بارت 68



في بيت علي ....


أماني : اليوم شاسير بيتنا أمسي واشل العيال معي ..


علي : استغرب 😳 كيييف لش ؟ .


أماني : أمانه جلست اقلبها في رآسي وأفكر 🤔 من بعد ماسرت بيتنا اخر مره حسيت من كلام أبي انه محتاج احد يكن يبسر حاجته هو ورزق ودريت انه بيشل لداته 👖👕👔المغسله فهمت من كلامه كانه بيلمح يشتي يتزوج قلت بدل مايقوم يدي لنا مره أب ولو تزد تجي تزد تدي لنا جهال اكن اسير يوم الخميس بيتنا من الصبح اغسل لداته واكويهن وابسر مايشتي لإسبوع وامسي للجمعه ...



علي : امممم 🤔 والله انه صدق قدش تسيري يوم تبسري مايشتي أحلى مايقوم يتزوج ويدي جاهل يشارككم فالورث قدوذا يكفي رزق جاء لنا من الشارع ...




...... ....... .......


في بيت سمير ...


ساميه : ضابحه 😤 والله مانا داريه ماراس نزلتك الحديده قدوذا صاحبك ماسك العمل ماعادبه فايده للنزله وفلاتي وحدي ...


سمير : بيراضيها 😄 هيا ياقمر من الزعل هو شنزل اليوم وارجع السبت أبسر العمل كيف واتابعهم ولو صاحبي وواثق فيه بس ولو محد يفلت حقه ..


ساميه : اصلا البيت بدونك ضبح 😔 ..


سمير : اسهل ياروحي هن يومين وعتسيري بيتكم عتتوالهي عندهم والله لوماهو تعب ع الولد امد غطوه بس لاانزلكم ..



......... ......... ........


في بيت حميد ..


نوال : فارحه بطارق قدله فتره ماجاش 😄 .. ماشاء الله عليك تصاحبت معاهم وأنت غر لقيت ابنهم ..


طارق : اصلا ماشاء الله عليهم ناس محترمين قوي وعلاقاتهم حاليه قوي مع انهم جيران ذلحين صدق ءامنت ان صنعاء القديمه واهلها ثانيين كانهم اسره واحده حتى عيالهم محلاهم ماشاء الله اخوه اخوه 😄 ...



نوال : ناهي ذلحين قلي مابتفعل بك خالتي خيريه جالسه بتدور لك مشاكل ..


طارق : تنهد .. آح بس يا اختي والله انهي بتداحسني مداحسه بتدور لي اي بعسيسه تفعلي مشكله وانا قد بيندعممها ولا اعبرها ت
تشتي اشتكي بها لعند أبي تردها فوقي وأنا ولا وصلتها لهدفها 😔..


نوال : مارايك لو تتزوج وتجي لك صنعاء وتشتغل لك هانا بس .


طارق : الزواجه يله دوري لي ع يدش خالتش دورت لابنها وانا قالت ازوج نفسي وابوش مراعي يصيح فوقها وانه قلي خلي خالاتك ولا احد يبسرلك مره قلتله يوووه 😱 واخلي احد وخالتي قصدي امي الثانيه موجوده مايسبرش ماعيقلوا علينا الناس قلي مع بعدا ماتعجبكش المره ولا شي وتردها فوق مرتي ..



نوال : ابرد لك منها بس يا اخي والله مانزوجك الإ بست البنات بس المشكله أني معرفش أحد هانا الاساميه ...


طارق : خلاص زوجيني بتيه ساميه 😉 وغمز لها ..


نوال : ضحكت هههه 😂 قدهي مزوجه ومعاها ولد ..


طارق : ضحك هههه 😂 مابش ساميه ثانيه من هنيه ولاهنيه دوري لي يا اختي مابش معاها خوات ...


نوال : بتضحك 😂 لوتبسر محلاني قد كنت بينجابر نفسي حين قالت عتجي هي وامها وخواتها عندي أبسر لاهن حاليات اخطب لك منهن وانهي الكبيره في اول ثانوي والثانيه اصغر ..


طارق : بيقلد زاعل 😔 شكل اخوش عيرجع يودف بواحده ع ذوق خيريه وضحكوا الاثنين ههههه 😂😂😂😂 ...




@qesasanani

بارت 69


العشي 🌚 .


في بيت الحج عبدالله ..


اماني : بتلاحق جهالها ملان البيت تعشيهم 🍛 ..


سميره : بتتفرجها بضبح و تتأفأف 😤 ماهو هذا الجنان امانه لما سكتي جهالش وجلستي ابنش جنبش تاكليه قد مهدتوا البيت كله عادنا مسحت المفارش ..


اماني : سنبت عرض الباب والصحن في يدها 🍛 يووه حين قد جينا اليوم نرقد قد عنمهده قلي ماعتشتيش اجي بيت أبي وخلاص ..


اماني : عصرت عيونها 😏 انتي حره افهمي كيف مشتيتي فلتتها وخطيت 🚶🏻‍♀ ..


أماني : اقتهرت وقامت شبحت ابنها وبتضربه 😡 أجلس هانا تعشي بأدب عجبك هكذا الرزوعه بالكلام ..


ابن أماني : بيبكي😭 ..


الحج عبدالله : عادهو روح هو ورزق من عند عادل روحه معه اليوم .. دخل ع بكاء 😭 ابن أماني ... مسكه يسكته مالك ياحبيبي بتبكي ..


ابن أماني : ماما ظربتني 😭 لان خاله سميره قالت عنمهد الفراش حقكم ...


الحج عبدالله : هز رآسه آح منش بس ياسميره .. مسكه بيده👋🏻 .. يله جي معي ياحبيبي اديلك لوز وجعاله من غرفتي ..


ابن اماني : فرح 😃 وسكت ..


..... ...... ......



في الحديده ...


عبدالصمد : سامر نخزن مع سمير وعآمر .. إبسر محلاك الليله بيننا 😃 مابعدا طلعت ولاعد نزله .


سمير : ما انزل افعل عندكم اتجعجع ساعك لامره تبسرك ولا تأكلك قدنا بينهم هذه اليومين وبعدا قدوذا انت وعامر بتبسروا العمل خلوني افتهن 😜 ..


عبدالصمد : هيا ناهي لك عيتجعجع امد يومين مالك الإ اقتلب لك طباخه هههه وبيضحك 😂 جالس كبير بطن من أيام الجامعه .


عآمر : وليش تقتلب له طباخه الله يحفظ الوالده تكون تفعل لنا الأكل للمفجوع هذا 😜 ..


سمير : مابلا الصدق بيني وبينك أنا أشتي أزوج الرجال هذا ماعيجلس هكذا يمكنها فهنه ليحين ..


عبدالصمد : ذكر نوال وطنن شويه 🤔 ...


عآمر : بيأشر له بيده 👋🏻 ييييه يا هو نحن هنا أين سيرت ...



عبدالصمد : 😌 بيحاول يبتسم هآه معاكم معاكم ..


سمير : حب يغالط الموظوع لانه حس ان عبدالصمد تذكر حبه القديم 💔 لأن عارف ان عبدالصمد كان بيحب بنت عمه وحصلت مشاكل بين الاهل .... ذلحين يله ياطباخه قوم افعلنا عشاء 🍛 قدنا جاوع ...



عآمر : لا والله ان عشاكم عندي الآن اتصل للوالده تجهز لنا عشاء 🍲 ..



...... ....... ........


في بيت عادل



عادل : هيا مه رقدت 😴 ..


تهاني : بعد كرهن قد بكيت لما قالت بس 😭 ع رزق .. وبيني وبينك وانا والكل والله ان قدنا زاعله عليه قدتعودنا عليه بيننا ..


عادل : الله يسخر له هذا الولد مسكين كيف بيتشحطط بعد ما ماتت امه 😞 ...




....... ....... ......


في الحاره ..


محمد : بيدقدق لمنير ✊🏻 هيا عتجي ..


منير : خلاص راعي شويه قد ابي فالغرفه وشخرج لك نسير .

محمد : يله تمام .. قد شليت داير السياره حق أبي ومشو داري علاسب نسمر عندهم براحتنا ونروح .



منير : اهم شي انت متأكد انهم عيال محترمين ...


محمد : أيوه أكيد الله المستعان وبعدا هم اليوم قالوا عيدوا فنان يسمروا قد الخبره كلهم جمعوا زلط فرقوا انت غر اقطب بس ...



...... ...... .....

في الحديده ..


في بيت حسين ..


حسين : اليوم ابي اتصلوا لي يحاكوني 📱 في موظوع .


احلام : خير مالهم اولهم شي 😳 ..


حسين : بيشكوا لي من سميره وعمايلها ومابتفعل برزق وقالوا قد قرروا يتزوجوا تجي لهم مره تبسرهم وتراهم يبسروا مارائي..


أحلام : أيوووه 😳 وانت ماقلتهم ..



حسين : قلتلهم يتزوجوا ع راحتهم انا داري بوضعهم وداري كم بيحبوا امي الله يرحمهم وان زواجتهم علشان رزق ويلقوا من يبسرهم ..


أحلام : الله يعينهم ويسخر لهم مره ساع الناس تحب رزق وتوبه له ..



@qesasanani

بارت 70



يوم الجمعه ...


فوق الغداء 🍛🍲.

سميره : ياأحمد قيمت اخوك مدري ماله اليوم ولارضي يقوم حتى يصلي شكله مريض ..


أحمد : بسخريه أيوه أيوه تاعب قوي مسكين سامر طول الليل من التعب 😁 ..


الحج عبدالله : عيس يابنتي انش اليوم موجوده ..


أماني : 😃 فرحت تخايلها ان ابوها عجبه انها جت غسلت لداته وكوتهن. .. ايووه يا ابه ماذلحين شاكن أجي كل اسبوع ابسر حاجتكم انتوا ورزق ..


الحج عبدالله : ضحك بحسره 😌 وهز راسه ... عادش ذكرتي يابنتي قدامش عتكمل سنتين من حين ماتت وانا مشتوت عاد واحلام كانت هانا ماكنتش احس مامن حين سافرت والله اني حنبت ..


عبدالكريم : لفت لسميره وبهرر فوقها 🙄 أو مابتبسريش حاجه ابي ..


سميره : افتجعت 😰 هآه الإ الإ غر عمي الله يهديهم بيستثقلوا نفسهم ويشلوا لداتهم المغسله ...



الحج عبدالله : ماعدبش داعي ماذلحين لمغسله ولا لشي انا قد اتصلت لاخوكم حسين وهو موافق ورزق قد قلي أيوه تمام موافق قدنا شتزوج ...



أماني : 😱 خفعت وشها ... يوووووه أيييييش تتزوجوا ...



عبدالكريم : حط الملعقه من يده 🍴 زواجه مه يا أبه لا انتوا ع حاجتكم وسميره هيذا هاه مايفعلوا بها ...


سميره : ساكته ضابحه بتهز رجلها 😤 ..



رزق : ايوه تجي ماما توبه لي بدل مرتك هذه الشريره 😈 قدنا قلتلهم ايوه قدنا موافق .


آيه : 😡 رجمت رزق بالملعقه 🍴 مشي امي شريره ياقليل الأدب ...


أحمد : مسك يدها ولطمها 👋🏻 عيب ياقليله الأدب عمش ..


سميره : دهفته رزي اختك عتضربها 👋🏻 علاسب واحد من الشارع يعلم الله ما اصله ..


الحج عبدالله : صاح 😡 بقوووه .. عبدالكريم .. عتأدب مرتك وتسكتها مشتيش امد يدي عليها الان تشلها بيتهم حرام ماتمسي لي في بيت و لفلف حاجتكم وسير انت وياها البيت الثاني شاخرج المستأجر ..



رزق : مطنن في كلامها 🤔 ليش بتجلس تقلي هكذا ابن شوارع ودور أمك ليش تكرهني هكذا فلتهم بيتصايحوا وخرج من البيت يسير عند معاذ 🚶🏼 ....


