بارت 163


بعد يومين ...


في بيت حميد ...


نوال : بتسلم ع تقيه 😘 ..


تقيه : اوبهي لنفسش يابنتي وكن اتصلي لي 📱 مش تغيبيها علينا ...


نوال : ان شاء الله ماسخاني والله ان قدنا بينهم قووي كيف شافارقكم 😔..

تقيه : قوى يابنتي وانسي هذاك الموظوع وعيشي حياتش الجديده وانتبهي لزوجش👨🏻 وبيتش وربي عيعوضش بجهال بدلهم ..


نوال : تنهدت 😔 ان شاء الله أهم شي قوى يا أمه لاتنسوا ماتسيروا تتطمنوا عليهم وتقلوا لي كيفهم ..



خارج عند الباب 🚪..

عم حميد : قوى يا ابني وحسك معاها واوبه لها والله ان قد اظتلمت خيرات من جهلها .


عبدالصمد : بغير ماتوصوني والله انها في عيوني 👁 ماسخاني عليها ..


عم حميد : يله كان اخطوا لكم شرق عليكم لاتتاخروا حين عتنزلوا طياره ✈..

عبدالصمد : ايوه قدهو وقتنا ادعوها عيب لانأخرش سمير معانا والكل عادهو عيوصلنا ...


...... ....... .......


في بيت الحج عبدالله ...


عبدالكريم : بيدعي من الباب 🚪 ييييه ياساتر طريق الرجال معي .

رجاء وأحلام : فالمطبخ بيفعلين الغداء 🍲🍛..


أحلام : يووه 😱 هذا عبدالكريم من معه ..

رجاء : بضبح 😤 اخطى ألبس واوريه كيف يدخل هكذا بيوت الناس ماعدبش حرمه ..


أحلام : ياهمتاه لنا إحنا وياه بيدور يفعلنا هدار ومشاكل ..


عبدالكريم : بيوري المستأجر الوهمي البيت ياسعم لانه اتفق معاه يقل انه عيستاجره وهو عيفتح الفندق لحسابه 🏤 ..

رجاء : سنبت قدامه بعد مالبست معصبه 😡ماقد به معك ماتشتي ..


عبدالكريم : بهرر فوقها 🙄 وسحبها ع جنب اخطي من قبالي ماعدبش حياء بتبسري الرجال ولا قد عندكم عادي ..

رجاء : ليش انت عاد احترمت أحد لما تشتس نحترمك ..

عبدالكريم : يله أخطي من قبالي 😡 قبل ما افعلش ملطام ومحد عيلومني بعدها ..


رجاء : دخلت وصرعت الباب 🚪 في وشه بتتصل لزوج أختها أبو سميره ..

عبدالكريم : كملوا يتفرجوا البيت وخرج ولاحتى كلف نفسه يدخل يسأل ع أبووه ..


..... ..... .......


في ذمار ....

مره يونس : بتجابر صاحبتها فالتلفون 📱 يا اختي بتجنني كودها بتدحس زوجي جي أبسرك جي عندي قد فرحنا خرجت وحدي وانهي بعدنا. .

صاحبتها : أنتي داريه افعلي حاجه تخلي زوجش يقنع منها ..


مره يونس : بتفكر 🤔 امممم مثل مه مادراني المشكله لان قدنا وحدي ماعد بينختلطش بها ..


صآحبتها : خلينا نفكر ونخطط سوى 🤔..


مره يونس : يله انا شاقوم أجهز الغداء يونس عيجي وماقد فعلت شي ...



🌹meme_abdalgaleel


@qesasanani

بارت 164




في مدرسه آيه 🏫..


آيه : فرحت 😃 قلي والله اوذا ماقليش ..


صاحبه آيه : هو قال يشتي يفعلها لش مفاجاءه وقلي اوريش الصوره حق الدبله 💍لو عجبتش يشتريها بس ما اقلش إنها لش ..


آيه : يووه الحمدلله فرحتيني😄 قد كنت بينهم لوهو بيلعب عليا ومابيحبنيش صدق ..


صاحبه آيه : وهذك منير قد نسيتيه ..

آيه : بتتحاكى بزنط وتغمظ عيونها 🙈 منهو منير هذا خلاص الله يفتح عليه قد معي هاني وبس .


صاحبه آيه : شتصل لأمش تجي عندي اليوم نذاكر ماعد بش وقت ونختبر الشهاده ..بس بشرط نخرج اليوم وعنلقى هاني وصاحبه الي بينحبه في مطعم ..


آيه : قحصت ع اسنانها 😬 بس بينفتجع لو أحد يبسرنا ..


صاحبه آيه : ولا عليش شي وبعدا إحنا في مكان عام لاتفتجعيش مشو عنجلس وحدنا ..


آيه : امممم 🤔 شافكر واقلش ..

صاحبه آيه : كان التلفون في يدها 📱خلاص قد رسلتلهم انحنا عنسير.


آيه : خفعتها بيدها 👋🏻 والله انش خبلاء ولو مارضيوش أمي..


صاحبه آيه : خلاص ماعليش الموظوع عليا وغمزت لها 😉..


....... ....... .......


في الهند ....


في قاعه المحاظره ...


منير : دكم معاذ بيده ..ياحركاتك ابسر هذك البنت الأردنيه كيف بتتفرجك شكلها معجبه بك 😍..


معاذ : أينهي وبيتلفت 👀.

منير: هذك الي شعرها أسود .قصير 👩🏻.

معاذ : ضحك هههه 😂 هآه دريت والله انك فاضي انت وهي عادهي امس جت تطلب رقمي قالت تشتيه لو احتاجت سؤال ..

منير :بيلعب له بحواجبه ☺ وانت اكيد اديته لها ..


معاذ : بهنجمه 🙄 لا طبعا .. قلتلها لو احتجتي شي اسالي الدكتور ولا واحده من البنات العفو منش وخطيت ...


منير : والله انك أخبل إبسر ع بنات قد اسمك مابتحبش ❤ أحد في صنعاء روح لك بعروسه من هانا 👰🏻..


معاذ : مع آسلم ما أنا مشتي الإ واحده من بلادي شل لك انت وابتسم 🙂 ..

منير : حمر وشه ☺ وابتسم بخزا .. أقلك شي بس بيني وبينك أنا الصدق نفسي في آيه بنت عمي عبدالكريم ..


معاذ : قرح ضحك هههه 😂 مقدرش يمسك نفسه .. مالقيت الإ هذك اللقنه هههه ..


منير : خفعه بالدفتر 📙 بطل خباله هي لقانتها الي عجبتني واشر بيده لقلبه ❤ وبعدا مادخلني هو هذا المدبر .. نفسي بس أشتحط في قرآيتي أقدر اتحاكى واقلهم يخطبوها لي 💍..


معاذ : جالس بيضحك هههه 😂 ايووه وتقع سميره عمتك ومحمد نسبك 😜..


الدكتور : دخل القاعه يبداء المحاظره وهم سكتوا ...



....... ........ ........


في مدرسه هبه ..


هبه : كملت تحل ورقه الإمتحان حق اخر السنه 📝 يا استاذ كملت ...


الأستاذ : عادهو بدري ع الخرجه راجعي ع الأقل لما قدهو نص الوقت ...


هبه : مسكت الورقه 📄 وبتراجع ..


رؤى : بتداعيها من وراها بصوت واطي . بس بس ييه غششيني 😯..


هبه : دعممتها وبتراجع 🙂..


رؤى : بضبح 😤 خفعتها برجلها من وراء .. يييه وريني السؤال رقم 3 ..


هبه : دعت الأستاذ .. يا أستاذ ممكن أغير مكاني ..

الأستاذ : ليش ايش فيه مكانك ..


هبه : به ناس بيزعجوني غيره ولا شل الورقه 📄 حقي وخليني أخرج ..


الأستاذ : يله هاتي ورقتش 📄 وقومي اخرجي ..

هبه : بتلفلف حاجاتها 📏📐📙 وخرجت ..

رؤى : لفتت لها بنظره حقد 😣 وحلفت لاتوريها .

راعت لما كمل الأمتحان وخرجت ضربتها وهبه اشتكت بها للمديره واستدعوا ولي امر رؤى ...


....... ....... .......


فوق الطياره ✈..


نوال : جالسه😰 ماسكه بيد عبدالصمد من اول ماطلعوا وبتهز ارجلها ..

عبدالصمد : بيضحك عليها هههه 😂يووه ع فجاعه قد عنوصل خلاص كيف عتفعلي عادنا بينقل نسافر نفعل لنا شهر عسل في مصر..


نوال : بتتحاكى وهي مفتجعه 😰 ولا اشتي تشلني بقعه وصلني بس الحديده واحنا بخير إحنا وهذه الطياره الي بتهتز ..


عبدالصمد : خلاص وصلنا إبسر البحر 🌊 ياروحي محلاه من الطاقه ذلحين خلاص عيلف و نهبط وصلنا..


نوال : بتقرب تبسر البحر 🌊 افتجعت ومسكت عبدالصمد قووى .. يوووه يا الله لو تنكع بنا الطياره فالبحر كيف عنفعل مقدرش أسبح ..

عبدالصمد : ضحك عليها هههه وبيحانكها 😜 ولا يهمش الآ أعلمش السباحه علشان لما نسافر من فوق بحر وننكع تنقذي نفسش ..


نوال : بتخفعه 👊🏻👊🏻 هكذا بتزيد تفجعني خلينا نوصل وشاوريك فالبيت ..


عبدالصمد : بيضحك هههه 😂 يله خلاص اربطي الحزام عنهبط اسمعي مابيقلوا ..



🌹meme_abdalgaleel


@qesasanani

بارت 165



بعد العصر ..

في بيت الحج عبدالله


عادل : أنا قد قلت شاسير لعنده ياحج ماهكذا مايسبرش كيف قال اجره عاد لك كلمه والحق حقك ..


أحمد : مقهور 😔 والله اننا.زاعل انه أبي قد اتصلت لهم قالوا لي هم فعلوا هكذا يطرحونا امام الأمر الواقع ننقل عندهم يشتوا يوبهوا لسيدي ماينفعش يفلتونا وحدنا وخاصه لو انا شاسافر بعد الامتحانات ادرس لغه عند معاذ امد مايطلعوا النتايج ..

الحج عبدالله : ماااااابلا العاصي عاااااصي ..

عادل : طنن شويه 🤔 ولفت للحج ..هو صدق لو سافر احمد كيف مابش رجال فالبيت لوتعبت ماشي شرجع لي هانا وبس شابسر صاحب البيت لو عادهو فاضي ..


الحج عبدالله : مااااااشي ولااااا ترررجع قددد نا خازززي مننك .


أحمد : بزعل 😔 ولا احد يهم سيدي وانا موجود انا ماشاسافرش الإ لو افتهنوا ماشي شقراء معهد هانا وبس وان شاء الله عيفتهنوا قال الدكتور به تحسن .


عادل : انا شتصل لعبدالكريم وأبسر كيف ماعيقل ..


........ ....... .......

في الحديده ...


عبد الصمد : هيا مه ياروحي يكفي كسل راقده😴 من حين جينا يله قومي نخرج الجو يجنن ذلحين فوق البحر 🌊..


نوال : رقدت من فجيعه الطياره هههه امانه حسيت قد شاموت . ذلحين عنخرج وغديني🍲 قدنا ميته جوع ..


عبدالصمد : اديلش عيوني مش بس الإ اغديش 😍 ومع الطريق نسير لعند عامر تتعرفي ع أمه نشكرها ابسري كيف نظفت لنا البيت وعامر محلاه كيف جاء استقبلنا ..


نوال : تصدق مع انه تعرفت عليه هانا بس بينحسه اقوى من اخ هو وسمير ..

عبدالصمد : أيوه ربي سخر لي سمير وعامر عاد به حسين بس الله يرحمه توفى في حادث شرجع لما نطلع صنعاء اشلش تتعرفي ع مرته وابنه ..

نوال : يوووه 😔 الله يرحمه ..ذلحين هيا قوم نلبس نخرج قد شاموت جوع .


عبدالصمد : بيحانكها .. يييه هكذا عتفقريني جاوعه جاوعه عنتم الزلط💴 في اكل ..


نوال : بتقلد زاعله 😔 والله هكذا خلاص ماعد اشتيش ..


عبدالصمد : ضحك هههه وبيشعفا شعرها أنا فدال الزعوله حقي ☺ مالش الإ احلى غدوه انت بس أمري وادلعي والله لأعوضش ع كل يوم اين يوم ع كل لحضه عشتيها بعيد عني ..


نوال : اتفرجته وابتسمت ☺ أحبك ❤..

عبدالصمد : ابتسم ☺ هاه هاه ايش قلتي ماسمعتش ..

نوال : خزيت منه وقامت ☺ يووه منك بس يله شرق نخطى بعدا عيوقع عشاء مش غداء ..


عبدالصمد : بيحانكها .. احبك 😍 هآه هههه وانا والكل احبش ولا عمري حبيت ولا قدرت افكر في غيرش ربي يخليش لي ..


نوال : ولا يحرمني منك 😍 ..


....... ....... .......


في بيت هناء ..

سميره : كانت عندها قدهن صاحبات قوي .. ذلحين مالها رؤى حانقه في غرفتها ..


هناء : انا حلفتلها لأخلي ابوها اليوم يضربها يا اختي جننتني كودها ولا بتسد هي والبنات فالمدرسه بنتي جنيه 😈 مشاغبه وهرمه واليوم ادوا استدعاء لولي الأمر قالوا ضربت بنت كانت عتتجمل باقي لهن هذا الإسبوع ويتمين القرايه ..


سميره : يوووه الله يعينش ذكرتني ببنتي وهي جاهله لكن هي عتكبر وتعقل ساع آيه لوتبسري محلاها بالذات هذه السنه قد كودها في غرفتها بتذاكر 📙 ولا عند صاحبتها بيذاكرين..

