بارت 29



بعدها بإسبوعيين ...


صالح : هيا مه قدنت بخير ما ذلحين يايونس نطلع أنا وأنت صنعاء عند عمك حميد ندوره ..

يونس : للمه مابلا نطلع أنا وأنت وطارق ليش ماتطلعه معك أنا عادنا مريض خليه هو يطلع وبعدا المفروض هو الي يقتلهم لأنها اخته شقيقته (طبعا خيريه لما شافت انه به أمل يلقوا نوال وعبدالصمد طلعتها في راس ابنها انه يخلي طارق يقتله علشان لو الشرطه مسكته يقتلوه هو وابنها مايحصل له شي وتكون اتخلصت من طارق بعد نوال ) ..


صالح : بضبح 😤 ومن ايحين بيننا اخوه واختي كلكم أخوه وعيالي ..

يونس : 😅هآه أيوه ايوه داري يا أبه بس قلت هو يعرف صنعاء أكثر مني هو قري الجامعه هاناك وعاش فيها وبعدا عادنا تاعب خلوا طارق ...

طارق : ع دخلته من الباب 🚪 سمع اخر كلمه .. مايخلوا طارق ..


صالح : قلت له نطلع صنعاء ندور عبدالصمد ونوال قال اطلع معك عادهو تاعب ...

طارق : تغيرت ملامح وجهه ☹ لكن يا ابه أين عنلقاهم صنعاء كبيره وتشتي أيام ندورهم ..

صالح : أيوووه قد قلت عنطلع نجلس عند عمك حميد وندورهم يله قوم اتجهز نخطى لنا ..


طارق : يا أبه عيب نسير نجلس عند الرجال ونحرجه نسير نستأجر لنا فندق 🏣 ..

صالح : فندق مه من الخباله .. وللمه مراجمه الزلط اخطى اتجهز يله و نخطى لنا ..

طارق : ماذلحين قدهو عصر يا أبه كما غطوه الصبح بكرنا ..فلتهم وخرج يلوي خايف لو يلقاهم أبوه هذه المره ويقتلهم 🔫 ..


..... ..... .....

في الحديده ..

في بيت عامر مخزنين ..

عامر : تصدق والله اني ارتحت لك قوى حتى امي قالت ربي عوضك بأخ .

عبدالصمد : والله ان ربي سخركم لي واداك لي من السماء ..

بيتجابروا وفجأه تلفون عبدالصمد رن 📱 ..

عامر : يا اخي مالك مطنن مبلود 😳 بتتفرج التلفون ..

عبدالصمد : هآه ... أصلا هذا الرقم ما توقعت يتصلي ..

عامر : ياخي رد وإبسر مايشتي .


.... .... ....

في بيت عادل

تهاني : جالسه عند عادل بتذاكر📝 لهبه ..

عادل : هبه حبيبي مرتاحه فالمدرسه محد بيزعجش ..

هبه : 😃 ايوووه حاليه قووي ورزق بيوبه لي ومايخليش العيال يضربوني ..


تهاني : يله خلاص يكفي مذاكره سيري ادعي معاذ يخرج يجعل لش ..

هبه : معاذ خرج أول سار يذاكر📕 عند منير هو واحمد شاداعي رزق من الطاقه ويخرج نجعل جمعه ..


تهاني : بخوف 😅 مع راعي مابش خرجه وحدكم قوم ياعادل اجعلهم .


عادل : مالش اسهل مايقع .. البقاله قريبه خليهم يسيروا ..

تهاني : مع ولو بينفتجع لوتجي المره الي بتسرق العيال وتشلهم وغمزت له 😉 ..

عادل : ضحك عليها هههه 😂 يله تمام مع انه ما عاد اظنش تجي .. سيري ادعي اخوتش من الطاقه .

هبه : سارت تدعيهم ..

تهاني : والله لوتبسر كم بينقلق لاترجع وزد هبه ماذلحين قدهي بتفكر خيرات وتركز فالشبهه بينها وبين رزق ومابيقلوا لها فالمدرسه .

عادل : مسك يدها 👋🏻بيطمنها مايقع الا خير ريت والله وإحنا شلينا الإثنين . قام لبس الكوت يخرج العيال ..

..... .... .....


في بيت حميد ...

تقيه : جالسه هي ونوال الحمدلله أن قدش أحسن يابنتي سامحيني كله بسببي 😔..


نوال : مع ياخاله أنتوا جميلكم فوق رآسي والله ان هذا كله بسببي خسرت نفسي وعيالي لكن حسبي الله في كل ظالم ..

تقيه : لكن ماشاء الله محلاهم 😃 قمارى عيونهم والبياض ساعش بس شعرهم ساع عبدالصمد ..

نوال : بس ماعاد بيتشابهوش قووي الا لو احد ركز مدري هم داريين انهم اخوه وان مشهم عيالهم ..

تقيه : قدهم أخوه يابنتي حتى لوماتشابهوش بس شكلهم مرتاحين طمني قلبش إبسرتي مرحم الولد كيف بكي تخايله انش عتشليهم عليهم ..

نوال : ذكرت كلام معاذ لها وتشارغت عيونها بالدموع 😭 ..



.... .... ...


في الحديده ..

عبدالصمد : رفع سماعه التلفون بخوف 😓😓 📱 الووو ..

طارق : سلام عليكم . كيف انت يا اخي ..

عبدالصمد : سمع كلمه أخي وتنهد قهر حس بغصه في حلقه ماقدرش يرد 😔 مسك تلفونه وخرج الشارع ..

طارق : الوووه . الووووه عبدالصمد مالك ساكت يا أخي أنا طارق لاتفتجعش والله مشتي أئذيك بشي إشتي بس أطمن عليك وع نوال والله محد داري برقمك ولا عيدرى .


عبدالصمد : نزلت دموعه 😭 رد عليه بصوت مخنوق .. ليش بتخاف عليا ورسلتلي اهرب وقد فعلت بكم هكذا ..


طارق : مهما حصل في الأخير أنا مرضاش لكم بالقتل ماعنستفيد منه الإ الدم ذلحين طمني كيف انت ووين اختي وليش كنت وحدك .

عبدالصمد : بيحكي له ويجابره وأن نوال مختفيه من يوم مالقيوهم رجال أبوه هذك المره ولاعاد لقيها كل يوم بيدورها ..

طارق : خلاص أسمعني رقمي عندك عنتواصل بعدا ابي بيداعي بس المهم انتبه واخرج من البقع الي كنت فيها ابي يشتي نطلع صنعاء الصبح ندورك ..


عبدالصمد : قوم جاوبه .. وتسلم يا أخي وسامحني ع كلشي ولما تفضي اتصلي وانا احاكيك وافهمك القصه سوى .


شكلنا أخيرا عنعرف ايش قصتك يانوال انتي وعبدالصمد

@qesasanani

بارت 30



ثاني يوووم الظهر ....


في بيت الحج عبدالله ..

أحلام : بتصيح 😱 ييييه يا سميره اتصلي بسرعه لعمي وعبدالكريم عمتي تاعبه قووي يجوا يشلوهم المستشفى 🏨 .

سميره : حملت تتصلهم يجوا ..


الحج عبدالله : فلت العمل وبيحمل بسرعه للبيت 🏡 ..

عبدالكريم : لحقه بيشغل السياره 🚘 ...

تهاني : سمعت اصوات صياح في بيت الحج عبدالله من طاقه المطبخ حملت لبست وخرجت لاعندهم ..



فاطمه : ماسكه يد الحج عبدالله 👋🏻 وبتوصيه قوى رزق في ذمتك لاتفلته .

تهاني : وصلت ع خرجتهم بيطلعوا فاطمه للسياره 🚘 افتجعت عليها بتبكي 😭 وبتتصل لعادل يجي من المدرسه ..


سميره : طلعت معاهم فوق السياره سارت معاها .

أحلام : بتتصل لحسين يلحقهم للمستشفى 🏨 ..


.... ..... ....

في المدرسه ..


عادل : في الإداره 🏣 . خلاص يا أستاذ هذه المره أمسحها في وشي وماعاد عيعيدهاش لاعاد تستدعي ولي أمره ..

المدير : 😡 بيصيح . .. أصلا هذا الولد حق مشاكل كل سنه وإحنا بنقل عيعقل بس ماهذه المره قد فيها ضرب وخناجر 🗡 ..

محمد : يا أستاذ هو الي بداء وأنا ماتشتي اسكت له ..

عادل : صيح فوقه 😡 أنا قلتلك تسكت بغير لقانه .. خلاص يا استاذ هذا المره أنا أضمنه وشاخليه يكتب تعهد ...

خرج من الإداره وتلفونه رن 📱تهاني بتتصله تقله ..


عادل : طلع قال لمعاذ يروح العيال و إستأذن وخرج ...


.... .... ...

في بيت حميد ..


تقيه : في المطبخ بتفعل الغداء هي ونوال ..

الباب 🚪 بيدقدق ..

تقيه : سارت تجاوب ..من فالباب ..

صالح : هآه أنا الحج صالح .. اين أخي حميد ..

تقيه : 😱 خفعت وشها يووه والفعله قدهي مفتجعه ... هآه صالح مابحدهو خارج ..

طارق : جي نسير يا ابه نتغدى في أي مطعم 🍛 ونسير لنا فندق لانحرجش خلق الله ..

صالح : أخطى نتغذى أمد مايجي ونرجع نبسره ..

تقيه : حملت تتصل لحميد 📱تقله انهم جو يدوروه .


حميد : 😤 ضبح . استغفر الله العظيم وأتوب اليه احنا وهذه الفعله كيف عنفعل والبنت عندنا .

تقيه : إسمعني مابش أحلى من الصدق قلهم يسيروا فندق ..

حميد : فندق مع يا مره 🏣 ماردهم من الباب ..

تقيه : كان مانفعل نراعي لما يقتلوا لنا البنت المره الأوله ربي ستر ..


نوال : سمعتها .. افتجعت دخلت لعندها وهي بتبكي 😭... من الي جاء أبي صح دري اين أنا صح جاء يقتلني ..


تقيه : بتحاول تهديها .. 😢 يابنتي اهدائي هم مشهم داريين انش هانا لارجعوا ولا شي عنجلس داخل سكته ومادراهم انش داخل ماعيدخلوش لعند النسوان .



نوال : بتبكي 😭 ولو تسير تجي معاهم خالتي خيريه كيف عنفعل ..

تقيه : نراعي لما يجي عمش حميد وعنبسر كيف عنفعل ..


.... .... ....


في المستشفى 🏨 ..

عادل : وصل ومعه تهاني .. هيا مه ياحج طمني كيف قدهي ماقالوا..


الحج عبدالله : علامات القلق ع وجهه 😥 مازد خرجش يطمني قدنا ع نار من حين وصلنا دخلوها العنايه ولا خلوا أحد يدخل ..


تهاني: زاعله وعيونها حمراء بكاء 😭 خطيت لاعند سميره .. هيا مه كيف قدهم .

سميره : مدري بس شكلهم تاعبين قوي الدكاتره دخله خرجه من أول.

تهاني : الله يشفيهم يارب اتصلتي لأماني ..

سميره : مارضيش حسين وعبدالكريم قالوا لاقد نفجعهاش ..


الدكتور : خرج من العنايه بيسأل .. وينهو زوجها ..

الحج عبدالله : كان جالس سنب .. هآه دكتور طمني ..


حسين وعبدالكريم : ساروا لعنده يطمنوا .

عادل : ماسك الحج عبدالله ساند له ..

الدكتور : والله ان حالتها تاعبه قدالعلاج الي معاها والمهدءات الي معاها ماعد تنفعش تشتي جرع اقوى ﻻن المرض قدهو في مرحله متأخره ..

حسين : طيب يادكتور نقدر نشوفها .


الدكتور : ذلحين ماعينفعش لابعدين ..ومشي 🚶🏼..


عادل : مارايك ياحج لو تقوموا تسافروا قدهو عند دكتورها وداري بعلاجها 💊 ..


عبدالكريم : أيوووه لازم ... أنا شاسير أبسر لابه حجز ..

حسين : ياعادل قوم روح أبي يتغدا والنسوان وانا شجلس هانا .


الحج عبدالله : ماشي ماشاروح ولا ماشفلتش مرتي .

عادل : كلام حسين صح ياحج ماعيخلوش أحد يدخل نروح نبسر ماعنفعل وترتاح ورجعنا .


... ... .....


معاذ : روح هو والعيال 👬👫 من المدرسه مالقيش أحد فالبيت دخلوا بيت الحج عبدالله ..



@qesasanani

بارت 31


روحوا من المستشفى 🏨 تغدوا وجهزت احلام ملابس لفاطمه واتصلت لأماني تقلها ...



تهاني : جهزت لهم الغداء بسرعه ودموعها ولا وقفت 😭 ..

عادل : قوى ياقلبي ❤ يكفي بكاء من الصبح ان شاء الله عتقوم بالسلامه انا شخطى ذلحين ارجع معاهم وانتي اوبهي للعيال قد قلت لأحلام تديهم عندش وهي عتسير ...


تهاني : أشتي أجي معاكم ابسرها ..

عادل : مابش من الجيه فايده ياروحي ماعيخلوش أحد يدخل عندها وانا والله اول مايسمحوا بالزياره لأجي لش تبسريها ...



..... ..... .....

