بارت 182



بعد العصر ...


في الحديده 🌊...

نوال وعبدالصمد : فالسووق بيشتروا حاجات ..

عبدالصمد : ابسرت ملابس الأطفال وبيتفرجهن مبتسم 🙂..

نوال : هيا ماقد معانا واقفين هانا 😉..

عبدالصمد : ابتسم ☺ حاليات صح عاد لما يلبسوهن عيطلعين أحلى صح ..

نوال : فهمت قصده ضحكت ☺ أيحين ما اراد الله عيجوو .. وفي نفسها آااح بس لو تدرى ان معك 2 عيال مثل القمارى ...

عبدالصمد : هيا مال القمر طنن 🤔 ..

نوال : هآه🙂 ولا شي .. يله هيا شرق عادحنا نشتي نسير السوبر ماركت نشتري حاجات ناقصه مدام سمير ومرته عينزلوا بكره ..

عبدالصمد : ايووه هيا ..وبعدا نشتي نتجمل معاهم ونعزمهم عندنا والكل ابسرتي مافعلوا لنا ..قدتراشيته يجو يجلسوا عندنا مارضيش سمير قال مابلا اخلي أحد ينظف بيته 🏠..

نوال : 😃مالك الإ أحلى عزومه وغداء يوصلوا وقد كل شي جاهز ...

عبدالصمد : ضحك 😂هههه تذكر سمير كيف كان يجلس يعجبه أكلها ويتحيلى لها ووقعت له صرعه قوويه لما عرف منهي وخزي منه ..خطيوا وهو بيجابرها ماكان يقل عليها 👫...

....... ......

في صنعاء ...


فوق السياره 🚘..

هاني : بيسوق وآيه جنبه ..

آيه : جالسه مفتجعه 😰 بتتلفت يمين وشمال لحد يبسرها ..


هاني : ضحك عليها 😂ههه مالش بتتلفتي لاتفتجعيش محد عيبسرش السياره معكسه ومد لها يده 👋🏻 تمسكه

آيه : هآه ...ماهو مالك وبعدت يدها 👋🏻

هاني : ضحك عليها هههه 😂 ماهو مالش مرتي امسك يدها ..

آيه : خزيت ☺ مع .. اسهل لما نتزوج قدامهم كلهم ...

هاني : ضحك😂 هههه وجالس بيمد يده 👋🏻 انا فدال الي بتخزا .. هيا تعبت يدي يله امسكيها ..

آيه : مدت يدها تمسكه وهي بترتعش 👋🏻..

هاني : مسك يدها وباسها 😘 .. معي لش مفأجاءه حاليه ..

آيه : موطيه رآسها ☺ ماهي ..

هاني : شاوريش لما نوصل الشقه ..

آيه : بخوف 😰 شقه مه انت قلت عنسير مطعم ..


هاني : قلت في المطعم ماعنقدرش نجلس نحتفل براحتنا معانا شقه فاضيه قلت نسير فيها


وصلوا الشقه وطلعوا ..

هاني : بيفتح الباب 🚪..


آيه : دخلت وهي خايفه 😰 ابسرت قدامها جو يجنن ورود 🌹🌹 وشموع 🕯🕯 وترته 🎂 ابتسمت .

هاني : هيا مه عجبتش المفاجأه .. ابسرتي انه احلى من المطعم 😍..

آيه : سكتت خزيت ووطت رآسها ☺..


........ ........


في المستشفى 🏨..

عادل : يا أحمد قوم روحهم مابش لجلستهم هانا فايده انا شجلس عنده أنا ..


رزق : بيبكي 😭 ماشي قوى مشتيش اروح إشتي أجلس عند أبي ..

عادل : مسكه من كتفه أبوك الحمدلله بخير لاتبكيش قال الدكتور للصبح ونخرجه . أنت سير ذلحين استأذن من خالتك رجاء وشاخلي أحمد يشلك عند هبه انت وياها ..

رزق : قلوا والله يعني عيفتهنوا .

عادل : إن شاء الله .. يله سير حاكيها ..

رجاء : كانت بتحاكى أحلام فالتلفون 📱 بتتطمن عليها وتقلها ماحصل معاهم وان عبدالكريم طرد عادل ..

رزق : قاطعها .. ياخاله قالوا عمي عادل نسير بيتهم للصبح وعيخرجوا ابي ..

رجاء : شاقوم ابسر ماهو وشرجع اتصلش ..

........ .....
في ذمار ....


صالح : جالس مخزن وهو مقهور 😔 بيتفرج طارق بنظرات حسره وألم انه ظلمه هو وأخته طول هذه الفتره وسمع كلام خيريه ...

الشيخ قناف : ابسره مطنن 🤔 اذكر الله يا أخي مالك مطنن هكذا المفروض انك تحمدالله وتشكره انك دريت ان بنتك مظلومه ..

صالح : تنهد 😔بعد مه يا اخي بعد ماقد عيشتها وزوجها في رعب وتغربوا وسافروا من بلادهم بسببي ..

طارق : اسهل يا أبه لاعاد تقتهروا ولا هذا قدر الله ..

صالح : سامحني يا أبني ع كلشي .

طارق : ربي يسامحكم دنيا وأخره ..

يونس : مسك يد طارق 👋🏻 وأنا سامحتني ..

طارق : حط يده فوق يد يونس 👋🏻 ما انا مسامح لك الي صدق تطلب سماحه نوال اختك ..

الشيخ قناف : بهرر فوقه 🙄 ووين عيلقى أخته يعلم الله أين قدهم بعد ما اتصلوا لك انهم فالسعوديه أهم شي يطلب السماح من رب العالمين ..


طارق: فهمه سكت ع طول 🙊.


........ .......

العشي 🌚 ..

بعد ماهاني روح آيه خرج تلفونه ورسل لصاحبتها 📱 صوره وجه مبتسم 😄 الاتفاق الي بيننا مثل ماهو وبكره الصبح وال100 الف ريال عندش ...

صاحبه آيه : رسلتله 😄 شكرا وأي خدمه ثانيه أنا فالخدمه أهم شي تحاسبني أول بأول ..

...... .......
في بيت عبدالكريم ..

عبدالكريم : قام من النوم 😴 بيبسر البيت هدوء بيسال سميره أين الباقي

سميره : هم شلوا عمي المستشفى 🏨 وأحمد قلي عيرقدوهم هاناك للصبح عيرقد عندهم هو وعادل وخالتي ورزق عيرقدوا في بيت عادل ...

عبدالكريم : عصب وبيصيح 😡 ليش ماتقيميني وتقليلي وبعدا هذا الإنسان مادخله يسير عند أبي ماقطعش فيه وقد طردته مابيدور وماسار بخالتش بيته .

سميره : انت داري صورته بيتمسكن لعمي ويرجع يخليه يكتب له شي ولا شي عماره ولا بيت 🏠..

عبدالكريم : طنن في كلامها شويه 🤔 جهزي لي اللداة الآن شاسير المستشفى

سميرة: ماعتسير تفعل هذا الساع كما الصبح قد عيخرجوه

@qesasanani

بارت 183



ثاني يوم الصبح 🌝 ....


في ذمار ....

طارق : بيصتبح 🍲 لفت ليسرى وين أبي دعيتيهم صبوح ..


يسرى : أيوه . مارضيوش راقدين 😴 شكلهم تاعبين والله اني مقهوره عليهم قووي ..


طارق : ومن سمعش 😔 مشهي سهله عليهم انه بعد كل هذه السنين يكتشفوا ان خالتي ويونس فعلوا هكذا ...


يسرى : وزد الي قهرهم إنهم كانوا عيقتلوهم🔫 امس قالوا لي وعيونهم بيتشارغين 😢 ريت والله ومن عاد يبسر نوال يوم واحد قبل ما اموت ..


طارق : والله إن كان نفسي أقلهم أينهم وإنحنا داريين بس ماصديتش ماناش ظامن رده فعلهم ولا ما موقف نوال وعبدالصمد ..



يسرى : أيووه هكذا صح .. ماينفعش تتحاكى بشي الإ لما تحاكيهم وتفهمهم ماحصل ...


طارق : مارأيش نسير لاعند الدكتوره نتأكد أيحين عتولدي بالظبط لاعادش متأخره نزلنا الحديده 🌊 نفعل لنا يومين نغير جو ونبسرهم ...


يسرى : لو ع حساب الدكتوره عادنا نص شهر لما أولد بس بينهم الطريق لو أتعب ..


طارق : ابتسم 🙂 هيا والله ماعيقع بش شي قدنا فاقد لأختي ..


يسرى : أممممم 🤔 وعمي من عيجلس عندهم .


طارق : اوووه صح ... اسهل عنخلي عمي يحاكوهم ويسيروا بيتكم ولا يونس عيشلهم عنده ...


........ ........ .......


في المستشفى 🏨...


عادل : في الغرفه بيوضع الحج عبدالله فوق الكرسي عيخرجوه ..


أحمد : بيمكنه بطانيه صغيره .. هاه عم عادل ..


عادل : شل البطانيه وبيحطها فوق ارجل الحج عبدالله يدفيه ...



باب الغرفه افتتح 🚪..


عبدالكريم : دخل وابسر عادل بيوضع أبوه صفق بيده 👏🏻 شاطر شاطر الصدق ماتوقعتش انك خطير هكذا بتتمسكن للشيبه هذا وتلف عليه وتدور ماتشتي يكتبلك بيت ولا عماره ولا أظاهر تشتيه يفعلك مدرسه 🏫 خاصه ...


عادل : لفت له بضبح 😤 وطنشه ..


الحج عبدالله : وجهه مقلوب 😡ماقدرش يتكلم لسانه ثقيله بيأشر براسه يخرج عبدالكريم .. ويون .


أحمد : واقف ساكت زاعل من تصرفات أبوه 😔..


عبدالكريم : مسك عادل من وراه بالشميز 👕 حقه . وهزره أنت ماهو مابتحسش ع نفسك مابش عندك كرامه يا اخي فلتنا في حالنا يله برع من هانا ..


عادل : مسك يدها 👋🏻 ودهفها .. 😡 استحي ع نفسك أنت من هذا الكلام الي بيننا عشره عمر لايوم ولا يومين انا ماشردش عليك احترام لأبوك مش لك ...


عبدالكريم : وانا اشتي العشره هذه الي بيننا نقطعها فلتنا في حالنا عز نفسك ياهين لو عندك اثر الرجوله ماعد ابسر لك صوره 😡 لالك دخل با أبي ولا هو أبوك .. يله برع من هانا ودهفه .


أحمد : بزعل 😔 يا ابه ماهو هذا الكلام حقكم عيب هكذا مافعل بكم عمي عادل ..


عبدالكريم : 😡 أيوووه وأنت ماعتقل قد سحركم كلكم وعتعصي أبوك وتحاسبه علشانه ياعاصي ..


أحمد : بقهر ☹ كيف تشتوا أطيعكم اصلا وأنتوا عاصيين ..


عبدالكريم : لطم أحمد 👋🏻 من العاصي ياقليل التربيه هذه تربيتك جدك اومه علمك تحترم أبوك يله اخطى من قبالي سير الآن روح رزق وخالتك من عند الزفت هذا ولاعاد بيننا وبينهم شي يللللله 😡 ..

أحمد : اقتهر قووي ونزلت دمعته 😢 اول ملطام في حياته ..

عادل : عزت عليه نفسه وكرامته قووي .. قرب حب الحج عبدالله في راسه 😘 سامحني ياحج والله ان فرقتك غصب عني ..

الحج عبدالله : حرك يده البخيره بصعوبه وهي بترتعش 👋🏻 يمسك عادل .. وبيتحاكى بتعب قوووي وجبهته كلها عرق 😓ماعد قدرت يمسك نفسه عيووونه بتتلفت يمييين وشمال 👀..لاااااااااااااا. تتتتتتفلتتتتتنيي ... رررررررزززق رزززززق .


عادل : ابسره تاعب افتجع عليه 😰 ويده مثلجه ...بيصيح لعبدالكريم اددددعي الدكتووور بسرررعه ..


عبدالكريم : واقف بيتفرجه بحقد وكره 😖 ان الحج ماسك يده 👋🏻.


الحج عبدالله : بيتفرج عادل ونزلت دمعته 😢 قووى رزززق رزززق وفلتت يده الي كانت ماسكه عادل ..

عادل : بيتفرجه ويصيييييح ويهزوره ودموعه مغرقه وجهه 😭 حج عبدالله جاوبني لاتفلتناش ويهزوره . ييييييه ييييييه ويصيح دكتوووور يا دكتووور.


عبدالكريم : واقف عرض الجدر بيتفرج مصدوم 😳 مشو مصدق الي بيبسره..


الدكتور : دخل بيكشف عليه .. غمض عيونه 👁 عظم الله أجركم ..

عادل : وهو بيبكي 😭 ويصيح ماهووو يادكتور الحج بخير قد كنا عنروح هو بخير اتاكد ويهزوره ..

الدكتور : بعده من فوقه ... يا أخي لوتحبه صدق إكرام الميت دفنه اقطبوا ادفنوه اليوم عاد الدنيا صبح ...


عادل : وطى ع ركبه وغطى وجهه بيده بيكي 😭..

عبدالكريم : عادهو استوعب .. قرب لعند ابوه بيقيمه ... يا أبه .. حج عبدالله هيا نروح .. حج أنا آسف ع كلشي والله ما أزيد أفعل شي هيا حج ييييييه ييييييه ونزلت دموعه وصاح 😭 يا أبببببه قووومووا ...


عادل : قام خرج واتصل📱 لتهاني يقلها وتمهد الموضوع لرجاء ورزق ..




الله يرحمك ياحج عبدالله 😭 ويعصم قلوبكم من بعده ويعينك يارزق ع ظلم الدنيا ....


🌹meme_abdalgaleel


@qesasanani

بارت 184


بعد العصر ...

في بيت عبدالكريم ....


الأجواء كئيبه وحزينه 😔...

البيت كله صوت قرآن والنسوان ملان ..

أحلام : أول ما اتصلت 📱لها تهاني سارت تودع الحج عبدالله هي ويزن رغم الي فعلته بها سميره ..


تهاني : بتبكي عليه 😭 وحاضنه رجاء بتهديها ..


هبه : جالسه في طرف المكان قد عتقرح بكاء 😭 وبتهم رزق كيف عيجلس عند سميره كيف عتعامله ..


سميره : ولا في بالها فارحه عيورثوا بتسير وتجي ومخنوقه ضابحه 😤 من جيه أحلام وتهاني بس ماسكه نفسها قدام الناس ..



آيه : في غرفتها بكيت شويه 😭 وبعدا خرجت تحاكي أمها .. بكره معي إمتحان كيف شاذاكر في هذه الأجواء ..


سميره : سيري لش عند صاحبتش بس ..

آيه : ومن عيشلني العيال مشغوليين مع الموت ..


سميره : طننت شويه 🤔 انتي قلتي معاها سواق تاكسي بيديها للمدرسه خليها تتصله يكن يجي يشلش ويروحش مغرب وعنحاسبه ..


آيه : طيب تمام .. دخلت غرفتها اتصلت 📱 لهاني تستأذن منه ..


