بيت جدي 🏠


بارت 1 🌹


فوق الأجواء اليمنيه.
السماء صافيه فيها سحب☁ شفافه متناثره أشعه الشمس المشرقه ☀ تملئ الأرجاء ...

فوق الطياره ✈ ..

الكابتن : على جميع الساده الركاب ربط الأحزمه ..


المظيفه : 👮‍♀بتلف ع الركاب تتأكد انهم ربطوا الأحزمه ..


أيمن : شاب عمره 24سنه مهندس زراعي خريج كندا سافر مع اهله من اليمن وعمره 9 سنين اسمراني طويل وعريض الأكتاف جذاب وشعره أسود كيرلي طويل مقصوص بشكل جميل ..عيونه واسعه سوداء👁 أنفه حاد كالسيف ..حواجبه سوداء كثيفه ذات ملامح رجوليه فتانه ...

لفت لأخته .. يييه بتسمعي ماقالوا لش اربطي الحزام قد عنهبط 🛬..


سندس : عمرها 18 سنه سافرت وعمرها 3 سنين جميله تشبه امها بيضاء البشره عيونها عسلي👁 وشعر بني فاتح 🙎 فتاه مغروره متمرده ع العادات اليمنيه متأثره بكندا وعيشتهم .. بتتفرج من طاقه الطياره ✈ . ناهي راعي خليني أول أبسر اليمن حقك هذه الي قد جننتنا انت وبابا عليها ماقد قدرت ابسر عماره كبيره فيها شكلها صغيره وبيندور اينهو هذا المطار مابينبسر الإ مبني صغير ...


سام : أخوهم الصغير عمره 10 سنين دبدوب ومعه خدود وشعره كيرلي مثل أخوه بس بني يجنن . بيتكلم صنعاني مكسر برغم ان ابوهم محافظ ع لغته اليمنيه فالبيت وعادته وتقاليده ..

لفت لأيمن... يا أيمن اليمن هلوه صح ماي تيتشر قلي كذا ..

أيمن : لفت له بإبتسامه 🙂 وشعفل شعره أكيييد حلووه مثلك لوتبسر برغم بساطتها الإ ان كل شي فيها له طعم ثاني يا الله كم قدنا فاقد لها وفاقد لبيت جدي 🏠 ..


سندس : بضبح 😤 أنا من ذلحين شكلها ماعتعجبتنيش أنا جايه غصب وبصراحه إشتي ارجع كندا أكمل دراستي ..

سام : داحين نبسر كيف أول هلوه او نرجع ..


في المقعد الي وراهم في الطياره ✈ ..


هاشم :أبو أيمن سافر كندا بعد وفاه أمه لأنه كان إبن الزوجه الثانيه وخواته من ابوه يكرهنه ...
لفت لمرته بنظره حزن 😔. وتنهد آآح من الزمن لفينا لفينا وفالأخير رجعنا لبلادنا بس تقلي عنلقى فيها راحتنا سافرنا ندور الراحه مالقيناهاش ياعالم عنلقاها لما نرجع أو لا . .


ناديه : مرته برغم إن قدهي أم الإ ان ملامحها طفوليه جميله بيضاء وشقراء ..إبتسمت له 🙂 أكيد عنلقاها فيها هذه بلادنا واهلنا وناسنا ويكفي أنه عننقذ بنتنا من الضياع ..

هاشم : ابتسم بحرقه 🙂 فينهم أهلي هولاء .. أمي وأبي الله يرحمهم وخواتي ماناش داري عنهم شي كرهني من كره أمهن لأمي ومعرفش حتى لفين مزوجات كنا بعيدين عنهم ابسرهن صدفه لما ازور أبي في بيته بعد ماعاش وحده لكن مثل ماقلتي اهم شي ننقذ بنتنا من الضياع الحمدلله ايمن كان عاقل بس سندس عاجبه لها حياتهم ومارجعتني الا هي بعد ماقدهي مراعيه تكمل ال18 تستقل بحياتها وماصدانا نقلها مع البوليس في صفها ..

ناديه : يله الحمدلله نرجع بلادنا ونربيها تربيتنا خاصه بعد ماقد معاها بوي فرند بس أهم شي مثل ما اتفقنا مانقلهاش سبب رجعتنا ونخليها مصدقه أنه اذا ماعجبتهاش عنرجع ..


هبطت الطياره 🛬 وبدائو ينزلوا من درج الطياره ...


أيمن : أول مانزل إبتسم و تنفس وشهق 🙂ياللللللله محلا هواء بلادي شمه ثاني ...

سندس : إبسرته بإستهزاء 😏 ايوه معقم قووي قدهو باين من شكل المطار ودهفته انزل انزل بس ..


سام : ماسك يد أبوه فارح 😃 بيتلفت يمين وشمال بكل براءه بيدور أين المطار ..

هاشم : بيضحك هههه. ابرد لك من المطار اهم شي الناس ..


خرجوا من المطار ولقيوا يوسف اخو ناديه مراعي لهم يستقبلهم ..

ناديه : بتسلم عليه 😘 بقوه مشتاقه له وفارحه به مابش معاها اخ الإ هو ماتت امها في ولادتها به وأبوها ماعاد تزوج كان يحب امها قوي ..


يوسف : بيسلم ع هاشم😘 ويتعرف ع العيال ويتحيلا لسام ..


سندس : طلعت معاهم فوق السياره 🚘 وقارفه من الدنيا مش عاجبه لها وبتتلفت يمين وشمال للناس والبيوت وتتمسخر .


بس الكل بيتجابروا ويمزحوا ..


هاشم : بيتفرج 👀 الشوارع من الطاقه .. ويتذكر ايام زمان سمع مجابره الكل الإ صوت سندس ..
دعاها .. هيا مال بنتي ساكته ولا قد سمعنا لها حس من حين خرجنا من المطار ..

سندس : بضبح 😤 أين مطار هذا قصدكم قفص الكبريت وبعدا ما اقل ع ايش اتكلم من هانا شكلها ماعجبنيش ايش هذا ابسروا كيف الناس والبيوت و مابش نظام وع زحمه وكل واحد بيسوق ع مزاجه كيف شقدر اعيش هانا أنا بصراحه شرجع لي كندا وانتوا براحتكم لو تشتوا تجلسوا ..

يوسف : استغرب من كلامها 😳 يووه كيف ترجعي وحدش يابنتي وتفلتي أهلش ..


سندس : هذه حياتي والقرار لي وبعدين انت ليش تتدخل في شي مايخصك ..

ناديه : بهررت فوقها 😳 سندس عيب ..ومدت يدها ومسكت كتف اخوها .. اسهل يا اخي امسحها في وشي هذه حريه الأجانب مانفعل ربوهم كل واحد حر في حياته ..


...... ...... .....


في بيت أبو ناديه..


ساميه: مرت يوسف بتداعي إبنها .. ياسهيل اقطب قوى غير لي دبه الغاز حق التنور قد اتصل ابوك قدهم فالطريق اشتي اتم الخبز..

سهيل:ابن يوسف

..شاب مغرور بنفسه لانه وسيم وأنيق جدا سنه اولى هندسه ديكور ....

قد قلتلكم من الصبح لوتشتوا شي ذلحين مابلا اتوسخ وقام يصلحها بضبح 😤..


الحج أحمد : أبو ناديه شيبه من حق زمان بلبسه التقليدي والصماده حق الشيبات ....يابنتي قد بينقلش عنشتري لقمه من السوق مابلا تتعبي نفسش ماقد رزيتي من الصبح انتي والبنات ..


سهى : بنت يوسف سنه رابعه تجاره متوسطه الجمال عاقله ورصينه مجتهده في دراستها قلبها طيب وربه بيت مشحوطه.. ماعيقع ياجدو خلونا نخور عمتي قدهم اكيد فاقدين للاكل حقنا .

سمر :طالبه ثانويه وحبوبه مشاكسه سمراء وشعرها اسود تشبه الممثلات الهنديات شاطره في دراستها برغم مشاغبتها..

.. ياجدو اسهل التعب اهم شي نعرف عمتي وعيالهم..


..... ..... ......

فوق السياره 🚘..

يوسف : خطي من شارع فيه عربيه بتبيع بطاط وبيض ...

أيمن: اشر بيده ✋🏻 خالو وقفوا وقفوا اشتي انزل اشتري بطاط ..

يوسف : ضحك 😃 بطاط. مه هذه الساع يا ابني ماعاد عتتغداش قد خالتك من الصبح بتفعل الغداء..


سام:يس يس انا اشتي كمان ..

يوسف: وقف. السياره 🚘 بيفتح الباب ينزل يشتري لهم..


هاشم : مسكه ..اين عتسير اوذا عينزلوا الجهال..

