بارت 48




الصبح ... 🌝 اليوم الجمعه ..

في ذمار .. فوق الصبوح 🍲

خيريه : ياشيخ مارأيك ادور مره ليونس قدهو رجال نزوجه ..

صالح : 🙂 ابسر يونس .. لاقد الولد راغب توكلي ع الله وابسري له بنت ناس او ماقلت ياولدي ..

يونس : إبتسم ☺ أيووه يا ابه قد خبرتي إتزوجوا باقي أنا ..


طارق : إبسر أبوه .. يله عيس افتتح هذا الموظوع لأن عادنا قلت أشتي أحاكيكم أدور لي مره أتزوج ..

خيريه : نبعت له 😖 زجاجه قلك يتزوج . بدل ماتتزوج وتلتهي سير السعوديه أغترب جمع لك زلط حق زواجه ودور أختك ولا لاقد سافرت خلاص اتخايلك أن الناس عينسوا فعلت أختك ..


طارق : رد عليها بضبح 😤 للمه اوماهي الإ اختي وحدي يسير يونس يدورها ولا هو يزوجه أبوه وأنا اسير أجمع لي حق زواجه ...

خيريه : 😡 عتشتهد ياشيخ ع ابنك وقله أدبه بيرد عليا هذا قليل الحياء الحجه عند أمهم الي ماربتهمش قبل ماتموت ادت واحد قليل أدب وبنت ... أستغفر الله بس الله يستر علينا ...


طارق : ماقدرش يمسك نفسه لما ذكرت أمه الله يرحمها 😡 حط الأكل من يده ... ابسري قدنا ساكت وصابر وبينتحمل غلطش عليا وأختي من وعادحنا جهال لكن تغلطي ع أمي لاهانا وبس .. ولفت لصالح .. هيا أينوا صميلك ياشيخ ولا لاعندها وبتعجم ..


صالح : بيصيح فوقه 😡 احترم نفسك ياقليل الأدب أحترم خالتك لو انت أبن ناس ماترد عليها ربتكم واعتبرتكم ساع جهالها وعادهو هذا جزاها ...

يونس : مسك طارق من الشميز 👔 بيهزره .. احترم نفسك لو تزيد تغلط ع أمي لأكسر فمك ..


طارق : دهفه .. شاقع أحسن منك وما امدش يدي 👋🏻 لأنك اخي الصغير الي بيصدق كلام أمه وتضحك ع عقله ماعندك حجه مابش عليك ملامه ..


خيريه : بتبكي خرط 😭 تشتي تتريحم بتبسر ياشيخ ابنك هذه جزاتي الله يسامحه بس لوهي مره ثانيه لاتخليك تطرده من البيت ..


طارق : أنا داري ماتشتي توصلي له تشتي تخرجيني بعد أختي ولاقدش ناسيه شاذكرش مافعلتي . لكن والله ما اخرج ولا اوصلش مافي نفسش ...


خيريه : 😱 في نفسها .. يوووه ماقصده من أخته ..


صالح : مسك طارق ولطمه 👋🏻 احترم نفسك ولاعادك تشتي تجلس في بيتي تحترم خالتك هي ساع أمك ولا سير دورلك بيت ..


طارق : مسك نفسه واقتهر من لطمه أبوه 😔 .. ماشحترمهاش خلاص لاهانا وبس قد احترمناها خيرات وخرجه من البيت والله مانا خارجي ولا شاحقق لها ماتشتي .. فلت وخرج من البيت ..


خيريه : بتتريحم وتبكي 😭وتشبج صالح ع طارق ..

يونس : لحقه لاخارج يشتي يضربه ..

طارق : قد طلع فوق السياره وخطي 🚘 ...



...... ....... .......


في بيت الحج عبدالله ..


عبدالكريم : بيداعي سميره تدي له الزنه عيتأخر ع الصلاه ..



محمد : راقد😴 ولارضي يقوم يصلي ..


أحمد : بيلبس رزق الكوت 👕 ويعطره ..

آيه : بتحسده .. ليش بتلبسه سعم مابش معه يد 😏 ..

أحمد : عمي الصغير بيندلعه .. وابتسم لرزق 😄 عمي وأصغر مني ..

رزق : ضحك ههه 😂 وبيهنجم فوقه ... أيوه اسمع كلام عمك ولا شاضربك ...


حسين : يايزن شرق علينا .... ماشي انا شخطى الأول وانت الحق مع عمك ..

أحلام : خلاص هيا هيه تميت باقي أمشط شعره👞 وألبسه الصندل ..


الحج عبدالله : كان فالمقبره هو وعادل بيزوروا فاطمه ..

عادل : والله لا يدرى رزق لايبكي 😭 ريت والله وانت اديته ..

الحج عبدالله : ماسخيتش عليه كل مايجي يزورها بيروح يجلس يبكي 😭 ويقتهر ...


حسين : في يده يزن دعى رزق ومحمد يخطوا الجامع 🕌 ..


آيه : فكرت 🤔 في فكره .. حملت تلحق رزق .. يارزق جي ما أقلك ..

رزق : مالش .

آيه : أنت داري ان جدي ساروا يزوروا جدتي فاطمه وماقالو لكش لكن لاتقلش لأحد اول ماتكملوا تصلوا شاراعي لك قفاء البيت 🏡 ونسير انا وانت ..

رزق : فرح 😄خلاص تمام شاصلي بسرعه وأجي ..


...... ..... .....


في بيت سمير ..

ساميه : ياسمير هيا شرق عليا شتأخر ع بيتنا ..

سمير : بيمشط شعره ..بيني وبينش أبردي من بيتكم اليوم وجي نخرج نتغدى خارج 🍛 ونلاعب الولد ..


..... ........ ......

في بيت حميد


طارق : وصل من ذمار كان ضابح 😤.

عم حميد : ابرد لك منها يا إبني هو هذا الي تشتي توصله ..

طارق : والله ما اخرج من البيت لو تخرج روحها يكفي اختي وربي عيكشفها عند أبي مهما طال الزمن ..

نوال : دخلت عليهم مشي داريه ماحصل ... 😃 هيا عادنتوا ماتجهزتوش أنا قدلبست نخرج أنت وعدتني اليوم عتخرجنا المطعم قدلي 3 أشهر مذاكره وامتحانات ..

طارق : ابتسم لها وهو ضابح 😌 أيووه هيه قذا جيت لش من وسط ذمار أخرجش ..



الله أعلم مابتفكري فيه يا آيه 🤔.

🌹meme_abdalgaleel


@qesasanani

بارت 49


خرجوا من الجامع 🕌 ..


آيه : مراعيه لرزق قفاء البيت 🏡 ..

كلهم وصلوا البيت ورزق حمل لاقفاء البيت بدون محد ينتبه له ..


سميره وأحلام : بيقربين الغداء 🍛 ..

الحج عبدالله : ياحسين يا إبني أتصل 📱لاعند أختك أبسر مالها تأخرت شرق علينا نشتي نتغداء ..



سميره : بتحطم .. هآه بتجي لكل شي حاصل لافوق الغداء سعم لاجت بحين ماعيقع بها عيكتسرين أيديها لو جت تعاونا اوكيف مايكفيش راجمه ابوها ورزق فوقنا ..


أحلام : مالش كودي بتحطمي .. وبعدا مليون مره قلتلش ماتدخليش من عمي ورزق شخدمهم من عيوني بتحطمي وانتي مابتفعلي لهم شي وانا عاجبني وراضيه افعل لهم كلشي ..

الحج عبدالله : ع قومته يغسل يده 👋🏻 سمع كلامهن. دخل لاعندهن للمطبخ .

إسلمي يا أحلام يابنتي كثر خيرش وحب رآسها 😘 .

سميره : اكتسفت 😥ياعم مشو قصدي هو اصلا ..

الحج عبدالله : طنشها .. قذا اماني جت يا احلام هيا يابنتي قربي نور قلبش واصلح لش ولدش ..


.... ..... .....

وراء البيت ..🏡.


آيه : هيا مه محد إبسرك ..

رزق : مع هيا نسير بسرعه قبل مايداعونا غداء أنتي تعرفي الطريق ..


آيه : أيوووه أنا داريه ماعليك شي مسكت يده وخطيت 👫 هي وياه ..


....... ..... ......


في بيت عادل ...


تهاني : اسكه يامعاذ ياحبيبي قوى إبسر أختك مارضيتش تجي تتغدى 🍛 ..

عادل : مدري مالها من اول بينراشيها بتبكي 😭 بتقلي شابعه وضابحه محد غثاها منكم ..

معاذ : ماشي والله محد غثاها بشي اوذا شدخل لاعندها ابسر مالها ...



...... ...... .......


رزق : هيا مه قدنا تاعب ماوصلناش أبي مابيديناش من هذه الطريق ..


آيه : بخباثه 😏 وكره ... الإ هو هذا الطريق انت مدراك أنت اخطى طوالي من هذه الفتحه وأنا شاراعي لك هانا اراقب لو احد يجي ..

رزق : مصداش اخطى وحدي جي معي 😥 بينفتجع ..

آيه : مع هانا اراقب بسرعه سير المقبره في هذك الفتحه ..


آيه : خلته يخطى 🚶🏼 وهي حملت عليه بسرعه تروح البيت ..


..... ...... .....


في المطعم ...

بيت حميد وطارق بيتغدوا 🍛 ..

طارق : رن تلفونه 📱 أهلا وسهلا كيف انت ..

صاحب طارق : اهلا .. الحمدلله .. هيا مالك تأخرت قلت عتخزن اليوم عندي ..

طارق : أيوووه أكيد قدنا وسط صنعاء وافوت عليا حقكم المنطر الي لافوق السايله شويه وأجي ..

عم حميد : مدام قد كملت تتغدى رحلك يا ابني خزن عند صاحبك شويه تلحق تنزل ذمار وعادهو بحين ..

طارق : 😤 والله أني ضابح ماقدرت اليوم انزل ..

عم حميد : مع يا ابني هكذا عتدي لخالتك فرصه تعلم ابوك أكثر انت قوم رحلك وأحنا شويه وعنروح ..



..... ...... ......


في بيت الحج عبدالله


آيه : وصلت وقدهي بتنهل من الحمله 🏃‍♀دخلت بسرعه محد انتبه لها جلست ..

الحج عبدالله : يووه أين جاء رزق هيا ادعوه غداء 🍲 ..

يزن : اوذا شدعيه هو قلي عيسير يقطع رمان من قفى البيت لانه يعجبكم تأكلوا مع الشفوت 🍛 ..




...... ...... ......


رزق : بيتلفت يمين وشمال بيدور المقبره مالقيهاش وبيدور آيه مابحدهي ضاع رجع يجلس يبكي 😭 ...




في المطعم ..

بعد ماروح طارق ..

نوال : جالسه مع حميد وتقيه ..

ساميه : قامت تلاعب ابنها لمحت من بعيد نوال في نفسها 🤔 هذه نوال الي معي فالجامعه الإ شكلها هي بس خزى احاكيها قبال أبوها ..

سمير : ابسرها مطننه مسنبه عند المدرهه .. بخ 😄 اينو حسش ..

ساميه : ابسر هذك الي فوق الكرسي هذه نوال الي قلتلك معي فالجامعه تعرفت عليها ..

سمير : ابسرها وأبتسم 😄 شكلها قمر .. هيا سيري اخطبيها لي ..

ساميه : اووف منك 😤والله انك اخبل ..

سمير : ضحك ههههه 😂 لاتصدقيش والله مسخى عليش ..


..... ..... ....


في بيت الحج عبدالله


كلهم بيدوروا رزق مابحدهو .. قد عيجننوا عليه أين سار 😥 .


آيه : بتدوره عادي كأنه مشي داريه بشي ..

أحمد : حمل لابيت عادل يدوره لو هو سار عند هبه ..



حسبي الله فيش يا آيه طلعتي شريره مثل امش 😈 ..



@qesasanani

بارت 50



معاذ : بيسمع الباب بيدق بسرعه 🚪 حمل يفتح ...😳استغرب مالك بتدقدق هكذا ..

أحمد : بقلق وخوف 😥 رزق عندكم ..

معاذ : كيف عندنا ماشي مابحدهو ليش أين سار 😥 ..

أحمد : مدري مابحدهو بندوره أختفي سار يقطع رمان من الحوش ولاعد لقيناه ...


معاذ : خفع راسه بيده .. 😱 لاقد جت تشله راعي لي البس الصندل بسرعه والحقك 👞 ...


عادل : هيا من بيرزوع الباب 🚪 هكذا ..

معاذ : رزق ضايع اختفى شحمل 🏃🏻 أدوره معاهم ..

عادل : 😳ايييش يله وأنا الآن معاك ..

تهاني : بتبكي 😭 قد قلتلكم شكلها عتشلهم محد صدقني وبتبكي ...


هبه : بكيت 😭 أنا من الصبح مفتجعه بينقلق عليه يعني شلته المره السارقه صح ...

تهاني : حظنتها وبتبكي 😭 لاتفتجعيش عيلقوه ..



....... ....... ......


الشارع مقلوب والكل بيدور ..

