🖤


بـارتـات يومنـا الاحــد👆🏻😍

البـارت رقـم 61

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في السوق..

آية خلصت تشتري لها الملابس و بقيت لها حق المواصلات راحت المعهد قبل درسها بساعه تنتظر

في المعهد كانت في مشكله..

صاحب بلال: طيب كيف انسرقين؟

السكرتيره: ما اعرفش ، كان في هنا شهايد و لما دخلت مكتب الاداره اشل الختم مابش

آية بتتفرجهم سكته منتظره

صاحب بلال شاف الباب رجع طلع الدرج ونزل فتح الطيقان ورجع لاعند السكرتيره  مره ثانيه وآية جالسه بتسمعهم

السكرتيره: والله ان المفاتيح معي ومقفل المعهد ما انكسر القفل

صاحب بلال: عرفت من وين من الطاقه اللي في الدرج حدد قياس الطاقه وبيشوف آية: يعني اللي دخل ممكن يكون مثلها ( يقصد نحافتها )

آية طبقت مثل (( اذن السارق تطن)) بس هي من كثر اتهامات الناس لها فهمته غلط: مادخلني وانا؟

صاحب بلال عقد حواجبه: مالش ! انا فقط بين افرض افتراض حجم الشخص اللي دخل

آية:هااه ، وانتو بتخلوا الاشياء المهمه هذه في الرسبشن ليش؟ وتخلوا الاداره مفتوحة؟

صاحب بلال صفق لها وشاف السكرتيره: هذا هو  سمعتي؟؟ كم مره نحذرش تقفلي

السكرتيره: لانه متأكده محد عيدخل غيرنا اللي معنا المفاتيح

صاحب بلال جلس وسارح: عندي  خطه

آية جالسه متحمسه للموضوع معه بتسمع

السكرتيره: ايش هي ؟

صاحب بلال: انتي بس تفاقدي بقية الاشياء وانا شاتصرف

آية جالسه منتظره لخطته ..
.
.

بعد نص ساعه بدأوا يحضروا المدرسين وقليل طلاب يسجلوا ويقدموا الاختبار

آية بتراقبه ملاحظه انه عينه على الباب بيتأمل كل شخص يدخل
.
.

بيت بلال..

رحاب فتحت لهم: بين اقول انها آية

بلال: آية في المعهد الان

وجدان لفتت له

بلال شاف وجدان: شابسر اذا كملت واوصلها معي

وجدان حنقت تركت كلامهم وطلعت غرفتها

امه: قلت لك ابعد من البنت هذه اهلها حق مشاكل افهم

رحاب: مابلا اهلها معقدين وماعلينا منهم يتمشكلوا مع نفسهم

وجدان منتظره يطلع مثل كل مره بتجهز دموعها

سمعت صوت السياره مشيت بسرعة واقفه في الطاقه وهو خارج بسيارته زادت تعصب منه وتصرفاته..
.
.

في المعهد..

آية جالسه مركزه معه ايش بيشوف للباب ؟؟

بلال دخل وشافها بتتفرج للباب شاف ساعته وقت الصف حقها؟؟ ليش مادخلت يمكن عشان معزومه

لفت للجهه الثانيه شاف صاحبه: لمن مراعي ؟

صاحبه: بعدا عتعرف القصه

بلال لفت لها: ليش مادخلتي الصف معش مشكله او شي ؟

آية بكلمه واحده ردت وبدون ماتلفت له: لا


عند السكرتيره..

واحد واقف: لو سمحتي كنت اشتي اشوف شهادتي

السكرتيره خرجت الشهايد الجاهزه: ايش اسمك؟

الولد نطق اسمه

صاحب بلال جالس عينه ع الباب وعلى اللي عند السكرتيره

بلال فلتهم ودخل الصف حقه..

السكرتيره: مع اي استاذ كنت؟

الولد: هااه مش متأكد الأسم

صاحب بلال شافه وقرب لاعنده

آية بتراقبهم

صاحب بلال: كيف مش انت داري استاذك؟

الولد: ناهي اشتي ابسر شهادتي اذا موجوده باسمي مادخل الاستاذ

السكرتيره بتدور على اسمه: طيب

صاحب بلال شافه مركزز ع الشهايد

الولد: اسكه لحظه هذه مكتوب اسمي

السكرتيره: بس مش اللقب نفسه

الولد خرج تلفونه: سهل شاصورها واطبع مثلها واعدل اللقب

صاحب بلال: اهااه ، كم درست هنا؟

الولد: دوره

صاحب بلال: شوفي اسمه بين الكشوفات اللي سجلت

صاحب بلال: اين كان فصلك؟

الولد اشر للفصل اللي جنب الدرج

آية وقفت وبتشوف صاحب بلال شك فيه جالسه تتفرج

السكرتيره لمحتها: ليش يا آية ماتدخلي ؟

آية: شويه واسير

صاحب بلال استغرب منها ليش واقفه..
.
.

بيت فاروق..

هاجر: هذه البنت ولاتستحي على نفسها عادها عتسير بيتهم

فاروق : قد قلت لها ماتسير

هاجر: ومادراك لو سارت بدون اذنك وبعدا يمكن تسير تخبي عندهم الزلط

فاروق شك في كلامها واتصل لآية مره ثانيه

آية جاوبت

فاروق: مش هذا الوقت درسش كيف لش جاوبتي

آية: مراعيه للاستاذ تأخر

صاحب بلال سمعها ولفت لها! مستغرب ليش بتكذب

صاحب بلال شاف الولد خرج وطلع سيارته لحق بعده

الولد جالس فوق السياره بيكتب البيانات اللي ذكرها في ورقه

صاحب بلال فتح السياره وطلع جنبه: ماتشتي قلي وانا اساعدك؟

الولد: انت بتدْرس ؟

صاحب بلال: ايوه

الولد ضحك واخذ راحته : كنت تقلي يا اخي من اول مالك جالس تسأل فجعتني

صاحب بلال ضحك: ليش فجعتك خير ؟

الولد: بصراحه اشتي انجز واخلص اشتي شهاده جاهزه اشتغل بدون تعب

صاحب بلال: وكيف عتفعل اساعدك؟

الولد: ابسر لو تقدر تدي لي صيغه الشهاده حقهم اعرف ادبر لك واحده ذلحين

صاحب بلال: اول اتأكد وريني؟

الولد سحب الملف اللي ورا في الكرسي وخرج شهايد والختم





















📚 @rewayatyamania 🇾🇪

البـارت رقـم 62

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


الولد سحب الملف اللي ورا في الكرسي وخرج شهايد والختم

صاحب بلال سحب الملف من يده: اوه شهاده حقيقيه

الولد بفرحه: ايوه مابين اقلك هيا انت دبر الصيغه وجي نندع شهايد ونتوظف احسن أماكن

صاحب بلال بهدوء والشهايد والختم والملف في يده فتح باب السياره ونزل

الولد بيصيح لحق بعد صاحب بلال: ياي وين رايح ؟؟ انت

صاحب بلال: ادخل اعبي الصيغه

الولد عصب انه سرقهن عليه

فتح باب السياره وبيمشي بعده يلحقه

صاحب بلال دخل المعهد شاف السكرتيره: لو دخل الولد بعدي خليه يدخل للمكتب ودخل طرحهن فوق المكتب وبيكلم شريكه في المعهد ع اللي حصل

آية من فضولها شافته دخل وقفت قدام باب المكتب وبتسمع شويه بس نفسها تفهم اكثر ايش حصل

دخل بسرعه بيدور وبيشتم: اين السارق هذا ؟؟

آية شافته

الولد: مالش ماتجاوبي اين سار اللي كان هنا

آية مسكت اعصابها لاتتليقن عليه اشرت له للمكتب

وواقفه

صاحب بلال بيضحك: هيا اجلس نفعل لك شهاده

الولد: وانت مادخلك ادي الملف حقي اللي سرقته

صاحب بلال بيضحك: انا والله قد ابسرت سرق خيرات لكن مثلك بغباءك ماشفت جاي تهازر الشهايد حقي من يدي وسط المكتب

الولد ارتبش خاف يشتي يرجع ويهرب دق رجله في الماسه بقوه

آية انتبهت قفلت الباب وبتدعي السكرتيره تتصرف يشتي يهرب السارق

السكرتيره راحت تدعي الحارس ( فوق التلفون ) كان ولاداري ايش حصل ومن بيدخل ومن بيخرج.

