اعوجاج مستقيم

〰 بارت 21 〰

👌🏻👇🏻 😍
📚 @rewayatyamania 🇾🇪


وصل قصي والبنات لمنطقة بعيدة عن الزحمة وكانت منطقة مفتوحة،ونزلوا من السيارة

بيان: اعرف اني بشغلك معي بس مضطرة والله ماليش غيرك بعد الله

قصي بحماس بعد ماسمعها تقول هذا الكلام: قلت لك لا تفعلي بيننا حواجز مابش داعي

جيهان بتبتسم لكلامهم: يلا نجلس عشان ما نتأخرش

بيان حست على نفسها: ايوة يلا "وجلسوا"

قصي: يلا بنسمعش تكلمي

بيان بتوتر: القصة بدأت قبل عشر سنين بين اخي وابن خالي

قصي بإستغراب: اين اخ قصدش؟

بيان: اخي الي اكبر مني بتفهم الان

قصي مصدوم: كملي

بيان: طيب


#قبل عشر سنوات💭
علي"ولد محمد" بإستغراب: من فين هذا المسدس؟

إياد"اخو بيان": اخذته من ابي

علي: ومن متى عمي غسان يبجيب لك مسدس؟

إياد بتوتر: بيني وبينك اخذته بدون اذن يا اخي هو يوم اشتي ازنط فيه

علي بقلق: بس انت ماتعرف تستخدمه

إياد: الا اعرف استخدمه وبعدين احد قالك اني بروح احارب

علي: انت حر يلا عشان ما نتأخر على العيال

إياد: يلا


#بعد عشر دقائق وصلوا
العيال بإستغراب: اللله من متى يا إياد؟

إياد بزنط: احتياطات امنيه تعرف يعني اخوكم مشهور

الكل ضحك

واحد منهم: اسكه نجربه

علي بخوف: انت مجنون؟

إياد طنش علي: نتقنص فيه زي الافلام يلا

الكل بصوت واحد: يلا

علي: انا مابلعبش معاكم

إياد: مالك انت خليك رجال

علي: رجال من بيتنا انا مروح ولعند ابوك وبقوله ايش تسوي؟

إياد بتوتر: بلا هباله

علي: والله"وبدأ يمشي"

إياد رفع المسدس لجهة علي: لو تكلمه والله اقتلك

علي بضحكه: ماتقدرش تسوي شيء تشتي تهوك بين العيال

إياد: لا تعصب فيني

علي: ايش بتسوي يعني؟

إياد بيخوفه اطلق رصاصه وبالغلط اصابت علي قريب من القلب

علي مسك الجرح وسقط للارض

إياد بعدم إستيعاب التفت للمسدس الي كان فاكر انه بدون رصاص

اما العيال بعضهم هرب من الخوف وبعضهم توجه لعند علي

واحد منهم: قتلته يا إياد

إياد ببرود: ماكنت عارف ان في رصاص بالمسدس

الثاني: ايش نسوي الان؟

تعالوا نشله المستشفى

كلهم: يلا"وحملوه"


#مكان ثاني:
- وصل واحد من العيال اللي هربوا لبيت غسان وبصوت كله خوف: عم غساااان يا عم غسان

بيان: بابا في حد بيداعيك

غسان قبضه قلبه: كأنه واحد من اصحاب إياد صح

خولة بقلق: ايوة انزل بسرعة شوف ايش يشتي؟

غسان نزل يجاوب بسرعة: خير يا ابني ايش في؟

الولد: ابنك ياعم غسان قتل علي بالمسدس

غسان مش مستوعب: كيف؟

الولد: كان معه مسدس وقتله

غسان مصدوم: فينهم الان؟

الولد: فلتناهم وهربنا بس اعتقد بيشلوه المستشفى

غسان: خلاص طيب روح انت بيتكم انا بروح اشوف ايش في؟




📚 @rewayatyamania 🇾🇪

.