أماني : بتهديهم .. يا ابه خلاص مشو قصدها فلتت الكلمه عليها ..


آيه : بتبكي من احمد 😭 ..


سميره : مسكت يد بنتها 👭هيا اخطي نرحلنا ملعون من زد يجلس في هذا البيت ...


عبدالكريم : مسك راس ابوه بيبوسه 😘 يا ابه خلاص مالكم الا مايرضيكم اهم شي لاتخرجونيش من البيت ...


الحج عبدالله : لاتفتجعش حاجتك كلها عتوصلك بس مرتك انا ماعد قدرت لعشره معاها تحت سقف واحد .. شل كوته 👕 وخرج ..


........ ........ .........



في بيت عادل



رزق : بيدقدق الباب 🚪..


تهاني : بتغسول فالمطبخ .. بتداعي ياهبه افتحي الباب ..يامعاذ ..


هبه : جالسه في حضن عادل بتتشرط عليه تشتي يشلها تشتري فستان مكوش 💃..


معاذ : قام فتح الباب 🚪 ابسر رزق وابتسم 😃 اهلا امس العشي ضبح لانك مابحد ..


رزق : بزعل موطي رآسه 😔 ليش سميره تجلس تتصايح مع ابي وتجلس تقلي ان انا ابن شوارع واسير ادور أمي ...


معاذ : اتفاجاء هآه 😳 يشتي ينسيه الموظوع .. هي هكذا قليله ادب حتى انا تجلس تقلي هكذا .. هيا ادخل ...



عادل : بيصيح .. هيا من في الباب 🚪 يامعاذ ..

معاذ : هذا رزق جاء عندنا ..

هبه : نبعت من حضن ابوها 😃 فرحت هيه هيه يله والله لاتخرجونا السوق نشتري لي فستان مكوش اوقع عروسه وبدله لرزق ..


معاذ : يله تمام..شاخليهم يخرجوكم قومي شلي رزق غرفتش والعبوا ...


هبه وزرق : ساروا غرفتها يلعبوا 🎨🎭🎸🎲🎮 ..


معاذ : بيحاكي عادل . هذا شكلهم تصايحوا في بيت عمي عبدالله قال رزق ان سميره قالت له انه ابن شوارع ويسير يدور امه ..



عادل : كان شاقوم ابسر عمك عبدالله وانت لاعصر شل أمك وخرجهم السوق بس اخطي دلا دلا بالسياره 🚘 قد اسمي وعدت اختك ...



... ...... .......


في الحديده ..


في بيت عآمر ..


سمير : ماشاء الله ع اكل مع امك ياعامر ذلحين دريت ليش عبدالصمد مايشتيش يتزوج رآكن وبيضحك هههه 😂 ..



عآمر : بمحانكه 😜 ماذلحين قدهو بيزنط ع اكل امي قد معه بيت حسين ..


عبدالصمد : خفعه بالوساده 😃 الله يقلعك ماسخاني عليكم بس هم أكلهم من حقنا ..


سمير : مستغرب من حسين 😳 ؟


عبدالصمد : هذا المدير حق الجمارك الي فالميناء الجديد الي قلتلك عليه ان شاء الله غطوه نعرفك عليك ..




@qesasanani

بارت. 71



في بيت حميد ..


عم حميد : لاتصدقهاش يابني قوم رحلك بس لاتتاخرش وانا شرجع اخرجها للسوق ..


طارق : اسهل شاخرجها بساعتي هي بتخزا منكم تجلس تقلكم تخرجوها وقدهو مع الطريق اشتي اشتري لي حاجات 😌.


عم حميد : الله يهديها أختك جالسه بتخزا 😊 مني وماتجزم تطلب شي مع اني والله مابينعتبرها الإ بنتي .. كانت قبل ماتظهر في حياتها من جديد طول هذه الفتره ماتقلي تشتي شي كنت انا من نفسي ما اسخاش عليها ..



طارق : هي نوال هكذا ياعم حميد مشو بس لكم والله انه حتى أبي ماكانت تطلب منهم شي مابلا لاهي عتطلبني أنا ...


عم حميد : الله يحفظك لها ويخليكم لبعض 😃 ...


طارق : أمييين يارب 🙌🏻
هيا ادعوها لي هي وخاله تقيه لانتاخرش ..



...... ........ ......


في بيت الحج حميد ..



أماني : بتهدي سميره ... يا اختي خلاص لاعاد تكبريهاش وتسيري بيتكم ابي طيبين سيري اعتذري منهم وبس ...



سميره : بتدخل لداتها 👗👚👖 في الشنطه .. لا شاسير اعتذر ولا أنا غلطانه أنا ما ضبح عمي يمكني اخرجي من بيتي تمام قدوذا شخرج ويفتهن سوى هو ورزق ..


أماني : الصدق يا اختي والله ماكان يسبر تقلي هكذا انتي غلطتي قوي ..


سميره : بضبح 😤 عادنا غلطانه اومه .. هيا أنا ماقلت اﻹ الصدق ولا كلمه الصدق بتوجعكم .. قدوذا شارحلي وانتوا افتهنوا من مره ...




أحمد : في الصاله ... يا أبه ذلحين ماهو كيفه عنخرج من هانا عنسير بيت سيدي ...


عبدالكريم : خلي امك تسير هي وآيه بيت سيدك واحنا عنجلس هانا أمد مايخرج المستأجر وعننقل البيت الثاني ...


أحمد : بس يا ابه انا مشتيش اخرج من بيتنا هذا وحارتنا ولدت هانا اصحابي ومدرستي 🏫 ..


عبدالكريم : قدهو احسن يابني نهجع لنا من الجنان والمشاكل حق أمك وجدك ...


سميره : خرجت من الغرفه بتسحب الشنطه 👜 وفي يدها آيه .. يله قوم وصلني بيتنا ...



عبدالكريم : شل الشنطه 👜 وهو ساكت وخرج ...



......... ....... ......


في بيت عادل ..



تهاني : تمت تغسول ودخلت للمكان ... 😱 يوووه اين جاء أبووك ..



معاذ : خرجوا يبسروا عمي عبدالله اظاهر انهم تصايحوا مع خالتي سميره لأن رزق قلي انها قالت له انه ابن شوارع ويسير يدور أمه ...


تهاني : فتحت عيوونها 😳 يوووه حسبها الله ماهذه المره الله يكفينا شرها ..

معاذ : خلاص انا شاسير لعند منير شويه أمد ماتتجهزوا قالوا أبي أخرجكم السوق تشتروا فستان 👗 لهبه ولرزق الي يشتي .



.... ........ .........


في الحديده ..


حسين : بيتصل لعبدالصمد 📱.

عبدالصمد : رد عليه 😃 حيا الله بمن بيتصل هذا عمرك طويل يارجال ..


حسين : خير .. شكلك بتحش عليا انت وعامر 😉 ..


عبدالصمد : ضحك هههه 😂 لا والله مابلا المدير حقنا الي قلتلك سمير عندنا فالحديده وكنا بنجابره منك بنقله نعرفه عليك وانت اتصلت .


حسين : ابتسم 😃 هيا يله مدام هكذا مراعي لكم تجوا تخزنوا عندي ..




@qesasanani

بارت 72



في المحل ..

عادل : ذلحين قوم نخطى🚶🏼 لنا البيت ماعنجلس وسط المحل ..


الحج عبدالله : رحلك بس يا ابني والله ماقدرت اسير بقعه .. اليوم ضابح شقرح أصلا قد رزق في سن يبداء يفهم فيه واكيد الكلام هذا عيبدأ يدخله في نفسه 😔 ..


عادل : اطمن قد معاذ غالطه وقله انها بتقله حتى هو هذا الكلام .. ذلحين قوم نخطى لنا البيت والله ما اخطى الا ورجلي ع رجلك 🚶🏼..



....... ....... .......


فوق السياره 🚘 ..


سميره : فارحه 😃 يووه مقلع حين قد عنخرج من البيت أخيرا عنستقل وحدنا ..


عبدالكريم : قصدش عتحمليني حمل فوق طاقتي قد كنت فارح شفتح المحل واترزق سوى ذلحين بيت وهم ومصاريف 😤 ..


سميره : وأبوك مايفعلوا به اوذا قال عيكون يدي مصاريفنا وحاجه الجهال اهم شي قد شخرج وحدي.


عبدالكريم : ايوه قصدش فالخرجه بيت وحدش ونسيتي إن أبي يشتي يتزوج ويزيد يدي لنا جاهل شق رزق .


سميره : اصلا هو قدهو مقرر يتزوج سواء جلسنا فالبيت ولا خرجنا . مارائيك 🤔 لو تطلع خالتي رجاء في باله قد اسمها مطلقه ومابتديش جهال نضمن انه مايقع له جهال بدل مايسير يتزوج لنا بواحده ثانيه ...


عبدالكريم : طنن في كلامها 🤔 ..


..... ..... .....


في الحديده ..


حسين : ولو قدنا شتعبش ياروحي لوسمحتي وضعي لي الديوان عيجوا اصحابي هولاك يخزنوا عندي 😃 .


أحلام : طيب حاضر من عيوني 😃 وعيس انك تعرفت عليهم بدل ماكنت تجلس وحدك مطنن فالبيت مع انه زوج امل هانا بس مشو اجتماعي ..


حسين : هذولاء محلاهم صدق وزيد اليوم عيجي معاهم صاحب الشركه والكل اتعرف عليه 😁 ..



...... ...... .......


في السوق ...

معاذ : خاطي وفي يده رزق 👬.


هبه : ماسكه يد امها 👭 بتخطى وهي بتتلفت للمحلات تدور فستان مكوش ..



في الجهه الثانيه فالشارع 🛣 ..


نوال : بتحاكي طارق ابسر هذك البالطوه 👆🏻 شكلها حاليه جي ندخل ذيه المحل نبسرها ..


تقيه : يابنتي قدهي منقشه قووي ولا مع ..


طارق : ضحك 😃.. اسهل ياخاله خلوها لاقد عجبتها هي قالت تشتيها لماتكن تسير عند صاحبتها مشي للجامعه ...


دخلوا المحل وبيتفرجوا البالطوهات ...



معاذ : بيتلفت للمحلات إبسر فستان في محل 👗 ... هيا جوا نبسر هذك الفستان لاهو عيعجب الدلوعه حقنا ..


تهاني : أينهو بقع ..


معاذ : في هذاك المحل الي جنب محل البالطوهات ...



هبه : حملت دخلت المحل وبتتدلع .. لوسمحت وريني هذاك الفستان المكوش 👗 ..


تهاني : دخلت بعدها وبتضحك عليها 😂 اسكه لو سمحت يا اخي ورينا هذا الفستان ..


معاذ : ابسر عربيه بتبيع جعاله جنب المحل 🍡🍭🍫 وقف يجعل لمعاذ وهبه .


🌹meme _ abdalgaleel


@qesasanani

بارت 73


في بيت عادل ...


الحج عبدالله : ذلحين خلاص يابني مدام وقدنا شجلس وحدي قدهو ضروري ابسر مره في اسرع وقت.


عادل : الله يكتب لك الخير ويرزقك بمره تجي تعوضك ..


الحج عبدالله : ماذلحين والله اني شاشغل تهاني تخرج تتفرط وتسال النسوان ماشركنش ع احد الإ عليها ...


عادل : ولو شغلتها مافيها هي بنتك بكم تجي لها واحده توالها ماذلحين ماعدبش معاها احد بعد ماسافرت مره عبدالكريم ...


....... ....... .....


في الحديده ..


في بيت حسين ..


سمير : آها يعني انت ابن الحج عبدالله ال*** ..


