بارت 88


في ذمار ..


في بيت الشيخ قناف ...


الشيخ قناف : بيحاكي أم يسرى ... الحمدلله لوتبسري كم أنا فارح أني اتصالحت مع أخي 😄 ..


أم يسرى : الحمدلله ياشيخ 😄 الله يصلح مابينكم وزيد خطوبه يسرى وطارق عتقربكم اكثر مثل ماكنتوا وأكثر ..


الشيخ قناف : عتقل بنتي مازد شليت رائيها ولا سألتها وافقت من نفسي ادعيها لاعندي احاكيها امس العشي مافضيت احاكيها 😅 ..


أم يسرى : ماعليك شي والله ان شكلها فارحه 😁 وسكتت شويه طننت 🤔 ..


الشيخ قناف : هيا مالها طننت ...


أم يسرى : ذكرت إبني عبدالصمد ونوال. تنهدت 😔 يوووه كم كان نفسي أفرح بهم هكذا ساع يسرى يعلم الله أينهم ومابيفعلوا هم جمعه ولا كيف وليش هربوا صدق ع ماقالت خيريه انهي لقيتهم وحدهم فالغرفه الي فالحوش وابسروها وافتجعوا وهربوا 😔 ..


الشيخ قناف : بقهر وبحسره 😔تصدقي لليوم ماقد قدرت استوعب اني ابني تربيه يدي وبالذات عبدالصمد يفعل حاجه غلط ويهرب مع بنت عمه والله ان عاد نفسي القاه ولو حتى يوم واحد قبل ما اموت وادرى منه ماحصل 😔...



أم يسرى : والله مابيننساه من دعائي🙌🏻 ليليه ان ربي يحفظه هو ونوال لأني ساعك ..الاثنين تربيه يدي وماناش مصدقه انهم غلطوا ...



....... ...... ......


في بيت عبدالكريم ...


سميره : بتحاكى عبدالكريم فالتلفون 📱 صددق 😁 هيا عيس الحمدلله فرحتني أحلاشي ان خالتي رجاء لابتخلف ولا تدي عيال وزد فوقها مسكينه ترحم الله بدل ماهي جالسه هكذا نزوجها بدل مايسير يتزوج بواحده مانعرف اصلها ولا فصلها تجي تكوش ع كل شي هي وجهالها ...



عبدالكريم : خلاص انتي ابسر رأئيها وماعيقلوا ولا قدهم موافقين ابسري مايشتوا ويحددوا يوم نسير نملك لهم ونديها ..


سميره : أطمن مالك الإ يوافقوا وقل لعمي الموظوع عندي ماعليهم الإ ازوجهم 😉 ...



آيه : سمعت أمها من عيتزوج بجدي ...


سميره : خالتي رجاء هيا اخطي البسي حقش البالطوه والحجاب نسير نحاكيها ..


آيه : بتأفأف 😤اوووف مشتيش بالطوه قدنا بالحجاب يكفي معاذ كان يقل والله مايلبس اخته الدلوعه بالطوه ليش ما انا ..


سميره : قدش مره ماعاد به باقي شهرين ويقع عمرش 13 ماجاء في عمرش الا وقدنا ملثمه وزوجوني وعمري 15 ..


آيه : يعني لو جاء واحد يتزوج بي بعد سنتين عتزوجوني ماعليا 😡..


سمير ه: هيا اخطي شرق مشو عليش هذه المجابره ..


ع خرجتهن من الباب 🚪 ابسرين محمد ومنير داخلين للبيت ..


منير : ابسر آيه بالحجاب بيعلق عليها 😜.. ياعلي حجاب قدش كبيره خلاص ماذلحين شاجي اخطبش 💍 موافقه ..


سميره : سنبت تسلم عليه .. كيف انت وكيف امك سلم عليها ..


آيه : بتتفرج منير بضبح 😤لاتخطبنيش أنا سير أخطب هبه الدلوعه انت كنت تقل هي خطيبتك💍 واحنا جهال ..


سميره : شبحتها .. هيا شرق نخطى لنا مش. وقت المجابره ..


منير ومحمد : خطيوا لهم للبيت حقهم ..



....... ....... .......


في السوق ...


طارق : مارأئيش في تيه البدله الذهب ..


نوال : حاليه بس عتقع غاليه عليك اومع ..


طارق : انا ماعد جابرتش أنتي داريه أبي ادولي زلط 💴 وقالوا يشتي شي يبيض وشهم ويونس وخالتي قد عيجننوا. ..


نوال : صدق 😄 كيف لهم ابي ..


طارق : مدري والله قدنا مستغرب منهم حتى قد طباعهم مالها شي لاعندي 😄 ...


نوال : الله يسد مابينكم .. ذلحين ادخل نبسر بكمهي عاد معانا حاجات خيرات نشتي نشتري 😄 وجابرني ماوقع وحصل بالظبط ومافعلت يسرى ...



....... ....... .......



في بيت عادل ..


هبه : ذلحين صدق ياماما قال معاذ يمكن يغيروا المدرسه حق بابا ونسير شبام مشتيش 😔 ...


تهاني : قد ابوش سار يبسر كيفه ان شاء الله ماينقلوه الصدق ماناش قادره ازيد ارحلي من هانا ولا افلت حارتنا ...




باب البيت بيدقدق 🚪..

هبه : سارت تجاوب وانه أحمد .. معاذ خرج مابحدهو ..


أحمد : في يده رزق ويزن 👬 خلاص شادوره خورت نسير المطعم نشتري لنا بروست والقمر حقنا ماتشتي اشترى لها معي ..


هبه : حانقه 😣 مشتيش حاجه سعما عتشل رزق ويزن وانا ماشي ..


رزق : أصلا أنتي بنت ماينفعش تجي معانا أحنا عنسير كلنا رجال ..


هبه : قفت وخطيت اوووف منك 😤 مشتيش اجي معاكم خلاص ولاتشتروا لي شي ..


أحمد : بيضحك عليها 😂هههه اصلا بينفتجع يتحيلوا لش لأنش قمر وبعدا يخطبوش عليا وبعدا بمن شتزوج ..


هبه : حنقت منهم ودخلت 🚶🏻‍♀..


تهاني : سمعته ضحكت عليهم 😂 ابرد لك منها بس ..خلاص راعي اديلك زلط تمكن معاذ يجي معاكم وتشتروا لها بروست ...


أحمد : بيتفرج لهبه وغمز لخالته تهاني 😉 أنا ششتري لها أنا ع حسابي هي خطيبتي مايصلحش اشل زلط ...


هبه : ضبحت ودخلت غرفتها لأنهم ماعيشلوهاش 😤 ..



...... ...... .....


بعد ساعتين ..


سميره : بتتصل لعبدالكريم 📱 خلاص خالتي رجاء موافقه وقال خالي ترجع تجي انت وعمي تسدوا والاسبوع الثاني تجوا تشلوها ..



عبدالكريم : يووه مسرع وافقوا والاسبوع الثاني العرس..


الحج عبدالله : بي

أشر له بيده 👍🏻 خلاص تمام موافق بعد اسبوع عادهو احسن لاني محلبط اخوك ومرته يشتوا يسافروا لهم ...



🌹meme_ abdalgaleel ..



@qesasanani

بارت 89


بعد آسبوع ...

في بيت الحج عبدالله ..


اليوم عرس الحج عبدالله ...


أماني : ماهو هذا ماناش داريه ليش ابي اشتروا غرفه جديده ونقلوا هذا المكان ..


أحلام : هم مارضيوش قالوا مايشتوش احد يدخل غرفه عمتي تجلس ع ماهي ..ولوتبسري مرحمهم ع قهر فيهم من الصبح في يدهم صوره عمتي فاطمه الله يرحمها وبيجابروها 😔 ...



أماني : حتى أنا والله ماكان نفسي يتزوجوا بعد امي بس مانفعل الظروف وظروري مره تجي تبسرهم وتعانيهم ...


تهاني : بتدقدق الباب 🚪..


رزق : فتح لها 😄 وهبه اينهي ...


تهاني : فالبيت مارضيتش تجي بتلعب بتتفرج التلفزيون 📺 ..


رزق : خلاص شاسير عندها .وخطي 🚶🏼 ..


احلام : بتسلم عليها 😘 حيا حيا .


تهاني : لش الحياه .. قلت اجي اعاونكن لو تشتين شي ..


أماني : مابش شي قد رفعت غرفتهم الجديده ووضعتها ..


تهاني : ذلحين هي غر عتجي العشي ماعتفعل شي اومه ..

احلام : قالت سميره عيجتمعوا الاهل في بيت سيدها والجيران ويدوها ..


أماني : يووه ذكرتيني اتصل لسميره قد ابي بيقلوا مش تجي لهم متوجه والله لايردوها ...


تهاني : مسكين عمي عبدالله والله انني غاثيه عليهم بينحسهم مغصوبين ع هذه الزواجه غصب وما زوجهم الإ الصدق ..


يزن : ياماما ابسرتوا رزق اين حط حقي الجاكت الأسود 👕 ..


تهاني : رزق في بيتنا عند هبه سار يبسر الاطفال معاها ..


أحلام : ماشي لما يجي إسأله ولا سيرت لك عند اخوتك تلعبوا ماعاد معاك الاذيه الإسبوع تلعب معاهم قد عنسافر ..


أماني : عيس جت زواجه أبي قبل سفركم لا يتفلتوش وحدهم ريت والله وامل طلعت معش تغير جو وتعرف مره أبي .


أحلام : أمل مسكينه يله تلاحق زوجها وجهالها ولأنه بيجلس فالبيت مابتفلتش وحده وتخرج ..



تهاني : أنتي عتسافري لش وأماني عترجع بيتها وانا يعلم الله ماعيقع بنا قد بينهم لانفترق 😔 ..


أحلام : مازد فعل عادل راجع بعد القرار رضيوا يخلوه في صنعاء ...


تهاني : قدوذا صاحبه بيبسر قال عيحاول يجلسه في صنعاء بس لارضيوا مابلا عينقلوه في مدرسه جديده في بيت بوس ..😔..



أماني : يووووه بعيد قوى من هانا 😱 كم جهده سيره وجيه ..


تهاني : هو بنهم هذا بس قدهو تعب السيره والجيه ولا ننزل شبام ..


...... ...... ......

بعد العصر ..


في بيت سيد سميره ..


النسوان : فاتحات المسجله وبيغنين 📻..


جارتهم : ماشاء الله عليش ياسميره زوجتي خالتش بدل عمتش الله يرحمها ...


سميره : بتزنط وتحرك عيونها ..😚 أصلا عمي بيحبوني قوي وقالوا يشتوا واحده من اهلي تقع ساعي ..


جارتهم : بس قالوا قدش في بيت وحدش ..

سميره : أيوووه عمي خرجوني فالبيت حق حده افتهن من صنعاء القديمه. وهم عيجلسوا فيه هم وخالتي قريب لهم من المعطاره والمحلات حقهم قدش داريه كميا تجاره ومحلات معاهم ...☺



جارتهم : آها .. ماشاء الله يله عيس تفتهني ..

سميره : اقوم ابسر خالتي لاقدهي جاهزه 👰🏻 تدخل لأنه عيجوا لها بحينه ...


....... ....... ......


في بيت عادل ..


عادل : ذلحين ياحج خلينا حتى نزين السياره 🚘 مايسبرش نسير لها هكذا ..


حسين : قدقلتلهم هكذا مارضيوش ..


الحج عبدالله : ضابح 😤 عتهجعوني ماشي حرام ماتدخلني مره ..


عبدالكريم : خلاص واحنا عنراعي لابعد المغرب وسيرنا اديناها ...




@qesasanani

بارت 90


في ذمار ....


صالح : ياطارق اتصل عمك قال نجي انا وانت نتعشى عنده 🍲🍛 يشتي يجابرني في موظوع ..



خيريه : كانت المسبحه في يدها 👋🏻 طرحتها بضبح 😤.. للمه ما يونس مايقله او حنب في حلقه ...


طارق : يمكن يشتيني أنا وأبي في موظوع العرس أو شي ..


صالح : وانا ساعك قد قلت هكذا يمكن يشتي نتحاكى ع العرس وهذه التفاصيل خاصه انحنا ماقد تجابرناش في هذا الموظوع ..


