و بينزل🚶🏼 رجمه للقاع ...


القاطره : اختفعت بعد ماصدمت السياره لعرض الجبل والزجاج كله اهتر لافوق السواق ...



احلام : بتحمل وهي بتصيح وتبكي 😭 مفتجعه ع زوجها ومحمد دوخت ..


يزن : حمل بعدها إبسرهم مراجمين كان يصيح ويبكي 😭...


حسبي الله فيك يامحمد هذا كله حصل بسبب طيشك وكذبك بس ايش ذنب البقيه يتحملوا نتيجه أغلاطك 😭 ...


🌹meme_abdalgaleel


@qesasanani

106



في بيت حميد ...


طارق : بيتصل لعم حميد 📱 قدحنا خارج كيف ذلحين من عمي قد حاكيتوها ..


عم حميد : والله ماصديت ياإبني أبسر أنا شفتح لكم وندخله الديوان وانت ادخل لعندها وحاكيها ...


نوال : يووه يا أمه تقيه قد قلبي بيرجف 💗بينسمع طريقه السياره حق طارق كيف شفعل حين أبسر يسرى ..


تقيه : بتضحك عليها هههه 😂 هيا لكن مابلا تشجعي ماعد عتقعش اخس من بسرتش لطارق اول مره ..


نوال : بتضحك ويدها فوق قلبها ❤ امانه جو عسوه كيف قد بيرزع ...


حميد : خرج وفتح لهم الباب 🚪..
بيسلم عليهم 😘 حيا الله بمن جاء اتفضلوا ...


طارق : مسك يسرى في يده 👋🏻 وبيداعي ييييه يانوال..


عم حميد : دخل الديوان هو والشيخ قناف ..


يسرى : بتحاكيه وهي مبتسمه ☺ تصدق قدنا فاقده لها قووي كيف شكلها ماتغيرتش ..


طارق : اوذا عتبسريها ذلحين 😃..


تقيه : قربت تسلم ع يسرى 😘 حيا حيا كيف أنتي ..

يسرى : الحمدلله كيف أنتوا أينهي نوال ...


تقيه : بتضحك 😃 عادهي ماقد صديتش تخرج في غرفتها تخايلش الإ عتذبحيها 🔪 ..

طارق : اوذا شبسرها وخطي🚶🏼 بيداعيها من وسط الغرفه نوال يييه ماتشتيناش نروح ..


تقيه : دخلت هي ويسرى للمكان ..


نوال : كانت واقفه بتتفرج نفسها فالمرايه 👩🏻 ...جاوبته اوووص ياترحلك ابسر شكلي كيف أنا ماعتقل عليا ...


طارق : ماعتقل قمر قمر وبيلعب بحواجبه ☺... مسك يدها وبيخطى للمكان ..


نوال : بتخفعه 👋🏻راعي اوضع شعري 👩🏻 ..


طارق : سحبها للمكان وبيدعي يسرى ...


يسرى : رفعت عيونها 👀 بتبسرها قدامها ابتسمت 😊 وسنبت بتخطى لعندها 🚶🏻‍♀ ..


نوال : أول ما ابسرتها تشارغت عيونها بالدموع 😢 وقربت بتسلم عليها وتحضنها 😘 ..



يسرى : أول ماحضنتها بكيت 😭😭 فقدتتتش قووي ..

نوال : وهي بتبكي 😭 كيف أنتي محلاش كيف قد أنتي ماعدكنتش متخيله إنه يجي اليوم الي أزد أبسركم فيه ...


طارق : يشتي يلطف الجو ..هيا لكن من المجامله قلك محلاش قد ودفت مفعل 😜..


تقيه : دخلت لهم العصير 🍹..


نوال ويسرى : جلسين وبيتجابرين ...


......... ....... ........


في بيت الحج عبدالله ...


رجاء : هذا والله إن قد تأخروا صدق من هذك الساع وهم فالحيمه قد الساعه 2 وهم خرجوا من 7 ...


الحج عبدالله : في يده التلفون 📱 بيتصل ولا به أحد بيجاوب تلفون محمد وحسين مغلقات وأحلام مابتردش والله ان قد قلبي ساع النار 🔥 اسكه اتصلي لعبدالكريم يبسر كيف ..

رجاء : تمام اوذا شتصل قد بينقلق حين السياره معطله 🚘 ..


رزق : سمعهم وبيداعي هبه من الطاقه .. قدهو مفتجع عليهم ..


هبه : شاقل لبابا يجو لعند عمي عبدالله يبسروهم ...




......... ......... .......


في بيت سمير ..


ساميه : هيا ماقلتليش مارأيك كيف طعم الزربيان 🍛 قد فعلته نفس الطريقه حق نوال الي عجبتك هذك اليوم ...


سمير : بيطعمه 😋 اممممم مابلا تسلم يدش طعمه يجنن قدهو أحلى من حقها ...


ساميه : بتزنط .. إحمم إحممم ..


سمير : ذلحين مارأئيش تدوري عروسه لعبدالصمد ..

ساميه : والله مابه أحد قبالي قدك داري محبوسه فالبيت مع البزا والجامعه معرف الإنوال وقدك داري رأئيها فالزواج 💍 ...


سمير : أنتي داريه يمكن إن هي بتخزا نرجع نسير نحاكي أبوها وبعدا هم أخبر ...


@qesasanani

بارت 107


في المستشفى 🏨 ...


الرجال : والله ماأنا داري كيف وقع الحادث 🚚🚘 يادكتور أنا أبسرت الحادث فالطريق وزد 2 من اهل الخير شلوهم معي وأسعفناهم ..


الدكتور : المشكله الثلاثه الرجال فالعنايه والمره عادهي تاعبه ماقد قدرناش نسألها بشي والولد الصغير بيبكي 😭 من اول ولا قدرنا نفهم منه كلمه ...


الرجال : طيب أنا ذلحين ماعدبه عليا أرحلي أو كيف ..


الدكتور : شوف أمن👮🏻 المستشفى هم الي يقدروا يقلوالك بس أعتقد إنك عتجلس لما يلقوا أحد من أهلهم .



يزن : جالس في طرف الغرفه الي فيها أحلام فالأرض فوق البلاط وبيبكي 😭...

الممرضه : دخلت بتحاول تهدي يزن .. ياحبيبي قوم معي إجلس فوق الكرسي لاتبكيش 😭 ان شاء الله عيفتهنوا بس قلي بسمك من أنتوا ولو حافظ رقم بيتكم او رقم أحد نتصلهم 📱...



يزن : بيبكي قوي 😭 أسمي يزن حسين عبدالله ال**** ... حافظ رقم بيت عمي عادل ورقم أبي بس ...



الممرضه : أنتوا التجار حق صنعاء القديمه ...

يزن : أيوووه بيتنا هاناك والكل .


الممرضه : بتمسح ع شعره 👦🏻طيب تمام اسكه اديلي رقم هذا عمك عادل واحنا عنتصلهم ...



يزن : بيمليها الرقم * ...


......... ......... .........

في بيت حميد ..


نوال : أكيد جاوعين اوذا شاقوم اقرب الغداء 🍛🍜🍲..


تقيه : مع يا بنتي أنتي إجلسي مع مره أخوش وأنا شاقرب لطارق وأبوش حميد فالديوان ..


يسرى : إسهل ياخاله أنا من البيت أوذا شاقوم أعاونكم والكل ..

نوال : مع والله ماتقومي عنقربه بساعتنا ..


في الديوان ....


الشيخ قناف : هيا مه ياطارق حاكيت أختك ..

طارق : مبتسم 😊 والله ماقد صديت ههههه. شويه وشاخلي يسرى تقلها ..


عم حميد : بيداعي مرته ... هيا وين الغداء عتغدنا 🍛🍲🍚 ...


تقيه : هيا هيه الآن ...


نوال : بتغرف لهم ...

تقيه : يوووه نسينا العسل لبنت الصحن 🍯 شدخل بساعتي أدي لهم بلدي من داخل .


نوال : شلت الغداء الاول ودخلته 🍛🍲 وهي بتحطم فوق طارق ... وصل لنا جاوع هذا شكل خالتي كانت تموتك جوع وبتضحك 😁 وفجاءه بلمت وسنبت بقعتها مصدوومه 😳 أول ما أبسرت عمها ونكعت الصحون 🍽 من يدها ..



طارق : حمل لعندها 🏃🏻 بيمسكها اهداءي اهداءي لاتفتجعيش عمي دارييين بكل شي ..


الشيخ قناف : سنب وقام مسكها 🚶🏼 اذكري الله يابنتي مالش مبلوده لاتفتجعيش مني أنتي بنتي وفي حمايتي ...


نوال : جالسه مبلووده 😳 ولا قدرت تفتح فمها ...

طارق : مسكها وجلسها وبيحاول يشرح لها ويفهمها 😔 ...


........ ........ ......


في بيت الحج عبدالله


الحج عبدالله : تعابير وشه كلها قلق وخوف 😰 خلاص ماعدمنهاش مراعاه قد قلبي ع نار قد الساعه 3 ونص قوموا نخطى نبسرهم ..


عبدالكريم : وين نسير نبسرهم مابلا نزيد نحاول نتصل لهم 📱..


عادل : قوموا نخطى للحيمه يمكن وهم واقفين هاناك جالسه السياره معطله بهم 🚘 ..


الحج عبدالله : يله قيام شرق علينا ...



@qesasanani

بارت 108



في ذمار ...


صالح : بيبدل 👕 عيخرج يخزن ..

خيريه : بتمكن صالح الكوت حقه 👕 ..وهي بتحطم 😏 هيا إبسرت إبنك بدل مايخلي مرته تجلس تعاوني شلها تشم هواء في صنعاء ...


صالح : عآدهم حراوه 👰🏻 خليهم يفتهنوا لهم شويه ماقد عيطرش العمل ..

خيريه : ناهي .. كان عيشل أخوه معه وهو يفتهن والكل ولا مايسبر الزين الإ لحسين ...



في غرفتهم ....


مره يونس : ضابحه😤 وبتخرج اللده ليونس وهي بتراجم 👕👖 ..


يونس : هيا مالها حبيبتي ضابحه من قد ضبح بها 😤 ..


مره يونس : ضابحه 😤 من حظي الأعوج بيبنبسر أخوك ومرته كيفهم وأتحسر ع روحي ...


يونس : بيحاول يراضيها .. مسك يدها ✋🏻 ذلحين ضابحه لأنهم سافروا خلاص وإحنا نسافر غطوه ...


مره يونس : بعدت يده ✋🏻 لاتشلني ولا إشتي ذلحين يله قوم شلني بيتنا أبسر أمي وخواتي قدنا فاقده لهم ...


........ ....... .......


