بارت 14 🌹


في بيت علي ..


أميره : يابنتي لو تحاولي تبسري موعد للدورات حق المعهد متأخر شويه تعب عليش هكذا تسيري من بحين وتجلسي مراعيه لاخوتش لما يخرجوا ظهر🌞 من الجامعه ويجوا لش إبسري كيف قدش تاعبه .


ريم : با إبتسامه 😊 إسهل ياماما من يشتي الحالي صبر مفعل مابش مواعيد للمستوى هذا الإ صبح ..

أسامه : أنتي داريه مارأئيش لوتبسري لو به احد من البنات طريقهن معش وتكن تروحين جمعه ..

ريم : معي غيداء بس هي عتكن تنزل قبلي لو روحت معاها ..

محمد : إسهل لاهي بس مسافه قليله اهم شي تستأجرين جمعه ..

ريم : بس لو يدروا بابا عيصيحوا فوقي ويمنعوني أسير المعهد ..

أميره : ولا عيدرى ولا من عيقله إحنا عنتدابرها بيننا ولاتكن تجلسي تتعبي هكذا ..

أسامه : أيوه يا أختي وكما واحد فينا كمل بحين عيكون يجيلش ..


محمد :ارتزح لاعرض الوساده وين أبي كيف لهم ماقد جوش لاذلحين ..

أميره : قال عيروح ومعه واحد صاحبه يتغداء معه أظاهر انه مراعي له ..

ريم : بإستغراب 😳 وكيف لهم عيروحوا أحد معاهم وزيد غداء ..


أميره : حركه يدها وعوجت فمها 😏والله مدي لش علم قد إستغربت قبلش لأنه اتصل يشتي أسبك الغداء وأفعل أصناف خيرات ..


أسامه : ضحك ههه 😄 وأصناف خيرات كيف لوما مابلا هذه القصه فيها إنا ولفت لأخوه واشر له بيده 👋🏻 قوم قوم نبدل يا أخي نتغداء معاهم نبسر منهو هذا الشخصيه المهمه ...

ريم :ضحكت عليهم 😂 وقامت تبدل وتساعد امها فالمطبخ ..


....... ....... ......

في بيت هاشم ..

ناديه : بتتصل لهاشم 📱 هيا اين أنت ماقد عتروحش..


هاشم : بينبسر الأرض الي قلنا عنفعل عليها المشروع صاحب العقارات بيوريني أراضي خيرات وعاد به واحده عنسير نبسرها ع ماوصفها لي شكلها حالي وموقعها ممتاز لاقدنتوا جاوعيين اتغدوا ..


ناديه : مع خلاص عنراعي لك بس أشتي اسألك اين الجوازات والأوراق💳 حق الجنسيه حق العيال ..


هاشم : باب الدولاب 🚪 ماقد رفعتهنش ليش ماتشتي منهن ..


ناديه : آها خلاص تمام .. لما تجي وأنا شاقلك يله مع السلامه وخطيت 🚶🏻‍♀للغرفه شليت الأوراق وخبتهن ..


....... ........ ........

فوق السياره 🚘..

سهيل : جالس بيحطم ويصيح فوق 😡 أيمن ... والله ماراحت لك هكذا تفعل بي إسمعني أزيد أسمعك تقل جي معي خلاص من اليوم أنا بطلت مسايرتك ..

أيمن : بيتذكر كيف كان شكله لما افتجع ويضحك 😂عليه والله لا أبدع بك راعي بس عادنا شاقلهم كيف افتجعت وبتقل للجن هو ايمن مشهو أنا ..


سهيل : ضحك 😂 مع خلاص هيا مه إحنا أصحاب وبعدا هيا من التبداع ماشي ماشاجيش أتغدى عندكم ..


أيمن : خلاص تمام وعد ماشتحاكاش بس انت توعدني والكل ماتقلش لأحد إنحنا سيرنا بيت جدي وخلي الموظوع بيني وبينك ..



🌹meme_abdalgaleel


@qesasanani

بارت 15 🌹


في بيت علي ..


بعد ماكملوا يتغدوا 🍝🥘الرجال ..

علي : بهنجامه يله ياعيال قوموا رفعوا المايده وقلوا لأختكم تسلم يدها أمانه ان به غداء 🍝🥘 يرد الروح ولفت لصاحبه 👀 هذه ريم بنتي حميش ماشاء الله عليها له كله أمانه لوتبسر ع اكل تفعل هذا مشو شي من الي بتفعل وربه بيت شاطره وذلحين زيد دخلتها معهد انجليزي تقرى تتعلم ..


الرجال : صاحب علي في عمره تقريبا أب ل3 عيال و2 بنات صاحب معرض سيارات 🚘 إبتسم 😄 ماشاء الله حالي ..


أسامه : لفت لمحمد وغمز له 😉 وحاكاه بصوت واطي ماهي القصه كيف لأبوك بينشم اختك هكذا ..


محمد : رد عليه .. علمي علمك قوم نرفع وعندرى ماهو الخبر ..


أسامه : شل الصحون 🍽 وخرجهن بيرفعهن ..


ريم : ناولته صحن فيه حلويات 🍩🍪 هاه دخلهن ..


أسامه : ابتسم لها 🙂 مش وقتهن ابردي لش بس قد ابوش قال أنش فعلتي الغداء أنتي وبيشكرش من اول عاد عنزيد ندخل الحالي ماهو عيطلعش الفضاء ..


ريم : ضحكت هههه 😂 صوره مع صاحب أبوك ولد وابوك يشتي يزوجني با إبنه ..


محمد : ع خرجته بالصحون 🍽 سمعهم ضحك 😂 واشر لها با اصابيعه 👌🏻 ثلاثه مش واحد ..

ريم : إذا الله يكفينا شرهم هههه 😄 ..


اميره : قربت لعندهم مبتسمه🙂 بتبسرهم بيضحكوا .. اتحيلت لهم الله يديم ضحكتكم ع طول يارب يله انجزوا رفعوا هيا أشتي أنجز اخطى بين خالتكم عفاف ..


ريم : يووه ياماما مانا ماشاجيش ماقدرت لليلي وهرمها ..


أميره : إسهل يابنتي قدهو أبسر خالتش قدلي منها خيرات وقدش توالهيني فالطريق ..


ريم : يله تمام ماسخاني عليكم وليلى قدنا شتحمل ثقاله دمها لين ماوصلت ..


......... ......... .......



بعد العصر ...


في بيت الحج أحمد ..


سمر : مع ياماما مانسير نفعل سندس عتمكنا زنط ومخاياه نفس قدحنا في بيتنا احسن ..


ساميه : يابنتي ماعليش منها إبردي طارحه نقرش من نقرها وبعدا قد إسم أبوش عيسير عند عمش هاشم هو وجدش نخطى معاهم نبسر عمتش ..


سهى : خرجت وقدهي لابسه ..ابسرت سمر 👀 يوووه ماقد لبستيش عنتأخر هيا شرق ..

سمر : إبسرتها وغمزت لها 😉 أيووه وأنتي ع مه مستعجله ولاقدنتي فاقده لسام ..

سهى : ضحكت بخزا😊 وخفعهتها بالشنطه 👜 أيووه فاقده له جبرني محلاه هو وكلامه المكسر يله قومي البسي شرق ..


ساميه : مافهمتش ان قصد سمر ع أيمن .. أيووه صدق جبرني محلاه قدنا فاقده له انا والكل هيا انجزي البسي أبوش عيدعينا ذلحين ..



🌹meme_abdalgaleel


@qesasanani

بارت 16 🌹


بعد 3 أيام ..


في بيت علي ...

ريم : قامت الصبح🌝 بتتجهز عتسير المعهد مع أخوتها مثل كل يوم ..

علي : كان في الصاله بيصتبح 🍱 إبسرها بنص عين 😏 ع وين ياقمر السماء ..

أميره : بتمكنه قلص الشاهي ☕ عتسير المعهد ساع كل يوم ..

علي : لفت لها بقزازه 😖هيا اخطي اطرحي الشنطه هذه من يدش 👜وبدلي من اليوم ماعادبش معهد ولاقرايه خطيبش مايشتيش قرايه ..


ريم : تفاجأءت 😳 حست راسها كله بيلف وصاحت إيييييش خطيب من ..

أسامه : كان واقف جنب باب غرفته🚪 سمع أبوه خرج ع طول🏃🏻 مالكم يا أبه ماهو هذا الكلام خطيب من أيحين اختطبت أختي ..


أميره : بتتفرج بنتها سكته مبلوده 😳..

علي :بهنجمه 😳 أنا قد إتفقت أنا وصاحبي الي جاء يتغداء ويخزن عندي ع كل شي وقد الخطوبه حقه ع اختك يوم الجمعه الرجال شابع ومعه معرض سيارات 🚙🚕🚗 عيفهنها وترتاح معاه ..


أميره : سكتت من صمتها وصاحت 😡بصياح ... أنت أيييش جنسك وطينتك أنت متأكد انك أب بعقلك تشتي تخطب بنتك لواحد ساع أبوها عاد الدمه بتفتجع ع عيالها وتأكلهم لو حست أن أحد عيأذيهم وأنت تشتي تودف ببنتك .


علي : رجم الصبوح 😡 وصاح ... الله الله ياهانم قد صوتش بيطلع ما اليوم قد معش لسان وصوتش طلع هذا الموظوع مايخصش وانت قلت الخطوبه يوم الجمعه والموظوع منتهي ..


ريم : واقفه عرض الجدر كانت تصيح وتبكي 😭 ماناش مواققه مشو ع ماتشتوا محد عيزوجني بالغصب مشنا لعبه في يدكم ..


محمد : سمع👂🏻 صوت الصياح كان في غرفته بيبدل خرج بسرعه 🏃🏻..

علي : قرب لجنب ريم وهزرها من يدها من عرض الجدر وبيضربها 👋🏻 وبيصيح 😡عادش عتتليقني عليا هاه مشنتي لعبه هاه غصب عنش عتتزوجي به ومن اليوم أزيد أبسرش تخرجي من باب هذا البيت لأكسر رجلش ..

محمد وأسامه : مسكوا أبوهم وبيبعدوه من فوق ريم ويصيحوا 😡يا ابه ماهو هذا الجنان فلتوا البنت ..

أسامه : سحب ريم وحضنها وهي بتبكي 😭..

أميره : جلست في الارض بتبكي 😭 وتلطوم نفسها 😱حسبي الله ونعم الوكيل فيك ياظالم محد يسخى ويفعل ببنته هكذا الله ينتقم منك ..


علي : لفت لها بغضب 😡 وقرب بيزبطها يله من بيتي خرجه من هانا سيري مقلع عند اختش و خير الله كميا نسوان غيرش ..


أسامه : مسك ريم وهي بتبكي 😭 ودخلها غرفتها ..

محمد : حضن أمه وبيمسح دموعها وصيح 😡 يا أبه زيدتوا الظلم حقكم إحنا دايما بنسكت احترام لكم مش ضعف مننا بس توصل أنه تظربوا أمي لا وتزوجوا أختي لا هانا وبس .


علي : 😡 وجهه اسود ومقلووب وبيداهف محمد ويخفعه في صدره 👋🏻أيووه وماعتفعل يا أستاذ يله وريني رجالتك ..

محمد : شاوقف زواجه أختي ولو وصلت انه شخرج أنا وأمي وأختي من البيت وأسير أشتغل وأعيشهم ..

