🎬
164 🎬
🎬




العشي .....


في بيت عآصم ....


رهآم : بتسأل جنات ... هيا مه كيف الناس وماقالت أختش ..

جنات : الناس شكلهم طيبين ومساكين بس جنى مدري مالها ماتشتيش أنتي دآريه انهي اتصلت لأحمد وبتحكي لها ...😃


رهآم : بتضحك ههههه 😂 هذه اختش مجنونه لكن أنتي دآريه مدام رد عليها هكذا شكله صدق شاري مع إنه ماقد عرفهاش إلا هذك اليوم ..


...........

في بيت الشيخ ....


جنى : طالع في غرفتها بتتذكر الموقف وتضبح 😤 ..


عبدالعزيز : دقدق الباب 🚪 حبيبي ممكن أدخل .. بيحانكها مالش ضابحه هم قالوا يشتوا يتعرقوا عليكن ليش هذا الضبح كله ماقالوش يشتوا يخطبوش 😜.




جنى : ما ارتحت لهمش أصلا الأخت سامجه ساع اخوها هذاك 😤الي ابسرناه فالشركه ..


عبدالعزيز : غمز لها ... لكن وسيم صح 😉 وبعدا اليوم الصدق عمش محمد قلي انش عجبتي أمجد وإنه يشتي يتقدم لش انا الصدق الولد عاجب لي ومحمد أخي مشو بس صاحبي ..


جنى : بس أنا مشتيش أصلا شكله دلوع وسامج تربيه لندن فالت ..

عبدالعزيز : ههه فالت هآه هههه 😂
خلاص تمام صلي إستخاره وفكري سوى يافالت والله انه مشحوط وزيد مهندس وعيمر لي بكره الشركه أبسر حقه السيفي لو عجبني يمكن يشتغل معانا ..


جنى :😤اوووف ماشي يعني ماشي انا أشتي أكمل دراستي ..

عبدالعزيز : يووه ذكرتيني ع الدراسه جنات مدري ماعتقل اليوم جدش لونزوجها هي وأحمد مع سمر بيفتجع لايقع به شي لأن قدهو تاعب يشتي يفرح بهم تقلي عترضى أمش واختش والجامعه عتكملها معه هانا ..


جنى : مشنا دآريه بس شتصل لماما وأحاكيها ولا اتصل لعمي عآصم ...


عبدالعزيز : تنهد ..😔
آآآح من الدنيا الي البنت بنتي وبينتصل أخطبها وأستأذن من زوج أمها ... إسالي إسالي امش يابنتي وبعدا لنا كلام ...



................

في بيت عبدالله ....



سندس : بتتجابر هي وأكرم 📱


طيب وإحنا مادخلنا لاهم عيتزوجوا إحنا ماتربطناش بهم نكمل الجامعه وبعدا ماهو الجنان بعد شهر ونص من عيجهز نفسه ولا بابا عيقدر يفلت العمل ويجي ..



أكرم : طيب ع ماتشتي ياروحي الي يريحش 😃 أنا قلت اسألش وإبسر رأئيش علشان اخليهم يتحاكوا عليش والكل ...




.................


رهآم : إسمعيني ياجناني لاتستعجليش مدام وأبوش بيشكره هكذا فكرى سوى وصلي إستخاره ...


جنى : طيب والعرس حق جنات ماقلتوا جدو مسكين يشتي يفرح بهم وبعدا هيا وافقوا بكم أعيش مع أختي في بيت واحد نعوض فيها السنين الي إنحرمنا من بعض 😔.



..................

في بيت محمد ...

أمجد : دخل غرفته ممدد بيقلب تلفونه متردد يتصل اولا .. لأنه شل رقمها لما اتصلت لأحمد ..


جنى : تلفونها بيرن 📱أيوووه من معي .



أمجد : أقلش من أنا وماعتصيحيش ولا تغلقي في وشي نتكلم كلام ناس عاقله وكبيره ...



جنى : 😡 قللت من معي ..


أمجد : هيا إبسرتي من هذا الجنان ذلحين إهدائي ونتفاهم وأقلش من أنا وبعدا محد عيغصبش ع شي والقرار كله بيدش وقرارش 😁 .



سمر : دخلت لاعندها تداعيها ..


جنى : أشرت لها بيدها تسكت وتجلس جنبها ..


سمر : دريت إنه أمجد . جلست تحانكها وتفعلها حركات 😜.


جنى : بتلطمها 😡 وتبهرر عيونها تسكت ماتشتيش تضحك وهي بتحاكيه

🌹meme_abdalgaleel


@qesasanani

🎬
165 🎬
🎬



في القآعه ......


في غرفه العرووسه ...


سمر : بتتمرى 👰🏼 يوووه ماهو هذا لو صدقت جنى واشتريت ساع فستانش ..


جنات : 👰🏼 بتتفرج فستانها .. والله إنه يجنن احلى من حقي ماأنا ماعد عجبنيش الأكمام بينحس نفسي منفوشه قووى ...


جنى : هيا من الدحس .. قد قلتلكن تشترين جمعه مع كل واحده تشتي تقع مختلفه 😜 ..


سندس : بتتليقن عليهن ... والله إننتي تفجعين حنبت فالفستان غبني ع أزواجكن الليله مساكين عتقع فيهم فجيعه 😜 ..



مره سامي : دخلت ع لقانتها ... هيا يالقنه مش وقت الفجيعه جاوبي أمي سيده تشتي قاتها وأنتي ياجنى جاوبي أمش إيذك فالباب هي وعماتش بيستقبلين الضيووف ...


....................


في قآعه الرجال ...



أكرم : بيدغز أحمد بالدبوس 💉 والله وسبرت لك هآه مصدق نفسك وعريس 👔 ..


نزآر : يا أخي وأنت محد قلك قد تراشيناك تتزوج معانا مع الزنط حقك ..


أكرم : أصلا يا أخي إشتي أكون عريس مميز لوحدي 😜 مش ساعكم ..



الشيخ : فوق عربيته تاعب لكن ماسخيش يضيع عرس إبنه أحمد بيتذكر 🤔 أول يوم ولد فيه أحمد ولما حضنه وكبر في أذانه وسماه .. بيتذكر أول ماحبي وسنب وخطى .. أول مادعى إسمه .. أول يوم لبسه شنطه المدرسه 🎒 ووصله .. بيتذكر كل لحظه مرت في حياتهم بفرحها وحزنها وبيتفرج لأحمد ويبتسم ..



أحمد : إبسره قام لاعند يسلم عليه حضنه وحبه في رآسه 😘 ودعى المصور يصورهم جمعه ...



عبدالعزيز : بيستقبل الضيوف هو وأبو نزآر لأنهم فعلوا العرس جمعه ...



محمد : دخل 😘بيسلم ع عبدالعزيز ...



عبدالعزيز : وأمجد فينهو ليش ماجاش 🤔 ..


محمد : بيضحك ههه 😂 حانق قال اتزوجوا الشباب وهو ماشي ..



أمجد : كان قفاه .. دخل ...وهو بيضحك 😃 أيوه حانق زوجوني ..


عبدالعزيز : ضحك وبيسلم عليه 😂..



....................


رهآم ومريم وسلوى : فالباب 🚪 بيستقبلين الضيوف ..


جنى : لابسه فستان ذهبي منفوش قصير وشعرها مسرح فيه كريستاله ذهبي طالعه تجنن 👗سارت لاعند رهآم . هآه ماما قالت خاله بتداعيني ..


رهآم : أيووه .. سيري سلمي ع أم خطيبش💍 وأختش بيدورنش من أول دخلتين حنبتين ع البنات أيحين عيخرجين شرق ..


سلوى : اوذا شاسير أبسرهن شرق علاسب النسوان يشتين يروحين ...


................


سيده ونجات وحفيظه : جالسات جنب بعض مخزنات ...


نجات : بتجابرهن يا الله من الدنيا هذه محد مصدق إنه بعد هذه السنين نرجع نتلاقي ويرجع بيننا نسب ...


حفيظه : الدنيا صغيره يا أختى محد كان مصدق إن رهآم تتطلق واليوم قدهي مره رجال ثاني وزوجت بنتها وردتها لكم ...


نجات : إبسرت نجات ... أمانه يا أختي سامحيني ع الي حصل مني والله ماكان نفسي لكن مانفعل ماكان صداني أقل للشيخ ماشي 😔..


سيده : عفا الله عنكم قدهو ماضي وسآر المهم ذلحين قد معانا ثنتين عندكم جنات وسندس قدهن في ذمتكم ..


.............

في غرفه العروسه ...

سلوى : مش وقت المحانيه خلاس تدخل سمر أول وحدها تزفها المغنيه للكوشه بعدا تدخل جنات بنات أخر زمن كل واحده تشتي وحدها كيف كنا ع زماننا نرتص وعاد لاشي والده تزيد تتعصب وتلبس ويزقونا كلنا ...


سندس : يووه ياخاله 😱 ماهو هذا الجنان هي واحده ماعتتزوج إلا مره واحده يزيد يقومين يزفوهن معاها ...


جنى : دخلت تبسرهن وهي لابسه فل كله ورد 🌹🌹🌹..



سندس : يهي يهي 😁 للمه ما أنتي وقع لش من ذيه وإحنا من الثاني بس ..


جنى : بتزنط عليها 😜 خلي خطيبش يدي لش ساع أمجد ابسري ما أدالي جبره كوده بيدي لي ورد وشوكلاته وهدايا من بعد الخطوبه تربيه أجانب مش ساع الحاذق حقش ...


ألف مبرووووك للعرسان 👔👰🏼




@qesasanani

🎬
166 🎬
🎬



في غرفتهم .....


نزار : إسكه أبسر الخازيه حقي 😜 جبرني ماهو هذا الأدب وين الزنط ...


سمر : خازيه وموطيه رآسها ☺ معك اليوم بس ومن بكره شرجع أزنط عليك ..


نزآر : هو ماجنني وخلاني أقع انا المودف إلا الزنط ذيه 😍 ...



............... ...
في الفندق ..

جنات : جالسه طرف السرير 👰🏼 مقفيه من أحمد ..


أحمد : بيتفرجها مبتسم ☺ عادي إجلسي مقفيه وخازيه كما تشتي اهم شي إن قد جنات حبيتي وروحي اليوم قدهي مرتي .. يا الله ياجنات كيف كنت شجنن لو تزوجتي بواحد غيري ..


جنات : أحمد ممكن أسألك سؤال ☺ليش أنا من بين كل البنات الي في الجامعه ..


أحمد : إشر بيده إسالي ذيه ❤ ويمكن إنه شي مكتوب من الله علشان ترجعي لحضن خالي وترجع جنى لخالتي رهآم ..الي يهمني في الموضوع كله إني أحبش أكثر من أي شي فالدنيا ..😍😍😍😍😍😍



...............


في بيت الشيخ ....

نجات : بتبكي ع سمر 😭 ..


مريم : هنيت لش يا أمه الي بتبكي اوذحنا تزوجنا مابكيتتش علينا ...


نجات : للمه او كنتي عندي لما شلوش وابسرتي والله إني بكيت عليش 😭.


سلوى : بتحاكي عبدالعزيز ... مشنا داريه يا أخي ماطلع لك تشلهم الفندق لو روحت أحمد وجنات عندنا إنحنا عنتواله شويه من البكاء هذا ...


عبدالعزيز : مفعل أنا ..هذا أبي الله يحفظه يشتيهم يفتهنوا 😃



الشيخ : قد حجزت لهم مثل ماقلت لك ..



عبدالعزيز : أيوووه قد حجزت لهم الأربعه لابعد يومين 😃 ..



..............


في بيت عآصم ....

جنى : ياماما خلاص هيا قوى لاتبكيش 😭علشان النونو .


عآصم : قليلها تعبت من أول وانا بينسكتها تعتبرها راقده عندش ولاعند سندس ..