خيريه : هيا اسمعني مش تسير تزنط قباله وتقله كما تشتي شرط ومهر ماعندي الإ مابيدوا الناس وكما ادينا في خطيبه يونس عندي في بنته مش لاقدي بنت الشيخ عنراجم زلطنا ...


طارق : بيستفزها ..😜
لوتطلب عيوني ما اردها ماعليكم شي يا ابه لاعمي طلب اكثر من الي طلبوا اهل خطيبه يونس شاوفيها أنا يكفينا ان قد رجعتوا أخوه وسديتوا ...


خيريه : ضبحت منه وعصرت وشها 😏 ...



...... ...... ......



في الحديده ....


عآمر : بيحاكى عبدالصمد فالتلفون 📱 .. قد اتصلوا اهلها قالوا نخطب الجمعه الجايه ...


عبدالصمد : 😃 هيا الف مبروك الله يتمم لك ع خير ..

عآمر : أنا قد حاكيت حسين قال قدهو نازل بعد يومين بالكثير باقي سمير عليك اتصله انت ..


عبدالصمد : تمام ولايهمك المهم لو محتاج شي قلي قدك داري ماعدبش بيننا قدحنا اخوه وعشره سنين ..


...... ...... .....


في بيت سيد سميره ..


سميره : هيا خاله قومي البسي قد عبدالكريم اتصلي 📱قدهم فالطريق ..


رجاء : ☺تصدقي والله ان قد بطوني في ركبي مفتجعه لامايعاملنيش سوى لأني داريه انه بيحب مرته ..


سميره : انتي داريه عمي والله انه طيب بس اهم شي انتي اوبهي له وخليه يحبش لاقد قدرتي فيه والله مايبخل عليش بشي وعيديلش ماتشتي ...



رجاء : وابنه الصغير تقلي كيف عيعاملني عيقبلني فالبيت ..


سميره : عوجت فمها وغيوزت عيونها 😏حركتها المعتاده ... شلوه ماهذاك الولد ماخرجت من البيت الا بسببه لكن عيس والله اني افتهنت ..

رجاء : 😱 يوووه يعني الولد لقن وقليل ادب خرجش وابوه سمع كلامه ..


سميره : مع مع انا شرجع أجابرش المهم انتي اكسبي عمي وماعليش شي ..


رجاء : راعي .. انتي قلتي زمان ع ما اذكر انه مشو ابنهم لقيوه صح ..


سميره : 😁ايوه مشو ابنه بس اوبهي تدري عمي انش داريه عيردش ع طول هههه ...



..... ...... ......

في بيت الحج عبدالله


الحريوه وصلت 👰🏻 ولابسه فستان عادي مطرز وشعرها مسرح ومنقشه .. وسميره وآيه جين معاها ..


أماني وأحلام وتهاني : بيحجرين لها ..


تهاني : ذكرت فاطمه الله يرحمها 😢 وتشارغت عيونها بالدموع ..



هبه : بتحاكى رزق .. هذه عتقع أمك الجديده صح ..



رزق : بضبح وقهر 😤 مابش معي ام الا فاطمه وقرح بكاء 😭 ..ودخل غرفه امه .


آيه : بتتفرجه بيبكي وفرحت فيه 😃..


عبدالكريم : دعى سميره وروحوا ..

ومعاذ :دعي تهاني وهبه ..



الحج عبدالله : دخل يستجلي الحريوه ..طرح لها في يدها 2 حبوب جنيه الفتاشه حقها وخلس الكوت حقه والصماده علقهن هن والعصيه وخرج بيدور رزق ..


رجاء : ماله هذا مدعممني ولاقلي كلمه 🤔 وخرج قام بدلت وجلست مراعيه له ..


أماني : يووه يا ابه اين عتسيروا وتفلتوا الحريوه 👰🏻 عادنا شادخل لكم العشاء ..


الحج عبدالله : أين جاء رزق ما ابسرتش من حن دخل ..


اماني : والله ماديلكم علم التهيت مع الحريوه ونسيت ما ابسره اكيد انه عند يزن اوذا شبسره ..



أحلام : كانت في غرفتها هي وحسين بيتجابروا كيف الحج عبدالله زاعل ومقهور ..


الحج عبدالله : ✊🏻 دق لهم بيسالهم رزق عندكم ..


احلام : فتحت له الباب 🚪 😱يووه ماخرج بكم وفلتوا الحريوه رزق قد عشيته اول وهو والجهال وعيرقد هو ويزن ..


الحج عبدالله :مستغرب 😳 مابحدهو عنده قد دخلت مابلا هو راقد وحده ازيد ادخل ابسره في غرفتي ولا اتصل لعادل لاهو عنده ...


أماني : دخلت العشاء للحريوه 🍛 اوذا ابي عيجوا بس بيبسروا اخي الصغير قدش داريه هو والف يرقد عندهم .

رجاء : ابتسمت لها 😊 عادي اسهل ..


الحج عبدالله : فتح الباب حق غرفته لقي رزق حاضن صوره امه فاطمه وراقد بغير بطانيه شل بطانيه ودفاه وبعد الصوره من يده وجلس يتفرجها ... سامحيني يافاطمه والله ماكان نفسي اتزوج بعدش وماخلاني اتزوج الا الصدق رحمه في ذيه المسكين 😔 ..


أماني : دعته .. خلاص يا ابه اخطوا عند الحريوه وانا شرقد عنده انا الليله كوده يتعود ماذلحين يرقد وحده ...



@qesasanani

بارت 91



في ذمار ...


في بيت صالح


خيريه : هيا ماكان يشتي منك اخوك كم طلب ..


صالح : أخي قلي البنت بنتك ومارضيش يتحاكى بشي وقال هو عيذهبها ويكسيها وانا غر ادي 100 الف مهر بس ولو هو يسبر عيديها بغير مهر غير قدهو شرع الله ...


خيريه : 😧 بتمط صوتها يوووه صدددق قد كنت بينقل انه مدري كم عيطلب ..



صالح : المهم ابسري النواقص وكودحنا نجهز للعرس سدينا لابعد شهرين ..


خيريه : يوووه 😱 مع شهرين مه ماينفعش اشتي اغير اثاث الدور الثالث كله ليونس يستقل هو ومرته ..


صالح : للمه يستقل ماهو جيزه من جيز اخوه جهزي الدور لهم الاثنين والاكل ماعناكل الإ جمعه وشاحاكي اخي نزد ناجله خلاص نخليه بعد 6 اشهر ..



بعدها يومين ...


أماني : روحت بيتها ...


حسين : بيخرج الشنط 👜 للسياره ...


يزن : مسنب عند رزق وهبه 👬 ارجعوا جو عندنا ابسروا البحر والله انهو حالي 🌊 ..


هبه : ضابحه 😤 ماهو هذا انت عتسافر واحنا يمكن نسافر شبام قالوا بابا ..


رزق : ابسرها بزعل 😔 ماشي ان شاء الله ماعتسافروش ...



احلام : سارت تدق لتهاني😘 تسلم عليها قبل ماينزلوا الحديده ..



بعد ماخطيوا ...

هبه : عند الباب 🚪 ماسكه رزق 👫هيا جي عندنا ..

رزق : مع شدخل البيت خليني اتعود ع خالتي بينفتجع منها لو تكن تظربني ساع سميره 😔 ..


هبه : لو ظربتك وصيحت فوقك قل لعمي عبدالله ولا أنت داري جي عيش عندنا وبس وانا شاحكي بابا ..



رجاء : كانت مسنبه عند الباب 🚪 من داخل سمعتهم .. رحمته .. الولد شكله مسكين عكس ماقالت سميره وع كلامه انها كانت تظربه ..يله مع الايام شعرف كيف طباعه .. بتداعيه ...رزق يارزق هيا حبيبي جي قلي ماتشتي نفعل لنا اليوم من غداء 🍛 ..😃..


هبه : سمعتها فرحت 😃.. يله ادخل جاوبها والله ان شكلها مسكينه وانا شاراعي لك عند الطاقه تجابرني مافعلت...



....... ........ .....

في بيت سمير


ساميه : بتصلح الغداء وتتغاثى .. مالي هذه اليومتين بينشم الأكل هكذا شوعه اوقدنا 😱 ... سارت تتصل لامها تسير معاها العصر تفعل فحص حمل ..

ع مسكتها التلفون تتصل لأمها اتصلت لها نوال 📱 جاوبتها ..وبتحكي لها انها شاكه انها حامل ..


نوال : طيب ومايقع ليش مفتجعه 😃 العيال نعمه من الله ..


ساميه : انتي داريه ابني عادهو صغير والجامعه وبعدا سمير ماقد يشتيش قد بينهم لو يصيح 😔 ..



نوال : خلاص قومي سيري افعلي فحص تأكدي ..


ساميه : عادنا قلت شتصل لامي لان سمير عينزل الحديده ولا لو انتي فاضيه شاخليه يديني لعندش ونسير جمعه شاقله انش تاعبه تشتي اجي معش ...


نوال : خلاص تمام شاراعي لش مابش معي شي ..


بعد ماروح سمير بسرعه تغدا وقالت له يوصلها عند صاحبتها نوال ع خطيته ..


سمير : مش ضروري السيره اليوم داريه ورايا سفر ..


ساميه : حرام هي تاعبه شويه تشتي تفعل فحوصات اسير معاها ..


سمير : طيب يله تمام نوصل وهي جاهزه ..

ساميه : انت عتحطني مادخلك منها تتجهز ..


سمير : مدام قلتي تاعبه حرام اخليكن تخطين وحدكن شاوصلكن ع بسرعه وع رواحتكن شاخلي صاحب تاكسي يجي لكن ويشلش بيتكم ...


نوال : طلعت معاهم فوق السياره 🚘 لما ساروا لها ..


سمير : بيتفرجها من المرايه حق السياره 🚘 ويحاكي نفسه .. ماشاء الله ع عيون معاها وايدي شكلها قمر 😃 ...




..... ..... .....


رجاء : بتصلح الغداء 🍛هي ورزق ..


رزق : بداء يرتاح لها بيحسها طيبه 😃



يارب يعوضك الله برجاء يارزق بدل فاطمه وماتطلعش مثل سميره 🙌🏻 ..



@qesasanani

بارت 92



في الحديده ....


حسين : يا حلومه قلبي ❤هيا جي ابسري كيف قدنا هكذا سابر 🙍🏻‍♂..



أحلام : بتوضع له الياقه حق الزنه 😄 قمري قمري انا فدال الشخصيه هذه ...


حسين : يعني اخطبها انا بدل عآمر تقلي عتفلته وتوافق بي 😉 ..


أحلام : بتحانكه مابش داعي عتحرج نفسك بس وتصترع هو غر انا الي رضيت وودفت بك 😜 ..


حسين : بيضحك عليها هههه 😂 طيب تمام يامودفه خاطرش مشتيش اتاخر عليهم ...



أحلام : طيب تمام وأنا شخرج بعدا انا ويزن نشتري حاجات المدرسه 🎒 ...



....... ....... .......


في شقه عبدالصمد ..


عبدالصمد : كمل يبدل👕👖 ودخل يدعي سمير هو عنده ..


سمير : بيحاكي التلفون 📱 بضبح 😤 آها يعني كنتي بتكذبي وقلتي انهي مريضه وهو الفحص لش ...


ساميه : أصلا كنت مفتجعه لو تصيح فوقي 😰 وقلت اول اتاكد قبل ما اقلك ..


سمير : خلاص قدحنا فالوسط ماعاد عنفعل البلاء عليش انتي بزا وجامعه .. يله مع السلامه شرق علينا ...


عبد الصمد : بيأشر له براسه 😕 مالك بتصيح ..


سمير : بيلبس الجنبيه المره واحمه ومابش تتحاكى كذبت لأني مشتيش وقالت عتسير مع صاحبتها تفعل فحوصات تاعبه وهو الفحص لها وانا مع خبالتي صدقت وزد وصلتهن انا 😤..



عبدالصمد : خلاص وانت مابش شي الأطفال 👶🏻أحباب الله وعاد لو جت بنت نعمه بنت وولد ..


سمير : اسمعوا من بيتحاكى بدل ماتنصحني قوم نزوجك .🤔. نفسي ادري مالك رافض الزواج وليش ماعد تزوجت ببنت عمك الي قلتلي ولا ماحصل معك واداك الحديده ...



