بارت 217




ثاني يوم الصبح 🌞..


في الحديده 🌊 ..

الساعه 7 الصبح ..


قاموا كلهم بيتجهزوا عيسيروا العرج ..


نوال : مصروعه من أمس بدون نوم بتفكر في عيالها وكيف انهم قريبين من عبدالصمد وقد أبسرهم وبيجابرهم ومعلق بهم بدون مايعرف السبب ولو تقله أيش عتكون رده فعله معقول عيزعل منها ولا عيفرح انهم طلعوا عياله وبتفكر في عيالها لو يدروا عتكون صدمه حياتهم جالسه ضايعه ومطننه 🤔 ..


يسرى : بتحرك يدها 👋🏻 قدام وجهها ...يييه نحنا هنا ..



نوال : كانت مطننه 🤔 هآه مالش ..


يسرى : مالش مطننه هكذا او تاعبه ..

نوال : هاه مدري مابلا مارقدتش😴 العشي سوى ..



عبدالصمد : بيدعيهن .. هيا مالكن شرق عنتأخر قد طارق نزل ..


نوال ويسرى : يله تمام ونزلين ..


فوق السياره 🚘 في طريقهم ...


طارق : تلفونه بيرن 📱خرجه بيبسره 😳 هذولاء أبي وبياشرلهم بيده ✋🏻 يسكتوا ألوووه ..


صالح : صباح الخير يا ابني كيف انت وكيفهي مرتك وبنتك ..


طارق : صبحكم الله بالعافيه ..الحمدلله كلنا بخير وانتوا كيف أنتوا ..


صالح : مالنا شي الحمدلله مابلا اخوك شعب ينزل الحديده هو ومرته وجالي انا وخالتك قدحنا خارجيين من ذمار ذلحين قلت اتصلك تحجز لنا فالفندق 🏚 الي انت نازل فيه ..


طارق : ارتبش .. مادريش مايقل 😅 هآه طيب تمام توصلوا بالسلامه ..

عبدالصمد : بيأشر له بعيونه 👁 ماهو ..



نوال : بتسمعه مستغربه أين عيسافر أبوها ..


طارق : غلق التلفون 📱 ولفت لاوراء بيبسر نوال 👀 ابي فالطريق عيجوا الحديده هم ويونس والنسوان قالوا احجز لهم فالفندق 🏚 الي أنا فيه ...


عبدالصمد : وقف السياره ولفت لنوال بقلق عليها 😨 لاتهميش ياروحي اسهل يجوا عنرجع ذلحين نبسر فندق 🏚 ونحجز لهم فيه هم وطارق وماعيوصلوا الإ وطارق مراعي لهم هاناك عيقلهم مابش غرف فالفندق الي كان فيه غير في هذا يجلسوا جمعه ...


يسرى : مسكت يدها 👋🏻 أيوووه وانتي وعبدالصمد اسهل اجلسوا يومين فالبيت واحنا عنروحهم بساعتنا ...


نوال : ابسرتهم بإبتسامه 🙂 مالكم مفتجعين 😰 هكذا يجوا مافيها .. اصلا أنا إشتيهم يجوا اشتي ابسرهم ...


طارق : ابتسم 🙂 خرررراطه قلي والله يعني خلاص مستعده تبسري أبي ..


عبدالصمد : نوال أنتي متأكده انش سامحتي يونس وماعتزعليش نفسش لو تبسريه انت حامل وتاعبه مشتيش تزعلي😔 ..


نوال : ابسرتهم وضحكت😂 هههه ذلحين ليش موقف السياره🚘 هيا روحنا البيت نجهز الغداء انا ويسرى قبل مايوصلوا ...


يسرى : نوال انتي متأكده انش تشتي تبسريهم 😐...


نوال : أيووووه ...



......... ......... .........


في صنعاء ....



في بيت عادل ...


تهاني : بتجهز العيال عيسيروا المدرسه وهي فارحه 😃 اول يوم يقوموا بنفسيه مرتاحه من اول السنه ...


معاذ : خرج من غرفته مبدل 👖👕 صباح الخير ..


تهاني : صباح النور أين عتسير من الصبح ...


معاذ : أشل أخوتي المدرسه 😃 واسال عليهم أبسر عادهم شطار ولا قدهم كسلين من حين سافرت واسير لعند منير معانا مشوار ..


تهاني : هم عند أبوك فالمدرسه قد نقلهم عيشلهم معه ..


هبه : فرحت انه عيوصلهم 😄 ايووه ياماما خلوه يجي معانا قوى اشتي اوريهم اخي فالمدرسه ..


عادل : كان بيصتبح🌯🍹 سمعهم .. ايووه جي معانا لان معي موظوع اشتي أجابرك فيه في الطريق والكل ..


......... ....... ........


في البيت الي فيه آيه ..


بنت صاحبه البيت : يا آيه بينبسر شكلش تاعبه 😥...


آيه : ايووه تاعبه قووى مدري مالي من أمس العشي ظهري بيوجعني قووي وبطني 😥 ماعد بينقدرش أتحرك ..


البنت : أسير أحاكي أمي تشلش المستشفى 🏨...


آيه : بزعل .. 😔 مع اسهل مشتيش اخسرها يله قدهي متحمله لي قالت بتصرف عليا اكل ونوم لما اولد وبس وبعدا أكن اشتغل وما وقع لي من زلط عتكن تشله هي ..


البنت : بزعل 😔 لما تولدي اين عتشلي الولد ..


آيه : مدري 😔 لو افلته حرام ابني يتعذب ( ذكرت رزق وكيف كانت تعامله امها ).. ولو اخليه معي كيف عيفعل لما يكبر ويبسر أمه قدهي بنت ليل وسمعتها هكذا وبكيت 😭..


البنت : أنتي ماخطاش في هذا الطريق بينحسش مجبره ومشو طريقش أنا ع الأقل كبرت وكنت أبسر امي هكذا وخلاص تعودت ان بيتنا هكذا ...



آيه : بتحكي لها ماحصل معاها وتبكي 😭..




🌹meme_abdalgaleel

@qesasanani

بارت 218




في السياره 🚘..

في طريقهم للمدرسه ..


رزق وهبه : جالسين وراء بيلعبوا ..


معاذ : ماهو الموظوع الي تشتوني فيه ..


عادل : ماشاء الله قدك رجال وطلعت سنه 2 هندسه قلت اسألك مارائيك لو نخطبلك💍 لان عادك هانا قبل ماتسافر والعرس لما تكمل الجامعه يجي وقد جهزنا حاجه العرس أمد ثلاث سنين ...


معاذ : انحرج من أبوه 😅 هآه .. خطوبه .. مع مع مش وقتها خالص وبعدا انا لما قدنا اشتي أخطب💍 شرجع أقلكم ولو ماعندكمش مانع أنا شرجع أختارها لنفسي ...



عادل : ابسره وابتسم ☺ وخفعه في رجله فهم عليه .. أهم شي مابتعبدش البقر هههه ...


معاذ : خزي من أبوه 😊 هاه مع ان شاء الله أرجع أختار عربيه ..


عادل : ابسره وهو مبتسم ☺ يعني الخلاصه مشهي يمنيه صح .. هي الي ذكرت أمس انك ماطمنتهاش وخفعت رآسك ...


معاذ : ضحك 😂 ههههه مع مع لاتفهموش غلط والله ان الي بيننا زماله بس ولا أحد فينا فتح اي موظوع ..


عادل : من اين هي ...

معاذ : بيحاكيه من ميس وأنها اردنيه وسافرت تدرس فالهند وان ابوها وأمها منفصلين وهي عايشه عند جدتها أم ابوها بعد ماتزوجت أمها وانها طيبه ومحترمه قوي بس بتخرج بشعرها مع انها بتصلي وقد حاول يفهمها انه الحجاب فرض واجب بس بدون مايجبرها لأنه مالش حق عليها ولاقد بينهم شي ...



عادل : بعد ماسمعه 👂🏻.. إبسر يا ابني انت الوحيد الي تقدر تحكم ع أخلاقها ﻻنك الي معاها طول اليوم وانا واثق في اختيارك بس قبل ماتعلق نفسك بها حاول تجس نبضها وتبسر هل ممكن أهلها يزوجوها بيمني ولا لا ...


معاذ : ماهي أخلاقها ماشاء الله بس أنا الي فهمته لأن أهلها منفصلين أهم شي عندهم أنها تتزوج وبس كل واحد يشتي يخلص من همها ..


عادل : حسبنا الله ونعم الوكيل بس .. دايما الاهل ينفصلوا وكل واحد يعيش حياته ومحد بيضيع الإ العيال ..



وصلوا المدرسه 🏫 ونزل معاذ مع العيال وهم فارحين به وبعدها سار للحاره لعند منير يسيروا يزوروا ابو واحد من اصحابهم حق الهند طلب منهم يزوروه ويطمنوه عليه ...



....... ...... ......



في الحديده 🌊...


يسرى : بتصلح الغداء 🍲🍛🍝 هي ونوال ..


نوال : تلفونها رن 📱تقيه بتتصلها.


تقيه : كيف أنتي يابنتي طمنيني عليش وكيفو زوجش ..

نوال : خرجت من المطبخ و التلفون في يدها 📱 بتحاكيها .. يوووه يا امه لو تدروا ماحصل وبتبكي 😭 عبدالصمد طلع يعرف العيال يقربوا لصاحبه رزق اخو صاحبه وهبه بنت جيرانهم ...


تقيه : يووه 😱 وكيف دريتي ..


نوال : بتحكي لها ماحصل ..


تقيه : خلاص يابنتي قوى اهداءي واذكري الله بدل ماتحمدي الله انهم بخير وتطمني قدوذا سمعتي منه انهم مرتاحين ..


نوال : لكن يا أمه قلبي بيحرق 💔 اشتي عيالي بس ماناش ساخيه عليهم بعد كل هذه السنين اسير اقلهم أنا أمكم حسبها الله خالتي خيريه الله لاسامحها والله ان المرض الي جالها بلاء من الله مثل مافعلت بي ..


تقيه : قوى يابنتي لاتقتهريش وتقهريني معش 😔 قدوذا ربي عوضش بعبدالصمد والحمدلله قدوذا عيجي لش جاهل وعتنشغلي به ..


نوال : بتحاكيها ان أبوها عيجي الحديده 🌊 هو ويونس وانها خلاص قررت تبسره كم عتجلس هكذا هاربيه منهم تشتي تواجه هذا الموقف وخلاص تخلص منه وتقدر تكن تسير ذمار ورآسها مرفوع ..



....... ....... .......

داخل في المجلس ..


عبدالصمد : يا أخي انا ماناش داري ماهو الي في رآس نوال كيف لوما غيرت رآئيها بسرعه هكذا وفجأءه ..



طارق : وأنا ساعك قد سألتها قالت لي بعد ما ابسرت عمتي تعبوا قالت محد ظامن عمره ولو يقع بها ولا في ابي شي عتجلس زاعله طول عمرها 😔 ..



عبدالصمد : الله يستر والله ان يدي ع قلبي ❤ بينهم نوال ..


طارق : ان شاء الله مايقع شي اتصلهم أبسر اين قدهم وخرج تلفونه 📱 يتصل وان قدهم في باجل ..


عبدالصمد : 😨 طيب وكيف عتفعل ماعتقلهم ..


طارق : انت داري شتصل لعمي قناف اقله وهم يتصلوا لأبي يحاكوهم ولا يبسروا كيف الصدق موقف صعب عليا ..

......... ......... ........


في البيت الي فيه آيه ...



آيه : ماعد قدرتش تتحمل الوجع بتصيح آاااااااح وتبكي 😭...



البنت : حملت تدعي أمها ونزلين وقفين تاكسي 🚖 وإسعفنها المستشفى .


@qesasanani

بارت 219



في المستشفى 🏨...


منير ومعاذ : وصلوا المستشفى 🏨 دخلوا بيسألوا وين الغرفه حق أبو صاحبهم وطلعوا لعنده يزوروه ...




آيه : وصلت المستشفى 🏨 ومعاها المره وبنتها ..


المره : بتداعي ييييه معانا اسعاف 🚑 جو ابسروها ..


الممرضه : حملت لعندهن ودخلتهن الطواري ابسرت البنت عادهي صغيره يووه😱 حرام عليكم كم عمرها هذه شكلها بنت 15 مسرع زوجتوها وقدهي واحمه ..


المره : مشو عليش ارجعي اوبهي لبنتش وزوجيها وهي كبيره ذلحين ابسري لنا البنت مافيها ...