يوسف : المفروض ماتبكيش 😁 ايذه جنى عندش إبسريها واعتبري إنهي جنات وخلاص .. وبعدا عيس اتزوجت افتهن من هرمها بتجنني قوم ذاكر قوم انفعني لكن
عيس قد عتولدي وانتقم أخلي الجاهل يكن يسير ينافعني ...



رهآم : ضحكت ع لقانه يوسف 😂 الله يهديك ..


عآصم : هيا إبسري محلاش لما ضحكتي جبر الأسنان الحاليه هذه 😍..



.................


سندس : بتبكي في غرفتها 😭..


سامي : دخل لاعندها بيضحك عليها 😂 هيا ناهي لش سنتين وإنش عندها وبعدا سعم انهي عتموت امانه ان انتين النسوان قليلات عقل غطوه وانتين عندها ماراس البكاء مدرى .




@qesasanani

🎬
167 🎬
🎬



بعد 5شهووور ...


في الجامعه .....

أحمد : بيتفرج لاعند جنات و بيرسل لجنات ... أحبك 😍 الصدق أنا مضايق ماهو هذا كل يوم بتجلسي جنب صاحباتش ..


جنات : إبسرته وإبتسمت ☺ردت عليه ليش بينوحشك ..


أحمد : إبسرها .. رسل لها جبر العيون وإلا بتسامه الحاليه هذه ☺أكيييد بتوحشيني وأنت جنبي كيف لماتبعدي عني ..


أكرم : هزر التلفون من يده 📱 رووووميو بس غراميات الدكتور عيطردنا قدي عندك فالبيت حب فيها لما تشبع 😜 ...


أحمد : سحب التلفون وخفعه 📱 يا الله والحسد الي فيك يا أخي ايذك خطيبتك في القاعه الثانيه أخرج رآعي لها من الحسد 😁..



................


في بيت نزآر ....


نزآر : أنا قلت ماشي يعني ماشي مابش سيره ..


سمر : بتترآشاه .. 😘 قوى قوى قدنا أحسن قد افتهنت ...


نزآر : حط يده ع بطنها 😍 مابش دوام ولا تعب لابعد 6أشهر لما يخرج ولي العهد بالسلامه وأطمن ع حبيبتي ...



...............


في بيت عآصم ...


رهآم : تاعبه بتحس الولاد 😥😥 ومابش أحد عندها يوسف فالمدرسه وعآصم فالعمل .. اتصلت لسيده .. يا أمه شكلي شولد 😭 ..


سيده : اوذا شاجي ذلحين يابنتي وأتصل لزوجش يجي نشلش المستشفى 🏥 ..



...................


جنى : إحلفي 😃 كذابه يعني شلوها المستشفى ..


سندس : أيوووه عادنا روحت ذلحين ومابحدهم اتصلت قالوا لي انهم مع عمتى فالمستشفى بتولد ..



جنى : يله تمام أتصل لجنات أقلها والبسي شاجيلش بالسياره لارجعتي بدل ماتجلسي وحدش نسير .😃


غلقت من عندها رسلت لجنات واتصلت لعبدالعزيز تقله إنها عتسير عند أمها بتولد ..



عبد العزيز : 😔 بحسره وقهر الله يقيمها بالسلامه ياروحي ويفرحكم بعافيتها هي والي في بطنها .. غلق وحس بخنقه في صدره .. اتصل لمحمد يشكي له ...



محمد : بيصبره ... خلاص يا أخي هذا نصيبك من الله ماتفعل هكذا عتتعب نفسك المره خلاص مزوجه ومعاها عيال .. لوتشتي نصيحتي اتزوج وحاول تنساها 😥..


عبدالعزيز : لو الزواج كان عيخليني انساها ان قد تزوجت من زمان بس رهآم حفرت في قلبي وعقلي وعمر مامره ثانيه عتشل مكانها في قلبها أنا خلاص اقتنعت ان ربي كاتب لي أعيش ع ذكرى حبها يعاقبني ع الي فعلته واني بعتها بدون سبب 😭 إلا اني ماكنتش أقدر كلمه لا ..


............

في المستشفى ..🏥.




رهآم : ممدده فوق السرير عادهي تاعبه 🤒 بعد الولاد .


عآصم : جالس فوق الكرسي جنبها وماسك يدها .. حمدلله ع السلامه إبسرتي محلا القمر حقنا 😃 ..


جنى : في حضنها البنوته 👶🏻 أمانه ابسروا محلاها كيف تجنن تشبهني صح ..


جنات : مع تشبهني أنا 😜 ذلحين من عيسميها ...


سامي : دخل لاعندهم تأخر سار يروح يوسف من المدرسه ... طبعا إلاسم ع خالها ولا ماقلت يانسب ..

عآصم : البنت بنتك 😃 ..


يوسف : حانق 😥 انا قلت لش اشتي ولد ماهو هذا 3بنات يوووف 😤 ..


سامي : بيصافده .. عيس تجلس الولد الوحيد بينهن ذلحين هيا مارأيك نسميها زعكمه ولاحظيه 😜
.



يوسف : يوووه مع حرآم لاتسميش أختى هكذا نسميها جومانا يقعين ثلاث مجنونات بحرف الجيم ..😃




كلهم ضحكوا عليه ماسخيش ع اخته وفارحين بسلامه رهآم 😃😃😃😃😃.







الف حمدلله ع السلامه يارهآم وتتربى جومانا في عزكم .😃


🌹meme_abdalgaleel



@qesasanani

🎬
168 🎬
🎬


مرت الأيام والسنيييين ...


الصبح بحين الساعه 7


في بيت عآصم ...

عآصم : يله يا يوسف شرق عنتأخر عادك رآقد عادك ما اديتش الورد 🌹والفل ..


يوسف : فوق السرير بيتمطط يابابا إسهل عنشلهن ع سيرتنا خلينا أزيد أفعلي نعسه ..


رهآم : بدلت لجومانا ورهآم الصغيره عمرها سنه 😃 بتداعي عآصم .. عصومي جي إبسر محلاهن كيف طلعين يجنيين .


عآصم : دخل إبسرنهن 😃 ماشاء الله محلاهن قمارى قووى وطلع مقاسهن والله إنهي فكره حاليه قووى ..


رهآم : أيووه إبسرت حالي قلت نفعلها لهم مفاجاءه نفرحهم 😃..



...............

في بيت عبدالله ....


سيده : مع ياولدي والله ماقدرت أجي معاكم سيروا أنتوا بس ..


ندى: مع والله مانخطى إلا بش والله لايفرحوا بش قووى ..


مره سامي : أيوه ياعمه 😃 والله لأشبحش وأخطيش دلا .

سامي : دخل من باب البيت 🚪وفيه يده 3بوكيهات ورد 🌹 وفل خيرات .. هيا ماقد أحد جاهز شرق عنتأخر ..


وليد : خرج وهو لابس بدله 👔 أنيق ومتشيك أنا جاهز أكفي إبرد منهن 😜 .




.................

في بيت الشيخ ....


سلوى : بتحاكي مريم فالتلفون 📱 يووه ماقد عتخطيش هيا شرق نشتي بقعه قدام ..


مريم : مفعل مرآعيه لأختش سمر تجيلي قذا بتبسري زوجي مسافر ولا لوشي ان قدنا قبلكم ..



عبدالعزيز: خلاص قليلها لاعاد سمر متأخره عنمر لها إحنا ...


نجات : يا إبني قوى خليني أجلس بس والله ان أرجلي بيوجعني ماعاد قدرت ...


عبدالعزيز : تنهد .. ذكر أبوه 😔 مع يا أمه قوى مش لا أنتي ولا أبي الله يرحمه كم كان نفسه لليوم هذا لكن قضاء الله ....



..................


في قاعه الحفل ...🏛...


جنات : أمانه ياسندس إبسري كيف أنا مشو شكلي شوعه بهذا اللبس بينحس زد خلاني دبه 🎓..


سندس : بتحانكها أنتي دبه من يومش سعم تشتي تقلي لي إنش ماسمنتي إلا من بعد الولاد 😜.



أحمد : كان وراهن هو وأكرم سمعهن .. قرب لا تصدقيش هذه اللقنه .. والله إنش أحلى واحده فالقاعه واللبس فوقش يجنن 😍 يا أحلى جنات فالدنيا ..


سندس : هيا عتشتحطوا جالسين بتترمسسوا وقد معاكم بنت خلاص قد كمل الحب 😂😂 ..


أكرم : ضحك هههه 😂 يله إشهدوا يعني تشتي غر أحبها أمد ماتدي جاهل الله يبري ذمتي أخليها أمد ماتولد من هنيه وأسير ادي فوقها مره جديده 😜 ....


سندس : بزعل 😔 هكذا والله هيا دورلك عروسه لبعد شهرين مانا ماعاد شاجيش شلغي كل الحجوزات ...


أكرم : قرب بيراضيها ويتراشاها ويديلها ورده 🌹 من حقه ..


أحمد : ضحك عليهم هو وجنات .😂


جنات : تصدق بينقلق قوى لو رهآم ماسكتتش طول الليل وجننت ماما قدنا مرآعيه أيحين عيجوا فقدتها ☺ ..





@qesasanani

🎬
169 🎬
🎬




عبدالعزيز : وصل القاعه ومعه سلوى ومريم ونجات وعيال مريم الصغار ...


سلوى : 😃 هيا إبسرتوا مسرع سبقتنا سمر إيذاك جالسه هي ونزآر ..


عبدالعزيز : أينهي مابسرتهاش ..


مريم : هآه أيووه ايذك فالصف الثاني وفي يدها ناصر إبنها ..


نجات : هيا إخطوا نجلس جنبها ...




................


فوق السياره 🚘 .....


جنى : هيا أمجد قووى إخطى بسرعه ...


أمجد : مسك يدها وحبها 😘 أكثر من هكذا عنموت إحنا والي في بطنش يامجنونه ...مايكفيش إني صدقتش وحجزت وجينا من لندن ومن المطار عنسير للقاعه ع طول ..


جنى : حفل تخرج جنات أختي وأحمد وأكرم كيف ماتشتيش أحضره يكفي إني انحرمت طول عمري من أي حفل لها فالمدرسه 🎓...


.................


رهآم : دخلت وفي حضنها رهآم بنت أحمد وجنات لابسه لبس تخرج ساع أمها وأبوها 🎓 ...


عآصم : ماسك في يده جومانا ولابسه تخرج سآع رهآم 🎓 ..



يوسف : في يده الورد والفل 🌹🌹 بيأشر لأخواله ..


..............

وليد : سنب بيداعي عآصم ورهآم ..


ندى : يوووه ياربي إبسري ياعمه محلا البنات بهذا اللبس 😃 ...


سامي : شل رهآم الصغيره من حضن رهآم وبيتحيلا لها ويبوسها 😘...


الي في القاعه بيتفرجوهن وبيتحيلوا لهن ...


سمر : إنتبهت لهن .. 😃 يووه ياربي إبسروا محلا رهآم بنت أحمد مالابسه ...


عبدالعزيز : إبسرها وابتسم 😃 يووة ياربي ع رهأم قلبي محلاها .



سلوى : دكمته وغمزت له 😉 أينهي رهآم قلبك قصدك الصغيره ولا الكبيره ..


عبدالعزيز : إبسرها وإبتسم إبتسامه حزينه ..😥 سيري إديها قدنا فاقدلها من أمس وهي راقده عندهم إديها أبسرها ..


سلوى : والله لو صدقتنا يا أخي وتزوجت إن قد نسيتها وقد معك عيال يشغلوك ..


عبدالعزيز: خلاص هذا الموضوع قد تحاكينا فيه قد جربت نصيبي مرتين وبعدا جنى وجنات عندي بالدنيا وذلحين رهآم . هيا سيري اديها من الدحس ..


.................



بداء الحفل 🎓 والخريجين دخلوا ولد وبنت واصوات الموسيقى 🎧🎼🎤 والأغاني ...



جنات وأحمد بيدخلوا جمعه 🎓..


أكرم وسندس جمعه 🎓 ...


عآصم : طلب من المقدم حق الحفل شي .