هناء : بتركني عليها تسير تذاكر عندها ..

سميره : هي بنت ال***يعني اسره معروفه وزيد ابسرت كيف آيه قدهي حق مذاكره من حين سايرتها عجبتني ..

...... ...... ......

في المطعم🍛 ..

مغطى عليهم بحاجز ..


آيه : جالسه هي وهاني فوق طاوله وحدهم خازيه ☺..

هاني : ذلحين ليش ماتبعدي اللثمه سعم ما اعرفش ..

آيه : ضحكت بخزا ☺ مع فالصور انا بعيده مابينخزاش بس قدامك بينخزا ..

هاني : بيتراشاها 🤗 قوى ياروحي اشتي اتصور انا وانتي للذكرى أشتي ارجع اوري عيالنا وأقلهم أبسروا كيف كنت اخرج انا وأمكم وكنت أحبها من وإحنا صغار .


آيه : اول يله غمض أمد ما أبعدها .

هاني : غمض عيونه 🙈 وبيعد 1 2 3 هيا أفتحهن ..

آيه : بعدتها ووضعت الطرحه .. يله خلاص افتش ..

هاني : إبسرها 😍 يوووه جبر القمر حقي هذه ماهو هذا الحلا اقووم أصيح اقلهم انش خطيبتي ..

آيه : بتضحك 😂 هههه ييه بس بطل جنان ..

هاني : تشتي ابطل جنان يله خليني اتصور انا وانتي كل ما افقدش افتحها وأبسرش ..

آيه : يله تمام وتصورت معه 📸..



الماء 🌊بيجري من تحت رجلش ياسميره بدون ماتحسي بس
تستاهلي الي عيجرى لش ولبنتش
ربي قوى ع كل ظالم ...




@qesasanani

بارت 166


في بيت الحج عبدالله ..


رزق : روح فارح هو ويزن 😄 كملوا الإختبارات وصلوا للبيت تفاجأؤ..

يزن : مابيفعلوا هذولاء الشقه الي في بيتنا 🏠..

رزق : مدري جي ندخل ونبسر لكن وقع شكل البيت حالي إبسر كيف بيفعلوا له قص أبيض ورنج فوق القديم

يزن : ابسره وطنن 🤔 يوووه يارزق مشو عمي عبدالكريم قد بيفعله فندق ساع ماقال..

رزق : ضبح 😤 ماذلحين زيد بها تخايله لو ابي تاعبين محد عيقدر يقله مع جي ندخل ونبسر ...


بيخطوا لاداخل 👬 ابسروا عبدالكريم واقف بيحاسب الشقه ..


رزق : قرب لعنده بيحاكيه بضبح 😤 وهنجمه ... عيب عليك تفعل هكذا سعم لو قد أبي تاعبين تفعل بنا هكذا حرام عليك عتدخل جهنم ياعاصي .


عبدالكريم : إبسره وبيضحك 😃 كبررت ياولد وقد معك لسان هيا اخطى من قبالي لا أعلمك الأدب .


رزق : أنا مؤدب أحسن منك مشنا عاصي وفعلت با أبي هكذا ..

عبدالكريم : بسخريه 😬 أبوووك ناهي هاه يا أبووك أخطى من قدامي ذلحين لا أربيك من جديد ..


يزن : هزره من يده 👋🏻 هيا ندخل بس خلاص إبرد .

رزق : دخل وهو زاعل😔 ياخاله رجاء إبسروا أخي عبدالكريم مافعل بي ..

أحلام : جي بس الله أكبر عليه ..

يزن : ذلحين أين عنسير قدهو صدق أجر البيت ..

رجاء :🤔 أنتوا داريين خلاص نسير عنده والله لانخليه يكره اليوم الي جاء يخرجنا من البيت ونشبعه حياه ..

أحلام : مالش من الجنان حقه لاقد أجر البيت🏠 صدق نخرج بيت من حقنا المأجرات ..


رجاء : مابلا عنده ونوريه هو ومرته العين الحمراء سوى 👁 لما يتراشانا هو نخرج ..


....... ........ ........


في مدرسه آيه 🏫..


هاني : إبسري والحلا😃 ان قد تموا الطلاب إمتحاناتهم ماعد الا إحنا وأنتوا بيراجعوا لنا لأنحنا شهاده أقدر أكن أحاكيش براحتي مابحدهو محمد .


آيه : لكن ولو ماينفعش إحنا فالمدرسه 🏫..


هاني : ابتسم لها 🤗 كان كيف أفعل قليلي بينفقدش قوي وإشتي أجابرش وأجلس معش ..


آيه : وطت رآسها ☺ خلاص هانت اوذا عتجي تخطبني بعد الإمتحانات 💍..


هاني : قلد نفسه زاعل 😔 أيوه لكن شكل الخطوبه عتتأخر أمس أبي قالوا لي مابلا لما قدنا فالجامعه وأنا بينهم كيف شفعل طول هذه الفتره وانتي بعيده عني ع الأقل هانا فالمدرسه كنت أبسرش وبينهم أحد غيري يجي يخطبش 💍 وأهلش يوافقوا والله لأجنن قووي شقتله واقتلش واقتل نفسي وادخل جهنم ولا اتعذب لما ابسرش مع غيري ...


آيه : بعد الشر عليك من جهنم انا اصلا ماشرضاش أوافق ع أي واحد غيرك لما تجي تخطبني 💍..


هاني : أنا بينهم أهلش 😔 لو يغصبوش ع واحد غيري مشنا متخيل شجنن والله لأجنن ..

آيه : مالك بتقلق هكذا اصلا اهلي ماعيزوجونيش الإ لما أكمل القرايه ..


هاني : أصلا لو ترضي تسمعي كلامي وتصدقيني نتزوج أضمن إنش حقي أمد ما أجي أخطبش 💍 بس مشنا داري ليش مفتجعه هكذا اقلش سر بس ماتقليش لصاحبتش أنتي داريه لما خرجنا المطعم هذك اليوم هي وصاحبي تزوجوا عرفي وكانت خرجت المطعم يحتفلوا ...


آيه : اتفاجأت 😳 قل والله هذه الكلبه ماقالتليش ..

هاني : خلاص لاتقلي لها شي انا بس قلتلش اوريش انها قدهي مره بتتخذ قرارها بنفسها مش مثلي حبيت جاهله بتفتجع .. فلتها وقام خطي 🚶🏼..



🌹meme_abdalgaleel


@qesasanani

بارت 167



في بيت عبدالكريم ....


آيه : وصلت من المدرسه وبتغلق الباب سمعت مجابرتهم وقفت تتسمع 👂🏻..


سميره : بضبح 😤 أيووه وسكت للجاهل هذا كنت عتكسر راسه ماعاد الإ ابن الحرام هذا يجي يطاول عليك ..


عبدالكريم : كان ماتشتي افعل عقلي بعقل جاهل واضربه وبعدا هو بيحاكيني بحكم إني اخوه ومفتجع ع أبي ..


سميره : ضحكت بسخريه 😬 هههه أين اخوه صدق روحه إبن الحرام هذا هو واخته هو صدق نفسه إنه اخوكم وانه ابن الحج عبدالله وهبه صدقت انها بنت عادل وتهاني ...


عبدالكريم : ناهي اووص وطي صوتش لاتروح آيه من المدرسه 🏫 قدهو وقتها وتسمع ..


سميره : ولا سمعت خليها غير تسمع اوذا اخوتها داريين والكل انحنا لقينا هبه ورزق ..


عبدالكريم : هم دريوا قد كانوا عاقلين شويه يذكروا لكن هي كانت بنت 3 سنين مدري 4 ماتذكرش خلاص ماعدبش داعي نفتح هذا الموظوع ..


سميره : عوجت فمها 😏 ناهي سعم ماعتدراش هي ترجع تدرى كماجلست ولا عترجع تورثه بعد مايموت عمي ..


آيه : بتسمع وهي متفاجأءه يوووه 😱 يعني هبه وزرق لقيوهم ذلحين فهمت ليش امي تكرهه هكذا وتجلس تقله دور أمك .. فتحت الباب 🚪 دلا وغلقته سعم عادها وصلت وبتداعي ... ييييه اين انتوا ..


سميره : 😃حيا حيا بروحي قدش تاعبه ادخلي بدلي امد ماقرب الغداء ..


....... ....... ........



في بيت عادل ...

فوق الغداء 🍛..


هبه : يابابا لوسمحتوا نزلنونا الحديده 🌊 قدهي عطله نغير جو قدنا ضابحه هانا فالبيت وحدي مابش معي صاحبات وزيد معاذ مابحدهو ..


تهاني : أيوووه والله إنه صدق ياروحي خلينا نسافر نغير جو 😃..


عادل : ابتسم 😄 هذا قد شكلها الأم والبنت سديات عليا أومه ..


تهاني : ضحكت ههه 😂 ماشي والله مشنا داريه انهي تشتي تسافر بس عجبتني الفكره ..


عادل : يله تمام ماسخاني عليكن الثنتين أنا شاسير اتفاقد السياره بعد العصر وأبسر الحج عبدالله ونسافر الصبح إن شاء الله ..


هبه : فرحت 😄 هيه هيييه عنسافر وقامت تحب عادل 😘 وشلونا معاكم الحاره لما تخرجوا بعدا ...


عادل : هز رآسه 🙂 حاضر ونشلش الحاره كم معانا هبه ..


..... ........ ......


في ذمار ...


في بيت يونس ..

يونس : دخل من الباب🚪 بيداعي ييييه يامره اين انتي ...


مره يونس : سمعته قلدت إنها بتبكي 😭..

يونس : ابسرها افتجع عليها 😭 يوووه مالش او قدهو وجع الولاد ..


مره يونس : وهي بتبكي 😭 مدري مشنا داريه ماهو بينحس وجع قووي اتصلت لعمتي خيريه أقلهم يجوا يبسروني قالوا لي عيس انتي غير اتوجعي وريت والله وأنتي تموتي انتي والذي في بطنش ..


يونس : بعصبيه 😡 هكذا قالوا لش اسهل اسهل انا شبسرهم قومي ذلحين نخطى المستشفى ليش ماتتصلي لي ولا تتصلي لأمش ..


مره يونس : ماسخيتش افجعك قلت اكيد مشهو ولاد عادباقي لي 15 يوم وادخل التاسع وأمي انت داري أرجلهم بيوجعنهم ...

يونس : يله قومي البسي بسرعه نخطى للمستشفى 🏨..


مره يونس : بريحمه 😔مع خلاص قد افتهنت شويه اتصلت لصاحبتي قالت لي هو هكذا ماذلحين شاكون أتوجع بس لو زاد الوجع اقوى اسير المستشفى 🏨..


يونس : خلاص إجلسي بس افتهني وأنا شاغرف لي غداء 🍛 وأمي انا شتصرف معاهم أنا ...


مره يونس : بخباثه 😖 يووه مع كيف تتصرف معاهم في الأخير هي ام مايسبرش تفعل بهم شي .


يونس : قد أمي يشتوا تموتي انتي والي في بطنش وانتي عادش بتهميهم والله انش مسكينه أصلا محد يعرف أمي ساعي ولا كيف بيفكروا 🤔..



🌹meme_abdalgaleel


@qesasanani

بارت 168



بعد يومين ...


محمد : بيتصل لأحمد 📱 قد حاكيت لك واحد عيكون يدخل يغششك ..


أحمد : شكرا مشتيش أحد يغششني قدنا مذاكر قوي عمي عادل كانوا يذاكروا 📚 لي لما كانوا يجوا عند سيدي يوميه ..


محمد : 😅 يووه صدق ذكرتني . كيف قد سيدي جالسين تاعبين ..


أحمد : ليش يهمك تدرى اومه لوشي آنك بتجي تبسرهم ..


محمد : الدنيا مشاغل وبعدا ماعاد بيعجبنيش الحاره يا اخي حده ثانيه قدوذا عتجوا وتبسر بعينك لاتنسى الحاره والي فيها 😅..


أحمد : محد ينسى اصله الإ قليل الأصل . يله خاطرك اخطى أبسر سيدي أجلس اذاكر عندهم هم وحدهم عمي عادل فالحديده 🌊 مع السلامه ...



....... ....... ........


في الحديده ...


عادل : هيا مه كيف الحديده اعجبتش 😄..


هبه : أيوووه حاليه قووي 😄 والبحر يجنن ريت والله واخوتي معانا ..


تهاني : اليوم تشلنا الكورنيش نجلس بس ماقدرنا للمهد حق السباحه 🌊 ساع امس ..


هبه : بتدحس بضبح 😤. يوووه مع ياماما اشتي اتسبح ..


عادل : اليوم نشل ماما الكورنيش نجلس هاناك وانا أخزن ع البحر والصبح وعد نقوم انا وانتي ونخرج نتسبح 🌊 ذلحين قدهو برد ع السباحه .



....... ...... ......


في بيت عبدالصمد ...


عبدالصمد : فتح عيونه كان راقد 😴 بعد ماتغدوا .


نوال : قدام المرايه بتتصلح 💄🙍🏻..

عبدالصمد : ابتسم 🙂الله الله ع القمر حقي ماهو هذا الحلا ..

نوال : لفتت له بإبتسامه ☺ جارتنا الي فالعماره معاها نشره عزمتني عندها ...

عبدالصمد : ضحك ههههه😂 ماهو معاها نشره ومادخلش تتسبري او انتي المذيعه ..


نوال : ابسرته بضبح 😤 يوووه عبدالصمد بطل محانكه قلك مذيعه انت داري انها عزومه بس يسموها هانا نشره..

عبدالصمد : بيضحك ههه 😂 أنتي قلتي نشره ماعليا انا ..

نوال : يله قوم اتحمم 🚿وبدل عتسير عند عامر قد جهزت لداتك .


