⛱⛱
104
⛱⛱



سامي: خرج وجنات في يده ومعاها شنطه صغيره فيها لده 👜.


رهآم : إبسرت الشنطه في يدها إكتبدت 😢.

سيده: ماهو هذا أين عتشلها .. أين عتسيروا ياإبني ..


سامي: شاشلها البيت عندنا تهدى شويه وأنتي إجلسي عند رهآم وانسيها وشاسير أدي علاجش .


رهآم: قربت لعند جنات .. جنات إسمعيني أنا داريه إن معش حق تزعلي وتكرهيني لوتشتي بس والله لو تدرى بالي حصلي لاتعرفي إن معي حق ..


جنات : إبسرتها بقهر 😥 هيا سامي نخطى .. عفوا قصدي ياخالو وضحكت بسخريه خخخخه أخي طلع خالي وأختي طلعت أمي وجدتي كانت أمي والتحفه زوج أمي ورآكنه إنه زوج أختي وبنت من أنا مدرى ... كان قدامها صوره لها فوق المكتبه رجمتها للقاع الله يلعن اليوم الي ولدت فيه 😭..


سامي: مسكها وخرجها ..

رهآم: وطت بترفع صوره جنات وتبكي 😭..




.............


بعد يومين ......


سمر: إتصلت من المستشفى للبيت فارحه 😃 أحمد فاق عيخرجوه غرفه خاصه .

أكرم: عنده فالمستشفى من يوم الحادث مافلتش ..


سلوى: جاوبتها بتبكي من الفرحه 😂
خلي أكرم يجيلي ذلحين مع مع خلاص ابسري الخباله شاخلي السواق ... بتداعيهم فالبيت كلهم تبشرهم ..


نجات: كانت بتصلي سمعتها سجدت لله حمد وشكر 😀..



جنى: مغلقه ع نفسها من حين ماروحت من المستشفى في غرفتها .. سمعتهم حملت سآع المجنونه من الفرحه بتهزور سلوى هيا ياعمه نسير نبسرعه وبتسحبها للباب ..


مريم : كانت عندهم من يوم الحادث .. 😁 أين عتسيري يامجنونه بالبجامه اخطي البسي هيا نسير كلنا ..

جنى : أطلع أدعي جدي وأشل البشاره 😁..



الشيخ: 😃 فرح وضحكته ملت وجهه (من يوم الحادث فوق القرآن بيدعى الله يشفي أحمد ويغفر ذنوبه )... قلي واللله ..هيا نسير نبسره ورفع يده للسماء يارب لك الحمد والشكر ..


جنى: وإشتي بشارتي 😄.

الشيخ ناصر: إطلبي مشتيتي كم أحمد وجنى معي ..


مريم: كانت دآخله تبدله يسيروا المستشفى سمعته 😔 مامعاك إلا أحمد وجنى بس كان إبرد من جهالي الباقيين حب أكرم بس الي في سنهم مثل حبك لهم ..


الشيخ: يابنتي كلهم عيالي وأحبهم بس هذولاء ربيوا في حضني ..

جنى: هيا شرق يامريومتي مش وقت الحسد نسير نبسر أحمد ورجمت لها حبه فالهواء 😘.



...............


عآصم: يارهام ماينفعش هكذا يومين جالسه فالبيت ومفلته دوامش معش مرضى .

رهآم: تحت عيونها حآرق مقهوره وزآعله😔 .... تاعبه ياعآصم جنات ولا حتى اتصلت إتصال والله مافعلت هكذا إلا في مصلحتها ..


عآصم: أنا دآري وعارف بس الصدمه كانت قويه ع البنت خآصه إنها سمعت بالصدفه .. ذلحين يله بدون نقاش قومي إلبسي أخطيش المستشفى ونرجع نشتري غداء ونسير نروح يوسف من المدرسه ونسير نتغدا في بيتكم تتجابري معاها براحتش .


................


فالمستشفى ......


سمر: عند أحمد فالغرفه ... 😄 سعم مآهو بتدلع علينا كنت تشتي تفجعنا عليك ولا تشتي تبسر من بيحبك .

أحمد: إبتسم لها بوجع 😊 وبصوت وآطى تسلموا كلكم .


أكرم : بيحانكه 😜 مابلا ياسمورتي من كثر حبه لي كان يشتي يفضي لي الجو علشان جنى تحبني بدله ..



سمر: (بحكم تقاربها فالسن معآهم كانت صاحبتهم مش عمتهم وعآرفه كل أسرارهم )... 😜بتحانكه ..أين تحبك إقنع إقنع ياولدي قلنا لك البنت قدلها يومين بدون أكل مغلقه ع نفسها بتبكي ع أحمد وأنت عاد عندك أمل تحبك.


أحمد: ضحك دلا ههه 😃 مجانين كلكم..



...........


سامي: ع خرجته من البيت .. دق الغرفه هيا جنات أوصلش الجامعه يكفيش غياب ..


جنات: لما تروح وصلني أدي كتبي وحاجاتي وأسير من غطوه مابش معي كتب ..


سامي: حبها في رآسها 😘 جبر العاقله حقي فكرتي فالكلام الي قلتلش .. صدقتي إن أمش كانت مظلومه وفعلت هكذا حب فيش ..


جنات: صح إنها إنظلمت وأبي وجدي ظلموها بس أنا مقهوره ليش ماتقلي ع الأقل كانت عتفهمني كلشي من زمان وتخليني بإسم جدي إسهل بس أعرف انها امي ..


سامي: يله شتأخر نتجابر لما أروح .




@qesasanani

⛱⛱
105
⛱⛱



الشيخ : وصل المستشفى مع الباقي .

عبدالعزيز: وصل قبله كان فالشركه ...

الشيخ: فعلت الي قلتلك عليه ..


عبدالعزيز: أيوه 😄.. قد نبيت ع الجزار عيذبح 2أثوار للغداء والمطعم عيفعل الرز ويطيخ اللحم ..


الشيخ: وزعوا لكل الي فالمستشفى ولاتنسوا المحتاجين هذا نذر ياإبني
.



عبدالعزيز: أكيد بدون ماتقل يا ابه وأنا قد وزعت من أول ماوصلت شوكلاته بسلامته .


الشيخ : ماقد عرفتوش منهم الي فعلوا هكذا ..

عبدالعزيز: اوذا المباحث جت أمس يعاينوا بقعه الحادث وبيسألوا لو به أحد إبسرهم ماقد دريوش .



........
نجات ومريم : مراعيات ل الصناصير يطلعين.

سلوى: بتحمل فالدرج بسرعه للغرفه ماعد رآعتش ل الصانصير 😃 وصلت وقد جنى بتفتح الباب.... يووه كيف طلعتي قبلي ..


جنى: 😜 ههههه طلعت من الدرج الثانيه .

فتحين الباب ودخلين ..

سلوى: يووو حمدلله ع سلامتك يانظر عيوني وعيونها دمعت 😭..

أكرم: هيا ماله ياخاله ماعد نشتيش دموع قذا الولد بخير قدهو بيدحسني من أول أزوجه ولفت لجنى يحانكها 😜..




جنى: إبسرته 😣 سامج مايعرفش أيحين وقت المزح وأيحين الجد .. خطيت لجنب أحمد .. كيف أنت وحمدلله ع سلامتك فجعتتا عليك ..


سلوى: هو غر يقوم بالسلامه والله لأزوجه وأفعله مايشتي ..


أكرم: ههه أيوه ياخآله قد قدامه مزه قمر فالجامعه 😉 وغمز له .


أحمد: بيضحك عليهم 😃هههه مداليز .


نجات ومريم : دخلين وقربين يطمنين ع أحمد ..

الباب 🚪كان مفتوح دخل عبدالعزيز وهو بيخطى الشيخ بالعربيه ..


الشيخ: إبسر أحمد وبكي 😭 تشتي أمووت قهر عليك ياصعبي.

يوووه يا أحمد الله يشل روحي ولا يصيبك شر ولا مكروه ..


أحمد: تشارغت عيونه .. بعد الشر عليك ياجد الله يحفظك لي ويخليك .


سمر: دخلت تتطمن ع أحمد ع الدموع 😭.. يوه يوه احنا نشتي مريضنا يتباخر ولا تمرضوه هيا يا أبه قوى الحمدلله قدهو بخير ويمكن الدكتور يبعد له القصبه الي في رقبته اليوم عصر ..


سلوى: صدق 😄 وأيحين عنروحه البيت .

سمر: ضحكت 😃هههه لو هو والده ماقد خرجناه وهذا قام من الموت خليه يفتهن عندنا ..


أكرم: أيووه أيووه خلينا نجلس عندكم معاكم ممرضات قمارى 😜.


عبدالعزيز: خفعه في رآسه بيصافده ماعتعقلش جالس مجنون ..