حسين : أيوه .. ليش تعرفه ؟؟


سمير: مش معرفه شخصيه بس ماشاء الله اسم الحج والمحلات حقكم والمعطاره مشهوره قوي في صنعاء القديمه كنت اسير وانا صغير مع أبي يتصرقوا من عنده ويعجبهم حقكم مرب التفاح 😊 .


عبدالصمد : هيا مدام شهره محلاتكم هكذا نشتي نرجع نطلع نجرب حقكم المرب ..😊


حسين : من عيوني نرجع نطلع يومين قدهو المره تبسر اهلها واطمن ع ابي ..


..... ....... .......


في السوق ..


في محل البالطوهات ..

طارق : بيحاسب الرجال ..


صاحب المحل : والله مابه معي صرف ابسر لوبه صرف عند المحل الي جنبي 💴.


نوال وتقيه : جالسات بيتفرجين فالمحل ..


طارق : خرج يصرف 💴 أبسر قدامه معاذ ورزق .. مسك معاذ من وراه كيف انت ...


رزق : ابسره وفرح 😃 معاذ هذا عمي طارق .


معاذ : بيسلم عليه 👋🏻 كيف انت ..


طارق : الحمدلله 😃. مابتفعلوا وحدكم هانا ...


معاذ : خرجنا احنا والبيت السوق ..

طارق : آها سلم لي ع الوالد أمانه ..صرف الزلط من صاحب العربيه 💴 واشترى جعاله لرزق وحبه 😘 ..



تهاني : بتأشر لمعاذ يجي قد كملت تشتري الفستان 👗 ..

معاذ : استأذن من طارق وخطي هو ورزق ...


تقيه : اسكه يابنتي ابسري اخوش ماله تأخر مازد جاش 🙁 ..

نوال : طيب حاضر الآن .. وخرجت من المحل ..

طارق : ع دخلته 🚶🏼 هيا وين عتسيري ..


نوال : خرجت ابسرك مالك تأخرت ☺ ..

طارق : لقيت 😄 هذاك الولد الي كان ضايع خارج هو واهله مدري مابيشدني ليه هذا الولد حتى بنت جيرانهم ..


نوال : ضحكت 😂 ههه مابلا قد شكلك بتتحيلا للجهال اسكه وريني اينهو ...


طارق : بيتلفت يدورهم ابسرهم عند السياره 🚘 .. بيأشر لها 👆🏻 هذولاك الي عند السياره .


نوال : بلتفت تبسره .. ع غلاقتهم باب السياره 🚘 ..


طارق : يله خلاص مابش لش نصيب تبسريه ادخلي نحاسب الرجال شرق عليا عادنا اشتي اروحكن واسافر لي 😃 ...


........ ...... ......

في ذمار ...


خيريه : جالسه عند صالح مخزن .. بتقرح اصابيعها في فمها كلام 🤔 ..


صالح : مستغرب ..🙄 هيا مال القمر حقي ساكت اليوم مشي عوايدش ..


خيريه : مابلا بينفكر 🤔 في ابنك مامعه هذه الفتره كوده بيمكنها طلعه صنعاء ...


صالح : هآه هو قد معه عمل هو وصاحبه هذاك الي دورلنا نوال وعبدالصمد ..

خيريه : هزت رآسها .. هآه 😏 يعني قدهو ماشاء الله عيقع معه زلط خيرات هيا خليه يزوج نفسه أحسن مايلعب بها ...



صالح : ماقدبش ماعمل سوى عادهو بيشكي لي اليوم الاول قال بيفكروا يغيروا المشروع حقهم ..




@qesasanani

بارت 74


بعد شهر .....


عبدالكريم : بيخرج لداته وحاجاته عينقل البيت الثاني 🏚..


أحمد : زاعل 😔 يا أبه أنا مشتيش أخرج من بيتنا شجلس عند جدي ..


الحج عبدالله : خطي لاجنبه 🚶🏼 ومسكه من كتفه .. خلاص خلي هذا الولد عندي ..


محمد : دخل من الشارع ... هيا ماعاظ به قد خرجت الشنط 👜 كلهن ..


عبدالكريم : بيتفرج للحج عبدالله والله ماكان نفسي نفلتكم وحدكم ولانخرج من البيت بينهم من عيوبه لكم لكن مفعل هذا قراركم .



الحج عبدالله : ولا يقع بنا شي قدهو هكذا احسن يابني من كثر المشاكل والجنان وبعدا قدوذا بيندورلي مره واخوك حسين قال عيطلع احلام ويزن قد كمل يمتحن عتجلس طول العطله امد مااتزوج ..



عبدالكريم : ذكر كلام سميره 🤔 لايزيد يجي له اخ ... مارائيكم يا ابه في خاله سميره رجاء مسكينه مطلقه ومازد احد جاء يخطبها لأنها مابتخلفش وعايشه عند اخوها بعد ماتت أمها ...


الحج عبدالله : ماهو 😦 من طرف مرتك مع مع إسلم مشتي ولا يكفي قدنا مفتهن عترحلها من عندي عادك تشتي تدي لي خالتها ...




....... ....... .......


في الحديده ..


أحلام : يوووه الحمدلله 😃 كم قدنا فارحه حين عنطلع صنعاء .


حسين : ايوه افرحي لش بس وأنا شرجع وحدي أتجعجع هههه 😂..


أحلام : هيا ناهي لك قدنا راكنه ع أمل ماعتكنش تفلتك وزيد قدوذا معك اصحابك هولاء عتتواله معاهم ..

حسين : يوووه 😦 ذكرتيني صدق اتصلهم هم قالوا لي ارجع اقلهم لما اطلع صنعاء يشتوا يرجعوا يجوا يغيروا جو ويجربوا معي مرب التفاح حق المعطاره حقنا ..


يزن : فارح بيجهز 😃حاجاته .. هيا يابابا عتخرجوني السوق اشتري هديه لرزق ومعاذ وهبه ...


أحلام : أيوه صدق نشتي نخرج كلنا ونشتري حلاوى ومشبك واشتي حناء وتتن لأمي 😃 ...



حسين : يله تمام اقطبي قربي لنا الغداء 🍜🍲 ونخرج نكمل ماعاد نشتي ونبكر نطلع صنعاء فجر .



........ ........ .......



ثاني يوم وقت الظهر 🌞..


في بيت عادل .


عادل : هاه روحي لش القوى عادنتي تشتي شي 😄 ..


تهاني : ولك العافيه .. إسلم قد كلشي جاهز ماعاد باقي الإ اقرب لما تقلوا لي ...


عادل : قد إتصلنا لحسين قال قدهم في بني مطر يعني شويه ويوصلوا ..



معاذ : دخل للمطبخ وفي يده أكياس ملان فواكه 🍊🍐🍎🍋🍌 هاه امه هذولاء ادوهن عمي عبدالله ودخلوا الديوان ..


تهاني : يوووه والخزا للمه تشلهن كلشي موجود ☺ ...


عادل : خطى 🚶🏼لعنده .. ماهو هذا ياحج للمه مايسبر الإ بالشغله ..


الحج عبدالله : هيا ناهي لك اين شغله والله مابينشغلكم الإ أنا قدلي شهر وأنا عندكم وتهاني الله يرضى عليها مابينروح الإ وقد رفعت البيت وغسلت الملابس .



عادل : ولو لك عيوننا والله مانتاخر عليك. قدنت ابونا واخونا وكل أهلنا في صنعاء ...


الحج عبدالله : وانتوا والله إن قدنتوا أغلى من عيالي .. ذلحين اين جاء رزق ماقد ابسرتش من الصبح ...

عادل : ضحك هههه 😂 مدري مابيجهزوا ليزن قالوا حفله مفاجاءه بينبسر معاذ معاهم من العشي بيشتري لهم شبيب والصبح سار يشتري لهم تورته 🎂 ..



الحج عبدالله : ضحك ههههه 😂 الله يخليهم لبعض .. هيا زيد اتصل لحسين ابسر اين قدهو قدنا جاوع وخلي معاذ يدعي احمد انا فداله هذا الولد كيفهو عليا انا ورزق بعكس اخوته ...





@qesasanani

بارت 75


بعد العصر...


في ذمار ....


مجموعه من الرجال والمشايخ مخزنين في بيت صالح ...


صالح : 😤 بضبح ماشي ولا تحاولوا ولا اشتي أزيد احاكيه ولا ابسر صورته ...


شيخ : يا شيخ صالح الله المستعان قد دسعنا فراشك وجينا نتوسط عندك وتردنا هكذا ...


يونس : بيتفيضل . . 😖 ويتحاكى بصياح كيف تشتوا أبي يسامحه وهو شل حقه المفروض أبي هو الي كان يقع الشيخ بعد ابوه...


الشيخ : لفت لطارق .. يا ابني سكت اخوك أنت العاقل بينهم احنا جينا نهدي الأمور مش نشعلها 🙁 وبعدا انتوا كلكم داريين أن هذك الفتره أبوكم كان معه مشاكل خيرات مع اهل القريه ورفضوا انه يطلع الشيخ بدل جدك الله يرحمه واختاروا عمك ...



صالح : 😡 بصياح ... مابلا قصدك اخي اتفق معاهم عليا .. ذلحين خلاص ماعد به قدوذا شيخ القريه وخطى الي في راسه ماعاد ذكره يجي يشتي يصالحني ويوسطكم ...


الشيخ : إحنا جينا نتوسط من نفسنا مايهونش علينا نبسركم أخوه ومتقالعين هكذا ومابش بينكم حتى ردود السلام ..


طارق : هو صدق ياشيخ عمر الدم مايرجع ماء وهم أخوه ومهما طال الزمن لابد ما يتصالحوا ...


يونس : خفع الماسه بيده 😡 اين يتصالحوا قد الي بيننا وبينه اكبر من مشيخه وورث وكلكم داريين ان ابنه هرب مع اختي يعني قد موظوعنا شرف وضروري نغسله بواحد من عياله ...


طارق : خفع راسه بيده 😱 لاحول ولاقوه الإ بالله ماعليكم من مجابره الأخبل هذا مالكم الا مايطيب نفوسكم ان شاء الله ياشيوخ ومانردكم خايبين ...


الشيخ : خلس جنبيته وصمادته طرحها في حضن صالح وهذا جاه الله عندك ماتردنا وتقبل وساطتنا ..


صالح : احرج منكم ☺جاهكم فوق عيني ورآسي لكن خلوني افكر فالموظوع واركم خبر ..


يونس : ضبح من ابوه 😤 خرج إبن أمه يحكي لخيريه ماحصل ..


طارق : بيودعهم للباب 🚪 ويسلم عليهم 👋🏻. إن شاء الله مانردكم خايبين ياشيوخ وجيتكم فوق رؤسنا ...

واحد من الشيوخ : الله يكملك بعقلك يا ابني الركنه ع الله ثم عليك 😄..



....... ...... .......



في بيت عادل ...


الرجال مخزنين واهل الحاره فالديوان جو يبسروا حسين ..



داخل في المكان ..


أحلام : يووه كم قدنا فاقده لش وفاقده لصنعاء كلها 😃 ..


تهاني : مش اكثر مني.. والله ان قدكنت احس نفسي ضايعه من حين سافرتي ..


أحلام : يله ذلحين معانا تيه الثلاثه الأشهر حق العطله نجلس فيها 😃 وبعدا عتتصاحبي أنتي ومره عمي الجديده ...


تهاني : يوووه والله اننا مقهوره عليهم من فعايل سميره وداريه انهم مغصوبين ع هذه الزواجه مايشتوش مره بعد خالتي فاطمه لكن مايفعل واحد قدوذا بتبسري كيفهم مفلتين 😔 ...


أحلام : وانا ساعش ..ذلحين قليلي مارائيش في تيك جاره بيت عمي الي زوجها قدمات ..


تهاني : يووه مع مالش 😦 هذك هرمه سمعتي ماكانت مره اخوها بتشكي منها مابتفعل بها من حين جت عندهم بعد موت زوجها ..



