بارت 13


في بيت عادل ...


تهاني : يامعاذ بسك لعب انت والجهال اخطى ذاكر من حن جاء رزق عندنا مازد ابسرتك تفتح كتاب 📕 .


معاذ: بضبح 😤 اووف منكم ماهو هذا كل ما العب معاهم تصيحوا والله اني بينذاكر مدراكم إسألوا أبي أن المدرسين كلهم بيشكروني .


تهاني: أنا داريه إن ابني حبيبي شاطر😀 بس قدهو وقت ارقد العيال .

معاذ : وطى راسه وخطي 😔 خلاص تمام رقدوهم وأنا شخرج العب انا ومنير شويه لاقبل المغرب وارجع ..


تهاني: خلاص تمام اخرج ومع طريقك ابسر خالتك احلام قلها تجي عندي هي وخاله سميره ..

..... .... .....


في منطقه ثانيه ...


نوال : بتخطى قدهي تاعبه بتنهل من التعب 😥 ووجهها ملان عرق من الشمس وقفت تشتري لها ماء من البقاله .. فتحت شنطتها ماعاد لقيت معاها الا 500 ريال اتفرجتها بحسره وخرجت منها زلط قيمه الماء ... وفي نفسها . يارب ساعدني منين ادي زلط اخر شي معي بعته وماعد باقي معي الا هذه كيف شقدر اعيش وصاحب المحل الي كنت اشتغل عنده خرجني بعد ماعرف بقصتي لما قله الزبون الي ابسرني عنده ان اهلي بيدوروني طردني مابش فيه للمشاكل ..


فجاءه سمعت صوت من وراها وهي مطننه 🤔 .. انتي نوال صح ..الإ الإ نوال ال.....

نوال : تسمرت مكانها 😳 من الخوف حست رجولها يبست ماصديتش تلتفت منهو هذا الي عرفها وبيدعيها حست ان حياتها وقفت وان نهايتها قريبه ..



....... ....... ......



في بيت الحج عبدالله ..


احلام :كملت تلبس وخرجت تدعيهن يووه هيا مالكن ماقد بدلتنش نخطى عند تهاني ..


سميره : ابسرت أماني وعوجت فمها 😏 اخطى انتي بس قدش عتقعي فاقده لرزق انا وأماني عنجلس هانا ماقدرنا لهرم الجهال وكسار الرآس او ماقلتي يا أماني ..


أماني : أيوه والله مافيني للخرجه ماقدرت سلمي عليها .

أحلام : كان يله خاطركن خرجت وفي حضنها يزن وغلقت الباب 🚪.


سميره : هيا صدقتي إبسرتي بعينش إن كلهم بيحبوه عمتي وعمى حتى أحلام والله مابيسير يوم الإوتسير تبسره ..


أماني: والله انش حساده ساع الجهال قدهو ابنهم لوحبوه مافيها وبعدا جبرني محلاه بيكبر ويقع قمري 😃 بس بينحسه بيتغير ماعدبش شبه قوي بينه وبين هبه.


سميره : ابسرتها وغيوزت عيونها 😒 مافييييها .. مافيها شي هو غر ذيه الجاهل الي فارحات به عيكبر ويشل قسمه في حقكم كأنه واحد منكم ويقاسمكم في كل شي وهو ابن حرام محد يعرف له أب ولا أم وزد عمي وعمتي بيدلعوه هكذا وهو جاهل ولما يكبر يعلم الله ماعيفعلوا له ..


أماني : 🤔 طننت شوويه بتفكر في كلامها ....


...... ..... .....


بعد ما الشيبه زيد المداعاه يييه نوال بنتي ييييه ..


نوال : لفتت دلا دلا موطيه راسها وهي مفتجعه وحاسه انه خلاص نهايتها قربت بتحس بخوف ودوخه ماعاد قدرت تتوازن ..

الشيبه : مالش يابنتي قدش هكذا كيف ابوش واخوتش كيف جيراننا واهل الحاره حقنا كيف ذمار واهلها ..


نوال : ابسرته وتنهدت حطت يدها ع قلبها ❤ عم حميد وارتجمت للقاع .. دوخت ...


..... ..... ......


في بيت عادل

تهاني : فتحت الباب لسميره 🚪 وحدش اين الباقي مالهن مايجين نتواله.

أحلام : مكنتها شنطه يزن 👜هاه . فالبيت قدش تعرفي سميره وبعدا أحسن خلينا نجلس براحتنا عتجلس تمكنا دحس واماني قالت ماقدرت .


تهاني: يله مشتين .. ادخلي هيا دخلي يزن يرقد شق اخوته فالمكان وانا ادي لنا كيكه وشاهي وندخل نتصل لخاله فاطمه قد خليت عادل يشتري لي كرت من الصبح ..


أحلام : يله تمام وانا بعدش قدهو نطمن والكل ع الفحوصات قال حسين اليوم عيبسرهن الدكتور.

تهاني: يله عيس الحمدلله جاء الاتصال في وقته هيا اقطبي الله يفرح قلوبنا ❤ بعافيتهم يارب .




.... ..... ....

في الحاره


منير : يامعاذ هيا ناهي لك انت والضبح هذا ماعد بتلعبش سوى كودك غر بتجلس تتلفت يوميه .

معاذ: انت داري ليش بينجلس اراعي لوتجي خاله نوال قدنا بينهم لو تجي وتشل العيال شفقدهم ..

منير: انت داري 🤔 معي فكره نسير نكن نلعب في الساحه عند الجامع وهي عتكن تجي تدورك في هذه البقعه وماتلقاش احد ..

معاذ : بيتليقن عليه 😁😁 خخخخ ياذكي سعم ماتعرفش بيتنا عتجي لاهاناك وتشلهم ..

منير: لوجت قلهم انت ماتعرفهاش وبس وعنقل انهي سارقه تشتي تسرق العيال 😃 ..


@qesasanani

بارت 14


في الأردن ..


حسين : هآه دكتور طمنا كيف النتايج ..

الدكتور: بصراحه مش عارف كيف ابداء كان عندي أمل ان المرض تراجع بس المشكله انه انتقل للصدر الثاني ولازم نسوي لها عمليه استئصال قبل ماينتشر في جسمها كله ..

الحج عبدالله : بهرر عيونه 😳 ايييش يعني ماهو عتموت ..

الدكتور : لا لا لا إستهدي بالله ياحج في حالات كثيره مثل هذه وبيعيشوا سنين الأعمار بيدالله يمكن نموت انا او انت قبلها وبعدين احنا بعد العمليه بنسوي لها جرع كيماوي علشان نقضي ع المرض ان شاء الله.

حسين : خلاص يادكتور انت اخبر اتوكل ع الله وافعل العمليه وأمي ماشاء الله عليهم مؤمنين ومتوكلين ع الله ..


....... ...... ......



الساعه 8 العشي

في بيت الحج عبدالله ..


سميره : هيا اين انتي ياقمر لذلحين ولا لقد زوجش مابحد تجلسي ع راحتش ..


احلام : ابسرتها بإستغراب 😳 مالش مابتدوري مابه عليا وبعدا إحنا تأخرنا كنا بنتصل لعمتي نطمن عليهم بعد كرهن جاوبوا ..


أماني: بتتفرج التلفزيون 📺 سمعتها وطت الصوت ... صدق اتصلتين . هيا ماقالوا ..

احلام : قالوا عيفعلوا لهم عمليه تاعبين يستأصلوه ..

أماني: لطمت وشها 😱يوووه يا الله ع أمي هيا اتصلي لعبدالكريم يدي معه كرت لمايروح نتصلهم وجلست تبكي 😭 ..


...... ..... .....


في بيت العم حميد ..

نعرفكم ع بيت العم حميد

العم حميد : رجل كبير فالسن فالستين من عمره كان جار اهل نوال في ذمار ويعرف نوال من صغرها كانوا مثل الاهل كان معه 2 عيال وحصلت مشاكل ثار في البلاد عندهم وقتلوا عياله ...

تقيه : زوجه حميد وكانت صاحبه ام نوال الله يرحمها بس بعد ماقتلوا عيالها ماعدقدروش يجلسوا في ذمار سافروا صنعاء وانقطعت علاقتهم بكل اهل الحاره ..


نوال : جالسه في طرف المكان وبتبكي 😭😭 ..

تقيه : يابنتي قوى مالش اهداي من حن جيتي ولا قد سمعنا لش كلمه الا بكاء حاكيني كيف اهلش وينهم وليش انتي هانا وقدش هكذا .



العم حميد : بيدقدق باب الغرفه 🚪 هيا مه سكتت ياتقيه دريتي مالها ..


تقيه : والله ماقدرت افهم منها كلمه بتبكي من حين وصلت 😭 .


العم حميد : تنهد .. يعلم الله مافيها . خلاص خليها لما تهداء قومي اديلها عشاء واديلها لده تبدل وخليها ترقد وكما الصبح عنبسرها ..


.... ..... .....


في بيت عادل ..


عادل : هيا مال روحي مطننه من حين روحت ولا كلمه ..

تهاني : 😔 زاعله . بقهر جاوبت . النتايج حق خاله فاطمه . وبتحكي له ..

عادل : لاحول ولا قوه الإبالله .. اخرج اشتري كرت واجي اتصل للحج عبدالله ...


تهاني: تمام وانا ادخل اعشي العيال وارقدهم قدهو وقتهم ..

عادل : اديهم لاعندي احبهم قبل ماترقديهم 😘 تصدقي قدنا بينحب رزق قوى ريت والله ويرضى الحج عبدالله يخليه عندنا مع اخته ابسري محلاهم جمعه جمعه في كل شي حتى المرض لامرض واحد الثاني بعده ع طول ..


تهاني : ريت والله وزد خاله فاطمه تاعبين كما رجعوا بالسلامه نحاكيهم واوذا البيت جنب البيت عيبسروه يوميه ..


..... .... .....


عبدالكريم : روح واشترى كرت مكن أماني يتصلوا وهو دخل غرفته يدخل الزلط حق اليوم حق المحلات والمعطاره .


أماني: بتتصل تطمن ع أمها ☎ هي واحلام.

سميره : لحقت عبدالكريم للغرفه . مابتفعل ..

عبدالكريم : ادخل الزلط 💵 للخزنه اليوم ادوى الايجارات وادخل قيمه المبيعات .

سميره : طننت شويه 🤔 .

عبدالكريم : هيا مالها طننت .

سميره : بينفكر انا رزق عيشاركم في هذا كله ويقع له مثلكم ولاهو اخوكم ولا له حق ويجي له حاصل وانت بتشقى وتتعب حسين موظف فالحكومه وبيشقى ع روحه معه معاش وانت مع عمي في المحلات وبتتعب وفي الاخير يشلوا مثلك والله انه ظلم ..

عبدالكريم : هآه 🤔امممم تصدقي والله ماقد فكرت هكذا ولا خطر في بالي .

سميره : والله مافيها شي لو أنا بك كن ابعد لك من راسها شقاك وتعبك ودخلها البنك ضمان لمستقبل جهالنا وبعدا سعم ان عمي عيدرى ماشاء الله كميا زلط بتدخلوا .

عبدالكريم : بيدخل الزلط الخزنه 💵 وبيفكر في كلامها رجع بعد رزمه ومكنها ... هاه اشبحي هذه 💸 خبيها وشاكن اديلش ساعها كل ما اجمع الزلط ..



أحقر أنواع الرجال من يفكر يبيع أهله ويخسر ثقتهم وطاعتهم ويصدق كلام مرته .

🌹meme_abdalgaleel


@qesasanani

بارت 15


بعد مرور شهر .


في بيت العم حميد .


تقيه : نوال جاوبي يابنتي عمش حميد يشتي يحاكيش ..

نوال : كانت بتفعل الغداء فالمطبخ 🍲 . طيب حاضر اغسل يدي .

العم حميد : ابسرها ... هيا ادخلي يابنتي ....

نوال : قالت خاله تقيه تشتوا تحاكوني .

العم حميد : أيوه يابنتي جي اجلسي ... ذلحين قدلش شهر عندنا ولا أنا ولا خالتش تقيه سألناش سؤال واحد قلنا عتتحاكى من نفسش وانتي ساكته وبعدا شهر واهلش مشهم داريين اين انتي عيقلقوا عليش يابنتي والله ماهو مني شي ولا تحسبي ان قد ضبحنا منش والله انش مليتي البيت علينا كنا وحدنا اثنين شيبات بس بينهمش مالش .


نوال : نزلت دموعها 😭 وبكيت .

العم حميد : يابنتي مالش اذكري الله مابه لهذا البكاء كله ..

نوال : انا شحكي لكم بس توعدوني ماتقلوش لاحد من اهلي انتتوا ابسرتوني انا داريه ان الي فعلته غلط وماكنش ينفع افعل هكذا بس قد الي حصل حصل .. طبعا نوال حكت له قصتها بس قالت له ان العيال ماتوا ...


العم حميد : 😱 خفع وشه لاحول ولاقوه الا بالله ليش يابنتي فعلتي هكذا ضيعتي نفسش انا داري ان خالتش مره ابوش ظالمه بس كنتي عتصبري وذلحين وينهو ابن عمش .

نوال : مشنا داريه بعد ماهربنا صنعاء انا وهو لقيونا 2 من الي رسل أبي بعدنا هرب وماعد دريت اين جاء .