مريم: ضحكت ههههه دآري من هو خاله ماطلعش لحد غريب 😜.



...............


بعد الظهر ...

الممرضه : دخلت للعياده لعند رهآم وفي يدها أقفاص.


رهآم: بتشم أكل .. ماهو هذا ..


الممرضه: هذا المريض الي اسعفوه من حادثه القتل🔫 وانتي غايبه اليوم قام بالسلامه وأهله بيوزعوا غداء بسلامته والصبح أبوه قسم شوكلاته حطيت قسمش فالدرج ..


رهآم: حمدلله ع سلامته الله يشفيه . بس شكلهم ناس مرتاحين قوى مدام بيقسموا للمستشقى كله من الصبح ..


الممرضه : أيووه الصبح ابسرت الممرض بيجابر أبوه سألته بيت منهم قلي هذا عبدالعزيز ناصر ال*** أخو الدكتوره سمر الي فالأمتياز .


رهآم: حست رآسها لف وعرقت من كل شعره 😰 إستندت بالجدر .

الممرضه : مسكتها .. مالش يادكتوره تاعبه ليش داومتي كنتي عتكملي الإجازه ..

رهآم: في أي غرفه المريض ..إيش حصل بالظبط وسمر عندنا من أيحين.

الممرضه: تعرفيهم يادكتوره ؟.


رهآم: هآه 😳 ماشي مع بس بينسأل ..


الممرضه: شكله ثار ع ماسمعت وبتحكيلها ماحصل ..

رهآم: في عالم غير العالم ودنيا غير الدنيا 😢 اتصلت لعآصم يجي يروحها .


يا الله كيف الزمآن دوار كم هربتي يارهآم من عبدالعزيز واليوم أنتوا تحت سقف واحد وفي مكان واحد.



🌹meme_abdalgaleel


@qesasanani

⛱⛱
106
⛱⛱


عآصم : طيب خلاص إهدائي ايش يعني اذا هو فالمستشفى بس مدام متضايقه شاجيلش ذلحين ..

رهآم: أيووه جي لي ذلحين ..

الممرضه: عتروحي يادكتوره ..

رهآم: أيووه تاعبه شويه .. بعدا ذكرت 🤔 سألت الممرضه .. ممكن طلب .

الممرضه : من عيوني أنتي تأمري ياكتوره ..

رهآم: سيري للغرفه حق المريض بيت الشيخ إبسري من به هاناك به بنات ولا مع .


الممرضه : حآضر تمام من عيوني .. سارت ..


........

في غرفه أحمد ..

أكرم وجنى وسلوى جالسين عنده ..

الباقي روحوا ..

الممرضه: دقت الباب 🚪 عفوا بس حبيت.أطمن ع المريض تحتاجوا شي ..


جنى: لحظه وقربت لعند أحمد .. مفتهن ولا ادعي لك الدكتور .

أحمد: بإبتسامه .. 😀 تسلمي لي يا أختي .

جنى: إبسرته بضبح 😤 لخه .

أكرم: ضحك 😀ههههه وإبسرها تستاهلي تستاهلي ..


سلوي : أيحين عتعقلوا يامجانين وأفرح بكم ..


الممرضه: رجعت لعند رهآم .. به يادكتوره بنت محجبه شكلها أخته قلها تسلمي يا أختي ومعاهم أخ ثالث وأمهم عندهم بس سبحان الله كم تشبهش .. أمانه يادكتوره تعرفيهم ..


رهآم: 😳 تسمرت مكانها وحست قلبها ❤ بيدق بسرعه .. معقوله بنتي هانا .. طيب هي دآريه انني أمها ولا قالوا لها هذه أمها يعني عبدالعزيز قد معه عيال غير جنى حست رآسها بيلف 😇من كثر التفكير ... وبدون تفكير خرجت من الغرفه .


الممرضه: بتداعيها ... دكتوره يييه دكتوره مالش اليووم ..


رهآم: خطيت للغرفه الي فيها أحمد سنبت عند الباب 🚪مشاعرها بتدفعها تفتح وتدخل تبسر جني وعقلها بيقلها لا لو تدخل عتنكشف جنات ويشلوها ...




.............

عبدالعزيز: حاسس إحساس غريب لأول مره يحس بشوق لرهآم من فتره طويله وبيفكر فيها 🤔 .



جنى: ماسكه تلفونها بتتصل لأبوها ... بابا ماهو هذا الغداء لحم ورز ..

عبدالعزيز: هآه حبيبي هو الي وزعناه بسلامه أحمد .

جنى: مشتيش من هذا اشتي بيتزا وبروست وأكرم مارضيش ينزل يشتري لي ..

عبدالعزيز: تمام قدنا شاجي واديلش معي ..

أكرم: بيحانكها 😜 يادلوعه يع لحمه .

جنى: إبسرته وحنقت منه يوووف منك 😤 وفلتت تخرج تحاكي أبوها من خارج ...



رهآم: واقفه عند الباب 📱 تلفوونها رن جاوبت ..


عآصم: هآه حبيبي أنا نازل يله انزلي ..

جنى: بتفتح مغلقه الباب 🚪 تخرج.


رهآم: لفت من الممر تدي شنطتها تنزل ...



..........


في بيت عبدالله .


سيده: ياجنات جي ادي لي العلاج حقي ..

جنات: مكنتها وجلست عندها بتهز أرجلها وتقحص أظافيرها ..

سيده: مالش يا بنتي بتهتزي اديت لي الطاوى ..


جنات: يا أمه من هو أبي ؟😔.


سيده: 😳 ارتبشت مادريت ماتقلها خايفه تقلها تزعل رهآم ولو تسكت جنات عتزعل .. سكتت شويه ..


جنات: ضبحت 😤 يله عادي براحتكم كلكم خبوا عليا بس مهما خبيتوا في الأخير شعرفه ...




.........


رهآم: بتطلع السياره 🚗 مع عآصم وكان يوسف معه ...

عبدالعزيز: بيغلق السياره حقه بينزل🚘 لفت ع خطيتهم 😳 تسمر مكانه يبست أرجله .... معقوووله هذه رهآم .. أيوه رهآم حس قلبه بيدق ❤ تذكر كل لحظه حلوه بينهم فكر كيف قدر يفلتها .. طيب منهو هذا الي جنبها معقوله رهآم تزوجت ونسيتني .. معقوله الولد الي معاهم قدهو إبنها .. طيب ليش جت المستشفى مريضه أو جت تزور أحد تعبت من التفكير جلس فالأرض ...




فعلا دنيا صغيره بس ممكن يجتمعوا من جديد إيش توقعاتكم.




@qesasanani

⛱⛱
107
⛱⛱


عآصم ويوسف . فوق السياره بيجابروا رهآم..

رهآم: 😢 مطننه سارحه في عآلم ثاني بتلوم نفسها كانت بنتها ع بعد متر منها وكانت قادره تأخذها في حضنها ليش مافتحتش الباب وإبسرتها قرحت بالبكاء 😭.



عآصم: وقف السياره 🚗 ع جنب ... رهآم مالش إيش في ماحصل ..

يوسف: ماما مالش بنحاكيش مطننه من أول وذلحين بتبكي 😭.


رهآم: بتبكي 😭 ولاراضيه ترد ع أحد ..

.......


في غرفه أحمد ....


ممرضه حلوه دخلت للغرفه ...


أكرم: إبسرها وإبتسم 😀 اهلا اهلا يادكتوره قدنا اشتي أمرض لاقد ملايكه الرحمه ساعش ...

جنى: خفعته بالشنطه 👜 العفو منش يادكتوره استحمليه أصلا هو مريض نفسي وبنخطيه ع قدر عقله ومدت له لسانها 😜..


أكرم: إبسرها فارح 😀 هي هي أول مره تغيري عليا .. زيدي إضربيني فعلا ضرب الحبيب مثل أكل الزبيب ...

أحمد: ماسك بطنه بيضحك عليهم 😀ههههه بس الله يشلكم شطفح.

الممرضه : ضحكت عليهم .. ولفتت لسلوى الله يعينش ع جهالش شكلهم مجانين ومريضكم شكله أحسن مدام بيضحك الحمدلله ...



...........


عبدالعزيز: إستجمع قوته وطلع لغرفه أحمد ..

جنى: بابا فين الأكل حقي ..

عبدالعزيز: ضابح 😤أول مره يحاكي جنى بدون نفس مدري . اشبحي داير السياره وانزلي اديه ولاخلي أكرم ورجملها الداير ...



جنى: دلوعه أبوها وأول مره يعاملها ببرود هكذا ومايهتمش بها زعلت من تصرفه خلاص شابعه ماعد أشتيش 😔..

عبدالعزيز: ع ماتشتي ..