في بيت حميد ...

عم حميد : دخل لعند تقيه ونوال .. خلاص يابنتي مدام قد دريتي بجيتهم خليش داخل بس ولا تطلعي صوت وهم أكيد ماعيدخلوش لاعندكن ..

نوال : بتبكي 😭 سامحني ياعم حميد فعلت لكم مشاكل ..

تقيه : ما قالوا لك كم عيجلسوا عندنا ..

عم حميد : ماشي بس حسيت من كلام صالح انه جاء يدور ع شي ويشتي يلقاه ..


نوال : حضنت تقيه وبتبكي 😭 بيدوروني أنا ومشهم داريين اننا عندهم في نفس البيت ..



... ... ....


في الديوان ..

طارق : يا أبه والله انه خزا وإحراج قوي ☺ نسير فندق أحسن لنا ..

صالح : بهرر فوقه 😳 أنت مادخلك مشو خزا ولا ..

طارق : أصلا بينحس عمي حميد مشو ع بعضه وكأن جيتنا ضايقته ..


صالح : ولا تضايق ولا هو بس شكله ذكر عياله لما إبسرك حين كنتوا دائما جمعه ...




...... ..... ......


في الحديده ...


عبدالصمد : كمل عمله وصل ارتجم فوق الفرش الإسفنج حقه قدهو تاعب من الشمس والحمى 🌝 .. بيتذكر كيف كان وكيف كانت عيشته في مثل هذا الوقت عادهو كمل يتغدا وبيتصل لأصحابه ويخرجوا يخزنوا والناس تحترمه ابن شيخ وكيف قد حالته من بعد عيشه هنيه وكلها تفاخر رجع يرقد فوق فرش في محل تنهد قهر ع نفسه 😔 خرج محفظته من جيبه بيتفرج صوره نوال وتشارغت عيونه 😭 يعلم الله أين أنتي وماقد حصل معش ..


.... .... ...


في المستشفى 🏨 ..


أماني : وصلت بتبكي 😭 هيا مه يا أبه ماقالوا مالهم ..

علي زوج اماني : الف سلامه ليش محد اتصل لنا ..

حسين : والله ماعد انتبهنا يا أخي يله اسعفناهم ..

أماني : جلست جنب أحلام بتشرح لها ماحصل ...


عبدالكريم : وصل المستشفى 🏨 .. هيا الحمدلله لقينا حجز لكن بعد يومين ..

عادل : طيب حلو أمد ماترتاح شويه وتتجهزوا ..

الدكتور : خرج من عندها .. منهو منكم رزق المريضه بتصيح من اول قوى رزق اوبهوا لرزق اشتي رزق..

عبدالكريم : حس بخنقه في صدره 😤 حتى وهي تاعبه حسها عند رزق ..

حسين : خطي لعنده .. هآه دكتور رزق أخي الصغير بس هو فالبيت ..

الدكتور : طيب ممكن تديه بتصيح تشتي تبسره ..


عادل : خلاص شاسير اديه انا ياحج وادي معي ام معاذ تتطمن عليها ..

حسين : راعي لي شاجي معك ابدل .



..... ..... .....

في بيت عادل

رزق : بيبكي 😭 ولا رضي يسكت مفتجه ع أمه ..

معاذ : بيسكته .. ياحبيبي لاتبكيش هي عتفتهن هيا مه انت الرجال حقها المفروض تدعي لها ..

يزن : رفع يده للسماء 🙌🏻 يارب اشفي جدتي وتفتهن ..

هبه : وانا شقراء لهم الفاتحه وقل هو الله أحد وقل أعوذ برب الناس الي قدنا حافظه لهن أن ربي يشفيهم ..


تهاني : بعد ما اتصلها عادل تتجهز لبست و دخلت لعند العيال تقل لرزق يتجهز عيسيروا المستشفى.

يزن : بيحنب 😢 وأنا أشتي اجي معاكم ..

تهاني : ماينفعش ياحبيبي هو الدكتور بس قال يشتي رزق أنت أجلس هانا أنت وهبه عند معاذ شويه ويخرج يجعل لكم ويفتح لكم حق الاطفال ..

..... ..... .....


في بيت الحج عبدالله


أحمد: 😭 بيبكي ع جدته ويشتي يسير المستشفى يبسرها ..


آيه : بتضحك عليه 😂 جاهل جاهل بيبكي ولو ماتت مايقع عادهو أحسن يجلس رزق بغير أم ومحد يدلعه هكذا .

أحمد : بيصيح فوقها 😡 عيب عليش تقلي هكذا تشتي تموتيها لو يسمعوش جدي لايزعلوا منش ..

آيه : وجدي لو يموتوا عادهو أحسن يقع لنا زلط خيرات قالوا ماما ومايدوش حاجه لرزق ..


أحمد : طنن من كلامها 🤔 ان امه بتفكر بهذه الطريقه وتعلم أخته تحقد ع رزق ..

..... ..... .....

عادل : وصل البيت بيطرق لتهاني تخرج ..

حسين : نزل يتحمم 🚿 ويبدل عادهو بلبس العمل .. انت اخطى وانا شاكمل والحقك ..

تهاني : خرجت هو ورزق بيطلعوا السياره 🚘 ..

أحمد : ابسر عمه دخل البيت سأله ليش روح و خرج بسرعه يلحق عادل بيداعيه ... ياعم عادل راعوا لي شاجي معاكم ...



@qesasanani

بارت 32



العشي الساعه 7


في بيت حميد

صالح : يا حميد ولو قد فيها كلافه عليك لو تخلي أختي أم قايد تدي لنا قلص شاهي ☕ بعد القات أنا والف أبعد القات وأتقهوى ..


طارق : غمز لأبوه 😉 اوذا شخرج أديلكم من البوفيه لاعاد تتعبوهمش وقام يشتي يخرج ..

حميد : مع يا إبني مابش تعب ولا هو قلص شاهي سعم مدري ماعتفعل ..

صالح : مسك طارق .. أين عتسير ياولدي قلنا لك اوقع مدبر يعلم الله كم عنجلس هانا ..

طارق : خزي ☺ من كلام أبوه .. كما جلسنا يا ابه مالكم الخير خيرات الله يرحم جدي سار وورث ..

حميد : الله يرحم جدك الشيخ والله ماكان احلى ولا اطيب من قلبه ❤ ولا أكرم منه ذلحين عمك شابح المشيخه بعده أومه ..

صالح : بعصبيه 😡كلنا شيوخ ابن شيخ ولا ماشيخ الإ أخي حن شبح بعد أبي ..

حميد : مشو القصد هكذا يا أخي لاتفهمنيش غلط . يله هآه أقوم اديلك الشاهي ..

دخل حميد وبيداعي .. يييه تقيه يييه ..

نوال : جاوبته ..هاه عم حميد هم بيصلوا عشاء ..

حميد : خلاص يابنتي قوى افعلي لنا ثلاجه شاهي ☕ وانا شويه وشدخل لها ..

نوال : بخوف 😥 ماقد حسوش إني هانا قد سألتهم ليش جو .

عم حميد : مسك راسها بيده 👋🏻 لاتفتحعيش يابنتي منين عيدروا وانتي داخل ماعيدخل بهم عندش وبعدا مالش فمه والله لو يسير راسي مايلمسوا منش شعره وأنت تحت خشبتي ..

نوال : دخلت تفعل الشاهي ☕ تذكرت لما كانت تفعل لأبوها الشاهي بعد القات وإنه يعجبه سكر خفيف وبهيل تنهدت بحرقه 😔 وفعلته مثل مايعجبه ..



.... ..... .....


في الحديده ...

عبدالصمد : ضبح جلسه فالمحل 😤 اتصل لعامر يخرجوا يشتروا لهم سندوتشات ويسيروا يتمشوا ع البحر 🌊 ..

عامر : والله ماشقدر معي امتحان الصبح وماقد كملت المذاكره 📖 .

عبدالصمد : خرج وحده اشترى له سندوتش طعميه 🌯 وواحد عصير ليم 🍹 وبيلوي فالشوارع إبسر محل فيه ملابس رجالي 👕👖 وقف خارج بيتفرجهن ويتفرج لداته كيف قدهن قدهو ناسي أخر مره اشترى له ملابس أيحين يله الي بيدخله يكفيه أكل وشرب فلت وخطي من عند المحل ...



..... ....... .......

في المستشفى 🏨 ..

في زاويه ..


أماني : بتحاكي زوجها .. هيا إبسرت أمي اول مافتحوا عيونهم مايشتوا الإ رزق هذا قد جاء شل المحبه حقنا كلنا قد رجع هو ابنها واحنا الي من الشارع ..

علي : همس يدها 👋🏻 أووص لحد يسمعش المفروض مدام وعمي وعمتي بيحبوه هكذا انش تتقربي منه وتبيني لهم انش بتحبيه يركنوا عليش ..

أماني : 🤔 اممم والله ان كلامك صدق زيد ذلحين مدام عيسافروا شاقلهم يخلوه عندي اوبه له وأبي أكيد عيدي مصروفه واحنا نشلها وجيزه من جيز العيال ...


الحج عبدالله : أخيرا دخل لعند مرته .. قرب لعندها هيا مه يافطوم قلبي ❤ تشتي تفجعيني عليش .

فاطمه : بتتحاكى بتعب 😷 والأكسجين فوقها بعدته .. قدنا شاموت ماقلك الدكتور .

الحج عبدالله : قال أنش بخيره ساع الريال وعادش عتزوجي عيال رزق ..

فاطمه : ياعالم عادنا شبسر رزق حين يكبر أو حرام 😔 ودمعت عيونها ...

الحج عبدالله : مسك يدها وحبها في رآسها 😘 هيا من هذا الكلام الشوعه هاه قد حجزنا عنسافر بعد يومين ونبسر الدكتور حقش ..

فاطمه : بتهز رآسها ماشي 😞 مافايده للتعب والعزوزه أشتي أموت بقعتي وفي بلادي ..

حسين : ع دخلته سمعها 😔 ماهو هذا الكلام يا أمه والله ان عادنتوا عتدفنونا كلنا ...

الحج عبدالله : عادهو عادل خارج .

حسين : أيوه مارضيش يفلتني قال عيرقد عندي وعبدالكريم يروحكم بس مراعي تزد أم معاذ تبسر أمي ..

الحج عبدالله : ماهذا الأدمي والله ماعد به منه هذه الأيام أصيل صدق هيا نخرج تدخل تهاني تبسرها عيصيح الدكتور ..


تهاني: دخلت ابسرتها تاعبه نزلت دمعتها 😭 بس مسحتها بسرعه لاتنتبهش لها .. هيا خاله البيت شوعه بغيركم بتتدلعوا علينا ..

فاطمه :ابسرتها وابتسمت بتعب 🙂 قوى ياتهاني لاوقع بي شي اوبهي لرزق مفتجعه عليه من عبدالكريم و سميره وأماني قد شكل سميره بتعلمها حرام الولد ربي اداه لابين ايدينا مابش معه احد فالدنيا هذه ..

تهاني : بقهر وزعل 😔ماسخاني عليه لاتهموش وبعدا انتوا عتفتهنوا وتوبهوا له أنتوا ..



الله يشفيش ياخاله فاطمه ويخليش علشان رزق ...


.... .... ....

في بيت حميد


صالح : بيشرب الشاهي ☕ 😋 امممم ما اطعمه ع مايعجبني
امانه مازد عرفت أشرب شاهي ساع الناس ع مايعجبني من بعد ماراحت لها بنتي نوال الإ اليوم .

طارق : بيشرب ☕ أمممم والله انه صدق طعمه ساع الي كانت تفعل أختي ..


عم حميد : ارتبش وحس جسمه كله بيدخن 😤 لو يشكوا ان نوال عنده ... اصلا حتى أنا يعجبني هكذا وأم قايد دايما تفعله لي بهيل ..



@qesasanani

بارت 33


بعد يومين ..

جاء موعد السفر ✈ فالمطار ..

عادل : وصلهم المطار الساعه 6 الصبح وشل رزق معه ..

فاطمه : فوق كرسي متحرك تاعبه بيخطيها حسين ورزق جنبها.

الحج عبدالله : سلم ع عادل وبيوصيه .. قوى قد الولد في ذمتك لما نرجع حسك عليه من عبدالكريم ..

عادل : في عيني ولا تقلق اهم شي تطمني اول ماتوصلوا وماعيقل الدكتور ..


الحج عبدالله : ان شاء الله يله استودعناكم الله ..


رزق : بيبكي 😭 مايشتيش يفلت أمه .

عادل : طلعه السياره 🚘 هيا قدك رجال وعادك بتبكي 😭 تخلي أمك تسافر وهي زاعله .


رزق : آيه قالت لي ان امي قد عتموت وأجلس بغير أم😭 .


عادل : لاتصدقهاش امك عترجع بخيره ذلحين هيا نسير نشتري زلابيا وبرعي وكباب ونروح نصتبح فالبيت أنا داري ان الزلابيا يعجبك .


.... ..... .....

في بيت حميد

عم حميد : خرج وصالح سار معه يقبروا واحد من معاريفهم ..

نوال : هاه خاله الصبوح جاهز عتدعوا عمي حميد يدخلوه ..

تقيه : مع يابنتي قد خرجوا بحين ساروا يقبروا ابن ال **** ..

