البـارت رقـم 72

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


اتصلت لرحاب..

بيت بلال

رحاب كانت جالسه معهم ردت عليها

رحاب: حيا آية كيف انتي

آية: سبقتش اليوم كانت خطبتي

رحاب: امانه انخطبتي !

بلال لفت لها !!

آية: ايوه تخيلي كان على اساس يجوا يبسروني وانها خطبه

رحاب: كيف خطبوش وانتي مش داريه !

بلال تحمس من اللي بيسمعه قام وجلس جنب رحاب

وجدان بتتفرج له رغم انها فارحه من اللي سمعته !!

آية: الا داريه عيجوا يبسروني بس مش خطبه مره واحده

رحاب: طيب وانتي راضيه وموافقه

بلال قرب من السماعه وبيسمع معها

آية: ايوه عادي شكلهم طيبين واكيد احسن من المصايب الثنتين اللي هنا

رحاب: ان شاءالله يكون طيب ويسعدش يارب ويتمم لش على خير الف مبرووك

آية شافت التلفون اللي معها وصلتها رساله فتحتها :
(( خطوة جديده في حياتي وبدايه يارب تكون حلوه بيننا ، تحبي تعرفي عني ايش ))

 رحاب: مالش ساكته !

آية: اجابرش بعدا .. يلا مع السلامه.

فتحت غرفتها خرجت بالتلفون الجديد شافتهن قدامها واقفات في الصالة!! مدت يدها داخل وسحبت المفتاح وهي بتشوفهن بنظرات مركزه عليهن قفلت بالمفتاح ومشيت بتدور ابوها ! مش في الديوان ! ولا الحمام ؟ راحت قرب غرفته

خالتها قامت معصبه: ماتسيريش غرفتي يا سارقه

فاروق سمعها من داخل الغرفه عصب وخرج: ايش قلة الحياء هذه

آية واقفه مصدومه لمن بيتكلم سمعت صوتها من وراها

هاجر: غرفتي محد يدخلها

فاروق: غرفتي وبيتي كله

هاجر: وليش بتقفل غرفتها لانها اخبر بنفسها

فاروق مسك آية ودخل الغرفه وقفل لوجهها الباب

هاجر معصبة: بتشوفي اخوش

اخت فاروق: هانت شهرين وتنقلع

.
.

داخل الغرفه...

آية فتحت تلفونها: رسل هذا !

ابوها قري الرساله وخايف آية تتهور بتصرفاتها وكلامها ولانها في سن صغير وعادها خطبه: مانشتيش اللغاجه هذه ومابش داعي اصلا للتواصل

آية ساكته

ابوها ادي التلفون كتب رساله: الله يبارك فيك يا ابني ، انا عمك فاروق تقريبا كل اللي عتحتاج آية تعرفه عنك قد حاكيتها به انا ، وحاليا هي فترة خطبه ، ان شاءالله لما توقع مرتك خذ راحتك بالتواصل معها

ناول آية التلفون ومشيت غرفتها..
.
.

ثاني يوم في المعهد..

بلال شافها وصلت تعمد يقهر عماد وزع لهم عصير

عماد: ماشاءالله صاحبنا استلم الراتب

آية واقفه مستحيه بتأشر له ماتشتيش.

بلال: لا ما استلمت الراتب عادها سلف ، مابلا بمناسبه خطوبه الاستاذه آية

عماد لفت له: حالي تفاول لها

آية انحرجت وراحت صفها

بلال: والله انها انخطبت اسالها

آية خرجت من صفها: ليش اليوم مابش معنا درس

السكرتيره: الاستاذ اعتذر اليوم

عماد خرج ولمح يدها: الف مبروك

آية: الله يبارك ومشيت خرجت من المعهد
.
.

بعد أسبوع اجتمعوا في بيت سام..

بلال: ليش ماعد بتجي المعهد ؟

عماد: معي قضايا ملان مهمه مش فاضي للمعهد

بلال جالس يغني: مسكين ياناس من قالوا حبيبه عروس

عماد متجاهل جالس ماسك التلفون

سام شاف بلال: مالك نظراتك وراها سر

عماد لفت لبلال وشاف سام: ايش من اسرار معاكم؟

بلال: يعجبني لما المحامي يلعب دور الخطاره ويحرف الكلام ع مايشتي

عماد: مدري مالك طارحني في راسك

 بلال: يعني فهمتك غلط

عماد: انت بكلك غلط

بلال ضحك: خلاص راحت عليك

عماد: عنقلهم

بلال: الله يعوض عليك

عماد غمز له: وعليك
.
.

بعد يومين لقيها بلال..

بلال: آية الف مبروك

آية: الله يبارك عتجلس تبارك لي كل ماتشوفني

بلال ضحك: مسكين مودف معه اكبر لقنه

آية ساكته

بلال: الله يتمم لش على خير ويسعدش

آية: شكرا

بلال: ايش اسمه

آية: ليش؟

بلال: انا مازلت عند وعدي لش ان انا اخوش واعتبري اخوش حابب يسأل ، سألت على خطيب رحاب وقلت اسال على خطيبش بدون ماتزعلي مابين اركن على قرارات ابوش بعد ماشفت مواقفه

آية: قد سأل وقال ماله شي

بلال: انا عارف بس يتطمن قلبي

آية: مصطفى

بلال: مصطفى من؟

آية: المحمودي

بلال: اين بيشتغل ؟؟

آية: معه معارض سيارات

بلال: اهااا هي حقه؟؟

آية: ايوه

بلال: طيب ولايهمش اعرفي ادي لش كل أخباره

آية: قد انخطبت ماذلحين

بلال: عادها خطبه مش زواجه يعني لو مش سوا تقدري تتراجعي

آية شافت الاستاذ جاء: يلا مع السلامه ، سلم على وجدان ورحاب

بلال: تمام

آية دخلت فصلها.























📚 @rewayatyamania 🇾🇪

البـارت رقـم 73

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


الليل في غرفته سامر بيشوفوا فيلم..

بلال رد على اتصال عماد: ها ماقلت لي ماقد مر عليك الاسم هذا!

عماد: كان في قضيه معهم مع واحد كان هذا مصطفى خصم موكلي قال باع له سياره مسروقه

بلال: وبعدا ؟

عماد : وبعدا ماعد درينا ما الخبر سحبوا القضيه وتنازل عنها موكلي ماعد تابعته وعرفت من الغلطان

بلال: ماتقدر تسأل ؟؟

عماد: يا اخي مدري وين رقمه قد الموضوع له وقت وغيرت تلفوني ! ليش؟

بلال: خلاص بس ابرد الموضوع مش مهم

بعد ماقفل

وجدان: انت قد زيدت بها الصدق مادخلك معها اهل

بلال: يعني الحجه عندي حين كل شي قبالش

وجدان: يعني ضروري اقبل شي يضايقني اهم شي قبالي! ليش ماتبطل تعاندني بآية وتغيظني

بلال: والله ان انتي لنفسش بتدوري هدار مافعلش انا! البنت قد انخطبت وانتي بتغيري جننتيني قام فلت الغرفه..

وهو خارج جنب الغرفه

رحاب مالك معصب صلي ع النبي

بلال: آية آية آية لو خطبتها انا مابتفعل بي هكذا !

رحاب: وانت مش ملاحظ انك زيدت لغاجتك قد قلت لك وانت مابتسمع

وجدان بتسمع من غرفتها

بلال: قسما بالله ان ماعمري فكرت بتفكير غير اخت صغيره كنت ابسرها ساع بنات خالتي وعمي لكن تصدقي كثر رفاس وجدان دخلتها راسي صدق!!

رحاب: خلاص بس خباله

بلال: الخباله جت منها وهي بدأت

رحاب: خلاص انت سير اهدأ شويه وانا شاتفاهم معها

وجدان معصبه وبتهز رجلها بعد اللي سمعته

رحاب دقت غرفتها ودخلت: مساء الخير ادخل؟

وجدان: ادخلي

رحاب: خير مالكم ! بتجننوا صوتكم لخارج قلت مدري ماوقع ولما بيكلمني بلال موضوع عادي

وجدان تشتي تتكلم

رحاب: شوفي هو مايحق لي ابدا اتدخل بينكم بس اقلش شي يا وجدان لمصلحتش اخي واعرفه ولو كان مثل ما انتي مفكرة شاقلش وانصحش واصيح فوقه بس اعرفه

وجدان: بس قدو زياده ماقد وقعت ولا قد شفت حد هكذا

رحاب: طيب يا حبيبتي مفروض تكسبيه تشغلي وقته تخليه مايفكر يتهرب منش ذلحين بسبب مشاكلش وبسبب اشياء ماكانت في باله عيبدأ يفكر فيها سواء هي او غيرها عيبدأ يخبي عليش لو في معه اي شي وعشان يهجع مشاكلش بيسوي كل شي من وراش

وجدان: بس ماقدرش مش بيدي اغير

رحاب: يا اختي ايش من غيره! انتي بتبالغي وبعدين ياسعم لو حتى اللي في بالش صح مثلا ايش عيحصل! نهايه العالم؟ كما قد شفتي شي غلط ساعتها افعلي هكذا واخس

وجدان: ايش عاد باقي قدو واصل وهو بيدافع لها ويفعل كل شي وكأنه ابوها واخوها وكل شي

رحاب: طيب بيفعل خير اجر مابيعاكس او يكلم او يحب  لاتخربي حياتش بغيره وافكار تسمعيها من خارج تطبقيها ع حياتش الحب مش بالغيره بالاحترام بالتفاهم بالنقاش وانا نصحتش اخي واعرفه.
.
.

خارج كعادتهم بيشربوا شاي

عماد: مدري وين سام تأخر

بلال ساكت

عماد: مالك ضابح؟

بلال: ولاشي

عماد: معي سؤال فرصه ان سام مابحد

بلال: خير؟

عماد : ايش قرابتك بها

بلال: من

عماد: آية

بلال: ياجناه احنا وآية

عماد: هي هذه عصبيتك عليها ياخي بتشككني مابينكم؟

بلال: ولا شي قريبتنا وبنت صغيرة سن خطير اي حد ممكن يستغل براءتها وعادها مش ناضجة ويضحك عليها ويوهمها بحب وغيره

عماد: الله المستعان ياصاحبي وكنت مفكرني من هذا النوع !

بلال: حتى لو كنت من هذا النوع بعد اهتمامي بها وقلت لك قريبتي مستحيل كنت تفكر تقدم خطوه وتدي لها وجه لاني اعرفك تسحب بسرعه من البنات

عماد: لاني اكره البنت اللي يقدر شاب يغريها بشي وتدي وجه بسرعه كنت افلت بس تشتي الصدق ماشاءالله عليها عقلها وثقتها بنفسها وماتدي لحد وجه وتعرف حدودها خلت بالي مشغول بها وصدمتني حين قلت انخطبت

بلال: واصدمك اكثر عرسها بعد شهرين يعني انسى الموضوع تمام دور غيرها

عماد: طيب ماتقرب لك؟

بلال قاطع كلامه وشاف تلفونه اتصال رقم ((آية)) !!!!



















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 74

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بلال: الو؟

 آية بصوت خايف وبسرعة بتتكلم: بلال عماد هو محامي؟؟

بلال لفت لعماد: ايوه ليش؟

آية: يعني يقدر يساعدنا في مشكله؟

بلال: خير ايش في يا آية؟

آية: ماينفعش شارجع احاكيك بعدين ادي لي الرقم

بلال طيب هو معي تشتي تكلميه!