الدكتوره : هذه فالشهر الكم هذه عندها ولاده مبكره ..


البنت : يوووه 😱حرام عادهي فالسادس ..


الدكتوره : لا لا مش هي فالسادس حسبتين غلط هذه قد دخلت السابع. عنطلعها غرفه الولاده ..


آيه : بتبكي وتصييح 😭 مفتجعه وبتمسك يد المره 👋🏻 قووى ياخاله لاتفلتينيش وحدي ...



البنت جلست خارج مفتجعه فوق الكرسي مراعيه لهن وبتبكي 😭 ع آيه ...



معاذ ومنير : كملوا اطمنوا ع الرجال وخرجوا من الغرفه يشتوا ينزلوا بالأصانصير عادهو مطول ..


منير : سحب معاذ جي ننزل من الدرج نخطي أرجلنا شويه ..


معاذ : والله مافيني خلينا نراعي شويه ..


وهم مراعيين له .. ابسروا 👀 البنت فوق الكرسي وحدها بتبكي 😭..


معاذ : مسكينه يعلم الله مالها من مريض عليها ..


الممرضه : خرجت لعندها .. لوسمحتي المريضه حقكم تاعبه قووي نشتي لها دم ضروري اتصلي لزوجها ولاابوها ولا اي احد يجي ...



البنت : وهي بتبكي 😭 أهلها فالبلاد وزوجها مسافر قلي لي من اين ادي الدم وانا شديه ..


الممرضه : من بنك الدم نشتي 2 قرب اوو موجب ولا لو به احد تعرفيه فصيلته هكذا يتبرع لها ..


معاذ : ابسر منير ..👀 انت فصيلتك اوو. موجب صح لوتسير تتبرع لهم حرام شكل مابش أحد معاهم ..


منير : والله انه صدق حرام جي معي خطيوا لعند الممرضه والبنت .. عفوا انا سمعت اننتوا تشتوا دم انا اوو موجب هذه فصيلتي ..


الممرضه : ايووه نشتيها طيب جي معي نسحب لك 💉 ...


معاذ : جالس بعيد مراعي لما يكملوا يسحبوا له دم وعينه ع البنت راحم لها ..


الممرضه : شلت اول قربه دم💉 ودخلتها لآيه .. جلست شويه وخرجت سارت لعند الممرض الي بيسحب لمنير خلاص لاعاد تسحب لش وخرجت رجعت للغرفه الي فيها آيه ..


الممرض : بعد الإبره 💉من يد منير وفعلها لصقه وقله خلاص شكرا ..



منير : قام خرج وسار لعند معاذ مراعي طالع ... هيا قالوا خلاص ماعد يشتوش ..


معاذ : يله تمام .. وبيخطى لعنده 🚶🏼 ...



البنت : خطيت لعندهم .. بتدعيهم يييييه لو سمحتوا شكرا ..

منير : مابش شي يا اختي ولو تحتاجي اي شي قليلنا ..


وهي بتحاكيهم خرجت أمها وهي بتبكي 😭 ...

البنت : ابسرت امها بتبكي 😭 حملت لعندها مابه آيه ولدت ..


المره : أيوووه ولدت وإدت ولد بس ماتت وبتصيح وتبكي 😭...


معاذ : لاحول ولاقوه الإ بالله هذا شكل معاهم موت ومابش معاهم أحد ...


منير : يوووه حميت دمي 💉كان عيخلوه لي ..


معاذ : خفعه 👋🏻سألتك بالله هذا وقت الخباله بدل ماتبسرهن نسوان وحدهن جي نخطى نبسر مانفعل معاهم وخطيوا لعندهن ...


معاذ : عظم الله أجركم اي خدمه ماتشتوا نفعل ياخاله احنا مستعدين تشتوا نتصل لأحد ...



البنت : هي اصلا مابش معاها أحد ..


منير : طيب وين زوجها وين اهلها ايش تقربوا لها ..من عيجي يستلمها ..


الممرضه : جت لعندهن مكنتهن الولد بعد مالفته 👶🏻 هاه الولد و لوسمحتين ايش اسمها الرباعي علشان شهاده الوفاه ..


المره : شلت الولد 👶🏻 وانا أين أجي بالولد ذلحين .. ماناش داريه با اسمها الكامل أنا داريه ان اسمها آيه عبدالكريم ال**** ...


معاذ ومنير : تباسروا 😱 بصدمه ايييييش الي ماتت آيه ..


منير : ماقدرش يمسك نفسه نزلت دموعه وكان يبكي 😭 وكان يخفع الجدر بيده ليشش هكذا يا آيه ليييش حتى دمي لما اتبرعت لش به فلتينا ...


معاذ : جمز ع يده ✊🏻 وحاول يمسك نفسه قدهو مقهور قوي 😔 لاحول ولاقوه الإ بالله . لفت للممرضه سجلي اسمها آيه عبدالكريم عبدالله ال****..


البنت والمره : ابسرنهم بإستغراب 😳 تعرفوها ..

معاذ : أيووه .. وخرج تلفونه بيتصل لعادل 📱 يسأله مايفعل ..



عادل : لاحول ولاقوه الإ بالله .. كمل معامله الوفاه يا ابني وانا شبسر عمك عبدالكريم ونجي نشلها ...


عبدالكريم : اول مادري اقتهر وصاح 😡 مابش معي بنات تسير تدور من يقبرها تخلي الي هربت علشانه يجي يقبرها ويربي ابنها ..


سميره : سمعته بيصيح ان بنتها ماتت 😭 كانت بتصيح وتبكي وتلطوم نفسها بنتي قووى بنتي شلني ازيد حتى ابسرها قبل مايدفنوها وتبوس ارجله ..


عادل : بعد عده محاولات اقناع لعبدالكريم اقنعه يسيروا يشلوا آيه من المستشفى🏨 يقبروها...




بأي ذنب ضعتي يا آيه الله لاسامح كل ظالم بيظلم وينسى ان الزمان دوار وربك منتقم جبار وانه اول مايبداء بالعقاب بيبداء في أعز واقرب ناس لك 😔..





@qesasanani

بارت 220

وقت الظهر

في الحديده 🌊...

يونس : بيتصل لطارق 📱 هيا أين أنت أنا مراعي عند باب الحديده ..

طارق : قدنا قريب منكم راعي وشاجيلكم لاهاناك ...

يونس : يله تمام بس قدك داري معرفش الحديده ..

بعد شويه وصلوا لعندهم ..

فوق السياره 🚘.

طارق : لفت لعبد الصمد با ابتسامه 🙂 هيا كيف المعنويات.

عبدالصمد : ضحك 😂هههه. حديد قصدي قد بينهم اختك غبني عليها ..

طارق : اخر مره نزيد نهمها الحمدلله قد الكل داري وفاهم .

فتحوا باب السياره 🚘 ونزلوا ...

طارق : ماسك عبدالصمد 👬 وبيخطوا لعندهم. .

يونس : ابسرهم خزي حس بالذنب 😰 انه فعل زمان هكذا لفت لعند ابووه قدوذا جو يا ابه ..

صالح : تنهد آااااح 😔 والله مانا داري كيف شبسرهم بعد الي فعلناه بهم .. فتح باب السياره ونزل ...

يونس : نزل بعده ...

طارق : قرب لعندهم بيسلم عليهم 😘 حمدلله ع سلامتكم ..

صالح : بيسلم عليه وعينه 👀 ع عبدالصمد ..

عبدالصمد : قرب لجنبه حمدلله ع سلامتكم ووطى يحبه 😘 في ركبته ..

صالح : رفعه ومسكه بيده وسلم عليه في وجهه 😘 الله يسلمك ياولدي سامحني يا ابني ظلمتك وظلمت مرتك صدقت خيريه ...

عبدالصمد : قاطعه خلاص ياعم مابش شي الي سار سار والحمدلله انتوا في الأخير عرفتوا الحقيقه ...

يونس : جاء من وراه وهو موطي رآسه 😔.. وانا عتسامحني يا اخي ولا عاد في قلبك شي عليا ..

عبدالصمد : مسكه وحظنه .... انت اخي وابن عمي ونسبي معقول عاد يكون في قلبي عليك شي ❤ ..

يونس : نزلت دمعته 😢 ومسحها والله ان جميلك في رقبتي لايوم الدين عاد باقي نوال تزيد تسامحني .

طارق : نوال مسامحه لك وقدهي بتفعلك الغداء 🍛🍲 هيا اقطبوا نخطى قدنا جاوع ..


صالح : ابسره 👀 . آاااح آاااح يا ابني والله ان قلبك انت وأختك ابيض وصافي ساع اللبن ساع امكم الله يرحمها ...

طلعوا فوق السيارات 🚘🚘 وخطيوا. .

عبدالصمد : خرج تلفونه 📱 بيتصل بنوال. بيقلها كيف كان اللقاء وان يونس زاعل قوي ومقهور ومحرج مشو داري كيف عيبسرها ..

...... ........ ........

في المستشفى 🏨 ...

معاذ : بيدور اين المره وبنتها ماعد لقيهنش ابسر الولد 👶🏻 مطروح فوق الكرسي بيسأل منير اينهن ..

منير : مقهور قووي وزاعل 😔 مدري ما ابسرتهنش ..

معاذ : كان امسك الولد 👶🏻عندك حرام لفه سوى مابش معه لده ادخل لعند الممرضات لابه شي يلبسنه مدري مالهم ابي تأخروا ..

منير : مسك الولد في حظنه 👶🏻 وبيتفرجه ودموعه بتنزل 😢 أيش ذنبك جيت في هذه الدنيا الغلط أمك فلتتك وماتت ياعالم كيف عتعيش وما مصيرك وماعتفعل لماتكبر الله يرحمش يا آيه كل الي حصلش في ذنب أمش الله لاسامحها ..

عادل : وصل ومعه عبدالكريم..

سميره : بتخطى قفاهم منزله الخنه حق اللثمه بتبكي ومشي صاديه من عبدالكريم ..

عادل : ابسر منير 👀 خطي لعنده هاه ابني مافعلتوا ..

منير : سنب ومكنه الجاهل 👶🏻 هذا ابن آيه ياعم عادل آيه خلاص ماتت 😔 ...

سميره : قربت لعند منير بتبكي 😭 اينهي بنتي يامنيييييىر اشتي ابسرها .

عبدالكريم : بيتفرج سكته مقهور ع بنته 😔 ومقهور ع الجاهل الي في يد عادل ..

معاذ : خرج وفي يده مقمطه للجاهل 👶🏻 ابسرهم خطي لعندهم .. هاه جيتيوا ..

عادل : مكن عبدالكريم الجاهل 👶🏻 هاه اشبحه انا شاتم باقي الإجراءات ارتاح لك بس ..

عبدالكريم : دهف الجاهل من يده 👶🏻 خليه يموت بعد امه ..

سميره : هزرته من يده وشلت المقمطه بتلبسه وتغطيه سوى ..

معاذ : قد نزلوها الثلاجه بس يشتوا ولي امرها يوقع ..

عادل : مسك عبدالكريم .. يله كان اخطى انزل معي ..

عبدالكريم : اسمعني انا شاوقع أمد ماتخرج من هانا وماعد بش لي دخل منها لا شاقبر ولا شاعزي ..

عادل : طيب تمام نزل معه وبيهديه ..

سميره : نزلت بعدهم تبسر بنتها والجاهل في يدها 👶🏻 بتبكي 😭 وتصيح ودخلت تودعها وتلطوم وشها هذا عقاب ربي لي يا آيه شلش مني وأخوش محبووس وربي ادالي ابن حرام لابين يدي كيف شفعل با ابنش وماشاقله وتصيح ..

الممرضه : دخلت سحبتها وخرجتها من الثلاجه ..
كملوا الإجراءات ...

عادل : يامنير سير روح خالتك للبيت واحنا عنشلها نقبرها ..

عبدالكريم : سيروا اقبروا لارواحكم مانا قد بنتي ماتت من يوم ماخرجت من البيت لاعاد شقبر ولا شدخل ..

عادل : قوى يا اخي لاتسخاش ع بنتك قد الي حصل حصل والبنت غاويه ومالقيتش من يوبه لها ..


عبدالكريم : مابلا عقاب ربي
ادى ابن الحرام لابين ايدينا زد شله وادفنه مع امه ..

عادل : لاتقلش هكذا يا اخي جاهل ماذنبه ..

سميره : بتهزوز الجاهل بيبكي 😭 وتبكي معه ..