آية ماسكه بكل قوتها

صاحب بلال: لحقه ومسك الولد من كتفه شوف يا ذكي انا اقدر كنت اسحبك واستدرجك للقسم لو اشتي ثانيا انا محامي
ثالثا يا اخي ليش الكذب واللف والدوران وسرقه مش خايف من ربك ؟ قلدك الله كيف تشتي تتوفق وانت بتسرق !

الولد محرج ونادم موطي راسه

صاحب بلال فتح الباب مغلق بيحاول

آية ماسكه قوي

صاحب بلال: فتح الباب ودهفه بقوه

آية حست المغلقه هزرت يدها والباب خلاها تندهف لورا

صاحب بلال ضحك: يعني بعقلش تحبسينا مع سا..سكت لايحرج الولد

آية شافت الولد بيمشي: هاه عيمشي؟

صاحب بلال ضحك استغرب فضولها وحماسها مشي بعد الولد: اشتي بس اسالك سؤال

الولد لفت له: ايش

صاحب بلال: ليش يعني لهذه الدرجه مستميت تشتي شهاده وشهايد وختم؟؟

الولد: ظروفي زفت وهذا التكس حق واحد اشتغل وادي له ومابتخارج

صاحب بلال: قلدك الله يهنالك قلب وضمير تأكلهم سرقه ونصب وخداع ناس ماعليك مني كم عتخدع واحد وتبيع له مزوره وكم يخدع هو من مكان توظيف ذنب هولا كلهم في رقبتك ومفكر حالك عيصلح والله لايسوء لاتوقع افقر من اول

الولد كان سارح في كلام صاحب بلال شاف المسجلة مش موجوده صاح: بيتفقد السياره واللي فيها وبعصبيه: انسرررقت !! المسجله انسرقت

صاحب بلال: لاحول ولاقوة الا بالله نفس حالتي الصبح حين دخلنا والشهايد مسروقه تخيل هذا وانت ماسرقتهن لو سرقتهن ماكان وقع بك !!

فكررر ؟؟!  ودخل المكتب

آية : خليته يسير

صاحب بلال: ممكن اسأل سؤال ؟

 آية : ايش

صاحب بلال: ليش قاتلش فضول الموضوع ومعش الان درس

آية: انا حره ادخل الدرس او مادخلهش مش انا في مدرسه شلت شنطتها وكتبها وبتمشي ( تخرج)

صاحب بلال لحقها: لحظه وين سايره مسرع حنقتي

آية طنشت ومشيت

صاحب بلال: يا ساتر والهنجمه ( الثقل ).

 آية لقيتها فرصه راحت بيت رحاب وقت الدرس حقها لان ابوها منعها تروح بعد الدرس
.
.

بيت بلال ..

رحاب فتحت لها: حيا فقدت لش

وجدان واقفه في غرفتها شافتها جت وحدها مش مع بلال نزلت

آية ابتسمت لها وبتسلم عليها

وجدان بتسلم ببرود: جيتي وحدش

آية لفتت لرحاب: ليش عازمين حد ؟

وجدان شافت آية و بأبتسامة حذق وماسكه خصرها: ياسعم بلال مش في نفس المعهد اللي انتي فيه

آية: ايوه وايش دخل بلال في العزومه

رحاب لفتت لوجدان وبتمازحها: اصلا بتغير عليه

آية ضحكت : تغير عليه ! محد داري اين هو

وجدان : بيدرس بنات ؟

آية: وانا ايش عرفني ياسعم ان انا السكرتيره اتحاسبي انتي وياه واساليه

رحاب بمزح مسكت راسها: بدل ماتعقليها عاد انتي تشتيها تسأله

آية شافت وجدان وهي فاهمه انها بتغير منها : والله هي اخبر اذا هي واثقه من نفسها ومن حبه لها ماعتجلس تلاحقه

رحاب شافت وجدان غمزت لها: هيا سمعتي ماشاء الله عليش يا آية هيا جين نقرب الغداء
.
.

في المعهد
جالسين في المكتب بيشربوا شاي وبيتكلمو مع بلال على الذي حصل

صاحب بلال سرح شويه

بلال بياشر له بيده وي : مالك اين رحت

صاحبه: يا اخي هذك آية غريبه عجيبه

بلال تغيرت ملامحه ضبح وبدأت عنده الغيرة..

شريك صاحب بلال قاطعهم استأذنهم وخرج

بلال: ليش في ايش غريبه طالبه مثلها مثل اي واحده

صاحبه ابتسم ونظراته شارده:...
























📚 @rewayatyamania 🇾🇪

البـارت رقـم 63

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بلال: ليش في ايش غريبه طالبه مثلها مثل اي واحده

صاحبه ابتسم ونظراته شارده: يا اخي غريبة في قمه براءة ملامحها الجميله في قوة تفعل للواحد صدمه لما تتصرف والمشكله بذكاء يعني تحير الواحد ماعد اقدر عليها

بلال عصب: يااااي قد انت مثل بعض مدراء لو قد معه سهم في المكان خلاص عيبدا يبسر هذه وهذه ويشتي يكلم هذه ويصاحب هذه اعقل عاد انت محامي

صاحبه: تمام ومن نكر ومالك انت هكذا متحامل عليا محسسني انك مدرس الأدب الزم حدك رياضيات بس

بلال ماقدر مايقله: الصدق هي قريبه لنا

صاحبه: هااه يعني ادور غيرك اجابره عن جنانها

بلال تذكر انها بيتهم لقيها فرصه يروح عشان يكلمها.

 قام ووقف قريب منه : كان خاطرك لكن ياويلك عيونك هذه وفكرك يتجاوز حدوده بتسمع عادها قريبتي

عماد ضحك: انت مستفز يلا من هنا

بلال بجديه: عماد اكلمك جد والله مابين ازبج معك هذه قريبتي ولاتزيد اللغاجه بتسمع .

وخرج

وصل بيتهم وهي مروحه..

شافها خارجه من الباب بنبرة ضبح: بطلي مجابره في المعهد وحركات مع عماد

آية استغربت وقفت: ومن هذا عماد؟

بلال: ياسعم بتتظيرفي

آية: انا استاهل اللي واقفه ارد عليك ليش بتتكلم معي هكذا بس طيب شاسأل بكره من هو عماد .

خرجت وقفلت

وجدان واقفه في غرفتها متبرقطه بتاكل نفسها ليش كمان واقف يكلمها.

بلال رجع معصب من اسلوبها وعنادها وكيف رجعت لشخصيتها العنيده الأولى.

وجدان: ماعد قدرت تمثل صح تعبت

بلال: امثل ايش ؟؟

وجدان بأسلوب سخريه وبتقلده: انه مابش في حسك منها وهي الا مثل اخت وفتره جلست معاكم واعتبرتها اخت

بلال بنظره وجديه قويه: وجدان ! لو سمحتي تغيري أسلوبش هذا معي اذا عتتكلمي معي هكذا فوالله لاتندمي لكن لو تتكلمي بأسلوبش القديم احترام وتفاهم شاضطر ولو انها للمره المليون ابررلش

وجدان بنرفزه: لاتبررش ولاشي واضح باين وقلت بنفسك

بلال طنشها بتتكلم ورجع رد وغير الموضوع: في غداء؟

وجدان بزعل: ايوه في

بلال: طيب جاوع

وجدان: وانا ماخلصتش كلامي يا بلال

بلال شافها بنظرة ضبح : ولاعيخلص ولاعتخلصي وواصلي وشوفي مني اشياء ماعتعجبش واقلش واغشش بطبع فيني انا لو تغيرت بسبب حد مستحيل ازيد ارجع مثل ماكنت ولو تعتذري مليون سمعتي؟

وجدان حنقت منه ونزلت تجهز الأكل وبتفكر في كلام آية انها مش واثقه من نفسها عشان بتغير لهذه الدرجه منه !!
.
.

في بيتهم دخلت..

ابوها شافها ومتغيره ملامحه نفس ملامحه القديمه لما كان يضبح منها.

آية مستغربه كيف رد ابوها عليها السلام بدون نفس دخلت تبدل ملابسها .

هاجر بصوت واطي: ذلحين لو صارحتها عتنكر صدقني

فاروق: شاتصرف ماعليش انتي.

آية دخلت الحمام

فاروق دخل غرفة آية وقفل على نفسه عشان يدور براحته.

آية خرجت من الحمام بتفتح غرفتها مقفله !!

هاجر بنظره وابتسامه مكر: ابوش داخل

آية: وليش مغلق

هاجر : مفجوعه صح .