عبدالصمد : ابتسم له 😌 هيا شرق عنتأخر ع الحريو حقنا ...



سمير : مسكه من كتفه 👬 وبيخطوا ... مارائيك نخطب لك صاحبه المره والله انها ساع القمر لما وصلتهن ابسرتها سوى وبيجابره عليها وهم بيخطوا ...



...... ..... .....


في صنعاء ..


في بيت الحج عبدالله ...


الحج عبدالله : بيبدل قد عيخرج يخزن ..

رجاء : بابتسامه ☺ ياحج لحضه باقي العطر ..


الحج عبدالله : ابتسم لها 🙂 تسلمي والله اني بقدر ماكنت مفتجع لاتقعي ساع سميره بقدر ماطلعتي ساع النسمه صدق وبتعتبري حتى رزق ابنش ..


رجاء : قد ربي احرمني من العيال بس عوضني برزق ماسخاني عليه.. يوووه صدق نسيت ما استأذن اليوم شخرج انا وتهاني نشتري الحاجات حق العيال للمدرسه ..🎒



الحج عبدالله : تمام سيرين بس مش وحدكن خلين معاذ يوصلكن ولا محمد وشلي زلط 💴 من الدولاب كما تحتاجي واشتري لش لاشي شي في نفسش ..



رجاء : تسلم ياحج ☺ الله يطولنا في عمرك ...



...... ...... .....


في بيت عادل ..


تهاني : بتحاكي عادل والله مانا داريه كيف عتفعل تعب عليك فرحنا ماعنسيرش شبام وانهم طيروا بك لابيت بوس..


عادل : قدهو شي اهون من شي اسهل تعب السيره والجيه 🚶🏼 وشازيد احاول اراجع لو عيردوني بقعتي ..


هبه : تمت تبدل 👩🏻 هيا ماما قدنا جاهزه نخرج..


عادل : مسكها من خدودها بيتحيلا لها 🤗 يووه جبر بنتي الي قدهي بتكبر شويه وقدهي عروسه ..


هبه : بدلع أنا ماشتزوجش 😊 شجلس عندكم مشتيش افلتكم ..


تهاني : خلاص نزوجش بواحد من عيال الحاره توقعي قريبه مننا😃 ...


معاذ : كمل تجهز ودواير السياره في يده 🗝 سمعهم ضحك وغمز لأبوه 😉 عنزوجها بمحمد ما رائيش ..


تهاني : يوووه عوذب من ابليس😈 مالقيته الا هو لوعادك قلت منير صاحبك مهني ..


هبه : بتخفع بيدها اوووف ولا بأحد 😤..


عادل : ذكرتني صدق مالك ماعاد بينبسرك هذه الفتره انت وياه ..


معاذ : يله البسوا يا امه بسرعه وادعوا خاله رجاء وانتوا جوا يا ابه اجابركم امد مايتجهزوا .


عادل : 👬 مسكه وخطيوا للسياره بيجابره من منير وكيف قدهو يصيح فوقه ...









🌹meme_abdalgaleel


@qesasanani

بارت 93


في ذمار ....



طارق : مخزن في بيت عمه بيقلب في تلفونه 📱 ..


الشيخ قناف : بيتفرجه ومطنن 🤔..


طارق : انتبه له .. قام جلس جنبه .. مالكم ياعم مطننين 🤔 ..


الشيخ قناف : تنهد😔 .. مابلا ذكرت زمان كيف كنت تجلس جمعه انت وعبدالصمد وكنتوا خبره وماقد حصل بنا انا وابوك ومشاكل واليوم كيف رجعنا الحمدلله بس بعد ماخسرنا عيالنا ..


طارق : بيتحاكى وهو متردد 😅وبصوت واطي ... ياعم انتوا مقتنعين ان عبدالصمد ونوال ممكن يفعلوا شي غلط ..


الشيخ قناف : بيني وبينك قلبي ❤ ماقدرش يصدق بس احنا في واقع وقد ابسرت بعينك حتى انه لما كنت داري ان ابوك بيدورهم يقتلهم مافتحت فمي ولو هو ابني يستاهل ساع مافعل ببنت عمه هكذا بس والله اني كنت افرح من قلبي لما مايلقاهمش ...



طارق : يعني ياعم انتوا مشنتوا مع القتل ولا تشتوا تقتلوهم 🔫..


الشيخ قناف : اصلا يا ابني القتل🔫 مامنه الإ فتح باب للدماء والثارات واحنا بندور نبعد هذه العادات من بلادنا وبعدا هذا كله حصل بسبب ابوك الله يهديه وعناده والمشاكل وحرم العيال من بعضهم مع انهم كبروا ع اساس انهم لبعض وجدك خطبهم لبعض وعادهم جهال 💍..


طارق : أقلكم بشي بس توعدوني ما احد يدرى بشي أخر مره لما لقينا عبدالصمد وكان ابي ويونس يشتوا يقتلوه انا ... وبيحكي له ماحصل ...



الشيخ قناف : فرح 😃 الحمدلله يعني ابي بخير طيب ونوال كيفهي ..


طارق : قلد انه زاعل 😔 مدري ماكانتش معه وبعدا هو اختفى حتى رقمه ماعد بيجاوبش قدهو مغلق واصل ...


الشيخ قناق : حط يده ع فخذ طارق ... ونعم بك يا ابني صدق رجال وواحد مايندمش انه ادالك بنته ...


طارق : 😃ع ذكر بنتكم مالها من حين خطبنا لاجيت بيتكم تهرب ولاعد كلمه وهي من اول كانت تمكني لقانه واصل ...


الشيخ قناف : ضحك هههه 😂 ياسعم بتخزا هيا مه المفروض انك داري ..

طارق : طيب مارائيكم لو نملك واتواصل معاها مابعدا ماعتقدرش تقل مع وتخزا 😉..




....... ....... .......


فالسوووق ...


معاذ : مراعي لهن فوق السياره 🚘 ..



رزق : ماسك يد هبه وبيخطوا ..

تهاني : بتخطى بعدهم هي ورجاء 👭 ...


رجاء : 😱 يوووه يوووه إبسري هذك الولد الي بيلاحق البنات محمد ابن سميره او بيتخايلي ...


تهاني : بتتفرج بتركز 👀 يوووه الإ هذا محمد بس منير معه والكل اتفاجاءت 😳 ..


رجاء : هيا خليني اروح وأتصل لأمه ولا شاقل للحج يبسره ..


تهاني : والله ما نا مستغربه الإ منير والله ان قد خلاني اطنن 🤔..


طلعين فوق السياره🚘 وبيحاكين معاذ انهن ابسرنهم ..



...... ...... .....

العشي 🌚..


في الحديده ..


كملوا الخطوبه وفارحين لعآمر وروحوا يحتفلوا به فالكورنيش عند البحر 🌊 ...


....... ...... ......


في صنعاء ..


في بيت الحج عبدالله ..

رجاء : قربت العشاء 🍛 للحج عبدالله وأحمد بعد مارقدت رزق ..


الحج عبدالله : تسلمي يارجاء قد بينتعبش معي 😄 ..


رجاء : يوووه ياعيبتك انت زوجي ورزق إبني كيف تعبتني .☺.


الحج عبدالله : لفت لأحمد وانت مالك ماتخرج معاهم تشتري لك الدفاتر والحاجات 📙📘..


أحمد : هههه 😂 ضحك. الله يحفظكم ياسيد سعم ان عادنا جاهل اخرج اشتري لي اقلام ومساحات وطنافس الجهال قدنا ثاني ثانوي يعني 2 اقلام من البقاله والدفاتر لما يطلبوا المدرسين ...


الحج عبدالله : ضحك هههه 😂 يعني ولاعد شنطه ولا ..

رجاء : والله انه صدق للمه ماعاد بتشبحوا الكتب الا في ايديكم 📚..


أحمد : مدري وبيضحكوا هههه 😂..


رجاء : أنت داري ياحج اليوم لقينا محمد فالسوق ومعاه اصحابه قالت تهاني واحد منهم منير بيلاحقوا البنات وفي يده شقاره بيشرب هو وخبرته 🚬 ...



الحج عبدالله : حمر وشه وضبح 😡 استغفر الله العظيم بس من هذا الولد ضايع من يومه كيفهو وكيف أخوه ادي تلفوني اتصل📱 لأبوه ومنير الصبح شانبي ع أبوه ..



@qesasanani

بارت 94



في بيت عبدالكريم ...


عبدالكريم : بيحاكي التلفون 📱 قدهو معصب😡 يعني ابسرنه ..هذا الولد جنني قد قلنا انهي غير كسل من القرايه بس مادام قدهي صياعه ومعاكسه وشقاره 🚬 حسابه عندي ..


سميره : مالك مابه للصياح هذا كله ...


عبدالكريم : 😡 إبنش المحترم اليوم ابسرته تهاني ورجاء بيلاحق البنات فالسوق وبيشرب شقاره🚬 مايكفيش انه فاشل فالقرايه عاد عيوفيها لي صياعه ادعيه الآن لعندي ..


سميره : ناهي اهداء من الجنان والصياح سعم مشنت داري ان تهاني بتكرهني ذلحين شكلها بتتبلى ع ابني لكن انا في خالتي هذه المحارشه والله ماراحت لها هي عتبسر بدل ماتحمدالله إني زوجتها 😤 ..


عبدالكريم : سار يبسر ابنه في غرفته يدوره فتح الباب 🚪 مابحدهو ... لفت لسميره هيا أين أبنش يامدام 😡 ...


سميره : يمكن لاهو خرج يسمر عند اصحابه فالشارع ..


عبدالكريم : سعمنعو في صنعاء القديمه عيسمروا فالحاره عادش بتغطي عليه هي الحجه عند دلعش له لما طلع صايع ضايع ...



آيه : سمعتهم بيتصايحوا كانت راقده 😴 قامت ... محمد هو خرج مع صاحبه سمعته بيحاكيه فالتلفون عيسيروا يسمروا مدري اينه ...


....... ...... .......


ثاني يوم الصبح ..


الحج عبدالله وعادل : ساروا يحاكوا ابو منير ...


أبو منير : 😳 منير إبني كيف الولد ماقد لاحظت عليه شي ..


عادل : وانا والكل قد استغربت بس لو سمحت لي خليني اتحاكى معه انا قبل ماتصيح فوقه ..


أبو منير : الولد ولدك يا استاذ عادل اوذا شدعيه لعندك ذلحين ..



منير : خرج يجاوب عادل وهو مفتجع 😰 ..


عادل : مسكه من كتفه وخطيوا 👬 بيجابره ..

الحج عبدالله : خطي للمحل حقه .


منير : بيحاكي عادل وهو محرج منه وزاعل 😔 والله ياعم عادل ان محمد بيخليني أسايره بالغصب ولا بيهددني عيوري أبي الرساله 💌 ويخليه يضربني ..


عادل : مستغرب 😳 رساله ايش ..


منير : والله مانا داري جاء لعندي مكني رساله 💌 قلي ادتها واحده لعنده ولما فتحتها مكتوب انها بتحبني وانها ردت عليا بهذه الرساله بدل حقي الرساله وانا والله معرف منهي ولا قد رسلت لواحده ..

عادل : طيب وهذه الرساله أينهي وريني 💌..


منير : عند محمد شلها بيهددني بها وبيخليني أخرج مه بالغصب قدام أصحابه ويخليني أقلهم انه معاذ اخبل واننا بطلت اصاحبه لأنه ابن أمه واكتشفت ان محمد رجال ولا عيقل لأبي وأنتوا تعرفوا أبي والله لايضربوني ويمنعوني حتى من المدرسه 🏫 ..


عادل : مسكه من كتفه 👬 خلاص لا تقلقش أنا شتصرف انت رحلك من مسايرته بس وابوك انا شاحكيه أنا ...


...... ...... ........


في المحل ...


العامل : ياحج عبدالله به واحد من التجار اتصل قال يشتي مننا بضاعه بس الطلبيه خيرات ومابش معانا الكميه الي طلب فالمخازن ...


الحج عبدالله : ليش وعبدالكريم وينهو ليش مايوفرها لهم ..

العامل : مدري كل ما احاكيه يقلي ناهي بعدا ويدعممني مشنا داري ليش قدهو مطنش قوي هذه الفتره قلت اجي أحاكيكم ..