نوال : يعني ادخل ارفع الديوان ماعاد بحد ..

تقيه : أيووه قد دخل عمش حميد قلهم انهم عيخرجوا يقبروا وطارق مدري أين عيسير ..


نوال : دخلت الديوان بترفعه وتكنسه ابسرت الجاكت حق طارق معلق قربت مسكته وحضنته وبكيت 😭 لانهم كانوا اصحاب وقريبين من بعض ..

تقيه : دخلت لاعندها أبسرتها زعلت عليها 😔 يابنتي قوى لاتقهري نفسش خلاص اخرجي بس وأنا شارفع أنا اخطى بسرعه للبقاله أشتري لنا صلصه وملح واجي اكنسه ..

نوال : مع ياخاله اوذا شاكنسه أنا بسرعه ومدام مابحدهم خرجوا لاعاد تخرجوش انتوا شاسير أنا بسرعه للبقاله حرام تعب عليكم ارجلكم قدنتوا بتخرجوا يوميه من حين جو والدكتور منعكم من الخطيه ..

تقيه : اسهل يابنتي ارجلي اهم شي تجلسي مخبايه لما يريحولهم ..


نوال : إسهل ياخاله شحمل بسرعه 🏃🏻 مدام ومابحدهم ..



..... ..... ....

في بيت الحج عبدالله ..

أماني : بتعصور وشها 😏 هيا إبسرتي مارضيوش يخلوه عندي وخلوه عند بيت الجيران سعم اني شاكله ..

سميره : بضبح 😤 ابردي هم أخبر عادهو احسن نفتهن من دلعه شويه كم جهدش بزا جهالش يكفوا وهانا نفتهن منه بكم تفتهن بنتي آيه شويه مسكينه كم بتأكل روحها مايعرفوا يقلوا له ماشي في شي وما اشتروا له من شي يشتروا لهبه والله ان عيال الحرام هذولاء بيتهنوا أكثر من عيالنا ..



.... ..... ....


في الشارع ..

طارق راجع للبيت نسي تلفونه 📱
يشتي يتصل لعبدالصمد لأن أبوه مابحد يقدر يفهم منه ماحصل بالظبط وقف عند البقاله يشتري كرت ..


نوال : خاطيه فالشارع 🚶🏼في طريقها للبقاله ..


صاحب البقاله : مكنه الكرت وقله لحضه ارجع لك الباقي ..

طارق : مع لاتردهاش شاشل لي بها عصير بارد 🍹 ..

صاحب البقاله : العصير البارد قفاك فالثلاجه 🍹 ..


طارق : قفى يشل له عصير ..

نوال : دخلت البقاله .. بتمكن الرجال الزلط 💴 اديلي صلصه وملح ..


طارق : سمع صوت كأنه يعرفه لفت بسرعه لاوراه وتسمر بقعته 😳 مصدوووم نووووال ...


نوال : ابسرته قدامها افتجعت وجسمها كله عرق 😰😰 يدها ثلجت ماعاد عرفتش ايش تسوي رجمت الكيس الي فيه الملح والصلصه 🍒 وبتهرب بسرعه منه 🏃🏻🏃🏻 ..


طارق : بيحمل 🏃🏻🏃🏻بعدها يلحقها .. نووووال راعي .


نوال : من خوفها ماعاد كانت تحس ارجلها وين بيخطين بتهرب وعيونها بتبكي خوف ورعب 😭 ...



...... ...... .......


في بيت عادل


تهاني : قربت الصبوح 🍲 الي اشترى عادل .


معاذ : مجلس رزق فوق رجل وهبه الدلوعه فوق الرجل الثانيه بيلاعبهم ..

عادل : بيداعيهم .... هيا ياعيال الزلابيا عيبرد🍪 ..


رزق : ذكر أمه وبكي 😭 مشتيش صبوح أمي عتموت ..


تهاني : ذكرت فاطمه وبكيت 😭 .

عادل : بيهديها ويهدي رزق ..

معاذ : يشتي يسكت رزق .. الي عيسبقني لافوق المايده ششتري له شبس وايسكريم 🍦🍦..

هبه ورزق : حملوا يسبقوه 😃 يشتري لهم ..


..... ..... .....


في الشارع .

نوال : بتحمل بسرعه وما ابسرتش قدامها بتقطع الشارع صدمتها سياره 🚘 وارتجمت للأرض .


طارق : حمل 🏃🏻🏃🏻 لعندها وابسرها مرجومه فالأرض بيقيمها نوال ردي عليا قوى يا أختي ..

صاحب السياره : 🚘 نزل بسرعه طلعها فوق السياره يسعفها وطارق طلع معاها ...


تقيه : قدهي بتقلق 😰 ومفتجعه مالها تأخرت بتهم لو يروحوا وعادهي خارج ..



معقوله كنا منتظريين لفاطمه تموت و تنقلب الآيه والي تموت نوال 🤔 توقعاتكم ....


🌹meme_abdalgaleel


@qesasanani

بارت 34



في الحديده :

عبد الصمد : بيوزع عربيه الإيسكريم حقه 🍦 يشتي يوزعها بسرعه لأنه يشتي يوزع حق عامر يساعده لأنه بيمتحن قدهو تاعب الدنيا حمى وشمس 🌞..

وقف ع جنب يرتاح شويه ..

خطيت سياره مونيكا كبيره 🚘 وفيها مرافقين وقفوا بيداعوه ... ييييه ياصاحب الإيسكريم 🍦 جي كذا ادي لنا كرتون أبو قلص و2 أبو بسكوت ..

عبدالصمد : فرح 😃 إنه عيبيع خيرات يكمل الي معه بسرعه فتح العربيه وخرج الإيسكريم وخطي لعندهم يمكنهم 🍦 ...


فوق السياره 🚘: واحد نزل الزجاج يحاسبه قيمه الإيسكريم 🍦 شافه قدامه إنصدم ...😳 معقوووووله... عبدالصمد ..

عبدالصمد : شافه وإنحرج ☺ وطى رآسه ... كيف حالك يا سمير ..


سمير : زاعل ع حالته 😔 مالك قدك هكذا وين عبدالصمد حق زمان أيام الجامعه أين سار الزنط والسيارات والشياكه ماجرى عليك ..

عبدالصمد : قصه طويله يا أخي .. ذلحين إشبح الإيسكريم 🍦 عيمهى ..

سمير : شل الإيسكريم من يده 🍦 وبيمكنه الزلط 💴.

عبد الصمد : رجع يده ..👋🏻الله المستعان والله ما اشل ريال هذولاء مني .


سمير : طيب تمام قد اسمك حلفت يمين ع هذولاء أبسرلي كم عاد به معك شاشتريهن كلهن وأطلع معي نسير نتغدى 🍛 ..

عبدالصمد : ابتسم بقهر ع نفسه 😌 مع إسلم يا أخي أنا شاسير أتم عملي واديلي رقمك ونرجع نتواصل ..

سمير : عليا الحرام ماتدي خطوه وأشر للمرافق .. يله أطلع جنبي وفتح له الباب حق السياره 🚘 ..

عبدالصمد : يا أخي ليش تحرم الله يهديك ... طيب شاروح العربيه وأحاسب صاحب المحل وابدل واجي لعندك ..




..... ..... ......



في المستشفى 🏨 ..

الدكتور : المريضه تحتاج دم 💉 سير ادي لنا قربتين ..

طارق : أنا فصيله دمي مثلها o سالب شتبرع لها بس طمني كيف هي ...


الدكتور : فيها كسور في رجلها اليمن والضربه جت ع وشها نزفت من أنفها لانه انكسر عظم الأنف .

طارق : بقلق وخوف عليها 😰 يعني كيف عتعيش أولا طمني .


الدكتور : الحمدلله لاتقلقش فعلنا لها عمليه للكسور ورجلها مجبسه نكمل بس ننقل لها الدم وتقدر تدخل تتطمن عليها ودعى الممرضه تسير تسحب منه ..



...... ...... ......

في بيت حميد ....


تقيه : قد قلبها في ركبها ❤ عتجنن مالها نوال ماعاد روحتش قامت تلبس البالطوه حقها تخرج تبسرها ..

عم حميد : ع وصلته بيفتح الباب 🚪 ابسرها قدامه ... الله الله ياساتر ..

تقيه : رجعت دخلت و بتأشر له بيدها 👋🏻يجي لعندها ..


عم حميد : دخل بعدها مستغرب 😳.. مالش يامره لابسه أين عتسيري ..

تقيه : بخوووف 😰 نوووال ..

عم حميد : إفتجع 😰 بقلق ..مالها ما حصل مابه. .

تقيه : خرجت للبقاله تشتري صلصه وملح مازد رجعتش لذلحين ..


عم حميد : بيصيح فوقها 😡 وكيف خليتيها تخرج أنتي داريه أنحنا قلنا تجلس قالبيت لما يسافروا ..

تقيه : والله مارضيت قد حاكيتها قالت بساعتها مدام وهم خرجوا معك وعترجع .

عم حميد : بيصيح 😡 أنا تخايلي أنش مره وعتوبهي لها ذلحين البنت شكلها هربت مفتجعه لايلقوها .. حسبي الله فيش البنت عترجع تتمرمط فالشارع من جديد ..


قاطعهم صوت الباب بيدقدق 🚪.

عم حميد : خرج فتح الباب يبسر من .

صاحب البقاله : هآه عم حميد هذه الحاجات حقكم اشبحوهن بنتكم رجمتهن وهربت 🏃🏻 لما أبسرت الضيف حقكم شكلها خزيت منه قلت مدام مازد رجعتش لهن اديهن لكم ..


عم حميد : انصدم من كلامه 😳 أييييييش الضيف .. قصدك طارق ...

صاحب البقاله : مدري .. هذاك الولد الطويل الحالي الي بيلبس جاكت أسود ... مكنه الكيس ورحله ..


عم حميد : تنهد وخفع رآسه بيده .. يعلم الله ماقد فعل بها كيف أفعل بس الولد ع مابينفهم من كلامه إنه عاقل معقول يكون قتلها 🔫 ولا البنت قدرت تهرب منه 🤔 ...

....... ...... ......


في الأردن ...

وصلوا بالسلامه وع طول ساروا للمستشفى قد تواصلوا مع الدكتور من صنعاء ..

فاطمه : ممدده فوق السرير .. بتداعي حسين يتصل لعادل تشتي تحاكي رزق تطمن عليه لأنه سافرت وهو بيبكي 😭😭 ...



عادل : جاوبه .. اهلا يا أخي حمدلله ع السلامه هيا مه طمني كيف رحلتكم ..

حسين : الحمدلله .. أمي تعبوا شويه بس قدحنا فالمستشفى 🏨 بيقلقوا ع رزق يشتوا يحاكوه حين كان بيبكي ..


عادل : قلهم لايقلقوش والله ان قد سكت ومعاذ بيلاعبه من أول هو وهبه اوذا شدعيه يحاكوه وبيداعيه .. يارزق جي جاوب ماما بيتصلوا لك من الأردن ..

رزق : حمل يجاوب 😃 فارح كيف قدنتوا .. افتهنتوا او عادنتوا مريضين أنا مابينبكيش قدنا رجال قلي معاذ لو أبكي أنتوا عتحسوا وتزعلوا وتمرضوا ..


فاطمه : ابتسمت بتعب 😌 أنا قدنا بخيره أهم شي لاتبكيش واسمع كلام معاذ وخاله تهاني وسير المدرسه ..

واصلوا كلامهم لما دخل الدكتور وغلقت التلفون 📱.



@qesasanani

بارت 35


في الحديده ..

عبدالصمد : روح سلم العربيه وبيخرج الزلط يحاسب صاحب العمل إبسر إن صاحبه زيدها أكثر من قيمه البضاعه إقتهر وزعل ع نفسه 😔 إن الناس قد بيتصدقوا عليه .. حاسب الرجال وفي طريقه يروح يتحمم ويبدل تذكر أن ملابسه قدهي قديمه قرر يسير يشتري له والرزاق الله عتتدبر بقيه الشهر ..


..... ..... .....


في المستشفى 🏨 ..

الدكتور : خلاص ممكن تدخل تتطمن عليها ذلحين قد فاقت ..

طارق : دخل وكله خوف وقلق ع أخته 😰 ...


نوال : أول ماابسرته خافت 😰 كانت تشتي تقوم من السرير بتتحرك ماقدرتش رجلها صاحت ..


طارق : حمل مسكها بقلق عليها 😓 لاتتحركيش رجلش اوبهي توجعيها ..

نوال : إبسرته مصدومه 😳 معقوله هذا طارق الي جاء مع أبوه يشتي يقتلها ليش خايف عليها ..

طارق : مسك يدها ..👋🏻لاتفتجعيش مني يا أختي مشتيش أظرش بشي والله اني بيندورش طول هذه السنين أخبيش من أبي ويونس داري أنش وعبدالصمد غلطتوا بس مهما كان أنتي أختي وقطعه مني كيف أقتلش ودمعت عيونه 😔 ..


نوال : بتبكي 😭 كيف تشتي تخبيني وأنت جيت تشتي تقتلني 🔫 انت وأبي .

طارق : إستغرب 🤔مدراش إني وأبي هانا ...

نوال : وهي بتبكي 😭 أنا عايشه في بيت عمي حميد هو لقيني قبل 6 سنين وعرف قصتي ومخبي لي عنده وبتحكي له ..