في الغرفه

فاروق فتش شنطتها دولابها ادراج التسريحه جلس فوق السرير يفكر كيف يتعامل مع هاجر وافترائاتها بعد ماكان متوعد ومتحلف لآية قام من فوق السرير وذكر يشوف تحته بعد ماذكر كلام ابنه وبيحلف

رفع الفرش حق السرير وشاف الفلوس جمعها وسحب السرير يتأكد لو باقي شي

كان مصدوم انه انخدع بها وصدقها زعل اقتهر منها لأنها بتكذب عليه وانها بتسرق وانه ظلم مرته بسببها

فتح الباب وخرج

آية شافت الفلوس مستغربه: ايش هذا ؟

ابوها شافها بتتفرج: ليش ساكته ؟ توقعتي ان انا اهبل ماشعرفش صح

آية: انا مستغربه ليش الفلوس في يدك هكذا

هاجر قامت لاعندهم وماصدقت الوضع عشان تشمت فيهم: قلت لك شفت انها سارقه مخادعه بتمثلك مسكنتها وانت تصدق

آية: انتي اسكتي ماتدخليش

ابوها: احترمي خالتش

آية بعصبية : ماشحترمش بتسرقني !

أبوها: ماقالت شي غلط فعلا انتي سارقه

آية: وياسعم الفلوس اللي في يدك هذه الي انا سرقتها !

ابوها: يعني انا شاكذب واتبلى عليش

آية: وين لقيتها ؟

ابوها: ليش شكل معش اماكن عاد انتي بتسالي على البقعه

آية: ايوه تشتي تدخل تخرج بقيه الكنز ادخلوا

ابوها: مسكها بقوه من يدها ولفها بيده المره الجايه شاكسرها لو تزيد تمدي يدش على غرفه خالتش

آية مصدومه في ابوها : سحبت يدها وبتدخل غرفتها

هاجر: وين لقيتها؟

فاروق: تحت السرير عند الطاقه

آية سمعت وخرجت: كنت بين اقول معها مفتاح احتياط ودخلتها للغرفه عشان تتبلى عليا لكن قدي واضحه قدام عينك صدقت! رجمتها من الطاقة هي

ابوها: ولاصوت ادخلي يلا انقبري في غرفتش

آية دخلت غرفتها وقفلت

هاجر شافتها معصبه خافت يروح يراضيها: خليها تبكي وتتأدب لاتراضيها وترجع تصدق لها

فاروق ناولها الفلوس: ها ..

ورجع دخل الديوان بيفكر شافها ماتغيرت وتعب من تصرفاتها قرر يدي لاخته موافقه عشان اللي كانوا يشتوها من طرفها.
















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 64

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في غرفتها جالسه بتفكر كيف تفعل تثبت لابوها انها مش هي !!
.
.

بيت بلال..

وجدان: ايش رأيك نخرج؟

بلال: وايش الفايده من الخرجه ؟

وجدان: ضابحه

بلال: اها اهم شي نفسش تغيري جو

وجدان: اشتي اكلمك في موضوع مهم

بلال: تكلمي

وجدان: لا خارج

بلال: تمام شاخرج معي مشوار وارجع نخرج بعد المغرب..
.
.

بيت رحاب..

ام رحاب: تمام شاخلي بلال يقابله بعد المغرب ويجلس معه

رحاب متوتره: يعني عيجي لهنا وماقد بش شي رسمي ؟؟

ام رحاب: ماشي يلتقوا خارج نبسر هذا عاد طريقته غير خلق الله

رحاب: ناهي يقول اللي عنده وبعدا احنا عنسأل عليه ماعنصدقه بمجرد مايتكلم عن نفسه.

بلال نزل: السلام عليكم

امه: وعليكم السلام اجلس اشتي احاكيك

بلال: اشتي اسير مشوار وارجع

امه: عتتاخر؟

بلال: ماشي شارجع لاني قلت لوجدان نخرج بعد المغرب

امه: مش وقت خرجتكم ابسر العريس اللي يشتي يتقدم لاختك قال تلتقوا خارج بعد المغرب

بلال: التقي به انا ليش! او انا اللي طلبته يجي يخطبها .. يجي للبيت ساع خلق الله

وخرج معصب

امه: بلال .. ياي بلال

رحاب ضبحت من عناده وسكتت
.
.

بعد المغرب..

وجدان نازله معه من الدرج

امه: عتكسر كلمتي وقد قلت لهم كلمه

بلال ضبح: ليش تتكلموا بدون ماتسالوني

امه: هي امه قالت مايشتيش حركات الوساطات يجي يكلمك لراسك بكل شي وبعدا انت تتصرف

بلال: قولوا له للساعه 9

خرجوا..

ام بلال لبنتها: هي بتعلمه انا داريه

رحاب: ولاعلمته بشي هو نزل وقال عيخرجوا من اولها

بعدا قوا لاتجلسي تهرميه احنا قلنا للبنت معش شقه وياخذوا راحتهم هكذا عتضيقي عليه ترضي لو تزوجت هكذا يقع؟
.
.

في بيت فاروق..

هاجر: وكيف تزوجها لناس مثل هولا معروفين ومرتاحين تشتي بنتك تبهذل بك؟

فاروق: هو هذا اللي بين اهمه

هاجر داخل نفسها والله ماتتزوج لبيت فلان وتوقع احسن مني آخرتي يقلين عليا النسوان شلوها احسن ناس ولابسه احسن منش
.
.

في غرفتها..

آية كملت تذاكر وتكتب الواجب وجالسه تفكر في موقف ابوها كيف تتعامل معه ! كيف تبرر له ماصدقهاش ليش رجع تغير معقول عرف من بلال انها راحت بيتهم ! تفكر تسأل بلال ومتردده
.
.

في المطعم..

بلال: ايش الموضوع

وجدان: ليش متضايق من تصرفاتي معك

بلال: لانش رجعتي قوي نكديه بتغيري واصل

وجدان: طيب من الحب

بلال: ناهي من الحب ايش معنى من آية بس بتغيري

وجدان: لانها الوحيده اللي بتتكلم معها وتهتم هكذا وبيضايقني الموضوع

بلال: طيب وقد قلت لش الف مره تعاملي سطحي بنت طالبه في المعهد ومواد ثانيه انا بين ادرس وانتي تدوري مشاكل

وجدان: ممكن وانت ماعد تتدخل منها مش ضروري تسال وتكلمها وتسلم عليها لما تجي عندكم

بلال: كنت بين احذرها من واحد بس ماسالتي ايش تكلمتو قمتي تدوري هدار من راسش

وجدان: طيب ماعيتكرر هذا الشي خلاص وعد

بلال: يعني هذا الموضوع؟؟

وجدان: ايوه ليش كنت تشتي شي اكبر منه

بلال ضحك: ي الله رضاك كيف روحش المشاكل هيا كلي اسير اشوف هذا العريس فارح بروحه يشتي مقابله لراسه

وجدان: طيب ومافيها يمكن معه ظروف يشتي يكلمك وحدك

بلال: قد بروح واسمع قصته



بعد ساعه التقى هو وياه في مقهى

العريس : فضلت اجي بنفسي ادي لك كل المعلومات عني بحيث لو سألت تكون عارف ومانعطلك بالموضوع بحث ولف وحركات اسمي طارق عمري 34 سنه مهندس مدني معي مكتب تصاميم ديكور ومقاولات درست في الخارج ورجعت قبل سنتين توظفت وجهزت نفسي

بلال: كنت متزوج؟

طارق : لا ، بس انشغلت بدراستي وماكنت مقرر وين استقر اجلت موضوع الزواج.

بلال مركز على طريقه كلامه ولبسه: وكيف عرفت عن عائلتنا

طارق : بنت اختي طالبه في المدرسه وماكان قدامي وساطات اجي عبرهم ولا احب هذه الحركات فضلت  اجي شخصيا لاعند صاحب الشأن وولي امرها اللي هو انت بعد الوالد رحمة الله عليه

بلال: خير ان شاءالله ، نشاور البنت في الموضوع والله يكتب اللي فيه الخير

طارق خرج الكرت حقه: هذا رقمي وعناويني وهذه دعوة زفاف اخي في منزلنا سيقام موجود عنوانه في الدعوه ونتشرف بحضورك

بلال: الف مبروك والله يتمم له على خير.

كمل اللقاء بينهم ورجع بلال


رحاب كانت منتظره لاخوها : عادك جيت

بلال: ايوه مارقدتيش؟

رحاب ماتشتي تبين له اهتمامها بالموضوع: لا بين اتابع مسلسل

بلال بيدورها: امي وينها ؟

رحاب: رقدت

بلال : يلا تصبحي على خير ..بيطلع الدرج. .