الحج عبدالله : يمكن لاهو مشغول الله يعينه اديلي رقم التاجر هذا وانا شتواصل معه بنفسي .وبيجابر نفسه .. (والله ما الومه مدام ومعه مره ساع سميره يعلم الله مابتفعل به )..


العامل : خرج التلفون ودور الرقم واتصل له به 📱.


الحج عبدالله : بعد ماغلق مع الرجال 📱 يله مابش لنا نصيب الرزق من الله قال الرجال قد لقي ساع بضاعتنا بس بسعر ارخص وقد اتفق مع الرجال واشترى .

العامل : بس ياحج عبدالله بضاعتنا مابش مع احد منها والخلطات حقنا خاصه بنا كيف لقي 🤔 الا لاهو واحد من العمال الي كانوا عندنا ادى خلطاتنا لأحد ...


الحج عبدالله : أسهل يا ابني الرزق بيد الله والف دكان ع كف الرحمن خلي الناس يترزقوا ...




معقوله عبدالكريم بداء يشتغل من وراء ابوه وبيضربه فالسوق وياخذ زباينه 🤔...



🌹meme_abdalgaleel




...... ....... .......
@qesasanani

بارت 95


عدت 6 اشهر ومابش احداث مهمه ..


رجاء : علاقتها حلوه برزق 😄 والحج عبدالله ..


معاذ : رجعوا اصحاب هو ومنير واحمد👬 ..

عبدالكريم : بيواصل عمله الي فتحه وبيسحب التجار ع أبوه 😈..



عادل : تعب من مشوار كل يوم سيره وجيه للمدرسه في 🚶🏼بيت بوس..



تهاني : اهلا ياروحي اكيد قدك تاعب بتخلسه الجاكت 👕 ..


عادل : 😅 يوووف ع حمى وشمس ☀ امانه قدنا مراعي لهذه السنه تكمل ننقل بيت قريب من المدرسه .


هبه : يوووه يا بابا 😱 وننقل من هانا نفلت بيتنا ورزق ..


تهاني : بزعل 😔 زيد حاول تبسر لو عيرجعوك هانا ...


عادل : ماعاد ينفعش قد حاولت لما شبعت ..

هبه : ماعه ماعه وبتبكي 😭 مشتيش افلت هانا ..


عادل : ذلحين قومي قربي لنا الغداء🍚🍛 قدحنا عنتحمل هذه السنه مانفعل أمد مايزد يكمل معاذ يختبر ثالث ثانوي ماعاد شنقلش من مدرسته ..



هبه : حست ان ابوها خلاص قدهو مقرر عينقلوا فالإجازه ضبحت وسارت بتداعي رزق من الطاقه بتجابره 😤..



....... ...... ......


في بيت حميد ..


نوال : ذلحين يا اخي ماعد به ماعد ناقصك تشتي ازيد اشتريه ..


طارق : بزعل 😔 ناقصني وجودش معي فالعرس وتكوني جنبي ..


نوال : مسكت يده وابتسمت ☺ ماتشتيش تخرب فرحته .. يكفيني اني جهزت حاجاتك واخترت غرفتك انا واشتريت معك كل شي والاهم من هذا كله اني شطمن عليك ان يسرى قد عتوبه لك ..


طارق : حبها في رآسها 😘 تسلمي لي يا أختي ذلحين أزيد اسير بساعتي اوزع الدعوات حقي لأصحابي الي هانا واخزن عندهم لمغرب وارجع ذمار.


نوال : تمام ووصلني مع طريقك لعند صاحبتي مسكينه ولدت فالسابع بعمليه وقدلها اسبوع ماقدرتش اسير ابسرها مع تجهيز حاجاتك ...



........ ...... ......


في ذمار ....


في بيت الشيخ قناف ..


يسرى : بترتب شنطاتها ولداتها 👚👗💄👜👛..


ام يسرى : هاه بنتي تشتي اي شي 🙂..


يسرى : تسلموا لي يا امه اشتي بس تتصلوا للمغنيه 🎤 تأكدوا عليها قد العرس عيبداء بعد يومين 😃..


أم يسرى : حاضر من عيوني وحضنتها وباستها 😘 والله ماقدنا مصدقه ان قد بنتي حريوه وعتفلتني ...


....... ...... ......


في بيت صالح ..



خيريه : بتداعي بصياح 😡 يايونس اتصلت لصاحب الفراش ماله ماقد اداش الموكيت حق الحجره ولا البردات حق غرفه نومك ..


صالح : كان ممدد بعد الغداء 💤 قام ... مالش بتصيحي قلنا عنفعل لنا نعسه ...


خيريه : ماتشتي افعل قد العرس يوم الخميس وعاد به ميه شغله ماقدهيش جاهزه وانت عادك تشتي تفعلك نعسه 😴 .. وزد ابنك هذا طارق طلع صنعاء ماناش داريه للمه مايشتري من هانا ساع اخوه كلشي حقه الأ مختلف ..


صالح : احمدي الله عليه كلشي لافوق راسه جهز حاجته وغرفته لنفسه وحجز الصاله والمغني والمبرع والمزمر حتى الطباخ والقاعه ماعاد تشتي وابنش يونس ماقد استر يتم يفرش غرفته 😡..



خيريه : طارحه يدها في خصرها ... مالك قدك مقلوب فوقي هكذا هذه الفتره وماعد بتقبل كلمه ع طارق بترجعني عدوه لاذكرت اسمه 😡 ..


صالح : قام شل حقه الكوت وخرج .. خاطرش اسير بيت اخي نتم ماعاد به من نواقص 🚶🏼 ..



خيريه : كان قدامها ماسه خفعتها برجلها اوووف 😤 ..


..... ...... .....


في صنعاء ..


في بيت الحج عبدالله مخزنين ..


عادل : شل الدعوه ✉ ماشاء الله قد عتتزوج 😃 ..


طارق : أيوه هذا الخميس ان شاء الله 😄 اهم شي مش ماتجوش قوى قد جيت بنفسي من وسط ذمار علشانكم والله.. ناهي ياحج وادوا معاكم رزق يبسر عرسات البلاد ..


الحج عبدالله : ان شاء الله قد عنحاول ولايهمك 😃...


طارق : وانت ياعادل قوى ومعاذ كلكم واعزموا من تشتوا العرس عرسكم ...




@qesasanani

بارت 96



في الحديده ...


حسين : بيحاكي التلفون 📱 خلاص تمام شرجع اجي اشلش انا للمستشفى ماشتاخرش ...



أحلام : خلاص تمام ارجع جيلي لاعند أمل انا عندها ..


عبدالصمد : بعد ماغلق حسين التلفون 📱 سلامات من تاعب ..


حسين : مع الحمدلله مابش تعب 😃 مابلا قد شكل المره واحمه اشلها لعند الدكتوره ..


عبدالصمد : 😃 هآه ألف مبروووك ..


عآمر : أنت غير إجلس وزع تهاني من شق وطرف عتشتحط عنزوجك 😜 عتشيب 👨🏼..



حسين : صدق كلامه ياعبدالصمد العمر بيجري ايحين عنزوجك ..


عبدالصمد : ان شاء الله خير خلاص قدنا ناوي ان شاء الله خلوني زد هذه الفتره ابسر اموري بس واتوكل ع الله 😐 ..



....... ........ ........


في بيت عبدالكريم ...


آيه : بتتحيلا لنفسها قدام المرايه وتمشط شعرها 🙍🏻 ..


محمد : ابسرها دهفها ... ماهي هذه الخباله عتجلس تتخيبل قبال المرايه 😡 .


آيه : خفعته بالفرشه وبتصيح 😡.. ماعليك مني أنا حره ...


محمد : لطمها في وشها 👋🏻 ..

آيه : بتبكي 😭 وتصيح يا أمه جو أبسروه ..


سميره : 😡 بتصيح فووقهم .. مالكم ماهو هذا الجنان مالك ع اختك ...


محمد : بتصدق روحها وتتخيبل ان قدهي مره 🙍🏻 قدكودها قبال المرايه بتتفرج نفسها وفالمدرسه بتجلس تحاكي العيال وانا قلتلها لو تحاكي ولد لأكسر فمها ...


آيه : شابحه أمها مخبايه قفاها .. يا امه كوده بيضربني حتى فالمدرسه ولو شليت دفتر من اصحابي يلطومني 👋🏻 ..


سميره : بتصيح فوقه 😡 إبسر ماعليك منها هي حره ماتدخلش من بنتي ...


محمد : الإ أدخل ونص ماشاراعيش لما قد اختي ساع البنات الصايعات وقد الناس بيتحاكوا عليها 😡 وماعدبش خرجه من غطوه الإ ببالطوه ..


....... ....... ........


اليوم الأربعاء ..

في ذمار ..


ليله الحناء حق طارق ويونس ..

الأضواء واللمبات والزينه ملان الشارع ..


الرجال : خارج فالخيمه 🎪واصوات المزمار والبرع ملان الشارع 🎧 ..


النسوان بيتشقرين من الطيقان الزفه ...


طارق : خرج تلفونه 📱 بيتصل لنوال يسمعها الزفه ..


نوال : جاوبته وهي بتبكي 😭 مقهوره انها بعيده عنه في مثل هذا اليوم ..



طارق : قام من جنب يونس لايسمعه خرج من الخيمه ووقف وحده بعيد.. بيتحاكى بصوت واطي ومغطي بيده ع السماعه .. هيا مه قوى لاتبكيش دموعش غاليه عليا 😭 ..


نوال : سامحني يا اخي مشو برضايا نزلين وحدهن لما سمعت اصوات الزفه والعرس كان نفسي وانا معك لكن الله لالحقها خير الي فرقت بيننا 😭 ..


صالح : كان واقف مع الشيخ قناف بيبسروا الضيوف .. بيتلفت ابسر طارق مابحدهو استغرب😳 ..


الشيخ قناف : مالك من بتدور ..

صالح : طارق مدري اين جاء ..

الشيخ قناف : أبسرته خرج من الخيمه 🎪 بيحاكي التلفون 📱 ..


صالح : اسير ابسره مايسبرش يفلت الناس عيب وهو خاطى🚶🏼 جاء واحد يسلم عليه ..


الشيخ قناف : ابسر الرجال وانا شخطى لعنده انا ابسره 🚶🏼..

...... ..... .....


نرجع لمحادثه نوال وطارق 📱..



طارق : الله لاسامحها مثل مافرقت بيننا كم كنت اتمني وانتي عندي في هذا اليوم ماناش متخيل كيف عرسي وانت مش موجوده فيه تذكري كم كنا نحلم ونخطط ماعنفعل في عرسنا انا وانتي 😔 لكن اسهل ولا تقتهري ولاتزعلي نفسش أتم العرس من هانا وماعتبسريني الإ عندش ...


نوال : تسلم لي يا أحلى اخ اهم شي ربي يسعدك وقد قلت لابي حميد يصوروك خيرات ابسرك ..


طارق : ولايهمش الإ احلى صور ماسخاني عليش وشارسلش جعاله وترته🍰 من حق العرس والكل ..


نوال : يله شرق ادخل بين الرجال .. الله يخليك لي يا احلى اخ ..


طارق : ولا يحرمني منش 😃 مع السلامه ..


الشيخ قناف : كان واقف قفاه بيسمع تسمر مكانه .. 😳.. معقوله طارق الي أمنته ع بنتي والكل بيشكر اخلاقه يطلع معه واحده وكان يشتيها وفرقوا بينهم وبيتواصل معاها لليوم. وعيسير عندها بعد العرس وماعد احترم وجود بنتي في حياته ..



طارق : غلق التلفون 📱 وبيلتفت يخطى 🚶🏼 أبسر عمه قدامه تفاجأء هآه 😳.. أيحين جيتوا ..



الشيخ قناف : بعصبيه ووجه أحمر كله غضب 😡 ماعدبش عرس وماشديش بنتي وقفى وشه يخطى 🚶🏼..





😱 ايش الموقف الغلط الي حصل والي انحطيت فيه ياطارق فعلا ربي يعينك ياعتخسر يسرى ويخرب عرسك والكل يقول عليك انسان خاين او عتفضح سر نوال وتخسر اختك للأبد لأن صالح عيقتلها


توقعاتكم 🤔 ...