في بيت عادل ...


تلفون البيت بيرن ☎ ...


تهاني : بتجابر رجاء من الطاقه وبتداعي .. ياهبه جاوبي التلفون أنا بينحاكي خالتش رجاء ...


هبه : طيب حاضر وصلت لعند التلفون وقد وقف ☎ ..

ع خطيتها رن مره ثانيه ...


هبه : جاوبت ألووووه من معي ...


المستشفى : سلام عليكم ... هذا بيت عادل ال***.


هبه : أيووه من معي ..

المستشفى : معاكم مستشفى ال*** تعرفوا يزن حسين وابوه وامه هم عندنا فالمستشفى 🏨 فعلوا حادث حاكي أهلش ولا أدعي واحد كبير أحاكيه ...


هبه : لحضه وحملت بتدعي أمها 🏃‍♀ ياماما ياماما جو جاوبوا التلفون المستشفى قالوا عمو حسين عندهم ..


تهاني : حملت تجاوب التلفون ☎ وهبه بتقل لرجاء من الطاقه من أتصل ...


رجاء : حملت تلبس البالطوه وخطيت لعند تهاني تبسر مابه ...



....... ....... .......


في بيت عبدالكريم ..


سميره : بتحاكي أماني فالتلفون 📱 والله مدي لش علم قالوا عيجوا اليوم بس مدري مالهم ماقد وصلوش قد عبدالكريم سار لعند عمي والكل ...


أماني : 😱 يوووه ياحافظ ياحفيظ وليش محد أتصلي يقلي ..

سميره : مانقلش اوذا عادحنا مراعيين لخبر ..


........ ....... ......


في بيت حميد ..


الشيخ قناف : ماسك بيده ✋🏻 ع كتفها ...ذلحين ولا تهمي شي يابنتي وعمش فالوجود لو لش هذا ناضج وهذا نيه ..


نوال : لكن لو يدرى أبي إني موجوده هانا لايقتلني 🔫 ...


عم حميد : ولاتقلقي ولا أحد عيقله إنش هانا لو ماحصلش موقف العرس وفهم عمش غلط إنه محد دري بش بس ماهنش عليا يخرب عرس أخوش ...



نوال : ولا كان عيهون عليا إنه يخرب عرسه ...


الشيخ قناف : ذلحين يابنتي قليلي أينه عبدالصمد ووين جاء ليش فلتش هكذا ...


نوال : هذك اليووم كنا انا ويه خاطيين 👫 فالشارع عادحنا نزلنا من المختبر كنت تاعبه والدكتوره قالت لي أفعل فحوصات وع نزلتنا من الدرج إبسر عبدالصمد توفيق كان فالشارع وتوفيق لحقنا ومعه 2 رجال وعبدالصمد بسرعه وقف لي تاكسي وبيقلي ارجعي للفندق🏤 وأنا شهرب منهم أضيعهم وأجي بسرعه وقد جهزتي لداتنا 👕👖👚👗 شلي الزلط من الدولاب وحاسبيهم عنخرج منه ..


الشيخ قناف : 😳 أيوووه وبعدا ماحصل ..


نوال : رجعت بسرعه للفندق وجهزت اللده 👚👖👗 وحاسبتهم ومراعيه له يجي لي .. ما أبسرت الا واحد من الي كانوا مع توفيق شكله لحقني قدهو داخلي للفندق أنا افتجعت وخرجت وهو مقفي وجالسه مراعيه لعبدالصمد من بعيد لما يجي أقله لايدخلش ..


عم حميد : وهي جلست مراعيه للعشي وهو ماجاش لاصديت تدخل الفندق عيلقوها ولاقدرت ترقد فالشارع ...


الشيخ قناف : بيتنهد حسبنا الله ونعم الوكيل ... أيووه يابنتي وكيف فعلتي 😔 ..


نوال : بتتذكر وتبكي 😭 قلت يمكن لاهو عيرجع لعند العياده حق الدكتوره يدورني هاناك سيرت وجلست فالدرج حق العماره للصبح وماكنتش داريه بالشوارع منين أرجع للفندق🏤 لأنه من حين وصلنا وانا داخله ماكناش نخرج مفتجعين الا لماينزل يدي لنا أكل ولاعاد جاء وأنا ضعت فالشارع وبعدا واحده رحمتني وقالت لي شكلش بنت ناس مارائيش تكن تجي تنظفي لي المحل حقي كوافير وكنت ارقد في المحل وبتحكي لهم ماحصل معاها ... بس طبعا خبت عليهم خبر انها كانت حامل وطردتها صاحبه المحل لما دريت انها حامل حسبت انها بنت غلط ...


....... ........ ........

فوق السياره 🚘..


في طريقهم للحيمه ..


عادل : بيجاوب تلفونه 📱 ايييش من قلش 😳 ..


تهاني : اتصلوا من المستشفى 🏨 للبيت ذلحين بسرعه سيروا وانا شتصل لمعاذ واخليه يديني أنا ورجاء ...


الحج عبدالله : افتجع 😰مالك مابه ...


عادل : لف السياره يرجع للمستشفى 🚘 وبيقله ماقالت تهاني ..



@qesasanani

بارت 109




في بيت عادل ...


تهاني : بتتصل لمعاذ وهي مرعوبه وميته خوف 😰📱 هآه ابني أين أنت ..

معاذ : بصوت واطي .. اوذك قلتلكم شاسير أنا والعيال نذاكر عند الأستاذ قد عنمتحن ..


تهاني : ناهي مش وقته فلت ذلحين وجيلي بسرعه عمك حسين فعل حادث ع طلعتهم وهم فالمستشفى🏨 ذلحين ..


معاذ : 😰 هآه .. طيب الان الان مع السلامه دخل دعى محمد وخطيوا 🚶🏼...



...... ........ .........


في المستشفى🏨 ...



أحلام : ممدده فوق السرير في يدها المغذيه 💉..فتحت عيونها 🙄 ذكرت الحادث وبتصيح أينووو حسين ماوقع به أينو محمد ...


يزن : كان جالس فوق الكرسي ..حمل لعندها 🏃🏻 ياماما لاتفتجعوش إحنا فالمستشفى الدكتور بيعالجهم ...


الممرضه : سمعت صياحها ودخلت لعندها 🚶🏻‍♀ مسكت ايديها ... أهدائي يا أختي أنتي تاعبه ...


أحلام : بتبكي😭 وتدهفها مش وقتي أول إشتي أقوم أبسر زوجي ومحمد أينهم ماوقع بهم ...


الممرضه : طيب أهدائي أول وانا شاشلش لاعندهم وفي يدها إبره 💉 ظربتها لها فالمغذيه ورجعت ترقد وخرجت يزن تجلسه عندها ...



خارج فالاستقبال ....


معاذ وأحمد : لوسمحت انتوا اتصلتوا لنا ان حسين عبدالله ال** وعائلته عندكم الي حصلهم الحادث في طريق الحديده ..


موظف الإستقبال : هآه أيوووه به 2 فالعنايه والمره فالغرفه رقم 104 فالدور الثاني ..


رجاء وتهاني : بيبكين وطلعين للغرفه يبسرين أحلام ..


تهاني : انتوا أخطوا 🚶🏼 للعنايه إبسروا ماهو واحنا عنبسر أحلام ونلحقكم ...


أحمد : ياخاله أتصل لأمي 📱ولا لاقد أفجعهمش مارأيكم ..


رجاء : مع يا ابني لاتتصلش 📱 وتفجعها قدوذا أبوك وجدك عيجوا من الطريق ويحاكوها هم ...



معاذ : طلع هو وأحمد للعنايه يطمنوا ويبسروا حسين ومحمد ماحصل لهم ...


تهاني : بتسأل الممرضات ع الغرفه وبتخطى فالممر إبسرت يزن جالس عند الممرضه ..

يزن : إبسرها وحمل 🏃🏻يحضنها وهو بيبكي 😭 ياخاله كنا عنموت ..


تهاني : بتحضنه وتبكي 😭 لاتفتجش اينهم ماوقع بهم ..


يزن : بيحكي لها ماحصل ..


رجاء : خطيت بتسال الممرضه وين أحلام وماوقع بها


الممرضه : وصلت المستشفى وهي بتنزف الطفل👶🏻 الي في بطنها مات من الخفعه فعلنا لها تنظيف و عندها انهيار عصبي عادحنا فعلنا لها مهدى وراقده ...



........ ...... ......


عند باب المستشفى 🏨 ..


عادل : وصل بيجنب السياره 🚘 ..


الحج عبدالله : نزل بسرعه بيخطى 🚶🏼..


عبدالكريم : حمل قبلهم 🏃🏻 ودخل بيسال ..



طالع عند غرفه العنايه ...


أحمد : مقفى وشه عرض الجدر وبيبكي 😭..

معاذ : مسكه من كتفه .. بيهديه اذكر الله يا أخي إن شاء الله عيقوموا بخير ..


أحمد :بيبكي 😭 كيف عيقوموا بخير وهم بيقولوا حاله عمي حسين خطيره وعادهم دخلوه العمليات ذلحين ومحمد ماقد رضيوش يخلونا ندخل لعنده ..



عبدالكريم : ابسرهم وخطي 🚶🏼 لعندهم وهو قلق .. هيا مه كيفهم ماقالوا ..


معاذ : بيقرح أصابيعه من القلق .. 👋🏻 عمي حسين دخلوهم العمليات ومحمد داخل فالعنايه وخاله أحلام مدري أمي نازل عندها هم وخاله رجاء ..


الحج عبدالله : بيدور الدكتور يسأله عليهم ..


الدكتور : والله ياحج ماعنقلك الإ كل خير المره الحامل سقطت بس الحمدلله مابش فيها شي بس تاعبه من الصدمه والولد فيه كسور في عظام الكتف و2كسور فالحوض وكدمات و كسر فالأنف ذلحين هو فالعنايه بس الرجال تاعب قووي والله أصلا الضربه جت في راسه غير الكسور الي حصلت له وعنده نزيف فالدماغ ادعوا له فالعمليات ..

الحج عبدالله : 😰حس بدوخه ومسك الجدر بيده .. الله يلطف بهم ..


معاذ : حمل مسكه وجلسه فوق الكرسي ..



عادل : دري إن الي أسعفهم نازل في غرفه الأمن نزل يتشكر منه ويقلهم يفلتوه ..



عبدالكريم : استأذن من الدكتور ودخل يبسر محمد بعد إصرار منه ..


🌹meme_abdalgaleel


@qesasanani

بارت 110



في الحديده ...


عآمر : هآه إيش قلت ذلحين ياعريس كيف تشتي العروسه نخلي الحجه تدورلك 😉 ...