العم حميد : خلاص يابنتي لاعاد تبكيش 😭 قد الي حصل حصل لو ارجعش لأهلش والله لايقتلوش وهذا ابن عمش اوذا فلت وهرب قد ربي رحمش واداش لاعندي اعتبري البيت بيتش وقدش بنتي وماعد معش الا تدعي ربش انه القاه ماشي والله انش ضيعتي روحش ومستقبلش ..



..... . . ...



في المطار ✈...

عادل : هيا من حقش الجنان هذا امانه قد بينقلش ياروحي اجلسي فالبيت انتي بازيه ابسري مرحم الجهال بيبكوا من اول والطياره قالوا تاخرت ..

تهاني: 😁ابتسمت له وغمضت عيونها . .. اسهل شاسكتهم اهم شي ابسر خاله فاطمه واطمن عليهم . انت سير عند عبدالكريم بس وانا شدعي احلام تجي عندي فوق السياره 🚘 نتواله .

عادل : ضحك عليها 😃 حاضر ياهرمه امانه مامره الا سميره جلست فالبيت .

تهاني: ضحكت هههه 😂 مادراك . هي جلست سعم يقلوا انها الحميش فعلت لهم الغداء ..


.... .... ... ..
اخيرا
وصل الحج عبدالله وحسين ومعاهم فاطمه ..

عادل : بيسلم عليهم ويخرج الشنط 👝 للسياره ..

تهاني : بتسلم ع فاطمه وتبكي 😭 والله ان صنعاء ضبح وانتوا مابحد .

احلام : الجهال في يدها .. هيا يكفيش دوري اشبحي العيال اسلم عليهم ...

معاذ : سبقها . ماعه والله انه دوري قدنا فاقد لهم . انتوا داريين قد هبه ويزن بيسنبوا ورزق عادهو يسنب وينكع كسل وضحك 😂 .

فاطمه : تحيلت له ☺كنت توبه لهم خيرات .

معاذ : ايوه واخليهم يرقدوا جنبي .


عبدالكريم : اول ماطلعوا السياره🚘 ورزق في حضن الحج عبدالله ... بضبح 😤ماهو هذا الحب كله قدنتوا فاقدين له خيرات اومه .

الحج عبدالله : ابسره بغرق 😡 قدك رجال وعيالك ساعك وعادك بتحسد هيا سوق شرق علينا .

عبدالكريم : ضبح 😤و قفى وجهه للزجاج وبيسوق السياره سكته .



فاطمه : ركبت مع تهاني بتجابرها ماقالوا وكيف العمليه وكيف قدهي .


...... ...... .....

سميره : جهزت الغداء 🍟🍲🍝🍛🍚 فعلت من كل شي واتصلت لاأماني تجي تتغدى قدهن حبايب بيفكرين كيف يتخلصين من رزق .


أماني: بتصيح 😡 ياعيال قوى اجلسوا من الجنان ماعيجوا الا وقد ندشتوا البيت ..

سميره : ريت والله واحنا شليناهم المطار✈ معاهم .

أماني : يكفي قد خرجوا رزق معاهم ابسرتي مابيتحروا أمي مابلا يخرجوه ماعاد عيقدروش يصبروش لما يروحوا البيت .

سميره : والله ان قد افتهنا حن شلته تهاني ريت والله وهي غر تخليه عندها ونهجع قد اسم مابش معاها جهال هي غر تربيهم الاثنين .


باب البيت بيدق 🚪 ..

العيال: حملوا يفتحوا الباب بيصيحوا هيه هيه جدو جاء جدو جاء 😃.

سميره واماني : سارين يسلمين عليهم ..

سميره : ابسرت عبدالكريم وعوجت فمها 😏 يووه ياعم تعب عليكم ومدت يدها ادوا رزق وانا شابزه .

الحج عبدالله : بعد يدها .. مع ولا خليه عندي قدنا فاقد له امانه ان قد روحي عتخرج عليه ..

سميره : غيوزت عيونها 😟 وخطيت تقرب الغداء ..


فاطمه : انا شدخل امتد شويه امد مايقربين تاعبه وانت ادعي عادل يتغدا هو ومرته عندنا من الصبح وهم فالمطار اكيد ذلحين مافعلتش غداء .

حسين : مارضيش يا أمه والله ان قد تراشيته قال هم خاورين غداء من حق السوق 🍲🍛 .


....... ...... ....

في بيت العم حميد ...


تقيه : 😱 يووووه وانا بينقل مالها كودها بتبكي الله يهديها ع فعله .

العم حميد : خلاص قوى يامره ولاتخرج كلمه ولا تدري احد انها عندنا والله لو يدرى احد من اهلها لايجوا يقتلوها قدهي عندنا هنيه وبس ..

تقيه : خلاص لاتقلقش وانا ماشدريهاش اني دريت بشي ولا قلتلي حاجه من هذه القصه..



ياترى ايش قصتش يا نوال الي حكيتي للعم حميد 🤔🤔.




@qesasanani

بارت 16


بعد العصر

بيت الحج عبدالله امتلى نسوان اهل الحاره جين يبسرين الخاله فاطمه ويطمنين ع صحتها ..

بعض النسوان كانين يتغامزين ع هبه ورزق ..

تهاني : حست عليهن قامت شلت العيال👶🏻 ودخلتهم ترقدهم ..

احلام : لحقتها .. خليهم يلعبوا شويه مسرع عادهم قاموا ..

تهاني : بزعل 😔 اصلا ضبحين بي إبسرتي كيف بيتغامزين ع العيال وكل واحده بتقل كلمه قلت اقوم ارقدهم احسن لوخاله فاطمه تسمعهن عتقتهر ومشهي ناقصه تعب.


سميره : بتتجابر مع واحده فالديوان ... ايوه والله لوتبسري كيف بيفعلوا له ماصدى احد مننا يقل اي كلمه ..

المره : 😱يووه والفعله وكتبه عمش والكل باسمه مايسبرش هكذا اول شي حرام وثاني شي عيقل له ساع زوجش واخوته ..

سميره : بتغيوز عيونها 😏مانفعل خيره الله ماصدانا نتحاكى ... عاد تهاني لاشلتهم مابش معاها جهال لكن محنا ماشاء الله البيت ملان .

المره : ابسرت لفاطمه ورجعت ابسرت سميره .. خيره الله الله يعينكم وإنا وكيفه.. صدق التؤام لو واحد مرض الثاني يمرض بعده وكل واحد بيحس بالثاني ..

سميره : ايوه لو تبسري مافي هذه محلاهم كيف يحسوا ببعض ويمرضوا سوى ..


أماني : خطيت لعند فاطمه تمكنها التلفون☎ امل بتتصل من الحديده تتطمن عليها ..


...... ..... ......


في بيت عادل

اجتمعوا الرجال يخزنوا هاناك يجابروا الحج عبدالله وحسين .


....... ........ .......

اللليل ..

تهاني : روحت معاها رزق لان فاطمه عادهي تاعبه بعد العمليه .


باب بيتهم بيدق🚪 ..

عادل : يامعاذ ييييه افتح الباب ابسر من بيدق ..

معاذ : فتح .. بيصيح هذولاء عمي عبدالله ..

عادل : دخله اوذا شاجي ..

الحج عبدالله : بيصيح له .. ماعاد شدخلش ياولدي اديلي رزق بس اروحه قدنا فاقد له قوى ..

عادل : خرج لاعنده .. هيا ادخل امانه .. هي تهاني روحته قالت لما خاله فاطمه تفتهن ماقد سخيت عليها .

الحج عبدالله : ابتسم😃 لكن ماتقل لقلبي ❤والله ان قدنا فاقد له قوى وروحي عتخرج عليه ..

عادل : ضحك ههههه 😂 ومن سمعك والله ان قد بينهم هم لماتشله لكن ماعد نفعل ريت والله وانت خليت عندي الاثنين ..

الحج عبدالله : خفعه بيده ع كتفه ...هيا ناهي لك من الطمع هيا ادخل اديه وقل لتهاني لاتقلقش البيت ملان نسوان عيوبهين له ولو ابسرته بيبكي والله لا ارجعه ولو نص الليل.


معاذ : جلس يبكي😭 عليه هو وتهاني تعودوا عليه في بيتهم .

...... ...... .....


نوال : حياتها اصبحت مقتصره ع البيت والتحفيظ بتحفظ قرآن وبتجلس تصلي وتدعي ربي يسامحها ونفسها تسير تتطمن ع العيال بس هي وعدت عم حميد ماتخرج اي مكان الا بعلمه وخايفه تقله ان العيال بخير وانها رجمتهم 😔😔 محتاره بين قلبها الي عيموت شوق ع عيالها وبين عقلها الي خايف تنكشف ويقتلوها اهلها ..


معاذ : كل يوم بيراعي في نفس البقعه ولما يبسر نوال ماتجيش يفرح 😃 ويروح يلاعب هبه ورزق ...

....... ........ .......


عدت الايام والسنيين ....



منير: خطي وابسر معاذ في نفس البقعه خطي دلا لا من قفاه وخفعه 😁 بخ .

معاذ : لفت لاعنده بضبح .. 😤 بطل خباله فجعتني .

منير : ضحك عليه ههههه 😂😂 وانت بعقلك مصدق انها عترجع 6 سنين وأنت بتجي يوميه.
هذك كنا جهال وصدقناها بس ذلحين كبرنا خلاص اعقل والله ان شكلها رجمتهم وابسرتك جاهل ضحكت عليك بكلمتين قلك عتسير تدور ابوهم وعترجع لهم وبيضحك 😂هههه .


معاذ : خفعه وضحك 😁 هيا اخطى نرحلنا نشتي نرقد بحين غطوه اول يوم مدرسه ..

منير : هيا ناهي لك ياترقد بحين ماكذبش محمد ان عادك الجاهل حق الحاره قدك رجال عنطلع تاسع وعادك ابن امك تشتي ترقد ساع الجهال .😜.

معاذ : ضبح منه 😤 ايوه جاهل لو قد الرجاله عندكم بالسمره والهروبه من المدرسه والشقاره وملاحقه البنات مشتيش اوقع رجال ساعكم .. فلته وخطي 🚶🏼.


منير : لحقه .. معاذ خلاص أنا آسف والله ماقصدت وبعدا والله مابينشرب شقاره انه محمد الي بيشرب ويعاكس البنات انا بس بينسير معه ..

معاذ: أنت حر مليون مره قلتلك لاتسايرش والله انه عيخربك ابسر الفرق بينه وبين أحمد اخوه أحمد حق مذاكره وصلاه فالجامع 🕌 .

منير : خلاص والله ماعد اسايره هذه السنه احنا شهاده واشتي ادي مجموع ..

معاذ : يله تمام مع السلامه شخطى لي عادنا اشتي اسير لاعند خاله فاطمه اشل الزي حق رزق عيداوم هو وهبه ويزن معانا من غطوه .

منير : فرح يوه مسرع كبروا وقد عيدخلوا يقروا 😃 معانا .

معاذ : ايوه ابسرت مسرع كبروا بس ماعيقروش معانا قد سجلوهم تمهيدي فالمدرسه 🏫الجديده الي فتحت فالحاره ..



@qesasanani

بارت 17



ثاني يووم الصبح ...

في بيت عادل ..

عادل : بيصتبح وفي يده الشاهي☕ ... هيا تهاني قلبي شرق عليا عادنا شاحط هبه والعيال في مدرستهم وارجع مدرستي🏫 ..


تهاني : بتمشط شعر هبه وتفعلها قباضات 👧🏻 هيا الان كملت ..

هبه : فارحه عتسير المدرسه .. ابسرت عادل وبتتدلع بالزي حق المدرسه 👚 وتتدور .. هيا يابابا كيف انا 😃 ..

عادل : ابتسم لها 😃 قمر قمر من به حالي ساع بنتي يكفي العيون العسلي الحاليه هذه والشعر الاسود الي يجنن ع البياض ... واشر لها بيده .. يله وينهي بوسه بابا 😘 .

هبه : حملت تحضنه وتبوسه 😘 .


معاذ : خرج من غرفته والشنطه فوقه بيوضع شعره 👦🏽 وفاعل له جل .. طبعا قدهو ماشاء الله ملامح الرجوله والوسامه بداءت تظهر عليه ..

هبه : حملت لاعنده . معاذي معاذي .. هيا كيف قدنا وقعت حاليه 😊 ..


معاذ : حضنها ونبعها للسقف .. انتي احلى اخت فالدنيا . هيا البسي الشنطه🎒 بسرعه نسير ندعي العيال .



.... ..... ......


في بيت الحج عبدالله


احلام : بتلبس يزن ورزق وتجهزهم.


سميره : بتلبس آيه ..هنيت لش والفهنه الي فيش بدل ماتبزي لش الي لاهو منش ولافيش قومي اوحمي وابزي جهالش ..

أحلام : إبسرتها بضبح وهذولاء جهالي وطنشتها .... هيا اسكه وروني الحلا وبتتفرج العيال 😃 ..


فاطمه : دخلت لاعندهن .. هاه بنتي قد فعلت لهم السندوتشات .


احلام : قامت .. يوه ياعمه ليش تقوموا وانتوا تاعبين قلتلكم شابدلهم والبسهم انا .

