالون
كان صالون واسع في طقم كنب رمادي فاتح بسيط وبرداية لون زهر وطاولة صغيرة مربعة بالنص

ريما. اتفضلو صبايا قعدو رح نادي للبنات يتعرفو عليكون

غابت شوي ورجعت بعد دقيقتين معها وسن وأزهار
اشرت علينا ريما. هي أمل وهي لين رح يعيشو معنا من اليوم

تطلعو ببعض بصدمة كانو رح يضحكو فهمت قصدون دغري

وسن. تشرفنا فيكون حبيباتي
أزهار. تشرفنا

لين وأمل. نحنا الي ألنا الشرف
اشرت عليهون. وهي وسن وهي أزهار عايشين معي بالبيت

أزهار. هههههه بدي اسأل سؤال ولو غليظ انا كيف بدي ميز بين لين وبين أمل لأنو حاسة صار معي حولان

ريما. سهلة كتير أمل لابسة تعليقة عليها حرف A
ولين لابسة تعليقة عليها حرف N
بس انتبهو لا يتبادلو الأدوار هدول ما بيتأمنلون

أمل. والله ادا اجا ببالها

للين انا ما دخلني

لين. هههههه هلق صرتو مساكين يا حرام وما دخلكون

ابتسمت أمل. حبيبتي بس أول فترة يمكن تخربطي بيناتنا بس بكرا بس تعرفينا رح تشوفي فرق كل وحدة عن التانية واكيد رح تصيري تميزي بينا

أزهار. ان شاء الله

ريما. هاتو شناتيكون وتعو فرجيكون عالبيت وعلى غرفتكون
........................

أخدنا الشناتي وصرنا نتفرج عالبيت كان البيت كبير مكون من 4 غرف وصالون وألو بلكونة صغيرة حلو وشرح بالمقارنة مع البيت الي كنا قاعدين فيه انا وأمل

ريما. وهي غرفتكون طمنوني عجبكون البيت

لين. كتير حلو وشرح بالنسبة ألي عجبني

أمل. وانا كمان عجبني
بس شو مشان الأجار قديه بيطلع عالوحدة ومصاريف البيت كيف والفواتير يا ريت تفهمونا كيف بتتعاملو مع كل هالشغلات

ريما. اممم بالنسبة للأجار مناخد عالغرفة أجار الغرفة الوحدة 5000 بالشهر أما بالنسبة للمصاريف والفواتير بقلب بعضها منحدد مبلغ ومنضيف عليه قيمة الفواتير ومنقسمهن بيناتنا عالشخص يعني فيكن تعتبرو بين ال 5000 عالشخص زايد ناقص

أمل. حلو كتير

ريما. هلق انتو سفطو غراضكون بالغرفة بين ما نجهز الغدا

لين. تمام يسلمو

سفطنا غراضنا بالغرفة الي مكونة من تختين وخزانة وبيرو صغير كنا حاسين بالأرتياح اول الشي لأنو لقينا بيت وأفضل من الي كنا عايشين فيه وتاني شي لأنو تعرفنا عالبنات وكتير حبيناهون يمكن كل شي صار كان رسالة من رب العالمين لتتغير حياتنا لنعيش أفضل من قبل
ولنعرف انو لسا في ناس منيحة وقلبها لألله لسا في ناس بتحب الخير ما كل البشر سيئة
.........................................

فقت الصبح عخيوط الشمس الي طالة من طرف البرداية وعم تضرب بعيوني
كان في ذبانة فوق انفي عم تزعجني فتحت عيوني بصعوبة وقمت من عالتخت

غسلت وشي وعملت شوية تمارين رياضية كانت ضمن العادات الي حابة أكتسبها بنظام ال 21 يوم
كان بالبداية صعب عليي التزم بالرياضة لاني بتعب فوراً بس مع الممارسة خف التعب كتير

بعد نص ساعة من الرياضة ريحت شوي وعملت دوش سريع حسيت حالي تنشطت بعدو
طالعت الدفتر وحطيت اشارة صح جمب الرياضة تفاجأت بأنو صرلي يومين مخلصة ال21 يوم الي قررت غير حياتي فيهون

