للبدء من اول الرواية قم بالضغط على الصورة الصغيرة الموجودة في أعلى البارت👆🏻👆🏻👆🏻





🎬 244 والأخير 🎬



بعد إسبوع ....


سميه : بتكتسي بتتجهز للعرس .

سوسن: يله عيس حن لقينا قاعه قريبه من البيت .

يسرى: لو صدقنا خالي وفعلنا هانا فالبيت عندهم البيت كبير وعيكفي لومايجنش النسوان القاعه.

سوسن: مع يابنتي تعرفي نسوان الحاره وع جنان وبعدا قد الناس كلهم بيعرسوا ماعيقع شي .


.....


علي: إتفق مع أبو ساره يخطبوا الجمعه الثانيه ..


ملاك: عتخرج اليوم من المستشفى ..

ياسر وهاني وسميه ويسرى وإبراهيم : إتفقوا مع محمد إشتروا بالونات🎈🎈 فعلوهن ملان البيت وجهزوا لها حفله صغيره بسلامتها 🎈🎉🎊.

ياسر ومحمد: إتفقوا ع شي ثاني 😉محد داري به إلا نجلاء بعد ماكلمت ياسر .

محمد: سار يخرجها هو وعبدالله .


ملاك: بتتلفت .

محمد: هههه مابش أحد لاتدوريش كلهم فالبيت وياسر فالشركه معه عمل .


ياسر: إشترى لها بوكيه ورد🌹🌹 وإسويره بدل الي أكتسرت وجنبهن حاجه يعلم الله ماهي 😜.


منى: بتحاكى هاني عتسافر بعد إسبوع هي وأهلها .


محمد: رن للعيال إنهم وصلوا .



العيال طلعوا لاباب البيت مراعين لها .

ملاك: نزلت من السياره ومحمد ماسك لها .

يسرى: قرحت من هذك الأوراق الملونه 🎊 والأغاني مفتوحه.

ياسر: متخبي نازل .

سميه: بتتنبع فارحه بها وفي فمها فريصه 🎊🎈.


نجلاء : قد اتفقت مع محمد يتصلها أول مايوصلوا شغل السكايب تبسرهم فالكمبيوتر هي والعيال .


العيال : كل واحد اشترى لها هديه 🎁.

الشغالات : حظننها وبيبكين .

محمد : هيا قلنا اليوم مابش بكاء اليوم نفرح بس 😀😀.


سوسن: بتحجر لها انه خرجت بالسلامه .

علي: ماسك محمد من كتفه وبينزل معه من الدرج قد محمد كلمه ع حاجه .

ملاك: فارحه وبتحاكى أمها كان نفسها تكون معاها .



إبراهيم : بيصورهم فيديو.

ملاك: في يدها السكينه تقطع الترته 🎂...


ياسر: خرج من الغرفه وفي يده الورد🌹🌹 وعلبه مغلفه ....


تقطعيها قبل ما أجي .

ملاك: إبسرته خزيت ابتسمت ☺.



ياسر: مكنها الورد والعلبه .🎁


محمد: مسكها من كتفها وبيضحك فارح هيا إفتحيها .

سوسن والباقي مستغربين 😳...



ملاك: فتحتها لقيت اسويره وجنبها علبه صغيره فتحتها لقيت 💍.

قلبها دق بسرعه ❤ وخزيت إبسرت أمها فالكمبيوتر .

سامي: بيفرص ويصيح .

نجلاء: ضحكت انها موافقه .

محمد: هيا ناهي لك من الخزويه هذه الساع أنت وهي يله لبسها .



ياسر: لبس ملاك 💍 الدبله والمحبس .

ملاك: خازيه وموطيه ☺.

ياسر: شاورها أخيرا قدنتي حقي تشتي طرزان ههه .

ملان : ضحكت .

إبراهيم : والله إن قد كنت شكي فيكم 😜.

سوسن: ألف مبروك بتسلم على ملاك وياسر ... ريت والله وأمك هانا .


ياسر: قد اتصلت حاكيتهم وباركوا لي .


محمد: خرج من جيبه 3تذاكر سفر
له ولملاك وياسر ..

رحلتنا بعد اسبوعين بعد عرس سميه وخطوبه إبراهيم .

ياسر: 😳 تفاجاء وأنا ليش .