البـارت 6 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


جهران: انت قلت لك قبل فتره انك تشتي تتزوج بعد ما حنقت مرتك المره الاخيره

بدر: وليش حنقت مرتي لان هي مصالحك انت  وابوها مربوشه هذه الايام كل ما يحصل معاكم شي انا وغدير نسير ضحاياكم ولما تسدوا يرجعها ابوها وهكذا حياتنا مرهونه فيكم وبمزاجكم وصح قلت لك شاتزوج بس هذه المره ع اختياري انا مش انت وحلفت يمين لغدير لو عاد يحصل شي بينك انت وعمي مالي دخل ولا لها دخل ولو جاء عمي يشلها من البيت ورضيت تسير معه ساع كل مرة حرام ماعاد تدخلني مرة وانتوا اخبر ولتزوووووج


جهران وقلبه وجعه من كلام بدر وحس بغلطه بس كابر وقال بصوت: والله وجاء اليوم اللي ترفع صوتك فوقي يابدر وتتحداني وتقل اشتي وما اشتيش وبكل تحدي وجبروت قال (وعزة جلال الله لتتزوج حور واذا ما تزوجتها لٱ عادك ابني ولا اعرفك متبري منك ليوم الدين

ومن يومها تزوجت حور لاجل الشيخ جهران فقط…

.
.


عبق الياسمين & غمدان


وأصبحت الايام أثقل منْ أنّ نُسايرها، فلا هيَ سارَت ولا نحنُ سُرِرنا بمُرورِها .


جالسه ومكتفه يداتها في حديقه واسعه جدا 

العشب الاخضر يحيطها من كل جانب وتلك الزهور الملونه كانت تزيد الحديقه جمالا

الهدوء كان سيد اللحظه يتخلل ذلك الهدوء  ذكريات مؤلمه وشريط امر من القهوه بدون سكر.  


ياسمين بتذكر الكلام اللي قالته في آخر جلسه   للدكتوره (نوريتا) دكتوره نفسيه في المانيا الدوله اللي عايشه فيها ياسمين حاليا .

تراودني في احلامي اصوات عاليه وصراخ وبكاء وامرأه كبيره في السن كانت فوق جثه يملؤها الدم الاحمر تغطي شاب في مقتبل عمره


(مسكت راسها ياسمين من الوجع وبتحركه يمين وشمال وكأنها بتطرد كل شي قالته للدكتوره

قامت من فوق الكرسي حست بالبرد وقشعريره بتمر في انحاء جسمها لفت الشال بكل هدوء ع كتوفها ولبست نظارتها ومشيت للمدرسه اللي فيها  (مجد) طفلها اللي مايتجاوز عمره ثمان سنوات…..



في نفس المكان كان في عيون بتراقب ياسمين من بعيد


غمدان داخله بيقل

( عايشه حياتش ولا كأني كنت موجود فيها نسيتي كل شي بيننا والعشره وحب السنين  نسيتي كل شي وحملتيني ذنب مشو ذنبي ذنب موقف طايش موقف قدره الله غصب عني  وقدش لغيري تزوجتي اعز صاحب وصديق واخ  فوق محنتي  في السجن زاد همي وقهري

وقهري الاكثر يوم ما خلعتيني من المحكمه ويوم ما سمعت انش تزوجتي قابوس بس الان ما في قلبي الا الانتقام شانتقم لنفسي من كل من غدرني وتلذذ في عذابي (وبيمر شريط الموقف في ذاكرة غمدان



#قبل 22 سنه

قابوس: كم لي ما زد طعمت وتغديت غداء هكذا


غمدان وبيطرح يده فوق كتف قابوس: للعافيه يا حيد اخوك امانه بعد هذه الغدوه نندع تخزينه جامده مارأيكم نسير العشاش نخزن والا راس عصر


جمال: عادك عتدور وين تسير ومعك في بيتك اضخم طيرمانه


قابوس: ايوه والله يا غمدان خاور اخزن في الطيرمانه حقك من كثر ما كنت ترسل لي اجواء العاصمه منها وتحانكني


غمدان: ههههههههههه ابشر بعزك ما طلبت الا الرخيص هيا نطلع


(دخلوا الطيرمانه وهي عباره عن غرفه مربعه الشكل تكون اخر مبنى في البيت وتكون بشكل مربع وصغير والنوافذ حقها واسعات بشرط اللي يجلس في القاع يشوف المنظر وهو جالس في مكانه)


جميل: جاء يقلي العشاش وعصر وباريس وتركيا امانه بعد تصميم اختي للبيت هذا يشتروا الجلسه فيها شراء


قابوس وبيتأمل المكان بدقه وبيصور فيديو المنظر من بقعته وداخله بيقل (حتى في تفاصيل تصميمها انيقه مبهره رائعه رقيقه )