رحاب بضبح بتضررب الريموت

بلال حس انها ضبحت لفت لها: ايش في ؟

رحاب: علق الريموت مابش شي

بلال ضحك وطلع

رحاب بينها وبين نفسها: نذل والله انا اوريه لاني مستحيه منه بس.























📚 @rewayatyamania 🇾🇪

البـارت رقـم 65

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


ثاني يوم فوق السياره..

فاروق وقف جنب المعهد شافها من الليل في غرفتها ماخرجت تاكل معهم خرج فلوس وناولها

آية بعدت الفلوس من فوق شنطتها وطرحتها في الكرسي ونزلت وقفلت

فاروق استغرب من تصرفها !


دخلت المعهد

عماد: وعليكم السلام

آية طنشت ومشيت

السكرتيره: من مزعل آية اليوم

آية طنشتهم ودخلت صفها

بعد ماخلصت خرجت لقيت بلال واقف ييتكلم مع طلاب وعماد في المكتب وحده مشيت ووقفت في الباب..

بلال بيشوفها وداخل نفسه ضابح مابتفهمش حذرتها وعادها بتعاند

عماد تفضلي

آية واقفه: ينفع استشيرك بموضوع يخص وظيفتك

عماد: ايش عتشاركينا في المعهد

آية: انت محامي صح ؟

عماد ابتسم باستغراب: ايوه وليش معصبه هكذا !

آية جلست فوق الكرسي : طيب لو اشتي ابرئ واحده واكشف انها بريئه تقدر تساعدني بخطوات والا ضروري ادرس محاماه

عماد جلس يتفلسف ويتكلم في القوانين والجرائم

آية قاطعته: لحظه مش هي قضيه اصلا هو موقف في بيتهم بس كيف تبين براءتها !

عماد: ايش القصه احكي ؟

آية ماتشتي تبين له انها هي: الشغاله حقنا واثقه فيها ماتشلش زلط وفي البيت اتهموها انها هي

عماد: طيب وانتي شاكه في حد غيرها اذا مش هي ؟

 آية: ايوه

عماد: طيب في من وكيف شكيتي

آية: اخي الصغير كل يوم يخرج يلعب واسمع مضرابه هو وعيال الحاره ويقلهم شادي لكم تمام مره شفته خرج العابه وماعد رجعهن واشياء كثير لذلك شكيت انه شل الفلوس

عماد: طيب سوي له فخ واثبتي وخلي اهلش اللي اتهموها المسكينه يشوفوا بعينهم وهو بياخذ

آية امتلت عيونها دموع لما سمعت كلمه المسكينه على الشغاله لو يعرف انها هي ! : فخ كيف

عماد بيمزح معها: ماعرف كيف بس انتي وشطارتش ولو نجحتي اوظفش عندي في مكتب المحاماه حقي

آية لما قال انتي وشطارتش جت لها فكره: طيب شافعل فخ

بلال دق الباب ودخل جلس فوق الكرسي

عماد: خلاص ومنتظر منش الخبر

بلال: في ايش؟

آية شافت عماد بنظره ورجعت تشوف بلال: عفوا بس موضوع خاص..

وخرجت من المكتب

بلال: ايش الخاص ! عليا انا

عماد هز راسه: نعم تعرف اسرار الموكلين خاصه بي ما اقدرش اتكلم بها

بلال ضبح وعصب قلق ليكون في معها مشكله: امانه ايش في معها مشكله!

عماد قام وقف وبيلف ادواته من فوق الماسه: وانت مادخلك يا ساتر كيف انت فضولي

بلال: طيب يا حيوان عليا انا هذه الحركات قدك محامي ذلحين

عماد ضحك خرج: مع السلامه يا استاذ بلال هكذا يتكلموا مع المدير !

بلال ضحك مسك القاروره الفاضية ورجمه بها: مش عليا انا اخرج لاطير هيبتك هنا .

عماد خرج وهو بيضحك


آية كانت منتظره ابوها لمحته بيضحك: رجاء يا استاذ عماد الموضوع خاص ماتكلم حد

عماد بجديه: عيب والله مايخرج حرف .

آية وصل ابوها خرجت وطلعت السياره .

عماد شافها وطلع سيارته ومشي

ابوها: ليش ماشليتي الزلط

آية ساكته

ابوها: من بين اكلم ؟

 آية: مش محتاجه الفلوس

ابوها: ايوه تعودتي السرقه اصلا مش محتاجه الزلط

آية ماسكه غضبها وبتحاول تهدأ

وصلوا جنب البيت

فاروق شليها مشتيش نتصايح انا وانتي داخل

آية بعد صمت وتفكير طول الطريق لخطه خرجت قلم: اين الزلط

ابوها خرجها من جيبه وناولها

آية شلتها وسوت نجوم زرق بلون أخضر لماع فوقها

ابوها: ليش هذا بتشوهي بالعمله !

آية: عادي العمله جماد ماتحسش تتحمل لو تشوهت شويه اما انا ماقدرش اتحمل هذه المعامله والافتراءات حقكم رفعت الفلوس قدامه وورته النجوم وكسرت القلم ورجمته

ابوها: ايش الجنان هذا مافي راسش ؟

آية فتحت باب السياره ونزلت: شاوريك واثبت لك من سرق الزلط

ابوها دخل السياره في الحوش وبيدعي ابنه بسام خرج فلوس: سير اشتري لي ماء

آية تشتي توري بسام ان معها فلوس خرجت فلوس: سهل شادي له انا من هذه

ابوها: لا قد ناولته

بسام لفت لها و ابوه بيقفل السياره مش منتبه لهم: اووهو مزلطه

آية: ايوه ابي ادى لي رزمه زلط محتاجهاش

بسام: اديها

آية دخلت: ماعه

بسام ضبح منها وخرج ينفع ابوه

آية دخلت بسرعه غيرت ملابسه طرحت الشنطه فوق السرير وخرجت الفلوس طرحتها فوق السرير وشلت الكتب وخرجت الحوش

بسام دخل للديوان ناول ابوه الماء وخرج
















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 66

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت بلال..

امه: وين انت من أمس ولا خبر مراعيه لك

بلال: جيت وانتي نوم والظهر خرجت وانتي مابحد وذلحين جيت

امه: ماوقع

بلال شاف رحاب جالسه مركزه معهم: ولاشي

امه: كيف ولاشي ؟ كيف الولد!

بلال: قدو عجوز عمره 44 سنه اصلع عايش مع اهله ومعه 4 خوات و8 عيال وابوه مزوج 4

رحاب مبهرره منصدمه

امه: يو خلاص قله مابش نصيب

بلال: قد قلت بس لقيت لها عريس ثاني كيف هذا ؟

رحاب بتشوف الكرت: ومادخل اسمه ورقمه في رأيي

بلال بغمزة عين: ياسعم ماعرفتيه

رحاب: من هو ؟ والله ماعرفت

بلال: عليا الحركات هذه جاء يخطبش واحد ولا داريه اسمه ووظيفته طيب اللقب مش البنت طالبه عندش

رحاب: ها قصدك هو نفسه ! ياذكي هو خالها مادراني لقبه واسمه

بلال: كنت امزح معاكم ؛ صراحه للأمانة ولو نفسي اكذب بس  رأيي فيه كشخص حبيت أسلوبه وثقافته باقي أسأل عليه اكثر

وجدان جلست معهم وبتسمعهم

رحاب ابتسمت وهي مستحيه.

بلال شافها وراح هزرها بسفاط وطرح يده على رقبتها: معي جوهره اديها لأي حد هكذا بدون ما اطلع عينه مستحيل باسها فوق راسها : الله يتمم لش على خير.

وجدان حست بغيره: الله يتمم لش على خير

رحاب: ان شاءالله.
.
.


بيت فاروق

آية جالسه في الحوش وشايفه اخوها يدخل ويخرج ويتلفت لها

آية: مالك.

بسام: ولاشي

آية رجعت تذاكر  وتحسسه انها منشغله بالمذاكره ومش مركزه معه

بسام دخل البيت..

آية بتمشي بعده تراقب وين رايح.

بسام بيشوف غرفتها مفتوح الباب وفي الصاله مابش حد ابوه في الديوان لقيها فرصه دخل غرفتها فتح الدولاب مالقي شي شاف التسريحه مابش شي يشتي يخرج لمح السرير شنطتها والفلوس موجوده اخذ منها وخباها في جيبه

آية واقفه باب غرفتها بتسمعه داخل منتظره يخرج

بسام بيخرج من الباب ..