أيمن :مسك سام ونزلوا بيشتروا ويفعل لهم بسباس ..

سام: بيتفرج الناس 👀 وشايف شي جديد عليه وناس بيراجموا للشارع وناس بياكلوا البطاط في مشمعات بيهمسوهن..لفت لأيمن متغاثي 🤑. هلاص انا مع اشتي وطلع فوق السياره ..

ايمن :اشترى له وفعله في مشمع همسهن وطلع لسندس معه بيمكنها..

سندس :بقرف 😫 يع يع مالك عتاكل من. هذا مكشوف ومش نظيف. ايش هذا..


هاشم : ضحك عليها هههه 😁بسملي بالرحمن قلك مشو نظيف ابرد منها اديه لي أنا قد شمه يخور ..

أيمن: بياكل ويحانكها زد لحس المشمع 😜 مادراش انتي بهذه الحاجات هذه ذكريات الطفوله..


وصلوا البيت ودخلوا والكل سلم عليهم والعيال تعرفوا ع عيال خالهم ...

ناديه :بتسلم ع ناديه بشوق وع سندس ..هيا ادخلين وأنا دقايق والغداء جاهز اقربه كلشي حاصل فوق الموقد. اغروفه بس..


سهي: بعد ماسلمت خطيت بتفرش السفره في القاع..

سمر :بتدخل الشفوت والسلطه ..

سندس: دكمت امها ..ماهو هذا ليش مايقربوا لكل واحد صحن وكيف شاكل فالارض اووف ماهو هذا..


هاشم: لفت لها وبهرر لها تسكت🙄..


سهيل: منسجم مع ايمن في المجابره..

سام :فارح😃 بجده وبيتجابر معه اول مره يبسره وبيبسر حقه الجنبيه وعجبه لبسه ..





🌹meme_abdalgaleel


@qesasanani

بارت 2 🌹



فوق الغداء ...


الحج أحمد : بيأكل العصيده 🍲 بيده وابتسسم 🙂 تسلم يدش يامره ابني طعيمه ..


ساميه : الله يسلمكم ويعافيكم هي فعلتها سهى ..


هاشم : لفت لسهى ... ماشاء الله ع بنتنا الحميش قد كملتي دراسه اوعادش ..


يوسف : هي اخر سنه فالجامعه هذه السنه بس ماشاء الله عليها له كله حماشه ودراسه 🙂 ..

سمر : بمشاكسه .. وانا ليش محد يقل ان حقي السلطه طعيمه من الصبح بينفعلها دخلت المطبخ اليوم علاسب عمتي ...

ناديه : لفتت له با ابتسامه 😊 تسلمي لي ياروح عمتش ..


سندس : بتتفرجهم بياكلوا من نفس الصحون بقرف حطت الملعقه 🥄 من يدها وقامت ..


سهيل : لفت لها حسها متضايقه ..يووه😱 مسرع قمتي يا بنت عمتي ماقد اكلتي شي ..

سندس : بقرف وزنط 😏 ماعجبنيش اكلكم تخايلي مدري ماقد عتفعلوا لنا ..

هاشم : بهرر فوقها 🙄 سندس .. عيب استحي ..

يوسف : مسكه .. اسهل يا اخي البنت مشهي متعوده شويه وعتتعود اهداء ..

أيمن : ضبح من تصرفها 😤 وقام لحقها ..


سندس : بتغسل يدها وبتحطم ..اوووف 😤 ماهو هذا صابونه واحده ايش هذه العيشه الي جننونا عليها يشتوا يرجعوا ..


ايمن : من وراها بعصبيه 😡 سندس .. بس عيب عليش الناس من الصبح بيجهزوا لنا وفارحين بنا وتقلي لهم هكذا خلي عندش شويه ذووق ..


سندس : ابسرته وقلبت عيونها 😏 وعوجت فمها اشبع بهم انا مش مطوله عندكم انا شرجع وانتوا عيشوا براحتكم وفلتته وخطيت ..



........ ........ .........


في بيت علي ...


علي : زوج أميره .. شخصيه صارمه وعصبي محد يقدر يتعامل معه ... بيصيح 😡 هيييا وين الغداء ..


أميره : اخت هاشم الكبيره من أبوه .. سمعته بيصيح حملت لعنده بسرعه 🏃‍♀ الغداء جاهز بس قلت امد مايجي محمد من الجامعه هو واسامه ..


علي : بصياح 😡 قربي لنا وهم كما جوا انتغدوا .

أميره : بفجيعه 😥 يله حاضر الآن وخطيت للمطبخ بسرعه .. هيا اقطبي يابنتي بساعتش نقرب ابوش ضابح قووي ..


ريم : بنت أميره ..طيبه وحبوبه قووي عمرها 17 كملت الثانويه هذه السنه طويله ورشيقه لون بشرتها قمحي بس جميله جدا عيونها عسلي 👁 ورموشها كثيفه حواجبها مرسومه وشعرها بني طويل شفايفها مورده ومعاها غمازه في خدودها . ... بزعل 😔

ليش أيحين مشهم بابا ضابحين مانعرفهم الإ ضابحين وبيصيحوا هكذا من حين عرفت نفسي ..


أميره : بتأشر لها بيدها بفجيعه .. اووص اووص 🙊قوى يا بنتي لايسمعش محناش ناقصين مشاكل ..


ريم : بزعل 😔 وضحكه لامبالاه قد إحنا متعوديين .. ادخلوا انتوا بس وانا شاقرب بساعتي واتصلوا ابسروا اخوتي لاقدهم مروحين ..


أميره : بتدعي لها .. الله يوفقش يابنتي ويستر عليش ..

ريم : ابتسمت لها 🙂 ويخليكم لي ..

....... ........ ........



في بيت توفيق..

عفاف : اخت هاشم الثانيه من أبوه أصغر من أميره بسنتين .. بتداعي ....ياليلى يييه أين جيتي ..

ليلى : بنت عفاف في عمر ريم بنت خالتها بس تكرهها لأنها احلى منها وبطبعها حسوده وكسله ومهمله في دراستها ... هاه انا فالغرفه عادنا روحت من المدرسه خلوني افتهن ..

عفاف : ناهي ياتفتهني ..تمش الكسل لو انتي مشحوطه ساع ريم بنت خالتش ان قد تميتي قرايتش ساعها ...

ليلى :رجمت شنطتها بضبح 😤 وصياح اووووف ريم ريم كله ريم جننتوني الله يجعلها مصيبه تصيبها..


سامي : ابن عفاف عمره 23 طويل وعيونه وشعره اسود بيدرس تجاره انتساب لأنه بيشتغل بيساعد أمه بعد ما أبوه فلتهم وتزوج رغم ان ابووه مرتاح جدا ومعه شركه مقاولات بس مابيسألش عليهم ...

ع دخلته من الباب🚪 سمعهن بيتصايحين .. دخل لعند أمه للمطبخ حبها في راسها 😘 ماتشتوا يا أمه ابردوا لكم منها ..


عفاف : إسلم يابني قدك تاعب اخطى افتهن لك بس شويه أمد ماقرب الغداء...


ليلى : ع جيتها للمطبخ .. سنبت عند الباب 🚪و حطت يدها ع خصرها ..اها هو ابنكم يفتهن وانا بنت الشغاله حرام افتهن. صح ..


سامي :مسكها من كتفها وغمز لأمه😉 علشان تسكت .. هيا جي كذا معي جابريني كيف انتي مسكها وخطي ..


ليلى : خطيت معه وبتحطم من امها وان كودها بتقارنها بريم ...



في بيت الحج أحمد أبو ناديه..

بعد ماكملوا يتغداء ..

يوسف : هيا أطلعوا لكم يا أخي ارتاحوا أكيد إننتوا تاعبين من السفر قد فضينا لكم الدور الطالعي تأخذي راحتكم ..

هاشم : يووه يا أخي ليش الشغله هذه كانين 2 غرف يكفين ان شاء الله ماعيجي نهايه الإسبوع الإ وقد اشتريت البيت الي ابسرته فالنت وتواصلت مع صاحبه ..

الحج أحمد : هز رآسه .. إنا هو بيت بيت يا إبني كيف تشتريه هكذا بالصور بس ضروري تبسر الأساس حقه وكيفهو لكن ماعد دري حالي بكم من حين جاء هذا المدبر الترتنيت وقد كلكم بتشتروا منه ..

أيمن : ضحك هههه 😃 الانترنت ياجدو اسمه انترنت ..

الحج أحمد : ماوقع إسمه يا ابني وقع حرام ما أسميه الا المدبر قد إدبر حالنا من حين جاء قد الشعب كله فوق التلفونات وهذك التلفزيونات ابو زرارت كودهم بيهمسوه ...