غمدان نزل الآلي كان مطروح في عقد الطيرمانه


قابوس: ياالله استر مالك او عنقاتل

غمدان: هههههههه مالك ياجبان هذا ادوه لي ناس في اخر جلسه لهم في المحكمه  لعندي قالوا مابش معاهم زلط قدو بدل الزلط الذي فوقهم  تطمن مابش فيه رصاص قد تفاقده ابسر
وبيهمس المسدس

قابوس طرح التلفون وبيغطي بالوساده ع وجهه

غمدان: هههههههههههه جبان سعليك مابش والله تعلم الشحطه علمتك الغربه الخوف والذعر ابسر جمال ها


قابوس بيضحك وشل التلفون ورجع يواصل تصوير


غمدان بيهمس زناد المسدس وجمال بهنجمه وضحكه بيلقي صدره وبيقل

افعل هكذا قل للرصاصه ارحبي ارحبي

غمدان بيضحك بقوووووه وجمال اكثر بيضحك وبيقل وثق وثق ياقابوس بفيديو

  وقابوس بيصورهم بتلفونه  


ماشافوا الا جمال ارتجم للارض وطارح يده فوق قلبه

قابوس من هول الصدمه حفظ الفيديو ويده بيرجف

غمدان مكانه وبلم ورجع يضحك وبيقل بصوت مهزوز شوي

غمدان: ههه هههههههه

مصدق نفسه ياجمالي قوم قوم يله كملنا  المشهد


جمال بيون من الالم


غمدان مش مستوعب اللي حصل رجم جمال بالدبه الماء وقال جمال قوم يله بغير زبج حامض وبيشوف جمال بينزف ورافع اصبعه وكأنو بينطق الشهاده

قابوس استوعب المشهد ومشي لعند غمدان وبيهزه...


















📚 @rewayatyamania  🇾🇪

.

البـارت 9 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


قابوس بمكابره وكتمان غضبه والانتصار باين من عيونه والدم من كلمته عيال الحرام فور الدم لراسه وابتسامه نصر في شفايفه: محد عشاني ورشاني وقلت الله بيننا تذكر تذكر ياصاحبي لما شليت حبيبتي ياسمين مني شليت الانسانه اللي بنيت لاجلها احلامي وبعدها في ليله وضحاها شليت حب عمري هكذا فجأه شليت ياسمين وطعنتني في ظهري وغربتني عن وطني ولا قلت صاحبي يحبها صاحبي واخي الذي ماكنت اسخى اكل شي الا وبعدت نصيبك منه في ليله وضحاها اسمع بعقدك مش الا خطبتك في ليله وضحاها سافرت اشارك في معرض القاهره للفنون التشكيليه اجي وقد عقدت وعرسك تحدد انا  قلت وقتها حسبي الله ونعم الوكيل فيك وابسر الله كيف شل حقي منك وقدك بين اربع حيطان وانا متحرر وفي يدي براءتك بس ما شاديه لعل انتقامي هذا يشفي جرح السنين منك وفعلا انا ابن حرام خلاص عشرتك هانت عليا


غمدان والغيره والنار الذي في صدره جالسه ياسمين في راسك والله لاشرب من دمك اصلا انت مريض نفسيا تقدمت انت مرتين ورفضوك وانا احبها قبلك وهي حب عمري قبلك تذكر تيك الليله واحنا في صف تاسع وكل واحد مارضي يقل للثاني من يحب بعدا قررنا نقل في لحظه واحده من وقلنا الاثنين الياسمين وبدا يهجم عليه ضربه بوكس بعدين قررنا ان صداقتنا ابقى والحب معوض وكملنا الثانوي وماسخيت اخطبها واوجعك بس انت نسيت عهدنا ان الصداقه ابقى وسرت تقدمت ورفضوك وارجع  تصايحنا انا وانت وقلت انت رفضوني وانا ابن شيخ محد رفضك يا قابوس لاجل وضعك ومشيختك رفضوك مش لانك  لقيط  رفضوك لاجل الياسمين ماتشتيك ورجع جدك وابوك عناد ومكابره خطبوا لك وتزوجت وطلقت وانا عاد انا عزب وماسخيت عليك وارجع خطبت بعد ما تزوجت انت وعقدت ماجت الخيانه مني جت منك انت الاول