عبدالكريم : ماشاجيش يا اخي سامحني والجاهل هذه ابسروا اين ترجموه وقرب يشله من سميره..

سميره : مسكته بقوه وهي بتبكي 😭 قوى لاترجمش خليه انا شوبه له خليني اشم بنتي فيه لاعاد معي بنت ولا ولد .

عادل : حبه في رآسه 😘 قوى يا اخي بغلاوه الحج عبدالله روحه معك لمانبسر كيف ونبسر اهل الولد لاهم عيرضوا يعترفوا به ..

بارت 221



في الهند ....


أحمد : فالجامعه جالس ضابح ماقد يعرفش أحد .. عادهو سجل ..

جالس مطنن 🤔 خرج تلفونه 📱 بيتصل لمعاذ ..

معاذ : ابسر رقمه وكنسل ..


أحمد : ماله هذا بيكنسل اتصل لمنير ..

منير : لفت لمعاذ 👀 قدوذا بيتصل لعندي ما اقله ..


عادل : لحد يجاوب وولا تقلوا له شي كما رجعتوا عتحاكوه مهما كان الي حصل الي ماتت اخته واكيد عيقتهر يكفيه الي فيه مسكين كل المصايب تجمعت عليه وهو مسافر .


أحمد : ضبح 😤 مالهم هولاء ولا احد بيجاوب بيتصل لأمه مابتجاوبش رجع للبيت محد رد ضبح رجع فلت وقام روح السكن ..




....... ....... .......

في الحديده 🌊...

يسرى : بتبخر البيت ..


نوال : فالطاقه جالسه بتتفرج مراعيه لهم قلبها بيدق 💗 ...

يسرى : قربت منها هيا مه محد جاء .

نوال : عبدالصمد قلي قدهم في بدايه الشارع بس اشتي ابسرهم قبل مايطلعوا ..

يسرى : ابسرت السيارات 👆🏻 بتأشر لها بيدها قدوذا جو ابسري ..


نوال : طرحت يدها فوق قلبها ❤ وبتنفخ بسرعه اوف اوف وصدرها بيطلع وينزل ...


يسرى : مسكتها .. مالش اهدائي لو ماتشتيش تبسريهم خلاص ..


نوال : مع اشتي ابسرهم خليني أخلص من هذا الهم ماعد معي الا ابسر ابي وأخي بس ..


صالح ويونس : نزلوا من السياره 🚘..

نوال : بتتفرجهم من الطاقه وبكيت 😭 يا الله كيف قد أبي وحملت فتحت الباب ومسنبه عند الدرج ..


عبدالصمد : اول مانزلوا حمل بسرعه 🏃🏻 يطلع مفتجع ع نوال طلع ابسرها قدامه فالدرج بتبكي 😭 مسك يدها مال حبيبي هيا مه انتي قلتي تشتي تبسريهم ..


نوال : وهي بتبكي😭. وقلبها بيدق بسرعه ❤ ايووه ..


طارق : ماسك يد ابوه وبيطلع معه 👬..


يونس : بعدهم بيطلع ..

مره يونس وصالح : بيطلعين بعدهم ..


يسرى : مسنبه عند الباب 🚪 من داخل ..


نوال : ابسرت ابوها قدامها بيطلع نزلت لعنده ارتجمت في حظنه وبتبكي 😭 مشي قادره تتكلم ..


صالح : بيحظنها ويبوسها 😘 ويبكي سامحيني يابنتي 😭 حقش عليا ظلمتش من جهلش وجلس فالدرج بيبكي ..


يونس : بيبكي 😭 ويتفرجها سكته ..


نوال : ابسرته وعيونها مورمه كلها دموع 😭 ماتشتيش تسلم ع اختك ..


يونس : قرب يحضنها بقوق ويبكي ويبوسها في راسها 😘 سامحيني سامحيني كله بسببي ..

يسرى : بتتفرجهم وتبكي 😭 ..


مره يونس وصالح : بيمسحين دموعهن من الموقف متاثرات 😢..


عبدالصمد : واقف جنب نوال بيتفرجها ويهديها مفتجع عليها 😰 ..


طارق : مسك ابوه يقيمه 👋🏻
هيا ندخل البيت وعنتجابر داخل الجيران حق العماره عيقلوا مالنا ..

مسكهم ودخلوا كلهم ...

....... ...... ......
في صنعاء ..


عبدالكريم : روح هو ومرته مارضيش يسير يقبر ..

سميره : وصلت بتبكي 😭 وتبدل للجاهل وتندب وتلطوم نفسها ..

عبدالكريم : من سألش اين بنتش قلي ماتت خلاص ولاعاد اشتي اسمع اسمها في هذا البيت وهذا الجاهل دوري له حل ماعيجلسش عندي ..

سميره : بتتراشاه وتبكي 😭 قوى خليه هانا خليني اربيه سجله باسمك وانا شاقل اني ولدت ماعاد احد داري ماعندي قدنا مغلقه ع نفسي ولاعاد بينسير عند مخلوق ولا عاد بينبسر حتى اهلي حرام نشرده اين عتجي به حرام يتعذب في حياته ..

عبدالكريم : طنشها ودخل الغرفه وصرع الباب 🚪 اطرح فالقاع جلس يبكي 😭 مقهوور ع بنته بس كانت كرامته مخليه له قوي قدامهم خلاص حس نفسه ضايع بعد ماخسر عياله وايقن ان أبوه مات وهو مشو راضي عليه وبيدعي الله انه يسامحه ...

.... ........

في المقبره ..

صاحب القبور : مابش معاكم اهل مابلا انتوا الثلاثه عتقبروها ..

عادل :يا اخي مش احنا من صنعاء مانعرفش احد معاك قبر فاضي ولا خير الله كميا مقابر ..

صاحب القبور : الا به ودخلوا يقبروها ..

معاذ ومنير : نزلوها القبر وبيعثروها ..

منير : فتش وشها ابسرها ودعها لأخر مره وهو بيبكي 😭 ..

معاذ : مسكه ونزلت دمعته 😢 الله يرحمها

عادل : نزلت دموعه 😢 عليها تذكرها وهي صغيره وكيف كانت تفعل تنهد..والله انها ضحيه من جيز ضحايا القدر .

كملوا يدفنوها قريوا لها الفاتحه وخطيواا ..

منير : يله انا شاروح لي مع السلامه .

معاذ : أشر لأبوه .. انا شاسير معه انتوا روحوا لكم بس ..

عادل : حس بالقهر والزعل 😔 الي في منير .. خلاص يله تمام ورحله ..

منير : ماعد قدر يمسك نفسه حضن معاذ وقرح بكاء 😭 فلتتني يامعاذ وسارت خلاص كنت احلم باليوم الي اتخرج فيه واخطبها ليش فعلت بنفسها هكذا .

معاذ : مادريش مايرد عليه ولا مايقله حاول يهداءه ويقله يدعوا لها وبس ..

عبدالكريم : بعد تفكير طويل خرج من الغرفه لعند سميره .. جهزي دفتر العايله للصبح شاسجل الولد باسمنا واتصلي لاهلش قلي لهم انش ولدتي سباعي ماكنتيش داريه انش واحمه وبعدها ماعاد حاكيتيش احد وقليلهم ماتشتيش احد وعادل عمره ماعيفتح فمه ويقل انه ابن حرام مشهم كل الناس ساعش وفلت وخرج من البيت كان بيحس انه قد عيجنن ع بنته اتصل لعادل 📱 وساله اين قبروها وسار يجلس عند قبرها ويبكي 😭


@qesasanani

بارت 222



في الحديده 🌊..


نوال : جالسه جنب ابوها فاقده له وبتجابره وبتحكي له كلشي وماحصل معاها ..


عبدالصمد : بيتفرج نوال ومبتسم 🙂 كان مفتجع عليها بس ارتاح ..


طارق : هو ويونس بيتجابروا ..


يسرى : فالمطبخ وعندها مره يونس وصالح ..


عبدالصمد : بيدعي يسرى .. هيا اختي عتغدينا الناس جوا من سفر جاوعين ..


نوال : يووه 😱 نسينا اوذا شاقوم ..


صالح : مسكها ..👋🏻 انتي اجلسي بس فاقد لش اوذا عيقربين الباقيات ..


قربوا الغداء 🍛🍲🍝 وبياكلوا ...



صالح : بيأكل ويتلذذ 😋 يووه ما أطعم اكل بنتي نكهته مميزه ..


يسرى : لفتت لمرته الجديده 👀والله هكذا يعني اكلي واكل عمتي شوعه ..


عبدالصمد : ضحك 😂 ههههه بطلي حسد ياحساده لان اكلش شوعه ..


طارق : هيا مالك ع مرتي ابردي لش منه ياروحي أهم شي عاجب لي أنا 😜..


مره صالح : ذلحين مافي بطنش يابنتي بنت ولا ولد ..

عبدالصمد : علمنا علمكم مارضيتش ياعمه تخلينا نبسره قالت تشتيه مفاجاءه ..

مره يونس: يووه ولا بتسيري عند دكتوره ماينفعش هكذا ضروري تبسرش كيف وضع الطفل وكيف صحتش ..

مره صالح : ابردي يابنتي لومابش فيش شي ما من الدكاتره الا المرض والله انحنا وحمنا وولدنا ماعرفنا دكتوره كانت تجي امي سيده تولدنا فالبيت ونولد من هنيه ونقوم نفعل عمل البيت ونحطب ونحلب البقر ونوبه للجهال ونسايب الماء وانتين بنات هذه الايام يقلوا واحمه وقدهي ع طول مداومه عند الدكتوره ...



مره يونس : ياعمه انتين كنتين زمان بصحتكن احنا قدحنا خرده هههه ..


كملوا غداهم وهم مبسوطين وبيضحكوا 😃 وفارحين بجمعتهم ..


نوال : قامت تتصل لتقيه 📱 تطمنها كيف كان لقاها با ابوها ..



........ ...... ........



عدى شهرين ومابش شي جديد


سميره : بتربي ابن آيه وحالتها تاعبه والقهر والتعب باين عليها 😔 ..


منير : مقهور وبيحاول يتناسى ..

هبه ورزق : بداؤا يرجعوا لحياتهم الاوله 😃 وبداءؤا يتقبلوا فكره انه ينسوا ان معاهم اهل غير اهلهم الي عرفوهم ..



اليوم معاذ ومنير عيسافروا ..

في المطار

هبه : بتبكي 😭 ماتسافرش قد تعودنا ع جلستك معانا ..

رزق : بيضحك عليها 😃 اصلا البنات هبل عادنا غطوه شاسافر اقرى والكل ..

هبه : خفعته 👋🏻 ذلحين اكبر ياحساد انا اصلا بينفقد معاذ لما يسافر لأني أحبه خيرات ..


معاذ : شاورها في اذنها 👂🏻 خليني اسافر واحاكي ميس منش وارجع اخليش تحاكيها فالتلفون ولو عجبتش شخطبها .


هبه : ضحكت 😃 قل والله ..

رزق : مابتتجابروا وانا. .


هبه : بتحانكه 😜 ماعليك سر بيننا ..

معاذ : قرب شاوره .. بينضحك عليها عادهي جاهله بتبكي .

عادل : بيتفرجهم ويضحك 😃 بيتحيلى لهم ..

منير : ماسك شنطته 🎒 بيدعيه هيا ندخل عنتاخر ..

معاذ : سلم عليهم 😘 ودخلوا ...



....... ....... ........


في الحديده 🌊..


عامر : بيتصل لعبدالصمد مرته فالمستشفى بتولد 🏨..


نوال : يوووه 😱مسرع ولدت انا قبلها بشهر .


عبدالصمد : قال ماقد دخلت في التاسع الا يومين ..


نوال : يووه لو هكذا المفروض اني قد كملت التاسع ليش ماقد ولدتش ..

عبدالصمد : ضحك هيا ناهي لش مابش احد يكمل التاسع اكيد قد عتولدي هذه اليومين هيا قومي نخطى للمستشفى 🏨 نبسرهم وهذه المره غصبا عنش عنبسر دكتوره ..

نوال : قامت تلبس وقدهي مطننه 🤔 يووه ليش ماقد ولدتش خلاص شبسر دكتوره يمكن حسبت غلط

🌹meme_abdalgaleel


@qesasanani

بارت 223



في المستشفى 🏨 ...


عبدالصمد : وصل ونوال معه ... بيسلم ع عامر ..هاه عآمر كيف طمني ..