فاطمه : ابسرت رزق وابتسمت 😀 يووه ويسيروا المدرسه اول يوم بغير ما ابسرهم ماسخاني ..


آيه بنت سميره: ليش ياجده ماهم قمتوا لهم واحنا بنسير ولا بتعبرونا .. فارحين بابنكم هذا والله ان قد بينكرهه كودك بتدلعوه انتوا وجدي ..


الحج عبدالله : ع دخلته يدي لهم حق الجعاله سمعها . 😡 عصب منها.. . ماهو هذا الكلام الي سمعت من يكره عمه وبعدا بندلعكم كلكم للمه تحسديه ..

سميره : تشتي تلطف الجو 😁يوووه ياعم عتصدقوا جاهله هي بس اقتهرت اننتوا دخلتوهم مدرسه خاصه وهي قدلها سنتين في حكومي وهذه السنه سجلتوها معاهم في خاصه حين دخلتوهم بس ..

فاطمه : ابسرتها بضبح 😤
الجاهل ماقد يتلوهش لهذا الهدار الا وبعده معلم ... وبعدا هي كانت محنبه تشتي تقري مع اخوتها ..


الحج عبدالله : خلاص هجعنا احنا وهذا الهدار سيري قيمي ابنش يقوم يقرى هو شهاده تاسع مشي حق لعب انا فدال احمد صدق الي قدهو جاهز وقيمي زوجش ينزل المحلات ..

سميره : وطت راسها 😔 بحنق وخطيت ..

الحج عبدالله : قسم لهم زلط 💴 حق جعاله ومكن رزق هاه وهذه حق اختكم هبه ..

آيه : بتخفع ارجلها يوووف 😤وهذك كم عادنا اكرها دلوعه ليش تدوا لها معاها ام واب يدوا لها ..


حسين : ع خرجته عيسير الوظيفه سمعها .. صيح فوقها 😡 عيب هذا الكلام لاتكنش تصدقي لأمش هذه المجابره ..

سميره : سمعته سكته ودخلت تقيم عبدالكريم ينزل المحل وبتقله الكلام وتعبي رآسه 😡 .


عبدالكريم : صيييح .. اوووف احنا وكسار الراس من الصبح غطى وشه بالبطانيه واقتلب ع الجهه الثانيه .

....... ....... .....

في ذمار ..


صالح : تلفونه بيرن 📱 نكز يجاوب الوووو ..

توفيق : هآه عم صالح انا توفيق ...قيمتك من النوم اومه .

صالح : ماتشتي ياجني 😡 ماقد معك 6 سنين ولا قدرت تديلي خبر كل مره بتمكنا هدار فاضي ..


توفيق : مع الإ هذه المره معي خبر حالي .. قبل شويه كنت بينصتبح في البوفيه 🌯 ولو تدرى من ابسرت بيشتغل فيها لقينا الضايعه ..


صالح : بعد البطانيه من فوقه بدهشه وقام .😳... ايش معقوووله لقيت عبدالصمد ...

توفيق : ايوه اوذا قبالي بينراقبه ..

صالح : خلاص حسك معه لايسير كذا ولا كذا واوبه لايسير يعرفك وانا الان طالعي صنعاء انا والعيال .

توفيق : ولايهمك قدنا ملثم بالشال 😷 ..

مره صالح ( خيريه ) : هيا مابه مالك نكزتنا من النوم من اتصل 📱.

صالح : اخطي قومي عيالش وانا البس توفيق اتصلي لقي عبدالصمد ومدام لقيه اكيد نوال معه والله لاسير اقتلهم اليووم وانظف شرفي الي وسخوه .خرج المسدس من الدولاب وفعله في خصره🔫 وخطي ..
....... ........ ......

نوال : فتحت الطاقه بتتفرج العيال بيسيروا المدرسه 👭 ذكرت عيالها ونزلت دموعها 😭ذلحين أكيد عيالي قد عيسيروا يقروا يعلم الله كيف بيعاملوهم واين سجلوهم .. لكن معاذ باين عليه طيب والاستاذ عادل والحج عبدالله ع ماسمعت عنهم ... رفعت يدها يدها للسماء🙌🏻 وبتدعي يارب سخر لعيالي كل قلب وعوضهم با اهل يحبوهم ومحد يسخى عليهم ويعيشوا احسن مني ..

تقيه : دخلت تدعيها صبووح 🍲سمعتها بتدعي انصدمت 😳
عيالش .
نوال : لفتت لها بدهشه انها سمعتها😳 حست جسمها كله دخان وتسمرت مكانها ..
تقيه : بتهزها ...ييييييه من بينحاكي ..

نوال : بفجيعه وخوف 😰 انا شاقلكم الصدق بس احلفوا ماتحاكوا احد ولا حتى عمي حميد وجلست تحكي لها وهي بتبكي 😭.

مهما هرب الواحد وحاول يخبي اسراره لابد مايجي يوم وينكشف

@qesasanani

بارت 18

في المدرسه 🏫 ..

معاذ : بيأشر لهبه ورزق ويزن مع السلامه 👋🏻 .

هبه : حملت لاعنده بتبكي😭... معاذ اجلس معي بينفتجع ..

عادل : ضحك عليها ههه 😂 بتفتجعي ومعش اثنين رجال يوبهوا لش ..

هبه : بتهز اكتافها .. ماعه مشهم رجال هم عادهم جهال 😭 اجلس عندي يامعاذ بينفتجع ..

يزن : بيضحك عليها 😂 عادش جاهله بتبكي ياخبلاء ابسري آيه كيف دخلت الفصل وحدها .

هبه : آيه قدهي كبيره صف ثالث قدهي متعوده ..

عادل : مسك معاذ من كتفه .... خلاص يا ابني اجلس اليوم معاهم بس اجلس فالساحه لاتدخلش الفصل معاهم .. وابسر لاعند هبه واشر بإصبعه ☝🏻 اليوم بس غطوه محد عيجلس معش .

هبه : فرحت 😃بتتنبع هيه هيه أخي حبيبي عيجلس عندي ..

رزق : ابسرها بيقلد زاعل 😌 خلاص حذ واحنا مش احنا اخوتك .

عادل : تنهد بحسره 😔..الإ اخوها والله محد اخوها ساعك يله ياروحي اشبحي اخوش رزق واخوش يزن وادخلوا الفصل ..

يزن : ايوه واسمعوا كلامي انا الكبير 😜 شاكن اسير اجعل لكم انا عادنتوا جهال .

عادل : ضحك 😄عليهم وتحيلا لشقاوتهم وسار مدرسته ..

معاذ : خرج كتاب من شنطته 📗 وجلس يقراه فالساحه ..
...... ...... .....

فوق السياره 🚙...

صالح : بصياح 😡 هيا وأنت سوق ساع الناس بيخطى لي دلا سعم انحنا بنزف حريوه ..

طارق :اخو نوال من ابوها وامها الله يرحمها اصغر منها بسنتين متعلم كمل هندسه زراعيه قبل سنه... يا أبه مفعل والله ان قد بينسرع شويه وقد عنوصل .

يونس : اخو نوال بس من ابوها ... المسدس في يده 🔫 وبيخفعه 😡 بنبره حاده وصوت كله كره أخيرا شقتلهم اليوم وانظف شرفنا الي وسخوه كم راعيت لهذا اليوم ياويلش يانوال مني والله ما ارجعش الا جنازه انتي وهذا الكلب ...

طارق : يا أبه القتل مشو الحل يعني ماعنستفيد لو قتلتاهم عمي ماعيسكتش قد سمعته ماقال ابني رجال وحامل عيبه بنتكم وانتوا احرار لو قتلتوها ما انا ابني لو تعسوا منه شعره مايكفيني جهالك كلهم ..

يونس : خفع طارق بيده 👋🏻
انت مشو عليك سوق وانت هاجع ولا بيحن الحليب مفتجع ع اختك كنت عتعلمها الادب .

طارق : دعس بريك ووقف السياره🚙 ولفت له يدك هذه لوتزد تمدها مره ثانيه شكسرها لك انا بينتحاكى مع ابي ..
صالح : صيييح 😡عتهجونا احنا والجنان حقكم يله وانت اخطى شرق علينا نشتي نوصل بسرعه .
.... ..... ......

في بيت الحج عبدالله

الباب بيدقدق🚪.

أماني : فتحت الباب .

تهاني : والله ماهنيت اصتبح وحدي 🍲 البيت فاضي اول يوم افارق هبه اديت الصبوح وجيت اصتبح عندكم.

أماني : حياش الله يله عيس انش جيتي قد اسمي ممسيه هانا نبسرش.

تهاني : وجهالش ماساروش المدرسه .

أماني : الإ هم عند ابوهم وبعدا قدهم رجال ماشاء الله والبنت عتوبه لهم ..

تهاني : حرام عاد بنتش صغيره لاقد تحمليهاش الحمل .

أماني : قدهي مره ماعد به اول ثانوي مانا لاجالها زوج والله لازوجها البنت مالها الا زوجها ماتفعل بالقرايه ..

فاطمه : بتداعي يييييه أماني ... من به فالباب 🚪 .

تهاني : هو انا ياخاله اوذا عندخل هاه .

...... ...... ......

في بيت حميد

تقيه : يوووه 😱 ياعيبتش وسخيتي ترجمي جهالش ..


نوال : بتتحاكي بحرقه وصوتها بيتقطع 😭 من كثر البكاء كان كيف افعل ياخاله اهلي بيدوروا يقتلوني قلت اهربهم من الموت ماذنبهم يموتوا ..
تقيه : بقهر 😔ياعيبتش بس افرضي وهذولاء الناس مشهم سوى ولا قد خرجوهم من عندهم وشلوهم دار الايتام ولا مابيقلوا لهم الناس انهم عيال حرام ..

نوال : بشنهجه 😭 كنت اسير اطمن عليهم لاعند معاذ ابنهم وبتحكي لها ... بس قدلي منهم 6 سنين من حين دخلت عندكم ماعد سرتش بعد ماحلفت لعمي حميد ماخبي عليه شي وما تقع خرجتي الا للتحفيظ بس ..


تقيه : تقلي لاسرنا ذلحين ذيه الولد عادهو عيذكرش ..

نوال : ركزت راسها 😃 وفرحت .. نسير .. قصدش نسير نبسرهم ..

تقيه : شبحت يدها .. أيوه يابنتي نسير نبسرهم وتطمني قلبش ❤ انا أم وقد جربت كيف قهر الأم لما تفرق جهالها بعد ماقتلوا جهالي .


نوال : بتمسح دموعها بيدها وتضحك من الفرحه 😃 قربت تبوس 😘راس تقيه اسلموا ياخاله لكن ماعنقل لعمي حميد ..

تقيه : ماعليش شي شاقله اني سرت ابسر واحده وشليتش معي ..

نوال : قامت تلبس وخرجت التلفون من الدولاب مخبيه له ماعدبش معاها رقم بتتفرج صورتهم👶🏻 يوم عيدميلادهم السنه بتجابر نفسها ... سعمن قدنتوا ذلحين كيف شكلكم اكيد تغيرتوا مدري تتشابهوا قوى ولا مختلفين وسرحت بتفكر 🤔 ..


تقيه : مسنيه عند الباب🚪 بتداعيها ييييه نوال ييييه مطننه هيا بنتي شرق نخطى قبل مايروح عمش حميد ويشتي غداء ..

نوال : حطت التلفون من يدها 📱 هيا هيه الآن وخطيت وهي فارحه 😃 ..

...... ..... ......
في المدرسه 🏫

دق جرس الرآحه 🎧

رزق : مسك يد هبه .. هيا نخرج نجعل هو معاذ قلي لما يقلوا راحه ناكل السندوتش 🌯ونشتري جعاله .

يزن : هيا نخرج ونخلي معاذ اليوم يجعل لنا اوذك تحت الشجره بنتبسره انا وهبه من اول ..

هبه : ضحكت

هبه : ضحكت بتتليقن عليه 😜 انت قلت عتجعلنا انت الكبير ههههه .


معاذ : دخل لعندهم وخرجهم يوريهم البوفيه وكيف يكن يفعلوا .

...... ...... .....

في البوفيه ..

توفيق : بيتصل 📱هيا أين قدنتوا بينبسره بيلبس الكوت حقه 👕 قد شكله عيخطى بس تشتي الصدق والله اني رحمته قدهو ع العز الي كان فيه ابن شيخ وذلحين قدهو بيشتغل في بوفيه ويمسح المساحات ويقرب للناس ..


صالح : المهم حسك معه راقبه لايفلت منك واحنا قدحنا وصالين ربع ساعه وقدحنا عندك ..

🌹meme_abdalgaleel



@qesasanani

بارت 19



الساعه 12 الظهر.. الشمس حاميه 🌞 والشوارع زحمه سيارات 🚙🚕🚗 .


عبدالصمد : بيخطي🚶🏼 دلا دلا والكوت👕 معلق في يده بيقطع الشارع بيخطى بين السيارات ..


توفيق : بيلحقه بيخطى بعده 🚶🏼من بعيد ووجهه ملثم بالشال لايعرفه ..


صالح : بيتصله 📱 بصياح ونرفزه ..هيا أين ياجني ..

توفيق : هآه احنا في شارع ال*** اوذا بينخطى بعده امد ماتجوا لاهانا وعنتواصل تلفون .. 😳 هآه هآه راعي لحضه .

