البـارت رقـم 87

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت فاروق..

اخوتها رجعوا: ابسري كم جعلت لنا آية ملان كيس جعاله

هاجر: جعلها عمى ماداها

ابنها: مدري سارت رجعت بيت الموت

هاجر بلقانه: من اي حين هذه تعرف الواجب والعزاء الصميل قد معها من يخطيها ساع الالف قامت لبست البالطو وتجهزت تخرج تعزي

ابسر ابوك لو قام جي ادعيني لايفعلنا مشكله اليوم كما قدو بيخرف ويجنن الله يعيننا عليه.
.
.


بيت العزاء

ام سام: ومالش بتعرجي او واحمه

ام مصطفى: مابلا وجعت رجلها بالمسمار

ام سام: ابسرتي كيف الله مايفلت حق حد

آية منحرجه قدام النسوان كلمت عمتها: هيا نخطى يكفي الواجب قدو زياده

ام مصطفى مسكت ضحكتها: هيا يابنتي

ام سام: مسكينه عمتش ماقد عرفتش الظاهر

فتحت المقرمه ( الحجاب): هذه العلامه حق مرة ابنش لاكانت تعرف صغير ولاكبير.

ام مصطفى ماردت عليها ولا لفتت لها مشيت لاعند ام فؤاد عزتها مره ثانيه وخرجين.

في الباب لقيت هاجر.

هاجر: قلت ماجيتي تبدي عليا ولا على ابوش قلت اجي اسلم عليش

آية لفتت وراها تشوف بتكلمها والا بتكلم من ؟

هاجر: مالش قد انتي هكذا ترحمي مبلوده وبتعرجي لفتت لأم مصطفى: جاء من يخرج حقي

ام مصطفى لفتت لآية: ماللاوادم اليوم؟؟

آية: هي حارتنا وخبيراتها كلهن نفس العينه.

هاجر بعصبيه: يو يو بتتكلمي معي هكذا؟ ؟

ام مصطفى مشيت مع آية..

هاجر رجعت من باب بيت الموت وراحت لبيتها وصلت واقفه ورا الباب: هيا ابسرت مالك اي قيمه عندها جت للحاره ولا تبدي تقول كيف ابي ولاتبدي تسلم عليك وانت قرحت قلبك في هذه البنت وكرهتنا عيشتنا عشانها وبعدا من اي حين بتحنق هكذا مش عوايدك تطول بترجع تخرج تقلب البيت فوق راسنا..
.
.

بعد المغرب..

آية بعد ماوصلت عمتها بيتها رجعت البيت ودخلت كملت تصلي وحاسه بضيق تذكرت كلام ابوها لما جاء عندها قبل يومين يتغدى ووصته لايكلم هاجر بتواصله مع آية ابدا عشان تريح راسها من جياتها وروحاتها لبيتها اتصلت له عشان تقله انها جت للحاره ومادخلت تسلم....
.
.

بيت بلال

رحاب: مابش 7 شهور من الجنان عاد انتي وفيتي 9 شهور وانا واحمه يعني سنه وثمانية أشهر

وجدان: ناهي لاقد تقاتليش اول تولدي بالسلامه وبعدا احسبي بالملي محد داري مايقع بش بكره

ام بلال: يو اعوذ بالله منش ومن فالش الله يحفظ بنتي ويقومها بالسلامه

وجدان: ماناش داريه ليش بتفهموا الواحد عكس

بلال: اجلسي ريوسي بالحكا وبعدا قلي ليش بتخطوا عكس وتفهموا عكس حد يتكلم هكذا

رحاب بمزح بتحاول تلطف الجو ابتسمت طز فيش يامرت اخي: اخلي عدوتش تفرح لي والله ماعيفرح لي حد ساع ما آية  شاتصلها ذلحين
.
.


بيت فاروق..
هاجر: والله انه قدو جنان ماخرج يصلي دقت الباب دقت ولافي فايده حاولوا يكسروا المغلقه هي وابنها وزاد قلقها لما شافت ماصيح ولافتح..

دخلوا وهو في الأرض ابنه شاف تلفونه بيرن جاوب وهو خايف بيرتعش:

آية: مالك ماتجاوب مراعي امك تعلمك

هاجر بتصيح مات والله انو مات يووو ياغارتاه

اخوها بيصيح: ابي مات ؟؟!

غلقت وبتعيد تتصل عشان يجاوب ابوها كانت في صدمه مش مستوعبه مابيرد ابوها بيرد اخوها وتسمع صياح قفلت وبتتصل لمصطفى...!!

مابيرد وبيكنسل وتعيد تتصله بيكنسل

رحاب بتتصل ردت وهي بتبكي: رحاب جي لي ذلحين مش قادره اوقف ارجلي يبسين ابي مات
.
.


بيت بلال..

رحاب: آية مالش ؟؟ آية صلي ع النبي اهدأي مابين افهمش

بلال قام من مكانه وسحب السماعه: الو  ؟؟

بتبكي ماقدر يسمع منها كلمة

بلال لفت لرحاب: ايش قالت لش؟

رحاب بزعل: ابوها مات بتقلي جي لي

بلال: قومي البسي بسرعه

وجدان: ياسلام وين زوجها ؟؟؟؟


















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 88

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


وجدان: ياسلام وزوجها وين ؟

ام رحاب: وانتي ماعليش من زوجها

وجدان سكتت وجالسه متوتره بتشوف بلال قام يدور مفتاحه ويلبس الكوت: يعني ماعتطيرش الدنيا خلاص مات الله يرحمه ويعصم قلبها بس مالكم بتحلقوها هكذا

رحاب: يا اختي اتقي الله على قلب معش حين تتحاكي هكذا وهو موت

وجدان معصبه من دفاعهم واصل عنها: ياسعم غاثيه عليه ؟ قد شبعها دنيا هو وخالتها

بلال: حسبش الله من مره الرجال مات يانكد ياهرم هيا رحاب اخطي معي وخرجوا

وجدان: بتبسري ابنش ياعمه من حين تزوجته وانا متحملته ومتحمله طباعه ومزاجيته هذه واصل وهو قلبه بيطير لاقد به شي عند آية

ام رحاب: تشتي الصدق والله ان ابني اللي قد تحمل خيرات جننتيه بعدا لو كان مش مهتم واهتم ذلحين فهو من دحسش واصل وانتي بتطرحي الفكرة في راسه

وجدان: حتى انتي معه واقفه والله ان انتي بتظلميني

ام رحاب: ابسري يا وجدان شاقلش شي اخته قبل مانخطب جلست ساعش هكذا تقول ليش مهتم بها او عينك عليها ومن قبل مايخطبش رافض ويقول مع وواصلنا خطبه وخطبنا وزوجنا ومش هو خايف من حد كان يقدر يتحاكى ويقل اشتيها لو يشتيها لذلك صلي على النبي وتعوذي من شيطانش واوبهي لزوجش وبنتش هو بيعاملها لله في الله .

وجدان مطنشه وبتهز بنتها ..
.
.


آية لبست وجالسه في الشارع واقفه سارحه وبتبكي

وصلوا بلال ورحاب طلعت معاهم ومشيوا

بيت فاروق قد جمعت هاجر الجيران واتصلت لاخته وزوجها وعيالها واخوتها

آية وصلت ورحاب دخلت معاها خايفه عليها

بلال في الحوش هو و سام و زوج اخت فاروق

بلال: ماحصل ؟

سام: الله يرحمه اكيد سكته

فجأه سمعوا صياح


داخل البيت

هاجر: قتلتي ابوش ياعاصيه والديش قرحتي قلبه افتهنتي ماخليتي له حاله الله ينتقمش

آية مصدومه: ليش ماله ؟؟! ايش حصل !

هاجر: والله لاحبسش انتي السبب

رحاب: مالش انتي والدوشنه وقله العقل عاد دمها من دمه تحاكي ساع الناس هذا ابوها

اخت فاروق بتبكي وتمسح دموعها: او وكلوش محاميه لها

آية تشتي تدخل للغرفه

هاجر سحبتها ودهفتها: مابش دخله والله ماتشوفيه قتلتيه وذلحين تشتي تدخلي تحرقي قلبه وتبكي جنبه

آية ماقدرت تتحمل انهارت وجلست في الارض بتبكي قوة وصبر السنين كلها خرجت هذك اللحظه حست راح سندها وراح اللي اخر فتره بدأ يدافع عليها ويحميها..

رحاب: ادين ماء بتتفرجين هكذا اعوذ بالله ع قلب معاكم حسبي الله فيكن ونعم الوكيل

هاجر رجمت لها قارورة الماء: قد شبعنا من هذه التمثيليات

رحاب حاولت تفوقها شويه وتهوي لها: حتى انتين !
( لفتت لام سام والجيران)

ام سام بتشاور رحاب: لاتعتبي عليها هي غثت ابوها وبسببها وقعت له سكته

رحاب حاولت تسند آية وخرجتها من البيت

بلال شافها ماسكه آية خرج وراح يقرب السياره للباب

كان الكل مستغرب ايش حصل بعد الصياح وليش خرجت بنته..!!

طلعوا السياره..

رحاب بتحاول تهديها

بلال وقف عند مستشفى: هيا نزليها

رحاب: مارأيك ترجع البيت يمكن ترتاح

بلال: اول يدولها مهدئات بتبسري مش قادره تتنفس

آية: لو سمحت يابلال الله يحفظك اتصل لسام يخرجوا أبي المستشفى الان اشتي اعرف سبب موته

بلال: ومادراهم وقد مات الله يرحمه ، آية صلي على النبي خلاص الله يرحمه

آية بتبكي: لو سمحت بين اترجاك اشتي اعرف سبب موت ابي مش قادره والا كنت شليته غصب بنفسي بس تاعبه اتصله ذلحين خليني احاكيه انا

بلال: خلاص تمام

رحاب: طيب اول ادخلي وبعدا سهل عيتصله



بعد ساعه..
وصل مصطفى البيت بيدورها مش موجوده اتصل لأمه قالت له قد رجعت مغرب حس بقلق بعد ماشاف هذه المكالمات المفقوده كلها

بيتصل محد رد عاد الاتصال محد رد

كان التلفون في شنطه آية و صامت ، اتصل بابوها التلفون طافي ضبح  وقت يا آية الحركات هذه انا داري انه عناد منش حين ماجاوبتش شاوريش العناد كيف...

دخل اتعشى وامتد من تعب الشغل ونعس
.
.


في المستشفى..