عامر : عادهي داخل هي وأمي .

عبدالصمد : الله يبشرك بسلامتها . وجلسوا فوق الكرسي ..


نوال : سارت تجلس فالكرسي الي قبالهم ..

عبدالصمد : كيف هي الدكتوره حق مرتك عيسه ..

عآمر : أيوه حاليه .. ليش تشتيها تولد مرتك ...


عبدالصمد : اول نخليها تبسرها اصلا مرتي قبلها ومرتك ولدت قبلها ..


عامر : هاه اسهل اصلا مرتي هي عادهي غير دخلت التاسع ماقدلها الايومين يمكن مرتك قدهي نهايه التاسع قد عتولد ...


عبدالصمد : ايوه قد قلت هكذا بس قدهو نبسرها والكل ..


الدكتوره : خرجت .. الف مبروك مرتك ولدت وادت ولد ..


عآمر : فرح 😃 طيب وكيف هي ذلحين ..


الدكتوره : الحمدلله تمام .. ذلحين عيخرجوها غرفه ترتاح شويه ولو تشتوا تروحوها عادي بس بعد ماتكمل المغذيه ..

عبدالصمد : ابسره 👀هيا حمدلله ع سلامتها .. ولفت للدكتوره .. واحنا يادكتوره معانا واحده نشتي تبسريها ..

الدكتوره : لا لا لو ولاده الدكتوره الثانيه تولدها ..

عامر : لا يادكتوره. هي حامل بس تفحصيها ..


الدكتوره : هاه تمام لو هكذا انزل احجز لها واديها للعياده انا شاسير ذلحين ..


نوال : دعت عبدالصمد .. راعي اول نطمن ع مره عامر وادخل ابسرها وبعدا نخطي لعند الدكتوره ..


عبدالصمد : تمام انتي ادخلي اطمني عليها وابسريها امد منزل احجز ..



....... ........ ........


في ذمار ...


طارق : لكن مدري عترضى ولا مع ..


صالح : نبسر ماعتقل اصلا هاناك مابش من يبسرها وبعدا هانا حالي نفعل لها ولاد ونسكت السنه الناس لما يبسروا انحنا رجعناها البيت هي وعبدالصمد عيصدقوا انه صدق خيريه كادتهم ..


يسرى : أيووه ريت والله وهم يرضوا حالي نفرح😃 با ابن اخي وامي يبسروه والكل حالي اول فرحه لعبدالصمد ..


طارق : تمام انا شاحاكي عبدالصمد وابسر ماعيقل ..



........ ........ .......


في الهند ...


بعد ماوصلوا معاذ ومنير جالسين بيتباسروا 👀 محد صدي يحاكي أحمد ...



أحمد : بيمزح .. هيا ما اكلوكم في صنعاء رجعتوا لي عجمان 😜 ..



معاذ : حاول يصتنع الإبتسامه 😌 ولا شي انت كيف الجامعه ...


أحمد : مالها شي بس ماعتقع حاليه الإ بكم صح كل واحد فينا في قسم بس ع الأقل عنجتمع جمعه بدل الطنانه الي أنا فيها ..


معاذ : ليش به يمنين خيرات ماتعرفتش ع أحد ..

أحمد : يا اخي مدري ماعجبتنيش مسايرتهم .. ولفت لمنير 👀 وبعدا مالك يا اخي مطنن ضبحت بي 😤..



منير : ماعد قدرش يسكت .. الصدق يا احمد ضروري تدرى اصلا ..

معاذ : بهرر فوقه 🙄 منير مش وقت ..

أحمد : استغرب 😳 حس به شي .. مالكم مابه اهلي بخير حكموا ع محمد مابه قد بينبسركم من حين دخلتوا مش طبيعيين ..


معاذ : مابش شي ومحمد مابلا عيحبسوه الحق العام بس ويخرج قد دفعوا الديه ...


أحمد : بقلق وخوف 😰 طيب مابه مالكم هكذا هبه ورزق فيهم شي ..



منير : ابسره ووطى رآسه بزعل 😔 وتنهد .. عظم الله أجرك في آيه ...



أحمد : صااااح 😱 ايييش آيه أبي قتلها صح ونزلت دموعه 😭..


معاذ : مسكه .. بيطبطب عليه وجلسه .. ماشي محد قتلها .. هي كانت حامل لما هربت وتعبت وهي بتولد لان عادها صغيره الله يرحمها ...



أحمد : غطى وشه بيده .. ايحين هربت وايش حصل هم قالوا بس كانت رسايل واتصالات بينهم ...



معاذ : حكى له الي حصل بعد ماعرف القصه من أبوه . وحكى له كيف لقيوها وهي بتولد ..


أحمد : طيب وابنها اينهو 😔 ليش مايبسروا ابوه يعترف به ..

معاذ : قد خالتي سميره بتربيه قد ابوك سجله بإسمه ..


منير : تنهد بقهر 😔 ريت والله ويرجع بي الزمن ماسافرت الإ وقد خطبتها والله اني كنت اشتيها وشاريها بس ماجزمت افتح فمي وانا طالب لوشي ماحصل شي من هذا كله بس قلت عادهي صغيره لما تكبر ..



أحمد : طن الكلام في رآسه 🤔 ذكر هبه بس هبه فعلا صغيره صف سادس لو يحاكي أبوه يحجزها له ومايتزوج الا لما تكمل المدرسه بس معقول ابوه عيرضى وعادل بعد كل الي حصل بينهم وماقد فعلت بهم سميره ..


معاذ : يا أخي اذكر الله من الطنانه 🤔 قد ربي رحمها واختار لها الخير من ماتجلس تتعذب في هذه الدنيا وتضيع وتسمع كلام الناس عليها عادها صغيره وربي داري انها ماكانتش فاهمه الحياه صح ومش كل من قال لواحده احبش انه شاريها صدق وان الذئاب البشريه أكثر من الحيوانات ..



أحمد : تنهد 😔 الله يرحمها .. ومسك يده .. طيب يا اخي اسمعني وانا ماشكذبش عليك انا قد حاكيت سيدي الله يرحمه انه كان يحاكي عمي عادل يحجز لي هبه لماتكبر مشتيش اخبي وارجع اندم ساع منير ..


معاذ : مادري يبتسم ولا يزعل ع آيه .. هبه مه الي قد تشتي تخطب💍 لو تبسر ع جنان وغوى فيها اسئل منير ماتبدعت لنا فالمطار ..


أحمد : انا ماقلتش اخطبها 💍 ماقد شاجزمش افتح فمي فيها بس ع الاقل نحط كلمه لما تكبر بينهم ترجع تكبر وتتعلق بأي واحد ثاني ولاعمي عادل يرجع يخطبها لأي واحد ...


معاذ

: ابتسم 🙂 طلعوا اصحابي منشنين ع بنات من زمان وانا كنت الأخبل بينكم ..


منير : ما انا قد ايذا طارت واحمد خلينا نلحقه أما انت قد جتلك حاصله محصله لابين يدك وميس ماهي ..


معاذ : ذكرتوني انتوا داريين قد حاكيت أبي واشتي أجس نبضها وابسر ماعتقع رده فعل أهلها لوتتزوج بيمني وطبعا عتتحجب مش ضروري اللثمه وهذه الطنافس من ذلحين اعرف راسي مشتيش اعلق نفسي بها وبعدا يرفضوا ..


منير : خلاص خلي الموضوع هذا عليا ..


🌹meme_abdalgaleel


@qesasanani

بارت 224




في المستشفى 🏨...


الدكتوره : بعد ماكملت تكشف ع نوال .. يعني ماقد ابسرتيش دكتوره من اول ..


نوال : وهي بتنزل من فوق السرير .. أيوه يادكتوره ليش ..


الدكتوره : لو ع حسابش انتي فالمفروض ان قد كملتي التاسع قبل 4 ايام ..


عبدالصمد : استغرب😳 .. كيف كملت التاسع يادكتوره من بيولد في الشهر العاشر ..


الدكتوره: مالك مابش حاجه تخوف بعضهن هكذا يجي عندهن الولاد بارد فنظطر نفعل لهن طلق صناعي او عمليه اهم شي ذلحين انزلوا افعلها تلفزيون نتأكد بالظبط في كم قدهي وكيف حاله الجنين واطلعلوا لي .. هذه اول خلفه صح ..


عبدالصمد : أيووه البكر .

نوال : كانت تشتي تقلها لأنها قلقت بس افتجعت 😰 سكتت ونزلوا يفعلوا التلفزيون ..



........ ........ .........


في بيت عادل ...


هبه : ياماما باقي لعيد ميلادنا 4 ايام عتفعلوا لنا حفله ولا قدحنا كبار ...


تهاني : ماتشتوا أنتوا ع ماتشتوا ..

رزق : انا قدنا رجال مشتيش حفله الحفلات للبنات ..

هبه : ابسرته ونفخت 😤 اووف منك خلينا نفعل حفله ونعزم اصحابنا في المدرسه وطبعا اكيد يزن عنفعل عيد ميلادنا 🎂جمعه معه ساع كل مره ..


تهاني : خلاص شتصل لخاله احلام اقلها ونجهز لكم حفله انتوا ويزن ..


هبه : فرحت وبتحانك رزق وتمد له لسانها 😜 هيه هيه عنفعل حفله هيا جي نكتب في ورقه من عنعزم من اصحابنا ..


رزق: يووه لو معاذ زيد تأخر شويه لابعد عيد ميلادنا كان عيقع حالي وهو هانا ..


........ ........ .......

في المستشفى 🏨 ..


عبدالصمد : بعد مافعلوا التلفزيون وطلعوا لعندها .. هيا مه يادكتوره ..


الدكتوره : أيوه مثل ماقلتلكم .. انا شكتب لها حبوب تشربهن اليوم وتخطى خيرات لابكره لو ماولدتش نفعلها ابر او عمليه لان الاكسجين بداء يقل ع الطفله ...


عبدالصمد : قلق 😰 يعني مابش اي خوف عليها وع الطفله ..


الدكتوره : ان شاء الله كله تمام تستخدم بس العلاج وتخطى اليوم خيرات ولو مابش اي ولاده لابكره تجي نولدها ..


عبدالصمد : ان شاء الله ومسك نوال وخرجوا ..

نوال : مفتجعه 😰 ليش ياسعم ماجاليش ولاد ..

عبدالصمد : يشتي يساليها .. من كثر الأكل ههه 😜..

نوال : يوووه منك هذه الساع انا متبرقطه وانت بتزبج ..

عبد الصمد : مابش شي لاتقلقيش ذلحين ننزل نشتري العلاج ونروح ونرجع نخطى رجل لامغرب ..


........ ....... .......


في الهند ...

منير : خرج تلفونه 📱 وبيتصل لميس يقلها ان قد جوا وبداء يسحبها فالكلام مارائيها في معاذ ولو يخطبها مارأي اهلها لو تتزوج بيمني ومن هذا الكلام بس قلها انه بيكلمها بدون مايعرف معاذ لانه عيزعل منه ..



ميس : فرحت 😃 طبعا اهلي مابيهمهم شو كان جنسيته كل حدا فيهم مشغول بنفسه يعني ماحدا راح يعترض فيهم اهم شي يكون شاب محترم وكويس ..


معاذ : جنبه ... سمعه وفرح 😄 انه خلاص ضمن ان اهلها يوافقوا عليه ويخطبها 💍 ...



@qesasanani

بارت 225




في بيت عبدالكريم ...


أماني : بتدقدق الباب 🚪 ..

سميره : فتحت لها ..

أماني :ابسرت سميره .. 😱 يوووه ع قد صوره معش .. عبدالكريم داخل ولا ارحلي ..

سميره : دعممتها ودخلت ماعد قدرت تحاكي أحد تاعبه من روحها 😔 اوذك داخل بيتغداء .


أماني : دخلت لعنده. .. كيف انت يا أخي..


عبدالكريم : الحمدلله .. هيابسم الله اقربي ..


أماني : الحمدلله قد سبقنا . مابلا قلت أجي اسالك لوتعرف بيت ال***هم تجار والكل .


عبدالكريم : ايوه بيت احمد ال***..

أماني : أيوه جو يخطبوا بنتي قلت اسألك لو تعرفهم وعاد علي عيتصلك ..


سميره : عاد بنتش صغيره مسرع عتخطبيها 💍 ..

أماني : ابسرتها وعوجت فمها 😏 خليها تتزوج قبال الناس أحلى من ماتسير تتزوج لي عرفي ..