طارق : آها .. قلتيلي .. بيض الله وشك ياعم حميد وأنا بينقل ماله مفتجع ومربوش من جلستنا عنده ...


...... ...... ......


في بيت حميد ..

تقيه : داخل بتبكي 😭 وتلطم وشها .... يوووه حسبي الله من قلي أخليها تخرج كيف صدقتها .



عم حميد : ذلحين أنا اشتي أدري ماحصل هربت ولا شبحها ودري انها كانت عندنا ولا مافعل بها يارب صبر قلبي ❤أنا شدخل أبسر صالح لاقد عنده خبر ...


صالح : هيا مالك أين زد جيت ومال وشك مقلوب هكذا 🤔 ..

عم حميد : ارتبش هآه 😅 مابلا غاثي ع صاحبنا الي مات . ذلحين اين جاء طارق ماله مازد روح نقرب الغداء .

صالح : والله مدي لك علم . من حين سار لعند صاحبه ماقد روحش يمكن عيتغدا عنده اوذا شتصله 📱 ...



.... .... .... ....

في المستشفى 📱

طارق : بعد ماسمع كلام أخته رحمها 😔.


تلفونه رن 📱.. ابسرها هذا أبي أسكتي .. ألوووه هاه أبه مالكم ..

صالح : هيا وين انت عتروح ولا نتغداء 🍲 ..

طارق : إتغدوا بس أنا عند صاحبي اليوم ويمكن ارقد عنده 😴 ..


صالح : بيصيح 😡فوقه يعني تشتي تضيع اليوم علينا انت داري تشتي نخرج ندورهم ..

طارق : اسهل يا ابه هذا صاحبي معه معاريف خيرات يمكن يقدر يساعدنا الصبر .

صالح : يله بعدك هاه عنصبر قد صبرنا كل هذه السنين ماجتش ع يوم أهم شي نلقاهم وغلق تلفونه 📱..

عم حميد : بيسمعه وفهم ان طارق ماقله شي 🤔 بس ليش طارق خبى عليه معقوله تكون نوال هربت وهو يشتي اليوم يدورها زاد خوفه وقلقه ع نوال . ابسر صالح .. يا اخي من حين جيت وانت بتدور ناس من بتدور قلي يمكن اقدر اساعدك ..


صالح : مايشتيش يبين له خايف من الفضيحه ... هآه 😅مابلا هذا ناس فالبلاد سلفناهم زلط وهربوا .



..... ...... .....



في الحديده ...


عبد الصمد : تحمم وبدل لبس اللده الجداد 👖👕 ومشط شعره وخرج بيتصل لسمير 📱
هاه أخي أنا تحت البيت ..


سمير : نزل له يدخله ... أهلا وسهلا . إبسره لابس جديد 👖👕 حب يرفع معنوياته .. 😃 أيووه هذا عبدالصمد الي أعرفه .. هيا ادخل حياك قد قلتلهم يقربوا الغداء ..

عبدالصمد : دخل وهو محرج منه ☺ ..

فوق الغداء 🍲🍝🍜 بيتجابروا

عبدالصمد : ماشاء الله هذا بيتك🏡 بس ليش قدك فالحديده ..

سمير : فتحت لي مكتب تخليص جمركي بعد ماتخرجنا وماشاء الله توسع العمل وفتحها الله في وشي وفتحت شركه صغيره بس جيت هانا العمل هانا علشان الميناء تزوجت وقد معي ولد .. وانت يا أخي قلي مارجمك هذه الرجمه وقدك هكذا وما أخبارك مازد فعلت زد تزوجت من بنت عمك هذك الي بتحبها ..


عبدالصمد : دق بيده ع قلبه 💔آح بس آح لاعاد بنت عمي ولاعاد لقيت نفسي ولاعاد معي شي قدنا ضايع ...


.... ..... .....

عدت اليوم ..

عم حميد وتقيه : في قلق وخوف 😰 ع نوال وخايفين يسألوا طارق لان عندهم أمل أنها هربت وعترجع لما يروحوا ..


آيه : فارحه ان رزق مابحد وعترتاح منه ..

عبدالكريم : بيعد الزلط 💴 وبيبعد له ع جنب ..


معاذ : مرتاح إن رزق رقد وهو بيضحك ونفسيته مرتاحه 😃 ..

تهاني : دمعتها ع خدها 😭 قلقه ع فاطمه ..

طارق ونوال : سامرين بيتذكروا أيام زمان وحكت لهم ماحصل معاها ومع عبدالصمد ..

طارق : فجأءه تذكر 🤔 يووه نسينا ذلحين أكيد عمي حميد قلق عليش اتصله أطمنه عليش ..

نوال : أيووه .. حرام .

عمي حميد : 📱 تلفونه بيرن ابسر رقم طارق وخايف من الي عيقله 😰جاوب هاه ابني ..

طارق : هاه عم آسف ازعجتكم هذه الساع بس لو أبي عندكم لاتبينوش اني انا الي بينتصل ..

عم حميد : مستغرب منه ليش مايشتيش أبوه يدرى 😳 مع ابوك قدهو راقد انا داخل ..


طارق : طيب اسمعوني .. لاتقلقوش ع نوال أنا

عندها هي افتجعت مني تخايلها اني اشتي اقتلها هربت 🏃🏻مني وصدمتها سياره ..


عم حميد : أيييش صدمتها سياره .🚘.. كيف قدهي ..

تقيه : افتجعت 😳 . ... يوه ياحافظ .. ماوقع بها .

طارق : والله انها بخير رجلها بس مكسوره لاتقلقوش اوذا شاخليكم تحاكوها بس اوبهوا يدرى أبي وانا شجلس أضيعه لما يضبح ونرجع ذمار ..


🌹meme_abdalgaleel


@qesasanani

بارت 36




ثاني يوم الصبح 🌝 طلعت الشمس أخيرا بعد يوم كان كله متاعب من حادثه نوال لاسفر فاطمه وقلقهم عليها .



في بيت حميد ...

تقيه : بتقيم حميد راقد 😴 ... يييه حميد الصبوح قدهو جاهز طرحته فالديمه وأنا شخطى للمستشفى🏨 ابسر البنت كيف قدهي والله اني قلقه عليها قوي ..


صالح : يله تمام وخلي طارق يروح لايسير أبوه يشك في شي ولا شي ..


...... ...... .....

في المستشفى 🏨 ..


طارق : راقد فوق الكرسي 😴 .

نوال : فتحت عيونها بتداعيه .. طارق ..طارق قوم روح يا أخي ارقد فالبيت تعب عليك من أمس ..

طارق : فتح عيونه وبيتمطط ... صباح الخير .. 😇 كيف قد انتي ..


نوال : الحمدلله أحسن قوم روح لك افتهن ..

طارق : مع اول شنزل اديلنا صبوح 🍲 وبعدا اروح بساعتي اتحمم وابدل وابسر أبي لايصيحش وأرجع ..

نوال : مع لاترجعش عيقل أين بتسير ..

طارق : ماشس مع ماينفعش كيف افلتش وحدش ..


باب الغرفه بيدقدق 🚪..

تقيه : دخلت ... صباح الخير .. حطت الصبوح فو ق الماسه 🍲
.. وقربت للسرير .. هيا كيف انتي يابنتي ماوقع ...


طارق : 😃 هيا عيس اننتوا جيتوا قدكنت قلق عليها كيف شافلتها وحدها ..

تقيه : انت رحلك يا ابني لا يسير أبوك يشك في شي وانا شجلس عندها ..

طارق : خلاص يله تمام .. وشاجي العشي ارقد عندها وانتوا تروحوا البيت ....



...... ..... .....


في الأردن ...

حسين : هآه دكتور هيا ماهو ماطلعت نتائج الفحوصات 📄📈 ..


الدكتور : شوف أنا مش حابب أخبي عليكم المريضه حالتها متدهوره جدا والعلاج ووجودكم هنا مافيش منه فايده طبعا هي الأعمار بيد الله وإحنا بنحاول نسوي الي نقدر عليه .


حسين : ماقدرش يمسك نفسه حس أن أيام أمه قدهي معدوده وممكن يخسرها في أي لحضه نزلت دموعه 😭 ..



...... ....... ......


في الحديده ...

عبدالصمد : قام لبس الي اشترى وبدل فارح 😃 اليوم عيبداء شغله مع صاحبه فالشركه حقه قد سلم البضاعه لصاحب المحل واليوم عيفلتها ..


سمير : بيتصله 📱 الووو هاه وين أنت أنا خارج مراعي لك عند الباب علشان نسير اول للشقه ونرجع الشركه ..

عبدالصمد : 😳 ايش من شقه ..

سمير : ضحك هههه 😂 ذلحين اخرج وعنتجابر فالطريق ..

عبدالصمد : خرج وفتح باب السياره 🚘 اول ماطلع لفت لسمير .. شقه ايش ..

سمير : مبتسم 😌 أصلا أنا مستأجر شقه تابعه للشركه بينخزن فيها أنا والعملاء لو معانا عمل بعدالعصر والشقه اصلا مفروشه يعني عتجلس فيها وانت مرتاح نخطي ذلحين اوريك اينهي ونطرح فيها الحاجات هذه والملابس ان شاء الله بس وهن مقاسك قد اشتريتهن نفس المقاس حقك الي كنا نشتري زمان ونرجع الشركه ..


عبدالصمد : محرج قووي من صاحبه 😅 ايش هذا يا أخي ملابس مه الي اشتريت والله ما اشل شي انا داري ان منظري محرج اشتغل فالشركه حقك بس قد قلت شخرج اليوم اشتري لي وبعدا مع الشقه حق العمل شادور لي اي مكان استأجر فيه ..

سمير : بهرر فوقه 😳 عيب عليك إستحي ع نفسك من هذا الكلام أنت أخي وأكون قليل أصل لوماوقفتش جنبك ولا نسيت كم كان كودي في بيتكم وأكلنا عيش وملح وما انساش مواقفك معي لما كنت احتاج زلط ..


عبدالصمد : دمعت عيونه 😭 وتنهد .. الله يقدرني وأرد جميلك هذا ووقفتك معي ..

سمير : يشتي يلطف الجو .. 😜 خفعه بيده في فخذه 👋🏻 ارجع زوج ابني ببنتك ولاتشلش مني مهر ..


عبدالصمد : ضحك هههه 😂 ان شاء الله ذلحين تجي أمها ...



..... ..... .....


في بيت حميد ..

صالح : بيصيح فوق طارق 😡 أين أنت لذلحين ومنهو صاحبك هذا الي طلع لنا ..

طارق : غمز لحميد 😉 يا ابه هذا عينفعنا قوي بيساعدني هو واصل قوي وعادنا شاكن ارقد عنده هذه اليومتين علشان يهتم بالموظوع ..

صالح : صدقه هآه .كان قلتلي هيا سير عنده من ذلحين 😃 ..



@qesasanani

بارت 37


عدى أسبوع ...

في بيت حميد ..

أماني : بتداعي يا أمل جي إبسري ابنش بيبكي 😭 من اول ماخلانيش ارفع سوى بيهرمني..

أمل : إبردي منه عيسكت هو بيدحس يشتي نرجع عند أبوه الحديده .


أحلام : قد جهزت بقعه عمتي الله يوصلهم بالسلامه ..

أمل : بزعل😔 أمين والله أن قد روحي عتخرج ع بسرتهم قد شجنن سافروا وما ابسرتهمش ..

في الغرفه ..

رزق : بيدور له ملابس حاليه 👖👕 من الدولاب يستقبل أمه فاطمه ندش الدولاب للأرض .

سميره : دخلت ابسرته ..بتصيح 😡 بسك دلع زيدت فيها عيصدق نفسه مابعدا سير دور اين أمك تلفلفك مشحنا مخاطبات بك ..


رزق : بكي 😭 لا تتحاكيش ع ماما فاطمه هكذا هم تاعبين ولا كانوا عيرفعوا لي وبيرفع لداته 👖👕 ويدخلهن الدولاب ..

سميره : ابسرته بنص عين 😏 وسخريه قلك ماما فاطمه .. عيعينك الله بعونه .


أحلام : ع دخلتها تقل لسميره تتصل 📱لعبدالكريم تبسر لو قد وصلوا سمعتها .. ضبحت منها 😤 ماهو هذا الكلام والخباله ياسميره اقسم بالله لو تعيديها لأقل لعمي ومسكت رزق وحضنته .. لاتبكيش ياروحي 😭 اختار الي تشتي وانا شرفع ..

سميره : قلبت عيونها وخرجت 🙄 . وسارت تشكي لأماني..


أمل : 😡سمعت كلامهن وكيف بيحقدين ع رزق تصايحت معاهن حرام عليكن ماذنبه بدل ماتقلين طفل برئ حرام نحاسبه ع غلطه الكبار قد حسكن عند الزلط والورث وقد بتفكرين في موت أبي بدل ماتقلين الله يطول في عمرهم ...


رزق : شل لداته وسار عند تهاني يبدل 👖👕 ..


سميره : غلقت الباب بعده 🚪مقلع لازد ردك ..

أحلام : إقتهرت منها بكيت 😭 ودخلت غرفتها
...... ..... ......


في المستشفي 🏨..

طارق : بيتصل 📱 لعم حميد .. هآه عم هيا مه قد خرجتوا أبي ..