سلوى: إفتجعت لو إبنها فيه شي سارت تجلس جنب عبد العزيز تحاكيه ..


جنى: ضبحت من أبوها ونزلت دموعها 😭 خرجت من الغرفه نزلت حوش المستشفى تتمشى ..



.........


فوق السياره .....


عآصم : رهآم أحد من الي قلتيلي ضايقش ..

رهآم: فتحت شنطتها تخرج منديل إبسرت مابحد تلفونها 📱عآصم رجعني المستشفى نسيت تلفوني فالمكتب ....



..........


في بيت عبدالله ....


مره سامي: فالمطبخ بتتجابر مع جنات.. ياجنات أنا مقدره وضعش وصح صدمتش كبيره بس بعد ماعرفت بالقصه الصدق ماعندها حجه أمش أنتي لما تكبري ويقع لش جهال عتحسي ليش فعلت هكذا حرآم عليش سامحيها ..


جنات: بس عشت طول عمري بدون أب وأبي موجود وأمي كنت راكته انها اختي يعني لا أب ولا أم ..

مره سامي: حرآم عليش سامحيها ..


........


رهآم: وصلت المستشفى نزلت من السياره 🚘 دخلت تتدي تلفونها ..


جنى : كانت جالسه فوق كرسي عند الباب 🚪..

رهآم: مستعجله طلعت بسرعه شلت التلفون 📱ونزلت ع خرجتها .

جنى: بتدخل من الباب🚪 دكمت فيها ..



😀😀😀😀



أخيييييييييرآ مش مصدقه بعد العمر هذا كله رهآم تبسر بنتها

😀😀😀😀



@qesasanani

⛱⛱
108
⛱⛱


سلوى: جلست فوق الكنبه بتجابر عزيز بصوت واطي ... مالك ضابح 😤هكذا .. أحمد فيه شي ماقال الدكتور أمانه لاتخبي عليا ..


عبدالعزيز: إبسرها وعينه دمعت وصوته بنره حزينه ... إبسرتها ياسلوى ... أكيد الي معآها زوجها وإبنها صح 😔..


سلوى : بإستغراب 😳 إبسرت من ماهو مافهمتش ..


عبدالعزيز: رهآم ياسلوى رهآم.. أنا كنت داخلي للمستشفى وهي بتطلع السياره وجنبها واحد شكله زوجها وولد ..


سلوى : بتطبطب عليه بيدها .. أكيد يا أخي هذا الوقت كله أكيد اتزوجت وخلفت .. عآدك بتحبها ..


عبدالعزيز: ولا نسيتها يوم صح ماعشتش معآها خيرات بس سنه حسيت إني عشت العمر كله معآها.

سلوى: الله يصبرك يا أخي بس ليش ماتتزوج تنساها وتدي لك عيال ..

عزيز: مشتيش أظلم أحد معي يكفي هناء وفي الأخير طلقتها ..

سلوى: تصدق كنت متوقعه انك عتفرح بهناء لأنك كنت بتحبها من زمان ..

عبدالعزيز: اكتشفت ان رهآم كانت الحب بس هناء مراهقه وخباله .


صوت ضحكه أكرم قاطعتهم بيزبج ع أحمد ..😀.


أحمد: لفت لعبدالعزيز .. ياخال قوى إشهد عليه بيضحكني لما أحس بقعه العمليه عتشتط .

سلوى: صيحت فوقه 😡 أكرم بس عتطفح الولد ..

عبدالعزيز: إنتبه إن جنى مابحد .. يووه أين زد جت جنى ماقد رجعتش انزل ابسرها يا أكرم .




..............


وليد: بيتصل لأمه كيف انتي يا أمه وكيفي رهآم وسامي ..


سيده: يووه حيا بنظر عيوني كيف انت ياولدي ..


وليد: الحمدلله كلنا بخير قد الرحله حق سندس بعد غطوه الساعه 5بس بينتصل لسامي مغلق قلت انبيش يستقبلها ..


سيده: تمام شاقله وأنت لاتقلق عليها ولا قد عمها سجلها مع جنات في نفس الجامعه .

وليد: أيوووه قد قلي بكم يسيرين جمعه لا أقلقش عليها سافرت وعادهي جاهله ماتعرف شي عندنا ..


سيده: أنت دآري ماوقع .. وبتحكيله من موظوع رهآم وجنات ..



............


جنى: عفوا ياخاله مانتبهتش 😓.


رهآم: مبلمه 😳 في وشها بتتفرجها مطننه في وشها ..

جنى: استغربت مالها بتتفرجها هكذا فلتت وخطيت ..


رهآم: مسكت بيدها .. جنى كيف اتتي ..


جنى: لفتت لها ..الحمدلله من أنتي ..


رهآم: حضنتها بقووه وبكيت 😭..


جنى: مستغربه منها ..بتسألها .. مالش ياخآله من أنتي ..


تلفون رهآم 📱 بيرن جنات بتتصل ...

أكرم: إبسر جنى سار يدعيها .. وين انتي يازعكمه حبيب قلبش بيدورش هيا اطلعي جاوبيه ..


جنى: رآعي يالقن أبسر من هذه المره ..

رهآم: خطيت لما جاء أكرم علشان لو ينتبهوا لها وخرجت للسياره وهي بتجابر جنات ..




🌹meme_abdalgaleel


@qesasanani

⛱⛱
109
⛱⛱



سيده: بتداعي مره سامي قوى يابنتي ارفعي الغرفه الي جنب الحمام الصغير لسندس قد طيارتها غطوه ..

مره سامي: 😀 الحمدلله حين قد عتجي ألقى من يوالهني جنات أكيد عترجع عند رهآم لانجلسش وحدنا ..


.......


رهآم: طلعت السياره ..بتجاوب جنات مشاعرها مضطربه بين فرحه شوفتها لجنى وبين اتصال جنات جاوبتها .. حيا بحبيبه قلبي حيا بعمري ..


جنات: بكيت ع طول 😭 ..

رهآم: مال حبيبي بتبكي قلي سامحتيني يابنتي ..

جنات: بصوت مشرحج 😭..بنتي .. أول يوم أسمعها منش ليش حرمتيني منها هذا العمر كله ياماما ..

رهآم: كان غصب عني كل الي فعلته خوف عليش من حبي لش بعد ماشلوا عليا اختش .

عآصم: سحب التلفون من يد رهآم 📱.. جناتي خلي البكاء ذلحين أنتي وماما يله جهزي لي العصير حقي الي يعجبني قدحنا فالطريق عنجي نتغدى عندكم وإجلسي اتجابري معآها وعتفهمش كل شي ...


يوسف: مش فاهم شي بيتفرجهم سكته حس انه به شي يخص أمه وكأنه به أخت له .. خلاهم يغلقوا وسألهم ماهو ..



عآصم ورهآم: بيحكوا له ويفهموه ...

.........


في المستشفى ....


أكرم: ماعد بحدهي المره قد إبسرتها خطيت ... من هي هذه ..


جنى: مدرى إبسرتني وبتحكيله ما حصل وهم بيطلعوا الدرج ...


أكرم: فتح باب الغرفه 🚪 ودخلوا ...


عبدالعزيز: أين سيرتي قلقت عليش وغداش عاده فوق السياره ما أكلتيش ..


جنى: بزعل 😔 شبعت ماعد اشتيش ..


عبدالعزيز: قام لاعندها يرآضيها أنا آسف ياحبيبي بس كنت ضابح اليوم معي مشاكل فالعمل ..


جنى: عمرك مازعلتني حتى لومعك مشاكل بس اليوم شكلك ضابح قووي ..


أكرم: ياخالو به مره نازل هزرت جنى حضنتها وبكيت ودورناها ماعد لقيناهاش ..


أحمد: أكيد عجبتها .. خاطبي 😜 بس ليش بكيت ..


عبدالعزيز: لفت لسلوى ... معقووله تكون هي وفتح الباب نزل يدورها ..


جنى: 😳 من ياعمه ماله بابا اليوم ومنهي هذه المره ...


أكرم: بيحانكها شكلها أمش خرجت من المقبره تزورش ومد لها لسانه 😜 ..


جنى: لحقت عبدالعزيز تبسر ماله نزل ومنهي هذه المره ...


...........


في بيت عبدالله ....


ابن سامي : فتح الباب 🚪.


رهآم: دخلت ع طول بتداعي جنات ودخلت لها كانت فالمطبخ إبسرتها حضنتها وبتبكي 😭..


عآصم: دخل الأكياس في يده حق الغداء ..

يوسف: بيدخل بعده ضابح وزاعل إنه طلع معه 2خوات واحده كان يحسبها خالته والثانيه بعيده عنه ..



مره سامي: جنات هيا من الخباله إبسري مرحمها أمش قد عتقرح بكاء حاكيها انش سامحتيها ..