لما قد أحمد وجنات في نص الممر .....



المقدم : نطلب من الخريجين أحمد عادل وجنات عبدالعزيز الوقوف لاستلام مفاجاتهم ...


رهآم : مشيت من تحت الممر وفي حضنها رهآم .. مكنتهم وهي بلبسها 🎓 ...



جنات : دمعت عيونها من الفرحه 😂
لما إبسرت أمها وبنتها ...


أحمد : شل رهآم وبيتحيلا لها ويبوسها 😘 ....


.............



جنى : وصلت القاعه .. 🏛 بتخطى بسرعه تدخل ...



الحارس : بيداعيها يييه لو سمحتي البطاقه ..


أمجد : وقف يحاكيه .. يا أخي عادحنا الان وصلنا من المطار خليها تدخل تبسر أختها وانا عندك أمد ما أتصلهم يخرجوا لنا البطايق من داخل ...




...............

جنى : دخلت ع موقف رهآم وأبوها وأمها وقفت ونزلت دموعها 😭 ..... بتتلفت يمين وشمال تدور اينهم جالسين ..




..............


عبدالعزيز : كان مسنب بيبسرهم .. شاف جنى قدامه وبطنها قدامها 😳 اندهش لأنها ماكلمتهمش تشتي تفعلها لهم مفاجاءه ..



جنى :حضنته وبتسلم علي😘ه ..



سمر : بتخفعها في يدها .. طيب يا كلبه أنا أوريش ولا تتحاكى ان قدش واحمه واتش عتجي ..



جنى : قلت افعلها لكم مفاجاءه وبعدا محلاه نصوري ابنش يجنن أحلى من الصور 😃 ...


عبدالعزيز : بيشاورها .. ماما في هذك الجهه سيري لاعندها ..



@qesasanani

🎬
170 🎬
🎬



كمل الحفل والكل فارح ومبسوط 😃😃😃😃
..



قربوا يسلموا عليهم ويلبسوهم الفل ويدولهم الورد 🌹🌹🌹..



جنات : إبسرت جنى قدامها .. صاحت 😱 من الفرحه وحملت تحضنها ...

جنى : دلا دلا يامجنونه عتطفحي الي في بطني 😃..


جنى : رجعت شويه وبتتفرج بطنها ياشوعه ولا تتحاكي مبروووك ياقلبي وبتبوسها 😘😘 ...



أكرم: بيتصور مع مريم وأخوته ودعى عبدالعزيز ...


سندس : بتتصور مع وليد وندى وجدتها سبده وفارحه 😃 بتتليقن عليهم كالمعتاد ..


سامي : بيصافد أحمد وبزوه هو ويوسف ينبعوه 😃 ...


سلوى : بتتفرجه وتبتسم ذكرت زوجها وأبوها كم كان نفسه يبسر أحمد خريج .. بس بتحمد الله إنه مامات إلا بعد مازوجه وإبسر بنته 😔...



عآصم : شاف عبدالعزيز .. سار لاعنده بيسلم عليه وفي يده جومانا 😘 ...


عبدالعزيز : بيتحيلا لها 😃 ماشاء الله قمر الله يحفظها لكم ..



سآمي : بيداعي المصور .. يا أخي جي افعلنا صوره جماعيه .. دعى وليد وندى ومرته وأمه ويوسف وعإصم وسندس وأكرم وأحمد وجنات وجنى ...



جنات : لفتت لأبوها ... بس الصوره ناقصه ياخالو .. أهم شي بابا حبيب قلبي وجدتي وعماتي ....


عبدالعزيز : قرب حضنها وباسها 😘
وانتي حبيبه قلبي وروحي ...


وقفوا كلهم يتصوروا جنى وجنات وأحمد فالوسط رهآم ع يمين جنى وجنبها عآصم وعبدالعزيز شمال جنات وجنبه أحمدفي يده رهآم وجنبه سلوى يوسف جلس تحتهم وفي حضنه جومانا ..


سمر : لحضه لحضه الصوره ما اكتملتش مسكت أمها وشلتها وسنبت معاها ..




أكرم : إبسرهم ضحك 😃 لحظه لحظه وأنا وأمي عيال البطه السوداء ولا كيف رآعوا لك مروع .




كلهم ضحكوا عليه 😂😂 كملوا يتصوروا والكل مبسوط ..



عبدالعزيز : طيب انا عازم الكل ع الغداء قد حجزت مطعم نحتفل بالخريجين حقنا ...



رهآم : أشرت لعآصم ماشي 👎🏻 لايرضاش ..


عآصم : إبتسم لها وقرب يشاورها ... أنا دآري ان قلبش ❤ قدهو ملكي وحدي بس مهما كان هذا أبو بناتش يعني مابش مجال تتهربي منه وبعدا احنا الرجال عنجلس وحدنا خليه يفرح ويحتفل بتخرجهم ...



رهآم : إبتسمت له ☺ ياريت وكل الرجال مثلك .. فعلا ربي مهما انظلمت يعوضك وانا بعد كل الي شفته ربي عوضني بك يا أحلى صدفه حصلت لي في حياتي ..




عآصم : مسكها بيدها وطلعوا السياره يخطوا المطعم ...



عبدالعزيز : شافها مبسوطه إبتسم 😃 و في نفسه ربي يسعدش يارهآم يامانا نفسي وأنا الي كنت مكانه وماسك يدش واليوم نحتفل بتخرج بننتنا بس الدنيا نصيب وهذا درس لي ولكل من يفرط في شي غالي عليه بسهوله علشان يرضى غيره حتى لوكان ظلم ...




جنات : بتداعيه ... يييه بابا مالك مطنن 🤔 قد كلهم طلعوا السيارات 🚘 وبعدا جاوب هذه الهرمه من اول بتصيح تشتي ادو (جدو )..





عبدالعزيز : ضحك 😃 ومسك رهآم وباسها 😘
الله عوضني بهذه مسك جنات في يده وبيمشوا ..


جنى : إبسرتهم حملت لاعندهم وانا لمن راعوا لي مسكت يد أبوها الثانيه وخطيوا كلهم ...




أكرم : رسل لسندس ( اليوم فرحه تخرجنا وبعد شهرين فرحه زواجنا يا أحلى هرمه عرفتها 😍.

.............



أتمنى تكون نهايه القصه عجبتكم




تحياتي:


🌹meme_abdalgaleel


#النهاية

@rewayatyamania

🍁
.
قصتنا الجديدة فيها احداث واقعيه واحداث من الخيال بس قصه الابطال حصلت في واقعنا المؤسف الي بيظلم من لاذنب لهم ويتحملوا غلطات ابائهم رغم ان لاذنب لهم ..

المهم ماشاطولش عليكم القصه عتشرح نفسها وأحداثها بس حابه منكم نتحمل بعض شويه يعني مابش داعي للتعليقات والرسائل المزعجه لما انشغل ومقدرش انزل بارتات لأنه في الأخير معي انشغالات بس اي شي شكتبه شنزله ع طول 😘😘..




* ضحايا القدر *

بارت 1

في العشر الأواخر من رمضان والجو كان برد⛄ في حاره من حارات صنعاء القديمه حوالي الساعه السادسه مساء قبل اذآن المغرب بربع ساعه.


الأستاذ عادل : مدرس انجليزي في مدرسه الحاره عينوه قبل سنه مزوج من تهاني بس حكمه الله قدلهم 10 سنين مزوجين ومارزقهمش الله الا بولد عمره 9 سنين وقد لفوا عند كل الدكاتره والكل يقلهم سليمين ..

استأجر في بيت قريب من المدرسه محبوب من كل اهل الحاره وبالذات الحج عبدالله صاحب اكبر محلات تجاريه ومعطاره في صنعاء القديمه ...


الأستاذ عادل: بيصيح من الحمام .. ياتهاااني شغلي البومبه ماعدبش ماء شرق عليا اشتي اتؤضاء عيأذن مغرب الحج عبدالله عيدقلي ذلحين نخطى الجامع 🕌.



تهاني : زوجه عادل ناعمه 👩🏼خريجه ثانويه ماكملتش الجامعه حبوبه وطيبه جدا كل اهتمامها تنتبه ع زوجها وابنها معاذ الي ربي مارزقهاش غيره ..


تهاني : في المطبخ بتقلي السمبوسه 🍝 وتجهز الفطور ..طيب حاضر من عيوني الآن ..


الأستاذ عادل : خرج من الحمام شل المنشفه من يد تهاني وبيمسح وجهه...

تهاني : هاه روحي هذا الفطور وهذولاء الي فالكيس ذيه حق الحج عبدالله قد فعلتهن له فالفرن .


عادل : تسلمي ياروحي بينتعبش بس والله لوتبسري كم بيدعيلش قال والله مابياكل سمبوسه الا لماتفعليها له قدش داريه مرته ماعد بتقدرش تدخل المطبخ مسكينه الله يشفيها من هذا المرض وبناته مزوجات ونسوان عياله محد بيهتم به .


تهاني : يووه ياعيبتك ماسخاني عليه قدهو ابو الحاره كلها الله يحفظه ويكتب اجره مابيقصرش مع احد ..


عادل : هيا وينهو معاذ اليوم ماعيجيش الجامع او مه ..

تهاني: الا قد جو له عيال الحاره وسبقوا للجامع 🕌.



الباب بيدقدق 🚪 وصوت عصيه الحج بتخفع الباب ....

الحج عبدالله : رجل تاجر معه محلات تجاريه ومعطاره في صنعاء القديمه يحب اللبس اليمني التقليدي ولابس صماده ع طول ومعه عصيه في يده .. مزوج من الخاله فاطمه ومعه 2 بنات مزوجات امل واماني و2عيال مزوجين عبدالكريم وحسين وبنت عمرها 10 سنين اسمها امنيه ..

الحج عبدالله : بيداعي من الباب 🚪 يييه هيا ياعادل شرق ياولدي عيأذن مغرب ..

عادل : خرج بسرعه 🏃🏻 وفي يده اكياس الفطور .. هاه عم عبدالله سامحوني اتاخرت عليكم كمل الماء وانا بينتوضاء ..

الحج عبدالله : هيا وينهو معاذ اليوم ..


عادل : قد سبق مع العيال قبلنا ..


..... ......


معاذ : بيداعي العيال ياعيال هيا شرق يكفي لعب قدنا عاطش هيا نسير الجامع عيأذن علينا ..

منير : يووه 😱 نسيت الفطور تحت الشجره لما كنا بنلعب كره اسبقوني شديه والحق ..

العيال : يله اخطى بسرعه عنراعي لك ..

معاذ : راعي شاجي معك ...


منير ومعاذ : 🏃🏻 بيحملوا بسرعه لاعند الشجره يدوا الفطور ..

منير : وصل الأول وشل الفطور .

معاذ : مراعي له .. لفت للجهه الثانيه يبسر العيال لوهم مراعيين لهم ....


منير: سمع صوت بكاء مره 😭 كأنها بتتوجع الصوت من وسط الشجر داخل المزرعه .. بيدعي معاذ يييه جي اسمع مدري من بيبكي ..


معاذ: مش وقت البكاء هيا عياذن علينا يمكن لاهو جاهل امه ضربته .

منير : ماشي مع انا شاسير ابسر من بيبكي و انت حر اخطي الجامع وشلحقك ..


معاذ : ابسر منير خطي ماسخيش يفلته وحده لحقه .🏃🏻..


تحت شجره 🌳 كان به مره بتبكي وتتوجع وتصيح ..

معاذ : هزر منير من يده ييييه ابسر هاناك تحت هذك الشجره 🌳 المره هذك الي بتبكي 😭 جي نبسر مالها ..


منير : خطي لاجنبها مالش ياخاله بتبكي 😭؟؟ .


المره : بوجع والم والدموع ملان عيونها ولا حاجه سيروا بسرعه من هانا 😭 ..


معاذ : ياخاله هذا بتولدي اسير ادعي ماما تجي تشلش بيتنا ولاعند الدكتوره ...