عماد كان بيسمع

آية: ايوه

عماد اخذ التلفون من بلال جاوبها: الو

آية: سلام كنت اشتي منك اسألك كيف نفعل!

عماد: خير ايش في !

آية: معي اخي الصغير دايما الجهال حق الحاره بيتنمروا عليه ومشاكل ويهددوه ويجلس يدي لهم فلوس سكت كثير ولما ابي شدد عليه وخرج اليوم كان معصب وهم بدأوا كعادتهم يتنمروا عليه رجم واحد منهم بحجره كبيره في راسه و الولد دوخ اسعفوه حالته خطره الان اهله مسلحين باب الباب كيف نفعل!

بلال شافه ساكت جلس يقرب يسمع ولا سمع

عماد: متأكده اول من كلامش وكلامه! لان لو نبلغ الان وهو كذب ممكن بعدا يحتبسوا كلهم

آية: الصدق مدري هو احيانا يخرط

عماد: طيب برأيي تبلغوا عليهم في حال كان معه شهود انهم بدأوا وضربوه وهو دافع على نفسه !

آية: طيب مش عارفه كيف اتصرف

عماد: يلزمكم اجي الآن  ؟

آية: افضل لو تطورت المشكله لمحاكم اكيد شاتواصل معك

عماد: طيب
.
.

فاروق بيسمع صوت الرصاص ضربوا في الجو : ماشجلسش مخبى هكذا اخرج نتفاهم احنا وياهم

هاجر بتشوف آية: اعوذ بالله على يوم منحوس حسبي الله ونعم الوكيل فيش من حين رجعتي ولا خلصنا

فاروق معصب حس في شي بيوتره من كلامها بس مش مركز معها فتح الباب وخرج...!!

آية: المفروض انتي وأمثالش ماتوقعين أم مش قد مسؤوليه ولاجهال كيف تخليه يخرج وهم قد هددوه وكان يسرق عشانهم
.
.

بعد مارجع بلال للبيت

وجدان جهزت العشاء ومراعيه له

بلال: مابش نفس

وجدان: ليش

بلال مطنش

وجدان: انت زعلان انا داريه ووعدتك خيرات بس ليش لازم ان المره تتحمل اي عذر من الرجال يبرر اخطاءه ونواياه ليش تزعل وتقلبها قصه بينما لو فعلت انا هكذا عيكون موقفك غير

بلال: ليش بتقارني

وجدان: عشان تحس بطل تشوفني من نظره انك الرجال اللي عادي يصلح اي شي انتوا طرحتوا هذه الفكرة في راسكم بس الصح انه لاترضاش لنفسك اللي ماترضر اسويه

بلال : طيب ايش رايش ان لو انتي سويتي اللي سويته مع آية مع شخص اصغر منش وتعتبريه اخ وتكوني انسانه بتوعي وتفعل خير ماقل شي

لان الثقه هي اهم شي.

وجدان: يعني كنت ماعتغير ولا تتبرقط من اهتمامي به؟

بلال: اذا هي علاقه انسانيه اكيد ماشفكر حتى تفكير هكذا

وجدان: ممكن يكون صح كلامك نوعا ما ، انه ماعتغير وهي علاقه انسانيه بس عتتضايق من كثرة اهتمامي به وتواصلي معه

بلال: طيب يعني لما تتصل بي معها مشكله اقلها خلاص كملت الانسانيه اللي وقفتها معش انا واهلي ايام مشاكلش الان لاعد تتصلي مرتي بتغير

وجدان: ماشي مش هكذا

بلال مسك يدها وعضها: جننتيني اقلش خلي بيننا ثقه وتفاهم وخليني ع طبيعتي من قدامش اخذ راحتي في تصرفاتي

وجدان: شاقلك موافقه بس بحدود لاتتجاوزها
.
.


بيت فاروق.

فاروق خرج: خير مالكم صلوا على النبي

ابو الولد واهله واقفين: والله لو يوقع بالولد شي لاناخذ ثارنا من ابنك

فاروق: ليش بتفاول على ابنك يا اخي وليش الضرب والرصاص والاسلوب هذا نتفاهم اولا من ازعاج الجيران وتخويفهم اذا شفتوني مش حق تفاهم استخدموا هذا الاسلوب عيب في الاخير هو طفل وهذك طفل لو رجال شاقل معاك حق

ابو الولد: ابني بين الحياه والموت وجاي تتفلسف لانه مش ابنك

فاروق: طلع ابني قد انضرب واتبهذل وقعين كلهن لانتوا تشتوا حرب انا مستعد لكن يا اخي نتفاهم مستعد اعالج ابنك اسفره لو تشتي على حسابي لاني ماشرضى ابني يغلط ومايتحاسب بس لو نتقاتل لاوين عنوصل ؟

بدأوا الجيران يهدأوا ويصلحوا بينهم

فاروق: جي معي الان نسير للمستشفى ونشوف حاله ابنك واعرف مني مايرضيك.

في الحوش واقفات بيسمعين

آية اتطمنت ع أبوها رن تلفونها

هاجر لفتت لها

آية ردت ومشيت بعيد: الو..

عماد: خير ماحصل في الموضوع!

آية: يمكن سدوا بين اسمع ابي خرج وتكلم معهم

عماد: تمام اي شي يلزم تواصلي معي

آية: طيب شكرا






















📚 @rewayatyamania 🇾🇪

البـارت رقـم 75

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بعد اسبوع فوق الغداء

هاجر: حسبهم الله قرحت الزلط اللي كنت مجمعاها

آية: اهم شي انه بخير ومادخل معهم بمشاكل فداك يا بابا الفلوس

هاجر: لاتجلسي تعلقي على كل كلمه اتكلمها

فاروق شاف ابنه: هذا غلطك من البدايه لو انت تكلمت لي او لأمك ومارضيت بالتهديدات هذه واستغلالهم لك ماكنت وصلت لهذا كله

آية: تذكر كم كنت اسالك تكلم تحاكا

فاروق: ليش ماتعلمت من المجنونه هذه ولو شويه ماكانت تخلي لحد حاله اللي يدي لها كلمه تقفز فوقه

ابنه: لانها بتفعل اللي تشتيه وماتخاف اما انا كان امي تهددني وتضربني واصل وتقول لي لاتوقع مثل آية وقحه والكل يلعن تربيتك مثلها انا اشتيك توقع مؤدب كنت اسمع كلامها واخاف توقع مشاكل

آية: ذلحين قلها تعلمك الوقاحة

فاروق شاف مرته: خلاص جنان ذلحين ماقررتي تسجلي بكره في الجامعة

آية: شريعه وقانون

فاروق: بس معي عمل ماقدرش اجي

آية: انا شاسير عادي
.
.


ثاني يوم في المعهد..

آية للسكرتيره : انا خلاص ماعد شسجل الدوره الجايه

السكرتيره: رجعت الاستمارة،  طيب الامتحان بعد يومين

آية: تمام مشيت للصف

بلال وصل كان حابب يتطمن على اخوها بس ذكر وعده لوجدان ودخل مع الطلاب
.
.


مرت الايام بدون أحداث مهمه

عماد انشغل بسفره مع ابوه عشان يتعالج في الخارج

وبلال انتهى من دروس التقويه الصيفيه مع بدئ المدارس وبدأ يبحث عن عمل ثاني

اما آية فبدأت جامعتها اول شهر كان جدا مميز لها كله شغف وحماس وتقرأ اكثر واندمجت مع التخصص اللي اختارته
.
.

بعد الغداء

فاروق: كيف الجامعه معش

آية: الحمدلله

فاروق: كنت اشتي اقلش اتصل ابو مصطفى وقالوا الخميس يجوا يعقدوا ويدوا المهر والعرس بعد شهر

آية: طيب والجامعة

فاروق: قد قلنا لش تميها وسيري عادي

آية: بس كيف شهر بس ماتكفيش اجهز كل شي

فاروق: سهل عتعاونش خالتش

آية: مشتيش منها شي ، نخرج انا ورحاب هي بتكتسي لعرسها

فاروق: بس يا بنتي مش لهذه الدرجة عيب

آية: مش هو عيب قبالك وبتفعل هذا كله وكيف من وراك

فاروق: خلاص نخرج كلنا وانا معاكن
.
.


بيت بلال..

وجدان مستغربه سر سكوت بلال ماعد بيذكرها تشتي تجرب ردة فعله بتسأل رحاب وعينها عليه: كيف آية ماخبارها

بلال كان ماسك التلفون بيلعب مالفت لهن

رحاب: قدها بتتكسى للعرس

وجدان شافته مطنش: ماشاءالله ، عادها بتداوم يا بلال عندكم في المعهد

بلال: مدري قدلي فتره ماشفتها وبعدا انا ماعد بين اسير وانتي داريه.

ام رحاب: وانتوا ايحين شاوقع جده ماجاء سنه بعد عرسي الا وقد معي جاهل

وجدان: احنا قلنا شويه

ام بلال: انتوا الجيل هذا مش انتين حق بزا ولا مسؤوليه طبخ ماتقدرين تفعلين الا اكله واحده لاخبز ولا تبكرين ولاشي

وجدان: وقتنا عن وقتكم اختلف وطباع الزوج عن اول مختلفه زمان كانوا يشتوا خبز ذلحين مايعجبهم الا روتي زمان كان يعجبهم كل شي ذلحين يحبوا التنويع والاختلاف ، اما البزا والمسؤولية بالعكس حق هذه الايام تعلمين وعارفات التربيه الصح ،

جلست شويه وهي ضابحه من اسلوب عمتها تشتي تطلع شقتها رجعت جلست وقررت تواجه عمتها بالشي اللي مضايقها ليش تسكت وتكتم وتقهر نفسها: انتي داريه ياعمه ليش طلبنا بيت لوحدي لان الازواج بيسدوا ويرضوا بحياتهم بس الأم تجلس تقارن مرة الابن بنفسها ولان كل واحد خلقه الله غير الثاني وزمان غير زمان اكيد في اختلاف !!

لذلك حبيت نكون وحدنا من هذه الحساسيه

ام رحاب حست بالصدمه من كلامها وماعرفت ترد شي سكتت..


أكبر غلط لما نحاول نهرب من مسؤوليه لمسؤوليه اكبر لما نتهرب من مشاكل ونوقع في مشاكل اكبر ، قرار موافقه آية بالسرعه هذه خلتها تفكر هذا التفكير

  غريبه هذه الحياه اوقات لما نكون يائسين ونمر بأوقات عصيبه تمر الساعات ببطء تقتل صاحبها ، بس لما تبدأ تتعدل لحظاتنا وقراراتنا ونبدأ نمسك خيوط الاستقرار نلقى نفسنا في سباق مع الوقت




















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 76

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


مرت الايام بسرعه زحمه سوق ومحاضرات ومشاكل والان مش مصدقه نفسها واقفه قدام المرايه بتشوف نفسها وتعجب بشكلها مثل ماحلمت واي بنت تحلم ، في مكان جديد بيت جديد مع شخص جديد باتشاركه حياه ، قدامها طريقين اما تفكر انه باتبدأ تغير حياتها مع الشخص هذا و تبدأ لها حياه جديده مختلفه أكثر سعاده معه ، او انها تفكر بنفس فكرها القديم انها الإنسانة اللي بتتنقل من مكان لمكان عشان الكل بيتخلص منها !..