عم حميد : أيووه قدحنا فالمطعم قلتله ان ام قايد اليوم عند جارتنا معاهم موت نخرج نتغدا خارج ..

طارق : يله تمام وإحنا قد بنعامل للخروج لاتروحوش الإ لما انبي عليكم ان قد روحنا ونوال داخل ..



...... ...... ......


في بيت عادل ..


تهاني : ابسرت رزق دخل البيت زاعل😔 واللده حقه في يده 👖👕 مالك ياقلبي من زعلك ..

رزق : قرح بكاء 😭 سميره صيحت فوقي لما دورت حقي اللده وقالت اسير ادور أمي تلفلفني ليش بتتحاكى هكذا ع ماما وهم مريضين ..

تهاني : 😤 ضبحت من كلامها . حضنته .. بس ياقلبي ❤لاتزعلش هيا نلبس بسرعه قبل ماتجي ماما قد هبه سبقتك وبدلت قبلك ...



...... ....... ......



في الحديده ...

عبدالصمد : 😃 فارح انه استلم الشغل هذا وحس انه عيرجع انسان مثل ماكان روح من الشركه للشقه ... أتمدد فوق السرير ... الله أخيرآ شرقد نومه هنيه ..خرج تلفونك يتصل لعامر 📱 يجي عنده مابيجاوبش رجع دخل التلفون معه الحمام أمد مايتحمم 🛁حطه فوق المرايه لويتصل عامر ..



..... ..... ......

في بيت حميد ..


تقيه : شابحه نوال دلا دلا يابنتي ع رجلش ..

نوال : مسنوده ع العكاز بتخطى .

طارق : كمل يحاسب التاكسي 🚖 وحمل يمسكها يدخلها ...


نوال : تمددت فوق السرير .. سامحوني تعبتكم واشغلتكم معي 😔 ..

تقيه : الله يسامحش يابنتي لاتقليش هكذا عتغثيني ..


طارق : ماهو هذا الكلام يا أختي والله لولي لأديلش روحي أنا الوحيد الي داري كم قد تعذبتي و ماقد فعلت بش خالتي خيريه وكم قد قهرتنا من بعد موت أمي واحنا جهال ...



..... ..... .....

في ذمار ...

يونس : ممدد بيتفرج التلفزيون 📺 وطارح رجل فوق رجل ..

خيريه : دخلت لاعنده .. قد اتصل أبوك قال اقلك تطلع صنعاء تدور مع أخوك وهو يجي يفعله يومين قدهو فاقد لي ...


يونس : 😳أيوووه وماقلتوا لهم ..

خيريه : ماعليك شي مشنا خبلاء اضيعك تقتل وبعدا يقتلوك ولايحبسوك عليا اوذك معاها اخ من ابوها وامها يقتلها هو ونفتهن منهم الإثنين أنا قلتله انك ادربت من الدرج ورجلك وجيعه ...



@qesasanani

بارت 38



في بيت الحج عبدالله


فاطمه : وصلت وشكلها يقطع القلب 💔 حالتها حاله تاعبه قووي ..


أمل : أول ما ابسرتها إنصدمت حضنتها وبتبكي 😭 ماكانتش متوقعه ان امها تاعبه هكذا ..


رزق : من أول ماوصلت وهو زاعل جالس 😔جنبها ولاعاد رضي يتحرك ..


تهاني : بتبكي في الغرفه الثانيه 😭 ماقدرتش تمسك نفسكها ..


سميره : عادي لامباليه ..

أماني : زاعله ع أمها 😔 ..

آيه : بتتفرج لرزق بحقد وفارحه فيه انه زاعله 😜 ...


..... ..... .....

عند الرجال ...

عادل : هيا مه يا حج اذكر الله مشو ع كلامهم الأعمار هي بيد الله مشو ع مايقلوا ..


الحج عبدالله : مطنن ومقهور ع مرته 😔 كيف شاعيش بعدها ياعادل هذه رفيقه عمري عشنا جمعه أنا وهي ع الحلوه والمره كم قد صبرت عليا وماعرفتها تغثيني ..


عادل : الله كبير ياحج وربي قادر يشفيها وتقوم بالسلامه ...



...... ..... .......


في الحديده ...

عبدالصمد : بيتحمم والشامبو في رآسه 🚿 رن التلفون 📱 مد يده يشتي يجاوبه ويده ملان صابون 👋🏻
طحس منه التلفون ونكع لابين الماء وتفكفك ع قطعه قطعه ..


...... ...... .....


في بيت حميد ..

طارق : يا ابه اليوم اتصل لي 📱 صاحبي الي قلتلك عليه قال دري اينهو عبدالصمد ونوال ...

صالح : تفرهد وشه وضحك 😃 وعادك جالس هيا قوم نخطى لاعندهم وقام بيلبس الكوت ..


طارق : مسكه ... لحضه يا ابه قال مشهم هانا ..

صالح : بإستغراب 😳 كيف مشهم هانا اوذا قلت لقيهم ..

طارق : ايووه .. بس قال انهم سافروا دخلوا السعوديه تهريب ..


صالح : 😱 يووه. والفعله وكيف لوماسافروا ..

طارق : شكله اول مادري انحنا بنلاحقه شلها وهربوا ...

صالح : ضبح 😤 ... وخفع الجدر بيده ... مالقيناهمش وسط صنعاء كيف عنلقاهم وسط السعوديه جهز لداتك يله نرجع البلاد ..

طارق : تنهد برآحه 😃 انه اخيرا ابوه عيقتنع انه يبطل يدورهم خرج تلفونه 📱وخرج من البيت يتصل لعبدالصمد يطمنه بيتصله يرد عليه الكمبيوتر ...

""ان الإتصال بالرقم المطلوب غير ممكن حاليا قد يكون الجهاز مغلق او خارج نطاق التغطيه ""..


....... ....... .......


بعد إسبوع ...

رزق : روح من المدرسه فارح 😃 دخل لعند فاطمه يوريها درجاته ادي درجات نهائيه 📄 ..

بيداعيها .. ماما ماما ..ابسروا كم اديت ابسروا حقي الدرجات ..

فاطمه : ممدده فوق السرير .. مابتردش ..

رزق : ماما .. ماما مالكم مابتجاوبوش بيهزوزها تقوم مابتجاوبش سار يدعي أحلام ... يا أحلام ماما مابيجاوبوش وبيبكي 😭 ..

أحلام : حملت بسرعه دخلت لعند فاطمه تبسرها بتقيمها بتداعيها مسكت يدها رفعتها 🖐🏻 ..

فاطمه : يدها ارتجمت 🖐🏻 فالته ..

أحلام : صاحت 😱 يووووووه عمتي ماتت وبتصيح وتبكي 😭 ..


رزق : ارتجم فوقها بيبكي 😭 ويصيح ..ياماما لاتموتوش لاتفلتونيش قوموا ابسروا حقي النتيجه وبيهزوزها ماجاوبتش حمل من عندها بسرعه وهو بيبكي 😭 كان يحمل بسرعه فالشارع حافي 🏃🏻 لاعند أبوه للمحلات يقله ..



عظم الله أجرك ياحج عبدالله الله يرحمش ياخاله فاطمه ويعين رزق من بعدش 😭 ..


🌹meme_abdalgaleel


@qesasanani

بارت 39


في بيت حميد ...

صالح : وجهه مقلوب 😡 وبيتحاكى بضبح انه خلاص مابش فرصه يقتلهم سلم ع حميد بضبح وخرج فوق السياره 🚘 ..



طارق : بيسلم ع عم حميد 👋🏻 تسلموا ياعم ع كلشي والله يحفطكم ولو سمحتوا لي شاكن أجي أطمن ع أختي بين فتره وفتره وهذا تلفون 📱 قد اشتريته لها اكن اطمن عليها ..

عم حميد : البنت بنتي الله المستعان في عيوني لاتقلقش عليها البيت بيتك في أي وقت .. عادنا بس اشتي اوصل لعبدالصمد .

طارق : اوذك قلتلكم قد لقيت رقمه بس مدري ماله ينتصله تلفونه مغلق 📱 ..

تقيه : بتدعيه من وراء الباب 🚪طارق يا ابني جاوب اختك تشتي تسلم عليك قبل ماتخطى ..


...... ...... ......


في الحديده ....

عبدالصمد : كمل يتحمم 🚿 ولبس من الملابس الجديده 👕👖الي اشتراهن سمير خرج لعند عامر يشله يشتروا تلفون بدل الي اكتسر ..


عامر : يله نسير ذلحين للشركه نطلع لك بدل فاقد مدام قد حرمت الشريحه والكل ..

عبدالصمد : اممم 🤔بس هي بإسم صاحب البوفيه الي كنت عنده في صنعاء ..

عامر : هآه اذا خلاص عنطلع لك شريحه جديده ...


...... ...... ......

في صنعاء

تهاني : بتقرب الغداء كانت فالمطبخ 🍲🍝 بتسمع صياح في بيت الحج عبدالله افتجعت حملت لعند عادل 🏃‍♀ ياعادل ياعادل احمل بسرعه مدري مالهن بيصيحين اوو خاله فاطمه فيها شي ...


عادل : عادهو كان بيبدل وصل من المدرسه 🏬 رجم لداته وحمل 🏃🏻 ..

معاذ : حمل بعده وهو مفتجع 😓 ..


تهاني : بتلبس تلحقهم هي وهبه ..

..... ..... ......

في المحل

الحج عبدالله : مسنب مراعي لعبدالكريم بيقفل المحلات ماسمع الإ صوت رزق بيصيح من قفاه..


رزق : أمي ماتت 😭😭 يابابا جي قيمها ..


الحج عبدالله : نكع الدواير من يده 🔑 وتسمر مكانه 😳..

عبدالكريم : بيغلق الباب 🚪 حق المحل وجع يده ..


رزق : بيهزور أبوه ..يابابا هيا نسير ندي الدكتور 😭 يعالج ماما ..

الناس بداوء يتجمعوا حولهم وروحوا الحج عبدالله للبيت ..


.... .... ......


في بيت الحج عبدالله ..

تهاني : بتبكي 😭 بحرقه وحاضنه رزق ..

امل : جالسه عند راس امها وبتبكي ..

سميره : فالمطبخ هي وأحلام بيقربين غداء للرجال الي تجمعوا ..

أحمد : بيبكي عند الباب فالحوش 😭 ومعاذ ومنير عنده بيهدوه ..

أماني : عادها وصلت من بيتها . دخلت بتصيح.

أجواء حزينه😔 وأصوات بكاء ودموع أطفال وصوت قرآن يعم المكان ..


الحج عبدالله : بحزن 😔 وقهر كسر قلبه 💔 بيحاول يمسك نفسه ...اتصلوا للمغسله تجي تغسلها وتكفنها .. نسير نقبرها اكرام الميت دفنه ...

عادل : نخليها للصبح ذلحين قدهو عصر ..

الحج عبدالله : هي وصتني مانخليهاش فالبيت نقبرها لاماتت نهار وتشارغت عيونه بالدموع 😭 ..

عادل : مسكه من كتفه .. الله يرحمها ويعصم قلوبكم ❤..

كملوا يكفنوها وجهزوها بيخرجوها من البيت .

معاذ : مسك رزق بيهزورها لايقبروهاش بين التراب وخرجه من البيت شله بيتهم ..


آيه : ولافي حسها بتلعب 🙅 ..

محمد : بيتذكر كلامها له وصياحها فوقه ينتبه لمستقبله وكيف كان يتليقن عليها زعل 😔 ..


حسين وعبدالكريم واحمد والرجال مسكوا الجنازه وبيخرجوها. .

عادل : ماسك بيد الحج عبدالله وبيخطى معه ..



النسوان بيبكين 😭 ..




🌹meme_abdalgaleel


@qesasanani

بارت 40


بعد مرور شهر ...

عادل : ياعم عبدالله ..قوى أنا فدالك مايسبرش هكذا هذه امانه وربي شل حقه الحزن ماعيرجعاش مابلا تمرض نفسك وبعدا حرام علاسب المسكين هذا رزق كوده بيبكي بيقل امي ماتت وابي ولاعاد بيسأل عليا ..

الحج عبدالله : 😔 آح آح وخفع صدره بيده 👋🏻مفعل يا إبني حسيت ظهري اكتسر بعدها .

عادل : هيا قوم معي نتغدى عندي 🍝🍲 قد تهاني فعلت لك اكل يعجبك ..

الحج عبدالله : تنهد بزعل 😔 يله تمام .. راعي ادعي رزق ..

عادل : إبتسم 😃 اين رزق ياحج شهر عندنا من بعد الموت تهاني ماقد رضيت تخليه يروح لما تهداء نفسيته ..

الحج عبدالله : 😔 سامحيني يافاطمه حتى ابنش انشغلت عنه وماعاد دريت اينهو ..

عادل : هيا نقوم نحلق ونرجع نتغدى ونخرج الجهال يغيروا جو ..


...... ...... .......

في بيت حميد


طارق : عادهو وصل من ذمار ..

حميد : حمدلله ع السلامه ياولدي ماقلت لأبوك حين طلعت ..

طارق : مشو داري خرجت من البيت بحين نسير ذلحين نفك لها الجبس وارجع ذمار ..