منير : ايوه احمل ادعي امك وانا شجلس اوبها لها وينهو زوجش ياخاله ليش انتي في حارتنا وبتولدي هانا ..

معاذ : سار يدعي امه 🏃🏻 .

المره : افتجعت لو يجوا اهل الحاره يجو قالت لمنير.. سير اتصلي بهذا الرقم بسرعه ..

منير : شل منها الرقم وحمل بسرعه يتصل ...

المره : خلتهم يخطوا وقامت خطيت من هذك البقعه ويدها ماسكه بطنها بتتوجع قوي ودموعها بتنزل😭 ...


🕌 اذن مغرب والرجال بيفطروا .


عادل : ابسر العيال ... بيسألهم وينهو معاذ ؟ .

العيال : سار مع منير يدوا الفطور نسيه عند الشجره بس مدري مالهم تأخروا ..

الحج عبدالله : لاتقلقش عيجوا ذلحين ..



🌹meme_ abdalgaleel


@qesasanani

بارت 2


في بيت عادل ...

تهاني : بتفرش السجاده تصلي مغرب ..

معاذ: بيدقدق 🚪الباب قووي ..

تهاني: 😱 يووه يا الله من بيرزع الباب هكذا وحملت تفتح .

معاذ: بينهل من التعب كان بيحمل 🏃🏻يا امه البسوا بسرعه وجو معي به مره مسكينه تاعبه شكلها بتولد عند الشجره حق مزرعه بيت ال... ومابش احد معاها ..

تهاني: 😳 ايييش ليش اين اهلها ..

معاذ: وانا مدراني جو معي وبعدا اسالوها ماتشتوا ..

تهاني : سير ادعي خالتك فاطمه امد ما البس ...



............

في الجامع 🕌.

عادل :كمل يصلي مغرب وبيتلفت يدور معاذ مابحدهو ..

الحج عبدالله : لاتقلقش ذلحين شكلهم لهيوا باللعب واتاخر ع الصلاه عتروح وقدهو فالبيت .


عادل: ان شاء الله ..


...................


فاطمه : زوجه الحج عبدالله امراءه فالخمسين من عمرها مصابه بمرض السرطان طيبه القلب وبتعتبر تهاني مثل بنتها لانها غريبه في صنعاء اهلها كلهم في شبام ..

فاطمه : هيا مه يابنتي دريتي ماهي القصه مافهمتش شي من معاذ ..

تهاني: ولا انا جي نسير نبسر ماهو وعندرى ..


منير : وصل للشجره 🌳وماعاد بحدهي بيدور لقي معاذ وتهاني وفاطمه قفاه.

فاطمه : هيا اينهي شكلكم بتحلموا قد كان الجوع ياعيالي ..

معاذ : مع ياخاله والله انحنا ابسرناها ..

منير: الا ياخاله وزيد ادت لي هذا الرقم اتصل به حق زوجها بس بيقلي غلط ..


تهاني: ابسرت فاطمه باستغراب 😳 يعلم الله منهي وماهي قصتها هيا نروح لنا عيروح عادل ومابحد فالبيت ويقلق ..


........ .......


كملوا صلاه المغرب وروحوا ..

الحج عبدالله : يله لاتتاخرش نكمل نتعشى ونخطى نلحق صلاه التراويح مش ساع امس اخرتنا ..

عادل : ضحك 😂 ههههه خلاص اسف توبه هو غير امس معاذ حنب فيني ..


فاطمه : راجعيه هي وتهاني والعيال ابسرتهم مسنبين ...😱 يوووه ع فعله قد روحوا من الجامع هيا اقطبي عنتاخر فالعشاء وانتي اقطبي مش تتاخري اليوم ع الولا ام احلام مره حسين ابني عتبننها .

عادل : ابسرهن 😳 افتجع يوووه مالهن هذولاء اين كانين ..

معاذ : حمل لاعند ابوه .. يا ابه لوتبسروا لقيت انا ومنير مره بتولد ولما سيرنا ماعاد بحدهي ..

الحج عبدالله : مره مه يا ابني مابتقل ..

فاطمه : هيا نخطي نتعشى وشاحاكيك صورتهم العيال بيحلموا .


روحوا بيتهم وعادل دخل هو ومرته وابنه ..

تهاني: بتحكي لعادل ماحصل ومشي مصدقه معاذ ..

معاذ : بيحلف لهم انهم ابسروها وبيحكي لهم ..


.........
في بيت الحج عبدالله ...

سميره : مره عبدالكريم معاها 2 عيال محمد 9سنين واحمد7 وبنت ايه عمرها 3 ... طباعها من النوع الي يحب يتودد للناس كلهم ع حساب غيرها وحق قالت قلتي ..

سميره : هيا مه مالكم ياعمه لاذلحين تاخرتوا شرق علينا واليوم بن للوالده اين سيرتوا ..

فاطمه : مابلا يابنتي معاذ ابن تهاني قال انه ...

الحج عبدالله : بهرر فوقها تسكت 😳 ..

سميره : ماهو مابه مالكم سكتوا .

فاطمه : مابلا قال امه مريضه اجي ابسرها هيا اخطي شرق مش وقت المجابره قربي العشاء ...



هل ياترى فعلا كان في واحده بتولد ولا معاذ ومنير تهيأ لهم 🤔 .


@qesasanani

بارت 3



بعد ملكملوا العشاء

في بيت الحج عبدالله ..

فاطمه بتبخر وتجهز عيجين النسوان يتفرطين عند الولاد ..

عبدالكريم : كمل يصلي عشاء ونزل يفتح المعطاره ..

حسين : بيتحيلا لابنه المولود عبدالله ع اسم ابوه ..

سميره : كملت تلبس وتتصلح بتلبس احلام العصبه حق الولاد .


الحج عبدالله : خرج الجامع يصلي تراويح ..


............

في بيت عادل ...


عادل : انا شاسير اصلي تراويح وانت بطل شقاوه لاتجننش امش من حق الاحلام انت ومنير اجلسوا العبوا سكته انت والعيال فالحاره ..

معاذ : يا ابه والله انحنا ابسرناها بس محد فيكم مصدق لي ..

تهاني: بتلبس وتتصلح 👩🏼 عتسير الولاد ...


...... . ..........


تعرفوا الأجواء وقت صلاه التراويح في رمضان 🕌 الجوامع كلها بتصلي واصوات القران والتكبير ..

الاطفال الصغار في الشوارع بيقرحوا ويحرقوا تواير ويلعبوا ..


نرجع نشوف المره الي كانت تحت الشجره 🌳...

المره : بعد ماخافت من معاذ ومنير لو يدعوا النسوان قامت وسارت تدور لها بقعه ثانيه لقيت مكان كانوا اهل المزرعه بيجمعوا فيه الحطب دخلت فيه تولد ومع كل الم كانت تبكي 😭 وتفكر كيف عتفعل بالطفل وانها تفاجأت انهم طفلين بنت وولد تؤام فكانت مصيبتها أكبر بداءت تلطم نفسها وتصيح ومن التعب رقدت ..

بعد حوالي نص ساعه فاقت لما سمعت صوت بكاء الأطفال 👶🏻 قامت وهم مطروحين فوق الحطب بدون حتى ملابس حضنتهم وهي بتبكي رضعتهم وقطعت من ملابسها وغطتهم وباستهم 😘 وهي بتبكي 😭سامحوني ياعيالي وخرجت ..


............

في بيت الحج عبدالله ..

النسوان متفرطات ..

احلام : لابسه العصبه حق الولاد وجالسه فوق المرتبه .


تهاني: فالمطبخ بتعاون سميره وفاطمه بيقربين للنسوان ..


معاذ : بيلعب هو ومحمد واحمد فالحوش ...

........

المره : بتخطى بتعب ودموعها ع خدها 😭 بتسحب ارجلها بصعوبه تاعبه بعد الولاده وكل شويه تتلفت تبسر للمكان الي فلتت العيال ..

سمعت صوت نباح كلب 🐕
ذكرت عيالها وخافت عليهم
قلب الأم حملت بسرعه 🏃🏻 وهي مش قادره تتحرك دخلت حضنت عيالها ع صدرها وهي بتبكي بحرقه 😭 الله لاسامح من فعل بنا هكذا جلست تتفرجهم بتركيز لانها اخر مره تبسرهم فيها كان في البنت
شامه في يدها اليمين وعيونها عسلي كبار شعرها اسود وبشرتها فاتحه الولد كان نفسها بس مابش فيه شامه ...

سمعت اصوات الصلاه 🕌 في الجوامع 🤔 فكرت شويه قامت حضنت عيالها وخطيت ...



مسكينه الله عالم إيش قصتها وليش تشتي تفلت عيالها معقوله انه يكون جار عليها الزمن ولا تكون من البنات الي انضحك عليها وحبت
ذئب بشري وخانت اهلها علشانه وفي الأخير دفعت الثمن هي وأطفال أبرياء ..



@qesasanani

بارت 4



كملوا صلاه التراويح في الجامع 🕌 ..

عادل : نروح ذلحين نخزن في البيت عندي ياعم عبدالله ..

الحج عبدالله : والله ان قدنا خاور بقعتي خوره قدنا مراعي ايحين يكمل الولاد هذا مازد نجح .

عادل : والله انه تعب ماهذا قدهو جنان 40 يوم بيشردنا وضحك هههه 😂 ..



الحج عبدالله : ضحك هههه 😂 ومسك يده .. هيا قوم نخطى لنا شرق علينا ...

...........


خرجوا من باب الجامع 🕌 وهم خاطين ابسروا حواشه ناس متجمعين ..


عادل : ياهمتاه لنا هذا قدهي مضرابه ولا مصياحه ماعاد بيدروش الناس انه رمضان كان يزيد يخافوا الله ..

الحج عبدالله : طبعا الكل بيحترمه وله هيبه وكلمه فالحاره .. خطي وبيبعد المحوشين بحقه العصيه وهو قالب صوره 😡 ماعتعقلووش جالسين والهرم والصياح يله من هانا ابسر ماحصل من بيتصايح ..


رجال من المحوشين : مشهي مضرابه ياعم عبدالله هذا ابسر مالقينا باب الجامع 🕌 يعلم الله منهي بنت الحرام الي جت ترجم هذولاء الجهال لقيناهم هانا 👶🏻 .


عادل : ابسر للحج عبدالله 😱 يوووه يعني طلع كلام العيال صدق واحنا ماصدقناهمش ..

المره : طبعا كانت واقفه من بعيد بتتفرج اين عيشلوا عيالها وموعها 😭 ماوقفتش بتنزل بحرقه كأنها جمر ع خدودها .


عادل : مسك العيال وحضنهم .. بعد اذنك ياعم عبدالله انا ربي مارزقني الا بمعاذ شاشلهم انا واربيهم عيالي واحطهم في عين ومعاذ في عين ...


واحد من الرجال : مع والله ما اشلهم الا انا مرتي والده نربيهم مع ابني .


الكل بيتحانب من يشلهم يربيهم وبدات اصواتهم تعلى كل واحد يشتي يكسب فيهم الأجر ..


الحج عبدالله : خلاص بسسسسس .

ولاعاد كلمه محد عيشلهم غيري موظوع وانتهى ومن اليوم اشهدوا ياحاره العيال هولاء عيالي ولهم مثل مال اخوتهم واسمع مخلوق يقلهم كلمه لما يكبروا غير انهم عيالي 😡 ...

الكل سكت ومحد قدر يقل كلمه بعد كلام عم عبدالله ..

عادل : خلس الشال حقه وغطى العيال وشلهم وخطي هو والحج عبدالله ..

الحج عبدالله : سبحان ربي والله ان ربي رزقني اليوم ب3مليون ريال جت من باب الله صورتها رزق العيال هولاء .

عادل : بيتفرج العيال ويتحيلا لهم .. بزعل 😔 ياعم عبدالله قوى خليهم لي انت ماشاء الله ربي رازقك بالمال والعيال ..