قابوس والشر بيطاير من عيونه وماذنبي لانا لقيط تجلسوا تعايروني طول العمر اني لقيط انا ماليش ذنب ياغمدان ماليش ذنب بتحملوني ذنب مشو ذنبي بس تستتتتاهل ماانت فيه وقلبي هذا مارضيش ينسى الياسمين ولا قنع منهاا وبنبره استفزازيه قال: اعششششششقهاااااا ياصاحبي اعشقهاااا


غمدان: ياقليل الاصل وبدا يضررررربه مرتي هذه مرتي عرضي شرفي ما تجيب ذكرها ع لسانك


العسكري بدأ يفارع بينهم شل غمدان وهو بيتحلف في قابوس


قابوس بااسلوب مستفز عكس النار اللي داخله مسح الدم من شفايفه وبيشوف غمدان وبياشر ع قلبه بمعنى اعشقهههههها …

.
.

#قابوس(جنون الياسمين)


عند قابوس وصل بيته المكون من طابقين وحديقه واسعه جدا فيها اشجار وزهور نادره بالوان هادئه وجميله جدا ونافوره مياه وسط الحديقه

في الطابق الاول صاله كبيره جدا فيها جميع رسوماته كان كل ما يحس بشي مايقدر يبوح فيه يبدا يرسم من لما كان عمره ست سنوات  كان الرسم هو البوح الوحيد الذي يقدر ينفس ويخرج كل كبت داخله

قابوس من لما كان طفل لٱ يتجاوز عمره ساعتين  وضع في منتصف الليل امام مسجد قبل التسبيح  لصلاه الفجر وفي يوم من الايام 


#قبل سنين كثيره

ياسمين: هه لٱ تفرح نفسك خيرات عمه ماعيخلوك تسافر وحدك عادك صغير بتبسر كيف عاد هي بتأكلك لاامس


غمدان: هههههههه هو صدق ولا سار يلعب في النادي  تجلس عمه تتصل تطمن عليه


قابوس وهو متضايق من تصرفاتهم: عتشوفوا لقع اضخم رسام واسافر لحالي انتوا اصلا بتحسدوني لان الاستاذه كرمتني وقالت اني عتقع رسام عالمي


غمدان وياسمين: هههههههههههه الاصدق


وصلوا البيت وكان صوت صراخ عالي من البيت الكبير اي بيت الجد الكبير وصلوا الثلاثه لباب البيت ع اصوات بتقل


منصور(ابو غمدان): ليش مصدقه روحش ادي حقش كله لمن ولاجل من ومن عيشله يارقيه  اديه لابن الحرام


محمد (ابو الياسمين) بصوت عالي: ماهو هذا الكلام يامنصور استحي ع نفسك لٱ تنساش هذه اختك وقابوس ابنها ولها حق تديه وتكتبه لمن تشتي


رقيه والصدمه اذهلتها ان منصور عارف ان قابوس مشو ابنها وقلبها دق بقوه والدموع باب عيونها وحشرجات صوتها توحي بالبكاء والخوف ان حد عرف بقابوس: انت مش انت بشر ولا انت اخ ولا تحمل شي من الانسانيه انت واحد حقود وطماع شل الحق كله لك يا محامي ياكبير يالذي بتدافع على حق الناس ومن عيدافع على حقي منك وقابوس ابني من لحمي ودمي ومعه حق يغطي عين الشمس عادو شيخ ابن شيخ


منصور بااستفزاز قال: هههههههههه الا حاليه ابنش ابن حرام وداري بالقصه كلها فلاتحاوليش تنكري وتغطي وحكايه القاهره وما القاهره مادخلتش راسي ابسري حد تضحكوا عليه غيري بعدا هو ع قولتش هو شيخ ابن شيخ يكفيه حق ابوه يزيد ابن الحرام يورث من حق ابي وامي للمه غير ان

قطع كلامها فتحة الباب

قابوس دخل وبعده غمدان والياسمين


قابوس والدموع في عيونه: ماهو يمه ما بيقل خالي منصور من هو ابن الحرام


رقيه وهي بتمسح دموعها: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 21 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


بدر: لا تسبريش غداء اليوم

حور: للمه شابع

بدر: ماشي ميت جوع بس قلت نتغدى خارج وبمكابره لاجل الجهال يغيروا جو وتتحسن نفسيتهم