رح أحكي تجربتي والي اكتشفتو بعد ال 23 يوم ورح جاوب عالأسئلة الي كان بدي جواب لألها من قبل
بأمكانك تكتسب اي عادة في 21؟
بأمكانك تترك اي عادة في 21؟
هل فعلاً فيك تتغير ب 21 يوم؟؟

الجواب هو/ نعم ولكن هالشي مو 21 يوم وبس لاء الشغلة أصرار وبعد الأصرار رح تخلق عندك محبة لهالشي حتى بيصير صعب تتركو وعن تجربة شخصية
بالنسبة لألي اول أسبوع كنت أعد الأيام بعدين بلشت أحب الشي الي عم بعملو صرت حس بالنقص لو ما عملتو وبطلت أعد وهيك بكون خلصت رحلة ال 21 يوم بس بالنسبة لألي لساتني مستمرة فيها لأني حطيتها هدف ببالي ببداية المشوار وتشجعت بناءاً على هاد الهدف:)

#رحلة_21_يوم
#رحلة_حياة

................................

شغلت فيروز وفيقت أمل وريما بدلت تيابي وطلعت عملت قهوة بعد عشر دقايق طلعو أمل وريما شربنا قهوتنا ورحنا عالمصنع كان النهار هادي كتير والطرقات هادية

دخلنا المصنع ونحنا عم نحكي كانو سامي وباسم واقفين مع بعض وعم يحكو مرسومة أبتسامة عوشون الله اعلم شو سببها

لين. صباح الخير

باسم. صباح النور
صبايا ما بدكون تسمعو الأخبار الجديدة

أمل. أخبار جديدة؟

ريما. شكلا أخبار حلوة

باسم. يعني هيك شي هههههه

سامي. قلون حاج تلعب بأعصابهون

باسم. خلصنا من صهيب الحمدلله ودخل معنا شريك جديد بالمصنع

ريما. عنجد عم تحكو

أمل. هاا اي هي أخبار بتنسمع بدنا تحلاية ما منمرقها هيك

باسم. ههههه اي تكرمو المصنع كلو تحت حسابكون

ريما. هههه لا انا رأيي تزودلنا الرواتب هالشهر احسنلنا

باسم. كمان تكرمو
تطلع فيني وأبتسم ابتسامة عذبة خلتني ضيع بين ملامح وشو. عنجد بتشكرك كتيير لين انا فكرت بحكيك وتشجعت انشر الفكرة بين الناس الي بعرفهون والحمدلله لقينا واحد ياخد الحصة

لين. اهلاً استاز وائل

باسم. هلق رح نرجع نستقبل طلبات جديدة ورح نوقع العقود مع الشريك الجديد قريباً ان شاء الله

سامي. مستعدين لطلبية خطبة جديدة

باسم. اكيد مستعدين بس مو متل طلبية المدام سهيلة

أمل. والله كنت رح أحكي

سامي. لا اطمنو هالمرة معكون 10 ايام لتخلصوها
والكمية 8 كيلو من كل نوع وربات راحة معمول وورق عنب وكيك

ريما. اي كتير منيح منخلص وزيادة

باسم. يالله هلق كل واحد عشغلو لين تعي عمكتبي أفرجيكي تصميم الكيك

لين. حاضر

كل واحد رجع عشغلو باسم راح عمكتبو وانا لحقتو بعد دقيقتين دقيت الباب ودخلت
كنت واقفة ورا مكتبو ومكتسية ملامحي الجدية

باسم. اتفضلي لين قعدي

قعدت قبالو لين. وين التصميم خليني شوفو

طالع ورقة من جرار مكتبو وحطها قدامي باسم. هاد التصميم بتقدري تشتغلي بعجينة السكر؟
بتقدري تعملي او لاء!

دققت فيه شوي لثواني لين. سهل ما بدو شي

باسم. فرجينا أبداعك لكن

هزيت راسي لين. ان شاء الله
يالله عن اذنك

باسم. لحظة لين

التفف لعندو بأستغراب لين. اي

باسم. في شي مزعلك مني او مدايقك هون بالمصنع

لين. يزعلني!!
لا ابداً ما صار هيك شي

باسم. صرلك أسبوع عم تعامليني ببرود ورسمية شو القصة لين ممكن تقولي بصراحة الي مدايقك!