صالح : مالك مابه ماحصل ..

توفيق : هآه ..مابلا شكله جالس في هذا الشارع .. اوذا دخل استراحه .

صالح : بإستغراب 😳 اييييش استراحه .. كيف يعني جالس في استراحه ونوال وينهي ..

توفيق : مدري والله مااقلك الإخير اصلا الإستراحه كلها رجال قدك داري شادخل اسأل من بعيد لابعيد يمكن لاهو جاء يبسر أحد ..


صالح : غلق وقدهو ضابح 😤 يله بسرعه خطينا لشارع ال*** .

يونس : ابتسم 😃 وبيمسح المسدس بيده 🔫 اليوم يومش يانوال والله ما ارجعش الإجنازه انتي وإبن عمش ومثل ماخرجتوا من ذمار بفضيحه والله ماترجعوا الإجنازه ..


طارق : دقات قلبه بتزيد ❤ ودموعه نزلت من عيونه 😭 مسحها بسرعه قبل ماينتبه له ابوه ويونس وفي نفسه الله يسامحش يا أختي ليش فعلتي بنفسش هكذا وبنا .


صالح : بضبح وعيونه كلها شرار ⚡ لاقد تفرحش قوى .. توفيق قال مابلا عبدالصمد وحده جالس في استراحه نوال مشي معه خلينا نوصل وعنبسر ماهو الخبر ..


طارق : ابتسم 😃 ولمعت عيونه تنهد بفرحه وفي نفسه ... ربي يحفظش يا أختي ويحميش من كل شر أنا داري انش غلطتي بلي فعلتيه وريت والله وماصدقتيش كلامه ولاخطيتي بعد قلبش❤ لكن ربنا بيسامح ويغفر الله يحفظش ...



..... . ...... .....


في المدرسه 🏫 انتهاء الدوام والكل بيروح ..


معاذ : مراعي للعيال في الساحه ..

هبه : حملت لاعنده تحضنه 🏃🏻 فارحه 😄 اليوم حفظنا حرف الألف ..

معاذ : أكيد أختي كانت أشطر واحده صح 😃 ..

يزن : أيوه كنا أنا وهبه ورزق أشطر منهم وقلنا لحقنا الأبله احنا حافظين معاذ بيقرينا فالبيت ..

آيه : جت لعندهم بتتفرجهم بحسد 😤 هيا عنروح ولا عتجلسوا تمكنونا مجابره يووف واللغاجه فيكم .

هبه : ابسرتها .. ماعليش مننا أخي وانا حره اجابره هيا معاذ اشتري لنا جعاله أنت وعدتني لو اقرى اليوم عتشتري لي جهاله بألف 💴 .


معاذ : تمام يله 😄 وأنا عند وعدي بس عنجعل من عند صاحب البقاله الي في حارتنا ..

رزق : هيه هيه والله انك احلى أخ فالعالم 🙂 .

آيه : إبسرته بسخافه 😠 مشو أخوك انت اخوك ابي وعمي حسين هذا هو ابن جيراننا بس ..

رزق : بكي 😭الإ هو أخي صح يامعاذ قلها ..

معاذ : مسكه بيسكته الإ اخوك الكبير لاتصدقش هذا الخبلاء هي غر بتحسد يله ادوا يدكم نروح بسرعه ونحل الواجب معاكم واجبات .

يزن : أيوه ليكن بسيط عنحله بسرعه هو بس نكتب الف.

آيه : فلتتهم وبتخطى وحدها قبالهم ..

...... ..... .....


تقيه : هيا مه هي هذه الحاره يابنتي ..


نوال: أيوه ياخاله ... بس البيت في الشارع الثاني ..

تقيه : عادش ذاكره بيت منهم .

نوال : أيوه مشنا مجنونه أنسى رزق عند بيت الحج عبدالله ال*** وهبه عند عادل ال*** .


تقيه : شبحت يدها 👋🏻 هيا جي نقطب بساعتنا نسير نشتي نروح قبل مايروح عمش حميد ..


نوال : لكن كيف عنفعل ذلحين .

تقيه : مثل ماقلت لش عندقدق للنسوان نقلهن جينا السوق واحنا من ذمار وانتي بنتي وواحمه تعبتي دقينا لهن ولو قدهو خزا تدخلي الحمام.


..... ..... .....


في الاستراحه 🏤 ...

توفيق : آها.. يعني قدله عندكم هانا سنتين بيرقد يوميه ..


صاحب الإستراحه : ايوه بس شكله مسكين يخرج يوميه عمله الصبح بيشتغل في بوفيه 🌯🌮 وبعدا يروح يرقد لاعصر ويخرج مايروح الا بعد المغرب قال معه ناس ضايعه بيدورها قدله ع هذا الحال من حين جاء عندنا .... لكن ماقلتليش ليش بتسأل عنه تعرفه .


توفيق : ارتبش 😅 هآه مابلا كنت بينشبه عليه لاهو واحد من القريه حقنا بس ماطلعش هو وخرج تلفونه 📱 يتصل لصالح يبسر اين قدهو ..



...... ...... .....


معاذ: بيداعي ... يا آيه جي كذا اجعلش مع الجهال ...

آيه : بزنط ... مشتيش معي اخوه يجعلوا لي أنت اجعل لأخوتك بس .. فلتته وخطيت البيت 🏡 .


هبه ورزق : احنا نشتي من هذا ومن هذا 🍫🍭🍬 وبيأشروا بيدهم لصاحب البقاله ..

معاذ : وأنت يايزن من أين تشتي ..

يزن : إشتي من هذا 🍫 .



...... ...... .....


نوال : هيا هو هذا البيت 🏡ياخاله .

تقيه : وقفت عند باب الحج عبدالله 🚪 تدق .

نوال : قلبها بيرجف ❤ بيدق بسرعه ويدها بترتعش لو يكشفوها وفي نفس الوقت فارحه تبسىر عيالها .. بتتلفت يمين وشمال ابسرت ولد خاطي وفي يده 3 أطفال 👬 كانت تركز بقوه تتأكد شكله معروف .. الإ الإ هو معاذ واشرت بسرعه خاله تقيه راعي راعي لاتدقيش الباب معاذ معاذ ..

تقولوا ايش الي عيحصل وكيف عتكون مشاعر نوال لما تشوف عيالها لأول مره بعد 6 سنين وايش رده فعل معاذ لما يشوفها 🤔.



@qesasanani

بارت 20


صالح : وصل هو وعياله .

طارق : وقف السياره 🚘 في الجهه المقابله للإستراحه وبيدعي ربه مايلقوى أخته ..


يونس : فتح باب السياره🚘 وخرج بسرعه ..

صالح : حمل بعده لحقه 🏃🏻 مسكه من يده .. راعي اين قد عتسير أول نتصل لتوفيق📱 ونراعي له لما يخرج ونبسر كيف ..

يونس : بعد يد أبوه 👋🏻 ماعاد بش فيني صبر قلك أراعي فلته وخطي ودخل الإستراحه ...

صالح : لحقه وخرج التلفون 📱 بيتصل لتوفيق ..


طارق : غلق السياره 🚘 ولحقهم. ... يا أبه راعوا من الجنان هكذا ماعندراش اينهي نوال وعنفعل لنا مشكله مع الناس اصحاب الإستراحه نراعي له خارج لما يخرج ونلحقه دلا لأطرف شارع فارع وقتلناه 🔫 .


صالح : إبسره 🤔تصدق أول مره تقل كلام صح يله انت راعي هنيه وأنا شلحق أخوك ..

طارق : مابلا شخطى معك انت تبسر يونس وأنا اسير أسال سوى صاحب الإستراحه عليه وادرى أيحين بيخرج بالظبط ونرجع فوق السياره نراعي له 🚘 .


صالح : هز رآسه .. تصدق قد كنت بداءت أشك فيك إنك داري أينهي وبتغطى عليهم بس ذلحين دريت انك بتخطط صح ..

طارق : أكيد يا أبه هذا شرفنا وضروري ننظفه ..


...... ...... .....

في الحاره

آيه : وصلت قبلهم للبيت 🏡إبسرت تقيه ونوال عند الباب .. من أنتين ماتشتين مسنبات عند بيتنا ..

نوال : ابتسمت لها 😃 ولعبت بشعرها بسمش ياقمر .

آيه : بعدت يدها 👋🏻.. يوووف منش ندشتي شعري ذلحين من انتي شكلش سارقه ليش مسنبه عند بيتنا ..

تقيه : ضحكت هههه 😂 ماشاء الله ع لقانه مشحنا سرق يابنتي إحنا كنا نشتي ندخل الحمام .

آيه : هزت رآسها .. هآه تمام يله ابعدين ادقدق لكن ..

نوال : انتي بسمش ..

آيه : إسمي آيه عبدالكريم عبدالله ال***.


نوال : عرفت انها حفيده عبدالله تشتي نسحبها فالكلام قبل مايوصلوا العيال شكلش دلوعه مابش الا انتي جاهله فالبيت صح..

آيه : مع الإ احنا خيرات واخوتي وابن عمي وعمي ..

نوال : يوووه عاد معش عم صغير ساعش .

آيه : خفعت أرجلها . اوووف كيف انتي هرمه اوذكه عمي وابن عمي مع عيال جبراننا عند البقاله ..

تقيه : قربت تشاور نوال هيا اظاهر الإ انه هو معاذ وعيالش معاه هيا نخطى لاعنده شرق لاعندنا عيروح عمش ومابش غظاء شبحت يد وبتخطى ..


آيه : بتداعيهن .. ييييه قلتي تشتي تدخلي الحمام حقنا ولا اقلش أحسن وفرتي . وبتدقدق الباب 🚪 تدخل ...



معاذ : خاطي راجعي من البقاله هو والجهال 👬..

نوال : بتخطى لعنده وقلبها بيرجف ❤نفسها بيخرج بسرعه عيونها بتتفرج العيال وتبتسم 😃وقفته .. معاذ كيف أنت ماشاء الله عليك مسرع كبرت 😃 ..


معاذ : الحمدلله ياخاله من أنتوا ..

نوال : وطت ع ركبها وبتمسك العيال وتبوسهم 😘😘
وتحضنهم بقوه عرفت رزق لان فيه ملامح البياض والشعر الأسود الناعم من أخته صح اختلفت ملامحمه وكل مابيكبروا كل واحد فيهم بيختلف شكله بس قلبها حس لأن يزن أسمراني وشعره مجعد 👦🏽 ..

رزق : دهفها أي وجعتيني .

نوال : بتبكي 😭 آسفه ياروح قلبي انت يانظر عيوني وضمته مره ثانيه لصدرها سامحني انت وأختك ومسكت هبه وتحضنها بتبوسهم 😘 في كل مكان في جسمهم وتبكي قد لثمتها مبلله دموع

معاذ : وقف مكانه وركبه يبست😥 ملامح وجهه تغيرت أطراف جسمه ثلجت بيتفرجها ومصدوم بيركز في تفاصيلها ...


هبه : ببراءه باستها 😘 وبتمسح دموعها 😭 ليش بتبكوا هكذا ياخاله ..

نوال : حضنتها بقوه .. بينبكي لأني أحبش خيرات انتي وأخوش 😭 ..

رزق : يووف منش مايعجبنيش النسوان يحبني بعد منها ..

معاذ : عجم ولا عاد قدر ينطق بكلمه بيتفرج سكته وعيونه حمر ملان دموع فجأءه نطق .. لاتقلوش جيتوا تشلوهم ياخاله ونزلت دموعه.😭.


تقيه : بتتفرج الموقف وتبكي😭 ذكرت عيالها لما قتلوهم ولو عادهم بخيرين ان قد هذولاء عيالهم ..

يزن : مستغرب من هذه المره بس طفل مايفهمش قدهو تاعب من المدرسه فلتهم وخطي للبيت ..


نوال : رفعت راسها وقامت سنبت وقد عيونها حمر ولثمتها دموع وحالتها تصعب ع الكافر .. ماشي جيت أطمن عليهم بس ..

معاذ: ابسر هبه ورزق ... بهرر فوقهم 😳يله ادخلوا البيت وأنا شلحقكم .

العيال : سمعوا كلامه وخطيوا 👬 .

معاذ : بحرقه وقهر 😢أنتي ليش رجعتي أنا كنت أخبل وأصدقش وكل يوم أراعي لش بس خلاص كبرت و فهمت ليش رجمتيهم لو سمحتي إبعدي عن أخوتي ولاعاد تجيش حارتنا أبدا أنتي ماتستاهليش تكوني أم جي إبسري كيف أمي وخاله فاطمه بيفعلوا لهم وانتي الي ولدتيهم رجمتيهم وبيصيح ويبكي 😭 روحي من عندنا لاتقهريش عيالش وتخليهم يكرهوش لما يدروا انش رجمتيهم ... فلتها وبيخطى والدموع ملان عينه 😭 .

نوال : حست كلام معاذ كأنه خناجر 🔪 بتطعنها بتحاول تخطى ورجلها ثقيله بتسحبها بعدها بتحاكي نفسها .. يامعاذ قوى أنت الأمل الوحيد الي كان بيطمني
عليهم لاتقليش هكذا وتبكي بحرقه😭..

تقيه : مسكتها وبتحاول تطبطب عليها إسهل يابنتي قوى لاتفعليش بنفسش هكذا الحمدلله قذا إطمنتي عليهم والحمدلله إنهم عايشين مفتهنين ..