@qesasanani

بارت 97



في الحديده ...


في بيت حسين ...


يزن : فارح 😃 يعني خلاص أخيرا عيقع لي اخ يارب وهو يجي ولد ...



حسين : بيضحك هههه 😂 ومالك مزقرع هكذا ماعيكبر الإ وقدك رجال ....


أحلام : مالكم فارحين هكذا وبتتجابروا ان قدهو ولد خلاص أنا أشتيها بنت 👧🏻 ...



حسين : بنت ولا ولد الله يرزقنا الخلقه الكامله 🙂 ادي التلفون نتصل نفرح أبي 📱 ...



...... ....... .......


في صنعاء ...


في بيت عادل ...


هبه : جالسه ضابحه 😤 بتتفرج التلفزيون ..


عادل : هيا مال حقي القمر ساكته ولا بتحاكيني 🙊..


معاذ : هي زاعله قالت ليش عنسير غطوه من الصبح عرس عمي طارق وهي ماشي ..


عادل : ضحك هههه 😂 هو عرس رجال أين نشلش ..


تهاني : قد قلتلها شاخرج انا وياها ورجاء عنخلي أحمد يشلنا الحديقه وتلعب ..


هبه : بتهز أكتافها بدلع .. ماعه ماعه .. كلكم عتسيروا ورزق عيجي معاكم ماعليا أشتي أجي وبتبكي 😭..


عادل : أبسر تهاني نتي داريه شبسر الحج عبدالله ماعيقل لاهو عيرضى ويسبر ننزلكن معانا أنتي ومرته وقدهي دوره نرقد في فندق للجمعه وطلعنا ...



هبه : فرحت 😃 وقامت تبوس أبوها 😘 ....


عادل : بيتصل للحج عبدالله وتلفونه مشغول 📱بيحاكي حسين ..



.....


في بيت عبدالكريم ..


سميره : بتشكي لعبدالكريم من تصرفات محمد مع أخته ..


عبدالكريم : 😡 بيصيح .. هذا الولد ماعيرحلش من الجنان حقه وقله الأدب كيف أزيد افعل معه ..وينهو اقسم بالله ما اليوم لأضربه .. وبيداعيه.


آيه : جاوبته .. مابحدهو هو خرج لما أمي صيحوا فوقه وماقد روحش ..



عبدالكريم : زاد جنانه 😡 وقدهو متحلف له لايضربه أول مايروح ...



...... ....... ......


في بيت الحج عبدالله ..


الحج عبدالله : فارح 😃 بخبر حمل أحلام ..

رزق : في غرفته بيجهز له لده 👕👖 للعرس هو ورجاء 😁 ..


عادل : إتصل بالحج عبدالله 📱 مساء الخير ياحج كيف انت ..


الحج عبدالله : مساك الله بالخير والعافيه 😁 ..


عادل : بينتصلك من اول مشغول قلت اقلك مارايك لو ننزل النسوان معانا احنا نتعرس وهن ينفخين نفعل لنا يومين ونطلع ...



الحج : هآه والله انهي فكره صدق قدحنا هنيه لاعاد دخله ولاخرجه ننفخ شويه .. قد عيغلق التلفون 📱 هآه ذكرتني اتصل لحسين بارك له مرته واحمه ...

عادل : 😃 هيا الف مبروك اوذا شتصله ونلتقي الصبح ان شاء نخطى لنا 7 كودحنا نوصل وندور لنا فندق قبل الغداء حق العرس ...



الحج عبدالله : أيوه خلاص متفقين وأنا اقوم اقل للمره تجهز لنا لده 👕👖...


هبه : سمعت أبوها وقدهي فارحه قامت تجهز لها لده 👗..

تهاني : ضحكت 😂 وابسرت عادل والله وخليتها تخطي كلامها وعتشلها ..

عادل : ابتسم ☺مفعل مابينسخاش عليها ..



🌹meme_ abdalgaleel


@qesasanani

بارت 98



في بيت سمير ....


سمير : بيلاعب بنته 👶🏻 ويتحيلا لها ...


ساميه : بزعل 😔 سعم قدك بتحبها اوذك كنت تصيح لأني وحمت ...


سمير : مسك يدها يبوسها بيراضيها😘 أنا صيحت حب فيش بس مشتيش تتعبي بزا وجامعه ..


ساميه : ماعليك شي قد امي عيبوهوا للعيال ولو فاتتني محاظرات 📖 شاكن اخلي نوال تديهن لي ..


سمير : تفرجها بإبتسامه 🤗 صاحبتش ليش ماقد اختطبت وهي قمر ولا بتحب أحد ..

ساميه : بضبح 😤 مادخلك منها تختطب ولا تجلس بغير زواجه ولاتشتي تسير تخطبها كودك بتتحيلى لها ..

سمير : ضحك 😂 ومسكها من كتفها مش انا قلت لو تحاكيها تجسي نبضها لو يتقدم لها احد ماعتقل بينفكر نخطبها لعبدالصمد اخيرا قد بينحسه مقتنع بس قال عادهو يشتي يرتب اموره هذه الفتره ..


سآميه : فرحت 😃 آها .. فجعتني قد بينقل اوتشتي تخطبها انت ..

سمير : من اخطب وقد معي سمسومه قلبي ❤ انتي جربي حاكيها ..

ساميه : الصدق عتزعل 😔 مني لما افتح معاها هذا الموظوع هذك المره كنت بينقلها اخطبها لخالي تزاعلنا وقالت محد يفتح معاها هذا الموضوع ..


سمير : آها .. كان خلاص ابردي الله يسخر له مدام وهي بتزعل ..



....... ....... ........


في ذمار ...


خال طارق : بيدوره بيسال يونس عليه اين جاء ..

يونس : مدري خرج يجاوب التلفون 📱..

خال طارق : مايسبرش هكذا يفلت الناس وهو حريو عيب ..اسير ابسره ...


الحج حميد: ابسر👀 طارق خارج هو وعمه بيتجابروا في زاويه حس في شي ..



خارج الخيمه 🎪..


طارق : مسك عمه من وراه .. ياعم لحضه لاتفهموا غلط ..


الشيخ قناف : بعد يده 👋🏻 يابني قوى ابعد عني كيف لا افهمش غلط وقد سمعتك بأذني وانا الي امنتك ع بنتي ووافقت بك حتى بدون ما اسالها ع رأئيها من كثر ثقتي فيك ..

طارق : بين نارين وقلبه بيدق بسرعه ❣ بصوت مهزوز وانا اقسم لكم بالله اني عند ثقتكم بي وان يسرى في عيوني ولافكرت اكلم غيرها ولا اخونها ..


الشيخ قناف : بهنجمه وعصبيه 😡 سعم ماهو بتكذبني وعتستغفلني عيني عينك وقد سمعت كلامكم بإذني وانت بتقلها كان نفسك وهي عندك وجنبك وكنتوا تخططوا لعرسكم وعتكمل العرس. وتسير عندها أخر كذاك حرام ماتدخلك بنتي ولاعاد يسبر عرس عيكذب لاوشي ..


طارق : تشارغت عيونه 😢 ياعم قوى أنا فدالكم والله ان الموظوع غير ما انتوا فاهمين له والله ماهي حبيبتي ولا صاحبتي ..


الشيخ قناف : اذا مشي حبيبتك ولا صاحبتك كان منهي يله قلي من بتحاكي واتصلها قدامي هذا اذا مشنت لعاب وكذاب 😡..


طارق : وطى رآسه 😔 بزعل مقدرش اقل منهي بس والله مانا خاين واني احب يسرى واشتيها ..


الشيخ قناف : ويسرى حرام ماتدخلك ماعنفعلش مشاكل ذلحين قدام الناس ادخل الخيمه وكما روحوا الناس لي كلام مع ابوك وفلته وخطي 🚶🏼 ...


طارق : نزلت دموعه 😢 وبيمسحهابيده مقهور خسر يسرى الي كان يحبها❤ من صغره وكان شايفها حلم مع مشاكل أبوه ولما أخيرا تحقق حلمه قرر انه يخسر حبه ولايخسر أخته ...



عم حميد : ابسره وحده واتاكد انه في مشكله 👀 سار لعنده ..


خال طارق : كان خارجي يدعيه ..

حميد : اوذا شاسير انا ادعيه اجلس انت بس ابسر ضيوفكم ..


طارق : شرح لحميد كل الي حصل ودموعه بتنزل 😭..


عم حميد : خلاص ياولدي امسح دموعك ذلحين واخطى ندخل قد الناس بيدوروك وماعذر من خير



@qesasanani

بارت 99


في بيت الشيخ قناف ..


البنات متجمعات عند يسرى وبيغنين ويرقصين 💃 ..


يسرى : ذلحين ليش مااسير بيت عمي أبسر الزفه ☺ ..

أم يسرى : بتضحك عليها ههه 😂 قدش مستعجله قدش عتسيري عندهم غطوه من مره ..


يسرى : خزيت 🤗 ووطت راسها مشو قصدي بس اشتي اسير أبسر الزفه ..


جارتهم : منش صدق تشتي تبسريها هيا قومي البسي وعنسير نبسرها من بيت سيدي هي 🎪 الخيمه جنبهم والكل ..


خاله يسرى : هي قرين وبطلين جنان مايسبرش الحريوه تخرج من بيتهم ماعيقلوا علينا الناس ..


يسرى : بتبوس امها 😘 هيا يا امه قوى قوى خلوني اسير سعمنهم عيدروا مننا أنا شلبس اللثمه قوى خلوني اسير ابسر طارق وهو لابس ..


أم يسرى : يله سيرين لكن بساعتكن شويه وترجعين ...


يسرى : فرحت 😃 حاضر والله انه شويه وبس وقامت تلبس ...


خاله يسرى : مالش يا اختي تخليها مايسبرش هكذا ..

ام يسرى : بإبتسامه ☺ خليها يا اختي قدهو زوجها وبعدا مساكين خليهم يفرحوا بعد كل هذه المشاكل ..


...... ...... .....


في صنعاء ..



بيت عبدالكريم ...

عبدالكريم : قالب وشه 😡هيا مه ماقد جاش ابنش ..


سميره : مفتجعه منه وقلقه ع إبنها 😰 ماشي لاهو ذلحين عند منير ولاعيسير بيت جده عند أحمد ..


عبدالكريم : أتصلي لأحمد إسأليه لاهو عندهم ولا يبسره عند منير قبل ما اقلب الليله ع راسش أنتي وياه 😡 ...



سميره : خطيت سكته بتتصل 📱 تدور ابنها ..


آيه : فارحه ان أبوها متحلف لمحمد 😁...



........ ...... .....


في ذمار

فالعرس 👰🏻..


الزفه بداءت والكل متجمع حول العرسان دائره بيبترعوا ويرقصوا مزمار 🎺 ..


فالجبا ..

البنات : بيداعين يسرى اوذكه طارق ابسري محلاه كيف وقع 😉..


يسرى : بتتفرجه وهو مسنب فالزفه 👀 ..

بنت خالتها : ماشاء الله اللبس وقع فوقه حالي ..

يسرى : بس مدري ماله شكله ضابح😤 قوي صح ووشه محمر حتى ابسري مابيضحكش ..

بنت خالتها : هيا ناهي لش بتزيدي اوذك بيبتسم للرجال الي بيسلم عليه ..


يسرى : تنهدت .. ماشي والله انا اعرفه أنا مشو هذا طارق يعلم الله ماحصل اكيد قدهي مره عمي خيريه فعلت له مشكله 😔..


...... ...... .....


نازل فالزفه عند الرجال ..


الشيخ قناف : وشه مقلوب 😡 مسنب وطارح يده فوق الجنبيه مراعي يكمل الزفه والعرس يروحوا الناس يحاكي اخوه بس ساكت من الفضيحه بين الناس ..


عم حميد : بيتفرج طارق ومقهور عليه 😔 رجع خطي 🚶🏼 وقرب لجنب الشيخ قناف مسكه بيده ياشيخ اشتيك في موظوع جي معي لاهنيك نتجابر شويه من الدوشه حق العرس ..


الشيخ قناف : بضبح 😤 مش وقت ياحميد ذلحين خليني وشرجع ادعيك أنا أجابرك والله ان قد راسي عيقرح ..