جنات: عيونها دموع 😭 قبل ما أسامحها اشتي أعرف القصه كلها ..


سامي: ع خرجته للحمام سمعهن بيتحاكين دخل لاعندهن مسك رهآم من يد وجنات من يد ودخلهن للغرفه يله اتجابرين واتعاتبين للصبح واحنا نتم عليكن الغداء ولو جاوعات اقطبين واخرجين نتغدا ..😀.



.........


@qesasanani

⛱⛱
110
⛱⛱


جنى: من هذه المره يابابا مالك حملت هكذا تدورها ..


عبدالعزيز: ارتبش هآه .. أنا افتجعت عليش لاهم أحد من الي ضربوا ع أحمد جوا لش والكل ..


جنى: بس هذه كان بكاها بحرقه وكانت تمسك كلشي في وشي وتعرف إسمي وعيونها حاليه قووى لونهن ساعي ..

عبدالعزيز: غالطها في الكلام ... جي هيا نخرج ندي حقش الغداء من السياره ولا أقلش جي أشلش مطعم وأروحش ترتاحي ..

جنى: طيب تمام اطلع ادي شنطتي وأسأل عمتي سلوى لو عيروحوا لأن أكرم عيجلس عند أحمد ..


.........


في بيت الشيخ ..


الشيخ: بيصلي ويدعى ببكاء ..😭 يارب سامحني ع ذنوبي ظلمت خيرات تجبرت فوق الناس اخطيت في حقك كنت أحسب ان كل شي شاشلها بزلطي أرواح الناس كانت رخيصه عندي يارب عفوك ورضاك .. يارب اشفي لي أحمد وأبسره قبال عيني مثل ماكان ولا سمعتني عليه شر ..

مريم: انتي دآريه يا أمه دخلت الغداء لأبي كان بيصلي ويدعى .. اول مره أحس أبي ضعيف ومكسور 😔 هكذا حتى بعد ما جت له الجلطه وإشتل كان قوى وكلمته تمشى ع الكل ..


نجات: تنهدت .. آح يابنتي بس حادثه أحمد أثرت فيه قووى أنتي داريه قلي لما يخرج أحمد عيشله ويسير يحج يشتي يسير بيت الله🕋.


مريم: بإستغراب .. صدق يا امه ليش ماقد سرتوش تحجوا أبدآ قد أبي لف نص دول العالم وكل سنه يسفرنا نصيف إلا الحج.


نجات: كانت الكبره مغطيه ع أبوش الحمدلله إنه فاق وقرب من الله .




........

بيت عبدالله ..


جنات ورهآم: خرجين من الغرفه ماسكات يد بعض ..👭.



عآصم: إبسرهن وإبتسم 😀 ابسرين محلاكن هكذا الله لايفرقكن عن بعض ..


رهآم: ولايحرمني منك 😄.


يوسف: بيقلد زاعل ..أيوه إتعازموا مجاملات وأنا إبن البطه السوداء حذ 😔.



سيده: ضحكت عليه .. 😃 يووه ع حساد ..

سامي: مسكه من كتفه أنت حبيب خالك هيا مه ولا ماعدحناش أصحاب ..


يوسف: أيووه ذكرتني إبسرت الفيلم الي قلتلك وجلس يجابره ع الفيلم ..

جلسوا كلهم يتغدوا ..

عآصم: بيشاور رهآم .. خلاص فهمت وإقتنعت ..

رهآم: أيووه .. بس تشتي تعرف منهو أبوها ولو حتى تبسره من بعيد ..

عآصم: خلاص خلي هذا الموضوع عليا وشاحله معاها اهم شي انتي ارتاحي هذه اليومين كانت صعبه عليش ومسك يدها وحبها 😘..



رهآم: ذكرت🤔 إنها ماقالتلهنش إنها ابسرت جنى .. إنشغلت مع جنات تفهمها .. صآحت فوق الغداء .. يووه دريتوا ماحصل نسيت ماقلكم ..

مره سامي: يووه مالش فجعتينا هكذا وضحكت 😃 هههه.


رهآم: بتحكيلهم ماحصل ..


سامي وعأصم: 😡صيحوا فوقها أنتي مجنونه كيف تفعلي هكذا ولو احد ابسرش ...


جنات: طننت شويه 🤔 كيف شكلها ياماما تشبهني أو ماشي..


رهآم: نسخه منش كأنش بتبسري نفسش فالمرآيه بس وشها أسمن منش شويه ودلوعه قوويه.😃.



جنات: أكيد أبي عيدلعها معه زلط خيرات وعيعشها أحلا عيشه ..

رهآم: حست بقهر ع جنات إنه حسدت من أختها ويمكن تلومها أنا أختها عايشه عند أبوها بدلع وهي عيشتها عادي ..


سيده: إبسرت وش رهآم اتغير بعد كلام جنات ... وانتي يابنتي ماعدبه بعد دلعش امش مانقصت عليش شي ودرستش في مدرسه خآصه وذلحين جامعه خآصه ماعدتشتي ..


جنات: مشو قصدي شي بس .

رهآم: قاطعتها .. أنتي أطلبي عيوني قليلي ماتشتي بس ..

جنات: تسلمي لي يكفيني بعد ماسمعت قصتش وعرفت كيف جدي ومافعلوا بش إني تربيت عندش وانش فعلتي هكذا علشان تحافظي عليا منهم حبش لي وخوفش أهم من زلط الدنيا كلها ..


سامي: يشتي يغير جو الحزن شوويه 😃 ييييه أزيد ادي مناديل اسمعيني ياخباله سندس عتجي بعد غطوه اوبهي لها سوى فالجامعه مش تضيع البنت خبلاء .


جنات: والله مابينهمها لاتضيع مابينهم إلا تبداعها البنت زباجه وحق مقالب مابش عقل وزيد بتتحاكى اماراتي ولبسها ساعهن الله يخارجنا منها 😀.



@qesasanani

⛱⛱
111
⛱⛱


بعد شهر .....



الشيخ: بيداعي يا نجات هيا شرق ماقد جهزتنش الغداء أحمد عيجي ذلحين ..


نجات: يله هيه قدهو عيجهز وبعدا سعم ان قد عيحمل يأكل عاد الدكتور قال أكله معين ..



الشيخ: المهم اقطبين وادعي لي السواق يجي يشلني المستشفى ..


سلوى: قدهم فالطريق يا أبه قد إتصلت لعبد العزيز قلي لاعد نجيش .....



...............

فوق السياره .....

اكرم: 😁 هيا أحمد الله ع كثر الدلع الي قد تدلعته هذا الشهر قد خورت والرصاصه وقعت فيني ..


عبد العزيز : تعوذ من إبليس مالك الله يحفظكم كلكم.

جنى: بتحانكه 😜 لو وقعت فيك الرصاصه لأغني وأرقص ..


أكرم: كان جالس وراء جنبها هي وسمر خفعها بالقاروره في رسها هههه 😄 أصلا انتي عديمه إحساس ماعنتوقع منش .

جنى : يابابا إشهد عليه كيف بيخافع ريت والله وهو أنت الي ضربوا عليك كنا عنفتهن منك شهر وخفعته بالشنطه 👜.


سمر: بتضحك عليهم وتفارع بينهم 😄.




أحمد:.بيجابر عبدالعزيز والعيال بيتصافدوا ... دريتوا منهم ياخال .


عبدالعزيز: الظابط قلي ع الوصف حق الشهود الي ابسروهم تقريبا لقيوا السياره بس يشتوا يتأكدوا من صاحبها ..

أحمد: إسمعني ياخآل الي حصل قد حصل ولو نجلس هكذا عندخل في بحر دم ماعنخلص منه وتعرف جدي مايكسر رآسه رآس أكيد مافعل هكذا إلا واحد قد قهره جدي قوى ولا مابش أحد يجي يقتل ويخاطر بروحه إلا بسبب وقهر كبير ..


عبدالعزيز: لكن جدك بيدحسني يوميه هيا مافعلتوا ..

أحمد: قله محد درى من غريمنا وأنا شاحاكيه ..



...........

في الجامعه ...


جنات: مرآعيه باب القاعه .. بتأشر لسندس هيا 👋🏻.

سندس: مسنبه والبنات حولها بيضحكين ع المقلب الي فعلت بالطالب الي ماخلاهاش تدخل قبله القاعه هههههه 😄.



جنات: دخلت لاعندها .. هيا ياقمر ساعه بينداعيش قد سواق التاكسي🚕 جاء وسحبتها من يدها .


سندس: خطيت وبتأشر للبنات باي وهي بتتكركر ...😄.



جنات: ماقد للضحك هذا كله شكلش فعلتي فعله كما أنا أعرفش 😄 إسلمي جلدش ماقدلش شهر في هذه الجامعه عيطردوش ههههه ..