عبدالصمد : راعي نبسر سمير قال قدامه عروسه صاحبه مرته بس الموظوع يشتي له طلعه صنعاء ...


عآمر : آها يعني العروسه من صنعاء هيا مبرووك 😃..

عبدالصمد : ع مه قد بتبارك عادهو مدري عيوافقوا اوماشي لأن البنت شكلها بترفض الزواج ..


عآمر : آها كان خلاص إبرد لك منها مدام عادهي بتنزنط وندورلك واحده ثانيه ..


عبدالصمد : الي فيه الخير يكتبه الله .. هيا قوم نسير نتمشى شويه و نتعشى فوق البحر 🌊 ..



...... ..... ......


في بيت حميد ..


في المكان الداخلي ..

يسرى : خلاص لاتجلسيش تهمي ولا مدام وقد أبي قالوا لش لاتهميش أكيد عيدافعوا عنش وقدوذا سمعتي قالوا عيدوروا عبدالصمد لما يلقوه ..

نوال : بزعل 😔 أنا بينهمه والله ماكود حسي عندي مشنا داريه حي ولا ميت بخير ولا مريض ..


يسرى : تنهدت ... الله يرده بالسلامه يارب ذلحين ماهو عنقلب اليوم هذا كله زعل هيا ادعي طارق نخرج نتعشى 🍛خارج جمعه ..

نوال : شدعيه يجي يخرجكم أنا ماشاجيش معاكم عادنتوا حراوه تفتهنوا وحدكم ..


يسرى : خفعتها 😁 هيا ناهي لش من الخباله حقش والله ان ما اخرج الإبش قد فرحتي اليوم تسوى الدنيا بما فيها حين قد لقيتش ..


...... ...... ........


في بيت عبدالكريم ...


سميره : 😱 بتصيييح يووه ياحافظ ع إبني وبكيت 😭 أين أنتوا ذلحين ليش ماتتصلي من اول ذلحين اوذا شاجي لعندكم ..


عبدالكريم : أين تجي وحدش هذه الساع إجلسي بقعتش اوذا شارسلش معاذ ولا أحمد 😡 ..



....... ....... .......


في المستشفى 🏨...


عبدالكريم : يامعاذ سير ادى خالتك سميره من البيت ..


رجاء : ايوه وروحني معك للبيت أروح يزن من هانا مسكين مفتجع وأبسر رزق وهبه إحنا غير حطيناهم عند أم منير ..


أحلام : فاقت بتفتح عيونها 🙄 وتهاني جمبها فالكرسي ..


تهاني : مسكت يدها ✋🏻 .. كيف أنتي لاتفتجعيش أنا عندش ..


أحلام : بتتحاكى وهي تاعبه 🤒 بطني .. بطني .. حسين حسين ..


تهاني : اطمني لاتتعبيش نفسش كلهم بخير ويزن قد روحته رجاء البيت معاها ..


أحلام : إشتي أبسر حسين ..

تهاني : ماسخيتش تقلها كيفهو ..طيب ارتاحي 😔 ذلحين ولما يكملوا يفعلوا له الفحوصات عنطلع لعنده ..


باب غرفه العمليات ...

الحج عبدالله : جالس فوق الكرسي ورافع يده 🙌🏻 للسماء بيدعي لحسين ...


عبدالكريم : نازل فالصيدليه بيدي علاجات 💊..

عادل : ابسر الدكتور خرج ..قام لاعنده .. هآه دكتور .. طمني كيف ..


الدكتور : موطي رآسه 😔 الله يصبركم ويعصم قلوبكم ..


الحج عبدالله : صآح 😱 وخفع صدره ... إبني ..


عبدالكريم : ع طلعته بالعلاج .. ابسرهم وقف مبلود 😳 ونكع العلاج من يده 💊 ...




الله يرحمك ياحسين ويعصم قلوبكم ويصبرش يا أحلام من بعده أنتي ويزن ...😔..



@qesasanani

1- حب تحت القصف

https://tttttt.me/qesasanani/2



2- عودة الماضي

https://tttttt.me/qesasanani/253


3- ضحايا القدر

https://tttttt.me/qesasanani/424

بارت 111



في المطعم ...

يسرى : الله😃 محلى المطعم الأكل حقهم حالي 🍛🍝 ..



نوال : أيوه أكلهم حالي خاصه المشاوي 😃 كل مايطلع طارق صنعاء يخرجني نتعشاء فيه ..


يسرى : إبسرته وإبتسمت ☺ هيا وينهي عمتي خيريه تجي تبسر ماراس طلعه طارق صنعاء كودها بتجلس تحطم وتقل مدري مامعك هانا ..


طارق : ضحك ههه 😂 كنت اجي أبسر حبيبتي مارأئيش كيف طلعت ..


يسرى : خفعته 👋🏻 ياشوعه .. وبتحكي لنوال كيف كانت عتجنن منه ليله الحلفه👰🏻 وهو بيحاكيها..


طارق : بيسمعهن بيتجابرين ويضحك عليهن 😂 ...


........ ........ ........


في المستشفى 🏨 ...


سميره : وصلت وبتطلع مع معاذ وأحمد وهي بتبكي 😭 ..


عادل : نزل للغرفه دعى تهاني يقلها ان حسين مات 😔 ..


تهاني : 😱 يووووه يا الله وهذه المسكينه ماعنقلها لاعد ابنها سقطت ولاعاد زوجها ...


عادل : خلاص انتي لاتبيني لها بشي لما يهداء وضعها ...


سميره : مسنبه عند باب القاعه 🚪 بتبكي 😭 ... تشتي تبسر محمد ..


عبدالكريم : بيسكتها .. وبيقلها يله تروح لو عتجلس تبكي 😭..


الحج عبدالله : دخل يبسر حسين لمانزلوه ...

عادل : دخل معه وهو ماسك بيده ✋🏻..

حسين : فوق السرير مدفى وعيونه مغمضه وشه كله مدكم وحوارق 🤕...


الحج عبدالله : ما اتماسك نفسه نزلت دموعه وقرح بالبكاء 😭 وقرب وطى يبوسه😘 في رآسه وارتجم فوقه ودموعه بتنزل يوووه ياولدي يووه يافلذه كبدي سيرت قبلي أنت الجاهل وأنا جالس يوووه ياقهري عليك بعد أمك ..

عادل : مسكه وبيبعده .. اذكر الله ياحج صلي ع النبي مش هكذا حرام 😔 حق الله أمانه وشل أمانته .


الحج عبدالله : حضنه وبيبكي 😭 ماتت مرتي وابني وأنا عادنا عايش ليش ياربي ماتشل روحي ..



عادل : مسكه وخرجه من الغرفه .. اخطى معي ياحج اروحك ترتاح وأنا شرجع أكمل اجراءات الدفن انا وعبدالكريم ...


...... ...... ......

في بيت الحج عبدالله ..


أماني : دخلت وهي بتبكي 😭 ليش ماتتصلوا لي يوووه ياقهري ع أخي ..


رجاء : بتبكي 😭 ماعد انتبهناش لوتبسري كيف وقع بنا ..


يزن : في طرف الحجره بيبكي 😭 ع أبوووه ..

هبه : بتبكي هي ورزق 😭 ..

آيه : فالطاقه بتتشقر منير والرجال حق الحاره قدهم حارج متجمعين مع علي زوج أماني ..


الحج عبدالله :عادهووصل .. دخل من الباب وبيمسح دموعه 😢 وهو مقهور .. وينهو يزن ادعوه لعندي إشتي أحاكيه سوى أفهم ماحصل بالظبط ..


رجاء : عظم الله اجركم 😔 .. أسهل خلي الولد ذلحين شويه مسكين قد عيطفح من حين دري أن ابوه مات ..


الحج عبدالله : خلاص جهزين لنا عشاء وقهوه للرجال☕ ..

...... ..... .....

فالمستشفى 🏨 ..

عادل : قذا كملت المعامله وحسين عيخلوه فالثلاجه للصبح ..قوم نروح لنا نبسر ماعنفعل وعنخلي العيال يجلسوا هانا ..

سميره : سمعته .. ماشي ولا شارحلي انا ماشفلتش إبني ..

عبدالكريم : خلاص قومي انزلي عند أحلام ومعاذ وأحمد عيجلسوا هانا لو تحتاجوا شي ..



سميره : نزلت عندهن فالغرفه واول مادخلت عيونها وارمه من البكاء 😭 اول ما ابسرت أحلام .. حمدلله ع سلامتش وعظم الله اجرش وأجرنا في حسين ..

تهاني : بتبهرر لها تسكت 🙄 وهي ولافهمت ... قصدها فالجاهل حين سقطتي ..

سميره : خفعت وشها 😱يوووه مشنا داريه انه محد قلها ..

أحلام : صاااااحت 😱 حسين وبتهزور المغذيه من فوقها تشتي تخرج تبسره ..


تهاني : بتهديها وتصبرها .. خلاص يا أختي قوى اهداى وامسكي نفسش حرام عليش نفسش انتي مريضه وعلسب يزن ...😔 ...



بعد محاولات معاها اصرت انها تدخل تبسر زوجها ..

أحلام :دخلت وأحمد معاها ماسكها وهي مش قادره تمشي ودموعها مغطيه وشها 😭 ارتجمت فوق حسين وبتصيح وتخفعه .. قوووم لاتفلتنيييش وحددي .. لمن عتفلتنا أنا وأبنك قوم ياحسين قوووم وتهزوره ...


الممرضه : دخلت مسكتها وخرجتها هي وأحمد من عنده بالغصب وفعلت لها ابره 💉 مهدئه ورقدت ..




آح ياقهر قلبي 💔 عليش يا أحلام كل هذا حصل بسبب طيشك يا محمد واستهتارك ان شاء الله تقوم بالسلامه وربي يهديك ..


🌹 meme_abdalgaleel


@qesasanani

بارت 112



ثاني يووم الصبح 🌞..


الساعه 7


في بيت حميد ..


الشيخ قناف : بيسلم ع نوال 😘راجع ذمار ... ماتشتي شي يابنتي وسألتش بالله لو احتجتي شي قليلي ومصروفش عيوصلش كل شهر ...


عم حميد : مسكه في كتفه الله المستعان ياشيخ مصروف مه نوال بنتي وبعدا طارق مشو مخليها من شي ...

نوال : إسلموا ياعم والله لو أحتجت شي لأقلكم قد أبي حميد الله يحفظهم وطارق مش منقصين عليا شي 🙂 ..


الشيخ قناف : المهم قدش أخبر أنا أبوش مش بس الإ عمش ويارب يفرحني بشوفه عبدالصمد مثل مافرحني بشوفتش 🙂..


نوال وعم حميد : أمين ..