عادل : خاطي هو والحج

عبدالله مروحين وقت غداء . 😐 ابسروهن .


عادل: مالكم يا أمه به شي نقدر نساعدكم مشو شكلكم من حارتنا.

الحج عبدالله : مالش يابنتي أحد ظايقش في حارتنا قليلي والله لأكسره كسار ابسر منهو ياعادل .

نوال : مش قادره تتكلم حالتها حاله وبتبكي 😭 ..

تقيه : إسلموا كثر خيركم مابلا بنتي هي تاعبه شويه فيها الكلى واوجعتها ومقدرتش تزد تتحمل بكيت واحنا كنا فالسوق دخلنا هنيه ترتاح شويه ..

عادل: طيب دقيقه ياعم عبدالله راعي معاهم اقرب السياره 🚘 بس وأشلكم المستشفى.

نوال : مع خلاص قد افتهنت هيا نروح مسكت تقيه وخطيين ..

عادل : ابسر للحج عبدالله 🤔 يعلم الله مالهن مدري ليش حسيت انهن بيكذبين ..

الحج عبدالله : يله هن أخبر إحنا فعلنا الي علينا ..


تقيه : وقفت تكسي 🚖 وطلعين قوى يابنتي لاتقهري قلبي يكفيش بكاء أبسرتي كيف عيالش مفتهنين وسمعتي الرجال شكلهم أبوتهم عرفتهم حن بيتحاكوا من اسمائهم..

نوال : ساكته ولا كلمه مطننه بتتذكر عيالها ودموعها بتنزل😭 .



معقوله يامعاذ كان قلبك قاسي ❤ هكذا وايش تتوقعوا نوال تستاهل هذا الكلام لأنها رجمت عيالها ولا معاذ ظلمها 🤔 ..


🌹meme_abdalgaleel


@qesasanani

بارت 21


في الإستراحه🏤 ...



يونس : مسنب هو وتوفيق وصالح مراعيين ..

طارق : خطي لعند صاحب الإستراحه بيسأله ع عبدالصمد .

صاحب الإستراحه : يا أخي مالكم جننتوني كل شويه ويجي واحد يسألني عليه منهو هذا .

طارق : يا أخي قوى إسمعني لو ماتشتيش تحصل مشاكل في استراحتك اديلي رقمه سكته به ناس بيدوروه من الصبح يشتوا يقتلوه 🔫 .

صاحب الإستراحه : 😱أيييييش قتل يا اخي اخرجوا من عندي وهذا شطلع أخرجه من عندي لاتشوهوا لي بسمعه استراحتي .

طارق : بيسكته .. يا أخي قوى إهداى رضي عليك اديلي رقمه ومالك الا تجلس استراحتك سمعتها ساع الفل اقطب خيره الله عليك مابش وقت ..

صاحب الإستراحه : خرج له الرقم بيمليه ..


صالح : هيا مه يا ولدي ماقالوا ..

طارق : قال عيخرج بعد نص ساعه هيا نطلع السياره🚘 نراعي لما يخرج ونلحقه ..


....... ...... .....

في بيت عادل 🏡..

معاذ : دخل ووجهه أحمر 😡 وعيونه دموع دخل ع طول لاغرفته وغلق الباب 🚪.

تهاني : بتداعيه ييييه معاذ يييه مالك جي كذا وإبسرت هبه بإستغراب 😳 ماله أخوش ..

هبه : هو تصايح مع واحده فالشارع جت كانت تحضني وتبوسني أنا ورزق وتبكي قوويه 😭 وتقلنا سامحوني ورزق دهفها مايشتيش تحبه .

تهاني : 😳 افتتحين عيونها وصفرت راسها لف وميه فكره وفكره جت في بالها .. أيييش ماهو وبتدقدق الباب 🚪 لمعاذ بقووه✊🏻.. ييييه معاذ افتح فهمني مابه ماحصل ..

معاذ : مابيردش عليها ..ممدد فوق السرير بيبكي 😭 وخايف أحد يشل أخوته ..


عادل : فتح باب البيت🚪 ودخل مالش بتصيحي قد صوتك لخارج ..

هبه : أصلا معاذ إتصايح مع مره فالشارع ودخل وهو بيبكي😭 وماما بيدقدوا له .


عادل : 🤔 يعني أكيد انهي المره الي كانت بتبكي فالشارع ..

تهاني : عادل جي معي للغرفه إشتيك بسرعه ...

هبه : ياماما أنا جاوعه أول ادولي غداء 🍲 بعدا معاذ ليش تصايح معاها .


...... ..... .....

في بيت حميد ...


نوال : وصلت دخلت غرفتها ارتجمت فوق السرير وبتبكي 😭 ..

تقيه : يابنتي قوى لاتقهري قلبي❤ هكذا يوووه حسبي الله من قلي أشور عليش نسير نبسرهم .

نوال : لاتقتهروا ولا ياخاله أنا الي وصلت نفسي لهذا الشي لكن ربي ينتقم من كل ظالم ..

تقيه : حسبنا الله بس ... شاقوم يابنتي اجهز الغداء🍲 عيروح عمش حميد يصيح ويقل أين كنا ..


...... ..... ....


في بيت الحج عبدالله ..

عبدالكريم : بيصيح هيا عتقربين الغداء 🍲 قدنا جاوع .

سميره : هيا الآن قدحنا بنقرب هو غر عمي ماعاد نزلوش من طالع بيتجابروا هم وعمتي ..

عبدالكريم : بقلبه وجه 😡 قربي لنا وبس هم ذلحين لاهيين بحبيب قلبهم رزق عادهو أول يوم له فالمدرسه كما تموا يلاعبوه عيتغدوا أنا شرق عليا معي عمل ..

سميره : بضبح 😤 أيوه .. أنت غر تم روحك عمل وكبر تجارتهم وزلطهم 💴 وهم يصرفوها ع ابن الحرام الي طالع ..


فاطمه : هيا قل لبابا اليوم ماقريتوا فالمدرسه 🏫 عجبتك.

رزق : أيوه عجبتني قووي وقرينا حرف الألف لكن ضبحت بي المره الي فالحاره الي جلست تبكي .

الحج عبدالله : إفتجع عليه 😳أيييش من مره مافعلت بك ومعاذ اين كان ليش مايوصلك للبيت ..

رزق : بيحكي له ...

.. . ..... ......


عند الإستراحه :

طارق : انت اطلع سوق انت يايونس بتسوق أحسن مني علشان نلحقه بسرعه والمسدس 🔫 اديه أنا شقتله أنا ..


صالح : مسكه بكتفه ... أيوووه هكذا أنت إبني والرجال حقي .

طارق : شل المسدس 🔫 من يونس .. يله دقيقه بس ادي لنا عصير من البقاله وانتوا حسكم معه لايخرج ..

توفيق : أنا شدخل الاستراحه أول مايخرج شاتصلكم .


طارق : سار للبقاله يدي عصير 🍹 خرج تلفونه📱 بيتصل بالرقم الي شله من صاحب الإستراحه لعبدالصمد ..

عبدالصمد : ألوووو .. من معي .


طارق : هاه عبدالصمد اسمعني بسرعه مابش وقت أنا طارق ابن عمك إحنا نازل عند الإستراحه أبي ويونس يشتوا يقتلوك أنت ونوال لاتنزلش اهرب وبعدا كما تخبيت ارجع اتصلي يله انا شاسير اشغلهم وانت ابسر لك اي طريقه وأهرب .


عبدالصمد: 😳 انصدم من كلام طارق وليش طارق خايف عليه ومايشتيش يقتله حاول يساعده .. حمل جمع حاجاته الظروريه في كيس وربطهن بشال في خصره وتلثم😷 ونبع من طاقه الحمام وخرج ...



عمر الدم مايكون ماء وطارق رغم الغلط الي سواه ابن عمه الإ أنه ماهانش عليه يقتلوه ..


🌹meme_abdalgaleel

....
@qesasanani

بارت 22

في بيت عادل

عادل : 😳 مصدوم من كلام تهاني .. لا لا مش معقول انها تكون هيه يمكن تحيلت للجهال ومعاذ افتجع عليهم وتصايح معاها وبعدا لوهي المره الي إبسرتها انا والحج عبدالله خارج هذك كانت معاها مره كبيره فالسن يعني معتقدش ان امها داريه ان بنتها معاها عيال رجمتهم وعتسكت ..

تهاني : تنهدت بخووف 😥 يارب يطلع تفكيري غلط .. انت سير ابسر معاذ ماهو الموظوع وانا اسير أقرب الغداء🍛🍲 حرام قد هبه جاوعه .

...... ...... .....

في بيت حميد ..

العم حميد : ونوال اينهي مالش ماتدعيها غداء 🍝 ..

تقيه : قد دعيتها بس شكلها مريضه راقده بينقيمها وقد حماتها ساع النار 🤒 قد فعلت لها كمادات ..

العم حميد : هيا كان اقطبي نفعل لنا لجع غداء ونقوم نخطيها المستشفى 🏨 حرام تجلس هكذا .


تقيه : قد تراشيتها من أول مارضيتش قالت هي عتفتهن .


العم حميد : مشو ع قولها ولا ع ماتشتي مانخليها تاعبه🤒 ومحميه ونجلس نتفرج عليها ..
....... ..... .....

قدام الإستراحه ...

طارق : فتح باب السياره 🚘 هاه ابه هذا العصير بردوا 🍹..


يونس : بعصبيه 😡 مش وقت العصير هذه الساع تعبنا مراعاه من الصبح ادي المسدس 🔫 انا ماعد قدرتش اصبر شدخل اقتله لاداخل مازد خرجش ..

توفيق : طنن شويه 🤔 مشو صاحب الإستراحه قله اني كنت بينسأل عليه وهو قلبه حس جلس طالع مازد نزلش ..
صالح : اقلكم هذه الفرصه جت لنا لابين ايدينا ماعنضيعهاش .. مد يده لاعند طارق ادي المسدس 🔫
وانتوا الحقوا بعدي محد عيغسل شرفه الإ أنا ..

طارق : لحقهم وهو خايف لايقلهم صاحب الإستراحه 😥 انه شل رقمه ويكشفوا انه رسل له لحقهم بسرعه ..


صالح : دخل الإستراحه🏤 وبيصيح 😡 بصوت عالي والمسدس في يده 🔫 اينهي الغرفه الي فيها عبدالصمد عتتحاكى ولا أفرغ المسدس هذا في راسك.

صاحب الإستراحه : بخووف 😥 مادخلني انا وبعدا لابينكم وبينه شي خرجوه من عندي وسيروا حلوا مشاكلكم بعيد عني .

يونس : مسكه بيهزره من الشميز حقه 👕 عتتحاكى اينهو ولا اطير لك راسك .

صاحب الإستراحه : قد وجهه ملان عرق 😓 من الخوف .. طالع طالع غرفته اول باب ع الشمال جنب الحمام ...

طارق : حمل الأول طلع 🏃🏻 يشتي يبسره يقله يهرب والباقي بيلحقوه .

الرجال : الي فالاستراحه بيحملوا بعدهم والي بيصيح والي بيتصل للشرطه🚓 الدنيا مقلوبه ..

طارق : وصل والباب 🚪 حق الغرفه مفتوح وملابس عبدالصمد مندشه وهو مابحد فرح 😃 انه قدر يهرب ... لفت بسرعه لاعند ابوه بيقلد انه ضابح 😤 مابحدهو هانا هذا اكيد هرب يله ننزل ندوره نازل قبل مايبعد ..

يونس : مسك صاحب الإستراحه وبيضربه 👊🏻👊🏻 هذا اكيد قد قلتله ان به ناس بيسألوا عليه ..

واحد من الرجال : بيفرع بينهم ياخي بس ماهو هذا الجنان حقكم ..

طارق : هزر يونس ..😡 هيا من الخباله حقك مش وقت الجنان عيهرب خلينا نلحقه ...

طلعوا فوق السياره 🚘 وتوفيق بيسوق ...
...... .... .....

في بيت الحج عبدالله ..

فاطمه : بعد ماسمعت كلام رزق طنتت 🤔 شويه وإبسرت الحج عبدالله يا الله لاهي الي بالي بالك حرام لاتخرج روحي ..

الحج عبدالله : بهرر فوقها تسكت 😳 وابسر رزق .. رزق حبيبي انزل اتغدا مع اخوتك وقل لأحلام تطلع لي غداء انا وامك هاناك ..

رزق : طيب حاضر ..

فاطمه : مسكت التلفون ☎ اتصل لتهاني محد عيقلنا ماحصل الإ معاذ .

الحج عبدالله : اتصلي ما نا ماعدبش فيني صبر شنزل لاعند عادل وادعي معاذ اجابره او جت لي بعد هذه السنين تشتي عيالها والله ماتشل واحد لو ع جثتي ..

فاطمه : محد بيجاوب شكلهم بيتغدوا راعي اتغدى وبعدا نسير جمعه قد قلبي بيحرق ❤ ..
...... ..... .....

في ذمار

خيريه : بتتصل 📱 هيا مه ياصالح مالك لاحس ولا خبر لاذلحين هيا مه بشرني قتلتوهم ..