بلال شاف الدكتور خرج: خير يا دكتور مالها؟

الدكتور: يمكن وصلها الموضوع بطريقة مفاجئة وقع لها انهيار عصبي عتاخذ مهدئات الليله وبكره تروح عادي مابش شي

بلال: شكرا

رحاب بعد ماشافتها رقدت خرجت لاعند بلال وتلفون آية في يدها شافت اتصالات من مصطفى: يوو يمكن زوجها قلق عليها ها حاكيه اتصل له

بلال معصب: قلق بدري عليه وين هو من حين ماعرفت الخبر

رحاب: اصاه لاتسمعك اوش وطي صوتك خلاص شاتصل انا

بلال: ولاتتصلي ولاشي اذا هو قلق ماعيوقف اتصالات خليه كما اتصل وقد قامت تحاكيه هي

رحاب: بلال مش وقت معانده مش هو داري ماوقع خلينا نحاكيه مايسبرش احنا اللي اسعفناها

بلال طنشها ومشي: أفعلي ماشتيتي

رحاب مستغربه من موقف بلال وعصبيته اتصلت بمصطفى مابيرد...

رجعت اتصلت لزوجها تستاذنه وتبقى مع آية






















📚 @rewayatyamania 🇾🇪

البـارت رقـم 89

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


الفجر..

مصطفى نكز كان راقد بدون وسادة ولا غطاء شافها مش موجوده زاد قلق شاف تلفونه اتصال منها !!!

اتصل بها

رحاب ردت عليه

مصطفى: من معي ؟

رحاب: صاحبه آية رحاب

مصطفى: خير وين آية قلقت

رحاب: امس وصلها اتصال توفى ابوها وانهارت واديناها المستشفى

مصطفى: اوف اوف اوف اي مستشفى الان جايي

قام وهي بتكلمه لبس بسرعه وشل مفاتيح السياره وخرج

بلال نكز عشان يصلي فجر

وجدان بترقد بنتها: اتصلت رحاب قالت حين تقوم تسير تديها زوج آية وصل

بلال: جنه له عادو ذكر

وجدان: ساكته
.


في المستشفى..

مصطفى واقف بيصيح انقلوها غرفه خاصه الان

بلال وصل وهو بيصيح بينه وبين نفسه منتقد موقف زوجها : السلام عليكم

مصطفى: وعليكم السلام

بلال اتصل برحاب وخرجت

مصطفى عرف ان بلال مع رحاب لما خرجت: العفو منك ماعرفتك يا اخي الف شكر تسلموا

بلال: مابش شي الله يسلمك وعظم الله لكم الاجر

مصطفى: اجرنا واجركم عظيم الله يبارك فيك ، مسك صدره  اي خدمات؟

بلال كان نفسه يقله: انتبه لآية ماعد معها الا انت بس رد: تسلم الله يبارك فيك.

الممرضة: مابش داعي لغرفه خاصه خلاص روحها البيت بس يحتاج لها هدوء وتبعد عن المشاكل لان الصدمة اثرت عليها وكتب لها الدكتور مسكنات في حالة رجعت لها الحاله

مصطفى: تمام.
.
.

بيت فاروق

اخت فاروق: لو عاد تبدي هذه البومه لاخرج اللي في قلبي

واحده من جارتهم: اتقين الله وانتين بدل ماتهدين وتصلحين بينهن اجله محد بيقتل حد بسبب وهي بنته

هاجر: بنته ماقلنا شي بس قرحت له قلبه واصل المشاكل بسببها زلطه تمها فيها وهي ولاحسها فيه قدو ملان منها كان عيقرح.
.
.

وصل فوق السياره..

بلال رد على سام: ايوه

رحاب منصدمه منه متوتر رايح جاي ورجع ضرب ع السياره: امانه اسألك بالله كيف هذا الخبر ؟؟ كيف مش داري يا الله ، حسبها الله مرته بس.

لو تعرف آية والله لاترفع عليها قضيه الان.

رحاب: ليش ايش حصل؟

بلال سارح بيفكر ايش عيحصل ماعيكلموا آية : رحاب راعي شانزل لاعند آية

رحاب فتحت باب السياره: ايش في تكلم اول؟؟

بلال بيسرع وهي متوترة مش فاهمة شي

وهم خارجين ..

مصطفى: انا اسف اسف والله ياروحي مش داري ما اقلش

آية بتبكي: مصطفى لو سمحت مش وقت لاتتكلمش بشي مشتيش اسمع ولاشي ورجعت تبكي

مصطفى: خلاص هيا اين القوة حق حبيبتي اين الشجاعه اين اللي هي سند ودعم لي قوا حبيبي لايبسروش هكذا عترجعي المستشفى

آية سكتت بتمشي وهي بتدمع 

بلال وقف وهي ومصطفى خارجين نسي انها جنب زوجها كان متحمس قوووي للموضوع: آية لو تبسري ايش.. سام اتصل وشلوا ابوش المستشفى يعرفوا ايش سبب الوفاة مثل ماطلبتيني ..!!

ابوش عايش ي آية

آية صاحت وبترجف: كيف عايش كيف بتكذب عليا يعني

مصطفى منصدم: مادراك انت؟  كيف عايش

بلال: عتشرحلك آية لوماتسير وتفهم القصه طلع فيه جلطه في الدماغ كان في غيبوبه ومرته جاهله غبيه فجعت جهاله وضيعت وقت كان عينقذه

آية متشنجه ومعصبه: ماخلتنيش اشوفه لو خلتني كنت شاعرف... اين أبي اي مستشفى هو ؟

 بلال: كلمهم و ادى لمصطفى رقم سام يتواصل معه.
.
.

فوق السياره

مصطفى: كيف بيتكلم معش هكذا براحته وكأنه يعرفش

آية: ايوه  يعرفني اخو رحاب هذا

مصطفى: انا داري انه اخو رحاب بس متعوده تتكلمي معه؟

 آية: ايوه وبعدا هو كان مدرس في المعهد اللي درست فيه و..

مصطفى: خلاص ياروحي ماطلبت تبرير ولا توضيح اكثر انا بس استغربت كيف عرفش وكلمش هكذا

آية: طيب اسرع قوا  قبل ماتوصل العقربه مرته
.
.


في بيت فاروق

اخته: يو حسبش الله ياهاجر الله لاوفقش ولارضي عليش كان عتدفني اخي وهو حي والله لاكل من كبدش مش هكذا احنقي منه انتقمي منه طريقه ثانيه مش تقتليه وهو عايش

هاجر: تشتوا تجننوني ابسرته ميت كسرت الباب ولطمناه فوقناه ولاحركه اخوش من حين قفل ولا سمعنا له حس

جلسين يتصايحين والنسوان يفرعين ويهدأين بينهن شافين الوضع متوتر كانين يخرجين من البيت وهن واخذات موقف من هاجر انها قاتله وانها السبب ورجعت العذر لآية وكيف سخيت عليها ..

بعض نسوان معاهم معاهم عليهم عليهم هؤلاء النوع من النفاق كوارث بشريه

هاجر: اسكه ابسري ابنش أساليه اين هم اسير
.
.

في المستشفى ..




















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 90

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في المستشفى ..

آية: ايش حصل له بالضبط يادكتور لأني اشتي الموضوع بالتفصيل عشان يتسجل قانونيا

الدكتور: المريض حصل له جلطه في الدماغ والسبب ارتفاع ضغط الدم

آية: بس يادكتور ابي ولافيه شي لاضغط ولاسكر ولاحاجه بخير

الدكتور: قد يكون مر بأزمه عصبيه وارتفع ضغط الدم ولو شخص مدخن هذا عامل ايضا..

آية حست بتشتت لأن كل الأسباب اللي قالها موجوده بس اي واحده فيهن السبب الرئيسي لمرضه

الدكتور: للأسف انشل عنده النصف الأيمن من جسمه

آية وهي بتبكي: الحمدلله على قدره ولطفه اهم شي انه بخير.

مصطفى حط يده حول كتفها وضمها وحبها فوق راسها: الحمدلله ياروحي الله لاكسر لش قلب.

هاجر وصلت هي واخت فاروق: يهي يهي بتبسري نور ومهند قلت لكم ممثله

مصطفى وقف قدامها: من تقصدي؟

هاجر حست بخوف لما شافت ردة فعله: بنتجابر مجبر نسوان او ممنوع

مصطفى تنرفز من ردها عليه للممرضه: لو سمحتي المريض يشتي هدوء ومثل ماسمعتيهن جايات يتجابرين

الممرضه: لو سمحتوا مرافق واحد يبقى مع المريض.

آية: انا بنته شاراعي هنا جنب غرفته

الممرضه: خلاص لو سمحتين

هاجر: وانا مرته

الممرضه لفتت لآية : ممكن تحلوها بينكم وتسدوا واحد يبقى بسرعه هنا جنبنا عنايه مركزه لازم هدوء للمرضى

آية معصبه: قلت انا شبقى وبس الموضوع فيه جنايه وهي قاتله خرجوها لاتتحاسبوا معها

هاجر واخت فاروق بدأين الصياح والتبريرات

جوا الأمن وخرجوهن وبقيت آية.

مصطفى: مارأيش انا اروح عشان تجلسي هنا مايخرجوش

آية انصدمت من موقفه: براحتك.

مصطفى: واي شي تشتيه اتصال بس رنة وتلقيني قدامش

آية: طيب

مصطفى خرج اشترى لها عصير وبسكوت ورجع مشي.


وصلت باب بيتها معصبه وبتتوعد آية ماتسكت لها

سام انحرج من اصحاب واقفين: اهدأين وداخل تقالعين الله يحفظكن هنا بتبسرين الناس

هاجر: والله ماعد في حسي من مخلوق عتجنني اليهودية هذه انا قتلته وترفع عليا قضيه! مصدقه روحها ، سام قوا يا ابني اشتي منك خدمه تسير تدور لي محامي ذلحين والله ما افلت لها يوم

سام: ليش ماحصل ؟

 هاجر: بتتهمني قتلت ابوها

سام بأسلوب واخذ الموضوع عصبيه: هو الا مجبر نسوان

هاجر : ماشي ، لو ماتقدرش انا شانفع روحي هو ماطلبتك الا حين اخوتي مش هم حق مشاكل ولاعينفعوني

سام ضبح من عنادها: عماد ..ياعماد
.
.

في بيت بلال..