عبدالصمد : بيني وبينش والله اني مكسل ماقدرت اخزن ولا أسير بقعه شجلس فالبيت وانتي أنزلي عند العزومه لابعد المغرب ونخرج نشتري لنا عشاء 🍱 ونسير الكورنيش ..


نوال : طيب تمام وانا ماشتأخرش شنزل شويه قد إسمها عزمتني خزا ☺..


....... ........ ......

عند العرس ..

سميره : جالسه وآيه جنبها .


النسوان الي قدامها : بيتفرجين آيه قوووي ..

آيه : دكمت أمها .. 😤 اوووف مالهن هولاء بيتفرجين هكذا ..

سميره : ضحكت 😄 شكلهن بيتحيلين لش لاعجبتيهن يخطبنش 💍..


آيه : ماهو من الخباله مايخطبين فيني عادنا جاهله ..

سميره : ومايوقع لاهو النصيب اوذك انا تزوجت وعمري 15 ماوقع بي وانتي قدوذا عتطلعي اول ثانوي كودهن ماذلحين يتفرجنش ويجولش خطاب 💍..


آيه : جلست مطننه 🤔 بتتذكر كلام هاني انه عيجنن لو تتزوج بغيره وبقيه كلامه.


....... ........ .......

عبدالكريم : دري من محمد ان عادل مسافر فكر 🤔 ان هذه احسن فرصه يسير يخرجهم من البيت مابش من يجي يحانبه ويتصايح معه ..




@qesasanani

بارت 169


في ذمار ...


في بيت صالح ...

يونس : دخل بيداعي أمه معصب 😡 ييييييه يا أمه أين أننتوا ..


خيريه : سمعت صوته وفرحت 😃 حيا حيا باابني أمانه لوتبسر كم بينفرح لما أسمع صوتك في البيت ريت والله وانت ترجع عندنا..


يونس : بضبح 😤 أيوووه ارجع عندكم تموتوا مرتي وإبني ماهي قساوه القلب ❤ هذه الي فيكم ناهي كنت اقل بتكرهوا طارق ونوال مشهم عيالكم لكن توصل بكم تكرهوا حتى مرتي وإبني .


خيريه : بزعل وقهر 😔 يوووه ياعيبتك اموت مرتك وابنك ماهو هذا الكلام ...


يونس : عفط وشه 😡 مدري أنتوا أخبر المره تتصل وتقلكم تاعبه بتولد تقلوا لها هكذا .. حسبي الله فيكم بس لكن لاعادنتوا أمي ولا أشتي أعرفكم وفلت وخطي 🚶🏼 ..


خيريه : بتلحقه 🚶🏻‍♀ ومسكته من يده .. من التاعب ومن اتصلي مابتقل ..


يونس : بعد يدها 👋🏻 خلاص بسسسس تعبت كذب أنت خبزي وعجيني وأعرف كذبكم خرج وصرع الباب 🚪 في وشها ...


خيريه : دخلت وهي بتبكي 😭 حسبي الله فيش ساع مافرقتي بيني وبين أبني ..



يسرى : سمعتها بتبكي 😭 سارت لعندها يووه مالكم ياعمه بتبكوا ماله يونس سمعت صوته بيصيح ..



خيريه : 😡 مشوو عليش اخطي من قبالي ولا جيتي تتشفي فيني ..


يسرى : تشفى مه ياعمه مالكم صلوا ع النبي انا سمعتكم قلت أجي أبسر مالكم يله أنا آسفه وفلتت وخطيت 🚶🏻‍♀..



....... ........ .........

العشي 🌚

في الحديده ..


عادل : هيا ماذلحين نقوم نروح لنا ..

تهاني : أمانه خلينا مانروح نفعل إبسر عاد الناس غير بيجوا وبعدا إبسر محلى البحر 🌊 والجو هذا ..

هبه : أيوه أيوه يابابا قوى زيد خلونا نجلس ..


عادل : يله تمام كان انا شاسير اشتري لنا عشاء 🍛وانتي اجلسي عند ماما مش تشاغليها ...


هبه : تمام حاضر واشتروا لنا بيتزا 🍕 وبروست 🍱...


عادل : يله تمام حاضر مع السلامه وخطي بالسياره 🚘..



في الجهه الثانيه من الشارع ..


عبدالصمد : بيجنب السياره 🚘 ..


نوال : بتبسر البحر من الطاقه 🌊 يوووه محلى الجوو ..

عبدالصمد : مش احلى من القمر الي جنبي 😉..

نوال : ضحكت بخزا ☺ تصدق كم بينجلس اصلي واحمد الله انه عوضني بك وأوقات اقل يمكن ربي فعل بنا هذا كله وخلى خالتي تفعل بنا هكذا كله علشان أكون لك ونصيبك يمكن لو عادنا في ذمار إن قد أبي زوجوني ..


عبدالصمد : والله لو كان زوجوش بواحد ثاني إني ارتكبت جريمه وقتلته وانش ذلحين بتجي تزوريني للحبس ..


نوال : ضحكت هههه 😂 أيووه واديلك جبنه وحلاوه ..

عبدالصمد : بيضحك هههه😂 جبنه ياحاذقه قلي كبده لحم صغار ..

نوال : يوووه خورتني سندوتشات كبده 🌯 صدق من عند هذاك الي فالركن ..

عبدالصمد : من عيوني ياعيوني خلاص ننزل واسير اشتري لش 😍..



........ ......... .......


في بيت حميد ..


عم حميد : الله لاغيبش يانوال كيف البيت من غيرها شوعه ...


تقيه : قد تعودنا عليها عادنت بتخرج تخزن مانا معاها طول اليوم والله ان دموعي 😭 مابتوقف فاقده لها ..


عم حميد : وانا مثلش لوشي إنهي ذلحين قد وضعت بقعتي وبخرت لي المكان الله يسخر لها يارب ويسعدها..


تقيه : أمانه اتصلها وإدي أحاكيها قدنا فاقده لها ..


عم حميد : خرج تلفونه 📱 بيتصل لنوال ...



....... ........ ........


في ذمار ...


مره يونس : بتحاكي صاحبتها 📱 أيوووه لوتبسري قد تصايح معاها وتقالعوا وقلي ولاعاد عيسير عندها ..


صاحبتها : يله عيس تفتهني منها 😀..


مره يونس : ايووه بردت خاطر هذاك كنت اهم لاعد تقل عتجي تولدني ولا اسير اولد عندها ذلحين حالي أولد براحتي وافعل في بيتي ما اشتي 😃...



🌹meme_abdalgaleel


@qesasanani

بارت 170



في الهند ...


معاذ ومنير في غرفتهم كل واحد فوق سريره بيتجابروا ...


معاذ : طارح يده تحت راسه ..يا اخي ماهو هذا الحظ إبسرت ع ودافه ..

منير : ضحك هههه 😂 هيا ناهي ياودافه والله ان قدك مزقرع بس بتدقها حركات ...


معاذ : اين حركات والله ان قدنا بينهم كيف شفعل وانت مالقى الدكتور الا هذه البنت يفعلها معي فالمجموعه حقنا ..

منير : ميس ميس اسمها ميس مش هذه البنت وغمز له 😉 وبعدا أحمد الله إبسر ع قمر ..


معاذ : ضحك هههه 😃 هيا مدام وهي قمر ومعجبه لك حبها انت بدل آيه المدلوزه مامصنف لك فيها مدري ..


منير : والله مدي لك علم كنت أجلس امكنها انتي خطيبتي وهي جاهله ماتوقعتش انها تسطع في عقلي هكذا ☺ وبيغمض عيونه بيتخيبل آيه يا آيه ..


معاذ : خفعه بالوساده وهو بيضحك 😂ودافه يا ودافه ..

منير : شل الوساده ورجمه وكملوا مجابرتهم ...


....... ......... .......



في الحديده ..

في الكورنيش عند البحر 🌊..


هبه : ماما لوسمحتوا ضبحت جلسه جنبكم أشل الكره والعب ⚽..


تهاني : تمام العبي لكن هانا قبالي لاتسيريش بعيد ..



نوال : جالسه فالكرسي الي فالجهه الثانيه هي وعبدالصمد ..

عبدالصمد : مسك يدها 👫 هيا قومي ننزل نتمشى عند البحر ...



قاموا وبيخطوا في الرمل ع الشاطئ🌊..


هبه : بتلعب بالكره⚽ قدام أمها عند الشاطى ..


عبدالصمد : بيشم ريحه الأكل قد حبيبي جاوعه أشتري لها السندوتشات 🌯 الي تشتي نأكل ..

نوال : طيب تمام هيا وهم بيخطوا رن تلفونها 📱 جاوبت تقيه أشرت لعبدالصمد خلاص سير انت وأنا مراعيه لك هانا أمد ماحاكي أمي تقيه 😃 وزيد لي البسباس ..


تقيه : هذا شكلكم خارج 😃.

نوال : ايوه عند البحر مارأيكم هيا انزلوا عندنا ..

عبدالصمد : خطي يشتري السندوتشات 🌯..


نوال : جالسه بتجابرها و بتلعب فالبحر 🌊 بأرجلها مقفيه مراعيه لعبدالصمد ...


هبه : إرتجمت عليها الكره ⚽ وخفعت نوال حملت تديها 🏃‍♀ ...



نوال : مسكت الكره ⚽ وبتبسر بنت بتحمل تديها مسكتها وبتخطى لعندها تمكنها ...


....... ........ ........


في ذمار ...


في غرفتهم ...

طارق : بضبح😤 ابردي منها قد الله أخبر بها والله انهي في طريقها.


يسرى : لكن حرام عيرجع عيال يونس يعصوه ..

طارق : بزعل 😔 عيس وهو يستاهل والكل سخي ع أخته وفعل هكذا هو وامه ربي ينتقمهم أقسم بالله لولا إني مفتجع ع أبي لايقع بهم شي ومفتجع لايدروا بنوال وعبدالصمد إني قد قتلته هذا المجرم😔 ...


يسرى : يوووه 😱 ياطارق من ايحين قدك بتحب القتل والدم ربي ماعيفلتش حقهم وقد ربك بيقهرها في يونس وهو ربي عيعاقبه اصبر بس والله مايفلت حق مظلوم ...


طارق : بحرقه 😔 لا بينحب القتل ولا الدم لكن قلبي مفطور 💔 سخي ع أخته هم عيقلوا بنت صالح ال*** فعلت هكذا يعني شوه بسمعته قبل مابيشوه بسمعتها ..


يسرى : اي اي وحطت يدها ع بطنها 👋🏻..


طارق : كان ممدد فوق السرير قام مالش 😳...

يسرى : نفخت اووف 😤 بنتك هذك شكلها عتطلع مظاربه بتزابط ..


طارق : ضحك ههههه 😂 شكلها عتطلع جلفه ساع أمها ..


يسرى : بتقلد انها حانقه 😌 قفت وشها ... والله هكذا انا جلفه يله خلاص ولاعاد تحاكيني ...


طارق : ضحك وبيحانكها 😜 مفعل كان نفسي يزوجوني بواحده رقيقه لكن خلاص قد ودفت بالأم وذلحين البنت عتجي لي ساع أمها ..


يسرى : ابسرت قدامها قاروه ماء شلتها وخفعته 🍾 يله عيس تستاهل خليني اوقع جلفه سوى. .


طارق : ضحك😂 هههه فتح القاروه وبينازفها ...






@qesasanani

بارت 171


في الحديده ..

عند الشاطئ🌊..

الضوء خفيف ضوء القمر 🌚 بس وشويه اضواء جايه من المطاعم والأكشاك ..


هبه : مدت يدها لوسمحتوا ياخاله هذه الكره حقي ⚽..


نوال : بتمكنها وهي مبتسمه 🙂هاه حبيبي ..

هبه : بإبتسامه دلوعه ☺ شكرا ومدت يدها تشلها .


نوال : مدت يدها تمكنها ركزت في وشها بتتفرجها بقووه 😳 وفي نفسها يا الله معقووله تكون هي مع مع ما اظنش ..بس فيها شبه قووي منها ..

هبه : خاله لوسمحتوا الكره مالكم طننتوا 🤔 ..


نوال : قلبها بيدق قووي 💗 وبتحس رعشه في جسمها .. ايش اسمش ياحبيبي ..


هبه : إسمي هبه ..

نوال : حست رآسها لف 😇 وتشارغت عيونها 😢 بالدموع بيتكم في صنعاء القديمه عند بيت ال*** .


هبه : أيوووه هذا بيت عمي عبدالله ..

نوال : مسكتها بتحضنها بقووه وتبوسها 😘 واخوش رزق كيفهو صف كم قد انتي مرتاحين كيف عايشين وبتبكي 😭..


هبه : افتجعت منها وبعدت 😰 .


نوال :بتتحاكى وهي بتبكي 😭 لاتفتجعيش ياروحي انا كنت جارتكم فالحاره وانتوا جهال ..


هبه : هآه😃 .. كيفنتوا احنا بخير انا صف خامس ورزق ويزن بخيرين بس إنا وبابا وماما جينا الحديده 🌊 دوره ..


نوال : بتتفرجها 😳 من طالع لانازل بتركز في كل تفاصيلها لما سمعتها بتقل ماما كان نفسها تقلها أنا امش نفسها تصيح تدعي عبدالصمد تقله هذه بنتك ..


تهاني : ابسرتها تأخرت وقفت تدعيها وتصيح فوقها 😡 هبببببه ييييه يله جي كذا ..


هبه : شلت الكره وحملت تجاوبها 🏃‍♀ ولفتت لنوال يله مع السلامه.


نوال : اطرحت ع ركبها في الأرض بتبكي 😭 بتتفرجها وتشتي تقلها لاتبعديش جي ..



تهاني : مسكت هبه وبتصيح فوقها 😡 انا قلتلش تلعبي هانا ماسار بش لبعيد وليش واقفه مع هذك المره ...