هاني : ماشي ولا أنا شاكن أجيلش انا وبدل ماتسيري عندها نكن نسير نذاكر الاثنين فالشقه وقلي لصاحبتش تقل انش عندها ...


...... ....... ........


في الصاله بيعزوا ...


عادل : وجهه أسوود مكبود 🌚 مقهور حاسس ان قلبه مكسوور 💔 وان خسر شي كبير ..


عبدالكريم : بيسلم ع الناس وهو مطنن ودمعه الندم مافارقت عيونه 😢..


رزق : جالس جنب يزن بيبكوا 😭..


محمد : بيوزع ماء وقات للمجابرين ..


أحمد : جالس جنب عادل مطنن 🤔...



عادل : قووم يا إبني روح ذاكر لك كلمتين 📖..


أحمد : من له نفس يذاكر ولا يقرى كلمه 📖..


عادل : ولو يا أبني أنا داري بالنار الي فيك 🔥 وفي قلوبنا كلنا💔 لكن لوتحب سيدك فرحه وادي مجموع هو كان نفسه تنجح وتدخل طب و تسير تقرى مع معاذ ..


أحمد : تمام شازيد اراعي لمغرب وأروح بس ذلحين البيت عيقع ملان نسوان ..


عادل : سير شل كتبك 📚 ودواير البيت حقنا من عند خالتك تهاني وسير ذاكر لك هاناك ..


أحمد : بخوف 😰 ولو يدروا أبي ..


عادل : ابسر لعبدالكريم 👀 يوريني رجالته ماعيفعل ماعاد به بعد ماموت سيدك .. قوم روح لك قوى يا ابني وروح معك رزق ويزن جلستهم هانا غلط قد عيطفوا ساع الشمعه 🕯 ..



...... ........ .......


في الحديده 🌊...



في بيت عبدالصمد ..


عآمر : تصدق قدلي من الخزانه مع هذا المخلوق عمر ورجمه بعودي قات 🌿..


عبدالصمد : ضحك هههه 😂 سالتك بالله ياسمير مرتي هانا وحدها ومابش معاها أحد افلتها وحدها بينخرج أنا وياها وهو قد وشي في وشه طول الصبح فالشركه ...


سمير : خفع عآمر في فخذه بيده 👋🏻 وانت سألتك بالله تشتي يفلت الوجه الحسن ويبسر وشك 😜..


عبدالصمد : ضحك😂 هههه وبهرر فوقه بمزح 🙄 هااااااه ..رجعنا للمجبر هذا ..


سمير : بيضحك ههههه 😂 خلاص تووووبه يافندم ...



......... .......... .........

داخل عند النسووان ..


جارتها : ماشاء الله عليها صاحبتش حبوبه مثلك ..

ساميه : وانتي ماشاء الله عليش والله ان نوال كودها بتشكر فيش وتقلي قدنتين مثل الاهل ..


نوال : رن تلفونها طارق 📱بيتصل قامت تجاوبه وهن بيتجابرين ..


طارق : كيف الحديديه حقنا 😄 قدهي خادمه ..

نوال : هههه 😄 أيووه قدنا سوداء قووي ماعاد عتعرفنيش ..


طارق : اوذا شاجي غطوه وابسر عادنا شعرفش أوماشي ..


نوال : فرحت 😃 قل والله ... لكن كيف ويسرى واحمه الطريق ..


طارق : ماعيقع شي خليني انزلها قبل ماتولد تبسري بنت أخوش وعادهي في بطن امها ..


نوال : خلاص تمام وكن أتصلي كل شويه 📱 من الطريق طمني عليكم واخطى دلا ..


طارق : طيب تمام لاتقلقيش شتصلش 📱أول مانخرج ..



@qesasanani

بارت 185



بعدها بيومييين ...


في الهند ...


منير : سمع بخبر موت الحج عبدالله من أهله وقال لمعاذ ..


معاذ : من حين دري غلق ع نفسه باب الغرفه مقهور بيبكي😭 وأتصل لأحمد يعزيه ويفهم منه ماحصله ..



في الجامعه ...

ميس : وينو معاذ ما أجى اليوم معك ..


منير : زاعل 😔 ع جارنا الله يرحمه مات كان أب للحاره كلها وبالذات معاذ وأهله كانت علاقتهم قوويه ..


ميس : قحصت شفايفها .. اوووه الله يرحمه يارب ممكن تعطيني رقمه لمعاذ اتصل📱 فيه أعزيه ..



منير : طيب تمام سجليه بس لاتكلميه اني اعطيتك رقمه ..


ميس : اوكي ماراح أكلمه أنه اخذته منك ..


منير : ملاها الرقم ودخلوا القاعه حق المحاظرات ..


........ ......... ........

في بيت عبدالكريم ..


سميره : وأنا قد نبيت ع النسوان والكل ان اليوم أخر يوم مافايده والله مامن جيت النسوان الا المرض ..


أماني : بضبح 😤 ومن سمح لش تنبي عليهن بإذن من تقلي لهن هكذا سعم ماعنقدرش نفتح بيتنا للناس أومه الله يرحم أبي ماعنديلش من جيوبنا كله من حقه ...


سميره : قلبت وشها 😡 جهالي شهاده معاهم اختبارات ولاعاجبش شحططتهم في بيوت خلق الله ..

رجاء : مسكت يد أماني 👋🏻 خلاص بس قوى 3 ايام ولا عشره قد سار علينا احنا ماعاد عيفعلين لنا النسوان والي عنخرجه قيمه نشيد وماء للنسوان عنخرجه له صدقه ..


رزق : دخل لعند رجاء ووجهه شاحب وتحت عيونه أسود من القهر .. ياخاله لوسمحتوا أسير مع يزن بيت سيده اليوم أحلام قالت أسير معاهم ..


سميره : طننت 🤔 هاه امانه ان احلام حاذقه عتقل هي وابنها ماعد عيورثوش تشل رزق عندها وتقل عتوبه له ولانه مسجل باسم عمي اكيد عيورث ...


رجاء : تمام سير معاها افعلك يومين تفتهن شويه ..


سميره : سارت تتصل لعبدالكريم📱 تقله انه لايرضاش يخليها تشله معاها ..



........ ........ ........


في الحديده 🌊..


خرجوا كلهم قريه النخيل 🌲🌲..

الرجال في جهه ..


سمير : لو اتفقنا مع اجتمعنا ..

طارق : والله انه صدق ..

عآمر : بيشوي🍡🍢 هو وعبدالصمد ..

عبدالصمد : شل قطع مشاوي 🍢🍡 وفعلهن في خبز وبيداعي نوال ..هاه روحي اطعميهن وادي للواحمه حقنا ..


نوال : مايسبرش كنت عتزيد تدي لمره سمير والكل خزا منها ☺..

عبدالصمد : ما انتبهتش انا قلت اخوركن امد ماينضجين الباقيات ونتغداء .. خلاص راعي اديلها ..


طارق : بياشر له يجي لعنده .

عبدالصمد : خطي لعنده 🚶🏼 يبسر ماله ..


طارق : مسكه 👬 وخطيوا يتمشوا بيجابره بماحصل ..


عبدالصمد : امتزجت تعابير الصدمه والفرحه في نفس الوقت ع وجهه 😳 قل والله .. يعني عمي صالح دريوا ..


طارق : أيوووه بس طبعا ماقلنا لهمش اننتوا هانا او انحنا بنتواصل معاكم ماحبيتش اتصرف من نفسي الإ بعد اذنكم ...


عبدالصمد : والله لوتدرى نوال لاتقرح من قلبها 😃 لوتبسرها قبل اسبوعين جلست تتذكر كلشي وبكيت ومرضت ..


طارق : وليش ماتتصلي انها مريضه ..


عبدالصمد : ضحك 😂 وأنا مابيفعلوا بي عندها خلاص من زوج زلج خلاص انت اوبه لأختي وبس ..


طارق : ضحك😂 هههه ولا عليك انت اوبه لأختي وأنا اوبه لأختك ... المهم انت جابر نوال دلا دلا بالي حصل وعتبسر قولها واحنا بعدها..

...... ......... ......

في الجهه الثانيه عند النسوان ..

يسرى : جالسه ووشها بيتقلب 😦 بداءت تحس بوجع وتعب وتمسك ظهرها وبطنها ..


نوال : حست عليها .. مالش أو تاعبه ...


يسرى : وشها عرق 😰 ومفتجعه .. مدرري اظاهر قد شولد ..

نوال : بتهدائها ... راعي اهدأي كيف بتحسي هو هكذا يبداء يجي وجع فالتاسع لاقد تفتجعيش اوذا قلتي قالت الدكتوره ماقد عتولديش ..


ساميه : ابسرت نوال 👀 ناهي وأنتي مادراش سعم ان قد ولدتي من قبل .. اسمعيني لو قد بتحسي وجع متسارع قدهو ولاد أنا وقع بي هكذا فالبكر جاء لي الولاد فجأءه قبل الموعد الي قالت الدكتوره ادعيهم مابلا نخطى المستشفى 🏨..


نوال : تنهدت قهر 😔 تذكرت يوم ولادتها وكيف تعبت وكانت وحدها ولما فلتت جهالها .. خطيت 🚶🏻‍♀تدعي عبدالصمد وطارق وهي بتبكي 😭..



طارق : ابسرها بتأشر لهم👋🏻 وعيونها دمووع 😭 خطي لعندها ..

نوال : شكلها يسرى بتولد يله بسرعه نخطى المستشفى 🏨..



طارق : حمل بسرعه 🏃🏻 شل دواير السياره 🚘 وبيصيح لعبدالصمد الحقونا شكل المره بتولد .


نوال : طلعت معه ومع يسرى فوق السياره وخطيوا ..



@qesasanani





........

بارت 186.



بعد العصر ...


في بيت عبدالكريم ...


النسوان ملان اليوم أخر يوم فالعزاء ....


أماني : فالغرفه بتحاكي أمل فالتلفون 📱 يا أختي ولاحتى تطلعي تودعي أبوش ما أنتي قد بعتينا للطرف ..


أمل : بتتحاكى وهي بتبكي 😭 مفعل يا اختي قدش داريه ابني رجله مكسوره ومجبس وكيف افعل بروحي افلته وافلت اخوته واطلع وانت داريه قد نقلوا عمل زوجي في الدريهمي وماكنت شوصل الا وقد قبرتوا أبي ماعاد فايده لطلعتي ..



أماني : يعني ماهو ماعاد عتطلعيش ذلحين ..

أمل : ماعاد به لجيتي من فايده قد الحزن في القلب ولو جيت اين شاجي قدوذا بيتنا مأجر وجلسه عند سميره والله ماقدرت لها ..


أماني : أنتي عتجي في حق أبوش مشو حقها وبعدا المفروض تطلعي أنا قلت اليوم مادام كمل العزاء قد شاروح بيتي وشاحاكي عبدالكريم يقسم مافايده للطوال والعراض هكذا من اوله كل واحد يعرف حقه ..


أمل : استغربت من كلامها 😳 يوووه يا أختي ماقد نشفش قبر أبي وقد أنتي حسش عند الورث ..


أماني : كان ما تشتي نراعي لما أخوش ومرته يشلوا الكل كله ...



......... ....... .......

في الحوش ..


هبه : جالسه هي ورزق ويزن بيأكلوا جعاله 🍭🍫🍩..


رؤى : دخلت من باب🚪 الحوش تدعي أمها تروح ...


هبه : إبسرتها 😳 استغربت .. ماجاء بش هانا ..


رؤى : ابسرتها بضبح 😤 وعصرت عيونها مادخلش أنا جيت بيت خاله سميره ونفخت أوووف قد افتهنت منش لحقتيني لاهانا ..


رزق : سنب لها بضبح وقزز 😖 مالش بتحاكي أختي هكذا بقله أدب حاكيها سوى ..

رؤى : طنشتهم ودخلت تدعي أمها 🚶🏻‍♀...


يزن : منهي هذه البنت ياهبه ..


هبه : هذه الي قلتلكم فالمدرسه شططت كتبي 📚وبتجلس تفعلي مشاكل وتضاربني ...

رزق : هز رآسه ...هآه وبيفكر 🤔 وقرب شاور يزن ..


هبه : انا شدخل ابسرها ماجت تفعل فلتتهم ودخلت 🚶🏻‍♀..



هناء : فالصاله بتلبس البالطوه وتسلم ع سميره 😘 يله مع السلامه وامانه ارجعي جي بعد ماتكملوا العزاء ..


سميره : ان شاء الله وانتي عشر الله خطاش ..

هبه : كانت واقفه جنب الباب 🚪 من بعيد بتتفرجهن ..

رؤى : بتهزور امها .. ماما ماما ابسروا من لقيت عندهم هبه الي امها جت صيحت فوقي هذك اليوم للمدرسه 🏫..


هناء : بتتلفت ابسرتها 🙄 هاه هي هذه وبتسال سميره منهي واينهي أمها ..


هبه : دخلت لعند أمها تقلها ان رؤى وامها هانا ..


سميره : هآه قصدش هذه الي خطيت 🚶🏻‍♀ هذه الي قلتلش لقيناها فالشارع هي وأخوها وهم جهال ..


هناء : هآه قصدش هذه ألتؤام أخت الولد الي بتربوه أنتوا ..


سميره : أيوووه عمي شل الولد رباه وجارنا شل البنت ...


هناء : يوووه 😱 مساكين يعلم الله كيف عيقع بهم لما يكبروا ويدروا انهم لقيطه مشهم عيالكم وان اهلهم ناس ثانين .. الكبار يكون يغلطوا والاطفال مساكين يدفعوا الثمن ..


سميره : بضبح 😤قصدش وانا ابتلي انا ذلحين ماناش داريه كيف شفعل الولد عيجلس عندي ..


هناء : اسهل يا أختي انتي مأجوره ..يله هاه كان خاطرش زوجي مراعي فوق السياره تأخرت مع السلامه 👋🏻..


رؤى : سمعت كلامهن 🤔 وقدهي مطننه يوووه يعني هبه مابش معاها أم واب ومشي داريه من اهلها وهي بتخطى تخرج ..

رزق : مهد جزمتها 👢 خلب وهي داخل ..


رؤى : خرجت تشتي تلبسها وقدهي ممهده بتمسحها وتلاعن الي فعل هكذا .. لبستها وبتخرج من الباب ..


يزن : فعل نفسه بيحمل بسرعه 🏃🏻 ودكمها.

رؤى : ادربت للقاع ووجعت رجلها سنب وهي بتبكي 😭 ...


هناء : ابسرتها .. شبحتها 😱يوووه للمه ماتبسري سوى مالش اين عيونش نكعتي ...

رؤى : هم هذولاء العيال وبتبكي 😭..

هناء : شبحتها وبتخطى 👭 هيا هيا شرق ابوش عيصيح الله يهديش حق مشاكل أين ماسيرتي ...


........ ........ ........


في الحديده 🌊..


في المستشفى 🏨...


طارق : فارح 😃 حمدلله ع سلامتش ياروحي .


يسرى : ممدده فوق السرير عادهي تاعبه 🤒.. الله يسلمك ..


نوال : مسنبه في يدها البنوته 👶🏻 بتتحيلى لها وتبوسها 😘..

عبدالصمد : واقف جنبها بيلاعبها☺ .. أمانه هيا ابسروها والله انها تشبهني ..