بلال: من يصدق اللي وقع اليوم !! امانه ان هذه البنت صغيره بس سمخه كيف بتفكر

وجدان: ياسعم اخترعت الذره طبيعي تقل يشلوه مستشفى يعرفوا سبب الوفاه هذه مهرتها مشارعه قلك محاميه

بلال: ماعليا من عملها انا اقلش ماشاءالله والتفكير وهي منهاره وكيف صممت لو ما هي ان قد دفنوه وهو حي

وجدان بعصبيه: سير اشتري لبنتك حفاظات وشامبو وبودر

بلال: معاها لليوم؟

وجدان: ايوه بس اشتري نطرحه احتياط

بلال: انا تاعب الآن بعدا

وجدان: مالآية مابش تعب انا وبنتي تاعب وبعدا وبكره وبعده

بلال ضبح من تصرفها خرج تلفونه شاف منها مكالمه مفقوده واتصل لآية: العفو يا آية كان صامت طمنيني كيف الوالد ماقالوا وانتي صحتش تمام

آية: ايوه تسلم اتصلت اتشكرك لوما انت واتصالك لسام ماكنا درينا ان ابي عايش

وجدان معصبه وجالسه تدق اللوحة في الجدر عشان لايسمع

بلال وقف: انا شاخرج اكلمش سوا مابين اسمع هنا

وجدان بتأشر له وين ؟

بلال سحب الشميز حقه من الدولاب وخرج.
.
.

قدام بيت فاروق..

عماد بعد ماسمع القصه: مانقدر نسوي شي ذلحين لوما تقدم شكوى

هاجر: خلاص ابدأ انت قدم الشكوى  !!

عماد: الان فكروا كيف يمكن بعد الصدمة وقعت المشكله عتهدأ بكره ويتغير الوضع

هاجر: المهم لو ناويه للمشاكل مابش معي شي فاضيه لها شاحاكيك

عماد: ان شاءالله خير ذلحين تطمنوا على سلامته وبعدا خير

مشيوا سام وعماد من جنب بابها وبعدا جلس يستفسر منه ايش حصل وليش هكذا وقعت المشكله !





















https://tttttt.me/rewayatyamania/39767





📚 @rewayatyamania 🇾🇪

🖤


بـارتـات يومنـا الاربـعـاء👆🏻😍

البـارت رقـم 91

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في المستشفى..

آية منصدمه في موقف مصطفى ليش تغير ! ليش بعيد منها ! ادت له اعذار كثيره عشان شغله بس في مواقف اخيره حصلت بينت لها انه الموضوع مش موضوع انشغال !! ايش غيره منها؟  معقول عرف شي عن مشاكلها وتغير ! حتى لو مايبرر له هذا الشي انه لايصارح ولايعاتب ويتغير!

طيب ليش ماغار عليها قامت تعوذت من إبليس وتفكيراتها وبتتمشى في المستشفى نزلت تشتري ماء رجعت وبلال واقف.

بلال: ظنيت ان انتي رجعتي البيت

آية: لا

بلال: ذلحين ماعتسوي شي وممنوع الزياره لما يخرج غرفه لحاله روحي ارتاحي

آية: ماتفرفش هنا تعب وقفه وهانك تعب تفكير

بلال: وين زوجش

آية: روح منعوا المرافقين ماغير واحد

بلال: محد حاكاني دخلت عادي ومش هو وقت زياره

آية غيرت الموضوع: اليوم تعبتكم معي انت ورحاب

بلال: الصدق اليوم اللي حصل شي عجيب ولا في الخيال

آية: الحمدلله الحمدلله

بلال: والله انه لش الفضل بعد الله ماشاءالله على ذكائش قد اليوم طننت وجدان حين قلت لها تصرفش

آية واقفه ومربعه يداتها وبتتفرج له نظرات تشكيك: وجدان تطنن (ضحكت ) قل امك شاصدق

بلال: امرضتني الصدق جننتني واصل مشاكل ودحس

آية: الله يعين قدو هذا نصيب الواحد لازم نصبر..

بلال: لا والله مايقع صبر مره تربي مره اوريها الغيره سوا

ذلحين اسمعي جيت أقلش سدي انتي وخالتش وتقرصين العافيه ابوش تاعب مش هو حق مداحسه بينكن

آية: وماوصل خبرها لاعندك ؟

بلال: سام اتصل بي وقد قيمت القيامه ومش انتوا ناقصين مشاكل ومرض والرجال عايش

آية: انا قد سكتت لها خيرات ماذلحين والله ماسكت

بلال: عشان أبوش يا آية وانتي اخبر انا جيت وصلت الموضوع وانتي فكري بعقل

ماتشتي شي؟

 آية سارحه بتفكر في كلامه: تسلم الله يحفظك

بلال مشي .
.
.

ثاني يوم..

مصطفى وصل ومعه صبوح: هيا صبوح حبيبي

آية: مشتيش هنا نروح البيت لانه ممنوع الزياره طرحت رقمي يتصلوا لو عيخرجوه وانا شاكون اتواصل معهم

مصطفى: عين العقل كان هيا روحنا البيت

آية: وشغلك

مصطفى: اليوم مابش مزاج للشغل صراحة قلت اجلس ارتاح

آية: يعني عادي تجلس !

مصطفى: مش عادي بس اليوم قلت افعل لي راحه

آية جالسه تعاتبه داخل نفسها: امس رجع اخو رحاب يقلي خالتي تشتي تقدم شكوى ..جلست تحكي له ايش اللي حصل..
.
.


بيت بلال..

بلال قام الصبح ومش موجوده وجدان..

كمل يلبس ويتجهز نزل فكرها سبقته تسوي صبوح

امه: مالها مرتك من صباح الصبح بكرت حانقه

بلال: هااه هي حانقه

امه: ايوه

بلال: خلاص خليها على راحتها تحنق لوما تعقل ترجع من نفسها

امه: يا ابني انت زيدت بها الصدق مايسبرش اللي فعلته قد حاكتني

بلال: محد يحاكيني منها رجاء انا شاوريها كيف تتعلم العقل سوا
.
.


في المستشفى..

وصلت هاجر وناويه لآية تبهذلها قالت لها الممرضه انها روحت ..

اخت فاروق: يو على ملعنه في البنت فلتت ابوها وسارت

الممرضه: المريض فاق عننقله للغرفه بس يشتي هدوء رجاء وماتتعبوه بالكلام

هاجر: تمام..

بعد مادخلت الغرفه وبتكلمه

هاجر: الحمدلله على سلامتك

فاروق ولسانه ثقيله وببطء: الله لا سلمش ..جلطتيني افتهنتي..!

هاجر: طول عمرك ناكر النعمه وهذا عقاب اللي ينكر مرته بعد العمر هذا كله

فاروق: حسبش وامرش الى الله

هاجر: مابلا تغير طباعك ماعد شارضاش انا بالبهذله واصل بنتك وهي بنتك فلتتك وانت هكذا وسارت لها مع زوجها !!

آية سمعتها وخرجت تدور الدكتور وطلبت تتكلم معه

الدكتور: نعم تفضلي

 آية شرحت للدكتور خطوره تواجد هاجر ومشكلاتها وانها السبب في اللي حصل لابوها ونسقت مع المستشفى يغيروا غرفته ويرفضوا زيارات

هاجر ماكانت انتبهت لوجودها في الباب شافت الممرضه دخلت وطلبت الكل يخرج من الغرفه طلبا لأوامر الطبيب..

هاجر ماصدقت تخرج وتتهرب من المسؤوليه واهم شي وصلت لفاروق و نقلت له تصرفات آية.

خرجت هي واخته



بعد عشر دقايق..

آية دخلت الغرفه شافت أبوها

فاروق فتح عينه وبيتفرجها

آية: انا سمعت كلامها لك وماحبيت اسوي مشاكل تصرفت بطريقتي وخليتهم يمنعوا الزياره.

فاروق: ماشتيش اشوف صورتها

آية: انا جيت واللي خليتهم يسعفوك وكنت هنا وامد ماروحت البيت ابدل واصلي واتصلوا لي من المستشفى انك خرجت غرفه

ابوها ببطء ولسان ثقيله: الله يبارك فيش يابنتي انا داري بكل شي

آية مستغربه من طريقه كلامه: خلاص لاتتكلم لاتتعب نفسك

مصطفى اتصل بها: يسمحوا بالزيارات لو جيت

آية ماكانت تشتي تدي له عذر: ايوه يسمحوا

مصطفى: يله شاكمل اوقع اوراق مهمه لمشتري واجي

آية: طيب

اتصلت لها ام مصطفى وتسألها لو تحتاج شي..

كان نفسها لو اهتمام زوجها بقدر اهتمام امه بها.

وصلت رحاب تزورها وبتكلمها وتشكي لها من وجدان والمشاكل اللي بتفعلها لهم.






















📚 @rewayatyamania 🇾🇪

البـارت رقـم 92

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في بيت فاروق..

ام سام: قال ابني عاد انتي تشتي محامي او ماشي

هاجر: ذلحين ماشي  لكن شكلنا عنحتاجه بنته مش هي حق احترام.
.
.


بعد اسبوع بيت ابوها

آية: ايوه شاجلس انتبه لابي

هاجر: قولي انش حانقه وبس لاعد تكابريش

آية: حانقه افتهنتي تشتي اتطلق

هاجر: الله لاقال ماكرها انقلعتي

آية: ان شاء الله اللي يكرهوني ينقلعوا من هنا

هاجر بترفع صوتها وتدور مشاكل معها

آية خافت ابوها يسمع ويتأثر اتصلت لمصطفى: اسمع حتى لو مشغول او اي شي معاك هي نص ساعه جي وارجع براحتك شغلك اشتي اشل ابي البيت عندي

مصطفى حسها جادة ومعصبه لسبب: يلا الان جايي

آية دخلت غرفه ابوها وجمعت له ملابس

هاجر معصبه: بطلي قلة عقل ماعيرضاش يخرج من بيته بتسمعي

آية طنشتها وسارت جنب ابوها اقنعته يجي معها ووافق لانه كان ضابح من هاجر.
.
.

بعد خمسه شهور اهتمام بأبوها وعلاجه الطبيعي وتغذيته وأدويته.

رجع بيته يمشي ويتحرك ويتكلم

بس رجع رجعه غير ..