الحج عبدالله : انت عادك صغير يا ابني وربي عيرزقك انا قد جهالي كبار وبعدا مدري ليش قلبي انشرح لهم وقد اسم مره حسين والده عترضعهم مع ابنها وتلبسهم حرام ابسر كيفهم بنت الحرام هذه مازد حتى تلفهم سوى لفتهم الاثنين في خرقه مشططه يكن يفعلين الفعله ويغلطين ويرجعين يرجمين العيال ماذنبهم لكن هذه الي ماقدروا اهلها يربوها لاهي ولا ابن الحرام الي معاها .


عادل : تنهد بحرقه ع الاطفال 😔😩الله يستر علينا والله ماضحايا القدر الإهولاء المساكين .



المره : بتخطى بعدهم سكته قدهي تاعبه من الصبح بدون اكل وتعب الولاده وفوقها قهر وحرقه ع عيالها بتبكي 😭 سمعت كلامهم اقتهرت استندت ع جدار بيت ماعاد قدرت تخطى ارتجمت للقاع ...



عيال الحاره : بيلحقوا عادل والحج عبدالله فارحين بالعيال الصغار ..

.... .........

في بيت الحج عبدالله

النسوان متفرطات وبيضحكين ..

تهاني : مدري مالهم اليوم تاخروا فالجامع 🕌 مدري كيف له عادل ماقد رسلش معاذ يجي لداير البيت .


فاطمه : ذلحين لاقد احد شبحهم يخزنوا عنده امانه عتجلسي هكذا قلقه ع زوجش وابنش ابسري النسوان كيفهن مبوردات وحق ضحك وحلا ..



باب البيت 🚪 بيدقدق بالعصيه وصوت الحج عبدالله بيدعي .. يييه يافاطمه يا ام عبدالكريم .


احمد : حمل لاعند جدته
ياجده ياجده جاوبوا جدي بيداعوا نازل ..


فاطمه : ابسرت لتهاني 😳
بإستغراب يعلم الله ماله والله ان شكل قلبش حس صدق ..


تهاني: هيا ابسروا مابه وطمنوني قوى ...




سميره : طبعا تحب تحشر نفسها في كل صغيره وكبيره حملت بسرعه 🏃🏻 للدرج تتسمع مابه مايشتي الحج عبدالله ..


فاطمه : بتنزل من الدرج وتحاكيه .. هاه حج مالك وكيف لك ماقد خزنتش انت وعادل ولا جاء للداير ابسرته استغربت 😳 يووه ماهو هذا الي في يدك منين هولاء الجهال ..

الحج عبدالله : صوره معاذ ومنير كلامهم صدق يعلم الله اين كانين عيونش انتي وتهاني ما ابسرتنهاش لما خرجتين ذلحين مش وقت المجابره شلي العيال من يدي وبدلي لهم من حق الجاهل ابسري ع برد الله يعلم الله كم قدلهم مرجومين بين البرد هذا وخلي احلام تعجيهم حرام ونزلي لنا داير بيت عادل مع الجهال ..

فاطمه : شلت العيال وبتبكي 😭 يوووه ربي يحرق قلبها الي سخيت ترجم الجهال هكذا هذه بنت ال..

الحج عبدالله : بهرر 😳 ماخلاهاش تكمل كلامها . قلي الله يستر علينا ..


سميره : سمعت الكلام 🤔 آها ذلحين دريت اين سارين عوجت فمها يله قذا ربي اداهم لاعندي ودريت خطيت بسرعه دخلت الديوان لاتبسرهاش فاطمه .



🌹meme_abdalgaleel


@qesasanani

بارت 5



فاطمه : طلعت بسرعه دخلت الجهال غرفه احلام وسارت للديوان بتأشر لتهاني واماني يجين ..

اماني : بنت فاطمه الكبيره مزوجه بابن عمها اسمه علي ومعاها 3 عيال وبنت ..

سميره : ابسرتها بتأشر لهن حملت لاعندها🏃🏻بنيزغه تشتوا شي ياعمه ..

فاطمه : ولا اشتي شي انتي غر ابسري النسوان لايشتين شي ..

سميره : 😅 اكتسفت .. طيب تمام وخطيت للديوان بس قلبها بيفور تشتي تدرى ماعيحصل .

تهاني: هيا مه ياخاله مالهم عمي عبدالله او لهم شي هم وعادل .

فاطمه : مكني معاذ يشل الداير لأبوه وجي لاغرفه احلام وانتي ادي ماء دافي يا اماني والحقيني اشتي اغسول الجاهل ..


........... ..........


المره : فاقت وحاولت تسنب بتستند بالجدار بس ماقدرتش بتحس بدوخه ..


معاذ : في طريقه للبيت يشل الداير🔑 عادل وعبدالله مراعين له عند الباب وهو خاطي ابسر المره سنب عندها .. ياخاله انتي الي المغرب كنتي بتولدي صح ليش خطيتي سرت ادعي امي وانتي مابحد ليش رجمتي عيالش مالش شكلش تاعبه شاسير ادعيها .


المره : بتتفرج له وهي مدوخه ..مع لاتدعيش احد لو تشتي تساعدني صدق لاتقلش لأحد امسكني خطيني لهذك البقعه الي فيها الحطب وادي لي اي شي اكله ..

معاذ : لكن حرام انتي تاعبه اخلي ابي يشلوش المستشفى ..

المره : خافت من معاذ لو يدعي ابوه ... جي نتفق انت رجال وكبير عند وعدك صح اوعدني ماتقلش لاحد ولما افتهن شويه شاخليك تدعيهم واسير المستشفى 🏥 .

معاذ : طفل مش عارف بشي ولا ليش ماتشتيش تدعيهم كل همه يساعدها .. طيب حاضر ياخاله مسكها وخطاها وسار يشل الداير🔑 لعادل ..


عادل والحج عبدالله : مسنبين عند الباب 🚪.

عادل : اول ما ابسر عادل 😡 صيح فوقه أين انت لذلحين تعبنا مراعاه انت عتبسر ..

الحج عبدالله : خلاص هو آسف انا شكفله هذه المره يله بسرعه افتح الباب 🚪 ..


معاذ : دخل معاهم بسرعه للمطبخ فعل سندوتش وعصير وخرج دلا بيتسحب .

عادل : بيصيح له يييه جي كذا مافي يدك ..

معاذ : بفجيعه هآه 😁 جاوع فعلت لي سندوتش وخرج ...


..............

في بيت الحج عبدالله


تهاني : يوووه يعني معاذ ومنير قالوا الصدق 😱 يووه ربي ينتقمها كيف سخيت ع عيالها ترجمهم ..

فاطمه : بتغسل الجهال بالماء الدافي 👶🏻 الله لالحقها بخير حين سخيت ترجمهم هكذا بين البرد الي حتى مازد لبستهم شي مالفهم الا عادل بحقه الصماده قلي الحج ..


اماني : مع ياامه لاتدعوش عليها محد داري ما ظروفها ...


فاطمه : ماظروفها واحده مالقيتش من يربيها .. واشرت بيدها ادي ادي المنشفه انشفهم وادي لده من حق يزن نلبسهم وسيري ادعي احلام قليلها ابنها بيبكي تخرج ترضعه .


اماني : بس يزن راقد ..

فاطمه : تجي ترضع هذولاء المساكين ربي ادالها رزق لابين ايديها الله يكتب اجرها ..

تهاني: بتبدل للجهال وتتحيلا لهم 👶🏻 ياخاله فاطمه ذلحين ماهو عمي عبدالله اداهم تربوهم ولا بس امد ماتحمموهم وتلبسوهم .

فاطمه : والله ماقد لي علم ماهو لكن قد قلبي انشرح لهم ماعاد شاخليش يخرجهم من عندنا ..

تهاني: مارائيكم .. قلت احاكي عادل ونشلهم نربيهم قد اسم ربي مازد رزقناش بجهال ومابش احد من اهلي هانا داريين كلهم في شبام اتصل اقلهم اني ولدت ..

فاطمه : وكيف ولدتي وماقلتيش لهم انش واحمه ..

تهاني : اقلهم كنت مفتجعه لااسير اسقط ولا مايسبرش وحام راعيت لما اولد ومحد عيدرى ان مشهم عيالي والله ان قد بيتحيلا لهم ابسروا ماشاء الله محلاهم ..

فاطمه : 🤔اممم والله انهي فكره بس اول نبسر زوجش والحج ماعيقلوا ولا ماهو الخبر حق هذولاء المساكين ..


. ...........

معاذ : وصل لعند المره ادي لها الأكل ..

المره : تسلم يا ابني وشلت الأكل بتاكل🌯 ..

معاذ : ليش ياخاله فلتوا العيال محلاهم قد عمي عبدالله مكن خاله فاطمه توبه لهم ..

المره : من فاطمه ؟؟😳

معاذ: بيحكي لها منهي فاطمه والحج عبدالله
.
المره : اتطمنت ان عيالها عيكونوا في امان مدام معاذ بيشكر فيهم ابسرت معاذ وابتسمت ☺ ازيد اطلب منك طلب سير ادي لي ماء من الجامع اشتي اغسل وجهي ..

معاذ : ياخاله معي فكره جو بيتنا ادخلوا غسلوا براحتكم ..

المره : مع مشتيش امك تبسرني هيا مه احنا قلنا وعد .

معاذ : مع امي عند الولاد مابلا ابي مخزن فالديوان طالع شادخلكم الحمام الي نازل بسرعه وانتبه لكم ..



@qesasanani

بارت 6

في بيت الحج عبدالله

احلام : خرجت من الديوان بتفتح الغرفه ابسرتهن كلهن فالغرفه 😱
يوووه منهم هذولاء العيال ..

سميره : لحقتها وكانت مسنبه قفاها ..هذولاء الي لقيهم عمي .

فاطمه : ابسرتها وبهررت فوقها 😳 وانتي مدراش ياقمر انا قلتلش تبسري النسوان ولا تجي تتسمعي ..

سميره : هآه 😳 اصلا ..

تهاني : جي رضعيهم يا احلام وانا شحكيلش القصه ..


......


في بيت عادل

معاذ : دقدق الباب 🚪 .

عادل : فتحله .. ماتشتي ياهرم او عادك جاوع 😁 .

معاذ : افتجع 😅 هآه مابلا اشتي ادخل الحمام .

عادل : يله تمام ولما تخرج غلق الباب انا شطلع لي اخزن .

معاذ: راعى لما طلع ابوه وسار دخل المره الحمام وهو جلس ينتبه لو احد يجي ..

المره : لما كانت مراعيه لمعاذ فالحوش لقيت ملابس معلقه فوق الحبل شلت لها وكملت تغسلت ولبست الي شلت ..
خرجت من الحمام بسرعه وحطت ملابسها في كيس وحبت معاذ في رآسه 😘وابتسمت له .

معاذ : خزي ☺ هيا مه قدنا رجال ابسروا كيف بينحافظ ع الوعد .

المره : ابتسمت 🙂 باقي تزيد توعدني وعد ثاني انك توبه لعيالي فالحاره وماتكنش تخلي العيال يضربوهم انت قدك اخوهم الكبير اوعدني .

معاذ : استغرب 😳 ليش عتفلتي عيالش عندنا !!!

المره : انا شاسير ادور ابوهم ماشقدرش ادوره وهم معي ومابش معي زلط اشتري لهم حليب واكل شاخليهم عندكم شويه لما القاه وارجع لهم سدينا ...

معاذ : مد يده يسلم عليها 👋🏻تمام سدينا والله ما اخلي احد يكن يضربهم وشوبه لهم لكن ارجعوا بسرعه ..

المره : تحيلت له ولبرائته تمام شرجع بسرعه بس ماقلتليش ايش اسمك .

معاذ : انا اسمي معاذ عادل ال.... وانتوا بسمكم ..

المره : أنا اسمي نوال ... زيد حبته مره ثانيه 😘 وخطيت ..


.............

بعد ماروحين النسوان من عند الولاد ..

احمد ومحمد : فارحين معاهم 3 نونو فالبيت .