مجموعه بتدور في جهه ومجموعه بتسأل الي فالشوارع ..


أحلام : بتبكي خوف عليه 😭 ..


سميره : بتحاكي أماني بصوت واطي .. ريت والله وماعد يلقوه .. قد جت لنا من باب الله ..

أماني : زعلت عليه 😔 مع لاتقليش هكذا الله يرده بالسلامه والله اني حسيت روحي عتخرج عليه ..

آيه : فارحه فالغرفه بتتقفز فوق السرير 😄 ..



....... ...... .......

في المطعم ...


نوال : هيا نروح .. 😄 أنا داريه قد أخرتكم ع القات ..

عم حميد : هيا ناهي لش يابنتي سعم عنطير عليه بكم غيرنا جو وافتهنا شويه ..


تقيه : الله يهديش يانوال قدش بنتنا والله العالم كم قد بنحبش ولاقد عرفناش تتشرطي علينا هكذا وتشتي تخرجي الإ من حين لقيتي طارق ..


عم حميد : كل هذه السنين يابنتي وعادش بتخزي مننا ☺ ..

نوال : الله يحفظكم لي .. ذلحين هيا لانأخركم ..

ع خرجتهم ....

ساميه : ابسرتها بتأشر لها باي 👋🏻 .


نوال : عرفتها 😄 ابتسمت لها ..

سمير : مالش خازيه سيري ابسري صاحبتش ..

ساميه : ابسرته بضبح 😤 ماعليك مننا يله سير بعيد من التفراج .. مسكت ابنها وسارت تسلم ع نوال ..

نوال : سلمت عليها 😘 وبتتحيلا لإبنها ..

ساميه : هذولاك ابوش وامش صح ..

نوال : انحرجت ☺
هآه أيووه ...


...... ...... .....


في الشارع ...


معاذ : ملامح القلق والخوف في وجهه 😥 بيدور في كل بقعه وسار يدعي منير يدور معاهم ..


منير : بيسأل كل شخص قدامه لو ابسر ولد لابس زنه وكوت أسود ..


...... ...... .....



في الحديده ..

عبدالصمد : مخزن هو وعامر ..

عامر : يا اخي مارأيك اذا تحسنت ظروفنا أكثر ندخل في جمعيه ونجمع لنا مصاريف حق زواجه😉 ...


عبدالصمد : ضحك عليه ههه 😂 قل اول تجمع لك قيمه بيت ولا سياره ...

عامر : هيا ناهي لك ماشاجمع قيمه بيت الإ وقدنا شيبه .. وبعدا الزواجه حرام علشان الوالده تفرح بعيال 😜 ..

عبدالصمد : يله اتعذر لك بالوالده هاه هههه 😉 ..

عامر : وانت نشتي نزوجك والكل مارايك نخلي أمي تبسر لنا 2 خوات ..


عبدالصمد : وطى رآسه 😔 انا ماقد بينفكرش في هذا الموظوع خلينا اول نزوجك أنت أنا أشتي أشتغل ..


..... ..... ....

في بيت صآحب طارق في المنظر..

طارق : ياأخي ماشاء الله كم بينحسدك ع هذه البقعه أمانه ان التخزينه. فيها تخليك تكيف ع كيف كيفك ..

صاحب طارق : يا اخي أحلى شي فيها أنها مطله ع السايله زياده وقت المطر ساع هذه الآيام ..


طارق : أهم شي كل مطلع صنعاء قدهي هذه بقعتي سدينا ..

صاحب طارق : أنت جي بس ومالك الإ أحلى تخزينه والقات عليا ..


.... ..... .....


رزق : بيخطي ولا زد عرف الشارع بيبكي 😭 وكل مايدخل شارع يضيع ..

2 نسوان خاطيات يتفرطين ابسرنه بيبكي 😭قربين يسألنه مالك يا ابني من ظربك ولا ضايع جي معانا نروحك ..

رزق : ذكر كلام تهاني 🤔 ان به مره بتسرق العيال افتجع منهن وهرب بسرعه ..



بداء الشمس تغيب 🌥 وأجواء الظلام بداءت تظهر ..



الحج عبدالله : ماعاد قدر يصبر سار هو وعادل لقسم الشرطه 👮🏻 يبلغوا ان رزق ضايع ..


تهاني : بتبكي بحرقه 😭 وتحاول تهدي هبه قد روحها وقلبها عيوقف ع أخوها ❤ ..


رزق : بيحمل ابسر نفسه قدام السايله تذكر 🤔 انه كان معاذ يديه هو وهبه لاهانا وكان البيت قريب وقف شويه يتذكر منين الطريق ..

صوت الرعد والبرق ⛈ بداء بقوه والمطر بينزل بغزاره ..


رزق : افتجع وارتزح عرض الجدر وبيسد أذانه 🙉 ...



أذن مغرب 🕌 ولا حياه لمن تنادى محد وصل لرزق والكل حسب ان نوال شلته ...


رزق : قرر يخطى يدور بيتهم حتى لو مطر ⛈ بس المياه بدائت تتجمع فالسايله ..



ياترى رزق عيراعي لما يكمل المطر ولا عيخطى 🚶🏼 يدور بيتهم وهل ياترى عيلقى بيتهم ولا عتبداء لك حياه جديده مع ناس جديده
..


@qesasanani

بارت 51



في بيت الحج عبدالله ..

الحج عبدالله : فوق السجاده ..بيصلي مغرب ورافع يده للسماء 🙌🏻 .. يارب رجع لي رزق ولا تسمعني عليه بشر وتشارغت عيونه بالدموع ..


أحلام : قد عيونها مورمه من البكاء ..التلفون في يدها 📱 بتتصل كل شويه لعند حسين تبسر لو لقيوه ..

تهاني : عندها من الظهر .. قد قلبها عيوقف من كثر القلق 💔 ..

هبه : راقده في حضن تهاني ...اخيرا نعست بعد تعب ماقد وقفتش دموعها 😭 من الصبح ...


سميره : مطنشه وكأن الموظوع لايعنيها فالمطبخ بتفعل🍲 عشاء لآيه ..


آيه : كانت خايفه 😥 ماما أقلكم حاجه وماتصيحوش فوقي قدنا مفتجعه لو أحد يدرى ..

سميره : وطت لاجنبها .. مالش مابه 😦 ..

آيه : بخوف 😢 أنا خرجت رزق للشارع بالعاني وضيعته .. فلته وهربت 🏃‍♀قلت يضيع نفتهن منه ..


سميره : ضحكت 😂 هههه أمانه انش طلعتي أحذق مني خلاص أووص اسكتي لحد يسمعش ولاتفتجعيش محد عيدرى .


..... .... .......


في الشارع ..


محمد : برغم إنه لامبالي وحياته كلها طيش .. سار جمع كل أصحابه وبيدوروا في كل الشوارع والحارات بين المطر 🌧.


معاذ : قدهو مبلل من المطر و مهستر من القلق والخوف 😡 بيلوي في كل شارع ولا عاد خلى مكان مادور فيه بيصيح .. ليش تفعلي هكذا حرام عليش أنا كنت عند وعدي وانتبهت للعيال ليش تجي تشليهم هكذا ويبكي 😭 ...


منير : يامعاذ ... اذكر الله ان شاء الله عنلقاه بس كيف تشل رزق بس وهبه ماشي ..


معاذ : يمكن الي لقيته قدامها ..

منير : أنت داري مابش معانا الإ انه نخلي هبه هذه الأيام تخرج وحدها 🤔 ونراقبها من بعيد لأنه أكيد عترجع لها ...

معاذ : صيح فوقه 😡 وأنت بعقلك عادك تشتي اصبر لما تزيد تشل هبه .. ماناش مروح اليوم الا ورزق معي لو الف بيوت صنعاء ع بيت بيت ..



.... ...... .......


في ذمار ...


خيريه : بتقلد أنها زاعله 😔 دخلت الشاهي لصالح ☕ بعد القات حطته وجلست ساكته ...


صالح : هيا مال حقي البدر السامر ضابح 😤 .

خيريه : مدري .. أنت أخبر سعم مشنتي داري أني غاثيه من الي فعل إبنك 😔 ..



صالح : قرب يصالحها .. هيا لكن قذا لطمته 👋🏻 وطردته من البيت ..

خيريه : لكن هو قال ماعيخرجش من البيت ولداته👕👖 وحاجاته في غرفته ...


صالح : أكيد عيرجع لهن غطوه ولا اي وقت اوذا ماقد رجعش من الصبح يعني قد رحله ..


خيريه : ولو من باب الإحتياط خلينا نلفلف لداته وحاجته ونفعلهن في كرتون ونخرجهن فالمخزن الي فالحوش ..

صالح : للصبح ويحلها ربي 😁 ذلحين جي جنبي وابردي لش من طارق وهرمه ..


....... ....... .......


في بيت صاحب طارق ..


صاحب طارق : يا اخي اين عتسير بين هذا المطر ⛈ والرعود بتبسر ع مملكه قد السايله ملان ماء أرقد عندي وكما الصبح رجعت ذمار ..


طارق : بيوضع الصماده فوق رآسه .. مايقع شي يا أخي أصلا قد تأخرت وعادنا مسافر ...


صاحب طارق : والله ما يسبر تخرج وتسوق بين المطر 🌧 وزيد لو الطريق كلها مطر ارقد هانا وبس..


طارق : أيوه مابعدا تخلي اليوم عيد عند مره ابي تركن اني ماعاد شرجعش صدق 😃 ...




........ ........ .........


رزق : جالس وحده فوق السايله بيبكي 😭 قد ملابسه كلها ماء وشعره كله مبلول بيرتعش من البرد والخوف ...


الماء بيتزايد من المطر وبداء يطلع من السايله ويرتفع 🌊 ..



رزق : بداء ينعس 😴 وعيونه بتغمض ماعد حسش بنفسه اطرح ورقد ..



الماء بيزيد ويرتفع 🌊 ويطلع ..



الله يحفظك يا رزق





@qesasanani

بارت 52


في بيت حميد


نوال : بتفعل العشاء 🍲 وبتجهز حاجاتها للجامعه ..


تقيه : بتجابرها ... ماشاء الله عليها صاحبتش يابنتي كيف بتقدر تقرى وهي مزوجه وعاد آبنها جاهل ..

نوال : هي بتخليه عند امها بتشله الصبح ع سيرتها الجامعه ويرجع يسير زوجها يديه ويجي لها ..

تقيه : لكن والله انه تعب الله يعينها .. الحمدلله اننتي خفيفه ..


نوال : ذكرت عيالها 😔 وتنهدت ..

تقيه : حست إنها ذكرتها بعيالها .... يوووه حسبي الله سامحيني يابنتي والله ماقصدت ...


نوال : إبتسمت بقهر 😌ماتشتيش تحسسها انها زعلتها. . مع ياامه تقيه مابش شي ..

تقيه : فرحت بكلمه أمه 😃 يوووه محلا كلمه أمه من فمش قدلي من هذه الكلمه من قبل موت جهالي الله يرحمهم ... قوى يابنتي كن داعيني أمه تقيه بس أحسن من خاله أمانه انش رجعتي روحي ..


نوال : قامت تبوسها في رآسها 😘 حاضر من عيوني ياأمه وعمي حميد من اليوم والكل شاداعيه يا أبه والله إننتوا أحنج من أبي وخالتي قدنتوا أهلي صدق ...



..... ...... ......

في بيت الحج عبدالله ..

الحج عبدالله : يده ودمعته ع خده مطنن 🤔 بيحس انه خلاص خسر رزق بعد فاطمه ... بيحاكي عادل .. لو عاد فاطمه بخيره انها بتوبه له ولا كان أحد شله هذا كل واحده بتنتبه لعيالها وينشغلين عنه .. قد احلام نور قلبها بتفعل جهدها لكن ولو 😔 ..



عادل : لاتقلش هكذا ياحج هذا قدر الله ... ان شاء الله عنلقاه ..


الحج عبدالله : هيا قوم نخرج لنا ندوره ..

عادل : قد الجهال كلهم خارج أين عتسير أنت إبسر ع مطر ومملكه عظيمه ⛈ ..

الحج عبدالله : بيخفع صدره فوق قلبه 💔 آح آح قلبي عيوقف عليه والله لأموت بعده لومايرجع ..



عادل : الله كريم ياحج ان شاء الله عنلقاه 😔 ..



...... ...... ......


في بيت سمير ...


سمير : ماشاء الله صاحبتش شكلها أصحاب هي وأهلها كان شكلهم مبسوطين ..

ساميه : إبسرته بضبح 😤 أوووف منك مادخلك منها من الصبح وانت بتتسؤال عليها ..

سمير : ضحك 😂 ههههه أنا فدال حبيبتي الي بتغير عليا .. بتفتجعي عليا لا أتزوج ..

ساميه : فلتته وقامت 😤 والله لو دريت ماسيرت المطعم ولا خرجت معك ..

سمير : قام بعدها يراضيها .. بيصافدها 😃 .. هيا حبيبي لكن من الزعل والله انش أحلى بنت فالعالم يكفي إني أخترتش من بين كل البنات ولا بينبسر غيرش ..