عبدالكريم : بهرر فوقها 🙄 عتهجعينا ..

سميره : فلتت وخطيت دخلت تبسر الولد ..


عبدالكريم : الناس مالهم شي وزد محترمين انا اعرف اخو أحمد اسره طيبه لو فيهم خير اتوكلوا ع الله ..



أماني : ان شاء الله غير قلت مايسبر اتقفاش اجي انبي عليك وعلي عيتصلك ..

عبدالكريم : اسلمي يا اختي ..

أماني : بتسمع صوت بكاء 😭 جاهل .. يووه منين الجاهل هذا ..


عبدالكريم : يووه ما اتصلت لش سميره حين ولدت ..

أماني : استغربت 😳 ايحين وحمت علاسب تولد ..

عبدالكريم : اظاهر مادريتيش حين قدهي غير فالبيت واصل وزد ولدت سباعي مع المشاكل الي حصلت ..



اماني : مادخلش الكلام رآسها . إبسرته والصدق ..

عبدالكريم : هو الصدق يا أختي .


أماني : يله هاه كان خيره الله خاطرك المهم لاتنسى ماتزيد تسال ع الولد والكل ..

روحت وهي بتجابر نفسها . والله ان القصه شكلها اكبر من حين هربت آيه وهي واحمه واليوم يقلي ابنه . الله يستر عليهم شكله ابن آيه يوووه كيف الزمن بيدور ياسميره ..


........ ........ .......


في الحديده 🌊..


كمل اليوم وعبدالصمد ونوال بيخطوا فالشارع وبتفعل الي قالت الدكتوره لها وروحوا ..


ثاني يوم الصبح🌞 ...

نوال : قامت بحين بتجهز ملابس النونو في شنطته وجهزت لها ملابس .. وبتقيم عبدالصمد هيا حبيبي قوم نسير المستشفى قد الساعه 8 نبسر الدكتوره ماقدرتش ارقد 😴بينفتجع لاتموت البنت ..


عبدالصمد : مسك يدها 👋🏻 لاتفتجعيش ياروحي ماعيقع شي وبعدا بنتنا سمخه عتطلع ساعش ..


نوال : ضحكت ههه 😃 فارح اومه انها طلعت بنت .

عبدالصمد : كان مه طبعا فارح 😄 صدقتي انها بنت جت ع ما اشتي انا ..

نوال : وانا قدنا مراعيه ايحين تجي نفسي البسها الفستان👗 الي اشترينا والقباضات 🎀شالبسها لما اخرج من المستشفى ..

عبدالصمد: تخرجين بالسلامه ياروحي هيا اقوم البس ونخطى ..




في المستشفى 🏨..

الدكتوره : خلاص نبداء نفعلش ابر طلق ولو ماولدتيش عنفعلش عمليه .


عبدالصمد : أهم شي مابش شي عيضرها ..

الدكتوره : لا ان شاء به نسوان خيرات هكذا بس انتوا طبعا لانهو البكر قلقين ولا مابش شي ..


نوال : مسكت يد عبدالصمد قوي ادعيلي 👋🏻 ..

الممرضه : بتركب لها الفراشه في يدها وفعلت لها المغذيه في يدها وفعلت فيه 2 ابر طلق ..


الدكتوره : خلاص ان شاء الله شويه وعتولدي وابسرت لعبدالصمد 👀 خلاص لو سمحت تراعي خارج ولو احتجنا شي عندعيك ..


عبدالصمد : قرب لعند نوال حبها في رآسها 😘 انا خارج ياروحي شويه ونروح ابسر محلانا جينا 2 وعنروح 3 ..


نوال : خايفه 😰 ان شاء الله وجلست تتفرجه لما خرج ..


بعد شويه..

نوال : بداءت تحس بوجع والآم الولاده بس بقوه وبداءت تصيح ..

الدكتوره : اسهل اتحملي شويه عادش البكريه هن هكذا يجين يصيحين وعادهو ماقدهوش الولاد ...


نوال : بداءت تتألم بقووم وتصيييح 😢 وتعرق . يادكتوووره. خلاص ماعد قدرتش اتحمل ..


الممرضه : يادكتوره ازيد افعلها ابره💉 مارائيش تولد بسرعه ..


الدكتوره : يله تمام قد فعلتي واحده زيدي نص واحده 💉 ..


نوال : يادكتوره قد شاموت ظهري بيوجعني وبينحس وجع قووي لاعاد تفعليش ابره 💉..


الممرضه : فعلت لها الإبره وبتولدها ..

الدكتوره: اوووه 😱ضروري الان ندخلها العمليات الماء والاوكسجين بداء يقل ع الطفله وهي ماعد قدرتش تولد بس غريبه عندها تمزق فالرحم وابسرت نوال انتي قد ولدتي من قبل صح ليش بتكذبي وليش ماتتكلمي ماكانش شفعلش طلق من ولدش ..

نوال : وهي بتبكي 😭 وتتوجع أصلا انا ولدت نفسي وبتصيح مش وقت تاعبه ..

الدكتوره : دخلتها ع طول غرفه العمليات وخرجت لعند عبدالصمد تطلب منه يوقع ع ورقه دخولها العمليات وبتصيح فوقه ليش كذبوا وقالوا انا اول حمل وهي قد ولدت من قبل لنفسها وحصلها تمزق فالرحم المهم انا ماليش دخل ولا لي علاقه ...


عبدالصمد : انصدم من كلامها 😳 ولدت نفسها وتمزق فالرحم ايش.. كان ساع الضايع مشو داري مابتقل وقع ع الورقه وقدهو قلق 😰 ع نوال . هذه شكل الدكتوره بتهذي يعلم الله ماقد فعلت بها وتشتي ترجعها فوقنا ..



بعد ساعه ونص ...

الدكتوره : خرجت لعند عبدالكريم البنت عن

نزلها الحضانه لمانطمن عليها ..


عبدالصمد : بقلق 😰 اول كيف مرتي ..


الدكتوره : عادها مخدره بس مستغربه ليش ماتقلوا انها قد ولدت من قبل .

عبدالصمد : يادكتوره ماقد ولدتش مالش بتربشي ..

الدكتوره : ذلحين من الدكتور انا او انت الا قد ولدت وبسبب انها ولدت نفسها حصل لها تمزق فالرحم بس كويس انه لحقناها مع ابر الطلق ولا كان غلط نسويهن لها وانا لانه ماناش متابعه حالتها يله امس بس الحمدلله ع سلامتها شويه وعيخرجوها للغرفه والبنت لوتشتي تبسرها انزل للحضانه .


عبدالصمد : جلس فوق الكرسي مطنن 🤔 كيف يعني ولدت طيب لو ولدت فين العيال معقوله لما فلتها كانت حامل ولانها فالشارع ولدت ومات الجاهل بيفكر لما قد راسه عيقرح ماعاد قدر خرج تلفونه بيتصل 📱لطارق يقله ..


🌹meme_abdalgaleel


@qesasanani

بارت 226



في ذمار ...


طارق : كان فوق السياره مراعي ليسرى 🚘 حيا الله بالنسب ..


عبدالصمد : الله يحييك كيف حالك ..


طارق : الحمدلله .. ماله صوتك هكذا او لك شي ..


عبدالصمد : هآه .. نوال ولدت وادت بنت ..


طارق : افتجع 😰 طيب ماله صوتك نوال فيها شي ..


عبدالصمد : طنن شويه ..هاه .. عادهي مخدره عيخرجوها بعد شويه ..

طارق : فعلوا لها عمليه ..

عبدالصمد : أيووه اصلا الدكتوره قالت ...

الممرضه : قاطعته .. عنخرج مرتك ذلحين للغرفه لوسمحت ممكن تشلها معانا للغرفه..

عبدالصمد : هاه طارق شتصلك بعدا عيخرجوا نوال ذلحين ..

طارق : يله تمام وانا اسير اقلهم انها ولدت وابسر لو عنجي اليوم .

عبدالصمد : يله تمام ولو عتجي عتفعل في اخوك خير ..


طارق : غلق وهو مستغرب 😳 يعلم الله ماله مشو فارح اكيد به شي في اختي ماعيصبرني لغطوه أنزل ابسر لو أحد عيسافر معي ماشي شخطي وحدي ذلحين ..


يسرى : كانت بتبدل عتخرج مع امها عند الولاد . ابسرت طارق دخل .. هيا الان انا اسفه داريه اخرتك..


طارق : انا دخلت اقلش نوال ولدت اتصلي عبدالصمد ذلحين ..


يسرى : فرحت 😄 يوووه جنه ملان الدنيا حمدلله ع سلامتها ماقال كيفهي وماوقع لهم ..


طارق : قال بنت وهي عادهي مخدره فعلوا لها عمليه بس صوته ماعجبنيش فيه شي ماعاد قدرت اصبر لغطوه شنزل ذلحين ..


يسرى : يوووه 😱 ليش عتنزل ذلحين امانه مافيهم قلي الصدق .


طارق : والله ماقلي شي بس صوته مشو عاجب لي وكفي لي لده شخطى ذلحين وانتين ابسري احد يوصلكن ..


يسرى : مع شاجي معك اتصل لامي بس اقلهم انها ولدت لاهم عيجوا وانت قل لعمي صالح .

طارق : يله تمام استعجلي لانتأخرش ..


........ ......... ........



في بيت عادل


هبه : بتحاكي معاذ فالتلفون 📱 ماعتشتري لنا من هديه حق عيد الميلاد ...


معاذ : يووه منش مابتشبعيش هدايا هههه عادوذا اديت لش حين جيت ..


هبه : ماعليا هذك حق السفر ذلحين هذه حق عيد الميلاد ..


معاذ : خلاص قلي لأمي يشتروا لكم الي تشتوا ع حسابي مني مش منهم ..

رزق : هزر منها السماعه 📱 لاتصدقهاش انا مشتيش سعمن ان عادنا جاهل هي الي تشتي حفله ..


معاذ : ضحك😂 هههه. جبر الرجال حقي يله عاد معك هذا العيدميلاد تحتفل بس والثاني عندور لك فيه مره نخطب لك ...


رزق : ضحك 😃هههه مع عادنا جاهل ماقد اشتيش اخطب ..


معاذ : هيا مه قلت قدك رجال هههه. هيا ادعي ابي اشتي احاكيهم ..

رزق : مكن عادل التلفون 📱 جاوبوه ..

عادل : هيا مه ياولدي قد تشتي تمسخ لنا الجاهل نزوجه هههه ..

معاذ : ضحك 😂ههه. كيف انتوا ..

عادل : الحمدلله وانت كيف انت والعيال ..

معاذ : أحمد مسكين مقهور قوى ع اخته ..ومنير ماله شي قدهو احسن ..


عادل : الله يرحمها ..

معاذ : اشتي احاكيكم في موظوع بس ماناش داري ما اقل ..

عادل :قام ودخل غرفته .. ماهو ع ميس ..

معاذ : هاه .. مع موظوع ثاني بس ميس والكل خليت منير جس نبضها وان فهمت ان اهلها مابش عندهم مانع تتزوج بيمني..


عادل : 😄 يله عيس ماذلحين ركز في قرايتك تقطب تتخرج نزوجكم .. بس ماقلتليش ماهو الموظوع ..


معاذ : أحمد قلي انه حاكي عمي عبدالله الله يرحمهم انه كان يشتي يحجزوا له هبه لما تكبر وانه ماتجراء يقلي الا بعد مادرينا ان منير كان يشتي آيه وهو خايف تضيع من يده وبيشرح له ..


عادل : ايووه يا ابني هو عمك عبدالله قد حاكاني والكل لكن أنت داري بسميره والي قد حصل كله وانا ماشاقومش اوافق ع شي من نفسي كما كبرت اختك من وقته لاشي نصيب ووافقت عيحلها الله ..


معاذ : وأنا رائي ساعكم أحمد صح اخي وتربينا جمعه وداريين كيفهو بس افرضوا تكبر هبه وتقل ماتشتيش ماهو قلي لا وقع نصيب عيعيش وحده لايشتي خالتي سميره ولا عيدخلها حياته ..


عادل : من من هذا هو أحمد ابني وداري به هو تربيه الحج عبدالله وعن نفسي مانا راضي به بس اختك جاهله ولا كبرت ووافقت قله والله انها له وانا مارضيتش فقدهو نصيب من الله ..


معاذ : صح وهذا هو كلام الصح والعقل الله يسخرله والله انه ولد يوتزن بالذهب و محد عيوبه لأختي ساعه ..