آية ابتسمت له: الحمدلله انك هنا اشتي اكلمك في موضوع يوقع سر بيننا توعدني

بسام من خوفه لاتعرف: اوعدش ماهو السر

آية: راعي اغلق الباب لحد يسمع

بسام قام يشتي يخرج من الغرفه: جابريني بعدا

آية: ماشي لازم الآن

بسام بيداهفها ماسكه يده: آية مش وقت الهباله اشتي اخرج اصحابي مراعيين لي

آية: والله ماتخرج الا لما اكلمك

بسام عصب وييصيح: آية لاتخليني امد يدي عليش والله لاضربش وابكيش

امه مشيت من جنب الغرفه بتسمع لقتها فرصه كمان تثبت للاب ان آية بتضارب راحت تدعي فاروق..

فاروق وصل فتح الباب: ليش صياحكم لخارج؟

هاجر: انت شاهد قبال عينك بتضربه وماسكه له

بسام : ماضربتنيش ياسعم ماقدرش ادافع على نفسي

آية: بسام لو سمحت تقلي ليش كنت في غرفتي

بسام استغرب من سؤالها: ولاشي كنت ادورش

آية ضحكت: تدورني وانا في الحوش ماشاءالله ذكي وصادق مثل أمك

هاجر: يووو بتسمع قليله الذوق هذه؟ أكسر رقبتها هذا الساع؟

آية بابتسامة وهدوء: نشوف عتكتسر رقبه من ذلحين

بسام بيداهف يشتي يهرب

آية مسكته بقووووه

بسام دهفها للأرض

ابوه مسكه: جي لهنا مالك خايف هكذا!

هاجر: من المصيبه بنتك بتبسر كيف بتفعل به

فاروق: اصه خليني اكلمهم

بسام بيحاول يفلت من يد ابوه: اشتي اسير العب

آية بعصبيه مسكته: تكلم الصدق وانا والله ماخلي ابي يضربك بس قول الصدق

بسام: ايش اقول ماتشتي

آية: كلمه ليش بتجلس تسرق زلط وتخرج العابك للشارع ليش ؟

فاروق: ماهو !!

هاجر بتدعي عليها: انتي ماتشتي مني ومن جهالي الله ينتقمش ماتشتي مننا بتدوري موضوع ثاني تحارشي به

آية: انتي اسكتي ام مش داريه وين ابنش ولمن كل يوم بيشل زلط

فاروق فتش جيوبه وخرج فلوس

هاجر بتكابر: ايوه انا اديت له زلط اليوم لاتدوريش تنتقمي مني في ابني اتقي الله

فاروق خرج الزلط: كم اديتي له؟؟

آية ادت فلوسها من فوق السرير: ابسر انها زلطي ها ناقصه منها

هاجر تشتي تتكلم بتصيح

فاروق خرجها: اص اخرجي انتي ذلحين

وغلق الباب

هاجر جالسه تصيح وتدق الباب

فاروق شاف العلامه في الفلوس اللي معه: هذه فعلا فلوس آية اليوم عالمتها ليش يا آية؟؟

آية: ليش افضحه؟؟ والا ليش ابرئ نفسي ان انا ماسرقت فلوس مرتك والا ايش؟

فاروق نسي الكلام اللي كان يشتي يقوله لها جالس سارح

آية: ذلحين انا ماهمني اوقع سارقه او لا ، قل له يتكلم ليش بيسرق الزلط وليش بيكذب وليش واصل في الشارع وليش دايما بتنضرب وصوتك لاعندي

بسام بكي: والله انها كذابه ولا وقع شي

فاروق فتح باب الغرفه وشاف هاجر:...





















📚 @rewayatyamania 🇾🇪

البـارت رقـم 67

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية: ذلحين انا ماهمني اوقع سارقه او لا ، قل له يتكلم ليش بيسرق الزلط وليش بيكذب وليش واصل في الشارع وليش دايما بتنضرب وصوتك لاعندي

بسام بكي: والله انها كذابه ولا وقع شي

فاروق فتح باب الغرفه وشاف هاجر: والله ماكذاب الا امك جاوب اسئلة اختك

هاجر ساكته لانها سمعت اللي حصل

آية: لاتخاف الحجه مش هي عندك عند آية جالسه طارحه راسها براسي تجحف اخطائي ونسيت تربيك

هاجر: طالعين لاختهم بيتعلموا منش كل شي

فاروق عصب فوقها: انتي دايما تفلتي حل وسبب المشكله وتجلسي تدوري هدار وتكبري المواضيع وتزيدي توالفي لنفسش بلاوي اتهمتيها سرقت طلع ابنش السارق اتهمتيها شوارعيه وابنش جالس يلف فلوسش وللشارع وزيدي واصلي وافتري عليها لاتربيش حارشي راقبي اظلمي

هاجر: انت مش طبيعي فيك شي اسير اقل لاختك تدي شيخ عتجننوا ابني انت وبنتك مشيت وراحت تتصل لاخت فاروق

فاروق شاف بسام: لمن بتدي الفلوس! وليش؟

بسام ساكت مش راضي يتكلم

آية: حاكي ابي وانا اوعدك مايعاقبك

بسام: مابش شي

فاروق شاف آية: بيقل مابش شي اذا شفتي عليه شي تكلمي

آية: يعني أتصرف انا ؟

 بسام: انتي ماتتدخليش

فاروق: خلاص انا اسحبك للشارع وانت قل لي اين خبرتك وانا شاسالهم بنفسي تمام

بسام خاف: قوا ماشي

آية: ليش ماشي خفت؟؟

بسام: لاتبهذلوني قدام أصحابي

فاروق عيتبهذلوا معك جي سحبه وخرج

آية لحقت و راحت الحوش

واقفه تسمع ايش السبب

هاجر خرجت قاطعتها: مفكره انني شاسكت !

آية: لاتسكتيش تبدعي بنفسش عند الناس وقولي لهم طلع ابني سارق وكذاب هكذا اللي يتهم الناس ويفتري عليهم و ياريتش تعتبري مابش فايده للأسف

هاجر: سهل هانت قد ادالش الله من يطلع عينش ولو وقع سوا اعرفي اعلمه كيف يطلع عينش

فاروق دخل وهو معصب بيضرب بسام

هاجر: مالك عليه ؟ ايش حصل

فاروق: جبان جالسين يذلوا ابنش ويستغلوا خوفه وانتي مش فاضيه تربي جالسه تنتقمي من آية

بسام: هو اول شي قلي معنا نصيب في الدكان

فاروق: زادوا عليكم يا هبل انت وياهم هو يصيح فوقكم كلكم وهم يحوشوا فوقك وانت تفرق قسمك وقسمهم

آية: ايش الموضوع؟

فاروق: هذه نتيجه اللي يسايروا اكبر منهم جالسين يخططوا ويكذبوا لهولا محل مفتوح للكل يساهموا بجمعيه واخوش يدي عنه وعن الجهال هم ينضربوا من الشباب ويجوا على الضعفاء مثل ابنش ياهانم ! شاف مرته

هاجر ماكانت مستوعبه كلامه تركيزها وتفكيرها في المشاكل اللي بسبب آية: بيلعب قبال البيت كذابه بنتك

آية ضحكت: والله ان انتي مريضه ماذلحين صدق

فاروق: هم يدسعوهم وهولا يجوا لاعندك وانت خايف تقول مابش معي ليش ماكلمتني

آية: تذكر كل مره كم اسالك وتصيح انت وامك وتقلي مالش دخل بابني لو كنت كلمتني كنت شاخرج عشانك واتحداهم كلهم.

بسام: مشتيش يكفي بسببش جلسوا يضحكوا عليا انش هربتي وسرقتي

آية: ومن قال لهم ما سألتهم؟ قل لامك تبطل تتكلم ع الناس عند امهات أصحابك
.
.

بيت بلال...
في غرفتهم

وجدان: سبحان الله رحاب عتنخطب من اخ ضخم معها لاعند رجال ضخم

بلال عصب لفت لها: من الضخم؟؟ وانتي مادخلش منه !

وجدان بتحاول تراضيه: انت الضخم ، زوجي كيف مادخلني منه.