أحلام : كان كودحنا ندور ونسال الجيران ...



..... ..... .....


في غرفه هبه ..


البالونات 🎈🎈 ملان الغرفه والزينه معلقه 🎉🎊🎏 والعيال فارحين بياكلوا تورته 🍰 وجعاله 🍦🍫🍭 محتفلين با اخوهم يزن ويتجابروا ماكانوا يفعلوا وهو مابحد ولما ضاع رزق وهو بيجابرهم ع البحر 🌊 واصحابه حق الحديده كيف بيتحاكوا ويقلدهم ..😁..


....... ........ .......


في بيت عبدالكريم ...



سميره : بترتب البيت فارحه 😃 يوووه والحلا في هذا البيت ايوه هكذا نفتهن أبوك معه هذا البيت الحالي ومجلسنا في صنعاء القديمه ..



محمد : بيعاونها ويفرش معاها أيوه ريت والله واحمد الاخبل يجي يبسر هذا البيت 🏚جلس في هذك الحاره ...



آيه : ياماما وانا اشتي تشتروا لي غرفه حاليه احلى من حق رزق ..



سميره : أيووه ششتري لش الي تشتي ياروحي 😃 وشاسجلش انتي ومحمد في المدرسه الي ابسرناها في الشارع الثاني خلينا نفتهن ونتمتع بالزلط حق جدش ..





@qesasanani

بارت 76 ..


العشي 🌚 ...


في بيت الحج عبدالله ..

رزق ويزن : بيلعبوا ...


الحج عبدالله : سامر معاهم .. 😄 يووه محلا البيت وانتوا هانا ريت والله وتقدر ترجع عملك هانا ..


أحلام : بتتفرج لحسين وتبتسم ☺ ريت والله كما صنعاء قدهي وحدها ...


حسين : بيضحك عليها ههه 😂 قدوذا عتجلسي 3 اشهر هانا ماعادتشتي وتفلتيني وحدي ..


أحلام : افلتك وحدك ولا افلت عمي وحدهم ماشنزل الإ بعد ما نلقى لهم مره 😉 ...


حسين : بيمزح .. ماشي زوجناهم بعمتي 😜 ...


الحج عبدالله : بيضحك ههههه 😂 وعمك اين نجي به ..


حسين : نبسر له مره جديده هههه 😜 ..


أحلام : بهررت فوقه 😳 هيا خلي المره الجديده لعمي وفلت أمي وابي في حالهم ...


الحج عبدالله : بيضحك عليهم ومبسوط بوجودهم 😃 الله يفرح قلوبكم مثل مابتفرحوا قلبي ❤ ..



......... ........ .......


في بيت سمير ...


ساميه : يوووه الحمدلله اخيرا عطلنا 😄 والله ان الجامعه تعب ..


سمير : بيعاندها 😜 تستاهلي ياقمر قد قلت لش تعب عليش جامعه وبزا وبيت هذاك الي عادهي عزبه تقرى وهي مفتهنه مابش لاوشها شي ...


ساميه : يوووه 😱هيا ابسرت نسيت ما امكن صاحبتي اليوم حقها الصحون الي أدت لي فيهن اليوم الاول حلويات وكيك 🍰🍮🍩وقدهي إجازه ..


سمير : بيحانكها 😜 يوووه هذه القمر ادت لش حلويات وماطعمتينيش كيف أكلها انا مضايق ذلحين خليها تزيد تديلش هههههه ...


ساميه : ضبحت منه أووووف منك 😤ماذلحين والله ان قدنا مظايقه منك قوي مادخلك منها كل ما ادي سيرتها تمكني خباله هكذا شكلي شابطل مسايراتها من تحت راسك ...



سمير : يووه مع من الخباله ..هيا لكن محد يمزح معش والله ماغير يعجبني اعاندش بس😜 ... ويمكن القى لها زوج ولا اتزوج بها ههههه ...


ساميه : مسكت الوساده وبتخفعه 😤 بضبح ...


سمير : بيصافدها ويضحك عليها 😂 ...



....... ....... ......


في ذمار ...



خيريه : 😤 بضبح ... اوووو منك صدق عتصدق كلام الشيوخ وتتصالح مع اخوووك ...




صالح : والله مانا داري ماقلش يامره اني محتار قوي 🤔 في شي بينفكر انه هذا اخي مهما كان وبعدا الصدق هو ماغلطت عليا بشي لليوم ماقد سمعت منه موجعه ...





خيريه : بتعوج فمها وتمد يدها 😏 مافعل شششششي يكفيك فعله ابنه وفضيحتك قبال أمه لا إله الإ الله ...



صالح : تصدقي أوقات لما افكر أقل والله ما احرمت عبدالصمد من نوال وخليتهم يفعلوا هكذا ويهربوا الإ من تحت رآس عنادي ومشاكلي أنا وأخي وهم ابي الله يرحمه من يوم ماولدت وهو بيقل نوال لعبدالصمد وكبروا العيال ع هذا الأساس ...




🌹meme_ abdalgaleel


@qesasanani

بارت 77


مر اسبوع ومابش أي أحداث مهمه ...


في بيت عبدالكريم .....


عبدالكريم : كمل يبدل وبيمشط شعره قبال المرايه 🙍🏻‍♂ .


سميره : بتتحاكى بمغوجه ويدها في خصرها 😏 وأنا للمه مايقلوا لي أجي اتغداء 🍛 ولا قدنا قخه ..


عبدالكريم : بيحاكيها بضبح 😤 اصلا هي عزومه رجال مابش
نسوان ...


سميره : قربت لجنبه بتتريحم 😔 شلت المشط تمشط شعره ... ع الاقل تقل أحلام قدنا فاقده لسليفتي وتتصلي أجي أتغدى ذلحين أكيد ان قد تهاني الأوله رجعت هي أقدم مني ...


عبدالكريم : بعد المشط من يدها👋🏻 وشل الكوت حقه بيلبسه ... مابتشبعيش دحس ياروحي قد خرجنا وحدنا نفتهن وجالس الدحس بعدي بعدي يله خاطرش خرج وغلق الباب 🚪 ...


سميره : ضبحت 😤 ورجمت الحاجات الي فوق التسريحه .



....... ....... .......


في بيت سمير ...


ساميه : بتوضع الشال لسمير وتعطره ...

سمير : أنا فدال القمر حقي 😉 الي بتوبه لزوجها وتصلحه وهو عيسير يخطب ...


ساميه : دهفته .. اوووف منك احنا وحقك الخباله 😒 ...


سمير : مسك يدها وباسها 😘 ومنش صدق شسخى ع حقي القمر تيه ..


ساميه : بتتدلع ☺ أنت اصلا يعجبك تحانكني وانا الصدق بينقتهر بينهم لو ترجع تتزوج عليا صدق ..


قاطعهم صوت رنه التلفون 📱..


سمير : جاوب وهو مبتسم 😃 مسافه الطريق بس والله وانا عندك ...


عبدالصمد : يا اخي قدنا قاعف من كثر المراعاه وبعدا عيب عنتأخر ع الرجال اقطب هيا سعمنك حريو ساعه بتلبس ..


سمير : بيتفرج لساميه ويحرك لها حواجبه ☺ أصلا لو قدك مزوج ومعك قمر ساع حقي توبه لك وتعطرك وتصلحك عتدرى ماراس التأخير بس انت يارحمتي لحالك عزابي يله تلبس الزنه بغير كوى وتشعفل شعرك وتخرج. ..


عبدالصمد : بتنهيده 😔 يله اقطب مراعي لك انا وعامر ...



....... ...... .......


في بيت الحج عبدالله ...


تهاني : عندهن فالمطبخ بتعاونهن ..


الحج عبدالله : بيداعي من خارج يييه يابنات ماعدتشتين شي ...


أحلام : 😃 إسلموا ياعم كلشي موجود ..


أماني : يا ابه زد اتصلوا لعلي ابسروا ماله ماقد جاش ..


الحج عبدالله : اسلمين يابناتي لما يجوا شارسل لكن احمد ومعاذ يقربوا وعلي قدهو داخل وصل ع دخلتي لعندكن .



.... . .... .....

داخل في الديوان ...


عادل : آها .😃. يعني تعرفت عليهم فالحديده ...


حسين : أيوه بس ماشاء الله عليهم محترمين قوي .. 2 كانوا اصحاب من الجامعه وواحد تعرفوا عليه فالحديده ..


عادل : يله عيس انك لقيت لك ناس هاناك 😄 ..


معاذ : دخل لعند أبوه ... يا ابه اوذا شاسير أنا واحمد لعند منير بسرعه نقله لو يخرج معانا العصر .


الحج عبدالله : بس اقطبوا بساعتكم لويجوا الضيوف ..



عبدالكريم : وصل ودخل بيسلم عليهم 👋🏻 وجلس معاهم بيتجابروا ... وفتح موظوع زواجه أبوه ذلحين مازد فعلتوا يا ابه قد لقيتوا لكم مره .


الحج عبدالله : ماشي والله ان عادهن بيدورين .


عادل : صاحبي قلي به جنبهم واحده قدماتت امها وعايشه عند خالتها مره ابوها بس عادهي صغيره فالجامعه مارائيك ياحج ..


علي : إفتجع ع الورث لو تجي تدي جاهل ..😱 مالك ماهو من الخباله ماعتزوج عمي بجاهله يبزي عمي يشتي واحده عاقله توبه له هو ورزق مش بنت جامعه ..



عبدالكريم : قد قلتلهم والله خاله المره مطلقه ومسكينه جالسه عند اخوها ومابتعولش قالوا ماشي ...



@qesasanani

بارت 78



في ذمار ....


فوق الغداء 🍛🍲 ..


خيريه : ذلحين ياشيخ مارائيك لو نحدد العرس حق يونس قدهو وقت ماعد به ..


صالح : لما نلقى مره لأخوه قدهو عرس واحد ما يقلوا زوجنا الصغير والكبير عادهو عزب ...


طارق : بإبتسامه إسهل يا أبه 😄 لاقد اخي يشتي يتزوج زوجه. انا ماقد لقيتيليش مره مابش معي أم تدور لي كما لقيت لي مره شتزوج ...


صالح : بيتفرج لخيريه 😠 بقزازه دوري له مره وانتي قدهو عرس واحد ماقدرت للخساره حق العرس مرتين ..


خيريه : بخبث 😏 اصلا ياشيخ ابنك خريج جامعه وكوده في صنعاء ماعاد عيعجبش لاذوقي ولا بنات ذمار قدوذا كوده في صنعاء عند صاحبه ذيه الي بيقل يخليه يبسرله وان معه خوات عادهو احسن يخطب منهن ويعيش في صنعاء ....


طارق : لفت لأبوه .. يا ابه الشيوخ عيجوا يبسروا ردكم فالصلح مع عمي والوساطه حقهم بعديومين مارأئيكم🤔 قدهو يقع صلح وخطبه في نفس الوقت تخطبوا لي يسرى بنت عمي ..



يونس : نبع له من فوق الغداء 😡 ليش اصلا من قلك اني ابي عيصالحهم مابلا شكلك تشتي البنت و خليت الشيوخ يتوسطوا انت ..


طارق : بداء يتعلم من اساليب خيريه 😉 هذا الموضوع مايخصكش أبي اخبر مابيفعلوا مارجعش جاهل يعلم شيخ مايفعل
أبي يعرفوا القبيليه وشيخ مشايخ وداريين انه مايسبرش يردوا جاه الناس ويخرجوهم من وسط بيتهم بيتسامحوا ع قتل او ماقلتوا يا ابه ...


خيريه : 😡 ماعيصالحه ولا ولاقد تطلعها في راس ابوك انت مشو عليك ولاقد نسيت فعلت اختك وابن عمك ...