الشيخ قناف : يله مع السلامه وسلموا ع طارق ويسرى ماعد قيمناهمش حراوه يرقدوا لهم يزد يفتهنوا لهم ذيه الإسبوع في صنعاء في أمان الله 👋🏻..


...... ...... ......


في بيت الحج عبدالله ..


الرجال : متجمعين في بيته مراعيين للجنازه 😔 ..


الحج عبدالله : بيحاول يبين إنه قوي وهو من داخله مكسور 😔 يامعاذ أتصل لأبوك قد خرجوا من المستشفى ..


معاذ : وهو مقهور وحزين 😔 أيووه قدهم واصلين هم وعمي عبدالكريم بس أتاخروا أمد ماكملوا يغسلوا عمي حسين ويكفنوه ونزلت دموعه مسحها بسرعه🚶🏼 وخطي ...



جارهم : ماناش داري ليش ياحج زيد خليتهم يدوه للبيت عيشلوه طريق الجامع 🕌 ع طول ..


الحج عبدالله : ماشي يجي يزد يودع بيته ويودعوه أهله وإبنه أبسر مرحمه كيف قد روحه عتخرج 😔..



داخل عند النسووان ...


أماني : فالمطبخ بتجهز الصبوح هي ورجاء 🍲 ونسوان جيرانهم ..



أحلام : ممدده فوق الفرش ومدفايه تاعبه 🤕 في يدها المغذيه وبتبكي 😭 وتصييح كله بسببي أنا الي خليته يوقف السياره 🚘 ريت والله وأنا مت معاه لاعد زوجي ولاعد الجاهل الي في بطني وتخفع نفسها ..


أمها وخواتها : جنبها بيهدنها ويمسكين ايديها ✋🏻.. اذكري الله قوى علسب أبنش وانتي تاعبه ..



تهاني : بتبكي من بكاها 😭 قوى يا أحلام عادش تاعبه سمعتي ماقال الدكتور ماخلانا نخرجش الإ بعد ماجننتي وبكيتي تشتي تودعي حسين ...


أحلام : خلوووووني أمووووت .. أشتي أمووووت 😭 ...



في زاويه الغرفه الثانيه ..


يزن : جالس بيبكي 😭 قد روحه عتخرج .. ولا رضي يحاكي أحد ..


هبه : جنبه هي ورزق بيحاولوا يسكتوه وهم في نفسهم بيبكوا 😭..


أحمد : دخل بيدعي .. يييه وينهو يزن يجاوب سيدي ..

أماني : سارت تجاوبه ماتشتي .


أحمد : قالوا سيدي أدعي يزن يخرج عندهم قد عيدوا عمي حسين يجي يودعه ويشل عزاه فالمقبار..


اماني : 😱 يوووه مع حرام عادهو جاهل لايشلوش يقبر .

أحمد : مارضيوش سيدي قالوا مابلا يخرج معه ولد وماعيشل عزاه الإ أبنه ...



....... ...... ......


في المستشفى 🏨..


سميره : عند إبنها قد خرجوه من العنايه وعندها أخوها ..


محمد : فوق السرير وجهه 🤕وجسمه كله دكمات ورجله مجبسه ويده وتاعب ..


أخو سميره : عتخطي يا أختي أوصلش البيت ترتاحي شويه وتبسري اهل الموت وأنا شجلس عنده لاتقلقيش ..


سميره : يله تمام خطيني بساعتي وأطمن ع آيه أبسرها وارجع بعدا ..


وصلوا بالجنازه 😔 ودخلوه الديوان ..


يزن : أول ما أبسر أبوه ميت كان يصيح ويبكي😭 ويهزوره قوووموا يابابا ليش تفلتوني ليش تخلوني انزل المناديل كنتوا عتخلوني أمووت معاكم ..


معاذ : مسكه ودموعه بتنزل 😭 بعده .. هيا مه انت رجال والرجال مايبكيش يله قوم نشل بابا الجامع ونصلي عليه ..


النسوان : زد دخلين يودعنه الوداع الأخير ..


أحلام : وطت تحبه في رآسه 😘 ودموعها مغرقه وجها ..وخرجت ع طول ..



آيه : واقفه عند الباب زاعله ع عمها 😔 بس لما أبسرت منير خزيت ووطت راسها وخرجت ..


عادل : قرب يشل الجنازه هو وعبدالكريم ومعاذ وأحمد ومنير ورجال معاهم ..


الحج عبدالله : ماسك يزن في يده ورزق في اليد الثانيه 👬 وبيخطوا ...


@qesasanani

بارت 113


في الحديده 🌊..


عآمر : في الميناء بيخلص بضاعه فالجمرك بس حنب في توقيع أتصل لعبدالصمد 📱 هآه كيف أنت أمانه معك رقم بيت حسين في صنعاء او احد بينتصله تلفونه مغلق وإشتي أتم المعامله حنبت ومانشتيش نأخر الرجال ...


عبدالصمد : يله تمام معي رقم البيت اوذا شتصله وأقله يتصلك بس تقل ذلحين قد قاموا ولاخزا اتصل ..


عآمر : هيا ناهي لك قدالساعه 9 واهل صنعاء القديمه ماشاء الله عليهم مبكرين ذلحين قد عيتغدوا 🍲 هيا اتصله وقله لاينسى المرب ع نزلته 😉 ..



عبدالصمد : غلق من عنده 📱 وبيتصل لبيت الحج عبدالله بيرن بيرن محد جاوب مع الدوشه وكلهم مشغولين بعد ماخرجوه ..


بيعيد الإتصال مره ثانيه ☎..


هبه : سمعت التلفون ☎ سارت تجاوب ألووو من معي ..


عبدالصمد : بيسمع الدنيا عندها دوشه 🔊 هذا بيت الحج عبدالله .. ممكن تدعي له حسين قليله عبدالصمد ..


هبه : بتبكي 😭 عموو حسين مات ..


عبدالصمد : مش مستوعب ماقالت 😳 أيييش كيفه مات منهو الي مات أسكه ادعيلي واحد كبير..


هبه : عمو حسين مات فعلوا حادث بالسياره 🚘 وهم طالعين من الحديده وعادهم شلووهم يقبروهم ..


عبدالصمد : مصدوووم 😳 من كلامها حس جسمه كله دخن من الخبر ويده ثلجت .. كيف مات ماهو مات عادهو أمس معانا .. غلق التلفون من عندها وبيتصل لسمير📱...


....... ...... ......

في بيت سمير ..


ساميه : جالسه بتقيمه من النوم . هيا سامي قوم نسير نلقح للبنت 💉.

سمير : بيتمطط .. 😴 أمانه خليني أرقد وكما غطوه عنسير نلقح لها ملاني نوم ..


تلفونه بيرن 📱..

سمير : بيجاوب وهو بيفحس عيونه 👀 اهلا بالعريس حقنا .. كيف أنت ...


عبدالصمد : بنبره حزن في صوته 😔إسكه قوم أخطى لبيت حسين إبسر لنا ماهو الموضوع أتصلت لابيتهم أشتيه تلفونه مغلق جاوبت بنت قالت إنه مات فعل حادث فالطريق ...



سمير : صآح ..😱 إيييييش ماهو هذا الكلام هذا شكل الجاهله بتربش أوذا شخطى لعندهم ذلحين .. غلق التلفون 📱 وبعد البطانيه من فوقه بسرعه وقام ..


ساميه : خير مالك مابه ...


سمير : 😰هذا عبدالصمد اتصلي قال ان حسين مات اقوم اخطى لابيتهم أبسر ماهو هذا الكلام ...


ساميه : مسكت بيدها ع قلبها ❤ يوووه ياساتر ...


سمير : بدل بسرعه 👕👖 وخرج .


....... ..... ......


في بيت حميد ..


نوال : قد جهزت الصبوح الحالي 🍛 وبتدقدق لطارق ومرته ..


طارق : فتح لها الباب وهو بيحك رآسه .. كم قد الساعه 😅..

نوال : بتضحك عليه 😂 قدهي 9 ونص ياكسل هيا قوموا اصتبحوا 🍛 ..

يسرى : ليش وحدنا كنت شخرج اصتبح معاكن وطارق عيصتبح مع ابي وعمي حميد .

نوال : يهي هآه قد نسيت أيحين قمنا واصتبحنا 🍛 وعمي قد رجعوا ذمار ..


طارق : يوووه ع خزا وأنا عادنا راقد 😅 .. ابدل بساعتي وأخرج أبسر عمي حميد ..

نوال : قد عمي حميد خرجوا والكل يله اقربوا اصتبحوا قبل مايبرد 🍲 وأنا اسير أعاون أمي تقيه ..


...... ...... .....

عند الحج عبدالله ..

سمير : وصل وبيسأل فالحاره ..دري بخبر موت حسين تنهد 😔 واقتهر قوى وخطي يلحقهم للمقبار وأتصل لعبدالصمد يقله بالي حصل ..


عبدالصمد :غمض عيونه وخفع المكتب بيده 👋🏻 لاحول ولاقوه الإ بالله شبسر عآمر كيف العمل وشاحاول نطلع نعزي ...

@qesasanani

بارت 114



كمل العزاء وبيت الحج عبدالله كئيب وحزين😔 ..



الحج عبدالله : دخل يبسر أحلام وفي يده فواكه🍐🍎 🍊 كيف أنتي يابنتي اليوم ..


أحلام : تحت عيونها حارق أسود ووشها حزين 😔 .. الحمدلله تسلموا أحسن ..


الحج عبدالله : جلس جنبها وبيقرش لها برتقاله 🍊 هآه بنتي كلي أنتي بغير أكل ..


أحلام : والله ماقدرت ياعم شابعه من الدنيا ومافيها وبكيت 😭 ..


الحج عبدالله : مسكها وبيطبطب عليها 👋🏻 قوى أنا فدالش ماعاد عيفعل البكاء 😭 قد الوجع فالقلب والله إن قلبي مخزوق 💔 وبيقطر دم لكن مانفعل هذا قضاء الله وقدره .. ذلحين قد رجعوا العيال من الحديقه ولا مع ..


أحلام : ماشي قد اتصلت 📱تهاني قالت قال عادل عيغديهم خارج والكل ..


الحج عبدالله : الله يحفظه عادل والله إنه إبن وافي قد بينهم لعد ينقل بيت بوس هذه السنه ..


آيه : دخلت لعندهم ياسيد قالت خاله رجاء تقرب الغداء 🍝🍟..


الحج عبدالله : لاقدهو حاصل تقربه والي فالمستشفى قد شلوا لهم غداء 🏨 ..


آيه : أيوه قد أحمد أخي شله لهم وقال يمكن اليوم قد عيخرجوا محمد ...