علي : سحبه من يده وبيدهفه مدام وأنت رجال هكذا وبتتحدى أبوك يله خرجه من بيتي ووريني ماعتفعل ودهفه من الباب وخرجه 🚪..


أميره : كانت جالسه في الأرض بتبكي 😭 وقفت تلحق بعده وهي بتصيح اين عتخرجه أين عتشل إبني ..

علي : دهفها لاداخل 👋🏻 وغلق الباب وانتي عجبش جلستي بكلامي ورائيي ولابعد إبنش مقلع ..

أميره : دخلت وهي بتبكي 😭 وتدعي عليه حسبي الله ونعم الوكيل فيك الله يوريني فيك ياظالم ..


ريم : في غرفتها مرجومه فوق السرير 😭 بتبكي كله هذا بسببي بابا ظربوا ماما ومحمد وطردوه من البيت ليش هكذا يارب شلني وريحني من هذا العيشه مع ابي تعبت إشتي أموت ليش بيعاملني هكذا كأننا مش بنته ..


أسامه : حاول يهداءها شويه وفلتها وخرج يبسر أمه ..


@qesasanani

بارت 17 🌹



في بيت هاشم ..

هاشم : بعد ماكمل يلبس واتجهز عيخرج هو ويوسف يشوفوا المهندس الي عيبداء ينفذ لهم المشروع ويشوفوا مكان المكتب الي عيفتحوه مبدائيا فتح الدولاب يشتي يخرج ورق مالقيهنش بيداعي ... يييه ياناديه أين الورق الي كانين فالدولاب أنتي رفعتي شي ..


ناديه : كانت فالمطبخ بتجهز الصبوح 🍱 سمعته دخلت لعنده أيووه انا رفعتهن في الشنطه الدبلوماسيه الصغيره راعي شديها لك غلقتها برقم سري وفتحتها له وسارت تكمل الصبوح ..


هاشم : بيندش الاوراق 📑📜 ويحطهن فوق السرير لما لقي الي يشتي شلهن وفلت الاوراق والشنطه مفتوحه وخرج من الغرفه..


ناديه :إبسرته وخرجت من المطبخ يووه مالك مستعجل قد قمت أفعلك الصبوح 🍱 راعي ..


هاشم : إسلمي ياروحي والله ان قدنا مستعجل قوي تأخرت ع الرجال اصتبحي أنتي والعيال وقلي لأيمن قد حاكيته أمس بس زيد أكدي عليه يشل أخته تلف ع الجامعات تبسر من ذلحين الجامعه الي عتعجبها علشان تسجل بدايه السنه ..


ناديه : با إبتسامه 🙂يله تمام حاضر الله يوفقك ويسهل طريقك .. وسارت تقيم العيال صبوح وتقل لأيمن يخرج أخته ولسندس تتجهز تخرج تبسر الجامعات ..

سندس :كانت راقده ردت بضبح 😤 جامعات أييش هانت احنا اتفقنا شرجع ادرس في كندا .

ناديه : قومي هاه قلك كندا أنتي مجنونه أو بعقلش نفلتش تسيري تقري وحدي يله شرق قومي اخطي اصتبحي 🍱والبسي تخرجي مع أخوش ..

سندس : نفخت 😤 ورجمت البطانيه من فوقها وفكرت 🤔 أممم خلاص اقوم اخرج معاه امد ما احفظ الطريق والشوارع وأقدر ارجع اخرج براحتي قامت بدلت وخرجت تصتبح ..


سام : فوق الصبوح بيأكل 🍱 ماما اشتي هوت دوق وكب كيك ..


ناديه : يووه يا ايمن امانه شل اخوك معاكم وخطيه للسوبر ماركت اشتروا مايشتي وبه حاجات ناقصه .


سندس : لفتت لأمها 👀 وأنا أشتي فلوس 💵 اشتري حاجات ناقصه لي ..

ناديه : قومي شلي لش من شنطتي 👜معلقه فوق الشماعه في غرفتي ..


سندس : سارت للغرفه بتفتح الباب 🚪 تشل الفلوس إبسرت الاوراق والجوازات وحاجات أبوها مرجومه فوق السرير فرحت 😄 وشلت اوراقها وجوازها بسرعه ولقيت زلط عادها دولارات 💵 شلت لها وخبتهن بسرعه في شنطتها وخرجت من الغرفه ..


....... ....... ......


🌹meme_abdalgaleel


@qesasanani

بارت 18 🌹


في المدرسه 🏫..


الآخصائيه : دخلت الفصل بتدور ليلى .. وقفتها .. ليلى هذا أخر إنذار لش 😡 كل يوم وإحنا في نفس المشاكل والمصياحه مع البنات اليوم شاكتبش تعهد والمره الجايه لو تكررت شستعدي ولي أمرش ..



ليلى : وقفت وهي بتعوج فمها 😏 استدعي ولي أمري من ذلحين لاعد تراعيش للمره الي عتجي بكم يجي نبسر صورته ..


الأخصائيه : آها وعادش بتتليقني 😡 يله بعدي للإداره واديلي رقم أبوش اتصله ومفصوله إسبوع من الدوام وماعتدخليش المدرسه الإ لما يجي معش ..


ليلى : خطيت بعدها وهي بتضحك 😂 آذا يا استاذه ماعاد شاجيش أقرى من مره لأنه معرفش رقم تلفونه ولا عيجي المدرسه من أصله يعلم الله هو عادهو ذاكر إن معه بنت إسمها ليلى أوماشي ..


الأخصائيه: وقفت مستغربه من كلامها 😳 إييش قصدش ..


ليلى : قصدي إن معي أب بالإسم بس لكن معرفش ولا أنا داريه أينهو فلتنا وعادنا جاهله ..


الأخصائيه : وقفت رحمتها 😔 ومسكتها بيدها طيب يله جي معي نتجابر أنا وانتي شويه ودخلتها الإداره تتجابر معاها ..


....... ....... ........


في بيت علي ..

ريم : جالسه في غرفتها ممدده فوق سريرها بتبكي 😭 وبتهم أبوها ماعيفعل وكيف عيزوجها برجال في عمره واخوها محمد وين عيسير وأمها كيف عتفعل مابش معاها الإ اختها عفاف ويله بيدبروا نفسهم بالعافيه بمرتب سامي خرجت من غرفتها بتدور أين أبوها ..


أميره : في غرفتها بتلفلف لداتها 👒👚👖 ترحلها عند أختها عفاف ..

أسامه : خرج من البيت بيتصل لأخوه محمد يدور أينهو يبسر ماعيفعلوا ماعيخلوش أبوهم يزوج ريم ..


علي : جالس فوق الكنبه في الصاله ولا في حسه من الي حصل بيتراسل في تلفونه 📱 ويبتسم 🙂 ..


ريم : خرجت من غرفتها وقد عيونها مورمه 👁 من كثر البكاء بتدور أمها أبسرتها بتلفلف لداتها اقتهرت خطيت لعند أبوها ودموعها 😭 بتنزل ع خدودها كأنها نار🔥 وحاسه بضيق وكتمه في صدرها بتسحب أرجلها سحب بتفكر في امها واخوها وقفت جنب أبوها وبتبسره أنهو لامبالي ولافي حسه بعد كل الي حصل وان خرجت امها من البيت ماعتفرقش معه حاولت تمسك نفسها و تنهدت بقوه 😔 بابا خلاص أنا موافقه ع الخطوبه بس عندي شرط ماما مايخرجوش من البيت ومحمد اخي رجعوه ..


علي : إبسرها بإستهزاء وضحك 😏 أصلا وافقتي او ماوافقتيش عتتزوجيه برضاش او غصب عنش .


ريم : حست كانه طعنها بخنجر في صدرها 💔طيب حاضر بعدكم بس محمد يرجع وماما يجلسوا ..



🌹meme_abdalgaleel


@qesasanani

بارت 19 🌹


فوق السياره 🚘 ..

سندس : جالسه وراء في يدها التلفون📱 بتتراسل مع مارك ..(أنا فالشارع وأوراقي معي كيف افعل هل تحدثت مع صديقك لديا فرصه للهروب )..


مارك : ( سوف أتصل به واخبرك انتظري قليلا )..


سندس :( أوكي وأنا سأقوم بإشغال أيمن وتأخيره حتى نجد فرصه أكثر )..


سندس : بتداعي أيمن .. يا أيمن شلني أول الجامعات🏫 أبسرهن وبعدين عنرجع للسوبر ماركت .


أيمن : يد فالسكان واليد الثانيه مخرجه من الطاقه .. أوكي أول شي نسير نبسر الجامعه حق سهيل قد إتصلت له وبعدا عيجي معانا يورينا بقيه الجامعات عنسير نبسر جامعه سهى وبعدا يورينا الباقيات ..


سندس : هزت ر آسها نو نو مشتيش جامعه سهى ..

سام : وأنا فين حقي السكول🏫 اشوفها .

أيمن : بابا عجبتهم واحده قريبه من البيت شاوريك ونسجلك فيها ..


مارك : رسل لسندس ( هذا رقم صديقي ابعثي له رساله وأخبريه أين السوبر ماركت الذي ستذهبي إليه وسيأتي إلى هناك ليأخذك ..


سندس : فتحت الرساله وإبتسمت 🙂 ( اوكي وساخبرك بما سيحدث معي) .. كملت ترسل ولفتت لأيمن 👀 أيمن ايش إسم السوبر ماركت الي عتشلنا إشتي سوبر ماركت حالي ..


أيمن : أعتقد إسمه ال....هو شلني سهيل فيه حاجات خيرات مقاربه للي نشتي وتعجب سام ..


سندس : أوكي ثانكس وفتحت تلفونها 📱 رسلت لتشارلي صاحب مارك ( مرحبا تشارل أنا سندس صديقه مارك سوف نذهب الي سوبر ماركت ال.. بعد ساعه تقريبا بعد ان نكمل بقيه أعمالنا )..


تشارل : (حسنا عزيزتي سوف أكون بإنتظارك قد تحدثت مع مارك بشأنك ) ..


أيمن : وصل باب جامعه سهيل وأتصله 📱 يخرج لعندهم ودخلوا يتفرجوا ع الجامعه ..


سندس : طول مابتخطى وهي بتحطم 😏 إيش هذه من جامعات أنتوا تشتوا أفلت جامعات كندا وادرس هانا ..

سام : ماسك سهيل من يده وفارح 🙂 ان اصحاب سهيل والبنات بيتحيلوا له ويمشوه معاهم ..



....... ....... .......


وقت الظهر ..

في بيت توفيق ...


ليلى : بعد ماروحت من المدرسه 🏫 لأول مره تحس بحنان الأخصائيه وحست نفسها هادئه بعد ماتجابرت معاها أن أبوها مفلت لهم وحسستها الأخصائيه بتضحيه امها وصبرها وقررت إنها تنجح هذه السنه علشان تخفف الحمل ع أمها وأخوها ... حطت شنطتها فالغرفه 🎒 وبدلت وخرجت دخلت للمطبخ تساعد أمها ..


عفاف : مستغربه 😲 يووه كيف لش جيتي من نفسش اليوم بغير دحس ..


ليلى : إبتسمت 🙂 وحبتها في رآسها 😘 قلت حرام قد انتوا تاعبين أدخل اساعدكم ..