حور بابتسامه ملان وجهها وفرح: صدق

بدر: ايوه صدقين مش الا صدق

حور: يوووه جبرك مااحلاك وانت طيب صدق بسام والله

وبصوت عالي داعت جيهان وجهران: جيهااااان جهرااااان هيا هيا ابدل لكم قبل ما يغير ابوكم رأيه


في المطعم: حور جالسة وباستغراب بتشوف كل شي حولها اول مره تدخل مطعم في حياتها بدر بيشوف التعجب في وجهها

بدر: مالش مطننه

حور استحت: لا بس اول مره

بدر: احلفي

حور: والله سعم ماتعرفش ابوك مايخلينا نتنفس واصل طبخ لضيوفه ورجاله وعدني بسام يرجع يرويني المطعم بس سافر ولا عاد وفى بوعده


بدر: قد انا بدل اخي شاوفي بوعده طلب لهم اكل وبدات تاكل بهدوء وحسها في عالم ثاني


حور داخلها (ليت الصدف تجمعني ببحور ياريت واشوفش مدري كيف حالتش جاوعه والا شابعه بتضحكي والا بتبكي ياريت واشوفش صدفه مستحيل انسى ملامحش والله لاعرفش من بين مليون) تنهدت وغصت بالاكل وعيونها املتين دموع

شافها بدر وكيف سارحه شاف عيونها كيف امتلين دموع

تنحنح بدر بقوه يشتي يكسر الصمت اللي بينهم ويكلمها

بدر: مالش كأنش تشتي تبكي

حور مسحت دمعتها: من قال

بدر: عيونش الحاليات قالين

حور استحت منه: ولاشي غير ذكرت امي جليله

بدر: عنسافر قريب وترجعي تعيشي عندها

حور بتلعب بالملعقه في الصحن: امممم وغدير

بدر يشتي يشوف ردة فعلها: شاردها فوق عيالها

حور: امممم الافضل انك تردها وتبطلوا عناد   وبصراحه كنت اشتي اكلمك اصلا بس قلت مااشتيش ادخل بينكم بس شارجع اكلمك لما العيال مايكونوا موجودين بيننا مايسبر اصلا يسمعوا المشاكل والحورات هذه


بدر ذكر غدير والمشاكل بينهم لما يجي ابوها ياخذها ويتصايحوا قدام عيالهم وكيف يبكوا بعد امهم لما يشلها ابوها وكيف حياتهم مشتته مافيش فيها استقرار بيقارن الهدوء اللي عايش فيه هذا الاسبوع مع حور وكيف عياله مرتاحين ومبسوطين وكيف غدير مريعة ينكسر ويجي لها مثل كل مره ويتراشاهم يرجعوها له وفعلا كل مره يحتاجها وبيسوي لها كل شي وتنكر كل شي بيسويه لها ولا حتى كلمه امتنان وشكر له ولا مره حسسته بقيمة الشي الذي بيسويه لاجلها مريع للإتصال منها تطمن على عيالها مريع رساله اعتذار منها على كلامه الاخير لها صح اني تزوجت حور بس والله ماغيرش مره ضمها صدري حور هي حور مابش بيننا شي اخر كلام رسله لها قبل مايسافر الحديدة مريع لردها بس كثر الانتظار احيان يفقد شغف القلب

.
.

عند حور بعد الايام الهادئه اللي عاشتها في الحديدة بعد معرفتها ببدر تعلمت ماتحكم ع الناس من مظاهرهم


وصلوا صنعاء مجرد ماشافت البيت تذكرت يوم عرسها وكيف سارت من هذا البيت وكأنها ارتكبت خطيئه

يوم عرسها الذي ما قد فكرت انها تتعرس وتصبح عروس تزف الى شخص وكل ما فيها ينزف



#قبل ثمانية شهور

حور وهي بتبكي: يمه قوى انا فدالكم حاكوا الشيخ كيف كيف اتزوج بدر هو مزوج مايشتيني ماله ابي بيفعل هكذا احنا اخوه في بيت.. وغدير كيف هو مزوج ماعتقل مرته هو يحب مرته بتبسريه كيف بيدلعها ولا بيرفض لها طلب بتبسريه كيف بيفعل لها كيف اتزوج به (وبانهيار وامها بتضمها يمه قوى قلوا له ماشي قلوا لبسام يجي يشلني هو وعدني اسافر وادرس يمه قوووى