الحج عبدالله : خلاص تمام سيري عاوني خالتش وقربين .. والتفت يحاكي أحلام .. ذلحين يابنتي مارأئيش أخلي أمل تسير تلفلف حاجاتكم الي فالبيت ونسير نطلعهن علسب اللده 👕👖 حق حسين نخرجهن وبقيه حاجاتكم .



أحلام : قدنتوا أخبر يا أبه افعلوا الي يسبر بس إشتي منكم طلب مشتيش ارحلي بيت أهلي إشتي أجلس هانا لو عتسمحوا لي ذكريات حسين وشمه في كل بقعه فالبيت 😔 ...


الحج عبدالله : بهنجمه 🙄 كيف أسمحلش يابنتي ماهو هذا الكلام هذا بيتش وبيت إبنش أين تشتي تسيري ..


أحلام : أصلا أبي إتصلوا 📱 لي قالوا عيجوا لي أتجهز ..


الحج عبدالله : أنا شتصله 📱 وأتفاهم معه ...



........ ...... .......


في المستشفى 🏨..


سميره : في يدها الملعقه 🍵 بتأكل محمد الشربه ..


محمد : مقهور وزاعل 😔 وحاسس إنه السبب في الي حصل وموت عمه لأنه شل الزلط له وماشلش السياره عند المهندس 🚘.. خلاص قدنا شابع ..

عبدالكريم : طلع وفي يده ورق 📑 كملت اجراءات الخروج خلاص جهزي الحاجات عنروح ..


سميره : تمام قد جهزتهن ..


عبدالكريم : وآيه قد قلت لأحمد يرجع يروحها العشي للبيت 🏡..



....... ........ ......


في الحديده ..


عآمر : بيدقدق الشقه حق عبدالصمد ✊🏻 ...


عبدالصمد : فتح له الباب 🚪 وقدهو مدقن 👨🏻..

عآمر : دخل وفي يده أكياس غداء 🍟🍕إسبوع وانت هكذا عتمكنها جلسه فالبيت معانا عمل ..

عبدالصمد : يا أخي والله ماقدرت إن قلبي عيقرح 💔 ع حسين ماناش متخيل إنه مات عادحنا كنا العشي مخزنين سامرين عنده وبيزبج عليا حين رضيت أتزوج وبيقل عيرجع يسمي ابني هو ..


عآمر : كلنا والله لوتبسر كيف الميناء ظلمي بغيره 😔 بس مانفعل هذا أمر الله .. يله مد يدك نتغداء ..


عبدالصمد : يا أخي مارأيك طول أمس الليل وأنا بينفكر 🤔 في أم يزن ويزن كيف عيفعلوا بعد حسين و لاهم يحتاجوا شي ..


عآمر : بيتفرجه بتركيز 😳لاتقليش قد بتفكر تتزوج بها وتوبه ليزن ..


عبدالصمد : بهرر فوقه 😳 مالك أنت والخباله وهذا الكلام أنا قلت نطلع نبسر لاهم يحتاجوا شي ما الزواجه حتى أنا شأجلها شويه قد قبر حسين ماقد نشفش ..



🌹meme_abdalgaleel


@qesasanani

بارت 115



بعد يومين ..


في ذمار ...


خيريه : ذلحين إبنك هذا ماقد عيرجعش ولا صدق روحه وإعجبته الجلسه في صنعاء فرحنا عيتزوج تجي مرته تعاوني وإنه شلها تفتهن 😏..


صالح : إيذا مره يونس هانا خليها تعاونش .


خيريه : قلبت عيونها 🙄 يووه وماتشتي يقلوا علينا الناس دخلتها المطبخ وماقد تشكمت


صالح : بداء فعلا يحس معاملتها والتفرقه بين مره يونس ومره طارق .. ومره طارق ماقد تشكمتش ..


خيريه : عوجت فمها 😏 هذك هي بنت أخوك لادخلت تعاوني هو بيت عمها وبعدا مالك قدك هكذا بتسنب لي ع الواحده اوووف منك وفلتته وخطيت 🚶🏻‍♀ ...


مره يونس : ع خرجتها من غرفتها لابسه البالطوه ..

خيريه : إبسرتها يووه أين عتسيري يابنتي من الصبح 😱..

مره يونس : شاسير بيتنا ..

خيريه : كودش في بيتكم من حين تزوجتي المره لاقد تزوجت تجلس عند زوجها كودش بتفلتيه وحده عادنتوا حراوه ...

مره يونس : فعلت يدها في خصرها وبضبح 😤 للمه أو عتمنعيني من بيتنا أنا حره أشتي أسير زوجي راضي لي مادخلش ..


خيريه : انصدمت من ردها 😳 يوووه ماقد قلنا لش وبعدا للمه بتقلي لي انتي قدنا ساع أمش عتقلي لأمش مادخلش ..


مره يونس : والله ماانتي أمي ولا أنا بنتش خاطرش .. خطيت وغلقت الباب 🚪..



خيريه : بتحطم .. يووه يا أبه ع لسان معاها 😝 أدخل اقل لزوجها يأدبها من ذلحين .. فتحت غرفه يونس ودخلت ..



يونس : راقد 😴..

خيريه : بتقيمه .. يييه يونس عتقوم تبسر مرتك ماقد فعلت بي من الصبح اتليقنت عليا وصرعت الباب 🚪 في وشي ..


يونس : يا امه اسهل عادهي جاهله .. خلوني ارقد ماقدهوش وقت الدحس وغلقوا عليا الباب 🚪 وشل الوساده وغطو وشه .



........ ....... ....


وقت الظهر ☀

في بيت عادل


عادل : هيا مه قدروح معاذ من الإمتحان 📄..


تهاني : ماشي الله يوفقه قد بينهمه مسكين والله إن قد تعب قوى هذه السنه مذاكره 📚..


هبه : بتسأل .. ماهو يعني وزاري يابابا ..

عادل : جلسها جنبه وبيفهمها ..


...... ...... ......

معاذ : مروح هو ومنير 👬 من الإمتحان ..

منير : اووف ع مراقب والله إنه ادالي القلق من كثر صياحه 😡..

معاذ : مشنا داري مابيطلعلهم بالصياح يعني لو صيحوا ان الطلاب ماعيغشوش ..


منير : تلفونه بيرن 📱 خرجه بيبسره .. هذا رقم بيت عمي عبدالكريم يمكن إنه محمد بيتصل بيجاوب .. الووو الوووو غلق محد بيرد .

آيه : غلقت السماعه حق تلفون البيت☎ وفارحه ☺ سمعت صوته هو قال أنا خطيبته ..


معاذ : آسكه عيد الإتصال لاهم يشتوا شي حين ..

منير : بيتصل لعندهم 📱..

آيه : جاوبت وماانتبهتش إن منير ممكن يتصل .. الووو .

منير : سمع صوت آيه بيحانكها 😜 هذه خطيبتي كيف أنتي ..

آيه : صدقت نفسها وخزيت ☺ هآه الحمدلله ..

منير : محمد اتصلي ولا خاله ..

آيه : ارتبشت هآه 😅 مع هو أنا إشتي أتصل لأحمد غلطت برقمك يله مع السلامه مع السلامه ..


منير : طنن شويه 🤔 كيف غلطت برقمي وهي ماتعرفش .. طنش الموظوع وخطيوا وبيتجابروا ع الإمتحانات وماعيدخلوا من جامعه ..


....... ........ ........


في بيت حميد ..


عم حميد : مسرع قد عتسير يا ابني والله انحنا كنا فارحين بكم 😃 ..


طارق : مانفعل قدانتوا داريين العمل وأبي قدهو وقت ..


نوال : بتسلم ع يسرى 😘 وكن اطلعي معه مش تفلتيني ..

يسرى : ولايهمش ماذلحين قد عجبتني صنعاء 😉 ونكن نتواصل بالتلفون ..




@qesasanani

بارت 116



في المحلات ..


الحج عبدالله : دخل للمخزن بيبسر البضايع ..بيصيح فوق العامل 😡يا أبني ماهو هذا البضاعه فالمخزن مكدسه باقي لها شهرين وتنتهي ليش ماتخرجوها تبتاع أنا قد بينركن عليكم مالكم ..


العامل : ياحج هو عمي عبدالكريم قال هذه البضاعه مانعسهاش وأنا عبد المأمور ...


الحج عبدالله : بضبح 😤وعبدالكريم وينهو ليش مابحدهو ..


العامل : أصلا من حين مانقل وهو ماعد بيجيش يوميه ولا يجي يفعله ساعه ويرحله ...


الحج عبدالله : وانا بينقل ليش العمل رآقد 💤 وان عبدالكريم في عالم ثاني خلاص خرجوا هذا البضاعه وبيعوها براس مالها وأمرنا إلي الله ولاتحرم ...


...... ..... ......


في بيت عبدالكريم ...


سميره : بتداعي .. يا آيه مابتفعلي جي عاونيني قصي السلطه ..


آيه : قدام المرآيه بتمشط شعرها 👩🏻 وقدهي بتتحيلى لنفسها إن قدهي بتكبر قدهي مره وعتدخل 14 بعد يومين ..


سميره : جت لعندها تصيح فوقها 😡 انا قد تعبت صياح وانتي هنيه بتتحيلي لروحش يله أخطى عاونيني من الركوزه ...


آيه : يا أمه إشتي تفعلوا لي حفله عيدميلاد ساع هبه للمه ماهي بيفعلوا لها عيدميلاد 🎂 كل سنه ..


سميره : بتدهفها قدامها .. اخطي هاه تعلمي الشحطه وعاونيني قدش عزبه قلك عيدميلاد 🎂..


آيه : ضبحت وبتنفخ 😤 اوووف منكم ع قد أم ..



..... ....... ......

في بيت الحج عبدالله


رجاء : فالمطبخ بتفعل الغداء 🍲🍜..


أحلام : دخلت تشتي تعاونها ..

رجاء : مع رزي قوى ادخلي افتهني بس 🙂 من لش في روحش ..


أحلام : مع قوى خليني أتواله بينضبح وحدي طنان وتفكير 🤔 ..


رجاء : خلاص تمام اتوالهي عندي بس لاتتعبيش نفسش ..

أحلام : فتحت الطاقه وبتدعي تهاني تسألها ع يزن ..


تهاني : إبسرتها فالمطبخ 🙂 وابتسمت مابتفعلي ..

أحلام : قدنا ضابحه جلسه قمت أعاون رجاء شويه حرام مسكينه كله فوقها .


رجاء : يوووه ياعيبتك سعم مدري مابينفعل ..


تهاني : سبحان الله أمانه ولا كأنش خاله سميره ع من طلعت .


رجاء : ضحكت هههه 😂 ع عماتها ..