ساميه : بزعل 😔 لكن شكلها عجبتك من الصبح وأنت بتتحاكى عليها ..

سمير : والله مافي حسي منها بس الفضول واستغربت كيف ابوها ماتزوجش ع أمها ومابش معه منها الإ هي وبس ..


...... ...... .....


طارق : نزل من بيت صاحبه بين المطر ⛈ حمل بسرعه 🏃🏻 لافوق السياره طلع وشغلها وشغل المساحات حق السياره وبيخطى دلا بين المطر ..



رزق : نكز من النوم 😴 من البرد والمطر فوقه افتجع قد الدنيا ظلمي وهو ماروحش بيتلفت أبسر الماء حق السايله ملان قد بداء يخرج افتجع بيبكي😭 ويصيح ويحمل بسرعه ويداعي يابابا ياعمو عادل جولي إشتي معاذ وبيبكي بحرقه ...


طارق : سارح ومطنن 🤔 فوق السياره🚘 بيهم إنه عيرجع ذمار والمشاكل حق أبوه وخالته بيخطى وحسه في عالم ثاني ...



رزق : بيحمل بسرعه 🏃🏻 من الخوف ماعد بيركز قدامه بيبكي 😭 ماحس نفسه الإ قدام السياره .🚘..




طارق : 😳 فجأءه ركز أن قدامه ولد حاول يهمس بريك بس مع المطر السياره طحست 🚘 ...



........ ....... .....


في الشارع ....


محمد : بيداعي أصحابه خلاص يروحوا😔 مالقيهوش ...


معاذ : جالس فالرصيف ويده فوق رآسه 😔 ...



منير : مسك يده 👋🏻 هيا صاحبي قوم نروح عنمرض قدحنا مبلولين ولداتنا خضر ...


معاذ : تشتوا تروحوا روحوا أنا ماشاروح الإ برزق لو أرقد الليله فالشارع ..


أحمد : يا أخي خلينا نروح نبدل ويهداء المطر ونرجع نخرج ندوره كلنا مقهورين عليه ونزلت دموعه 😭 .....


منير : بيسكته ... هيا ماهو ذلحين ماادرى لمن أوبه فيكم قد شجنن ع رزق وأنتوا عادنتوا تزيدوا تجننوا ...


معاذ : قام سنب وخطي🚶🏼 قبلهم فكر يروح يبدل ويبسر مافعلوا الي فالبيت لو قد أحد لقيه ...



🌹meme_abdalgaleel


@qesasanani

بارت 53



طارق : أخر لحضه لف السكان حق السياره 🚘 بسرعه ..


رزق : من الفجيعه جلس مسنب بقعته بيبكي 😭 ويصيح ..

طارق : فتح باب السياره 🚘 بسرعه ونزل لاعنده ... وقع بك شي ياحبيبي ...


رزق : بيصيح بس ويبكي 😭 ..

الرجال : تجمعوا حوله .. يا اخي شكل ماوقع به شي بس بيبكي مع الفجيعه .. الحمدلله ربك ستر ..


طارق : حس بإحساس غريب داخله لما أبسر رزق به شي بيشده لهذا الولد ❤ أينهو بابا ياحبيبي انت ومن فالشارع ومالك قدك ملان مطر هكذا قدك بترتعش ...


صاحب دكان : خلاص أدوه عندي هنيه امد مايهداء المطر ⛈ ويرجع يروح شكله خرج ينفع بيتهم ..


طارق : لا لا شكرا يا اخي خلاص انا شصرف وأبسر اينهو بيتهم وأروحه ..

رزق : كان بيبكي 😭 سمع شاروحه بيتهم .. حمل حضن طارق .. قوى روحني بيتنا أشتي أروح أشتي هبه اختي ومعاذ أنا ماعد دريتش أينهو حقنا البيت من الصبح ..

طارق : حضنه وطلعه معه فوق السياره 🚘 بيهداءه ... خلاص لاتبكيش ياروحي أنا شاروحك بيتكم مدام ضايع . خلس له الجاكت حقه بيدفيه به ونزل اشترى له كيكه وعصير يأكل ..


رزق : هداء شويه وإطمن لطارق فتح الكيكه والعصير بيأكل 🍩 ..

طارق : طلع شغل السياره 🚘 وبيخطى إبن من أنت ياحبيبي أينهو بيتكم..


رزق : أنا إبن الحج عبدالله ال****

صاحب محلات ومعطاره ال***

بيتنا قريب من حقنا المدرسه 🏢 .


طارق : بسم حقكم المدرسه وإحنا عنسأل عليها ونسير لعند بيتكم لاتفتجعش ياحبيبي ومسك شعره بيهداءه ..


تلفونه بيرن 📱 خرجه من جيبه وجاوب ... أهلا يا أختي ..

نوال : هيا مه يا اخي قد وصلت بينقلق عليك الدنيا مطر 🌧 .


طارق : ماشي والله عادنا في صنعاء لقيت ولد ضايع لوتبسري محلاه 🙇🏼 عادهو عيقع ابن 7او 8 سنين وذلحين بندور بيتهم ..


نوال : يووه مسكين ذلحين عيقع مفتجع أمانه اديه أحاكيه اهداءه ...


طارق : مكنه التلفون 📱 هآه حبيبي جاوب خاله تشتي تحاكيك ..

رزق : فرح 😃 من خاله تهاني قد دريتوا أينهو بيتنا ..

طارق : مع ياحبيبي هذه خاله نوال أختي تشتي تحاكيك ..

رزق : يعني مشهي خاله تهاني . مالقيتش بيتنا بكي 😭 ..

طارق : نوال خلاص شاغلق يا اختي رجع يبكي 😭 أدور بيتهم وشرجع أرقد الليله عندكم نخلي خالتي خيريه اليوم تزقرع ..وبيسأل الناس فالشارع أينهي مدرسه ال*** وأينهو بيت الحج عبدالله ال **** .




....... .... .....

في بيت الحج عبدالله ..

أماني : يله أنا شاقوم اروح لي قد علي بيداعيني علشان مدرسه العيال ولو حصل جديد أتصلوا لي ..


أحلام : خلاص تمام الله يفتح عليش ..

تهاني : إبسرت هبه وتنهدت 😔تقلي يا أحلام عترجع تشلها مني ..

أحلام : لاتتفاوليش . ان شاء الله عنلقى رزق ومحد عيشلهم مننا ..

تهاني : بتبسري كيف سميره ولا في حسها سارت تعشي بنتها وشكلها فارحه انه ضايع ..


أحلام : الله يهديها 😔 قد كنت بينقل إن أماني عتفرح والكل لكن الحمدلله قد قلبها ❤ بداء يلين ..



حسين : بيداعي من الباب 🚪 يا أحلام قلي لأم معاذ قال عادل لو قدي تشتي تروح تقوم يروحها عنسير انا وياه للقسم ولا عتجلس عندنا ..

تهاني : أشرت لها عتجلس 👇🏻 هانا .

أحلام : خلاص سيروا بس عتجلس تراعي لما تجوا ...


..... ...... ......


في ذمار ..

خيريه : فارحه .. هيا ابسرت الحمدلله مازد روحش نبكر الصبح نلفلف لداته ونخرجهن المخزان 😃 .


يونس : الحمدلله عقبال ما نخلي أبي يزيد يحرمه من الورث ويكرهه بعد نوال 😃 ..


خيريه : كل هذه السنين وأنا مراعيه لهذا اليوم مراعيه أيحين أقلعهم والحمدلله قلعتهم ...



حسبي الله فيش ياخيريه انتي وسميره وآيه الشريره 😈 معاكن

🌹meme_abdalgaleel


@qesasanani

بارت 54

ع خرجه عادل وحسين ..

معاذ : وصل هو والعيال 👬 ..

عادل : هيا مه مالقيتوش ..

أحمد : 😔 ماشي .. قلنا نروح نبدل 👕👖 ونبسر مافعلتوا .

معاذ : بيداعي من الباب 🚪 وهو ضابح 😤 .. يا أمه إدوا لي داير البيت أروح أبدل بسرعه أشتي أرجع أخرج ...


أحلام : خرجت له الداير 🔑 هاه .. بدل بسرعه وأرجع أمد ما اقرب لكم العشاء 🍲 ..


معاذ : شل الداير من يدها 🔑 .. مع شابع ياخاله ادخل بسرعه ابدل واخرج ادور..


. ..... ..... .......

فوق السياره 🚘 ..

طارق : بيخطى للبيت بعد ما سأل عليه ويجابر رزق ....آها 😳 يعني هي بنت أخوك الي خرجتك ..

رزق : أيوه 😔 ... .


طارق : وأنت كيف تخرج بدون ماتستأذن من أحد ..

رزق : أصلا هي قالت لي ما اقلش لأحد بس والله لأقل لمعاذ يضربها 😭.

طارق : منهو معاذ اخوك .

رزق : بيحكي له منهو معاذ وبيجابره كم يحب خاله تهاني وأخته هبه .


طارق : منسجم ومبسوط بالكلام معه 😃 وبيتحيلا له ...


..... ....... .......

في بيت حميد ..


عم حميد : هيا مه إتصلتي لأخوش قد وصل ..

نوال : ماشي عادهو في صنعاء .. قال لقي ولد ضايع 🙇 وبيدور أهله يرجعه لهم ..

تقيه : يوووه 😱 والفعله وكيف لوما ضاع هذا اين كانت أمه ..

عم حميد : قلي الحمدلله إن طارق لقيه وعيدور اهله ولا يعلم الله أين كان عيسير ولا من يشله ..


نوال : سرحت شويه 🤔 الحمدلله أني مطمنه ع عيالي إنهم عند ناس بيحبوهم ويوبهوا لهم ...


...... ....... .......


في الحاره ..

حسين وعادل : في طريقهم خاطيين للقسم بسياره عادل 🚘..

عبدالكريم : ع جيته 🚶🏼 .. هيا أين عتسيروا ..

حسين : قلنا نسير للقسم نبسر مافعلوا ..

عبدالكريم : عادنا جيت من هاناك .. ارجعوا لكم بس قالوا لو أحد اداه لاعندهم ولا لأي قسم عيتصلوا لنا ..


عادل : تنهد حسبنا الله ونعم الوكيل 😔 ..

حسين : أنا مستغرب كيف شلوه من وسط الحوش أقل شي كنا عنسمع صياحه ..

عبدالكريم : يعلم الله كيفهي ويمكن قد أمه جت له وعترجع تشل أخته ..

عادل : 😢 حس بالقلق والخووف ... ايش بتقل من الجنان حقك أين ترجع لأخته والله لاتخرج روحي وبعدا لاتقلش هكذا أن شاء الله عنلقاه ومشو عند أحد ..


عبدالكريم : هيا ناهي لك عتخرج روحه سعمني بنتك صدق خلاص أنت وأبي فعلتوا فيهم أجر ولاقدهي أمهم الي شلتهم خلاص والله ماعاد أحد احنج منها عليهم.


حسين : يشتي يغير الموظوع لانه داري إن عبدالكريم كلامه يوجع ... مسك عادل من كتفه .... هيا نرجع لنا البيت ابي وحدهم عتطلع معانا ..


عبدالكريم : مع أخطوا لكم .. عادنا شامر للمحلات ..



....... ...... .....


معاذ : كمل يبدل بسرعه وخرج من البيت بسرعه بيحمل 🏃🏻 يمكن أمه الداير يرجع يدوره ..ابسر ضوء سياره من اول الحاره 🚘 وقف يارب وقدهم ابي رجعوا من القسم ومعاهم خبر حالي ..


رزق : فوق السياره 👆🏻 بيأشر له 😄 أيوووه هذاك بيتنا 🏡 ..

طارق : فرح 😄 ... الحمدلله .. انحنا وصلنا ولقينا البيت مره ثانيه ماتكنش تخرج مع احد ..


رزق : ابسر معاذ فارح 😃 هيه هيه معاذ معاذ ...


طارق : وقف السياره 🚘 .. ونزل بيداعي يامعاذ ...


معاذ : أستغرب 😳 هذه مش سياره ابوه ومنهو هذا الي بيداعيه خطي يجاوب ..


رزق : فتح الباب حق السياره 🚘 وبيحمل يامعاذ أنا روحت حمل حضن معاذ وبيبكي 😭 ..


معاذ : مسكه بقوه وحضنه. كان يبوسه بقوه 😘 ويبكي 😭 أين سيرت من شلك . قدانا شجنن عليك ..


طارق : موقف بيتفرجهم .. قرب لعندهم مسك معاذ من كتفه 😄.. خلاص ليش البكاء قذا لقيته و رجعته ..


معاذ : انتبه للرجال كان منشغل برزق .. مد يده يسلم عليه 👋🏻 اوووه العفو منك ... ألف شكر انك رجعته كيف لقيته .. اتفضل أدخل عندنا ...


طارق : تسلم😃 .. انا قد تأخرت شاروح .

معاذ : لحضه بس لو سمحت أدخل الولد قدهو مبلول . وبيداعي ياعم عبدالله يا أحمد يييه ياعيال لقينا رزق 😃 ..

رزق : حمل بسرعه 🏃🏻فتح الباب🚪 ودخل ..