هاجر: مش مصدقه كيف بنتك قلبتك عليا هكذا؟؟

فاروق: محد قلبني ياريت وهي قلبتني صدق ماكنت ظلمتها وركنت عليها مع واحده مثلش كيف كنت مخدوع فيش

هاجر: ماقصدك؟

فاروق: اسمعي انتي ذلحين ام جهالي تشتي تجلسي في البيت تاكلي وتشربي وتربيهم جلستي ماتشتي الله معش

هاجر: يو يو منك صدق اتقي الله عادك الا افتهنت ناوي تظلمني وادعي الله ينتقم منك

فاروق: ادعيه ومن مسكش

هاجر: ياسعم ماعد تشتيني ليش قلت لي هكذا؟ ؟

فاروق: عتبسري ليش.
.
.

خارجين من بيت جيران ام زوجها..

ام مصطفى: تشتي الصدق والله ان هذه البنت احسن واحده عرفتها من صغرها عاقله وحميش

آية: اهم شي تحترم ابي وتنتبه له

ام مصطفى ضحكت: بس ماقد شفت واحده تزوج ابوها او انتي فارحه تنتقمي في خالتش

آية: تشتي الصدق اول شي ابي واصل في مشاكل مع مرته وبعدا لازم حد جنبه ينتبه له ويهتم به ويلقى راحه وهدوء معها وثانيا لو وقعت سوا من صدق شافرح في مرته بس مشتيش اشمت فيها يرجع يعاقبني الله

ام مصطفى: مع ماعيعاقبش الله اولا لان مابش مثلش وابني محظوظ فيش وثانيا مصطفى الصدق ثاني

آية بينها وبين نفسها فعلا مصطفى رجع شخص ثاني ماتعرفه بس تخلص من موضوع ابوها وبعدين تفضى تفهم مصطفى وأسلوبه.
.
.

بعد أسبوع.

هاجر جالسه بتتكلم في التلفون: والله ان شكلها تطلقت او حانقه ، قدلها اسبوع تسير وتجي وتأثث ولو تبسري على غرفه نوم فخمه

اخت فاروق: ماله مايدي لها بيت لو هي حق زنط وفشخره

هاجر: مدري ، اداها الله لايدي قدني منها ملان انا شاوريها ذلحين كل ماقد فعلته فيني وكيف غيرت ابوها.

و اليوم اكد لي ان مع بنته مشكله حين خرج مع زوج بنته بس مدري ليش لابس ومتعطر وحالق

فتح الباب ودخل هو وآية وعروسته بالفستان الأبيض. .

هاجر ماسكه سماعه التلفون وقفت وناسيه اخت فاروق على الخط: من هذه؟

آية ماسكه العروسه وبتمشي هي وياها لغرفتها دخلت معها وجلست: اسير ادي الشنط وارجع تمام

العروسه: طيب

آية سارت تدعي مصطفى يدخل شنط العروسه: غطي شعرش زوجي عيدخل

هاجر: كيف يعني تزوجت

فاروق: ادخلي الغرفه الرجال عيدخل

هاجر بتبكي: ايش من رجال مالك بتخرف عادك كنت بتموت مريض

آية واقفه في الباب: ادخل يامصطفى

فاروق مسكها ودخلها الديوان وبصوت واطي: اسمعي قلت لش من يوم مارجعت تشتي تجلسي تربي جهالش جلستي ماتشتي مع السلامة بيتكم

هاجر: هكذا ؟

فاروق: هكذا مرضت ولا لقيت منش زياره وعاد حين اتطرحت ظنيتي خلاص مشلول معوق قبالش جالسه تنكدي وتتشمتي فيني هذا آخر اللي يتشمت جاء لش يوم رجعت لي صحتي وقوتي ادي فيه مره تسندني للعمر

هاجر: يمين بالله لاحرق لك البيت انت وهي

فاروق: وانتي يمين بالله وحرام وطلاق بالثلاث انش لو تفعلي مشكله والا تدي حرف او كلمه وتهديد مره ثانيه ماتجلسي و لاعد تبسري جهالش.. وخرج 


مصطفى كان بيسحب الشنط للصاله

فاروق مسك كتفه: تسلم يا ابني نخدمك انت وآية في افراحكم هيا قدو وقت يوقع لي حفيد امد ارد جمايلكم

مصطفى ضحك: ماعترد جمايلنا الا في حفيد مابش زواجه

فاروق ضحك: هاه كان تشتي هكذا

مصطفى: مع خليني اتقرص العافيه لاتخرج وتسمعني آية



في غرفه العروسه

آية: عتسمعي كلام وتصرفات منها وكل شي بس اجلسي في حالش ويكون همش بس ابي تحترميه وتهوني له مشاكله صدقيني هو من نفسه عينجذب لش بدون ماتحانكيها

العروسه بابتسامة: ماعليش شي يا آية انا اكبر منش 10 سنوات واخبر منش في الحياه

آية ابتسمت: يلا لو تشتي شي تواصلي معي في امان الله.























📚 @rewayatyamania 🇾🇪

البـارت رقـم 93

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في الصاله

هاجر: حسبي الله فيش ونعم الوكيل يا مصيبه هكذا يا آية؟ الدنيا دواره

آية: هي دارت من قبل وذلحين بترجع لش بس نتيجه مافعلتيه ولو انا مثلش مع زوجي انا راضيه تدور ويجين 4 فوقي

هاجر شافت زوجها فلتهن وراح لعروسته

آية لفتت له وبعدين لها: عتنجرحي شويه وبعدا عتتعودي مثل ماكنتي تقلي لي طلع صح كلامش في هذه الله يهون عليش وتصبحي على خير...خرجت وقفلت الباب

هاجر جالسه تدعي على زوجها و آية ومصطفى

اخت فاروق عادت الاتصال لها: صدق فاروق تزوج

هاجر: مابش نفس اكلمش خاطرش
.
.

فوق السياره..

مصطفى: يا ساتر كنت هامم اسمع كلمه منها الحمدلله اني دخلت وهي مابحد

آية ضحكت: الحمدلله ماكانت لابسه والا كانت عتزفك (تبهذلك)

مصطفى: تزفني لمن

آية بنظرات: مدري لمن

مصطفى: يوو هكذا بتفجعي قوي خلاص كملي وبعدا ايش حصل

آية: مستغربه ردة فعلها توقعت تجنن بس اختمعت (انكسفت بقوة)

مصطفى: فارحة فيها؟

آية: الصدق لا, الله لا حط واحدة موقفها, بس الصدق انا نفذت اللي يشتيه ابي

مصطفى: ولو فعلت انا مثل ابوش ايش موقفش

آية: لو انا مثلها كنت انا زوجتك بنفسي

مصطفى: طيب في رجال مش شرط مرته مقصرة بس هكذا فلوس زايدة مابش معه سبب يمنعه

آية حاولت ترد رد يحس على نفسه: لو فارغ ومتفرغ للبيت ونسوانه وطلباتهن يتزوج

مصطفى غير الموضوع: جهزي نفسش حجزت لنا نسافر الاسبوع الجاي

آية: مصطفى منك صدق! يا سعم مش عارف ان معي امتحانات الترم
.
.


بيت بلال...
بلال جالس يشوف وجدان نظرات ويكتب في التقويم رقم..

وجدان: ايش معك انت والتواريخ هذه قدك اخس من الحامل حين تحسب لنفسها

بلال ضحكك وجاء يسافطها مسك وجهها: هذا كم يوم خطي علينا بعد مارجعتي بدون نكد مش مصدق فيش شي مش طبيعي

وجدان: اقلك الصدق ايش غيرني؟

بلال: ايش السبب؟؟

وجدان: آية جت لبيتنا

بلال باستغراب: بيتكم !! ليش؟

وجدان: بس بدون زعل

بلال: تكلمي !

وجدان: قالت لي كلام روعه صح سمعته منك كثير بس لما جاء منها مدري كيف هدأت

بلال: يعني الكلام مني ماقنعش ! واقتنعتي منها ؟ يعني مابش ثقه فيني بس آية ايوه

وجدان: اذا عتستمر هكذا ماشتحاكاش

بلال: طيب تكلمي والله ما ازعل جالي فضول اعرف ماقالت غير اللي انا قلته

وجدان: قالت ماشاسال ولا لي حق ادخل خصوصياتكم وسبب زعلش بس انا لاحظت عليش اخر فتره كيف تغير اسلوبش معي وكمان من مواقف كثيره قدرت اعرف انش بتغيري مني

بلال بيمزح معها: شفتي ان قد فضحتي روحش هيا لو واحده غيرها وطارحه عينها عليا ان قد شلتني عليش

وجدان عوجت فمها: اسمع يالقانه اول ، تشلك ياسعم انك كنز

بلال: ياسلام ماعرفتش ايش الثقه هذه

وجدان: المهم قالت انها عمرها ماتفضل ولاتبدل علاقه اخوتها بك لانها كانت طول حياتها محتاجه أخ ولقيتك اخ فعلا وان تصرفها معك تغير احتراما لمشاعري وحاجات خيرات تكلمت عليك ماشقلك تنغر عليا

بلال: ماقالت شي جديد

وجدان: داريه بس اسلوبها وكلامها كان احسن منك انت بتعاند وتحانك وهي حاولت تفهم اللي في بالي كله ونصحتني باشياء حسيتها فعلا تعتبرك اخ ومن الان وصاعدا تصرف معها مثل ماتحب خلاص ولا شاقل كلمه عاملها قدامي مثل مابتعاملها زمان او وانا مش موجوده.
.
.


بيت فاروق الصبح..

هاجر بدون نوم مربطه راسها وعيونها وارمه جالسه في الصاله مفكره باتكسب عطفه لو شافها هكذا بتتبع تعليمات أخته انه تغير طباعها معه عشان يرحمها ويتغير معها..

فاروق دخل المطبخ

هاجر مراعيه يقلها صباح الخير شافته في المطبخ دخلت: ايش افعل لك جاوع ؟

فاروق: لا مش انا جاوع بس افعلي صبوح لهنايا

هاجر قلبت: هاااه اسمها هنايا.؟

فاروق: لا اسمها هناء بس الدلع هنايا

هاجر: انت تشتي تحرق دمي او ايش

فاروق بيسوي العصير: لا لا الله لاقال الله يخليش لجهالش

هاجر: مابش صبوح يا فاروق ولا في شي

فاروق بكل هدوء واسلوب متغير: ممم طيب اصلا مايسبرش أصبحها بيض او فول صح ! خلاص لاتتعبيش شكلش تاعبه عنخرج نصتبح خارج.




