أحلام : تهاني ولو قدهو خزا منش بنتعبش يوميه بالجهال قلي ليزن ورزق شويه ويروحوا ..


تهاني : هيا من هذا الكلام الأخبل لوتبسري محلى يزن كيف بيتواله هانا ويلعبوا خليه بس بكم ينسى شويه ...


أحلام : خلاص تمام وانتي اقطبي بعد العصر وجي قوى نتواله ..


....... ....... ......


عبدالكريم : في المحل حقه بيحاكى التلفون 📱 يا أبه أنا نسيت هذه البضاعه قذا بتبسروا انشغلنا بموت حسين ومرض محمد ذلحين اسهل عنبيعها وربي عيعوض في ربحها ..


الحج عبدالله : خيره الله .. قوى يا ابني تابع العمل سوى قذا بتبسر قدنا تاعب وماعدناش حير العمل ..


@qesasanani

بارت 117



بعد شهرين ..


معاذ : فتح باب البيت ودخل وهو فارح 😃 بيصيح يا أاااااااامه نجحت باركوا لي اديت 91 ونص ...



تهاني : تشتي تحجر من الفرحه 😃 ذكرت حسين بطلت وحملت تحضن معاذ وتبووسه 😘 ومنير نجح ..


معاذ : أيوه بس قدهو زاعل ادى 85 ..

تهاني : ماشاء الله عليكم اسير أتصل 📱لأبوك أبشره ..


معاذ : ماقد روحوش ..

تهاني : مدري اوذا شتصله 📱أقله وأبسر ..


معاذ : يارب ومايعجبهمش هذا البيت 🏠 ومايلقوش مشتيش أنقل من هانا ..


تهاني : ومن سمعك بس مانفعل حسبهم الله حين نقلوا أبوك من المدرسه 🏫 ...


هبه : خرجت من غرفتها .. بتتفرجه هيا مه نجحت ولا مع ...


معاذ : نجحت واديت 91 ونص ..


هبه : فرحت وحملت تبووسه 😘 يعني اليوم عتخرجني السوق أشتري لك هديه ..


تهاني : ضحكت عليها هههه 😂 مابلا قد نفسش تخرجي تخسريني ..


...... ....... .......


في بيت بووس ..


عادل : ذلحين مارائيك ياحج أتوكل ع الله واوقع معه العقد 📄..


الحج عبدالله : بنبره حزن 😔 مانا لو عليا والله ما أشتي تنقل ولاتخرج من عندنا لكن مانفعل خيره الله ..


عادل : وأنا والله مشتي أحترك لكن قذاك إبسرت ع تعب تعبت السنه الأوله سيره وجيه🚶🏼 ..


الحج عبدالله : المنطقه هانا حاليه بس شكلها قفره مشي ساع صنعاء..


عادل : والله اني مغصوب عليها غصب وبعدا هانا كلهم الإ ناس هاي وكل واحد في حاله .. وهم بيتجابروا رن تلفونه 📱 جاوب وإبتسم 😃 بشرش الله بالخير الحمدلله ..


الحج عبدالله : هيا مه بشر ..

عادل : 91 ونص 😃..


الحج عبدالله : ابتسم وفرح 😃 والله انه اول خبر يفرحني من بعد الموت هيا اقطب وقع العقد📄 نخطى ع طريقنا إشتي أشتري له هديه 🎁..


....... ....... .......


في ذمار ...


يسرى : كملت ترفع وبتغسل الصحون حق الغداء 🍽 ...


طارق : دخل بيساعدها 🍽وبينازفها بالماء ...


خيريه : سمعت ضحكهم😂 لعندها وتبرقطت سارت لعندهم ... إنا ماعاد بتستحوش كودكم غر بتتكركروا وتضحكوا ...


طارق : في يده الصحن 🍽وللمه إستحي ياخاله مرتي مافيها لاضحكنا 😂 ..


خيريه : حطت يدها في خصرها 😤 وبضبح يهي يهيه وعادهو بيغسول معاها ع قد رجاله ...


طارق : قدش بترجمي العمل فوقها ماافعل أدخل أعاونها ..


خيريه : كان ماعد تشتي او أزيد ادخل اشقى لكم انا قذا زوجناك ..


طارق : ومره يونس للمه ماتكن تدخل تعاونها ولافي يدها نقش الحناء ..


يسرى : بتاشر له بعيونها 🙄 يسكت ... خلاص اسهل ياعمه ماعاد عنزيدش ..


خيريه : مره اخوك تاعبه واحمه معيفه في بيتهم🏠..

طارق : هي تاعبه واصل في بيتهم من حين جت ..


خيريه: فلتته. وخطيت وهي بتحطم 😏..


......... ......... .......


في بيت سمير ..


سمير : مارائيش لو تقومي أشلش عند نوال ومع الطريق سعم أدخل أتعرف ع أبوها وأخزن عنده أتعرف عليه...


ساميه : اوذا شتصلها أبسر لاهي فاضيه🏠 وشاقلها لو أبوها فالبيت تدخل عنده بدل السيره والجيه ..


سمير : يله تمام ونبيني ...



.......... ....... ......


في بيت عبدالكريم ..


آيه : بيحز قلبها ❤ تشتي تبسر منير نجح او مع دخلت لعند محمد يامحمد طلعوا نتايج الثانويه دريت..


محمد : ضابح من بعد الحادث حاسس انه السبب 😤 وانا مفعلهم ..


آيه : أتصل اسأل ع معاذ ومنير ابسر هم نجحوا ..

محمد : رد بكل برود ..هنيت لش انتي وهم..


آيه : ضبحت منه وفلتته وخرجت تتصل📱 لأحمد تسأله.


دريت بالنتيجه فرحت😃 وقررت تشتري هديه لمنير وترجع تشلها له.



@qesasanani

بارت 118


بعد يومين ...


سمير : بيتصل لعبدالصمد 📱 والله لوتبسر محلا أبوها وع أخلاق فيه ..

عبدالصمد : بس يا اخي ع مافهمت منك إنهي رافضه الزواج وعادحنا نشتي حفله لما نوصلها إبرد لك منها بس وعندور كميا بنات ..


سمير : ناهي وإحنا ماعنخسر شي أنا ماقد حاكيت أبوها بشي خزنت معه خزانه عاديه سعم اتعرفت عليه 🙂 وبعدا اسهل لما تطلع عنرجع نحاكيه ونبسر وهو فالأخير نصيب ..



....... ...... .......


في بيت عبدالكريم ..


آيه : روحت من المكتبه وهي فارحه إشترت طقم أقلام 🖊 هديه لمنير بس بتفكر 🤔 كيف تمكنه اتصلت لأحمد☎ تقله يجي عند محمد هو ومنير ومعاذ يوالهوه حرام قدهو بيجلس وحده وضابح من بعد الحادث ...



داخل في غرفتهم ..

عبدالكريم : أنتي داريه هذه اليومتين شاخفف الشغل شويه أبي قدبيبعسسوا خيرات لاعاديكشفوني ..


سميره : والمحل حقك كيف عتفعل به ..

عبدالكريم : شاكن أسير اتفاقد مابيفعلوا العمال ع رواحتي من المحلات حق أبي ..

...... ...... ......


في بيت عادل ...


تهاني : بتلفلف اللده حقهم 👖👕👚👗👔 وتجمعهن في شنطات ..


عادل : بيحمل العفش والفراش هو ومعاذ ومحمد ومنير بيساعدوهم لافوق سياره هيلوكس ..


هبه : جالسه في الدكه حق بيت الحج عبدالله بتتفرجهم زاعله 😔 ..


رزق : ضابح ومقهور 😤 جالس جنبها بيتفرجهم ساكت...


يزن : بزعل 😔ذلحين ليش تنقلوا يعني ماعد عنكش نبسرش ولانجي عندكم ...

هبه : قد وعدوني بابا يكن يدوني كل خميس وكل ما أضبح واقلهم يدوني 😔 لكن أنا مشتيش أنقل من هانا ..

رزق : وأنا مشتيش تنقلوا مشتيش ناس جداد يجو بيتكم 😔..

هبه : بضبح 😤 مارضيوش بابا مانفعل ..


...... ...... ......


في بيت علي .

علي : يا أماني مارأئيش لو تحاكي عمي عبدالله لو يدولي 2 مليون إشتي أفتح مشروع وحانب بالزلط 💵..


أماني : الصدق ماشصداش أقلهم ليش ماتحاكيهم أنت أنا مجزمش بينخزا☺ ...


علي : أيوه أنتي إجلسي إخزي لش بس وأخوش يلعب بالزلط💵 لعب أنتي داريه سمعت خبر إن قد فتح له محل بس مشو مبين ..


أماني : خفعت وشها ..يوووه 😱 محل مه مالك من الخباله منين له عيفتحه ..


علي : فتحه من ظهر أبوش وأنتي إجلسي إتخيبلي لش بس خلينا نصبط ال2 مليون نفتح لنا مشروع نقتلب ونصتلب ...


أماني : بضبح 😤 خلاص أنا شاحاكي أبي وأسأله ع المحل حق عبدالكريم ..


علي : مع لاتحاكيه ولا ونرجع نفعل لنا مشاكل ..



@qesasanani

بارت 119



بعد العصر ...


في بيت الحج عبدالله ..


رجاء : ياحج شاسير مع تهاني ننظف حقهم البيت 🏠الجديد عيوصلنا معاذ .



الحج عبدالله : أيوه رضي عليش والله مانقدر نجازيهم أن قدنا مقهور قهر مايعلم به الإ ربي أول حسين إبني الله يرحمه وذلحين عادل عيرحله 😔..



أحلام : لبست البالطوه حقها وتجهزت ودخلت تدعي رجاء هيا عنخطى 🚶🏻‍♀مع تهاني ..


رجاء : ابتسمت 🙂 عتجي معانا ..


الحج عبدالله : فرح 😃 إنها عتخرج من البيت حتى لو تعاونهن أهم شي تغير جو. ..


العيال : حملوا للسياره 🚘 بيتسابقوا من يوصل ..


أماني : ع وصلتها ع خرجه أحلام ورجاء 👭 هيا وين عتسيرين قد بينبسر العيال فوق سياره عادل 🚘..


رجاء : حيا حيا😃 هيا عتجي معانا عنسير نعاون تهاني عتنقل بيت جديد 🏠...


أماني : يوووه مالهم عينقلوا جورتها حاليه .. يله الله يوفقهم أبي هانا ولا قد خرجوا ..


أحلام : قدهم خارجيين بيلبسوا 👖👕 لو تشتيهم الحقيهم قبل مايخرجوا ..