دايما نحلم ونتخيل ونرسم طريق لاحلامنا حتى دعاءنا وقدرنا نرسمه رسم بس في الأخير بتحصل اشياء ثانيه غير اللي اخترناها يمكن فيها الخير ويمكن فيها الخير لان كل شر معه خير ومع كل عسر يسر فقط في حاله شفنا للموضوع بنظره مختلفه

كانت بتلون أفكارها واحلامها من خلال تقييمها للمكان اللي هي فيه رغم انها ماعرفت طباع الشخص اللي باتعيش معه بس رسمت لنفسها احلام بنفس لون الغرفه الورديه اللي جالسه فيها

مصطفى دخل وشنطها في يده: ها عجبتش الغرفة!

آية: ايوه

مصطفى: عادي اي شي ماتحبيه تقدري تغيريه بعدين

آية: لا كله حالي

مصطفى جلس بطرف السرير وبيتأملها لانه اول مره يشوفها: كان نفسي نتواصل مع بعض اعرف عنش اشياء كثيره قبل عشان يكون عندي خلفية عن الإنسانه اللي باعيش معها بس ذلحين نبدأ من اليوم واي شي مايعجبش فيني صارحيني به

آية ارتاحت لكلامه واسلوبه اول انطباع اخذته عنه انه متفهم

مصطفى: ليش ساكته ، طيب تعالي نتعشى اول وبعدا نكمل المجابره
.
.

بيت فاروق..

هاجر جالسه تكلم فاروق: على ايش غاثي! من يصدق هذك المجنونه تتزوج هذك الزواجه لو تبسر على اثاث وبيت حتى غرفتها غير المهر اللي ادوه مجهزين لها كل شي ماعد بش بقعه لاداتها

فاروق: الفلوس مش كل شي

هاجر عوجت فمها: هو صدق تزوجتك راكنه ان الزلط كل شي ماكنت داريه شاربي لك بنتك واخرتها اطلع حق مشاكل

فاروق: مش وقت يامره راسي بيوجعني تصبحي ع خير
.
.


بيت آية..

مصطفى: يعني هذك مش امش

آية هزت راسها : لا

مصطفى: الله يرحمها ، انا امي الله يرحمها بس ابي ماتزوج بعدها هذا الفرق بيننا

آية اول جمله نطقت بها: ابوك قوي طيب

مصطفى: الله يحفظه،  كلميني عن طفولتش طباعش ايش تحبي ايش تكرهي ، رغم انه قد عرفت عنش شي انصدمت منه!

آية: ايش؟

 مصطفى: كانوا ساكنين في حارتكم قال كنتي عدوانيه قد انضربوا اخوته منش

آية ضحكت: بس كيف عرف انك عتتزوجني وكيف قلك ؟

مصطفى: طبعا يا مرتي الحاليه ام فؤاد هي اخت زوج خالتي اللي ربتني لعمر 10 سنوات ورضعتني مع جهالها وهي اختارتش لي ولما حاكتهم فؤاد اعترض على هذه الزواجه

آية: يعني اللي جت خطبتني وكانت اليوم كله بتستقبل الناس هي خالتك قد استغربت انك قلت امك ماتت

مصطفى: الله يرحمها امي ، و عتبسري امي هذه كيف هي طيبه

آية: ان شاءالله

مصطفى جلس يذكرها كيف شافها وكيف وصفوها اهله له 

آية مبتسمه لكلامه واسلوبه

مصطفى: جهزي نفسش بعد يومين عنسافر شهر العسل

آية: والجامعه

مصطفى: لما نرجع يعني شهر عادها بدايه السنه وعتلحقي

آية: تمام
.
.


ثاني يوم الصبح

ام مصطفى (خالته) جت وادت لهم الصبوح

حضنت آية ورحبت بها وباركت لها

آية اول مره تحس بهذا العطف صح رحاب كانت اول شخص تحس معه بالحنان وانها بتفهمها وتغيرت منها باشياء كثير بس هذه الانسانه من اول مره شافتها حست بالطيبه معها كأنها أم صدق..

مصطفى: اجلسي يا امي كلي معنا

امه: ماشي انتوا براحتكم اصتبحوا وانا اجهز الديوان وابخره عشان اهل مرتك عيجوا



بعد الصبوح..

ام مصطفى: آية جي يا بنتي وريني ايش اجهز لش ملابس

آية مستغربه كلمة بنتي اول مره تسمعها !! امتلت عيونها دموع وبغصه ردت: عادي يا خاله انا شاجهز

ام مصطفى بمزح وبنظره زعل نزلت راسها: خاله ؟

آية: قصدي عمه

ام مصطفى: داعيني مثل مصطفى قلي لي اماه

آية: حاضر يا اماه

حضنتها وبتمزح معها وتعلق على مصطفى وتذكر لها شقاوته وهو صغير

بتكلمها وهي بترتب لها غرفتها والادوات والمكياج اللي عتحتاجهن عشان تتسرح

مصطفى: هيا ناهي من اول يوم جت شلتها عليا

امه: ياعيبتك عليها ابسر على ادب واخلاق فيها

مصطفى: نسيتي ماقال فؤاد

امه ضحكت: البنت تكبر وتعقل ماعليك من فؤاد

آية حابه الجو والعائله اللي لقيت نفسها معها كانت اكثر مما تمنت مع مقارنتها لعائله رحاب وتعاملهم مع وجدان.

بعد ماخلصت تسشور شعر آية وتمكيجها مكياج خفيف ، انا ذلحين شاروح اي شي ناقصكم تحتاجيه اتصلي لي تحتاجي اجهز معش شنطه السفر كلميني وانا اجي بكره

آية كانت مش قادره تجمع كلمات الشكر والرد لانها ماتعودت هذه اللطافه ابدا في حياتها : تسلمي الله يحفظش.





















📚 @rewayatyamania 🇾🇪

البـارت رقـم 77

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت بلال..

ام رحاب: غاثيه قوي على آية

وجدان: ليش ؟

رحاب:لاتغثيش عليها والله ان انا فارحه لها شفت في العرس كيف اهل عريسها كأنهم اهلها ماكانين فارحات بها ويسيرين ويجين الا هن اما خالتها اعوذ بالله بتستقبل النسوان وهي مبرطمه عتقرح

وجدان: لما دخلت كيف سلمت عليا بغير نفس ووقفت السلام كسفتني

بلال: يا الله كم معاكن اعراس وعزايم وكم بتتحملين ذنوب حين ترجعين بعد مناسبه تعلقين على كل حاجه

ام رحاب: هي مرتك واختك مانا الصدق غاثيه على معاملتي لها حين جت ماتوقعتها مسالمه هكذا ، جلست اظن فيها سوء

(( أخس شعور نظلم به انفسنا لما نطلق احكام ونوايا وظنون على الناس قبل مانعرفهم ونتعايش معهم))

وجدان: ليش ياعمه ماظنيتي فيها؟

ام رحاب: ابردي يا بنتي قد سارت الله يستر عليها

(( لما نوعى على اغلاطنا لازم نتذكر ما نوقع فيها مرة ثانية ))

رحاب: ذلحين انا يعلم الله كيف عيكونوا اهل زوجي معي

وجدان شافت عمتها وحبت توصلها فكره ( تعاملها مثل ماتحب يعاملوا بنتها): ان شاءالله يوقعوا مثل عمتي طيبين ومتفهمين

ام رحاب سكتت وماعلقت بأي كلمه.
.
.

يوم سفرهم..

فاروق واقف يودعهم: انتبه عليها ، آية أمانه عندك تطرحها في عينك.

آية حاسه نفس الاحساس يوم ماتركها في الشارع لوحدها حاسه انها بتروح مكان بعيد وعادها ماتعودت ولاعرفت طباع زوجها بس قطع احساسها هذا جملته وتوصيته لزوجها تمنت لو كان هكذا معها ولو وصى مرته فيها هكذا ولو سكت عمتها وكيدها بنفس هذا الكلام.

فاروق بيكلمها: يااي قد البنت سافرت من ذلحين وين سارحه

آية: هااه !! ماسمعت

فاروق: قلت لش وانتي انتبهي على زوجش واوقعي مره

آية: طيب

مصطفى شافها وابتسم: هكذا بدون نفس

آية ابتسمت وشافت ابوها سلمت عليه وودعته
 

مصطفى مسك يدها ومشيوا: تعرفي لو وقع لنا جهال ماشتيش بنات

آية: ليش ؟

مصطفى: عشان مستحيل اتعب واربيها ويجي واحد هكذا يشلها عيني عينك ويسير

آية ضحكت فلتت يده ووقفت: خلاص شارجع عاد ابي ماقد سار

مصطفى سحبها: انتي خلاص قد انتي ملكي ماعد بش رجعه ابدا بس انتين البنات مش ساعنا قويات تجلسين معلقات باهلكن ودموع وبكاء

آية دلع بقوه: شفتني بكيت!

مصطفى ضحك: لا بالعكس  من اول يوم وانا مراعي لدموعش ولا

آية: ايوه لاتستهون بي قويه اقدر اتحكم بمشاعري

مصطفى: يعني على هكذا ازعلش وانا راكن مابش احساس

آية ضربته بشنطة يدها الصغيره بدلع: مش قصدي هكذا

مصطفى بيضحك معها: فاهم قصدش امزح معش يامجنونه عتضاربي هنا ! من قال لي ماصدقش فؤاد ودفت

آية: هيا طيب خلي فؤاد ينفعك

مصطفى سمع نداء رحلتهم طلعوا الطياره

آية مش لازم اربط الحزام ماحبش

مصطفى بيقفل لها الحزام: مش هو على ماتشتي ، معنا طايرات حاليات قويات لو وقع بهن شي كل كرسي يطير لدوله وحده اربطي قلك ماحبش

آية: ياسعم بتخوفني ! ماخافش ومشتيش اربطه

مصطفى: ياهمتاه للعناد !!!

آية لفتت له بنظره: حلو ماشاءالله عليك بدأت تكتشفني اول صفه حلوه فيني العناد

مصطفى منبهر بثقتها بنفسها وهي اصغر منه ب10 سنوات! ماتوقع تكون بهذه القوه فكرها مثل كل اللي انتقدوه انه اخذ واحده صغيرة وفارق بينهم في العمر

:على فكره عيونش حاليات اول مره اركز عليهن بدون مكياج

آية: مش عيوني بس حالية بكلي بس شكله عندك نقص نظر

مصطفى: يهي والغرور

آية: مش غرور بس الصدق.

مصطفى: بس لاتزيدي لانه اخس ماعندي المغرورين

آية بدلع: انا شاخليك تحبهم

مصطفى بيتأملها بنظرات اعجاب: ردودش تخليني اعجم ..

بعد تعليمات مضيفة الطيران ..

آية جالسه تعلق: مالهم هولا ادوا واحده عجمى مابتتكلمش والرجال بيتكلم

مصطفى جلس يضحك عليها وتعليقاتها: ماقلتي لي ليش اخترتي شريعه وقانون

آية بتلعب بسلسلة يدها وسارحه في الجواب بس اختصرته بجمله: تخصص حلو

مصطفى: اكيد طالما اخترتيه انه حلو بس ليش ايش في راسش مثلا!

آية: يعني شعور حلو لما تبرئ حد متهم ومظلوم او لو حكمت بين الناس وعدلت واديت لكل واحد حقه

مصطفى ضحك: هذا في احلامش

آية: ايش يعني في احلامي!