طارق : بهرر فوقها 😳 هذا الموظوع بالذات انتي لاتتحاكيش فيه وانتي فاهمه ..وغالط بسرعه لفت لابوه بابتسامه 😄وبعدا هذا الشيخ صالح شيخ ابن شيخ ماعيضحكش عليه المشايخ ويقلوا خطته مرته ..


صالح : بيفكر في كلام طارق 🤔 .. خلاص قفلوا الموظوع هذا أنا الوحيد الي لي القرار فيه .. وقام من فوق الغداء ودخل الغرفه ..


طارق : لحق بعده يحاول يقنعه ...




...... ...... .......


في صنعاء ..


فوق السياره 🚘..



عبدالصمد : يا اخي ماجاء بك من هانا أنت قلت انه قلك بيتهم في صنعاء القديمه ...



سمير : مانفعل للمره قالت مع الطريق أمكن صاحبتها الحاجات الي فعلت لها قدهي خازيه تشتي ترد حقها الصحون 🍛 ..


عآمر : وانا بينقل من اول بينشم جنبي شم حالي وخازي أسال حق منهو 😋...


عبدالصمد : هيا اقطب لاتأخرنا ع الناس خزا منهم ...


سمير : خلاص وصلنا هذا بيتهم 🏚الي بابه اسود اتصل 📱للمره تقلها تخلي ابوها يخرج لهن بساعتي هاه ..



....... ....... ..... .


في بيت حميد ...


نوال : يا ابه ولو قدهو خزا منكم لوتقطبوا تصلوا بساعتكم تشلوا الحاجات من زوج صاحبتي ادت الصحون حقنا ...



حميد : بيصلي بياشر لها براسك .. الله اكبر ...


سمير : فتح باب السياره 🚘 وبيشل الصحون 🍛 من عامر ...



عبدالصمد : تشتي انزلهن معك قد ماشاء مرتك فعلت اكل لعزومه 😉..


سمير : بيضحك هههه 😂ايوه وتبسر بنتهم قالوا قمر بكم لاهي عتعجبك نزوجك بها ...





معقوله 🤔اليوم عبدالصمد وحميد يلتقوا ببعض ويعرفه وايش عيحصل بينهم ... توقعاتكم ..



🌹meme _ abdalgaleel


@qesasanani

بارت 79


في ذمار ..


طارق : هيا ماقلتوا يا ابه فكرتوا🤔 في الي قلته لكم ...


صالح : والله ماعد دري حالي يا ابني في شي اقل هو اخي وعمر الظفر مايخرج من اللحم واذكر ماقد جرا بيننا ومافعل ابنه وارجع اقل مع ...


طارق : لكن يا أبه عمي مادخله بفعله عبدالصمد اوذك هو في نفسه كان يدورهم .. .



صالح : 🤔 لكن تقل عمك عيرضى يدي لك يسرى ويزوجك بها ...


طارق : 😃 لا قدنتوا عتتصالحوا للمه عيقل ماشي وقرب يحب رآس ابوه 😘 أنا فدال الشيخ حقنا الي مابش اطيب من قلبه ولاعيرد الشيوخ ويسود وجهه بين القبايل ..



صالح : اتصلي للشيخ ابو احمد قله قبلنا بالصلح ...



طارق : 😃 فرح وخرج تلفونه 📱 بسرعه يتصل للشيخ قبل ماخيريه تدخل وتغير رأي أبوه ...


...... ...... ......


في بيت الحج عبدالله ..


الحج عبدالله : هذولاء خبرتك تأخروا ولا بيتخايلي ...


حسين : هو عادهو سمير عيسير يدي عبدالصمد وعامر من الفندق وبعدا يجوا لاهانا ...


عبدالكريم : كان ادخل ادي لنا طاسه مرق 🍵 نشربها امد مايجوا ..


حسين : دعى يزن ورزق يدخلوا يدوا لهم مرق 🍵 ..



في المطبخ ...


أماني : والله ماكان يسبر كلنا مجموعين هانا وسميره ماتجيش 😒 ..


أحلام : عمي حالفيين يمين ماتدخل لهم بيت مانفعل .


تهاني : بيني وبينش والله انه أحسن ولا به واحده عاقله تسبر تقل لرزق هذاك الكلام وتقله يسير يدور امه وتعامله هذك المعامله ...


أحلام : 🤔 ماناش داريه مالها كانت تكرهه هذاك الكره كله .


أماني : بيني وبينكن هي كانت تقل جاء من يقاسمنا فالورث وكانت تعلمني انا والكل 😔 لكن الصدق أنا ماعد سخيت فيه ...


رزق ويزن : قاطعوهن قالوا الرجال تسكبوا لهن مرق 🍵 ..


احلام وتهاني : تباسرين افتجعين لوهم سمعوا 😰 ..


أماني : أيحين جيتوا 😬...


يزن : عادحنا جينا ندي لهم مرق 🍵 ...

أحلام : ماسكه الصحن والطيسان .


تهاني : بتسكب مرق .. سيروا ادعوا احمد ولا معاذ يجوا يشلوه حامي عليكم عتحرقوا 🍵..



رزق : معاذ مابحدهو خرج هو واحمد لعند منير ..

احلام : خلاص ادعي ابوك يايزن يجي اناوله المرق 🍵 ...



....... ...... ......

عند بيت منير ..


أحمد : مسنب فالرصيف هو ومعاذ..

منير : جالس فوق الحجره وبيخفع القاع برجله ...


معاذ : هيا من الطاوي 🙂ذلحين عتخرج معانا اومع ...


منير : بفجيعه 😰اصلا محمد اتصلي أخرج معه ولو مخرجش معه عيفعلي مشكله .


أحمد : مابه بينكم بينحسك اخر فتره ماعد بتصداش تقل لمحمد ماشي وقدنتوا اصحاب قوي قلنا لك بطل مسايرته عيمسخك ..



معاذ : مد يده لأحمد 👋🏻 جي نرحلنا خلاص وهو حر خليه يساير محمد لما يودف .. مسك احمد وخطيوا ...👬..



...... ..... .....


في بيت حميد ..


نوال : 😱 يوووه والخزا ابي حميد حميد ماكملوش يصلوا وامي تقيه فالحمام والرجال مراعي أحمل البس بساعتي واخرج اشلهن منه أنا ..


عبدالصمد : خرج رآسه من الطاقه بيداعي سمير هيا وين جو هذولاء عنتأخر دقدق سوى ✊🏻 ولا مفتجع للقمر تنكز 😜 ...


سمير : كيف تشتي ازيد افعل اكسر الباب 🚪 ..


عبدالصمد : بيضحك عليه 😂 هههه هيا راعي اوذا شنزل اعلمك كيف يدقدوا ...


نوال : لبست وبتخطى للباب 🚶🏻‍♀ تخرج تشل الحاجات من زوج صاحبتها ....



معقوله اليوم نوال وعبدالصمد يلتقوا بعد غياب كل هذه السنين وتجمعهم الأقدار من جديد 🤔 ..



@qesasanani

بارت 80



في بيت عبدالكريم ...


سميره : بتداعي محمد ... يامحمد جي كذا 🙂 ..


محمد : ماهو يا امه مالكم ..


سميره : جي وقف لنا تاكسي امد ما ألبس أنا وأختك وجي نخطى لبيت جدك نبسر مابه معاهم ومن عزموا 🤔..


محمد : أول اتصلوا لعند أبي مش نوصل لعندهم ويرجعوا يصيحوا فوقي 😡 ..


سميره : بهنجمه 😡 انت مشو عليك انت سير وقف تاكسي وبس 🚖 ...



آيه : بتنفخ 😤 اوووف منكم يا أمه مشتيش أسير هاناك ..


...... ...... ......


في بيت حميد ...


عبدالصمد : بيفتح باب السياره 🚘 ينزل لعند سمير رن تلفونه 📱 .. جاوب وهو بيضحك ...😂 داري داري اتأخرنا هو كله عمل المدير حقنا ...


حسين : هيا ياركن انت وياه قد الحج حقنا جاوع مشو والف يتاخر مابيجي ظهر الا وقد تغداء 🍛...



عبدالصمد : يله الان والله وقل للحج العفو منه ☺ ..


عند باب الحوش 🚪 ...

نوال : فتحت الباب تخبت قفاه وبدت موطيه راسها ☺ عفوا اخرناك ...


سمير : وطى راسه ومكنها الحاجات وهو مقفي ☺ ...


نوال : شكرا تسلم شلتهن بسرعه من يده 🍛 وغلقت الباب بسرعه ..


عبدالصمد : بيفتح الباب نازلي ع جيه سمير 🚶🏼... هيا شرق قد حسين اتصل عيب قد اخرنا أبوه ..


سمير : بيقلد انه سارح 🤔 يا اخي راعي مش وقت حسين هذا الساع لوتبسر محلى صوتها والبياض الي في ايديها لما شلت الصحون 👋🏻 ..


عآمر : بيتليقن عليه هههه يا اخي انت ماعتحلاش الإ لما مرتك تنسفك بنووي للتفراج حقك وبيضحكوا 😂😂 ...

عبدالصمد : تذكر لما كان يسير يحاكي نوال سرقه من عند الباب ويقلها ممنوع تكن تفتحه هي واحد يسمع صوتها اقتهر 😔 وبيجابر نفسه اين جيتي يانوال ليش هربتي هذك اليوم وماعد رجعتيش قد دورتش في كل بقعه ...




....... ....... ......



في ذمار ....


طارق : كمل يتصل للشيخ يقله ان ابوه موافق ع الصلح واتفقوا ع يوم يجتمعوا فيه كلهم ويتصالحوا مع عمه ذكر نوال قام فتح تلفونه وبيتصل بها 📱 يفرحها ...



نوال : بتحط الصحون فالمطبخ بتسمع تلفونها بيرن 📱 جاوبت وانه طارق اهلا با أخي 😀 ...



طارق : معي لش خبر يجنن 😃 كم عتدي لي وانا اقلش ..


نوال : لا إراديا ... لقيت عبدالصمد صح 😃...


طارق : زعل عليها 😔 ماشي يا اختي بس اوعدش اني القاه ... ابي وافق اخيرا يتصالح مع عمي بعد وساطه الشيوخ وانا جلست بعدهم بعدهم يوافقوا وزد قلتلهم يحاكوا عمي لو عيرضى اخطب يسرى 💍..



نوال : لمعت عيونها من الفرحه 😃صدددق الحمدلله يارب وان شاء الله عمي ماعيقلوش ماشي انت ويسرى تستاهلوا وبعدا ياخطير كنت طارح عينك عليها ولاتقلي ..



طارق : بيضحك ههه 😂 لا والله بس انا قلت مافايده اعلق نفسي بها وقدش داريه بالمشاكل والجنان يكفي انتي وعبدالصمد كيف رفضوا وجننوا وهذك المشاكل كلها مع انه عبدالصمد حاول بدل المره عشر برغم المشاكل بس ابي الله يهديه كان يصدق مرته ...



نوال : تنهدت وحاولت تخبي زعلها 😔 ماتشتيش تخرب فرحه اخوها .. المهم يا اخي يارب عمي يوافق وتتزوج بيسرى والله ان قدنا فارحه قوى انهم عيتصالحوا ...



طارق : ان شاء الله عقبال فرحتي بش لما القى عبدالصمد 😀 ..



@qesasanani

بارت 81



في بيت الحج عبدالله ..


فوق الغداء 🍵🍛 ....


الحج عبدالله : اهلا وسهلا بكم نورتونا والله مابيوقف حسين يشكر فيكم ..


عبدالصمد: بنوركم ياحج . وحسين والله قدهو أعز من أخ والله يديمها معزه ومحبه 😀 ..



سمير : بيمزح 😉 ذلحين اهم شي جهزت لنا مرب التفاح والدباء حقكم ولا طلعه هذولاء المساكين بلاش .