سهيل : ضحك ههه ولفت لسندس

الضابحه جدو يقصدوا الكمبيوتر💻 بس مارضيوا يسموه الا تلفزيون أبو زرارت ..

سندس : طنشته بغرورها ولفتت لأمها 👀.. ماما اشتي أطلع أرتاح جو وروني بيت ابوكم هذا ..


الحج أحمد : الله المستعان يابنتي هو بيتش أنتي والكل مشهو بيت أبوها أنا أبوش والكل ..

أيمن : يشتي يغالط فالكلام .. ذلحين إسمعوني أنا مشنا حق رقده وفهنه عتقوم معي ياسهيل نخرج نلوي إشتي ابسر الدنيا فاقد لها ..


هاشم : وأنا اطلع افعلي ساعه نوم وأنزل أخزن معاكم قدنا فاقد للجمعه حقنا ..


🌹meme_abdalgaleel


@qesasanani

بارت 3 🌹


في المطبخ ...

سمر : وهي بتغسل الصحون 🍽 بتأفف 😤 يخ ابسرتي ع زنط في سندس مالها هكذا قليله أدب حسستني أنحنا ناس أي كلام حتى مااكلتش سعم انحنا وسخين أنا عن نفسي ماعاد شاعبرهاش ..

سهى : بتساعدها وهي مبتسمه 🙂.. أيووه مغروره قووي بس أيمن عكسها قووي حسيته مرتاح وعجبه الأكل وقال حقي العصيده طعيمه قووي ..

سمر : نزفتها بالماء بتصافدها .. يييه ماقد معش بتشخري هو قال عجبته العصيده حقش مش أنتي 😜..

سهى : حمرت 😊 وضحكت عليها ورجعين يتصافدين ويمزحين ..


....... ....... ......


فوق السياره 🚘..

سهيل : بيسوق السياره 🚘.. في نفسك بقعه معينه يا ابن عمتي ولا الف بك ع مزاجي ..


أيمن : مخرج يده من الطاقه مدكي .. لفت لسهيل ..👀 أممم المشكله ماعدناش ذاكر الشوارع سواء لوي بي ع مزاجك ولا اقلك خلينا نسير باب اليمن كان يعجبني لما أسير مع جدي الله يرحمهم وأنا جاهل ويشتروا لي زلابيا وبرعي وقنم وكباب🍡🍱 .. تنهد .. آآح ما احلاها من أيام ..

سهيل : حك رآسه وابتسم 🙂 اقلك خلينا من باب اليمن هذا الساع الزلابيا والصبوح مايشتي نبكر له الإ من فجر ذلحين خليني الوي بك ع مزااجي ..

أيمن : يله تمام وأنا بعدك شعتبر نفسي اليوم سائح وأنت المرشد حقي ..

سهيل : ضحك وبيمزح معه أهم شي تزيد الدولارات هههه وأنا مش الا اوقعلك مرشد شازيد أكلك وأشرب 😂😂😂 ...



....... ........ .......


في بيت علي ...

ريم : بعد ماكملت تقرب لأبوها الغداء 🍱 دخلت غرفتها ترتاح شوويه لما يجي محمد واسأمه من الجامعه تتغدى معاهم ..


علي : بيتغدى وهو ضابح 😤 ذلحيين عيالش ماعيمكنوها جامعه وقرايه ومحد فيهم عيشتغل يعاوني وهذك الثانيه ليش ماتكن تخرجيها معش عند الجيران والعرسات يبسروها الناس يجوا يخطبوها عتجلس محجبه في غرفتها واصل ..


أميره : وهي بتقرح أصابيعها ☹ مفتجعه منه .. العيال هانت قدهم أخر سنه وان شاء الله عيشتغلوا ويعاونوك بس ريم أنت داري مايعجبهاش الدخله والخرجه تشتي تقرى ..

علي : بنظرات حاده 😡 قرايه مه قدوذا كملت المدرسه ماعاد معاها ماعاد الا ذلحين نزوجها ..

أميره : قحصت فمها مرتبكه .. أممم قالت تشتي تسجل معهد هذه السنه لما تسجل الجامعه ..

علي : بصياح وصووت عالي 😡 ليييش او أحد قلكم إني بنك شاجلس أشقى عليكم مابش معي تتزوج وترجع تخلي زوجها يقريها ..


أميره : تنهدت وبزعل 😔 خلاص بس اهداء لايرتفع لك الظغط وبعدا اسهل الزلط لاتهمش خير الله موجود وهي بنتك ماعتسخاش عليها ..

علي : الزلط الي معي أخبيها حاجتي مش أصرف ع بنتش وهي قادره تتزوج وتخفف الحمل عليا كله عمل السارق الي دخل سرق بيت ابوش وشل الزلط والحق كله ولا لوشي انحنا مزلطين لاهاناك لاهاناك ..

أميره : حسك عند الزلط وبس
وبكيت 😭 مايكفيش انه لقينا ابي مرجوم في الحجره ميت بعد ما ارتفع له الظغط الظاهر او جتله جلطه من القهر ..

علي : قام من فوق الغداء وهو بيتقارح .. اخطي وكفي لي الزنه وحاجتي اخرج لي اخزن مامن الجلسه عندش أنتي وجهالش الإ الجنان والغزا وخرج من المكان..


أميره : بعد ماخرج تنهدت 😔 آآح بس ريت والله وانا صدقت أبي وماوافقت عليه ولاسمعت كلام أمي وقاطعنا اخي ماذنبه هو ان أبي تزوج ع أمي لوشي انه لي سند وظهر لكن يعلم الله أينهو وكيفهو عايش وخطيت تجهز حاجات زوجها وهي بتحمدالله ع حظ معاها .


...... ...... .......

في بيت الحج أحمد ..


في الدور الطالعي ..

هاشم : طلع يرقد شويه يرتاح ع اصوات ناديه وسندس .. هيا ماقد لكن ..

ناديه : بضبح 😤 بنتك هذه زيدت قله الأدب بتصيح من اول وتعتجن قلك ماعجبهاش المكان ترقد فيه ماتشتي الإ غرفه بدل ماتستحي ع نفسها ان قد فضوا لنا الدور بكله كانت تشتي يزيد يفعلوا لها غرفه نوم هانا ..

سندس : خفعت الباب 🚪 بيدها .. انا مقدرش ارقد في الأرض كيف أفعل ليش ماتشتروا لنا اول البيت وبعدا نجي .

هاشم : تنهد وابسرها بعصبيه 😡 بس ماسك نفسه صميل .. يييه إسمعي احنا عند الناس يومين ثلاث أمد مانشتري البيت اخطي الطريق سوى واعقلي مشتيش أتصرف معش بطريقه ماتعجبش وفلتها وخطي 🚶🏼 ..

سندس : دخلت المكان وصرعت الباب 🚪 بحنق ..

🌹meme_abdalgaleel


@qesasanani

بارت 4 🌹


في بيت توفيق ..


سامي : بإبتسامه 🙂الحمدلله إسلموا يا أمه أمانه إن به غداء يرد الروح ..

ليلى : إبسرته وعوجت فمها 😏 أين يرد الروح سير إبسر صاحباتي ع أسامي مطاعم يعرفين وع غداء بيتغدين الي صدق يرد الروح مش إحنا الي يوميه كودحنا فالبيت وبناكل نفس الأكل قد حفظناه ..


عفاف : ابسرتها بضبح 😤 إحمدي الله ع النعمه غيرش مشو ملاقي لها يامطاعم ما لو نمكنها مطاعم وأكل من السوق ماعيكفناش معاش أخوش الي بيستلمه إسبوع ماندرى أين نجي به مصاريف ولا ايجار الحمدلله ع النعمه لو قد كملتي قرايتش انش ع الاقل عتدخلي لش خياطه ولا ماكان تعاونيه والله انه بيهزر قلبي 💔 مايدرى أين يجي بروحه عمل وقرايه ..


سامي : مسك راس أمه وحبها 😘 لاتهموني ولاشي الحمدلله قدنا اخر سنه هانت وصاحب العمل متعاون معي اهم شي رضاكم عني وكل شي عيسبر ..


ليلى : بزعل 😔 خلاص شبعنا ماعادنشتيش غداء مطاعم ولاعاد نشتي شي هذا كله مع حلا أبي مرته وعياله عايشين في النعيم بين الزلط واحنا راجم لنا هكذا وقامت غرفتها ..


سامي : بعد ماخطيت اخته 🚶🏻‍♀ لفت لها لاتزعلوش منها يا أمه عادها غاويه وبتبسر صاحباتها وتقتهر خاصه ان صاحبتها جيران ابي وبتحكي لها من بناته كيفهن ..