أماني : كان خاطركن أدخل أبسرهم وسلمين ع تهاني👋🏻 دخلت وهي بتداعي يييه ياحج عبدالله اين انتوا يا أبه ..


الحج عبدالله : هاه بنتي أنا في مكاني جي كذا ..


أماني : دخلت بتسلم عليه 😘 وبتتودد له كيف أنتوا قدنا فاقده لكم ..


الحج عبدالله : الحمدلله في خير وإنتي كيفهو علي والجهال ..


أماني : هو أنا جيت لكم علشان علي إشتي أجابركم في موظوع غير خازيه منكم مشنا داريه منين أبداء☺..


الحج عبدالله : يووه يابنتي وتخزي من أبوش ☺ اتحاكي بس او بيغثيش ولاشي ..

أماني : بتأشر بيدها ☝🏻مع مع مابيغثينيش بس هو قال يشتي يفتح لنا مشروع علسب الجهال ونعاون أرواحنا غير حانب فالزلط 💵 قلت أبسركم لو عتسلفونا 2 مليون واطرح ذهبي عندكم رهن 👑..


الحج عبدالله : بهرر فوقها 😳 رهن مه من قله الحياء حقش أنتي بنتي لو اديلش ولعيالش روحي قلي لعلي يرجع يمرلي غطوه الصبح للمحل أمد ماجهزها له ..


أماني :قامت تحبه في رآسه 😘 يوووه اسلموا لنا يا أبه الله يطول لنا في عمركم ...



........ ....... .......


في ذمار ...


في بيت صالح ...


طارق : جالس هو ويسرى في غرفتهم بيتجابروا بيحكي لها ماكان يفعل فالجامعه هو واصحابه من مقالب 😃..


يسرى : بتضحك عليه 😂 ههههه .

مره يونس : ع خطيتها سمعت اصوات ضحكهم دخلت لعند يونس ضابحه 😤..


يونس : في المجلس عند أمه بيهمس ارجلها ..


مره يونس : سنبت عرض الباب 🚪وفاعله يدها عرض الجدر بتتحاكى بضبح 😤 هيا قووم يا إبن أمك إتعلم من أخوك كيف بيعامل مرته واشرت بيدها لاوشها ✋🏻 هاه مالت عليا ع حظ معي ..


خيريه : بصياح 😡 هيا ماقد لش ع إبني ولا ماعجبش إنه بيرزم أرجلي بدل ماتجي ترزمي ارجلي معه ..


مره يونس : بضحكه سخريه 😬 خخخخ للمه او أنتي أمي ولا ولدتي لاحظني ...


يونس : سنب بيصيح 😡 بس ضبحتين بي يوميه في صياح هذه ماعدهيش عيشه ..

مره يونس : بتقلد إنها بتبكي 😭 وتتريحم وانا مفعل أمك بتسنب لي ع الواحده ناهي لاهي مابتحبنيش ترحم الي في بطني كم جهده قهر أنا شرجع أسقط في ذمتها ...


يونس : مسكها من كتفها 👋🏻 خلاص ياروحي ولاتقهري نفسش أخطي البسي نخرج نفعل لنا دوره ..


مره يونس : بتخطى معه 👫 ومن وراء يونس بتحانك عمتها بحواجبها ..


خيريه : بتدعي عليها ..🙌🏻 يووه عيوريني فيش ربي ياحيه 🐍.



مره يونس : لفتت ليونس .. هيا بتسمع باذانك 👂🏻..

يونس : مسك بطنها إخطي بس قوى لاتقهريش الجاهل ..



@qesasanani

بارت 120



في الحديده :


عبدالصمد : بيحاكى التلفون 📱ومتنرفز 😡 يا أخي ايش الجنان هذا كيف تقلي وقفوا البضاعه وقد دفعنا الجمارك كلها ..

الرجال : يامدير والله اني وريتهم الأوراق والسندات 📄 كلها انه دفعنا قالوا مالهمش دخل الورق مختومه بالختم القديم..

عبدالصمد : بضبح وصياح 😤 أين ختم قديم ..

الرجال : قالوا قد المدير الجديد الي بدل حسين غير الختم ومابش عندهم زلط 💵 يشتوا ذلحين ندفع جمارك جديده ..

عبدالصمد : حسبي الله ونعم الوكيل بس 👆🏻 ماطلعت لي هذه المشاكل الإ وقدنا ناوي أطلع صنعاء أخطب ذلحين أمري الي الله نجلس نتم نبسر ماراس هذا الموظوع ..



....... ....... .......


في بيت بووس ..


رجاء : بتتفرج البيوت حق الجيران من الطاقه حق شقه عادل 🏡 ماشاء الله ع بيوت وحلا شكل جيرانش كلهم هاي .


تهاني : زاعله 😔 مفعل ببيوتهم وجورتهم إبسرتي هذولاك الي دخلين البيت الي قبالنا ع وصلتنا ع لبس وأناقه شكلهن زنط قووي أنا أشتي ناس ساعنا ومن قيسنا مشنا داريه ماطلع لهم ينقلوا عادل هانا ..


أحلام : والله مانا داريه كيف عتقع الحاره بغيركم هذا العمر بكله وإحنا اهل مش بس الإجيران 😔..


تهاني : للمه أو احد قلش إني شافلتكن كل خميس وانا عندكن ..



العيال : داخل فالغرفه الي عتقع لهبه ..


رزق :فالطاقه بيتفرج .. يووه ياهبه ع قد بيت الي قبالكم محلاه 😃 وفيه مسبح ..

يزن : بضبح 😤 ايووه ذلحين هبه عتتصاحب مع بناتهم وتزنط علينا ماعد عتعجبهاش الحاره حقنا ...


هبه : خفعته بيدها 👋🏻 بطل خباله انت داري إني مشتيش افلت الحاره وبعدا محد يزنط ع أخوته وقربت للطاقه تتفرج البيت 🏡..



أحلام : ابسرت الساعه 🕰 يووه قد عيأذن مغرب هيا اقطبين نتم نرفع شويه والباقي عنتمه غطوه ..



...... ....... .......


في بيت عادل ..


الحج عبدالله : مخزن عنده فالبيت .. بيتفرج السقف ومطنن 🤔..

عادل : هيا مالك ياحج مطنن ..

الحج عبدالله : والله ماغير مقهور ع فرقتك😔 انت والجهال وبينبسر البيت تقل عادنا شدخله بعدكم ..


عادل : ومن سمعك لكن مانفعل قدهو نصيبنا وبعدا قد بيت بوس اقرب من شبام ..

الحج عبدالله : مافي هذه صدقت ع الاقل عادك وسط صنعاء .. ذلحين سألتك بالله ماناقصك قدك ولدي وماعدبش بيننا ..


عادل : مسكه في فخذه 👋🏻 أسلم كثر الله خيرك والله لو احتاج شي لا اقلك من عاد معي غيرك ..


..... ...... ......


في القاعه عند العرس 👰🏻حق واحد من التجار ..



آيه : لابسه فستان أخضر منفوش 👗 وشعرها طويل فارده له ع جنب ..


سميره : لابسه ومتشيكه قدهي بتلبس أنيق وغالي من حين خرجت البيت حق حده وبتقلد جيرانها ..


هناء : مره تاجر .. كانت بالصدفه جالسه جنب سميره ..

سميره : تشتي تفتح لها مجابره معاها .. ماشاء الله عليش مايبانش ان قدش مزوجه 😄 اتخايلي ان عادش عزبه غير ابسرت الدبله في يدش 💍..

هناء : هآه تسلمي 😄الا مزوجه وقد معي بنت في صف سادس وولد في ثاني ..

سميره : هآه .. ماشاء الله انا اسمي سميره وهذه بنتي آيه أنا مره ابن عبدالله ال*** التاجر حق صنعاء القديمه اكيد تسمعي عليه ..


هناء : هآه أيووه وانا مره ال*** .. أنتي عايشه في صنعاء القديمه ..


سميره : بدلع 🤗 يوووه مع انا في حده وأنتي ..


هناء : أنا في بيت بوس ..

المهم تعرفين وتصاحبين وشلين ارقام بعض ....




@qesasanani

بارت 121


بعد إسبوع في بيتهم الجديد ..

الصبح الساعه 7ونص 🌝

معاذ : يله مع السلامه قد منير مراعي لي فالجوله الي عند المعهد تشتوا شي .


عادل : أيوه يا إبني خطي أختك مع طريقك للمدرسه 🏫حقها أنا اليوم استأذنت من دوامي أسير أبسر لك مافعلوا في المنحه الي بينراجع لك .


تهاني : يتمشط شعر هبه 👩🏻 يووه مالش اليوم هكذا جننتيني ..


هبه : بتتعرجن 😤 وتخفع بايديها اوووف مشتيش هذه المدرسه قلتلكم ماعجبتنيش البنات الي فيها زناطات إشتي مدرستي 🏫عند أخوتي ...


معاذ : دخل يدعيها ... هيا هباتي عنتاخر شرق شاشلش أنا ..


هبه : لبست شنطتها🎒 وخطيت وهي زاعله ماتشتيش تسير 😔..


تهاني : خرجت لعند عادل وهي مبتسمه 🙂. أمانه ان قد زيغت حسي يوميه دحس ع المدرسه هذه ماعجبتهاش ولاعجبنها البنات قالت زناطات ..


عادل : هز رآسه وإبتسم🙂 أمانه ماعندها حجه قد شطفح أنا الكبير مابالش بها الجاهله محلى جيراننا حق صنعاء لو به احد جديد نقل فالحاره إن قدحنا كلنا عنده وبنبسره ونعاونه وهانا كل واحد نفسي يانفسي ..



تهاني : والله إنه صدق وأنا قدنا ضابحه والكل ماشي شليتني اليوم عند أحلام ورجاء أمانه خطي ذيه الإسبوع ساع سنه .


عادل : خلاص تمام سدينا وانا ابسر الحج عبدالله والكل اتصله ونخزن جمعه وعلسب هبه تفتهن شويه تبسر أخوها ...



......... ...... .....


في بيت عبدالكريم ...


محمد : بيصيح .. يا امه هيا قلولها شتأخر ع المدرسه 🏫 ماشجلسش اراعي لها ...


آيه : قدام المرايه .. بتصلح الطرحه حقها وتتوضع وتتبسر نفسها أي لفه للطرحه أحلى 🤗 ..



سميره : دخلت تدعيها .. إبسرتها قبال المرايه مسكتها من ورآها بيدها ✋🏻 .. بتصيح 😡 عتسيري تقري ولاعتسيري تتعرسي شرق عليكم أخوش مراعي ..


آيه : بتنفخ وتعصور وشها .. اووووف 😤 يخطى من شابحه شخطى وحدي المدرسه قريبه ..