عفاف : إبتسمت لها 🙂 يوووه ربي يهديش وينور طريقش ماعاد معي الإ السلطه قصيها ✂ معي وأدخل افتهني لش لما يجي اخوش ونقرب الغداء ...


ليلى : مع ادخلوا أنتوا بس افتهنوا وارتاحوا وأنا شاكمل أنا الغداء وأقرب أنتوا قد تعبتوا خيرات وخرجتها من المطبخ ..

عفاف : خرجت من المطبخ ومستغربه 🤔 من التغيير المفاجئ الي حصل لليلى ولا إيش وراه دخلت الغرفه تتصل لأميره تجابرها شويه بتتصلها مابتجاوبش .



@qesasanani

بارت 20 🌹



في جامعه سهى ..


سهى : جالسه مطننه فوق الكرسي 🤔 مراعيه لصاحبتها الي بتروح معاها تأخرت في المحاظره حقها رن تلفونها 📱 جاووبت ألووو.


سهيل : كيف أنتي عادش فالجامعه ..

سهى : أيووه مراعيه لصاحبتي نروح ..

سهيل : خلاص لاتروحيش انا وايمن عنجي لش وننزل سندس تبسر الجامعه حقش ..


سهى : فرحت أن أيمن عيجي 🙂 جامعتها بس في نفس الوقت تظايقت 😤 لو سندس عتدرس في جامعتها ..


...... ....... ........


في بيت علي ..


أميره : جالسه في غرفتها فوق السرير بتبكي تاعبه 😭 مقهوره ع بنتها وع نفسها وإبنها ..


ريم : كانت بتفعل الغداء🍱 ودمعتها ع خدها 😭 حست مستقبلها خلاص ضاع واحلامها كلها تبخرت وكيف عتكون عيشتها مع شخص بعمر أبوها ومعها طبينه وعيال زوج بتخرج ضبحها فوق الأكل والغسوله ..


علي : دخل للغرفه إبسر أميره بتبكي 😭 وتحت عيونها حارق ابسرها من طالع لانازل بسخريه 😏 ذلحين من قد مات عليش لهذا العدد والبكاء كله ..

أميره : إبسرته بقهر وحرقه 😔 وسكتت ..

علي : صااااح 😡 ييييه من بينحاكي او بينجابر روحي .. اليوم قدش متنيره ..


أميره : ردت بقهر وزعل 😔 ماتشتي أقلك ظربتني وهنتني وعتظلم بنتك والله ماجلست ورجعت الإ بعد دموع بنتي ومراشاتاها لي ..


علي : أصلا لأنش خبلاء وفعلتي من الحبه قبه بنتش وقعت أعقل منش وبعدا المفروض تفرحي لها عتسير عند واحد شابع يريحها يفهنها وبعدا عيدلعها عادها جاهله وعيتحيلى لها ويفعل لها ماتشتي بدل ماتجلس عندش ...


أميره : ماتفعل بزلطه 💵 وقد عتظلمها طول عمرها بواحد شيبه جهاله أكبر منها ..

علي : بهنجمه 😡 ولا شظلمها ولاعيقع بها شي ذلحين خطوبه يوم الجمعه والعرس قال بعد مايرجع من السفر عاد هو عيسافر بعد شهرين ويعلم الله كم عيجلس يعالج مرته هي تاعبه وبعدا عيدي شرطها ومهرها 3 مليون والذهب عليه ..


أميره : لفتت له 👀 بقهر حسبي الله فيك بعت بنتك بوسخ الدنيا لكن ربي يظلمها عليك مثل ماظلمت بنتي ..


تلفون ريم 📱 بيرن خرجت من المطبخ تجاوب وانها غيداء ..


ريم : بصوت كله حزن وزعل 😔 ألووو..


غيداء : وين أنتي ياشوعه ماجيتيش اليوم المعهد ..

ريم : قرحت بكاء 😭 ولاعد شاجي أبي عيخطبني يوم الجمعه بشيبه ومايشتيش أقراء ..


غيداء : صاحت 😱 إييييش كيف توافقي يامجنونه ..


ريم : وهي بتبكي 😭 غصب عني ..

علي : بيصيح 😡 ييييه أين الغداء شرق جاوع ..

ريم : سمعت صوته افتجعت 😥غيداء خلاص شاغلق ذلحين بابا بيصيحوا وشتصلش بعدا ..


@qesasanani

بارت 21 🏡


فوق السياره🚘 ..


سهى : جالسه وراء فالكرسي الي في الجهه الثانيه للسواق جنب سندس وسام بتتفرج أيمن بنظرات سرقه 👀 وتبتسم 😊 ..


سهيل : جالس قدام جنب أيمن ..

لفت لسندس 👀 ذلحين معقوله ولاعجبتش جامعه من هذولاء كلهن الي إبسرناهن ياسندس ..


سندس : مش هي مركزه معه حسها عند تلفونها 📱 بتتراسل مع تشارلي بتقله ان قدها قريبه من السوبر ماركت ..

سام : دكمها بيداعيها ... هييييه فووكس ... سهيل تولك وذ يوو ..


سندس : لفتت له حسها مشهو معاها 😯 ووووت .

سهيل : ضحك هههه 😂 وتوتوا راس ابليسش بينقلش ليش ماعجبنش الجامعات ..

سندس : بطنانه 🙄 هاه مش الجامعه كم باقي لما نوصل للسوبر ماركت ..

أيمن : خلاص وصلنا السوبر نهايه الشارع هذا ...


سندس : فتحت تلفونها 📱ورسلت له ( أنا قريبه جدا سأصل بعد قليل )..


تشارل : ( اوكي سأنتظرك في قسم الأواني المنزليه لأنها في نهايه السوبر ماركت وقريبه من باب الخروج ) 🚪.


أيمن : بيجنب السياره 🚘 في الموقف الخاص بالسوبر ..

سندس : فتحت الباب 🚪 مستعجله تنزل ..

أيمن : بيأشرلها بعيونه 👀 هييه راعي شفتي محلى سهى كيف مراعيه ننزل مع بعض كلنا ..

سندس : لفتت له بغرور 😌 أااام فررري ايش تشتي اكون مثل اليمنييات ماتمشي الإ والبودي قارد حقها وراها دعممته وخطيت ..


سهيل : فتح باب السياره بسرعه ونزل بيصيح لأيمن انا شلحقها بسرعه 🚶🏼 اختك غاويه وانت نزل سهى وسام معك ..


أيمن : لفت لسهى بإبتسامه 🙂 علمي أختي تكون مثلش محلاش في كلشي وهدؤش وحده بيعكس معنى الأنوثه مش مثل رامبو 💪🏻 حقنا..

سهى : خزيت منه ابتسمت ووطت رآسها ☺ وحست قلبها ❤ بيدق بسرعه ...


سام : مسك يدها 👫 وبيخطى هيا ندخل ..

أيمن : قفل باب السياره وبيخطى بعدهم...

سهى : مبتسمه ☺ وفارحه وطول مابتخطى بتفكر في كلام أيمن لها ...


سندس : دخلت وشلت سله في يدها كأنها بتتسوق ..🗑.

سهيل : دخل بعدها لحقها 🏃🏻 يييه راعي لحضه ندخل نشتري ما تشتي جمعه ...


سندس : عيونها بتتفرج يمين وشمال 👀 بتدور تشارلي لمحت واحد اجنبي واقف بعيد 🕺 تشتي تتخلص من سهيل .. ردت عليه بربشه هااااه ..اوووه نسيت حقي الشنطه👜 فوق السياره ممكن تديها لي بسرعه ..


سهيل : استغرب 😲 إيش من شنطه الشنطه في يدش 👜 ..



سندس : افتجعت هاه 😅 قصدي المحفظه الي فيها الفلوس 💵 بسرعه اديها لوسمحت قبل مايجي أيمن من السياره ..


سهيل : صدقها وخطى 🚶🏼يديها ..

سندس : عيونها عليه بتراقبه لما خطى وحملت بسرعه 🏃‍♀لعند الرجال الواقف تسأله هل انت تشارلي ؟؟


تشارلي : نعم انتي سندس ؟


سندس : أجل هيا نخرج بسرعه من هنا قبل أن يأتي إخوتي ..


تشارلي : هيا اسرعي أذا سيارتي واقفه بالقرب من البوابه ..


سندس : لفتت بسرعه لوراها لمحت سام حملت بسرعه 🏃‍♀ وخرجت ..


أيمن : بيدور سندس بعد ماسهيل شل منه دواير السياره 🔑 وخرج يدي لها الشنطه مالقيهاش قال لسهى تبسرها معه ..


سندس : طلعت بسرعه سياره🚘 تشارلي وهي بتغلق الباب لمحها سهيل .

سهيل : وقف مكانه 😳 تسمر مكانه مستغرب منهو هذا يشتي يلحق بعدهم بيحمل 🏃🏻..

تشارلي : شغل السياره وخطي ..



🌹meme_abdalgaleel


@qesasanani

بارت 22 🏡



في السوبر ماركت ..


تشارلي : شغل السياره وخطي ...

سهيل : حاول يلحقهم🏃🏻 ماقدرش حط يده ع رآسه 😱 ومادريش مايفعل خرج تلفونه 📱 وبيتصل لأيمن ...


أيمن : بيتمشى فالسوبر هو وسهى وسام بيتسوقوا سمع تلفونه 📱بيبسره وأنه سهيل جاوبه .. هيا أين أنت شرق علينا هيا اين أنت و سندس ..


سهيل : قاحص ع فمه بقهر 😞وبيخفع يده فالجدار 👊🏻 ماناش داري ماقلك جيت ادي لها الشنطه ولمحتها بالصدفه طلعت مع واحد فوق السياره شكله أجنبي وفحط بسرعه وخرجوا ..


أيمن : صاح بدهشه 😳 إييييش مابتقول راعي بقعتك الآن شاجي وحمل بسرعه 🏃🏻 ..


سهى : ابسرته بيحمل افتجعت 😧 مسكت سام في يدها 👫 ولحقته ..


فوق السياره 🚘..


سندس : مفتجعه 😧 بتتلفت يمين وشمال وقلبها بيدق ❤ بسرعه ..


تشارلي : لفت لها ومسك يدها✋🏻 دووونت ووري .. لن يستطيع أحد اللحاق بنا .



سندس : سحبت يدها منه بخوف 😅 إلى أين سنذهب ..


تشارلي : سنذهب إلى منزلي لن يستطيع أحد العثور عليك حتى أقوم بترتيب إجراءات السفر لك ..


سندس : بتتحاكى وهي بتنهل من الفجيعه 😧 من يسكن معك فالمنزل هل زوجتك هنا ..


تشارلي : لا ياعزيزتي أنا لا أزال عازب أسكن فالمنزل مع صديق لي ..


سندس : قلقت وبداءت ملامح الخوف تظهر عليها 😢 كيف عتجلس في بيت مع 2 شباب ..


...... ....... .......


أيمن : وصل لجنب سهيل وقد أعصابه تالفه 😟 بيصيح ماهووو مابتقل كيف يعني خرجت مع واحد بسيارته متى لحقت تتعرف ع أحد هانا وهي فالبيت ماهو ما أقل لبابا وبيخفع يده في السياره 👊🏻 ...


سهيل : قد عيجنن وبيصيح 😡 أختك هذه مجنونه للطرف أيش بيتهيألها انحنا في أوربا ولا عنخليها هكذا تسير مع واحد مشهي داريه إنه مالها عندنا الإ القتل ..