عفاف : تنهدت 😔 حسبنا الله ونعم الوكيل في أبوك الي مادريت ماقلبه ولا ليش رجمني ورجمكم فجاءه هكذا وسار يتزوج وكيف قد معه هذه الزلط بكلها .

سامي : لاتفكروا ولاتدخلوا شي في نفسكم وما احتجتوه اوذا أنا موجود ويحسب الله وأبي ميت لاتجلسوا تقتهروا ولا ..

عفاف : ربي يرضى عليك ويوفقك دنيا وأخره .

...... ...... .......

في الشارع ..


سهيل : جنب السياره 🚘 هيا انزل يا ابن عمتي ..

أيمن : بيتلفت يمين وشمال بيتفرج باإبتسامه 😃 الله محلاه ماشاء الله هذا الجامع 🕌 جمع بين الطراز اليمني التقليدي وبين الطراز الحديث ..

سهيل : أيووه حالي قووي وعاد لما تدخله مشهو بس جامع فيه متحف وفيه مكتبه وبيدرسوا فيه طلبه وكمان متنزه بيجوا فيه الناس العصر في الحديقه حقه ..

أيمن : تصدق برغم انه به إختلاف قوى ع ماسافرنا بس رغم هذا بينحس أن بلادنا وروحها وطيبه اهلها باقيه حتى طباعهم عاداتهم مهما تغيرت المباني الإ انهم هم الشعب الطيب البسيط وهذا الشي الي محلي لها حتى لو تلف العالم .

سهيل : حرك يده بلامبالاه 👋🏻 إيش من حلا يا أخي والله إننا مستغرب منكم أحد يفلت كندا ويجي اليمن والله إننتوا مجانين لو عليا لأطير منها اليوم قبل بكره ..

أيمن : يمكن لأنك ماقد سافرتش بس لو تسافر وتغترب عتحس بقيمتها .. ذلحين خلينا ندخل نبسره ونصلي لنا ركعتين ..

...... ........ ......


بعد العصر

جو مخزنين يسلموا ع هاشم وعند النسوان جين الجيران واهل ناديه يبسرنها والكل ملاحظ غرور سندس وقرفها ..


بنت الجيران : ذلحين هذه بنت عمتش مالها هكذا ..


سمر : اسهل دعمميها هي هكذا من حين وصلت شكلها بتشم الدنيا جيفه ..

سهى : دكمتها اووص 🙊 لاتسمعش عيب ..

سمر : والله ماعيب الإ تصرفاتها ابسري كيف مابتتنازلش ترد ع النسوان والمعقم في يدها واصل من سلم عليها قامت تفعلها تخايلش انهن ملان جراثيم ..

بنت الجيران : ضحكت هههه 😃 والله ان عادنا تحممت قبل ما أجي .


سندس : لفتت لهن حست انهن بيتحاكين عليها ابسرتهن بغرور 😏وفلتت وطلعت ..


@qesasanani

بارت 5 🌹


ثاني يوم الصبح ..

في بيت الحج أحمد ..


ساميه : جهزت الصبوح 🍳🥘 يابنات قوى واحده منكن تطلع تدعي عمتكن ينزلوا يصتبحوا قد فعلت لنا صبوح دافي سبايا وعسل خوره .


سمر : ضحكت هههه😄 سبايا مه ياماما ذلحين عتبسره الزناطه حقكم وتقل ياي وات از ذس هههه ..

سهى : مسنبه عند الباب 🚪سمعتها بتضحك عليها هههه 😄 قلتلش بطلي لقانه واعقلي يكفي أمس ..

ساميه : بأستغراب 😳 ليش ماحصل أمس ..

قاطعهن صوت من الدرج بيصيح ..

أيمن : يييه الله الله ياخال ياسهيل ..

ساميه : جاوبته هاه ايمن حيا إنزل يا إبني مابش أحد مافي البيت الإ أهله ..

سهى وسمر : حملين يلبسين طرح ويغطين شعرهن .

أيمن : الله يحييكم تسلموا .. قد قام سهيل او عادهو احنا سدينا نطلع نصتبح في صنعاء القديمه ..

ساميه : مدري أين جاء قد خرج وبعدا هيا اليوم اسهل الصبوح خارج قد خبزت لنا دافي وسبايا وعسل ..

أيمن : أمممم 😋 سبايا خلاص ادولي أشرع أمد مايجي .

سهى : خرجت من الغرفه وإبسرته خازيه ☺ صباح الخير..

أيمن : لفت لها وإبتسم 🙂 صباح الورد هيا جي كلي معي .

سهى : تسلم شاراعي معاهم لما ينزلوا كلهم .

سهيل : فتح باب البيت 🚪 ودخل وفي يده كيس صباح الخير ..

أيمن : هيا أين انت هذا الي قلنا نبكر صنعاء القديمه ..

سهيل : سيرت أشتري كورواسون🥐🍞 وفطاير وحاجات لسندس حرام بينبسرها من أمس مابتاكلش سوى يمكن أكلنا ماعجبهاش ..

سمر : إبسرته وغمزت له بعيونها 😉 او لا لا حركات سهيل الزناط الي مايرضاش ينفعنا خرج يشتري من نفسه هههه .


صوت بيجي من الدرج ...

هاشم : يييه يا اهل البيت صباح الخير يوسف قد قام ..

ساميه : هاه اخي صبحك الله بالخير والعافيه انزل اصتبح سبايا دافي يوسف وأبي بيشربوا بن ☕ فالحوي .

هاشم : اوذا شخرج لعندهم ..

ساميه : يله تمام وانا اوذا شخرج لكم الصبوح 🍱 وادعي ناديه وسندس ينزلين ..


..... ...... .......

في بيت علي ..

أسامه : ريمي قلبي هيا اختي شتأخر ع الجامعه وين الصبوح 🍱..

ريم : خرجت من المطبخ وفي يدها الأكل .. هاه آسفه أخرتك سامحني ..

أسامه : شل الصحن منها بإبتسامه 🙂 اسلمي لي ذلحين ايحين عتخطي تسجلي فالمعهد.


ريم : قدنا جاهزه مراعيه لمحمد بس يدعيني عادهو بيتحمم 🛁 .

أسامه : ولو أبي اتحاكوا ولاشي دعمميهم والزلط حق المعهد ماعليش منها ..

ريم : بزعل 😔 إطمن مدام ماعيدوش هم الزلط ماعيتحاكوش الله يحفظكم لي انتوا بس ..

أسامه : شعفل شعرها وبيصافدها وقلك أبي يشتي يزوجش أنا من عيسخى يفلت القمر هذه ترحلها من عنده ..

ريم : ضحكت 😄هههه يله اصتبح امد ما ادعي محمد ..

...... ...... ......

🌹meme_abdalgaleel


@qesasanani

بارت 6 🌹


في بيت توفيق ..

عفاف : بتقيم ليلى .. يابنتي قوى شرق عليش أيحين عتقومي عتتأخري ع المدرسه 🏫 يوميه هكذا ..

ليلى : راقده بتتقلب 😴 اوووف منك ياماما خلوني أرقد ماشفعل بالقرايه حقكم انا اخرتي شتزوج .

عفاف : ناهي ذلحين قومي اقري وبعدا كما تزوجتي من وقته وبعدا من عيرضى يتزوج بش وانتي هكذا لافلحتي في القرايه ولافلحتي في قصده الله جيفه .

ليلى : أنا اصلا ماشتزوجش بواحد يعيش فاليمن أنا أشتي واحد مغترب ..

عفاف : يله قومي شرق يامغترب ..


..... ....... .......

في بيت الحج أحمد ..


الحج أحمد : خلاص نخطى ذلحين ونزيد ندعي معانا أبن الحج صالح جارنا هو مهندس يزيد يبسره معانا ..

يوسف : أيوه قد حاكيته أمس فالتخزينه وقال حاضر من عينه ..

هاشم : يله تمام أدخل أدعي ناديه والجهال يزيد يجوا يبسروه معانا ..

يوسف : يله اقطب أمد ما ادفي السياره 🚘 والبيت هو بعيد ماعنوصل الا 9 ع الموعد ..


...... ...... ......

في المعهد ...

محمد : هيا مه عجبش وإرتحتي له أسجلش ولا نسير نبسر معهد ثاني ..


ريم : بإبتسامتها المعتاده 😃 أيووه حالي وعجبني إن مابش فيه عيال خيرات ..

محمد : بيضحك عليها هههه ناهي وكن بطلي توزعي إبتسامات هكذا 🙂 مش أنتي فالبيت ..

ريم : ومدراك اني مبتسمه وانا ملثمه 😃 ..


محمد : اصلا العيون الحاليه 👁 هذه بتفضحش ياقمر هههه ..

ريم : خفعته 👋🏻 هيا ناهي اخطى سجلني شرق إشتي اروح اعاون امي حرام وحدهم ..