هبه : الكره ⚽ نكعت وسيرت اديها وهذك المره سالتني بسمي وبعدا جلست تبكي قالت هي كانت جارتنا وبتسالني كيفهو اخي رزق وجلست تبكي وتحضني قووي وتبوسني 😘.


تهاني : طرحت يدها فوق قلبها ❤ يوووه يا الله معقوله تكون هي طول هذه السنين بنهرب منها وتجي لها اليوم وبتسال هبه ماقالت لها بالظبط .


عادل : وصل بالعشاء ..🍱🍕 هاه العشاء ..

تهاني :مسكت الأكياس بعجله .. يله نروح الآن عنتعشى فالفندق ومسكت هبه وبتخطى 👭...


عادل : استغرب منها 😳 بيلحقها يوووه ليش مالش قلتين تشتين تتعشين هانا ...


تهاني : بهررت فوقه 🙄 مش وقت يله قلت نروح وشاجربك ..


هبه : بزعل .. 😔 شكلهم زعلوا مني لأني نزلت ادي الكره وحاكيت المره خلاص أنا آسفه هيا نرجع .


عادل : حس ان في شي مدام تهاني مفتجعه 😰 هكذا طلع فوق السياره وخطيوا ...


نوال : عيونها 👀 كانت بتلاحق هبه لما خطيوا .


عبدالصمد : جاء وفي يده السندوتشات 🌯 ابسر نوال جالسه فالارض وتبكي 😭 افتجع عليها حمل لعندها مالش أحد ضايقش أحد سوى لش شي ليش بتبكي مابه ..



نوال : قد عيونها حمر من البكاء 😭 وبتتحاكى بشنهجه ولا حاجه قوم نروح ..


عبدالصمد : بعصبيه وخوف عليها 😨 كيف ولا حاجه مااااالش مابه وبيتلفت حولها يمكن كان به احد بيضايقها ...


نوال : مشي داريه ماتقله .. حاولت تغالطه أصلا ذكرت أمي الله يرحمهم لما كنا نجي البحر وإحنا صغار فقدتهم وفقدت أبي وفقدت بيتنا وفقدت كل شي 😭 ....



عبدالصمد : مسكها بيده وقيمها 👋🏻 الله يرحمهم ذلحين هيا قومي واهدائ السندوتشات حقش🌯 عيبردين ..


نوال : إشتي اروح شابعه ماعد اشتيش شي ...


عبدالصمد : حس انها متضايقه قووي ماعاد سخيش يقلها شي روحها البيت ...



...... ....... .......


في الفندق 🏚. .


عادل : بيصيح فوق تهاني .😡. حتى لو كانت هي صدق المفروض ماتتصرفيش هكذا ذلحين البنت عتجلس تقل ليش فعلتي هكذا وعتبدا تقلبها في راسها حكايه المره الي بتشل العيال ماعد عتصدقهاش قد كبرت خلاص ...


تهاني : ماعد انتبهتش كل الي فكرت وقته انه اروح وابعدها عنها كنت مفتجعه 😰 ذلحين خلاص انا قلت لها اني زاعله لانها بعدت وقلت لها ماتحاكيش احد وانحنا روحنا عقاب لها ...


....... ....... ......


في صنعاء ...


في بيت عبدالكريم ..


آيه : بتجابر هاني فالتلفون 📱 ..


هاني : هيا صدقتيني إبسرتي ان أمش مابش عندها مانع تززوجك والله لو تتزوجي بغيري لأموت ..


آيه : وانا والله لأموت لو يزوجوني بغيرك 😔..


هاني : أنا قلتلش نتزوج بس انتي معانده ..


آيه : طننت شويه 🤔 يله مع السلامه ذلحين قدهو شرق نتلاقى غطوه فالمدرسه ..


@qesasanani

بارت 172




ثاني يوووم الصبح 🌝..


في بيت الحج عبدالله ..


أحمد : في المدرسه 🏫 معاهم مراجعه للثانويه ..


باب البيت 🚪 بيدقدق ..


رزق : بيتسابق هو ويزن من يفتحه 🏃🏻...


سميره : دهفتهم بيدها 👋🏻 يله ابعدوا من قبالي ودخلت 🚶🏻‍♀..

رزق : بيصيح ... ويأشر بيده 👋🏻 ييييه أين عتسيري مابش دخله ...


عبدالكريم : مسكه من قفاه 👋🏻.. أينه مابش دخله .. قد عتخرجوا أنتوا يله اخطى ادي اللده حقك ..



يزن : ابسره بضبح 😤
مانشتيش نخرج من بيتنا ..


رزق : بيصيح 😡 ماعنخرجش ..

عبدالكريم : طنشهم ودخل 🚶🏼 ع اصوات النسوان ..


أحلام : بتبكي 😭 بطلوا جنان حرام عليكم تخرجونا من بيتنا ..


سميره : بتتحاكى بزنط 🤗 ايجار البيت فندق🏤 عيدخل زلط مافايده لجلستكن فيه ولا بيعجبكن دخله عادل وخرجته ع ثنتين نسوان قد الناس كلهم بيتحاكوا عليكن ..


رجاء : 😡 بتصيح ..كسروا فمه الي عيتحاكى علينا ولا ع عادل بربع كلمه وعاد حس عمش عبدالله ع وجه الدنيا ..


عبدالكريم : دخل بيصيح 😡 بسسسسس انتي وياها من الدحس يله لفين لداتكن 👚👕👖👗👔 وحاجتكن الرجال عيجي يستلم البيت غطوه ..


أحلام : بتبكي😭 حسبي الله فيك بيت كامل مايشله ..


سميره : ابسرتها بإستهزاء 😏 عليش أو مخاطبه من الي فالبيت هو أجره بعفشه والي فيه مامعش الإ لداتش يله اقطبي شرق ..


رزق : دخل بيتصل 📱لعادل مغلق ..


الحج عبدالله : بيسمع الصياح واصواتهم .. بيداعي ..ييييييييه ياااااا ررررجاء ...يااااااا رررررزق ..


يزن : سمعه بيداعي حمل يجاوبه🏃🏻 ويقله مابه ..


عبدالكريم : دخل حط ابوه فوق العربيه حقه وخرجه للسياره 🚘..


الحج عبدالله : بيصيح 😡 ويبكي 😭 ويدعي عليه ..


سميره : دهفت يزن ورزق وطلعتهم بالغصب للسياره 🚘..

رجاء : بتهدي أحلام بتبكي 😭 ولا تقهري نفسش ولا خلينا نوريهم الجنان ع اصوله مايمر إسبوع الإ وقدهم بيدوروا يطردونا هم ...


........ ....... ........


في الحديده 🌊..


في بيت عبدالصمد ...


نوال : فتحت عيونها 👁 وبتوون ..


عبدالصمد : جالس جنبها وفي يده كمادات بيكمد لها طول الليل مريضه محميه 🤒.. عس جبهتها .. كيف قدأنتي ذلحين ..



نوال : تاعبه من القهر 😔 وتحت عيونها حارق .. الحمدلله ..


عبدالصمد : أقوم ادي لش لده وابدل نخطى للمستشفى 🏨..

نوال : قامت ارتكزت تجلس .. مع مشتيش قدنا بخيره ..

عبدالصمد : أين بخيره بطلي جنان طول الليل محميه 🤒مخبوطه مشنتي داريه أين الله طارحش وبتهذي طول الليل وتجابري نفسش ..


نوال : 😰 افتجعت لاهي قالت شي .. ماكنت اقل ..


عبدالصمد : والله مديلش علم بتخبصي خباص جلستي تقلي الكره ⚽ البنت .. سامحوني المهم خباص .. يله خليني اقووم ادي اللده 👚 نخطى للمستشفى ..


نوال : مسكت يده 👋🏻 مع مشتيش قدنا مفتهنه أجلس اليوم عندي بس لاتفلتنيش ..


عبدالصمد : مسك يدها وباسها 😘 جنبش ع طول وكل عمرش ولا عاد شفلتش لحضه بس لوتحبيني صدق قومي نخطى للمستشفى 🏨 ونرجع اجلس معش لما تضبحي مني ..


نوال : والله إني أحبك ❤ بس مشتيش مستشفى🏨 أنا داريه أنا اقتهرت بس لما ذكرت أمي الله يرحمهم وكل ماقد حصل معانا ..


عبدالصمد : الله يرحمهم .. تمام بس لو حسيتش تاعبه عنخطى ..


نوال : طيب حاضر .. وبتبعد الدفاء تشتي تقوم ..

عبدالصمد : مسكها👋🏻 .. هاه هاه أين عتسيري ..


نوال : أجهز لك صبوح 🍛..

عبدالصمد : جلسها فوق السرير .. انتي اليوم ولاعتدي حركه من هنيه 🙂 انا شفعل الصبوح انا لي ولش ...


نوال : ابتسمت له 🙂 بتعب الله يخليك لي ...


....... ....... .......


في الفندق 🏤..


هبه : بتقيم عادل .. هيا بابا نخرج مالكم عادنتوا راقدين 😴 ..


تهاني : ماعدبش خرجه لما يقوم نروح ونطلع صنعاء ..


هبه : زعلت 😔 مع ياماما قووى مشتيش نروح خلاص أنا آسفه والله ما أزيد أحاكي أحد مره ثانيه بس خلونا نزيد نجلس هانا ..


عادل : نكز من نومه 😴ع كلامهن بيتمطط ... بس أنتي وياها من المجابره نكزتني ..


هبه : سارت تبوسه 😘 وتتراشاه اومه يابابا ياحبيبي عادنتوا عتخلونا نجلس ماقد نشتيش نروح ..


عادل : ابسر تهاني 👀
حاسس بقلقها وخوفها ع هبه وفي نفس الوقت مشو ساخي ع هبه .. غمز لتهاني 😉 ايووه ماقد عنروحش عادحنا عنسير نفعل لنا يومين فالخوخه ونرجع نطلع ..

تهاني : اطمنت انهم عيخرجوا من الحديده 😅..


هبه : ماهي هذه الخوخه ..

عادل : منطقه كلها بحر وفيها منتجع يعني لاتجننيني ولا أجننش البحر عندش طول اليوم 🌊 اتسبحي لما تقلي بس ..


هبه : فرحت 😃 وقامت تلفلف لداتهم 👕👚👖..



@qesasanani

بارت 173



في بيت عبدالكريم ...

عبدالكريم : حطهم وسار المعطاره يمسك كلشي بالغصب ..


الحج عبدالله : فوق عربيته فالصاله ودموعه مافارقت عيونه 😢 وقلبه بيقطر دم ❣ ويدعي ع عبدالكريم وسميره وإن ربي يقهرهم مثل مابيقهروه ..


سميره : بتحاكي رجاء .. فتح باب 🚪..هاه هذه الغرفه لش ولعمي ..


رجاء : ابسرتها بضبح 😤 بس ماسكه نفسها حالفه لاتوريها الويل مثل ماخرجتهم ... ماهي هذه الغرفه يا بنت أختي ماعجبتنيش أنا شختار الغرفه الي تعجبني وأنتوا ياعيال يله اخطوا أبسروا الغرفه الي تعجبكم وانتي يا أحلام مالش جالسه وغمزت 😉لها قومي البيت قدهو بيتنا اتخوري واختاري ما تشتي ..


أحلام : ضابحه وزاعله 😔 شويه وشاقوم ..

رجاء : قد علمت رزق ويزن فالبيت قبل مايجوا يكون يجننوا ويمهدوا ويندشوا .


رزق : ابسر الكنبات وطلع فوقهن بيتنبع يحانك سميره وبيداعي ..يايزن جي اتنبع حاليات يقفزين 😜..

يزن : حمل🏃🏻 لاعنده ودهف بيده مزهريه للقاع. واكتسرت ..


سميره : حطت يدها فوق راسها وبتصيح 😡 مابتفعلوا بتكسروا ياقليلين الولف ماجاء بكم يله نزله وبتدهفهم ينزلوا ..


أحلام : بضبح 😤 قليلن الولف كانوا في بيتهم جيتي تخرجيهم العبوا العبوا بس افتنوا ..


رجاء : جت تخطي الحج ووطت تشاوره في اذنه 👂🏻 ولا تقتهر والله لانكرهم عيشتهم ونرجع بيتنا أنت ولا تدخل في بالك ولا تغثي نفسك مسكت العربيه وبتخطيه لمجلس كبير .

الحج عبدالله : موجوع ومقهور 💔 هز لها راسه. مابش في حسه من البيت ولا من الحق والزلط مقهور من ابنه فلذه كبده الي بيفعل به هكذا ..


سميره : لحقتها 🏃‍♀ ييييه اين عتسيري ياخاله هذا المجلس عادنا غيرته عاد الفراش جديد ..

رجاء : بتحانكها 😜 لا تفتجعيش ع فراشش ما اشتيش الفراش شاخلي عبدالكريم يشتري لي غرفه عجبني المكان حالي كبير وفساح وشرقي الشمس☀ بتدخل له حالي يكن اشمس عمش فيه ..


سميره : ابسرتها بضبح 😤 وفلتت وخطيت ..


رزق : بيعلم يزن وبيدخلوا من غرفه لاغرفه يندشوا 😜..


أحلام : جالسه مطننه 🤔 فالصاله ولا حتى خلست البالطوه ذكرت أحمد اتصلتله 📱 تقله يروح لعندهم في حده قد ابوه خرجهم.



........ ....... ........


في الهند ...


في الجامعه 🏬...

منير : بيدكم معاذ بيده ويغمز له 😉 القمر جييه لعندنا ..


معاذ : ركضه برجله .. قر من الزقعه وبطل خباله انا شخطى 🚶🏼وأنت إبسر ماتشتي ..

منير : مسكه بيده وبيضحك 😄
أين عتسير والله ماتدي خطوه ..وهم بيتحاكوا ..