سهى : بتحاول تهدائهم اذكروا الله ذلحين من القتل 🔫 حقكم والجنان خلونا نبسر أين البنت ونرجعها بسرعه قبل مايدروا الباقيين ..


سام : قدهو مفتجع بيبكي 😭 ليش يقتلوا سندس ..

سهى : مسكته وسحبته ع جنب بتحاول تهداءه ولفتت لأيمن 👀 جرب اتصلها لو عترد عليك ..


أيمن : واقف مربوش بيفكر في ألف حاجه وحاجه في رآسه 😇 ولا داري مايفعل خرج تلفونه وبيتصل لها 📱 ..


سندس : فوق السياره تلفونها رن 📱 خرجته ابسرت مكتوب أيمن جلست ماسكه له متردده ترد أو لا ..

تشارلي : سحب التلفون من يدها 📱 ورجمه من الطاقه ..


سهيل : بيخطي ويسير ويجي 🚶🏼 وقد دمه بيفور هزر التلفون من يد أيمن بصياح يا أخي اديه اتصل أنا ..


أيمن : بصوت مرتفع 😡 بيرن يا أخي مابتردش .. أنا شاسير أبلغ البوليس ..

سهيل : بنغافه .. بوليس مه يا أبو بوليس ماتقلهم بنتنا هربت برضاها وتبدع بنا اطلعوا اطلعوا فوق السياره 🚘 نخطى لنا نبسر ماعيفعلوا أبي وعمي وسيدي ..


سهى : طيب إهداء أنا شتصل لبابا أنا احاكيهم نبسر لو عيفعلوا شي قبل مايدروا عمو هاشم أنتوا ع الحاله الي أنتوا فيها ماعاد ينفعش تحاكوا أحد ..وخرجت تلفونها وبتتصل 📱ليوسف ..


يوسف : فالبيت عادهو روح من العمل ممدد مراعي لهم .. جاوب تلفونه 📱 هيا أين عيالي قد إحنا جاوعيين ولا عتسيروا بيت عمتش ..


سهى : به أحد جنبكم لو ماما جنبكم لا تخلوهم يحسوا بشي ..


يوسف : افتجع وقلق 😧 مابش أحد ليش مابه ..

سهى : كنا فالسوبر ماركت وبتحكي له ..

يوسف : صاح .. 😱 اييييش هذه البنت مجنونه مشهي بعقلها ذلحين أين انتوا ..

سهى : مروحين من السوبر ماركت بس مادريتش مانفعل قلت اتصلكم لان العيال قد عيجننوا ..

يوسف : مكني أيمن ولا أخوش التلفون 📱 أحاكيهم ..

أيمن : شل التلفون 📱 هاه خالو .

يوسف : إسمعني جو كذا روحوا لعندنا وأنا شتصل لأبوك أقله اننا شبحتكم عندي أمد مانبسر كيف عنفعل لاقد يدراش والله لاتقع حقه انا فاهم ماهو يعني اختك تهرب مع واحد ولو قد احد يدرى ماعاد أحد عيسكت فمه ..


أيمن : بقهر وزعل 😔وحسه عند إخته بيهمها .. يله حاضر الآن بعدكم ..



🌹meme_abdalgaleel


@qesasanani

بارت 23 🏡


بعد حوالي ساعتين ...


في بيت هاشم ..


ناديه : بتجهز لداه هاشم عيسير بيتهم عند يوسف علشان المشروع ..


هاشم : إسكه أتصلي لاعند ساميه إبسري هو فالبيت ولا ماشي ولا بيجاوبني لاهو ولا سهيل ولاحتى جهالش ..

ناديه : بتمكنه الجنبيه يلبسها وأنا والكل قد قلبي بيفور ❤ولا احد بيجاوبني من عيالك وناديه اتصلت رن ورجع مغلق ..


هاشم : والله ماعد دري حالي وأنا قد قلبي قلق ❤ والكل ماعتتغلقش تلفونات الكل ومحد يجاوب .. ماشي قمتي لبستي وخطيتي معي لاتجلسيش وحدش فالبيت ..

ناديه : قد كنت بينقل أسير بيت الجيران أتعرف عليهم معاهم ولاد لكن ذلحين والله إنك زد اقلقتني لاهم أبي تاعبين ولا شي والعيال مخفيين عليا راعي البس بساعتي وأخطى معاك ..



........ ......... .........


في بيت توفيق ..


عفاف : كملت تصلي عصر جالسه فوق السجاده في غرفتها بتستغفر..


سامي : دقدق باب الغرفه عليها 🚪 بيستأذن .. أدخل ..


عفاف : ابسرته وابتسمت له 🙂 ومدت له يدها .. حيا بنظر عيوني ادخل عادك عتستأذن ..


سامي : وطى حبها في رآسها 😘 حرما يا أمه دعيتوا لي كما إذا أنتوا راضيين عليا أموري كلها بتسبر ..


عفاف : يووه ما انت قلبي❤ وربي راضيين عليك ورفعت يدها تدعي له 🙌🏻 الله يرزقك ويفتحلك كل طريق مغلق في وشك ..


سامي : ويهدي أختي يا أمه كن زيدوا لها الدعاء ..


عفاف : ذكرتني صدق 🤔 اليوم اختك روحت واحده ثانيه من المدرسه ومارضيتش تخليني أتم الغداء وقالت عتذاكر وتنجح قدنا مطننه ...

سامي : ضحك هههه 😂 وليش الطنانه قلوا الله يهديها قد أنا إستغربت لما إبسرتها بتقرب وترفع الغداء 🍱 بس قلت مدري يمكن إننتوا تاعبين شويه أوذا جيت أبسركم ..


عفاف : يووه إسلم لي ياروحي سألت عليك العافيه .. كيف لك اليوم ماقد سيرتش العمل ..


سامي : اليوم مابش معانا عمل المدير معه عرس ابن اخته وماعيجيش قال اسهل اليوم نأجز قلت لو عترضوا نخرج لنا نغير جو نسير جامع الصالح نجلس في حديقته ونصلي مغرب 🕌 وعشاء ..


عفاف : مدام ونفسك نخرج حاضر من عيوني قدهو تغير جو والكل قدك محبوس بين الكتب 📚والعمل ..


سامي : يله تمام قوموا إتجهزوا وأنا أسير أحاكى ليلى تتجهز ..


....... ........ .......


في بيت تشارلي ...


سندس : جالسه في حافه الكنبه مفتجعه 😟.


تشارلي : خرج من غرفته وابسرها جالسه في مكانها ماقد تحركتش .. استغرب 😳 لما لاتأخذين راحتك ياعزيزتي مازلتي ترتدين الحجاب وهذا اللبس ..

سندس : اول مره في حياتها تجلس مع شخص غريب في مكان وحدها مشاعرها مختلطه بين الخوف منه 😰 ومن أهلها ومصيرها المجهول ... تشارلي هل تسمح لي أن أتحدث مع مارك بهاتفك📱 لايوجد لدي اي طريقه للتواصل معاه بعد ان قمت برمي هاتفي ..


تشارل : نعم تفضلي ياعزيزتي 📱 تحدثي معاه وسنتفق كيف نقوم بترتيب اجراءات سفرك ..



🌹meme_abdalgaleel


@qesasanani

بارت 24 🏡



في بيت الحج أحمد ...


ساميه : جالسه فالمكان مع بناتها قد عيجننين في يدها التلفون 📱بتتصل ليوسف .. هاه يوسف مافعلتوا لقيتوها ..


يوسف : بعصبيه 😡 المشكله مادريناش أين ندورها ولا كيف نفعل لو نبلغ ماعنقل عنفضح بنتنا بأيدينا ولو فلتنا هكذا البنت عتضيع من يدنا اهم شي أبي ماحسوا بشي ..


ساميه : ماشي هم راكنين ع ماقلنا لهم إنك سيرت عند هاشم معاكم عمل ..

يوسف : يله تمام قوى إنتبهين وحسكن مع سام لاتفلت عليه كلمه وإحنا اوذا عنزيد نخطى طريق السفاره الكنديه قال أيمن يوريهم صورتها يسألوا الي يعرفوا مدام والي طلعت معه أجنبي ..


ساميه : سفاره 🏬 مه هذا الساع الله يهديكم منين عتلقوا أحد هذا الساع ..

يوسف : قدهو نحاول مانفعل ع الله يله مع السلامه وغلق التلفون 📱..


..... ....... ......


في بيت علي ..


ريم : في غرفتها جالسه مغلقه ع نفسها زاعله ومقهوره 😔..


أسامه : بيدقدق لها الباب 🚪 ريمي افتحي لي محمد قدوذا روح ..


ريم : قامت فتحت الباب وقدعيونها مورمه وتحتهن حارقات من كثر البكاء 😭 .. ابسرت اخوتها وقرحت ..


محمد : حضنها ودمعت عيونه 😢 مسحها بسرعه بيده ... هيا مه ياشووعه عنمكنها دموع والله مايدخلش عرس وإحنا ع وجه الأرض والله لو توصل لأقتل صاحب أبوش هذا ..

أسامه : خفعه في كتفه بيده 👊🏻 ماهو هذا الكلام الأخبل قتل مه معانا ألف طريقه وطريقه عنفكر ماتشتي تقلبنا مجرمين ..


محمد : علشان خاطر عيون👁 هذه المشعفله أقتلب سفاح وشعفل شعرها ..

ريم : إبتسمت بحزن 😔 الله لايحرمني منكم ويخليكم لي يا أحلى اخوه ..


أميره : كانت واقفه عند الباب حق الممر سمعتهم قربت لاعندهم وعيونها دموع ويخليكم لي يا احلى عيال ولايحرمكم من بعض ويعوضني فيكم ..

العيال : حضنوها وباسوها 😘 ..


....... ....... ........


في بيت تشارلي ...

صاحب تشارلي : كان راقد خرج من غرفته مشهو داري إن سندس موجوده دخل للمطبخ وخرج قاروه نبيذ 🍾 وخرج الصاله بيسكب له ويشرب 🍷 ...


سندس : خرجت من الغرفه الي كانت فيها دخلت ترتاح شويه خرجت تدور تشارلي بتداعيه تدي له زلط 💵 من الي شلت ع أبوها يخرج يشتري لها ملابس لأنها ماعتقدرش تخرج ابسرت صاحبه جالس يشرب خافت منه ورجعت لاوراء بتسأله اين تشارلي ...


صاحب تشارلي : ابسرها وإبتسم وحك راسه 🙂 مرحبا يمنيه في منزلنا وتتحدث لغتنا ..


سندس : افتجعت منه😰 ورجعت لاوراء أنا يمنيه كنديه وتشارلي سيساعدني للعوده إلى كندا إذا سمحت أين ذهب ..


صاحب تشارل : بيتفرجها ويبتسم 🙂 وفي يده كأس الشراب 🍷 لقد خرج ولكني موجود هنا عزيزتي ..


سندس : شكرا جزيلا لك ودخلت الغرفه وهي مفتجعه وقلقه 😰
ومابش معاها حتى تلفون 📱 تقدر تتصل لتشارلي وخايفه وبتهم امها واهلها كيف حالتهم ذلحين ولا بعدكم عتوصل كندا ...



@qesasanani

بارت 25 🏡



في بيت الحج أحمد ...

هاشم : جنب السياره 🚘 ونزل ..