محمد : تمام هيا ..


...... ...... .....

في البيت الجديد 🏡..

هاشم : هيا مه إعجبكم نتوكل ع الله ...

ناديه : ماشاء الله حالي قووي بس بعيد من الاسواق ..

يوسف : هو حالي يا اختي تهجعوا لكم من الزحمه والجنان وبعدا هذه المنطقه حاليه وراقيه قووي ..

ناديه : يله بعدكم أين جو الجهال ..

سام : ام هير ماما .. هادا بيت بيوتفل اهلى من بيت جدو انا اشتى اجلس هانا ..

الحج أحمد : قبصه في خدوده 🙃أحلى من بيت جدو أومه هيا ناهي لك يادبجي أبسرك تزد تجي عندنا لما تنقلوا هذا البيت ..

سام : لا لا جدو مش تزعل أنا اهببك كثيير والله ..

الحج أحمد : تحيلى له وضحك ههه 😂وانا والله اهبببك اكثر ..


سهيل : بيتفرج البيت هو وسندس .. هيا مه عجبش ..

سندس : أيووه حلو بس انا اصلا شكلي ماشجلسش هانا ماعجبتنيش اليمن إشتي أرجع كندا ..

سهيل : والله ان كلامش صح حتى أنا مشهي عاجبه لي بس ما افعل قدها بلادي والله لو تجي لي فرصه لأسافر منها ع طول وأعيش لي خارج افتهن ساع ما العالم كله مفتهن.

سندس : ليش ماتسافر تدرس خارج وتشتغل هناك وتستقر.

سهيل : مالقيتش منحه وبعدا مشتسش أكلف ع أبي مصاريف يكفي رسوم الجامعه الخاصه ..

سندس : أنت داري أنا لوسافرت مارأيك تجي معي وأعرف ناس كثير في كندا اشتغل عندهم وادرس وساعد نفسك ..

سهيل : بيقلبها في رآسه 😇أمممم.

أيمن : كمل يتفرج البيت وجاء لعندهم 🚶🏼هيا مه اعجبكم ..

سهيل : أيووه ماشاء الله حالي قوي اتوكلوا ع الله وزيد جروا سياره تتواصلوا بها ..

أيمن : أيوه ضروري ما السياره قد بابا عيشتروا لي واحده ولهم .


سندس : لفتت له بضبح 😤 وقيمه سيارتك يدوها لي كاش اشتي ارجع كندا ..

أيمن : دهفها .. كشكشوا راسش اخطي هاه قلك ترجع كندا مابلا نشربش ببس كندا 🍾 ولفت لسهيل صدق ياسهيل عادهم بيبعوا ببس كندا ابو قوارير زجاج هيا نسير نشرب ..


سهيل : ماشي ماعدبش منهن ماعاد الإ علب .

أيمن : كم قد تغيرت حاجات ع ماسافرت ..

سندس : ابسرته بإستهزاء 😏 هكذا هي وقد تغيرت وانت جننتنا تشتي ترجع وعادها كانت أخس صدق انسان متخلف وفلتتهم وخطيت 🚶🏻‍♀..



كملوا اتفقوا مع الرجال وسدوا ينقلوا بيتهم نهايه الإسبوع بعد مايجهز لهم الأوراق ويشتروا الأثاث ..


🌹meme_abdalgaleel


@qesasanani

بارت 7 🌹


بعد إسبووع ..

في البيت الجديد 🏡..

ساميه : امتدت فوق السرير اوووف أخيرا كملنا الرفاع والترتيب واليوم عنرقد في بيتنا 😄..


هاشم : جالس جنبها .. اللهم لك الحمد والشكر إن قدهو بيتنا وماشاء الله ع بيت وقع سباطه واشترينا سيارتين 🚘 لي ولأيمن و جزء من الزلط الباقيه نفتح لنا مشروع والباقي نخليها فالبنك حاجات العيال ..


ساميه : أحلى شي في رجعتنا أنحنا رجعنا بين أهلنا وناسنا ..

هاشم : إبسرها بقهر 😔 أهلش أنتي ياناديه مانا وينهم أهلي كلهم قاطعونا بعد ماتزوج ابي بأمي حتى خواتي ماناش داري أينهن ولا كيف حالهن ولابمن تزوجين ولا أعرف عنهن شي وخالي الوحيد قدوذاك مات ..

ساميه : جلست وبتطبطب عليه بيدها 👋🏻 ذلحين يعني لا أنا ولا جهالك عجبناك ولا مشحنا أهلك واهلي مشهم أهلك ..

هاشم : إبتسم 🙂 ومسك يدها وباسها الإ اهلي وناسي وعزوتي .. ذلحين هيا قومي نبسر الجهال أينهم ونتصل لبيت اخوش نخرج نتعشى خارج ومن بكره شتصرف لنا ونكن نطبخ فالبيت ..

ناديه : يله تمام قووم بدل واتجهز وأنا ادعي الجهال واتصل لساميه أقلها ...


...... ...... ........


في بيت توفيق ..

عفاف : جالسه فوق المكينه حقها بتخيط لابسه النظاره 👓 ومنسجمه ..

ليلى : في يدها الرموت بتقلب التلفزيون 📺 .. ضبحت 😤 رجمته اوووف ماهو هذا ولابه برنامج ساع الساع ..

عفاف : إبسرتها 👀 يابنتي قوى قومي اقري لش كلمتين بدل ماكودش فوق ذيه التلفزيون عاد معش هذه السنه كمليها نهجع ..

ليلى : بصياح وتحرك ايديها 😡 يله يله ابداوء حقكم المحاضره حق كل يوم سيري ابسري ريم بنت خالتش وريم كملت قرايتها وانتي ماشي والهدار حق يوميه ..

سامي : ع وصلته بيفتح الباب 🚪 سمعهن غلق الباب بسرعه ودخل .. هيا مالكن اصواتكن لاخارج ..

ليلى : ما افعلك هذا كله بسبب ماما جننوني في روحي قرايه قرايه اووف 😤 هيا اسكه ياناس أنا ماعد اشتيش اقرى ..

سامي : مسكها من كتفها 👋🏻 ناهي ياهرمه ياماتشتيش تقري اخطي البسي اخرجكن نتعشاء خارج أنتي قلتي تشتي تسيري مطعم ..

ليلى : فرحت وحبته 😘 صددق قل والله الآن فريره البس بسرعه وخطيت تلبس ..

عفاف : ابسرته وزاعله عليه 😔 يا إبني ليش هكذا تغربق روحك منين أديت الزلط مشهو كل ماقالت شي فعلته لها كم جهدك ..

سامي : إسهل يا امه خلوها تفرح لاتهمونيش ذلحين هيا قوموا البسوا نخطى لنا ..

عفاف : والله ماقدرت ياولدي قدنا تاعبه ومنعسه 😴اخرجوا لكم انتوا بس ..

سامي : خلاص كان لاتتعشوش شديلكم عشاء معي من خارج ..

عفاف : مع إسلم قد تعشيت خلي بس الزلط عتنفعك سامحنا ياولدي قد بنتعبك معانا ..

سامي : وطى وحب راسها 😘 لاتقلوش هكذا يا أمه انت تاج راسي بتزعلوني بهذا الكلام ..

عفاف : ابتسمت له 🙂ربي يرضى عليك دنيا واخره ويسعدك ..

ليلى : سنبت عند الباب 🚪هييا قدنا جاهزه ..

سامي : يله هيا الان يله خاطركم يا امه ..


عفاف : الله معاكم لاتتاخروش انا شويه وشخطى لي ارقد 😴..


...... ...... ......

في بيت الحج أحمد ..

يوسف : أنا عادنا مخزن اخرجوا انتوا .

الحج أحمد : وأنا والكل والله ماقدرت لحقكم الأكل الملخفج قدنا شجلس هانا مع ولدي بس ..

ساميه : يله خلاص إذا شاخلي سهيل يخطينا وانتوا شاجهز لكم العشاء🍱 يا أبه وأغطيه .


@qesasanani

بارت 8 🌹


في بيت علي ...

الكل سامرين ..

علي : ذلحين انتي ماتشتي بالقرايه هذه والانجليزي ..

أسامه : حالي يا أبه تتعلم الانجليزي ينفعها لمستقبلها وبعدا العلم نور ..

علي : بسخريه 😏 هع مستقبل مه يامستقبل العلم نور أخرته للتنور والله ما اخرتها الإ تخبز وتعجن وتبزي الجهال ..

ريم : بتتفرج أبوها ساكته وتقرح أصابيعها ..