عم حميد : مسك يده 👋🏻 بقووه إشتي أحاكيك بخصوص طارق والي سمعته ...


الشيخ قناف : فتح عيونه 😳 هآه طارق مدراك ..


عم حميد : طيب اخطى 🚶🏼معي قلتلك من الحكى هنيه قبال الناس ونلوه العالم صلينا ..


الشيخ قناف : خطي معاه 🚶🏼وبيساله مدراه بالي حصل ...


عم حميد : مد يده 👋🏻 قبل ما اقلك شي إشتي منك عهد من الله وكلمه رجال مامخلوق غيرنا يدرى بالكلام الي شاقله لك والله ماغير شاخون الأمانه الي انا مأمن عليها رحمه في ذيه المسكين الي اطرح بين نارين وماصدي يفتح فمه ..



الشيخ قناف : مد يده 👋🏻 وهذا عهد من الله ويمين واطرح لك وشي مايدرى ثالث بالي عنقله غير الله ..


عم حميد : بيحكي له انه لقي نوال وبيجابره بكل الي حصل وانه طارق داري انها عنده وبيوبه لها وقدسجلها فالجامعه وانها الي كان بيحاكيها واختار انه يخسر يسرى 💔 ولا يخسر أخته لانه داري ان ابوه عيقتلها ..


الشيخ قناف : خفع رآسه بيده 😱 معقوووله واحنا كنا ظالمين لهم.. بس الصدق رحم الله والديك انك قلتلي ولا كنت شحرم الولد من بنت عمه ساع ما اخي احرم ابني من بنته وحصل هذا كله والله ان طارق كبر في نظري قوي واديله بنتي وانا مغمض ..


عم حميد : كان يله أخطى 🚶🏼حاكي الولد حرام خليه يفرح بعرسه مسكين ابسر ع قد صوره معه ...



طارق : اصحابه بيهزوروه يدخل يرقص معاهم وهو ضابح 😤 ماقدرت والله راسي بيوجعني ..


الشيخ قناف : قرب لجنبه .. ابسره وابتسم ☺ ارقص وافتهن يا ابني واتعرس وكما بعد العرس عنسير كلنا بيت عمك حميد انا وانت ويسرى ...

طارق : ابسر عمه واتفاجاء 😳 ايش قصده ..


عم حميد : أبسر طارق هز له رآسه وابتسم ☺..


طارق : لفت لعمه بخوف 😰 يعني ماعتبطلوش العرس وشتزوج بيسرى ..


الشيخ قناف : خفعه في كتفه بيده 👋🏻 واديها لك وأنا مغمض بعد مادريت بالقصه ومن اليوم أختك في حمايتي..


طارق : حضن عمه ونزلت دموعه بفرحه😢 الله يخليكم لنا ..



صالح : قدهو تاعب دخل الخيمه🎪 يفتهن ماركزش في الي حصل ..


يونس : بيرقص ويجنن مع اصحابه ماركزش ..


يسرى : فالجبا مطننه 🤔 يعلم الله ماله حضن ابي هكذا وفرح ودخل يرقص وقدكان ضابح كما روحوا ابي شسألهم ..



...... ...... .......


محمد : أخيرآ اتصل📱 وقد عبدالكريم وسميره عي

جننوا... أنا في طريقي للحديده شاسير افعلي يومين عند عمي افتهم من حقكم الجنان 😤..




ياريت كل الأخوه مثلك ياطارق الي خوفك ع أختك كان عيخسرك حبك❤ وحلم حياتك بس ربي ماسخيش عليك وياريت عبدالكريم يتعلم منك شويه بدل ماهو بيخطى بعد كلام مرته ضد ابوه وأخوته..



🌹meme_ abdalgaleel



@qesasanani

بارت 100


ثاني يوم الصبح 🌞 الساعه 7



في الحاره ....

معاذ : خرج شنطه صغيره 👝 فيها ملابسهم للسياره 🚘..


عادل : فالسياره بيتفاقدها ويسكب لها ماء ...


تهاني : بتفعلهم سندوتشات للطريق 🌯🌮..

هبه : مسنبه هي ورزق فارحين 😃 بيدفوا ايديهم 👋🏻 من البرد ..



الحج عبدالله : خرج بيفتح سيارته 🚘 بيصبح لعادل يديله بن ☕.


عادل : خطي لعنده يشل البن ☕ صباحك عسل ياحج 😃...


الحج عبدالله : إبسرت ع همه فالعيال مسرع بكروا ☺..


عادل : بيضحك ههه 😂 قد قيمتني هبه من الساعه 6 قالت هيا شرق ههههه ...


أحمد : خرج من البيت وبيصبح ع عادل صباح الخير 🌞 وطلع فوق السياره بقعه السواق ..


عادل: ابسر الحج عبدالله 👀 عتخلي احمد يسوق لذمار ماينفعش ..


الحج عبدالله : قدلي خيرات من السواقه يا بينخطى معك ولا احمد بيوصلني ..


عادل : خلاص نخطى كلنا بسيارتك حينهي كبيره 🚘 وشاسوق أنا ..


الحج عبدالله : خلاص وهذا شور وبيصيح لأحمد يسير يشل الحاجات من سياره 🚘 عادل ينزلهن مع معاذ ...



....... ....... .......



في ذمار ....



بيت صالح ..


الدنيا محشوره عرس والرجال خارج ..


خيريه : بتقيم يونس يقوم يسيروا يحلقوا ويتجهزوا 😃...



طارق : في غرفته قد قام او بالأصح مارقدتش 😴 طول الليل بيفكر في الي حصل وارتاح لما حس ان عمه واقف مع نوال مسك تلفونه يتصلها يجابرها شويه 📱...


نوال : كانت نوم 😴 جاوبته وهي منعسه ...


طارق : بيضحك عليها هههه 😂 عرس اخوش وانتي راقده مراعي لش من اول تتصلي لي ياخادمه .


نوال : بتمطط هآه 😅 مسرع قد قمت ...

طارق : مابتسمعيش البرع والجنان 🎤 مايرقدني ذلحين يله قليلي من عيصبحني خالتش عند ابنها من الصبح بتعانيه وتصبحه ..



نوال : زعلت عليه 😔 جعلي مكسر عليك يا أخي لوشي اني عندك ذلحين اسمعني البس الزنه هذك الي الأكمام حقها كبك والبس الكبك الأسود مش البني والجزمه السوداء الجلد ولا اقلك أنا قد جهزتهن كلهن وفعلتهن لك في هذك الشنطه 🎒 الصغيره الحمراء هذولاء حق ذلحين وحق العشي قدهن مبخرات ومعودات ومجهزات وسط الكيس الي فالشنطه بجزمتهن وشراباتك والعطر كله جاهز وفعلتلك في العلبه السوداء الصغيره شموع وورد افعلهن للغرفه وافرش هذك اللحاف الأبيض وغلق غرفتك ماعاد تخليش احد يدخلها بالذات الورد والشمع🌹🕯 افعلهن العشي لما يدخلوكم تبدلوا وقد اشتريت لك مبخره ابو كهرباء افعل البخور اوذك جنبها وبخر الغرفه ...



طارق : مبتسم 😊 بيسمع اخته وكيف مهتمه به كأنها عنده وجهزت له كلشي .. تسلمي لي يا أحلى أخت كفيتي ووفيتي والله ان صوتش وكلامش أحلى من صبوح خالتي ..


نوال : بتضحك عليه هههه 😂 ناهي قوم اصتبح ولما تبدل بعدا ولما ترتب الغرفه اتصلي ...



طارق : بيضحك هههه 😂 راعي مالش الا أجلط خالتي شاسير اصتبح من صبوح يونس ...



....... ....... ......


في الحديده ..


حسين : بيبدل👕👖 عيسير العمل ..

أحلام : أول اتصل 📱لأخوك طمنه ع أبنه أكيد بيقلق ذلحين .



حسين : قد حاكاهم بس شازيد اتصله ابسر ماحصل ليش جاء وحده ..




@qesasanani

بارت 101


في الطرق ...


عادل : بيسوق والحج عبدالله جنبه .


تهاني ورجاء : وراء بيتجابرين ..

معاذ وأحمد : فالكراسي الي وراء بيلعبوا مع هبه ورزق 😃..


الحج عبدالله : بيضحك عليهم ههه 😂 قدنتوا عزبان وعادنتوا بتلعبوا. قد عتدخلوا الجامعه السنه الي عتجي .


عادل : خليهم ياحج يفتهنوا عادهي لهم ..


الحج عبدالله : كودحنا ندور لهم نسوان ماقلتوا ياعيال 😉 وغمز لعادل ..


تهاني ورجاء : بيضحكين عليهم ..

معاذ : أنا لا قد اشتي اخطب ولا أتزوج 💍 اشتي اكمل الجامعه اول ..


عادل : وأنت ياأحمد مالك ساكت ولا ماتشتيش زواجه 😉 ...


أحمد : ضحك بخزا 😊 ههههه أنا قد خطيبتي جاهزه مراعي لها تكبر سوى أمد ما كمل قرايتي ...


معاذ : خفعه👋🏻 ... ياكلب ولاتقلي ..


الحج عبدالله : خلاص وهي كلمه والله اول مانرجع صنعاء قلي منهي وأحاكي ابوها نحجزها لك ..


عادل : أيوه صدق لانفسك في واحده قلنا ومن عيقلك ماشي رجال ونعم بك عنسير انا وجدك نحاكي أبوها ..


أحمد : ضحك خزي ههه 😊 هيا ناهي لكم محد يضحك عندكم افتحوا لنا الصوت شويه حق المسجله ....



........ ........ ........


في ذمار ..


في بيت الشيخ قناف ..


أم يسرى : دخلت ليسرى الصبوح 🍛 هيا قومي اصتبحي بعدا عتصبحي انتي بغير عشاء ..


يسرى : بتنشف شعرها 🙍🏻 شابعه يا أمه مشتيش أنتوا بس ابسروا من الي عيشلني عند الكوافير لا اتاخرش ..


أم يسرى : ناهي تمام اوذا شاسير أبسره وانتي اقربي كلي مايسبرش تجلسي بغير أكل ..


يسرى : تمام وقربت تاكل ذكرت طارق مدري أحد اداله صبوح اومع فتحت باب غرفتها 🚪 ودعت ولد من الصغار ومكنته الصبوح جي شله لابيت عمي مكن طارق ليده مش تمكن احد ثاني ...



...... ...... .....


في بيت صالح ..


طارق : فتح الباب ع يونس .. الله بينشم صبوح حالي وقرب اوووو كبده 😜 ...


خيريه : رزي 😡حق الولد عادهو ماقد اكلش عادنا دخلته له لما يكمل وشل لك الباقي ...


طارق : شل الصبوح 🍛بيحانكها وجلس فوق السرير بيصتبح .. لكن باسل مشو طعيم كنتي عتفعلي له ملح سوى..


يونس : ببهراره 😳 سمعت امي ماقالت رزي حقي ...


الولد الصغير بيدور طارق قالواله طالع طلع بيداعيه .. ياعم طارق ..


طارق : من هآه جي انا هانا ...


الولد : بيمكنه الصبوح 🍝🍛 هآه هذا ادته عمه يسرى قالت تصتبح ...


طارق : شله من يده وابسر خالته بيحانكها 😜 سير قلها قال عمي طارق تسلمي ياروح الروح هذا صبوح مش هذا الي بغير ملح وفلتهم وخرج ..


خيريه : بتلاعنه وتصيح 😡..



....... ....... .......



في صنعاء ..


في بيت علي ...


أماني : بتحاكي سميره ..😱 يوووه صدق ساروا ذمار وليش مايقلوا لنا نسير معاهم ...


سميره : هو غير دريت من احمد لما أتصلت أدور محمد انهم عيسيروا ..



أماني : هيا تحمد الله خالتش ع أبي بيخرجها دورات تنفخ وفاعل لها المليح قدربي ستر وانهي مابتديش عيال ...


سميره : والله ان قدنا شقرح منها ولاعد بتعبرني ولا كأني انا الي زوجتها قدهي هي وتهاني وانا ولعد بتعبرني وبتزيد تطابز عمي ع ابني ..


أماني : هي غير لعد تبلف عقل أبي وتخليه يكتب لها حاجات بإسمها أنتي أخبر كيفهي خالتش ..