لين. استاز باسم انت فهمان الموضوع غلط انا دائماً هيك ما تغيرت ولا تغير شي...عن اذنك

قبل ما اعطي فرصة بأنو يحكي رحت وتركتو ورايي ضايع

.........................
خلصنا شغل ورحنا انا وأمل وريما عالبيت طول الطريق وانا صافنة بكلامو طبعاً مالو خبر بشي تنيناتنا ضايعين ما حدا عرفان شو بدو بس طالما هو ما بدو ياني لازم بعد...لازم بعد لحتى أقدر عيش بسلام

فتت عالبيت من دون ما سلم عحدا بدلت تيابي واندحشت بالتخت كنت مغطية راسي لما سمعت رنة موبايلي تطلعت عالشاشة لقيت المتصل باسم

زفرت زفرة عميقة وفتحت خط
لين. اهلين استاز باسم

باسم. كيفك!

لين. الحمدلله تمام وانت

باسم. ماني منيح
ضليت ساكتة لحتى صار يحكي. بدي أحكي معك بموضوع مهم في حدا جمبك!

لين. لاء مافي حدا

باسم. كتير منيح

لين. اتفضل بس يا ريت لو ما يكون نفس الموضوع

سحب نفس عميق أستجمع كل قوتو في باسم. انااا ببحبك

حطيت أيدي عتمي وشهقت من دون ما حس عحالي ما قدرت أمنع دموعي من انون ينزلو بهاللحظة ...
شفافي صارت ترتجف وكأنو غابت الحروف من بيناتون بهاللحظة...
وكأنو انقتلت الكلمات وضاعت أبجديتي...

بعد ثواني لرجعت لوعيي لما تذكرت كلامو مع سامي
لين. مستحيل ...مستحيل باسم كون معك بهيك علاقة وانا بعرف تماماً انو ما بدك ياني فيها

باسم. انتي شو عم تحكي...لحظة ...لحظة انا هلق عرفت شبك هلق عرفت السبب الي غيرك
انتي سمعتي كلامي مع سامي مو هيك؟!!

لين. اي هيك انا سمعت كلامك مع سامي ههههه ادا مبالك فيني اقبل بهيك شي بتكون غلطان

باسم. بدي اعترفلك بشي سمعيني كتير منيح

مسحت الدموع العالقة عخدودي وفتحت الشباك شوي ليفوت هوا نضيف كنت عم بسمعو من دون ما أحكي شي

باسم. انا بحبك
يمكن تجاوزت الحب بمراحل كتيرة
انا بحبك من اول يوم اشتغلتي فيه بالمصنع كنت أكتفي بأني اطلع عليكي من بعيد وأضحك عحركاتك لما شوفك عم تضحكي أبتسم بشكل لا أرادي من دون ما حس ،لما شوفك مدايقة كنت ضل متدايق طول النهار
كنت مفكر انك بتبادليني نفس المشاعر وبالوقت الي قررت أتجرأ واحكي معك بالموضوع واخطبك من أمل قالتلي أمل عموضوع الصور هون حسيت بصراع جواتي

سكت شوي سحب نفسو ورجع يحكي. بالوقت الي كنت مفكرك بتحبيني الي طلعتي بتحبي حدا تاني صرت أجرحك بالحكي وبالنظرات لأنتقم منك او يمكن من حالي بس شوي شوي ومن دون ما حس لقيت حالي عم ارجع فكر فيكي وعم شوفك بنظرة تانية لما اتغيرتي اثبتيلي انك قوية
بهالوقت حكا معي سامي وسألني ادا بحبك او لاء بس انا كنت خايف عليكي مني كنت خايف كتير اظلمك او اشك فيكي بالمستقبل بس لما بعدتي عني اكتشفت اني من المستحيل اقدر عبعدك لحتى أتركك لاني بشتقلك بين الثانية والثانية
...انتي عم تسمعيني!!