صالح : بيصيح 😡ماقتلناش احد هذا ابن الكلب هرب واحنا بندوره بس مدام درينا اينهو والله مايفلت مننا لاهو ولا نوال ..

خيريه : أيووه ياحج ضروري تقتلهم🔫 بنتك بدعت بنا وخلت سمعتنا ع كل لسان وقفت نصيب اخوتها وخواتها كل من جاء يخطب بناتك يدرى بقصتها يرحله بيفتجعوا لاهن ساعها .

صالح : بيصيح 😡 ناهي من الجنان حقش واحنا ماجينا نفعل .. وغلق التلفون في وشها 📱 .

..... ..... ....

عبدالصمد : 🏃🏻 بيحمل من شارع لاشارع ويتلفت وراه لو احد فيهم لحقه وهو بيحمل لقي ناس بيخطوا في جنازه ميت دخل بينهم كانهوا من الي عيسيروا يقبروا ..
.... ..... .....

عم حميد : يله يابنتي قومي البسي الله يرضى عليش ابسري ع قد حمى فيش 🤒 ماعيقع بنا نخطيش بساعتنا للمستشفى يدولش علاج تفتهني ..


نوال : وجعها قهر ع عيالها وع كلام معاذ الي جرحها 💔.. انا شفتهن اطمنوا ..
العم حميد : كلمه وعشر سوى لبسيها ياتقيه وانا مراعي لكن خارج.
...... ..... .....

يونس : بيسوق مثل المجنون ويتلفت يمين وشمال 😵 وهو مسرع لمح واحد من بعيد كأنه عبدالصمد داخل شارع فرعي يشتي يلف السكان ومن السرعه اتصادم مع سياره ?
? تاكسي خارجيه من الشارع الفرعي

بارت 23


في بيت عادل ..

الباب 🚪 بيدقدق ..

عادل : قام يفتح .. حيا الله بالحج عبدالله ..

فاطمه : تهاني داخل .

عادل : ايوه فالمطبخ ..

فاطمه : اوذا شدخل ياحج ابسرها وانت جابر عادل ..


عادل : هيا جي ندخل شكل الموظوع الي عندنا هو نفس الي عندكم

الحج عبدالله : هيا مه ماقال معاذ ليش تصايحوا انا الصدق جاء في حسي امهم ..

عادل : والله ماقلك الإ كل خير معاذ مغلق ع نفسه مارضيش يفتح الباب 🚪 من حين جاء جي دق له انت لاهو عيسمعك نفهم مابه .

تهاني: بتبكي 😭 والله ان قدنا مفتجعه لاهي هي ولا مامعاها بتبوسهم وتبكي وتقل سامحوني ياعيالي ..

فاطمه : أيوه قد قلت ساعش قد سالت يزن قال ولا عبرته مابلا رزق وهبه ومعاذ قلها ماتشتي او عتشليهم ..

تهاني: يوووه لاعد يزن والجهال
يقلوا ليش تشلهم ويسالوا حسبها الله مازد جاء بها عادهي ذكرت عيالها بعد هذا العمر كله ..


باب البيت 🚪 بيدق مره ثانيه ..

هبه : فتحت يابابا هذا منير يشتي معاذ .

عادل : هيا جي يا ولدي اداك الله جي دق لصاحبك الباب نبسر ماله نشتيه ندرى مابه وهو مغلق ع روحه ..

الحج عبدالله : دكم عادل .. مالك .. مابلا يا ابني هو تصايح هو وابوه وحانق بغير اكل وهو غاثي عليه يشتيه يأكل ..

معاذ : طيب تمام انا شدعيه ونخرج ناكل خارج وشاخليه يجي يتأسف لكم ياعم عادل لاتقلقوش معاذ هو طايع ..


معاذ : سمع صوت منير بيدق له .. ع طول قام فتح له كان محتاج يفضفض لحد ومحد عارف بسره هو ونوال الإ منير..


الحج عبدالله : مالك يا ولدي افرض طلعت هي المره ماتشتي منير يدخل يشل الخبر من معاذ واحنا خلاص قد غلقنا الموظوع هذا وهم داريين ان العيال عيالنا ..

عادل : سامحني ياعم عبدالله قدهو مع البرقطه ماعاد دريت مابينفعل اشتي ادرى ...


...... ..... .....


عبد الصمد : خطي مع الجنازه 🚶🏼لما قدهو بعيد من هذك المنطقه وقف تاكسي وسار للفرزه ونزل الحديده.


........ ..... .....


نرجع للحادث 🚙🚕



يونس : راسه ملان دم وبينزف من فمه ..

توفيق : يده ورجله لأنه كان قدام جنب يونس ..

طارق وصالح : دكمات خفيفه كانوا جالسين وراء ..


الناس تجمعوا وحوشوا اسعفوهم للمستشفى 🏨 ..


...... ..... .....

منير ومعاذ خرجوا الشارع ..


منير : ذلحين مالك تصايحت انت وعمي عادل سعم انت عاقل وطايع وبتصيح فوقنا ..

معاذ : ضابح من روحه 😤
ماتصايحتش مع أحد لو تدرى من لقيت اليوم وماحصل وبيحكي له ...


منير : 😱 معقوووله بعد كل هذه السنين ترجع بس بيني وبينك تستاهل كل الي قلته لها ..


معاذ : بس حرام الله اعلم ايش كانت ظروفها ولا ليش فلتتهم وبعدا كان معاها مره كبيره كانها امها ..

منير : أين امها من الخباله لحد يضحك عليك ماعدنتش جاهل مابش ام ترضى ان بنتها تكون غلط وتخلف وترجم عيالها هذه اكيد واحده من الي معاهن كلهن سوى ..

معاذ : ذلحين مارايك ما اقل لأبي اصلا قد شكلهم دريوا بشي هبه قالت لهم ..

منير : قلهم الصدق واحكي لهم علشان لو رجعت مره ثانيه يتصرف معاها الكبار ...

..... .... ....


في المستشفى 🏨 ..


الدكتور : ان شاء الله مافيها الا العافيه .. هذا العلاج تستخدمه مرتين فاليوم بس ظروري ترتاح شكلها تعرضت لصدمه عصبيه ..


العم حميد : ابسر تقيه ... وبهرر عيونه 😳 او زعلتيها بشي ولا شي مابش مايصدمها الا انتي البنت 24 ساعه فالبيت عندش ..

تقيه : والله مافعلت شي ايذكه عندك اسألها مابلا هذا شكله دكتور أخبل هيا قوم نخطى لنا البنت تاعبه نروح ترتاح ..


ع خرجتهم من المستشفى 🏨 ..

حميد : وقف تاكسي 🚕 ..

تقيه : طلعت نوال وطلعت ..

حميد : بيقتح باب السياره حق قدام يطلع يبسر قدامه سياره 🚙 نزل منها صالح. طارق ويونس وتوفيق مصابين 🤕 ... افتجع ع نوال لو يبسروها 😱 ..


طارق : ابسره بيداعيه .. عم حميد وبيخطى لاعنده ..

عم حميد : بسرعه قال للتاكسي🚕 روحهن روحهن بسرعه يا اخي اخطى ..

تقيه : 😱يووه مالك وانت. .

حميد : صالح ابونوال هانا يله اخطين بسرعه ...

صاحب التاكسي 🚕: خطي ..


عم حميد : خطى لاعنده خير يابني سلامات مالكم ماحصل مالهم .


طارق : فعلنا حادث بالسياره 🚘 ..

عم حميد : هيا اخطى نبسر ماعيقل الدكتور واسلم ع ابوك .

طارق : الحمدلله اوذا بيجارحوا لهم الاصابات خفيفه ..


عم حميد : بيجابر نفسه ... الله يستر كان بينهم وبينش يانوال متر واحد وبدل ماكنت شديش تتعالجي كنت شديش لأجلش 😔 ..


@qesasanani
..... .... ....

بارت 24



في بيت الحج عبدالله ..

سميره : حملت تتصل لاعند أماني 📱 ... الووو .. انتي داريه اليوم بعد ماروحتي يعلم الله ماقد معاهم عمي وعمتي من حين وصل رزق من المدرسه وهم طالع عنده واتغدوا وحدهم وخرجوا لابيت عادل ع طول ..

أماني: يووه مسرع والهرط فيش عاد الناس يقلوا سلام وكيف انتي دخلتي مهريه .

سميره : مابلا قلبي بيفور اصلا محد رضي يقلي بس شكلها احلام داريه بشي وبتخبي لأنه سمعتها بتقل لزيد ورزق لاتحاكوش أحد ماوقع بعدا عيحبسوا معاذ سيرت اسأل آيه ومشي داريه بشي قالت هي ما ابسرت الا 2 نسوان شكلهن سارقات ..

أماني : يوووه للمه يحبسوه ماقد به عاد تهاني جت اول اصتبحت عندنا ماقدبه امد ماروحت ..

سميره : شاسير ابسر واحاول افهم وانبيش ..


..... .... ....

في غرفه العيال

أحمد : بيهوي الغرفه وفتح الطاقه 🖼 يا أخي بس شقاره حرام عليك ماعتكبر الإ وقد قرحت الرئتين حقك..

محمد : رد عليه بإستهزاء 🤑 كان ماتشتي أجلس جاهل ساعك يا أخبل ..

أحمد : أنا الصدق شاقل لأبي كم جهدي اغطي عليك شقاره ومعاكسه بنات الناس وحتى اليوم ماداومتش يعلم الله اين قد سرت .

محمد : جرب تقله أتحداك والله لافعله فيلم هندي واخرط واقله عليك كلام واخليه يضربك ..

أحمد : طز فيك أنت اجلس هكذا ضايع وضيع مستقبلك .. انت شاسير اشتري دفاتر 📒 للمدرسه تشتي اشتري لك معي ..

محمد : ضحك عليه هههه😂 الكتب والدفاتر للجهال الي ساعك اشتري لي معك قفص كمران أبيض .



...... ..... .....

فوق التاكسي 🚕.

نوال : مطروحه مشي حاسه بالدنيا ولا هي مركزه ان عم حميد مشو معاهم ..

تقيه : ايوه عندك هنيه يا أبي كثر خيرك هاه هذا حسابك 💴 وفتحت الباب ونزلت نوال البيت ..


..... ..... .....

عبدالصمد : فوق البيجو🚖 في طريقه للحديده السياره زحمه والي جنبه راقد وهو مطنن مخرج راسه من الطاقه .. بيفكر ليش طارق حاول يساعده وليش مايقتله بعد الي حصل مع نوال وبيفكر ايش حالها نوال معقوله قد لقيوها وقتلوها ولا فين اراضيها ومابتسوي ..


....... ...... .....

في بيت عادل


الحج عبدالله : مخزن مع عادل .. ذلحين كلام رزق وهبه ويزن سوى ومن كلامهم واضح انهي امهم او ماقلت ..

عادل : وأنا ساعك ياحج بس مافهمتش ليش هبه قالت ان معاذ قلها كنت اراعي لش يوميه ليش رجعتي تشليهم ..

الحج عبدالله : هو هنيه مربط الفرس الي نشتي نفهمه .. وقلقي ذلحين ع الجهال لايسير يفهموا شي ولا تعرف عيال الحاره احد يسمعهم اي كلمه ويوجعهم وهذا الموقف عيجلس في حسهم لما يشيبوا ..


عادل : مايقع الإخير ان شاء الله .. هم جهال شويه ونسيوا ..

..... .... ...

في الغرفه الثانيه .

فاطمه : بتبكي 😭 ياهمتاه لقلبي لاقدهي امهم صدق ..

تهاني: زاعله .. وانا مثلكم بينهم ماهو ترجمهم لحمه حمراء واليوم تذكر ان معاها عيال والله لاتخرج روحي من جسدي لو احد يشلهم .

فاطمه : انتي داريه هي ماتعرف الا هانا لو ننقل بقعه ثانيه محد عيدرى ان مشهم عيالنا وهي ماعد عتلقاناش ماقلتي ..

تهاني : طننت شويه 🤔 ماهي فكره حاليه لكن الحاره واللمه حقنا ومدرسه الجهال وعمل عادل وعمي عبدالله كيف .. وبعدا قلوا ان شاء الله يطلع كله تخمين ومعاذ يقلنا ماهي القصه سوى ..


...... ..... .....

في المستشفى 🏨.

يونس : كملوا يخيطوا راسه 🤕 .

صالح : هيا افتهنت لاعاد لحقناه ولا سلمتنا السياره 🚘 قدهي منعوثه ..

الحج حميد : ابوه الحديد اهم شي سلامتكم وبعدا ماقلتليش من بتلحق .

صالح : يشتي يتهرب منه الموظوع طويل انا شرجع اشرحه لك ..

طارق : دخل من الباب 🚪 قد دفعت الي عاد باقي معي في جيبي بعد ماحاسبت المستشفى لصاحب السياره الي صدمناه وتنازل ..

توفيق : ابسره 😳وانا اشتي حسابي ولا اراقبه لكم وازد استوجع بلاش.


طارق : الله المستعان مالك الا حقك قد اتصلت لهم للبلاد يحولوا لنا زلط قيمه سبار السياره والفندق حق الليله وكما غطوه رجعنا ذمار وابسرنا كيف عنفعل ..

صالح : ابسر طارق .. فندق مه يا ابني مايسبرش وبيت عمك حميد هانا ماعيرضاش يفلتنا او ماقلت ياحميد ..