عآمر : دكمه .. اوووص من التبداع حقك قوى 🙊 وابسرهم اعذروه هو هكذا يعجبه المزح ...


حسين : بيضحك ههههه 😂 اطمن قد وكفتهن قد خليت الحج بنفسه يدي لكم من احسن نوع ...


عبدالكريم : بيتفرجهم سكته وبيفور في داخله 😡 ايوه قسم بلاش وافتهن وانا اتعب واشقى .


عادل : ذلحين انتوا عايشين وحدكم فالحديده ولا كيف ..


سمير : مع انا هانا والعايله حقي وعامر هو عايش هاناك من زمان هو واهله هو غر ذيه المجعجع واشر بيده لعند عبدالصمد 👆🏻 جالس وحده اهله كلهم في ذمار قلنا له نزوجه مارضيش قال مفتهن هكذا ..


الحج عبدالله : للمه يا ابني ماتتزوج لك تكمل نص دينك وتدي لي ولدي لأخرتك 🙂 ..


عبدالصمد : ان شاء الله ياحج لما القى نصيبي 😌 ..

عادل : انت من اي قريه في ذمار احنا تعرفنا ع واحد من عندكم اسمه طارق لما ضاع ابن الحج عبدالله الصغير هو لقيه ورده ..


عبد الصمد : احنا من قريه ال**** بس ماقلتليش ابن منهو كميا طوارق عندنا ..


عادل : 🤔بيتذكر ... والله ان قدنسيت لانه مابيجيش اهتم قوي باللقب حتى سجلت اسمه فالتلفون طارق وفعلت جنبه ذمار هههه ...


بيتجابروا كلهم ويتغدوا 🍛🍵 ويتعرفوا ع بعض ...


داخل عند النسوان ...


أماني : ذلحين للمه ماتخلين رزق ويزن يتغدوا معاهم سعمن عادهم جهال قدهم رجال 💁🏻‍♂ ...


أحلام : عمي مايعجبهمش كما به ضيوف يجلسوا العيال خارج احسن لايسيروا يمهدوا ...


اماني : ماعيمهدوا فيه قدهم عيال عشر سنين وبعدا صدق قد ابنش رجال للمه ماتقومي تدي له اخ 😇..


تهاني : صدق يا احلام قد يزن كبير للمه ماتدي له اخ ريت والله وانا ازيد اقدر جاهل كم احبهم 😔 لكن هذه حكمه الله ..


أماني : لو زد سيرتي تتعالجي وتبسري ماعاد عيقلوا ..


تهاني : كل مانتعالج يقلوا سليم مابش شي ماعاد فايده قدوذا معاذ وهبه الله يحفظهم يكفونا وشويه وزوجنا معاذ وفرحنا بجهاله ...


وهن بيتجابرين وبيقربين لهن 🍛🍵 ماسمعين الا صوت من قفاهن ..


سميره : مسنبه عرض الباب حق المطبخ 🚪 يد ماسكه الباب ويد في خصرها كلكن هانا هو غر حنبتوا فيني ...


تهاني واحلام : تباسرين 😳 استغربين من جرائتها وايحين جت .



أماني : قربت تسلم عليها 😘😘 حيا حيا ...


سميره : لا حيا ولا سهلا وانتي هانا والكل وانا قدنا الشيطان الرجيم حقكم صح 😈 ...


آيه : بتهزور البالطوه حق امها .. جاوعه اشتي غداء ..


سميره : دخلت المطبخ بتفتح الغداء وتغرف لبنتها 🍛 ولا معبره احد وكانها صاحبه البيت ..



تهاني : في يدها صحون الفواكه🍅🍊 خرجت للمكان تدعي العيال يدخلوهن ..


رزق : مسك صحن في يده ..

ويزن : شل الصحن الثاني ودخلوا 🚶🏼 ..



أحلام : لحقتها .. يووه 😱قد العيال دخلوا اشتي يدخلوا القهوه حق عمي داريه مابياكلوش فاكهه ..


تهاني : دعت هبه تدخل القهوه للحج عبدالله ☕ ...



....... ...... ......


داخل في الديوان ...


عبدالكريم : بيحاكي محمد بصوت واطي ويصيح فوقه 😡.. ماجاء بكم ..


محمد : وانا مدخلني هي امي قالت مابلا نجي ..


عبدالكريم : بينفخ 😤 الله يكفينا شر هذا اليوم...



يزن : دخل والصحن في يده 🍊🍅 ..

عبدالصمد : ع سنابته يخرج للحمام يغسل يده 👋🏻 ع دخله رزق بالصحن وهبه بالقهوه ☕ كان عيصدم هبه .. رجع لاوراء اسف اسف ياحبيتي حرقتي ..


هبه : رفعت راسها لعنده وهي مبتسمه 😃 مع انتوا ماحرقتوش ..


رزق : افتجع عليها بيبسرها حرقتي 😰 وريني ..



عبدالصمد : ابسر عيون هبه وحس شي لا ارادي مثل الشرر ⚡ دخل قلبه ❤ جلس ساكت مطنن بيتفرجها نظره ورزق نظره وع طول تذكر عيون نوال 🤔 ....


هبه ورزق : فلتوه ودخلوا الحاجات ..


عبدالصمد : عيونه بتلاحقهم 👀 ويتفرجهم لما دخلوا وخرجوا ...




يا الله من الدنيا كيفهي دواره دارت بك ياعبدالصمد ولفت بك في كل مكان شويه واليوم انت وعيالك في مكان واحد وجامعكم سقف واحد بدون ماتدرى منهم 😇 ...




@qesasanani

بارت 82



سمير : خرج يغسل يده وبيبيسر عبدالصمد مطنن 🤔 نزفه بالماء ... يييه مالك مشدوف ..


عبدالصمد : يا اخي هذولاء العيال مدري مافيهم حسيت اول ما ابسرتهم بإحساس عمري ماقد حسيته تجاه جاهل ..



سمير : قصدك حسيت با احساس الأبوه هيا اقطب نزوجك قلتلك عيسير عمرك ولا عتبسر لك جاهل .


عبدالصمد : طنشه .. كمل يغسل يده 👋🏻ودخل يجلس .. .



عبدالكريم : هيا شل لك فاكهه حلي 😃 ..


عبدالصمد : هآه .. شكرا تسلم الحمدلله .. منهم هذولاء العيال الي دخلوا ..


عادل : يزن اكيد تعرفه ابن حسين وهذك رزق ابن الحج عبدالله الي قلتلك ضاع ولقيه واحد من عندكم وهذك البنت بنتي 😃 ..


عبدالصمد : آها ماشاء الله بس كانهم يتشابهوا او بيتخايلي تحس ان فيهم شي واحد ...


الحج عبدالله : يشتي يغالط 🙂 أيوه خيرات بيقلوا هكذا سبحان الله يمكن لانهم اخوه فالرضاعه هم ولدوا جمعه ..


عآمر : ومادخل الحليب بالشبهه بس سبحان الله يخلق من الشبهه اربعين ..


سمير : كمل يغسل ودخل ابسر صحون الفاكهه 🍑🍊🍎 هيا ماهو هذا تشتوا تغالطونا انا مشتيش فاكهه انا اشتي المرب اطعمه ...


كلهم ضحكوا عليه 😂😂 ..


حسين : ناهي ياناجع شاقوم اديلكم تحلوا ...😃..


سمير : وقسمي للبيت لاتنساه شاشله ع رواحتي 😜 ..



كملوا الجلسه والتخزينه في بيت الحج عبدالله ...


عبدالصمد : طول التخزينه وهو مطنن 🤔 بيتحيلى لرزق وهبه ويتفرجهم من الطاقه وهم بيلعبوا فالحوش مع يزن ...




....... ....... .......

في الشارع ..


معاذ : هيا جي نسير نشتري🙂 للعيال ايسكريم وشبس من هذاك المحل الي يعجبهم ...


أحمد : أيووه بعدا الدلوعه حقنا عتحنق مني قدهي زاعله قالت والله ماعد تحاكيني مارضيتش اخرجها معانا خلينا نساليها بالشبس 😉...


معاذ : ضحك هههه 😂 يا اخي سبحان الله هذه البنت من جهلها كيف كان قلبها ❤يحس تحبك أنت وترضى تجي عندك ومحمد لو يطفح ماترضاش تسير عنده ..


أحمد : تصدق والله اني مقهور ع أخي قوى 😔 هو طيب ومسكين بس ضايع وعيضيع حياته ...


معاذ : ابسر ابسر 👀هذولاك منير ومحمد الي بين هذولاك الشباب الي بيلاحقوا البنات ولا قد بيتهيأ لي ..


أحمد : 😱 يوووه ايوه هم بس منير قدهو معاهم وبيعاكس من ايحين .


........ ...... .....


بعد اسبووع ...


الحج عبدالله : دعى أحلام .. يابنتي جي ماقلش انتي تعرفي تيه خاله سميره الي بيقلوا كيفهي اسهل الحلا اهم شي الطبيعه مشتيش تقع ساع سميره ...


أحلام : للمه قدنتوا موافقين عليها لاعد نسيرش نبسر الي قالت لنا المره ...


الحج عبدالله : مع خلاص يابنتي لاقد شي قبالكن واحده انتين غر سيرين ابسرنها هي أنا الي عجبني بس في خاله سميره انها مابتديش جهال ماعاد فيني لجهال ولااشتي جاهل من مره ثانيه غير فاطمه الله يرحمها 😔 والله ماعيزوجني الا الظروره ولا ماتدخلني مره ..



أحلام : ايوه هي هذه والكل قالوا كانت كل ماتوحم يموتوا عليها وتنزف وتتعب وبعدا فعلوا لها عمليه واستئصلوا الرحم ورجع زوجها تزوج عليها يشتي جهال وهي طلبت الطلاق ..


الحج عبدالله : قدنتين عتبسرين الله يجعل فيها الخير ..


...... ...... ......



في ذمار ...



صالح : بيبدل ويصلح الصماده اليوم الصلح بينه وبين أخوه بين القبايل ..


خيريه : والله مانا ماكنت راضيه ولا شي ولا اشتي هذا الصلح يسبر ياشيخ صدقت لك كلام ابنك وضيعت هيبتك بين الناس 😏 ..


صالح : والله ماكنت عتضيع هيبتي صدق الإ لو صدقتش وخرجت الشيوخ من بيتي ورديتهم .. ذلحين اخطي ابسري ابنش يونس قدهو جاهز ولاعادهو راقد 😴 ...



خيريه : مع هو مريض راسه بيوجعه🤕 ماعيجيش ولا يكفيك ابنك طارق الي سمعت كلامه قدوذك بكر طريق الاثوار والغنم🐄🐂🐑 الي عتذبحوا يشتي يخسرك زلط وعادك فارح به.


صالح : مابلا قصدش فاهم في الإصول والقبيله مع انها ابن جامعه ومتعلم بس مانسيش اصله وعاداته ...


خيريه : بتتريحم 😔 مابلا قصدك فارح حين عيخطب بنت عمه .. وبعدا مالك رجعت هكذا قدك بتسمع غر كلامه وانا ولاعاد بتعبرني قد بطلت تحبني 💔 ..



صالح : مش وقت هذا المجبر الناس والرجال مراعين خارج .. شل شاله وخرج ...




🌹meme_ abdalgaleel


@qesasanani

بارت 83


في القريه ...

الرجال متجمعين 👬👬👬 عند باب بيت صالح يخطوا معه .


صالح : خرج بيسلم عليهم ودعى طارق يخطوا ..


طارق : فوق السياره الي فيها التبع والبقر 🐄🐂🐏 ..


وصلوا الرجال وصالح لبيت اخوه الشيخ قناف ...


الشيخ قناف وعياله : 👬مراعين فالحوش ومعاهم الجاهه والرجال ..


النسوان وبينهن يسرى بيتفرجين من الطيقان ...