سندس: أصلا ماخلنيش أدخل القاعه بيتخيبل ... وأنا راعيت لما قام يجاوب الدكتور ومديت رجلي وهو تكحول ع وشه 😜...


جنات: بتضحك عليها هههه هيا اخطي يا تكحول قد حاكيت ماما سيده تروحي معي وترقدي عندي ..


............


في بيت الشيخ ...

عيال مريم بيلعبوا في الحوش ..


الشيخ: فوق عربيته في باب الحوش مراعي لأحمد يوصل.


سلوى: بترتب غرفه أحمد علشان يوصل يرتاح ..

مريم ونجات : بيجهزين الغداء ..


عبدالعزيز: وصل بالسياره بيطرق .


العيال نزلوا من السياره ..


أحمد: أول مانزل وطى يسلم ع جده .

الشيخ: حضنه ودموع الفرحه ملان عيونه .. حمدلله ع السلامه ياإبني الله لايحرمني منك..


أحمد: ولايحرمني منك 😀.


الشيخ: خرج مسدسه 🔫 يشتي يضرب فارح بسلامته .

أحمد: مسك يده .. قوى يا جد يكفينا دم ورصاص ..



@qesasanani

⛱⛱
112
⛱⛱




ثاني يووم ...


أكرم : كان رآقد عند أحمد قام بيلبس يتجهز للجامعه ..

أحمد: نكز ... رآعي لي شاجي معك قدلي شهر غايب ..

أكرم: بس عآدك تاعب ..

أحمد: إسهل شسمع بس البركه فيك عنصور المحاظرات منك 😉.



........


في الجامعه ...


الشباب محوشين بيسلموا ع أحمد والبنات نزلين يتحمدين له بالسلامه ...


سندس: يوووه ع حواشه هاناك 😁مامعاهم بيقسموا جعاله هههه ..


جنات: هذا واحد في دفعتنا قالوا وقعت له رصآصه عادهو جاء قدله غايب شهر فالستشفى 🏥.


سندس: وأنتي ليش ماتسيري تسلمي عليه ولا بتزنطي 😉 هيا هيا جي نقل حمدلله ع السلامه وبتهزرها ..


جنات: بتبعد يدها يييه بغير مجنانه ماعلينا منه ... يييه رآعي عتهزري اللثمه قد كنت مفتهنه ماجاء بش تقري عندي هههه 😄..



أحمد: مشغول بيسلم ع العيال .

أكرم: واقف معه وبيزبج مع البنات الي بيسلمين ع أحمد وكالمعتاد نفس إسلوبه الشقي 😯 التفت إبسر جنات بتخطى وسندس لاعندهم هزر أحمد بيشاوره ييييه المزه حق هذك اليوم الي طلعت السياره ..


أحمد: ضحك عليه ههه أين منهن كما المزز حقك خيرات 😜 ..


سندس: طبعا كانت محجبه دخلت عرض مهريه هههه منهو الي كان مريض فيكم ..


أكرم: لو أنا دآري ان هذا القمركان عيجي يسلم عليا كنت شاخليهم يضربوا عليا بدله 😁
( أكرم كان يقصد جنات وسندس حسبت الكلام لها ..



سندس: هههههه ضحكت 😄 وذلحين يسبر نخلي سياره تصدمك وتكسرك ..


أكرم: حسه عند جنات لفت يبسرها كانت مسنبه جنب أحمد .


جنات: خازيه موطيه رآسها 😊 حمدلله ع السلامه وبتدعي سندس يخطين ..


أحمد: لمح عيونها 🙂 حس انهن مش غريبات عليه قد إبسرهن من قبل بس فين مدرى .. الله يسلمش أنتي معانا فالدفعه ..

جنات: أيوه بس يمكن ماقد إنتبهت ليش لأني بينروح ع طول عموما حمدلله ع سلامتك ولفتت لسندس .. سندس يله ..

أكرم: إبسر جنات وإبتسم 😁 بيتليقن عليها . سندس شويه ماقد تعرفناش ..


سندس: لقنه ساعه 😉... او عنتناسب نتعرف ههه هو غر قلنا نسلم ع ذيه الي كان عيموت بس يله لارجعت أنا سندس وهذه جنات يله باي وخطين ...



أحمد: ع طول إبسر أكرم .. ابسرت ع عيون معآها محلاهن ومحلا هدوئها ..


أكرم:دكمه ياحركات 😉 من أيحين بتتحيلا للبنات اسير اقل لجنى أخيرا لقيت شي أمسكه عليك ..


أحمد: ضحك هههه 😀 هنيت لك أنت وجنى حقك خليها أول ترضى عليك بدل ماهي مقرحه قلبك .. ماقالت ماقالت ... اسمها جنات صح ..



أكرم: هههههه 😃 حتى إلاسم حفظته مسرع أنا ابسرتها الأول وانت جيت تتحيلا لها جاهزه ..



أحمد: أنت قد جنى عليك مقكفح ع رسك هههه هيا شرق عتبدأ المحاضره ..


سندس: شدخل معش محاضرتش دكتورنا ماجاش ..

جنات: ادخلي بس سكته بآدب ماشي أمانه لارجعش عند أبوش ههههه 😄.




مسكين أحمد جنى عتخنقه لو تدرى انه لفت لبنت ثانيه 😜.




🌹meme_abdalgaleel



@qesasanani

⛱⛱
113
⛱⛱


في المستشفى .....


سمر: بعصبيه 😡 .. أيوووه أنا الي غيرت له العلاج إيش أنت مجنون كنت تشتي تدي لطفل هذك الجرعه كلها ..

نزار: 😡 بس يادكتوره هذه حالتي ومايحقلش تدخلي فيها ...


سمر: مابش شي إسمه حالتي وحالتك يادكتور هذا مريض وممكن يموت ..

بدائت أصواتهم تعلى وكل واحد محكم رآيه إنه الصح ..

رهآم: في غرفتها بتعالج الحالات .. هذه الروشته ويستخدم هذا العلاج شهر وإن شاء الله يفتهن 😃 سلامته مايشوف شر ..


الممرضه: دقت عليها الباب 🚪 دكتوره لوسمحتي تعالي ..

رهآم: خطيت معآها والممرضه بتشرح لها ان 2دكاتره في الإمتياز بيتصايحوا ع حآله ..


سمر: جالسه بتتحانب مع نزار ومصره إنها الصح 😡 وبكل ثقه رافضه تدي علاج نزار للمريض ...



رهآم: دخلت وهم بيتصايحوا .. إيش في يادكاتره مال أصواتكم عآليه ناسيين إننتوا في مستشفى .


سمر: بكل ثقه ورآسها مرفوع 🙂يادكتوره شوفي فحوصات هذا المريض الدكتور نزآر كتبله هذا العلاج وأنا غيرته له بهذا أصلا الجرعه الي كتبها كبيره ع طفل هآه شوفي يادكتوره ..


رهآم: شلت الفحوصات والعلاج .. لفتت لنزار علاج الدكتوره هو الصح يادكتور كيف تكتب هذه الجرعه لطفل .. انت إيش أسمك؟.


نزار : نزآر ال**** دكتور إمتياز ..


رهآم: وأنتي يادكتوره ...

سمر: أنا سمر ناصر ال****..


رهآم: 😳 هآه بلمت ... خآفت سمر تعرف منهي وفي نفس الوقت تحيلت لسمر كيف كبرت وجالسه هي نفس البنت القويه .



سمر: ذلحين يادكتوره ادي للمريض العلاج حقي ..


رهآم: مطننه 🤔هآه ايش قلتي .. أيوه أيووه كلامش الصح و فلتت وخطيت ..



نزآر: ضحك 😃 هههه هيا طابت يادكتوره ماذلحين إزنطي للصبح ..



...........

بيت الشيخ ...


مريم : نكمل نتغدا يا أكرم وروحني أخوتك بيجننوا أبي قذا تطمنا الحمدلله ع أحمد ..


أحمد: أمانه ياخآله خلو أكرم يجلس هآنا يوالهني ويزيد يشرح لي المحاظرات الي فاتتني ..


سيده: هيا شرق قربين لنا الغداء أمد ماطلع أغدي أبوش ..


جنى: ماعنراعيش لسمر ..

أكرم: هذك محد يدرى لها بوقت خليها تتغدا اسبرت وديتول ههههه وعلاجات .😜.



جنى:إبسرته بنظره حآده 🙄 لقانه فرص اوووف منك ..


أكرم: ركز ع عيونها 🤗 بيدعي أحمد ... يييه أحمد أحمد هيا دريت عيون القمر من تشبه تشبه عيون هذه القرده بس هذك طيبه وهذه شريره هههههههه ..