جليله كانت تشتي تتكلم بس قاطعها دخول الشيخ


الشيخ: اسمعي ياحور وكلمتي ما تقع ثنتين عرسش الخميس الجيي يسالش الشيخ ع بدر لانتي موافقه قلي ايوه ماشي والله ليقع اخر يوم في عمرش وعمرها هذه الذي بتزيد لش الغنج والدلع وبحنيه مصطعنه: اسمعي يابنتي مااشتيش تخرجي من هذا البيت اشتيش عندنا واصل وبحيله بيجوا لش ناس خيرات ومااشتيش تخرجي وتبهذلي بي عندهم قلت لبسام وبدر واحد منهم يزوجش بسام قال يشتي يدرس وانتي مثل اخته وبدر وافق وقال عيتزوجش هو


حور بترجي فلتت حضن امها وسارت لعند الشيخ: ابه ياابه قووووى مااشتيش هم اخوتي هم ساع اخوتي كيف اعرس عليه وهو مزوج كيف اتزوج ومعه عيال ترضاها لي


الشيخ بهنجمه وحزم: ارضاها ونص بدر رجال وسيدهم  لا تخافيش يا حور ماشاطرحش في بقعه الا وانا داري وين شاشلش وخرج

حور: ولا رضي يقتنع يمه قوى خلوني احاكي بسام يمكن يلقى حل

جليلة وهي بتضم حور وتمسح ع شعرها: يعلم الله ما في راسك يا شيخ


تنهدت حور ونزلت من فوق السياره دخلت الصاله وشافت جليله قدامها ضمتها بقوه وكان وجهها منور وبتضحك بعكس ما شلها بدر كان وجهها كله حزن وكآبه تذكرت يوم ضمتها لامها في يوم عقدها


حور بتبكي: يمه كيف يشلني الحديدة...






















📚 @rewayatyamania  🇾🇪

.

البـارت 34 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


دخلوا الرجال ع مايده مالها اول ولا لها اخر ويحين جهز قابوس الاكل ومن طبخ.


#قبل ساعات ⌚ ..

قابوس نزل من الدرج بعد ماكلم الياسمين وقع في فخه لعبه السنين


ربيع وهو بيكلم امه: يمه قد بطوني بين ارجلي والله ليقتلنا هو مريض مريض قومي نهرب قبل مايدرا بشي


ام ربيع بخوف: وانت من قلك تحاكيه وتوثق فيه وببكاء ياالله خارجنا من قابوس ومن جهران هذا


ربيع: بعد الظهر عنخطى لنا من غير محد يحس رشا قد لفت الثياب باقي كم حاجه شاخرج رشا الاوله عشان محد يشك وبعدها انتوا


ام ربيع: وخالتك رقيه والولد 

ربيع: لهم الله ماعيسخى عليهم قابوس لما يهدا ويفهم كل شي هو طيب بس وقت العصبيه مايعرف حد


ام ربيع بقلب ام من اعماق قلبها بتدعي: يارب خارجنا يارب


بعد مرور نص ساعه من هذا الحوار بين ام ربيع وربيع

ربيع: خلاص ياقابوس بردت قلبك قد دمي ملان الحوش

قابوس وهو بيتنفس بسرعه من كثر ما ضرب ربيع: تحاكى اسمعك اشتي كل شي تقله لي بالتفصيل وبكل صدق لو ادرى انك تنقص شي والا تكذب بشي ياويلك ومسك شعر راسه بتفهم

ربيع وهو حاسس ان نهايته قربت

ربيع: قبل 22 سنه كنت اشوف ناس بيلووا عند الارضيه اللي تحت البيت وارجع نزلت اشوفهم مجرد ماقربت منهم عمروا فوقي الاوالي وقال


الشيخ: رحلك ياابني لا تدخلش روحك انت الا حارس ساع اسمك

ربيع بهنجمه: هذه الارض للشيخ قابوس وهذا كله وبياشر على ماحول البيت كله له وحقه وملكه


الشيخ طلع فوق سيارته ومشي وماعاد كلمني ليوم قبل 10 سنين كنت ع ضويتي من الملجأ طرحت لهن الفلوس ومشيت ومن دون محد يعرف من انا كنت امكن الحارس واقل للتوأم الذي طرحهن الشيخ قابوس ويوم كنت مراقب ما حسيت الا بعصا ع راسي وماعاد صحيت الا وانا والحارس جنب بعض ومكتفين ايدينا