ناديه : نزلت قبله بتدقدق الباب 🚪..


سمر : فتحت الباب وانها عمتها 😧 ارتبشت هاه ليش جييتوا ..


ناديه : إستغربت منها 😳 كيف ليش جيت ماتشتيش أجي عندكم الله المستعان عليش ياسمر ..


سمر : قربت تبوسها 😘 وبتحاول تبتسم يووه ياعمه مشو قصدي حيا بكم هو بيتكم أنتوا ...


ناديه : يله تمام ياهرمه ما أنتي محد يعتب عليش ابوش وجدش طالع ولافالديوان الخارجي يدخل عمش هاشم ..


سمر : بربشه هاه😧 .. مع مع لايدخلوش وخفعت رآسها ونفخت اوووف 😤 مدري ماناش داريه انا ماعليا وفلتت ودخلت ..


ناديه : 😲 طننت منها واستغربت يوووه مالها هذه ماعجبهاش جيتي ماجراء عليها ..


هاشم : دخل الديوان الخارجي الي بيخزنوا فيه .. سلام عليكم وبيسلم ع عمه 😘 كيف انتوا هيا أينهو يوسف ..


الحج أحمد : إستغرب يوووه 😯 كيفه أينهو يوسف أوذا خرج هو والعيال قالوا عيجوا عندك ..


هاشم : عقد حواجبه 😥 كيف جوا عندي أنا جيت انا وناديه عندكم حين الجهال هانا ..


الحج احمد : سام داخل عند البنات وأيمن خرج مع يوسف ..

هاشم : مابلا شكل أيمن خرج مع سهيل وتعذروا أنهم عيجوا عندي مدام فلتوا سندس وسام هانا بس يوسف غريبه والله ما جاش ولاحتى اتصل وكل ما اتصله مغلق ...


الحج أحمد : مابحدهي سندس مابلا سام وايمن كيفه فلتوا سندس هانا ..


هاشم : بهرر عيوونه 😳 كيف مابحد سندس هانا هي خرجت مع اخوتها من الصبح وجيت صليكم كيف مابحد ..


الحج أحمد : يووه يا ابني مالك والله مالها سندس أثر حتى أيمن انا ما ابسرته الا لمحه هو غير ابسرت سام راقد داخل ..


هاشم : ياعم مالكم اذكروا الله الجهال جو يتغدوا عندكم 🍱 ..


الحج أحمد : حتى يوسف والجهال ما اتغدوش 🍱 هانا يوسف خرج مستعجل قال عيجي عندك ولمحت ايمن لما دخل سام. .


هاشم : قلق وخرج تلفونه 📱 بيتصل لايمن بيرن مابيردش رجع يتصل ليوسف كنسل في وجهه ..


ناديه : دخلت لعند ساميه سلام كيف أنتي يا أختي ..


ساميه : إبسرتها وتفاجأت والتفتت ع طول لعند سهى 😳 تباسرين ..


ناديه : عادها مسنبه لعند الباب يوووه😱 صرفوا مالكن اليوم هكذا ضابحات مني ولا واحده فيكن عجبها جيتي خلاص شارحلي ادعوا جهالي ياسام ياسندس اين جيتوا وبتدورهم فالغرف ...

سهى : حملت بعد عمتها تلحقها 🏃‍♀ ياعمه مالكم اذكروا الله اين عتسيروا كيفه مانشتيكم ..


ساميه : لحقتها ومسكتها مالش يا أختي اتعوذبي من إبليس 😈 كيفه مانشتيش ..


ناديه : بزعل 😔 وانا مدراني إبسرين أرواحكن من حين فتحت لي الباب سمر وهي معجبهاش جيتي وانتين ساعاها ..


ساميه : بقلق 😥 مع والله ماقصدنا شي ذلحين هيا أدخلي نجلس ونذكر الله .


ناديه : دخلت وهي ضابحه 😤 ولفتت لسهى ادعيلي سندس وسام ..

سهى : تأتأت في الكلام بخوف 😰 س س س سندس هاه ..


ناديه : هزتها .. يييه مالش قلنا سندس مالش عجمتي . وتلفونها📱 رن هاشم ..


هاشم : هاه ناديه الجهال عندش عمي قالوا ما ابسروش سندس ماجتش والجهال ماتغدوش هانا مابلا سام ويوسف قلهم عيجي عندي وخرج مستعجل اسكه افهمي ماهو الموظوع .


ناديه : 😳فتحت عيوونها ... كيف ماجتش ماهووو يعني وهانا من حين دخلت وهن بيتباسرين وصيحت 😡وين جهالي مابه ماحصل اتحاكوا ...



@qesasanani

بارت 26 🏡



في جامع الصالح 🕌..


عفاف : بتخطى في حوش الجامع 🕌 يوووه محلى الجامع هذا حالي حين فعلوه هكذا لاواحد ضابح ولاضيق خرج فيه يشم هواء ورجع دخل يصلي له ..


ليلى : أيووه حالي ساع الجامع الأزهر في مصر قالين لي صاحباتي بس قالين حقنا احلى مريح الحديقه والناس وطيبه قلوب ❤الشعب حقنا ..


سامي : طبعا مابش وجه مقارنه الأزهر كبير وفيه شيوخ ويعتبر مثل الجامعه بيدرسوا فيه لكن صدق ع قولتش هذا الجامع🕌 جمع بين كلشي بين الفن المعماري اليمني القديم والجديد والي أهم من هذا كله طيبه شعبنا ..

عفاف : ذلحين خلونا ندخل نفعل اول ركعتين ونخرج نجلس لنا هنيه لما نصلي مغرب ..


سامي : يله تمام ادخلين حق جامع النسوان وارجعين جين لهنيه ...


...... ....... ........


في بيت تشارلي ...

سندس : في الغرفه بتسير وتجي 🚶🏻‍♀ قلقه وبتهم كيف عتقدر ترقد في بيت تشارل ونظرات صاحبه ما ريحتهاش وذكرت اهلها وكيف عتكون رده فعلهم ..سمعت الباب بيدقدق ✊🏻 ..خطيت لعند الباب بتجاوب من قفاه .. نعم ..


صاحب تشارل : أنا ياعزيزتي لماذا لاتخرجي للجلوس معي ..


سندس : نفخت وحست بالقلق منه 😰 اريد ان انام هل عاد تشارل ..


صاحبه : لا أعتقد انه سيتأخر لأن لديه عده أعمال فالخارج لايوجد أحد فالمنزل سوانا تعالي لنشاهد التلفاز ..


سندس : قاحصه ع فمها وبصوت صياح 😡 لا أرييييد دعني وشأني ...


صاحبه : ضحك ههههه 😂 حسنا لاتغضبي يا عزيزتي ..



........ ........ .......

في بيت الحج أحمد ...


ناديه : جالسه في الأرض بتصيح وتبكي وتلطوم وجهها 😱 كييف هررربت ليش محد يقلنا ...


ساميه : ماسكه لها وبتهدائها هو يوسف قال ما نحاكيش انتي وأبوها قد خرجوا يبسروها ..


هاشم : قد وجهه اسوود مكظوم 😡من كثر الغضب وبيصيح هذه البنت أنا كنت داري إنها عتفعلي فعله يعني فلت كندا بكلها علشان لاتضيع بنتي وجت ضيعت نفسها في بلادي وكان يخفع الجدر بيده 👊🏻..


الحج احمد : جلس فوق المدكى وطارح يده ع راسه وبيهز رآسه يافضيحتنا فضيحاه أين عتجي هذه البنت ومنهو هذا الأجنبي الي هربت معه ..


سام : جالس عند الجدار بيبكي مفتجع 😭 من الي بيحصل ..

سمر : مسكته وخرجته من عندهم .


سهى : بتحاكي يوسف فالتلفون 📱 تقله إن عمها هاشم وعمتها دريوا يتصلوا له يحاكوه ..


أيمن : دري من خاله إن أبوه وامه دريوا إتصل لأبوه ع طول 📱..

هاشم : جاوبه وهو بيصيح 😡 كيييف تخبوا عليا موظوع مثل هذا اين أنتوا مافعلتوا لقيتوها منهو هذا الي هربت معه من قد تعرف هانا مشهو مارك قد جاء ..


أيمن : مشهو مارك هذا شكله واحد ثاني ع ماوصفه لي سهيل ذلحين أنا عادنا خرجت من السفاره يله بالعافيه دخلت بعد مادريوا اننا كندي وقالوا عيسألوا ويبسروا كيف مدام عادها ماقد بلغت السن القانوني لانه مش مسؤلين مدام هربت برضاها لأنه تعرف نظامهم .


هاشم: بصياح وقلق وخوف ع بنته 😰 خلاص خلوكم بقعتكم انا الآن جاي عندكم للسفاره لاتتحركوش ..


الحج أحمد : وقف .. يله تمام وانا شخطى معك ...


ناديه : بتبكي 😭 راعي لي شاجي معاكم ..


الحج أحمد : بصياح 😡 جييه مه جلسه هانا محد عيجي وفلتوها وخطيوا 🚶🏼 ...


@qesasanani

بارت 27 🏡



بعد ساعه ....


قدام السفاره ...


يوسف : فاتح باب السياره 🚘 وجالس فالرصيف بيشرب شقاره 🚬..


سهيل : بيسير ويجي 🚶🏼ويزبط السياره بضبح 😤.. ذلحين ماهو عنجلس هكذا مال عمي تأخروا ماعتفعل لنا حقكم السفاره قوموا نخطى لنا ..


أيمن : ماسك نفسه وبيحاول يكون ثابت بيحاول يفكر 🤔 إتصل لواحد من اصحابه في كندا يسير يتأكد اذا مارك موجود او مسافر ويشوف اقرب رحله من اليمن لو اسم سندس بينهن ..


سهيل : وهو بيخطى ويسير ويجي فجأه طنن شويه وفتح عيونه وحمل بسرعه 🏃🏻 ..



أيمن : إبسره👀 ولحق بعده بيحمل 🏃🏻..


يوسف : إبسرهم بيحملوا وقف بيصيح ييييه مالكم وقام بيغلق السياره بسرعه 🚘 يلحقهم ع وصله هاشم والحج أحمد ..


سهيل : لمح تشارلي كان داخلي للسفاره حمل بسرعه مسكه من الشميز حقه وبيضربه 👊🏻 وطرحه للقاع وبيلاعنه أين البنت ياحقير ...

أيمن : حمل 🏃🏻مسكه أييش في ليش بتظربه من هذا ..


سهيل : هذا الكلب الي سارت معه سندس ..

تشارلي : بيصيح 😡 ومستغرب منهو هذا وليش بيضربه ..

أيمن : سحب سهيل من فوقه يا اخي الضرب ماعينفعش 👊🏻 ومسك تشارلي ادى له فاين يمسح الدم من وجهه ..

سهيل : بيصيح 😡 ويبهرر عادهو عيمسح له الدم .. هذا اقتله ..



هاشم : وصل لعندهم هو ويوسف والحج أحمد ..


حرس السفاره : حملوا يتجمعوا يبسروا مابه وضربوا رصاص 🔫 للجو ..


سهيل : ابسرهم بيضربوا خرج مسدسه 🔫 يشتي يرمي ..


هاشم : مسك يده وسحب المسدس 🔫..


الحرس : حملوا مسكوا سهيل وبيسحبوه يدخلوه للسفاره 🏣..