محمد : تمام ما أختلفناش إنها عتتزوج بس حلو لما تكون الأم متعلمه تربي عيالها صح وتقدر تدرسهم وبعدا عادهو بدري ع زواجها عادها جاهله وعادها عتقراء الجامعه ..


علي : ارتزح سوى لاعرض المدكى وإتوضع مابش معي بنات يقرين جامعات اشقى عليها واتعب زلط ومصاريف 💴 للقرايه وارجع ازوجها يستفيد زوجها بمعاشها ..

أميره : مالك حسك كله عند الزلط 💴 هي بنتك لاتعبت عليها مش هي من الشارع كل الناس بيقروا بناتهم وانت كودك بتكسر نفسها حتى لما ادت مجموع عالي وجت تفرحك ماعبرتهاش ..

علي : صيح فوقها 😡 أنتي مشووووو علييييش اسكتي وإهجعي محد بيكبر رآسها ويشجعها الإ كلامش .


ريم : همست يد أمها تسكت ووقفت 🚶🏻‍♀ وخطيت وهي منزله رآسها تصبحوا ع خير ..

علي : لفت لها بضبح 😤 وأنتي ماقد معش قمتي حانقه ولا كلامي مشو ع مزاجش ..

ريم : لفتت له وملامحها حزن 😔 مابلا قدنا منعسه أرقد تصبحوا ع خير ..

أسامه : لحقها للغرفه يجابرها لاتزعلش من كلام أبوها ووعدها انه عيسجلها الجامعه بعد ماتكمل المعهد هذه السنه ..


....... ...... .......

في المطعم ..

فوق الطاوله جالسين .

سندس : أنا شاسير أطلب لي ..

أيمن : يييه أين تسيري قليلي ماتشتي وأنا شطلب لش وبعدا راعي لما يجوا بيت خالي قال سهيل قدهم قريبين ..

سندس : بضبح 😤 وليش تطلب لي أنت أنا معي لسان والله اقدر اتكلم وأقلهم ما اشتي ..

هاشم : يابنتي هانا الوضع غير كندا ابسري النسوان جالسات والرجال كلهم بيطلبوا لهن ..

سندس : لأننتوا متخلفين وبتعاملوا النسوان بطريقه رجعيه ..

ناديه : طبعا قدهي باللثمه .. وليش ماتقلي انهم بيحافظوا عليهن بيعتبروهن كنز وحاجه غاليه وبيخافوا احد يسرقه .

سندس : ماعجبهاش الكلام طنشت فتحت شنطتها 👜 وخرجت تلفونها 📱فتحت النت وبتتواصل مع مارك البوي فرند حقها في كندا ..

سام : شاف بيت خاله جوا فرح 😄 سهيل وسهى جو وبيأشرلهم بيده 👋🏻..

وصلوا سلموا عليهم 😘 وجلسوا كلهم والشباب ساروا يطلبوا الأكل ..


🌹meme_abdalgaleel


@qesasanani

بارت 9 🌹


سامي : دخل المطعم وهو ماسك يد أخته 👫 بيمزح معاها ذلحين لو أحد يبسرني من أصحابي عيقل انش صاحبتي هههه ..

ليلى : بتضحك عليه 😂 قلك صاحبته من عيعبرك أصلا ..

سامي : والله هكذا بستقلي باأخوش هيا ناهي لش اخوش أصلا المز حق الجامعه وكل البنات معجبات به ..

ليلى : بلقانه 😜 هيا اقطب عشينا يامز قدنا جاوعه جي ندخل في هذك الجهه ..

سامي : يله تمام ادخلي انتي أمد ما اطلب لنا وأجي ..


ليلى : بتخطى🚶🏻‍♀ تدخل للطاوله ع جيه أيمن سبق سهيل دكمته ونكعت شنطتها 👜..

أيمن : اووو أم سوري أنا آسف ووطى يمكنها الشنطه 👜 ..

ليلى : رفعت راسها تبسره عادها بتفتح فمها تتليقن عليه ابسرته سكتت وابتسمت 😊 هااااه انا آسفه أنا ماكنتش مركزه .


سامي : إبسرها من بعيد حسب أن أيمن بيضايقها خطي بسرعه 🏃🏻 وصل ضابح 😤 ماهو مالك مامعك هانا مابتدور ..

أيمن : لأنه فاهم العادات مازعلش منه لا لا أطمن مافيش شي بس بدون قصد ...

ليلى : قاطعته انا كنت خاطيه وخفعته وهو ادى لي الشنطه 👜.

سامي : بهرر فوقها 😳يله تمام ناهي اخطي هاه ..

أيمن : مد يده ✋🏻يسلم عليه أنا أيمن هاشم مهندس زراعي عادنا رجعت من كندا تشرفت فيك ..


سامي : مد يده وأنا سامي طالب هذه اخر سنه لي تجاره ..

أيمن : هذا رقم تلفوني وان شاء الله نتعرف ع بعض أكثر انا ماقد أعرفش أحد هانا وحابب أتعرف ع اصدقاء ..

ليلى : جلست فوق الطاوله وبتتفرجهم عيونها لعندهم 👀 بتتفرج أيمن وتبتسم محلاه كيفهو أنيق ومرتب وشكله كأنه مشو يمني .


سامي : إن شاء الله .. يله أستأذنك لأن أختي وحدها وخطي لعندها..

ليلى : قلبها بيأكلها ❤ تشتي تدرى ما اتجابروا .. زيد صيحت فوقه أومه والله ماضايقني انه محترم ..

سامي : ماصايحتش أصلا احرجني شكله مؤدب وعرفني عليه وادالي رقمه والكل قال عادهو جاء من كندا ماقد بش معه اصحاب فاليمن .

ليلى : هزت رآسها وابتسمت 😊 هاااه يعني مشهو فاليمن قد قلت شكله مشهو باين انه يمني أنيق وذواق بسمه ..

سامي : بهنجمه 😳 وانتي مادخلش من إسمه او عنتناسب ..


ليلى : خزيت هاه 😊 مع مابلا فضول ..

سامي : إسمه أيمن يافضول ..


....... ........ .......

فوق الطاوله حق بيت هاشم

سندس : ماهو هذا الكريسبي 🍔🍟 والهمبرغر حقكم كيف طعمه فرق شاسع بين حقكم وحقنا في كندا ..


سمر : غمزت لسهى 😉 اين حقكم هو هذا حقكم ولا نسيتي انش يمنيه خلاص المفروض انش ماعد تفكريش في حقهم وتتعودين ع حقنا قصدي حقش هههه ..

ساميه : دكمتها برجلها تسكت 🙊..

سندس : ابسرتها بطرق عينها 😏 وليش أتعود عليها كلها كم فتره أمد ماتبدى الدراسه الجامعيه في كندا وارجع ..

كملوا يتعشوا والكل بيضحك ومبسوط الإ سندس مش عاجب لها الوضع وبتنتقد طول العشاء وليلى طبعا عيونها 👀 مافارقتش أيمن بتتفرجه كل شويه ..


@qesasanani

بارت 10 🌹


ثاني يوووم الصبح 🌝..

أيمن : قام من النوم فوق السرير بيتمطط 🙆🏻‍♂ مد يده يسحب التلفون ابسر الساعه 7 مسكه بيتصل لسهيل .


سهيل : نووم 😴 سحب تلفونه يجاوب .. عنرقد ياصباحه مابش معي اليوم جامعه جيتلي أنت ..

أيمن : ضحك هههه 😂 هيا قووم من الكسل حقك ماسدينا أمس أين نسير ..

سهيل : يا أخي وانت ياسعم ان بيت جدك🏠 عيطير ماتخلينا نرقد وبعدا والله أنه جالس بقعته هاذك.. هذا أذا ماقدهوش مخرب او أحد إشتراه ..

أيمن : لا لا محد إشتراه هذا الشي الي أنا متأكد منه لأنه كان أبي عيدروا أصلا عماتي ما اهتمينش يبيعنه لأنه إبسرت خارج صنعاء وكان بيت🏠 لوحده وزيد مفتجعات منه لأنهم لقيوا جدي ميت فيه وحده بعد مادخل السارق.


سهيل : ضحك عليه 😂 هههه ماشاء الله عليك الي حافظ هذا كله هذا وانت سافرت وعادك جاهل ..

أيمن : ناهي قوم البس شرق من اللقانه شويه وأجي لك وبعدا أنا لونسيت كل شي إستحاله إننا أنسى جدي ..


....... ....... .......

في المعهد ...

غيداء : صاحبه ريم فالمعهد ... بتأشر لها من بعيد 👋🏻 ..

ريم : خطيت لعندها 🚶🏻‍♀خفعتها أين أنتي ليش تأخرتي هكذا قد شطفح وحدي مراعيه ..