ميس : قربت لعندهم بشعرها القصير 🙍🏻 وعيونها الزرقاء الصافيه الي تشبه السماء ووجها الأبيض مبتسمه ☺ مرحبا ..

منير : يامرحبتين ونص 😄..

معاذ : طارح يده عرض الجدر واليد الثانيه ماسك تلفونه📱 .. ساكت .


ميس : لفتت له 👀..شو بك ليه ماعم ترد ليكون زعلتك بشي ..


معاذ : بيحاكيها بجديه 😠.هاه ..عفوا كنت بينرسل ..


ميس : مدت يدها 👋🏻 تسلم عليه أنا ميس من اليوم راح اكون معك بنفس القروب ..


معاذ : طيب تمام مفعلش ..


منير : مد يده بسرعه 👋🏻 يسلم عليها لايحرجهاش وانا منير وهذا معاذ من اليمن أنتي اردنيه صح 😄 ..


معاذ : فلتهم وخطي 🚶🏼..


ميس : شو به صاحبك هذا كأن العفاريت 😈 بتتنطط بوجهه وايش يعني الكلمه الي قالها لي مفعلش ..


منير : وهو بيضحك 😂ههه صاحبي معقد من البنات اصلا كان بيحب واحده❤ وحبتني أنا وانا فضلت اكسب صاحبي وماعطيتها وجه ومره ثانيه حب واحده وراح يصارحها قالت له لا لا انا أحب منير انت اصلا ماتنحب منير أوسم منك وهو خلاص تعقد من البنات . هههههه😂...



ميس : اها لكن قلتلي بس غريبه عم يقولوا عليك أوسم منه 🙎🏻‍♂ مع أنه وسيم جدا ..


منير : إصترع 😅 وحك رآسه ..قصدهن جمال القلب القلب 😬 ههههه ..


المهم تعرفوا ع بعض وجلست تساله من معاذ وتعرف تفاصيل عنه ...


........ ....... .......
في صنعاء ..


في بيت علي



أماني : قد أتصلت لي سميره قالت قد أبي عندهم شاسير عصر ابسرهم واحاكي عبدالكريم من إيجار البيت. .



علي : فعل يده في دقنته .. هاه بيننا لازد شميتي ريال والله ماغير أمد ماشلش موافقتش يأجر البيت ويستلم المعطاره والمحلات ..


أماني : هيا ناهي لك من الخباله سعم ان قدهو حقه وان ابي قد ماتوا هو داري ان الحق حقي وحقه وحق أمل ..


علي : بيننا الأيام وعتبسري والله ماغير امد ماتعصي أبوش ..



@qesasanani

بارت 174


بعد يومين مرت
بدون أحداث مهمه ...



في الحديده 🌊..

نوال : قامت جهزت ملابس عبدالصمد👔👖 والصبوح 🍛 وجت تقيمه .. حبيبي هيا عتسير الشركه ..

عبدالصمد : فتح عيونه 👁 بيتفرجها .. شركه مه ماشاسيرش الإ لما قدش بخير .


نوال : والله ان قدنا مفتهنه هو كان شويه زعل 😔 ورحله ..

عبدالصمد : طيب إسهل ازيد اليوم أجلس بس اتأكد إن قدش بخيره وبتاكلي 🍲🍨..

نوال : والله إن قدنا مفتهنه وقد جهزت لك الصبوح واللده يله قووم ..

عبدالصمد : طيب يله تمام اول نصتبح وابسر كم عتأكلي وبعدا شاقرر 😄..


نوال : حاولت تتصنع الإبتسامه 🙂 وتتغصب الأكل من يدعبدالصمد لاتزعلش ....



....... ........ ........


في ذمار ...


يونس : فالمستشفى 🏨 مرته بتولد جالس مربوش مشو داري مايفعل وحده مايشتيش يحاكي أمه خرج تلفونه 📱بيتصل لطارق قوى يا أخي أنا فدالك ادي مرتك للمستشفى مرتي بتولد ...


طارق : في العمل حقه .. جاوبه 📱 .. من أيحين قدنا أخوك وقوى وانا فدالك ..


يونس : يا أخي قوى مش وقت العتاب مرتي وحدها داخل بتبكي😭 وتصيح مابش أحد عندها وانت داري امها مريضه وامي محناش سديين ..



طارق : ماسخيش عليه مهما كان في الأخير هذا أخوه 😔 طيب تمام لاتقلقش شاسير ادي يسرى واجي ذلحين ...غلق من عنده واتصل ليسرى تتجهز عيجي لها وتدي معاها زلط 💴 لو احتاجوا ..


خيريه : إبسرت يسرى لابسه ومراعيه لزوجها خرجت بتحطم فوقها 😡 هييا ماقد معانا بدل ماتخطي تفعلي لش مهره قدش ملبسه ومراعيه لزوجش تخرجوا تلووا ..


يسرى : لووي مه ياعمه مالكم هذه مره يونس بتولد وطارق عيجي لي اسير معاها فالمستشفى 🏨..


خيريه : بلعت ريقها بقهر وقفت نزلت دمعتها 😢 مره إبني بتولد واول حفيد لي وفرحه بدل ما يتصل إبني لأمه أتصل لطارق معقوله باع أمه وعيشتري طارق ..


طارق : وصل بالسياره 🚘 وبيطرق ليسرى ..

يسرى : طلعت معه وبتحاكيه من خيريه ..


....... ....... .........


في بيت عبدالكريم ..


جاره سميره : يا أختي جيت أبسرش كيف انتي بينبسر جهال كودهم دخله خرجه من البيت وصياح وصروعه ابواب قلت يمكن أحد من اهلش عندش لوتشتي شي ولاشي..


سميره : 😏عووجت فمها .. وحطت يد فوق يد .. هذا ابن حمايا واخو زوجي قد نقل عمي ومرته وسليفتي عندنا ..


جارتها : يووه 😱 والفعله ليش وانتي انتي خرجتي من عندهم ترتاحي لحقوش ..

سميره : مانفعل خيره الله زوجي أجر بيتهم جاله مستثمر فعلوه فندق وقدش داريه المنطقه حاليه للسياح ..


أحلام : إبسرت المره داخل فالديوان دخلت تسلم عليها 😘 ..


سميره : بضبح 😤 هذه جارتي وهذه سليفتي الي زوجها مات مع محمد لما فعلوا الحادث ..

جارتها : هآه كيف أنتي .. ماشاء الله شكلش كنتي بتفعلي الغداء ..

سميره : أيووه ماشاء الله عليها مامن هذه الناحيه معاها اكل وطبخ يجنن ...

يزن : بيدورها .. بيداعيها يشتيها ..


أحلام : يله فرصه سعيده ☺ أجاوب ابني ..


بعد ماخرجت ...

جارتها : يوووه ماشاء الله عليها عادهي صغيره وقمريه 🤗 وحميش مابتفتجعيش لايتزوج بها زوجش ويقل يربي ابن اخوه بدل ماتسير تتزوج بواحد ثاني ..


سميره : ضبحت 😤 ماااالش ماهي هذه الخباله ماشي مابيفكرش زوجي هكذا ولا هي عادهي ناويه تتزوج قلبي مقروح قوي ع زوجها ..



جارتها : والله ان واحده اعرفها هكذا كانت هي وسليفتها الي مات زوجها ساع الخوات لايوم ما ابسرتها الا داخليه وهي ماسكه يد زوجها 👫 وقلها قد تزوج بها ..


سميره : خفعت وشها 😱 يوووه والفعله ايوووه وبعدا مافعلت ..


جارتها : جلست تبكي 😭 وتعدد ورجعت حنقت وانه ولاعد عبرتها وانهي مسكينه رجعت شلت جهالها ورجعت البيت عنده ماتفعل صبرت لأجل عيالها وبعد ماكانت الأمره الناهيه في بيتها وزوجها مايخطى الإ بعد كلامها مسكينه قدهي ترحم الله ولاعد بيعبرها ...



سميره : طننت شويه 🤔 وبتفكر في كلامها ..


جارتها : يله كان خاطرش أروح قبل مايجي زوجي أجهز الغداء 🍛🍲....



....... ....... .......


في الحديده ..


نوال : بعد ماخرج عبدالصمد وجهزت الغداء خرجت التلفون 📱حقها وبتتصل لتقيه تحكي لها ماحصل معاها ..


تقيه : حاولت تهديها وتقنعتها وتطمنها إن العيال بخير وقد تأكدت وإبسرت هبه بعينها 👁 وابسرت كيفهي مرتاحه وبيدلعوها ..


نوال : قوى ياأمه أنا قد اتطمنت ع هبه وابسرتها 👀 زيد سيروا ابسروا رزق واطمنوا عليه ولو عتقدروا تصوروه لي ابسره هو ساع اخته او تغير ...


تقيه : حاضر من عيني 👁 غطوه شاسير لاتقلقيش انتي طمنيني بس كيف انتي وكيف عبدالصمد وبيتجابرين ...




...... ....... .......

في ذمار ..


مره يونس : ولدت وإدت ولد 👶🏻..


يونس : من الفرحه مسك طارق وحضنه ..


طارق : ابسر حضنه ماسخيش فيه حضنه وبارك له 🙂..



رغم كل الي حصل ومحاولات خيريه للتفريق بينهم عمر الدم مايرجع ماء ويونس اول شخص فكر فيه في حاجته اخوه ...





🌹meme_abdalgaleel


@qesasanani

بارت 175



بعد مرور 5 أيام ...


في بيت عبدالكريم ...

رجاء : يا أحلام حسش مع العيال أوذا شخطى أشل عمش عند الدكتور مدري ماله تاعب أنا وأحمد ...


أحلام : كانت فالمطبخ بتفعل الصبوح .. ليش ماتتصلي لتهاني تخلي عادل يجيله حين هو يعرف الدكتور ومتابع حالته والكل ..

رجاء : قلت عيب عادهم وصلوا أمس العشي من الحديده 🌊 وابكر أقله جي وبعدا ماقد قلنالهمش إن قدحنا هانا لو يجي بينهم ماعيفعل به عبدالكريم ..


أحلام : بزعل 😔 الله يعيننا بس أقسم بالله إن قد شقرح هانا ..


رجاء : تنهدت ...😔 آآح آآح مانفعل خيره الله خاطرش ...



بعد يمكن 10 دقايق ..

عبدالكريم : ابسر أحلام فالمطبخ دخل لعندها .. صباح الخير أمانه أفعلي لي بن☕ من حقش قدنا خاور له من حين كنتي تفعلي لنا من اول ..


أحلام : داريه إن عبدالكريم طيب من داخله بس بيسمع كلام سميره ...طيب حاضر من عيوني 👁 ذلحين ..


عبدالكريم : تسلم عيونش 👁 وخليه لي ثقيل ..


سميره : ع خرجتها من غرفتها ابسرته خارج من المطبخ وبيقلها تسلم عيونش 🤔 ذكرت ع طول كلام جارتها وفار دمها .. خطيت بسرعه سحبت عبدالكريم .. جي كذا إشتي أحاكيك ...



....... ....... ........



في بيت عادل ...

عادل : قيمتي هباتي تصتبح ..


تهاني : بتضحك ع هبه ..😃والله مارضيت تقوم بتمكني شويه شويه ..


عادل : شكلها منعسه اوذا شدخل اقيمها أنا أبسر لوهي عتجي معي للحاره أكيد قدهي فاقده لأخوتها ..


تهاني : هآه عتسير ذلحين ..

عادل : أيوه أسير أطمن ع الحج وأبسر مايحتاجوا وأنتي وكفي لي الحلاوى والمشبك🍩🍭 الي ادينا لهم ..



....... ...... ........


في مدرسه آيه 🏫...


هاني : ياحبيبي قوى فكري🤔 فالموظوع الي قلتلش غطوه أخر يوم لنا في المراجعه وعنبداء إمتحانات من يوم السبت يعني ماعد شبسرش ..


آيه : مطننه ماردتش عليه 🤔 بتفكر ..


هاني : هيا مال حبيبي مطنن 🤔..


آيه : كيف يعني نتزوج عرفي يعني أوقع مرتك خلاص مشو حرام ..


هاني : أيووه مرتي خلاص. ومايصلحش يزوجوش بواحد ثاني الإ لو طلقتش وبعدا عنخلي أصحابي يوقعوا شهود والكل سعم الشيخ مابيفعل هو بيكتب ورقه 📝 فلان الفلاني تزوج بفلانه ويكتب التاريخ ويوقعوا الشهود بس إحنا عنخبي على أهلنا أمد ما أجي أخطبش 💍 بينفتجع لو يزوجوش بواحد غيري ...


آيه : كانت متردده بتفكر 🤔 ...

يله خلاص تمام خرج ورقه 📝وأدعي أصحابك يجوا يوقعوا ...


هاني : فرح 😃 قلي والله يعني خلاص موافقه ... وقام من فوق الكرسي وقف🚶🏼 لا لا ماناش مصدق أحمل بسرعه أدعيهم قبل ماتغيري رأيش ...


آيه : سارت لعند صاحبتها تقلها أنها وافقت بس بتحس بخوف وقلق 😰 .


صاحبه آيه : ولا تهمي ولا يله قومي نسير لعندهم وشبحتها وبيخطين وتشجعها 👭...



دخلوا فصل وكتبوا ورقه 📝 إنها مرته ووقعوا أصحابه ..


هاني : إبسرها مبتسم ألف مبروك ياحبيبتي قصدي خلاص يامرتي 😍..


آيه : ابتسمت ووطت خزيت 😊 يعني خلاص قدنا ذلحين مرتك ...



صاحبتها : أيووه أكيييد مرته مثل اي واحده تتزوج 😃...


هاني : يله اليوم دبرين لنا خرجه عازمكن فالمطعم نحتفل بزواجنا 😃 واديلش الدبله والكل 💍..