سميره : طننت شويه 🤔 هآه والله ماقد فكرت في هذا ...



...... ...... .......



المسافرين وصلوا 🚘..


نزلوا في فندق ..

حجزوا لهم غرف وطرحوا النسوان يرتاحين واشتروا لهن غداء ...


عادل : مارأيكم ياعيال تجوا تتغدوا معانا فالعرس🍛 وترجعوا بعدا تخرجوا النسوان ..


معاذ : طيب تمام ..


وصلوا بيت طارق وبيسلموا عليه😘 ومن الطريق اشتروا معاهم 2 اطلى 🐏🐏 شلوه رفد لطارق ..


طارق : بيعرفهم ع ابو وعمه وابسر رزق وكالمعتاد كل مايبسره يحس شي بيجذبه له 😍...

رزق : بيسلم عليه 😘 مبروووك ..


طارق : أمانه ياعم هذا الولد مايدخلش القلب بسرعه ❤..


الشيخ قناف : بيتفرجه وابتسم لعب بشعره🙎🏻‍♂ ماشاء الله عليه شعره ساع عبدالصمد وهو صغير وتنهد 😔..

الشيخ صالح : سلم عليهم وبيبسر باقي الضيوف ..


الحج عبدالله : بيتجابر وانسجم مع الشيخ قناف وبيتجابروا دري ان النسوان معاهم صيح 😡 ليش مايدوهن حلف وحرم وطلق يسيروا يدوهن عند النسوان يتعرسين ...


طارق : زعل من طارق الله المستعان عليكم ماتدوهن يله خلي معاذ يسير يديهم يا اخي بكم ابسر هبه قدنا فاقد لها ولدلعها 🤗..


رزق : سار مع معاذ ومحمد يدوا النسوان ..


@qesasanani

بارت 102



في الحديده ...


حسين : بعد ماروح من العمل جالس بيتجابر مع محمد ليش فعل هكذا ...


محمد : بمنافخه 😤 قدنا رجال وهم جالسين بيعاملوني أني جاهل تعبت منهم ..


حسين : بيصيح فوقه 😡 والرجال يفلت بيتهم ويسافر بدون مايقل لأحد ويشرب شقاره ويلاحق البنات ويضرب أخته ويهدد منير ...


محمد : وانتوا بتصدقوا أبي فيسع هذا الكلام بيقله معاذ وأحمد ومنير لانه بيحسدوا مني ..


حسين : ياولدي قوى اوبه لمستقبلك أبسر قد عيكملوا قرايتهم وقدعيدخلوا الجامعه وانت عادك فالمدرسه من عينفعك لما تضر نفسك بالشقاره 🚬 والدخان .. وبينصحه ...


محمد : ماعجبه الكلام ضبح 😤 شخرج شويه عند البحر الوي وقام خرج ...



أحلام : الله يهديه هذا كله بسبب دلع سميره محقت الولد وأحمد محلاه كان يسمع غر كلام عمتي فاطمه وتربى ع يدها ع ولد يوتزن بالذهب ...


حسين : الله يهديه بس .. قربي لنا جاوع اشتي اقطب اخرج معي ورق📋 ومعاملات شاسير اخزن عند عبدالصمد اكملهن ..



...... ....... .......


العشي 🌚

في بيت الشيخ قناف ...


يسرى : بيلبسنها البالطوه المخرطين نازل ...


أم يسرى : بتتفرجها وتبكي 😭...


اخت يسرى : قوى يا اختي هيامه عتبسرش وتبكي 😭 وتمهد مكياجها ...


الشيخ قناف : بيصيح .. هيا مه شرق الرجال نازل ...


المخرجين نازل مراعينن ليسرى ...


...... ...... ......


في بيت صالح ...


النسوان : في الديوان عند الحراوي بيبسرنهن👰🏻👰🏼...


جارتهم : بتحاكي جارتهم الثانيه .. ماشاء الله ع حلا في يسرى كانت خيريه تجننا ع مره ابنها مدري كيفهي ع كيف مابش مايكلف للكلام الي قد قالته ...


منى : مره يونس .. بتتفرج يسرى بربع عين 😏 منين اشتريتي فستانش ومن صلحش ..


يسرى : 👰🏻 اشتراه لي طارق .. وصلحتني الكوافير العراقيه الي مزوجه بيمني ..


منى : بتتحاكى من شق نخرها .. هآه كان قلتيلي ..


دخلت الشارعه تخرجهن غرفهن قبل مايجوا ازواجهن وبتقل للنسوان فوتحين ان الله يجعل في ذلك ...


ع خطيتهن للغرف ..

الشارعه : يووه هذه غرفتها مغلقه وين الداير ..


بنت عمه طارق : الداير عندي بس طارق قال ندخلها للمكان الثاني لمايجي يشتي يدخلوا غرفتهم جمعه ..


منى : هزرت بنت عمه طارق ليش غلقها ...


بنت عمه طارق : اصلا غرفته قدهي مسبره شموع وورد وبالونات مايشتيش يخربنها النسوان ..


منى : فرحت ان غرفتها ساعها 😃..



بعد شويه طلعوا الحراوه عند نسوانهم ..

يونس : دخل يستجلي مرته وانهي ضابحه. ولما تجابروا فهم انها حانقه منه ليش مايفعلها ساع أخوه ...


.... .... ....

في غرفه طارق 😍..

الغرفه أخر رومانسيه ❤💞💕🎈🕯🌹 ..


يسرى : جالسه في طرف السرير مستحيه منه موطيه رآسها ☺..


طارق : فتح الدولاب وخرج علبه ملانها خواتم من الأسلاك 💍 وبيمكنها .. كنت أجلس افعلش خواتم سعما واحنا جهال وأكبر مقاسهن لانه ماعد اعرفش سعمن قد أصابيعش ابسري الي عيقع عليش ألبسش😉 ...

يسرى : مسكت العلبه بتتفرجهن وتضحك 😂 والله انك مجنون ...


طارق : من جهه مجنون والله اني مجنون صدق بس مجنون بحبش ❤...


يسرى : خزيت منه 😊 ومكنته الخاتم 💍 الي جاء مقاسها ...


طارق : شله منها وبيقلد المسلسلات وطى ع ركبه ومسك الخاتم 💍 .. هل تقبلين الزواج مني ..


يسرى : ضحكت عليه ومدت يدها ايوه 😊 ...


قاطعهم صوت رنه رساله تلفون 📱..


طارق : مسك تلفونه 📱 بيقراء رساله من نوال " ألف مبروك ياروحي وربي يجعل حياتكم كلها فرح " .. ابتسم 😊..


يسرى : من رسلك ابتسمت 😊..


طارق : راعي وانا شاقلش من بس هذا الموظوع سر بيننا لأنش مرتي ومشتيش أخبي عليش شي من الليله مسك التلفون وبيفعل اتصال لنوال 📱...


يسرى : بتتفرج له 👀 مراعيه يتحاكى ..


نوال : جاوبت بتضحك عليه ههه 😂 والله انك مجنون تتصل هذا الساع لوتسمعك مرتك عتقل بتجابر بنت ...


طارق : بيحانكها 😜 تسمعني مرتي مايقع شاقلها بينحاكي حبيبتي وروحي واغلى شي عندي فالدنيا هذه كلها ..


يسرى : بتتفرجه وقلبها بيدق بسرعه ❤ بتحاكى نفسها وقدهي مقهوره 😔 منهي هذه كيف حبيبته كان وانا ماهو وليش تزوج بي ...


طارق : بيبسر يسرى بتهز ارجلها ويضحك ههه 😂 بيحاكى نوال لحظه ياكل عمري أنت ..


نوال : بتصيح فوقه 😡 طارق بطل خباله لاتسمعك عتصدق ...


طارق : مكن يسرى التلفون 📱 وهو مبتسم 😊 حاكي حبيبتي وتعرفي عليها ...


يسرى : مسكت التلفون برعشه 📱 وقربت السماعه لأذنها ... ألووووو




🌹meme_abdalgaleel



@qesasanani

بارت 103


في الفندق ...

في غرفه عادل ..

عادل : ماشاء محلى عرسهم عرس البلاد ثاني وكيف يرحبوا بالضيووف 😊...


تهاني : أيوووه محلاهم صدق لوتبسر كيف كنت خازيه انا ورجاء حين مانعرفهمش وبعدا ماروحنا الإ وقدحنا متصاحبات معاهن وماشاء الله محلى مره صاحبك أنيقه وذواقه ومتعلمه ☺ ...


هبه : أيوه يابابا لوتبسروا محلا فستانها 👰🏻 مكووش أحلى من حق العروسه الثانيه وبعدا مشي حاليه قدهي ملخبطه مكياج ساع الوحش ...


عادل : بيضحك عليها هههه 😂 أنا فدال بنتي الذواقه صدق الي قدهي بتفهم في المكياج والذوق .. هيا قومي ارقدي نبكر نخرجكم دوره لاعصر ونطلع صنعاء غطوه مدرسه ...



....... ...... ........


في بيت صالح ...


في غرفه صالح ...


صالح : دخل رجم حقه الصماده والكوت .. وارتجم فوق الفرش 😤 اوووف أخيرا كمل التعب قدنا واني ..


خيريه : بتحطم .. 😏 ابسرت ابنك المحترم مافعل ...


صالح : فتح عيونه بإستغراب 😳 يووه ماقدبه اوذا كان معي طول اليوم ..


خيريه : فعل لغرفته من هذه القلافد الي بيفعلوا فالتلفزيون شمع 🕯🌹 وورد وغلقها ومكن بنت عمته الداير سعم انحنا جينا من اوربا يفعلها هكذا سعم ع حلاها والله ان مره ابني ساع القمر شقها وجالسه بتجابره وتحطم ...



صالح : بكل برووود .. هآه اتخايلي مدري ماقدبه وشل الوساده غطى ع وشه ورقد 😴 ....


خيريه : مسكت الوساده ورجمتها للقاع بضبح 😤 ونزلت عند النسوان البيت ملان ...



....... ...... ......


في غرفه يونس ...


يونس : ذلحين مالش مقفيه مني وانا مدراني إنهم يفعلوا هذه الحركات ...


مرته: جالسه في طرف السرير 👰🏻 وفاعله رجل ع رجل ومقفيه وشها ... أصلا لو انت متعلم ساعه انك دريت لكن يله مفعل قدهو نصيبي ...


يونس : يشتي يراضيها .. 😄 ذلحين غطوه افعلش ساعه ولا تزعلي .. هيا قليلي كيف الغرفه عجبتش قد امي خلت النجار يفعلها لنا عمال تقع للعمر ...


مرته : بتمط صوتها.. هآآآآه عادهي ع ذوق امك ناهي ...



....... ...... ......

في غرفه طارق ...


يسرى : مسكت التلفون 📱 ويدها بترتعش ... الووووو...


نوال : سمعت صوتها واتفاجأت 😳 ماتوقعتش إن طارق يمكنها التلفون تحاكيها .. جلست ساكته ...


يسرى : مره ثانيه .. ألوووو... ومكنت طارق التلفون 📱 هآه إمسك شكلها افتجعت من صوتي مارضيتش تجاوب ...


طارق : شل التلفون من يدها 📱 وبيضحك هههه 😂 ألوووه مالك ماتحاكيها يافجاعه ..


نوال : بتصيح فوقه 😡أنت مجنون تمكنها ماشقلها من أنا وهكذا عتخليها تشك فيك مالك بتجنن ...


طارق : أنتي واثقه فيني صح ... حاكيها بس ع ظمانتي ..


يسرى : بتتسمعه سكته وتقحص فمها مقهوره 😔 ...


طارق : مكن يسرى التلفون 📱 خلاص عتحاكيش جاوبيها ...


يسرى : بضبح 😤 من أنتي ؟؟؟


نوال : كيف أنتي يايسرى ألف مبروووك ...


يسرى : بتركز فالصوت 👂🏻 بتحاول تسمعه سوى الصوت مش غريب عليها ....


نوال : مالش ساكته اتفاجأتي صح ولا ماعرفتنيش ...

يسرى : صوتش مشو غريب عليا أعرفش قووي .. بتركز بتركز 👂🏻 وفجأءه صاحت ... نوال صح أيوووه نووووووال ...


طارق : إبسرها وابتسم ☺
وبيهز راسه أيوووه ..


