🥀
🥀
144



سيده : يابنتي قومي إبسري منهي هذه الي جت ..

رهآم : يا أمه إسهل شويه خليهن يجلسين وشاقوم اتعرف عليها خزا لاقد نحرجش البنت .


مره سامي : كان أقوم أشل لها شاهي وكيك 🍰 .



..........

جنى : رجعت للبيت بتدق الباب 🚪.


سمر : بتحاكى سندس .. ولو إني مش فاهمه ليش ماتشتيش أبسرها بس تمام شتصلش وأفهم منش 🤔 .



جنات : ع خطيتها تدخل للديوان تبسر صاحبتها الي جت سمعت الباب 🚪 خطيت تفتحه ..



سندس : بتسلم ع سمر .. يله تمام والله لأشرح لش كل شي وبتخطى معاها توصلها للباب 🚪.


جنات : قربت فتحت الباب 🚪 .


جنى : كانت موطيه بتفك ربطه البووت 👢.

جنات : أهلا وسهلا من أنتي ..

جنى : رفعت رآسها وسنبت .. إبسرت قدآمها بنت نسخه منها.. كأنها بتبسر نفسها فالمرآيه بس هذه شعرها طوويل ابتلدت 😧 دخن جسمها كلها نكعت شنطتها من يدها استندت ع الجدار بيدها كانت عتنكع ...بتتفرج جنات سكته عجمت ماقدرتش تقول شي ..


جنات : فرحت لما إبسرتها ...مسكت بيدها لاتنكع .. أنتي جنى صح 😃 .. وحضنتها .

جنى : قلبها بيدق بسرعه ❤ مبلوده ولا قدرت تقل شي مسنبه مصدوووومه ..



سمر : بتخطى هي وسندس للباب 🚪 تروح ... إبسرت قدامها جنى مسنبه مبلوده وواحده مسنبه مقفيه .. قالت لسندس هذه جنات المقفيه صح .


سندس : إبسرتهن الثنتين قدامها جنى وجنات ماعد دريت ماتفعل إرتبشت يبست بقعتها .. خلاص كل شي إنكشف بسببنا صآحت بتداعي وهي بتبكي 😭 ياعمه رهآأااام ..


جنات : لفتت لاعندهن تبسر مالها بتصيح ..

سمر : إبسرت جنات .. تفاجاءت 😱 ماهووووو هذا من أنتي كيف تشبهي جنى ارتزحت عرض الجدر ..


رهآم : بتسمع سندس بتصيح افتجعت قامت بسرعه تحمل لاعندهن..


سيده : افتجعت وقامت تبسر مابه .


مره سامي : كان في يدها الشاهي والكيك تدخله 🍰 إبسرت جنى ونكعت الصحن من يدها .



يوسف : كان بيلعب فالغرفه مع عيال سامي سمعوا الصياح خرجوا..



.....................


فوق السياره 🚘 ....



أحمد : نزل من السياره مسنب مرتزح عرض باب السياره ورافع رجله ... هذولاء مالهن مازد خرجنيش .


أكرم : بيهديه .. إن شاء الله خير لاتقلقش ويارب سندس معاها وقدهي تصالحهن جمعه ..



..............



رهآم : خرجت من المكان إبسرت قدامهم سمر وجنى ... قلبها دق بسرعه ❤ مشي مستوعبه بنتها عندها وفي بيتها .. كيف دريت اني أمها كيف جت كيف عرفت بيتها ميه فكره بتلف في رآسها 😇 ..


سيده : أول مره تبسرها .. إبتسمت اللهم صل ع محمد صدق حن قالوا فوله واقتمت نصين ..


يوسف : أول ما أبسر جنى .. حمل يحضنها فارح 😃.. أنتي جنى أختي صح ...




سمر : بتبسر رهآم .. بتحاول تتذكر شكلها لأنها كانت صغيره لما طلقها عزيز .. انتي رهآم صح مره عبدالعزيز ..


جنى : مبلوده .. يوسف حاضن لها ... جاوبته ونفسها مقطع بصوت هادئ كأنه من حال روحها .. أختك كيف يعني من أنت ومن هذه الي تشبهني .. فجاءه دهفته وخطيت لاعند سمر بدائت تتشنج وتصيح . بتهزورها . منهم هذولاء ... 😡 من أنا من هذه المسنبه الي قلتي لها رهآم قربت لاعند رهآم أنتي ماما صح وتصيح بقووةه وتبكي 😭 .

جنات :بتبكي 😭وتمسكها وتحضنها ... أنا أختش ياجنى وهذه ماما الله لاسامح الي فرقنا وحرمنا من بعض .

رهآم : بتبكي ع بناتها 😭قربت جنبها بتمسك يدها ... وتحاول تهدئها ... جنى بس إهدائي يييي قوى ياروحي جنى ...


جنى : نكعت ودوخت 😭 ماقدرتش تتحمل الصدمه ..

سندس : بتخفع وشها وتبكي .. الله يقلعه حب هذا كله بسببنا 😭 .



سمر : بتفوق جنى هي ورهآم .


سيده : جالسه في طرف الحجره بتبكي 😭 وتدعي ع الشيخ الله لاسامحك لادنيا ولاآخره ..


مره سامي : حملت تدي عطر وماء .



جنى : فتحت عيونها وكلهم محوشين فوقها .. مسكت سمر روحيني هيا نروح ...



رهآم : قرحت بكاء 😭 ماتشتيش ماما ياجنى قد فرحت إنش جيتي لاعندي .


سمر : إبسرت سندس .. شتصلش أول ماأوصل مسكت جنى وبتخطيها ..


رهآم : بتلحق جنى وهي بتبكي 😭
جنى قوى لاتفجعينيش عليش .



جنى : مبلوده ولاعاد بتكلم أحد 😦بتخطى وتسحب أرجلها سحب وسمر سانده لها .




أحمد : إبسرهن حمل لاعندهن 😱استغرب .. مالها جنى ماحصل .


سمر : بتبكي 😭طلعت جنى وطلعت فوق السياره وجنى منهاره.



أكرم : بيسوق وهو بيعتجن ماهو هذا كل مره مابندرى ماحصل اتحاكين وبيصيح 😡 .




..........


رهآم : داخل بتبكي ومقهوره ع جنى .


سندس: بتشرح لها ايش الي حصل وان سمر قريبه أحمد واكرم الي حكين لها وبتفهمها القصه .



جنات : في غرفتها بتبكي بتدور شريحتها الأوله تتصل لأحمد تتطمن ع جنى .


@qesasanani

🥀
🥀
145





بعد ماوصلوا البيت ...


سمر : مسكت جنى ونزلين من السياره 🚘 .

أكرم : هزر أحمد ع جنب .. بيتحاكى بضبح 😤 عتدخل تبسر مالهن أو أتصرف أنا ..


أحمد : بيحاول يهديه .. رآعي عنفهم كلشي بس خليهن يهدائين أنا بينهم لو جنى فعلت شي وانها بتخرب علينا وان الكلام الي قالته إنها قد بتعتبرني أخ كله كذب ..


أكرم : 🤔 بيفكر في كلامه .. أمممم يمكن كلامك صح هذك اليوم اول ماسارت لاعند سندس البنت بكيت وخطيت ع طول ...


تلفون أحمد بيرن 📱 إبسر الرقم .. مش معقوووول 😯 جنات بتتصل ..


أكرم : هيا بسرعه جاوب نفهم ماحصل ...😁 .



.................


في بيت عآصم ...

رهآم : جالسه في الأرض ودمعتها 😭 ماوقفتش ...

سندس : بتحاكيها .. ياعمه لاتصيحيش إحنا ماصديناش نقلش أول مادرينا وعلشان لايدروش من إحنا مازد رضيناش حتى نجاوب أحد مع إن أحمد وأكرم قد حاكوهم فالبيت يتقدموا لنا .


سيده : 😡 قالبه صوره .. أبووش اداش تقري ولا تتخيبلي لكن مشي الحجه عندش عند بنتي رهآم الي دآريه بكن وبتزيد تغطى عليكن ..


رهآم : لفتت لسيده .. يا أمه قوى مش وقت هذا الهدار .. أنا في بنتي الي روحت من هآنا بهذك الحآله قد قلبي بيفور .. معش رقم سمر ياسندس .


سندس : ماشي ياعمه هي قالت عتتصلي لما تروح ..


...............


سلوى : إبسرت سمر وجنى 😱 يوووه صرفوا وهذه ماقد لها هكذا قد وشها ساع الطماطيس أحمر ..


جنى : طنشتها .. وطلعت غرفتها .

سمر : هزرت سلوى .. جي معي ماقلش بس مشتيش أحد يسمع ولا يوصل خبر لأحد ..


سلوى : 🤔 طننت يعلم الله ماقد به .. لحقت سمر لغرفتها.


.................



أحمد : 📱 بيجاوب .. الوووه هآه جناتي كيف أنتي وحشتيني .. مال قلبش قدهو قاسي هكذا سخيتي عليا هذه الفتره كلها ❤..


أكرم : هزره .. مش وقت الغراميات هذه السآع افهم لنا ماحصل ..


أحمد : دهفهه وخطى من جنبه .. يكمل يحاكيها ...


جنات : صوتها بكاء 😭 مش وقت هذه المجابره أول قلي كيف قدهي جنى وادي لي رقم سمر.


أحمد : جنى ولا قد وقفت دموعها من حين خرجنا 😭 ولا أحد رضي يتحاكى ولا يقل شي قدنا وأكرم ساع الأطرش فالزفه ممكن تفهميني ماحصل ..



جنات : موظوع طويل مش وقت المجابره فيه بس قل لسمر قوى لحد يعرف بشي خاصه خالك عبدالعزيز وجدك ..

أحمد : 🤔 بيفكر في رآسه ومادخل خالي وجدي .. جنات اسمعيني اشتي الآن أفهم كل شي ..


جنات :بصوت مقهور .. يا أحمد قووى مش وقت أي شي ماذلحين خلاص قد عتفهم كلشي ماعدبش شي عيتخبى بس خلي كل شي لوقته .. رسلي رقم سمر ذلحين ولا خليها تتصلي ...


أحمد : غلق التلفون ومستغرب .. بيحاكى أكرم 🤔 هذا شكله شي كبير حصل الله يستر .



...........


في غرفه سمر .


سلوى : لطمت وشها 😱 وصآحت يوووه يعني جنى معآها أخت تؤام والبنت الي يشتيها أحمد طلعت بنت أخي .. ماهو هذا الربيش .



سمر : ييييه اوووص🙊 من الفضايح .. انا دخلتش هنيه لحد يسمع وأنتي عتقومي تفضحينا ..


سلوى : كيف أفضحش .. ضروري خالش يدرى ان معه بنت هذا موظوع مايتخباش ..

سمر : أول خلي جنى تهدأ ونبسر رهآم وبعدا عنبسر كيف .. اوذا شطلع عندها البنت منهاره .