آيه : ماعيرضوش أمي لأنحنا قد عنختبر خلاص عيقلوا أجلس أذاكر ..


صاحبتها : شتصلهم تجي تذاكري عندي. ونسير📚 ...


........ ........ ........


في بيت حميد ...


تقيه : بتحاكي نوال فالتلفون 📱 خلاص يابنتي قد أنا سايره ذلحين قد أبوش حميد خرج وأنا قلتله شاسير أبسر واحده مريضه ..


نوال : إسلموا يا أمه قدنا بينتعبكم معي قوي ..


تقيه : ولا به شي.. أهم شي مثل ماقلتلش لاتحسسي زوجش بشي جهالش قد ربي سخر لهم وأنا شطمن عليهم واقلش ...



....... ....... .......


في الحاره القديمه ...


عادل : وصل وقف السياره 🚘 قدام البيت ونزل هو وهبه ..


هبه : نزلت وهي بتتدلع 💃 في يدها كيس فيه صدف من البحر جمعتهن للعيال واشترت لهم هديه ..


عادل : بيبسر شقه فالبيت 🏡 ناس بيرنج وناس بيفعل قص للعقود والقمريات إستغرب😳 .. دخل بيسألهم يا أخي وين أهل البيت .


العامل : مدري إحنا جينا ومابحد فالبيت ..


عادل : خرج تلفونه بيتصل لأحمد 📱 ..


أحمد : حكى له الي حصل وإن عبدالكريم شلهم عنده ..


عادل : صيح فوقه 😡 ولييييش ماتتصلي لييش ماتتحاكى ...


أحمد : أنتوا كنتوا مسافرين ما حبيناش نزعجكم وتفعلوا لكم مشاكل مع أبي ..


عادل : أينهو عنوان البيت 🏡شاجي ذلحين أبسر سيدك ..


أحمد : إحنا فالمستشفى🏨 سيدي تاعب شويه ..


عادل : أوذا شاجي ذلحين يله مع السلامه .. طلع فوق السياره وخطيوا 🚘...


@qesasanani

بارت 176



في بيت عبدالكريم ...


سميره : دخلت للغرفه حق أحلام خرجت الشنطه الكبيره 👝 وبتلفلف لداه أحلام 👚👕👖👗 ويزن ...


أحلام : إبسرتها دخلت للغرفه ابسرتها 😱 يوووه مابتفعلي بلداتي ..


سميره : بتتحاكي بمقارحه ضابحه 😤 وطارحه يدها في خصرها ...

بينلف لداتش يا أبي وروحي ترجعي بيت أهلش كان ماتشتي أخليش تجلسي هانا لما ترجعي تشلي زوجي عليا ...


أحلام : إستغربت منها 😳 زوجش مه الي أشله ماهو هذا الكلام ياسميره ..


سميره : وهي بتخرج اللده من الدولاب 👖👗👚👕 للشنطه ... ماهو هوه بالمختصر أنا ماعد أشتيش تجلسي في بيتي للمه مابش معش بيت أهلش أومه لما تجلسي في بيت أخو زوجش ..


أحلام : بتبكي 😭 أنتوا الي جيتوا تخرجونا من بيتنا ولا أحنا اصلا مانشتيش نجي عندكم ...


سميره : عوجت فمها 😏 وبتضحك بسخريه ...ماهو ماهو ياقمر بيت مه أينهو بيتش هذا او راكنه أنا عاد لش حق خلاص قد زوجش مات يعني لا انتي ولا ابنش عاد لكم ريال في حق عمي ..



أحلام : ودموعها مغطيه وجها 😭 من قلش اني اشتي منهم شي الله يحفظهم بس ويطول في عمرهم ..


يزن : سمع صوت امه بتبكي حمل لاعندها 🏃🏻 مالكم بتبكوا ..


سميره : بصوت عالي وبهراره 🙄 مالها زوجوا خالها هيا قوم يا قمري لفلف لداتك مع امك وخرجه من بيتي هاه عتسيروا بيت سيدك ..

يزن : بيبكي 😭ويخرج اللده من الشنطه .. ماعنسيرش بقعه عنجلس مع سيدي عبدالله ..


رزق : كان واقف عند الباب دخل وبيبعد اللده 👗👕👖 مع يزن .. لفت لسميره وصيح 😡 زيدتي فيها عيب عليش ليش بتفعلي بنا هكذا والله لأتصل لأخي عبدالكريم اقله واقل لأبي يصيحوا فوقش لما يجوا .


سميره : دهفته وبتضحك بإستهزاء 😬 تتصل لمن يابطل منهو هذا اخوك ذلحين سير اول القى لك أهل وبعدا جي افتح فمك واتليقن ...


أحلام : صاحت فوقها وهي بتبكي وبهررت 😡 سميييييييره بس ..


سميره : بتغيوز عيونها 😏 للمه بس ليحين عنجلس نكذب ..


أحلام : ببهرره🙄 وصوت حاد ... رزق شل اخوك واخرجوا من هانا يله وأنتي لو معش شي حاكيني أنا لاتدخليش العيال فالموظوع ..



رزق : خرج هو ويزن وهم بيلاعنوها ..

يزن :هذه عمتي قليله أدب تشتي ندور لنا اهل جداد سعم انحنا فارحين فيها تقع اهلنا. .


رزق : أيوووه كودها تجلس تقلي ادور لي اهل تشتي نخرج من البيت لكن والله مانخرج جي نتصل📱 لعبدالكرين نقله أنها طردتكم من البيت .



سميره : هآه .. تشتي الموظوع بيننا ...😡خلاص قدوذا قلتلش عزي نفسش وخلي عندش كرامه واخرجي من بيتي يله برع وبتاشر لها بإصبعها👆🏻 للباب وتدهفها ..



أحلام :خرجت تلفونها 📱 بتتصل لأخوها وهي بتبكي 😭 ..


......... .......... ..........


في المستشفى 🏨..


عادل : وصل هآه احمد كيف أنتوا ..


أحمد : 😃 اهلا .. حيا الله بالمسافرين حقنا حمدلله ع السلامه ..


عادل : الله يسلمك ويعافيك .. هيا اينهو الحج عبدالله سلامات ماله ..

أحمد : داخل عند الدكتور هم وخالتي ...


هبه : بتتفرجه بزعل 😔 وأنا ليش ماتسلم عليا قدنت بتزنط ..


أحمد : إبسرها وضحك 😄 أهلا أهلا بالقمر حقنا ما انتبهتش اين كنتي وبيفعلها بيده حركه سماح 🙏🏻 أنا آسف .. كيف الحديده ..


هبه : قفت وشها لاتحاكينيش زعلت خلاص 😔..


عادل : ضحك عليها 😂هههه هيا ماذلحين دور كيف تراضيها كم زعلت ياهمتاه لنا ..


أحمد : ابتسم 😄 ولايهمكم ... هيا هباتي ننزل اشتري لش ايسكريم 🍦 وشوكلاته من الي تعجبش ..


هبه : وهي بتتدلع بعيونها 🤗 .. اول كم عتشتري لي ..


أحمد : كما اشتيتي كم معانا هبه انتي أمري بس 😃..


عادل : يله تمام بساعتكم لاتتاخروش أمد ماراعي لسيدك يخرج من عند الدكتور وتجي تقلي ماحصل مع أبوك ..


أحمد : يله الآن بساعتنا ومسك هبه 👫 ونزل يشتري لها ..



........ .......... ........



في الحاره ....


تقيه : وصلت بتتسأول ع بيت🏡 الحج عبدالله وعادل نسيت الشارع ..


ولد فالشارع : ماعد بحدهم هانا ياخاله قدله الأستاذ عادل سنه من حين نقل والحج عبدالله قد نقل والكل وبيته قد بيفعلوه فندق 🏤..


تقيه : شبحت راسها بيدها 😱 يوووه ماشاقل لهذه المسكينه والله لايزيغ عقلها عادهي كانت هانا بتتطمن عليهم ... ابسرت الولد 👀 طيب يا ابني وعيالهم الصغار معاهم ..


الولد : أين عيال قصدكم مابش معاهم جهال صغار ..


تقيه : مع مع مش نياني قدهم مالهم شي عيقعوا عيال 10 سنين او 11عيقعوا اصغر منك شويه ...


الولد : هآه .. قصدكم يزن ورزق ايوه معاهم أين عيسيروا ..


تقيه : أيوه وهبه بنت عادل كيفهي ..


الولد : ييخ لاتذكروهاش .. هذك البنت دلوعه قووي 💃أبوها بيدلعها وزيد رزق ويزن بيوبهوا لها كانوا يجلسوا يدافعوا عليها ويضاربونا عليهم ..


تقيه : ارتاحت شويه 😄 يعني مفتهنين .. طيب يا ابني اين نقلوا ..


الولد : مدري قالوا في شارع حده بس مانعرفش اينه ..


تقيه : طيب يا ابني إسلم وراحت لها 🚶🏻‍♀ ..



@qesasanani

بارت 177


في ذمار ....


صالح : بيندنش الورق حقه والبصاير 📃📜..


خيريه : مابتدور ياشيخ ماتشتي ..


صالح : بيندش كلشي في الغرفه .. تحت السرير تحت الفراش فالدولاب ...بيندور بصيره📜 أشتيها ظروري اليوم ..


خيريه : طيب إسكه قلي كيفهي أين طرحتها وأنا أدورها لك ..


صالح : بضبح 😤 كيف هي مخططه قد بينقلش بصيره كيف عاد عيقع شكلها ولو أنا داري اينهي ليش عاد شادورها مدري مابيجرى عليش أوقات أين بيجي عقلش ..


خيريه : زعلت منه 😔 خلاص ناهي أنت حر دورها ولا مشتيت أنا مادخلني .


صالح : بيدور بعجله ..أيوه خليني ادورها لروحي بس وأنتي سيري افعلي لش مهره ..

خيريه : ضبحت منه 😤 وخرجت ..ورجعت من الباب تقله ابسرهن فالخزنه ولا فالشنطه السوداء أنت مابتخبيش بصاير الإ في هذه البقع وخرجت ...



....... ......... .........


في المستشفى 🏨..

رجاء : خرجت من عند الدكتور وهي بتخطي الحج عبدالله فوق العربيه ..


عادل : إبسرها .. خطي لجنبهم وهو موطي السلا عليكم كيف انت ياحج وبيسلم عليه 😘..

رجاء : بعدت وسارت تجلس فوق الكرسي ..

الحج عبدالله : بيتحاكى بصعووبه .. تااااااعب اااابسرت مافعل عبده .


عادل : بقهر 😥 أيووه قد سيرت ادورك للحاره ودريت عادنا وصلت العشي من الحديده ورجعت اتصلت لأحمد وقلي اننتوا هانا ذلحين ابرد لك مش وقت عبدالكريم قلي مالك مابيوجعك أنا سافرت وقدك بتتحسن ولفت لرجاء وهو موطي راسه ماقال الدكتور ..



رجاء : قال الضغط مرتفع وادى له علاج وقال مابلا يهدى بيفتجع لاتحصله جلطه ثانيه ..


عادل : لفت للحج عبدالله 👀 هيا مه ياحج ماسدينا تبطل برقطه احنا نشتي تفتهن وانت بتتعب نفسك ..


الحج عبدالله : تشارغت عيوونه بالدموع 😢 لووو هو حجججر لايحس ااابنننني اببببني فعل ببي هكذا ..


عادل : خلاص ولا تقلق مالك والله لو ادي لك رآسي أنا شاروحك أنا وأحاكيه ترجع بيتك ولو مارضيش شاشلكم عندي ...


الحج عبدالله : ااشتتي تدي لي المحااامي اقسسسم بينهم وأنا بخير واهجع واسير أجلس لي في بيتي ولما امووت يقتسموا البيت ..


عادل : 😔 ماهي هذه المجابره بعد الشر عليك ياحج ذلحين أنزل اشتري العلاج واجي اروحكم ومد يده لرجاء لوسمحتي الروشته انزل اشتريه ..


رجاء : اسلم قدوذا احمد طلع عنخليه يشتريه لاعاد تنزلش ..

أحمد : طلع وفي يده هبه ماسكها ومعاها ايسكريم 🍦 وشوكلاته ..

الحج عبدالله : إبسرهم إبتسسم 🙂 وبياشر برآسه لعادل .. جي ما احاكيك ..


عادل : قرب منه ..

رجاء : مكنت أحمد يشتري العلاج 💊..

الحج عبدالله : أشششتي تووعدني انك تقل ايووه ..

عادل : في مه اقل ايووه وبدون ما اوعدك انت داري بي ما سخاني اقلك ماشي انت أمر بس ..


الحج عبدالله : إشتي توعدني إن هبه لأحمد وماتزوجها بغيره سواء عادنا بخير ولا قد مت ..


عادل : اتفاجأء 😳 هآه .. انت داري لكن عبدالكريم وسميره ..وعادهو بيتكلم قاطعه الحج ..


الحج عبدالله : ماعليا منهم أحمد هو ابني انا وتربيه يدك ..

عادل : ولو البنت قالت ماشي لما تكبر ..

الحج عبدالله : أنت قل أيوووه وبس وهي ماعتقلش ماشي .


عادل : حس نفسه بين نارين 🔥 مايشتيش يزعله ويقل لا ولا يشتي يظلم هبه يمكن تقل لا لماتكبر وبيهم سميره ... جالس ساكت..


الحج عبدالله : أنت قل أيوووه وربي عيكتب مافيه الخير لهم ..


عادل : بتنهيده 🙁 الله يكتب لهم مافيه الخير ..


....... ...... ........


في الحديده ...


نوال : بتتجابر هي وساميه فالتلفون 📱... هيا امانه انزلي أنتي وسمير نتوانس جمعه ..


ساميه : ليش بتضبحي وحدش ..