آيه : بتتفرجهم وتتحيلا لهم بحسد . 😅

سميره : بتضحك عليها هههه 😂 ماقد هجعناش من حسدها ليزن زد جو لنا هذولاء يكن امهاتهم يغلطين ويجين يرجمين لنا جهالهن ..

احلام : لفتت لها بضبح 😤
حرآم عليش ماذنبهم هذولاء عادهم ملايكه ..

سميره : عوجت فمها ... هيا ناهي لش وانتي قد عيحن الحليب اومه حن قد رضعتيهم اول ...



تهاني: فالدرج بتسلم ع فاطمه عتروح وبتقلها تبسر الحج عبدالله لو عيدي لها العيال ..

فاطمه : اول ابسري زوجش ماعيقل .


معاذ : بيهزور امه بيدحس يشتي يبسر العيال ..

فاطمه : مالك ياحبيبي ماتشتي .

تهاني: هرم يشتي يبسر الجهال سعم مايعرفش الجهال كيفهم .

فاطمه : ياعيبتش جي جي ياحبيبي اوريك ..

تهاني: شرق علينا كودي اروح اعجن يخمر للسحور دافي ..

فاطمه : خمس دقايق ماعتضرش وبعدا عادهم ذلحين مخزنين ماقد روحش عبدالله والكل ..مسكت معاذ من يده👋🏻 ودخلته يبسر العيال 👶🏻 .


معاذ : بيتفرجهم ويتحيلا لهم قرب يحبهم وبيحاكيهم دلا دلا ..
لاتفتجعوش ماما عتجي غطوه سارت تدور ابوكم وعتجي وانا اخوكم الكبير هي قالت لي أوبه لكم لما ترجع .

احمد : بيضحك عليه ههههه😂 يامحمد جي ابسر هذا المجنون مدري مابيجابرهم سعم عيفهموه ..

تهاني: دعته .. هيا شرق علينا ياولدي ..

معاذ: زد قرب حبهم 😘 .. شاجي غطوه ابسركم لاتفتجعوش ..


فاطمه : جبرني ابسري محلاه كيف بيتحيلا لهم يارب يرضى عادل وتشلوهم لكم ..



......... .........


روح الحج عبدالله وفاطمه بتحاكيه ماعيفعلوا ذلحين من الجهال وبتقله ماقالت تهاني ..

حسين : بيتحيلا لهم هو واحلام ويلاعبهم مع يزن .


سميره : بتزن فوق راس عبدالكريم لا يرضاش يخلي ابوه يربيهم عيشلوا محبتهم وحقهم .

........


في بيت عادل ..

تهاني كملت ترفع السحور ودخلت معاذ يرقد قدهو تاعب ماعاد قدرش يراعي للفجر ودخلت تحاكي عادل يتبنوا الجهال ..


عادل: والله اني حاكيت الحج عبدالله مارضيش قال قد ربي رزقه اليوم برزقهم جت له من باب الله .

تهاني : والله لو تبسر معاذ اليوم محلاه كيف جلس يجابرهم ويتحيلا لهم زد حاكيه قوى لما تخطوا تصلوا فجر ولا مارضيش شاسير احاكيه انا ..

عادل : الله يقدر مافيه الخير والله اني ابسرتهم وحمدت الله وشكرته الي احرمنا من هذه النعمه وتنهد ..

تهاني : نزلت دموعها 😭 قد قلتلك تتزوج مارضيتش وانا مشتيش احرمك من الجهال ..

عادل: مسك يدها 👋🏻 والله لو اتزوج بعشر نسوان وربي مشو رايد وبعدا انا مشتي جهال الا منش ..

تهاني: قوى زيد حاكيه وبعدا ماعندريش احد ان مشهم جهالنا الحمدلله اهلنا كلهم في شبام عنتصلهم نقلهم ولدت وكنا مخبين عليهم الوحام لامايسبرش ..



عادل : ضحك 😂 ومسكها من كتفها قد مرتي خططت وجاهزه شازيد احاكيه والله يختار مافيه الخير .


@qesasanani

بارت 7



بعد نقاش طويل بين عادل والحج عبدالله اتفقوا ان عادل يشل البنت لأن مابش معه بنات والحج عبدالله عيشل الولد ...


تهاني : فرحت اول ماقلها عادل بعد ماروح من الجامع وسارت تقيم معاذ 😃 تفرحه قد معك اخت ..

معاذ : قام مطنن .. استغرب كيفه اخت ايحين ولدتوا ..

تهاني : ابسرت العيال الي امس لقيوا احنا عنشل البنت وعمك عبدالله الولد بس مشتيش احد يدرى من اهلنا فالبلاد انحنا لقيناها شاقلهم اننا ولدت ..

معاذ : ولما تجي امهم تشلهم ماعتقلوا لهم اين جت بنتكم.

تهاني : ماعد عتجيش تشلهم يا ابني لو تشتيهم مارجمتهم ذلحين هيا نفكر لها في اسم ..

معاذ: طنن شويه 🤔 بيفكر في كلام امه وكلام نوال وصدق عادها عترجع اومع ..


عادل: سمعهم وضحك هيا مارائيكم نسميها هبه لانها هبه من الله .

تهاني: لمعين عيونها من الفرحه 😃 وابتسمت ايوه هبه حالي انا شاقوم اتصل لأمي افرحها ..

عادل : بيضحك هههه الناس راقدين لما قدهو ظهر وعنتصل لهم كلهم ..


..... .... .....

في بيت الحج عبدالله

فاطمه : الحمدلله انك فرحتهم والله لوتبسر مرحمها كيف جلست جنبهم تلاعبهم وتتحيلا لهم ..


الحج عبدالله : ذلحين اهم شي احلام ترضعهم مع يزن وتوبه لهم ..

فاطمه : قد فكرت في اسم للولد .

الحج عبدالله : 🤔 امممم مارائيش نسميه رزق والله انهم دخلوا برزقهم .



فاطمه : خلاص رزق رزق. و تهاني
مدري ماعتسميها اهم شي قوى ياحج تسكت افمام الحاره وخلاص العيال عيالنا مش غطوه بعده احد يوجع العيال بكلمه .


الحج عبدالله : مع ان شاء الله قد سدينا انا وعادل عنبكر للأحوال المدنيه نفعلهم شهايد ميلاد .

..............

في غرفه عبدالكريم ..

سميره : ذلحين ماهو عتسكت لاعادهم خلوا البنت مهني هذا خلو لنا الولد وغطوه بعده يرجع يشاركنا فالحق ويشل قسم ساعه ساعك وهو ابن حرام .. المهم جلست تسمعه كلام لما خرج من الغرفه ..


الحج عبدالله : من بيدقدق الغرفه اسكه افتحي ..

عبدالكريم : دخل وهو ضابح 😤 ذلحين ماهو هذا يا أبه عتربي لنا عيال حرام وتخليهم يشاركونا في الحق .

الحج عبدالله : قلب فوقه 😡 حرمت عليك عيشتك من اليوم ازد اسمع لك كلمه هذا اخوك وله مثل مالك ولو ازيد اسمع لك كلمه لاعادك ابني ولاعاد اعرفك ..


عبد الكريم : خرج وهو ضابح 😤

ودخل غرفته وصرع الباب ..



........

الصبح عادل والحج عبدالله ساروا يسجلوا العيال ويفعلوا لهم شهايد ملان ..

ع رجعتهم .. وقفهم واحد

الرجال: صدق ياعم عبدالله لقيت جهال رجمتهم امهم وعتربيهم .

الحج عبدالله : قلب فوقه 😡 الولد ابني والبنت بنت عادل ورفع صوته كلمه يسمعها القاصي والداني اسمع كلمه يقل ان هذولاء العيال مشهم عيالنا طال الزمن ولا قصر ولهم مثل مال اخوتهم من حق .


...... ..... .....

تهاني: اتصلت تبشر انها انها ولدت وام عادل وحكت لهم انهم خبوا الخبر لومايسبرش وحام بعد كل هذه السنين ..

اهل البلاد كلهم قدهم فارحين لهم ..

اخت تهاني: اتصلت لها عتجي هي وامها يولدنها .

تهاني: مع يا اختي مشو بحق التعب والطلعه وقدهي اواخر معي جاره
طيبه بتوبه لي وفالعيد قد شنزل اولد عندكم ...


عادل : ضحك عليها 😂 ومنش صدق عتنزلي تولدي فالبلاد هيا الله يريحش ..


معاذ : جالس خارج مطنن بيدور نوال ايحين عتجي للعيال ..


منير: بيداعيه يجي يلعب معاهم .

معاذ : مارضيش وفلتهم خطي للبقعه الي جلست فيها نوال يدورها .

منير: لحقه ... مالك اليوم مطنن ما بتدور .

معاذ: اقلك سر وماتقلش لأحد ابسرت المره الي لقينا امس وحكى له وحلفه مايقل لأحد.



@qesasanani

بارت 8


باقي يومين للعيد ..😃


تهاني: فالسوق خرجت هي وخاله فاطمه يشترين كسوه العيد لمعاذ وامنيه ..

فاطمه : مابتفعلي يامجنونه لمن هذه الفساتين 👗الي في يدش عيزكيش عقلش هههه 😂 .

تهاني : والله هكذا ياخاله فاطمه بتضحكوا عليا هذولاء لهبه .

فاطمه : بتضحك عليها 😂 هههه زد اشتري لها قباضات يامجنونه عادهي جاهله بنت ايام او قد عتبعدي لها القماط
(القماط اللفه البيضاء الي يلفوا بها الجاهل المولود).


تهاني : مع شاخبيهن لما تكبر شويه قد بينتحلا لهن ..

فاطمه : يووه اين جو العيال قفت تدورهم ضحكت ههه 😂 هيا ابسري اين المداليز حقنا ..

أمنيه : اختارت بدله لرزق ..

معاذ: في يده بدله لرزق وفستان لهبه ..

تهاني: تحيلت لهم .. 😃هيا ادوهن والله ما اكسفهم ....

فاطمه : هيا شرق نقطب امل عتطلع اليوم من الحديده زوجها عيطلعها تعيد عندنا وانتي اقطبي بعد العشاء قدش داريه اليوم الوفاء حق احلام تعاونيني ..

...... .... ....


جاء العيد والكل فارح 😃 ..

العيال لبسوا اللبس الجديد 👔👕👗👚 .

تهاني : بدلت لمعاذ 👕👖 عيسير يعيد مع الحج عبدالله لان مابش معاهم اهل في صنعاء ..

معاذ : اول شي فعله بعد مابدل سار يبسر هبه وحط لها 100 ريال وشاورها هذا حقش العسب شوبه لش لما ترجع خاله نوال وبيصيح لتهاني يا أمه شاسير اعسب رزق .


تهاني : ضحكت عليه 😂هههه تمام اعسبه واعسب يزن معه حرام .

معاذ : ماشي شدي لرزق بس هو في ذمتي هو وهبه ..

تهاني: 🤔 في ذمته .. امانه قد معه كلام اكبر منه بس جبرني به كيف بيحبهم ويفتجع عليهم لكن يزن اوذك جاهل ساعهم بس مابيفعلش هكذا ..


عادل : روح من صلاه العيد .. .ابسرها ييييه مالش مطننه 🤔..

تهاني: ابتسمت له ☺هاه ولاشي بينفكر في ابنك وبتحاكيه كيف بيفتجع عليهم ويوبه لهم وقال في ذمته ..


عادل: جاهل عتشلي ع كلامه .. مابلا فارح ان قد معه اخت وبيحب رزق لان مابش معانا اطفال فرح .. ذلحين قومي وكفي اللده حقنا ياوالده 😉 عننزل غطوه شبام نعيد هاناك وقدهو يدروا الاهل كلهم ان قد معانا بنت ..



......... ....


في بيت الحج عبدالله ..


الحج عبدالله : هيا عيالي شرق نخطى لنا نسلم ..

عبدالكريم : نزل وهو ضابح 😤 لأنه متصايح مع أبوه من يوم ماشل رزق ..