سميره : ومن عيخليش وحدش ياقمر بتبسري ع شباب صايع عندنا تخايلش أنهم ساع عيال حاره صنعاء كل واحد يبسر بنت جيرانه ساع أخته ...


آيه : هو غر أنتوا المعقدين ولا صاحباتي بيحاكينهم عادي ويزبجين معاهم ..


محمد : بيصيح .. 😡 انا شخطى خاطركم ..


سميره : دهفتها .. هيا احملي بعده يخطيش يايزبجبين معاهم حرام لو ادرى انش تحاكى واحد فيهم لأكسر فمش 👄 ...




عبدالكريم : كمل يلبس👕👖 وخرج من غرفته .. ماهو هذا الصياح والدوشنه من الصبح بتبسري الجيران ماقد سمعنا لهم صوت من حين جينا ..


سميره : هذا محمد بيصيح فوق أخته تخطى المدرسه 🏫 شرق عيتأخروا محلاه هذه السنه ربي يوفقه ع اهتمام فيه بينحسه قدهو متغير قوى وهادي من بعد الحادث ..


عبدالكريم : الله يهديه .. 🤔ذلحين والله مانا داري كيف أفعل الرجال وعدته لليوم أجهز له بضاعه وماقد جهزت الإنصها ..


سميره : معي لك فكره 🤔 هي نفس البضاعه حق محلات عمي صح ..


عبدالكريم : فتح عيونه بإستغراب 🙄أيوووه ليييش ..


سميره : سير شل من المخازن حقكم وفي الرجال بضاعته محد عيتلوه ولا عيحاسبك وسعمنك بعتها ..


عبدالكريم : بيفكر 🤔أمممم والله انهو صدق واول ما اوفرها شاردها ..


سميره : لاتردها ولا في الأول والأخير هي حقك وتعبك حسين قدمات اتهنى بس بدل ماتشاركك أماني وأمل وإبن الحرام هذاك .



....... ..... ......


في المدرسه 🏫..


هبه : بتشارك وشاطره فالفصل .


المدرسه : بتقل للبنات صفقين لها 👏🏻 ابسرين ع شطاره فيها وعادهي جديده ..

هبه : فرحت 😄.

رؤي : إبسرتها بضبح 😤 لاتفرحيش قووي أنا اصلا الي بينطلع الاولى كل سنه ...



🌹meme_abdalgaleel


@qesasanani

بارت 122




في الحديده ..🌊


عآمر : بيتصل لعبدالصمد 📱فارح😄هيا إدي بشارتي ..


عبدالصمد : 😄 خير.. هيا بشر ..

عآمر : حليت المشكله حق الزلط واتفقت معاهم وعيفرجوا عن الشحنه قد اتصلت للعمال يجوا يحملوهن ..

عبدالصمد : 😃 الحمدلله طمنت بالي الله يطمنك ويريحك بالك ..


عآمر : هيا خلينا نسلم الشحنه ولوتشتي بعدها تطلع صنعاء تبسر موظوع خطبتك طلعت.


عبدالصمد : يوووه او ماعتطلعش معي ..


عآمر : بيتليقن عليه 😜 ذلحين إطلع أول إبسر أحد عيرضى يقبل بك أو عيردوك عطل ونرجع نزوجك بواحده تهاميه خخخ 😂 ...


عبدالصمد : ضحك ههه 😂 والله هكذا طيب تمام انت عتبسر ما ارجع لك الإمزوج ولا أعزمك ع عرسي ..


عآمر : والله إن شكلي شازوجك ع يدي قلي ماعيعزمنيش ..


..... ...... ......


في ذمار ...


في بيت صالح ..


صالح : قام من النوم 😴 الساعه 9 وخيريه جنبه .. بيقيمها ..يييه خيريه هيا وين الصبوح عادش راقده لذلحين ..


خيريه : قامت بتتمطط 💤 يوووه اليوم مقطقطه قوم خلي نسوان عيالك يصبحنك ...

صالح : ماشقلش لأحد يصبحني 🍵 شصتبح خارج ... قام بدل وخرج من الغرفه ..


يسرى : كانت فالمطبخ عادهي كملت تصبح طارق قبل مايخرج.. ابسرته ع خطيته 🚶🏼 خارجي بتداعيه ياعم صباح الخير أين عتسيروا وماقد اصتبحتوش ..


صالح : ابسرها وابتسم لها 🙂 صبحش الله بالخير يابنتي قلت عمتش راقده ماقامتش شخرج أصتبح لي خارج لا أشغلش ..


يسرى : يووه ياعيبتكم ماسخاني عليكم ماشفعل وقد الصبوح جاهز قدنا بينقوم يوميه الصبح اصبح طارق وافعل الصبوح حين مره يونس معيفه ومابينسخاش ع عمتي 🙂..


صالح : إستغرب منها 😳 اتفاجاء ليش انتي الي بتفعلي الصبوح يوميه ..

يسرى : أيووه ليش مابيعجبكمش والله ان قد بينحاول انوع لكم الأكل 🍛🍚 كل يوم حتى فالغداء بنجلس افكر مفعل ..


صالح : هز رآسه : آها .. كان قلتيلي مابلا تسلم يدش يابنتي وفي نفسه 🤔 وأنتي بتمكنيني ياخيريه بنت اخوك دلوعه ولا تقدر تفعل مهره وكل ما ادعيها أعلمها مهره طارق يصيح فوقي ...


يسرى : مالكم مطننين 🤔 هيا إدخلوا أصتبحوا 🍛..


..... .... .....


في صنعاء ...


في المحلات ..


عبدالكريم : وصل بيسال العمال قد ابي هانا أو مع ..


العامل : ماشي هذه اليومين مدري مالهم بينبسرهم تاعبين شويه وبيجوا شويه قبل الظهر بس ..


عبدالكريم : طيب تمام حملوا لي 12 كرتون من هذا النوع لافوق السياره بسرعه 🚘 الرجال مراعي ..


العامل : ياعم عبدالكريم بس هذه البضاعه محد طلب منها يشتيها يمكن إنك غلطان فالنوع ..


عبدالكريم : 😡 صيح فووقه ورفع صووته .. مشووو عليك انا قلت حمل اسمع وانت ساكت يله بسرعه ..


العامل : سكت ووطى رآسه 😔 وخطي ...


@qesasanani

بارت 123



بعد العصر ...


في بيت الحج عبدالله ..


داخل عند النسوان ...


تهاني : 🙂 يوووه محلى هواء صنعاء القديمه وأهلها أمانه حسيت إني عايشه قدلي أسبوع الإ تخايلكن جالسه بين شويه أموات ..


أحلام : يوووه .. ليش ماقد تعرفتيش ع أحد ...


رجاء : أين تتعرف يا أختي قدوذاك إبسرتي بعينش 👀 شكلهم كلهم زنط ..


تهاني : والله إنه صدق كلهم زنط ونخيط أمانه شليت هبه المدرسه 🏫 قبل يومين خطيت من جنب نسوان شكلهن من هذك الحاره سنبت اقلهن صباح الخير أنا جارتكن في هذا البيت إبسرني تخايلش الإ أبسرني مطلبه ردين عليا صباح النور وطلعين فوق السياره البنت بتسوق وخطين 🚘..



هبه : دخلت وهي فارحه 😄 ياماما شاسير أنا وأخوتي نجعل من البقاله قدنا فاقده لعمي منصور والجعاله حقه ..

رزق : أيووه جي ما أوريش قد أدى جعاله من هذك الي تعجبش الي فيها لبان 😄..


يزن : ياماما ادولي زلط خيرات أنا اليوم شعزم هبه لإنها جت عندنا ..


رجاء : سيروا جروا ألف 💴 من شنطتي وإجعلوا لكم الثلاثه ...


....... ...... .....

داخل في الديوان ..


عادل : مالك ياحج صورتك مشي معجبه له ولا هذا من فرقتي 😉 وغمز له ..

الحج عبدالله : مدري مالي بينحس روحي تاعب وفوق قلبي بيناخزني 💓 بيني وبينك من بعد موت حسين وأنا مشنا بخير ..


عادل : الله يهديك ياحج وليش ماتتحاكى لوشي إن قد خطينا المستشفى 🏨..

الحج عبدالله : هيا ناهي لك ماعيفعلوا لي فالمستشفى .. وبياشر بيده ع قلبه ❤ آح آح قدهو وجعي هنيه قهري ع فاطمه وبعدها حسين ساروا الاثنين وأنا جالس بدل ما يدفني إبني دفنته أنا وتشارغت عيونه بالدموع 😭..


عادل : مسكه من كتفه بيده ✋🏻 هيا مه إذكر الله ياحج ماهكذا عتتعب نفسك مابلا خليك مثل ماعرفتك ..


الحج عبدالله : إسمعني إشتي تجي معي نسير نصلي مغرب في الجامع الكبير 🕌 إشتي أسال مشو حرام عليا لاكتبت شي بإسم يزن بدل أبوه حرام لويقع بي شي ماعيورثش ومشتيش ابن ابن يتجعجع واسالهم ع رزق والكل قلك الجمعه الأوله فالجامع حرام يورث ويشارك عيالك في ورثهم إشتي أبسر كيف ماشي شكتب لهم في حياتي قبل ما اموت أنا داري عبدالكريم ومرته مابش عليهم ركنه ..


عادل : بعد الشر عليك ياحج أنت وهذا الكلام وبعدا كيفه مايصحش قدهم عيالنا ماهو عيرجعوا يقلوالهم مايصلحش تورثوا مشنتم عيالهم ما أظنش لاتفجعنيش أمانه إحسيت إن قلبي وقف ❤..


الحج عبدالله : خلاص نطلع نصلي🕌 ونسأل سوى ..



....... ........ .......


في بيت حميد ..


حميد : مخزن وتقيه ونوال عنده ..

نوال : تلفونها رن 📱 بتجاوب أهلا اهلا كيف أنتي ..


ساميه : أهلا بالغايبه الي ولاعد بتسال ع صاحبتها لكن يله عيس قذا عنبداء الدوام واستضيش سوى 😜..


نوال : بتضحك عليها .. هههه 😂 مع والله بس بيننشغل المهم كيف انتي والعيال .


سمير : بيأشر لها .. ويبهرر 🙄هيا حاكيها ..

ساميه : بتأشر له بيدها راعي 👌🏻 . أيووه ذلحين ماقدنتيش فاقده لي ماتشتيش أجي عندش ..

نوال : يووه حيا بش تشرفي ..

ساميه : خلاص إن شاء الله شرجع أجي عندش بعد غطوه وسمير يخزن عند عمي حميد عجبته الجلسه معاهم قوى ..

نوال : تمام إن شاء الله أنا شاقلهم ....



@qesasanani