................

جنى : بتبكي وتكسر حاجاتها فوق التسريحه وتراجم ... 💄💍👑🕶 يعني أول ما أدرى ان معي أخت تؤامي أفعل بها هكذا وأفرق بينها وبين الي بتحب .. وبدل ما كنت اتمنى يكون لي أخت يطلع عندي 2أخوه .. وأول مره أبسر ماما بدل ما أخذها في حضني يحصل لي هكذا ارتجمت فوق السرير وبتصيح



@qesasanani

🥀
🥀
146




عدى اليوم والكل كان فيه متوتر وكان يوم صعب ع الكل ...


ثاني يووم الصبح فوق الصبوح..


في بيت الشيخ ....


عبدالعزيز : أينهي جنى ما أبسرتهاش أمس فوق العشاء ودخلت وهي رآقده وذلحين مانزلتش تصتبح ..


سلوى : إبسرت سمر .. هآه انت تعرف دلع بنتك ذلحين عآدهي رآقده ..


عبدالعزيز : شاقوم أبسرها مشو طبعها ترقد بدون ماتدخل لاعندي .

الشيخ ناصر : وإدعيها لاعندي إشتيها هي وأحمد بعد الصبوح .

أحمد : ابسر سمر 😳 .


سمر : بتحاكى نفسها .. الله يستر ماقد يشتي منهم 😅 ..





..............

رهآم : قأمت لبست بسرعه أول مره تحس الطريق طويل للمستشفى تشتي توصل بسرعه تبسر سمر .. عآصم مالك بتخطى دلا ..


عآصم : بيهديها ... مسك يدها حبيبي قوى إهدائي مش هكذا عتوصلي وتسأليها يكفي ماقدرقدتيش لذلحين ..


رهآم : بكيت 😭 لوتبسر مرحمها يا عآصم البنت كانت مصدومه قووى بينهم لايقع بها شي إشتي اطمن عليها ...



..............

أحمد : كملوا يصتبحوا وسحب سمر لاعنده .. عتجي ذلحين تفهميني ماحصل أو مع 😡 .


سمر : تشتي تتهرب منه ..سير أول ابسر أبي مايشتي وشاجابرك .




..............

عبدالعزيز : بيدقدق 🚪 غرفه جنى ..


جنى : رسلت رساله لجنات ... لوسمحتي إشتيش ظروري جي بعد نص للكوفي شوب الي في شارع ال*** مراعيه لش إشتيش ظروري ..

عبدالعزيز : الله الله 😃 جبر بنتي الي قدهي لابسه أين عتسير حبيبه بابا وين أنتي أمس العشي ولالش حس ..


جنى : فكرت 🤔 تشل عزيز معآها ...بابا لو سمحت جي وصلني إشتي أسير مشوار ولازم تكون معي ..

عبدالعزيز: إستغرب .. 😳 مشوار مه ياقلبي ..

جنى : عتعرف لما نسير ..



.............

في المستشفى ..🏥


رهآم : بتدور سمر مالقيتهاش .. شلت رقمها من البنات .. خرجت تلفونها📱 ع إتصال جنات ... هآه حبيبي ..


جنات : ماما جنى رسلت لي قالت لي تشتي تبسرني في كةفي شوب ال *** بعد نص سآعه .


رهآم : تمام سيري وأنا شلحقكن أشتي أبسرها وأفهمها كل شي يعلم الله كيف بتكرهني وماقد قالوا لها عليا 😔 ...



.................


جنى : نزلت لابسه هي وعبدالعزيز عيخرجوا ...


الشيخ ناصر : كان مراعي لها تنزل ... إبسرها لابسه .. وين عتسيروا .. قلش أبوش إني اشتي أحاكيش أنا وأحمد ..


جنى : بقهر وبرود في نفس الوقت بتحس مشاعرها متظاربه بين حبها لأحمد وبين أختها الي عتحرمها من حبيبي 😞 أكيد تشتي تجابرني من موظوع أحمد .



الشيخ ناصر : أيوه قد هذا الموظوع زإد عن حده وأنا قررت نخلي خطوبتكم مع سمر ونزآر.


أحمد : إبسر جنى بنظره بيتراجاها ..مراعي ترد وتقل لا ..


سمر : مسكت يدها وشاورتها .. وجنات ياجنى 😔 .


جنى : تنهدت وقفت وشها نزلت دمعتها 😭 قلبها محطوط بين نارين 💔 بين حبها وبين أختها ... شاقلك رأئي لما أروح من مشواري لأنه بعد هذا المشوار عتتغير حاجات خيرات .. وخطيت .



سمر : لحقتها تشتئ تفهم ماناويه عليه ..


عبدالعزيز: مسكها .. خليها شفهم منها الموضوع فوق السياره وأبسر أين تشتي تسير 🚘..



............

جنات : وصلت الكوفي شوفي وجالسه مرآعيه لجنى تجي 😃 فارحه انها أخيرا عتجتمع مع أختها .



@qesasanani

🥀
🥀
147


في بيت الشيخ ....


أحمد : ياجدو اشتي أحاكيك وحدنا ممكن 😞 .


الشيخ : جي ندخل الديوان ..


أحمد : خطى العربيه حق الشيخ ودخلوا ..

الشيخ : بيحاكيه بضبح 😤 ماتشتي . إسمعني لو عتحاكيني ع هذا الموظوع حق البنت الي تشتي فمابش دآعي تفتحه من أصله لأنك دآري برأئي وماشكسرش قلب بنت أبني 💔 وهي من جهلها دآريه إنك خطيبها ومتعلقه بك ..

أحمد : جلس ع ركبه قدآم الشيخ 😔 يعني ماتشتيش تكسر قلب جنى بس عآدي تكسر قلبي 💔 يكفي كسرت قلب خالي ولليوم جالس بغير زواجه وأين أحسن ترضى جنى بالواقع من ذلحين ولا أفلتها غطوه وأكسر قلبها وقد معاها جاهل ياجد حرآم عليك والله اني بينعتبرها أختي ولا أشتيها ولا عمري شقدر أتقبل فكره إنها تكون مرتي خليني لها أخ وسند طول عمرها جنى مابش معاها أخوه وبعدا اتعرف ع أهل البنت الي اشتي أول والله انهم ناس محترمين أمها دكتوره وأبوها صيدلي وأسره محترمه ونزلت دمعته 😭 طول عمرك بتفعلي الشي الي اشتيه قبل ما أطلبه الكل كان يحسدني ع مابتفعل لي عمرك ماحسستني إني بدون أب بس هذه أول مره أتمنى إن أبي عايش ع الأقل ماعيرفضش وعيزوجني بالبنت الي أشتي .. أحمد ماعاد قدرش يمسك نفسه مسح دمعته وخطى 😭..


الشيخ : إبسر أحمد تنهد وإقتهر عليه 😔 .


............


رهآم : بتتصل لجنات .. 📱 هيا مه قد سيرتي قد جت أختش .



جنات : عآدنا مرآعيه لها أين قد أنتي ..


رهآم : قدنا قريبه أول ما أوصل شتصلش ..



جنات : غلقت التلفون 📱 بتدخله في الشنطه ..



..............

فوق السياره 🚘.


عبدالعزيز : بيسوق وجنى جنبه ... هذا شكلش تشتي تصتبحي خارج مدام تشتي هذا الكوفي كنتي عتقلي لي وأشلش مطعم حالي بدل هذا ماعيبيع إلا بعاسيس .


جنى : تحت عيونها حآرق ومقهوره 😔 إسهل الحاجه الي في هذا الكوفي مهمه قوى إصبر وعتدرى ..



وصلوا باب الكوفي ونزلوا .....



...................


في بيت عبدالله ..


سيده : حآنقه من سندس مابترضاش تحاكيها ..


سندس : بتتراشاها ..ياجده قووى من أمس العشي وانتي حانقه فوقي .


سيده : أبوش اداش تقري ولاتحبي وخباله 😡 بسبب مجنانتكن اكتشف سر مخبين له طول أعمارنا .



مره سامي: ياعمه بيني وبينش هو أحسن خلي جنى تدرى ان معاها أم حرآم هذا العمر كله وهن محرومات من بعض وبعدا كنتوا تفتجعوا لايشلوا جنات لو دريوا لكن ماذلحين قد جنات مره محد يقدر يشلها ...



...................


جنى : خرجت تلفونها بتتصل لجنات 📱 أين أنتي بقع في أي مكان .


جنات : بتشرح لها .


جنى : مسكت بيد عبدالعزيز وبتخطى ..

عبدالعزيز : بيخطى بعدها ومستغرب مابه 🤔 ...


جنات : بتشرب كوفي🍺 إبسرت قدامها جنى وعبدالعزيز تسمرت وجلست ماسكه القلص وهو حامي .


عبدالعزيز : دكم جنى وبصوت واطي بيحاكيها ... هذا تشتي تزوجي أبوش أوكيفه تشتيه تعرفيه ع صاحبتش 😉 .



جنى : تشارغت عيونها بالدموع 😭وإبسرته ... به أحد يتزوج ببنته ..



جنات : حطت القلص من يدها 🍺 جنى ليش تفعلي هكذا وبكيت 😭 .



عبدالعزيز : بيبسرهن بإستغراب 😳 بنت من ... ماهو سحب الكرسي وجلس .




جنى: جلست وببتحاكى بحرقه ....😔 أنت داري من هي البنت الي يشتي أحمد يشتي هذه الي قدامك وداري هذه من طلعت طلعت أختي تؤائمي وانت داري معي أخ والكل وطول عمري محرومه منهم أنت داري أمس عرفت أمي .. بدائت تتحاكى بهستره وتضحك 😂 ...



عبدالعزيز : بداء وشه يحمر 😡طرح يده ع رآسه .. كيف يعني تؤامش وكيف بنتي ماهو الجنان ..



رهآم : دخلت الكوفي بتدورهم إبسرتهم قدامها ... شافت عبدالعزيز حست رآسها لف 😇 تذكرت كلشي بينهم مر شريط الذكريات قدامها .



جنات : إبسرتها .. ماما وقامت لعندها .


عبدالعزيز : لفت .. رهآم 😱.




🌹meme_abdalgaleel


@qesasanani

🥀
🥀
148



في بيت الشيخ ...

نجات : دخلت لاعند الشيخ .. ماله أحمد خرج وهو بيبكي أول يوم أبسر دموعه ..


الشيخ : تنهد .. آآآح .. طلعيني غرفتي ..

نجات : ياشيخ مالك أو تاعب .. قد شليت رقم الدكتور من مريم وقد حجزنا لاغطوه ..

الشيخ : بهرر فوقها 😡 أنا قلت تطلعيني غرفتي مش تشليني تعالجيني ...



...............


سمر: في غرفتها دخلت تتصل لسندس بعد ماشلت الرقم من أكرم ...


سندس : ذلحين فهمتي .. هذه كل الحكايه بإختصار ..