مصطفى: يعني مفكره بهذه السهوله عتفعلي كل هذا

آية: اين المشكله

مصطفى: المشكله ياروحي انه كل شي الان رشاوي دفع واتخارجت القضيه وانتي بتدوري اين المسكين اين سار اليوم موعد الجلسه وتلاقيه من ورا الموضوع سكت بكم قرش

آية: مش كل الناس هكذا

مصطفى: اغلبهم هكذا واذا مابش هكذا ماعتلقيش قضايا ع ماتشتي

آية: خلاص شاوقع قاضيه

مصطفى ضحك: حلو يعجبني اصرارش

كانت الرحله كلها مزح وضحك واكتشافات لبعض وغزل


















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 78

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


ثاني يوم بعد ماوصلوا..

كانت تحسب للسعاده باليوم اول مره تمر بايام طبيعيه هادئه بتضحك فيها بدون ماتهم ايش بعد الضحكه بيحصل !!

معقول تمنت تتزوج عشان تخلص من المشاكل وتلقى نفسها في عالم الافلام والمسلسلات اللي كانت تشوفها !! بدأت تبعد فكرة انها تعد الايام اللي بتمر على خير وبسعاده كانت تخاف تحسد نفسها .

كانت منتظره مثل كل مره اتصال ابوها يتطمن عليها وصلت او لا ، بس تفاجأت باتصال ام مصطفى ودعواتها لهم وتوصيتها لمصطفى على آية شعور غريب جميل سعيد بتمر فيه..
.
.


بيت فاروق..

هاجر: خرجي كل شي

فاروق بيشوف غرفة آية بتتغير: ايش هذا

هاجر: قلت اديهن للشغاله في غرفتها وافضي هذه الغرفه للملابس

فاروق: بتدوري عمل الملابس في دواليبنا في غرفنا ليش تخرجي غرفتها

هاجر: قد معها قصر ماتشتي من هذه الغرفه

فاروق: ولو هذا بيت ابوها وغرفتها اي حين ماجت  شاف العامله وبنبره حاده: رجعي كل شي مكانه الاااان

هاجر جلست تدعي عليها ..


 شعور البدايات الحلوه شعور جميل يبقى في الذاكره ماينتساش اول كلمه حب ، وأول اهتمام واول نظرات خوف من الناس اللي بنحبهم..

مصطفى شافها مسكت يدها: بأيش وجعتيها؟

آية: عادي بس قفلت الدرج عليها

مصطفى مسكها وباس يدها: افتهنت

آية ضحكت وحست نفسها طفله ذكرها بالاهتمام وهي صغيره لما كان ابوها يهتم بها قوي

مصطفى: ليش بتشوفيني !

آية: معجبة

مصطفى: بمن

آية: بحنيتك

مصطفى: معش هذه الايام بس تكوني طفلتي ، اول مايجي لنا طفل خلاص بيسرقني منش

آية بدلع: ياسلام

مصطفى: اذا عتجلسي هكذا كيوت محد عيقدر يسرقني منش

آية ضحكت: شاحاول بصراحه انا مستغربه من نفسي تغيرت معاك

مصطفى: حلو بس ان شاءالله انه للأفضل

آية: لو كنت عرفتني قبل فأكيد انه تغيرت معاك للأفضل

مصطفى ابتسم وحبها فوق راسها: يلا البسي سريع نخرج نتعشى
.
.

بعد يومين تواصلت مع رحاب..

آية شافت معها رسايل منها كثير :(( طمنيني عنش مرتاحه ))؟؟

(( كيف مصطفى معش ! طيب محترم ! طمنيني))؟؟

 بدأت ترد على اسئلتها : مصطفى يجنن طيب حنون لو تشوفي كيف بيعاملني كأن انا أميرة ماتوقعت ابدا اعيش اللي انا عايشته معاه ، حتى أمه لو تشوفي كيف طيبه قوووي حسيتها أم.
.
.


بيت بلال..

بلال كمل يتكلم معها ويضحك وسرح شويه حس انها تغيرت وهدأت غيرتها رجعت لطباعها الحلوه مثل اول مره عرفها

وجدان: مالك سارح

بلال: اقلش بصدق!

وجدان: ايوه اكيد

بلال: اشتيش هكذا ماتتغيريش

وجدان: كيف هكذا !

بلال: مش ملاحظه انه الفتره هذه انش عاقله ومتفهمه وبتحتوي المشاكل وتحليها من نفسش

وجدان: لأنك هذه الفتره انت معي مختلف ايام الخلافات بيننا كنت تزعل على تصرفاتي وغيرتي وماحاولت تتفهمني عشان احتويها

بلال: طبيعي اول فتره يكون بيننا خلافات تعودنا على طباع بعض واتمنى تجلسي هكذا تفكري بعقل

وجدان: اذا انت جلست هكذا تتفهمني وتتجنب الاشياء اللي بتزعلني وتستفزني اوعدك اكون مثلك واحسن.
.
.

في غرفتها

رحاب بتقرا رسايل آية ومبسوطه دمعت من فرحتها لها وجلست تفكر هل زوجها بيكون هكذا مثل اخوها و زوج آية !!!
.
.

بعد فتره خلص شهر العسل ورجعوا ..

مصطفى: تعب هكذا عليش وبعدا مابين اشوفش الصباح في الجامعه والعصر عزايم وكلهم اهلي عاد اهلش ماجاء دورهم

آية ابتسمت له وداخل نفسها مش عارف انها ماتعرف غير بيت اهلها: لاتخاف اهلي شاختصرهم كلهم عيجوا اليوم في بيتنا لانه اشتي اجلس واراجع اللي فاتني للآن مش فاهمة شي

مصطفى: لو كنتي في مجال التجاره شاساعدش بس صراحة القانون والنص والحفظ ماليش فيه

آية: انت بس تحمل هذا الشهر اضغط على نفسي واذاكر من نفسي لاتضبح من انشغالي عنك

مصطفى: عادي وانا كمان معي شغل اللي اجلته كله الان واحتمال اسافر الميناء معي شحنه عتوصل اذا تقدري تجي معي يومين نغير جو واذا ماتقدريش خلاص شاسافر وحدي احاول اخلص الاوراق بيوم وارجع

آية: تمام اللي تشوفه يناسبك اما الجيه انا صعب ازيد اغيب اكثر

مصطفى: طيب شاخلي امي تجي عندش

آية: حاضر.

مصطفى : اليوم شاوصلش عزومه اهلش وارجعش وبكره الصبح مسافر

آية: طيب قلي ايش اجهز لك !؟؟

مصطفى: مش وقت ادواتي انتي تجهزي تأخرنا الساعه 1

آية: طيب

مصطفى: اكتبي كل شي ناقصش نشتريه الليل على رجعتنا

آية: حاضر

قامت تتجهز وتخرج ملابسها
.
.


بيت فاروق..

فاروق دخل المطبخ: ليش بس هذا الاكل ! ليش مافعلتي اكل عزومه

هاجر:...



















📚 @rewayatyamania 🇾🇪

البـارت رقـم 79

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت فاروق..

فاروق دخل المطبخ: ليش بس هذا الاكل ! ليش مافعلتي اكل عزومه

هاجر: ياسعم انها غريبه وبعدا ماعد باقي كبسه وسلطه كفايه

فاروق: الان تقومي تفعلي اي شي جنبه

هاجر بضبح: اشتري من المطعم

فاروق: الان تقومي تطبخي نص ساعه والاكل جاهز اشتي سفره من كل شي

هاجر: بغير جنان

فاروق: خلاص تروح الشغاله ماعد بش لها داعي

هاجر قامت: وجالسه تتضابح فوقه دخلت المطبخ ومعصبه فوق العامله بتطبخ بدون نفس..


بعد نصف ساعه

آية وزوجها وصلوا...

 فاروق استقبلهم ورحب بهم

آية سلمت على ابوها واخوتها ودخلت الديوان

فاروق خرج يقل لمرته تقرب الاكل

هاجر : هكذا! بنتك ولاتفعل لي احترام ولاتسلم عليا

فاروق: انتي ادخلي وسلمي عليهم انتي حسبة امها وعمة زوجها

هاجر بضبح: ايششش! زوجها من ! فرق بيني وبينه سنتين او ناسي نفسك ان انا صغيره

فاروق: اذا مادخلتي تسلمي والله ماعد اخليها تعبرش يوم احرقتي دمي حسبش الله من مره لئيمه انتي مابش فيش خير ودخل

هاجر جالسه تاكل نفسها ماتشتي تدي لآية قيمه ونفسها تشوفها وتشوف كيف تعامل زوجها معها وتعرف اين ساروا واين جوا ماقدرت تصبر اكثر فضولها قتلها دخلت..

هاجر بضبح ونرفزه منها ليش ماسلمت عليها : مسرع قد نسيتي الغرف عاد الناس يسلموا

مصطفى مستغرب دخلت تتكلم هذا الكلام ماقالت السلام عليكم حتى !!!

آية: انا راكنه انس عتجي عشان تسلمي على مصطفى وبعدا ماينفعش افلت زوجي اول يوم له هنا.

مصطفى شافها وابتسم اتجمل منها

هاجر ضبحت منها طنشتها شافته: كيف انت

مصطفى: الله يسلمش ياعمه الحمدلله

هاجر: كيف السفره معك افتهنت؟؟

مصطفى استغرب كيف مابتسالها هي !! لفت لآية: الله يحفظها الحمدلله الرحله جميله بوجود آية الله يحفظها

فاروق كان مرتاح قوي لبنته ومعصب من اسلوب مرته: هيا شرق اين الغداء

هاجر: الان ، آية جي اشتي احاكيش

مصطفى شافها: سيري ياروحي البيت بيتي مش انا غريب

آية قامت معها وخرجت ..


هاجر وصلت في المطبخ بتؤمر العامله تقرب: انا قدلي شهر ساكته قلت عيفهموا على نفسهم عيب عليهم ولا ادوا لي حق الأم الطرح(مبلغ من المال هدية الأم ) ولاشي !!

آية: ايوه اصلا هو داري ان مابش معي أم انا قلت له مابش معي أم، دعيتيني عشان هذا الموضوع !!

هاجر: هااا كان الخبر هكذا ! تمام حاضر.

آية بتتكلم مع اختها الصغيره وتبوسها

هاجر: سيري غرفتش يلا

آية شافت اختها خافت ومشيت طنشت ورجعت للديوان.

هاجر: اعوذ بالله على وقاحه لو تزيد تموت ماعد افعل لها حساب.
.
.

ثاني يوم الظهر..

مصطفى قبل مايسافر: والان اوصيش على آية وانتي يا آية اوصيش عليها

امه: الله معك توصل بالسلامه..

آية حست بزعل وشعور غريب تعلقت به بمده بسيطه لحقت بعده تودعه وعيونها ملان دموع

مصطفى على خرجته لمح عيونها ورجع ضحك: هذه القويه اللي ماتدمعش !! حبها فوق راسها هيا هي الا يوم بكره وانا عندش اتغدى من يدش

آية ضحكت: ان شاءالله مادمعتش هن رموشي مع الريح

مصطفى مسك خدودها: انا فدا للرموش هذه

الله معش انتبهي لنفسش

آية: طيب ركز وسوق دلا وانتبه لنفسك ولما توصل طمني

مصطفى طلع السياره وقفل اشر لها مع السلامه

آية دخلت وراحت جلست مع عمتها

جلست تجابرها وهن بيطبخين وتحكي لها عن مصطفى وطفولته وكيف ساعد ابوه واخوته من ابوه بيتنافسوا بينهم البين

آية منسجمه معها وصل لها اتصال ردت عليها !!!