كلهم داخل سمعوا صياح معاذ وحملوا يبسروا ..

تهاني واحلام : فرحين 😃خرجين للصاله..



سميره: بتسمع لقينا رزق خفعت وشها 😱 يووووه والفعله رجع يوووه لعد يقلهم انهي بنتي آيه الي خرجته




@qesasanani

بارت 55


الحج عبدالله : كان جالس فوق السجاده بيدعي الله 🙌🏻 سمع صياح معاذ سنب ع طول يشتي يخرج يبسره بيفتح باب غرفته 🚪 ع دخلته رزق ...

رزق : حمل ارتجم في حضنه وبيبكي 😭 ...

الحج عبدالله : كانت دموعه تنزل من الفرح 😢 بيحضنه ويبكي ... اين سيرت عليا يا ابني ليش فلتتي هكذا ولاعاد رضي يفلته ...



أحلام وتهاني : دخلين لعنده كانين يحضننه ويبكين 😭 ..


هبه : كانت راقده 😴سمعت الصياح فالبيت نكزت فتحت عيونها وخرجت من المكان ابسرت رزق قدامها حملت لعنده 🏃‍♀ ..

رزق : أول ما أبسرها فلت أحلام وحمل يحضنها ويبكي 😭 ياهبه لاتكنش تفلتيني كانت السياره عتصدمني وكنت بينفتجع ظلمي ومطر خيرات ...


هبه : ليش تخرج وحدك ماما تهاني قالت مع نخرج 😭..


الحج عبدالله : بدلين له يابناتي قدهو اخضر وانا أخرج ابسر الرجال عيب ..


سميره : ابسرت الحج خرج حملت لعند رزق سعم بتحضنه وشاورته في أذنه لو تقل لأحد أن آيه خرجتك لأحرقك بالنار وأخرجك الحوش وحدك العشيه 😡 ..

رزق : إفتجع منها وسكت من البكاء ..

تهاني : ابسرت أحلام مستغربه 😳 ماقالت له لما سكت ..




...... ....... .......

في الشارع ..


معاذ : والله مانا داري كيف أجازيك ايش تطلب ايش تؤمر والله ماعد خلينا بقعه من الصبح بندوره ..


الحج عبدالله : خرج بيسلم عليه 👋🏻ألف شكر ياولدي .. هيا اتفضل ادخل عندنا نتعشى ..

طارق : الف شكر لكم ياحج تسلموا والله اني تأخرت عادنا أشتي انزل ذمار ..

الحج عبدالله : آها يعني مشنت من عندنا مدام هكذا والله ماتدي خطوه إنك اليوم ظيفنا .


عادل وحسين : وصلوا ع اللمه افتجعوا 😳 نزلوا من السياره دريوا ان طارق رجع رزق وبيسلموا عليه يشكروه ..


طارق : بيعتذر منهم والله ماعيقدر يجلس لازم يروح عيسير عند ناس من اهله يرقد الليله .


عادل : شل رقم تلفونه ... إذا والله انك غطوه ظيفنا نتغداء 🍲 بسرعه وسافر لك بعدها ماذلحين قدهو شرق عليك ..


طارق : محرج منهم ☺ خلاص تمام إن شاء الله .. سلم عليهم وروح ...



رزق : حمل بسرعه لعنده سلم عليه 😘شكرا ..

طارق : ابتسم له 😃 وبيتحيلا له حاسس بحب وشي بيشده له وطى باسه في خده 😘وسلم عليه ..



....... ....... .......


في ذمار ...


صالح : هيا افتهنتي ياروحي قدهي الساعه 10 وماقد روحش ..

خيريه : بتقلد زاعله 😔 والله اني بينبسره ساع ابني بس مانفعل لعيالك قدهوذا ع يدك بتبسر كيف بيفعلوا بي كانت نوال وذلحين هو ..


صالح : لاتذكري لي سيره هذه الملعونه ولا عاد إشتي أسمع أسمها في هذا البيت ..


خيريه : تشتي تزيد تكرهه في طارق ... تصدق مانا بينفكر في نفسي انه يمكن طارق الي ساعدها وخلاها تهرب مع عبدالصمد تذكر كل ماكنا نقل تقتلها كيف كان ضدك ويقلك مشو القتل حل ..


صالح :🤔 بيقلب كلامها في رآسه .. لا لا معتقدش لأنه هذه المره كان هو بيدورها قوي يقتلها هي وعبدالصمد ...





سبحان الصدف كان إبن اختك بين يدك ياطارق ولا أنت داري وسبحان من سخرك له تنقذه وترجعه من بين كل الناس ...


@qesasanani

بارت 56



بعد ماروح طارق ...

عادل : يامعاذ هيا ادخل ادعي أمك نروح لنا الحمدلله قد إطمنا ع رزق ..

الحج عبدالله : زد ادخل نتعشى 🍲 عادحنا بغير أكل كلنا من الصبح ..


عادل : إسلم ياحج والله إن قدنا واني اروح اكل اي شي وأرقد 😴 ..


معاذ : شبح رزق في يده 👬 بيجابره ودخل يدعي أمه بيصيح من الباب ..


رزق : مفتجع .. بيتفرج معاذ .. أقلك حاجه وماتقلش لأحد 😥 ..

معاذ : مسكه وجلس .. مالك ياحبيبي ماتشتي والله ماقل لحد سر بيننا ..

رزق : هي آيه خرجتني الصبح قالت تشلني المقبره أزور أمي وفلتتني فالشارع البعيد وهربت 🏃‍♀ وسميره قالت لو اقل لأبي إنها آيه عتحرقني وتشلني الحوش وحدي 😥 ...


معاذ : حمر وشه وضبح 😡 اقسم بالله لو ماحلفتني ما أتحاكى لأدخل اضربها هذه آيه وعمي عبدالله نخليه يصيح فوق خاله سميره ..


رزق : مفتجع 😢 مع مع قوى قوى امانه لاتقلش لأحد لو سمحت .


تهاني : خرجت وفي يدها هبه 👭 .. هيا معاذ نخطى ...


معاذ : يله تمام هيا ووقف .. حب رزق في رآسه 😘 وشاوره لاتفتجعش منهن تمام ..


....... ....... .......



في بيت حميد ..


تقيه : راقده 😴..


طارق : فالديوان جالس هو وحميد ونوال سامرين ..

نوال : يووه 😱 حسبها الله ع قد بنت سخيت ع إبن أخوها تضيعه ..


طارق : شكلها بتحسد منه لأنه الصغير وكلهم بيدلعوه ..

عم حميد : هذا وعادهي جاهله كيف عتفعل لما تكبر ...



....... ..... .....

بعد اليوم المتعب الكل تعشي ورقد 😴 ..

الحج عبدالله : بعد ما رقد😴 رزق في حضنه بعد ماحاول يعرف منه السبب الي ضيعه بس رزق كان خايف من سميره قله انه خرج وحده كان يشتي يسير للمقبره يزور فاطمه ... جلس يفكر 🤔إنه فعلا كلام عادل صح انه ضروري يتزوج علشان تجي مرته تنتبه لرزق ...




........ ...... ........



ثاني يوم الصبح🌝 ..

الحج عبدالله : ذبح ثور 🐂 برجعه رزق بالسلامه وعزم اهل الحاره غداء ..

سميره : فالمطبخ بتفعل المحشي للغداء 🍛وتحطم .. ذلحين للمه هذه الخساير والتعب خلاص قذك لقيوه ماعد به للتعب هذا ..


تهاني : معاهن فالمطبخ بتعاونهن .... بتفرج لأحلام ويضحكين عليها 😃 ...


أماني : عادهي وصلت .. بعدت البالطوه حقها ودخلت تعاونهن ..


سميره : 😏 لذلحين ياقمر ... أظاهر إن البيت بيتنا وان الي فعل الضيفه أبونا ليش ماتجي من الصبح بحين ..


أماني : مفعلش وانتي تميت ارفع بيتي وجيتي ...

سميره : هيا ياقمر .. هآه أخطي غسلي باقي اللحمه ناهي فارح كان عيذبح طلي مش ثور 🐂 ..



عادل : خرج تلفونه بيتصل 📱 لطارق يأكد عليه الغداء ..


طارق : ان شاء الله قدنا فالطريق ..


كملوا يتغدوا 🍲🍛🍝 وجلسوا يخزنوا ..

عادل : دخلت هبه لعنده تستاذن تسير تجعل ..

طارق : إبسرها .. ماشاء الله هذه بنتك ..

عادل : 😃أيوووه هذه دلوعه أبوها ..

طارق : ماشاء الله كانه فيها شويه شبهه من رزق ..

عادل : تلخبط 😅
هآه اصلا هم اخوه فالرضاعه تقل يمكن انه الحليب هههه 😂 ..


طارق : أينهو رزق أمانه ادعيه لي اتصور معه للذكرى هذا الولد ماشاء الله عليه فيه شي مميز يخلي الناس يحبوه ...


أحمد : سار دعى رزق وصورهم جمعه 😃 ..




@qesasanani

بارت 57


مرت الأيام ومابش أحداث مهمه ..

غير إن طارق رجع بيتهم وخيريه كل يوم بتدور تفعل مشاكل تشتي تخرجه وطارق مطنش لها ولا بيدي لها فرصه 😜 ...


في الحديده ...

عآمر : 😃 دخل المكتب فارح أخيرا الموظف الهرم خرجوه وعيدوا بدله واحد ثاني .

عبدالصمد : ههههه هيا لاقد تفرحش قوي مدراك والي يجي يطلع أخس منه ويجننا 😜 .


عآمر : أعوذ بالله منك ليش تكسر الفرحه 😅 تفائل خير أن شاء الله يجي أحسن .. ذلحين قوم نروح نتغداء خالتك ام عآمر قد دحست جلدي مابلا اروحك تتغدى قالت قدك زناط قوي ولاعاد بتجي عندنا .

عبدالصمد : والله ماهو زنط قدك داري كيف الشغل وكله ع يدك .. وقف بيلبس الجاكت حقه 👕 يله هيا نخطى قدنا فاقد لأكلكم 🍲..



...... ....... ........

في صنعاء

فوق الغداء ..🍝 في بيت الحج عبدالله ..

الحج عبدالله : بيتغدى ورزق جنبه ..

حسين : اليوم يا أبه نقلوا عملي الحديده أنا و5 زملاء أنا قلت لهم ماشقدرش واعتذرت لهم وماقبلوش عادحنا بنتحانب مارائكم ؟ .


أحلام : 😳 يوووه الحديده .. ليش وهم هاناك ..حمى وتعب ومانعرفش احد أهلنا كلهم هانا ...


الحج عبدالله : يا ابني أنت أخبر إبسر أينهي مصلحتك لابه عمل هاناك سوء إتوكل ع الله ..


يزن : فرح 😃 يابابا يعني عنسير عند البحر 🌊 ..



حسين : ما من العمل هاناك هو احسن قوى عيعينوني مدير للجمارك والمعاش اكثر قوي من هانا وأكيد عيقع لي عمولات من الصفقات والسكن ع حسابهم ..


أحلام : إبسرت لعبدالكريم وقلبت عيونها 🙄 .. هيا أحمد الله هآه سبرت لك زلط ومعاش خيرات وهذا المسكين يجلس يشقى بروحه في هذه المحلات ..


عبدالكريم : بهرر فوقها 😳 تسكت ..


الحج عبدالله : إبسرها بضبح 😤 للمه مسكين ماعد يشتي أكل شارب مصاريفه ومصاريف جهالش ومدارسهم وحاجتكم كلها بتوصلكم قبل ماتطلبوها وزد معه معاش مابينقصر عليكم في شي ولا هو غر حسد وبس أستغفر الله العظيم حط الملعقه🍴 من يده وقام ..


أحمد : ليش هكذا يا امه زعلتوا جدي 😔 ..

سميره : بتنافخ .. 😤 سعم ماهو ذلحين ماقد قلنا بتتفرجوا لي كلكم وعترجعوني غلطانه ولا كلامي مابيعجب احد في هذا البيت قامت حنقت ودخلت غرفتها وصرعت الباب 🚪 ...

عبدالكريم : لحقها يراضيها 🚶🏼.


حسين : حسبي الله بس من قلي أتحاكى قبالها ذلحين غثيت ابي وحصلت مشكله 😔..


أحلام : لاتغثي روحك ولا قدك داري بسميره وعمي يعرفوها .. ذلحين ماهو سعم عنسافر ..

حسين : والله ماعد دريت شبسر كيف ..

أحلام : تصدق والله مابينهم الإ المسكين ذيه كيف عتفعل به وأشرت برآسها لرزرق .


آيه : سمعتهم وحملت لعند أمها 🏃‍♀ تقلها ماتجابروا ...



....... ....... .......


في بيت عادل


تهاني : كملوا يتغدوا 🍲 بترفع الأكل ..

هبه : بتساعد أمها .. بترفع معاها 🍝 ...

عادل : جبر بنتي الحميش 😃 خلاص قدهي كبيره ماذلحين اول واحد يجي يخطبها شاوافق وأزوجها به ع طول ..