عم حميد : الله يهديك ياولدي تعب عليك قد قلتلك شاشلها أنا مابلا تشتي تتعب نفسك ..

تقيه : خرجت وهي سانده لنوال ..هيا نخطى لنا قدهي جاهزه ..

نوال : بتسلم ع طارق 😘 ليش زد جيت قد قلتلك اسهل ..

طارق : ابتسم لها 😃 قدهو بكم اطمن عليش وابسر لوتحتاجي شي ..

عم حميد : سحب طارق ع جنب . زد جاوبك عبدالصمد ..

طارق : شكله غير رقمه . مغلق واصل..

عم حميد : قد فرحنا لقيناه وانه رجع يضيع من جديد ..


..... ..... .....


في بيت عادل

الحج عبدالله : جالس بيتغدى 🍝 ورزق في حضنه ..

رزق : ليش يابابا قدكم ولا بتسألوا عليا قدنا زاعل منكم ..

عادل : هو بابا كان مريض 🤕 ذلحين قدهو بخير يله كل خيرات نخرج الحديقه ..

معاذ : يا أبه اليوم شاسير انا ومنير نذاكر عند صاحبنا 📄 ..

الحج عبدالله : ومحمد مابيذاكرش معاكم 📔.

معاذ : وطى رآسه 😔 الصدق محمد مهمل قوي ولا في حسه من قرايه ولا بيداوم ..

.... .... ......


في الحديده ..

عامر : ماشاء الله كيف قد تغيرت أمد هذا الشهر ..

عبدالصمد : فعلا لما يقلوا الصديق وقت الضيق .. ذلحين لاتغالطنيش فالكلام وتنسيني أنا قد حاكيت سمير عليك قلي تجي تداوم معانا واوقات امتحانات الجامعه معك اجازات مارائك ..

عامر : 😃 فرح .. أكيد طبعا ماشاقولش مع يكفي إني شخلص من الحمى واللوى بين الشمس 🌞 .


..... ..... .....

بعد ماكملوا يفكوا الجبس ..

نوال : بتحاول تخطى بدون عكاز .

طارق : هيا مه كيف قدش ..

نوال : ابسرته الله لايحرمني منك 😃 ..

طارق : ابتسم لها 😃 ولايحرمني منش .. وفي نفسه .. الله يوصلني لما ألقى عبدالصمد ترجع البسمه لاوجهش هكذا ضيعتي حياتش لاعتقدري تتزوجي وتكوني اسره ولا عتتهني في حياتش خطرت في باله فكره 🤔 علشان يشغلها وتتواله ...

نوال : ييييه مالك مطنن هكذا ..

طارق : بينفكر ادور الملف حقش في ذمار بدون مايحس أبي وأسجلش في الجامعه تتوالهي بدل الجلسه فالبيت .

نوال : جامعه مه يا أخي خلاص قدنا هكذا بس ..

طارق : خليني ابسر كيف وشرجع أنبيش ...



@qesasanani

بارت. 41


روحوا العيال من الحديقه والحج عبدالله غير جو شويه ..


رزق : اليوم روح بيتهم 🏡 مع الحج عبدالله .

آيه : أول ما أبسرته دخل نفخت 😤 اوووف قد افتهنت منه وارتحت ذلحين رجع .. حنقت وسارت لعند أمها للغرفه .

سميره : إبسرتها زاعله 😔 مال حبيبتي من غثاها ..

آيه : رزق الدلوع قد روح اليوم مع جدي ..

سميره : إبسرت لعبدالكريم وعوجت فمها 😏 قذا شرف ابن الهلا مع أبوك وياسعم من عيكن يوبه له مانا من ذلحين قذا بيننبي مشنا مخاطبه به ..

عبدالكريم : مش مركز معاها بيعد الزلط 💵 الي قد جمعها طول فتره سفر أبوه وجلسته فالبيت بعد الموت ...

سميره : رفعت صوتها بصياح 😡 ييييه من بينحاكي ..

عبدالكريم : لفت لها 😳 ماهووو مالش بتصيحي مابه ..

سميره : بينقلك قد رزق روح مع عمي مانا مدخلش منه ولا شاكون اوبه له ..

عبدالكريم : أشر لها برآسه 😯 تمام افعلي ماتشتي ورجع يكمل يعد الزلط 💵 ...


آيه : يا ماما هذا الزلط الخيرات 💵 حق أبي ..

سميره : بهررت فوقها 😳 أوووص لاتقليش لحد بعدا جدش عيشلها اسكتي لاتقليش لحد لما نشتري لنا بيت حالي كبير فيه مسبح 🏡 ..


آيه : 😁 فرحت مسبح .. حاضر ولا شاقل لأحد ...



..... ...... .......

في بيت عادل


عادل : هيا مال حبيبتي زاعله 😔 .

تهاني : مقهوره قووي ع رزق الصدق قدنا متعوده عليه كيف عيجي لي اليوم نوم 😴 مدري وزيد هبه مارقدت الإ وقد شبعت بكاء 😭 تشتي رزق يجلس عندنا. .

عادل : ريت والله والحج يقتنع يجلس عندنا هو مشغول ونسوان عياله ماعيهتمينش به سوى ..


تهاني : أحلام هي مسكينه ماعتسخاش عليه أنا بينهم سميره والله لاتشبعه حياه .. أمانه زد حاول مع الحج عبدالله لو عيرضى وبعدا الجهال كل واحد عتخرج روحه ع الثاني والله انحنا غلطنا انحنا فرقناهم من زمان كان عيشلهم واحد مننا وبس يتربوا جمعه ...

عادل : خيره الله مانفعل قد سبر ..هيا قومي نرقد لنا ..



...... ...... ......

في الحديده ...

عبدالصمد : ممدد فوق السرير فارح 😃 انه سبرت له وبدات حياته تتغير ويرجع مثل ماكان . فتح محفظته وخرج صوره نوال بيتفرجها 👱🏻‍♀ بيتذكر كيف كانوا يحبوا بعض من وهم أطفال وكيف كان يدافع عليها ويضرب العيال لو احد فيهم ازعجها دمعت عيونه 😢 ريت والله والزمن يرجع بنا أطفال ولما نكبر أخلي أبي يخطبش لي ونتزوج ونعيش في بيتنا ويكون لنا أطفال بس الي فعلناه فرقنا عن بعض لاعاد لقيتش ولا أنا داري أنتي حيه أوميته .. رجع الصوره وقام يبعسس فالتلفون 📱 يحاول يصلحه لو عيقدر يخرج رقم طارق ..


في نفس الوقت الي كان بيفكر فيها 🤔 كانت ...

نوال : بتتفرج صوره العيال الي صورها معاذ لها في عيد ميلادهم وتحاكى نفسها ... لوتدرى ياعبدالصمد ان قد معانا 2 عيال يجننوا بس ياعالم وين قدك وكيف عايش أكيد قدك مزوج ومفتهن ومعك عيال محد تدمرت حياته وضاع مستقبله اﻹ أنا ريت والله والزمن يرجع بي ما أصدق أحد لكن كلام طارق صح ضروري أسجل الجامعه وأبسر دراستي خاصه بعد ما أبي صدق انحنا سافرنا السعوديه ....



..... ... ... ......

الصبح ...

في بيت الحج عبدالله ..

الحج عبدالله : قام بدري رزق كان راقد في حضنه بيقيمه .. هيا حبيبي عتسير المدرسه 🏢 ..

رزق : فتح عيونه بيتمطط .. مشنا داري اين اللده حقي كانوا ماما يجهزوهن لي وبعدا خاله تهاني ..

الحج عبدالله : لعب بشعره الأسود الحالي 👦🏻 الله يرحمها .. يله ذلحين ادخل الحمام وانا اجهز لداتك من اليوم أنا شاكون البسك واسير المحلات ..


باب الغرفه بيدقدق 🚪 ..

أحلام : هاه عم صباح الخير وينهو رزق أجهزه للمدرسه .

الحج عبدالله : فالحمام .. قد قيمته وجهزت لداته ابدله .. اسلمي يابنتي ..

أحلام : يووه ياعيبتكم وانا اين سرت هو ابني من الليله شاكن ارقده مع يزن والصبح اجهزهم سوى ..

الحج عبدالله : اسلمي يابنتي الله يحفظش .. بس الرقده خليه عندي يوالهني ..


أحمد : خرج يدعي سميره محمد مارضيش يقوم بيلاعن محد يدخل منه هو ماعاد عيقمش ..


الحج عبدالله : ع خرجته من الغرفه سمع أحمد بيحاكيها لفت لعند سميره يابنتي عتشحطوا ابنكم مابش منه فايده عيمكنها رقده وكسل ابسري محلا معاذ واحمد أنا فدالهم مهتمين ع أرواحهم ...

سميره : ماعجبهاش الكلام عصرت وشها 😠 وخطيت تقيمه ..


آيه : كانت بتصتبح هي ويزن ..

رزق : قرب يأكل معاهم 🌯 ..

آيه : دهفته . فلت هذا الأكل فعلته أمي أنت سير دور لك أم تفعلك

رزق : بكي وقام 😭 وخرج الحوش يراعي لهم ع جيه معاذ إبسره .

معاذ : مال حبيبي بيبكي من زعلك 😭 ..

رزق : آيه ماخلتنيش اصتبح قالت أدورلي أم تفعلي ..

هبه : مسكته وبتبكي معه 😭 لاتزعلش ماما تهاني قدهي أمك وخرجت حقها السندوتش ادته له يصتبح 🌯 ..


🌹meme_abdalgaleel


@qesasanani

بارت 42


في ساحه المدرسه 🏢 فالراحه ..


معاذ : مارأيك يا منير بدل مانكن نسير عند صاحبنا والبيت بعيد والعيال ملان تكن تجي عندي نذاكر جمعه فالبيت .

منير : 😁 أيووه عيس عادهو أحسن وبعدا بيتكم حالي هدوء ..

محمد : سمعهم بيتحاكوا قرب لجنبهم .. ماقد معاكم بتتسارروا ..

معاذ : مابش شي بس اتفقنا نكن نذاكر فالبيت باقي شهرين للامتحانات 📝واحنا شهاده ..

محمد : بلا مبالاه ..هآه 🤑 تخايلي او قد معاكم بنت حاليه بتتجابروا عليها جاء يقلي مذاكره ..

منير : يامحمد بطل الخباله والجنان حقك معك أخت بكره لما تكبر أختك آيه عيجلسوا يزعجوها بسببك ..

معاذ : صح يامحمد من دق باب الناس دقوا بيته ✊🏻 ..

محمد : بعصبيه 😡 ماتدخلوش من أختي وبعدا ماصدى أحد يحاكيها ومن قلك شاخليها تكمل تقرى معاها لصف سادس لثمه وجلسه فالبيت تعاون أمي وبعدا نزوجها ...

معاذ : ماهي هذه الخباله والتفكير قلك يجلسها فالبيت عاد معاها اب يقرر وبعدا خليها تقرى انت عتبسر اختي هبه كيف شاخليها تقرى الجامعه. وتقع دكتوره واشترى لها سياره وتسوق 🚘 ..


محمد : بسخريه وإستهزاء 😂
أختك من أينه ياشاطر ولا قد نسيت انحنا لقيناها وبعدا المفروض هذه ماتقراش تجلس فالبيت بعدا تقع ساع أمها ويضحك عليها واحد وترجع ترجم جهالها ساع ما امها رجمتها 😂😂 خخخ.


معاذ : دمه فار حمر وجه 😡 حس كل جسمه دخان لاوسط رآسه من كلام محمد ماقدرش يمسك نفسه فعل لمحمد لكمه في وجهه لما رعفه 👊🏻 ومدده في الأرض وبيضربه ... أزيد أسمعك تتحاكى ع أختك لا أكسر فمك وبيضربه ..


منير : بيفرع بينهم ويهزور معاذ ..

أحمد : إبسرهم بيتضاربوا حمل يفارع 💪🏻👊🏻..

واحد من الطلبه حمل يدعي عادل ... يا أستاذ يا أستاذ إبنك ومحمد بيتضاربوا فالساحه ..


عادل : استغرب 😳 أييييش. معاذ ومحمد ...وحمل يبسرهم...


........ ....... ........


طارق : بيتصل لنوال 📱 كيف أختي ..

نوال : أهلا .. 😃 الحمدلله كيف أنت ..

طارق : الحمدلله .. كيف قد رجلش ..

نوال : الحمدلله عادهي وجع خفيف لما اسنب عليها .


طارق : إسمعيني لقيت حقش الملف 📂 بس الي فهمته ان شهادتش ماعاد عتنفعش تسجلي بها قديمه الا بشهاده ثالث ثانوي جديده قلت اسألش مارأيش عتقدري تذاكري وتمتحني هذه السنه قد سالت صاحب قال عيسجلش لوتشتي بس ماعد باقي الإ شهرين للاختبارات ..


نوال : تذكرت 🤔 انها قررت تشوف حياتها وماتوقفهاش ويكفي السنين الي ضاعت ... أيووه سجلني شاذاكر وأمتحن 📝 ..

طارق : خلاص تمام ... شامكنه ورقش يسجلش وشطلع غطوه اديلش كتب تبداءي تذاكري 📕📒 ..


نوال : سامحني يا اخي بينشغلك طلعه نزله تعب عليك ..

طارق : فداش روحي يا اختي مش بس الا أطلع من ذمار 😄 ..