هاشم : وقف بيحاول يتفاهم معاهم ويشرح لهم الموضوع وانه كندي والبلاغ الي قدمه أيمن ..


مسؤل من السفاره : خرج ودخلهم يشوفوا ايش الموظوع بعد ماعرفوا انهم كنديين دخلوا أيمن وهاشم وطبعا تشارلي وسهيل لانه اعتدى ع مواطن كندي ..


يوسف: خارج فالشارع مراعي وقلبه ❤ بيفور خايف ع ابنه و سندس ..


الحج أحمد : بيصيح 😡 ذلحين إبنهم شل بنتنا وعادهم عيحبسوا ابننا حين بيدافع ع شرفه ..


يوسف : هم حقهم حق يا أبه
مايشتوش أحد يمسك لهم طرف لكن إحنا دمنا رخيص وذلحين يعلم الله كم عيجلسوا داخل عيجلسوا يحققوا ويبعسسوا ..


........ ........ .........


بعد أذان المغرب 🕌..

في بيت علي ..

علي : روح وكأنه ماحصل شي دخل البيت طبيعي وبيداعي من الباب ريم ياريم ادي لي قلص شاهي ☕ أفسخ القات ..


ريم : كانت جالسه هي وامها في الغرفه حقها بيتجابرين ..


أميره : إبسرتها وتنهدت بزعل 😞 قدوذا شرف ..


ريم : مسكت يدها ✋🏻 قوى ماما ابردوا لكم بس لاتغثوش نفسكم ولاعاد تفعلوا لكم هدار ما مكتوب لي من الله عيسبر ولو هذا نصيبي قدهو لا أعتراض ع حكم الله ..


أميره : الله يديلش ع قدر نينش يابنتي ويخارجش من كل ضيقاء ..


ريم : دخلت بالشاهي لاعند أبوها ☕ وهي زاعله 😔 حطته فوق الماسه وخطيت ..


علي : بهنجمه 😡 ييييه عادهي عتعنص وتقفي اسمعيني بعد بكره الخطوبه قال الرجال ماتشتي يشتري لش حق الخطوبه الذهب والحاجات👑👗💍 هو ولا يديها زلط مليون ونص وعتشتري لروحش ..


ريم : نزلت دمعتها 😢 وقفت الي تشتوا فعلتوه ..


علي : مسك قلص الشاهي ☕وارتزح عرض الوساده ... خلاص زلط زلط احسن 💵 عتنفعنا نوفي فوقها ونعمر فوق البيت ماتفعلي بالخرق والشناتر كميا قلافد معش عنشتري لش منها دبله 💍 ...


ريم : تنهدت بحرقه وزعله وخرجت 😔...



🌹meme_abdalgaleel


@qesasanani

بارت 28 🏡


في بيت تشارلي 🏠..


سندس : تشتي تخرج من الغرفه تبسر تشارلي لو قد جاء بس خايفه من صاحبه 😰 ما ارتاحت له وقلبها مقبوض 💔 .. جلست متردده تخرج او لا رجعت فتحت الباب شويه وخرجت رآسها بتصيح تشارلي أنت هنا ...


صاحب تشارلي : سمعها بتصيح خطي لعندها وقدهو سكران 🚶🏼 وبيبتسم لها 🙂 أنا هنا فقط دعيه وشأنه ..


سندس : إفتجعت منه وتشتي تغلق الباب في وجهه 🚪 ..


صاحب تشارلي : مسك الباب 🚪بيده وحوزها ... وبيتفرجها 👀 كم تبدين جميله ...


سندس : دهفته وبتحاول تغلق الباب 🚪 أخرج من هنا وبتصيح 😡 سوف أخبر تشارلي ..


صاحب تشارل : دهف الباب بقوه وصيح فوقها😡 ودهفها ...


سندس : إبسرت قدامها قاروره 🍾 حملت مسكها وبتصيح أخرج من هنا ..


صاحب تشارلي : واقف عند الباب بيتفرجها ويضحك 😂 كم أحب الفتاه الشرسه ..


...... ....... .......


في الشارع ...


فوق التاكسي 🚖..

ليلى : جالسه وراء هي وأمها لو زيد خليتونا نتعشاء خارج 🍱 ماكان عيقع بكم ..


عفاف : يابنتي حرام ع أخوش لاعد نخليه يهم الصاريف قيمه العشاء🍱 حق السوق عتكفينا صرفه ..


ليلى : تنهدت بزعل 😔 والله أن أبي ظالم عيدخل جهنم معيش عياله الباقيين في راحه وفهنه وإحنا نجلس نهم ونفكر في كل شي ..



في السياره الثانيه 🚘 ..

أيمن : بيسوق السياره وهاشم جنبه .

2 حرس من السفاره : جالسين وراء ومعاهم تشارلي ..

طبعا يوسف والحج أحمد عند السفاره مراعيين يكملوا الإجراءات مع سهيل ..


أيمن : بيسوق وحسه مشهو معه مطنن 🤔 في أخته بيهمها خاصه بعد ماعرف إنها فالبيت وحدها مع صاحب تشارلي يشتي يلف يمين لف يسار ..


صاحب التاكسي 🚖: ع خرجته من الشارع الفرعي دق فيه ..

أيمن : وقف ونزل بسرعه 🏃🏻 يعتذر ام سوووري آسف آسف ..


صاحب التاكسي : نزل يبسر سيارته 🚖 بيتفقدها خلاص حصل خير الحمدلله ..


هاشم : كان عينزل من السياره يعتذر لهم و
إبسر السياره 🚘 من بعيد مابش فيها شي قال والحمدلله حصل خير وماعد نزلش .


سامي : بيبسر وإنهو أيمن أبسره عرفه وضحك 😄 ونزل بيسلم عليه يا اخي أنت ما القاك الإ في نثره ..


أيمن : قلق ع اخته😰 .. سلم عليه بسرعه اهلا ارجع اتصلي الله يخليك بس ذلحين مستعجل قووي معانا مشكله ونتواصل وطلع بسرعه فوق السياره ..


ليلى : بتتفرج من الطاقه ابسرت أيمن عرفته 😄 وفرحت بتجابر نفسها يووه محلاه ليش الحظ بيحطه في طريقي كل مره ..


عفاف : بتداعييها .. يييه هيا مه ماوقع ..ييييه ما انتبهتش للسياره تبسر من فيها ولا عتستضي لانه عشي ونظرها قدهو ضعيف 🌑 ..


ليلى : لفتت لها مطننه هآااااه 🤔 ماهو..

عفاف : فتحت عيونها 🙄ماهو ماهو اينهو حسش ..


سامي : طلع فوق السياره .. لفت لامه الحمدلله حصل خير ماتعورتش السياره وبيحاكى أمه من أيمن انه لقيه فالمطعم ..



أيمن : طلع فوق السياره🚘 وخطي يوصلوا لبيت تشارلي بعد ما تفاهموا فالسفاره وارغموا تشارلي إنه يرجع البنت لأهلها لأنها ماقد بلغتش السن القانوي باقي لها 3 شهور وبعد ال3 شهور مش مسؤولين ع تصرفاتها ..



@qesasanani

بارت 29 🏡


في بيت الحج أحمد ...


ناديه : بتصيح وتبكي 😭 يوووه ياربي طمن قلبي ع بنتي ...


ساميه : بتهدائها .. الحمدلله يا اختي قدوذا قالوا لقيوها اوذا قد ساروا لها ...



ناديه : 😭ماعيرتاح قلبي ولا شهجع الإ لما أبسرها قبالي مدراش لو يسيروا للبقعه الي قالوا لهم وماعد بحدهي ..


سمر : زاعله ع عمتها😔 بس في نفس الوقت فارحه في سندس إنهم عيردوها ... يوووه ياعمه قد بينهم ماعيفعلوا بها عمي وأيمن وأبي الي فعلته مشهو شي بسيط ..


سهى : دكمتها بيدها وبهررت 🙄 فوقها اووص مالش من الخباله تزيد تجننيهم ..


ناديه : بتتصل لهاشم تبسر مافعلوا بتحاكيه وقد صوتها مشحب بكاء 😭 هيا مه لقيتوها ..


هاشم : بيحاكيها بصوت مكظوم بس بيحاول يكابر .. قدحنا فالطريق لاتقلقيش عنديها ونروح ...



........ ....... .........


في بيت تشارلي ...


سندس : مسنبه عرض الجدر في يدها القاروره 🍾 وبتبكي .. لاتقترب مني ..


صاحب تشارلي : بيخطى 🚶🏼لاعندها سمع👂🏻 فتحت الباب وصوت تشارلي بيصيح ..


تشارلي : بيصيح سندس أين أنتي ..

هاشم : دخل بسرعه وقلبه بيدق ❤ بيدورها ويصيح سسسندس ..


أيمن : حمل بسرعه 🏃🏻 للغرف بيدورها إبسرها واقفه بتبكي عرض الجدر والقاروره في يدها 🍾 مفتجعه وصاحب تشارل فالغرفه وسكران افتجع ع اخته حمل لعندها ..


سندس : إبسرته فرحت وحملت ارتجمت في حضنه وبتبكي 😭 أيمن روحني من هانا إشتي بيتنا ..


هاشم : دخل إبسرها قدامه تنهد 😔 بقدر ماكان دمه بيفور وقد عيجنن وناوي لها 😡 أبسرها قدامه بخير وأطمن عليها هزرها من حضن أخوها وحضنها بقووه ودموعه بتنزل ..



سندس : بتبكي 😭 أم سووري دادي آسفه ...


أيمن : خطي لجنب صاحب تشارل وعيونه كلها شرر ونار ⚡🔥 مسك يده كان ناوي يضربه 👊🏻 عليك أن تشكر الله أن أختي لم تصاب بأذى وفلته وخطي ..


هاشم : شل بنته👫 وخرج بعد ماشكر حرس السفاره واتصل ليوسف يقله إنهم لقيوها خلاص ..


يوسف : يله تمام إخطوا لبيتنا. وإحنا قد عيخرجوا سهيل ذلحين ونلحق بس بيكتبوا عليه تعهد ماعاد يتهجمش ع احد منهم ...



....... ...... .......


في بيت توفيق ...


ليلى : من حين وصلت البيت وهي فارحه دخلت المطبخ تفعل العشاء 🍳 وفاتحه لها أغاني بتغني 🎼 وبتفكر في أيمن ..


سامي : دخل لعندها بيصافدها ويطفي عليها الأغاني 🎼 الله الله ع أختي الرايقه ايش الروايح الحاليه هذه الله يجعلش فارحه هكذا ع طول شاكن أشلش الجامع 🕌
تصلي يوميه ..



ليلى : إبتسمت له 😄 هاه مابلا نكن نصدم يوميه ..


سامي : إستغرب 😳 مافهمش كلامها .. ومادخل الصدمه تفرحش ..


ليلى : ضحكت هههه 😂 مابلا الدكمه ردت عقلي عليا .. وبتطعمه العشاء 🍳 هيا إطعم إطعم قدنا حميش ..


سامي : حميش ونص هيا اقطبي قربي لنا قدنا جاووع 😄 أمد ما اتصل لصاحبي ..


ليلى : 😇 فكرت بسرعه .. هاه ايووه وادي لي تلفونك بعد ماتكمل📱 اتصل لصاحبتي بسرعه اشتي اسألها ع درس لبكره بس ماعادبش معي رصيد ..