رحاب: فاقده لش قوي قد شاتزوج ولا شفتش ، انتي فاضيه امر ادي لش الدعوات ؟؟

آية فرحت: ايوه اهلا وسهلا جي واجلسي عندي مصطفى سافر ومابلا انا وعمتي

رحاب: خلاص شاوزعهن واخليش اخر واحده اجلس معش شويه نتجابر ، ارسلي لي العنوان

آية: تمام ، رسلت لها العنوان

كملت تتغدى ولبست وبخرت البيت

ام مصطفى دخلت تسوي شاي بالحليب وكيك

آية خرجت وكل شي جاهز تشكرتها وبخرتها وعطرتها وبيتكلمين..


وصلين رحاب ووجدان وبعد السلام والكلام ..

واقفات قدام المرايا وآية في المطبخ بتجهز العصير

عمتها في الغرفه كانت بتتكلم في التلفون خرجت من الغرفة وسمعت هذه الجمله..

وجدان: من يصدق كيف تغيرت حياه آية وتزوجت وعايشه هذه العيشه يعني كيف هربت من بيتهم والعز اللي هي فيه وسكنت عندنا في غرفه وربي عوضها بهذا كله وام زوجها تبان طيبة قوي...!!





















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 80

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


رحاب: واصل وانتي دايما في نفس هذا الموضوع عيب المره الاولى سمعتنا عمتها وجلست تفعل لنا مشاكل وتجي للبيت هي وخالتها هذه المره تقرصي العافيه

وجدان: مابش حد في البيت

رحاب: اصلا مابش داعي نتكلم في الموضوع هذا خلاص الله يسعدها

ام مصطفى خرجت: تحتاجين شي يابنات؟ فرشه مكياج ادخلين غرفة آية

آية خرجت بالعصير دخلته الديوان

رحاب شافت وجدان بضبح: شكرا يا خاله مابش داعي كل شي تمام

دخلين الديوان جلسين يتكلمين على السوق والكوافيرات والمكياج المناسب

ام مصطفى: آية بنتي في الباب جت تدي لي الادويه قوا افتحي لها يابنتي

آية قامت : حاضر من عيوني

رحاب مبتسمه بتشوفها وهي رايحه لبسها جمالها ردود وكلام وهدوء آية متغيره قوي

ام مصطفى: العفو لو تطفلت او بالغلط سمعت بس عن اي هروب بتتكلمين؟؟ آية هربت !!

رحاب انحرجت وتوترت وسبقت وجدان لاتنسى وتتكلم على نياتها مثل كل مره (ضحكت تلطف الجو ) وبتحكيها على شكل قصه وشقاوة : الله يهديها آية ياخاله كانت حساسه وتشتي كلمتها لو حصل معها موقف حنقت وجت لاعندي

ام مصطفى ضحككت وارتاحت شويه: الله يهديش ي آية الحمدلله انها قد عقلت


في الباب فتحت لها دخلت وبعد ماسلمت عليها  بمرح وضحك بتمازح آية: يو لاغيبك يامصطفى ما اشوع البيت بدونه ، فقدت لك يامصطفى شلتك آية عليا

آية ضحكت متعوده عليها ايام العرس ولما يجتمعوا تمازحهم

وجدان بتدكم رحاب: من هذه ؟

ام مصطفى: سلمي عليهن صديقات آية

بنتها سلمت عليهن: حيا بكن لاتقلين مجنونه انا هكذا على طبيعتي ماقدرش اهدأ يمكن لو زوجوني أعقل

رحاب شافت آية: مثل بعض الناس

وجدان: انتي اخت زوجها؟

البنت: بنت خالته ب..

وجدان قاطعتها بصدمه: بنت خالته ؟

رحاب مسكت يدها وبصوت واطي: مالش اهدأي ؟

وجدان: ماشاءالله عليها والبرود مابتغيرش دخلت تداعي مصطفى بين اقل انها اخته

آية بتوضح لها استغرابها: ماقد كلمتهن ان مصطفى اخوش من الرضاعه

ام مصطفى ملاحظه ردود فعل رحاب و وجدان بس ساكته

رحاب: مابلا انتي قليله عقل ماشاءالله عليها

البنت ضحكت: تغير مني

آية ماعد ردت عليهن كانت تسرح وتفكر كثير بمصطفى

رحاب فكرتها تضايقت من وجدان: هيا وجدان شرق علينا

آية انتبهت لها فجأه قامت: ليش عاد انتي جيتي

رحاب: عاد معي مواعيد مع الخياطه

وجدان: لفتت لها عتسيري ذلحين؟

رحاب: ايوه رسلت لي هيا قومي البسي

 بنتها: وانا اسير قبل اذان المغرب اجهز ابي للصلاه

امها: الله معش


بعد ماخرجين

مالش يا آية ؟

آية: ولاشي

ام مصطفى: لاتغثيش منهن هن كانين بيمزحين وبعدا قد تغيرتي يعني كانت هربة جهال!!!

آية بملامح صدمه: ايش من هربه؟

ام مصطفى: حين كنتي تهربي بيتهم لاوقعت لش مشكله

آية: من قال ؟

ام مصطفى: مرة اخو صاحبتش هن بيتجابرين عادي بس مافهمت سالتهن

آية: وايش قالين

ام مصطفى شكت تغير تصرفها وخوفها: مافهمت منهن شي قلت أسألش

آية توترت وماعرفت ايش ترد امتلت عيونها دموع خوف بعد ماحست براحه معها خايفه تتغير عليها

ام مصطفى ضحكت: مالش يابنتي سهل تحصل تزوجت جاهله غاويه اول ماتزوجت لاقد غثاني اشل نفسي واهرب لاعند امي وعشنا هكذا واصل تعب ومشاكل لاقد البنت تصرفت هذا التصرف يكرهها زوجها ، انا داريه انش الان واعيه وماشاءالله قد انتين بتتزوجين سن مناسب ومتعلمات فرق عننا زمان

آية ماقدرت تمسك نفسها كانت متضايقه بسبب سفر مصطفى ووفى كلامها وطيبتها: بتمسح دموعها

ام مصطفى قامت وحضنتها: يو مغلاش كيف انتي حساسه مابش شي ياحبيبتي

آية حبت تكلمها عشان لاترجع تسمع من خالتها وتزعل منها انها كذبت كان اكثر موقف مخوفها يوصل لمصطفى الكلام من فؤاد او امه وتوصل لها :

الصدق انا هربت صح حين وقعت مشكله وهي خالتي السبب حين كان ابي مسافر

ام مصطفى كانت ملاحظه تصرفات هاجر معها ماكأنها أم: انا داريه وماعليش شي انتي في عين ومصطفى في عين كلكم جهالي انا أمش انا.

آية حضنتها وبعد ماهدأت وكملت تبكي مسحت دموعها: اتصل لمصطفى بين اقلق عليه..

ام مصطفى: ايوه صدق المفروض انه قد وصل

آية بتتصل محد بيرد !!
.
.

بيت بلال..

رحاب وصلت امها بتملي بلال الاسماء وبلال بيكتب الدعوات

رحاب بعدت عبايتها وجلست: اخر مره اخرج مع مرتك

وجدان: هو انتي واخوش حساسين قوي البنت مابش في حسها وعادي

بلال وامه سكتوا ولفتوا لهن: مالكن؟

رحاب: قلي لهم

وجدان بعفويه: وصلنا وبين اقلها يو على بيت وكيف افتهنت آية ودلع ماشاءالله سوا بيتهم او بيت زوجها من يصدق انها هربت

بلال بهرر: قلتي هكذا؟ ؟ مجنونه

وجدان: ...














https://tttttt.me/rewayatyamania/39767




📚 @rewayatyamania 🇾🇪

🖤


بـارتـات يومنـا الثـلاثــاء👆🏻😍

البـارت رقـم 81

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


وجدان بعفويه: وصلنا وبين اقلها يو على بيت وكيف افتهنت آية ودلع ماشاءالله سوا بيتهم او بيت زوجها من يصدق انها هربت

بلال بهرر: قلتي هكذا؟ ؟ مجنونه

وجدان: محد سمع انا وهي وحدنا

رحاب: ابسرتي عمتها كيف كانت في الصاله واقفه

وجدان: هي خرجت ماسمعت

رحاب: يو ياوجدان عتقرحي قلبي هذك سألتنا وعاد كنتي عتوضحي لها

بلال: قلنالكن بطلين قالت قلتي والله لاتوقعين حطب جهنم

وجدان: هيا ناهي لك انت واختك الموضوع كمل ولا وقع شي وانتوا يعجبكم تجلسوا تفعلوها قضيه هذه آية.

بلال: ابسرتي شي عجبش قولي ماشاءالله وخلاص ليش عاد البعسسه

وجدان ضبحت منهم: شاطلع اصلي..
.
.

بيت مصطفى..

آية بتصلي رن تلفونها

عمتها شافت رقم مصطفى قامت تجاوب بسرعه : الووو ... ؟؟!

مصطفى بيكلم اللي جنبه ويتصايح معه: مساء الخير

امه: مساء النور وصلت؟

مصطفى مارد عليها بيكلم اللي جنبه ويتهدده يوصلهم الكلام

امه: مالك يا ابني في شي؟

آية خافت قطعت الصلاه وبتستغفر قربت منها: ماله ؟؟

مصطفى قام من عند اللي جنبه: ها ياغاليه كيف انتي سامحيني كنت اصيح فوق الحمير هولا رفسوا الشغل رفس

آية بخوف: ماله ؟؟

مصطفى سمعها ضحك: قد فجعتيها

امه: قوا يا ابي الله يحفظك يكفي المشاكل اللي انت فيها بسببهم ماعد نشتيش هذا الشغل ارجع

مصطفى بيضحك: تطمني مابش شي حق كل مره من قال لي اصيح وانتي في السماعه

امه: الله يخارجك ويستر عليك هيا كلم مرتك اسير أصلي خاطرك.

آية: مصطفى مالك؟

مصطفى: حيا بروحي وقلبي فقدت لش ياعيون مصطفى

آية: يوه الحمدلله افتجعت

مصطفى: هي امي هكذا واصل الله يحفظها ، طمنيني عليش كيف انتي ؟ اكلتي ماسويتي

آية: وحشتني قوي حسي عندك مراعيه تتصل بي

مصطفى: والله انشغلت يا عمري وصلت والعمل معجون عجن خليها على الله لخبطوا الشحنات وذلحين الاوراق الاصل مدري وين ضيعوهن

آية: اهدأ انت وماعيقع الا كل خير

مصطفى: يلا اسير اكمل العمل وبعدا شاتصلش لما افضى

آية: طيب ، اكلت؟

مصطفى: شاكل بعدين نخلص العمل

آية: الله يعينك يارب
.
.

بيت بلال..

بلال طلع معصب بعدها فتح باب الغرفه : اشتي ادرا مابيقلبش هكذا

وجدان: خلاص تنذكر آية في الموضوع تقوم القيامه

بلال: اوعدك وصدقني والله مش قصدي وووو ترجعي لنفس الهدار جننتيني

وجدان: ياسعم مدري ماقلت

بلال: ماعليا من اللي قلتيه انا مالش طارحه البنت هذه في راسش

وجدان: هيا ابسرت زعلك وقلبتك دايما عليها لكن ايش ماوقع بها تستاهل ساع ما اللي انا فيه كله النكد من تحت رأسها والعيشه الحاليه لها

بلال: عايشه مرتاحه لانها في حالها مابتفحسش ولابتدحس بعد حد

وجدان: الله ماذلحين قدي الحاليه هي وانا المصايب انا

بلال: بتتكلمي كلام ماقلته كم روحش في النكد حاولت اداريش بعدت عنها ولاعد بين اذكرها هي مصايبش اللي بتفتح المواضيع دايما ركزي على نفسش بس..