....... ....... .......


في بيت الحج عبدالله ..

احلام : بتلفلف اللده الوسخه 👕👖👔 حق الحج عبدالله ورزق بتغسلهن ..

سميره : سنبت عند باب الحمام🚪 وطارحه يدها ع خصرها ... بتتفرج لها .. هنيت لش الي عتقتلي نفسش تغسلي لداتش وزوجش وابنش وزيد تغسلي لداه عمي وابن الحرام ..


أحلام : إبسرتها بضبح 😤 محد طلب رأئيش وبعدا إسهل اتعب لهم عمي ابو زوجي يعني أبي وإبني ..

سميره : هيا ناهي عتصدق نفسها إنه قدهو ابنها بشويه حليب وبعدا اوذك معاه بنات تكن تجي أماني تغسله وتبسر حاجته ..


أحلام : دعممتها .. خرجت اللده 👖👔👕 من النشافه وخرجت تضحيهن .



...... ...... ....


في المدرسه 🏢 ..

عادل : في الإداره هو والعيال ..

المدير : بيبسر وجه محمد قدهو كله دم 😱 استغرب ماهووو هذا معقوله يامعاذ أنت فعلت هكذا أنت الطالب الي بينضرب بك المثل فالمدرسه..


منير : يا أستاذ هو محمد الي بدء واستفز معاذ لما خلاه يضربه 👊🏻 ..

محمد : قرب عيضرب معاذ 😡 انت مشو عليك ماتدخلش ..

عادل : مسك يد محمد 👋🏻 بس سكته انت وهو 😡 قلنا ذلحين اشتي اعرف ماقلك لما ظربته هكذا ...

منير : هو قله ....

معاذ : قاطعه مايشتيش موظوع اخته ينتشر فالمدرسه 🏢 ولا قلي شي خلاص انا معترف اني ضربته ولفت للمدير الي تشتي تفعله بي يا استاذ انا راضي ..

عادل : مسك معاذ وسحبه ع جنب .. ماقلك ..

معاذ : قال ان هبه ... وكمله الكلام .


المدير : علشان الموظوع مايتكررش أنتوا مفصولين 3 أيام من المدرسه 🏢 ..



@qesasanani

بارت 43



محمد : روح من المدرسه 🏢 ووشه كله مضروب 👊🏻 فتح باب بيتهم ودخل .

سميره : إبسرته افتجعت 😱😱 يوووه مالك مافيك أنت ومن تضاربت ..

محمد : بنغفره وصياح 😡 إتضاربنا أنا ومعاذ والمدير فصلني 3 أيام قدنا راقد الدحس قوم اقرى ..

أحلام : استغربت يوووه معاذ هذا أكيد يعلم الله ماقد فعلت ولا معاذ هو مأدب ..

سميره : بتمدمد ايديها وتصيح 😡سعم ماقصدش إن ابني قليل أدب أومه ياذا معاذ الي جننكم كانت عمتي تمكن جهالي ابسروا معاذ اوقعوا ساعه وذلحين قدهو دورش أومه ..

أحلام : بتاشر لها بيدها .. اهدأي اهدأي .. اذكري الله ماقد قلنا لش للصياح هذا كله ..

سميره : دهفتها . وخري من قدامي هذه الساع 😡 أسير أبسر تهاني هذه تأدب إبنها ...


...... ....... ........

في بيت عادل .


تهاني : بتفعل الغداء 🍝🍲 .

الباب 🚪 بيدقدق . سارت تفتحه وانه معاذ ..

تهاني : 😱 يوووه مالك رجعت هذه الساع وماهو هذي الأشخاط الي وجهك ..


معاذ : فصلني المدير تضاربت أنا ومحمد 👊🏻 وخرجت الدم من فمه ورعفته ..

تهاني : مصدومه 😳 مشي مستوعبه ان معاذ يفعل هكذا ... ليش اتضاربتوا ومنيحين قدك هكذا ..


معاذ : لاعن وغلط ع هبه وقال انها بنت حرام و ... ... .


في وقت مابيتحاكوا ..

سميره : بتدقدق الباب 🚪 قووي وتصيح ... يييييه افتحي ..

معاذ : حمل يفتح لها ...

سميره : إبسرته بكرهه 😖 ودهفته إبعد من قدامي ياقليل الأدب أبسر عاد معك أهل يربوك ولا أربيك أنا قد فعلت بالولد هكذاك ..


تهاني : مالش يا أختي صلي ع النبي وادخلي قد صيحت فوقه وانه لاجينا للصدق ماعنده حجه ماقدرش يمسك نفسه أبنش غلط قوي مايسبرش يقل هكذا ع بنتي الله يهديهم جهال عيسدوا ..


سميره : أيوه أيوه دافعي ع إبنش 😡 ماعتقلي لكن معه أب يتصرف معاكم ..

معاذ : ياخاله أول ادروا ما قال هو قال ... بيحكي لها ..

سميره : ابسرته بإستهزاء 😏 أيووه بنت حرام وابني ماغلطتش سعم نزلها من فوق الحصان او كذب هو ماقا ل اﻹ الصدق لكن مادام وأمك قولها هكذا معه أب يربيك خرجت وصرعت الباب في وشهم 🚪 .


معاذ وتهاني تفرجوا بعض ودخلوا 👀 ..


...... ..... ....


في بيت حميد ..

عم حميد : 😃والله انه عيس يابنتي تتوالهي ..


تقيه : لكن عتقدري تذاكري امد الشهرين تيه ..

نوال : قدنا شفعل جهدي وشاحاول اذاكر 📚 خيرات أحسن بدل ما أراعي للسنه الجيه ..

عم حميد : ماشاء الله عليه طارق 😁 كيف فكر واحنا كل هذه السنين ولا تلوهنا ..

نوال : حتى أنا مافكرتش كانت حياتي خوف 😥 لو يلقوني بس ذلحين الحمدلله طارق خارجني .


عم حميد : ماشاء الله ع أخ معش الله يحفظه مابش اي مقارنه بينه وبين يونس ..

نوال : تنهدت بزعل 😔 يونس الله يهديه بيصدق لخالتي ويسمع كلامها قد كرهته هو وخواتي فينا ..


... . .... .....

كبرت المشكله كبرتها سميره والحج عبدالله دري ماقاله محمد لمعاذ دخله الغرفه وضربه بالعصيه حقه 🏑 ..


سميره : زاد حقدها وكرهها لهم وبالذات لرزق وهبه 😡😡..



@qesasanani

بارت 44


بعد شهرين ...

بداءت الإمتحانات 📝📝 ..

رزق : كانت تذاكر له تهاني مع هبه .📕 . كملوا امتحاناتهم أخيرا بداء اللعب 😃 💃 ...


في بيت عادل ...


تهاني : فتحت الباب ع معاذ تقيمه 🚪 ... يووه مسرع قمت عادنا دخلت اقيمك لوعادك تشتي تراجع ..

معاذ : الكتب والملازم مندشات ملان الغرفه 📕📚 والقلم في يده مرتبك ..😣 قمت اصلي فجر وجالس بينراجع مفتجع اليوم أول يوم لي شهاده.وامتحان وزاري ..

تهاني : لاتقلقش يا ابني 🙌🏻 ربي يوفقك ويسهل لك انت مجتهد وربي ماعيضيعش تعبك .


معاذ : يله اقووم البس وأبدل 👕👖. نسير المدرسه نراجع أنا ومنير قبل الامتحان وندور كراسينا ..


تهاني : الحمدلله انه المدرسه الي فعلوكم فيها قريبه مننا 🏢 ..


.... ..... .....


في بيت الحج عبدالله .


سميره : بتقيم محمد وهو راقد 😴 يا ابني قوى قوم شرق عليك عتتأخر ع الإمتحان أخوك كمل امتحاناته ماحسيت به .


محمد : بينفخ 😤 أووووف اخوك اخوك مادخلني من أحد خلوني أزيد أرقد شويه المدرسه قريبه🏢 ..

سميره : يا ابني قوى باقي ربع ساعه لاعادك عتقرى لك كلمتين قد ابسرت معاذ ومنير خطيوا من الطاقه 👬 لاتخليش الناس تضحك عليك ...

محمد : غطى وشه بالوساده ورقد 😴 لاقبل الامتحان بشويه قام لبس بدون حتى مايغسل وجهه وسار ..



...... ...... .......


في بيت حميد

نوال : بتذاكر 📚 وبتهم بكره كيف عتفعل غطوه اول امتحان..

تقيه : دخلت لها الصبوح 🍲 الله يعينش يابنتي وينجحش قدهو بحق هذا التعب كله ..

نوال : تسلموا لي يا خاله والله ان جميلكم فوق راسي ربي يحفظكم لي مافعلت لي خالتي مره أبي هكذا ...

تقيه : الله يهديها ماناش داريه مالها عليش أنتي وطارق ولا كنتوا صغار حين تزوجت بأبوش المفروض كانت تعتبركم ساع جهالها ..

نوال : قصدكم اعتبرتنا أعداء لها ولما تقربت مني وحسبتها صدق قدهي بتحبني وتشتي مصلحتي ودفت بي هكذا وفعلت لي اكبر مصيبه في حياتي وارتاحت مني باقي طارق عادهو حانب لها كان تشتي تخليه يقتلني وتخلص منه بس الحمدلله اخي عاقل وماصدقهاش ...


..... ..... .....

في الحديده ..

عبدالصمد : أموره في تحسن ومهتم بعمله وبداءت اوضاعه تتحسن وعلاقاته بعامر تقوى اكثر بحكم انهم طول اليوم في نفس المكتب .


سمير : دخل لاعندهم مبتسم 😁 باركوا لي .

عبدالصمد : مبروك 😁 بس ع مه ..

سمير : المره بتدحس تشتي صنعاء ضبحت هانا بعيد من أهلها وحمى وتشتي تسجل الجامعه .. درست الميزانيه وانه معانا امكانيه نفتح مكتب في صنعاء انا شمسكه وعبدالصمد عيمسك الشغل هانا .. 😄 يعني الله يعينكم ههههه ..

عامر : ضحك ههههه 😂 يعني ودفنا عتحملنا مسؤليه كبيره ..


عبدالصمد : احرج منه ☺ والله انك بتحرجني قوي افرض يا أخي نسد عليك ونسرقك هههه ..

سمير : والله لو معي اخ ما أنا واثق فيه ساع ثقتي فيك ..

عبدالصمد : طنن شويه 🤔 تذكر نوال لما كانت تقله واثقه فيك وثقتي فيك عمياء .. دمعت عيونه 😢 وفي نفسه سامحيني ماكنتش قد ثقتش فيني ..





الله يعينش يانوال وتنجحي انتي ومعاذ ومنير 😄 .


🌹meme_abdalgaleel


@qesasanani

بارت 45




طلعت نتائج الإمتحانات 📝 ..

يزن وهبه ورزق : درجاتهم عاليه وأوائل ..

آيه : نجحت . بس درجاتها متوسطه ..


الحج عبدالله : فارح برزق 😄 مبرووك ياروحي هيا نخرج نشتري لك الهديه 🎁الي تعجبك ..

رزق : أنا أشتي سيكل ألعب بها فالحاره 🚲 ..

يزن : وأنا ياجد عتشتروا لي سيكل والكل أنا طلعت من الأوائل والكل ..

الحج عبدالله : من عيوني 😃 هيا نسير نشتري لكم سياكل ..

رزق : وأختي هبه والكل نشتري لها هديه 🎁 ..

الحج عبدالله : حاضر من عيوني .. يله سير إدعيها ..

يزن : مع نشتريها لها مفأجاءه .


..... ..... .....


في بيت عادل ..

هبه : فارحه 💃بتتنبع بحقها الشهاده 📜 ..

معاذ : ماتشتي أختي القمر من هديه أشتري لها 🎁 ..

هبه : أشتي عروسه من الي بتغني 👰🏻 ..

تهاني : باقي الله يزيد يفرحني بنتيجتك 📜 ..

معاذ : 🙌🏻يارب والله أن قدنا قلق قوي ..


تهاني : جي بعدي للغرفه أديلك زلط وسير أشتري لأختك ماتشتي واشتري لرزق ويزن معاك ..


روحوا من محل الألعاب 🚲🎁 وأشتروا هدايا وكل واحد سار يمكن الثاني هديته ...


آيه : بتتفرجهم من داخل الغرفه بحسد وضابحه 😤 ودخلت تبكي لعند أمها 😭 وانا مابش معي هديه .

سميره : ابردي من جدش هذا شاشتري لش أنا سعم انش بنت الشغاله ..

الحج عبدالله : بيداعيها .. يا آيه ييه جي شلي هديتش 🎁 ..

آيه : فرحت وحملت لعند جدها إبسرت هديتها وإنهي عروسه 👰🏻 اشتريت لش أنتي وهبه سوى ..

آيه : ليش تشتري لهبه .. سعمنهي بنتنا معاها أب وأم يشتروا لها ..

الحج عبدالله : بهرر فوقها 😳 عيب تقلي هكذا أخر مره ازيد أسمع هذا الكلام ..

آيه : حنقت منه رجمت له العروسه 👰🏻 وخطيت ..


الحج عبدالله : بيداعيها ... يييه جي كذا من قله الأدب وشلي هديتش ماشي شديها لهبه ..

...... ..... .....