عم حميد : 🤔 طنن شويه ... نوال فالبيت ولو يدروا انها عنده ايش عيحصل ..

صالح : ييييه مالك مطنن .. او ماقلت ماعتفلتناش الليله صح ..

طارق : بيبهرر لأبوه 😳 مالكم يا ابه عنسير فندق خلوا عمي حميد براحته ..

عم حميد : أحرج منهم 😰 هآه مع الا يا ابني فندق مه مايسبرش البيت بيتكم هيا شسبقكم اوقف لنا تاكسي نخطى البيت ..



تقولوا صالح اليوم عيلقى نوال أخيرا في بيت حميد وبعد كل هذه السنين اخيرا عيقتلها وينظف سمعه وشرف العايله الي ع قوله خيريه بنتك وسخته ..


🌹meme_abdalgaleel

@qesasanani

بارت 25


حوالي الساعه 5 عصر


معاذ : دخل البيت 🏡 ع طول دخل الديوان ..


عادل : هاه ابني كيف قدك ذلحين اتغديت مع منير .

معاذ : أيوه قد خرجنا اتغدينا وتجابرنا شويه ..

الحج عبدالله : ذلحين ياولدي عتقلي مالك ومنهي المره الي قالوا الجهال عليها انا وأبوك ابسرنا 2 نسوان بيبكين 😭 خارج هن هن..


معاذ : أنا شحكي لكم القصه من أولها حتى لو عتصيحوا فوقي .. وبيحكي لهم ... ....

...... ...... .....


في بيت حميد ...


العم حميد : بيفتح الباب 🚪 الله الله ياساتر يييه طريق ..

طارق : محرج منه ☺ والله ماكان به له داعي ياعم قد كنا عنسير فندق وبس.

صالح : هيا ناهي لك فندق مه وبيت اخي هانا وسط صنعاء احنا كنا اعظم من اخوه ..

عم حميد: فتح لهم باب🚪 الديوان .. هيا اتفضلوا هانا دخلهم .. ودخل لعند تقيه ...


تقيه : 😯 ملامح القلق باينه ع وشها . هيا ماهو مازد حصل من لقيت ومن الرجال الي جو معك .


العم حميد : اول اسمعيني كيف قدهي نوال ..

تقيه : مسكينه والله انهي تاعبه قووي 🤒 مطروحه من حن وصلنا من المستشفى ..


عم حميد : خلاص إسمعيني لاتدريها بشي لقيت صالح وعياله فالمستشفى فعلوا حادث وروحوا معي البيت ..

تقيه : 😱 يوووه والفعله .. كيف تروحهم معك البنت استنجدت بنا واحنا ندي لها اهلها لاوسط البيت ..

عم حميد : مفعل والله انه غصب عني ذلحين انتي حسش معاها اوبهي تسير تدخل كذا ولا احد يسمع لكن حس هي ليله وعان الله عيسافروا الصبح ..

تقيه : ماناش في البنت محد عيسمع حسها مسكينه مطروحه أنا فيهم شوعه حن قد دريوا أين البيت حقنا ..


عم حميد : خيره الله ذلحين نخليهم يسافروا وبعدا عنبسر كيف ..


...... ..... .....

في بيت عادل ...


الحج عبدالله : ولا تفتجع ولا مابلا بيض الله وشك يابني والله ان تصرفك تصرف رجال ستر ع مره ..


عادل : متفأجي من تصرف معاذ 😳 والله انك كبرت في نظري ياولدي قوى مع انك كنت جاهل بس تصرفك يدل انك رجال وقد المسؤليه من صغرك وواحد يأمن عليك ع سره ويركن ..


معاذ : مشو أنا بس منير داري بالموظوع وكنا نراعي لها انا وهو ..


عادل : طيب ذلحين انت مافهمت من كلامها جت تشتي تشلهم ولا كيف ..

معاذ : قالت ماشي بس تتطمن عليهم ..

هبه : دخلت بتتنبع 😄 بابا ادولي حق جعاله أخلي معاذ يشلني أجعل ..

معاذ : إبسرها وتنهد 😔 هيا جي ياروحي نخرج أجعلش .

هبه : ورزق نجعله معانا صح .

معاذ : ضحك ههه 😂 أكيد عنجعله معانا داري مابتهنيش تاكلي شي الا وتبعدي قسم رزق ..

هبه : ويزن نشتري له والكل هو اخي ..

الحج عبدالله : دعاها وباسها 😘 وخرج لها ألف .. هاه حبيبي سيري اجعلي انتي واخوتش ..



...... .... .....

أماني : هيا اوذا شخطى ابسرهن وانتي الحقي ..

سميره : مع شاسير بيتنا انتي ابسري ماهو الخبر واتصلي لي ..

أماني : يله تمام كان خاطرش اسير وقلي لأحلام لاهي عتجي ..



.... ... ...

في المحلات حق الحج

عبدالكريم : مابلا بهذا السعر عجبك تحمل البضاعه عجبك ماشي كنيا غيرك يشتوها ..

الرجال : بس قد اتفقت أنا والحج عبدالله ع هذك السعر ..

عبدالكريم : خلاص خلي عمك عبدالله يبيع لك .

الرجال : والله ماغير لأني مالقيتش هذه البضاعه الإ عندكم خلاص أمري الي الله هذه الزلط 💴الزياده وخلي العمال يحملوا البضاعه ..

عبدالكريم : شل الزلط 💴 ودخلها جيبه ..


..... .... ...

عند النسوان

أحلام : 😱 يووه حرق دمها وعادهي ذكرت تجي لهم والله لاتخرج روحي ..

تهاني : من تشل حرم عليها لاهي عتبسر صورتهم قلك تشلهم ..

أماني : بتستخف بهن 😏 وتقلب عيونها .. هيا ناهي لكن قلك عتخرج روحهن ولا شلتهم تشلهم جهالها وهي حره بدل ماتحمدين الله يخف الحمل من فوق ظهوركن ..

فاطمه : إبسرتها وقلبت فوقها 😡 تخايلي ان معش قلب لكن قد قلبش أسود ساع سميره لكن كلمه افعليها في اذنش لاتخايلش انه عيرحله رزق ابني رضيتي ولا أبيتي ..



@qesasanani

بارت 26


عدت الليله ع خير مع انه كانت ليله كلها مطر ورعود ⛈⛈ وصعبه ع الكل .

فاطمه : بدون نوم طول الليل تاعبه من القهر😞 وخايفه ع رزق وهبه ..

الحج عبدالله : بيمرضها وسامر جنبها وبيفكر🤔 لو ترجع نوال كيف عيتصرفوا ..

تقيه : جنب نوال بتفعل لها كمادات الحمى مانزلتش 🤒 .

عم حميد : يده ع قلبه ❤ لو يدروا ان نوال داخل ..


معاذ : شل هبه رقدها جنبه خايف يخسر أخته بعد رجعه نوال ..

تهاني : طول الليل بتدخل تتفقد معاذ وهبه وتغطيهم .


... ..... ....

🌤 أشرقت الشمس ويا محلا شروق الشمس بعد المطر 🌧 ..

في بيت عادل ..

عادل والعيال بيتجهزوا للمدرسه .

معاذ : اليوم أنا شاسير مدرستي ياهبه وشرجع اجي اروحكم ..

هبه : 😔 لكن كيفه بينفتجع وحدي..

تهاني : ليش ياروحي تفتجعي اخوتش معش ابسري محلا رزق ويزن مابيفتجعوش ..

عادل : خلاص اليوم خلي معاذ يسير يقراء وانا في الراحه شاجي لاعندكم ..

تهاني : مع خلاص انت اجلس بس في عملك شرجع اسير لهم فالراحه انا واحلام نشل ارقام المدرسات حقهم ..

هبه : هيه هيه 😄واعرف صاحباتي ع ماما ..
..... ..... ...
في بيت حميد ..

صالح : الحمدلله والشكر تسلم امانه ان الصبوح يرد الروح 🍲 تسلم يدها اختي تقيه ماذلحين ماعاد اجي الاعندك لا طلعت صنعاء ..

يونس : أيوه أكيد طلعتنا ذلحين عتقع خيرات ندوره سوى والله مايبرد قلبي ❤ الا لما اقتلهم .

طارق : ماعجبته مجابرتهم .. يله شرق عنتأخر نشتي نخطى ..

عم حميد : والله انه كان نفسي تجلسوا عندي بس اوذا تشتوا تسافروا ذلحين مره ثانيه ان شاء الله ..

صالح : ماعنطولش لاتقلق .. يومين ثلاث واحنا عندك نجي ندورهم نقتلهم .
عم حميد : والله يا أخي بعد ماحكيت لي امس ان القتل مامنه فايده الا عيقتلوا ابنك لاقتلهم وبعدا اكيد بنتك مافعلت هكذا الا لسبب كان لازم تحتويها وتعرف مافي نفسها ..

يونس : ماعجبه الكلام ضبح 😤 يله شرق علينا نخطى فلت وخرج.

صالح : سلم ع حميد وخرج ..

طارق : تأخر يسلم ع عم حميد ويشكره ويقله يقنع ابوه يتراجع عن فكره القتل .. وحط له رقمه لو يحتاج شي ..

بعد ماخرجوا ...

تقيه : يووه 😱 لك الحمد ياربي .

عم حميد : امانه مارقدت يدي ع قلبي ❤ .

تقيه : ومن سمعك وزد قلقه ع هذه المسكينه ..

عم حميد : بخوف عليها 😰 ما افتهنتش هذا شكلها بردت قوي وزد هذه الايام مطر وريح ..

تقيه : في داخل نفسها .. كله بسببي انا قلتلها نسير نبسرهم حسبي الله قهرتها 😔.

نوال : فتحت عيونها بتحس جسمها كله موجوع🤕🤒 وفمها كلها حبوب تذكرت عيالها نزلت دموعها وجالسه تدعي ع من كان السبب

.... .... .....
في بيت الحج عبدالله ..


عبدالكريم : قلتلش ماشاقومش مشو عليا اوذك حسين يسير هو والكل ولا هو يسير وظيفته والتعب والشقى لي والزلط لنا جمعه ..


سميره :بتأشر بيدها اووص 🤐 ناهي وطي صوتك عمي عيسمعوك وبعدا تتصايح معاهم ..

عبدالكريم : بيعلي صووته ... من سمع يسمع أنا ماعدناش نازل محلات ولا شجلس اتعب روحي الإ لاكتب لي أبي محل بإسمي ..


أحلام : بتبدل للجهال وبتسمع صوت صياح 😱 الله يستر لاعاد يتصايحوا الحمدلله ان قد حسين خطي عمله مش يدخلوه فالمشكله ..

فاطمه : بتهدي زوجها وتمسكه قوى ياحج ابرد منه خليه يصيح لما يقل بس أنت تعرفه هو مامعه الإ الصياح ولا مابش أطيب من قلبه ❤ ..

الحج عبدالله : بعد يدها 👋🏻 قوى ابعدي يدش خليني اسير اوريه قله الأدب شكلي ماربيتش سوى وعادهو جاهل شاربيه ذلحين ...

في غرفتهم ..

محمد : بيتقلب فوق السرير .. اوووف😤 صياح من الصبح عيخلونا نرقد مسك الوساده وغطي ع وشه .


أحمد : عادهو عيغطي وشه قوم يا أخي مدرسه انت ثالث اعدادي حرام عليك تمكنها رقده 😴 مشنا داري ليش بتدور الفشل وانت انسان ضايع هكذا ..


محمد : بعد البطانيه من فوقه 😡 ونبع مسك شميز أحمد وبيضربه ... منهو الفاشل والضايع يا ضايع 👊🏻👊🏻 ...

بداءت أصوات محمد وأحمد تعلى من غرفتهم ..

الحج عبدالله: دهف باب🚪 غرفه عبدالكريم كانت مفتوحه ...😡 أنت تشتي من يربيك من جديد ياقليل التربيه ماذلحين قدك تشتي تورثني بالحياه وتشتي اكتب لك محل..

عبدالكريم : رفع صوته .. وبيصيح 😡 أيوووه تكتب لي كان ماتشتي اتعب واشقى ويرجع تعبي يسير لحسين الي مشو داري اين الدنيا وللثاني إبن الحرام الي اديته لنا ..


الحج عبدالله : ماتماسك نفسه 👋🏻 رفع يده ولطمه 😡والله ما ابن حرام الإ أنت يله خرجه من بيتي لاعادك ابني ولا أعرفك .

فاطمه : بتبكي😭 وتصيح .. قوى ياحج مش هكذا لاتقهرونيش الاثنين ودوخت 😔..


آيه : سمعت صياح أحمد ومحمد حملت تدعي أمها ..

عبدالكريم : ماهمه امه المدوخه بيصيح فوق مرته تلفلف ملابسهم يخرجوا 👔👖👕👗👚 ..


الحج عبدالله : بيداعي أحلام تجي تبسر فاطمه ..

رزق: دخل ابسرها مدوخه عند الباب 🚪افتجع وارتجم فوقها بيبكي ويقيمها 😭 ...

سميره : حملت تبسر عيالها وقد وجه أحمد كله دم مضروب ..


في ظل هذه الأصوات العاليه والصياح والضج

ه باب البيت دقدق 🚪 ...



@qesasanani

بارت 27



يزن : سار يفتح الباب ..