نوال : ماشي والله ماتشبه الإ طارق ابسر العيون ودواره الوجه 😊 ..


يسرى : لاتتحانبوا ولا ماعتطلع الإ ساع أمها 😜..


طارق : خطي شل البنت من يد نوال 👶🏻 وشلها لعند يسرى هيا ماذلحين قلي الصدق من تشبهه ..


يسرى : ☺ هي صح فيها شويه منك تشبهك لكن ماعتبان سوى الإ لما تكبر . قد اتصلت لأمي تطمنهم اني ولدت ..


طارق : يوووه 😱 مع نسيت والله مع القلق والتوتر اوذا شتصل لهم ذلحين ..


عبدالصمد : قرب جنبه ... وافتح الاسبيكر قوى أسمع صوت أمي قدنا فاقد لهم قوي 😔..


طارق : ابسره 👀 الله يجمع بينكم ع خير يارب ... واتصل لأمه وبيحاكيها وقلها ان يسرى ولدت وادت بنت وسموها نوال ..


عبدالصمد : سمع صوت أمه وتشارغت عيونه بالدموع 😢 ..


🌹meme_abdalgaleel


@qesasanani

بارت 187



بعد إسبوع ....


في الهند ....


منير : يا أخي بسك زعل 😔 هكذا والله ماتقدر تكتب كلمه في الإمتحان باقي لنا يومين ونختبر ...



معاذ : والله ماهو بيدي مفعل قلبي مكسور قوي والله اني حسيت ان خسرت حاجه كبيره قووي 💔..

منير : كلنا والله الحج كان ابونا كلنا بس ضروري ماتنتبه للمذاكره📖 والامتحانات ..


ميس : خطيت لعنده 🚶🏻‍♀ مرحبا كيفك هلا يا معاذ ..

معاذ : الحمدلله.. و شكرا ياميس ع تعبش معي ماكان في داعي لانه كنت شاخذهن من منير ..


ميس : ☺ ولوو مافيها شي أنا صورت لك المحاظرات📖 الي فاتتك بس يعني مو شي متعب ..


منير : بيمزح معاها 😜 يعني خلاص لو حصلي شي اتطمن عتصوري لي المحاظرات ..


ميس : ضحكت بخزا ☺ لا طبعا لأنك مو معاذ ..


منير : بيحانك معاذ ..ويغمز له 😉 وحقك يامعاذ حقك هههه..

معاذ : ضحك ههه 😂 والله انك رايق ..


ميس : شوف ما احلاك لما ضحكت 😃 التكشيره ماتناسبك خالص ...


منير : ابسر الساعه ⏲ يوووه اتاخرنا يله يله المحاظره عتبداء .



....... ........ .........


في بيت عادل ..


تهاني : ياعادل قوى قوم احلق الدقنه الزعل فالقلب 😔 مشو بالغلاق ع نفسك فالبيت .



عادل : تنهد بزعل وحرقه 😔 والله ان نفسي مسدوده قووي ماقدرت اخرج ولا افعل شي .



هبه : يابابا مارأئيكم تخرجونا الحديقه نتصل لرزق يتجهز ونسير ليزن لابيت جده ..

تهاني : أيووه والله انه صدق ياعادل لو تقوم تخرج الجهال ينفخوا حرام علاسب رزق المسكين قالت رجاء والله انه طول اليوم فالغرفه مغلق ع نفسه 😔..


عادل : خلاص تمام بس شتصل لأحمد يدي رزق مدام كمل امتحاناته يله كمل الموت ماعد اشتيش اسير بيت عبدالكريم بعد الي حصل بيننا وخرج التلفون يتصله 📱.



...... ....... ........


في بيت عبدالكريم ...


سميره : أنا من رأئي تقوم تقسم وبس مدام وخواتك يشتين حقهن والكل وبعدا عادهو أحسن كل واحد يعرف حقه ..


عبدالكريم : لكن لو اقسم كلشي عيتفرق وأنا مشتيش نفرقه عيضيع الحق هكذا ..

سميره : امممم 🤔 أنت داري خارجهن ببيوت ولا باي شي وخلي المحلات والمعطاره لك ولاتنسى ماتشل من الراس شقيتك ....


عبدالكريم : شبسر المحامي كيف وماهو من رزق ماعنفعل كيف عادهو قاصر ..


سميره : فتحت عيونها 🙄 ماهو ماهو رزق مه الي تشتي تدخله فالورث هيا اعقله من الخباله ماتشتي تدي لإبن حرام من ورثك وتعبك وشقاك..


عبدالكريم : محتار 🤔 والله مانا داري كيف أصلا الولد مسجل بإسم أبي وأمي يعني قانونا عيورث ..

سميره : ولا اقلك معي فكره 🤔
أنت داري تمام ادي قسمه وخليك انت الوصي عليه عنخليه عندنا وعتشل قسمه وقسمك لنا ...



أحمد : دقدق الباب 🚪 يا ابه لوسمحتوا شاشل السياره 🚘 اشل رزق واسير ليزن أشلهم الحديقه أنا وعمي عادل ..



عبدالكريم : بعصبيه 😡 وعادل هذا ماعد يشتي مننا خلاص قدوذا سيدك مات ولا عيمكنا سيره جيه يحمدالله اني سمحت له يحظر العزاء ولا صدق روحه مابش سيره ونبي عليه من اليوم لاعد له دخل بنا ولابكم ...يله اخرج من قبالي وغلق الباب 🚪..


أحمد : خرج واتصل لعادل يقله وهو زاعل 😔 .


...... .......


في ذمار ...


بيت الشيخ قناف ..


يسرى : والده عند أمها عادها رجعت من الحديده اول امس لما افتهنت شويه .

واحده من المتفرطات : إنا يابنتي وكيف تسيري وأنتي واحمه ما افتجعتيش لاتولدي وقت الدورات ..

يسرى : بتضحك هههه 😂 وأنا مدراني إني شولد ياخاله هي قالت لي الدكتوره عادنا اقل شي 15 يوم ..

ام يسرى : والله ان قد قلتلها يابنتي لاتصدقيش الدكتوره والله مابيحسبين سوى ماسمعتش لاهي ولا زوجها...

المره : يله الحمدلله ع سلامتها .. عيس انهي ولدت وهم فالمدينه حلا ماجاء لهاش الولاد وهي فالطريق مسافره..

واحده من النسوان : بتتحاكى وتعصور فمها 😏 إنا وصدق قالوا سميتوها نوال ع إسم عمتها ماطلع لكم ..

وبدأين النسوان يتوشوشين ويحشين ع نوال ويتذكرين قصتها هي وعبدالصمد

يسرى : بنظره كلها حده وثقه 🙄 أيووووه سميناها نوال ساع اسم عمتها نوال بنت عمي وأخت زوجي ومره أخي عبدالصمد..

المره : طرحت يدها في وشها 😱يوووه منش صدق وماعتقلي لها حين تكبر منهي عمتها وبعدا كيف لوماقدهي مره أخوش واحنا كلنا داريين ماوقع وكيف لقيهم يونس وخيريه..

أم يسرى : طبعا قد عرفت سبب طلاق خيريه بس مشي داريه اين نوال وعبدالصمد ... ردت عليها بعصبيه 😡 أيووه قذا قلتيها بفمش كيف لقيهم يونس وخيريه يعني لا ابسرتي بعينش ولا تظلمي لش خلق الله قد ظلمناهم كلنا وفي الأخير درينا من الظالم ومن المظلوم..

المره الثانيه : حطت يد فوق يد 👋🏻 تصدقي يا اختي انا قد سمعت طرطشه كلام من ام مره يونس ان خيريه اطلقت لما زوجها دري بالي فعلته ..

النسوان : بيتباسرين 👀 مستغربات مابه مافعلت

أم يسرى : بتحكي لهن هي ويسرى ويبرئين يونس وعبدالصمد ...

النسوان : يوووه يا ابه ع فعله هذه قدهي شيطان 😈 ماعدهيش مرة أب



@qesasanani

بارت 188



في الحديده 🌊..

في بيت عبدالصمد ..


عبدالصمد : أنتي داريه ياعمري قدنا فاقد للعسوله الصغيره قووي 😍...


نوال : ابتسمت 😊 وانا والكل قد تعودنا ع بكاها وصوتها فالبيت ..


عبدالصمد : مسك يدها 👋🏻
طييب واحنا ايحين عندي لنا نونو يملي لنا البيت بكاء وصياح 😊..


نوال : ضحكت ☺ بخزا ..


سمير : بيتصل لعبدالصمد 📱 هيا وين انت ماكذبش عآمر حين قال ولاعاد بيبسرك ..

عبدالصمد : بيضحك هههه😂 والله ان قدنا جاي بس مراعي للمدام بتلبس ..



سمير : أهم شي فعلت لي الكيكه 🍰 ماشي لاتديهاش معك هههه ..


عبدالصمد : فعلتها فعلتها يامفجوع 😄 ..

سمير : يله هيا اقطب أمانه نشتي نتجابر مع عآمر نبسر كيف ومه ماعد به لعرسه الإ شهر ..


...... ...... .......



في بيت عبدالكريم ..

رزق : كمل يبدل 👖👕ودخل يدعي أحمد .. هيا قدنا جاهز.


أحمد : جالس في غرفته زاعل 😔 ... ماعد عنسيرش خلاص. ابي مارضيوش ..

رزق : استغرب ..😳 ليييش .. شاسير احاكيه أنا ..


أحمد : .. هم قالوا ماعد يشتوش عمي عادل يجي عندنا ولا نختلط به ..


رزق : انا شاسير أحاكيه قدنا ضابح إشتي نخرج 😤.. وخطي بيدوره ..


سميره : بتتفرجه بسخريه 😬 هيا ماقد معانا مبدلين 👖👕 .

رزق : أينو أخي اشتي احاكيه اشتي اخرج مع عمي عادل ..


سميره : بتتفرجه وتضحك😁 هههه. قلك أخي هيا ناهي صدق روحك يا أخي مابش سيره مع عادل ولاعاد عتبسر صورته من اليوم يله اخطى انفعني للبقاله ..


رزق : بضبح 😤ماتدخليش أنتي أنا اشتي أحاكي أخي واستأذن منه ..


سميره : ضبحت منه 😤 ومسكته من شعره بتهزوره قوي ماهو ماهو ماسمعتش سوى سمعني منهي الي ماتدخلش 😡 يا ابن الحرام ..


رزق : بيصيح آآي آآح فلتيني وبكي 😭.


سميره : 😡خفعت رآسه فالجدر زيد جرب تتليقن وانت عتبسر مايقع بك ..


رجاء : سمعت صياحه قامت تبسره بيبكي يووه مالش 😱 ع الولد وقربت تحضنه ..

رزق : بيبكي 😭 ضربتني وبتلاعني وبتقلي يا ابن الحرام مادخلها مني أنا حر أشتي أسير الحديقه مع عمي عادل ...


رجاء : عصبت 😡 ودمها فار .. اخطي غرفتك ولفتت لسميره .. ابسري فمش هذا علميه الأدب وسكتيه وادري كيف تتحاكي ماهو هذا الكلام ...


سميره : طارحه يدها في خصرها وبتهتز💃 ... للمه او اديت شي من عندي ولا كذبت ايووه ابن حرام ونص ولا عنكذب ع أرواحنا ..


رجاء : مسكت فمها 🙊 تسكتها .. اووووص لايسمعش زيدتي فيها مابعدا وبعدا من سمح لش تمنعيه وانا قد اذنت له يسير ...


سميره : بعدت يدها من فمها 🙊 بصفتش من تسمحي له زيدتي ياخاله انا دخلتش عندنا وزوجتش بعمي راكنه انش عتقعي مني وفيني وانش جيتي تقلبي عليا 😡 .. ياجلستي بأدبش وأحترمتي كلامي يا الله يفتح عليش من بيتي تم الوجل ومع الف سلامه ..


رجاء : 😡 دمها فار ورفعت صوتها .. كما قدهو بيتش اتحاكيتي أنا جالسه في حق زوجي وغصبا عنش ..


سميره : بنظره تحدي 😳 هيا وعنبسر من الي عيجلس وسارت تتصل لعبدالكريم وهي بتبكي 😭 ولطومت وشها 👋🏻 قالت له ان رجاء ضربتها ....


........ ....... ........


آيه : بتسمع الصياح ضبحت 😤 خرجت تلفونها 📱 تتصل لهاني تجابره ..

هاني : طيب اسمعي مدام والبيت جنان وصياح قلي لأمش انش عترقدي لحد يقيمش وغلقي باب الغرفه واتسحبي اخرجي وانا شاجيلش نخرج ..


آيه : يوووه 😱 ولو تدرى ان مابحد انا وكيف شرجع ادخل البيت ..

هاني : والله ماتتلوه وبعدا حطي حقش البالطوه فالحوش ارجميها من الطاقه ولو ابسرتش سعمنش عتخرجي الحوش ولما تروحي اخلسيها فالحوش ولو ابسرتش سعمنش كنتي خارج فيه واحنا ماعنتأخرش ساعه بالكثير ...


....... ....... ........


في بيت عادل ...


هبه : زاعله قووي 😔 ...


تهاني : خلاص يابنتي اسهل الخرجه ابوها ...


هبه : مشنا زاعله 😔 ع الخرجه ياماما أنا مخنوقه قووي ع رزق بينهمه كيف عتعامله خاله سميره ومدري مال قلبي فاقده له قوي ..


تهاني : هاه شلي تلفوني 📱 ومكنتها تلفونها .. قومي اتصلي لعند خالتش رجاء وحاكيه ..


عادل : معصب 😡 ماله عبدالكريم هذا ماهي قله حياه هذه يمنعني من رزق ..


تهاني : والله ان قدنا بينهم رزق قوى عندهم😔 لوتبسر لنا طريقه ولا اي حل كيف نشل رزق عندنا ..


عادل : المشكله فالقانون عيقلوا لي مادخلك الولد مسجل بإسمهم وعبدالكريم هو الوصي عليه لأنه أخوه ...




@qesasanani

بارت 189



في بيت عبدالكريم ...


رزق : فالغرفه عند الطاقه بيبكي 😭 ويتفرج صوره الحج عبدالله .. ليش يارب ليش شليت أبي وأمي وخليت سميره تفعل بي هكذا ليش بتضربني وتكرهني هكذا وهو بيكي ابسر آيه خرجت .



سميره : ماسكه التلفون 📱 وبتحاكي عبدالكريم ان رزق تليقن عليها ولماصيحت فوقه خالتها رجاء جت تقالعها وضربتها ..


عبدالكريم : خلاص مش وقت هذا الهدار لما اروح انا عند الناس .


سميره : بتقلد انها بتبكي 😭 والله ماراحت لها يا انا ياهي في هذا البيت وأنت حر ماشي شارحلي بيتنا ..


عبدالكريم : لما اروح وشبسر كيف ..

سميره : مابلا ذلحين أتصلها ترحلها واتصل لواحد من أخوالي يجي يروحها ولا قسمابالله لاتروح البيت وماتلقاني قبالك ..


عبدالكريم : خرج من عند المخزنين .. يحاكيها سوى يامره مالش بتجنني كيف اخرجها مايسبرش ماعيقلوا علينا الناس ابي مات واحنا طردناها اسهل شاصيح فوقها لما اروح ..