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 94

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


هاجر: وبعدا لابس بنطلون جنز ونظاره شمسيه مالك بتخرف

هناء خرجت: صباح الخير

هاجر ردت بصوت واطي: لاصبحش ولامساش ولاخلاش في بيت

فاروق: هيا حبيبي

هاجر: حبيبي!!! كم له ماقال لي هكذا

هناء في يدها عطره: هيا نسيت تتعطر جي اعطرك

فاروق قرب منها تعطره مبتسم لها

هناء بتعطره

هاجر مصدووووومه ومش قادره ترد بشي

هناء: رجعت العطر غرفتها وخرجت.

بعد ما خرجوا..

هاجر لأخته: الصدق الصدق انا ماستحملش الجنان حق اخوش الصدق

اخته: لو انا قد انجلطت ماشاءالله عليش هادئه

هاجر: ماهو يا هادئه مش انتي داريه مارقدت من امس

اخته: هيا ناهي وانتي مش هو اول واخر من تزوج وبعدا احمدي ربش ماطلقش

هاجر: ياعيبتش والقسى عليا تشتيه يطلقني اقطع يدي اذا مش انتي اللي خطبتي له

اخته: يو يو استغفر الله انا والا بنته !

هاجر: مدري بين اشوف دفاعش عنه وزد اخوش الصدق عاد كنت اشتيش في موضوع بس اذا هكذا خلاص ماشستشيرش في موضوع

اخته: احسن خارجوني من الموضوع ماصدقت رجعت اسد انا واخي

هاجر بعد ماقفلت جلست مع الشغاله تتكلم وتدي لها عنوان شخص يفعل سحر .

قومي هيا ذلحين نسير لاعنده

الشغاله حست بتوتر: بس انا اخاف بابا يعرف

هاجر: من اين يعرف ياغبيه هيا قومي ذلحين البسي..

الشغاله دخلت الغرفه حقها تلبس وبتتصل بالتلفون للشخص هذا.
.
.

بيت مصطفى..

آية: مصمم تسافر وحدك؟

مصطفى: ايوه واوعدش تكملي الاختبارات ونسافر سوا

آية: طيب

مصطفى: شاطرح لش مصروف ومفاتيح سيارتي تنوعي مع سيارتش

آية: مصطفى ماافعل بالزلط والسيارات وكل شي وانت مابحد يعني ايش اسوي بهن

مصطفى: اخرجي تمشي

آية: مع من !

مصطفى: رحاب صاحباتش

آية: تعرف ما معي حد قوي الا رحاب ومش هي فاضية لي واصل منشغله مع زوجها

مصطفى: هاا والنعم والصاحبه احب المرأه اللي مهتمة بزوجها

آية: اصلا ماشاءالله عليه رغم انشغاله وهو تاجر الا ان معه قاعده مرته اهم من شغله

مصطفى: هذا عادو فارح بالزواجه

آية: تزوجت بعدنا بشهرين مافيش فرق يعني

مصطفى غير الموضوع: ايوه صح جي اقلش ايش احتاج من ملابس

آية: عارفه حفظت شنطتك مش اول مره تسافر واصل مسافر

مصطفى: اوو مالحبيبي هكذا ضابح

آية بضبح: مدري ملابسك في الدولاب روح اختار اللي تشتيه انا شاخرج المكتبه عنذاكر هانك انا والبنات

مصطفى: وتفلتيني وانا عندش اليوم

آية: عادي قدك متعود

مصطفى شافها بتتجهز: طيب راعي لوما اخرج واخرجي

آية بتلبس: ماينفعش قد كلمتهن وعيب اخلف الوعد والوقت

مصطفى: شاضبح بدوونش

آية: خلص اعمالك ذلحين عشان لو فضيت بعدين نخرج

مصطفى: طيب بس مالي دخل لو جاء عمل

آية بتصلح حجابها: عادي اذا فضيت اوك مافضيت عادي

مصطفى مستغرب كيف تغيرت شويه..
.
.

بعد ماوصلين عند المشعوذ..

هاجر: متأكده عيفعل شي سوا

الشغاله: ايوه مليان زحمه معه بس انا حجزت لش وحدش لاحد يشوفش وانتي تعرفي ناس كثير.

هاجر: ايوه صح والله انش ذكيه كيف ما انتبهت حرام لو يعرف فاروق لايطلقني هو باقي له شويه وتعبي راسه المصيبة هذه مدري ليش الله بلاني بها.

جت مره محجبه مغطيه نص وجهها ادخلين.

هاجر بتمشي ودخلت ممر وغرفه ظلام: مالهم مايولعوا اين عنسير

الشغاله: هو مايشوف الا بشموع عشان يقدر يشوف

هاجر جلست: هيا كلميه او احاكيه عيفهمني

الشغاله: ايوه تكلمي هو يعرف عربي

الرجال: من اللي بشتغل معاها

هاجر خافت: انا

الرجال: انتي اخرجي خارج

هاجر: هي داريه بكل شي سهل يا عم

الرجال مش باينه ملامحه جلس يبخر بروايح غريبه ويتكلم أشياء مش مفهومه

هاجر: اختنقت ماهو هذا

الرجال: هذا فوقش ناس تكرهش كثير في معش عمل وسحر

هاجر: ايوه من اللي فعله تقدر تعرف؟

بتشاور الشغاله: هذا فاهم او بيخرط علينا؟

الشغاله: اصبري عادو يشوف

الرجال سمعها: لاتستعجلي فاهم ياهاجر بنت امنه

هاجر خااافت: يو عرف اسمي

الرجال: في بنت عرفت زوجش وسحرته سوت له عمل وتزوجها

هاجر: ايوه

الرجال: لازم اقلش كيف تسوي يروح السحر

هاجر: كيف

الرجال: في بخور سوي منه وفي عسل سوي له في الاكل عشان يبعد السحر منه

هاجر: وانا لو اشتي اسحره

الرجال:...






















📚 @rewayatyamania 🇾🇪

البـارت رقـم 95

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


هاجر: وانا لو اشتي اسحره

الرجال: لازم خطوات نمشي كل اسبوع عليها مره

هاجر: والدفع هي مره ؟

الرجال: لا وحده وحق البخور والعسل والعمل وحده ويحتاج له اعمال كثيرة

هاجر: اهم شي عيرجع لي؟

الرجال: ايوه مليون في الميه

هاجر: ولو اشتي اسحر بنته هي ام المصايب

الرجال: كل مره يزيد الدفع لانه بيتطلب مني شغل اكثر

هاجر: سهل ولاتهم الزلط اعرف ادي لك كل مامعي اهم شي يرجع ينذل لي

الرجال: خلاص روحي تعبت فوقش طاقه شر كبيره حولش اشرار كثير اتبخري بهذا كثير

رجم لها كيس فيه اعشاب وملح ووو..

هاجر شلته وروحت البيت هي والشغاله

الشغاله: ليش تعبانه؟

هاجر: حاسه فوق صدري جبل وانتي ؟؟

الشغاله : انا غطيت فمي ووجهي من الدخان

هاجر: لا مش من الدخان هو قال ناس كثير بيسووا لي شر سمعتي شفتي

الشغاله : ايوه.
.
.

بيت مصطفى..

مصطفى جالس يتمشى في البيت شاف اشياء ماكان منتبه لها من قبل !!!.

صور جمعتهم اشتاق للتفاصيل وجمعتهم وخرجاتهم حس فعلا انه انشغل عنها تذكر كلامها عن رحاب وزوجها..

شاف ترتيبها اهتمامها بالبيت رغم دراستها وصغر سنها كثير من أصحابه بيشكوا معاناه اختلافهم مع نسوانهم بسبب عنادهن ومزاجيتهن وشاف ان آية في سنهن بس عاقله ...

حس الجلسه اللي جلسها ساعه مع نفسه وضحت له تفاصيل كان منشغل ومش مدي لها اهميه ..

خرج والتقى بصاحبه ورجعه لنفس النقطه اللي هرب منها

صاحبه: انا قررت اغير شغلي

مصطفى: ليش؟

صاحبه: ماهو ليش تعب سيره جيه سفر جمارك اوراق افراج عن الشحنه ومن هانك تراخيص ماكلفنا الله يا مصطفى معنا راس مال نفعل به عمل ثاني هذه مش عيشه صلعت شيبت دقنتي اوقات خسارات واوقات مشاكل وسيارات حالتهن حاله 

مصطفى: ياهمتاه لنفس النكد اليوم ايش قصتك يا اخي انت قد تمينا الكثير الان هانت كسبنا ثقة الكل مصداقيتنا مع الكل العمل عيتسهل

صاحبه: استمر انت انا الصدق جيت اقلك انا شانسحب

مصطفى ساكت وسارح: ياخي هذا العمل قتله لوحدي

صاحبه: قلت لك غيره

مصطفى: ماعندخل مثل مابندخل ذلحين

صاحبه: ادرسها وفكر وشوف كيف.

مصطفى هز راسه طيب
.
.

بيت فاروق وصلوا

هناء دخلت غرفتها: يف يف ايش الشم هذا ؟؟

فاروق: ماهو هذا مابتفعل الجنيه هذه حرقت

هناء: ايش معنى غرفتنا بس الشم فيها

فاروق: ايوه صح البيت مابش!

خرج معصب: ايش فعلتي بالغرفه؟

هاجر بابتسامة: ولاشي بخرتها لكم ياعرسان

فاروق: بخور ساعش يقلع النفس

هاجر متعصبه بس بتسمع اوامر الشيخ لاتجادل زوجها في شي.

هناء: خلاص ي روحي لاتعصب انا شابخر الغرفه مغي بخور جنان

فاروق: انتي بكلش جنان

هناء شافتها وبابتسامه مطر غلقت الغرفه وهي واقفه

هاجر راحت للشغاله: شفتي كيف حسوا بالشم

الشغاله: يعني هي سوت لش سحر عشان عرفت

هاجر: ايوه قد بين اتحمل لما اشوف نهايتهم ايش.

هناء فتحت الطيقان وخرجت بخور وعطرت الغرفه

فاروق: لما تخرجي كن قفلي باب الغرفه

هناء: انا الصدق ماشتيش تتحسس وتزعل اقفل عليها عيب

فاروق حس بأدبها وطيبتها: سهل هي ذلحين بتغار مثل اي واحده وعتجلس تضايقنا بتصرفات مرتي واعرفها

هناء: حاضر اللي تقوله انا بعدك.
.
.

بعد المغرب رجعت آية

مصطفى جالس: تأخرتي مراعي لش

آية وصلت: ليش ماخرجت ؟

 مصطفى: الا خرجت بس ادا لي صاحبي الضيق ورجعت

آية: اهاه ودخلت الغرفه تتجهز للصلاه

مصطفى لحق بعدها: آية زاعله مني في شي!