......... ......... ........


في المستشفى 🏨..

نوال : جالسه بتهذي بعد التخدير .. كلمات مش مفهومه ..سامحوني ...عيالي .. اح وجع .. بنتي . وتبكي 😭.


عبدالصمد : مسك يدها👋🏻 وجالس جنبها بيقيمها نووال حبيبي مابيوجعش .. هيا افتحي عيونش ..


نوال : بتصيح وتبكي بتتوجع 😭 اح اح اشتي علاج اي ..


عبدالصمد : خرج لعند الممرضه تدي لها علاج بتبكي 😭 قوي ..

الممرضه : هي اصلا بداءت فوق فبتحس بالوجع .. تمام خليها تفوق الان وشدي لها حبه مهدئه ..



@qesasanani

بارت 227



في ذمار ...

فوق السياره .🚘

صالح : يابنتي اتصلي لأمش ابسري مالها ماقد نزلتش ..

طارق : هيا قدوذا جو وفتح الباب ينزل يشل الشنطه من يدها 👜..

ام يسرى : سامحوني اخرتكم بس حين جاء السفر فجاءه قمت بساعتي اوكف لي لده ..

يسرى : ريت والله وهي ترضى تجي تولد عندنا قدنا مراعيه ابسر البنت الله يفرح قلوبهم ❤ و يعوضهم ..


صالح : أمين يارب .. بس للمه ولدت بعمليه ماقلك ليش ..

ام يسرى : هم قدهم خيرات هكذا ماعاد بيصبرنش الدكتورات خاصه لاعادهي البكر قدهن ع طول عمليات ..

طارق : جالس قلبه ❤ بيغلي خرج تلفونه 📱 بيتصل لعبدالصمد .. هاه اخي طمني كيف قدهي ذلحين ..

عبدالصمد : قد خرجوها فاقت من المخدر بس عادها بتتوجع عاد الممرضه ادت لها حبوب 💊مهدئه .

طارق : عتقدر تحاكيني ولا ماشي ..

عبدالصمد : خليها تفتهن شويه وشرجع اتصلك تحاكيها ..

طارق : يله تمام .. قد احنا فالطريق انا ويسرى وابي وامك ..

عبدالصمد : الله يهديكم عتوصلوا في ليل ليش ماتراعوا للصبح ..


طارق : قلبي بياكلني❤ ماعجبنيش صوتك يله لما تفتهن اتصلي ..


نوال : بتحاكي بتعب 😥 بارده اشتي البس ..

عبدالصمد : مال روحي راعي شدعي لش الممرضه تجي تبدلش ماشصداش والابر في يدش لا اسير اوجعش ..


الممرضه : دخلت ساعدتها ولبستها 👚 وبعدت لها المغذيه ..

عبدالصمد : يشتي يسألها يحاكيها ماهو كلام الدكتوره الي قالت.. كيف يعني هذه مش اول ولاده لها عقله ولا وقف تفكير😇 من أول بس ماسخيش بيبسر عادها تاعبه ..

نوال: بتعب .. اتصلت لطارق 📱..

عبدالصمد : أيووه ياروحي قدهم فالطريق قد عيجوا .. انتي داريه نسيت ما اتصل لعامر عيزعل مني ..


نوال : بتتوضع تشتي ترتفع شويه ..

عبدالصمد : راعي وبيوضع لها الوساده .. وبيتفرجها مقهور 😔..


نوال : أين البنت .. ليش ما يدوها عندي ابسرها قلي من تشبه ..

عبدالصمد : تنهد ..وخفع راسه بيده .👋🏻. تصدقي نسيت ما ابسرتها هم نزلوها الحظانه وانا انشغلت عندش ..


نوال : مالك .. بينحسك زاعل😔 مشنت فارح ..

عبدالصمد : من قال ياروحي الا فارح وحاول يتصنع الابتسامه 🙂 يكفي انش.والبنت بخير اوذا شنزل ابسرها ولو عيرضوا نطلعها شاطلعها معي ..


نوال : ماعنسميها ..

عبدالصمد : اسهل افتهني ذلحين وبعدا عنسميها .. نزل ابسر البنت وان صحتها تمام ..


الممرضه : بعد مابدلت لها . مكنته 👶🏻 ...


عبدالصمد : مسكها في يده ابتسم 😄 لما ابسرها حس شعور غريب وحب قووي ناحيتها باسها 😘 وخطي يطلع لعند نوال فتح الباب ودخل ..

نوال : ابسرتها في حضنه ابتسمت 😄 ومدت يدها .. اسكه اديها ..

عبدالصمد : تشبهش قووي بالذات عيونها 👁 هاه امسكيها امد ماغلق البردات برد عليها حرام لاتبرد كانت في جو دافي ..

نوال : مسكتها بتتبسرها ع طول ذكرت هبه ورزق 👶🏻👶🏻كيف كانوا لما ولدوا وكيف فلتتهم بدون لبس بين البرد غطتهم بس بقطعه من لداتها تقلبت عليها المواجع نزلت دموعها 😭 بدون ماتحس ..

عبدالصمد : شل البنت من يدها 👶🏻 مالش يا روحي بتبكي 😭تاعبه قليلي مالش مابه ادعي الدكتوره ..


نوال : ماشي لاتدعيش أحد .. وغطت وشها وجلست تبكي ..

الدكتوره : دقت الباب 🚪 ودخلت .. هاه كيف قدش ذلحين ..

عبدالصمد : شكلها تاعبه بتبكي 😭..

الدكتوره : قربت منها بتبسرها .. بتتوجعي. اسهل اتحملي شويه ولو ما افتهنتيش شازيد افعلش ابره مهدئه انا مستغربه ليش ماقلتيليش ان قد ولدتي من قبل حرام عليش كنت عتموتي روحش بروحش ماينفعش افعلش ابر طلق وعندش تمزق فالرحم ولا كنت شاولدش طبيعي .. ..

نوال : بتتفرجها سكته وتتفرج عبدالصمد 👀 وتبكي 😭..

عبدالصمد : يادكتوره والله ماخبينا انها صدق اول مره تولد ..

نوال : وهي بتبكي😭 الا قد ولدت بس ماصديتش اقلك هذه الفتره لما كنت وحدي دريت اني واحمه ..

عبدالصمد : بيسمعها وهو مبلود 😳 ايووه ..

الدكتوره : فلتتهم وخرجت حست ان الموظوع خاص ..

نوال : بتبكي بقهر 😭 بتحكي لعبدالصمد ..

عبدالصمد: قرب جنبها ومسك يدها وهو بيسمع وبيبكي معاها 😭 تمام ياروحي اهداءي وبعدا ماحصل لما ولدتي أين النونو..

نوال : كانوا تؤام .. ولد وبنت 👶🏻👶🏻 ..

عبدالصمد : بيمسح دموعه 😭أيوووه اينهم .. ليش خبيتي عليا ليش ماتقلي لي من اول ما لقيتيني ..


نوال : وجعتها العمليه وصاحت .. اي اي اح اح بتوجعني قووي وبتهمس بطنها ..

عبدالصمد : حمل دعى الممرضه وجت فعلت لها ابره مهدئه 💉
..


🌹meme_abdalgaleel

@qesasanani

بارت 228



العشي 🌚.الساعه 7..

في بيت عادل ..

تهاني : خلاص قد احنا ساع كل سنه عنحتفل بهم هانا بس هذه المره قالوا عيعزموا اصحابهم اكتبي ليزن العنوان في ورقه يديه لأصحابه لما يجوا ..

احلام : ابردي لش بس من أصحابه يا اختي مافايده للتكلفه قدوذا اصحاب هبه ورزق يكفوا وبعدا منين عيجوا اصحابه البيت بعيد.


تهاني : يووه ياعيبتش تكلفه مه ماعاد عنحنب في اصحاب يزن هيا امانه لاماخليتيه يعزمهم وبعدا قد قال عادل يشتيهم يفرحوا قدوذا ابسرتي ع ظروف مروا بها وقدهو نفرح بسلامه هبه والكل والله ماصدقت انها ترجع تتحاكى ..


أحلام : يووه حسبها الله سميره كل الي حصل لنا كلنا من تحت رآسها ..


تهاني : ربش مايفلتش حق أحد لكن ماذنبهم العيال والله اني اقتهرت عليهم ربي عاقبها في جهالها ..


أحلام : حسبها الله ونعم الوكيل .. المهم اسمعيني ذلحين ماعنفعل من حاجات وبدائين يتجابرين مايفعلين للحفله ..



هبه : في غرفتها .. مارائيك لو أعزم صاحباتي من حق السنه الأوله .

رزق : مع ابردي لش بس قد بعدنا عنهم أحسن بعدا يجلسين يتليقنين علينا ..

هبه : انت داري يارزق لما ابسرت امنا فالحديده 🌊 وهي بتبكي قوي وجلست تحضني وتبوسني 😘 وتسأل عليك زعلت عليها قوى لما دريت لأن شكلها طيبه 😔 ..

رزق : بضبح 😤 مش هي طيبه ليش رجمتنا لو هي تحبنا .. انا اكرهها لاتتحاكيش منها مشهي أمي أنا امي فاطمه وبس ..


هبه : حرام عليك 😔 يمكن ابونا مات مدام قال معاذ هي سارت تدوره وماكنش معاها زلط تدي لنا أكل لو هو ماتحبناش ليش كانت تجي تدورنا ..

رزق : صيح😡 بسسس اوووص وسد اذانه 🙉 لاتتحاكيش منها اكرها اكرها بسببها كانت سميره تعذبني انتي كنتي مفتهنه خلاص انسيها لاعد تذكريهاش وفلتها وخرج من الغرفه ..


هبه : جلست زاعله ومطننه 😔 في كلامه .. صح لو تحبنا ماعتفلتناش اوذا المطلبات فالشارع مابش معاهن زلط وعيالهن معاهن ..



........ ........ ........


في الحديده 🌊 ...


في المستشفى 🏨..

أهل ذمار وصلوا ..

عبدالصمد : نزل لانازل لعندهم سلم عليهم و يطلعهم للغرفه يبسروا نوال .


طارق : مسك يده 👬 بيخطي معه ويحاكيه دلا مال شكلك هكذا مابه ماعجبنيش صوتك من اول وذلحين صورتك مكبوده نوال فيها شي ولا البنت ..



عبدالصمد : مالهن شي اطلع ذلحين وبعدا شاجابرك مش وقت ..


طارق : ذلحين أتاكد ان به شي ..

دخلوا الغرفه ..

أم يسرى : فارحه 😄 يوووه جنه بعافيتش يابنتي وقربت بتسلم عليها 😘..


يسرى : حمدلله ع السلامه 😃 اسكه ابسر حبيبه عمتها من تشبه ..

صالح : قرب سلم عليها 😘 وجلس فالكرسي جنبها .. تاعبه يابنتي مال صورتش هكذا ..

طارق : سلم عليها 😘 وجلس جنبها بيحاكيها بس حاسس ان فيها شي هي وعبدالصمد ..


يسرى : شلت البنت👶🏻 وبتمكن عمها صالح هاه عم ابسروا محلاها ..


صالح : يووه ماشاء الله تشبه امها وهي جاهله .. وابسر لعبد الصمد 👀 قد اذنت في اذانها ياابني ..


عبدالصمد : جالس مطنن مشو حسه عندهم 🤔 هاه ماقلتوا ..


طارق : ابسره👀 . اذنت لها هم يأذنوا للجاهل حين يولد ..

عبدالصمد : ماشي مشنا داري مايفعلوا اذنوا لها أنتوا ..


أم يسرى ويسرى: جالسات جنبها بيجابرنها ..


الممرضه : بتدق الباب 🚪 لوسمحتوا خلاص ممكن تخلوا المريضه ترتاح ..


طارق : يله تمام حاضر بس احنا جينا من ذمار عفوا ازعجناكم ذلحين ..

صالح : بعد ما اذن للبنت .. خلاص هيا نخطى لنا وعنجي الصبح ماتشتي شي يابنتي ..

نوال : سلامتكم ..

أم يسرى : انا شرقد عندها ماشفلتهاش حين هي تاعبه ..

عبدالصمد : روحوا بس يا امه انتوا تاعبين من الطريق أوذ أنا عندها ..


نوال : ابسرته وهي تاعبه 👀 قدك تاعب من الصبح روح بس افتهن ..


عبدالصمد : قرب لجنبها .. مع ماشفتهنش لو اروح شجلس قلق عليش شرقد بس مشنا تاعب ..