سميره : بضبح 😤 يعني هكذا هيا قسما بالله ما اجلس دقيقه شاقوم الف لداتي وارحلي وغلقت التلفون 📱..


عبدالكريم : غلق التلفون 📱 لاحول ولاقوه الإبالله .. دخل شل قاته وروح يبسر مالهن ..


....... ........ .......


في ذمار ...


طارق : مخزن مع الشيخ قناف ...


الشيخ قناف : ذلحين ماقلت نحاكي ابوك قدهو وقت ..


طارق : عبدالصمد ماقد صديش يحاكي نوال بس ما رأئيكم اول لو نتحاكى فالتخزينه ضروري مايدروا اهل القريه ونبرائهم قدام الناس ..


الشيخ قناف : أيوه ضروري بس نبسر مقوله أبوك لأنه مهما كان خيريه كانت مرته ..

طارق : أنا معتقدش أنا أبي عادهم مهتمين لها حتى طباعهم لوتبسروا كيف قد تغيرت معي قوي ..

الشيخ قناف : أيوه قد بينيسره حين بيجي ليليه العشي يلاعب نوال ويتحيلى لها بينحسه بيندم ع كل لحضه عامل فيها نوال اختك معامله شوعه ..


طارق : خلاص أنا شبسرهم العشي وأحاكيهم ..


....... ....... .......

في الحديده 🌊..


في بيت سمير ....


ساميه : نفسي ادرى كيف بتفعلي بحقش الكيكه 🍰 هذه كوده سمير بيجنني عليها ...


نوال : ابتسمت 😊 والله انها نفس الطريقه الي قلتلش ..


ساميه : ماشي حقش فيها شي مميز كل ما افعلها يقلي ماشي حق نوال طعمها ثانيه ..


نوال : ضحكت 😂ههههه انت داريه ارجعي افعلي له وقلي له انها من حقي وانتي عتبسري انه ماعيدراش .


ساميه : ماشي حقش بتنتفخ قوي حقي بتلسى فالصحن 😅هههه .



نوال : كان قومي نفعل واحده ثانيه افعلها قدامش وانتي عتبسري انها بسيطه ..


....... ........ ........


في الديوان ...


عآمر : ماشي والله مايحتاج مزمر ولا ...اصلا هانا فالحديده مابيهتموش اهم شي الخزانه فالقاعه والفنان وأدخل القاعه ...


سمير : بيبزج عليه 😜 أيوووه هي دخله القاعه والله ماسبرت الا لك ومنك صدق عتدخل بين النسوان وتتصور معاها ..


عبدالصمد : لاتصدقش هذا الحساد ادخل بس ع عافيتك والله انها أحلى لحظات ماعتتعوضش 😄..



سمير : ناهي يا أحلى لحضات😜 .. المهم المزمر شانزله معي من صنعاء ..


عآمر : خلاص تمام ع ماتشتي ..ذلحين جو نتم نسجل الأسامي أشتي اطبع الدعوات ..


عبدالصمد : أهم شي لاتنسى صاحب محل الإيسكريم 🍧 واهل حسين الله يرحمه وعادل ...


عآمر : أيووه ذاكر لهم وبعدا صاحب محل الإيسكريم 🍧 قلت شاسير أعزمه بنفسي للبيت حقه حتى غداء والله اني متجمل منه لافوق راسي ..


سمير : ضحك هههه😂 متجمل منه أنا ولو اني ما اعرفش يكفي انه بسببه رجع لي صاحبي وعرفتك ..


....... ....... .......


في صنعاء. .

في الشقه ...


آيه : ياهاني هيا قوم روحني بينقلق لو يأذن مغرب وينتبهوا اني مابحد 😰...


هاني : خليني أشبع منش ياروحي بينهم لو تطلع لي الفيزه حق الهند وشفقدش خيرات 😍...


آيه : اتفاجأءت 😳 فيزه مه عتسافر ...


هاني : أيوه أبي قالوا مابلا اسافر أدرس لغه أمد ماتطلع النتايج وبعدا اسجل جامعه هاناك ...


آيه : بزعل وأنا 😔 عتفلتني ..


هاني : مسكها من يدها 👋🏻 ماسخاني أفلتش ياروحي قد حاكيت أمي قالت عتجي هذه اليومتين تحاكي امش وتخطبش لي واسافر وانا مطمن انش حقي ..


آيه : فرحت 😄 صدق يعني كلهم عيدروا اني مرتك. ..


هاني : بهرر فوقها 🙄 مالش من الخباله مرتي مه مع المفروض محد يدرى بشي. هي عتجي تخطبش وبعدا نتزوج بعد ماتكملي ثالث ثانوي وانا الجامعه ..



آيه : تمام .. بس أهم شي ماعتسافرش وتفلتتي الا وقد خطبتني 💍 ..


هاني : اكيييد ياروحي 😍 يله هيا قومي اروحش ...




🌹meme_abdalgaleel


@qesasanani

بارت 190 ..



في بيت عبدالكريم ....


رجاء : في الغرفه جالسه بتحاكي أحلام فالتلفون 📱 ..


عبدالكريم : وصل ودخل يبسرهن بيداعي سميره .


سميره : مجهزه شنطتها 👝 طارحه لها فوق السرير ولابسه البالطوه ..


عبدالكريم : دخل للغرفه ابسرها 😶 ماهو هذا ..

سميره : بضبح 😤 ماهو قدوذا بتبسر لداتي ارحلي مدام مابش رجال يشل حقي ما اجلس افعل أسير بيتنا ..


عبدالكريم : ناهي من الخباله هآه .. قومي رجعي لداتش مابش مره عاقله تخرج من بيتها ..


سميره : بكيت كذب 😭 ايوه ما تخرجش من بيتها بس هذا قدهو بيت لي وللشعب كله وانا الصدق ماعاد قدرت أجلس مع خالتي في بيت واحد خلاص قدوذا مات عمي ماعاد جلستها عندنا .


عبدالكريم : ماهو مالش أنتي ماتشتي أطردها مايسبرش ..


سميره : الإيسبر ونص كان ماتشتي تجلس تهين مرتك وتضربها . وبتدهفه 👋🏻 بيدها ابعد ابعد بس خليني ارحلي والله ما عاد أجلس لك في بيت مادام وهي هانا ..


عبدالكريم : بيلحقها يمسكها والشنطه في يدها 👝 يييه اعقلي راعي نتفاهم ..

سميره : فتحت الباب ع رجاء معصبه 😡 هيا افتهني ياخاله .. قدوذا شافلتلش البيت واجلسي فيه براحتش ..


رجاء : بتحاكي التلفون 📱 ابسرتها استغربت 😳 هاه احلام مع السلامه شتصلش بعدا ابسر هذه المجنونه ماقد معاها ..


سميره : بتصيح 😡 هآه وعادنا مجنونه أومه وقد اتصلتي تقلي لأحلام اومه بشرتيها.


عبدالكريم : صيح بسسسس 😡 ماهو هذا الجنان ..

رجاء : ابسرت عبدالكريم 👀 إسأل مرتك الي بتدور لها هدار وتفعل مشاكل ولا مادخلها من الولد تظربه لوتبسر مرحمه 😔 كيف قد فعلت به وكودها بتمكنه ابن حرام عيب مايسبرش هذا الكلام .

سميره : بتمدد ايديها 👋🏻 مادخلش اقله ابن حرام ولا ماقلتله اقل سعمنهو ابنش او عتصدقي روحش ..

رجاء : أيوووه إبن زوجي يعني أبني ..

سميره : 😡 ذلحيين يوقع اول ابنه وبعدا افتحي فمش. واتفلسفي سوى ..


عبدالكريم : صاح فوقهن 😡 عتهجعنا عتسكتين واحد ماعاد يفتهن عنجلس في مشاكل وهدار يوميه ..


سميره : ماجت المشاكل الإ من حين جو عندنا ولا كنا مفتهنين ..

رجاء : واحنا كنا في بيتنا من قلكم تخرجونا انتوا تشتوا البيت اتحملوا النتايج ..

سميره : طارحه يدها في خصرها .💃.والله كنا متحملين جلستش بسبب عمي بس ذلحين ماعدبه معش جالسه عندنا يله ريحيلش خليني افتهن انا وزوجي وعيالي ..


رجاء : ابسرت عبدالكريم 👀بتسمع مرتك بتطردني وأنت ساكت ..


عبدالكريم : تشتي الصدق والله انه قد كل واحده في حالها أخرج وتعرفي حقش يوصلش لمانقسم ..


رجاء : اقتهرت قووي ونزلت دمعتها 😢 كثر الله خيرك يا ابن زوجي بتطردني لكن تمام انا شارحلي لكن شاشل رزق معي ..


عبدالكريم : رزق ماعيخرجش من البيت انتي لارجعتي عترجعي بيتكم لكن هو مابش له سيره عند أحد وفلت وخرج 🚶🏼..


رزق : كان فالحوش جالس ضابح 😔 عند المدرهه . ابسر آيه لماروحت وخلست البالطوه فالحوش حمل لعندها يييه أين كنتي ..

آيه : اشرت بيدها اوووص 🙊 ولا كلمه سيرت بسرعه للبقاله لاتدراش امي بعدا عتصيح فوقي ..


رزق : كنتي عتقلي لي وانا اسير أجعلش ..

آيه : خلاص غطوه شاقلك .. ماله وشك هكذا وجبهتك مدكومه 🤕..


رزق : بكي 😭 أمش ضربتني ليش تكرهني هكذا وانتي والكل ماتحبينيش ليش بتفعلوا بي هكذا قدنا اشتي اموت ليش ربي شل أمي وأبي يارب تصدمني سياره واموت 🚘..


آيه : لأول مره ترحمه 😔 زعلت عليه خاصه بعد ماسمعت من امها انهم لقيوه هو وهبه .. خلاص لاتبكيش انا مابينكرهكش انا زمان كنت احسد منك بس لأن جدي كان يحبك خيرات ذلحين هيا جي اديلك زلط من داخل وسير اشتري لنا شبس 🍟مسكته ودخلوا 👫


رزق : دخل يستاذن من رجاء .. ابسرها بتلفلف لداتها 👚👗 أين عنسير ياخاله عنرجع بيتنا بتلفلفي اللده ..



رجاء : مسكته وحضنته وهي بتيكي 😭 مع ياحبيبي شاسير بيت اهلي ..

رزق : مستغرب 😳 يعني عنجلس عندهم ..


رجاء : حضنته بقوه وباسته 😘 مع انت عتجلس هانا عبدالكريم مارضيش أشلك معي المهم اسمعني اوبه لنفسك قووي ولاتكنش تفتجع من سميره وكن دافع ع نفسك ولاتخليهاش تضربك تمام ولو فعلت بك شي اتصلي ولا اتصل لعمك عادل ولاتفتجعش أحمد عيوبه لك ..


رزق : بيبكي 😭 ماشي مشتيش لاتفلتونيش اشتي معاكم وبيصيح ..


سميره : سمعت صياحه دخلت تصيح 😡 فووقه عتهجعنا عتسكت ولا شاسكتك انا ..

رجاء : صاحت بقوووه 😡 اسمعي انا شارحلي تمام لكن قسما بالله لو يعلمني طير انش تفعلي بالولد شي لا اجي لش ولا هو نص الليل ..


وهن بيتصايحين اخو رجاء جاء ..

آيه : فتحت له الباب 🚪..

اخو رجاء : دخل تصايح مع سميره وقلها عيحاكي ابوها وحساب عبدالكريم معه وشل اخته ورحله ..


رزق : لحقها للشارع بيبكي 😭بعدها وجلس فالحوش ..



@qesasanani

بارت 190 ..



في بيت عبدالكريم ....


رجاء : في الغرفه جالسه بتحاكي أحلام فالتلفون 📱 ..


عبدالكريم : وصل ودخل يبسرهن بيداعي سميره .


سميره : مجهزه شنطتها 👝 طارحه لها فوق السرير ولابسه البالطوه ..


عبدالكريم : دخل للغرفه ابسرها 😶 ماهو هذا ..

سميره : بضبح 😤 ماهو قدوذا بتبسر لداتي ارحلي مدام مابش رجال يشل حقي ما اجلس افعل أسير بيتنا ..


عبدالكريم : ناهي من الخباله هآه .. قومي رجعي لداتش مابش مره عاقله تخرج من بيتها ..


سميره : بكيت كذب 😭 ايوه ما تخرجش من بيتها بس هذا قدهو بيت لي وللشعب كله وانا الصدق ماعاد قدرت أجلس مع خالتي في بيت واحد خلاص قدوذا مات عمي ماعاد جلستها عندنا .


عبدالكريم : ماهو مالش أنتي ماتشتي أطردها مايسبرش ..


سميره : الإيسبر ونص كان ماتشتي تجلس تهين مرتك وتضربها . وبتدهفه 👋🏻 بيدها ابعد ابعد بس خليني ارحلي والله ما عاد أجلس لك في بيت مادام وهي هانا ..


عبدالكريم : بيلحقها يمسكها والشنطه في يدها 👝 يييه اعقلي راعي نتفاهم ..

سميره : فتحت الباب ع رجاء معصبه 😡 هيا افتهني ياخاله .. قدوذا شافلتلش البيت واجلسي فيه براحتش ..


رجاء : بتحاكي التلفون 📱 ابسرتها استغربت 😳 هاه احلام مع السلامه شتصلش بعدا ابسر هذه المجنونه ماقد معاها ..


سميره : بتصيح 😡 هآه وعادنا مجنونه أومه وقد اتصلتي تقلي لأحلام اومه بشرتيها.


عبدالكريم : صيح بسسسس 😡 ماهو هذا الجنان ..

رجاء : ابسرت عبدالكريم 👀 إسأل مرتك الي بتدور لها هدار وتفعل مشاكل ولا مادخلها من الولد تظربه لوتبسر مرحمه 😔 كيف قد فعلت به وكودها بتمكنه ابن حرام عيب مايسبرش هذا الكلام .

سميره : بتمدد ايديها 👋🏻 مادخلش اقله ابن حرام ولا ماقلتله اقل سعمنهو ابنش او عتصدقي روحش ..

رجاء : أيوووه إبن زوجي يعني أبني ..

سميره : 😡 ذلحيين يوقع اول ابنه وبعدا افتحي فمش. واتفلسفي سوى ..


عبدالكريم : صاح فوقهن 😡 عتهجعنا عتسكتين واحد ماعاد يفتهن عنجلس في مشاكل وهدار يوميه ..


سميره : ماجت المشاكل الإ من حين جو عندنا ولا كنا مفتهنين ..

رجاء : واحنا كنا في بيتنا من قلكم تخرجونا انتوا تشتوا البيت اتحملوا النتايج ..

سميره : طارحه يدها في خصرها .💃.والله كنا متحملين جلستش بسبب عمي بس ذلحين ماعدبه معش جالسه عندنا يله ريحيلش خليني افتهن انا وزوجي وعيالي ..


رجاء : ابسرت عبدالكريم 👀بتسمع مرتك بتطردني وأنت ساكت ..


عبدالكريم : تشتي الصدق والله انه قد كل واحده في حالها أخرج وتعرفي حقش يوصلش لمانقسم ..