آية بتسوي مثل اسلوبه بالضبط: انا !! لا حبيبي ابدا مش زاعله ليش بتقل هكذا؟

مصطفى: حاسس انش متغيره

آية: لا مابلا مع المذاكره وهم الاختبارات

مصطفى: طيب تحبي نخرج مكان!

آية: لا مابش نفس قد خرجت مع صاحباتي بعد المذاكره اكلنا ايس كريم ورجعنا

مصطفى: طيب

آية سمعت تلفون البيت ردت: حاضر الان ساعه أصلي ونلبس ونجي

مصطفى بعتاب: من هذه اللي عتسيري وانا ساعة اراشيش نخرج

آية: بيتكم اتصلوا نسير فاعلين عشاء

مصطفى هدأ شويه: تعرفي ايش يعجبني فيش ؟؟؟

آية: ايش ؟

مصطفى: انش لو غاثيه مني او متغيره عليا حاليه مع أهلي قوي

آية: لانهم حاليين معي قوي سواء عمي او امي كلهم الله يحفظهم

مصطفى بيمازحها: يعني انا مش حالي معش

آية مغالطه الموضوع  نفس مايسوي معها: ايش ماله صاحبك ؟

مصطفى: تعب من الشغل قال نشتغل شغل ثاني تخيلي مجنون بعد التعب هذا كله نرجع لارباح اقل في اي عمل ثاني

آية: مهمه عندك الفلوس لهذه الدرجه؟؟

مصطفى: انا ؟؟ شايفتني من هذا النوع !!!

آية: انا شايفه شي بس تسمح لي اتكلم بدون زعل ؟

مصطفى: هيا آية أتكلمي قلك زعل من اي حين بيننا هذه الاشياء

آية: صراحة...



















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 96

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


مصطفى: هيا آية أتكلمي قلك زعل من اي حين بيننا هذه الاشياء

آية: صراحة انت رغم شطارتك في التجاره الا انك شخص مش عارف توازن بين حياتك وعملك مثلا مابتكلم على تواجدك في البيت وخرجاتنا وجلستنا مع بعض بس حتى مع اهلك مع نفسك مش متواجد ولاي حين عتجلس هكذا !لازم توازن امور حياتك شغلك بيتك بعدين عيقع لنا جهال اذا اراد الله كيف عتكون لهم قدوه وتربيهم وانت منشغل ! اذا الشغل لهذه الدرجه حارمك من العيشه ابوه مش مهمه الفلوس والارباح اشتغل شي بسيط تقدر تنسق بين حياتك وشغلك ادرس شي جديد تعلم شي جديد سوي مشاريع جالس تجمع زلط لمن ولاي حين عيضيع عمرك

مصطفى: هذا كله داخلش وساكته

آية: ما اقدر اوقف في وجهك واقلك لاتشتغل بس صاحبك كلامه صح شغل بيجي منه وجع راس غيره ماشاءالله مش انت محتاج

مصطفى سارح في كلامها

آية كملت تكلمه صلت وانشغلت بترتيب الغرفه .

مصطفى: هيا بسرعه شالبس واراعي لش نسير تأخرنا.
.
.

هاجر شافتهم لابسين وخارجين: ياسعم انكم عيال العشرينات مكنوها خرجه اجلس لايرتفع لك الضغط

فاروق: ماتشتي

هاجر: اجلس نتعرف على مرتك ماقد عرفتهاش

فاروق: خليني اعرفها انا الاول وانتي مابش داعي تعرفيها لاقد عتعرفي جهالش وتربيهم بدل التدخل في احوال خلق الله

هاجر: مسرع قد قلبتك من يومين

فاروق: ابسرتي كيف انظلمت معش

هاجر منصدمه في ردوده وقساوته عليها كيف قويت شخصيته بعد آية ماكبرت وتزوج !! كان يسمعها في كل شي حتى امه وهي أمه قدرت تخليه يقاطعها جلست مع ابليسها توسوس لنفسها وتاكدت انه مسحور


بعد مارجعوا

هناء بتقرب وسادتها : ايش هذا؟؟

فاروق: ايش؟

 هناء لقيت رماد تحت الوساده: رجعت تدخن؟؟؟

فاروق: ايش ادخن قد بين ادور كيف انتبه على صحتي وعمري يطول معش

هناء: طيب وهذه ؟

فاروق: يمكن حين بخرتي او شي

هناء سكتت وبدأت تشك في هاجر..
.
.


ثاني يوم بيت مصطفى شافها ساكته بتجهز الصبوح...

مصطفى: مالش فيش حاجه؟

آية: انا ؟

 مصطفى: اوهوو ليش من بين اكلم حد غيرش !

آية: فكرتك بتتكلم في تلفونك

مصطفى: ليش شفتيني بين اتكلم !

آية: والله السماعه على طول في اذنك والتلفون بيدك وتتكلم واصل ماعد اعرف انك تتكلم او ساكت

مصطفى: آية في قلبش شي تكلمي مش عاجبني تعاملش معي هذه الفتره في شي مزعلش سمعتي شي؟

آية: مصطفى والله مافي اي شي ، اللي انت لاحظته هذه الفتره هو لانك خففت عملك وبدأت تجلس كثير فحسيت اني تغيرت انا ابدا ماتغيرت هذك انا بس بيتهيأ لك

مصطفى بينه وبين نفسه صح كلامها هو السبب بس خايف يعترف بغلطه وتعاتبه اكثر وتاخذ منه موقف لايقدر يغير عمله ولاقدر يرجعها مثل ما كانت.

مصطفى: طيب وحشتيني

آية شافته بنظرات استغراب و بابتسامه: حتى انا وحشتني نفسي.

مصطفى: وانا !

آية: انت ليش توحشني انت معي وقدامي وعادك ماسافرت تشتي اجاملك يعني صميل.

مصطفى بيحاول يلطف الجو: ردوا لي آية حقي حق زمان تغيرت مرتي ..

آية قررت تدي له فرصه تجربه بما انه فاضي هل مهتم بها: اليوم اختار الدكتور 3 طالبات نحضر معه المحكمة ايش رأيك تجي معي !

مصطفى: من عيووني اوقع لش قاضي لو تشتي

آية ضحكت: طيب هيا البس لانه عنسير لهانك بعد نص ساعه.

مصطفى: طيب اختاري لي لبس.

آية مستغربه: كل ملابسك مكوايه

مصطفى: اشتي اوقع حالي عشان لو قالوا هذا زوج المحاميه آية فاروق

آية انحرجت وفرحت من كلامه وتشجيعه لها.


بعد ساعه وصلوا المحكمه..

آية نزلت من السياره هي ومصطفى بيلبسها الشنطه وهي ماسكه الورق مش منتبهه: تسلم

كان من بعيد واقف مشبه عليها ولما قربوا ومشيوا من قدامه سوت نفسها ماتعرفه تجاهلته ودخلت هي ومصطفى ، جلست جنب زميلاتها كمستمعه لأسلوب دكتورها وكيف بيدافع عن موكله وكيف بتكون حرب القوانين. .

مصطفى: تتحديني اسير ارشي القاضي وتتغير القضيه كلها لصالح الطرف اللي تشتيه..

آية ضحكت: انت اول من شاحبسه اول ماوقع محاميه..



بعد مابدأت القضية..

آية كانت لأول مره تشوف عماد في المحكمه وحبت اسلوبه كان افضل من دكتورها الفرق بينهم

دكتورها عصبي وبصياح ومقاطعه للمتهم

وعماد بهدوء وأسلوب ولغه الجسد كانت له كاريزما قويه خلت لها طابع جميل منه.
.
.


بعد ثلاثة ايام

مصطفى ماكان مركز على حد مستعجل ماسك شنطته ومقضيها اتصالات ومنشغل بال2 تلفونات..





















📚 @rewayatyamania 🇾🇪

البـارت رقـم 97

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


عماد طارح رجل على رجل منتظر نداء الطائره وبيتلفت حول مصطفى يشوف وين آية

استغرب انه وهم بيطلعوا للطائره طلع لحاله.

ماكان بينهم اي كلام كل واحد جالس بالكرسي.

آية بعد ماوصلت زوجها للمطار رجعت بيت ابوها..

هناء اول ماشافتها رحبت بها: حيا بالغاليه بنت الغالي

هاجر: حين زوجتش قدي غاليه ، ومالش بتجي ساع اليتيمه وحدش او زوجش مزوج اكيد بعد ماشافت بنته زوجته عيسير يتزوج

آية مطنشتها شافت هناء لابسه ومصلحه شعرها: ايش الحلا هذا ماشاءالله هنيت لابي ذوق وجمال واخلاق.

هناء: جي غرفتي ياروحي ريحي بدلي وافتهني شويه ادي لش شي تشربيه وبعدا نخرج الديوان عند ابوش

آية دخلت معها..

هاجر سبقتهن الديوان وجلست جنب فاروق

فاروق كان في الزاويه جالس جلست جنبه: مالش !

هاجر: ولاشي جيت اوانسك سارين لهن يتجابرين وخلنك لحالك

فاروق جلس ساكت شويه ولما حس ان قدهن جايات: افعلي لي شاهي.

هاجر: ماعد بش معنا سير اشتري

فاروق: كان قهوة قشر

هاجر: ماعد بش معنا ولاشي


دخلت هناء وآية ..

فاروق فسح لها شاف هاجر: اقربي تجلس بنتي

هاجر: انا مرتاحه هنا لو افسح عتجي الشمس لافوقي

فاروق: اها طيب

رفع الريموت وتلفونه وقام سار جلس جنب آية

هاجر اقتهرت خرجت وعلمت جهالها يجوا كلهم يجلسوا جنبه وفوقه.

فاروق: اين مصطفى؟

آية: سافر معه شغل

فاروق: وانتي؟

آية: معي امتحانات بس قلت اجي اشوفك واسلم عليك لو بدات اختبر شانشغل

فاروق جلس يدعي لها ويمدحها

هاجر تكسر كلامه ومدحه لها قدام هناء..