أحمد: ضحك 😃 هههههه ياعيبتك ع جنى والله إنها قمر .


أكرم: ههههه قمر مكسفه 😜 بس هذك بتقطر هدوء ..


جنى: إبسرت أحمد بعصبيه 😡 ويدها في خصرها ... أي بنت ..




أكرم: حبيبته الجديده قلتلش حبيني أنا بس والله ماتلقى أحد يحبش ساعي 😉.



جنى: ضبحت 😤 ودخلت غرفتهتا.



@qesasanani

⛱⛱
114
⛱⛱

العشي ...

عآصم : رهآمي مارأيش ياروحي لو تشلي إجازه إسبوع ننزل الحديده تغيري جو شويه تعبتي أخر فتره زعل وقهر ..


رهآم: أيووه ياريت 😊 تسلم لي ياعمري والعيال عيجلسوا عند أمي ..



........

عبدالعزيز: في غرفته مطنن فوق السرير 🤔 بيفكر في رهآم من يوم ما إبسرها وحاله مقلوب قام من سريره وسار لغرفه جنى يجابرها شويه ...



جنى: في يدها القلم كانت بتصمم المجسم الي طلبه الدكتور ترسم وتشخبط وترجم الورقه من ضبحها 😤 من كلام أكرم ان أحمد معه حبيبه .. وتقنع نفسها كيف قد معه حبيبه وعادهم بدائو الجامعه وحصلت له الحادثه واليوم عادهو داوم .. شكل أكرم بيحانكني أكيد يشتي أحبه هو .. قاطع تفكيرها دقه الباب 🚪.


عبدالعزيز: ممكن أدخل ؟.

جنى: إبتسمت له 😊وقربت تحضنه أكييييد كم زيزو معي في هذه الدنيا ...


عبدالعزيز: إبتسم بزعل 😔 تذكر رهآم لما كانت تقله زيزو ..أنتي دآريه أمش كانت تداعيني زيزو ..


جنى: الله يرحمها يارب 😔. بس مالك يابابا هذه الفتره زاعل وضابح هكذا .


عبدالعزيز: جنى حبيبي إشتي أحاكيش في موظوع مهم يمكن عتكرهيني بعده بس ماعاد قدرتش أخبي عليش أكثر حآسس حمل كبير ع صدري ..

جنى: 😱 إيش في خير ..ليش شكرهك يابابا أنت عمرك ماقصرت معي بشي كنت لي الأب والأم وعوضتني عن خسارتي لماما ..

عبدالعزيز: بقهر وحسره بيتحاكى ونبره صوته حزينه 😔 أنا ماعوضتش عن حنان أمش أنا حرمتش من حنانها وبعدتش عنها ..



جنى: 😱 انصدمت من كلامه .. اييييش يعني ..ماهو ماقصدك كيف وقامت من جنبه
بتقحص أظافيرها وتهتز يعني ماهو كيف يعني حرمتني ..



عبدالعزيز:وقف ومسكها من كتفها المره الي حضنتش فالمستشفى وبكيت كانت أمش رهآم 😔..


جنى: بعدت يده من فوقها وبكيت 😭 يعني ماما بخيره وانت كنت بتكذب عليا وتقلي إنهي ماتت وبدائت تصيح وتبكي ... ليييييييش تكذب عليا ليييييش تحرمني منها خليتني أعيش يتيمه بدون أم وأمي عايشه .. أكرهك أخرج من عندي وبتراجم العطور والحاجات الي فوق التسريحه 😡 وتدهفه من الباب ...




.............


سندس : سامره مع جنات فوق السرير ممددات بيتجابرين .. أبسرتي محلاه قمرى صح وطبعه يجنن 😊..



جنات: أيووه وسيم قوى 😊.. بس مسكين مدرى ليش ظربوا عليه رصاص ..


سندس : هزتها وضحكت .هههه😃. يييه أنا أقصد أكرم وسيم بس يسمن شويه طبعه حآلي مرح أحمد صح وسيم بس عآقل ساعش مايعجبونيش العاقلين ..


جنات : خفعتها بالوساده هههه هيا ناهي شليه والله اننتوا مناسبين لبعض 2مجانين 😜.




............


سلوى: بتسمع صياح من غرفه جنى حملت لاعندها ..


الشيخ: بيقيم نجات ... يييه قومي إبسري ماهو هذا الخفاع مال جنى بتبكي قومي ابسري لو أحمد فيه شي قلبي بياكلني ❤.




أكرم وأحمد: كانوا بيذاكروا سمعوا الصياح طلعوا يبسروا ..





حسبنا الله فيك ياشيخ نآصر كم قد قهرت وكسرت قلوب في حياتك وبسببك 💔.



@qesasanani

⛱⛱
115
⛱⛱


مر إسبوع ومابش أحداث مهمه إلا إنه :

جنى : زاعله من أبوها ومغلقه ع نفسها .

أحمد: بدأت نظراته تلاحق جنات وبدأ يحس إن في شي بيشده لها 😊.



رهآم وعآصم: في الحديده مبسوطين بيحاول عآصم ينسيها الضغط الي تعرضت له أخر فتره ..



.............

سندس: بتدكم جنات ... يييه إبسري من الي عيجي لاعندنا .😃


جنات: لفتت😅 لقيت أحمد وأكرم قدامها خزيت ووطت رآسها ..



أكرم : وصل يزيج ع سندس 😂 ماهو الي في شعرش اتخايلش إلا جمل بيخطى شكلش ساع الي جو من الفضاء😜 ..



سندس: خخخخخ 😁 سامج قووى ..هذه الموظه مافهمك أنت غير خليك في هذه النظاره حقك الي ساع المحقق كونان شكلي ششتري لك واحده سوى ع حسابي ..


أحمد: قرب لاعند جنات بصوت خجول 😊 كيف حالش ..

جنات: بهدؤ الحمدلله .. كيف قدك .


أحمد: الحمدلله تسلمي .. عفوا ع إزعاجش بس الدكتور قلي به محاظرات ناقصه عليا أشلهن من عندش لأنش مندوبه الدفعه بيمكنش تصوريهن ..



جنات: بصوتها الناعم .. حآضر أنت تأمر ماطلبت شي بس قلي ماهن وأنا شاصورهن لك ..


أحمد: لا لا تسلمي شاصورهن أنا اديهن لي بس ..


أكرم وسندس: كل واحد بيتليقن ع الثاني ..

جنات: هزرت سندس ولفتت لأحمد العفو منك هذه مجنونه وزد متعوده ع عيشتها خارج بتبدع بي 😅..


أحمد: ضحك هههه 😃 ولايهمش متعود طبعها ساع هذا المجنون بيبدع بي واصل أين ماسيرت ..


أكرم: 😁😁 هيا جي ياسندس اعزمش ع عصير قد إسمنا مجانين وخلي العاقلين ينفعوا بعض ..




.............




في الحديده ...


عآصم: بيتسبح ... بيداعي رهآم تدخل ..


رهآم: مسنبه بتضحك 😃 ماشي انت تعرفني مصداش ..


عآصم: خرج من البحر 🌊 وبيخطي لاعندها يسحبها يدخلها ..


رهآم: بتضحك هههه 😃قوى حبيبي مع بينفتجع ..

عآصم: تفتجعي وأنا معش وبيقلد زاعل 😔..

رهآم: ضحكت عليه .. يله خلاص لارجعت نتمشى بس فالشاطئ ..


عآصم : يله تمام .. ولما قدهم بيتمشوا نازفها بالماء 😂😂..


رهآم: ضحكت وبتلحقه ... تنازفه ..



.........


عبدالعزيز: مربي دقنته 👨 مازدش حلقها وفي البيت مابيسيرش الشركه ..


سلوى: طلعت لاعنده .. جاوب أبي يشتيك وقال يشتي جنى ..


عزيز: بإستغراب 😳 ماقلش مايشتس ..

سلوى: ماشي قد أمي سارت تدعي جنى وقال أطلع ادعيك .


........


جنى: من وراء الباب 🚪ماشاجوبش أحد ماتشتوا مني كلكم .



نجات: قال جدك تنزلي لاعنده ذلحين وتعرفي جدش لوعاندتي عيطلعش وانت أخبر وفلتت وخطيت ...




.............


في بيت عبدالله....


حفيظه: يوووه 😱 ومافعلت جنات حين دريت ..

سيده: بتحكي لها ماحصل وان رهآم إبسرت جنى فالمستشفى..


حفيظه: يوووه ياعيبتي .😜. ماوقعت إلا في رآس المسكين ابن سلوى أول زوجها وذلحين إبنها ظروري أسير اتحمدلها بسلامته ..


سيده: وماعتقلي لها .. منين دريتي وماعد بش معش بضاعه قدلش عمر بطلتي تبيعي والسيره لاعندهم ...