بلال: والعريس الضخم ماعليش منه

وجدان: ماعليا منه اديت رأيي

بلال: وضخم ومدري ايش ايش عاد بقيتي

وجدان: لك؟كمل الجمله ايش بقيتي لي؟ بقيت حب وأنك احسن واحد وافضل واحد

بلال ابتسم: ايش الروقان هذا كله ماشاءالله ماشاءالله ماعرفتش

وجدان جلست قدام المرايه وبتمشط شعرها: ولا روقان ولا شي بس اكتشفت انه مافي داعي اغير من حد ماشاء الله عليا مش ناقصني شي

بلال بيشوفها في المرايه وبيتحيلا لها: حبيت الثقه والزنط هذا محلاش وانتي مبتسمه ورايقه

وجدان: مثل ما انا الان شايفتك وانت شايفني انعكاس صور على مرايه ومشاعر لبعض .
تعاملني بتفهم وكلام حلو شاجلس دايما مبتسمه تعاملني باستفزاز وغيره عتشوف الوجه اللي كنت فيه امس انا ومش عاجبك

بلال ضحك: ايش الفلسفه هذه الخطيره طيب موافق بس اوقعي مرايه مثل الناس مش تكبري وتصغري الأمور ع ماتشتي زي بعض مرايات

وجدان ضحكت: تمام يا ابو الفلسفه أنت

















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 68

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت فاروق..

فاروق في غرفه آية: كنت اشتي اتكلم معش في موضوع

آية: ايش على بسام صح كنت عارفه

فاروق: لا لا ، اسمعي جاء لش عريس وماله شي شخص كويس جدا مرتاح ومن بيت ناس ماشاءالله ومتعلم الولد

آية: بس انا اشتي ادرس جامعه

فاروق : وهو اصلا شارط هذا الشي قال كان يشتي جامعيه يعني عتدرسي وماعنده مشكله

آية سكتت شويه داخلها فضول تعرف من العريس وكيف شكله وبتتخيل نفسها بفستان وطرحه وكيف عتكون وكيف موديل فستانها

فاروق: فكري براحتش وارجع نتكلم

آية سكتت

ابوها خرج من الغرفه

آية اتصلت لرحاب : معي لش خبر اشتي رأيش فيه

رحاب ضحكت: سبحان الله وانا معي خبر بس قد رأيي جاهز مش داريه كيف اقلهم

آية: اول انتي

رحاب: جاء لي عريس

آية ضحككت : وانا كمان جاء لي عريس

رحاب: يوو بس عاد انتي صغيره

آية: ايوه قلت لابي اشتي أكمل الجامعه قال هو يشتي جامعيه يعني مابش شي ارفض بسببه

رحاب: بس برأيي تدرسي بدون مسؤوليه افضل لاتهمي بيت وزوج ولاشي تكوني صداقات وتتعرفي على بنات تستمتعي لو معاكن رحلات خرجات تخلصي مسؤوليه وتنتقلي للثانيه تكون افكارش قناعاتش تغيرت

آية: قد تغيرت من زمان خلاص ، ذلحين اشتي استقر مكان سوا تعبت هنا مشاكل واصل يمكن يكون شخص كويس وبتفكر في (بلال) ويدي لي حريتي وادرس وكل شي

رحاب: وممكن يكون مش مثل ما انتي مفكره او يمكن يكون فارق السن بينكم هو سببب مشاكل

آية: ليش انتي متشائمه هكذا ، يعني ماوافقتي بعريسش؟

رحاب: انا وضعي غير يا آية والشخص اللي تقدم لي غير سني مناسب وتعلمت وخلصت وتوظفت استقليت شخصيا من كل النواحي الان بقي اكمل حياتي مع شخص بعد ماحددت مكاني ودراستي وشغلي

آية حست داخل نفسها انها مبالغه زياده عن اللزوم وبدأ العناد عندها يشتغل: وبعدين انتي طيبه قوي وتستاهلي كل خير و الف مبروك لش لاتنسي ما تعزميني

رحاب: ماشنساش و انتي عقبال ماتعزميني بعد الجامعه ان شاءالله

آية: مدري كيف على الله.
.
.


ثاني يوم في المعهد..

آية دخلت مبتسمه متعلقه بقشه أمل تتغير حياتها مع شخص جديد طرحت في بالها مواصفات فارس الاحلام اللي تشتيها لشخص عادو الا تقدم فقط ماتعرف عنه شي ، مبتسمه بتمشي بثقه ومن نظراتها بيتوزع حب لكل شي حولها

سلام

عماد اول مره يشوف ابتسامتها والغمازه اللي في جوانب ابتسامتها لفتته بشكل مختلف هذه المره: وعليكم السلام... وسكت مستغرب متغيره

السكرتيره: اهلا آية ، ماشاءالله اليوم متحمسه ونشاط

آية مبتسمه: ايوه

عماد: وايش السر نجحتي في اول قضيه

آية ضحكت: ايوه

بلال دخل وهي بتضحك: ماشاءالله انا شايف المعهد رجع مطعم ومهرجان مفلتين حصص وجالسين مع السكرتيره على الاقل ساعدوها

عماد شافه: ايش رأيك توقع انت المدير انا موافق ارجع سكرتير واساعدها (لفت لآية)

آية: قصدك تساعدها ( اشرت للسكرتيره)

بلال بضبح: برافو عليكم استمروا ودخل الصف حقه

عماد شافهن: هو هكذا ذلحين مدري من قد رفس موده من الصبح جاء فوقنا ماعليكن منه

آية ماشيه لصفها وبلال واقف جنب الصف حقه بيسمعهم شافته وقالتها باستفزاز  : I don't care  ( مايهمنيش) ودخلت صفها

بلال شايفها تغيرت عليه قوي وبدأت تميل لعماد صح صاحبه بس بيحس انه يعرفها قبله وخايف عليها منه و مراوغته لانه طبعه حلو مع البنات ومعه صداقات.

عماد دخل مكتبه وجالس سارح فيها مميزه قوه شخصيتها واسلوبها مختلف عن البنات قليلة الكلام مع الكل ولما تتكلم تتكلم على شي يستاهل محترمه ومش مديه وجه لأي حد بسهوله زي بعض بنات شايفهن.. وهذا الشي خلاه يغير رأيه لبنات كثير ومايكمل معهم للاخر

بلال دخل لاعنده: ماعد عرفتك من اي حين بتجي المعهد تغيرت كنت تحضر في اجتماعات سنوية مره واحده

عماد: بين ادور شريكه احلامي

بلال بسخريه: احلامك

عماد: وواقعي واعمالي واهتماماتي وكل حياتي

بلال: ولقيتها او اطلب لك سفري

عماد بتكشيره في وجهه غمض عينه: قد زبجك متدني المستوى ياعزيزي ماعد بتضحكش قدك ثقيل دم اظنك تحتاج الثانيه تعلمك الفرفشه شويه

بلال ضحك: تجي الثانيه  شكلي شاداوم معك جنب الرسيبشن

عماد سارح

بلال: وين انت؟

عماد قام بيتحسس جيوبه معه فلوس فتح الدرج خرج المحفظه وسحب فلوس منها ورجعها جيبه احتياط اخذ تلفونه: ذكرت حاجه معي مشوار ..خاطرك

بلال: الى اين؟

عماد: راحت عليك ياصاحبي هذا موضوع خاص للسناقل كيف تكسب قلبها ..وخرج

بلال سارح متذكر نظراته وكلامه وضحكتها معه: ياويلك ياعماد لو ناوي تقرب من آية





















📚 @rewayatyamania 🇾🇪

البـارت رقـم 69

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت فاروق..

هاجر ضابحه: ليش تكلم النسوان يجين يشوفنها اصلا انا ماوافقت ماعجبوني

فاروق: ومن اي حين انتي بيعجبش حد او بيعجبش شي وبالذات لآية

هاجر: عتدور هدار ومشاكل

فاروق: ادور ليش وانتي موجوده ماشاءالله مستكفي بش

هاجر: استغفر الله العظيم

فاروق: المهم إجلسي معهم وتتكلمي وماتذكريش اي شي عن آية ولا من رباها ولا وين امها ولاشي عادي انتي امها قلي

هاجر قاطعته: بنتك بتبهذلني لما اقول هكذا مش حالي نتبدع قبال الناس

فاروق: قولي وبس وانا شاعلمها تسكت

هاجر: بين احس تشتي تتخلص منها مش انت فارح لها

فاروق: تشتي الصراحه ؛ نفسي تخلص منش انتي ومشاكلش واتطمن عليها في بيت زوجها وعاد انا عايش

هاجر: ليش وبقية جهالك عادي تموت وهم يعيشوا وطز فيهم

فاروق: انتي امهم ومعهم بس بنتي مابش معها حد غيري

هاجر ضبحت منه: روحك في الدراما انت وهي ، ماعاد انت تشتي وفي نفسك نقلهم اهل خطيبها

فاروق: اشتيش تسكتي ولاتقولي شي

هاجر: تمام

فاروق: توصل آية من المعهد تلبس وتدخل تسلم عليهن وتخرج

هاجر: سد انت وبنتك انا عليا ارتب واستقبل الناس بس
.
.