سمر : 🤔 آها ذلحين فهمت يعني أنتين بعدتين عنهم علشان مانعرفش إن جنات بنتنا ..وهذك اليوم لما روحتي لأنش شفتي جنى ...


سندس : أيوووه أصلا عمتى طول هذه الفتره مخبيه إن جنات موجوده خايفه من أبوش وأخوش يشلوها عليها مثل ماشلوا جنى ..



أحمد : بعد ماتصايح مع جده .. سار لاعند سمر يشكي لها سمع صوت إنها بتحاكي التلفون خطي لما تكمل .. وهو خاطي ذكر لاهي بتحاكي نزار رجع علشان يقله لايوافقش لو الشيخ قله يفعل خطوبته معاهم ..



سمر : حتى ولو المفروض رهآم كانت تتحاكى إن جنات بنتها وبنت عبدالعزيز حرآم تحرمها من أبوها وتحرم جنى من أختها ...


أحمد : سمع سمر بتتحاكى 😱 صآح ايييييش جنات بنت من ...


سمر : إبسرته قدامها والتلفون في يدها .. ارتبشت هآه خلاص خلاص شتصلش بعدا 😅 ..


أحمد : سحب التلفون من يدها 📱 الوو من أنتي .. جنات ..


سندس : إستغربت .. 😳 من معي ..

أحمد : بنبره حاده 😡من أنتي أنا أحمد ..جنات بنت من ..

سندس : هآآآه 😅.. أفتجعت أنا سندس .. إسئل سمر أنا مادخلني أنا قد فهمتها كل شي مع السلامه .. وغلقت ..



أحمد : لفت لسمر 😡 بغضب الآن فهميني اشتي أعرف كلشي وبالتفصيل ...



سمر : بتشرح له كل شي ..


..............


في الكوفي ...


عبدالعزيز: فرح إنه إبسر رهام قدامه إبتسم 😃 كيف حالش يارهآم ومد يده يسلم عليها ..


رهآم : ماسكه نفسها بتتذكر قهرها ووجعها وكل الي حصل فيها .. الحمدلله ممكن تفلتني مع بناتي وحدنا اشتي أحاكى جنى .



عبدالعزيز: إكتسف 😔 إنها ماسلمتش عليه .. طيب أنا شجلس فالطاوله الي جنبكن بس اشتي جنات اتكلم معاها ...


رهآم : جلست مع جنى وبتشرح لها كل شي وانها فعلت نفسها دكتوره تلقيح وبتوريها صورتها لما صورتها وبتحكي لها كل شي حصل معاها 😔..


عبدالعزيز : بيطلب من جنات تسامحه ع كل شي وانه نادم إنه ماوقفش ضد أبوه ... وعيونه مانزلتش ع رهآم بيتفرجها ..


جنات : إبسرته بيتفرجها ..سألتك عادك بتحبها ❤ .


عبدالعزيز : إبتسم 😊 ولاقدرت انساها يابنتي بس أنا استاهل ضيعتها من يدي بس كيفهي مرتاحه مع زوجها ..


جنات : إقتهرت ع أبوها 😔 عموو عآصم بيحبها قوى وكان عارف بقصتها وتزوجها ومعاها 2بنات ولاقد عرفته يزعلها ..


عبدالعزيز: هز رآسه .. 😞 ربي عوضها بالي أحسن مني فعلا أنا ما استهلهاش ...


............


الشيخ : بيفكر 🤔 في كلام أحمد وحس إنه فعلا عيكرر قصه عزيز بس غروره منعه يقل أيوةه صيح لسلوى .. قلي لإبنش يفعل مايشتي ويخطب الي يشتي بس أنا ماشحضرش معه ..



@qesasanani

🥀
🥀
149




بعد ماكملوا كلامهم ...

رهآم : إتصلت 📱لعاصم يجي لهن وعلشان تقله إن عبدالعزيز كان موجود ..


عآصم : ولايهمش حبيبي 😃 الآن شاجيلكم وبعد عادي ولو هو موجود هو أبو بناتش أنا دآري مامعي ..


رهآم : غلقت تلفونها 📱 وبتأشر لجنات تجي ..

جنى: شكلش مرتاحه مع زوجش صح ..

رهآم : ابتسمت 😊 الله يحفظه ربي عوضني .. هيا مارأيش تروحي اليوم عندي تتعرفي ع خالش ومرته وجدتش وأخوش يوسف ..


جنى : تنهدت بفرحه وخوف 😦 لكن لو بابا ..

رهآم : قاطعتها .. بابا أنتي معه كله يوم بس ماما محرومه منش كل هذه السنين ..


جنى : قامت لاعند عبدالعزيز تستأذن منه تروح مع رهآم اليوم ..



عبدالعزيز : خطى لاعند رهآم وهو مبتسم وقلبه مقهور ع رهآم 💔 نادم ع كل لحضه ضاعت بدونها ..... بدون ماتخليها تجي تستأذن مني هي بنتش ولش فيها أكثر مني ...

رهآم : جاوبت وهي موطيه رآسها .. شكرا ..


عبدالعزيز : رهآم .. سامحيني ع كلشي حصلش بسببي وسامحيني إني تخليت عنش بسهوله وسامحيني إني ..

رهآم : قاطعته .. مابش داعي تكمل .. خلاص هذا ماضي وانتهي وكل واحد فينا قد كمل حياته ..


عبدالعزيز: بس أنا مقدرتش أكمل حياتي بغيرش وعمري مانسيتش لحضه ..

رهآم : يله العفو منك زوجي بيتصل قدهو خارج .. دعت جنى وجنات وسبقت خرجت للسياره 🚘.


جنى وجنات : خرجين بعدها وهن ماسكات يد بعض 👭 .


عبدالعزيز: إبسر رهآم طلعت جنب عآصم وإبتسمت لها .. إقتهر وخطى طلع سيارته 😔 الله يسعدش يارهآم أنا الي استاهل ضيعتش من يدي ..



................


في بيت الشيخ ..


أحمد : بعد مافهم الموظوع من سمر .. ماقدرش يمسك نفسه ..اتصل 📱لأكرم يقله ..



أكرم : 🤔 يعني طلعت حبيبتك بنت خالك وسندس بنت خال بنت خالي يهي يهيييه ياربيش الربيش مافعلت بنا ياجد .. خاطرك اوذا شاجي لاعندك غير اول اسير أقل لأمي عادنا أمس قلتلها تسير تبسر سندس وتحاكيهم .



................
في بيت عآصم ..

جنى : برغم بساطه بيت عاصم مقارنه ببيت الشيخ كانت مرتاحه 😃قوى معاهم وحست برآحه .


رهآم : إتصلت لسيده وسامي ومرته يجوا يتغدوا عندها يتعرفوا ع جنى ..


عآصم : ماخلاهاش تفعل غذاء خرج يشتري من السوق ..


جنات : دخلت جنى غرفتها بيتجابرين ع كل الأشياء المتشابهه بينهن وبيمزحين وبيحاولين يعوضين كل لحضه كانين محرومات من بعض ..


يوسف : دخل عندهن بيتحانب هو وجنات ويحانكها قد معه أخت طيبه أحسن منها 😜 ..



..............

عبدالعزيز: وهو بيسوق حس شي كاتم ع صدره وحس دقات قلبه بتزيد ❤وأذاني فيها وشيش .. وقف عند أقرب مستشفى 🏥 طلع ان عنده الضغط مرتفع وطلبوا منه يفعل فحوصات إذا استمر هكذا ظروري دكتور مختص وعلاج ..



..............


@qesasanani

🥀
🥀
150


أكرم : شل مريم وساروا بيت جده ..


أحمد : مصدوم 😳 يعني جنات طلعت بنت خالي يا أمه هيا مه وذلحين ماعيقل جدي عيرضى يزوجني بها ولا مابنت خالي إلا جنى ..


سلوى : تنهدت .. آح يا إبني كيف الدنيا صغيره من بين بنات الناس كلهم مالقيت إلا بنت خالك الي مانعرفهاش لكن انت دآري هو الله حكم حكمه من سابع سماه دآري ان رهآم انظلمت وبنتها..



...............


عبدالعزيز : وصل البيت وهو مقهور والزعل باين في وشه 😔 بيداعي ..ياسلوى يا أمه أحمد يييه أين أنتوا ..


سلوى وأحمد : سمعوه ساروا يجاوبوه ..

عبدالعزيز: أين أمي ادعيها وجوا لعند أبي معي موظوع مهم اشتيكم فيه ...


أحمد : ياخال لحضه قبل مانطلع لاعند جدي اشتي أحاكيك في موظوع 😔 ..


عبدالعزيز: إبسره وهز رآسه وإبتسم إبتسامه حزينه .. لو موظوع جنات يابني قد دريت اليوم وإبسرتها بيندور أقنع لك جدك يوافق وكنت شاسير معك أخطب بنتي أبسرت نهايتها جدك حرمني من بنتي وحرم جنى من أمها تشارغت عينه بالدموع ومسحها ع طول 😭 ..


أحمد : قرب حبه في رآسه 😘 ولاتقهر نفسك الحمدلله قد ربي ردها لك ..


عبدالعزيز : بحسره .. 😥 وصوت مقهور .. رد لي بنتي بس ماعيرد ليش رهآم ربي يسعدها شكلها مرتاحه مع زوجها قووى .. مسك أحمد من كتفه وخطيوا ..



...............


في بيت عآصم ...

قربوا الغداء الكل بيضحك ومبسوط بجنى ..


جنى : فارحه 😃 باللمه الحلوه وأمها وأخوتها وخالها سامي الي بيمزح معاها ويعلق عليها هي وجنات ويطلع الفروق بينهن وبيزبج عليهن ..


يوسف : اليوم أختي تأمر وأنا أنفذ ماتشتي أشتري لش بعد الغداء..


جنات : يهي يهي ماهي ماتشتي وعتنفذ وأنا يوميه بينجلس اتراشى لما تخرج روحي وخفعته بالقاروره ..😜


جنى : قامت تحضنه وتبوسه 😘 يوووه جبرني با أخي حبيبي عبرد لك منها بس ..

عآصم : بيتحيلا لهم وشايف الفرحه في وش رهآم .. 😃 يله كملوا اتغدوا وأخرجكم دوره فن سيتي ...


سندس وجنى وجنات : صاحين فارحات 😃 هييييييه


..............


في بيت الشيخ ...

كلهم طالع عند الشيخ

مريم : وصلت هي وأكرم وطلعوا لاعندهم ...



عبدالعزيز : 😡 بيتحاكى بعصبيه ... إبسرت ظلمك لين وصلنا ... طلع معي 2بنات مشي واحده إبسرت البنت الي رافضها وماتشتيش أحمد يخطبها طلعت بنتي يا أبه وبيخفع صدره .. بنتي الي حرمتني منها طول عمرها بنتي الي عاشت بدون أب وأبوها عايش والثانيه حرمتها من أمها ربي لاسامحك ظلمتنا أنا ورهآم وظلمت بناتي 😭 ..