هبه : ضبحت 😤 اوووف ماعه والله ما اتزوج مشتيش أنا شجلس عندكم ..


معاذ : بيضحك عليها 😂 هو وتهاني ..


عادل : بيحانكها 😜 مايسبرش تجلسي عندنا كلهن البنات بيتزوجين ..

هبه : خلاص شتزوج بمعاذ ولا برزق وأجلس هانا ...


تهاني : ههههه 😂 مايسبرش تتزوجي بهم هم اخوتش ..

هبه : بتفكر 🤔 امممم خلاص شتزوج با احمد ولا بمنير هم طيبين بيجعلوا لي ويشلوا معي الشنطه 🎒 ..


عادل : يله تمام خلاص نزوجش با احمد وتجلسي جنبنا ماتسيريش بعيد 😃 خلاص موافقه ..


تهاني : يوووه حسبك الله ماعاد الإ تشتي اودف ببنتي الإ لعند سميره ..


معاذ : مسكين أحمد غبني عليه صدق وع مرته مشو ساع امه وأخوته هذا كأنه أبن ناس ثانيه ..


عادل : ذكرتني صدق .. عمك عبدالله بيتحرى تكن تبسر محمد لاهو يشتي شي ولا شي فالمذاكره توريه لاعاد يعيدش السنه حرام ..

معاذ : والله إن كودي بينترآشاه أنا ومنير بس مابيرضاش . ويقل ماندخلش منه ..



........ ........ .......

في بيت حميد ..


نوال : بتحاكى التلفون 📱 والله ماشقدر قد قلتلش ..

ساميه : أمانه هيا قوى جي والله لوتبسري كيف قد امي وخواتي مراعيات يتعرفين عليش من كثر مابينحاكيهن عنش ...


نوال : والله ماشقدر ارجعي جي انتي عندي وهن ..

بعد ماغلقت ....


تقيه : للمه ماتسيري عندها يابنتي شكلها مسكينه وبنت ناس ☺ ..


نوال : ماهي الصدق والله انهي طيبه قوى وبنت اسره محترمه ومؤدبه لكن هكذا أحسن يا أمه أنا اشتي ابسر قرايتي وبس مشتيش اصاحب وخرجات ...




...... ....... .......


الحج عبدالله : جالس بيفكر 🤔 في كلام حسين ولو يسافر صدق كيف عيقع به هو ورزق عند سميره وبداء يفكر في موظوع الزواج بشكل جدي . لبست الصماده ومسك العصيه حقه وخرج يسير يتجابر هو وعادل ...


@qesasanani

بارت 58



في ذمار ...

مخزنين في الديوان ..

يونس : يا ابه معي صاحب كان مغترب فالسعوديه عادهو جاء سالته لاهو إبسر عبدالصمد ..

صالح : فتح عيونه 😳 ايوووووه وماقال ..


يونس : قال مايعرفش لأن السعوديه كبيره لو ندرى في اي منطقه هو يمكن يقدر يسال عليه لو احد يعرفه ..


صالح : بضبح 😤 وإحنا مدرانا في أي منطقه هم .. خلاص قد هربوا ..


يونس : بس كيف يا ابه عنجلس هكذا ليش مانقتل واحد من عيال عمي بدله مايقلوا علينا الناس ماغسلناش شرفنا ...


طارق : كان بيسمعهم سكته .. بس لما سمع فيها قتل لفت ليونس بصياح 😡 ماهو حقك الخباله هذه اهم شي بتدور تقتل وبس تشتي دم سعمن هذا الموظوع بسيط لاتصدقوش له يا ابه عبدالصمد وكان ثارنا معه بس اخوته من عيسكت لنا ولاتنسى إن قد عمي شيخ المنطقه يعني لو يحصل شي في عياله والله لاتقوم القريه كلها معه ..


يونس : ومن قلك اني شقتل انا سير نظف شرفك انت هي أختك 😡 وبدائوا يتصايحوا ..


صالح : صيح فوقهم بس أنت وهو 😡 من الجنان . لاجينا للصدق كلام طارق صح والله ماغير نفتح لنا باب للثأر والقتل نوال لاقتلتها بنتي محد عيفتح فمه وعبدالصمد قد كلهم غلطوه وابوه تبرى منه بس الباقي لو نقتلهم ماعيقلوا الا فتحنا لنا باب للقتل وهذولاء فالاخير عيال اخي وقطعه مني ..


يونس : لكن يا ابه كيف نفعل نجلس هكذا 😡 ..


طارق : يا ابه قذا للقصه فوق 8 سنين والناس قد نسيوا ولو نقوم نفتح لنا مواضيع جديده والله ماغير نبدع با ارواحنا من جديد ...


...... ....... ........



بعدها بيومين ..


حسين : بيطلع الشنطات فوق السياره 👜👝 ..


أحلام : دقت الباب 🚪 بتسلم ع تهاني 😘 قوى يا اختي ماعاد شاوصيش رزق قد داريه بسميره .

تهاني : في عيوني ..بس انا غاثيه ع فرقتش ويزن ماعاد كان معي الإ انتي في هذه الحاره بعد امي فاطمه ...


أحلام : ان شاء الله شاكن اطلع كل ماتجي عطله ونتواصل بالتلفون 📱 ..


رزق وهبه : مسنبين مع يزن زاعلين ع اخوهم😔 عيسافر ..


سميره : فارحه مزقرعه 😃 ان البيت فضي لها ولزوجها وعيالها مابش من يدحسها باقي لها الحج عبدالله ورزق بس ..


...... ....... .......


ثاني يوم وقت الظهر ☀

الحج عبدالله : روح من المحلات ... بيداعي يا سميره قوى يابنتي قربي لي لجع غداء ماشاراعيش للعيال اشتي اسير الموت انا وعادل وادي لي حقي الزنه البيضاء الي قلتلش امس تغسليها ..



سميره : يوووه ياعم والله مافضيت اليوم أفعل غداء 🍲 ولا غسلت لكم شي كان معي عمل خيرات قد اتصلت لعبدالكريم يشتري لنا غداء من المطعم خوره ..


الحج عبدالله : انتي داريه يابنتي إنه مايعجبنيش أكل المطاعم كنتي عتفعلي لي حتى مقلى سلته .. خيره الله دخل بدل وخرج يدعي عادل بيدق له الباب 🚪 ..


عادل : هاه حج قدك جاهز هيا دقايق بس ادخل امد ما البس عادنا وصلت ذلحين ..

الحج عبدالله : هيا اقطب نخطى نفعل لنا مقلى سلته فالسوق ونسير الموت القمر حقنا قالت مافعلتش غداء اليوم يووه الله يفتح عليش يا احلام لاحيت ما انتي ما اوصل الإ وقد طاسه المرق حقي موكفه ولداتي مكوايات ...


عادل : 😱يوووه الله المستعان ياحج سوق مه والغداء جاهز يمين الله ماتدي خطوه المفروض انك تجي تدق لتهاتي وتقلها يابنتي اغرفي لي غداء الإ لومابتغتبرناش عيالك ..


الحج عبدالله : مع يابني والله ماسخاني عليكم أن قدنتوا احنج من جهالي .. أنا مقهور بس من تصرفات سميره مشنا داري ليش بتفعل هكذا ماذلحين قد خلاص قلت اخلي تهاني تبسر لي مره ولو مابش في نفسي ولا اشتي مره بعد خالتك فاطمه بس قدهو تجي تبسر حاجاتي انا والمسكين ذيه ..


عادل : مايقع الإ كل خير إن شاء الله ذلحين نتغداء ونسير نعزي وبعدا عنتجابر كيف ..



..... ...... .....

روحوا العيال من المدرسه ..


سميره : بتقرب الغداء الي اشترى عبدالكريم ..


رزق : يووه وانا ما اكل ليش اشتريت سمك بس وهو مايعجبنيش 🍤 .


سميره : بقلاب صور 😡 مش ضروري يعجبك يعجبنا أحنا كل وانت ساكت ولا قوم ارتزح عادهو ابن الشوارع عيجي يتشرط ماهو الي نشتري .


رزق : زعل وقام سكته 😔 ..

أحمد : سنب يشتي يلحقه .. جي وانا اسير اشتري لك ماتشتي ..

سميره : هزرته من يده 👋🏻 أجلس هنيه من الشخاطه عندلعه ..

آيه : فارحه وبتخرج لسانها تحانك رزق 😜..

رزق : دخل الغرفه بيتفرج صوره امه فاطمه ويبكي 😭..



حسبي الله فيش ياسميره فضي لش الجو ..


🌹meme_abdalgaleel


@qesasanani

بارت 59


في الحديده ..


حسين : هيا مه كلشي تمام ماعدبش شي ناقص ..

أحلام : ايوه 😃 الحمدلله الشقه حاليه قوي وزد قريبه من البحر والكل وشقنا بقاله وسوق عيس .


يزن : هيا نسير البحر 🌊 اشتي أبسره ..

حسين : يله تمام أنا شدخل افعلي نعسه امد ماتتجهزوا ونسير ..

تهاني : اهم شي لاتنسى ماتتصل لصاحبك الي قلت سجل يزن فالمدرسه تبسره ..

يزن : ضبح 😤اووف حتى هانا مدرسه ..

حسين : ضحك عليه ههههه 😂 للمه او هانا مايقروش .


أحلام : انا شخطى اتصل ابسر رزق قدنا فاقده له ...


...... ....... ........


في بيت الحج عبدالله ..


رزق : شابح شنطته 🎒 وبيفتح الباب🚪 يخرج ..

سميره : مسكت الشنطه 🎒 هيا اين قد عتسير يابطل ..

رزق : اسير عند خاله تهاني تذاكر لي انا وهبه ..

سميره : رجمت الشنطه ودهفته 🎒 هيا مابش خاله تهاني ولاعاد به سيره عند احد يذاكر لك ادخل ذاكر لروحك ..


آيه : بتتنبع فارحه 😃هيه هيه تستاهل تستاهل يارب ترسب ليش كل مره بتدي درجات عاليه وانا ماشي ...


تلفون البيت بيرن ☎ ..

سميره : جالسه بتحانب رزق وتصيح فوقه .

آيه : سارت تجاوب .. اهلا كيفنتوا ياعمه . كيف البحر 🌊 حالي .

أحلام : الحمدلله .. البحر 🌊عادحنا عنسير بعد شويه كيفهو رزق ادعيه احاكيه ..


آيه : راعوا .. سارت تدعيه قد دخل المكان ..

سميره : من فالتلفون ☎ ..

آيه : عمه أحلام يشتوا يحاكوا رزق ..


سميره : امممم 🤔 لو أخليه يحاكيها لعد يقلها اني بينصيح فوقه .. خلاص اسمعي سيري قليلها هو خرج مع امي عند خاله تهاني ..


آيه : سارت تقلها وغلقت التلفون ☎ .


....... ....... .......


في بيت عادل ..


هبه : ياماما ليش بينجلس اوقات اضبح مدري كيفه أحس وبعدا يطلع إنه رزق فيه حاجه ..


تهاني : تلخبطت 😅 هآه ... هو لأننتوا اخوه بتحسي هكذا ..

هبه : اوذا معاذ اخي اقوى منه ومابينحسش ..

تهاني : هآه .. هو لأننتوا شربتوا نفس الحليب جمعه في وقت واحد وكبرتوا سوى ..

هبه : ويزن اخونا والكل بس مابينحسش ..


تهاني : حنبت ماعد دريت ماتقلها 😅... ذلحين ماتشتي بتدوري مجابره من أول بتهربي من المذاكره يله سيري ادي كتبش وادعي رزق من الطاقه يجي يذاكر ...


هبه : سارت بتداعيه من طاقه المطبخ ..


التلفون بيرن 📱 ... رقم يبداء 02

تهاني : الووو من معي ..

أحلام : حيا حيا أنا احلام كيف انتي ..

تهاني : أهلا 😃 با اهل الحديده كيف انتي والله ان صنعاء ضبح وماقدلش يومين .

أحلام : هيا ناهي قدوذا سميره بتوالهش بدلي ..

تهاني : بتضحك بلقانه 😜 مالقيتي الإ سميره أمانه ان التلفزيون أخرج من مسايرتها ..

أحلام : يوووه اوذا آيه قلتلها تدعي رزق أحاكيه قالت هو عندش هو وسميره ..

تهاني : استغربت 😳يوووه ماشي والله عادنا قلت لهبه تدعيه من الطاقه مدري ماله ماقد جاش نذاكر ..

أحلام : يعلم الله مالها قالت هكذا .

تهاني : أنتي داريه انهي اليوم مافعلتش غداء وبتحكي لها ...


..... ...... ......

في المطبخ ..

آيه : جاوبت هبه .. 😤 بضبح وطارحه يدها في خصرها.. ماتشتي ..

هبه : مشتيش انتي ادعي رزق قليله هيا نذاكر ..

آيه : بلقانه .. ماعيجيش عندكم وماعد عنكنش نخلي أمش تذاكر له قالت امي يذاكر وحده ..


هبه : فلتتها وسارت تقل لتهاني ..


رزق : فالغرفه بيبكي جاوع 😭 ويشتي يسير يذاكر ..