غيداء : ضحكت عليها 😂 ههه مابلا قلت قدنا الحارس الشخصي حقش يوميه محد بيصدى يقرب صليش اليوم افتح المجال للمعجبين ههه ..

ريم : بتفعل لها حركه لقانه بوجهها 😬 بس ماباين الا عيونها من اللثمه بيغمضين .. سامجه ..

غيداء : مسكت يدها 👭 هيا ناهي اخطي ندخل الكلاس ياسماجه قد الخبير جاء ماذلحين عيمكنش تفراج وطنانه طول الدرس ههه ..

ريم : بصوت واطي .. ناهي أووص من الخباله أخطي سكته لايسمعش ..

غيداء : ناهي وانتي سعم انه داري ع من بنتحاكى سعم انحنا ذكرنا إسمه .


ريم : ولو كم هو أذانه 👂🏻 رادارات .


....... ........ ........

في بيت الحج أحمد

يوسف : بيصتبح هو وأبوه 🥘 ذلحين ماقلتوا يا أبه مارائيكم لو أشارك هاشم وفتحنا الشركه أنا وهو ..

الحج أحمد : والله يا ابني ما أنا داري ما أقلك أصلا لو ماينجحش العمل انت عتخسر زلطك 💵 الي قد جمعتها كلتها لكن هاشم ماشاء الله عليه عاد معه زلط ..

يوسف : لكن لو نجح العمل يا أبه عندخل اضعاف الزلط 💵..

ساميه : بتسكب لهم الشاهي ☕ ذلحين أنا مافهمتش ماتشتوا تفعلوا بالظبط ..

يوسف : قلنا عنفعل عماير 🏢 سكنيه ونبداء نبيع الشقق الي فيهن تمليك بالتقسيط يبداء صاحب الشقه يقسطها لنا من اول مانعمرها لما نشطبها ..


ساميه : آها .. قصدك ساع المصريين شقق تمليك عيقع حالي قووي ناس خيرات عيشتروا ..


يوسف : أيووه لأنه سعر الشقه عيقع أرخص قوي من البيت وعنفعلهن شقق كبار وحاليات ..


الحج أحمد : أقلك ماشي إتوكلوا ع الله يا إبني والله يوفقكم ..


سهيل : خرج لاعندهم وهم بيصتبحوا صباح الخير وشل له لقمه وهو مسنب ..

ساميه : كيف لك قمت ومابش معك جامعه اليوم قد قلت ماعتقوم الإ ظهر ..

سهيل : أيمن اتصلي📱 يشتي أخرج معه قدهو فالطريق ..

يوسف : مدام عيجي لك راعي امكنك ورق 📃 لعمك هاشم ..

سهيل : يله تمام وانا أكل لي لجعين بسرعه .


🌹meme_abdalgaleel


@qesasanani

بارت 11 🌹


فوق السياره 🚘..


سهيل : جالس قدام قدهو ضابح😤 من سواقه أيمن .. يا أخي إسكه انزل خيره الله عليك أنت وهذه السواقه جننتني في روحي ساع الي عادها بتتعلم ومفتجعه والله مالك الإ السبعين ..


أيمن : لفت له وبيضحك 😃 ههه كان ماتشتيني اسوق ساع هذولاء المجانين ..


سهيل : أصلا لاعتعرف الشوارع الي تخرجنا من صنعاء لبيت جدك ولا بتسوق ساع الناس والله ماغير اطويت روحي انزل لي أسوق بس وأنت خلي سواقه النظام لماترجع كندا ..

أيمن : بيحانكه 😜 هيا عناد فيك والله ماأنزل وأجلس اتبرقط هكذا يوميه لما تتعلم النظام هذا الي قلك نفسه يسافر ويعيش فالخارج والله لايحبسوك من أول ماتشغل السياره عندهم نظام مشهم ساعنا ..

جلسوا يتجابروا ويضحكوا وبيسألوا ع الشوارع والمنطقه الي كان فيها بيت جده لما وصلوا ..


سهيل : هيا مه هو هانا كان بيت جدك 🏠 ..


أيمن :👀 بيتلفت يمين وشمال بيبسر المنطقه قدهي مختلفه وقد به بيوت خيرات ودكاكين .. يا أخي ما أعتقدتش هذك المنطقه كانت فاضيه ومافيها الإ بيت جدي🏠 خرج عمر له هانا يهرب من ازعاج المدينه ومن المشاكل حق خاله ابي وعماتي واهلها ..


سهيل : بيبسره بظرافه 😬 أيوه وأحد قلك ان البلاد ملك جدك أو كيفه محد عيعمر ولا عيعيش هانا الإهو ..


أيمن : دكمه بيده 👊🏻 في كتفه يووف كم فيك لقانه اخطى نسأل الرجال الي هاناك ونتأكد ..


الرجال : بعد تفكير 😇 اممم والله ماندي لك علم يا أخي احنا نقلنا هانا وقد به بيوت لكن به بيت🏠 عادهو مطلع شويه مهجور معه حوش وارض كبيره محد داري من أصحابه قدله سنين محد فتح له باب وأهل المنطقه محد بيصداء يقرب له بيقلوا مسكون 👿 ولا من عيفلت هذك الأرضيه والحوش لوشي ان قد زرعوها واستفادوا منها لأنه مابدى لها صاحب سيروا ابسروه لاهو البيت الي بتسألوا عليه ..

أيمن : بيحاول يتذكر 🤔 اممم هو لون الباب🚪 حقه أسوود وباب الحوش فوقه حديد ..


الرجال : والله مدي لك علم يا أخي سير وأبسر بنفسك إحنا مابنقربش لاهاناك لأنه مسكون وقالوا بيبسروا فيه العشي رجال بدقنه بيضاء 🎅🏻 بيجلس يلوي فالحوش ..


سهيل : إفتجع 😅يا أخي قومي نخطى نرحلنا صورتك تشتي تدهدهنا وتخطينا لعند الجن 👿 باأرجلنا قدوذا سمعت ماقالوا لك البيت مسكون ..


أيمن : ضحك عليه هههه 😂 وانت قدك أخبل وصدقت ساعهم هيا شغل السياره 🚘 نسير نبسره ..


....... ....... ........

وقت الظهر 🌞


في بيت توفيق ..

عفاف: فالمطبخ بتفعل الغداء ..

سامي : روح من الجامعه تاعب رجم الجاكت حقه فالصاله .. ودخل لعند أمه يا أمه شدخل افعلي ساعه ارقد 😴 لاوقت الغداء افتهن شويه وأسير العمل ..


عفاف : تمام ياولدي ادخل ارتاح لك شويه رضي عليك ..


ليلى : وصلت من المدرسه والشنطه في يدها 🎒 ابسرت جاكت اخوها فالصاله مرجوم بتداعيه .. ييه سامي مسرع روحت ..


عفاف : بدت وجهها من المطبخ 🙊 اووص وطي صوتش اخوش راقد قال تاعب دخل يرقد له شويه امد مانقرب الغداء اخطي بدلي وجي رفعي معي البيت ودخلي جاكت 👕 اخوش مع طريقش لغرفته ..

ليلى : شلت الجاكت في يدها 👕 وبتخطي تشتي توضع الشنطه نكع التلفون 📱من جيب الجاكت شلته ترفعه و طننت شويه 🤔 أممم اشله أو مع جلست متردده شويه وقررت فتحت التلفون لأنه من القديمات مابش فيه كلمه سر وبتدور رقم أيمن لقيت رقم مكتوب فيه أيمن كندا ابتسمت 🙂 وخرجت القلم من الشنطه وسجلته بسرعه في يدها ودخلت التلفون بقعته ودخلت علقته في غرفه أخوها وحملت🏃‍♀ بسرعه لغرفتها تسجل الرقم في تلفونها ..



@qesasanani

بارت 12 🌹


في الشارع..

أيمن : أشر بيده ✋🏻 استوب استوب والله أنه هو ..

سهيل : ضحك هههه 😂 سن تب أخرج يييه اتحاكى ساع ساع الناس عيجلس يمكني كل شويه وينكع لي كلمه انجليزي يا أخي درينا أنك تربيه كندا دراي كولا ههه .

أيمن : إبسره من طالع لانازل 😏 وضحك ثقيل ..

سهيل : ضحك بلقانه 😜هههه والله إني خفيف سير اوزني ..


أيمن : أشر له بيده 👋🏻 يله هيا انزل نبسر البيت ..

سهيل : 😅حك شعره أين انزل مالك بتجنن سمعت ماقالوا الناس البيت مسكون 👿 تشتي تدخل أنت دخلت هو بيت جدك أنت ومعك فيه ذكريات يمكن الجن الي فيه يعرفوك ما انا عيفجعوني مايعرفونيش هههه ..