محمد: قد العيال ونجلاء عيجوا للأردن نطمن ع ملاك هانا ونعامل لأمريكا ونفعل الخطوبه عند أمها ونسافر..


علي: كيف عتفعل بشركتك وعملك .


محمد: قد اتفقت مع المحامي عيرتب الأمور وبعدا معانا 2مهندسين مايفعلوا بهم ههههه .



........

كمل عرس سميه 👰🏼..
وخطوبه إبراهيم 💍.


اليوم سفر ملاك ومحمد وياسر ...



بيت علي: رجعوا بيتهم ..

فالأردن احتفلوا بخطوبه ملاك وياسر .

نجلاء : اعجبت بياسر قووى لماتعرفت ع طباعه عن قرب .



ياسر: رجع يمسك شركه محمد هو وهاني ...

ملاك ومحمد : سافروا أمريكا مع نجلاء والعيال بعد ماتطمنوا عليها وعيزيدوا يبسروها في أمريكا .



يزن: زاعل 😔 وحانق من أبوه إن ملاك إنخطبت ..


بعد شهر: رجعت الدراسه هاني وإبراهيم رجعوا الجامعه .


أمل : ولدت وإدت بنت👶🏻 ..

حنان : قدهي واحمه واتفقت مع سلطان لوهي بنت عيسموها مثل اسم ام رهف .


.....

سميه : بتدرس مع زوجها في المغرب .



محمد: عامل فيزه لياسر لأمريكا يسافر يكمل يدرس عندهم وبين كل فتره وفتره محمد عيجي يطمن ع الشغل قد عين مدير وهاني مشرف عليه .



ملاك: قدهي بخيره وبتكمل دراستها وفارحه بجمعتها مع أهلها وخطوبتها بياسر .


طبعا ملاك وياسر إتفقوا يكملوا دراستهم ملاك عتدرس هندسه مثل أبوها وياسر وبعد الجامعه العرس ..


ياسر: اتغيرت طباعه😀 ولما يبسر يزن ماعد يهمه وكل يوم بيكبر حبه لملاك ...



وفي الأخير يارب إسعد كل قلبين 💑حبوا بعض بالحلال وكملوا حبهم ببيت يجمعهم رغم كل الصعوبات والظروف ويملوه عصافير 👶🏻يملوا حياتهم سعاده وفرحه ...😃😃..


تحياتي
🌹meme_abdalgaleel


#النهاية


@qesasanani

🎬
170 🎬
🎬



كمل الحفل والكل فارح ومبسوط 😃😃😃😃
..



قربوا يسلموا عليهم ويلبسوهم الفل ويدولهم الورد 🌹🌹🌹..



جنات : إبسرت جنى قدامها .. صاحت 😱 من الفرحه وحملت تحضنها ...

جنى : دلا دلا يامجنونه عتطفحي الي في بطني 😃..


جنى : رجعت شويه وبتتفرج بطنها ياشوعه ولا تتحاكي مبروووك ياقلبي وبتبوسها 😘😘 ...



أكرم: بيتصور مع مريم وأخوته ودعى عبدالعزيز ...


سندس : بتتصور مع وليد وندى وجدتها سبده وفارحه 😃 بتتليقن عليهم كالمعتاد ..


سامي : بيصافد أحمد وبزوه هو ويوسف ينبعوه 😃 ...


سلوى : بتتفرجه وتبتسم ذكرت زوجها وأبوها كم كان نفسه يبسر أحمد خريج .. بس بتحمد الله إنه مامات إلا بعد مازوجه وإبسر بنته 😔...



عآصم : شاف عبدالعزيز .. سار لاعنده بيسلم عليه وفي يده جومانا 😘 ...


عبدالعزيز : بيتحيلا لها 😃 ماشاء الله قمر الله يحفظها لكم ..



سآمي : بيداعي المصور .. يا أخي جي افعلنا صوره جماعيه .. دعى وليد وندى ومرته وأمه ويوسف وعإصم وسندس وأكرم وأحمد وجنات وجنى ...



جنات : لفتت لأبوها ... بس الصوره ناقصه ياخالو .. أهم شي بابا حبيب قلبي وجدتي وعماتي ....


عبدالعزيز : قرب حضنها وباسها 😘
وانتي حبيبه قلبي وروحي ...