سلوى : بتهديه مش هكذا يا أخي حرآم عليك أبي تاعب ..


الشيخ : بيتفرجه 🙊سكته ولا بيتكلم .


أحمد : بيبسبر تعابير وش الشيخ بدائت تتغير ووشه بيشحب ويصفر قرب مسك يده وقدهي مثلجه 👋🏻 جدو يييه مالك تاعب .


الشيخ : إبتسم لأحمد وحط يده ع رآسه أنت داري انتي عندي يا أحمد انك أغلى من روحي سامحني يا ابني كنت شظلمك وفلتت يده ...



نجات : بتصيح 😱 ييييه شيخ... ناصر مالك وتهزه ..


أحمد وعبدالعزيز: حملوا يبزوه وينزلوه يسعفوه ...



أكرم : حمل يشغل السياره 🚘 يشلهم ..


سلوى : بتبكي وتلحقهم دخلت تدي حقها البالطوه ..


مريم : بتتصل لسمر فالمستشفى تراعي لهم 🏥 ...




@qesasanani

🎈
🎈
🎈 151



بعد شهر ..


الشيخ : خرج من المستشفى بعد الجلطه الخفيفه الي حصلت له 🏥

........

نزآر : بيحاكي سمر فالتلفون أخيرآ ياروحي مشنا مصدق عن خطوبتنا بعد يومين سنه مكنتيني فيها زنط وغرور 😉 ..


سمر : بتضحك عليه 😂 ههههه والله ان زناطه ومغروره هيا تمام شاقلهم مشنا موافقه ..


نزآر : جربي 😜 تقلي هكذا والله لأخطفش مثل ماخطفتي قلبي ❤ ..

سمر : خزيت 😊 يله أسير أبسر سلوى تخرج معي السوق أشتري فستان لحفله الخطوبه ..

نزآر : عتخليني أدخل البسش أوماشي ...💍.



سمر : اتصل إستأذن من عبدالعزيز يحاكي أبي 😊 .


................


في بيت عآصم ...

رهآم : عادي يابنتي سيري قدهي خطوبه عمتش 💍 إخرجي إشتري لش فستان قد البنت جت تعزمنا لاوسط البيت ..


جنات : الصدق مشتيش أسير أول مره شدخل بيتهم وأعرف عماتي وجدتي وبعدا الناس ماعيقلوا لمايبسروني وكلام خيرات إبردوا بس ماشاسيرس هكذا مرتاحه 😊
وهي شرجع أبارك لها وأشتري لها هديه ...


رهآم : ع ماتشتي إفعلي الي عتحسي نفسش مرتاحه 😘 .



...................


في السوق ...


جنى : خرجت مع عبدالعزيز تدور لها فستان للحفله بتتنبع من محل لامحل 💃🏼 ...


عبدالعزيز: بيضحك عليها 😃 بس يامجنونه تعبتيني كل هذه الأكياس في يدي وعادش ماقد لقيتيش فستان للحفله ...


جنى : أقلك حآجه يابابا .. الصدق مشهن لي هذولاء إشتريتهن لجنات انا كل لبسي دلع وماركات وأختي عاشت محرومه عاد باقي فستان الحفله إشتي اشتري لنا الثنتين فساتين سواء ونسير عند الكوافير نصلح شعرنا جمعه 💇 اشتي نكون سوى في كل شي لوتبسر كيف أنا فارحه ان معي أخت وتؤائمي ...


عبدالعزيز : إبتسم لها 😀 تحيلا لها ... جبرني بالي بتحب أختها .. بس قليلي كيف من موظوع أحمد وهو يشتيها ...


جنى : تنهدت ... أنت دآري يابابا انا طول عمري عشت مرتاحه ومدلعه وكل الي اشتيه بينشله بس أختي انظلمت وماما وزوجها ناس مستورين بس مش نفسنا واختى عاشت محرومه من دلعك وحنانك فلما أختى تحب شخص وعيعوضها عن كل الحنان الي فقدته تشتي أشله عليها وبعدا انا فكرت أحمد اصلا مابيحبنيش يعني شاكسر قلبه وقلبها واعيش معه طول عمري مظلومه 💔 ..



عبدالعزيز : جبر العاقله حقي الله يكملش بعقلش ..😀



جنى : تشتي تخبي حزنها وقهرها ع أحمد 😔 غالطت فالموظوع .. إبسر هذا الفستان محلاه جي نبسر لو به منه اثنين سواء ...


بعد ماكملوا يتسوقوا فوق السياره 🚘...

جنى : بابا لو سمحت وصلني عند ماما إشتي أشل الحاجات لجنات .


عبدالعزيز: سرح شويه .. 🤔 اه من الدنا لوشي اني ذلحين شاروح انا وهي وأدخل بيتي بس ذلحين أوصلها وأجلس خارج مع إنه كانت حقي وملكي ..


جنى : بابا يييه وبتأشر بيدها 👋🏻 هيييه ييييه نحن هنا هيا ماقلت عتوصلني ..

عبدالعزيز : خربش وشها وضحك 😂ههه أيووه ..



............

أكرم : بيحاكى سندس 📱فالتلفون ... طيب وإحنا مادخلنا منهم أنا شاحاكي أمي اليوم تجي وتحاكى جدتش وبعدا نبسر كيف يسد أبي مع أبوش.



سندس : كيف مادخلك يا أكرم أنت دآري جدك ماعيرضاش بعد كل المشاكل الي قد حصلت وبابا أكيد ماعيرضاش يزوجني لاعندكم بعد كل الي حصل لعمتي ...


أكرم : عصب 😡 اوووف وإحنا مادخلنا ليش عيحاسبونا ع ذنب مالناش دخل فيه ...


.............


عبدالعزيز : حط جنى في بيت عآصم وروح البيت 🏡 .


نجات : وبنتك وينها ..


عبدالعزيز : سارت عند أمها اشترت حاجات لأختها وشلتهن لها ..


الشيخ : طبعا قد حالته متدهوره وتاعب ... سمعهم . بصوت تاعب .. عبدالعزيز إشتي أعرف بنتك قبل ما أموت ..


@qesasanani

🎈
🎈
🎈 152



جنات : خازيه 😊
ليش تشتريهن وبعدا هذولاء شكلهن غاليات ...

جنى : هيا لكن من الخباله قلك غاليات سعمنهن من جيبي هو حاسب أبوش 😁 ذلحين إبردي من هذولاء كلهن .. فتحت الكيس وخرجت فستان 👗 قومي قايسي هذا اشتريت لنا الثنتين سواء لحفله سمر ...


جنات : وطت رآسها .. بس أنا ماشاجيش 😔 .


جنى : 😥 يووه ليش ماعتجيش سمر عتزعل وبعدين خطوبه عمتش كيف ماتحظريش ..

جنات : بتشرح لها ليش ..

رهآم : عادها روحت من المستشفى 🏥 إبسرت جنى 😃أهلا حبيبه قلبي عندنا .


جنى : قامت تحضنها وبتبوسها بقوووة😘 ..

جنات : أيوه أيووه وأنا قدنا بنت الشغاله وبتقلد إنهي زاعله 😔 .



رهآم وجنى : بيحانكنها 😜 ..



..................

في بيت الشيخ

عبدالعزيز : الله يحفظك يا أبه ويطول في عمرك .. شتصل لجنى وأحاكيها تستأذن من رهآم تروح جنات اليوم عندنا ..


الشيخ : ماشي يا إبني أنا اشتي تشلني لابيتهم إشتي أبسر رهآم .


أحمد : من بعد ماعرف القصه وإن جنات بنت خاله ورفض جده يزوجه إلا بجنى وزد مرض جده وإنه ضابح ومربي دقنه ...


سمر : روحت هي وسلوى فارحه بتقايس الفستان 👗 ودخلت توري أحمد ...


أحمد : إبتسم لها .. 😃 يجنن ماشاء الله عتقعي أحلى عروسه يا أحلى عمه ..


سمر : شاقع أحلى عروسه صدق وأحس فرحتي تكتمل لما تقوم تحلق الدقنه 🎅 وتخرج من هذا المود وبعدا جنات عتجي الخطوبه هيا افرح وانا بينخطط أطلعها لعند أبي يعرفها .


أحمد : نبع من فوق السرير .. احلفي انها عتجي .. قوى عتخليني أحاكيها قدنا فاقد لها قووى 😔 .

سمر : المفروض ماتفقدهاش جنى قدامك 24ساعه وهن نسخه واحده اعتبرها جنات وبس . ههه هربت من جنى ادالك الله نسخه منها 😜.


أحمد : ضحك هههه 😂 والله انه صدق بس طباعهن ثانيه .....



............

جنى : طيب حآضر شاحاكي ماما وأرسله لك ..


عبدالعزيز : تمام ورجعيني خبر ذلحين ..


جنى : سارت لاعند رهآم فالمطبخ ... ماما بابا اتصلي قال يشتي رقم عمو عآصم لوممكن تديه لي ..



رهآم : كانت بتحرك الغداء 😱 حرقت بالملعقه إيييش رقم عآصم .. ليش يشتيه مايشتي منه .



جنى :مدرى والله .



رهآم : إتصلت لعآصم تقله .


عآصم : مش مشكله اديه لها نبسر مايشتي ..


جنات : فارحه 😃بالحاجات والفساتين 👗بتقايسهن وتخرج تورى رهآم وجنى ....



..............



عبدالعزيز : إتصل لعآصم وبيحكي له مايشتي منه ..


عآصم : أهلا وسهلا شاراعي لكم الساعه 7...




@qesasanani

🎈
🎈
🎈 153


رهآم : بتتصل لسآمي .. يا أخي ذلحين كيف أفعل مايشتي مني يجي 😅 لاعد يجوا يشتوا يشلوا بنتي ..


سامي : هيا ناهي لش من الخباله من عاد عيشلوا سعم إن عادهي جاهله ذلحين القرار بيدها بس خلينا نبسر لما يجوا ..


رهآم : قوى لاتتأخرش جي قبلهم 😅.. مشنا داريه ماطلع له عآصم يقلهم يجوا ..


سامي : يله قومي افعلي كيك ولا أي شي تضيفيهم وريهم انش أحسن منهم وعتدخليهم بيتش وتضيفيهم .. قدهو ماعاد باليد حيله يا أختى معش 2بنات ربطنش بهم 😁 ..



...............


مريم : با إبني مالك مجنون .. كيف أسير أبسرها وأفاتحهم وأنت دآري بالي قد حصل بيننا وبعدا عادنا أشتي اتصل لأبي ابسر رأئيه مايقل اتقفيته حين قدهو مريض 😥 ...


أكرم : خفع المدكى بيده 😡 وأنا مادخلني بالي حصل بينكم انا مشتيها إلا هي بالطيب ولا بالغصب وخرج وصرع الباب 🚪.



مريم : قامت تتصل لأمها 📱تشكي لها من أكرم ..