حفيظه: ماعليش شي شتصرف .. ومع الطريق قدنا أبسر بنت بنتش واطمن ع أخبارها ...



@qesasanani

⛱⛱
116
⛱⛱



جنى: نزلت تجاوب الشيخ .. إبسرت عبدالعزيز قدامها فلتت وخرجت ..


الشيخ ناصر: 😡 صآح بنت يييييه بتسمعي ولا مع أنا قلت أشتيش مش تفلتي وتخرجي ...


عبدالعزيز: لحقها ومسكها ... جنى عادش زاعله مني وحبها في رآسها 😘 ..

جنى: بعدته قوى يابابا مشتيش أحاكيش أنت حرمتني من أهم حنان فالدنيا ونزلت دموعها 😭.



عبدالعزيز: مشو أنتي بس الي إنحرمتي من حنانها حتى أنا حرمونا منها وكنت وقتها أخبل مقدرتش أقل ماشي بينتمنى ويرجع بي الزمن وأقدر أقل لأبي لا 😔..



الشيخ ناصر: سمعهم ودعآهم .. إدخلوا أنا دعيتكم أحاكيكم ولا تتجابروا ..

عبدالعزيز وجنى: دخلوا وجلسوا .


الشيخ ناصر: بيبسر عبدالعزيز شويه وجنى شويه ماناش داري منين أبداء ..

عبدالعزيز: مالك يا أبه خير مابه ..


أحمد: وصل من الجامعه ... بيداعي .. يييه يا أمه جاوع عتغديني ..

الشيخ: سمع صوت أحمد ... لفت لسلوى عيس ابنش جاء .. هيا زيد إدعيه واطلعوا ..


سلوى: نزلت تدعي أحمد يجاووب ...


.............



بيت عبدالله ...


مره سامي: بتقرب الغداء ..

سيده: يابنتي عيبرد رآعي لما يجين البنات وزوجش ..


مره سامي: سامي اتصل قد بيشري خاص والبنات قدهو وقتهن ذلحين ..


ماقد كملتش الكلمه والبنات دخلين ..


سيده: ضحكت هههه 😃 لو ذكرنا مليون أبرك لنا منكن ..


سندس: قربت تحبها ..😘 والله تسخى علينا ياجده ياعيبتش علينا ..


جنات: دخلت غرفتها تبدل ..


سندس: لحقتها ... إهي إهي دخلتي تبدلي ولا تبعسسي في المحاظرات ..


جنات: هآه 😅 مابلا قلت أجهز المحاظرات الي قال أحمد قبل ما أنسى ..


سندس: هههههه مابلا شكلها السناره غمزت 😍 بس الصدق مناسبين لبعض قووى ..


جنات : خفعتها بالوساده وضحكت هههههه😃 ..



...........


الشيخ : جلسهم كلهم قدامه ..


أحمد: مابه ياجد .. شكله موضوع مهم لما ماخليتنا حتى نتغدا ..


الشيخ: إسمعوني كلكم .. صح كلكم بتبسروني الشيخ المتكبر المتعجرف الي بيشل كل الي يشتي وصح اني ظلمت ناس خيرات بس حادثه أحمد والجلطه فوقتني من الظلم الي كنت فيه وأكتشفت إني ظلمت أقرب الناس لي وظلمتكم ..


أحمد: قام لاجنبه ومسك يده وحبها 😘 أي ظلم ظلمتنا ياجد أنت كنت أحن من أي اب ع ابنه ..


الشيخ: مسك يد أحمد وبيطبطب عليها ... أنت سامحني ظلمتك خسرتك أبوك .. وأنتي ياسلوى خسرتي زوجش بسببي أما أنت ياعبدالعزيز بعدتك عن مرتك وزوجتك غصب ببنت عمك وجنى شليتها ع أمها لحمه حمراء وحرمتها منها وهي عايشه وبيحكي لجنى مافعل برهآم ونزلت دموعه أشتي تسامحوني قبل ما أموت 😭...





نجات: زعلت عليه 😔 بعد الشر عليك .. الله يجعل يومي قبل يومك..

الشيخ: ابسرها وهز رآسها .. وأنتي كم قد ظلمتش معي بطباعي سامحيني ..

.............


سمر: ع خرجتها من المستشفى .. سياره 🚙محوزه لسيارتها الي بيسوق بيتجابر فالتلفون . بتطرق له يخطي ماجاوبهاش نزلت لاعنده .. طلع نزار ..


نزار: إبسرها وضحك 😃 هههههه وخفع رآسه هههه هو أنتي مابتقرح إلا في رآسش ..





بصرآحه ماعد دريت أفرح في الشيخ ان ربي قهره هكذا ولا إرحمه 🤔.


🌹meme_abdalgaleel



@qesasanani

⛱⛱
117
⛱⛱




بيت الشيخ ..بعد العصر ..


عبدالعزيز: 😃 فرح إنه تصالح مع جنى ووعدها يدوروا ع أمها .. حلق دقنته وبدل نزل يخزن في الملحق..




جنى: ارتاحت بعد ماعرفت الحقيقه .. نزلت لاعند أحمد لوفاضي يخرج يعلمها السواقه ..


أحمد: كان ممدد فوق سريره وطارح يده تحت رآسه بيجابر أكرم فالتلفون 📱 .. يا أخي هدوئها جنني البنت ناعمه ومحترمه قووى والصدق أول مره أحس نفسي بينفكر في بنت هكذا 😍..


أكرم: بيضحك عليه هههه 😂 هذا مايسموه الحب ياعزيزي جرب مابيقع بي من جنى المجنونه كيف بتفعل بي ...


أحمد: يا أخي وأنت أخبل لو قد بطلت تحانكها إن قد حبتك أنا أعرف جنى أكثر منك عايشين في بيت واحد تشتي الي يهتم بها ويدلعها ومايقلهاش ماشي يله شد حيلك وخليها تحبك إشتي أزوجكم ..


أكرم: 😀 من فمك لاباب السماء .. ذلحين قلي ياروميو اليوم شليت رقم سندس تشتي أخليها تدي لك رقم جنات وتتصلها اتعذر لها بالملازم ..


أحمد: ضحك ههه 😂 يا أخي بس عتقل من ادالي رقمها ولو تزعل وتصيح فوقي مع مع إبرد بس لكن إسهل إديلي رقمها للطوارئ ..


جنى: كانت مسنبه عند الباب 🚪 سمعت كلام أحمد وأكرم نزلت دموعها 😭دخلت ع طول لغرفه سمر..



سمر: رآقده .. كانت تاعبه بعد المستشفى ..


جنى: بتقيمها .. بتهزها وتبكي 😭 قوووومي ..

سمر: فاتحه عين ومغمضه عين . إبسرتها بتبكي نكزت جلست .. مالش بتبكي مابه خير 😭..



جنى: أحمد بيحب واحده ..وبتحكي لها ....


............




رهآم: جالسه قدام البحر 🌊 مع عآصم ...


عآصم: مسك يدها وحبها 😘 مبسوطه ياروحي ارتحتي ..


رهآم: أيوووه قووى حسيت كأن جبل فوق صدري وانزاح تسلم لي ياقلبي .. والله لو أشكر ربي ليل ونهار ما أوفيه حقه عوضني بك ..



عآصم: الله لايحرمني منش ويخليش لي طول العمر ..


رهآم: ولايحرمني من وجودك معي ❤..



.................



حفيظه: بتدقدق بيت الشيخ .

الحارس : اهلا با أمي حفيظه رعى الله أيام زمان وين أنتي وين أيامش ولاعد جيتي ..


حفيظه: قدهو الكبر يا إبني وبطلت أبيع زنين ..


عبدالعزيز: بيتصل للحارس يديله ماء بارد مابيجاوبش .. خرج يصيح له إبسر حفيظه واقفه معه 😃 فرح .. سار لاعندها ...




..............

سندس: تلفونها رن ..بلهفه وفرحه 😄 جنات جنات هذا أكرم بيتصلي ..


جنات: بصدمه 😱 إيييش أكرم ومن ادى رقمهش له ..


سندس: أشرت لها بيدها رآعي رآعي أجاوبه وشاقلش ...


@qesasanani

⛱⛱
118
⛱⛱




سمر: بتهدي جنى ... ياجنى ياحبيبي اهدائي ليش البكاء 😭 أنتي دآريه ان أحمد بيعتبرش أخته وقلتلش مليون مره لاتعلقيش نفسش به ..


جنى: مفعل مشو بيدي 😔 أنا كبرت لقيته قدامي حبيته من يوم مافتحت عيوني مشو ع مزآجه ولا شاخلي هذه البنت تشله مني والله لأموتها ..