ابتسمت بشكل لا أرادي كنت مكتفية بالصمت عم بسمعو وأبكي من دون صوت بضحك شوي وببكي شوي بيني وبين حالي
طلع صوتي مخنوق لين. وبلكي فعلاً صار الي عم تقول عليه وصرت تشك فيني

باسم. هههه مستحيل لانك اثبتيلي انك مانك هيك انا بوثق فيكي اكتر من حالي ما قلتيلي شو رأيك؟

لين. بشو!!

باسم. بأنو اجي انا وأمي نخطبك بعد بكرا

شلت الهاتف عن ادني ورجعت حطيتو لين. تخطبني !!!!
بعد بكرا!!

باسم. اي ليش لاء جهزو حالكون عالساعة 6 بعد بكرا

لين. بسس

باسم. مافي بس بحبك باي

فصل الخط زتيت الهاتف عالتخت وصرت أضحك
بهالأثناء كانت أمل قاعدة عالبلكونة وحاطة ايدا عتم ريما وعم تمنعها من أنو تضحك بعد ما سمعو الحديث الي دار بيني وبين باسم كاملاً

فاتو لجوا كل الصبايا وتوجهو بسرعة لعندي وهنن عم يضحكو عليي

كانو واقفين وسن وأمل وريما جمب بعض وعم يضحكو تطلعت فيهن

لين. شوفي ليه عم تضحكو تلاتتكون خير ان شاء الله

أمل. وليه لين قال سمعنا بدك تعملي خطبتك وما تعزمينا عليها مزبوط هالحكي

لين. شووو كنتو ورا الباب؟!!

قربت أمل من الشباك وسكرتو أمل. ابقى بس بدك تحكي مكالمة سرية مرة تانية سكري الشباك

غمزتها وسن. يا ترى العريس مهبر ولا لاء؟

ريما. قديه المهر؟

وسن. يا ترى وين رح تعملو شهر العسل؟

أمل. اهم الشي هلق ايمتا العرس بدي اخد الغرفة ألي لحالي

تطلعت فيهن من فوق لتحت وانا عم بمنع ضحكتي لين. خلصتو !!

أمل. لاء لسا في كتييير

لين. ههههه الله يعيني بس

..........................................
"بعد يومين"

كانو قاعدين باسم وأمو بالصالون وقبالون ريما ووسن ولاد وسن كانو نايمين وأمل عم تدفشني لفوت قدم القهوة بعد الف معاناة رسمت ابتسامة خجل عوشي وفتت وانا عم اطلع عالأرض
كنت لابسة فستان لون سماوي فاتح وعليه شال أبيض عطرافو لولو مع شوية مكياج ناعم

لين. مسالخير

اتطلع فيني باسم وابتسملي ابتسامة ناعمة خلتني اتلبك بزيادة

باسم. مسالنور

ام باسم. مسالنور بنتي
قر

بت من ابنها ووشوشتو. اليوم لاكتشفت انو زوقك حلو وبتعرف تنقي

ضيفت القهوة وانا متلبكة وقعدت جمب أمل

ام باسم. اي يا جماعة نحنا اليوم هون لغرض وبتمنى ما تردونا خايبين عشمنا فيكن انكن جماعة أوادم ومحترمين وما رح تخجلونا

أمل. اتفضلي خالتي ان شاء الله ما منردكون

ام باسم. انتي امل اختا للمحروسة ما هيك

أمل. اي نعم انا أمل

ام باسم. نحنا هون لنطلب أيد لين لأبني باسم منك يا أمل شو رأيكون

تنحنحت شوي وما عرفت شو ترد لأنو اول مرة بتنحط بهيك موقف وبيطلبو توأمها منها جمعت حكيها بعقلها ورسمت أبتسامة عوشها

أمل. باسم مافي منو أثبتلنا انو هو رجال ومنقدر نعتمد عليه بكتير مواقف وساندنا وساعدنا كتير وهالشي بيخليني احترمو مشان هيك انا ما عندي مانع ابداً

ام باسم. وانتي لين شو رأيك

حمر وشي وما قدرت انطق بحرف من الخجلة ما عرفت شو بدي أحكي
ام باسم. موافقة؟!
هزيت راسي بخجل وتمنيت لو الأرض تنشق وتبلعني