نجات : ماعدبش لا حياء ولاخزا كنا ع زماننا نخزا ماهذا الجيل إلا عيصيح ويشتي قوله ..


الشيخ : جنبها سمعها .. بيأشر لها بيده .. مابه ..


نجات : بتحكي له مافعل أكرم ..



.............


رهآم : دعت البنات يساعدنها فالمطبخ ... بتفعل حلا وكيك.


جنات : بتضحك ع جنى إنها ماتقدرش تفعل وبتخرب 😂.


رهآم : بتضحك عليهن وتتحيلالهن وتحمد الله إنه جمعها ببناتها 😃.




.............


العشي الساعه 7



عآصم : مرآعي فالديوان هو وسامي ..


رهآم : قلبها بيدق ❤ ومفتجعه مايشتوا منها وكل شويه بتدخل تسأل جنى ليش عيجوا .


عبدالعزيز : إتصل لعآصم .. إحنا فالباب 🚪يا أخي ..



عآصم : تشرفوا ..


سآمي : قام يفتح لهم الباب 🚪.


يوسف : إبسرهم حمل لاعند رهآم .. جو جو يا ماما ..


رهآم : نزلت بطونها وفتحت باب غرفتها بتتشقرهم 😉 إبسرت عبدالعزيز بيخطى الشيخ فوق عربيه وقدهو تاعب .. زعلت عليه 😔
يالله كيف كان لادخل بقعه يهزها من جلافته وغروره كيف قدهو يرحم وبيخطوه بعربيه ...




سامي : حس بكره وحقد ع الشيخ اول ما أبسره 😡 وابسر عزيز تذكر وجع أخته ودموعها وحسرتها جلس مسنب ولافتح فمه .



عبدالعزيز : مد يده يسلم ع سامي ... كيف انت ياسامي ماشاء الله مسرع قدك رجال ولا كأنه كنت أمس عادك جاهل ..


سامي : إستحى .. ومد يده 👋🏻 سلم عليه .. اتفضلوا من هانا ..

عآصم : خرج بيسلم عليهم ودخلهم الديوان ..



بعد شويه ...

يوسف : دخلهم كيك وحلا وشاهي .

عزيز : اول ما أكل تنهد..و في نفسه ما أطعم أكلش يارهآم جالس نفسش الحالي الله يسعدش 😔 فعلا انا مكنتش استاهلش ..



سآمي : ماقلتوا لناش سبب الزياره ..


عبدالعزيز : إبسر الشيخ .. والله اني ساعكم علمي علمكم هذه رغبه الشيخ اوذا عندكم ..


جنى وجنات : بيتشقرين من الباب بيحاولين يتسمعين مابيقلوا ..


رهآم : إبسرتهن سارت تصيح فوقهن عيب 😡 وبعدتهن .

سمعت أصواتهم وقفت تسمع ..


البنات : إبسرنها ضحكين عليها وخرجين لاعندها سنبين معاها يسمعين 😁.


تقولوا مايشتي الشيخ 😉


🌹meme_abdalgaleel


@qesasanani

🎈
🎈
🎈 154



في بيت الشيخ .سامرين ...

نجات : والله ان بطوني بين الماء تقلي مايشتي أبوش منها بعد هذا العمر كله 😥 ..



سلوى : مسكت يد أمها ..ولاتقلقي ولا كما روحوا عندرى ..


سمر : مستغربه مشي دآريه أين سار 😳 ماهو من الي سار مابه .



سلوى : أبي خلي عزيز يشله لابيت رهآم مدرى مايشتي منها .


سمر : 😱 يا الله سترك لاعاد يفعل لنا شي وخطوبتي بعد يومين ..


نجات : ما أظنش يا بنتي أبوش ماعدهوش ساع ماكان قدحالته متدهوره الله يشفيه 😥 .



..............


أحمد : ممدد في غرقته فوق السرير .. بيلعب بالتلفون 📱.


سمر : دخلت لاعنده .. تقله ..


أحمد : 😱 كذابه .. قلي والله الله يستر لاعاد يتصايح مع خالتي رهآم انها خبت جنى وماعدقدرنا لمشاكل وزيد صحته ماعد تستحملش ... اتصل لأكرم يقله .



.................

في بيت عآصم ....


عبدالعزيز : هيا يا أبه اوذحنا موجودين كلنا مافي نفسك ..


الشيخ : إبسره .. بس أصحاب الشأن مابحد .. اشتي رهآم وبناتك ..


عبدالعزيز : لفت لعآصم .. أنا شخرج أراعي فوق السياره 🚘 وأنت ادعي له أم يوسف ووقف يخرج ..


عآصم : مسك يده وجلسه ... الله المستعان خليك مكانك .. لحضه أدعيهن ..


.............


في غرفتها ....


رهآم : 😱 ماهو من الجنان مالك كيف أدخل ماينفعش أين أدخل وعبدالعزيز داخل مشتيش .


عآصم : خلينا نبسر مايشتي .. البسي البالطوه حقش ودخلتي مثله مثل أي شخص أومريض بتعالجيه ...



رهآم : مطننه بتفكر تدخل أومع 🤔..


عآصم : يله إلبسي بسرعه أمد مدعي البنات ....



رهآم : لبست البالطوه واللثمه .. تذكرت عزيز كيف كان يتحيلا لعيونها باللثمه تنهدت😔 .. وقفت لحضه مع نفسها .. اعوذ بالله من الشيطان قدنا مره عآصم وأم ابنه ..




جنى : طيب حآضر الآن عندخل .


جنات : قلبها بيرجف ❤ ماهو أين أدخل ماصداني أبسر جدش والصدق قلبي مقهور منه حرمني منش ومن أبي ..


جنى : كنتي عتجي تبسري جدي زمان ماذلحين قدهو يرحم الله يشفيه 😔 ....




.............

أحمد : بيسير ويجي ملان الغرفه قلق ومتوتر بيخفع يده .. رسل لجنى .. طمنيني مايشتي جدي منهم


@qesasanani

🎈
🎈
🎈 155



سيده : أمانه يا بنتي إسكه إتصلي لزوجش إبسري مايشتي هذا جاء بطوني بتفور 😥 .


مره سامي : قد اتصلت بغير ماتقلي لي تلفونه مغلق وجنات بينتصلها مابتجاوبش ..


سيده : ع الله .. الله يسمعنا خير.



.............

في الديوان في بيت عآصم ..


عبدالعزيز : بصوت واطي بيحاكي الشيخ .. يا أبه قوى ماتشتي قلي .


الشيخ : لفت لاعند عآصم ... هيا ياإبني عتبسرهم ..


سامي : الآن الآن .. وقام يدعيهن .


جنات : مسنبه فالباب هي وجنى مارضيتش تدخل ..

سآمي : إبسرها .. أشر بيده👋🏻 هيا شرق دخله وين جت أمش .


جنى : مارضيتش ياخالو بتفتجع من جدو ..


سآمي : مسكها بيدها .. هيا من الخباله سعم عياكلش ودخل بها ...


جنى : بتخطى بعدهن إبسرت أبوها إبتسمت وسارت تجلس جنبه 😃.


عبدالعزيز : إبسر جنات بتخطى مفتجعه سنب وخطي لاعندها 😃 اهلا بحبيبه أبوها كيف انتي ياروحي وحبها في رآسها 😘 هيا جي معي أعرفش ع جدش مسك بيدها وبيخطيها ...



الشيخ : أول ما إبسرها تنهد وتشارغت عيونه بالدموع 😔 ماشاء الله سبحان الخالق جنى من عين الحجر ..


جنى : تشتي تلطف الجو .. بس أنا شعري قصير ووجهي أضعف صح يابابا أنا أحلى 😜.



سامي : بيحانكها .. كلكن شوعات أنا الحالي أنا ...


جنات : مسنبه بتتفرج الشيخ سكته 🙊.


عبدالعزيز : جنات هيا حبيبي .. سلمي ع جدش ..


جنات : مقدرتش تمسك نفسها نزلت دموعها 😭 مشتيش بسبه حرمني منك ومن أختي .

الشيخ : اقتهر قووى 😔 بس بيحاول يبان أنه قووى ... طيب وجدك جاء يستسمح منش يابنتي ويتأسف لش ويعتذر لش ع كل لحظها عشتيها بدون أهلش ..


رهآم : دخلت ع كلامه وهي ملثمه .. بس اعتذارك ياشيخ ماعيرجع لهاش عمرها الي عاشته بدون أب وأم أنت داري اني مخبيه عليها انها بنتي لاقريب عاشت بنتي محرومه من الأب والأم بسببك .. حرمتني من بناتي وعاشين بدون أم وأنا عايشه خليت عبدالعزيز يطلقني لأنك بس تشتي خطفت بنتي من المستشفى 🏥 بدون حتى ما أحظنها وأشم ريحتها وقرحت بكاء 😭 جلست ع الأرض بسببك عشت أيام محد عاشها فكرت إن الدنيا والمشاعر عتشتريها بفلوسك .

عآصم : قام لاعندها ومسكها .. قوى حبيبي بس لاتبكيش 😭 وبيطبطب عليها ..


جنى وجنى : بكين وقامين يحضننها 😭 ..


عبدالعزيز : مقهور قوى عليها حاسس نفسه مكتف نفسه يقوم يهديها يطبطب عليها يواسيها بس للأسف خلاص بلحضه غباء خسرها طول عمره قفى ومسح دمعته لحد يبسره 😭 ..



الشيخ ناصر : لأول مره بان ضعفه قدام الناس ... لأول مره ينزل من نفسه ويتراشى أحد ضاعت هيبته وكبره ...نزلت دموعه قدامهم 😭 وماحاولش يخبيها ... سامحيني يارهآم سامحني ياعبدالعزيز سامحني يابناتي ظلمتكم بسبب جبروتي حسبت اني أقدر أتحكم فالناس وأمشيهم ع كلامي حرمت ابني من مرته وبناته وانتي ظلمتش سامحيني يابنتي ابوس يدش 👋🏻 قد ربي انتقم لش مني وقدنا شيبه مشلول بيشلوني ويحطوني يعلم الله كم عاد ساعتي في الدنيا هذه ماعاد اشتي منها شي إلا حاجتين تسامحيني وتوافقي نخطب جنات لأحمد وبنت أخوش لأكرم ابن مريم بنت ماعاد قدرت أظلمهم من جديد وبعدها لاجاء الموت جاء رحمه من هذا العذاب .




عبدالعزيز : مسك أبوه وحبه في رآسه 😘 بعد الشر عليك الله يطول في عمرك الله يسامحك دنيا وأخره وبناتي ماعيقلين أنت جدهن وماعيسخنش باقي أم يوسف تسامحك وقلبها مثل ماعرفته مابش أطيب منه ولا أحن منها كم قد صبرت عليا ..




رهآم : إبسرت عبدالعزيز بتتفرجه وتتذكر كيف كان تسامحه بعد كل الي يفعله 😔 ..