معاذ : ماهو هذا الصياح ... هيا شرق المدرسه أبي مراعي فوق السياره 🚙.

يزن : بيبكي 😭 هاه معاذ راعي جدتي مدوخه وكلهم داخل بيتصايحوا وجدي لطم عمي عبدالكريم وطرده من البيت .


معاذ : حمل للسياره يقل لأبوه 🏃🏻.


فاطمه : فاقت وبتتراشى عبدالكريم لايخرج من البيت 🏡 .


الحج عبدالله : إطمن عليها انها قامت خرج من البيت لقي عادل عند الباب فوق السياره 🚙 طلع جنبه .. خلي الجهال يخطوا رجل واتصل لتهاني تخطى تبسر فاطمه تاعبه واخطى معي لأي بقعه ضابح شقرح 😤 ..

عادل : يامعاذ امسك اختك وادعي امك تبسر خالتك فاطمه وشل العيال المدرسه وانا شلحق ..

معاذ : نزل هبه من السياره 🚙 وسار يدعي أمه ..


سميره : فرعت بين العيال وسكتتهم ورجعت تلفلف لداتهم 👖👕👗..

احمد : غسل وشه من الدم وبدل وخرج الحوش مراعي للباقي يخرجوا ..

محمد : مش مهتم بكل الي حصل حوله شل بطانيه ورجع يرقد 😴 ..


أحلام : دخلت فاطمه الغرفه ترتاح . وسارت تكمل تلبس الجهال ..


تهاني : وصلت ودخلت عند فاطمه تتطمن عليها وتفهم الموظوع .


.... ... ....


فوق السياره ..🚘..

يونس : ذلحين ماعنفعل عنرجع هكذا بدون مانقتلهم ..

طارق : بيسووق السياره .. يا أخي ذلحين أوبه لنفسك أفتهن أول عذا راسك مربط 🤕 وبعدا عنبسر كيف .


صالح : بيدق صدره ... آح آح ياقهر قلبي 💔 قد كان بين أيدينا وفلت علينا لكن إسهل نرحلنا نفتهن وعنجي ندورهم شاجي أجلس لي عند حميد وادوره بنفسي ماعاد شركنش ع أحد .


...... ..... .....

في الحديده ..

عبدالصمد : راقد فوق الكورنيش عند البحر 🌊 قيمه ضوء الشمس 🌝 .. فتح عيونه بيتفرج السماء .. بيهم ماعيفعل الزلط الي عاد كانت معه كملت إبسر صاحب عربيه الايسكريم بيخطى 🍦 قام لاعنده .. يا أخي مابش قدامك عمل لو أحد يشتي أشتغل عنده حتى لو فراش ..

صاحب الإيسكريم : والله ان حظك حالي يا أخي الموزع حق الإيسكريم عادهو أمس قلي أبسر لوقدامي أحد يوزع ..

عبدالصمد : فرح 😄 الحمدلله .. الله يستر عليك يا أخي هيا نخطى لاعنده استلم العمل ..

صاحب الايسكريم : هيا إطلع معي . بس ايش الي رجمك يا أخي لاهانا شكلك ابن ناس ومش من عندنا ..

عبدالصمد : تنهد بحسره 😔 آح بس القدر يا أخي الله يغفر لنا ويسامحنا ..


..... ..... .....

فوق السياره 🚘 ..

عادل : الله يهديه ياحج .. بس قد سبر لاعاد تطرده من البيت أين عيسير ..

الحج عبدالله : بحرقه وقهر 😔 يسير أين ماسار قدهو يشتي يورثني ويقل هكذا ع رزق ابن حرام هذا وأنا عايش غطوه لو أموت ماعيفعل به .



عادل : الله يحفظك ويطول في عمرك . .. هي كانت ساعه غضب وشيطان ولا ماسخاه عليك وعلى أخوه .. ذلحين اسهل خليه يجلس فالبيت ومالك الإ اخليه يتأسف لك ويحب رآسك ..


الحج عبدالله : لا يتأسف لي ولا أشتي أبسر صورته قليل الأدب هذا 😡 ..

.... ..... .....

في الطريق ..


معاذ : خلاص وأنت ابرد لك منه مستقبلك ولا مستقبله أنت قد نصحته وحاولت معه وهو أخبر .

أحمد : مابينسخاش عليه مهما كان هو أخي والله اني بينقتهر عليه هكذا عيضيع نفسه ..


هبه : بتهزور معاذ من يده 👋🏻 معاذ بزني قدنا تاعبه اوووف 😤 ماهو هذا ليش مايخطونا بابا بالسياره ..


آيه : بتضحك عليها وتستهزاء 😖 أيوه تعبتي يادلوعه هيا اخطي كل سنه بنخطى وحدنا يووف والدلع الي فيش ..


معاذ : مسكها 😃.. يله هيا جي أبزش ..

أحمد : أنا شابز الدلوعه حقنا أنا 😃 وانت حرام شل شويه رزق وشويه يزن عيتعبوا ...


آيه : اقتهرت منهم انهم حضنوا العيال مسكت شنطتها 🎒 وبتخطى بغرق قبلهم 😡 .



... ..... .....

في بيت الحج عبدالله


سميره : أنت بعقلك تشتي نخرج ونفلت لهم كلشي أين عنسير ووين عتشتغل. .

عبدالكريم : كان ماتشتي أجلس بعد مالطمني 👋🏻 وطردني من البيت وبعدا معي صغيره زلط 💵 شفتح لي بها محل واشتغل ..


سميره : أيووه علاسب يقلوا منين لك ويقلوا انك سرقتهم وبعدا عنفلت لهم الدنيا وعمي والله لايكتب كلشي لحسين ورزق اهداء وأجلس نتفاهم ونحسبها سوى ومن رائي تسير تتأسف لعمي ..

عبد الكريم : جلس فوق السرير 🤔 بيفكر في كلامها


@qesasanani

بارت 28


في الحديده ...

صاحب العمل : المرتب 10 💵ألف ولك نسبه 20% من كل 50 كرتون تبيعه ..

عبدالصمد : موافق بكما قلت أهم شي عندي بس أشتي بقعه أرقد فيها ومشتيش النسبه ..

صاحب العمل : ماهذه سهله عنخليك ترقد في المحل بس أهم شي عندي الأمانه ...


عبدالصمد : الله المستعان جربني والله ماتندم ..

عامر ( صاحب عربيه الإيسكريم ) : هيا الحمدلله يا أخي ربي رزقك بوظيفه ..

عبدالصمد : كثر الله خيرك يا أخي والله مانا داري كيف أشكرك .

عامر : مابش شكر بين الأخوه ذلحين وقت غداء نخطى نأكل لنا لقمه امانه ان الحجه الي يحفظها لوتطعم أكلها ماعد تشبع له من طعم ..

عبدالصمد : مع يا أخي إسلم كثر الله خيرك قد لقيت لي عمل عادنا شازيد اتعبك وغداء ..

عامر: هيا ناهي لك والله لاتخطى معي مابش فالبيت الا أنا وأمي أبي الله يرحمه ومن يومه والحمل فوق راس أمي ربتني وذلحين بينقرى الجامعه واشتغل اساعدها واصرف ع جامعتي ..



....... ..... .....


في بيت الحج عبدالله

فاطمه : في غرفتها .. تاعبه بتداعي .. يا أحلام يييه اسكه يابنتي قوى لاقد جاء حسين خليه يسير يبسر أبوش فالمحلات بينقلق عليه ...

أحلام : دخلت لاعندها .. لاتقلقوش ياعمه قد اتصلتله اول وقلي قدعادل اتصله عيتغدوا عنده وهو عيسير عندهم ..

فاطمه : كثر خيره والله ان عادل هذا مابش مثله لاهو ولا مرته والله ماعد بينبسرهم الإ عيالي ..

أحلام : والله إن صدق ياعمه قدهم أهلنا ماعدهمش جيران وبس ..

فاطمه : وعبدالكريم أين جاء ذلحين عادهو داخل في غرفته ..

أحلام : ماشي خرج أول بس سميره جت تفعل معي الغداء 🍲🍛 شكلهم ماعاد عيخرجوش ..


فاطمه : تنهدت بحرقه 😔 الله يهديه ماناش داريه مابيطلع له يفعل بنا كذا ولاماقلبه هذه القلبه كلها كيف كان ولا أحن من قلبه ❤ .


أحلام : كلشي عيسبر ياعمه ماعذر من خير أنتوا بس أوبهوا لصحتكم أسير أغرف لكم الغداء 🍲🍲 ..

فاطمه : مع يابنتي ماقدبش نفس لما يجوا العيال من المدرسه وعنتغداء جمعه 🍛اديلي التلفون بس أتصل لأمل قدنا فاقده لها ماهذه البنت ولا بتسأل ولا كأنني أمها ..

أحلام : قدنتوا داريين ياعمه بضروفها هي وزوجها مسكينه عادهم نقلوه من العمل وزد مشغوله جهال وتعب الله يعينها ...




..... ..... .....


في ذمار ....


خيريه : قربت الغداء 🍛... أيووه وكيف لوما هرب منكم يامشاحيط كل واحد أكبر من الثاني وزاد عليكم قد قلت ماعترجعوا لي الإ بخبرهم.


طارق : بضبح منها 😤ياخاله مالش إذكري الله او فلتناه بيدنا طلعنا وماعاد بحدهو هو توفيق ابن اختش الي فضحنا سار يحاكي الرجال وشكله هو الي قله .


خيريه : بتعلي صوتها وتتحاكى بصياح 😡 أيوووه أيوووه ردها فوق إبن أختي بدل ماتحمدالله انهو بيدورهم لكم عادهي جزاته ما أنت ماعتقل يافرحتك اننتوا مالقيتوهمش مفتجع ع أختك لايقتلوها ومشنت مفتجع ع خواتك الباقيات لايجلسين جنبي بسبه سمعه أختك الي فضحتنا بفعلتها ..


صالح : بيتفرجهم سكته 🙊 ماصداه يرد مرته خيريه ممشيه له ولايقدر يقول من قولها ماشي .


طارق : طرح الملعقه من يده 🍴 أسمعي ياخاله كلهن خواتي مش لاقد انتي امهن ماشاحبهنش بس خلاص هذا الي حصل مانفعل منين نديه وقام من فوق الغداء ..

يونس : بيضحك بإستهزاء 😉 وغمز له لأمه جي جي كذا عادك ما تغديت وأسهل إطمن عنلقاهم والله لأقتلهم طال الزمن ولا قصر..



طارق : دخل غرفته وغلق عليه الباب 🚪 . تمدد وحط يده تحت رآسه بيتفرج للسقف ويفكر 🤔 يعلم الله مابتفعلي يانوال بس أين أنتي اذا عبدالصمد كان وحده في الإستراحه .. مسك تلفونه 📱 وجلس متردد يتصل اولا رجع قام خرج من البيت ...





...... ....... ......


في بيت عادل


عادل : ماهو هذا الغداء ياعم عبدالله 🍛 ماكملتش حتى الصحن حقك ..

حسين : هيا مه يا أبه أنت يعجبك اكل ام معاذ مابلا تأكل سوى والله مالك الإ مايطيب نفسك وأخليه يجي يتأسف لك ويحب رآسك ..

الحج عبدالله : مقهور 😔 وزاعل .. معرفش أمد يدي 👋🏻 عليه وهو جاهل اليوم خلاني امدها وتشارغت عيونه بالدموع ..


عادل : اسهل ولا تقهر نفسك هو غلط وفي الأخير هو إبنك حتى لا ضربته صغير ولا كبير ذلحين هيا كمل غداك وكله عيسبر قد أم معاذ فعلت لك كيكه من الي تعجبك نتم نتغداء ونحلي بها 😃 .



.... .... ....

في المطبخ ..

معاذ : سعم ان عادنا جاهل ماخليتونيش اتغداء معاهم 🍛 .

تهاني : ومن قال ان حبيبي جاهل مابلا رجال وسيد الرجال بس معاهم مجابره نخليهم يحلوا المشكله وبعدا عتسخى تخلي القمر هذه تأكل وحدها ...

هبه : ابتسمت 😃 ايوه سمعت ماما أنا حقكم القمر يله كمل اتغدى بسرعه معي اليوم واجب أشتي توريني بس نسير ندعي رزق نذاكر له معانا حرام امه خاله فاطمه مريضه من عيذاكر له ..

تهاني : أنا شاوريش أنا أخوش معه مذاكره ورزق خاله أحلام عتذاكر له مع يزن ..

هبه : ياماما ليش أحب رزق هكذا خيرات قووي أكثر من يزن ولما هو ضابح أنا أضبح مثله وحتى لما يمرض أمرض أنا والكل ..

تها

ني : إبسرت معاذ وقحصت شفايفها 👄 يمكن لأننتوا كنتوا تلعبوا خيرات وأنتوا جهال وكان يجلس يدافع عليش لما يزن يضريش ..

هبه : حتى الأبله حقنا قالت انهو فيه شويه شبهه مني هو أخي قلت لها ايوه انا ورزق ويزن أخوه خاله أحلام رضعتنا ولدنا كلنا جمعه ..

معاذ : يشتي يغالطها فالكلام 😄 يله يله بسرعه كملي أكلش نقوم نذاكر ...



🌹meme_abdalgaleel


@qesasanani