رجاء : اقتهرت قووي ونزلت دمعتها 😢 كثر الله خيرك يا ابن زوجي بتطردني لكن تمام انا شارحلي لكن شاشل رزق معي ..


عبدالكريم : رزق ماعيخرجش من البيت انتي لارجعتي عترجعي بيتكم لكن هو مابش له سيره عند أحد وفلت وخرج 🚶🏼..


رزق : كان فالحوش جالس ضابح 😔 عند المدرهه . ابسر آيه لماروحت وخلست البالطوه فالحوش حمل لعندها يييه أين كنتي ..

آيه : اشرت بيدها اوووص 🙊 ولا كلمه سيرت بسرعه للبقاله لاتدراش امي بعدا عتصيح فوقي ..


رزق : كنتي عتقلي لي وانا اسير أجعلش ..

آيه : خلاص غطوه شاقلك .. ماله وشك هكذا وجبهتك مدكومه 🤕..


رزق : بكي 😭 أمش ضربتني ليش تكرهني هكذا وانتي والكل ماتحبينيش ليش بتفعلوا بي هكذا قدنا اشتي اموت ليش ربي شل أمي وأبي يارب تصدمني سياره واموت 🚘..


آيه : لأول مره ترحمه 😔 زعلت عليه خاصه بعد ماسمعت من امها انهم لقيوه هو وهبه .. خلاص لاتبكيش انا مابينكرهكش انا زمان كنت احسد منك بس لأن جدي كان يحبك خيرات ذلحين هيا جي اديلك زلط من داخل وسير اشتري لنا شبس 🍟مسكته ودخلوا 👫


رزق : دخل يستاذن من رجاء .. ابسرها بتلفلف لداتها 👚👗 أين عنسير ياخاله عنرجع بيتنا بتلفلفي اللده ..



رجاء : مسكته وحضنته وهي بتيكي 😭 مع ياحبيبي شاسير بيت اهلي ..

رزق : مستغرب 😳 يعني عنجلس عندهم ..


رجاء : حضنته بقوه وباسته 😘 مع انت عتجلس هانا عبدالكريم مارضيش أشلك معي المهم اسمعني اوبه لنفسك قووي ولاتكنش تفتجع من سميره وكن دافع ع نفسك ولاتخليهاش تضربك تمام ولو فعلت بك شي اتصلي ولا اتصل لعمك عادل ولاتفتجعش أحمد عيوبه لك ..


رزق : بيبكي 😭 ماشي مشتيش لاتفلتونيش اشتي معاكم وبيصيح ..


سميره : سمعت صياحه دخلت تصيح 😡 فووقه عتهجعنا عتسكت ولا شاسكتك انا ..

رجاء : صاحت بقوووه 😡 اسمعي انا شارحلي تمام لكن قسما بالله لو يعلمني طير انش تفعلي بالولد شي لا اجي لش ولا هو نص الليل ..


وهن بيتصايحين اخو رجاء جاء ..

آيه : فتحت له الباب 🚪..

اخو رجاء : دخل تصايح مع سميره وقلها عيحاكي ابوها وحساب عبدالكريم معه وشل اخته ورحله ..


رزق : لحقها للشارع بيبكي 😭بعدها وجلس فالحوش ..



@qesasanani

بارت 191



العشي 🌚..


في الحديده 🌊 ..


فوق السياره 🚘 مروحين من بيت سمير ..


عبدالصمد : ماراي حبيبي نشتري لنا عشاء ونسير فوق البحر 🌊..


نوال : والله ان قدنا وانيه اسهل إشتريه ونروح البيت ☺.



عبدالصمد : خلاص تمام بس قلت لوتشتي نجلس عالبحر 🌊 لاني داري انه يعجبش ومعي موظوع اشتي أجابرش فيه ...


نوال : استغربت 😳 موظوع مه ..به شي ..


عبدالصمد : مالش مابش شي شاجابرش لمانروح ونتعشى 🍱..



نوال : ماشي مابلا ذلحين قلبي بيفور ❤ امانه مابه قلي ..



عبدالصمد : بيضحك 😂 يشتي يحسسها انه الموظوع عادي مابش شي مالش ..

نوال : بضبح 😤 عبدالصمد بطل ضحك أمانه مابه ..

عبدالصمد : عمي صالح طلق عمتي خيريه ...


نوال : اتفاجاءت 😳 صدددق .. كيف لوما أبي طلقوها وهم مابيقلوش من قولها ماشي .. أيحين طلقوها ...


عبدالصمد : طلقوها قبل ماينزل طارق ويسرى عندنا .


نوال : أيووووه وليش ماتقلوا لي وطارق هو عيبسر ليش خبى عليا وهو مش متعود يخبي عليا شي جاء لهذا الموظوع وخباه والله اني زاعله منكم ليش ياسعم 😔..


عبدالصمد : وقف السياره جنب البحر 🌊 هيا جي ننزل نتمشى وانا شاقلش ليش خبينا عليش .


نوال : فتحت باب السياره 🚘 ونزلت تشتي تفهم ماحصل ..


عبدالصمد : نزل بعدها ومسك يدها 👫 بيمشوا ويحكي لها ماحصل ...



........ ....... .......


في صنعاء ...


في بيت عادل ....


هبه : مخنوقه وبتبكي 😭 ياماما شطفح بينحس بقلق قووي ع رزق ...


تهاني : يابنتي مابش شي قدوذاك اتصلتي العصر وقلش انه عبدالكريم قال لأحمد مابش سيره الحديقه ..



عادل : حاسس بها انها قلقه ع أخوها مش بيدها هكذا التؤام كل واحد قلبه ❤ يحس بالثاني .. وانتي اسكه اتصلي لرجاء وخليها تحاكيه يبرد قلبها ..


تهاني : يله قومي ادي تلفوني 📱 من الغرفه اتصلها ..


هبه : سارت تدي التلفون 📱..

عادل : يعلم الله مافيه رزق والله انها إقلقتني حتى أنا😰.. ماعتجننش هكذا ع اخوها وتبكي الإ وفيه شي ..


تهاني : الله يستر ان شاء الله مابش شي اوذا شتصلها 📱 وأطمن ...



هبه : مكنتها التلفون 📱 واتصلت وفهمت منها ان سميره طردتها وضربت رزق ...


عادل : تنهد واقتهر 😔 قلتلش ماعتجننش هكذا الا وبه شي ..


تهاني : نزلت دموعها 😢 يووه ياقهري عليه عند المجرمه هذه ابسر كيف تفعل واديه عندنا ..


هبه : جلست تبكي عليه 😭 لما رقدت ..


..... ....... ........


في بيت عبدالكريم ..


محمد : روح العشي ودخل للحوش بيسمع صوت بكاء 😭 قرب وانه رزق ... مالك بتبكي هانا وجالس بين البرد ..


رزق : أمك ضربتني وخرجت خاله رجاء من البيت 😭 ..



محمد : يله تمام قوم ادخل معي برد عليك وقدهو شرق ادخل نتعشى ونرقد 😴.. مسكه ودخل 👬. بيداعي يا آيه .. يييه جي ادي لرزق عشاء حرام واديله لده قدهو بارد ..


سميره : بتتفرج التلفزيون 📺 سمعته .. للمه او قالوا لك ان اختك الشغاله حقه اوذك اللده عنده يسير يلبس روحه 👕👖.


محمد : خلاص جي معي وانا شديلش وادخل افعلك سندوتش تخطى ترقد😴 شكلك تاعب .


سميره : بتصيح 😡 إهي إهي من ايحين قد قلب ❤ ابني محمد طيب هيا مشو عليك منك انت غر اخطي بدل وانا شاديله وقامت مسكت رزق يله اخطى معي اديلك تلبس .


محمد : فلت وخطي ..

رزق : دخل الغرفه .. فتح الدولاب يدور له بجامه 👖👕 .. وابسرها اشتي بيض افعليلي 🍳..


سميره : ضحكت هههه 😂 ماهو ماهو مفعلك او صدقت روحك .. مامعي الإ. سم هاري يسممك او احد قلك اني أمك ولا هي ترجمك وانا اتبلى بلاك .


رزق : بزعل 😔 لاتتحاكيش ع أمي قد ماتوا مارجمونيش .


سميره : بإستهزاء 😁 هيا ناهي صدق روحك .. يله جلسه فالغرفه ورقده 😴 ولا عاد اسمع لك نخس .


رزق : جاووع اشتي بيض 🍳..


سميره : دهفته للقاع 😡 مابش عشاء لما تتعلم الأدب وتقل حاضر .. خرجت وغلقت عليه الباب بالداير🔑...



........ ....... ........

في الحديده 🌊..


نوال : متفاجأءه 😳 يعني أبي ذلحين دريوا بالحقيقه. .


عبدالصمد : أيوووه ياروحي وطلقوا عمتي خيريه ونادمين قووي و زاعلين 😔 ونفسهم يزيد يبسرونا او يعرفوا عننا شي . بس طارق وابي ماقالوا لهمش انهم داريين اين أحنا قالوا لما يبسروا رأئيش..



نوال : جلست مطننه شويه 🤔 وتذكرت كل الي قد حصل لها .. صح قدنا فاقده لهم واشتي الناس كلهم يدروا انهم اتهمونا وظلمونا لكن مشتيش ابسر أبي ولا يونس مقهوره منه قووي كيف يفعل بي هكذا ولا عاداشتي ازيد أبسر أحد وبكيت 😭 ...


عبدالصمد :مسكها ..خلاص ياروحي ولا أحد عيقلهم شي أهم شي اهدائي ...



@qesasanani

بارت 192


بعد 5 ايام ...


في الهند ...


ميس : شباب شو رائيكم اليوم عازمتكم ع منسف أردني راح أطبخه أنا بنفسي 🍛..


معاذ : إبسرها بطنانه 😳 ايوووه او نجي نتغداء عندش ...


ميس : ضحكت بخزا ☺ ههههه لا لا ما اقصد هيك انا راح جيبه للجامعه مو معانا ساعتين بريك راح اروح ع السكن وأطبخه ..


معاذ : هز رآسه 🙂 هآه .. قد استغربت ..


منير: يله خلاص سدينا واحنا نروح نفعل أكل يمني والكل ونبسر بقيه الشباب العرب ونتغداء جمعه 🍝🍲🍜..


معاذ : إبسره بمسخره 😁 ايووه وماعتأكلها سحاوق من حقك ولا مطيط ههههه ...


منير : مالك الإ أحلى بنت صحن وشفوت وجنبهن مقلى فحسه تدعي لي 🍛🍲 ...


معاذ : أيوووه وكيف عتفعل ببنت الصحن 🍛 ...


منير : الله يحفظ أمي وخالتي تهاني عنتصلهم وشلينا الطريقه ...


معاذ : شبحه 👬 هيا قوم نرحلنا ابوها المحاظره كودحنا نشتحط ياحميش ههههه ...


........ ....... ........


في بيت عبدالكريم ...


سميره : دخلت تقيم يزن وهو راقد 😴 بتركضه بأرجلها ... ييييه يله قوووم راقد لي سعم انهو ابن هلا ..



رزق : بعد البطانيه من فوقه .. ملان نوم اشتي ارقد😴 ...


سميره : هزرت البطانيه من فوقه .. بتصيح 😡 قووم قامت نقمتك اشتري روتي اشتي اقرب الصبوح ..


رزق : خلي محمد ولا أحمد ملاني نوم 😴...

سميره : ماعتقوم الإ انت وهزرته من شعره وقيمته بالغصب .


رزق : قام سكته وعيونه متشارغه دموع 😢 شل الزلط وسار يشتري روتي ...



عبدالكريم : بيداعيها .. ياسميره .. جي اديلي اللده 👕👖اشتي اخرج ..


سميره : ليش اين عتسير ..


عبدالكريم : معي موعد مع المحامي نخطى للمحكمه قلت اسير ابسر كيف اشتي نقسم الورث اهجع لي من الجنان هذا ..


سميره : طننت شويه 🤔 امممم ورزق كيفه سعم عيورث مثله مثلك ..


عبدالكريم : بضبح 😤 قدو هذا مانفعل اصلا مسجل فالقانون بإسم أبي يعني له حق يورث بس ضروري يقع عليه وصي ..


سميره : سميره وابنها ماعيورثوش صح ...


عبدالكريم : ماشي لأن اخي مات قبل أبي الإ لو خواتي وأنا عنتنازل ليزن بأي شي عنبسر كيف ..


سميره : فتحت عيونها 🙄 يوووه هيا من الخباله هاه عيالك ابداء قلك يتنازل له ... قدوذا رزق عيورث ماعد عيبقى تزد تقسم لأبن اخوك ...


عبدالكريم : قحص ع أسنانه 😬 أنتي داريه لو رزق مابحد هو وماشلش أبي ان نص الحق هذا كله لي وحدي ..


سميره : طننت شويه 🤔 آها .. هيا بدل بساعتك أمد ماقرب لك الصبوح وسارت المطبخ ..

رزق : دخل مكنها الروتي .. هاه اشبحي الروتي ...

سميره : وهي مبهرره عيونها 🙄أيوووه باقي خمسين أينهي ..


رزق : اشتريت لي بها كيكه 🍞...


سميره : عصبت فوقه 😡 من حق من بتتشروا ياسارق مايكفيش انك ابن حرام عادك تزيد تشل باقي الزلط .. مسكته من شعره وشلت يده 👋🏻 وحرقتها بالملعقه وهي حاميه .. هيا ماذلحين زيد شل شي بغير اذن ..


رزق : كان يصيح ويبكي 😭 ويهز يده .. آي اح بتووجعني حرام عليش وبيتنبع ....


سميره : شلت الصبوح لعبدالكريم ودعممته بيبكي فالمطبخ ...


رزق : سار فتح الباب ع أحمد وهو بيبكي 😭 بيقيمه يا أحمممد يييدي بتوجعني أمك حرقتني ..


أحمد : فتح عيونه نكز من النوم 😴 مالك ماهوو ليش حرقتك. ابسر يده يوووه قوم نفعلها ثلج وشله يفعله ...

رزق : دخل غرفته بيبكي 😭 ويتفرج يده 👋🏻..


أحمد : سار لعند امه وقد رجعت ترقد 😴 بعد ماخرج زوجها .. يا أمه ماهو هذا الي فعلتوا برزق ليش تحرقوه ..


سميره : السارق يفعلوا به هكذا ويأدبوه ...

أحمد : سرق مه يا أمه حرام عليكم هو جاهل وخور كيكه🍞 اشترى له ..


سميره : صيحت فوقه 😡 وذلحين ماتشتي دخلت تحاسبني اومه يله من قبال وشي اشتي ارقد..


أحمد : خرج من عندها وسار شل رزق معه وخرجوا يصتبحوا فالبوفيه سندوتشات 🌯..


رزق : جالس زاعل وضابح 😔 أحمد اشتي أحلق شعري ...

أحمد : ليش شعرك حالي هكذا وهو طويل ..


رزق : أشتي احلقه قووي أمك بتجلس تهزورني بشعري وتوجعني ..


أحمد : إقتهر عليه😔 .. خلاص تمام نكمل نصتبح ونسير نحلق ونسير نبسر هبه وخاله تهاني بس لاتقلش لأمي انحنا سيرنا ..