سآمي : بيأشر لرهآم برآسه أيوه.



عآصم : بيحاكيها دلا ... يعلم الله كم عاد ساعته وقد دري بغلطه ربش غفور سامحيه ولش الأجر .




رهآم : لفتت للشيخ وعيونها مورمه ولثمها مبلوله من الدموع 😭الله يسامحك ع كل مافعلته .



الشيخ : تنهد وإبتسم ... الله يفرج همش مثل مافرجتي همي كان حمل وكاتم ع صدرى 😃 ..




عآصم : ابسر جنات .. قومي سلمي ع جدش وحبي رآسه 😘 .



عبدالعزيز : الحمدلله الي فرح قلوبنا برجعه البنات .. باقي موظوع العيال نتم خطوبه سمر وانتوا تفكروا .




عآصم : الله المستعان مانفكر البنت بنتك والشور شورك ..



عبدالعزيز : مسكه من كتفه لاوالله الأب الي بزا وربى القول قولك وقول أم يوسف وأبسرها جت عينه في عينها .


رهآم : حست بسهم دخل قلبها أول ماجت عينها في عينه وطت وخرجت ع طول💖 .






@qesasanani

🎈
🎈
🎈 156



في بيت الشيخ ....


نجات : بتحاكى الشغاله مع هذا مشو مصلح سوى رفعيه من جديد وباقي المجلس الي طالع بخريه.


سلوى ومريم : بيضحكين عليها😂 أمانه كأنها ماقد زوجت واحده ماهذه كيف فارحه بها ..

مريم : عوجت فمها 😏 طبعا هذه سمر ماتشتي كل شي ماهي سابر لها ..


سلوى : خفعتها في ظهرها .. هيا اخطي اخطي شرق نتم نرفع قد عتزوجي ابنش وعادش جالسه الحساده 😁 .



.............

نزآر : بيبدل ويتعود وكل شويه يرجع قدام المرايه يبسر نفسه 😃.



سمر : عند الكوافير بتتصلح هي وجنى ومعاهن جنات وسندس .


جنات: اليوم أول يوم عتسير بيت جدها في حفله سمر وتتعرف ع عماتها وجدتها أعصابها متوتره 😁.



سندس : بتشاورها بصوت واطي وهن بيتصلحين .. مازد حاكتش عمتي ع موظوع أحمد وأكرم 😥.


جنات : ماشي ولا أحد فتح فمه معي بكلمه من هذك اليوم 😥 .



سندس : ياهمتاه لو مايرضوش قد فرحت إن عمتي سامحت جدش لوتبسري كيف أكرم بيدحسني .


جنات : أحمدي الله عاده بيدحسش وتسمعي صوته ما أنا ماعاد بش بيننا أي كلام من هذك المره 😔..


.............


سيده : بتحاكي رهآم في التلفون 📱 والله يابنتي ماكان نفسي يسيرين بس مانفعل لش ..


رهآم : إسهل يا أمه خلي بنتي تتعرف ع أهلها وتعرف جدتها وعماتها قد إنحرمت منهم خيرات.


سيده : أنا غر بينهم لاعد يعجبها بيتهم وعمرهم وعيشتهم وتفلتش 😥.


رهآم : أنا قد فعلت الي عليا لاذلحين والقرار قدهو قرارها قدهي مره .. ذلحين مارأيش حاكاش سامي انهم يشتوا البنات ..


سيده : أيوووه لكن الصدق لوتشتي رآئي أنا ماعد اشتيش نختلط بهذه الإسره ولا نقرب منها😏 .


رهآم: تنهدت .. آح بس والله مانا داريه ماقلش المشكله أنا داريه إن البنات موافقات وزيد عبدالعزيز لافي الولد شي ماعيسخاش ع بنته وبعدا سوسن طيبه معتقدش عيفعلوا شي مدام قد الشيخ مريض وقدهو هكذا هو محد كان متكبر إلا هو ...



سيده : والله اني ساعش .. لكن خليني اتصل لوليد أخوش ونبسر ماقوله ...


................


مريم : بتتصل لأكرم .. هيا وين أنت سير أدي سمر والبنات شرق عيجوا الناس وبعدا قدنا مراعيه ابسر بنت خالك اتعرف عليها ..



سلوى : سمعتها .. سارت لاعندها هيا مالش من الخباله أين يسير يديهن وسندس معاهن عنخلي السواق ..


أحمد : ع دخلته سمعهن إبتسم 😃 مع مع لا السواق ولا أحد شاسير أديهن أنا وخرج بسرعه ..


سلوى : ضحكت عليه ههه 😂 الله يفرح قلبك يا إبني ويجعلها من نصييه مازد إبسرتش فارح هكذا .


مريم : إبسرتها وعوجت فمها 😏 إبني حرآم عليه يديهن وإبنش حلال أومه ..


سلوى : ضحكت عليها ..😂 إبني إسهل لا اداها هي بنت خاله ..



أحمد : فوق السياره 🚘 بيتوضع إبسر شكله ملخبط بالدقنه ومابش وقت يحلق وضعها وخطي يديهن ..



@qesasanani

🎈
🎈
🎈 157



سيده : هذا الموظوع كله يا إبني من الألف للياء ..


وليد : 🤔 امممم والله مانا داري ما أقلش يا الله كيف الدنيا صغيره كم هربنا وتخبينا وفي الأخير جوا العيال يجمعونا .. أختى مارأيها عتوافق ..


سيده : لاتشتي الصدق بينحس أختك موافقه ماتشتيش تكسر قلب بنتها 💔 وساع الذي فارحه إنهي عتسير عند ابوها تعوضها بدل السنين الي حرمت منها ..


وليد : خلاص أنا شتصل لسامي يزيد يسأل ع الولد ويبسر كيف وبعدا مافيه الخير يقدمه ربنا ..



...............


أحمد : بيتصل لسمر .. هيا يخرجين ..

سمر : ضحكت 😂 ههه وأنت ماجاء بك ولا قلبك دق ..

أحمد : هيا سمورتي من اللقانه والله إن قد روحي عتخرج على بسرتها لاتقليش اني الي جيت لكن شنزل من السياره 🚘 أمد ماتطلعين ..


خرجين البنات وطلعين فوق السياره 🚘 ...


جنى : هيا من اللغاجه أين جاء هذا شرق ..


سندس : دكمت جنات .. ابسري ع سياره وع حلا وزد سواق وكلام والله وعتتهني يابنت عمتي 😉.

جنات : خفعتها 👋🏻 ... بس من الخباله لحد يسمع ..



أحمد : فتح باب السياره 🚘 وطلع موطي رآسه ☺..


جنات : أول ماإبسرته دق قلبها ❤ بسرعه وثلجت يدها 👋🏻..



سندس : مسكتها وتليقنت ع أحمد ..😜يوووه صرفوا منين جاء هذا الأسد من أي غابه مالك قدك تفجع قريه هكذا ..


أحمد : إبسرها من المرآيه .. جالسه لقنه وعيونه بتتفرج جنات .



جنى : حست به اقتهرت 😔 بس خلاص اقنعت نفسها انه لازم تنساه ...


سمر : يييه مالك بتخطى دلا شرق علينا اقطب ..


أحمد : ضحك هههه 😂 يحسب الله وانتي حريوه نخطيش ع مهلنا ....




وصلوا البيت ....


جنى : ماسكه جنات بتدخلها خازيه ☺.



سندس : بتتفرج البيت ومنبهره 😁...



سلوى : يوووه حيا ببنت أخي .. يا الله كيف تتشابهين وبتسلم عليها😘.


نجات : اول ما ابسرتها بكيت 😭 .


مريم : سلمت عليها ومسكت سندس تتعرف عليها ..



جنى : هيا قومين معي غرفتي تبدلين سوى 😃 .



🌹meme_abdalgaleel


@qesasanani

🎈
🎈
🎈 158



بعد العصر ....

جنى وجنات : لابسات سوى وصلحين شعرهن سوى طالعات مثل القمارى 👸🏼 .





النسوان بيتسأولين منهي هذه البنت ..

نجات : هذه بنت عزيز إبني 😁 بس كانت عند أمها ..




سمر : فارحه ومبسوطه 👰🏼 وكل شويه بتبسر الساعه أيحين عيدخل نزآر ...




..........


رهآم : قلقه ع جنات 📱 اتصلت لها تتطمن عليها ...


جنات : الحمدلله كلهم بيعاملوني عيس وفارحين بي لاتقلقيش 😃.


.............


أحمد : مخزن مع الرجال فارح 😃 إنه أبسر جنى دكم أكرم .. يا أخي حاكي أبوك يحاكي خالي ع سندس ماعيفعل ذلحين ..



أكرم : ضحك عليه هههه 😂 شدفتك البسره أومه ماعد قدرت تصبر وبتتعذر بي ..

أحمد : أصلا خزا ما أقل لخالي هيا مابلا ذلحين زوجني ببنتك ☺ هيا أكرم قوى ..


أكرم : سار جلس يخزن جنب عبدالعزيز ... 😁 بيتفرج أحمد ويبتسم ..


عبدالعزيز: خفعه في رجله .. وبضحكه .. ماقد معاكم ماقد تشتوا أعرف هذه الحركات من جهلكم تتشاوروا ويرجع يجي لاعندي واحد 😃 ..


أكرم: ضحك هههه 😂 هيا مدام وانت داري ايحين عتزوجنا ..


عبدالعزيز : قد تحاكيت اليوم مع أبوك قلنا يومين ونسير نفاتح فيهن رسمي ..


أكرم : بإستغراب 😳 ليش في الثنتين في سندس بس جنات بنتك!!


عبدالعزيز : تنهد .. بس عآصم مثابه أبوها ورباها وماقصرش معاها ومن حقه يخرجها عروسه من بيته 😥 ...



..............


العشي ...


جنى والبنات : بيجهزين سمر وخففين لها المكياج ولبست طرحه وشال قبل مايدخل نزآر ..


نزار : مع أمه فالصاله وضع الكرفته 👔 ودخل ..


النسوان بيحجرين لهم ...


سمر : خازيه☺ وبتحس قلبها بيدق بسرعه ❤ ..



نزآر : أول ما ابسرها أبتسم وشاورها .. ابسرتي طلعت أنا المودف الي شلش 😉 ..



سمر : قفت وشها وإبتسمت بخزا ..


نزآر : يووه جبرني بالي كانت تتيلقن وتزنط ع أدب فيها اليوم 😜.


قطعوا الترته 🎂 ونزآر بيتليقن عليها وهي ماقدرتش ترد عليه خازيه ...



كملت الحفله والكل فارح ومبسوط ..


جنات : تلفونها رن 📱 جاوبت هآه بابا ..قد عنروح ادعي سندس .

عبدالعزيز : مع ياقلبي قد اتصلت لعمش عآصم واستأذنت لكن من ماما ترقدي انتي وسندس عند جنى وسمر اليوم نفسي أجلس معش وأشبع منش ياروحي ..