طارق : مسكه من كتفه .. الإ عتروح معانا اولا قدك تاعب وثانيا احنا ظيوفك عتفلتنا مايسبرش ..


عبدالصمد : ناهي يا ظيفي ماذلحين عنتظايف هو بيتكم ماشي ماشفلتهاش والله ..


يسرى : هيا ناهي اول من تزوج وولدت مرته ماعيفلتش روح افتهن وبكر من الصبح قدوذا امي عندها ..


نوال : داريه انه زاعل ومقهور 😔 وحاسه بالنار الي في قلبه دعته .. جي ما اقلك في اذنك ..

صالح : يله اوذا شسبق للسياره هيا يسرى ننزل يابنتي امد مايتحانبوا ..


طارق : حس انها تشتي تكلمه.. ياعمه ماتشتوا من الشنطه 👜حقكم من لده لوتجوا تشلوا لكم الي تشتوا علسب اطلعكم للغرفه ..


أم يسرى : يووه حلا حين ذكرت هيا اوذا شنزل بساعتي واطلع وخطيت مع طارق ..

عبدالصمد : قرب لجنبها . مال روحي وقلبي ماتشتي ..


نوال : حضنته وبكيت 😭 انا داريه انك زاعل ومقهور وانا حاسه بالنار الي في قلبك ❤ قدلي 11 سنه والنار 🔥هذه في قلبي وانا بين نارين بين فراقي لعيالي وبين اني اقلك بس ماكنش بيدي شي مفتجعه ع عيالي يدروا وقدهم عند ناس راكنين انهم اهلهم كيف عتقع صدمتهم وخايفه اقلك احرق قلبك وتقتهر هكذا

💔 وبتبكي 😭..


عبدالصمد : بيمسح دموعه 😭 ودموعها .. حسبها الله عمتي خيريه احرمتني منش ومن عيالي ذلحين افتهني وقومي بالسلامه ومادام داريه اين العيال عنرجع نبسر كيف ومالش الا عيالنا يرجعوا لنا بس لاتغثيش روحش ياروحي وانت والده وتاعبه هكذا ..


نوال : خلاص وانت لو تحبني قوم روح افتهن شويه وعمتي عيرقدوا عندي وانت عتجي الصبح وعيالنا والله انهم بخير وقمارى وعترجع تتفاجاء لما اقلك منهم ..

عبدالصمد : فتح عيونه 😳 ليش او اعرفهم ..

نوال : إبتسمت بتعب .. أيووه بس شاخليهم مفاجاءه لما أخرج .. ذلحين برد قلبي ❤ اني قلتلك بالسر المخبى في قلبي ..

أم يسرى : دقت الباب 🚪 ودخلت .. هيا ولدي قوم رحلك ..

طارق : واقف عند الباب ماسكه بيده .. هيا ياروميو والصبح عنجي ..

عبدالصمد : مسك يد نوال وباسها 😘 لو تشتي شي ولا تعبتي اتصلتي لي شاخلي التلفون جنبي .

نوال : تمام . اهم شي ارقد لاتخليش حسك عندي ..

عبدالصمد : ابتسم لها وقرب حبها في رآسها 😘 يله مع السلامه واوبهي لدنيتي ..


أم يسرى : من دنيتك ..

عبدالصمد : البنت شاسميها دنيا مارائيش يا ام دنيتي ..

نوال : دنيا .. حالي خلاص نسميها دنيا ...



🌹meme_abdalgaleel


@qesasanani

بارت 229


في الحديده 🌊

لماروحوا ...

في البيت ..

طارق : يسرى قوى افعلي لنا شاهي ع السندوتشات الي اشترينا 🌯🌮..


يسرى : طيب الآن ادخل نوال بس للمكان قد رقدت لاعاد تنكز..


عبدالصمد : اوذا شاقوم افعله انا يا اختي دخلي بنتش رقديها بس .


صالح : ابسره ومنك صدق عتقوم أنت ..

عبدالصمد : مافيها ياعم اوذا لما نوال تاعبه ادخل معاها اساعدها والكل ..

صالح : هز رااسه هآه .. هيا عيس ماشاء الله شكلكم متفاهمين يابني الله يديم سعادتكم 😄 ..

طارق وعبدالصمد : في وقت واحد .. آمييين ..

طارق : هيا قوم نفعله وندي قلصات يتعشوا أبي شرق عليهم يرقدوا قدهم تاعبين أكيد من السفر ..


عبدالصمد : قام معه للمطبخ .. فتح الدولاب وبيخرج الكتلي بيعبيه ماء وحطه فوق البوتقاز 🎛..

طارق : مرتزح عرض الدولاب . ذلحين عتقلي مالك مجغور هكذا مابه قد افتجعت 😰 ان نوال ولا البنت فيهن شي ولا متصايحين ولما جيت ماشاء الله كلشي سابر .. ذلحين مالك مابه ..

عبدالصمد : تنهد 😔 آح آح بس ماقلك ومنين ابداء ..


طارق : مالك مابه 😳 شكل الموظوع مهم مابه يا اخي اقلقتني ...


عبدالصمد : طرح يده عرض الجدر وبيحكي له وهو موطي رآسه 😔..


طارق : بيسمعه ومصدوم 😱 معقووول طيب وليش ماتحاكت وذلحين اين العيال ..

عبدالصمد : قالت عتقلي لما تخرج مفاجاءه لاني اعرفهم ..

الشاهي بيغلي وطفى البوتقاز ..

طارق : هاه هاه الشاهي الشاهي طفي ..


يسرى : دخلت .. مبتسمه .. هيا 🙂 مالكم حنبتوا في شويه شاهي ياجيف .. يووه كيف قد مهدتوا البوتقاز هيا ادخلوا ادخلوا وانا شاقرب هاه ..


........ .......... ........


في المستشفى 🏨 ...


حوالي الساعه 2:30. الليل ..

نوال : طبعا مارقدتش مقهوره ع عبدالصمد وع نفسها وعيالها بتبكي 😭 بعد ماسار مفعول المهدئ 💊 بتتوجع بتتقلب وتون اح اح ..


أم يسرى : راقده 😴 نومها ثقيل ..

نوال : بتداعيها .. ياعمه يييه اسكه ادعوا له حبه ولا ادعوا الممرضه .

أم يسرى : مابتسمعهاش نووم 😴..

نوال : بعدت البطانيه من فوقها وقامت بتخطى بصعوبه 🚶🏻‍♀ بتتفرج العلاجات تخرج له حبه 💊 .. شربتها بس ماحستش نفسها افتهنت بتحس نفسها قدهي محميه 🤒 وماحبتش تزعج عبدالصمد تتصله هذه الساع ولا تقيم عمتها رجعت فوق السرير بتتوجع وترتعش قد بتحس جسمها كلها بيتقطع وعيونها ع الطاقه مراعيه للضوء ☀ يطلع ..


....... ........ .........


الصبح 🌝.

في صنعاء

في بيت عادل ..

تهاني : بتجهز العيال للمدرسه .. هيا مالكم اليوم كسلين هكذا عتتأخروا ..


هبه : بضبح 😤 وتهز أكتافها اووف مشتيش أسير المدرسه اليوم عيد ميلادي خلوني أغيب ..

تهاني : عيد ميلادش والحفله العصر 🎂 ماعتجلسي تفعلي من ذلحين ..

رزق: بيتليقن عليها 😜هي تشتي تجلس تشب الشبيب هههه 🎈..

هبه : خفعته 👋🏻 بطل خباله هيا ..

تهاني : لما تروحوا عتفعلوهن وزياد هو عيجي بحين هو وخاله أحلام وخاله رجاء ..


عادل : خرج من غرفته جاهز .. هيا عيال نخطى شرق علينا ...

هبه ورزق : خطيوا معه 👫..



....... ........ ........


في الحديده 🌊..


عبدالصمد : قام لبس بسرعه 👕👖وخرج وعادهم راقدين 😴 يسير المستشفى بيقلق ع نوال ..



في المستشفى 🏨...


ام يسرى : قامت من النوم 😴 تفتح الباب للمرضه لما دقت لهن ..


الممرضه : صباح الخير هيا كيف مريضتنا اليوم وقربت لجنب نوال.



نوال : مغمضه عيونها مخبوطه من التعب 🤒 والحمى مش هي داريه أينهي .

الممرضه : اوووف هذه محميه 🤒قووي بتبسري كيف قدهي ليش مادعيتينيش كملها هكذا ..


أم يسرى : يوووه 😱 جعلي مكسر عليها سعم رقدت وهي مالها شي ولا دعتني ولا ...


الممرضه : بتقيس لها الحراره 🌡 اوووف هذه. الحراره مرتفعه قووي هي شربت المضاد الحيوي ولا لا .


ام يسرى : أيووه يابنتي شربت العشي الي قلتي لي اديلها والكل ذلحين ماهو مالها.


الممرضه : شاسير ابسر الدكتوره لو قد جت شكلها حماء نفاس .


عبدالصمد : وصل وفي يده أكياس فيهن عصاير 🍹🍷لنوال وصبوح لأمه 🌯🌮.. دخل وبيبسر نوال مطروحه حط الأكياس فوق الكرسي وخطي بسرعه لعندها بسرعه مفتجع 😰 مالها يا أمه وبيقيمها نووال مالش ياروحي نوال يييه جاوبي .

نوال : بتوون .. اح اح وتفتح عيونها 👁 تبسره وتغمضهن ..


ام يسرى : بقلق 😨 شكلها مريضه حمى نفاس يا ابني..

عبدالصمد : بصياح وقلق 😡 قد بينقلكم خلوني ارقد عندها انا داري فلتها وهي تاعبه ومقهوره والدكتوره هذه اين جت ليش مايجوا يبسروها. .


أم يسرى : بتهدئه .. قد سارت تدعيها يا ابني اذكر الله هي عتفتهن ..


عبدالصمد : فلت وخرج نزل بسرعه يدور الدكتوره .


الدكتوره : طلعت ابسرتها وفعلت لها علاجات وابر 💉 ان شاء الله عتفتهن مالك بتقلق هكذا سعم انا فلتها وهي تمام ماحصل لها ليش تعبت هكذا حصلها مضاعفات ..


عبدالصمد : هي زعلت شويه 😔 معقوله يكون الزعل اثر عليها ..


الدكتوره : اصلا والده وتاعبه كيف تزعلو

ها ذلحين ان شاء الله شويه وتفتهن ..


عبدالصمد : شل كرسي وجلس جنب نوال مسك يدها 👋🏻 و بيحاكيها بيحاول يقيمها وهي بتون بس وتاعبه ..


🌹meme_abdalgaleel


@qesasanani

بارت 230



بعد العصر ...


في بيت عادل ..

هبه : لبست فستانها👗 .. هيا كيف وقعت ..

أحلام : حاليه قووي يله جي أصلح شعرش 👩🏻..

رجاء : وانتوا جوا ياجهال لعندي اسبر لكم الكرفتات حق البدله 👔..


تهاني : يله كان ابسرين الجهال انتين امد ما اسير اتصل لعادل أبسر ماله تأخر بالترته 🎂..


أحلام : أيووه خليه يقطب يديها قد اسم كل شي جاهز لانتأخرش ..


هبه : بدلع ..قوى ياماما وافتحوا الأغاني وعلوا الصوت حق المسجله 📻 اشتي يجين صاحباتي والبيت صوته حفله ..

يزن : بيتليقن عليها 😜 أيحين عتكبري يا أختي وتعقلي خلاص قدش مره جالسه بتدلع ..

هبه : نفخت وقفت وشها منه 😤 مادخلك .. هيا خاله سبروا شعري حالي واشتي تفعلوا لي تاج 👑..

رزق : بيضحك هو ويزن ..😂 تخايلها انها عروسه .



....... ....... ........


في المستشفى 🏨..


طارق : قلق وبيسير ويجي فالغرفه 😰 ماهو هذا ولا قد افتهنت ماعيفعلوا لها ..

عبدالصمد : جالس جنب نوال فوق السرير بيفعلها كمادات تنزل الحراره جالسه محميه 🤒..


يسرى : في يدها البنت بتهزها بتبكي 😭 .. مارضيتش تشرب الحليب حرام ماقد رضعتش هكذا عتموت . اتصل لأمي مانفعلها .


ام يسرى : روحت البيت بتوبه لنوال الصغيره .👶🏻. اسكه يابنتي ماشي رضعيها أنتي حرام تموت البنت من الجوع أمد ماتفتهن أمها ..