طبعا كماهو معتاد بالذات عند القبايل البرع🎧 مصاحب لجلسه الصلح وطلق الرصاص والاعيره الناريه 💣🔫 ..



طارق : نزل المذبوح والجزار معاه مدوا الاثوار يذبحوهن 🐂 ..



صالح : بيفتح باب السياره 🚘 ينزل وفي نفس الوقت مستثقل نفسه كيف بعد كل هذه السنين يصالح أخوه عادهو بيفكر ..الإ وقد الباب حقه بيفتتح ..


الشيخ قناف : فتح باب السياره 🚘 ومسك اخوه بالأحضان بيسلم عليه ويبوسه 😘 وعيونه بتتشارغ بالدموع ..


صالح : حضنه بقوه ونزلت دموعه 😭مسحها بسرعه مايشتيش يبين ضعفه ... فقدتك يا اخي الله لايفرق بيننا ...


الشيخ قناف : مسك يد صالح وباسه في رآسه الله يحفظك لي يا اخي 😘 داري انك شايل عليا بس والله ماكان لي فالمشيخه ولا اشتيها بس كنت مجبر بعد ماقرروا القبايل وموظوع عبدالصمد ..


صالح : قاطعه ماخلاه يكمل الكلام🙊 .... خلاص قد نسينا ماحصل اليوم انا جيتك راغب وخاطب بنتك يسرى لإبني طارق ماقلت يا أخي ...


الشيخ قناف : البنت بنتك 😃 وشلها بلداتها .. وصيح بين القبايل يا جماعه اشهدوا اليوم صلحي ع أخي الشيخ صالح وخطبه بنتي من ابنه ....


طارق : كان مع الجزار بيذبحوا سمع الخبر فرح 😃 ورفع يده للسماء .. اللهم لك الحمد عمري ماتوقعت ان يسرى ممكن تكون لي بعد ماحصل الي حصل وتفرقنا بس مدري عاد يسرى بتفكر فيني مثل ماكنا واحنا جهال ولا ممكن ترفض ..


الرجال : بيسلموا ع صالح وقناف 😘 ويباركوا لهم بالصلح والخطوبه💍 ...


يسرى : كانت فالطاقه مع النسوان بتبسرهم سمعت موظوع خطوبه بس مادريتش من ومن انصدمت 😳 أيييش مالهم هولاء خطوبه من ...



أم يسرى : بضبح 😤 ماله ابوش هذا بيجنن خطب من ع من ..


يسرى : بعدت من الطاقه وخطيت للباب 🚪تبسر من به هاناك تفهم منه ..



طارق : ع خطيته 🚶🏼 بيشل البنيوهات حق اللحمه يدخلوهن للمطبخ الي وراء هو والجزار لمح واحده واقفه عند الباب 🚪 بيصيح ويبهرر تبعد علشان الجزار 😳 الله الله طريق ..




يسرى : سمعت انه صوت طارق رجعت لاوراء علشان الرجال بيخطوا 👬ومن قفا البرده بتدعيه بصوت واطي وتاشر له .



طارق : مشو داري من بيدعي قرب للباب وهو موطي رآسه ويده ملان دم ولداته من اللحمه ☺ خازي قدله خيرات من دخول بيت عمه بس لما كان يلقى بيت عمه في اي مكان يكلمهم ويسلم عليهم قرب للباب 🚪 وراكن انها مره عمه ..هاه عمه الف مبروك لنا ولكم ع الصلح ...



يسرى : بتتليقن عليه بحكم ان علاقتهم كانت قويه لاقبل المشكله وماتغيرتش معاملتها معه لاهي ولا اخوتها حتى مع موقف عمهم ... 😜 ناهي ياعمه مشنا عمتك ذلحين ابي من خطب وع من عاد الناس يدخلوا يبسروا راي البنات ولا هكذا من راسه ...


طارق : سمع صوت يسرى وقلبه دق ❤ وضحك 😂 ع كلامها هههه. خلاص ولايهمش ذلحين شاسير اقلهم قالت يسرى ليش ماتشلوا رائيها مشهي موافقه عليا وشاسير ابسر لي عروسه ثانيه😜 ...




يسرى : خفعت راسها بيدها وقحصت فمها من الخزا 🙊 هآه مع مع هو انت هاه يووووه وضحكت خازيه وهربت ☺هههه ...




طارق : ضحك عليها 😂 هههه وتذكر كيف كانت تكتب له رسايل وهم جهال وترسم له قلب ❤ ابتسم وسار يبسر الجزار ...




....... ...... ......



في بيت الحج عبدالله ...



الحج عبدالله : خلاص مدام قد اعجبتكن توكلين ع الله ...


احلام : يعني أتصل لأماني واشل تهاني ونسير نحاكيهم رسمي ..


حسين : بيضحك هههه 😂 وحقك يا ابه حقك ...


الحج عبدالله : خفعه بالعصيه 🏑 عتهجع من اللقانه 😡 ..


حسين : ضحك هههه خلاص آسف والله ..بس ضحكت لما قالت عيتحاكين رسمي رجعين النسوان يخطبين لأبي ...



الحج عبدالله : ولو وافقت قليلهم بعد شهر الملكه وتجي ماعادحناش جهال ولا احد عيفعل عرس ...


أحلام : هي ماقدهيش كبيره يا ابه يعني عيجي عمرها 38 لاهي تشتي تفعلها حفله مدري ..


الحج عبدالله : هي اخبر بروحها .. انا لا اشتيها تجي متوجه ولافارح في شي والله لوما الظروف ماتدخلني مره بعد امش فاطمه 😔 ..




@qesasanani

بارت 84



فالحديده ....


عبدالصمد : بيتجابر فالمكتب هو وعآمر ... صدق أيحين 😃 ...



عآمر : بيضحك ههه 😂 مالك قد زقرعت هكذا هي بس امي ابسرتها وعجبتها وقالت لي مارأئي لو تحاكي أهلها ...



عبدالصمد : اذا البنت تمام وعجبت أمك خليها تتوكل ع الله بس الحمدلله ظروفك قدهي أحسن وبعدا اخطب💍 ذلحين أمد ماتكمل تصلح البيت واتزوج ...



عآمر : يا أخي هيا وأنت اتوكل ع الله نخلي الحجه تزد تبسرلك معي ...


عبدالصمد : تذكر رزق وهبه وابتسم 😃 تصدق والله اني قد بينتحيلى للجهال وقد نفسي في جاهل ساع بنت عادل والحج عبدالله بس في بالي حاجه🤔 خليني اول اسويها وبعدا لكل حادثا حديث ..


عآمر : الله يوفقك يارب ويسخرلك بنت الحلال ولو اني حاسس ان رفضك للزواج هذا وراه سر وحب قديم 💔 ...



عبدالصمد : هز راسه وابتسم🙂 جي جي نتصل لحسين نبسر كيفهو إعجبته صنعاء هرب من الحماء ...




....... ....... ........



في ذمار ...


طارق : روح للبيت وهو فارح 😃 تحمم بسرعه من اللحمه والدم وبدل لبس زنه جديده وتوضع سوى ولبس شال حالي ..وخرج تلفونه 📱 يتصل يفرح نوال ماحصل ..


نوال : هاه حبيبي 😃 بشرني ماحصل ..


طارق : عمي وافق😃 وتصالحنا واليوم عنقرى الفاتحه كان نفسي يا أختي وانتي عندنا وتشاركيني فرحتي مابش معي أحد في هذا اليوم لا ام ولا اخت ولا حتى من يحجر لي 😔 ...



نوال : تشارغت عيونها 😢 بالدموع ... وبتحجر له فالتلفووون لووووووولي لوووولي ..


طارق : ضحك هههه 😂 مابتفعلي يامجنونه عتضحكي عليش خلق الله ..


نوال : أيوووه فارحه لأخي ماعليك 😃 الله يوصلني لما قدهو عرسك ...


طارق : اسمعيني توكفي غطوه شاطلع نخرج انا وانتي نشتري حاجات وشنطه الخطوبه 👝 ...



نوال : بفرحه 🤗 صدق ششتريهن لك انا ..


طارق : ومن معي أعز منش ولا أغلى في هذه الدنيا ...



خيريه : ع خطيتها من جنب الباب 🚪 حق غرفته سمعته فتحت الباب بسرعه يهي يهي بيجابر واحده فالتلفون وعيسير يخطب ثانيه 💍 ...


طارق : ارتبش وافتجع 😰 لو تدرى انها نوال ... هاه يسرى مع السلامه شاحاكيش لما اخرج خالتي دخلت ..



نوال : افتجعت 😰يوووه خالتي ويسرى ماهو الله يستر غلقت بسرعه ..



خيريه : ماهووو يسرى 😳 يعني كنتوا بتتجابروا من اول وبتضحك علينا وع ابوك لا ماقلتله أنت عتبسر 😡 ...



طارق : بيضحك 😂 هههه عادي ولو قلتي لأبي مافيها قدهي خطيبتي ...



خيريه : بتخطى وتحطم 😏 البنت هربت وبدعت بنا والولد طالع مصاحب وكان عيضحك ع بنتهم ونعم ع تربيه فيهم ...


طارق : سمعها 😡 مسكها من يدها ... اسمعي ياخاله احترمي نفسش أنا ساكت بس مشتيش يدرى أبي انه مخدوع فيش رحمه فيه بس والا لو اتحاكى شاخرج الخبر كله وانا داري مافعلتي بنوال وعبدالصمد ولو تشتي شاجابرش ...



خيريه : افتجعت منه وخطيت سكته 🚶🏻‍♀ وهي موطيه ...


ألف مبروووك ياطارق 💍


@qesasanani

بارت 85



في بيت حميد ...


تقيه : دخلت لعند نوال .. 😃 فرحيني معش يابنتي مالش بتحجري ...


نوال : طارحه يدها ع راسها مطنننه 😔 والله ماقلكم الإ خير اليوم أبي وعمي تصالحوا وطارق خطب يسرى بنت عمي وبينحجر فارحه له . وهو بيجابرني دخلت خالتي وشكلها سمعته لانه غالط وقلي مع السلامه قدنا مفتجعه وبينهم لو يدروا انه انا ...



تقيه : مسكت كتفها بيدها 👋🏻لا تفتجعيش يابنتي طارق هو حاذق وعيدرى كيف يتصرف .. وشويه وعنخلي أبوش حميد يتصله وعندرى منه ماحصل معه ...



........ ........ ......


في بيت سمير ....


سمير : اليوم شاسير اخزن عند حسين تجهزي اشلش معي بيتكم ع الطريق .


ساميه : بدل ماتشلني بيتنا قدنا فاقده لصاحبتي مارأيك اتصلها لو فاضيه وفالبيت تشلني عندها ...


سمير : عند هذك القمر ع طول ولو حتى مشو ع طريقي أشلش من عيوني 😉..


ساميه : ضبحت منه يوووف 😤 هيا ماعد شاسيرش شابطل اصاحبها من تحت راسك ...



سمير : هههه 😂 مارأيش اتزوج بها واديها عندش مادام كودش بتفقديها ....



ساميه : ضبحت منه وخطيت 😤 .. .



....... ....... .......

في بيت الشيخ قناف ...


يسرى : دخلت وهي خازيه ☺ وفارحه انها عتختطب بطارق 💍 ..


أم يسرى : هيا مه يابنتي سالتي أبوش من خطب ؟؟..


يسرى : خازيه ☺ هآه ماشي مالقيتش أحد عند الباب لما يدخلوا وعندرى ..


أم يسرى : كان شرق أخطي ندخل نعاون النسوان شويه وعيقلوا يشتوا الغداء 🍛بتبسري كميا ناس وشيوخ وكما دخل ابوش عنفهم منه ...