سميره : دخلت مسكته بشعره 🙇🏻 وبتهزوره اووووص ولا أسمع لك صوت عيمكني بكاء هرم ودحس ..


رزق : اشتي اسير أذاكر معي واجبات 📙 خيرات وجاوع اديلي أكل .


سميره : ماولدتش لحضني ولا احد قلك أني امك سير دور أمك لطمته في وشه 👋🏻 أوووص ولا اسمع لك صوت ولو تقل لعمي عبدالله ولا احد لااظربك بالمحزمه خرجت وصرعت الباب 🚪 في وشه ..

رزق : جلس يبكي 😭 لما رقد ..



@qesasanani

بارت 60


العشي ..


في بيت الحج عبدالله ..


عبدالكريم : روح في يده كيس ودخل بسرعه للغرفه حقه 🏃🏻..

سميره : مستغربه ماله 😱 يوه ماله هذا حتى ماسلمش .. خطيت بسرعه تلحقه ..

عبدالكريم : فاتح الدولاب بيخبي ورق وزلط 💴 ..


سميره : فتحت الباب 🚪 ودخلت .. مالك مابه دخلت بسرعه هكذا ..


عبدالكريم : ملامح الخوف ع وشه 😓.. دخلت بسرعه قبل مايبسرني أبي ..

سميره : ماقد روحوش من عصر شكلهم مخزنين مع عادل وبعدا مالك مصفر هكذا 😓..


عبدالكريم : تنهد أوووف 😅 الحمدلله انهم مابحد .. اليوم بعت بضاعه وزيدت مبلغ قوي وقع لي ربح خيرات وكان به واحد بيقلي به محل صاحبه يشتي يبيعه وانا شليت الزلط وسيرت اديت للرجال مقدم ووقعنا العقد وبقيه الزلط شامكنه لما نسير نسجله دخلت بسرعه لايبسروا ابي الورق والزلط في يدي 👋🏻..


سميره : صيحت من الفرحه 😃 يووووه يا ابي جنه أن قدك معك محل وقد بداءت تفكر صح في كلامي أخيرا عيقع لنا حق وحدنا ..


عبدالكريم : 🙊 حط يده ع فمها .. بيسكتها اوووص مالش من الخباله لحد يسمعنا مشتيش حتى العيال يدروا خلي الموظوع بيننا ..


..... ...... .......


في غرفتهم ...

محمد : رجم الكتاب 📖 يوووف إحنا والهرم هذا قلك أذاكر .. فتح الدرج حق الكتب حقه وخرج قفص الدخان وبيشرب 🚬 ..


أحمد : قام سكته يفتح الطاقه علشان تتهوى الغرفه ويخرج شم الدخان 🚬 ..


محمد : ممدد فوق سريره الشقاره في يده 🚬 وطارح رجل فوق رجل بيتحيلا لروحه وهو بينفخ دواير ..... لفت لأحمد بضبح 😤 غلق الطاقه برد عليا ..


أحمد : يا اخي استحمل البرد شويه امد مايخرج هذا الشم لو احد يفتح الباب عيشم 🚬 ..


محمد : طنشه وقام غلق الطاقه وبينفخ الدخان في وشه يحانكه 😜 ..


أحمد : طنشه ... شل كتبه 📚 وخرج من الغرفه ودخل المكان الثاني .. إبسر رزق رآقد😴 بغير دفاء والطاقه مفتوحه فوقه .. قرب يدفيه ويغلق الطاقه ..


رزق : سمع صوت غلاق الطاقه نكز ..فتح عيونه إبسر أحمد 👀 ..


أحمد : مالك راقد هانا ياحبيبي أنا تخايلي انك في بيت عمي عادل ..


رزق : امك ماخلت... وسكت ذكر 🤔 ان سميره قالت عتظربه بالمحزمه لو يقل لأحد ..


أحمد : 😳 استغرب ... مالك سكت .. مالها امي ..

رزق : بفجيعه وخوف 😓 احمد جاوع اشتي اتعشى ومعي واجب عتوريني ..


أحمد : ابتسم 🙂ومالك مفتجع .. حاضر هيا نحل الواجب خرج حقك الكتب ونسير نشتري لنا سندوتشات من البوفيه ..



سميره : الحمدلله كانت منشغله مع عبدالكريم بيتجابروا ع المحل .


أحمد : وراه الواجب 📖 وخرجوا البوفيه يتعشوا 🌯🍹 ..


....... ....... .......


في بيت عادل ..


تهاني : بتداعي معاذ يجي ينفعها للبقاله ..


هبه : وأنا ياماما أشتي جعاله اسير معه يجعل لي 🍫🍩 وندعي رزق معانا ..



...... ...... ......


ع خرجه معاذ وهبه👫 ع وصله عادل والحج عبدالله ..


عادل : هيا اين عتسيروا ..


معاذ : أنفع أمي للبقاله وأدعي رزق اجعله هو وهبه .



الحج عبدالله : استغرب 😳ليش مشو رزق اليوم عندكم ..


هبه : دعيته من الطاقه جاوبتني آيه لاعنتني ومارضيتش تدعيه وقالت لخاله أحلام لما اتصلوا انه جاء عندنا ...


الحج عبدالله : لفت لعادل وهز رآسه ☹ هيا صدقتني للمه اشتي مره يعلم الله مابه ادخل أبسرهم ..


معاذ : مسك هبه 👫 وعيخطوا .. ع جيه رزق واحمد ..

معاذ : عادنا كنت شاجي ادعيه اشله اجعل له ..

أحمد : قد شليته نتعشاء فالبوفيه 🌯🍹 وجعلت له ..


رزق : أبسر ابوه عند الباب حمل لعنده 🏃🏻 مسكه ودخلوا جمعه ..


سميره : إبسرت رزق في يد الحج عبدالله قحصت فمها 😱 يعو والفعله لاقد قله شي هذا ايحين خرج من المكان ..



@qesasanani

بارت 61



في بيت حميد ...


تقيه : مالش يابنتي ماتقربي تتعشى 🍲 .


نوال : مدري مالي اليوم مخنوقه قووي 😔 بينحس بضيق قوي فوق قلبي 💔 ..


عم حميد : اذكري الله يابنتي واتعوذبي من الشيطان 😈 ..


تقيه : قومي اتصلي لطارق ابسري لافيه شي ولا شي ...



نوال : تمام اوذا شدخل اتصله .. دخلت غرفتها بتفتح التلفون 📱تتصل لطارق ذكرت عيالها .. فتحت التلفون القديم بتبسر صورتهم وبتبكي 😭 وتبوس الصوره 😘 وتحضنها ...



....... ....... ........


في بيت الحج عبدالله ..

الحج عبدالله : دخل غرفته بيبدل 👕👖 ورزق عنده ...


رزق : جالس مطنن 🤔 بيتفرج صوره أمه فاطمه ..


الحج عبدالله : مالك ياحبيبي مطنن🤔 قدك فاقد لأمك .

رزق : بكي وحضن أبوه 😭 أشتي امي ترجع كل العيال معاهم أم بتوبه لهم وتفعل لهم اكل وتذاكرلهم وأنا ماشي ..

الحج عبدالله : إقتهر ع رزق وع نفسه تنهد 😔 .. يارزق مارأيك لو أتزوج وأدي لك أم ثانيه تكن توبه لك وتوبه لي ..

رزق : ماشي ماشي مشتيش تتزوج بواحده ثانيه ويقع لي أم جديده 😭 .


الحج عبدالله : حضنه قووى .. خلاص لاتبكيش انا قلت بس أتزوج علاسبك 😔 ولا انا مشتيش أحد بعد أمك ..



سميره : قلبها بيفور ❤ ليش ماقد خرجوش ومفتجعه لو رزق يقله شي 😥 دعت آيه تسير تدخل لعندهم تبسر مابيقلوا ..


آيه : دخلت جلست ..

الحج عبدالله : هيا يابنتي سيري قلي لأمش معانا عشاء ولا نرقد جاوعين بعد الغداء 🍲 ..



سميره : كانت عند الباب 🚪 خارج بتتسمعهم .. خطيت بسرعه 🏃‍♀ غرفت عشاء ودخلته 🍛🍲.. هاه عم سامحوني اليوم فالغداء قد عوضتكم فالعشاء 😊 ..


رزق : قد طلع فوق السرير رقد 😴.


الحج عبدالله : بيتفرجها بضبح 😤 من ذاكر لرزق اليوم ..

سميره : افتجعت 😅 هآه خليت أحمد يذاكر له قلت خزا من تهاني بنتعبها ... وفي نفسها بتتحلف لرزق 😡 يعني قلت له يارزق .. طيب انت عتبسر عملك سوى ..

الحج عبدالله : يله خلاص اخرجي وغلقي الباب بعدش 🚪 ..


سميره : خرجت وهي ضابحه 😤 بتحطم وتتحلف لرزق ..



...... ...... .......


في الحديده ..

حسين : هيا مه رقد يزن 😴 ..

أحلام : أيووه أخيرا لكن بعد ماقد طلع روحي قال حمى كيف عيقدر يرقد مع ان المكيف مشغل لكن بيني وبينك قدهو بيهم المدرسه بيدحس من اول كيف عيسير ومايعرفش احد ويشتي هبه ورزق .


حسين : ضحك هههه 😂 ذكرني بنفسي وانا جاهل كنت أدور اي عذر لأمي الله يرحمها لما مشتيش اسير المدرسه ..



أحلام : الله يرحمها عمتي 😔 والله ان حياتنا اتغيرت قوي بعدهم وسميره طلع لسانها قوي قد بينهم كيف عتفعل بعمي ورزق ..




...... ...... ....



@qesasanani

بارت 62


ثاني يوم الصبح 🌞 ..

في بيت الحج عبدالله


العيال : بيتجهزوا يسيروا المدرسه 🏢 ..


سميره : قربت الصبوح بتدعي عيالها .

رزق : حانب في الغرفه بيدور لداته 👕👖 حق المدرسه مالقيهنش .خرج يسال سميره .


سميره : لداتك وسخات كنت عتغسلهن العشي مفعلك ..

رزق : كيف أغسلهن أنا 😔 ذلحين الابله عتصيح فوقي ..


آيه : عيس 😜 يارب تضربك ..

رزق : شاسير اقل لأبي يقوموا يغسلوهن لي ..


محمد : كان بيصتبح 🍲 ..

أحمد : عادهو بيبدل فالغرفه 👕👖 ..


سميره : لحقت رزق وهزرته من شعره 🙇🏻 ..هاه هاه سمعني ماقلت من عتقيم ..


رزق : بيتوجع .. آح آح بتوجعيني 😫 فلتي شعري .


سميره : أنا أمس ماقلتلك لو تحاكي عمي شظربك بالمحزمه 😡.

رزق : والله ماقلتلهم حاجه فلتيني بتوجعيني وبكي 😭 ..


سميره : لطمته في فمه 👋🏻 هذا الملطام كن اذكره لما تفكر تقل لأبوك اي شي وعقاب لك اليوم مابش صبوح ولاسندوتش 🌯 ..


رزق : بكي سكته كبد صوته 😭 وسار يلبس اي شي وهو مفتجع منها ..



آيه : أيووه عيس ياماما كن افعلوا به هكذا يبطل الدلع حقه 😜 ..


محمد : ولا مهتم بالي حصل كمل يأكل 🍲 وشل شنطته وخرج ..



أحمد : كمل يلبس خرج من الغرفه بيداعي رزق وآيه يخطوا المدرسه 🏢..


رزق : خرج وعيونه حمر مورمه من البكاء 😭 ..


أحمد : قرب لعنده .. مال حبيبي مالك بتبكي 😭 ..


سميره : ابسرته وبهررت فوقه 😳.


رزق : افتجع منها . ولا حاجه هيا نخرج ..


....... ... . .....


معاذ ومنير : مراعيين لهم فالباب 🚪 .


هبه : حملت مسكت رزق 👫 وبيخطوا ..


منير: بيسأل معاذ ماله رزق شكله بكي 😭 ..


معاذ : مدري شاخلي هبه تسأله فالمدرسه ماعنصداش نساله قبال آيه المحارشه ..


...... ....... ......


في الجامعه ...


ساميه : والله انش شوعه قوي ماقد رضيتيش تجي عندي ..

نوال : والله ماهو مني شي بس مابينفضاش وماناش متعوده أخرج ..


ساميه : خلاص مادام ماتشيش تجي عندي أنتي شاجي عندش أنا ولا عتقلي مايعجبنيش ...


نوال : انحرجت منها 😊 هآه .. مع أكيد الإ حيا بش ..



....... ..... .....


في المدرسه 🏢..

في الرآحه ..


آيه : طبعا فالبيت بدون مايحس رزق خلتها سميره تفتح شنطته🎒 وتشل الزلط حقه حق الجعاله ...



هبه : خرجت السندوتش حقها 🌯 والعصير 🍹 ..


رزق : بيفتش شنطته 🎒 يخرج الزلط مالقيهاش مشتغرب 😳 ..


هبه : مالك مابتدور ليش ماتخرج حقك السندوتش ..