يسرى : هآه .. ارضعها أنا ..

طارق : سمعها بتتحاكى .. ايووه صح ليش مافكرناش هكذا رضعيها مع نوال امد ماتفتهن أمها .


يسرى : يله تمام شبسر كيف .. مع السلامه .. ولفتت لعبدالصمد .. هيا مارأئيك يا أخي أرضعها ..


عبدالصمد : زاعل قووي 😔ومقهور في يده الكمادات .. افعلوا ما اشتيتوا يا اختي قدنتوا أخبر ..


طارق : بضبح 😤 أنا الصدق ماعد قدرت اصبر شنزل ابسر أين الدكتوره هذه تطلع تبسرها الحمى مانزلتش 🤒 ..


نوال : بتفتح عيونها وتغلقهن 👁 وتون .. آآآه ..آآآه ..


عبدالصمد : قرب جنبها .. بيهزها .. نوال حبيبي .. قومي ياروحي مابيوجعش .. هيا افتحي عيوونش 👁 قومي ابسري دنيا ..



نوال : بتتفرجه وتغمض عيوونها مش قادره ترد .. آآه . آآآه


عبدالصمد : نزلت دموعه 😢 وقام.. يسرى قوى جي ابسريها . شنزل ابسر مايطلعوا يفعلوا لها ..



طارق : نازل بيتصايح مع الممرضه . 😡 كيف يعني الدكتوره روحت والمريضه جالسه تاعبه ..

الممرضه : يا اخي مالك ماتفعلها قد كتبت لها العلاج والإبر 💉وقد بنفعلهن لها ... عتفتهن ..


عبدالصمد : دخل بيصيح قووي 😡 أطلعي أبسري ماتفعلي لها انا روحت العشي ومرتي بتحاكيني أجي الصبح وقدهي هكذا مافعلتوا بها ..


الممرضه : ضبحت 😤 وعلت صووتها .. عيب عليك ايش يعني مافعلنا بها هي جتلها حمى نفاس ايش دخلنا أحنا هي حمى تجي للوالده أيش دخلنا إحنا لو مرتك مناعتها ضعيفه ولو مش عاجبك شلها مستشفى ثاني ..🏨..


عبدالصمد : بصياح 😡 ايووه شاشلها لأنكم مهملين كيف الدكتوره تروح والمريضه تاعبه هكذا ..


طارق : مسك عبدالصمد .. وبيخرجه .. خلاص ناهي جي معي هكذا ..

عبدالصمد : تلفونه بيرن 📱 مكن طارق من يشتيني مابحد مشنا فاضي لحد وطلع ..


طارق : جاوب وانه عامر بيقلق اينهو عبدالصمد وليش مابيردش وقله الي حاصل ..

عآمر : يله تمام اوذا شاجي ذلحين مع السلامه ...



........ ........ ......


في الهند ...


معاذ : ابتسم 😃 قلي والله منش صدق عتكلمي امي والعيال تهنيهم ..


ميس : بخزا ☺ ايووه شو فيها ماهما هلا صاروا عارفين وأنا كلمت أهلي وموافقين عليك بس ماراح نخطب 💍ولانتزوج الإ بعد مانخلص دراسه ..


معاذ : خرج تلفونه 📱 وبيتصل لأمه ..


في بيت عادل ..

الدنيا زيطه وأغاني والبيت كله زينه وبالونات 🎧🎭🎉🎊🎈🎈 والعيال ملان البيت فارحين بيلعبوا ..


تهاني : ابسرت رقم معاذ 📱 جاوبته بتحاكيه ..

معاذ : سلم عليها وجابرها ..هاه حاكوا ميس تسلم عليكم وادعوا العيال أعيد عليهم ..

تهاني : جاوبت ميس وبتتحيلا لكلامها وحست انها طيبه ارتاحت لها 😃 ..


هبه : بعد ماكملت تحاكي معاذ وميس قامت بترقص وتدلع وتدور بالفستان حقها 👗..


يزن ورزق : بيدقوها معقله سعم قدهم رجال ويضحكوا ع تصرفات هبه 😄..


أحلام : دخلت بالترته 🎂 في يدها . هيا نطفي الشمع ..

رجاء : بتداعي العيال .. هيا عيال هيا . جو طفوا الشمع وفي يدها الكاميرا بتصورهم 📹.

تهاني : طفت السراج وبتلصي الشمع 🕯 ..


العيال بيغنوا سنه حلوه ياجميييل 🎉🎊 هابي بيرثدي تويو ..

رزق وهبه ويزن واقفين الثلاثه جنب بعض قدام الترته 🎂..

تهاني : يله كل واحد يتمنى أمنيه قبل ماتطفوا الشمع 🕯...


هبه : مسكت تهاني وباستها 😘 وشاورتها في اذنها أمنيتي ان الله يخليكم لي انتوا وبابا عادل وأخوتي معاذ ورزق ويزن طول العمر وبس .


تهاني : باستها 😘 ويخليش لنا ..

رزق : في نفسه . امنيتي اني مشتيش ابسر أمي الي فلتتني أنا وأختي طول العمر لأني أكرها 😔..


يزن : في نفسه .. اني أكبر بسرعه وأساعد ماما أوقع رجال

لأنها بتتعب بعد مامات بابا اشتي اوبه لها ..


رجاء : هيا اقطبوا تميتوا تتمنوا هيا طفوا الشمع 🕯 .


أحلام : بتصافدهم 😄 هيا واحنا قلوا لنا ماتمتيتوا ..

هبه : بتهز راسها واكتافها مع ..


تهاني : هيا هيا الشمع بيذوبين 🕯 هيا نطفيهن .. ونفخوهن .


........ ....... .......


في بيت عبدالكريم ...


عبدالكريم : بدل وخرج عيسير خطوبه 💍 بنت أماني تذكر آيه ولو عادهي عايشه وماحصلش الي حصل انه كان عيفرح بها تنهد 😔 وطلب من الله يسامحه انه كان عاصي وخطي ..


سميره : جالسه وحدها بتبكي 😭في حضنها الجاهل 👶🏻 بتتذكر عيالها واحد محبوس وواحد مسافر مشو معتبرها أمه .. وواحده ماتت وفي يدها ابنها ابن حرام وتأكدت ان هذا عقاب ربي لها..


........ ........ .......


في المستشفى 🏨 ...


نوال : فتحت عيونها ... بتتحاكي بصوت تاعب عاطششه ماء ماء ..


يسرى : سمعتها .. حملت تحط البنت من يدها وبتسكب لها ماء فالقلص 🍸..

عبدالصمد : دخل وهي بتقل ماء حمل شل القلص 🍸 من يد يسرى ومسك راس نوال بيحاول يشربها . هاه روحي كيف قد انتي ماتشتي اديلش .


طارق : دخل ابسرها فرح انها فاقت بتشرب 😄 وخطي لعندها وقف جنب السرير ..


نوال : بتتفرج طارق وتلفت ليسرى 👀 وترجع عيونها لعبدالصمد ..


طارق : قرب لجنبها خايف عليها 😨.. ماتشتي ياروح أخوش ماتشتي اديلش ..


نوال : بتبسره ودموعها بتنزل 😢..

عبدالصمد : تم يشربها وبيوضع رآسها .. ومسح دمعتها بيده وقد عيونه ملان دموع 😢 .. ماتشتي افعلش .

نوال : ابسرته وابتسمت بتعب .. احبك ..


عبدالصمد : مقدرش يخفي دموعه نزلت بقوه 😭 بيمسحهن . وانا احبش ..

يسرى : بتتفرجهم سكته ماقدرت تتكلم عيونها بتتشارغ دموع 😢..


نوال : بتحاول ترفع يدها 👋🏻 لعند عبدالصمد تشتي تمسكه وبترتعش ..

عبدالصمد : انتبه لها قرب بسرعه يمسك يدها 👋🏻 ..مال يدش بارده قووي هكذا وبترتعشي ازيد ادفيش ..


طارق : اوذا شدي لها بطانيه فتح الدولاب حق المستشفى 🏨 شل بطانيه وخطي يدفيها ..


يسرى : ابسرت البنت 👶🏻 بتبكي 😭 قربت تشلها ..يوووه مالها هذه بتبكي من الصبح قدوذا رضعتها كنت أقل انها جاوعه ..


عبدالصمد : بيدفيها سواء ويوضعها ..

نوال : كانت بتتفرجه بتعب من طالع لانازل ولفتت لطارق بتبسره 👀 وعيونها استقرت لعند يسرى بتتفرج بنتها دنيا وغمضت ...


طارق : استغرب 😳 بفجيعه وصوت بيرتعش مالها هذه غمضت عيونها رجعت ترقد ..


عبدالصمد : واقف مبلود 😳 يده بترتعش 👋🏻 لفت لطارق بصوت مخنوق . ومهزوز . مالك ماهو ايوه رقدت تاعبه كان ماهو ماقصدك وقرب يهزها نوال نوال جاوبي .. رقدتي ياروحي يييه يييه وبداء يفقد اعصابه ويصيح 😡 ويهزها بقووه يييييه نوووال نوووووال جاوووبي ..


يسرى : صاحت وبكيت 😭 نواااال. .


طارق : حمل لافوقها بيسحب عبدالصمد من فوقها .. ودموعه بتنزل 😭 هي عتجاوبني أنا صح يانوال ويهزها نوال جاوبيني أنا طارق اخوش ويبكي ..


عبدالصمد : كان يصيح ويبكي😭 ويهزها نوووال قوووومي لاتفلتينيييش نوال قووومي مش بعد مالقيتيش تضيعي نوال وعيالنا هيا قووومي قليلي منهم نرجعهم ويصيح ..


طارق : حمل 🏃🏻 خرج من الغرفه وهو بيبكي 😭 بيصيح جوو ابسروا يادكتوره يييه ..


الممرضه : حملت ودكتور دخلوا سحبوا عبدالصمد من فوقها بعد ما ابسروها غطوا وشها ولفت الدكتور لعبدالصمد الله يرحمها ..


طارق : جلس فالأرض وغطى وجهه بيبكي 😭..


يسرى : حاضنه البنت بقوه 😭 بتبكي ..

عبدالصمد : بيصيح ويبكي 😭 ويخفع الدكتور .. كذاااب نوال ماماتتش هي قالت ماعتفلتنيش ويقرب يهزوزها ويصيح نوووال عيالنا نوال لاتفلتيناش نوال وحط رآسه فوقها وبيبكي .



....... ...... ......

آآآح من غدر الزمن ووجع الأيام وحقد النفوس المريضه عمر الشر مايحصد خير ..

حقد خيريه ع عيال زوجها خلاها تظلمهم وظلمت نفسها ضيعت نوال وكانت ضحيه لحقدها .

وايش ذنبك ياعبد الصمد تكون ضحيه لحقد خيريه وبسببها انحرمت من مرتك وعيالك الي قلبك ❤خلاص من اليوم ماعاد عيعرفش السعاده خاصه بعد ماعرفت انك تعرفهم ومش قادر توصلهم ..

ايش ذنب هبه ورزق يكونوا ضحايا ويكبروا ويظنوا انهم عيال حرام ومش عارفين ايش قصه اهلهم ويكرهوهم..

ايش ذنب آيه الي كانت ضحيه لغدر ذئب بشري ضحك عليها بإسم الحب❤ ..

ايش ذنب محمد الي ضاع مستقبله بسبب اهمال تربيه من صغره وانتقام ..

وايش ذنب ابن آيه يطلع ابن حرام علشان ربي ينتقم من سميره وظلمها لأطفال أبرياء ..

ايش ذنب منير الي فعلا حب آيه بصدق وانكسر قلبه 💔...


ايش ذنب عم حميد ومرته الي خسروا عيالهم بسبب قضايا ثأر وقتل بالغلط..


ايش ذنب الحج عبدالله الي مات بسبب ابنه العاصي الي باع أهله واشترى مرته ..

ايش ذنب حسين الي مات بسبب اهمال و طيش محمد ..


ايش ذنب فلان وعلان وكل شخص موجود في واقعنا بينظلم ..


يمكن الكثير منكم ماتعجبه نهايه القصه لأنها حزينه 😔
بس حبيت ان

قلكم صوره مبسطه ونبذه صغيره عن الي بيحصل في واقعنا بسبب ظلم البشر ..

أبطال قصتنا كانوا ضحايا القدر وكم وكم من ضحايا في واقعنا ..

مع تحياتي
🌹meme_abdalgaleel


#النهاية

@qesasanani