نوال : أيوووه نوال كيف أنتي فقدش مخبارش وألف مبروك لش ولطارق ...


يسرى : بزعل 😔 كيف أنتي وكيف عبدالصمد ليش هربتي أنتي واخي وفعلتوا هكذا ..


نوال : بقهر ... مش وقت هذا الكلام كله اليوم ذلحين افرحي اليوم عرسش وطارق عيرجع يحكي لش المهم اوبهي لأخي قووي والله انه يحبش قوي ❤ ..


يسرى : طيب بس شرجع اتصلش وأجابرش سوى سلمي ع أخي قوي قليله فقدته قوي .. مع السلامه وغلقت 📱...


نوال : غلقت التلفون 📱 وبتحاكي نفسها ... كلنا فقدناه قووي الله يعل اين انت حي ولا ميت عادك بتذكرني ولاقد نسيتني 😔...



طارق : جلس جنب يسرى .. وبيحكي لها قصه نوال وماحصل ...




🌹meme_abdalgaleel


@qesasanani

بارت 104



بعد إسبوع ...


عبدالكريم : بيتصل لحسين 📱 بيصيح 😡 هذا العاصي مشو ناوي يرجع ولا ماهو خبره هو داري ان معه قرايه .


حسين : الصدق مفتجع منك لاتضربه وأنا مارضيت اخليه يجي وحده قلت لبعد غطوه وشاطلعه وأطلع انا وأحلام نفعلنا يومين حين هي تاعبه ومعيفه تغير جو لاهي عترضى تاكل ...


عبدالكريم : يله تمام مع السلامه ...


....... ...... .....


في بيت عادل ...


عادل : أين هو معاذ .؟؟

تهاني : سار هو ومنير وأحمد يذاكروا 📖قالوا هذه الايام عيكن يتأخروا باقي شهرين للإمتحانات ..


عادل : الله يوفقهم يارب والله مانا مصدق ان قد ابني رجال 💁🏻‍♂ وهذه أخر سنه له فالمدرسه وقد عيدخل الجامعه ...


تهاني : الله يوفقه بمجموع سوى يدخل طب 😄 اشتي يوقع دكتور ..


عادل : هيا ناهي لش أنتي والطب خلي الولد يدخل مايشتي ..


تهاني : في الأخير هو اختياره بس قلت لك مافي نفسي يدخل ...


....... ....... ......


في الحديده ...


عبدالصمد : جالس مطنن 🤔 بيفكر في نوال وبيحس نفسه خاين لويتزوج بس قد دورها لماشبع ولالقيها ومخلي واحد في صنعاء يدورها كيف يفعل ..


عآمر : بيأشر له بيده قدام وشه 👋🏻 يييه هاه نحنا هنا ...


عبدالصمد : ابتسم 😊 هآه معاك معاك ..


عآمر : بيضحك هههه 😂 أينه معي والله أنك في عالم ثاني ...


عبدالصمد : شكلي شتعرس أنا وأنت ..


عآمر : فرح 😄 قل والله أخيرآ وبيفحس اذانه👂🏻 لحضه لحضه اسكه عيد الكلام أتاكد ..


عبدالصمد : ضحك عليه هههه😂 امانه انك مجنون سعم مدري ماقد قلت ..


عآمر : اصبر اصبر خليني أتصل لسمير 📱 اقله هذا الخبر وبيتصله . فتح السبيكر ....


سمير : جاوب تلفونه 📱.. حيا الله بالعامر حقنا كيف أنت 😄 ..


عآمر : آبردلك من العآمر هذا الساع خلينا في عبودك قال يشتي يتزوج .💍.


سمير : اييييش 😄 لا لا مش معقوووول يا اخي شكلك بتحلم ..


عآمر : وانت ساعي مش مصدق وانا والله ماقدناش مستوعب ...


عبدالصمد : بيسمعهم ويضحك هههه 😂.. رفع صوته .. مالكم عليا يله عتقطبوا تدوروا لي مره ولا اغير رآئي ..


عآمر : ولاعليك اليوم اخلي الحجه تدور لك ...


سمير : وأنا أخلي المره تبسر لك 😄 نقطب ندبسك قبل ماتغير رأئيك ...




........ ....... ........

العشي 🌚..


في ذمار ...


خيريه : بتدقدق باب غرفه طارق 🚪 ..

يسرى : فتحت لها وهي مبتسمه ☺ حيا ياعمه أدخلوا ..

طارق : كان بيتفرج التلفزيون سمعها وطى الصوت 📺..


خيريه : ماشدخلش ولا هو غر قلت اجي اقلش من غطوه تنزلي المطبخ تشلي دولش الغداء عليش 🍛 ...

طارق : حط الريموت من يده وقام بيتفرج خالته غداء مه 🍛 مرتي عادهي حريوه 👰🏻 وبعدا احنا غطوه عنطلع صنعاء. خلي مره يونس تبكر تفعلش الغداء ..


...... ...... .....


في بيت حميد


نوال : هيا مه ابسروا قد الغرفه هكذا حاليه .. والله ان قد بينهم غطوه هم مشنا متخيله كيف شفعل لما ابسر يسرى بعد كل هذه السنين ..


تقيه : ولاتهمي ولا .. الله يسخرلش قلوبهم ويلين قلب ابوش يابنتي وترجعي لهم ..

نوال : والله مابينهم في هذه الدنيا كلها الإعيالي الي فرقتهم صدق خازقه قلبي 💔 ودمعت عيونها ..


تقيه : مسكتها وحضنها .. الله يجمعش بهم ع خير يارب ..



🌹meme_ abdalgaleel


@qesasanani

بارت 105



ثاني يوم الصبح 🌝..


الحج عبدالله : ع خرجته للمحلات ... قوى يارجاء ولو قد ششغلش اليوم اسبكي الغداء 🍛🍲 قال حسين ماعيأذن ظهر الإ وهم عندنا ...


رجاء : حاضر من عيوني 😄 قد بينقل من نفسي حرام علشان أحلام حين هي معيفه وواحمه لاهي عتتراغب وتاكل مسكينه كل ماتتصلي وهي تاعبه ...


الحج عبدالله : إسلمي 😃 الله يحفظش اين جاء رزق .


رجاء : عادهو راقد خليه اليوم يفتهن عادهو اول يوم له يفتهن بعد ماكملوا الامتحانات 📄..


الحج عبدالله : يله كان خاطرش أسير ابسر العمل والله انه هذه الفتره واقف كأن به احد بيعاملنا لكن الرزق هو بيد الله ..


رجاء : الله معك ويرزقك 🙌🏻 ...


....... ....... .......

في الحديده ..


حسين : فوق السياره 🚘 بيدفيها عيطلعوا صنعاء .. بيسأل محمد هذا عاد بينسمع صوتها مدري كيف ماقلك المهندس ..


محمد : ارتبش 😅 لانه ماصلحهاش وشل الزلط له ... هآه قال قدهي سابره ع ظمانته اسهل الصوت هو بس لأن عادهي بارده ..


حسين : يله كان تمام .. نتوكل ع الله ..


........ ...... .....

حوالي الساعه 10

في بيت حميد


حميد : ماعد تشتنش شي اشتي غداء يبيض وشي 🍛🍲..


تقيه : بتضحك عليه 😃 هيا ناهي لك هو الإ طارق ومرته سعم مدري كمهم وقد طارق من البيت ..


حميد : ولو طارق إشتي تسبكين الغداء 🍲🍛 قلت شاقل لجارنا يجي والكل ..


نوال : طيب حاضر من عيوني ولايهمكم الإ مايطيب نفسكم 😃..


حميد : المهم اقطبين قالوا قدهم في معبر عادنا اتصلت له ..


...... ....... ......


فوق السياره 🚘..

طارق : بيسوق ..والله ان قد بينهم نوال ماعتفعل حين تبسركم قبالها لاعاد تزعل مني ...


الشيخ قناف : جالس جنبه 👴🏻 ماعيقع شي يا إبني والله ماطلعت معاكم الإ قدنا فاقد لها وإشتي أطمنها لاتقلقش واشتيها تدرى أن معاها عم في ظهرها وعيحميها مش بس الإ أخوها ....


يسرى : جالسه وراء 👩🏻 ... تصدقوا قدنا فارحه قووي مراعيه أبسرها 😄 قدنا فاقده لها قووي ...


طارق : أهم شي خلوني اول احاكيها مش تتفاجأ ماتبسركم الإ قبالها ..


الشيخ قناف : قد سديت أنا وحميد وقال هو عيمهد لها الموظوع ..

طارق : استغرب 🙄 عادنا حاكيتها ماقالتليش يمكن ماقد حاكوهاش ..



........ ........ .......

في المدرسه 🏫

عادل : ارتزح عرض الكرسي الحمدلله اخيرا كملت اصحح مادتي 📈 ..


الاستاذ صاحبه : عاد معانا المراقبه حق الثانويه قدك فارح 😃..


عادل : أين مراقبه يا اخي بيتي بعيد قد حاكيت المدير ماشاراقبش ..

الاستاذ : وانت ليش ماتنقل قريب مدام وانت غر مستأجر مشو بيتك 🏡 .تعب عليك سيره جيه.


عادل : يا أخي جو صنعاء القديمه ثاني وقد تعودنا ع الحاره والجيران قدك داري ..


الأستاذ : فكر🤔 فالموظوع لو عتنقل به عماره هانا عادهي جديده حق عمي بيشطبها لو تشتي ارجع احاكيه تستأجر عنده..



........ ....... .......


وقت أذان الظهر 🕌 ..


الحج عبدالله : بيداعي عبدالكريم يا إبني جي اتصل📱 لأخوك إبسر اين قدهم تاخروا ..


عبدالكريم : عادنا إتصلت لهم مغلق شكله التغطيه مع الطريق ..


الحج عبدالله : خيره الله الله يوصلهم بالسلامه ..



....... ....... ......


في الطريق ..


أحلام : قدهي تاعبه من كثر الوقاف 😷 وبتسد نخرتها ماهو هذا الشم حق السياره 🚘 تعبني ...


يزن : يابابا ليش ماتتفاقدوها سوى بدل ماكل شويه بنوقف فالطريق تعبنا ..


حسين : قد محمد شلها عند المهندس لكن حسبه الله شكله ماسبرهاش سوى لما نرجع أنا شاوريه ..


محمد : هو قلي اخطوا بها عادي ذلحين يله هانت باقي شويه ونوصل وعنتفاقدها سوى في صنعاء ..



أحلام : قدهي بتتغاثى قووي 🤑 ماعاد قدرت بتأشر لحسين وقف وقف ماعد قدرت تشتي ترجع .


حسين : وقف السياره 🚘 يله انزلي افتهني شويه بقعتنا غلط ..



أحلام : نزلت وخطيت شويه من السياره 🚶🏻‍♀..


حسين : شل الفاين ومكن يزن ... هآه انزل شله لأمك ونزلها الماء تغسل ..


يزن : نزل لحق أمه 🏃🏻...



حسين : نزل يتفاقد السياره وخلى محمد بقعه السواق يشغلها له ..




....... ...... ......


الحج عبدالله : بيتصل لرجاء هيا مه قد وصلوا قلبي ع نار 🔥..


رجاء : لاتقلقش عادنا حاكيت احلام ذلحين قالت عادهي نزلت تفتهن شويه السياره🚘 تعبتهم كل شويه وتوقف قدهم فالحيمه ..



الحج عبدالله : هآه كان الحمدلله قدهم قريبين وانا شويه وأروح جهزي الغداء 🍚🍲..



....... ...... .....


حسين : مقفي بيسبر السياره 🚘..

محمد : بيشغلها ويطفي ..

أحلام : قدهي راجعه للسياره ويزن في يدها 👫...



صاحب قاطره 🚚 بيخطى فالطريق نازل ع لفته قرح عليه التاير وبتهري القاطره ....بيطرق بيطرق لحسين يبعد بقعتهم غلط ..


أحلام : بتصييييييح ياحسسين انتبه القاطره وبتحمل 🏃‍♀..


محمد : يشتي ينزل من السياره 🚘..


حسين : بيلف رآسه يشتي يبسر مابه ..


القاطره : 🚚 اصتدمت بالسياره وطيرت حسين ...


محمد : اختفع باب السياره لاعرضه وه