رزق : أقلش حاجه وماتقليش لأحد .. سميره مارضيتش تخليني اصتبح ولا ادت لي سندوتش 🌯 وبيندور حقي الزلط مالقيتهاش..



هبه : ليش 😳 ؟


رزق : قلها ليش وانها ماخلتش يسير عندهم .. بس لاتقليش لأحد عتضربني ...

هبه : خلاص شل لك حقي السندوتش 🌯مكنته . . أنا قد أكلت فالبيت ونسير نجعل بحقي الزلط لنا جمعه ...



....... ....... ........



في الحديده


حسين : في الميناء سار يستلم العمل الجديد ...


عآمر : سار يبسر بضاعتهم وأتعرف ع حسين ..


عبدالصمد : اتصله 📱يبسر هيا مه كيف المدير الجديد ..


عآمر : 😄مبدائيا شكله محترم قوي وابن ناس قوي ..


عبدالصمد : الحمدلله 😃 واحنا مانشتي منه الإ يتعامل معانا بالقانون ..





🌹meme _ abdalgaleel


@qesasanani

بارت 63




بعد العصر ...


نوال : بترفع البيت وتبخره ...


تقيه : ماشاء الله عليها صاحبتش شكلها دعيسيه قوي واجتماعيه .


نوال : أيوه والله لوتبسروا كم قد حاولت أدعمم منها وانهي مصره خزيت منها😊 قلت لها تجي ..


تقيه : حيا بها فوق عيننا ورأسنا عادهو احسن نتواله بدل مانجلس وحدنا ..



نوال : يا امه هي مشي داريه ان مشنا بنتكم انا قلت لها ان مابش معي اخوه وانني وحيدتكم قلت احسن من ما تدرى بشي ولا شي وإبن ادم ضعيف احد فالجامعه من ذمار ولا يعرف أهلي ويسير يقلهم حتى مشهم داريين بلقبي بينكتب اسمي نوال صالح احمد بس بدون لقب ...


تقيه : 😄 خير مافعلتي هكذا أحسن وبعدا هو صدق قدش بنتي الي ما ولدتهاش مشو شرط انهي ماتقع الام الا الي ولدت ...


نوال : سرحت شويه 🤔 ..

تقيه : هيا مالش مطننه 🤔 ..

نوال : ذلحين عيالي اكيد بيحبنهم قوي صح ولو مشهن الي ولدينهم صح ..

تقيه : طبطبت عليها بيدها 👋🏻. أيووه يابنتي لاتهميش والله انهم مرتاحين وعيس انش تعرفي عند منهم 😃..


....... ....... ......


في ذمار ...

خيريه : دخلت لعند صالح .. اوذا شاسير ابسر البنت الي قلتلك ليونس ..


صالح : زد ابسري لامعاها اخت حاليه والكل مايسبرش نزوج الصغير قبل الكبير والله لايضحكوا علينا الناس ..


خيريه : ضبحت 😤يووووف منك . ظروري تحشر طارق في كل شي حتى فالزواجه حق ابني اوذاك معه خالات واهل امه خليهن يدورين له ما انا ما ادخلش ترجع ماتعجبه ولا شي وتقع مره اخوه أحلى والله ماغير عيقل انه مني بالعاني ..


صالح : خلاص خير .. شاقله لاهو يشتي يخطب ويتزوج يخلي خالاته يبسرين له ..


خيريه : أيووه وخليه يشتري حاجه الخطوبه لنفسه مش يقل ماعجبه ذوقي يشتريهن ع حسابه اوذك موظف ومعه معاش خيرات أين بيجي بزلطه 💴 خليه يتعود يعتمد ع نفسه ..


صالح : بضبح 😤 ناهي ناهي يله اخطي ابسري البنت شرق عليش ولا عجبتش انتي والبنات طرحتي كلمه وبعدا عنسير إحنا الرجال ..



....... ...... ......

في بيت عادل ..


رزق : بيدقدق الباب 🚪..


هبه : فتحت له 😃 قدنا بينهم لو ماتجيش ساع أمس ..


رزق : قدنا اول ما ابسرت ابي عيخرجوا من البيت حملت اخرج معاهم 😊 بعدا هذك الشريره ماعتخلينيش ..



هبه : هيا ادخل قد قلت لماما تكن تفعل لنا عشاء خيرات 🍲🍛 قبل ماتروح علسب خاله سميره لوماترضاش تدي لك عشاء ...


رزق : باسها 😘 والله إننتي احلى أخت فالعالم ...


...... ....... .......


في بيت سمير


سمير : هيا شرق عليا اتاخرت وعادحنا نشتي ندي امش وخواتش😤 ..


ساميه : ناهي هيا هيه باقي لي البس البالطوه بس أمد ماتلبس الولد الجاكت حقه ..


سمير : حسبي الله بس👆🏻 في خرجاتكن يا النسوان شكلش عتأخريني ع موعدي مع الرجال وتطيري عليا صفقه بمليون ريال ..


ساميه : بتتدلع عليه 😍 هيا قوى حبيبي خلاص والله ان قدنا جاهزه وبعدا تسخى ع مرتك حبيبتك تسير وهي مشي مصلحه ..

سمير : يله تمام قدش ساع القمر شاخرج الولد وأسبق للسياره 🚘 امد ماتخرجي


🌹meme_ abdalgaleel


@qesasanani

بارت 64



في بيت حميد


نوال : بتتمرى🙎🏻 .. هيا مه يا امه هكذا قدنا سابره عادهي اول يوم عتعرفني مابينرضاش أفتش فالجامعه ...


تقيه : بتوضعها 🙎🏻 ماشاء الله ع بنتي ساع القمر ..


فوق السياره 🚘 ..


سمير : هيا مه داريه اين البيت 🏡 ولا عادحنا عندوره ساعه ..


ام ساميه : مالك يا ابني ع مه مستعجل ماعتطيرش الدنيا ..

ساميه : هو معه موعد عمل ياامه وانا الصدق قد اخرته وبعدا البيت مايتوهش قالت اول ما اوصل شارع ال*** نلف يمين به بقاله نسالها اينهو بيت ال**** عيورينا ع طول لون الباب حقهم اسود ..


وصلت وبيدقين الجرس ..


تقيه : فتحت الباب 🚪 ..

ساميه : هذا بيت ال*** نوال موجوده..

تقيه : ايوووه .. حيا بكن انا أمها ادخلين ...


نوال : إبسرتهن اهلا اهلا 😃 نورتوا ..بتسلم عليهن 😘 ماشاء الله عرفتي البيت بسرعه .


ساميه : اصلا البيت مايتوهش وبعدا ماهو هذا الحلا كله 😃 ذلحين دريت ليش بتخبيه مابترضيش تفتشي بتفتجعي لانحسدش ..


تقيه : هيا ادخلين ..



جلسين طول العصر وانبسطين وعجبتهن نوال قوي وتقيه 😃..

........ ......... ..........


العشي ..🌚 بعد الاذان

في بيت عادل ..

هبه : ياماما هيا ادوا لنا العشاء جاوعين 🍲 ..

تهاني : بتضحك هههه 😂 سبحان من جوع بنتي هذا الساع يله الآن امد ماتكملي تحلي انتي ورزق واقرب لكم ..


رزق : فرح 😄 الحمدلله اليوم ماشرقدش جاوع والله ان قدنا بينكره سميره وآيه ..

هبه : 🤔 أنت داري والله لأخلي عمي عبدالله يصيحوا فوقهن ..


رزق : افتجع 😓 يووه مع انتي قلتي والله ماتقلي لهم عتضربني بعدا ..

هبه : ماشاقلهمش لاتفتجعش انا شاقلك غطوه فالمدرسه 🏢 مانفعل افكر العشي🤔 واقلك ..


رزق : كمل يتعشى 🍲 ويذاكر وروح ..

...... ...... .....


في بيت الحج عبدالله


آيه : بتفتش دولاب رزق وتخرج حقه اللعب 🎹🎮🎰🎸 ..


سميره : دخلت مابتفعلي ..

آيه : أبسروا كم معه لعب كود جدي بيشتروا له ⚽🎸🎹🎮 ..

سميره : إبسري الي يعجبش وشليهن ..

آيه : فرحت 😄 هيه هيه ..


رزق : وصل وبيبسر العابه 🎹🎮🎸مندشه وآيه بتشلهن بيصيح فوقها رزي حقي اللعب ..


آيه : بتتليقن وطارحه يدها في خصرها .. ماشارزيش مشهن من زلطك بزلط جدي ..😜.


سميره : مابلا قصدش بزلط ابوش هو الي بيتعب ويشقى وهم يفتهنوا بها شلي الي يعجبش وماعليش من أحد 😄 ..

رزق : بيهزورها .. ادي حقي اللعب 🎹🎮🎸 ..


سميره : شبحته من الشميز حقه 👕 ورجمته للقاع رزي بنتي كسروا يدك ..


رزق : بيصيح آي يايدي آح يدي 👋🏻 وبيبكي 😭 ..


سميره : مسكت بنتها وخرجت هي وآيه واللعب 🎹 🎮 هيا جي جي وابردي لش من ابن الحرام هذا .


رزق : بيصيح ويبكي يدي يدي 👋🏻 ..


....... ....... ......


فوق السياره 🚘


سمير : هيا مه ارتحتين فالجلسه ..

ام ساميه : أيووه قووي ماشاء الله عليهن لاكان الأم ولا البنت حبوبات وطيبات قووي ..

ساميه : إبسرتوا يا امه ماشاء الله ع حلا فيهم 🙎🏻 قمر مع انها بغير مكياج ..

اخت ساميه : أيووه قمر قوى ماشاء الله 😄..


سمير : بيمزح .. يعني اتوكل ع الله وأسير اخطبها مدام قمر 😜 ..


ساميه : خفعته بالشنطه 👜 سوق وانت ساكت ..

أم ساميه وخواتها : بيضحكين عليهم هههههه 😂😂😂..


...... ...... ......

هبه : بتداعي امها .. ياماما ياماما رزق بيداعيني من الطاقه وبيبكي 😭 قوي قال يده 👋🏻بتوجعه ..



حسبي الله فيش ياسميره وكسروا يدش الله ينتقم منش 😔 ..



@qesasanani

بارت 65


تهاني : يعلم الله ماله .. حملت لبست حقها البالطوه ودعت معاذ يجي معاها تسير تبسره ...


سميره : في غرفتها هي وآيه بيلعبين باللعب حق رزق 🎹🎮⚽ولا معبرات له ..


رزق : بيصيح ملان الحجره ويبكي 😭 ..


محمد : بيتسمع أغاني في غرفته معلي الصوت مابيسمعش 🎤🎧🎧..


تهاني : بتدقدق الباب 🚪 ..ع وصله عبدالكريم ..


عبدالكريم : ابسر معاذ اهلا يامعاذ هذا كنتوا بتدقدوا ..


معاذ : أيووه امي يشتوا يدخلوا ماقد فتحوش ..

عبدالكريم : اوذا شفتح لحضه معي الداير .. فتح ودخل ع طول للغرفه ومااهتمش برزق كان بيخطى بسرعه علاسب تهاني ..


سميره : حيا بروحي😄 مسرع روحت اليوم ..


عبدالكريم : اخرجي جاوبي ام معاذ خارج ..

سميره : اوووف😤 ماتشتي هذه الساعه ..



تهاني : ابسرت رزق وحملت لعنده بتمسك يده 👋🏻 مال حبيبي بيبكي مال يدك 😭..


رزق : بيبكي بحرقه ووجع سميره رجمتني للقاع ويدي بتوجعني قوي😭 ..


تهاني : حضنته وبتخطى .. بس ياروحي اوذا عنشلك المستشفى 🏩 ..



سميره : خرجت من الغرفه . ع خرجه تهاني بتداعيها .. يييه اين عتسيري اين عتشلي الولد 😡 وبتصيح ييييه من بينحاكي ...



تهاني : ابسرتها بضبح 😤 حسبي الله ونعم الوكيل فيش ياظالمه خرجت وغلقت الباب 🚪 وقفت تاكسي هي ومعاذ وخطيوا للمستشفى .



سميره : ضبحت وبتصيح 😤 ياعبدالكريم يييه عتجي تبسر قله الادب والوقاحه في هذه دخلت بيتنا وشلت الولد وخرجت تخايلك الا البيت بيت ابوها ..



عبدالكريم : فتح باب الغرفه 🚪.. مالش مابه للصياح هذا ..



سميره : هذه تهاني الوقحه دخلت شلت رزق وخرجت ...

عبدالكريم :باستغراب 😳 ليش شلته هكذا من الباب للطاقه ..


سميره : وأنا مدراني ما خرجت من عندك من الغرفه الا والولد في حضنها وبتحطم فوقي ..


..... ....... .......


فوق التاكسي 🚖 ..

رزق : في حضن تهاني بيبكي 😭 .


تهاني : ماسكه يده. وبتهديه 👋🏻 . ذكرت انها فلتت هبه وحدها ..😱 يووه هيا ابسرت نسينا اختك هيا اتصل لابوك اول مانوصل مع الربشه نسيت ما اشل التلفون قله انحنا فالمستشفى يسير يدي اختك ويجي ..