ربيع: وين انا اااااااه راسي ياعيال ال....وين انا


الحارس مثله جالس بيسبح الله ويستغفر ومرعوب من المكان الذي هو فيه وهو واحد بعد حاله ماياذي حد ولا له علاقه مع حد


ربيع بيشوف الحارس: انت الحارس العم صالح صح

صالح: ايوه ياابني منهم هولا الذي شلونا انا وانت من باب الملجأ

ربيع: والله مالي علم وبيمسك راسه من الالم


دخل عليهم الشيخ وابنه واثنين رجال


جلس الشيخ فوق كرسي وقال مااشتيش أاذي حد فيكم انا شيخ ولي سمعتي ومكانتي اشتي تفهموني الاثنين من هن الذي طرحهن الشيخ قابوس ماقصة البنات الذي كنتوا بتتحاكوا عليهن


ربيع بيشوف للحارس والحارس بيشوفه المهم بعد عذاب وتهديد نطق الحارس


صالح: والله ياابني انه في يوم جا لنا واحد طرح لنا ثنتين بنات ساع القمارا كانين توأم وقال هولا بناتي انا مااقدرش اربيهن وامهن ماتت وجدتهن معاقه عيكن يرسل صرفتهن والمهم مايعرفين ان ابوهن عايش انا مااشتيهن انا مسافر انا ومرتي الجديده وامي تاعبه ماعتقدر تنتبه لهن وخلاص والبنات كبرين وتربين عندنا ومش عارفات من اهلهن ولا حتى فكر يجي يشوفهن


انا والله ماتحاكيت يا قابوس ولا نطقت بحرف ماقلت انهن بنات الياسمين ولا بنات غمدان وافقت الحارس بكلامه وقلت انه صدق كلامه مع انه غلط مش هن بناتك بس وقتها فكوا لنا وماعاد بسرت وجه الشيخ الا اليوم هو نفسه اللي خطفنا ونفسه اللي شل البنات من الميتم والكل لانه تبنى الشيخ واحده و الثانيه تبنتها اسره ثانيه قال لي الحارس هكذا

بعد اخر مره شليت له الزلط والله هذا كل شي واليوم خفت خفت لما شفته نفسه وانا مخبي عليك ماعاد ذكرناها ولا عاد بسرته حتى ماناش داري باسمه الاشكله بس سامحني سامحني وببكاء لا تقتلني امي وامك محتاجات لي ومرتي حامل..

.
.

نوريتا: ياسمين اذا تشتي تتخلصي من كل هذه الكوابيس وترجع لش ذاكرتش لا تكني تقلي بكل شي لقابوس

ياسمين بصدمه: ذاكرتي

نوريتا: ايوه ذاكرتش تعتبر مفقوده من لما سويتي الحادث في اليمن وهذه الكوابيس هي اشياء حصلت معش في الماضي انتي بتتحسني انتي باقي وقت بسيط وترجع لش كل ذاكرتش انتي ضروري تريحي بالش من كل شي ودام قابوس مسافر هو اللي كان مايشتي يشوفش بتتعذبي وتكوبسي انا قطعت عليش العلاج لان هذه الكوابيس هي اللي عتساعدش في ذكرياتش ترجع وحياتش تعرفيها صح


ياسمين بدات تبكي: حتى ماعاد بين احس بالامان مع حد


نوريتا: قابوس يحبش معه كل الامان بس اوعديني انش ما تقلي له ايش بيحصل في الجلسات ولا تقلي له ايش بتحلمي واذا سألش نوريتا ردت لش الحبوب قلي ايوه ردتهن وما تكرري غلطه الصبح انا شليت التلفون فجاه منش لانش كنتي عتغلطي وقابوس عيرجع في لمح البصر ويشوف علاء وعلاء ماله ذنب اصلا.


ياسمين ابتسمت لمجرد ذكر علاء: مارايش نسير الليل نتعشى في المطعم اليمني


نوريتا: مشغوله معي عمل في المشفى سيري لحالش عترتاحي اكثر اجلسي اكثر مع نفسش واكتبي لي الاشياء الجميله اللي حسيتي فيها.




















📚 @rewayatyamania  🇾🇪