وقفوا كلهم يتصوروا جنى وجنات وأحمد فالوسط رهآم ع يمين جنى وجنبها عآصم وعبدالعزيز شمال جنات وجنبه أحمدفي يده رهآم وجنبه سلوى يوسف جلس تحتهم وفي حضنه جومانا ..


سمر : لحضه لحضه الصوره ما اكتملتش مسكت أمها وشلتها وسنبت معاها ..




أكرم : إبسرهم ضحك 😃 لحظه لحظه وأنا وأمي عيال البطه السوداء ولا كيف رآعوا لك مروع .




كلهم ضحكوا عليه 😂😂 كملوا يتصوروا والكل مبسوط ..



عبدالعزيز : طيب انا عازم الكل ع الغداء قد حجزت مطعم نحتفل بالخريجين حقنا ...



رهآم : أشرت لعآصم ماشي 👎🏻 لايرضاش ..


عآصم : إبتسم لها وقرب يشاورها ... أنا دآري ان قلبش ❤ قدهو ملكي وحدي بس مهما كان هذا أبو بناتش يعني مابش مجال تتهربي منه وبعدا احنا الرجال عنجلس وحدنا خليه يفرح ويحتفل بتخرجهم ...



رهآم : إبتسمت له ☺ ياريت وكل الرجال مثلك .. فعلا ربي مهما انظلمت يعوضك وانا بعد كل الي شفته ربي عوضني بك يا أحلى صدفه حصلت لي في حياتي ..




عآصم : مسكها بيدها وطلعوا السياره يخطوا المطعم ...



عبدالعزيز : شافها مبسوطه إبتسم 😃 و في نفسه ربي يسعدش يارهآم يامانا نفسي وأنا الي كنت مكانه وماسك يدش واليوم نحتفل بتخرج بننتنا بس الدنيا نصيب وهذا درس لي ولكل من يفرط في شي غالي عليه بسهوله علشان يرضى غيره حتى لوكان ظلم ...




جنات : بتداعيه ... يييه بابا مالك مطنن 🤔 قد كلهم طلعوا السيارات 🚘 وبعدا جاوب هذه الهرمه من اول بتصيح تشتي ادو (جدو )..





عبدالعزيز : ضحك 😃 ومسك رهآم وباسها 😘
الله عوضني بهذه مسك جنات في يده وبيمشوا ..


جنى : إبسرتهم حملت لاعندهم وانا لمن راعوا لي مسكت يد أبوها الثانيه وخطيوا كلهم ...




أكرم : رسل لسندس ( اليوم فرحه تخرجنا وبعد شهرين فرحه زواجنا يا أحلى هرمه عرفتها 😍.

.............



أتمنى تكون نهايه القصه عجبتكم




تحياتي:


🌹meme_abdalgaleel


#النهاية

@rewayatyamania

قلكم صوره مبسطه ونبذه صغيره عن الي بيحصل في واقعنا بسبب ظلم البشر ..

أبطال قصتنا كانوا ضحايا القدر وكم وكم من ضحايا في واقعنا ..

مع تحياتي
🌹meme_abdalgaleel


#النهاية

@qesasanani

وخدعت وخنت يجي لك يوم..

في الأخير أتمنى أن القصه عجبتكم وسامحوني ع أي تقصير حصل معي اكيد كانت بسبب ظروف خارجه عني وتسلموا لي ع صبركم وتعاونكم ...


🌹meme_abdalgaleel

🌹النهااااااااااايه 🌹


#النهاية
@qesasanani

بارت 106


بعد إسبوعين ..

وأخييييييرررررا 😍...


يووم فرحتهم وفرحتنا معاهم



في قاعه صغيره 🏡..


رنا : رغم الوجع الي فيها بس تغيرت وقدها واحده جديده .. سارت لعند هيفاء .. اتصل ماجد قال قد العيال فالطريق ..


هيفاء : ابتسمت 🙂 وإبسرت لعند غاده والله وخطوا كلامهم وعقدوا وفعلوا حفله وعيدخلوا ...



غاده : مسكتها من كتفها وابتسمت 🙂 الله يتمم فرحتهم وفرحتنا يارب بس احلى شي أن أحمد شرط عليهم العرس بعد مايتخرجوا الشباب ...

هيفاء : أيوه قد عيكملوا الشباب هانت والبنات اسهل عيكملين عندهم . الله يزد يفرح قلبش بمهند ..


غاده : الله يسهلها له يارب هانت اهل البنت مايشتوا الخطوبه الإ فالعطله ..