خاطرش ماشتعشاش هنا. .

خرج وقفل باب غرفته
.
.


ثاني يوم الساعه 10 الصباح

آية نكزت من النوم انصدمت طلع الضوء شافت الساعه 10!! فتحت تلفونها لا اتصال ولارساله ؟؟ هو قال عيتصل كيف نعست بدون ماحس ؟؟ وليش ما اتصل !

جربت تتصل له مقفل معصبه قامت من سريرها بسرعه وفتحت باب غرفتها وخرجت للحمام بتدور عمتها مابحد؟

بتكلم نفسها يو اي حين خرجت ؟ ليش ماقيمتني ؟

دخلت الحمام غسلت وجهها واسنانها وهي مثل كل مره تشوف المرايه وتكلم نفسها ( تصايح معهم ؟ ضربوه ! حبسوه ؟ اكيد بيتكلم في التلفون مثل طبايعه وحصل له شي ) ماقدرت تفكر اكثر جلست تتعوذ من الشيطان من افكارها  وقررت تخرج  تتصل لعمتها..
.
.


بيت بلال

وجدان معصبه: مراعيه لك لذلحين

بلال مطنشها: انا بدون نوم خلي لي حالي اشتي ارقد

وجدان مبتسمه وبهدوء: ماعه

بلال شافها ومنصدم معصب: انتي هكذا كل مرررررره تجنني وبعدا تسدي انتي وروحش ساع المجانين

وجدان مبتسمه: عادي قول اللي تشتيه وحتى عتاب على رقدتك خارج ماشاعاتب

بلال: لك الحمد ولك الشكر يارب مافعلت انا مافعلت لوما تزوجني بمدكومه مثلها

وجدان ضحكت رجمته بالوساده: احترم نفسك ماشي والله ما اقلك

بلاال: من قال انني اشتي تقلي لي شي ماشتيش

وجدان: والله لاتندم

بلال: والله ما اندم

وجدان: وعشان خاطر ابنك او بنتك ؟!

بلال كان ممدد والوساده فوقه بعدها وقام جلس منصدم بدون اي ردة فعل

وجدان: هيا شفت كيف عتندم

بلال بابتسامه بيحاول يخفيها: ماندمت انا بين ادور اسماء واشتيها بنت

وجدان: البنت عل..

بلال: لو بنت آية

وجدان ضحكت وعصبت جلست تضاربه

بلال مسكها بقوة وبيضحك عليها: ابسرتي من ندم ! ذلحين عرفت كيف اخليش تحبي آية وتريحيلش من أفكارش السامجه هذه

وجدان بتضحك مش قادرة تتكلم: والله لو تسميها آية ..وتضحك

























📚 @rewayatyamania 🇾🇪

البـارت رقـم 82

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت مصطفى..

آية كملت غسلت وجهها واسنانها مشطت شعرها ورفعته وخرجت وهي سارحه وجالسه بتفكر والبيت هدوووء  بتلوي رايحه وراجعه وتتصل مغلق..

جلست وبتتصل من تلفون البيت رفعت السماعه ...

حست حاجه بتلتف حول رقبتها نكزت وبتشم وتشوف الفل مسكت يده وصاحت: فجعتني !!

اي حين جيت؟؟

مصطفى: جيت قبل ساعه و امي قالت مارقدتي سوا قلقتي قلت اخليش على راحتش

آية: مسرع روحت؟

مصطفى: هي تصحى بدري جيت وقدها تشتي تروح

آية: ما احلاها الله يحفظها قوي طيبه ياريت وانا وقعت بنتها

مصطفى تغيرت ملامحه: الله لاقال الحمدلله ماوقعتيش

آية مستغربه: ليش؟

 مصطفى: عشان ماكنتي عتوقعي مرتي قلك ليش وبعدا تعرفي ان انتي وحشتيني

آية بتقلب الفل في يدها وتشمه وتحضنه ردت بثقه: داريه

مصطفى: داريه ها وانتي ؟

 آية: ماشي ليش افقدك هي غير 22 ساعه

مصطفى ضحك: طيب هذه ال22 ساعه مرت كأنها 22 سنه عندي

آية: وانا

مصطفى قاطعها وبيمازحها: داري قد قالت لي امي لاتحلفيش

آية جلست متخوفه بتسوي الصبوح وهي شاكه لو كلمته امه بموضوع امس!!

مصطفى جلس يتكلم معاها عن المشاكل اللي حصلت معه وضياع الاوراق وو..
.
.


بيت بلال

رحاب شافت نظرات وجدان غريبه: عادش حانقه مني؟

وجدان: ايوه

رحاب: تستاهلي

وجدان: انتي واخوش خباث تسخوا عليا

رحاب ضحكت: والله لو ماتنقلعي ذلحين من قدامي لاوريش الخباثه حق اخت الزوج

وجدان: حالي اسمع عمتك مابتقل

بلال جاء ووقف: عمتش يا آية

وجدان لفت له بعصبيه وضربته ع كتفه

رحاب بفرحه: يعني واحمه؟

بلال بيأشر لها من ورا مرته ويضحك: ايوه حامل بآية

وجدان: هيا شوفي كيف يدور هدار هو الأول

رحاب: انتي عارفه انه اول مره اخي يختار صح

وجدان فرحت مبتسمه: جبرش قلي له

رحاب: طيب ي اخي اشكرك من اعماق قلبي انك لاول مره تختار حاجه صح انك تسمي بنتك آية.

وجدان: والله انكم سامجين

رحاب: الحمدلله ان انتي جيتي وقد عقلت لاتسيري تتخيبلي عند اهل زوجي

بلال ضحك: خلاص هذه المره لها انا حاسس عتعقل عشان

وجدان: عشان ادي بنت تسميها آية،  احلم

بلال ورحاب جلسوا يضحكوا عليها وينرفزوها شويه..
.
.


بيت مصطفى..

مصطفى: باقي لش ساعه هيا لاتتاخري البسي اوصلش الجامعه

آية: لا ماشسير اليوم عشان عادك جيت

مصطفى: هو سفر يوم وبعدا معي عمل هنا عاد معي معاملات خيرات عشان الشحنه يخلصوها
هيا اسرعي

آية: طيب ارفع واسير

مصطفى: انا شارفع ( كمل ياكل رفع الصحون والأكل )

بعد مالبست وخرجوا ( عند باب الجامعة )

مصطفى خرج فلوس وطرحها في شنطتها

آية بصدمه: ايش هذه؟

مصطفى: مصروفش

آية: يووو مالك بتجنن هذه خيرات!

مصطفى: خليها حاجتش مش لازم تصرفيها كلها

آية ضحكت : ها قول هكذا هذه صرفه سنه

مصطفى: انا عامل حسابي عتوفري منها هدايا لعيد ميلادي

آية ضحكت ونزلت من فوق السياره اشرت له باي ومشيت

مضطفى مشي..

دخلت من بوابه الجامعه وبتتلفت عادها ماتعرف كثير

لفتت لواحده جالسه متوتره كل شويه يفلت شي من يدها كتاب قلم تصلح حجابها ويرجع يفلت كتاب ورق

آية حست بتوتر: مالش في شي؟؟

البنت: ماشي بس ماعد اشتيش ادرس

آية استغربت: ليش

البنت: بين اتضايق خوف قلبي يرجف ولا افهم شي

آية: من ايش ؟؟ فيش شي مريضه

البنت: لا بس انتي شايفه فيني شي ملفت او عيب؟

 آية: لا ابدا ليش بتقلي هكذا

البنت بتمسح دموعها: كل ما مشي من جنبي ولد تليقن

آية: هو هكذا بعض اوقات تلقي واحد مش محترم نفسه

البنت: بس خيرات خيرات مش واحد بس ما اقدرش ارفع راسي

آية ضبحت: ليش ماترفعيش راسش ارفعي راسش واطرحي عينش بعينه ولو ما احترمش نفسه سيري قدمي شكوى ليش تخافي بالعكس هذولا لو محترمين واقوياء مايجوا على البنات يتليقنوا وكل ماشافوش ضعيفه وخايفه زادوا لقانه

البنت بتمسح دموعها ويدها بترجف

آية: وبعدين كيف واحده ضعيفه وخوافه هكذا تدرس قانون كيف عتدافعي عن الناس وانتي مش قادره تحمي نفسش من مواقف بسيطه مثل هذه !!

البنت حست شويه بشجاعه وثقه وجالسه تسمع آية

(( جبر الخواطر سعادة ، من قال فاقد الشيء لايعطيه ! يعطيه وبزياده لانه محتاج له `` كانت آية بحاجة كل حرف قالته للبنت في يوم من الأيام لذلك دعمتها ونصحتها رغم انها ماتعرفها بس عشان كانت محتاجه حد جنبها في يوم يقويها``))



















📚 @rewayatyamania 🇾🇪

البـارت رقـم 83

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت بلال ..

رحاب بتكلم امها: مارايش اعزم آية نفسي ادرى لو زد وقعت لها مشكله بعد خجافه وجدان

ام رحاب: ايوه يابنتي اعزميها والله ان نفسي اعتذر لها

رحاب: تمام زوجها مسافر قلت تجي بدل ماتجلس وحدها

رحاب اتصلت لها ..

آية في المحاضره كنسلت الاتصال وكتبت لها رساله انها في الجامعه

رحاب: خلاص شاسير اطبخ ولما تخلص اقلها تروح لهنا.



بعد محاضرتها ..شافت اتصالات من مصطفى

اتصلت له..

مصطفى: آية معي عمل وشاتأخر لليل انتي كملي وروحي وتغدي لاتراعي لي

آية: تمام.

اتصلت لرحاب بعد ماكلمتها عادت الاتصال لمصطفى

مصطفى: تمام سيري شاجي لش الان اوصلش ماعد بش معش محاضرات؟

آية: ماشي

مصطفى: خمس دقايق وانا عندش



بعد ماوصلوا بيت رحاب..

بلال موقف سيارته نزل يفتح شاف سياره وقفت ونزلت آية وهو داخلها

مصطفى شافها: من هذا ؟

آية: اخو رحاب

بلال رفع يده وسلم من بعيد

مصطفى انحرج فتح الباب ونزل يسلم

بلال سلم ودخل بسيارته ..

مصطفى: ادخلي مراعي لوما تدخلي

آية دخلت قدامه..

بلال طرح سيارته وخرج للدكان

مصطفى رجع مشي.

دخلت آية رحبت بها الأم غير كل مره وباركت لها

بيتجابرين..

سمعين صوت الباب..

آية قامت مع رحاب لغرفتها

بلال دخل رافع صوته: اهلا وسهلا حيا الله من جاء

آية ساكته

رحاب ضحكت: والله ان انا مستحيه منش على امس سامحيني

آية: مجنونه مرة بلال اصلا مابش داعي تذكر الموضوع هذا

رحاب: والله ان انا امس وبلال قالعناها

آية: خير ان شاءالله

وجدان فتحت باب الغرفه ودخلت...!