بعد المغرب

آية ضبحت من تصرفات هاجر ومعانده هناء لها واخوتها والازعاج: قدو وقت اروح

هناء: اجلسي عندنا حين زوجش مابحد

آية: تسلمي اروح امي عندي في البيت

هاجر: اعوذ بالله امش من؟

آية طنشتها

هناء: ماعندش حجه على طيبتها ام صدق

خلصت تكلمهم وروحت



ام مصطفى طبخت العشاء ومنتظره آية

آية: ليش تعبتي نفسش قد روحت بدري عشانش

ام مصطفى: مابش تعب ولاشي انتي اللي تاعبه لش القوا جامعه ووصلتي زوجش وزرتي ابوش تزيدي تروحي تطبخي

آية حبتها فوق راسها

ام مصطفى بأسلوب ام وبابتسامه: وبعدا جي جابريني افتحي لي قلبش بين احسش متغيره ضابحه او مصطفى غثاش او شي

آية: مابش شي مابلا منشغل وانا جامعه مذاكره

ام مصطفى: ماشي انا داريه كيف كنتوا وذلحين حاسه به شي

اسمعي نصيحتي. ..جلست تكلمها وتشرح لها وتبرر لها سفرياته..
.
.


بعد خمسه ايام في مدينه ثانيه بمطعم..

كان عماد هو وابوه وامه بيتعشوا..

راح يتمشى وهو رايح للحمام التفت وبيشبه مصطفى !! واي حين جت آية سافر وحده معقول هي لحقته شاف ماسك يدها وجالسين وبيضحك.

عماد ماحب يحرجه أكثر مشي وراح للحمام
.
.


بيت بلال..

وجدان طبخت جهزت كل شي واول ماوصلت آية رحبت بها

بلال: يشتي يطلع

وجدان قدام آية: خليك معنا تغدا قدك من البيت مابش شي وآية هي ورحاب سوا بدل ماتاكل وحدك.

بلال: عادي خليكن على راحتكن تتجابرين وانا شاطلع

آية شافت وجدان: وانا ما استاذنت مصطفى اخي وعلى عيني وراسي بس ان شاءالله مره ثانيه يجي مصطفى ونخرج نتغدا كلنا سوا

بلال طلع وهو معجب بموقف آية عشان وجدان تعرف آية سوا وتبطل تدحسه.

رحاب: كيف الامتحاناات معش؟

آية: باقي اسبوع واخلص افتهن

رحاب: والباقي ان شاءالله يسهل لش الله

وجدان: اهم شي مابش معش بزا لو قد تخلفي لاتنسي القرايه

ام بلال: هذا ومابتبسري بنتش ولاتعسيها

وجدان: يوه كان من بيوبه لها

ام بلال: من غيري واصل وهي عندي

وجدان طنشت محانبه عمتها وجلست ترحب برحاب وآية وتخورهن..



بعد الغداء.

وجدان طلعت ترقد بنتها ورحاب جالسه مع آية

آية شافتها بتتكلم مع زوجها وبتسمع ردودها وساكته

رحاب: تصدقي يا آية جنني لو قد خرجت كل شويه اتصال انتبه لنفسي الطفل بيتحرك شربت الفيتامينات يووو الليل يجلس يتفاقدني كل شويه

 كأنها لامست جروح لآية بس مابينت: فارح بالحمل

رحاب: هو الصدق كان من اول يخاف عليا وفي البيت يجنن لو مااصتبحت او تعشيت بس ذلحين قدو زياده مع الوحام

آية: حالي الاهتمام ليش ضابحه؟؟

رحاب: مدري مليت احس نفسي رجعت لايام الطفوله و خوف امي عليا

آية بعد ماسمعتها جالسه تتخيل لو اهتم بها مصطفى شويه هكذا كيف بتحس هل باتعاند لانها ماجربت اهتمام الأمومه ! او بتفرح وتسمع كلامه.

















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 98

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في غرفه بلال ..

وجدان: ماعتخرج ؟

بلال: لا ، سام في البلاد وعماد مسافر وانا هنا جالس ع قلبش او تشتي انزل اتفرط معاكن

وجدان بتتلغج عليه بتمازحه (بتسخر منه): تنزل وين قد زيدت بها ماذلحين شارجع اقلب

بلال ضحك

وجدان: خلاص انتبه لبنتك لو بكيت افعل لي رنة

بلال: من عيوني انتي آرتاحي وافتهني بس لو بكيت شافعل لها ملطام وترجع ترقد

وجدان بضبح: بلاااال

بلال ضحكك: بين امزح يامجنونه انزلي هيا.
.
.

في بيت فاروق..

فاروق شاف فرصه هناء مابحد راحت بيت اهلها وخاف يزيد يظلم هاجر قرر يعاملها طبيعي: عتخرجي

هاجر: ماشي

فاروق: تشتي نخرج؟

هاجر فرحت ماصدقت تسمع هذه الجملة وقتها صدقت ان السحر بدأ مفعوله وقررت تروح مثل ما اتفقوا تدي له مبلغ كامل ويفعلها أقوى خلطه: طيب نخرج هيا شالبس الان.
.
.


في بيت بلال..

آية بتلبس تروح وصل لها اتصال من الخارج بس مش رقم مصطفى اللي مسجل عندها !!

قلقت خافت ليكون شي حصل له !ردت بخوف: الو ؟؟
.
.

في مكان ثاني فوق السياره..

هاجر: كم انا فارحه الصدق انك رجعت طبيعتك

فاروق بيسوق ومش منتبه لها سارح في هناء

هاجر: انت داري ليش رضيت تتزوج اهم شي عندي صحتك خفت عليك لاترجع تزعل وتمرض

فاروق: كثر الله خيرش

هاجر: مارأيك تطلقها وانا والله لاتغير

فاروق: اطلقش؟

هاجر بعصبية: ليش انا ام جهالك تطلقها هي..

حست انها رفعت صوتها رجعت لتعليمات الشيخ ووطت صوتها: اقصد هي قلبي مش مرتاح لها

فاروق: ومن طلب رأيش وقلبش يرتاح او لا اهم شي انا مرتاح

هاجر فتحت الطاقه وبتهوي لنفسها عشان تكتم غضبها منه وبتحاول تسيطر على هدوءها وقررت تشل كل ذهبها وتسير للشيخ.
.
.

في مكان ثاني في الفندق..

مصطفى ماسك السماعه وبيكلمها: ها حبيبي وين انتي

آية: مالك فيك شي ليش صوتك هكذا ومن وين بتتصل !

مصطفى: خفي علينا يامحاميه ولافيني شي اتصلت من الفندق خلص رصيد تلفوني وماقد شحنت وكنت نوم حلمتش وقلقت اتصلت لش بس

ايه: والله خفت عليك

مصطفى: مش منش من الجرائم وجو الدراسة اللي انتي فيه.

 وينش احسش تتكلمي مش ع راحتش؟

آية: الان مروحه انا عند رحاب

مصطفى: خلاص لما تروحي رسلي لي، أبوش بخير!

آية قلقت: ليش سألت ؟ كلمك قالك انه تاعب؟

مصطفى: لا بس حلمته يلا بكلمش بعدين

آية قفلت وودعتهن ومشيت بيت ابوها تتطمن عليه وتزوره.

بعد ماوصلوا ..

آية كانت بتتصل لابوها وهي خارجه من البيت مستغربه مابش حد غير اخوتها مش موجوده هناء ولا ابوها ولا هاجر والشغاله مقفله على نفسها

بتلعب مع اخوتها وصل لها اتصال من ام مصطفى انها تاعبه

نزلت مسرعه وهي فوق السياره وصل ابوها نزلت: كنت ماشيه مالقيت حد في البيت

ابوها: طيب ادخلي عادحنا جينا

آية شافت هاجر ماسكه يد ابوها وبتحانكها بحركات مستغربه: اتصلت عمتي تاعبه اسير اشوفها.

هاجر مفكره انها حانكتها بهذه الحركه: خليها تسير قدها بحسبه امها

آية مطنشتها ولاكان لها وجود: يلا مع السلامه خاطرك

ابوها: انتبهي لنفسش ، مع السلامه.

آية مشيت وصلت البيت وام مصطفى تاعبه اسعفتها المستشفى واتصلت لبنتها .
.
.


بيت فاروق
هاجر شافت الشغاله مش جالسه مع عيالها دخلت لها للغرفه وهي ماسكه التلفون شافتها قفلت بسرعه ووقفت
هاجر: مالش في الغرفه؟

الشغاله متوتره: كنت اكلم بابا

هاجر: ايش سوت آية هنا ؟

الشغاله بكل ثقه بتهز يدها: آية ماجت مافي حد يجي

هاجر بتصيح: يعني انتي في الغرفه والجهال وحدهم ومفلته البيت بتانتري ناقصني انتي

الشغاله : خلصت كل شغل مافي شي

هاجر: اسمعي مش وقت الشغل اي حين نسير للشيخ حقش اشتيه ضروري قد العمل حقه بيصلح اشتي يدي اقوى من هذا

الشغاله بربشه: الان في زحمه كثير بعد اسبوع

هاجر: طيب دوري اسرع موعد ولو ندي له زلط.
.
.


في البيت بعد 3 ساعات وصلت وقدها تاعبه..

آية اتصلت له اول ماوصلت مارد رجعت قامت رتبت البيت غيرت ملابسها صلت وجلست تذاكر..

مصطفى اتصل: وينش تأخرتي ليش؟

آية: اتصلت لك لما روحت

مصطفى: ايوه بس كنتي مروحه هذك الوقت

آية ماتشتي تخوفه على امه: ولاشي مريت على بيتنا ورجعت

مصطفى: بيتكم كيف لش كل يوم وانتي هانك كان ماتسيري الاجمعه

آية: رحت

مصطفى: كنتي  لوحدش ؟؟

آية مستغربه لسؤاله: ايوه !

مصطفى: خير

آية: ايش في مالك ضبحت !

مصطفى: ولاشي بس ماعجبني وانا مابحد تتأخري وانتي وحدش

آية: لاتقلق

مصطفى: الا اقلق ونص حبيبتي و اخاف عليها من الصيع والمجانين آخر الليل

آية: من اي حين بتقلق عليا !

مصطفى: هاتي امي امسي عليها يمكن تهدأي شويه

آية:...























📚 @rewayatyamania 🇾🇪

البـارت رقـم 99

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


مصطفى: هاتي امي امسي عليها يمكن تهدأي شويه

آية: روحت البيت

مصطفى: وانتي وحدش ؟

آية: يوووه مالك وانتي وحدش أيوه  يعني وحدي مثل هذه الاوقات وانت هنا وترجع متأخر يعني عادي وبعدين بين اذاكر يعني مضطره اسهر للصبح في كل الأحوال

مصطفى: مالش معصبه ! خلاص خلاص ع راحتش ولا بتكلم في شي ، يلا ماطول عليش تصبحي ع خير

آية قفلت وهي ضابحه كان شيطانها بيوسوس لها بيكلمها وهي بتتذكر مدح وكلام رحاب عن زوجها وخوفه عليها (( في يوم رجع مهتم قلك لوحدش لوحدش ياسعم وهو هنا كان موجود وبيسأل))


بعد دقايق هدأت وبتسأل نفسها ( مش انا كنت اشتي هذا الشي ؟! وحاسده رحاب على تصرف زوجها؟ انا كيف فعلت هكذا ! ) قررت تعيد نظرها في تصرفها معه لأنه مايستحق منها الاسلوب اللي عاملته به.