نوال : ماشي والله قد تعرفت ع الجيران الي فالعماره بينسير عندهن وزيد يوميه بينخرج انا وعبدالصمد بس قلت تجي نتواله ..


ساميه : ان شاء الله شاحاكي سمير لاهو عيرضى ننزل نغير جو ..

نوال : وأنا شازيد اخلي عبدالصمد يتصله📱 والكل ...


....... ........ ........

في ذمار ..

صالح : جالس بيدور ولا لقي قد عيجنن 😡 قد دمه بيفور ابسر شنطه سوداء فوق الدولاب 💼 نزلها قال يزيد يدور فيها ...



يسرى : كانت خاطيه 🚶🏻‍♀من جنب الغرفه ..


صالح : إبسرها 👀 دعاها ..يسرى آسكه جي كذا يابنتي رفعي لي هذا النداش ودوري معي البصيره 📜 قد شجنن ولا لقيتها أبوش مراعي لي نخطى للرجال .

يسرى : حاضر من عيني 👁 ودخلت بترفع معه الورق المندشات ...


@qesasanani

بارت 178



في بيت عبدالكريم ....

أحلام : عند الباب خرجت شنطتها 👝 وهي بتبكي 😭 أخوها مراعي خارج ..

رزق : ماسك يزن بيبكي 😭 مارضيش يفلته ..


سميره : مسنبه عند الباب 🚪 بتتفرجهم سارت بعدت يد رزق من يزن 👬 ودهفته لاداخل .. ولفتت لأحلام حاشيش ياسليفتي وصرعت الباب في وشها ..


أحلام : مسكت يزن 👫 وطلعته فوق السياره وعيونها دموع ...


رزق : حمل 🏃🏻يشتي يفتح الباب 🚪بعدهم ..

سميره : مسكته من وراه من الشميز 👕 وبتصيح 😡 عتدخل تجلس بأدبك ولا خرجت بعدهم .


رزق : بعد يدها وهو بيبكي 😭 فلتييييني والله لأقل لأبي إنش طردتيهم من البيت واخليهم يخرجوش ..


سميره : ضحكت بإستهزاء هههه 😬 قصدك شاخرجك أنت وأبوك يله من قبال وشي ودهفته بيدها 👋🏻 لعرض الجدر ..


......... ........ ........


في بيت حميد ....


تقيه : دخلت وجلست مطننه 🤔 ذلحين ما اقل لهذه المسكينه لو أقلها قد نقلوا والله ماعد يغمض لها جفن وتجلس تهم وتجنن ولاعاد عتتهنى بحياتها وان قلت لها هم بخير وترجع تدرى إني كذبت عليها والله لاتغثى مني قووي كيف أفعل بروحي .. جلست تفكر شويه ورجعت شلت التلفون 📱 تتصل لنوال ...


نوال : 😃 حيا حيا يا امه كيف انتوا ..


تقيه : لش الحياه .. مالنا شي الحمدلله وانتي كيف انتي وزوجش ..


نوال : مالنا شي الحمدلله ..

تقيه : قد هداءتي يابنتي ولاجالسه بتهرمي روحش قوى بعدا زوجش عيحس ..


نوال : تنهدت 🙁 مع قدنا بينمسك نفسي قوي ومابينحاولش أحسسه بشي حرام ازيد اقهره والله مابيدرى مايفعل لي ولا كيف يرضيني ..


تقيه : الله يرضى عليه .. المهم يابنتي قلت أتصل اقلش لاتقتهري ولا اليوم سيرت للحاره وإبسرت العيال والكل ..


نوال : فرحت 😃 صدددق كيفهم مرتاحين كيفهو رزق يشبه هبه ومرتاح ساعها ..


تقيه : أيوووه مفتهن قوي وشكلهم مدلعين لهم قوي وقلي ولد فالحاره ان رزق كوده بيدافع ع أخته ومايخليش أحد يزعلها ..


نوال : يوووه الحمدلله 😃 طمنتوا قلبي الله يطمن قلبكم ❤ والله يخاوي مابينهم ويجلس يوبها لها هكذا ..


تقيه : المهم يابنتي انتي غير افتهني واوبهي لزوجش ولاعاد تقلقي ولا وربي عيعوضش بدلهم .


نوال : تسلموا يا أمه 😃 وسامحوني قد تعبتكم معي ..


تقيه : ولا به تعب ولا أنتي غير اسمعي الكلام وأوقعي مره واوبهي لزوجش ..


.......... ........ ........



في بيت عبدالكريم ...


عادل : وصل الحج عبدالله كان معه فوق السياره🚘 بيتجابروا ..ورجاء كانت مع أحمد فوق السياره .



أحمد : جنب السياره 🚘 ونزل يشتي يفتح الباب ابسر رزق جالس خارج عند الباب 🚪 وبيبكي 😭.. خطي لعنده مالك هانا ليش بتبكي ..


رزق : سميره طردت أحلام ويزن من البيت 🏠 وخرجتهم ..

رجاء : كانت بتنزل من السياره 🚘 سمعته 😱 يووووه كيف طردتهم من البيت أين ساروا . .

رزق : ساروا بيت أهلها .


عادل : بيخطي الحج عبدالله سمعهم رفع يده 👆🏻 لاحول ولاقوه الإ بالله ويشتوا هذا المريض يتباخر ..


هبه : سارت وقفت جنب رزق وبتتجابر معه 👫 قدهي فاقده له وبتسكته ..

الحج عبدالله : بيصييح 😡 بصووت مشحب دددددخلوووني لعند بنت الكلب هذه تشششششتي تموووتني ...


عادل : بيهداءه ومسك يده 👋🏻... اهداء اهداء ياحج قوى صحتك مالك الإ مايرضيك ..


رجاء : فتحت الباب ودخلت بتصييح 😡 يااااسمييييره ييييييييه أين جيتي ..


سميره : بتخطى وهي بتتمخطر 💃 مالش ياخاله بتصيحي ..

رجاء : وجها أحمر معصبه 😡 أين أحلام وإبنها مافعلتي بها ..


سميره : بكل برود🙂 .. مافعلت بها أهلها جولها تروح قالوا مابش لها جلسه عند حماها مفعلهم اشبحها اومه ...


رجاء : 😡أقسسسم بالله لو ماتتصلي تعتذري لها الآن وتخلي ابنش يسير يرجعها لاتلومي الإ نفسش ..


سميره : بضبح 😤 هييييا مه ياخاله مابعدا زيدتي فيها أنا بنت أختش ولا هي بدل ماتحمدي ربش إني دخلتش هذا البيت وزوجتش بعمي عادش بتصيحي فوقي ماشتصلهاش ولاعاد عتدخل بيتي وماتشتي تفعلي فعلتي ..فلتتها وخطيت 🚶🏻‍♀ ...



رجاء : دخلت تتصل لأحلام 📱 تفهم ماحصل ..


آيه : روحت من المدرسه فارحه 😃 انها تزوجت بهاني ابسرت الجو مصياحه طنشتهم ودخلت غرفتها وغلقت ..


....... ........ ......

في الشارع ..

عادل : جالس فوق الرصيف وبيهدي الحج عبدالله وأحمد جنبه ..


عبدالكريم : وصل عادهو روح وقف سيارته🚘 ونزل. ابسر أبوه وعادل عند الباب جالسين خطي لعندهم وطبعا هو ضابح من عادل من يوم ماتصايحوا فالمعطاره حاكاه بضبح 😤 ماجاء بك بيتي ولا زيد جيت توفيها وتعلم أبي عليا ..


عادل : ماهو هذا الكلام ياعبدالكريم ماشاعلم أبوك بدل ماتقلي أهلا وسهلا وتدخليني بيتك 🏠...


الحج عبدالله : هووو قليييل حيياء ساع مررته هي طرددت مره أخوه وهو بيصييييح فوووقك ليييش تجييي ...


عبد الكريم: استغرب 😳 من طرد من ماهو..

أحمد : أمي طردوا عمتي أحلام ويزن وخرجوهم من البيت 🏠..


عادل : وأنا جييت أجابرك وأبسر ماهو خبرك هذا كيف تخرج أبووك من

بيته 🏠وذلحين مره أخوك ..


عبدالكريم : ابسر عادل بنظره احتقار 🙄 بصفتك من .. هذا أبي أنا مشو أبووك ولا صدقت روحك عتجي تحاسبني وبعدا خلي عندك كرامه وعز نفسك لو عندك أثر الرجوله وأخرج من حياتنا وصيح بقوه 😡 وأشر بيده 👉🏻 يله من باب بيتي ..يلللللله برع وأزيد أبسرك تعتبه لأكسر رجلك ..


الحج عبدالله : بيصييح 😡 عببببده ببببس استتتتتتحي ..


عبدالكريم : أحمددد شل سيدك ودخله البيت 🏠 😡 بتسسسسسمع مابينقل ويصيح يللللله ..


أحمد : ماصديش يقله مع خطي الحج ودخل 🚶🏼..


عادل : أنا شخطى وماشاردش عليك إحترام للحج بس مش لك مشتيش اتعبه ودعى هبه وطلع فوق السياره 🚘 وخطي



🌹meme_abdalgaleel


@qesasanani

بارت 179 ..



في ذمار ...


يسرى : بتخرج ورق 📜 هيا مه هذه ..

صالح : إبسرها ورجعها📜 مع هذك مكتوب فيها اسمي وإسم ابوش ..


يسرى : جالسه بتدور وتندش بين الورق 📜..


صالح : فتح الشنطه الي نزل من الدولاب وان وسطها ملابس قديمه 👕👖👚 رجع رجمها للقاع وقدهو ضابح 😤 أين عتجي البصيره وبيصيح ..


يسرى : بتلفلف اللده 👕👖👚 الي رجمهن لاوسط الشنطه لقيت بينهن ظرف ✉ خرجته . هاه عم ابسروا هذا الظرف لقيته هانا ..


صالح : مسك الظرف ✉ بيقلبه وهذا مافيه شط الظرف وخرج منه ورقه ابسرها وفتح عيووونه 😳 مندهش ايييييش ...


يسرى : قربت لجنبه مستغربه😳 من رده فعله مالكم مابه فيها .



........ ........ ........


في بيت عادل ...


تهاني : يووووه😱 جعلها مصيبه هذه المجرمه سخيت ع أحلام ..

عادل : عاد عبدالكريم لو تبسري كيف فعل بي وبيجابرها ماحصل .


تهاني : اقتهرت ع زوجها 😔 وذلحين ماعتفعل ..


عادل : والله ما اديلش علم لاشسخى أفلتش الحج ولا داري كيف شفعل انا وعبدالكريم وعاد لوتبسري الحج ماطلب مني ...



تهاني : ماهووو 😳...

عادل : يشتي هبه لأحمد وقلي أوعده انها له لما تكبر ..


تهاني : فتحت عيونها 🙄 أيووووه وأنت ماقلتله أو قلتله أيوووه ولا شي ماعد الإ ارجع ادي بنتي لعند سميره ..


عادل : قد قلتله ساعش قلي بس أحمد إبني أنا مشو ابنهم ..


تهاني : وأنت قلت له أيوووه صح ..

عادل : قلتله كما كبرت هبه الله يكتب لهم مافيه الخير ...


تهاني : بضبح 😤 لا كبرت ولا صغرت هذا الموظوع مابش فيه احراج الحج عبدالله ع عيني وراسي بس لما قد الموظوع يخص بنتي آسفه ماعد أعرفش أحد وفلتته وقامت ..


...... ....... .......


في بيت عبدالكريم ...


الدنيا شابه حريق 🔥 ونار وصياح ..


آيه : دخلت لعند امها يا أمه باقي لي يومين للإختبارات كيف يذاكروا📚 في هذا البيت شاسير عند صاحبتي ..

سميره : ضابحه من روحها 😤 سيري اين ماتشتي اخطي من قبالي ..

آيه : فرحت 😃 واتصلت لهاني انها عتخرج معه يحتفلوا بزواجهم ..


هاني : خلاص اسمعي لاعاد تجي صاحبتش معش ولا انا شاجي لش واوقف لش نهايه الشارع حق بيتكم ونخرج وحدنا وبعدا العشي شاروحش وقلي ان ابوها روحش ..


آيه : خلاص تمام 😃 وعيس اليوم البيت مقالعه وصياح محد عينتبه لي ..
....... ....... .....

في ذمار ...

يسرى : مالكم ياعم مابه فيها لما قد وشكم مقلوب هكذا .😡..

صالح : بصدمه ودهشه 😳 نوال وعبدالصمد مزوجين ..

يسرى : فعلت نفسها مستغربه ..😳 كيفه مزووجين ..

صالح : هذا عقد زواجهم 📜 في نفس تاريخ اليوم الي هربوا فيه بس ما اداه لاهانا وليش مخبى فالشنطه 💼 ...


يسرى : كان نفسها تحكي له وتقله انها خيريه لعبت بهم كلهم وفعلت هكذا هي ويونس بس خافت تتسرع فكرت لحظه 🤔 أمممم يعني هو زوجها ع شرع الله واحنا ظلمناهم بس مداه لاهانا صدق وليش مخبى في هذه الشنطه حق عمتي خيريه بين لداتها اكيد محد بيدخل غرفتها الإ انتوا وهي ..

صالح : طنن في كلامها شويه 🤔 ايوووه صح محد بيصدى يعس لها شي مداه عندها وخطي لعندها وهو بيصيح 😡 ودمه بيغلي ييييييه خيرييييه يييه أين جيتي جي كذا الآن ...

يسرى : حملت بسرعه لغرفتها 📱 تتصل لطارق يجي بسرعه علشان يبسر كيف عيتصرف وقالت له انها طبزت بعمتها خيريه بدون ماتحسسه ..

خيريه : ماهو مالك بتصيح هكذا ماقد به للجنان حقك هذا ...