جنات: هآه .. 😥 تضايقت ..لكن .. أصلا ..


عبدالعزيز : ضحك عليها ههه 😂 هذا بيتش وبعدا أحمد عنشله نرقده عند أكرم يعني عتأخذي راحتش انتي وسندس ..




اليوم بارت واحد المعذره ليله قدر يعني صلاه وقرآن .😘



@qesasanani

🎈
🎈
🎈 159




العشي ...


كلهم سامرين بيمزحوا 😃 .


عبدالعزيز : فارح ببناته وجالس في الوسط بينهن 😃 ..

الشيخ : إبسر فرحه إبنه ببناته وكيف ظلمهم إبتسم ..ودمعت عيونه قهر ع كل الي فعله بهم 😥 لكن ارتاح بعد ماسامحته رهآم..


نجات : ذلحين ياعبدالعزيز مارائيك نزوجك تقوم تدي لذوليه القمارى أخ يوبه لهن ...


جنى : ضحكت هههه 😂 أخ مه ياجده يوبه لنا مابلا قصدكن يدي لنا أخ نبزيه ..


عبدالعزيز : ذكر رهآم .. تنهد وحضن جنى وجنات ... وباسهن في رآسهن 😘 زواجه مه يا أمه خلاص ماذلحين وبعدا قد معي 2 قمارى أحسن من ميه ولد ..



سلوى : هيا ناهي لك يا أخي عتجلس بغير زواجه أمانه انت غر قل أمين وتعرف أحلى عروسه ...


الشيخ : بيتفرجهم سكته 🙊 ..


نجات : هيا ماقلت ياشيخ عاد معك كلمه .. هيا قله نزوجه ..


الشيخ ناصر : خلوه براحته ولاقرر يتزوج عيتحاكى ..


جنات : تلفونها بيرن 📱 رهآم ..قامت تجاوبها ..


سندس : لحقتها ..

جنات : هآه ماما لا تقلقيش والله ان الوضع تمام ولابه شي يضايق 😃..


رهآم : قلبها بيأكلها ع بنتها ❤ الحمدلله ماقدرتش أرقد حسي عندش المهم حسش مع سندس كما هي مجنونه 😁 لا تبدع بنا قبالهم ...


جنات : ضحكت هههه 😂 مع إطمني اليوم جالسه مأدبه وعاقله 😜.


سندس : خفعتها وبيضحكين 😂.


..............


في بيت مريم ..


أحمد وأكرم : سامرين في غرفه أكرم ..


أحمد : ممدد فوق السرير وقلبه بيأكله ❤ ذلحين مشو حرآم يخرجوني من البيت وجنات هناك سعم مافيها هي بنت خالي ساع جنى ...



أكرم : ببتليقن عليه 😜 مابلا عيس ماتشتي تبسر حببيه القلب وأنا مع قدحنا هنيه الاثنين نتعذب سواء .



مريم : سمعت صوت مجابره دخلت عندهم تجابرهم وتسمر عندهم وتقلهم ان سندس عجبتها ...




..................


بعدها بيومين .....


عبدالعزيز : في الشركه ..

السكرتيره : دخلت لاعنده به شخص يشتي يسلم عليه بس مارضيش يقله منهو يشتي يفعلها له مفاجئه ...



عبدالعزيز : إستغرب 😳 طيب خليه يدخل ..


جنى : كانت في السوق هي وسمر بدائت تتجهز عرسها بعد شهرين ..


سمر : يووه ناقص من قيمه الفستان 10ألف نحجزه وبعدا نرجع له ..


جنى : 🤔 معي فكره بدل مايشلوه علينا شركه بابا قريبه ندخل لاعنده ندي باقي الزلط ..


سمر : 😃 أيوووة صح ...


.............

رهآم : رآقده ماسارتش المستشفى 🏥 .


جنات : دخلت لاعندها ماما مالش تاعبه ..


رهآم : سدت نخرتها 🙊اففففف ماهو هذا الشم يييخ .


جنات : 😳 يوووه شمي عطر مالش .


رهآم : فتحت عيونها هآه 😳 عطر .. وقامت بسرعه من فوق السرير تتصل لعآصم لما يروح من الصيدليه يديلها فحص حمل ..



@qesasanani

🎈
🎈
🎈 160




في الشركه ....

عبدالعزيز : مراعي للرجال يدخل مسنب وراء المكتب حقه ...


الرجال: دخل ومعه شاب وسيم 😍..

عبدالعزيز : أول ما إبسره فرح 😃 وحضنه وبيسلم عليه 😘 حمدلله ع السلامه أخيرا قررت ترجع ...


محمد : الله يسلمك .. مفعل خلاص ضروري ماذلحين نشتي نزوج العيال .. بس ماشاء الله ماتغيرتش هن ذوليه الشعر البيض بس 😃 ..


عبدالعزيز : ماشاء الله هذا إبنك وبيسلم عليه .


محمد : أيوووه .. هذا أمجد وعاد باقي 2عيال وبنت وانت ماقد معك ..


عبدالعزيز : أنا موظوعي يشتي له مجابره طويله 😁 اليوم عنتغداء جمعه وعنخزن ونتجابر سوى ..


السكرتيره : دقت عليه الباب .. جنى وسمر خارج ..


عبدالعزيز : خليهن يدخلين ..


محمد : إبسر البنات .. سنب 😃 ماشاء الله هذولاء بناتك أكيد هذه نسخه من رهآم صح ..


عبدالعزيز : ضحك وخفعه في كتفه 😂 عادك ذاكر شكلها ايوه هذه بنتي وهذه اختي سمر وعاد مع هذه المجنونه أخت تؤائم .


محمد : بإستغراب 😳رجعت رهآم .

عبدالعزيز : قلنا لك موظوعي يشتي مجابره طويله 😁 ..

أمجد : بيتفرج جنى ومبتسم ☺ .


جنى : إبسرته بيتفرجها عوجت فمها 😏 بابا لوسمحت لحظه وسحبته تحاكيه ع الزلط ..



..............

عآصم : اول ما اتصلت له رهآم تشتي الفحص فرح 😃 وفلت كل شي في يده وسار للبيت يشله ع طول ...


جنات : أول ما إبسرته ضحكت ههه 😂 مستعجل كنت عتراعي لما تروح .


عآصم : خربش وشها بيده ولعب بحواجبه أكيييد هيا جي نبسر النتيجه قلي يارب والنتيجه إيجابيه 😃 ..



رهآم : خرجت وهي خازيه ☺ موطيه رآسها ..

عآصم : إبتسم وقرب لاعندها 😃 هيا مه ..


رهآم : حآمل ..☺ .



جنات : قربت تبوسها 😘 وحملت تتصل تقل لسيده وسندس ..



عآصم : 😃 من اليوم ماعدبش مستشفى وجلسه فالبيت رآحه ..


رهآم : بتضحك عليه .. هههه😂 حسستني انه أول واحد ..

عآصم : حتى لو قدهو العاشر صحتش عندي بالدنيا كلها وانت عندي أغلى من الدنيا بما فيها 😍..


رهآم : تسلم لي ياعمري ☺ .

عآصم : انتي الي كل عمري وحياتي .. ربي يخليش لي ..


رهآم : ولايحرمني من وجودك جنبي ❤ ...



.................

عبدالعزيز : روح محمد وامجد يتغدوا معه ..


جنى : عرفت ان امها حامل 😃 فرحت وبتتنبع نزلت تقل لسمر .. عيجي لي أخ جديد هييييه ..



عبدالعزيز : سمعها درى إن رهآم حامل 😔 حس الخبر كانه ملطام في وشه بس حاول يقنع نفسه إنه خلاص رهآم إستحاله ترجع تكون له .. دخل عند محمد وأمجد أمد مايجهزوا الغداء ...




أمجد : جالس مع أحمد بعد ماتعرف عليه واتصلوا لأكرم يجي ..

............

جنى :بتتصل لأبوها تستأذن تسير عند أمها ..

عبدالعزيز : تمام سيري و حاولي تجسي نبض من موضوع خطوبته العيال مارأيهم ..


أمجد : بيسأل أحمد خطوبه من وبيسحبه في الكلام ع جنى بدون مايحس



@qesasanani

🎬
161 🎬
🎬




في بيت عآصم ....

جنى وجنات : بيدلعين رهآم .. هيا قلي لنا مافي نفسش مابتخوري .


رهآم : ضحكت 😂 هيا ناهي لكن ... مسرع قد شتخور عادنا غر دريت اليوم أمانه بطلين تخزين بي ☺ .


يوسف : ييييه إسمعي 😡😡 رجاء مشتيش بنت إديه ولد ماقدرت قد معي 2هرمات تزيدي الثالثه ..


سيده : 😧 هيا ناهي لك سعمنهو ع قولها ولا ع ماتشتي ماجاء من الله حيا به ..

يوسف : ماعليا .. أنا مادخلش قذا نبيت عليكم وشاسميه أنا ☹ ..


سندس : شعفلت شعره 😁 ذلحين سير أحلق هذه القعشه يخف رآسك شويه قليل عقل ..

يوسف : بيشتكي بها .. 😒 يا ماما إبسريها هذه الخبلاء كيف شعفلت شعري وعادنا مشطته ورجع يتضاربوا ويتصافدوا ..



جنى : قربت جنب رهآم بتحاكيها دلا .. ماما بابا قلي اسئلش ماهو من موظوع العيال .. هيا ماما أمانه وافقي أحمد بيحب جنات قوى والله لو تبسري كيف قد فعل مشاكل وجنن عليها قبل مايدرى منهي وبتحكي لها ...


رهآم : 🤔 تنهدت .. وبتتذكر الماضي .. ريت والله وأبوش وقف هكذا في وجهه جدك ساع أحمد ..


جنى : بزعل 😔ماما عادش بتحبيه ..


رهآم : لو أقلش اني قدرت أكرهه كذابه .. بس عمش عاصم نساني الوجع الي سببه لي أبوش وماحسسنيش للحظه بأي شي يجرحني وربي اختش ولا في يوم فرق بينها وبين أخوش لو ألف الدنيا كلها ما ألقى مثله 😔 .


جنى : الله لايحرمش منه وإبتسمت 😃 ذلحين هيا من المغالطه أحاكي بابا اننتي موافقه ..


رهآم : نزيد نسأل اختش ماهو رائيها ..


جنى : لفتت لجنات علت صوتها وغمزت لها 😉 يا ماما جنات موافقه ع ضمانتي انتي قلي ايوه بس ..


جنات : خزيت وخفعتها ... بالوساده حق المدكى وضحكت☺ .....




...................

العشي ...

في بيت الشيخ ...


عبدالعزيز: ذلحين ماقلت يا أبه نسير أنا وزوج مريم ولا كيف .


الشيخ : مع إن البنت بنتك .. بس ولو يا إبني شل غطوه أكرم وأحمد معاكم وسيروا لاعندهم وفاتحوا رسمي في الثنتين ....