في بيت سمير ..

ساميه : قد اتفقت مع أمي شاكن احط الولد عندهم ع سيرتي الجامعه ونرجع له ع رواحاتنا ..


سمير : خلاص تمام باقي نزيد نسير غطوه ونسجلش ..

ساميه : 😁 الله يعينني أمانه قدنا بينهم ساع الجاهل الي يسير أول مره المدرسه .ههههه ..


سمير : ضحك هههه 😂 وانا أكن أجي اوبه لش ومع الطريق اتحيلا للبنات لاعجبتني واحده أخطبها ..

ساميه : خفعته في رآسه بالوساده .. جرب تبسر غيري لأذبحك 😡..

سمير : ههههه 😂 تمام . وخرج تلفونه يتصل لعبدالصمد 📱 يطمن أيش أخبار الشغل ...



..... ...... .....


في بيت حميد ..

نوال : بتحاكي طارق فالتلفون 📱 قل والله إني نجحت. .

طارق : قلتلش والله صاحبي هو في الكنترول وخليته يبسرها لش قبل ماينزلوهن 😃 ..

نوال : يووه الحمدلله .. تعبي ماسارش ع الفاضي بس ياهمتاه لهذه السنه عادحنا عنراعي ..

طارق : ومن قلش ان عادش عتراعي سنه قدنا شطلع هذه اليومين أسجلش في جامعه خاصه ..

نوال : 😃بس يا أخي هكذا خساره عليك قوي أبي عيقل أين بتجي بالزلط ..

طارق : هيا مه نسيتي إن أخوش مهندس وموظف وزيد ابن شيخ وبعدا ماعليش شي مدام وأنا بخير والله ما لش الإ كل مافي نفسش ..

نوال : نفسي أزوجك وأطمن عليك ..

طارق : ع يدش كما دخلتي الجامعه إبسري لي واحده حاليه ومؤدبه هههه ..

نوال : بترجعها ضحك 😂ههه هيا أنت عتبسر لما أدور لك .

...... ...... ......


طلعت نتايج الإعداديه 📜 والثانويه ..

نوال : نجحت مثل ماقلها طارق ..

منير ومعاذ : طلعوا مجموع عالي 😃 ..

محمد : رسب بسبب أهماله 😭 روح طريق غرفته غلق الباب ع نفسه وجلس يبكي ...


عبدالكريم : فتح عليه الباب 🚪
ودخل يضربه 👋🏻 إبسرت نتيجه إهمالك وصياعتك لو معك أم ساع الناس ماأنت هكذا عيال الحاره ومعاذ كلهم نجحوا وابني رآسب ..

حسين : دخل يفرع ومسكه من كتفه .. يا أخي خلاص قد سبر عيعوض السنه الي عتجي ..

محمد : بلقانه .. محد عليه مني أنا حر ماشقراش 😡 خرج وصرع الباب 🚪 ..

عبدالكريم : حمل بعده يلحقه 🏃🏻 ع وصله الحج عبدالله مسكه ..


هذه نتيجه كل واحد يهمل في دراسته ويضيع مستقبله ...



@qesasanani

بارت 46


في الجامعه 🏬 ..


في قاعه المحاظرات ...


ساميه : دخلت وفي يدها دفتر 📒 بتتلفت يمين وشمال أين تجلس بتحس نفسها غريبه ..

نوال : كانت بتحاكي 📱طارق فالتلفون بتطمنه إنها فالجامعه ..

ساميه : إبسرت كرسي فاضي جنبها ..قربت سألتها ممكن أجلس ولا حق أحد ..


نوال : إبتسمت لها 😄 أعتقد فاضي لأنه ماقد أحد جلس فيه ..

ساميه : مدت يدها تسلم عليها 👋🏻 أنا ساميه ..

نوال : وأنا نوال تشرفنا 😄 ..


جلست جنبها وبيتعرفين ع بعض ..

ساميه : أنا مزوجه ومعي ولد عمره سنتين كنا فالحديده مع عمل زوجي وذلحين رجعنا صنعاء وأنتي ..

نوال : أنا هآه ...طننت شويه 🤔 أنا مع عزبه ووحيده أمي وابي ...


تعرفين ع بعض وشلين رقم بعض وكملت المحاظرات وخرجين يروحين ..

سمير : موقف بالسياره 🚘 مراعي لساميه ..

ساميه : هيا جي معانا نروحش ..

نوال مع إسلمي شاروح تاكسي 🚕 . . فالطريق نوال 🤔 فكرت شويه وقالت لصاحب الطريق لوسمحت اول خطينا من هذا الطريق.


..... ...... .....


في الحديده ..

في المكتب ..

عامر : يا أخي حق الميناء🚢 هذولاء جننوني المفروض اليوم كنا نخرج بضاعه الرجال مدري مالهم بيعرقلوها ..

عبدالصمد : تصدق انا والله مانا مرتاح للموظف الجديد شكله يشتي ندفع له علشان يخارج عملنا ..

عامر : وأنا قد حسيت هكذا بس أنا قد قلت اليوم شاسير اقلب فوقه😡 وأبسر ماعيقل ماشي شاقله شاحاكي المدير ..

عبدالصمد : أيووه مايشتي الإ هكذا إبسره ماشي شتصرف أنا .


..... ...... ......


بيت عادل ..

تهاني : دخلت لمعاذ حليب دافي وعسل 🍺 هاه حبيبي أشربه دافي يدفي حلقك ..

معاذ : بيسعل مريض .. اسلموا ..

تهاني : اقوم اتصل لأبوك لاينسى الجهال 👫 ..

معاذ : قد ركنت ع منير وأحمد عيروحوهم لاتقلقوش ..


..... ..... .....

في بيت الحج عبدالله ..

سميره : بتتصل لأماني 📱 تشتي تتجمل أنها هي الي بتفعل كلشي للحج مشهي أحلام ..
الصدق يا أختي مابلا تكن تجي تغسلي لداه عمي ورزق كم جهدنا هكذا تعب ماندرى اين نجي بارواحنا ..

أماني : يا أختي وأنا كيف أفعل بنفسي قذا بتبسري جهالي وزوجي وبيتي كم جهدي. .

سميره : تشتي الصدق مابش حل الإ نزوج عمي بكم تجي مره تبسره وتبسر حاجته هو ورزق ..

الحج عبدالله : ع دخلته من الباب 🚪سمعهن .. تنهد حس نفسه ثقيل ودخل غرفته بيخلس لداته وابسر صوره فاطمه .. الله يرحمش ياغاليه .


سميره : يعووو والفعله 😱 شكل عمي سمعونا خاطرش أسير ابسرهم .


...... ....... ......

في الحاره ..


التاكسي 🚕 واقف نهايه الشارع .

صاحب التاكسي 🚕 : يا أختي شرق علينا كم عنجلس واقفين ..


نوال : خلينا زيد شويه ماشي روحنا ..


منير وأحمد : خاطيين والعيال معاهم بس هبه الدلوعه أحمد شل لها الشنطه 🎒 ..


نوال : إبسرتهم خاطيين ومعاذ مابحدهو معاهم فتحت باب السياره ونزلت تتفرجهم من بعيد ..

منير : انتبه عليها ابسرها بتتفرجهم 👀 ذكر إن معاذ قله ان نوال جت افتجع ع الجهال قام حضن هبه وقال لأحمد شل رزق بسرعه في حضنك ..

احمد : مستغرب 😳مالك مابه ..

منير : لفت لآيه ويزن يله نحمل سباق بسرعه نبسر من عيوصل الأول 🏃🏻 ..

نوال : حست انه عرفها طلعت فوق التاكسي 🚕 بسرعه وروحت البيت ..


منير : دخل هبه .. ودخل يبسر معاذ لأنه مريض وقله إنه ابسر نوال جت بتاكسي 🚕 ..

تهاني : سمعتهم 😱😱 يوووه والفعله أو قد جت تشلهم .



@qesasanani

بارت 47


في بيت حميد ..

تقيه : هيا مه يابنتي كيف الجامعه 🏬 ..

نوال : هآه .. الحمدلله حاليه وزد تعرفت ع واحده شكلها مسكينه وطيبه ..

تقيه : بس الساعه كم عتكن تروحي اليوم تأخرتي هم يروحوا ساع المدرسه ..

عم حميد : ضحك عليها 😂 ههه أين مدرسه يا مره هذه الجامعه ثاني يعني اوقات تروح بحين واوقات شرق أيحين ماكملت المحاظره حقها .

نوال : تقريبا الجدول الي ادوه لنا معي يومين للساعه 2 ويوم شاروح 10 ومعي يوم للساعه 5 ..

عم حميد : نشتي نبسر لش سواق تاكسي 🚕 يكن يشلش ويردش بدل تعب المواصلات .

نوال : أيوه قد طارق سجلني في باص الجامعه بس اليوم لأن عادهو أول يوم ماقد تجمعنش البنات ..


..... ....... .......


في بيت الحج عبدالله ..

سميره : دقت الباب 🚪 ودخلت هيا ياعم غداء🍲🍛 قد العيال جو من المدرسه .


الحج عبدالله : شابع يابنتي اتغدوا .

سميره : بتتريحم 😌 ياعم انا داريه إننتوا سمعتوني وفهمتوني غلط أنا مشو قصدي شي انا عن نفسي شخدمكم من عيوني بس مهما كان الرجال يشتي مرته توبه له ولاهو يشتي شي ورزق حرام يشتي أم لوتبسروا كيف بيختزق قلبي 💔 عليه لما العيال يداعوا ماما وهو ماشي .. المهم جلست تتريحم وتتمسكن ..


الحج عبدالله : خير يابنتي مابش شي ... أخرجي وغلقي الباب شابع وقلي لرزق يدخل لعندي بعد مايتم يتغدى 🍛 ..


سميره : خرجت وغلقت الباب 🚪 وجلست تحطم .. هو محد يفعل خير هذه الأيام ..

حسين : كان بيغسل يده 👋🏻 سمعها .. مالش بتحاكي روحش ..

سميره : عمي شكلهم غثيوا مني قلتلهم لو نزوجهم تجي مره توبه لهم بينرحمهم هكذا بيخزوا يجلسوا يطلبوا مننا نفعلهم شي ..


أحلام : بتقرب الغداء 🍛.. الصحن في يدها ابسرت حسين مسكته .. هيا ادخل غداء لاتصدقش انه حب في عمي تشتي تزوجه مابلا بتهم روحها ..

سميره : نفحت في وشها 😤 اوووف منش بس اجلسي هكذا بس اظلميني . .


...... ....... .......


في بيت عادل ..

عادل : ياتهاني ياروحي اذكري الله لاقدتكبريش الموضوع منير مايعرفهاش شكله من الفجيعه ع العيال تخايله انهي هي يمكن كانت مراعيه لأحد..

تهاني : بتبكي 😭 ماشي اكيد أنهي هيه . من غطوه شاكن أشل العيال المدرسه انا واسير أروحهم ..

عادل : قوي ياقلبي لاتفتجعيش هكذا والله مابه شي وإنه شعوذه جهال ..

تهاني : ماشي ولا خلاص شاشلهم أنا وماعدبش خرجه للبقاله وحدهم زيد نبي ع الحج عبدالله وانا شاحاكي رزق ..

عادل : بس ياروحي العيال أذكياء مانشتيش نفتح عيونهم إنحنا بنفتجع عليهم هكذا ..

تهاني : شاقلهم إن به مره بتسرق الجهال ...


...... ...... ......


بعد الغداء 🍛 ..

عادل : سار يخزن عند الحج عبدالله ..

الحج عبدالله : والله ان قد بينهم ساع تهاني وأكثر وقد بينفكر نخرج من هذه الحاره لارجعت تدور ماتلقاش أحد لكن والله ماسخيت هذا البيت الي عشت فيه أنا وفاطمه أحلى أيام عمري ..


عادل : وأنا ساعكم لكن هانا قدهي عيشتنا ومدرسه العيال و مدرستي وعملكم ...


الحج عبدالله : نزد نراعي ونبسر ع الله .. انت داري ماقد تشتي مره عبدالكريم قالت تشتي تزوجني بعد فاطمه تدي لي مره تجي تبسرني وتراني قدهي ضابحه مني 😔 ..


عادل : 🤔 وانت ياحج لاجينا للصدق والله مابه ساع المره تبسرك وتوبه لرزق داري ان محد ساع أمي فاطمه الله يرحمها وانه مشو بالسهوله هذه تتزوج لكن قدهي سنه الحياه بكم تتطمن ع رزق ولا اديته عندي توبه له تهاني ...


الحج عبدالله : مطنن بيفكر 🤔 في كلامه ...


...... ..... ....

العشي في غرفتهم ..

عبدالكريم : بيصيح 😡فوق سميره ... كيف تشوري بهذا الشور ع أبي أنتي بعقلش تشتي تزوجيه مايكفيش رزق عادش تشتي تدى لنا جاهل يزد يجي يشاركنا ..

سميره : راعي بغير صياح .. افهم .. هو كما جلسنا ماعذر ماعيتزوج عمي وبدل مايدي لنا واحده مدري كيفهي قلت ندي له خالتي ع الاقل مطلقه وداريه انها مابتخلفش ولاعتدي لنا جهال تجي تشل حمل ابوك من فوق ظهرنا .



🌹meme_abdalgaleel



@qesasanani