ام باسم. خلونا نقرأ الفاتحة عنية التيسير لكن

فتحو ايديهن الكل وصارو يقرأو الفاتحة
ام باسم. صدق الله العظيم
اي يا بنتي ما تواخذيني نسيت اسألك شقد بدكون مهر

أمل. خالتي الي انتو بتحطو نحنا ما عنا أعتراض عليه ابداً

باسم. شو رأيكون لكن يا جماعة انا أخد خطيبتي ونطلع نقعد بالبلكونة شوي بين ما تتفقو انتو على هالشغلات

ام باسم. اي ابني خود خطيبتك وأحكو شوي لحالكون
......................................

كان الجو صافي كتيير والنجوم معبية السما كان القمر بأبهى حلتو بهالوقت عيونو العاشقة عم تتراقص من الفرح عم يطلع فيني بطريقة خلتني أخجل خلت أبجديتي تضيع والحروف تهرب من تمي

لين. حلو الجو اليوم

باسم. كل شي حلو اليوم واحلا الشي انتي

صارو خدودي حمر من الخجل وما عرفت شو أرد
باسم. حتى وانتي خجلانة حلوة

لين. هههه ما بعرف يمكن لانو كل شي صار فجأة ما كنت مهيأة حالي

باسم. اي وشو بدك احلا من هيك

لين. بتعرف شو كنت متوقعة بهاليوم ازعل كتير لأنو اهلي مانون جمبي كنت متوقعة أبكي لانو أمي ما رح تكون جمبي بس الصبايا كفو ووفو كانو عيلتي عنجد وأمل كانت أعظم من أم عنجد

ابتسم أبتسامة ساحرة باسم. مبسوط مشانك
أعترفلك بسر!

لين. سر!!

باسم. ههههه اي سر
انا الصراحة بغار من أمل كل حكيك عنها كل أهتمامك فيها كنت لما راقبك من بعيد قول نيالك يا أمل

لين. ههههههههه أسفة ما قدرت امنع ضحكتي
لك بتغار من أمل هي توأمي وتوأم روحي:)

باسم. هه شفتي وانا شو بالله

ابتسمت بخجل ونزلت راسي عالأرض لين. انت توأم قلبي...

ابتسم بخبث باسم. ليش!

غمضت عيوني ونطقتا من بين شفافي لين. بحبك...
.....................................................................
رسالتي هي:
تمسك ؛ تمسك بالأشخاص الأحداث والأشياء الي بتخليك سعيد تمسك بالشخص الي بيحافظ عليك الي بيصونك وبيعطيك قلبو بلا مقابل لأنو مو كل الناس سيئة والحياة ممرات فيها الحلو وفيها المر فيها المنيح وفيها القبيح فيها الظلم والقهر وفيها السعادة وشو حلوة الحياة لما تمشي بممراتها مع توأم روح وتوأم قلب.
.................................................................
الحياة ممرات فلا تحزن كما مر الحلو سيمر المرّ.....#
تمت بحمد الله تعالى

*.....النـهــــــــــــــايـــةة.....*

➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#اسـتبيــــان ❤️🍃

يـهـمنــﻱ رٲيــكـم مـتــابـعـﻱ قـناتـﻱ فــﻱ

[ #رواية_تؤام_الروح ]

☆ رائعــــة ⇐ 😍
☆ جميلـة ⇐ ☺️
☆ لا بـٲس ⇐ 😕
☆ سـيئـــة ⇐ 😑

#رواية_لعبة_الحياة

#لعبة_الحياة📓

#بقلم_حواء
💎==================💎
◾الجزء الأول


_ لك شبك شبك ع مهلك ع البنت شو مو شايفتيها عم تبكي ؟ و لا ما عندكن قلوب انتو!
كرز: مبلا خالة عنا قلوب...بس بنتك يلي عم يبكيها المرض مو انا.. انا عم حاول داويها مو اكتر!
_ بالله شو.. عم تداويها و لا عم تتسلي فيها..بس يا أمي بس حاج تبكي.
كزيت ع سناني و ع شوي كنت رح افقد أعصابي...بعدين حاولت اتصنع ال