معاذ : طيب حاضر اول مانوصل شتصلهم ...


تهاني : بتحاكى السواق 🚖 حق التاكسي ... قوى يا اخي اسرع شويه ..


....... ...... .....


في ذمار

خيريه : دخلت العشاء 🍲🍛لصالح وجلست ..


صالح : هيا مه ابسرتي البنت كيفهي ...


خيريه : ماشاء الله عليها ساع القمر 👱‍♀
بياض وحلا وطول مانا قد حاكيتهم قالت الام اول تبسر ابوها ماعيقل ولا به نصيب يرجع الرجال يجو يتحاكوا ..



صالح : مادام وهي حاليه لو ابسرتي لو معاها اخت لطارق .


خيريه : طرحت يد فوق يد وعصرت فمها 😏 قذاك قلتلك تخلي أحد غيري يدور له ..



صالح : وينهو طارق لو قد جاء ادعيه لي احاكيه مشي حاليه مايدرى الا وقدهي خطبه اخوه 💍.


خيريه : تشتي تخليه يكره طارق 😖 . وعادك عتدعيه أنت هيا هي الطاعه لك انت ابوه انت لوفيه خير إنه اول مايروح مايدخل الإ لعندك .. ناهي مايشتيش يبسر صورتي يدخل يسلم عليك انت ..


....... ....... ......


عادل : وصل البيت 🏡 ابسر هبه وحدها يوووه أين امش واخوش ..


هبه : مدري مالهم تاخروا رزق كان بيداعيني من الطاقه ويبكي 😭 ساروا يبسروه ماعد روحوش ..


تلفون عادل 📱 رن جاوب وانه معاذ قله انهم فالمستشفى بيجبسوا يد رزق سميره كسرتها له ..


..... ..... .....

في بيت الحج عبدالله ..


الحج عبدالله : وصل ودخل غرفته يبدل ... وبيداعي رزق مستغرب ماله ماقدجاش لاعنده ..



سميره : قدهي مفتجعه ماعتقله 😓 رسلت آيه لعنده تقله انه رقد اول وامها بتذاكر له في غرفتهم ..


....... ....... .......

عادل : اتصل للحج عبدالله ماسخيش يقله انه رزق يده مكسوره 👋🏻 قله يجي معه للمستشفى 🏩معاذ وجع يده ...



@qesasanani

بارت 66

بعد ماروحوا من المستشفى🏩فوق المستشفى ..


الحج عبدالله : الله يهديك ياعادل ولا تقلي ان الي وجع يده رزق ..


عادل : اصلا ماقد كنتش اشتي افجعك لما نطمن عليه ..


تهاني : بعد اذنكم لو سمحتوا ياحج عبدالله شاروح رزق معي واخليه عندي ع الاقل لماتفتهن يده اليوم سميره كسرت يده غطوه ماعتفعل به ..


رزق : ماسك تهاني بقوه وحاضنها مفتجع أيووه قوى لوسمحتوا خلوني عند خاله تهاني بينفتجع من سميره 😔 ..


الحج عبدالله : تمام يابنتي خليه عندش والله ماغير ما اشتيش اتعبش وكم جهدش وسميره هذه عملها عندي خلينا غير نوصل البيت والله ماعاد تجلس لي في بيت 😡 ..


عادل : مع اذكر الله ياحج كيف تخرجهم من البيت علاسب ابنك حرام وين عيسير ..انت نبي ع زوجها يأدبها ولو تزيد تعسه ولا تقرب جنبه قله عتخرجهم .


هبه : أيوه وآيه والكل بتجلس تضربه وتحانكه ...


الحج عبدالله : آيه لي حق فيها شقدر أربيها وأكسر رآسها ...


أول ماوصلوا البيت 🏡..


عادل : دخل البيت هو وتهاني وفي يده هبه ..

معاذ : ماسك رزق ودخلوا👬..



الحج عبدالله : فتح الباب 🚪حقهم ودخل بيصيح قد وجهه احمر 😡 وعيونه كلها شرر .. ياعبدالكريم ... ياسميره جي كذا وادي معش آيه ..



عبدالكريم : فالغرفه هو ومرته سمع أبوه بيصيح 😨 افتجع يوووه مال ابي أو فيهم شي ..خرج يبسرهم ..


سميره : قدحست ان الصياح لها وتهاني قالت له قدهي مفتجعه 😰 بتهم ماعتقله ..


عبدالكريم : هآه أبه مالكم بتصيحوا هكذا مابه ..


الحج عبدالله : مرتزح عرض الجدر وجهه احمر 😡 وبيخفع القاع بحقه العصيه .. مابه عادك بتسأل مرتك المحترمه وبنتك يا استاذ كسرين يد اخوك رزق ادعيهن الآن قبل ما اقلب الليله ع رؤسهن .


عبدالكريم : 😳 استغرب كسرنها ليش عيكسرنها يا ابه مالكم اذكروا الله ..


سميره : مسنبه عند الباب من داخل مفتجعه 😰 بتتسمع .. خرجت لعندهم .. مالكم ياعم مابه يدمن الي كسرنا انا كنت بينرفع دولابه وحاجاته وآيه بتبسر لعبه عجبنها وهو دخل وأبسر لعبه في يد آيه دخل ضربها ومشع شعرها قال تفلت حقه وقدنتوا دارين بعدا مضرابه جهال وهو اختفع في الجدر ووجعها ...



الحج عبدالله : رفع العصيه لاعرض سميره 😡 اسمعي يابنت الناس هذه كلمه لش ولزوجش وحطوها في اذانكم يزيد يعلمني طير بس أن أحد في هذا البيت يغثي رزق اقسم بالله ما اخرجه من وسط بيتي الإ دهف .. وفلتهم وخطي غرفته ..


سميره : ابسرتها زوجها بضبح😤 وبتمد يدها .. هيا مالك ساكت يازوجي المحترم للمه ماتتحاكى ولا ماصديتش تجاوب أبوك ...



عبدالكريم : بيتفرجها سكته 😟 رجع فلتها وخطي 🚶🏼 ..

سميره : لحقته ..بتهزوره مسكت بيده 👋🏻.ييييه من بينحاكي عتخلي أبوك يخرجنا من البيت علاسب ابن الحرام هذا الي يعلم الله من اي شارع ادوه ..


عبدالكريم : بعد يدها 👋🏻 سالتش بالله لماسكتي من كسار رآسي أنا في وادي وانتي في وادي خلاص هجعينا من المشاكل حقش خلاص الولد وقدهو ابنه ولو انتي ع الزلط قدوذحنا بنشل حقنا فلتي الولد في حاله يوقع ابن حرام ابن حلال مادخلش ..



سميره : بتبكي 😭والله هكذا تفعل بي أنت وأبوك ... فلتته وحنقت ترقد عند آيه ...



........ ....... .....


في بيت عادل ..


معاذ : بيوضع لرزق البقعه 😃 تشتي ترقد هانا اوهانا ..

رزق : شرقد عرض الجدر بينفتجع لو جنبي فاضي ..


هبه : يوووه 😥.. كيف عتفعل من المدرسه ويدك بتوجعك مجبسه .


تهاني : غطوه شاشلكم المدرسه انا واستاذن له وشاكن اذاكر له فالبيت واكتب له من حقش ..


هبه : ايووه وانا شاكن أساعده ابسروا والحلا انه عيجلس عندنا 😃 قدنا فارحه قوي بينرتاح لما رزق أخي يجلس معي ..


رزق : 🤔خاله تهاني من أكبر أنا ولا هبه ليش بتفعلوا لنا عيدميلاد جمعه ...


عادل : كان مسنب عند الباب 🚪 جاء يطمن ع رزق كيف قدهو سمعه.. ابسر تهاني وغمز لها 😉 انتوا ياحبيبي ولدتوا جمعه في نفس اليون خاله تهاني ولدت الصبح وأمك الله يرحمها ولدتك العشي ..


هبه : بتحانكه 😜يعني انا اختك الكبيره سمعت ولدت قبلك تكن تسمع كلامي وتحترمني ..


تهاني ومعاذ : ضحكوا عليها هههه 😂 ....




الحج عبدالله : ممدد في غرفته ماقدرت يرقد 😴 مطنن بيفكر كيف عيقع برزق مدام سميره موجوده وماينفعش يخليه عند سميره كم عيخليه بيتمنى لوكان من يومه صدق كلام عادل وخلاهم عنده الاثنين ...





🌹meme_ abdalgaleel


@qesasanani

بارت 67




عدت الأيام والشهور ومابش أي جديد حصل الإ أن :


الحج عبدالله : بحسره في قلبه 💔 خلاص ياعادل انا قررت شتزوج ماينفعش يجلس رزق هكذا بدون أم وبعدا حتى أنا بيني وبينك قد تعبت لا مره تبسر حاجتي ولا من يهتم بي والله يابني ان قد بينخزا ع روحي لاطلبت من سميره تفعلي شي وهي ماتعرفش ع روحها حتى أماني بنتي مراعي تجي حتى يوم فالاسبوع تغسل لداتي ولا تفعلي شي وانهي منشغله بزوجها وحياتها وامل قدك داري فالحديده هي ومره حسين الله يفتح عليهن مابش الا اتزوج وخلاص مع انه قلبي مفطور ع فاطمه ..



عادل : قد قلتلك ياحج والله ماعتقدر تجلس بدون مره اما لوهو ع رزق قدوذا عندنا لاتهمه ..


الحج عبدالله : اسلم بارك الله فيك بس قل لبنتي تهاني تبسر لي مره ع نظرها واحده قدهي مالها شي ماعاد قدرت لواحده صغيره ودلع وهوم وريت والله وهي قد تزوجت وما ادتش جهال عتفرح برزق وتعامله كانه ابنها .


الحج عبدالله : حاضر من عيوني لاتقلقش شاحاكيها ...


وهم بيتجابروا رن تلفونه 📱..



عادل : 😃 هذا طارق الي لقي رزق لما ضاع شكله في صنعاء أنا قد حلفته لما يطلع صنعاء يرجع يجي يخزن عندنا ..


....... ....... .......


في الحديده ..



في بيت حسين ...


أمل : يوووه أخيرا كملنا العمل قدنا مكسره 😃 ..


أحلام : 😃 ذلحين نقوم نبدل ونلبس الفل ونتبخر ونجلس ..


أمل : ماشاء الله ع أخي مسرع قد تصاحب مع هذولاء ..



أحلام : تعرف عليهم هانا في الميناء معاهم شركه تخليص جمركي واحد مابش معه احد هانا قال حرام يغديه غداء صنعاني سلته وسوسي وبنت صحن اكيد قدهو فاقد للاكل حقنا ..🍲🍛🍚.


أمل : بتضحك عليها 😂 هيا كان الله يعينش ماذلحين عيمكنش يوميه غداء لصاحبه ذيه كما أخي كريم ...


....... ....... ......


داخل فالديوان ....



عبدالصمد : طارح يده ع بطنه 🤗 امانه ان قد شقرح ما اليوم هكذا واحد يحس انه تغدى ورزم بطنه قدحنا غر بنمكنها رز وسمك وصياديه وصالونه ..


حسين : 😄 بيضحك عليه .. بالهناء والشفاء اهم شي عجيك الغداء 🍙🍛🍲 ..




عآمر : بيحانكه .. حاضر من عيوني اذا ماحارشت بك لعند أم عامر من عيوني ماذلحين ماعاد بيعجبك اكلها 😜 طييييب تمام ..



عبدالصمد : هههههه 😂 بيضحك . لا والله مشو هذا بس قدنا فاقد قوي للاكل حقنا ..


.... ... .. .. ...



في بيت عادل ...



طارق : مخزن عندهم ... بيبسر هبه 👀.. يا اخي سبحان الله مشنا داري ليش كل مبسر بنتك ورزق أحس انهم خرجوا من بطن واحده مش كانهم عيال جيران واخوه في الرضاعه ..


عادل والحج عبدالله : تباسروا 👀 .

الحج عبدالله : حاول يغالط ... ذلحين قلي ايحين عتتزوج ماشي تزوجنا انا وانت في يوم 😉 ..



طارق : والله ياعم عبدالله ماقد لقيت مره الله يهديها معي مره اب بتعاملني دورت لابنها وانا عادنا لما يسخرلي الله وان شي معاكم بنت توكلنا ع الله 😃..



الحج عبدالله : ريت والله وعاد معي بنات والله ما اردك وبعدا مالها مره ابوك ظالمه قووي هكذا اين صميل ابوك واين امك ..




طارق : امي الله يرحمها ماتت وعادنا انا واختي جهال وأبي الله يهديه بتخطيها ع مزاجه 😞 .



عادل : حسبنا الله فيها مره واختك كيف بتعاملها ..



طارق : ارتبش 😳 هآه اممم . اختي مزوجه وعايشه هي وزوجها فالسعوديه ..





طبعا مع مرور الأيام العلاقات بتزيد وتقوى بين حسين وعبدالصمد وبين طارق وعادل والحج عبدالله 😄 معقوله تقربهم من بعض يكون صدفه ولا القدر بيحاول يجمعهم وعتحصل أحداث فالمستقبل ...



@qesasanani