............


سمر :.في غرفتها .. بتجابر نزآر .. وبتحاكيه كيف أمجد كان بيتفرج جنى وكيف عوجت فمها ..😁


نزآر : ضحك هههه 😂 ماطلعتش لأحد غريب بس غبني عليه لاعاد يودف ساع بعض ناس ..


...............


أكرم : فوق سيارته فالحوش 🚘 بيحاكي سندس .. ماناش مصدق نفسي انهم بكره عيجوا يتقدموا لش رسمي ياروحي ..


سندس : بتحانكه 😜لكن لاتفرحش ..ماعنخطب إلا لما يجي بابا ..


أكرم : في المشمش .. او تخايلش إني شاراعي له .. خلاص عنخطب وهو يجي فالعرس عادحنا ع 3سنين أمد مانكمل ..

سندس : 😱 يووه 3سنين مه مانا مدخلش بعيد ..


أكرم :ضحك عليها بقوه 😂 هههههه أي يابطني و مسك بطنه من الضحك أنا أعرف الرجال هو الي يدحس مش البنت قدهي عتطير إطمني إطمني خلاص ماعتعنسيش قد رحمتش وشخطبش ..


مكنوها مزح وزبج وكل واحد بيتليقن ع الثاني ..😃


أحمد : دخل لاعند سمر يتراشاها تتصل لجنات وتفتح السبيكر يسمع صوتها لأنهم بطلوا يتواصلوا من بعد المصياحه ..


@qesasanani

🎬
162 🎬
🎬




ثاني يووم العصر ...


سامي وعآصم وأخوال سندس في بيت عآصم مخزنين مراعيين لهم .

جنى : كانت من الصبح عندهم بترفع معاهن البيت ويجهزين ..

سيده : إتصلت لحفيظه تجي عندهن العصر تبسر لداه الخطوبه 😃.



سندس : بتحاكي أمها ندى وأبوها فالنت بيباركوا لها ..


جنات : ❤ قلبها بيدق من الفرحه وجالسه بتسأل جنى ع أحمد وطباعه وايش يحب وايش يكره ..

جنى : بتحاكيها ونزلت دموعها 😭 ومسحتهن ..

جنات : إستغربت منها 😳 مالش ياروحي بتبكي ..


جنى : حضنتها وباستها بينبكي من الفرحه إن أختى عتنخطب 😭 ..


...........
في بيت الشيخ


أكرم : هيا مه قد شعري هكذا حالي 👱 ..


أحمد : بيتليقن عليه ماهو هذا قد القصعه الوزلي فيه سير غسله قدهو بيلمص 😜 .


أكرم : خففه ناهي خلينا لك الوسامه ماولفك هذا جل يا أخبل 😜.


سمر : بتعطرهم وتضحك عليهم ..😂 اعقلوا اعقلوا قد عتسيروا تخطبوا وجالسين مجانين ..


سلوى ومريم : بيتحيلين لهم ..


نجات : بتدعيهم يطلعوا يسلموا ع جدهم قبل مايخطوا ...



أكرم : سلم عليه ونزل .

أحمد : طلع يسلم ع جده ووطى يحبه في ركبه 😘 وراسه .. إسلم لي يا ابه طلعتني رجال وربيتني وفعلت لي كل الي كنت أطلبه .


الشيخ : بيبسره ومبتسم والله مانا مصدق إن قدك رجال وعتخطب 😃 الله يديم سعادتك ويفرح قلبك ويرحم ابوك ..


أحمد : الله يرحمه بس أنت أبي وجدي وكل شي ذلحين هيا قوى يا أبه أبدلك وتجي معانا ماعتسخاش تفلتني في يوم ساع هذا ..


الشيخ : مع إني تاعب بس والله مسخى فيك هيا 😃 ..


زوج مريم واخوته وعبدالعزيز نازل مراعيين بيداعوا العيال شرق .


أكرم : أنا جاهز .. أحمد طلع يسلم ع جدي .


أحمد : نزل هو والشيخ ..

عبدالعزيز: فرح لما أبسر أبوه وسار وطى ع ركبه يحبهن 😘 وخطاه وخرجوا ..


سلوى وسمر ومريم : بيحجرين لهم 😃 .



.............

في بيت عآصم ...

البنات في الطاقه بيتشقرين 😁 .


مره سامي : يووه ماشاء الله ذيك الوسيم قوى خطيب من منكن .


جنى : أحمد خطيب جنات والي لابس نظاره خطيب سندس ..


مره سامي : تصدقي والله ان شكله داحوس ساعها 😁..


جنات : بكيت لما إبسرته 😭 وسارت تحضن رهآم .. سامحيني ياماما بسبب هذا اليوم كشفت الي كنتي مخبيه له طول عمرش .


رهآم : بسبب هذا الحب الي جمعكم ❤ رجعتي لي أغلي شي في حياتي الي انحرمت منها طول عمري وحضنت جنى وباستها 😘.



كملت أجواء الخطوبه المألوفه ..

أحمد : رسل لجنات .. اليوم شاجابرش لما أشبع غصب عن الكل حبيبتي وخطيبتي وبنت خالي وقريبا مرتي .. أحبش ياسر سعادتي 😍..


جنات : قريت الرساله .. وخزيت رسلت له وأنا أحبك ☺ ..




.................

بعدها بإسبوع...

عبدالعزيز : دخل لاعند جنى كانت جالسه هي وسمر .. ابسرتي صاحبي محمد الي شفتيه في المكتب هو وإبنه .. اليوم اتصلي مرته تشتي تتعرف عليكن غطوه قد حاكيت أمي ..

سمر : غمزت لها 😉 قلتلش هي تبدأ بعوجه فم وبعدا يدقدق هههه ..



جنى : بهررت فوقها 😳 بطلي خباله ..


عبدالعزيز : ضحك ههه 😂فهمهن لأنه قد كلمه محمد عن سبب الزياره .... يله شاقوم ارقد وانتي اسبكيها سوى غطوه ياسمر وغمز لها 😉 ..


جنى : لما خرج عبدالعزيز خفعت سمر بالوساده ..😡 مالش انتي والخباله انتي داريه اني خلاص مقرره ماعاد أحبش أحد سامجه ولا اشتي اتزوج .



@qesasanani

🎬
163 🎬
🎬





الشيخ ناصر : دعى أحمد يشتيه ..


أحمد : 😃 هاه أبه ماأفعلك ..


الشيخ : جي إجلس جنبي إشتي أجابرك شويه .. ذلحين كم باقي لعرس سمر ..


أحمد : يمكن شهر وأيام قدهو قريب ..

الشيخ : 😃 أيوه أنا دآري بس قلت مارأيك نزوجكم جمعه عتلحق تتجهز جنات وتجهز نفسك ..


احمد : فرح وسرجين عيونه 😍 أنا جاهز من اليوم هههه بس ماعترضاش جنات ولا خاله رهآم هي تشتيها تتم الجامعه ..


الشيخ : وهي عتتم الجامعه .. كملوها جمعه وبعدا سعم مدري أين عتسير هي عتجي بيت أبوها يعني من بيتهم لابيتهم .. أنا قلت لوأنت موافق الباقي خليه عليا ماعليك شي نفسي أبسرك وأفرح بك قبل ما أموت 😔..

أحمد : 😔 بعد الشر عليك الله يطولنا في عمرك وقام يحبه فوق رآسه 😘 خلاص حاكي خالي يحاكيهم أنا موافق ..



.........................



بعد العصر ...


سلوى : ياسمر إطلعي إبسري هذه المجنونه ماقد رضيتش تبدل جننتني في روحي 😥 ..


نجات : وانتين مدراكن انهن عيجين يبسرنها .. يمكن صدق يشتين يتعرفين علينا لأن زوجها صاحب أخوش ..


سمر : اوذا شطلع أبسرها قبل مايجوا الناس ...


............. ..


في بيت عآصم ...


رهآم : مأجزه من المستشفى 🏥 تاعبه معيفه ...


جنات : بتحاكى جنى فالتلفون 📱جنب رهآم طيب وانتي انزلي وبعدا انتي حره سعم عيزوجوش غصب .

رهآم : شلت التلفون تحاكيها ..

جنى :راكنه انها جنات ... صح إنه وسيم 😍وحالي قوى لما ابسرته هذاك اليوم بس مشتيش أتزوج با أحد ..


رهآم : ضحكت عليها هههه 😂 وسيم هآه .. عجبش ..


جنى : خزيت ☺ مع ياماما مشو هكذا بس أنا مشتيش أتزوج اشتي أكمل دراستي ..


رهآم : طيب بدلي وإنزلي وبعدا محد عيغصبش ع شي اطمني حتى بابا ماعيغصبش ع أي شي 😃..



جنى : خلاص خلو جنات تجي عندي .



...................


في بيت الشيخ ...


عبدالعزيز : مخزن مع محمد في الملحق ..

أحمد : بيجابر أمجد عبدالعزيز قله يتعرف ع طباعه أكثر ..


داخل البيت ....


أم محمد : ماشاء الله اللهم صل ع محمد نسخه واحده قمارى 😃.


سلوى : أيوه بس تيه وشها أضعف شويه ..


أخت محمد : وجنى أين هي ؟؟


سلوى : الي لابسه الأحمر الثانيه جنات قدهي مخطوبه بإبني ..


أم محمد : آها .. ماشاء الله .. ماعدبش معاكم بنات الصدق ماشاخبيش عليش أبني إبسر جنى وعجبته وعادحنا بندور لأخوه ..


نجات : لابه نصيب ان شاء الله ربي عيسهلها لكم ....



جنى : جالسه خازيه ☺ ..


جنات وسمر : بيضحكين عليها ويتليقنين ..

جنى : إستأذنت منهن وقامت .. خرجت تتصل📱 لأحمد تقله أمانه يطفشه يقله عليها كلام شوعه..


.............

أحمد : هيا جي نخرج فوق السياره🚘 نخزن ونسمع أغاني من جنان الشيبات هانا .


خرجوا يخزنوا ...

أحمد : حط تلفونه فوق السياره 📱...
رآعي ادخل ادي لنا ماء ....



تلفونه رن 📱...


أمجد : بيبسره بيرن ومكتوب جنى الفضول أكله .. فتح يسمع صوتها وجلس ساكت ...


جنى : بتتحاكى بعصبيه 😡 قوى يا أحمد كرهه فيني وقله عليا كلام شوعه يروح يقلهم ما اشتيش هذه البنت ...



أمجد : بيسمعها ويضحك 😂😂.


جنى : 😡عادك بتضحك يا حمار أنت عتبسر والله لا أرويك ..


أمجد : رد عليها .. انتي دآريه أحمد دخل يدي ماء .. بس ولو انش عصبيه وهرمه بس صدقت جنانش محلي لش وذلحين مصر أكثر اني إشتيش 😜 ..




@qesasanani