آية كانت بتكلم رحاب على اللي حصل وكيف تفهمت عمتها

وجدان: الحمدلله قلي لهم امس هي وبلال قلبوا عليا ماسليوا الا حين دريوا ان انا واحمه

آية ابتسمت: مبروووك الف مبروك

وجدان بدلع: الله يبارك ، جابرينا كيف زوجش معش

آية: الحمدلله

وجدان: انا دارية انه الحمدلله بس يعني كيف طباعه حق مشاكل عصبي رومانسي كيف هو

آية: وايش الفايده تعرفي بطباعه اهم شي انا اعرفها

وجدان ضحكت وبغمزه: بتفتجعي امرعش لاتخافي مابش احسن من بلال

آية: الله يهنيش ويسعدش مابين اخاف تمرعيني ولا شي مش انتي أقوى من الله بس هذا شي يخصني انا حياتي معه وطباعه لي مش للناس

وجدان بقلبه: الله ياسعم ليش هذا كله هو الا سؤال

آية ضحكت: اولا هي خصوصيات حياه زوجيه تخصنا ثانيا لو تحاكيت لحد شتحاكا مثلا لرحاب اما انتي توبه بعد حق امس

وجدان: مش انا داريه ليش مكبرين الموضوع والله ماقلت شي ياسعم اهل زوجش مش داريين انش هربتي ماقلتي لهم؟؟

آية: لا ماقلت لهم ان انا هربت

وجدان: مادام وانتي داريه انه شي غلط ليش هربتي اساسا

آية: مايخصش الموضوع واعتقد مالش دخل تعرفي ولا تتكلمي في موضوع يخص غيرش مفروض تركزي على نفسش وعلى مشاكلش وتحاولي توصلي لحل مع افكارش وغيرتش ومشاكلش مع بلال يعني اهرب ماهربش زوجي يعرف او مايعرفش كيف هو حالي مش حالي معي هذا يخصني

وجدان: يوو يو يو ليش قرحتي مره واحده

آية ضحكت: والله مش هي قرحه هذا اللي مفروض يوصلش عشان توقفي فضول وتأمل في حياة الناس ركزي على نفسش بس انتي حامل تعب عليش تهمي الناس وتهمي نفسش

رحاب ماسكه نفسها لاتضحك عل موقف وجدان: هو الحمل مأثر عليها ماعليش

وجدان: الله المستعان شكلش كارهه لي من قلبش الله اعلم ليش كأني شليت عليش حاجه

آية بأسلوب مزح: ايوه طرحتش في راسي

وجدان ماقدرت تتحمل بتاكل نفسها طلعت شقتها.

رحاب شافت آية: زيدت بها بس هي مسكينه

آية: مسكينه مع نفسها المسكين مايدخل في حياة الناس ويجلس يبعسس ماعليها مني واصل هي وموضوع الهربه

رحاب: خلاص لاتغثيش وبعدا تشتي رأيي كم عتجلسي هكذا متوتره وخايفه

آية: مصطفى مش عارف

رحاب: طيب كلميه افرضي يعرف

آية: منين يعرف الا لو لقي وجدان

رحاب ضحكت :اصه لايسمعش بلال

آية: ماعلينا انتي كلميني ايش باقي معش تجهيزات تصدقي ماحسيت بفرحه عرسي مدري ليش.

رحاب : مش مهم العرس أهم شي الشخص اللي انتي معه العرس هو يوم والشخص هو العمر كله

آية: الصدق مصطفى يجنن روعه حنانه وطيبته تعامله الله عوضني به

رحاب: وانتي تستاهلي كل خير وهو محظوظ بش بنت في سنش وبقوتش هذه زوجه يفتخر بها

آية: الله يحفظش ويسعدش يارحاب
.
.


طالع في غرفه بلال ...





















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 84

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


طالع في غرفه بلال ...

بلال: مالش رزعتي الباب هكذا

وجدان: اول واخر من تزوج لقانه وزنط قله الولف

بلال: من هي ماحصل ؟

وجدان: ايج (آية بعصبيه)

بلال: خير ماقد فعلتي

وجدان بعصبيه: انا ماقد فعلت ؟ ليش مش هي اللي فعلت !! اسال اختك لو انا كذابه

بلال: طيب الان اهدأي شويه وبعدين نتناقش

وجدان: طبعا لانها مش آية اللي زعلانه اما انا طز فيني اهدا ومش هامك تعرف ايش

بلال: طيب ايش حصل

وجدان: بتمشيني على قد عقلي ؟؟

بلال قام وخرج من الغرفة: يا الله خارجني.
.
.

وقت المغرب..

آية: يله انا شاخطى ذلحين معي مذاكره وارتب البيت واجهز عشاء لمصطفى مسكين تغدى خارج

رحاب: تمام الله معش



وصلت بيتها رتبت ونظفت سوت العشاء وجلست تراجع وتذاكر اللي فاتها من محاضرات.
.
.


بيت خاله مصطفى ( امه اللي ربته)

مصطفى واقف في الباب

امه: ادخل

مصطفى: مستعجل بس جي يا اماه للباب بساعتي احاكيش

امه واقفة في الباب

مصطفى خرج فلوس وناولها

امه: يا ابني والله ان عاد الفلوس حق الشهر الاول معي خلي حاجتك قد معك بيت

مصطفى: الحمدلله خير الله ملان ، ماتشتي شي ياغاليه

امه: امانه يا ابني خلي آية في عيونك والله ان البنت طيبه ومسكينه انت داري ماقلت لك امس....!!

مصطفى: ماتقلي لي ؟

امه: البنت يتيمه ترحم ربتها خالتها ومن مرات التقيت بها احسها انانيه مافي حسها منها

مصطفى: قد لاحظت حين سرت بيتهم اسلوبها وكلامها ، لاتوصيني عليها وصيها عليا

امه ضحكت: الله يجبرني بك وبعيالي

مصطفى: ويخليش لنا هيا خاطرش

امه جلست تدعي له.

مصطفى شغل السياره ومشي وصل البيت دخل..

ياسلااام لما واحد قد معه مره قمريه يوصل ولقمته ولبسه وبقعته مرتبه اللهم لك الحمد

آية مستحيه ومبسوطه من كلامه مبتسمه له

مصطفى: انبسطتي اليوم؟

آية: الحمدلله

مصطفى: جاوووع مافعلتي

آية: فعلت فاصوليا ناشفه

مصطفى: هيا بسرررعه قربي

آية: يلا غير ملابسك وانا اجهز الأكل

مصطفى بممازحه: تؤمري ياعيون مصطفى
.
.

بيت بلال ..

بلال وصل وجلس نازل مع رحاب ماطلع

رحاب: مالك ضابح

بلال: يا اختي معي مره نكديه يوم تسلى وعشر ايام ضابحه تدور مشاكل مليت تصدقي ماعد اشتي اطلع

رحاب: الله يهديها بس

بلال: ماوقع اليوم ليش طلعت معصبه

رحاب: والله مرتك يا اخي فضوليه وكلامها مستفز وتعرف آية لقنه ماسكتت لها

بلال: ماناش داري ليش بتكرهها قد حاولت أتفهم غيرتها واحترمتها وحقها تغير بس زيدت بها

رحاب: تغير من ايش ياسعم البنت ولابتذكرك

بلال: خليها تسلى وتسد من نفسها..
.
.

بيت فاروق..

هاجر: بنتك بتتصلك بتسال عليك.

فاروق مطنش

هاجر: تزوجت ولاعد ذكرتك مانا مش انا مراعيه لها انا غاثيه عليك كيف باعتك وانت بتدي رأسك عليها

فاروق: مشغوله البنت فاتها شهر من القرايه

هاجر: واين اهم انت او القرايه بس عشان تعرف من بيهتم بك ومطنش لهم واللي مدي راسك عليها مطنشه لك

فاروق ساكت ورسل لآية رساله عتاب: عاد الناس يرسلوا على الاقل كيف انت يا ابي؟

آية اتصلت له وشرحت له وضعها مع الجامعه وانشغالاتها...

مصطفى وصل له اتصال من الخارج قام من الغرفه وخرج يرد..

آية كملت تكلم أبوها وقامت تدور فين مصطفى ..؟؟!
.
.

بيت بلال..

وجدان بتتكلم في التلفون سمعها بتتكلم: يعني ايش افعل معه ؟؟

بلال غلق الباب بعد مادخل وسمع اخر جمله: ولاتفعلي شي اجلسي بس اسمعي للي بيعلموش عليا

وجدان كملت المكالمه وقفلت بسرعه: مش انت داري شي ليش تتكلم هكذا سمعتك امي

بلال: قلت لش بطلي شكاوي للناس عيب عليش انتي الغلطانه ومش داريه بنفسش

وجدان: مش انت داري على ايش اول

بلال: واخر مره يخرج مواضيع تخصنا بتسمعي كل ما اقل ادي لش فرصه وان انتي بتزيدي بها وتكرهيني فيش

وجدان بتبكي: انت دايما مابتتفهمني تغيرت قوي كيف كنت اول ماتزوجتك

بلال: بالضبط يعني مش العيب فيني كنت حالي معش لكن الغلط دايما منش وماتشوفيه وتستوعبيه وتتغيري

وجدان: طيب كيف استوعب وانت بتفعل الشي اللي بيضايقني منك

بلال: براحتش اجلسي مواصله اللي انتي فيه وقتها عيقع شي مايعجبش.. تصبحي على خير سحب البطانيه ورقد
.
.

بيت مصطفى

لما كان بيتكلم

آية استغربت بيتكلم انجليزي

آية: انت هنا؟ قلت خرجت

مصطفى: قفل ، ايوه كان معي مكالمه شغل عشان طلبيه السيارات

آية: عادك اديتهن؟؟

مصطفى: لا بنتفق للدفعة اللي بعد

آية: اها

مصطفى: يلا جيت اتعشى.
.
.


ثاني يوم راحت الجامعه ورجعت وهو مشغول في العمل اكلت وجلست تذاكر..


المغرب..

مصطفى: اسف العمل ضغط عليا هذه الفتره

آية: يلا سهل انا وانت سافرنا وتراكمت علينا اشياء انا دراستي وانت شغلك..
.
.


بعد 9 شهور...























📚 @rewayatyamania 🇾🇪

البـارت رقـم 85

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بعد 9 شهور

آية: مصطفى مش انت ملاحظ من حين تزوجنا وانت اكثر ايامك شغل حاول تاخذ اجازه مليت لوحدي

مصطفى: ياروحي الصبر شغلي هكذا ما اسوي

آية: طيب وصلني على طريقك اسير افرح لمرة اخو رحاب

مصطفى حاول يهدئ ضبحها مسك يدها: وانا اي حين شافرح بش ويقع لنا جاهل

آية: مش اتفقنا لما اكمل الجامعه

مصطفى: طيب يقع لنا جاهل وادرسي عادي

آية: بس صعب والمحاضرات اين اطرحه

مصطفى: امي يجلس عندها الصبح وروحي ظهر شليه

آية: طيب شافكر

مصطفى: يلا تجهزي شاوصلش امد تشوفي الجاهل وتفكري بسرعه
.
.

بيت بلال ..

آية: ماشاءالله تجنن

وجدان بضبح: اكيد عتجنن دام واسمها آية

آية بنبرة فرحه: سميتوها آية

رحاب مبتسمه لها: ايوه

وجدان: لاتفرحيش يعني مش عشانش مابلا معانده فيني

آية مستغربه: وليش معانده فيش؟

وجدان ذكرت: هاه ولاشي

آية: يعني انتي كنتي تشتي اسم ثاني؟

وجدان: ايوه مايعجبنيش اسم آية

آية ضحكت: اهم شي انه يعجب ابوها

وجدان انصرعت وجلست ضابحه وقالبه وجهها منها

آية جالسه جنب رحاب: مالها احسها معي راس براس

رحاب: ابردي لش منها واصل وهي مابتسد مع رجلها قلي لي انتي كيف انتي تزوجت بعدش وقد ابني في الطريق

آية: ابردي مش هي مسابقه ماشتيش جاهل الا وانا فاضيه له حبيت الدراسه قوي كملت سنه اولى ومش مستعده اشتت نفسي ذلحين بمسؤولية

رحاب: وعادش صغيره كملي صدق والله انش ذكيه

وجدان: عيرجع يستغنى عنش اي وقت

آية: من هو ؟

وجدان: زوجش

آية: ليش !