في المعهد بعد ماخلص وقت الصفوف..

آية جالسه تنقل من دفتر زميلتها الجمل اللي ماكتبتها وهي بتسمع للشرح

عماد دق باب الفصل: احلى شي ان انتي لوحدش

آية استغربت ووقفت

عماد اشر بيده تجلس: كملي كتابتش بس اشتي اسالش سؤال

آية: ايش

خارج جنب الصف حقه  بلال واقف يكلم طلابه وشايف عماد ماسك كيس هدايا في يده وواقف في صف آية معصب بيحاول يتخلص بسرعه من اسئلة وكلام الطلاب اللي واقفين معه

في فصلها

آية: أسأل

عماد: قد قررتي ايش تدرسي جامعه؟

آية هزت راسها: لا

عماد: تحبي القراءه؟

آية: ايوه عادي اقرأ بس ايش هذه الاسئله مادخلها؟

عماد مبتسم طرح بهدوء الكيس فوق كرسي جنب الباب: هذا لش مكافأة نجاح اول خطه لش كمحاميه كتب تساعدش اختيار التخصص وواحد منهن احب كتاب لقلبي درست الشريعه و القانون بسببه

آية بدات مرتبشه ومحرجه تتعذر: لا شكرا بس..

عماد انسحب واشر لها بيده باي معي موعد مع واحد معه قضيه وخرج.

آية قامت بسرعه طرحت دفاترها ومشيت اخذت الكيس وخرجت من باب الصف تشوفه خرج  لمحت بلال بيبعد الطلاب من جنبه وبيمشي لاعندها

دخلت بسرعه سحبت الدفاتر وشنطتها ومشيت على خرجتها

بلال دخل من الباب شافها قدامه رجع خطوه: العفو ما انتبهت

آية بتخرج من الفضل: خير

ومشيت

بلال خرج يشتي يدعيها شاف طلاب مليان صعب رجع سكت وضبح من تصرفها ومن عماد..

في بيتهم وصلت..

ابوها :ادخلي تغدي وغيري ملابس عيجوا الناس يبسروش

آية ذكرت عرس وجدان وكيف كانت حلوه وتخيلت نفسها مكانها

ابوها: ليش سكتي عادي يجوا وبعدا فكري

آية: تمام

دخلت غرفتها فتحت دولابها بتدور من الملابس الجديده اللي اشترتها خرجت فستان قايسته بتكلم نفسها ( فستان احس هباله عيقولوا فارحه وموافقه قبل مانتكلم بالموضوع ، اممم البس اي شي عادي مثل ايش هذا البنطلون شكله غريب وهذا لونه سامج هذا مدري كيف ازرارها البلوزه وين كان حسي لما اشتريتهن او معقول ذوقي تغير بتضحك على نفسها وفارحه) اخر شي جهزت لها بنطلون انيق كحلي وشميز سماوي فيه ربطه في الخصر على جنب واكسسوار فضه مفصص بلون كحلي سحبت منشفتها وراحت الحمام

هاجر شافتها وبنص عين: الحالي حالي ولو قام من النوم

آية شافتها: والشوعه شوعه ولو لابس الحالي كل يوم ضحكت ودخلت الحمام رزعت الباب قفلته بعصبية منها يارب زوجني بالعريس هذا واخلص منها ولسانها اوف

هاجر: وقحه مقلع يشلوش ويبهذلوش سوا
.
.

في بيت بلال..

بلال بعد ماوصل وتغدى: شانزل عند رحاب اشتيها في موضوع

وجدان: راعي اصلي وانزل معاك

بلال لقيها فرصه يكلم رحاب لوحده: ياسعم انها توصيله تمي والحقيني

نزل وهي بتصلي

رحاب استغربت ماله جننها بيدق الباب: مالك

بلال: اسمعي عتنزل اللغجه هذه بتغير اشتي اكلمش عن آية قبل ماتجي

رحاب: سبحان الله قدي لغجه كنت تقلي اشتي اكون واضح معها من الاول تتقبل

بلال صاح بضبح: طلعين مابيفهمنش النسوان هذا الخبر ينكدين نكد

رحاب ضحكت: مالها آية

بلال: البنت غاويه واحد من خبرتي حق مجابره وضحكه مع البنات مشتيش تزيد معه اللغاجه قدش داريه بها مسكينه ابوها واهلها على طبعهم هذا لو يدروا لايقطعوها

رحاب: وانت مادخلك

خايف عليها لهذه الدرجة من اين جت الطيبه

بلال: رحاب مش وقت خبالتش المهم انصحي صاحبتش

رحاب: ياخوفي من اللي في بالي يطلع صح

وجدان فتحت الباب: على ايش بتتكلموا

بلال شافها خاف: اعوذ بالله نكزتيني

رحاب: على خطيبي

بلال شاف اخته وبغيرة اخ: قد خطبت لنفسها اي حين العرس

رحاب بغمزة تهديد: لما اكمل انصح
















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 70

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بلال ضحك وبان عليه الربشه: اجلسي يا وجدان تنصحش رحاب.

رحاب خرجت لسانها: انصحها هي ؟!!

بلال ضحك وقام يسافطها ينتقم منها

وجدان بتشوفهم حست بشويه غيره ليش مش معي هكذا! يمكن انا زيدت بها الدلع مابتنفع معي نصايح صاحبتي بتزيد الوضع سوء مع بلال نفسي نرجع زي اول ايام بيننا

رحاب لمحتها وشافتها سارحه حبت تدخلها معهم في جو المزح: تعالي انتقمي لي ساعديني الثنتين عليه

وجدان ابتسمت لها وشافت بلال

بلال شافها مستحيه بيدور معها طريقه تمزح معهم: ضعيفه ماتقدرش تضرب ذبابه

وجدان ابتسمت

بلال شافها مستحيه بدأ ورجمها بالوساده.

كانت رحاب جدا منتبهه لكل التصرفات حق اخوها وبتحاول تقربهم من بعض لما يحصل سوء فهم

بلال: خلاص ذلحين وقت الجد مش وقت ضحك الصدق الصدق سألت على خطيبش ولحد الان قالوا ماله شي .

وجدان: مايقولوش ماله شي يامحترم يا صايع

بلال ضحك: والله خبره البنت ماقالوا لكم عليا

وجدان: قالو انك صايع قوي قوي واخلاقك مع الناس  سيئه جدا.

بلال: وليش وافقتي بي

وجدان: قلت سهل اخته استاذه نتفق انا وياها ونعلمك الأدب
.
.


بيت فاروق..

آية لبست ملابسها مشطت شعرها كانت محتاره كيف تسريحتها كيف لبسها نفسها تسأل حد تذكرت رحاب وامها كيف تسالها كل شي حست بغصه رجعت تسرح وتتذكر موقف عماد ليش ادالها كتب و ميداليه بشكل ميزان ذهبيه سلاسلها رقيقه وفي الوسط كتاب
نسيت موقف حزنها ورجعت تبتسم وهي بتشوف نفسها بتفكر كيف العريس شكله طباعه يشبه من واسلوبه مثل من..

شافت شعرها شكله عادي جدا سرحته على جنب  شافته مش مثل كل مره  ضبحت جلست تفكر وتتفرج نفسها

(( احيانا واحنا مع نفسنا قدام المرايه في لحظات صمت وغوص في الذات نزيد قوه وطاقه عشان نكمل كل المواقف المحبطه اللي بتضعف من قوتنا ))  جلست وهي سارحه تظفر شعرها ظفاير صغيره وبعدين فتحته وقع كأنه مموج بكسرات لفت خصلتين من كل جانب حست شكلها هكذا كيوت ورقه بقصت خدودها عشان تحمر شويه وعطفت رموشها لافوق باصابعها سوت مرطب .

ابوها دق باب الغرفه ودخل شافها متغيره لابسه: ماشاءالله تبارك الله قمر

آية ابتسمت ومستحيه

ابوها: انا طالع مع الرجال وانتي شويه وتدخلي عند النسوان

آية: تمام

ابوها: رجاء مع خالتش قبال الناس تعاملي عادي

آية: حاضر

ابوها حبها فوق راسها وخرج

آية جلست شويه وخرجت حاسه بوضع غريب مش لاقيه حد جنبها يخفف احراجها ويسندها بس جلست تذكر نفسها انها قويه مع نفسها اخذت نفس عميق وهدأت ودخلت بابتسامه السلام عليكم..