رزق : فرح 😄 ايوووه حاضر والله مااقلها ...



....... ........ ........


في الحديده 🌊...


عبدالصمد : بيقيم نوال ... هيا ماله حبيبي هذه اليومين قدهو نوم واصل ولاعاد يشتي يقوم 😴..



نوال : ابسرته وابتسمت ☺ وهي بتمطط .. مدري مالي مابينشبعش نوم اشتي غير ارقد بس ..


عبدالصمد : خلاص ارقدي 😴 ياروحي وانا شاصتبح فالعمل ..

نوال : ماشي مع مع وبعدت الدفاء من فوقها .. اصلا اشتي اخليك تخطيني معك اساعد خاله أم عامر بيرفعوا ويجهزوا البيت للعرس باقي 5 ايام حرام ...


عبدالصمد : يله انجزي ياروحي امد ما ابدل 👖👕..




🌹meme_abdalgaleel


@qesasanani

بارت 193



في ذمار ...


في بيت الشيخ قناف ..


طارق : سار يبسر مرته وبنته .. هيا عمه ايحين عتروحوا مرتي😄 ..


أم يسرى : كما وفت الأربعين جيت لها ...


طارق : ضحك هههه 😂 وانا اجلس هكذا مجعجع مابش من يوبه لي تعبنا اكل مطاعم انا وابي ..


الشيخ قناف : سمعه ...دخل يبهرر فوقه 🙄 وبيت عمك مابيفعل ليش مابتجيش انت وابوك .

طارق :ابتسم 🙂 يووه مع ..انا غير بينضحك تروح ..

الشيخ قناف : حلف يمين .. وانا قسمابالله ماعاد تكن تاكل انت وابوك الإ هانا سعم ماعنزيد جيزكم من جيزنا ...


طارق : خزي منه ☺ لكن ياعم.

الشيخ قناف : لا لكن ولا لكن ابوك ماعليك منه انا شاسد معه ذلحين قوم معي أشتي أجابرك ..


طارق : قام خطي معه 👬 واتجابروا ع عبدالصمد ونوال ودري منه ان نوال ماتشتيش احد يدرى بهم ..



......... ........ ........


في بيت عادل ...


الباب بيدقدق 🚪..


تهاني : فالمطبخ بتفعل الغداء 🍲.. بتداعي ياهبه سيري ابسري من فالباب ..


هبه : سارت تفتح ابسرت قدامها رزق وأحمد فرحت 😄 ياماما هذا رزق واحمد ...


تهاني : طفت النار 🔥 وسارت تبسرهم ابسرت رزق يوووه 😱 مالك ضعفت هكذا ومافي يدك ..


هبه : ابسروا حتى شعره حلقه ياماما ...


أحمد : هاه خاله كيفنتوا .. شاخليه عندكم شويه واجيله خرجنا وامي مشي داريه لو تدرى انحنا هانا لايقع لنا يوم اسود ..


رزق وهبه : دخلوا 👫..


تهاني : تمام .. بس مال الولد قدهو هكذا ..

أحمد : بقهر وزعل 😔 امي قدنتوا داريين بها وانا قلت اديه يغير جو شويه والله ان قلبي بيتقطع عليه 💔..


تهاني : اقتهرت عليه 😔 حسبي الله عليها وفي كل ظالم ...


رزق : فرح بجلسته معاهم ونسي الوجع والقهر الي فيه 😃...


تهاني : خرجتهم للسوبر ماركت تشتري له جعاله وكيك 🍞🍷وعصير يخبيهن لو سميره مارضيتش تديه أكل ..



ع رجعتهم للبيت ..

رؤى : ابسرتهم فالشارع 👀 وبتحاكي نفسها. هذا الي مهد جزمتي. الي قالوا هو أخوها لكن والله لأنتقم منهم واوريهم ...



......... ........ ........


في الهند ...


في سكن معاذ ومنير


منير : قدهو ممهد دقيق بيفعل بنت الصحن ...


معاذ : بيضحك عليه 😜 هيا ماهو ياقمر كملتي ولاعادش قد ميس قالت قد عتخطى للجامعه ...


منير : بيضحك هههه😂 اوووص يالقانه بدل ماتجي تعاوني بتتليقن فارح لي حين قد فعل شفوت بخاص وبيضرب الحلبه ...


معاذ : هيا مه وابسر ع قد لحمه بقري فعلت امانه انها عتطلع فحسه تجنن 😜 لكن يله مايمنعش اجي اعاونك ....


كملوا يجهزوا الأكل 🍛🍲 وساروا الجامعه ..


اصحابهم العرب ادوا معاهم أكل وبداؤا يجهزوا السفره ...



ميس : وصلت والمنسف في يدها 🍲 وسعوا وسعوا الأكل الي ع اصوله وصل 😄..


منير : هيا ناهي عتزنط جي أطعمي بنت صحن🍛 حقي وانت عتدرى أين الأصلي ..


الطلاب بداؤ يغرفوا لهم أكل ويطعموا ويتعرفوا ع أكلات بعظهم .


ميس : طعمت الفحسه 🍲 امممم 😋 هذه طعمها لذيذ ايش اسمها .. من سواها ...


منير : بيتفرجها ويغمز لها 😉 ايووه من سواها مابلا بتركزي لمعاذ ...


ميس : ضحكت هههه 😂 مافهمت كلامك ايش يعني اركز له بس معناه كلامك انه معاذ الي سواها بس عن جد لذيذه ...


معاذ : بيحانكه 😜 هيا ابسرت انها طعيمه مش حقك البنت القاعفه ...


كملوا يأكلوا ومبسوطين وبدأت علاقتهم بميس تقووى ....




......... ....... .......


في بيت عبدالكريم ...


سميره : بتدور رزق مابحدهو .. فرحت 😃 ان قد رحله بعد ماحرقته ..


آيه : دخلت لعندها .. يا امه أحمد اتصل قال رزق معه خرجوا وعيتغدى خارج 🍛🍲..


سميره : ضبحت 😤 قد فرحنا انه اقتلع وان اخوش زد خرجه معه ..


آيه : يا أمه حرام ماعدبش معه لا أب ولا أم ليش بتعاملوه هكذا ..


سميره : طرحت يدها في خصرها وعصرت فمها 😏 الله الله ماعد الا انتي تعلميني كيف أعامله وبعدا من ايحين نزلت عليش هذه الحنيه ..


آيه : أنتوا حرين .. صاحبتي اتصلت أسير عندها اليوم عيجتمعين بنات المدرسه 🏫 كلهن عندها ..



سميره : بضبح 😤 سيري خلي واحد من اخوتش يوصلش .. اصلا انا معي خرجه وعادهو احسن لاتجلسيش وحدش فالبيت ..



آيه : سارت غرفتها تتصل 📱 لهاني تقله انها ضابحه. وعتسير الشقه يتلاقوا هاناك ...




🌹meme_abdalgaleel


@qesasanani

بارت. 194




بعدها ب 5 أيام ...

احمد طلع نتايجه هو وآيه من الكنترول ...


أحمد : نجح بمعدل 89.5..


آيه : رسبت 😔 ...


سميره : كانت تصيح فوقها 😡 وتضربها . كيف رسبتي وأنتي كودش بتذاكري ...


آيه : بتبكي 😭 مدراني أنا حليت يمكن شلوا درجاتي لواحده ثانيه ..


عبد الكريم : بيهزور سميره من فوقها .. خلاص بس وانتي هي سنه وبعدا كان الموت واختبارات📝 اسهل عتعوض السنه الثانيه ...


آيه : اقتهرت ع نفسها ودخلت غرفتها بتبكي 😭 .. اتصلت لهاني تقله ..


هاني : اسهل ياحبيبي ولا تقتهري قد أمي عتجي هذه اليومين تخطبش 💍لأن قد فيزتي جاهزه يعني قد شاسافر ماعاد باقي الإ أخطبش بس وأسافر ...


آيه : فرحت 😄 ونسيت الزعل انها رسبت ..


رزق : دقدق لها الباب 🚪 آيه يا آيه ...

آيه : فتحت له الباب 🚪 مالك ..

رزق : جيت أقلش لاتزعليش 😔 اسهل السنه الثانيه عتنجحي وعتدي درجات عاليه اصلا أنتي كنتي زاعله مع الموت حق أبي ..


آيه : زعلت من نفسها 😔 انها كانت تكرهه وهو طيب هكذا حضنته وباسته 😘 ..


سميره : خاطيه ابسرته عند آيه .. سارت هزرته من الشميز حقه وبتصيح فوقه 😡 انا قلتلك تكنس الحوش وتلف الزباله مابتفعل هانا يله اخطى الان رفعهن ..


........ ....... .......


في الحديده 🌊..


اليوم عرس عآمر والكل بيتجهز .


سمير وعبدالصمد : فالقاعه كملوا بقيه الترتيبات وساروا لعامر .


عآمر : كمل يحلق مراعي لهم يجوا له . تلفونه رن 📱..

عادل : اتصله 📱 يبارك له ويعتذر له انه ماقدرش ينزل ..

عبدالصمد وسمير : وصلوا شلوه وروحوا بدل. وخطيوا القاعه ع طول غداء هاناك والتخزينه. .


ساميه : بتعاون ام عآمر هي ونوال يقربين الغداء وعيتجهزين يسيرين العرس عند الحريوه 👰🏻..


نوال : بتقرب الأكل وتتغاثى بتسد نخرتها 👃🏻 قد بداءت تحس انها حامل بس ماقد صديتش تتحاكى لما تتاكد ...


ساميه : هيا مال القمر ملثم 😷..


نوال : ضحكت هههه ☺بخزا .. مارائيش لو نخرج للصيدليه نشتري فحص حمل مشتيش اقل لعبدالصمد شي الإ لما أتاكد ..


ساميه : بتحانكها 😜 ياحركات .. خلاص مدام قدش ملثمه من شم الاكل وقد تحت العيون حارق هكذا قدش حامل بس نزيد نتأكد ..


نوال : ضحكت هههه 😂 قد امي تقيه والكل قالوا لي امس فالتلفون هكذا مادام كودي اشتي ارقد بس ولو نزيد نتأكد ...


اشترين الفحص وطلعت النتيجه حمل 😄 بس ماقد كلمتش عبدالصمد لما يروحوا من العرس ....




....... ....... ........


بعد العصر ...


عبدالكريم : بيحاكي المحامي فالتلفون 📱 وبيصيح 😡 كييف هذه العقارات مش من ظمن الورث..


المحامي : أصلا الحج عبدالله الله يرحمه قد باعهن في حياته ...


عبد الكريم : بعصبيه 😡 كيف باعهن وبعدا بيت صنعاء والايجارات حق العماره والاراضي انا بينستلم ايجاراتهن كيف باعهن ..


المحامي : يا أخي انا مفعلك هن قد باعهن لأبن اخوك ومرته ورزق ...


عبدالكريم : دخن شعر رآسه 😤 انت داري مابتقل والبصاير حقهن أينهن ..


المحامي : يا اخي انا مدخلش انا الي عليا اقلك انهن مش ظمن الورث وخلاص وشبداء اجراءات القسمه ..


عبدالكريم : اييوووه ورزق سعم عاد عيوقع له ورث ساعي ..


المحامي : أيوووه بقيه العقارات والممتلكات عتقتسم بينكم بشرع الله انت ورزق والبنات ...


عبدالكريم : رجم التلفون 📱 بضبح 😤 وبيصيح ملان البيت ..


سميره : سارت تبسر ماله ودريت قالت له اكيد عادل هو داري لانه كان سر ابوه معاه وقد عتجنن ان رزق عيورث هكذا 😡....


عبدالكريم : شل تلفونه واتصل لعادل 📱 وبيتصايح معه ..


عادل : قله انا مابش شي عندي والي في راسك افعله وبيني وبينك المحكمه ...


كمل غلق معه وشل البصاير حق احلام ويزن وشل تهاني معه وساروا لبيت أبوها واستأذن من ابوها وسلمها حقها وحق ابنها مثل وصيه الحج عبدالله وحق رزق خباهن ...



........ ........ ........


العشي 🌚..


في الحديده 🌊..


بعد ماروحوا من العرس ...


عبدالصمد : اسكه اسمه الحلا هذا أكيد حبيبتي كانت القمر حق العرس ...


نوال : ☺خزيت منه . بس ابسر قدنا بينسمن صح وتمسك بطنها ..


عبدالصمد : ولابتسمني ولا فيش شي بالعكس بينبسرش هذه الايام وجهش ذابل ..


نوال : بتوريه بطنها وتدلع ☺.. يعني بطني ماقد بتكبرش ابنش عيقع صغيري . .


عبدالصمد : ابسرها وابتسم بإستغراب 🤗 لاتقليش اننتي ....


نوال : ضحكت ووطت رآسها ☺ ايووووه شديلك نونو ..


عبدالصمد : فرح وحضنها 😄 وشل التلفون حقه جي نتصل📱 نفرح طارق وابي ..


نوال : بغير جنان هذه الساع قدهو شرق للصبح وعنتصلهم 😊.


عبدالصمد : مابلا ذلحين وخرجه📱 يتصلهم ...



@qesasanani

بارت 195



في بيت عبدالكريم ...


سميره : بعد ماسافر اليوم أحمد الهند يكمل دراسته ....مارقدتش طول الليل بتفكر 🤔 دخلت غرفه رزق تقيمه بتهزور البطانيه من فوقه ... يله قوم ...


رزق : بيبسر الدنيا عادنا مظلمه .. وهو مفتجع منها 😰 عادهو ظلمي ..


سميره : بصياح😡 ..ظلمي ولاصبح مشو عليك يله قووم الان ولاعاد اشتي ابسر لك صوره فالبيت ..



رزق : قام ومستغرب منها 😳 كيف ماهو ...


سميره : يعني الان تقوم تشل روحك من البيت وتخرج ماعد اشتيش تجلس عندي ...


رزق : نزلت دموعه 😭 أين أسير ..


سميره : تسير تدور أمك الي رجمتك ولا منك صدق راكن انك ابننا ..

رزق : انصدم من كلامها 😳 وهو بيبكي بطلي خباله أنا داري انش بتكرهيني ..


سميره : ضحكت بسخريه 😁 خخخخخ. انت لقيناك فالشارع انت وهبه وعمي شلك يربيك وعادل شل هبه امكم رجمتكم باب الجامع 🕌..


رزق : بداءت يده ترتعش 👋🏻 وجسمه كله بيعر ق من الخوف 😰 وبيصيح بطلي كذذذذذب ابي عبدالله وامي فاطمه ...


سميره : امك فاطمه قد كانت عجوزه يعني ماعاد تولدش تذكر المره الي كانت تجي تبسركم واتصايحت مع معاذ هي امك رجمتكم فالشارع وبتدهفه بيدها 👋🏻 ذلحين يله يله خرجه من بيتي ماعدجيش تشارك عيالي في حقكم وورثهم وانت غر ابن حرام وبتسحبه من الباب ..


رزق : بيبكي 😭 أين أسير هذا بيتنا انتي كذابه انا ابنكم ..


سميره : لطمته في فمه 👋🏻 اووص لحد يسمعك ودهفته من الباب🚪 وغلقت ..