هيفاء : امين ..


سلا : في غرفه العروسه هي ورهف لابسه فستان وردي 👗 منفوش وشعرها تكسير مرفوع ومكياج فاتح مع روج 💄 وردي غامق طالعه تجنن .. لفتت لها مرتبكه .. هيا مه امانه كيف أنا😊 ...


رهف : فستانها عنابي👗 ناعم طويل مخصر وفيه ذيل صغير ومنثور كريستالات بلمعه خفيفه وشعرها ع جنب وفيه ورده 🌸 مكياجها ناعم مثلها طالعه مثل الأميرات في قصص الأطفال .... قلبها بيدق 💓 ومش مستوعبه ولا مصدقه إنه خلاص أخيرا محمد ملكها وحلالها واليوم اكتملت فرحتهم ... ابسرتها وابتسمت 😊 اطمني أكيد حاليه وعتعجبيه ...

أمل : دخلت لعندهن .. اقطبين هيا قد وصلوا ..

رهف : حست قلبها عيوقف 💗 ارتبكت مع مع لايدخلوش لاهانا قوى ...


بلقيس : ضحكت 😄الإ عيدخلوا لاهنيه ونزفكم جمعه ..

سلا : حست انه الصدق بداءت تتوتر اكثر 😅.. سنبت وراء امها ...


رهف : وقفت وبتتفرج للأرض خازيه 😊 وبتلعب بأيديها ...


هيفاء : دخلت وهي ماسكه ريان👫 ...


غاده : دخلت ومحمد في يدها 👫...


محمد : أول ما أبسر رهف تنهد وابتسم وسرجين عيونه قلوب 😍 نسي كل ماحوله وقرب لجنبها مسك ايديها الثنتين وباسهن ... مبرروك ياروحي يا أحلى أميره في دنيتي اليوم أقلش يامليكتي قدام الناس كلها بدون خوف ولا خجل ...

رهف : رفعت عيونها وابسرته 😊 خازيه الله يبارك فيك ..


محمد : بيتفرجها ويتحيلى لها 😍 انتي قمر بدون شي بس اليوم ضيعتي كل جمال الكون كله .. أحبك..


ريان : ابسر سلا وبيضحك 😃 ذلحين هذه سلا الشوعه الي كانت بتلعب فالشارع قدهي اليوم مرتي وحلالي ..


سلا : ضحكت ووطت راسها 😊..


غاده وهيفاء : بيتفرجنهم ودموعهن بتنزل من الفرحه .. هيا عيالي عنتاخر نزفكم ...


سلا : مسكت ريان وبيخطوا 👫..


محمد : مسك يد سلا وحطها ع يده 👫 ولفت لها .. الله يديمش لي ياتاج راسي ويخليش لي طول العمر ...


رهف : إبتسمت له 😊 ولا يحرمني منك ....



عليت اصوات الفرح والزغاريط والكل فارح لهم وبيتمنى لهم السعاده ...وربي يديم محبتهم وسعادتهم 😃.....



اليوم انتصر حب أبطالنا 😍 ع العادات والتقاليد اليوم توج حبهم بالفرحه الحقيقيه اليوم اثبت محمد وريان أن الحب عمره ماكان تسليه وكلام تلفونات 📱 ومواعيد غراميه ...

بطلنا حارب واتحدى كل الصعاب علشان يوصل للحب❤ الحقيقي الي يكتمل ببيت وأطفال ويثبت للعالم كله إنه رجال عند كلمته ...


أنتهت قصتنا بفرحه والكل فرح بنهايتها 😃 والي أهم من الفرحه ان الفكره وصلت أن الناس كلها في الأخير سواسيه وعمر طبقات المجتمع ماعتكون حاجز والي أهم أن كل شخصين بيحبوا😍 بعض يتوجوا حبهم بالحلال ويعرفوا إن الحب فطره من رب العباد ومش غلط بس الغلط التصرفات الي بتنتج عنه من استغلال ولعب وتسليه بإسمه ...

أتمنى أنكم تكونوا إستمتعوا بالقصه وعشتوا أجووائها وعجبتكم وسامحوني ع أي تقصير 😘😘...

#النهاية

وجع السنين ...

للكاتبه :

🌹meme_abdalgaleel

https://tttttt.me/qesasanani/1240

@qesasanani