وجدان: المره مايتمسك بها زوجها الا بجاهل

آية: يعني مالش قيمه عنده انتي ! بلال قال مايشتي منش شي غير جاهل !

وجدان: يو بسم الله علينا مابش مثلنا

آية: ماشاءالله عليكم ،

رحاب: متضايقه من الدخان والمدايع تعالي نسير الغرفه الثانيه.

آية راحت معها

رحاب: مالش اليوم احسش ضابحه

آية: ولاشي

رحاب: اعرفش

آية: مدري والله يمكن انا حساسه شويه من تصرفات مصطفى بس الله يهديه

رحاب: سهل الحياه تشتي مداراه

آية هزت راسها: ايوه

بعد المغرب وصل زوجها وراحت معه ..

آية: مصطفى مارأيك نخرج نتعشى مليت من البيت

مصطفى: من عيوني تمام

آية: بشرط

مصطفى: ايش

آية: ممنوع تلفونك في يدك ومكالمات شغل ومصايحه انت والعملاء واحنا في المطعم الوقت هذا لي ساعه من حقي نجلس وحدنا فيها

مصطفى: طيب ساعه بس لان معي اعمال مهمه والله

آية فرحت: موافقه ساعه ولا مابش

مصطفى: بس تبدأ واحنا في المطعم مش الآن

آية: طيب.

ماشيين في الطريق وقفوا جنب المطعم ونزلوا

آية بتطلع الدرج وهو بيمشي قدامها ويتكلم في التلفون مع زبون ..

طحست من 3 درجات ووقفت على حافة الدرج فيه مسمار الكل سمع صوتها واللي يناولها فاين ..

آية بتشوفه سبقها وهو فوق بتتصله تلفونه مشغول

المحاسب قرب لها الكرسي جلست وضاغطه على الجرح بفاين..

شافت الطابق الارضي كله رجال

قامت وخرجت بتمشي خطوه خطوه بتعرج برجلها وراحت تنتظر جنب السياره مرت 10 دقايق وماحس على وجودها معه منشغل بالتلفون.

مصطفى كمل يتكلم بيتصل لها: وين انتي ؟؟

آية: منتظره لك جنب السياره

مصطفى: بتمزحي؟ طلعنا سوا او زعلتي لاني كنت اتكلم مش اتفقنا..

آية قاطعته: مصطفى اول جي افتح لي الباب مش قادرة اوقف برجل تعبت

مصطفى: خير فيش شي

آية: ايوه

مصطفى: ايش حصل ؟

آية: لما تجي عتعرف وقفلت.

مصطفى قام ونزل وصل عندها: خير ؟

 آية: طحست ف الدرج ولما وقفت جت رجلي فوق مسمار

مصطفى: امانه صدق كيف ماحسيت عليش

آية: ايوه انت كنت بتتكلم

مصطفى: يوه عتزعلي مني الان صح؟

آية سحبت المفتاح من يده وطلعت السياره

مصطفى راح من الجهه الثانيه وطلع السياره : داريه انش غاثيه مني لاتزعليش

آية: مش زاعله

مصطفى: كانت مكالمه والله مهمه يرضيش احتبس

آية: لا

مصطفى: هكذا بدون نفس

آية: مصطفى والله تاعبه مابش نفس اتكلم

مصطفى: يو والدلع وين القوه والهنجمه قلك تاعبه هي طحسه من الغنج..

(( اوقات القوه اللي تظهر علينا من الخارج تسبب هشاشه قويه من الداخل ))

آية: طيب

مصطفى: خلاص شكلي ثقيل دم وانتي هكذا ضابحه  اسكت احسن لوما تروقي

آية ساكته..

مصطفى: جابريني

آية: عن ايش؟

مصطفى: كيف الجاهل

آية: هي بنت

مصطفى: ايش سموها؟

آية: آية

مصطفى ضحك: اخيرا روقت وبتزبج

آية بجديه: سموها آية مازبجتش

مصطفى: وحقي ايوشي غاثيه مني

آية: لا ماغثيت بس رجلي بتوجعني

مصطفى: سهل ذلحين نوصل البيت وترتاحي

آية: طيب


بعد دقيقه

آية: وقف هنا

مصطفى وقف: ايش؟

آية فتحت باب السياره:...



















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 86

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بعد دقيقه

آية: وقف هنا

مصطفى وقف: ايش؟

آية فتحت باب السياره: شانزل المستوصف

مصطفى نزل جنب السياره ووقف وصل وهي بتجارح رجلها

مصطفى: اوف والله نزفتي خيرات شكله الجرح عميق

الممرضه: لازم تضرب إبرة تسمم

مصطفى: طيب.


بعد ماخلصت طلعوا السياره كان ساكت ماتكلم بشي.


في البيت..

مصطفى: انا اسف

آية: على ايش؟

 مصطفى: ماكنت عارف

آية: طيب عادي حبيبي ليش مكبر الموضوع

مصطفى: تحتاجي شي؟

 آية: لا تسلم

مصطفى: طيب هذه الأوراق نديهن ونجي نشتغل جنبش تعرفي تزوير التوقيعات

آية بتمازحه : لهذه الدرجة مستخف بي

مصطفى: يوو نسيت ان مرتي شريعه وقانون هيا ابسري كيف انا بريء في متهم يجي يتحاكى هكذا قبال اصحاب القانون

آية: و انت بتستغل حبي انا مش اي حد قانون

مصطفى: آية لو حصلت قضيه وجاء خصمي معش يوقف في المحكمه عتدافعي معه ضدي؟

آية: لما تحصل شاقلك من وقتها

مصطفى: ليش؟

 آية: لانه لو ادخلك في هذه المواضيع بكون انسانه ماتستحق ولا قد ثقه اليمين اللي بتحلفها في المحكمه

مصطفى: تعجبني جواباتش فلسفيه تغطسني البحر اغرق اصطاد الجواب الثمين اللي فيه وارجع

يعني من حبش لي ووقفتش معي تخافي تخالفي اليمين ومهنتش !!

آية ضحكت: ايوه بس

مصطفى: بس ايش ؟

 آية: ولاشي خلاص غير الموضوع هذا مالك بتفاول

مصطفى: هو صدق يكفيني الشغله ووجع الراس لو تعرفي يا آية على تعب هذا الشغل

آية: طيب غير الشغل معاك رأس مال

مصطفى: ماقدرش قد معي سوقي وماشي على الطريقه ومعارف وزباين صعب ابدا من جديد من الصفر

آية: انت اللي بتصعب على روحك هو صح كل شي يشتي وقت وجهد بس عادي هو نفس التعب بس الفرق بعدا عترتاح لانه شغل مريح.

مصطفى: اوعدش لما افقد صبري واعصابي اعتزل

آية بتساعده وترتب الأوراق معه: مصطفى مش ملاحظ ان هذا الشغل شاغلك عن بيتك واهلك

مصطفى: عارف بس الصبر

آية: انا صابره عادي بس احلى لحظات عمرنا مش حاسين بها عنكمل سنه وانت تخرج الصبح وترجع الليل

مصطفى منشغل بالأوراق سارح شويه: ها كيف قلتي ياروحي

آية: قلت امسك هذه الاوراق رتبتهن دبسهن ووقع

مصطفى: ايوه هولا لازم نسخه لأنهم بيرجعوا ينكروا ويضيعوا اطبعها وبعدا ادبس..

آية قامت من جنبه وفتحت مسلسل وجلست تضغط حول الجرح عشان يهدأ ..
.
.


بيت فاروق..

هاجر: كيف تقاعدت ليش؟ عاد باقي لك في الوزاره سنتين

فاروق: مابش سنتين ولاشي

هاجر: وكيف عتفعل

فاروق: ولاشفعل شي نعيش بقدر راتب التقاعد

هاجر: يهي يهي قلك راتب التقاعد بعقلك انت

فاروق: سيري عند جهالش وخلي لي حالي

هاجر: قلدك الله عاد انت عترد الموضوع فوقي بدل ماتقلي اعرفي امور ولا انقص عليش شي 

فاروق مطنش وجالس يتفرج الأخبار

هاجر: كل الناس معاهم وانت كل اللي جمعتها قمت تعرس لبنتك وتكسيها

فاروق: انا الا وفيت لها

هاجر: ياسعم عيدفعوا في بنتك كل هذك الزلط تشتي اصدق

فاروق حاسس بخنقه عصب رجم الطفايه حق السجاير: افتحي الطاقه واخرجي من هنا

هاجر: تقاعد ومجنانه الله يعينني ماقد بسرت معاك يوم ساع الناس ربيت لك بنتك ونكرتني خليتها تقل ادبها عليا وبتعاملني غريبه ولاحتى اتصال من يوم ما..

فاروق قام وسحبها وخرجها من الغرفه وقفل على نفسه بالمفتاح.
.
.


ثاني يوم الصباح...

مصطفى: آية..آية

آية فتحت عينها شافت الشمس لعيونها: يوه كم الساعه.

مصطفى: الساعه سبع ونص

آية قامت بسرعه: معي نص ساعه يارب الحق مشيت خطوتين..
وجلست

مصطفى: مالش ؟

آية: رجلي بتوجعني

مصطفى: خلاص لاتسيريش ارقدي

آية حست بكسل: طيب

مصطفى كمل يتعطر: انا خارج العمل لو تشتي شي اتصلي بي

آية: ارجع افعل لي تلفون خاص بي

مصطفى: عيوني لش اوقع لش تلفون لو تشتي
.
.

بيت فاروق

هاجر بتدق باب الغرفه: فاروق سير ادي دبه غاز نفعل الصبوح... بتدق الباب.. معصبه فاروووق جحفه لك حين تحنق وترقد افتح نشتي غاز

هيا والله ماتعرف افعل لقمه اليوم لوما تبطل هذه الطبيعه
.
.


بعد العصر بيت آية..

آية جالسه تذاكر وتقرأ كتب رتبت غيرت في البيت اتصلت بمصطفى تسأله اذا تغدى كعادته مارد

ام مصطفى اتصلت لها..

آية: بس انا ماعرفش ام فؤاد

ام مصطفى: بس يابنتي هو موت ابدي معي نعزي وبس خلي مصطفى يديش ويوصلنا

آية: حاضر شالبس واجي انا مابحد مصطفى
.
.


بعد ساعتين في بيت فؤاد..

آية جالسه مع عمتها عند النسوان حق حارتهم وهن بيتفرجين

ام سام: ماشاءالله سبحان مغير الأحوال

آية ماردت مطنشه

ام مصطفى: اسكه يابنتي ادي لي ماء حاسه حلقي يابس

آية قامت استحت تطلب ماء خرجت تشتري بسرعه من الدكان اللي جنبهم كانت تمشي وهي بتعرج شويه..

 اخوها شافها عند البقاله سلمت عليهم وحضنت خواتها وجعلت لهن ورجعت بيت العزاء






















📚 @rewayatyamania 🇾🇪