قامين سلمين عليها وخالتها بتتفرجها بنظرات من رجلها لراسها مستغربه طريقه لبسها وتصليحها لنفسها كانت متوقعه انها تكون مبهذله وماتعرف تلبس عشان تتفركش الخطبه عينها على الشنطه الكبيره وطريقة تزيينها وصندوق هديه جنب الشنطه وبوكيه ورد وترجع نظراتها لآية بحسد

اهل العريس بيتكلمين معها ويمدحين رقتها وهدوءها

هاجر بتشاور اخت فاروق: مش داريين ما تحت السواهي دواهي

اخت فاروق: هيا خليها تسير وانتي تفتهني وهم يبتلوا بها يرجعوا يشوفوا العين الحمراء سوا

هاجر: قد جيتوا بالشنطه واي حين اتفقتوا ع الخطبه

ام العريس: قد الخبر عند ابو آية من مده وهو رد خبر

اخت فاروق: ما حاكانيش اخي انا ظنيت عنتعرف عليكم بس

آية منصدمه انها خطبه جلست سارحه !! ليش ابوها ماكلمها ؟؟ وليش هكذا وافق كان الكل جنبها يتكلم بس فكرها شارد ومشتته بظنونها وتفسيراتها ساعه تحس ان ابوها يشتي يخلص وساعه تحس انه تغير معها بدأت تركز معهم وتقنع نفسها  انه عادي حتى لو انخطبت هي مرتاحه لهم ..
.
.

بعد ماخلصوا الرجال يقرأوا الفاتحه..

العريس كلم عمه على جنب: هل تسمح لي ياعم بالنظره الشرعيه

فاروق تغيرت ملامحه شويه: طيب حقك ماطلبت شي طيب دقايق

أبوها خرج وجالس محتار كيف يكلم آية وهي مش عارفه انها خطبه وخايف من ردة فعلها وقدام الخطيب وخايف يشوفها معصبه يغير رأيه

اتصلها وخرجت للصاله تكلمه

آية: ليش ماحاكيتني انها خطبه !

ابوها: ماكنت داري وبعدا مارأيش تبسريه لو ماعجبش خلاص نقلهم رفضت

آية: مع ماشتيش

ابوها : طيب ادخلي البسي واخرجي دوري اخوش له ساعتين ولا له حس

آية خافت ع اخوها لبست عبايتها وخرجت في الحوش



















https://tttttt.me/rewayatyamania/39767




📚 @rewayatyamania 🇾🇪

🖤


بـارتـات يومنـا الاثـنيـن👆🏻😍

البـارت رقـم 71

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية خافت ع اخوها لبست عبايتها وخرجت في الحوش


في الديوان

ابوها: أخرج  للحوش ياسعم بالصدفه انك مروح بنتي شويه خجوله

الولد سحب الكيس اللي جنبه ومفتاح سيارته وخرج

آية شافت اخوها بيلعب في الحاره تطمنت دخلت وغلقت الباب بتمشي وهي بتتفرج خطواتها وتفكر

خطيبها مستحي مرتبش بس اضطر يمشي خطوه قدامها شويه بعيد مد يده بالكيس وبهدوء
 ( الف مبروك)

آية رفعت راسها شافته وبتشوف الكيس ومنصدمه تسأل نفسها بين نفسها من هذا !!

ابوها واقف بيدعي تعدي الموقف على خير

خطيبها انحرج وهو ماسك الكيس ولا أخذته : العفو هديه شخصيه شي بسيط تلفون لو سمحوا لنا العائله بالتواصل

ابوها ساكت

آية شافت ابوها ومش قادره ترفع عينها تشوفه رغم فيها فضول تشوف شكله

ابوها مد يده وحب يلطف الجو: مارضيت تشله انا شاشله واتواصل معي اسال اي شي تحب تعرفه عنها

خطيب آية محرج مش عارف بيمزح او منه صدق عمه !

رد عليه وهو مبتسم  : عادي مايغلى عليك ياعم

آية لقتها فرصه بيتكلموا رفعت نظراتها تسرق لمحات من ملامحه

لفت لها: العفو لو احرجتش ومشي خرج من الباب

آية ساكته انحرجت منه واحرجته

ابوها ناولها الكيس ووقف في الباب يودعه كان اخر شخص من اللي جوا يخطبوا ودخل هو وآية الديوان اللي كانوا فيه الرجال

آية: ليش ماقلت لي انها خطبه

ابوها: ماتشتي نرد هداياهم وشنطتهم

آية سكتت وسمعت اصوات النسوان خارج في الحوش سبقت بالهديه اللي في يدها والشنطه اللي تموت وتعرف ايش فيها بالتفصيل خالتها وعمتها سحبتهن غرفتها  وهي جنب باب غرفتها

هاجر: مالش اين عتسيري بهن
..

آية بنظرات ثقه: اخبيهن لاينسرقين ودخلت وقفلت

هاجر راحت لفاروق  وبدأت تشكي له تصرفاتها
.
.


فوق سياره خطيبها ..

امه: هيا كيف ابسرتها؟

خطيبها: مدري ما انتبهت بس عاديه

اخته بسخريه: عاديه بس!! والله انها تجننن

خطيبها: انا مابسرتهاش

اخته: حظك ماينفع تطلب صوره لها

امه: بغير جنان قلك صور ليش هي شهرين وهي عنده...

بيسوق وهو بيفكر بيحاول يتذكرلها ملامحها ماقدر يذكر غير وقفتها ساكته مصدومه!

 ابتسم وضحك على نفسه من اسلوبه وكلامه معها.

اخته: سديت مع ابوها على المهر

خطيبها: عادي قال مش مهم هذه البعاسس مدري هي طيبه والا يشتي يخلص من بنته او اودف بها

اخته: انتوا هكذا مايعجبكم العجب لو طلبوا خيرات قلبتوا او وقعوا حاليين ماعجبكم.

اخوها: مالش تحاكينا وردوا خبر في 3 ايام من الله كانت الشنطه جاهزة

اخته: احمد الله انهم مارفضوك لو دريوا انك عاد انت فسخت خطبتك

اخوها: يرفضني من يا قمر البنات كلهن بيلاحقني.

ابوه: هجعنا انت وياها اصه.
.
.

دق باب غرفتها وهن واقفات.

آية فتحت له الباب

فاروق دخل: ليش تتحاكي هكذا مع خالتش

آية: بتصدقها ؟؟ جالس تصدق كل شي تقوله

هاجر بدأت تكذبها وتحلف 

فاروق قاطعهن وسكتها: يشتين يبسرين الشنطه افتحيها.

آية كانت متشوقه تشوف ايش فيها جلست وفتحتها

عمتها: وهذك الصندوق ما فيه ؟

 آية مطنشه وبتخرج الاشياء اللي في الشنطه فتحت علبه الذهب وناولت ابوها

فاروق: ماشاءالله

هاجر بدهشه: اووف على بدله هذه بكلها للخطبه!

عمتها: مش هم داريين عند من دافعين هذا كله

آية مش مهتمه باللي بتسمعه كانت بتشوف الاقمشه المطرزه فخمه جدا و مناسبه لذوقها

جلست تخرج كل حاجه

عمتها: هذا المكياج بكله لخطبه! يعلم الله ماعيدوا للعرس

هاجر جالسه تحس بغيره شافت العطور : 5 عطور !! يوه يوه  زيدوا بها

فاروق: يمكن قد ادوا كسوة العرس

آية فارحه خلصت تخرج اللي في الشنطه

عمتها سحبت قماشتين: ادوا اقمشه للأم والجده وهي مابش معها حد هذه لش ( ناولت هاجر واحده ) وهذه لي عجبتني

آية انصدمت اختارين اغلى واحلى اقمشه : هذولا حق العروسه وهذولا حق العجايز وانا مابش معي ام ولا جده شاشلهن لي ( سحبتهن من يدهن)

ابوها ساكت

هاحر وعمتها بدأين يتصايحن معها

فاروق: غلقين الشنطه مش وقت ذلحين كما حددنا عرس تقاسمين وخرج يجاوب التلفون

عمتها: واللي في الصندوق والكيس!

آية: حقي مشتيش افتحهن

هاجر: هيا من الخباله عتقتلب ساع الجهال محانكه

آية: انا حره مشتيش

هاجر خرجت تكلم زوجها و اخته لحقت بعدها

آية قفلت بعدهن بالمفتاح.

لفت ادواتها وفتحت التلفون شافته مشحون وفيه شريحه والخلفيه صورته

بينها وبين نفسها ( ماله هذا فارح بروحه !! بس ماله شي وسيم الصدق) ابتسمت






















📚 @rewayatyamania 🇾🇪