يسرى : تمام .. خطيت 🚶🏻‍♀ودعممت أمها دخلت غرفتها فارحه 😃 فتحت دولابها وخرجت الرسايل الي كانت تتراسل هي وطارق وهم فالمدرسه وبتتفرج الخاتم الي فعله لها من الأسلاك وهم صغار 💍 لما كان يقلها انها خطيبته ارتزحت عرض الدولاب وهو في يدها مبتسمه ☺...



....... ....... .......


في بيت عادل ...


عادل : هيا روحي قد الغداء جاهز قدنا ميت جوع 🍛 ..


تهاني : حاضر من عيوني ياعيوني😍 10 دقايق بس واقرب اليوم تأخرت شويه كنت بينتجابر انا واحلام قالت نسير نحاكي المره الي ابسرنا لعمي عبدالله ...


عادل : آها عتسيرين اليوم .. الله يجعل فيها الخير شدخل العب انا والدلوعه حقش شويه أمد ماتقربي 🍛 ...



معاذ وهبه : بيلعبوا بالاتاري 🎮. ويتحانبوا .


هبه : ابسرت ابوها دخل بتشتكي له 😥 يابابا جو ابسروا هذا المغاوي والله انه بيخليني أخسر بالعاني ..


معاذ : بيضحك هههه 😂 والله انهي هي الي ماتقدرش تلعب ما افعلها ...


عادل : بيأشر له بيده 👋🏻 يله يله بعد من هانا أنت مغاوي بتغاوي بنتي شجلس ألعب معاها أنا ..



هبه : بتحانك معاذ هيه هيه وتمد له لسانها 😜 شلعب مع بابا..


معاذ : مسكها وبيشعفل شعرها 👧🏻 .. ويحانكها ياخاسره ..😜.


تهاني : دخلت تقرب وبتبسرهم ضحكت بتتحيلا لهم 🙂 الله لايحرمكم من بعض ...


عادل : ابسرها وابتسم 🙂ولا يحرمنا منش يانور حياتي ...



هبه : ابسرت أبوها بضبح 😤 يووف ماعليا أنا نور حياتكم أنا ...



عادل : أيوه ايوه نسيت انتي انتي وامش هي نور حياه معاذ وضحك هو وتهاني 😂 ههه ...



@qesasanani

بارت 86




العشي 🌚..

في ذمار ..

في بيت صالح .


يونس : بيتفرج التلفزيوون 📺 وهو ضابح 😤..


صالح : دخل .. ابسره .. ليش ياولدي ماحضرت الصلح اليوم كلهم بيسالوا عليك وماكنت تجي تعاون اخوك مسكين كم تعب عند المذبوح🐂🐄 ...



خيريه : بعصره وجه 😏 ومادخله يجي يعاونه هذاك لاتعب قد سبط مره وخطبه انت داري اليوم دخلت لاغرفه طارق وهو بيحاكي التلفون 📱..


صالح : ولا هو بيحاكي التلفون 📱مايوقع ..


طارق : عادهو كمل يبدل👕👖 .. وسايري يسمر مع ابوه يحاكيه ماعيفعلوا سمعها ... دخل قاطعها ... ابسرها ببهراره 😳 أيوووه يا ابه كنت اشتي احاكيكم في موظوع انتوا داريين ان ...


خيريه : افتجعت 😰 قاطعته ايوه ياحج ذلحين ماقلتليش ايحين عتطلعنا صنعاء نشتري كسوه وشنطه الخطوبه لإبني طارق ..


صالح : استغرب 😳كيف لش اوذا كنتي تقلي ماتدخليش .. وابسر طارق .. ماهو الموظوع الي تشتيني فيه ..


طارق : ابسرها بسخريه 😁 مابلا هو هذا الموظوع قلت اقلكم شطلع الصبح صنعاء أشتري الحاجات حق الخطوبه💍 .



خيريه : هآه .. أيوه عيس طلعنا غطوه ...😅


طارق : مطنشها ... شطلع وحدي يا ابه قد سديت أنا وصاحبي عنخرج جمعه ...


صالح : يله تمام وارجع دقلي اديلك زلط 💴 نشني شي يبيض الوجه هي بنت اخي الشيخ ...



يونس : طرح الريموت حق التلفزيون ... للمه ماهو تشتوا له شي يبيض الوجه 😡 ما اديتوا لي ادوا له ...


خيريه : وللمه عتدي له زلط 💴 هو مزلط وموظف وبيستلم معاش خيرات ...


طارق : إسلموا يا أبه خير الله موجود ولو اشتي زياده شاقلكم ..


صالح : ماشاخليش الناس يضحكوا عليا ولا احد يفتح فمه يقلوا اديت ليونس وانت ماشي قوم معي امكنك الزلط 💴...



طارق : فارح ومستغرب كيف أبوه قال هكذا ولاول مره مايسمعش خيريه 😃 ...




....... ....... ........



في بيت الحج عبدالله ....



حسين : يوووه 😱 .وليش رفضوا .


الحج عبدالله : ليش يابنتي ..


أحلام : قالت ماتشتيش تتزوج قد جربت نصيبها ومقتنعه وبعدا بيني وبينكم حسيت كأنه أخوها مايشتيش عاجبه تجلس تخدمه هو و مرته ...


الحج عبدالله : خيره الله عتكمل الإجازه وترجعوا ولا قد لقيتوا لي مره ..


حسين : يا ابه ماشي ابسرتوا الي قال عبدالكريم خاله مرته مشو شرط لاقدهي خالتها يوقعين سواء ...


أحلام : هو صدق يا أبه وانتوا عتقدروا تصملوها من اوله وتمنعوها من سميره لو تشتوا ...



الحج عبدالله : بيفكر 🤔 أمممم خلوني ازد افكر الليله واردكم خبر ....




....... ....... ......


في بيت منير ...



محمد : تحت الطاقه بيدقدق ✊🏻 ..


منير : فتح له الطاقه اوووص 🙊 دلا لحد يسمعك ...


محمد : يله شرق عنتأخر ع السمره حق العرس ماقد لبستش ...


منير : الصدق انا ماشاجيش مابيعجبنيش الهروبه 🏃🏻من البيت ولا الضياع الي احنا فيه ..



محمد : طيب عادي براحتك بس عاد حقك الرساله الي كتبت لك هذه البنت عندي 💌 وشاجي اقل لأبوك انك مصاحب بنات ..


منير : بصوت واطي لحد يسمعه ... انت داري اني معرفهاش ومادخلني من هذا الموظوع جالس بتهددني وتخليني اسايرك ...


محمد : بيضحك هههه 😂 ومن عيصدقك .. هيا البس بسرعه مراعي لك قالوا الخبره اليوم معاهم شيشه ومعسل ضخم مدري منين ادوه ...




@qesasanani

بارت 87




ثاني يوم الصبح🌞 ...



في الحديده ...



عبدالصمد : قل والله 😃 يعني وافقوا عليك ...


عآمر : أيوه والله ليش بتستقل بصاحبك ومسك الشميز حقه 👕 إحم إحم ..


عبدالصمد : بيضحك عليه هههه 😂 وايحين الخطبه 💍 ...



عآمر : قالوا يرتبوا أمورهم ويرجعونا خبر وانا امد ما أجهز حاجاتي وقلت نبسر لو قد حسين عينزل واتصل لسمير علشان تحضروا معي قدنتوا اهلي داري مابش معي أحد ...



عبدالصمد : نديهم بالصميل كم معانا عآمر 😉 ...



عآمر : ذلحين نكمل خطوبتي ونخلي الحجه تدورلك مره خلاص ماعدهوش قولك نشتي نتعرس جمعه 💍 ..


عبدالصمد : ضحك هههه تمام 😂 هيا جي نتصل لحسين نبسر ايحين عيجي واحاكى اخوه الصغير امانه بينفقده قوي ليش مدري هو وهذك بنت عادل جارهم من يوم ما ابسرناهم وهم واصل في حسي .🤔..



عآمر : ماشاء الله محلاهم وبعدا مدري سبحان الله كيف حسيتهم يتشابهوا مع انهم جيران ..


عبدالصمد : تنهد 😞عاد عيونهم ذكرتني بواحد اعرفه قووي الله أعلم اينهو ومابيفعل ...



...... ....... .......



في صنعاء ..


في بيت عادل ...



عادل : بيحاكى التلفون : 📱 هيا من الخباله من قلك هذا الخبر ..


صاحب عادل : والله اني ابسرت أنا انت نقلوا عملك في المدرسه الجديده الي فتحوا في شبام ...



عادل : وماعد يردني شبام أنا خلاص تعودت ع صنعاء وجهالي وقرايتهم ماهو هذا الجنان ..



صاحبه : وانت راعي. وعتدرى بنفسك ماشي اطلب تنقل عملك وابسر كيف عتفعل ...




معاذ : بعد ماغلق 📱 ابوه التلفون ... كيف ينقلوكم هاناك مانشتيش نسير هاناك...



عادل : شاقوم البس 👖👕واسير الوزراه ابسر احد من معاريفي واتأكد من الخبر ....



...... ..... ......


في بيت الحج عبدالله ...



الحج عبدالله : خلاص يا بنتي نتوكل ع الله وبس اصلا قد عتنزلوا الحديده وشرجع احنب وحدي وخزا من تهاني كم عنجلس نتعبها معانا ادعي حسين ازيد أحاكيه ...


أحلام : فالمطبخ بتفعل الغداء 🍛.. الله يسخرها لكم يارب .. حسين شكله عادهو بيحاكي التلفون ابسرته بيداعي رزق يجاوب صاحبه عبدالصمد ..



الحج عبدالله : خلاص كان انا شخطى لي للمحلات وشاحاكي عبدالكريم يقل لمرته تبسر خالتها ماعتقل 😕 ...



فالغرفه ...


حسين :مبتسم 😄 هيا حاكيته طابت نفسك سعم ماقد فقدتش يزن الي كان عندك يوميه ورزق فقدته وما ابسرته الا يوم ..



عبدالصمد : بيضحك ههه 😂 مدراني هذا الولد فيه شي مميز وبعدا بطل حسد ذلحين ايحين عتنزل الولد يشتي يخطب ...


حسين : ان شاء الله هذه الفتره نبسر موظوع زواجه الحج كيف ونطمن عليه وانزل وانا راكن ...


عآمر : بيصيح ... قله شرق من التأخير شاخلي الخطوبه نهايه الشهر يعني معه وقت ينزل💍 ..




...... ........ ........


في بيت حميد ...



تقيه : هيا مه يابنتي ماقد تجهزتيش قد اخوش اتصل قدهو واصلي ..


نوال : هيا هيه باقي بس ازيد اطرح الرز 🍛 واخطى البس ..


تقيه : أنا قدانا جاهزه شاجي اطرحه أنا وانتي اخطي البسي ...



نوال : يله تمام .. ولو تأخرنا فالسوق ع ابي حميد قد الغداء🍛🍲 جاهز ماعادبلا يغرفوا لهم بس ...



...... ...... .......


في المعطاره ..


الحج عبدالله : بيفتح الدرج وبيخرج ورق الحسابات 📝 ..


عبدالكريم : ع دخلته المحل .. ابسر ابوه بيخرج الورق افتجع 😰 حمل لعنده .. مابتفعلوا يا ابه ماتشتوا وانا شديلكم ..


الحج عبدالله : مابلا كنت مراعي لك قلت اخرج ابسر الحسابات اتواله امد ماتجي ...


عبدالكريم : شل الورق من يده 📝 لاتتعبوش نفسكم في الورق والحساب اوذنا هو ذلحين ماقلتوا ليش ماهو الموظوع الي تشتوا تحاكوني فيه ...



الحج عبدالله : مابلا قلت تخلي مرتك تحاكي خالتها الي قلت وتبسر رائيهم لاهم موافقين توكلنا ع الله ..


عبدالكريم : فرح لانه ضامن انها ماتخلفش 😁 هآه ماعليكم شي الإ اخليها تقنعهم يوافقوا أطمنوا بس ...



@qesasanani