أيمن : فتح باب السياره 🚘 ونزل ولف للباب حقه فتحه ونزله بالغصب وبيسحبه معه 👬.

سهيل : بيتلفت يمين وشمال 👀 يا أخي ابسر مابش أحد هانا مالك مجنون ندخل وحدنا كان راعي لما يخطى أحد ..


أيمن : بيسحبه هيا أخطى مالك جبان والله مابه شي إنها اشاعات بس لأن البيت مهجور محد زد جاء فيه وكلهم مفتجعين لأنه لقيوا جدي ميت فيه ..


سهيل : ذلحين هو جدك انت ادخل وحدك ماشدخلش أنت قلت فاقد للبيت 🏠 خلاص قذا ابسرناه يله نروح لنا ..

أيمن : أشتي ادخله هيا وسحبه بيمسك باب الحوش 🚪 يشتي يفتحه باب حديد أسوود قديم قدهو ملان تراب علامات الصدى والذحل مبينه عليه من كثر ماء المطر والإهمال لأن قدله سنين حط يده عند الباب افتتح من نفسه وطلع منه صووت ززززيط وهو بيفتتح ..

سهيل : إفتجع 😅 ونبع لاوراء 🏃🏻 وهزره ..ييييه أين عتسير من الخباله قد الباب إفتتح من نفسه وززيط قالوا لك مسكون هيا نرحل لنا والله مدخل ..

أيمن : ضحك عليه هههه 😂 يا اخي مالك مجنون أكيد عيفتتح من نفسه قد المغلقه حقه دامره ومذحله والباب قديم أكيد عيطلع منه صوت هيا لك قدك مثل الناس الجاهله هذا وأنت انسان متعلم داري ماسبب هذا كله وسحبه ودخلوا الحوش ..


الحوش قدهو ملان شوك 🌾 وأوراق شجر يابسه 🍁🍂 فالأرض وبواقي غصون أشجار يابسه والتراب مغطي المكان ..

أيمن : فجاءه صاح .😲..أيووه هااااااناك .

سهيل : افتجع 😵 ومسكه بقوه وتخبى قفاه ماهو هناك ما ابسرت وبيتحاكى بخوف وصوت مقطع يا اخي هيا نرحل لنا قبل ماتجي لنا ..

أيمن : مسك بطنه وبيضحك عليه 😂 بقوه ياجبان مالك افتجعت مالك ماهي الي تجي لنا ..

سهيل : ابسره بقزازه 😖 عادك بتضحك اوذا قلت الجنيه 👿هاناك .


أيمن : ارتفعت صوت ضحكته 😂هههه اين جنيه مالك بتخيبل انا بينقل ايووه هاناك كانت المدرهه 🎡 الي يلاعبني جدي فوقها وخطي 🚶🏼 لعندها ..

سهيل : بيخطى بعده بخوف😅 وخطوات منقاربه 🚶🏼وبيتلفت يمين وشمال سمع صوت خطيه من وراه وخشخشه فوق الشجر حاول يتماسك ويشتي يلف وجهه وقد العرق بينزل منه بيحرك وجهه يلفه ابسر فأر أسود 🐀بيحمل تنهد ومسك فوق قلبه ماحس الإ يد اطرحت فوق كتفه من وراء صاح بقوه ..


..... ...... ......

في المعهد


بعد ماكمل الكلاس وع خرجتهم ..

أحمد : وقف عند باب 🚪 الكلاس بالعاني .

غيداء : لفتت لريم وغمزت لها 😉.

ريم : بهررت فوقها 😳 تسكت لاينتبه لهن وخطيت .

أحمد : إبسر ريم خاطيه عتخرج مد يده حوز الباب 🚪 كأنه مش منتبه ..

ريم : وقفت .. لوسمحت ممكن تبعد نشتي نخرج ..


أحمد : بظرافه 😬 بكم عتحاسبي ..

غيداء : ابسرته بضبح 😤 عنحاسب قيمه كيلو بسباس يلذعك تشتحط وتوقع رجال .


أحمد : قلب فوقها 😡 أنتي أصلا مادخلش ومن بيكلمش أصلا فضوليه بتحشري نفسش.

غيداء : تشتي ترد عليه ريم سكتتها 🙊خلاص بس اسكتي وانت لوسمحت اشتي اخرج ممكن تبعد اخي مراعي لي خارج ..

أحمد : تمام انا شبعد علشانش انتي بس مش علشان قليله الأدب هذه ولفت لغيداء 👀اتعلمي من صاحبتش تمان ..

غيداء : وقفت عترد عليه وريم سحبتها وخرجين



🌹meme_abdalgaleel


@qesasanani

بارت 13 🌹



في بيت هاشم ..

سندس : ممدده فوق السرير في غرفتها ماسكه تلفونها 📱 بتحاكي مارك .. انا خلاص لازم اسافر في أقرب فرصه لكن المشكله ان جوازي مع بابا ومش عارفه كيف احجز فاليمن مااعرفش اخرج وحدي .


مارك : لاعليك عزيزتي سوف ابحث عن احد من اصدقائي لديه معارف في سفارتنا فاليمن وسوف يقوم بالإتصال بك وترتيب الإجراءات كامله أنتي أصبحتي كنديه ولديك الجنسيه لاتقلقي ..

سندس : شكرا جزيلا لك يامارك وانا سأحاول اخذ الجواز والاوراق الخاصه بي من غرفه بابا دون ان يشعر حتى أعطيها لصديقك في السفاره ليرتب لي السفر والعوده لكندا ..


ناديه : كانت خاطيه 🚶🏻‍♀من عند الغرفه وبالصدفه سمعت كلامها لأن الباب 🚪 كان مردود .. انصدمت من كلام بنتها وحطت يدها ع وجهها 😱 يووه ع فعله البنت ناويه ترحلها وتهرب ضروري أحاكي أبوها أسير اتصله 📱..


....... ........ .........


في البيت المهجور 🏠..


سهيل : بعد ماحس اليد 👋🏻 الي احطت ع كتفه نزله العرق 😅من كل جسمه وتسارعت نبضات قلبه ❤ وصاااااح بصوووت عالي أعوذ بالله من الشيطان الرجيم 👿 هو ايمن الي يشتي يدخل أنا مشتيش ائذيكم ولا تأذوني ...


أيمن : قرح ضحكه 😂😂 ههههههه يافجاع هو أنا وبعدا مسرع عتبيعني للجن هو أيمن هاه ...

سهيل : بيتحاكى بصوت مقطع وهو بينهل ويده فوق قلبه ❤ ويصيح أاااااانت عتبسر والله ماراحت لك وبيخطى 🚶🏼 خاطرك أنا شاروح وأنت أجلس عند الجن حق 👿 جدك .


أيمن : بيلحقه ويخطى 🚶🏼بعده للسياره وهو بيضحك 😂 عليه بيغلق باب الحوش حق جده لمح دمه سوداء🐈 واقفه تحت الشجره بتتفرجه .. اتعوذ من الشيطان وخطي وهو بيجابر نفسه معقوله يكون البيت صدق مسكون 🤔 ولا بس هذه الدمه دخلت عادي بس ليش كانت بتتفرجني بهذه النظرات .. فتح باب السياره 🚘وطلع ..


سهيل : شغل السياره بسرعه وخطيوا 🚘..



........ ........ ........

في بيت توفيق ..


ليلى : ماسكه تلفونها 📱بعد ماسجلت رقم أيمن متردده🤔 لو أتصل عيقل عليا بنت جريئه طيب يمكن إنه عادي لأنه عايش فالخارج وعندهم عادي طيب كيف أفعل خلاص شارسله رساله اقله أنا آسفه امس دكمته بدون قصد وماقدرتش اعتذر منه سواء لأن أخي فهم الموظوع غلط وشبسر رده ع رسالتي وبعدا شاقرر.


سامي : قام من النوم 😴 مستعجل يشتي يسير العمل بس راسه بيوجعه قوى مصدع ..دقدق لها باب الغرفه بيداعيها .. ليلي يييه أدخل ..

ليلى : إفتجعت 😱 لاهو دري انها شلت الرقم جاوبته هاه لحظه اوذا شفتح لك وخرجت تلفونها 📱مسحت الرقم بسرعه وفتحت له..

سامي : مسنب عند الباب 🚪 ساعه تفتحي معش حبه 💊 من حق الراس راسي بيوجعني ..

ليلى : تنهدت .. اوووف ماشي مابش معي اسأل أمي ..


سامي : يله تمام اقطبي جي قربي الغداء 🥘🍝 مع امي نتغداء إشتي أسير العمل ..


ليلى : يله تمام وخطيت معه 🚶🏻‍♀ ونسيت ان الرقم كان مكتوب في يدها ما انتبهت الإ بعد ماغسلته ..


@qesasanani