بعد ساعه مصطفى اتفق ونسق مع اللي بيتكلم معه في التلفون يلتقوا في مطعم الفندق كان منتظر في طاوله من الطاولات اتصل لأمه يشوف ليش روحت وخلت آية فهم الموضوع واتصل لها..

مصطفى: ليش ماقلتي لي ان امي تاعبه!

آية: عشان لاتقلق عليها من كلمك

مصطفى بضبح: كنتي تقلي لي يا آية وحس صوته مرتفع لما شاف واحد مر من جنبه و رد السلام عليه

مصطفى رد له: وعليكم السلام

آية مشغول!

مصطفى: لا اصبري هو واحد سلمت عليه..

المهم يعني كنت شاعرف وكنتي تقلي لي احنا متعودين يتلخبط عندها السكر ماكنت شاقلق ولاشي.

آية: المهم حابه اعتذرلك لو كان تصرفي معك في الاتصال الاول غلط مدري قلق من اختبار بكره ماذاكرت سوا انت مش موجود حاسه نفسي ضايقه ملخبطه شويه

مصطفى: انا فدالها حقي الرقيقه تعجبيني وتعجبني صراحتش اللي بثقه لاتعتذري ولاشي اتحملش انا في كل حالاتش من غيري يتحملش

آية: الله يخليك لي ومايحرمني منك

مصطفى شافه بيمشي وصل لطاولته: يلا اكلمش بعدين منشغل

آية: تمام باي.


طاوله مصطفى..

عماد: سلام كيف الحال

مصطفى لاحظ من لهجته: اهلا بابن البلاد

عماد: ماشبهت

مصطفى: الا عيني منك ملان بس والله مادريت وين قلت يمكن لو تعاملنا في سيارات من قبل

عماد فكره غرور منه وفشر بتجارته: لما دافعت عنك بقضيه السيارات المسروقه

مصطفى ماحب اسلوبه ونظراته: قصدك اللي وصلت لي مسروقه

عماد: ولقيتك صدفه بالطايره وطلعنا بالفندق سبحان الله يعني امس ماشبهت عليك

مصطفى: لا مش مشبه بلحمي وشحمي بس للأسف مابش قضيه هذه المره كله سليم

عماد ضحكك: ياخي صلي ع النبي مش قصدي بس الا ذكرتك

 مصطفى: اصلا انا مانسقت معك ع موضوع السيارات راح واحد من الشركه

عماد: ايوه بس تكلمنا قبل

مصطفى: العفو منك ذاكرتي دايما مفرمته ايش تشرب

عماد: لا ولاشي تسلم منتظر العائله تفضل معنا

مصطفى: تسلم الله يبارك فيك وانا منتظر العائله

عماد حس باستفزاز منه اي عائله وهو يعرف عائلته ليش بيكذب ! شكوكه زادت بمحلها وقرر يراقب.


بعد ساعه ونص المطعم مليان واغاني وزحمه ..

عماد وامه مروحين وبيزاحم عشان يمشي من جنب طاولة مصطفى مشي وشاف واحده غير آية مواصل بيمشي ويكلم نفسه: هذه عائلته !!

وماشاءالله قد راح وغير لبسه ورجع عايش حياته والمسكينه مخدوعه فيه الا مايجي يوم وتعرف..
.
.

بعد ماخلصت اختباراتها..

مصطفى: معي لش مفاجأه!!

آية: ايش؟؟

مصطفى: حجزت لنا منطقه ساحليه عتوصل طايرتش للمدينه هذه وانا اليوم باخلص عملي سريع وانتظرش هانك

آية فرحت: اي حين حجزت ليش ماقلت لي

مصطفى: يعني الان انا ايش سويت قلت لش يلا سريع لفي ثيابش للشنطه الرحله الساعه 2 الليل

آية: مصطفى بتمزح والابتجنن ماهو 2 الليل

مصطفى: ياسعم ايش في معش

آية: مدري بس هذه مش مفاجأه ع فكره كنت تقلي قبل

مصطفى: يا الله كيف بعض نسوان نكديات هذا كله عشانش لاتجلسي تفكري بالسفر ومعش اختبارات وبعدين انا قلت لش والا ماشي لما تتمي نسافر سوا

آية: ايوه من بعضهن اللي مش نكديات

مصطفى ضحك: ذلحين من بين كل هذه الهدره مسكتي هذه الجملة  بعضهن هي آية وهي عاقله وبعضهن وهي هكذا مثلش بتدور لها هدار قومي خرجي ملابس من دولابش للشنطه ولو مكسله تعالي واشتري لش كل شي من هنا هيا ماعذرش ذلحين

آية: مجنون

مصطفى: والمجنون هذا يعشقش !
.
.


هاجر للشغاله: هيا راعي لي بين ادور الشنطه حق الذهب!


















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 100

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


هاجر: هيا راعي لي بين ادور الشنطه حق الذهب يا الله اين عتسير

الشغاله: كيف شكلها؟

هاجر: شنطه صغيره سوداء

الشغاله بتدور معها

هاجر بتكلمها: انا يوم ماجت آية ودخلت لاعندش اقلش نسير للشيخ خرجت اشتي اشوف ايش شابيع ومالقيتها قلت يمكن لفيتها في بقعة من العقربه هذه ( اشرت لغرفة طبينتها) تقلي اسير ابهذل بها الان؟؟؟

الشغاله: كلمي بابا

هاجر: صح اول احاكيه

دعت فاروق لغرفتها: اشتي احاكيك بحاجه بس والله العظيم لو دافعت هذه المره عليها لافلت البيت واروح بيت اهلي

فاروق: خير

هاجر: مالقيت شنطه ذهبي

فاروق قام فورا من فوق السرير وماشي عشان يخرج

هاجر: بين اقلك والله مالقيت شي

فاروق قام بعصبية يفكر بتكذب مثل كل مره وتفتري على اي حد خرج كل الملابس للأرض بعد السرير والتسريحه خرج ادراجها كلها

هاجر: مالك هكذا

فاروق: الشغاله شلتهن

هاجر: اتقي الله فيها حرام عليك قدلها عمر عندنا ولا يوم نقصت الف من البيت

فاروق: يعني من ابنش؟

هاجر: مستحيل ماعد بيخرج من البيت

فاروق: الجن شلوه

هاجر: والله مش بعيد معي 2 بيكرهني جنيات

فاروق قبل مايخرج: اتاكدي من الشغاله وفتشي غرفتها

هاجر: والله مافعلها واثقة فيها أقلك غرفتي مابتدخلها بين انظفها بنفسي .

فاروق: خلاص ابوه

هاجر: بغير جنااااان ابو من؟؟

 وسطه ذهب ليوم الذهب

فاروق: مافعلش انا ذلحين!

هاجر: هي بنتك حين جت وبعد..

فاروق قاطعها: قسما لو تزيدي تذكريها ان هذه اخر طلقه لش

هاجر: ليش تجلس تدافع هي تشتي تنتقم مني انا داريه بها خبيثه.

فاروق خرج من الغرفه وهو بيهدد: لو تزيدي تذكريها من نفسش تشلي زبالتش وتخرجي من البيت.

هاجر خرجت لاعند الشغاله تفتش غرفتها !

.
.

في البيت..

ام مصطفى بعد ماتحسنت: البيت ماعليش منه انا شارفعه اهم شي انتي تجهزي البسي تشتي تتنقشي

آية ضحكت: اتنقش ليش الله يحفظش ياغاليه وما انحرم من طيبتش.

ام مصطفى حضنتها بقوه: مدري ليش احنجش من قلبي والا تقلي لان مصطفى ابني او حين هو زوجش

الصدق تعودت سفريات مصطفى اما انتي مع.

آية حضنتها: عيجبرني بش ويخليش لنا  هو أسبوعين ورجعنا.

ام زوجها: على راحتكم حتى سنه ، الله يسعدكم ويسخرلكم في قلوب بعض.



عند مصطفى..

مصطفى نازل بالشنطه ومنتظر في الرسبشن يحملوهن له

عماد: يا اخي انا وانت ايش الصدف العجيبه هذه ، عنرجع سوا.

مصطفى: اهلا وسهلا حياك الله ، بس انا مش راجع

عماد: اها يعني بس مغير الفندق .

مصطفى: المدينه مغيرها

عماد: تتهنوا يلا فرصه سعيده عرفتك

مصطفى رد عليه السلام: انا اسعد ، وموفق حبيبي.
.
.

في بيت فاروق ..

هاجر : انا داريه انش ماعسيتي شي لكن اشتيه يشوف بعينه افتش ان الذهب مش عندش

الشغاله بكل ثقه: عادي تعالي وكلمي بابا يشوف.

هاجر: راحت تدعي فاروق وفتشت الغرفه كلها

فاروق سكت: خليتي غرفتش مفتوحه؟؟

هاجر: لا

فاروق دخل معصب غرفه ابنه: الان ياكلب تخرج ذهب امك

ابنه: والله ماعسيت شي يا اباه اين ذهب

ابوه: انت اخبر انت وامك لو القى شي

فتش الغرفه مالقي شي

هاجر: مابلا بنتك هي كانت هنا فلتته وراحت تتصل لآية..

آية: ايش من ذهب؟ ؟؟

هاجر: جي للبيت الان.

آية: مش فاضيه لجنانش مع السلامه.

هاجر: بتتهربي مثل كل مره عوايدش.

 آية قفلت في وجهها التلفون

فاروق واقف ومستغرب

هاجر: مابلا مرتك وآية ماعدلا هن.

فاروق معصب: دوري ساع الجن ولو تفعلي مشاكل سيري بيتكم ..

فلتها وراح غرفته

هاجر اتصلت لاخت فاروق تشتكي لها

اخت فاروق: تشتي الصدق ذهبش مش قليل بلغي شكوى .

هاجر: بكره الصبح وانا في القسم ولو قرحت من ذمه اخوش.
















https://tttttt.me/rewayatyamania/39767




📚 @rewayatyamania 🇾🇪