حسين : كان بيلبس الكوت واحلام بتعطره ..

فاطمه : يا بنتي اقطبي جي امشط شعرش ابوش بيصيح ..

أمنيه : ناهي يا أمه عادهو معاذ ماقد جاش ..

معاذ : من قفاها .. الإ قذا جيت امشطي بسرعه وانا ادخل اسلم ع رزق وادي لي العسب حقه أينهو ياخاله ..

فاطمه : تحيلت له 😘يوووه جبرني بالرجال حقنا هي جي أول احبك واعسبك انا ..


...... ..... ....

بعد العصر

النسوان تجمعين في بيت عاقل الحاره معاهم سلام عيد ..


تهاني : خلت معاذ عند ابوه الرجال مخزنين عند الحج عبدالله وشلت هبه معاها ..


فاطمه : مراعيه لها هي وأمل واحلام ومعاهن رزق ويزن وامنيه ..

سميره : سارت بيت اهلها .

اماني: في بيت زوجها ...


طبعا نسوان الحاره بيتهامزين ويتغامزين ع رزق وهبه والي تلعن أمهم والي تقل كلمه ..

أحلام : سمعتهن قلبت فوقهن 😡 إسمعين كلام خيرات في هذا الموظوع أنا مشتيش وكل واحده تغلق فمها العيال عيالنا ولامابش من يضبطكن الحج عبدالله عيحاكي أزواجكن يضبطوكن .

الي فالديوان كلهن تباسرين وسكتين ..

تهاني: ضبحت 😤 أشرت لفاطمه انها عتروح شلت هبه وخرجت .

فاطمه : لحقتها هيا راعي لي ادي رزق وادعي البنات ونروح نجلس عندش بيتنا فيه رجال .


...... ..... ...

@qesasanani

بارت 9


في شبام ....


أم تهاني : استقبلتها بمحجره يوووه حيا حيا ببنتي ادي البنت من يدش 👶🏻 ..

هكذا ومخفيه عليا وانا امش ماتقلي حتى لي ..

تهاني: بتضحك 😃 يا امه قلنا لما اولد واقلكم كنت افتجع لايخرج ولا اسقط بعد هذه ال9 سنين كلها .

اخت تهاني: بتتفرج هبه .. يووه ماشاء الله محلاها من تشبه قمر .

مره اخو تهاني : ساع أمها ماشاء الله بس لمن طلعت عيونها عسلي .


المهم الكل فارح بتهاني وقد جهزين لها مرتبه وولاد يولدوها فارحين بها ..


... .... ...

عادل : عند الرجال بيسلموا عليه ويباركوا له وابوه بيلومه انه خبى عليهم ..

معاذ : جالس مطنن 🤔 ضابح أنه فلت رزق وبيهم لو آيه بنت سميره تجلس تجننه لانها بتحسد منه ومن يزن .

عادل : معاذ مالك مطنن قوم العب مع الجهال ..

معاذ : مع اشتي نروح رزق وحده حرام .. وبعدا لو احد يجي يدورني وانا مابحد عيب واحنا اتواعدنا.

عادل : وانت ماعليك من معاذ اوذك امه فاطمه عنده توبه له . ومن الي عيجي يدورك انت ومن تواعدت .

معاذ : ولو انا اخوه الكبير . ويشتي يتهرب من سؤال أبوه أنا شاسير أبسر هبه لايبكوها العيال .

عادل : بيفكر 🤔 أممم والله ماكذبت تهاني هذا الولد قدهو متعلق بهم قوي...


...... ... ...

في صنعاء ...


فاطمه : يوووه لاغيبش يا تهاني امانه بينحس نفسي مضيعه بغيرها .


أمل : يووه يا أمه مضيعه وأنا عندكن تخايلي إننتوا عتفرحوا بجيتي أعيد عندكم ..

فاطمه : يووه ماسخاني عليش والله اني فارحه بش ووبنتش لكن قدش داريه طول اليوم وتهاني معي وزيد بينقلق ع هبه هم قالوا التؤام يحسوا لافرقوهم وهي هانا طول اليوم وهم جمعه واحلام بترضعهم حرام بينهم لوماترضاش تشرب الحليب الصناعي ..

سميره : دخلت وفي يدها رزق .. هآه عمه بيبكي قد كنت شادق لأحلام ترضعه بس قلت اول اديه لاعندكم داريه مايعجبكمش أحد يعسه هنيت له والحب الي قد بتحبوه أنتوا وعمي عبدالله .

فاطمه : للمه أو مابتحبيش جهالش وهذا إبننا ونحبه .

سميره : عوجت فمها 😏ناهي وأنا ماقلت ..

...... .....

في شبام

تهاني: ياعادل خلاص ماذلحين نطلع لنا قد معاذ دحس جلدي بكاء وجنان يشتي رزق بيبكي عليه وهانا طول اليوم ولا بيخلي أحد يعس أخته من قرب من الجهال يشتي يحبها مايخليش يقل عيوجعوها وزيد البنت مابينحسهاش بتشبع من الحليب وأمي يوميه بتدحس للمه مابش فيني حليب ..


عادل : ماهذا الولد قد جنني هو ورزق وبيمكني يوميه مدري من عيجي يدوره والله اني حاسس ان مدري مامعه مخبي من هذك اليوم لما مكني دخله خرجه وزد لما بتدوري حقش اللده الي قدفوق الحبل قال اداهن للمطلبه ..

تهاني: أنت داري خلينا نطلع قدنا فاقده لخاله فاطمه والكل وللحاره ولما نوصل عنبسر ماقصه إبنك ..


... ..... .....

ثاني يوم الصبح

معاذ : 😃 فارح بيخرج الشنط حقهم للسياره عيسافروا .


أم تهاني: والله يابنتي مانا داريه مالش هكذا مستعجله ماتخلينا نفرح بش سوى وعادش والده ماتجلسي حتى لما تتمي الأربعين .

تهاني مفعل يا أمه قدنتوا داريين عتبداء المدرسه وماشسخاش افلت عادل وحده ومعاذ قرايته لما تجي الإجازه عنجي ان شاء الله ..

عادل : بيداعيها من الدرج .. هيا شرق هيا ياتهاني شرق علينا ..

🌹meme_abdalgaleel


@qesasanani

بارت 10



بعد ماكملت إجازه العيد وبدأت المدرسه 🏫 ..


معاذ : بيدقدق الباب يدعي أمنيه ومحمد وأحمد يخطوا جمعه عادل مراعي لهم بيشلهم معه ..


الحج عبدالله : ع خرجته من الباب🚪 يسير المعطاره إبسر عادل .. صباح الخير مالك اليوم بكرت .

عادل : صبحك الله بالخير والعافيه مابلا اليوم انا المشرف حق اﻻذاعه ومحمد ومعاذ مشاركين فيها قلنا نخطى بحين شويه .


الحج عبدالله : الله يعينك اوذا شدعيهم لك وبيصيح من باب الحووش 🚪 ياعيال هيا شرق عمكم عادل مراعي ..

معاذ : اوذا شدخل ادعيهم ياعم عبدالله وازيد ابسر رزق قدنا فاقد له من العشي .


عادل : ضحك ههه 😂 والله ان هذا الولد قد عيجنني لاعاد في حسه من قرايه ولا عاد يشتي شي الا رزق وهبه ..

الحج عبدالله : خليه جاهل فارح بهم ...


بعد ماكمل دوام المدرسه ...

معاذ : أنا شتأخر شويه يا أبه انتوا روحوا وشلحق أنا ومنير الأستاذ حق الرياضه ⚽ قال معانا مسابقه بعد إسبوع يشتي يقسمنا فريقين .


عادل : يله تمام ولاتتأخرش ..


..... .... .....


في الحاره .

نوال : واقفه بعيد في طرف الشارع عند بيت عادل بتبسر العيال وهم مروحين من المدرسه لو عتلقى معاذ ..

العيال: روحوا ومعاذ مابحد.


نوال : بزعل 😔 ياالله مابحدهو معاذ كيف شفعل ذلحين شرجع عصر لاهو عيخرج يلعب فالشارع ..


معاذ : رجع من المدرسه فوقه الشنطه 🎒 بيتنبع فارح عيشارك
فالمسابقه ..


نوال : ع خطيتها زد التفتت لاوراء تبسر لو عتلقاه .. إبسرته بيتنبع فرحت 😃 بتأشر له بيدها ..


معاذ : إبسرها من بعيد ماعرفهاش .. قرب لاعندها بتداعوني ياخاله .

نوال : وطت ومسكته من كتفه كيف انت يامعاذ أنا خاله نوال ماعرفتنيش قد نسيت حقنا الوعد .

معاذ : تنهد بفرحه 😃 هآه ذكرتكم للمه ماعد رجعتوش كل يوم بينراعي ترجعوا وبيننفذ الوعد حقنا واوبه لهبه ورزق والله ما بينخلي آيه المجنونه تحبهم واشتريت لهم لده فالعيد واديت لهم ميه عسب 😃 ..


نوال : ابتسمت بحزن تحيلت له .. أيوه هكذا كن أوبه لأخوتك .. وتنهدت بقوه قد اسمهم هبه ورزق😔 .


معاذ : أيوه هبه قدهي أختي عايشه معانا في بيتنا ورزق قدهو ابن خاله فاطمه لكن هو أخي والكل صح .

نوال : أيوه أخوتك المهم كن أوبه لهم قوي وأنا شاكن أجي لك للمدرسه وقت المرواح اطمن عليهم ..

معاذ : بإستغراب 😳 ليش ماقد عتشلوهمش معاكم ..

نوال : مع عادنا بيندور أبوهم .. المهم أنا راكنه عليك ولا تقلش لأحد اني جيت ومدت يدها 👋🏻وعد .


معاذ : مد يده 👋🏻وابتسم لها 😃 وعد ويارب تلقوه بسرعه ولو مشتيش تشلوهم شفقدهم بس حرام بينسمع عيال الحاره لما يقلوا هم مابش معاهم أم وأب هم لقيوهم فالشارع وازعل عليهم .


نوال : اقتهرت ونزلت دموعها 😭 .. يله مع السلامه شكرا يامعاذ وخطيت ..


حسين : خطي وإبسر معاذ 😡 بيصيح فوقه .. معاذ مابتفعل لذلحين ماقد روحتش من المدرسه ومنهي هذه المره الي جالس بتتجابر معاها اقل لأبوك .


معاذ : افتجع 😳
هآه احنا معانا مسابقه تأخرنا وهذه المره كانت بتسأل أين بيت ال....


حسين : يله شرق عليك الان تروح البيت ..


معاذ : روح البيت وهو فارح 😀 دخل ع طول طريق هبه يحبها 😘 ويشاورها دلا .. اليوم جت ماما تتطمن عليكم باقي شويه تلقى أبوش ضاع وترجع تشلش انتي ورزق المهم هي قالت اوبه لكم .


تهاني : ابسرته دخلت تصيح فوقه 😡 وين انت لاذلحين وبدل ماتدخل تتطمني انك جيت دخلت طريق اختك اومه ..


معاذ : هو الاستاذ حق الرياضه اخرنا علاميد المسابقه قد حاكيت أبي ..


تهاني: يله بدل لداتك فيسع والحقني امد ما اقيم ابوك وأقرب الغداء تأخرنا 🍲 .



...... ..... ......


بعد العصر ...


معاذ : فارح ان نوال جت سار يقل لمنير صاحبه وأمين سره ..

منير: بس ليش ماتشلهم وتدور زوجها وهم معاها ..

معاذ : قالت مابش معاها زلط تشتري لهم حليب وحفاظات وعند من عتخليهم لما تسير تدوره هي راكنه عليا اوبهم لهم ..


منير : خلاص وانا من اليوم شوبه لهم معاك هيا نسير نشتري من البقاله جعاله ..

معاذ : ضحك عليه هههه 😂😂 جعاله مه يا أخبل عادهم مايشربوا الإحليب ..