....... ....... .......



طبعا طول الطريق فوق السياره وسندس جالسه وراء بتبكي 😭 ولا فتحت فمها ..


هاشم : حاسس كل هموم الدنيا فوق رآسه 😔 وبيفكر في بنته وأيش كان ممكن يحصل فيها ..


أيمن : بيسوق وبيتذكر المنظر حق أخته وهي واقفه خايفه 😰 وصاحب تشارل قدامها ويحمد الله إنهم لقيوها وخايف لو تفكر تعيدها مره ثانيه ..


🌹meme_abdalgaleel


@qesasanani

بارت 30 🏡


في بيت الحج احمد ..


ناديه : مراعيه لهم عند الباب أيحين عيوصلوا بتبكي 😭 ..


سندس : دخلت بتخطى 🚶🏻‍♀ بعد أبوها بخطوات مكسوره وهي موطيه رآسها 😔..


ناديه : إبسرتها حملت تحضنها وتبكي لييبيش هكذا ليش فعلتي هكذا وإطرحت فالقاع بتبكي 😭..


ساميه : مسكتها خلاص يا أختي الحمدلله ع سلامتها حين قد روحت بخير إذكري الله ..


سمر : بتتفرج بإستغراب 😳 مراعيه أيحين أحد عيضربها ...


أيمن : دخل سكته رجم دواير السياره وحط رآسه عرض الجدر 😔..


هاشم : جلس فوق الكنبه ساكت مطنن 😞..


سهيل ويوسف والحج أحمد وصلوا ..


سندس : جالسه فوق الكنبه الثانيه بتبكي مفتجعه 😭 .


سهي :جالسه جنبها فوق الكنبه بتحاول تهدائها ..


سهيل : حمل قبلهم ودخل من الباب 🚪 إبسرها قدامه ماتمالكش نفسه ولا أعصابه 😡 مسكها هزرها بيضربها ويلطومها 👋🏻 .. ورجمها للقاع بيخفعها أنتي ماتخايلش عتفعلي تبدعي بنا وبسمعتنا مشنتي حره تخطي ع حل شعرش مشنتي في كندا ..


سهى : بتحاول تفرع ..

أيمن : حمل بيمسكه ويصيح فوقه 😡 يا أخي فلتها ويهزوره ..


هاشم : بيتفرج سكته مبلوود ولا قادر يتكلم .😧.


ناديه وساميه : حاولين يهزرنه من فوقها ..


سمر : واقفه عند باب المطبخ 🚪بتتفرج وفارحه فيها ..


سهيل : دهف أيمن بعصبيه 😡 عادهو بيفارع ويدافع عليها بدل ما تقتلها ولا قد اكلوكم لحم خنازير 🐷 ماعد بش عندكم غيره ع أعراضكم ..


يوسف : سمع صوت الصياح 😡 دخل ومسكهم ويصيح فوقهم ..


سهى : شلت سندس ودخلتها غرفتهن ..


الحج أحمد : مسك هاشم ويوسف👬 ودخلهم الديوان يجابرهم ..


أيمن : فلت سهيل ودخل بعد أخته للغرفه يبسر ليش فعلت هكذا ويفهم منها الموظوع ..


هاشم : دعى ناديه ..سيري إدي جواز بنتش واوراقها 📑 من عندها ..


ناديه : دخلت لعندها بدون ماتكلمها فتحت شنطتها 👜 ابسرتهن وجنبهن زلط 💴 شلتهن سكته وخرجت من الغرفه ..


سندس : بتبكي 😭 وتحكي لأيمن ليش فعلت هكذا وإنها ماقدرتش تعيش وتتأقلم فاليمن وبتحس كلشي جديد عليها وتشتي نفس عيشتها هانا حست نفسها تربطت وكل شي ممنوع بعد الحريه الي كانت متعوده عليها ..


سهيل : فلتهم وحنق ودخل غرفته ..



....... ........ .......

في بيت توفيق ..


بعد ماكملوا يتعشوا ...

ليلى : هيا عتدي لي تلفونك 📱 أتصل لصاحبتي ..

سامي : يووه راعي دقايق بس أتصل لهذك الشاب الي لقيناه فالمطعم أيمن الكندي هو اليوم الي صدمنا وكان شكله مربوش قوي قال معاهم مشكله راعي أطمن عليه عيب قد قلي اتصل له📱 ..


ليلى : ابتسمت وحست قلبها بيدق بسرعه ❤ وجلست واقفه تشتي تسمعه وهو بيجابره ..


سامي : خرج تلفونه 📱 يتصل له بيرن مابيردش رسله أنا سامي الي لقيتك فالمطعم لما تفضى كلمني..


ليلى : شلت تلفونه 📱 تتصل لصاحبتها وسجلت رقم أيمن في تلفونها تحتفظ به ..


@qesasanani

بارت 31 🏡


يوووم الجمعه ...


في بيت علي ...


ريم : في غرفتها قد عتقرح بكاء 😭 ومغلقه ع نفسها الباب 🚪 خلاص كلشي إنتهي ومستقبلها وأحلامها كلها تبخرت في الهواء خلاص من اليوم إسمها عيرتبط بإسم شخص عمرها مافكرت للحظه إنه يكون نصيبها ولا إنها تتزوج بشخص بعمر أبوها ...


أسامه : بيدقدق لها باب الغرفه 🚪 وهو مقهور ... ريمي ريييم إفتحي لي ..


ريم : قامت من فوق السرير ومسحت دموعها بيدها 😭 وحاولت تكابر ماتشتيش تحسس أخوها بكسره قلبها 💔 فتحت له الباب وحاولت تتصنع الإبتسامه ..


أسامه : بيتفرجها سكته وقد قلبه عيقرح 💔 مسك رآسها وحبه 😘 سامحيني يا أختي ماقدرتش أفعل شي ولا أوقف ضد أبي واليوم خطوبتش 💍 غصب عن الكل ..

ريم : مسك دموعها وإبتسمت مكابره 😢 ليش تزعل خلاص عادي أصلا هذا نصيبي من الله وبعدا مدراك يمكن الله يشتي أخرج من عبد بابا ويعوضني به يحبني واحس معه بحنان الأب والزوج بس إشتي منك طلب واحد إدخل لعندهم قدام الرجال كلهم قله أختي لها شرط واحد تشتي تكمل دراستها فالمعهد وتدرس جامعه ...


أسامه : وعيونه كلها دموع 😢 تمام حاضر بس قوى لاتجلسيش وحدش سيري عند أمي لاتفلتيهمش قد قلبهم عيقرح عليش 💔 .

ريم : تمام اوذا شاسير بس أنا فلتهم ودخلت غرفتي ماقدرت للقانه ليلى بنت خالتك وشماتتها فيني .😔..


أسامه : إبردي لش منها بس سيري عند أمي وخالتي لاتجلسيش وحدش ولا شجلس أنا عندش ...


ريم : مع خلاص اوذا شاسير أنت أدخل بس قله شرطي ...


....... ....... .......


داخل عند الرجال فالديوان ..


سامي : بيتفرج العريس بربع عين 😏ودكم محمد بصوت واطي إنا منكم صدق عتزوجي ريم بهذا الشيبه يا أخي حرام عليكم ليش عتظلموا البنت هكذا ...


محمد : قدهو ضابح 😤 عيقرح لفت له يا أخي قوى إسكت لاعاد توفيهاش قدنا شطفح وقد قلبي عيقرح 💔 لو عتقدر أنت تفعل شي فعلته إحنا ماعد قدرناش في أبي وقد حصلت مشاكل وفالأخير خطبوها 💍غصب عن الكل ...


سامي : تنهد 😔 حسبنا الله ونعم الوكيل والله إنه ظلم خيره الله ...


أسامه : دخل الديوان وجلس جنبهم بيتفرج أبووه لأول مره يحقد عليه هكذا 😡 ولفت للرجال 👀 أختي معاها شرط ..


علي : لفت له بسرعه وبهرر فوقه 🙄 لاتصددقش مابش معانا شروط ..


أسامه : رفع صووته .. وبنغمه تحدي اااااالإ عادنا جيت من عندها ومعاها شرط ولا مشهي موافقه ع الخطوبه 💍...


علي : بيتفرج له بنظرات 😖 وياشر له بيده 👌🏻 تهديد أنت عتبسر ..


الرجال : شروطها أوامر أنا موافق بدون ما أعرف ..


أسامه : أختي تشتي تكمل دراستها فالمعهد وتشتي تدرس الجامعه 🏫..


الرجال : ضحك هههه 😃 ماهذه بسيطه امرها سهل تقراء ماعليها والجامعه عتكن تسير مع بنتي موافق عاد معاها شروط ثانيه ...


محمد : لفت له بسرعه 👀 أيوووه هذا شرطي أنا أختي تجلس في بيت وحدها مش مع مرتك وجهالك وتدي لها شغاله ..

علي : رجم محمد 🌿 بعودي من القات .. لا لا تصدقه انت حر كما قدهي عندك اتفقوا وسدوا ما تشتوا تفعلوا فعلتوا ...


أسامه : لفت للرجال 👀 وطنش كلام أبووه ... أيووه صح أنا مع أخي وهذا شرطنا ...


الرجال : طييب حاضر موافق شروطكم كلها ع عيني ورآسي ..


سامي : دكم محمد بيده وزد قله العرس بعد ماتكمل هذه السنه حق المعهد احتياط ..


محمد : هاه .. ايووه ايوووه والعرس بعد ماتكمل المعهد يعني بعد سنه ..


الرجال : هز رآسه إن شاء اللع هو تقريبا هكذا لأن عاد معي سفريه وعمل ..


...... ...... ......


في بيت الحج أحمد ..


ساميه : والله ان هذه الجمعه ضبح قد تعودنا ع عمتكن تجي يوم الجمعه من الصبح تتغداء 🍱 هي والعيال ..


سمر : بتأكل شوكلاته 🍫 أصلا أكيد ياماما ماعيفلتوش سندس فالبيت وحدها بعد الفعله الي فعلت وماعيجوش لأن عمو هاشم حارمين سندس تخرج من باب البيت ..


سهى : مش مركزه معاهن في يدها التلفون 📱بتتفرج الفيس بوك حق أيمن عادها إبسرته صديق عند سهيل بتتصفحه 😃 وتبتسم وبتفكر تفعله إضافه أو لا ...


سمر : خفعتها بالوساده حق المدكى يييه زعكمه مالش مشخره وفاتحه فمش 😁 مالش ماتشاركينا فالمجابره ..


سهى : صاحت .. آآح.. انا شاوريش مالش بتخافعي ماتشتي ..


سمر : ضحكت وغمزت لها 😉 ههه مابلا إشتي تركزي معانا مش تطنني فوق هذا ...


ساميه : يابنتي صدق امانه أطرحي التلفون 📱 من يدش وخلينا نتجابر يووف والضبح ..

سمر : هيا قوموا نخرج الحوش وأنا أسير افعل لنا تنفاش 🍿 وشاهي حليب نتواله ..


سهى : يله هيا تمام قوموا نخرج صدق .. وفعلت إضافه لأيمن فالفيس بووك 😉...



إيش قصتك يا أيمن بنت خالك معجبه فيك وليلى بنت عمتك بتحاول تدور طريقه توصلك وانت ياعالم من عتختار منهن ؟؟؟؟



@qesasanani

بارت 32 🏡


في بيت هاشم ..