صالح : رجم لها عقد الزواج 📜 في وشها ماهو هذا كيف وصل لعندش .😡.


خيريه : وطت للأرض تشل الورقه 📜 ماهو هذا مدراني سعمني اقدر اقرى ..

صالح : هذا عقد زواج نوال وعبدالصمد كيف جاء لعندش ومامخبيه له بيفعل بين لداتش 👖👚 فالشنطه 💼..

خيريه : افتجعت ويبست بقعتها 😰 عقد زواج مه مدراني وأنا وايحين اتزوجوا اوذك هربت معه لما لقيهم يونس لو كانت مرته ليش هربوا ..

يسرى : بتتفرجها بحقد وكره مقهوره ع اخوها وبنت عمها 😖 ليش هربوا مدري اسالوا نفسكم بس احنا في العقد كيف وصل عندكم وليش مخبيين له طول هذه السنين ..

خيريه : ارتبشت منها لما ابسرت نظراتها 😰افتجعت لو قد طارق قلها بشي لأنه أخر فتره كان يجلس يلمح لها انه داري .... هآه ذكرت انا أظاهر لقيت الورقه زمان وكنت بينرفع هرستها وشط الشنطه قلت لما اوريك ونسيت ..

صالح : 😡 ووينه لقيتيها .. اشتتتي ادرى الآن كيف وصلت للبيت ..

طارق : دخل من الباب 🚪 هو والشيخ قناف ..

الشيخ قناف : تشتي تدرى كيف وصلت للبيت يا أخي جي إجلس وأنا شاقلك كيف ..

صالح : حس راسه بيلف 😇 ولاعادهو فاهم شي ولا ليش اخوه جاء ...

طارق : مسك ابوه وجلسه وإبسر خيريه بضبح 😤 مهما خبيتي ربي مايرضاش بالظلم ..

صالح : متلهف يفهم كيف وصلت ..

الشيخ قناف : اتصل ليونس أول يجي وبعدا شاقلك .

خيريه : قاحصه فمها بقوه مفتجعه 😰 ومغلقه ع أيديها ✊🏻 حست انه ممكن كلشي ينكشف ...

من منكم كان منتظر للحظه هذه الي تنكشف فيها خيريه وتظهر براءه نول وعبدالصمد 😉


@qesasanani

بارت 180


في الهند .....


في المرسم ...


الدكتور : كل مجموعه تتجمع مع بعض وتجهز لي مخطط مبدئي لبيت سكني مع حديقته 🏡..


معاذ : يادكتور عفوا ممكن أغير مجموعتي ..

الدكتور : لا خلاص تم التوزيع ..


منير : بيحانكه بصوت واطي ..😜سألتك بالله تشتي تغيرها علشانها والله إنك مجنون أحد يلقى قمر ساع هذه معجبه به ويفلتها ..


معاذ : ركضه في رجله 😄 حبها أنت بدل المدلوزه الي في صنعاء .
هههه..


منير : ذكرتني صدق 🤔 نتصل لأحمد نبسر كيفهو قد بداءت امتحاناته او مع ..


ميس : جت لعندهم هي وبقيه افراد المجموعه 🚶🏻‍♀ .. مرحبا شباب ..

منير : دكم معاذ .. بطل زره وخليك عادي معاها عيب .. اهلا 😄.

معاذ : يله ياشباب نبداء التصميم المجموعات الثانيه بداءت شغلها ..


ميس : معاذ شو رأيك لو يكون التصميم خليط بين القديم والحديث يعني لو تشكيله الشبابيك تكون هيك وبترسم له 📝 تشرح له قصدها ..


معاذ : إبتسم 🙂.. فكره حاليه قووي وأكيد عتعجب الدكتور لأنهم مشهم متعودين ع هذه البيوت ..


منير : ابسره وبيلعب بحواجبه ☺ اتحاكى سوى خلي خلق الله يفهموك سبر لسانك وقل شو وبو وضحك ههههه 😂..


معاذ : دكمه بيده وضحك ههه 😂 اهجع من الجنان حقك ولفت لميس 👀 بتهمي كلامي ولا مع.


ميس : ايه عم بفهمك 🙂 بس بعض الكلمات ماعم بفهمها ..


معاذ : لفت لمنير 👀 هيا ابسرت ان محد لغجه وداحوس الإ انت والبنت بتفهم ..


ميس : أشرت بيدها 👌🏻 لحضه لحضه هلا ماعم بفهم شي ..


منير : وهو احسن أنك مافهمتي شي وضحكوا كلهم 😂 وكملوا الرسومات. ..



........ ....... ........


في ذمار ....


صالح : جالس ودمه بيفور 😡 بيهز ارجله مراعي ليونس يوصل وكل شويه بيتصل ماله تاخر ..


خيريه : قاحصه ع أسنانها بقوه 😬 وبتقرح اصابيعها بتفكر في كذب جديد تقله لهم كيف وصلت لعندها الورقه حق العقد 📜 قامت تشتي تخرج من عندهم تتصل ليونس تقله مايقلوا ..


يسرى : مسكتها بيدها 👋🏻 اين عتسيروا ياعمه ..

خيريه : بقلق وخوف 😰 مابلا قلت اديلي ماء عطشت ..

يسرى : حست ان قومتها لسبب ... اجلسوا انتوا بس شديه لكم أنا ..



الشيخ قناف : بيحاكي طارق بصوت واطي .. نقله انحنا داريين أينهم اومع ...


طارق : مع محناش ظامنين رده فعلهم .. عنقلهم انه اتصلنا عبدالصمد قلنا بهذا الكلام قبل مايسيروا السعوديه . .


صالح : بصيااح 😡 ماببتجابر أنت وهو عتقلوا لي مابه أو اقوم اظرب👋🏻 أبوها واخليها تقلي هي ...


الشيخ قناف : مالك ياصالح اذكر الله ظرب مه 👋🏻 منيحين بنمد أيدينا ع نسوان ..


خيريه : بتتريحم .. بكيت 😭 يوووه ياعيبتك الي عتسخى عليا وتمد يدك 👋🏻 بعد العمر هذا كله قدوذاك قلتلك اني لقيتها وانت داري مقدرش اقرى ولا اكتب 📝 رفعتها قلت لما اوريك ونسيتها ...



يونس :دخل من الباب 🚪 السلام عليكم ابسرهم متجمعين استغرب 😳 خير مالكم مابه ..

صالح : بيصيح فوقه 😡 لو أنت في أمريكا إن قد وصلت ساعه مراعيين لك ...

يونس : كنت فالعمل ورجعت للبيت داريين مرتي والده ابسرت مايحتاجوا وجيت. .

صالح : 😡 يله إجلس عادهو عيحكي لي قصه حياته ..

خيريه : بتأشر له بيدها 👇🏻 جي إجلس هنيه جنبي ...



طارق : إبسرها و ضحك بسخريه 😁 أيوه بالظبط يجلس جنبش قدهو تتحاسبوا الاثنين مره واحده .

يونس : مستغرب 😳.حساب مه ماهو مابه. .

طارق : بضبح 😤 حساب ظلم اختك وشرفها الي وسخته أنت وأمك ..


يسرى : دخلت والماء في يدها حطته قدام خيريه وجلست ..


الشيخ قناف : أشر لطارق بيده 👋🏻 أسكت أنت. انا شاجابر أبووك وأحكي له كلشي ...وبداء يحكي له ما حصل من البدايه لما وصلوا صنعاء ورسلوا لها عقد الزواج 📜..



........ ......... ........


في بيت عبدالكريم ....


رزق : بيصيح بيداعي رجاء مفتجع 😰 ياخاله رجاء احملوا بسرعه ابي مدري مالهم تاعبين قوووي ...


أحمد : سمعه بيصيح حمل بسرعه 🏃🏻 يبسره ..

رجاء : فلتت الي في يدها وحملت 🏃‍♀...


عبدالكريم : كان في غرفته بيتغداء 🍛🍲 خلاها تدخله غداء مايشتيش يتصايح معاهم ..سمعهم يشتي يقوم ..

سميره : مسكته من يده 👋🏻 إجلس اتغداء بس والله ماغير تخرج تقهر نفسك وتتقالع معاهم بس ...


محمد : عادهو بيفتح الباب🚪 داخلي بيغني 🎤 ابسر أحمد ورجاء بيخرجوا الحج عبدالله حمل يبزه معاهم لافوق السياره يسعفوه 🚘...


آيه : في غرفتها قدام المرايه بتتحيلا لنفسها 💄 وتفعلها مكياج خفيف وتتصلح تبسر كيف عيقع شكلها لما تخرج تحتفل مع هاني ...




@qesasanani

بارت 181



في ذمار ...


خيريه : بتسمع الكلام وقدهي بترتعش وتعرق من كل شعره 😰 وكل ماتشتي تقاطعهم تتحاكى صالح يصيح فوقها تسكت 😡..


يونس : ساكت بيتفرجهم ولا فتح فمه بكلمه 🙄..

الشيخ قناف : وطبعا يا أخي إحنا ماسخيناش نقلك الي حصل لأنك ماكنت عتصدقنا ولابتسمع أحد الإ مرتك ...



صالح : حس شياطين الإنس والجن 😈 كلهم قدامه ماعاد قدرت يمسك نفسه قام مسك خيريه وبيهزورها من رآسها 😡😡 وبيصيح ماهوووو هذا الي بيقلوه اتحااااااكي الي قالوه صدق فعلتي هكذا ....


خيريه : بتبكي وتتريحم 😭 عتصدقهم وتكذبني منيحين طارق بيقل الصدق هو طول عمره كذاب واخوك ماعيقل غير هذا الكلام يشتي يبري إبنه انا لقيت الورقه بس ورفعتها ...


الشيخ قناف : مسكه من يده 👋🏻 مش هكذا يا أخي اهداء ماتنحلش الأمور هكذا ...

صالح : دهف خيريه للأرض وهي بتبكي 😭 ماشظربش مره لكن شاربي هذا الي ماقدرت أربيه ولطم يونس 👋🏻 سخيت ع أختك ياقليل الشرف والأصل. .


خيريه : وقفت ومسكت يده 👋🏻 وبتصيح 😡 رزي إبني ... صدقت هذولاء الكذابين قدهم عصابه يشتوا يخربوها عليا وع إبني لوالكلام الي بيقلوه صدق ليش مايقلوه من زمان وكان طارق يسير معاكم يدورها مابلا شكله متفق مع عمه يهربوهم ويفضحوا بك ويرجعوا يردوها فوقي وفوق ابني ...


يسرى : بتتفرجهم قلبها بيفور ❤ تشتي تدافع ع زوجها ..


طارق : بهرر لها تسكت 🙄..


يونس : صااااح 😡 خلاااااص بس
يا أمه لاهانا وكفايه علمتوني الحقد خليتوني أكره أخوتي من جهلي كنت افعل كمن مصيبه وتدافعوا عني قدام أبي وترجعوها فوق طارق ونوال خليتوني أظلم أختي وأتهمها في شرفها وأخلاقها وفعلنا هذه الخطه وأنا داري إنها مظلومه وبرئئه وفوقها كنت أشتي أخلي طارق يقتلها حرام عليييكم بس 😡 بدل ماكنتوا تعيشونا أخوه فرقتوا بيننا وكرهتوا أبي فيهم ..


خيريه : بتسمع كلامه ومنصدمه منه 😳 مشي متوقعه ولا متخيله إن يونس يقل هكذا سكتت شويه ... وبعدا كانت تخفعه وتدممه 👊🏻👊🏻 من ايحين قدهم أخوتك من ايحين بعت أمك علاسبهم وتبكي 😭..


يونس : إشتريتهم لما ما أبسرت الإ كل خير من أخي ووقفته معي رغم إنه داري أني فعلت هكذا بنوال .. إشتريتهم من حين إبسرت ان الحقد في دمكم وصل حتى لعند مرتي وابني خلاص لاهانا وبس وخفع الجدر بيده 👊🏻 بسسس ..


طارق : تنهد بفرحه 🙂 إنه بيسمع هذا الكلام من أخوه قرب لجنبه مسكه من كتفه بيده 👋🏻..


يونس : ابسره ونزلت دموعه 😭 سامحني يا أخي وحضنه ...سامحني غلطت في حقك خيرات وفي حق نوال ...


صالح : مسك خيريه وبيداهفها وهو بيصيح 😡 يله برع من بيتي ولاعاد إشتي أبسرلش صوره... المره الي تصون زوجها مش توسخ شرفه وتتهمه في عرضه .. بررررع ..


خيريه : بتبكي 😭وتمسكه من أرجله سامحني ياشيييخ قووى سامحني ...


صالح : أنتي طالق 😡... يله بررررع ودهفها برجله ..


........ ......... .........


في المستشفى 🏨..

الحج عبدالله : دخلوه العنايه تاعب ..


أحمد : بيتصل لعادل 📱..


رجاء : ماسك رزق بتبكي هي وياه 😭...


محمد : بيتصل📱 لأبوه يقله يجي ماجاوبش اتصل لأمه سميره .


سميره : طنشت وماحاكات عبدالكريم خلته يرقد 😴 بعد ماكمل يتغداء ....


...... ....... ........


بعد العصر ...

آيه : بتدقدق لأمها الباب 🚪 شاسير عند صاحبتي نذاكر ..

سميره : راعي لما يجي اخوش يوصلش ...


آيه : مدري أيحين عيروح.. قد قالت عتجي لي هي وأبوها عيوصلوا امها بيت سيدها وتجي لي مع الطريق ...

سميره : يله تمام أخطي معاها والعشي شاخليه يجي لش ..

آيه : اسهل لاعد يجيليش لما يسيروا يروحوا أمها من بيت سيدها عتروحني معاها ..


سميره : يله تمام ومذاكره سوى 📖 افتحي عيونش الله يثمن تعبكن .



@qesasanani