منير: خزي وخفع راسه هههه ☺نسيت خلاص جي نسير نشتري لهم حليب ..


معاذ : مع هي خاله احلام بترضعهم وهبه أمي بيزيد يدوا لها حليب فالرضاعه من حق الجهال ..


...... ..... .....

سميره : بتتصل لتهاني .. ☎ الوو كيف انتي ..

تهاني : الحمدلله كيف انتي .

سميره : هيا مالش ماقد جيتيش نخطى عند الولاد علاميد احلام تزد ترضع هبه قبل مانخطى قالت عمتي اليوم تاعبه شويه ماعدجيش عتوبه لهم هي ..


تهاني : يوووه 😱جعلي مكسر عليهم الله يشفيهم ماهذا المرض كيفهو تعب قد فرحنا قدلهم فتره بخيرين .. خلاص سيرين وانا شاجي اوبه للعيال واجلس عندهم ..


@qesasanani

بارت 11


بعد العصر ..


فاطمه : ممدده فوق الفرش .. تهاني امانه ولو قد ششغلش يابنتي لوتسكبي لي قلص قهوه 🍺..


تهاني: يووه ياعيبتكم شغله مه من عيني وقدهو ابس الجهال مع الطريق لاينكز واحد عيقيم الباقي ..

فاطمه : ضحكت ههه 😂 جبرهم محلاهم والله انهم دخلوا لنا الفرحه ..

تهاني :بس قد بتتعبوا نفسكم مع رزق سهر واوباه لما رجعتوا تتعبوا قد بتقلكم سميره عتكن ترقده عندها وتوبه له مع يزن ..

فاطمه : ابتسمت 😃 والله مابيتعبني ولا انا بيرد روحي انا فدال روحه ..

تهاني: اوذا شخطى اسكبها لا اتاخرش عليكم وازد ارسل محمد للبيت يبسر معاذ ماله مازد جاش يلعب عندهم .

فاطمه : ايوه وكن ناخريه يابنتي وصيحي فوقي لايكنش يجابر من لقي فالشارع قال حسين قد لقيه وصيح فوقه كان بيجابر مره وبيتسالموا ويضحك لها ع رواحته من المدرسه ولما سأله منهي قال بتدور بيت ..

تهاني : استغربت 😳 بيتسالم معاها ماحاكانيش .. ابني مدري ماله هذه الفتره بينحس به شي مخبيه علينا من يوم مالقينا العيال وهو متغير وتصرفاته غريبه .

فاطمه : الله يهديهم ع قد عاله هيا اسكبي لي القهوه وافتقدي العيال مع طريقش ..



... ..... .....


مرت سنه ومابش أحداث جديده كلشي مثل ماهو...

نوال : كانت بين كل فتره وفتره تجي تتطمن ع العيال من معاذ .

تهاني وعادل : مركزين اهتمامهم ع تربيه عيالهم ..

فاطمه : كانت بين فتره وفتره تتعب وتفتهن وبيفكر الحج عبدالله يزد يسفرها يبسر دكتورها لو عيغير العلاج ..

معاذ : مركز اهتمامه ع هبه ورزق وبيوبه لهم وبينفذ الوعد ..

...... ..... ....

يوم السبت الصبح الساعه 9 الصبح

معاذ : بيعلق بالونات وزينه ملان البيت 🎈🎈🎈🎉🎊.

عادل : وصل من خارج وفي يده أكياس 🍥🍱🍩🍿🍫🍭 هيا جي إبسري هن هذولاء الحاجات الي تشتي ولاعاد به شي ناقص ..

تهاني : قربت بتفتش الأكياس . ايوه تمام إسلم ياروحي قد بتعبك معانا ..


معاذ : نزل من فوق الكرسي .. أهم شي الترته لاتتاخروش نسير نديها بحين ويكتب فيها اساميهم .


تهاني: قوى ياعادل وزيد خليه يكتب اسم يزن والكل قدهو نحتفل بعيد ميلاد الثلاثه ..

معاذ : بضبح 😤 بس هو عيد ميلاد اخوتي اليوم مشهو عيدميلاده ..

عادل : وهو اخوهم والكل خاله احلام رضعتهم يعني هم الثلاثه اخوه ..

معاذ : 🤔 طنن شويه آها يعني خاله احلام عتقع امهم والكل خلاص مدام وهو هكذا افعلوا اسمه ..


..... ..... ....

في بيت الحج عبدالله ..


سميره : في المطبخ بتفعل كيك وتحطم 🍰 مشنا داريه ماهو هذا الجنان ماطلع لها تهاني تفعلهم عيد ميلاد مابنفعلش لعيالنا الي من لحمنا وهي عتجي تفعل عيد ميلاد لعيال حرام يعلم الله من اهلهم 😤 واحنا عمتي مابلا نعاونها ونفعل لها كيك وحلويات ..


احلام : في يدها العجين .. حرام اقتهرت من كلامها 😔 حرام عليش ياسميره تقلي عليهم هكذا وبعدا قدهم جهالي أنا والكل لو ازيد اسمعش تقلي هكذا والله لا أقل لعمي ..

فاطمه : كانت فالباب 🚪مسنبه سمعتهن .. 😡😡 صاحت ياعبدالكريم ييييه عتجي تبسر مرتك. تعلمها الادب ولا أقل لأبوك منهم عيال الحرام ..

سميره : افتجعت 😳 حملت لاعندها مع مع ياعمه قوى انا فدالكم ومسكتها وبتحب راسها انا آسفه والله مازد اقل شي لاتقلوش لعمي .. انا غر قلت ماراس التشعيبه حقها واحنا مانعرفش نفعل هذا الجنان حق اليهود مشي من عاداتنا .


فاطمه : كل واحد حر بجهاله وانا وهي نشتي نفرح بعيالنا سكتنا اهل الحاره ماعنقدرش نسكت الي وسط بيتنا اومه ..


سميره : وطت رآسها 😔 وخطيت سكته تكمل تفعل الكيك .


.... ..... .....

في بيت عادل بعد العصر

العيال ملان البيت فارحين بيلعبوا بالبالونات 🎈🎈 وياكلوا حلويات 🍱🍩🍿 ويغنوا .


تهاني: هيا مه ياخاله فاطمه ادخل اقيم العيال اليوم بالحناك رقدوا .

احلام : ضحكت ههه 😂 وانا يزن في حضني قد جنني بيدحس يشتي يرقد هيا ادخلي قيميهم نصورهم ونطفي الشمع .


سميره : بتتفرجهم وضابحه 😤 كل هذا الدلع لرزق وعادهو جاهل وعمي اليوم اشترى له خاتم ذهب بيتحيلا له هو ويزن ولهبه اخراص وجهالي كم قد عمرهم ماقد ادى لهم هديه في عيد ميلادهم .


معاذ : كل شويه بيخرج لاباب البيت ويرجع ..

فاطمه : إنا ماله إبنش عيمكنا دخله خرجه .

تهاني: والله مديلكم علم سألته قلي هو عزم صاحبه فالمدرسه وبيخرج يبسره لوماعرفش البيت .




🌹meme_abdalgaleel


@qesasanani

بارت 12



وقت المغرب ..

النسوان بيصلين والعيال بيلعبوا 🎈🎈 ..

معاذ : خرج للباب 🚪 ابسر نوال مسنبه له فالشارع في نفس البقعه حق كل مره فرح وحمل لاعندها ... مالكم تأخرتوا ياخاله قلتوا عتجوا الحفله ..

نوال : ابتسمت 😀 وهي متحسره كان نفسي بس انت داري انه ماقد ينفعش احد يدرى .

معاذ : وانتوا هذا ابوهم اين زاد جاء كم عتجلسوا تدوره .



نوال : ذلحين اشبح هذا التلفون وادخل صورهم لي قد نفسي عتنكع ابسر سعمن قدهم ..

معاذ: طيب حاضر شدخل اصورهم .. دخل وابسر النسوان منشغلات بالصلاه والعيال بيلعبوا صورهم الثلاثه وخرج التلفون لاعندها ..

نوال : اول ما ابسرتهم نزلت دموعها 😭وبكيت وكانت تبوس التلفون 😘 وتحضنه ..

معاذ : ياخاله لاتبكوش يارب تلقوا ابوهم وتجوا بسرعه .

نوال: هذا اخوهم الي قلتلي صح .

معاذ: ايوه هذا يزن ابن عمي حسين.

نوال : معاذ مارايك يوم الجمعه الساعه 5 تشلهم للبقاله تجعل لهم وانا اجي وابسرهم .

معاذ : مابيرضوش امي وخاله فاطمه يخلوني اخرجهم للشارع ولما نشتري لهم جعاله يصيحوا يقلوا مع مهد هم جهال ..

نوال: الله يحفظهن سعما بيوبهين لجهالي . سلمت ع معاذ وخطيت والتلفون في يدها بتتفرج صوره العيال فارحه بهم ودموعها بتنزل قهر ع فراقهم 😭 ..


....... .... ......



كملت الحفله والنسوان بيرفعين .


تهاني : يووه نسيت عتروحوا ياخاله ومامكنتكمش هديه رزق قد عادل اشترى له وليزن ولهبه تعليقه ايه الكرسي قال نكن نعلقهن فوقهم من العين .


فاطمه : شلتهن وبتبسرهن يوووه محلاهن الله يجبرهم بعافيتنا ويخليهم لنا يارب .

احلام : كانت بتكنس جنبهن سمعتهن ضحكت 😀امين .

سميره : دكمتها .. ايوه منتي مابه عليش ابنش عيدلع من دلعهم هو غر انا الي شظتلم انا وعيالي .

احلام : بهررت فوقها 😳 اسكتي لايسمعوا عمتي والله لايقلوا لعمي وانتي اخبر ..


..... ....... ......


نوال : روحت وطول الليل مارقدتش دموعها 😭 ع خدها وبتتفرج صوره عيالها وتبوسهم وتحضنهم وتقلب شريط الذكريات الي وصلها لهذا الحال وتلوم نفسها وتدعي على من كان السبب ..



معاذ : ممدد مطنن 🤔 بيفكر ليش خاله نوال فلتت العيال وليش ابوهم ضايع وماهو يعني عيال حرام وليش اهل الحاره كان يقلوا هكذا ع اخوته وبداء يتمنى انها ماعد ترجعش علشان لاتشل اخوته ويجلس من غيرهم .



...... ...... .....

بعدها بيومين ...

فاطمه : بتتصل لتهاني ..☎ هيا قذا عمش عبدالله حجز لنا عنسافر بعد يومين ..

تهاني: يووه مسرع 😱 بقدر مانا فارحه تسافروا تتعالجوا بقدر مابينهم شفقدكم .

فاطمه : والله لوتبسري كم قد بينهم رزق عبدالله قال مابلا اخليه هانا من عيوبه له وانا تاعبه وقد بينهم سميره ما احلام انا داريه انها عتوبه له .

تهاني: ولا تقلقوا ولاشي .. انا شاخليه عندي شوبه له هو وهبه اهم شي ترجعوا لنا بالسلامه 😀.


....... ....... ......

يوووم السفر ..


فالمطار ✈..

عادل : بيسلم ع الحج عبدالله ترجعوا بالسلامه الله يشفيها يارب .

الحج عبدالله : الله يسلمك ماشاوصيكش رزق قوى وحسك مع عبدالكريم والله مانا راكن عليه قدهو واحد ثاني من حين جاء رزق قدك داري .

في الجهه الثانيه .

فاطمه : بتسلم ع سميره واحلام ولما جت تسلم ع تهاني بكيت 😭 .

تهاني: تنهدت ومسكت دموعها 😭 يووه ياخاله امانه لابكيتوني سعم مدري اين عتسيروا اسبوع وعترجعوا .

فاطمه : امنتش الله في رزق لا وقع بي شي ولا شي تخليه عندش توبهي له مع اخته ..

حسين : بيدعيها .. هيا يا امه شرق علينا عنتأخر ع الطياره ..

احلام : سلمت عليه .. قوى كن اتصلي يوميه طمني ..


@qesasanani