رزق : جلس جنب الباب 🚪خارج بيبكي 😭 بيتقشوط من البرد ومفتجع من اصوات الكلاب ومش مستوعب كلامها انه اخو هبه ولقيوهم فالشارع بداء يتذكر 🤔 تلميحاتها له من زمان وانها كانت تتصايح مع ابوه بسبب هذا الكلام وانه فعلا كان به مره تجي تبسرهم زادت حرقته وكان يخفع وجهه مش مصدق ...



........ ....... ......


في بيت عادل ....


هبه : نكزت من النوم بتبكي وتصييييح 😭 رززززق ...



عادل : سمعها نكز من النوم 😴 يوووه مالها افتجع عليها ..


تهاني : حملت لعندها🏃‍♀ سرجت ودخلت مالش ماحلمتي ..


هبه : بتبكي قوووي 😭 ياماما رزق حلمت الكلاب🐕 بيقحصنه وهو بيبكي وحده فالشارع ومحد جاوبه ...


تهاني : حضنتها وبتهديها ... خلاص لاتفتجعيش مابش شي هو حلم وادت لها ماء تشرب 🍸..



عادل : تنهد 😔 حس ان به شي ...الصبح انا شاسير ابسر محامي وابسر كيف نفعل وندي رزق عندنا هكذا ماعاد منهاش ....



تهاني : إبسرته👀 أيوووه ماهكذا ماعاد ينفعش البنت قد روحها عتخرج وانا قلبي ❤ بيحرق يوميه عليه ...




........ ........ ........


طلع الصبح 🌝 وبداء الضوء ..


رزق : كان يتلفت يمين وشمال وقد عيونه مورمه من البكاء وشفايفه مزرقه وبيرتعش من البرد 😔 يشتي يدق الباب 🚪 ماصديش من سميره ولا دري مايفعل فكر يسير لبيت عادل ... بس بعيد كيف عيسير ومشو حافظ الطريق جلس مطنن شويه 🤔.. ايوه شخطى بس هو احمد شلني من هذا الشارع وبعدا خطينا طوالي شتذكر جلس يخطى🚶🏼 وهو بيبكي 😭 ومشو مصدق انه لقيوه فالشارع ولو هو صدق لقيوه ليش أمه رجمتهم وفلتته هو وهبه مابش أم ترجم عيالها ...




عادل : ماعد قدرش يرقد 😴 يله طلع الصبح سار للمحامي ...


المحامي : يا اخي ماينفعش تشله اصلا مابش قانون عيسمح لك ..



عادل : طيب ولو قلنا لهم انه مشو ابنهم وانحنا لقيناه وانا اشتي اتبناه مع أخته ...


المحامي : ماينفعش والله وطنن شويه 🤔 اسمعني مارأئيك لو تتفاهم تفاهم ودي مع عبدالكريم تقله عتشله وتتنازل له عن ورث رزق في حق الحج عبدالله اعتقد انه عيوافق لأنه همه الوحيد هو الورث والزلط ....


عادل : امممم 🤔 بس يا أخي حرام يشل حقه هكذا ..


المحامي : والله هذا رائي وانت شوف كيف والحاجات الي عندك الي باعهن له الحج عبدالله تخليهن له لما يكبر والله الغني عن حقهم يكفي ان الولد عيعيش مرتاح عندك ومعه مايعيشه مرتاح لما يكبر ...


عادل : طيب تمام شافكر 🤔 كيف وارجعك خبر اشتي ازيد اسأل لامشو حرام عليا لو امنعه من حقه .. خرج من عنده وسار طريق الجامع الكبير 🕌 ....




........ ........ ........


في الحديده 🌊..


عبدالصمد : قام من الصبح جهز الصبوح 🍲🍛🍚 وبيقيم نوال صباح الخير ياروحي ..


نوال : قامت ابسرت الصبوح 🍛🍲 وابتسمت ☺ صباح الفل ماهو هذا ...

عبدالصمد : هذا أحلى صبوح لأحلى نوال فالدنيا ..


نوال : بتحانكه 😜 ذلحين الصبوح هذا لي ولا لإبنك ..

عبدالصمد : لبنتي لبنتي قصدش أنا اشتي بنوته حاليه تشبهش ..

وهم بيتجابروا رن تلفونه 📱 ..


يسرى : بتبكي 😭 أمي تاعبين قووي اسعفناهم صنعاء وقعت لهم جلطه قلت أقلك لو عتجي تبسرهم ..


@qesasanani

بارت 196



في صنعاء ....


في الشارع ...

رزق : بيخطى 🚶🏼 ولاهو داري اينهو بيحس الدنيا كلها ظلمت في وجهه بيتذكر معامله فاطمه له وحنيتها عليه وحب الحج عبدالله له .. معقول مشنا ابنهم الا انا ابنهم سميره كذابه ماتشتيش أجلس عندها ويبكي 😭 وهو بيخطى تعب جلس ..


خطي رجال ابسره 🚶🏼 اتخايله انه شحات حط له 100 ريال وخطي ..

رزق : بيلحقه يييه ياعم هاه شل زلطك مشنا مطلب ..

الرجال : فلته وخطي🚶🏼 ...


رزق : ابسر الزلط في يده 💴 فكر يسير يشتري له بها كيكه يصتبح ولا يستأجر باص ويسير لعند عادل بس مشو داري اين الطريق رجع تذكر ان المقبره قريبه من بيتهم حق صنعاء وقف باص باب اليمن وطلع فوقه وهو مفتجع 😰 ....


....... ....... ........


عادل : خرج من الجامع الكبير 🕌 بعد ماسأل وخطى ع طول طريق المعطاره يدور عبدالكريم علشان يقله انه يشتي رزق والمحامي عيقسم الورث بينه وبين البنات بس ...


العامل : عمي عبدالكريم ماقد جاش راعي له ...


....... ....... .........


في بيت عبدالكريم ...


آيه : بتسال امها مستغربه 😳.. يا أمه أينهو رزق بيندوره مابحد ..


سميره : ارتبشت 😅 هآه هي اتصلت عمتش أحلام قالت يزن بيبكي عليه يشتي يجي عنده ورسلت اخوها جاء يشله عندهم هذا الاسبوع ..


آيه : المدرسه عتبدأ من يوم السبت 🏫 كيف يسير ايحين عنشتري له ولي الحاجات ...


سميره : مش وقت الشرويه كما سيرتي المدرسه 🏫 وطلبوا منش عنشتري لش وفلتتها سارت تتصل لعبدالكريم تقله ان رزق عند احلام علشان لحد يدوره ...


آيه : دخلت غرفتها بتتصل لهاني تساله مالها امه ماقد جتش 📱 وان تلفونه مغلق ..🤔 يمكن مابش شحن شويه وارجع اتصله ...


........ ........ ........


في الحديده 🌊..


عبدالصمد : قد عيجنن مقهور 😔 ع امه خايف يحصل لها شي وتموت قبل مايبسرها وتعرف عنه شي ..


نوال : ابسرته مقهور زعلت عليه 😔 حبيبي هيا قوم نطلع صنعاء نبسرهم ..


عبدالصمد : فرح 😄 قلي والله يعني موافقه يدروا اين أحنا ..

يسرى : اهم شي عندي ذلحين اني ما ابسركش زاعل اسهل من دري يدرى وبعدا يمكن أبي مشهم هاناك وحتى لو هم هاناك اسهل أهم شي عندي أنت .


عبدالصمد : شتصل لعامر يبسر لنا لوبه رحله ✈ بالطياره نطلع بسرعه ....


....... ........ ........


في صنعاء ...

في المستشفى 🏨...


طارق : بسش بكاء 😭 الحمدلله قدوذا الدكتور طمنا وقال الجلطه خفيفه ولو استقرت حالتهم هكذا عيخرجوهم غطوه غرفه خاصه ..



يسرى : بتبكي 😭 وفي يدها نوال .. قل والله يعني قد امي بخيرين ..


الشيخ قناف : أيووه الحمدلله اطمني قال هذا ارتفع لها الضغط وحصلت لها الجلطه بس الحمدلله كانت خفيفه .. اتصل لعمش صالح لاعد يطلعش مابش داعي زيد لطلعته لاهي هكذا وحالتها مستقره عنخرج بعد غطوه .



........ ....... ......


في المعطاره ..

عبدالكريم : وصل وابسر عادل ضبح 😤 ماجاء بك ...


عادل : جيت اتفاهم معك ونتفق ..


عبدالكريم : بيحاكيه وهو مقفى وشه وع مانتفق مابه بيني وبينك ..


عادل : بيننا رزق .. أنا داري انكم ماتشتوه ولا لكم به وانا جيت اقلك اني اشتيه شاشله عندي ولا يشتي شي من الورث حق الحج الله يرحمه المحامي عيقسم بينك وبين خواتك وخالتك ورزق خرجوه من الحسبه حقكم بس تكتبلي تنازل انك ماعاد تدخل منه ونعمده فالمحكمه ...


عبدالكريم : طنن شويه 🤔 والحاجات الي كتبهن له أبي بيع وشراء الي عندك ...


عادل : بعصبيه 😡 مالكش دخل منهن فكر في عرضي وبراحتك فلته وخطي🚶🏼 ...



عبدالكريم : لحقه 🏃🏻 هآه هآه خلاص راعي موافق ولو تشتس سجله باسمك ماعاد اشتيش ..


عادل : ما التسجيل ماعاد ينفعش خلاص قد الولد ورقه وشهايده بإسم أبوك نلتقي اليوم عصر عند المحامي نكتب الاتفاق والتنازل ويعمدهن وتدي الولد وخرج ...



عبدالكريم : خرج تلفونه يتصل لأحلام تجهز رزق عيجي له ...


أحلام : استغربت 😳 ولد مه رزق مشو عندي ...


عبدالكريم : قالت سميره انش رسلتي اخوش يجي له ..

أحلام : جننت 😡 ماقد فعلتوا بالولد اينهو غلقت وبتتصل لتهاني تقلها يبسر عادل الموظوع ..


عبدالكريم : غلق من عندها واتصل لسميره بيسالها اين رزق وهو بيصيح 😡 وقلها مشو عند احلام ..


سميره : افتجعت منه 😰 اصلا انا ماصديتش اقلك قمت من الصبح ومابحدهو فالبيت شكله هرب

🌹meme_abdalgaleel


@qesasanani

بارت 197



عادل : وصل باب المقبره بيوقف السياره 🚘 رن تلفونه .. الوووو.


تهاني : بقلق 😨 هاه عادل أين انت .


عادل : عند المقبره قلت ادخل أزور الحج عبدالله وخاله فاطمه .. ماله صوتش هكذا ..


تهاني : أحلام اتصلت لي قالت لي ان عبدالكريم اتصلها تجهز رزق عيجيله وهو مابحد هو عندها ..


عادل : استغرب 😳 كيف مابحدهو عندها قد اتفقنا أنا وعبدالكريم عيديه اليوم ويكتب لي تنازل ...


تهاني : 😰 مدراني يعلم الله اين قد جو بالولد اسكه اتصله وابسر ماهو قد قلبي بيفور عليه ❤..


عادل : يله تمام الان اوذا شخطى لعنده ابسر ماهو ودور السياره 🚘 وخطي ...



رزق : وقفه الباص🚐 في الفرزه حق باب اليمن .. نزل ومشو داري منين يخطى سأل الرجال الي هاناك وينهي مقبره خزيمه ...


الرجال : بعيده من هانا ماتشتي من المقبره ..

رزق : وقدهو تاعب ومرهق 😥اشتي اسير ازور أبي وأمي ..


الرجال : زعل عليه 😔 قد ماتوا الاثنين .. وانت عند من جالس ..


رزق : في بيت أخي بس مرته طردتني وبكي 😭 قالت أنا مشنا ابنهم وهم لقيوني وبيبكي بحرقه وقهر ...


الرجال : خلاص يا ابني لاتزعلش جي معي وأنا اشلك للمقبره تزورهم .


رزق : مسكه بيده وخطي معه 👬..

الرجال : طول الطريق بيجابره ويفهم منه منهو ومن ابوه ..


رزق : بيحاكيه ويجابره لما وصلوا المقبره ..


الرجال : مارائيك اشلك عندي تعيش مع جهالي وجيزك من جيزهم ...


رزق : ماشي شكرا ..شاسير عند عمي عادل ..

الرجال : طيب تعرف اين القبر حقهم ولا نسأل الحارس ..


رزق : أيووه اعرفه شكرا شدخل انا واسير عند عمي عادل ..


الرجال : خرج له الف 💴 هاه خليها عندك لو احتجتها ..


رزق : شلها منه وهو محرج ☺ ودخل بيخطي 🚶🏼 بين القبور لما وصل عند القبر حقهم جلس يبكي 😭 ويحاكيهم ليش فلتوني ليش ماتشلوني معاكم سميره بتظربني كل يوم وقالت مشنا ابنكم قلوا لي انها بتكذب هذه الكذابه حط راسه فوق القبر وهو بيبكي لما نام من كثر التعب والقهر ...




......... ......... .........


في الهند ...

ميس : مريضه مزكومه ومحميه 🤒 ومش قادره تركز فالمحاظره ..


معاذ : انتبه لها وكل شويه بيتلفت لها 👀 ...


منير : دكمه .. هيا ماقد معه القمرى حقنا ولا قد القلب بيرفرف ❤ ...


معاذ : مش وقت الخباله .. ابسر ميس شكلها مريضه قوي ورفع يده بيستأذن من الدكتور .. دكتور ممكن اخرج ميس شكلها مريضه ..


الدكتور : لفت لها ابسرها تاعبه 🤒 اوكي ..

منير : وأنا كيف ..

معاذ : أنت كمل المحاظره وروح حرام احمد وحده فالبيت عادهو مسكين حانب ماقد يعرفش الشوارع سوى ..


منير : بلقانه 😜 مابلا تشتي تسير وحدك انت والقمر ..


معاذ : بهرر فوقه 🙄 روح كتبي معك 📚 ...



معاذ : خرج مع ميس وشلها عند الدكتور واشترى لها العلاج 💊 وبعدين روحها السكن .. عتقدري تطلعي ولا استاذن اطلعك ...


ميس : لا يسلمو فيني اطلع وابسرته بخزا 😊 يسلموا يامعاذ تعبتك اليوم معي ..


معاذ : ابتسم 🙂 لا ولو ماسوينا شي ..


ميس : ابتسمت وشلت كيس العلاج 💊 وطلعت ..


معاذ : دعاها .. ميس ..

ميس : لفتت له 👀 .. هلا ..


معاذ : ممكن اتصل اطمن عليك 📱..


ميس : أكيد ..وفرحت انه مهتم بها ☺ اشرت له باي وطلعت ..



........ ...... . ........


عبدالصمد : نزل من الطياره ✈ وبيتصل لطارق .. هاه أخي كيف انت طمني كيف أمي ..


طارق : هاه الحمدلله قدهم أحسن لو استقرت حالتهم هكذا عينقلوهم غرفه خاصه ..


عبدالصمد : طيب اين انتوا في اي مستشفى 🏨 أنا قدنا في صنعاء ..


طارق : استغرب 😳 عتجي طيب ونوال كيف رضيت ...


عبدالصمد : هي معي لما نجي وشاجابرك..