هاشم : جالس داخل مخزن وقدامه الأوراق حق المشرووع 📄📃 مندشه منسجم بيحسب ..


ناديه : دخلت تجلس عنده .. بتبسر الأوراق 📃📄 ابتسمت له ☺ الله يعينك ..


هاشم : رفع رآسه وابتسم لها 🙂الله يعين الجميع .. مالش ماتخرجي مع العيال تغيري جوو ..


ناديه :تنهدت 😔 ماسخيتش ع سندس حرآم أخرج وهي فالبيت محبوسه ..


هاشم : إسهل خليها تتعاقب و تحس بغلطتها والله ان قلبي بيوجعني 💔 ومقهور قوي كل ما اتذكر الي فعلته لو مالحقناهاش وقدرنا نرجعها ماكان عيحصل الحمدلله أن سهيل عرف الرجال ولا كانت بنتنا عتضيع 😔...


ناديه : اللهم لك الحمد والشكر لكن والله إني قلبي بيتقطع عليها 💔 محد فينا بيحاكيها حتى سام مانعه يدخل لعندها وجالسه محبوسه في غرفتها والله إن الأكل 🍱 بترجعه ع ماهو ولا بتأكل منه شي ..


هاشم : إسهل ماعتموتش تحمد الله إني عاقل واخوها مشهو مجنون ساع سهيل ولا لوهو واحد ثاني إنه قد طفحها إبسرتي سهيل مسكين ماقدرش يتحمل وهي غير بنت عمته ماعاد لوكانت أخته والله أنه قتلها 🔫..


ناديه : يله الحمدلله قدر ولطف اهم شي تخبي الاوراق والجوازات سواء ماعد قدرناش لفعله ثانيه ...


هاشم : والله إن قد فكرت اشططهن وطز فيها جنسيه بس ماعاد سخيتش قلت مع حرام تنفعهم لمستقبلهم وبنتش أعتقد إنها عتدكم رآسها وتعقل ذلحين بعد ماجربت بنفسها ماكان عيقع بها وزيد ماعد بش معاها تلفون 📱 ولا كمبيوتر يعني ماعاد عتقدرش تتواصل بأحد هاناك ..


ناديه : أيووه الحمدلله أهم شي ذيه مارك ماناش داريه مامشعب له في بنتي فلت بنات كندا بكلهن ومالقي الإ سندس ...


هاشم : الحمدلله ذلحين قومي امانه اديلي قاروره 🍾 ماء بارده ثلج قدنا عاطش ونسيت ما ادخلي ع القات ...


ناديه : قامت تديله ماء 🍾 وع خطيتها سمعت صوت بكاء من غرفه سندس 😭 حست إنها مقهوره بس دعممتها علشان تتعاقب ..


...... ...... ......

في الكوفي شووب ..


أيمن :جالس فوق الكرسي وبيتفرجهم 👀.. يا أخي إيش الجنان هذا أمانه الشعب كله قدهو بيشرب شيشه 🚬 حتى أنت ماكنتش داري إنك أول ماعتوصل ماعتطلب الإ شيشه ...


سهيل : بينفخ الدخان حق الشيشه لاوجه أيمن 😤 وهو بيضحك يا أخي خلينا نفتهن بيجي موت وبعدا شعب مسكين مظلوم من بين بقيه الشعوب خليه يخرج ضبحه فوق الشيشه ...


أيمن : المشكله فيكم هي هذه حتى البنات يا أخي إبسر أمانه قدهن بيشيشين حتى في الكوفي شوب كيف كانين بنات اليمن يستحين ماذلحين ماعد بش فرق بينهن وبين العيال ..

سهيل : اشر له بيده 👋🏻 مافهمك انت اصلا هذا هو التطور الشيشه برستيج ههههه ..

أيمن : والله ماهو التطور الإ أنه بدل الوقت والفلوس الي عتضيعها في القات والشيشه إنه بدلها تنمى مواهبك تهتم بصحتك وتشغل عقلك 😇 وكل واحد ينجح في مجاله من هانا عتطور بلادك مش تروح من جامعتك او عملك تخزن وتشيش لاثاني يوم وتسير تفعل نفس الشي وع هذا الروتين يوميا عتضيع حياتكم وما أنجزتوا شي ..


سهيل : هيا ناهي لك خرجنا نفتهن ولا نسمع مواعظ امانه أطعم ع حلا شللك نخس وبيمكنه الشيشه 🚬..


أيمن : ضحك هههه 😂 وقلك نفسه يسافر عند شعب مطور والله لو الشعب اليمني يطلعوه الفضاء مايتغير لانه اصلا هو مايشتيش يغير نفسه يومه كله ملاحقه بعد بطنه وأين عيخزن بدل مايفكر ماعيفعل وماعينجز ومايخترع قد بابا من حين رجعنا وهم بيخزنوا ..


سهيل : هو ماعيسبر المشاريع الإ القات مادراك أنت خزن يوم وعتبسر الفرق ..


سام : بيشرب العصير 🍷 حقه ويسمع كلامهم عجبته الفكره .. لفت لسهيل ..👀 وأنا وأنا اشتي اهزن قات ..


أيمن : ضحك عليه 😂 أطمن مستقبلك باهر عند هذا الشعب ههه وسمع رنه ماسج في تلفونه 📱 خرجه يبسر من لقي رساله مكتوب فيها ( مساء الخير أنا يمكن أكون أزعجتك برسالتي هذه بس من يوم المطعم وانا بينحاول اشل رقمك علشان أعتذر لك ع الي حصل وانه أخي فهم غلط وصيح فوقك بسببي فقررت ارسلك أعتذر بنفسي لأنه باين عليك إنسان محترم وعقلك كبير وماعتفهمنيش غلط ) ..


سهيل : بيأشر 👋🏻 لأصحابه الي جو يجوا عندهم ..


أيمن : إبتسم 🙂 ورسل لها (ههههه دووونت ووري قد نسيت والله وبعدين كويس جت فرصه اتعرف فيها ع صديق جديد كويس إنش ذكرتيني علشان أتصله واكلمه ) ...



🌹meme_abdalgaleel


@qesasanani

بارت 33 🏡


في بيت علي ..


ريم : جالسه سكته ومطننه 😔 زاعله ..


أميره : رابطه راسها بيوجعها 🤕 من كثر القهر ..


عفاف : بتحاول تخفف عنها .. يا أختى دلا ع روحش قد واحد مايفعل قدهو نصيبها وبعدا اوذا قالوا الرجال مفتهن ومرتاح معه زلط خيرات 💴 عيعشيها عيشه حاليه..


ليلى : لفتت لريم بربع عين 😏 ذلحين سعم منش صدق زاعله ولا بتفعلي حركات لحد يمرعش إطمني إطمني والله مانحسدش إنحنا فارحين لش قالوا معه بيت يجنن🏘 فله كبيره وزلط يعني فهنه وراحه ياخبلاء ...


ريم : إبسرتها بضبح 😤 وقامت .. ماما اوذا شاسير أتصل لغيداء أجابرها شويه قدنا ضابحه ..


ليلى : غيوزت عيوونها 😏 يوووه ضاابحه وأحنا عندش ولا مشحنا قد المقام جزاتي الي فلت حقي المذاكره وجيت أبارك لش وخرجت تلفونها 📱 بتقراء رساله أيمن وتبتسم 🙂 وتجابر نفسها .. لازم ألقى طريقه واخليه يحبني ويخطني أسافر معه كندا واتزوج به أحانك ريم إنه تزوجت بواحد أحسن من زوجها ...


...... ..... ......


بعد حوالي إسبووع ...

بعد العصر ..

أيمن : بيتفرج مواقع فالنت وع التوت البري 🍇 وذكر ع طول بيت جده زمان كيف كان ملان شجر توت وكان كل مايسير مع أبوه عند جده يجلس يقطع له ويأكل .. قام لبس ع طول وبدل 👖👕 وشل دواير السياره يسير بيت جده ...



ليلى : جالسه فالبيت وحدها 🏘 ضابحه أمها سارت عند الجيران جلست مطننه 🤔 بتفكر ماتفعل رجعت مسكت تلفونها 📱 وفتحت رقم أيمن وضغطت إتصال 📞..


أيمن : فوق السياره في طريقه لبيت جده .. ماكانش مسيف رقمها شاف اتصال 📞 رد عليها ألووو.


ليلى : إبتسمت 🙂 وحست قلبها بيدق بسرعه ❤ وقوه مشهي مصدقه إنها سمعت صووته ..


أيمن : ألووووو ..


ليلى : بصوت خازي محرج متقطع 😊 أيمن كيف حالك ؟؟


أيمن : بإستغراب 😳 الحمدلله من معي ؟ .

ليلى : معك ليلى ليش ماسجلتش رقمي ..

أيمن : عفوا من ليلى ؟

ليلى : أنا ليلى أخت سامي الي فالمطعم ..

أيمن : آها .. كيف حالش وكيف سامي والله إني كل يوم اقل شتصله وماقد لقيت فرصه ..

ليلى : ضحكت بخزا ☺ ههه وعتقول أنا فاضيه ومعي فرص أكلمك ويمكن تفكر إني بنت أي كلام صح يله لقيت رقم واحد تكلمه ..


أيمن : ضحك وحك رآسه 😂 ههه لا والله مافكرت هكذا أبدا أنتوا المشكله الي فاليمن كلكم تربيتوا ع هذا الأساس إنه إذا أحد كلم أحد ع طول قدهو إنسان سئ بس في شي إسمه زماله صداقه إحترام يعني كل شي وله حدود ..

ليلى : تنهدت ارتاحت 😌 أيووه هو هكذا شعبنا تفكيره غلط ع طول مع انه اتصلت لانه اشتي اعتذر بس جالسه خازيه ومحرجه منك خاصه لما زيد دريت انه انت الي صدمتنا هذك اليوم قررت اتصل ..


أيمن : لا والله خلاص عادي قد كلمتش مافيش شي ..


ليلى : أنت يمني صح بس مغترب اصلا باين عليك ..

أيمن : أيووه وبداء يكلمها ويجابرها من نفسه وإنسجموا مع بعض ..


سمر : كانت بتتصل له علشان يجي لسام يروحه لانه كان راقد عندهم وتلفونه مشغول حوالي نص ساعه لفتت لسهى 👀 يعلم الله من بيجابر من اول وهو مشغوول يامسكينه هذا شكله بيجابر المزه حقه في كندا هيا اقطبي ياخبلاء حاولي تشليه عليها قبل ماتشله عليش أي واحده غيرش ...


سهى : ضبحت 😤 وتغيرت ملامحها .. وانا مادخلني اصلا منه يجابر من يشتي اوووف وفلتت وقامت ..

سمر : ضحكت عليها وبتحانكها ... ناهي ياماعليا منه أصلا شكلش مفضوح وباين 😜 ..


سهى : ابسرت قدامها الكره ⚽ حق سام مسكتها ورجمتها بها ... سامجه وفلتت وخرجت تجرب تتصله صدق تقله من سام اتصلت وهو مشغول
زعلت وبداءت تفكر في كلام سمر 🤔..



تقوولوا إيييش ممكن يحصل سهى عتفكر في كلام سمر وتحاول توضح لايمن مشاعرها ولا أيمن عينسجم مع ليلى وممكن يحبها ؟؟؟


🌹meme_abdalgaleel


@qesasanani