طارق : يله تمام طيب ..بس طمنها ابي مابحد هم في ذمار مابلا انا وعمي ويسرى هانا ..


عبدالصمد : يله تمام انت اسال الدكتور ومهدوا لأمي مش اجي وانه يتعبوا من المفاجأءه ...



طارق : يله تمام مع السلامه ..


..... ........ .......


في بيت عبدالكريم.


عبدالكريم : وصل البيت بيصيح 😡 فوق سميره ... ليش تكذبي وتقلي ان احلام شلته ..


سميره : مفتجعه منه 😰 مدراني وانا قمت وهو مابحد قلت هو عيرجع ماصديتش اقلك ...


عبدالكريم : أيوووووه وذلحين من اين نديييه 😡 واين نلقاه ...


آيه : زعلت عليه 😔 هو شكله هرب من كثر الضرب👋🏻 حقكم يا أمه ..


محمد : عادهو وصل من خارج كان بيلوي دخل ابسرهم بيتصايحوا طنشهم ودخل غرفته ..خلس الجاكت بيعلقه سمع صوت رسايل وتس وصلت في تلفونه 📱 هذه قد شكل الخبره ابسروا الواير لس اشتغل وهم استلموني رسايل ادخل اول اتحمم وبعدا اخرج ابسر اين عيخزنوا ...




عادل : بيدقدق الباب 🚪..

عبدالكريم : خرج له يجاوبه وقله ان رزق مابحدهو شكله فلت وهرب ..


عادل : عصب فوقه 😡 وطلع فوق السياره 🚘 خطي يدور رزق في الشوارع ...


تهاني : كل شويه بتتصله تتطمن ماحصل قلقه وقالت له قد رجاء واحلام عيجننين عليه ..


هبه : جالسه عند الطاقه بتبكي 😭 وتدعي ان الله يحفظه ..

.



........ ....... .......


في المستشفى 🏨...



عبدالصمد : طلع وهو ماسك نوال في يده 👫..


نوال : مرتاحه نوعا ما لان ابوها مابحد ...


عبدالصمد : ابسر ابوه وطارق بيسلم عليهم 😘 هيا مه كيف أمي ..


الشيخ قناف : الحمدلله احسن بس عادها تحت تاثير المهدئات


عبدالصمد : يعني ماقد حاكيتوهمش مني ..


طارق : ماشي قال الدكتور لما يقوموا ويفحصهم .


نوال : سلمت عليهم 😘 وجلست جنب يسرى ادي البنت قدش تاعبه من الصبح ..


طارق : مارأئيكن لو تقومين اشلكن بيت عمي حميد ترتاحين مافايده للجلسه هانا ..


عبدالصمد : ايووه وقدهو نوال تبسرهم والكل قدهي فاقده لهم وابي يروحوا معاهن واحنا عنجلس الاثنين ...


الشيخ قناف : يله تمام قومين يابناتي قدهو علسب هذه الجاهله والكل حرام تجلس فالمستشفى🏨 وهذه تاعبه معيفه ..


عبدالصمد : يله انا شخطيهم اديلي دواير سيارتك اوصلهم 🚘..


....... ....... .........


في بيت عبدالكريم ...


عبدالكريم : بيداعي محمد يخرج معه يبسروا رزق ..


محمد : عادهو خرج من الحمام بيبدل سمعه بيداعي خرج معه ونسي مايشل تلفونه 📱..




تقولوا ايش في تلفونه 🤔.



🌹meme_abdalgaleel


@qesasanani

بارت 198



في بيت حميد ...


تقيه : فتحت الباب 🚪 ابسرت نوال فرحت 😃 يووه حيا حيا وبتسلم عليها وع يسرى ..


نوال : بتسلم عليها 😘 لكم الحياه كيف انتوا وكيف ابي حميد ..

تقيه : الحمدلله أيحين جيتوا وماجمعكم الثنتين ..

يسرى : أمي تعبوا واسعفناهم هانا وعبدالصمد طلع نوال وطلع يبسرهم .


تقيه : ابسرت نوال 👀 يعني عتقلوا لهم اين انتوا .

نوال : أبي مابحدهم ماطلعوش مابلا عمتي وبعدا ماسخيتش ع عبدالصمد حرام يشتي يبسر عمتي ...


تقيه : ايووه قليلي كيف العيافه معش 😄 مشنتي تاعبه وانتي كيف البزا ..


جلسين يتجابرين ويحكين لبعض أخبارهن ...



........ ..... .......


في المقبره ...


رزق : نوم فوق القبر مشو حاسس بنفسه 😴 من القهر والتعب والزلط الي ادى له الرجال مخرجه شويه من جيبه ...


ولد صغير من الشحاتين الي عند المقبره ابسرها 🚶🏼 خطي دلا دلا لجنبه وهزرها ..


رزق : نكز من النوم وبيصيح ييييه زلطي وبيلحق بعده 🏃🏻 ادرب لابين الشوك ووجع رجله ..


الولد : هرب 🏃🏻..

رزق : ابسر الوقت قدهو بعد العصر ومابش معه زلط يشتري له أكل وهو جاوع والدم بيخرج من رجله جلس يبكي 😭 ابسر بقايا سندوتش🌭 عند الجدر سار شله وبياكله وهو قاعف ..



....... ......... ........


عادل :بيلف فالشوارع بيدور رزق قد عيجنن عليه 😰 حسبي الله فيك ياعبدالكريم أنت ومرتك يعلم الله ماقد فعلتوا بالولد ...


عبدالكريم : بيدور هو ومحمد مالقيوش .. ضبح 😤 يله نروح البيت ..


محمد : يا ابه حرام نزيد ندوره .


عبدالكريم : وأنا ماافعله خلاص قدوذا دورت قدنا تاعب أروح ارقد لي 😴 ....



....... ........ ........


في المستشفى 🏨 ....


الدكتور : المريضه الحمدلله فاقت وفتحت عيونها ..


طارق وعبدالصمد : الحمدلله 😄 نقدر نشوفها يادكتور ...


الدكتور : طيب تمام بس اول اشتي ادخل انا لعندها اكلمها وأمهد لها مدام قدلها منك خيرات وقلتلي حصلت مشاكل .


عبدالصمد : طيب تمام وابسر طارق 👀 ادخل معه انت والكل ...

طارق : مسكه من كتفه 👋🏻 بيده وطبطب عليه .. لاتقلقش والله ان قد عمتي عيجننوا عليك نفسهم يبسروك ..



الدكتور : دخل هو وطارق 👬 هيا كيف مريضتنا ...


طارق : حمدلله ع سلامتكم ياعمه ..

أم يسرى : بصوت تاعب ... الحمدلله وبتتلفت 👀..

طارق : من بتدوروا . يسرى خليتها تسير هي وعمي بيت عمي حميد قلت حرام علسب الجاهله ...


الدكتور : وهو مبتسم ☺ ابردي لش من هذولاء الي عندش يوميه قليلي مابش احد نفسش تبسريه ..


أم يسرى : الإ نفسي في واحد لكن مايديه لعندي . الله يفتحها في طريقه وينور قلبه ❤ويسعده هو ومرته ..


طارق : وهو مبتسم ولو أديه لعندكم ياعمه تبسروه ماعتدوا لي ☺..


أم يسرى : فرحت 😊 قل والله .. عتدي عبدالصمد ابني ..

الدكتور : هز رآسه ... أيوووه هو خارج بس أنا ماخليته يدخل لما استأذن منش ..


أم يسرى : بفرحه ولهفه 😄 خليه يدخل خليه يووه يافرحه قلبي فرحاه ❤ ابني خارج ولا تدخلوه يوووه ياعيبتكم ...


طارق : خرج يدعي عبدالصمد ..

عبدالصمد : بيخطى🚶🏼 يدخل وقلبه بيدق💗 بقوووه حاسس كميه الشوق الي في قلبه ماتنعدش من كثر ماهو فاقد لها .. فتح الباب ودخل .


أم يسرى : أول ما ابسرته قدامها نزلت دموعها 😭 ومدت يدها تحضنه .. حيا حيا بنور عيوني . حيا با ابني وفلذه كبدي . يووه عيحرمش من ريح الجنه ياخيريه الي حرمتيني من أبي ...



عبدالصمد : حضنها وكان يبكي 😭 ويبوسها في كل مكان في جسمها في يدها في رآسها في رجلها فقدتكم يا امه قوووي ..


أم يسرى : وأنا اكثر يا ابني وتمسك وجهه بيدها 👋🏻 اسكه وريني كيف قدك. اينهي مرتك قلي كم قد معك جهال ومدراك اني مريضه ايحين جيت ...



طارق : نزلت دمعته تأثر من الموقف 😢 هيا مه قال الدكتور مانشتيش تتعبوا وتنفعلوا.


عبدالصمد : سحب كرسي وجلس جنبها ومسك يدها 👋🏻 وبيجابرها ويحكي لها ماحصل معه ..




@qesasanani

بارت 199


اذن مغرب 🌚 ..

وبداء الظلام يدخل ..

رزق : جالس بيخطى فالشوارع يشتي يوصل لبيت عادل ضاع ماعد دريش من اين يخطى .. تعب جلس فالقاع فوق الرصيف قدهو عاطش 😔..



عادل : جالس بيدوره فالشوارع لما فقد الأمل دخل للقسم يبلغ وادالهم مواصفاته وصورته ...


تهاني : نزلت صور رزق في مجموعات الوتس هي واحلام ورجاء ضايع وكتبين رقم عادل ..



هبه : جالسه بدون أكل من الصبح بتبكي😭 هي ويزن قدهو عندهم هو وأحلام ...



...... ...... ......


في بيت عبدالكريم ...


عبدالكريم :عادهم كملوا يتغدوا 🍲🍜🍚 وين عتسير وانت قدوذا اذن مغرب اجلس خزن معي هانا وبس ...


محمد : اول ادخل ابسر تلفوني 📱 ذلحين اكيد قد الخبره جننوني اتصالات ابسر اين خزنوا ...


سميره : ماشي ابرد لك من الخبره اليوم وجلست خزنت مع ابووك ..


آيه : جالسه زاعله 😔 إنا منكم صدق همكم عند التخزينه والقات ورزق محد داري اينهو بدل ماتقوموا تدوره ..


سميره : بصياح 😡 واحنا مانفعله محد قله يخرج او احنا مخاطبين به يخرج ونزيد نتبلى بلاه .


آيه : ضبحت منهم دخلت غرفتها بتتصل لهاني 📱 وجالس مغلق قلقت عليه 😰 ماله مغلق من الصبح اتصلت لصاحبتها تسالها لو حبيبها يعرف عنه شي ..


صاحبتها : يوووه 😱 مشنتي داريه هاني سافر اليوم فجر .


آيه : حست جسمها كلها دخن 😤 وشعر جسمها كله وقف كييف سافر وماقليش حتى أمه ماجتش تخطبني 💍 ....



محمد : دخل غرفته بيخرج التلفون 📱 يتصل لأصحابه فتحه ابسر 150 رساله وتس واتصالات ورسايل عاديه دخل يفتحهن اول ما ابسرهن بهرر عيونه مصددوم 😳 مش مصدق وبيدخل من مجموعه لامجموعه فالوتس والفيس ...


صور آيه مع هاني وصورها وحدها ملان المجموعات ورساله من هاني مكتوب فيها ... ( مره ثانيه ماتلعبش مع الكبار ياشاطر والكف الي ظربتني هذك اليوم ..اليوم رجعته لك أضعاف مضاعفه ووريني كيف عتداري فضيحتك وفضيحه اختك ...



محمد : ماعاد ابسرش شي قدامه ولا عاد قدر يمسك اعصابه 😡 حس كل شيطان الإنس والجن بتتنبع قدامه 👿😈 خرج من غرفته ع طول بيصيح يا آييييه فتح باب غرفتها برجله وهو بيصيح مسكها من شعر رآسها وبيخفعها ويلطومها 👋🏻 ياقليل الأصل فضحتي بنا ويركضها بأرجله ...



آيه : بتصييبح وتبكي 😭 آي فلتني يا أمممه ...


سميره وعبدالكريم : سمعوا صياحهم حملوا يبسروا مابه 🏃‍♀🏃🏻 ..


سميره : بتهزوره وتصيح 😡 فلت اختك مالك عليها ابسر كيف قد وشها ملان دم ..



محمد : بصياح 😡 وعادنا شقتلها لكم ويخفع رآسها فالجدر فضحتنا فضحتنا ...


عبدالكريم : مسكه وبيصيح 😡.. مالك رزي أختك ..


محمد : مكنه التلفون ..📱 ابسررروا بنتكم المحترمه صورها مع هاني ابن ال....ملان الفيس بوك والوتس ايحين كانت تخرج معه وعادنتوا بتقلوا للمه رسبت ..



آيه : ارتجمت للقاع وكانت تلطوم وشها وتصيح 😱 ماشي بطل كذب هاني ماعيفعلش بي هكذا هو بيحبني ..


سميره : مسكتها وبتلطومها في وشها 👋🏻 هي هذه صاحبتش الي كنتي تسيري تذاكري عندها وتخفعها ..



آيه : بتبكي وتصيح 😭 قد وجهها كله دم وحوارق مصدومه من هاني وبتهم كيف عتفعل .


عبدالكريم : عجم ماعاد قدر يفعل شي ساكت 😷 بيتفرجهم سكته ..


محمد : بيصيح انا شاسير اقتل ابن الكلب هذا 😡 وبعدا شرجع اربيش سوى انا بينقل لأمي اوبهوا لبنتكم من زمان كانوا يصيحوا فوقي ...


آيه : وهي مفتجعه جالسه فالزوه وبتبكي 😭 هاني قد سافر يدرس في ماليزيا ...



عبدالكريم : خرج من المكان وهو موطي رآسه 🚶🏼 بيمسك الجدار بيده .ويتذكر ابوه وهو بيدعي عليه ... الله يحرق قلبك مثل ماحرقت قلبي ❤ ويجعل عيالك يقهروك ..


محمد : جلس يضرب آيه لما دوخت ..

سميره : خرجته من عندها وقيمتها تفهم منها الموظوع بالظبط ..



......... ......... ........


ظلمت الدنيا 🌚..


رزق : بيرتعش من كثر البرد مشو داري مايفعل ولا اين يسير قد عيموت من العطش والجوع ولاهو داري مايسوي لقي كرتون مرجوم سار شله وفرشه له فالرصيف ورقد فوقه 😴...


....... ........ .......


في المستشفى 🏨..


الشيخ قناف : جاء وادي معه يسرى ونوال ..


ام يسرى : فارحه بنوال وعبدالصمد 😃 وحست كل التعب الي فيها سار ..


يسرى : أيووه أيوووه ماذلحين بعتوني 😜 قد همكم عند عبدالصمد بس ومرته ...


أم يسرى : انتي اسكتي عاد حسابش معي انتي وابوش وطارق داريين بهم وبتسيروا عندهم ومخبيين عليا ..



طارق : ضحك هههه 😂 وانا ماعليا هم الي ما كان يشتوا احد يدرى بهم ...


أم يسرى : أنت اسكت حسابك مدبل انت الي داري بنوال من اول ومخبي ☺..



طارق : ضحك هههه 😂..وجلسوا يتجابروا ..


🌹meme_abdalgaleel

@qesasanani