سمر : ضحكت ههه 😃 ماتموتي يامجنونه وبعدا هذا بشر مشو لعبه او شي تعودتي تشتيه وبابا يديه لش ..


جنى: خفعت السرير بيدها وضبحت من سمر 😤 عادش بتضحكي قد قلبي عيوقف وبكيت ..


سمر: حضنتها .. بس ياروحي لاتزعليش أنا شاحكي أحمد وأفهم ماهو الموظوع ..



...........


عبدالعزيز: خطي لاعند حفيظه .. كيف انتي ..

حفيظه: إبسرته وجلست مطننه في وشه 🤔 هآه هذا عبدالعزيز كيف انت يا ابني تغيرت وطلع لك شيب مسرع ..


عبدالعزيز: من القهر ياخاله .. كيف أيامش وكيفهم بيت عمي عبدالله .. كيفهي رهآم ..


حفيظه: عمك عبدالله الله يرحمه وسيده قد فيها ضغط وسكر ورهآم الله يفتح عليها قدهي مزوجه ومعاها ولد ربي عوضها بزوج الله يفتح عليه ..


عبدالعزيز: انتي دآريه إبسرتها مع زوجها وإبنها حسيت قلبي خرج من صدري 💔 ندمت ع كل لحظه ماوقفت فيها ضد أبي وقلت له لا ..


حفيظه: يله هو نصيب يا ابني وانت كم قد معك جهال وكيفهي مرتك ..

عبدالعزيز: ضحك بحرقه ههه مامعي إلا جنى الله يحفظها بنت رهآم ومرتي طلقتها ماجلست معي إلا سنه ماقدرتش اعيش مع أحد بعد رهآم ..


حفيظه: زعلت عليه 😔 خيره الله ياإبني ريت والله وكان لك كلمه ذلحين قلي امك هانا واختك ادخل اتحمدلهن بسلامه ابن اختك ..


عبدالعزيز:.أيوه دآخل .. ادخلي .

حفيظه: كان خاطرك ودخلت بتخطى.

عبدالعزيز : دعآها .. خاله بتبسري رهآم اشتيها ..


حفيظه: لفتت له هآه 😳 ماشي مع هي فالحديده مع اهلها وزوجها ..


عبدالعزيز: عادنا ابسرتها كيف فالحديده🤔 ..


حفيظه: إرتبشت .. هآه .. هي جت دوره هي وزوجها وقد رجعوا ..



........


أكرم: هيا مابتفعلي عاد المظله في رآسش 😜.


سندس: ههههه مع بينلبسها فالجامعه بس تظلل عليا من الشمس 😜..


أكرم: ساع من وقعتي لقنه إبسري محلا جنات ع هدؤء..


سندس: مثلك هههه وانت ليش ماتقع ساع أحمد ..

أكرم: ذكرتيني رسليلي رقمها أحمد يشتيه ..

سندس: افتجعت لو تديه له قدام جنات تصيح فوقها .. خلاص تمام شارسله ..


مريم: بتداعي أكرم تشتي يوصلها بيتهم ..


أكرم: يله خلاص لاتنسي اسير أجاوب أمي أوصلها ..


جنات: بعد ماغلقت سندس التلفون 📱 جلست تهزائها ليش تتجابر معه ...

.........


سمر:.دخلت تحاكي أحمد ..

جنى: كانت واقفه خارج بتتسمعهم ..



أحمد: ياعمه خلاص مليون مره تجابرنا في هذا الموظوع لازم جنى تقتنع إنها أختي وبعدا انا معجب بواحده في الجامعه ولايمكن أبسر جنى لأن أكرم بيحبها ..


جنى: 😡خفعت المزهريه وطلعت غرفتها بتبكي بتتحلف لأحمد والله ماتخليه يحب واحده غيرها .



@qesasanani

⛱⛱
119
⛱⛱



العشي ...

جنات : ممدده بتفكر في أبوها وكيف شكله ولو عند أمها صور له .. رن تلفونها صوت رسآله فتحتها ...(آسف ع الازعاج لاتنسي المحاظرات .. أحمد).



أحمد: ممدد فوق سريره مبتسم 😃ماسك التلفون مرآعي ترد عليه ..


جنات: نبعت من فوق سريرها بتقيم سندس بتهزها قووي زعكمه يييييه من ادى رقمي لأحمد😡.


سندس: ملان نووووم .. امممم بتتمطط هآه أكرم ..

جنات: بتخفعها .. يييه من ادآه لأكرم لاتجننينيش قوومي حاكيني 😡
..


سندس: اوووف منش محد يرقد وقامت جلست 🙂 ماهو ذلحين يالغاجه ..

جنات: فهميني ماوصل رقمي لأحمد ..


سندس: الموظوع سهل أكرم طلبه مني وانا رسلته له يله خليني ارقد تصبحي ع خير وشلت الوساده ورقدت ..


جنات: خفعتها وخطيت ..


..........


سمر: بتحاكي التلفوون 📱أوووف ليش أنا امس كنت مناوبه انا وهي دورها اليوم ..


الممرضه: اصلا اعتذرت امها مريضه والدكتور قال اتصلش تجي بدلها .


سمر: بضبح 😤 خلاص تمام وقامت تتجهز وخرجت ..


سلوى: يوووه صرفوا أين عتسيري هذه الساع ..


سمر: البالطو البيضاء في يد والشنطه في اليد الثانيه 👜 المستشفى ..


سلوى: هيا قيمي أحمد يوصلش لاتخطيش وحدش هذه الساع ..


أحمد: ع خرجته يدي له ماء إبسرهن .. يله راعي ادي دواير سيارتي اوصلش .


سمر: انت داري شخطى بسيارتي وانت بعدي بسيارتك علشان.الصبح ارجع بسيارتي🚙.




...............


جنى: بتتقلب ماقدرتش ترقد قلبها بيفور ❤ قررت تنزل لاعند أحمد تحاكيه ... نزلت بتدق الغرفه ماجاوبش فتحت الباب 🚪.

دخلت مابحد فالغرفه تلفونه📱 مطروح فوق السرير وكتب وملازم قربت تبسرهن ..


...............


أروى: 😔متحسره ع نفسها بعد موت أمها جالسه وحدها فالبيت محد بيجي عندها من أهلها ولا الجيران بيزورها كلهم مفتجعين منها ع أرواحهم بعد ماعرفوا إنها سحرت أخت زوجها .. من كثر التفكير والقهر حست فوق قلبها ❤ بيوجعها قووى ماقدرتش تتحمل اتصلت للمستأجره ..



المستأجره : طلعت وأروى مرجومه في قاعه الصاله وايديها متشجنه دعت زوجها وإسعفوها المستشفى .



.............


رهآم: عصومي حبيبي مارأيك نرجع قدنا قلقه ع الجهال وبينهم يوسف تعرفه ذلحين عيمكنها لعب هو وخاله ومباريات ⚽.



عآصم: إذا قد انتي متضايقه خلاص تمام نرجع غطوه إن شاء الله ..



..............


جنى: بتتفرج ملازم أحمد مشخبط عليهن إسم جنات وقلوب ❤ ماقدرت تمسك اعصابها شلت القلم وشخبطت عليهن وبتحاول تفتح تلفون أحمد ماقدرت مغلق بباسورد رجمته فوق السرير وطلعت غرفتها ....




🌹meme_abdalgaleel


@qesasanani

⛱⛱
120
⛱⛱



جنات: ماقدرتش ترقد بتفكر في أحمد 🤔 ليش رسلي طيب هو قد حاكاني فالجامعه اديهن له طيب قد اكرم حاكى سندس ليش يشل رقمي ... تعبت تفكير قيمت سندس .. يييه قوومي ليش أحمد رسل لي ..


سندس: منعسه ..اوووف منش خليني أرقد .. شكله معجب 😍 يله خليني أرقد وغطت وشها بالبطانيه..


...........


في المستشفى ..


أحمد: نزل مع سمر للباب 🚪 يله لو احتجتي شي إتصلي لي .


سمر: إبتسمت له 😃 تسلم لي..



نزآر: كان واقف بيشرب شقاره ابسرهم 🤔 يعلم الله منهو هذا يمكن زوجها بس شكلها مشي مزوجه..



الطوارئ...

زوج المستأجره والمستأجره: دخلوا أروى.

الممرضه: طيب خلاص اخرجوا الآن الدكتور بيشوفها ..


المستأجره: دخلنا وقدهي هكذا يدها متشنجه وقاحصه لسانها وعيونها مقلوبه ..


سمر ونزار كملوا يعانيوها وطلعوها العنايه أعراض جلطه ..



أروى: في العنايه .. الأكسجين فوقها والأجهزه والنفس بيطلع وينزل 🤒..



سمر: منعسه .. حطت رآسها فوق المكتب وغمضت عيونها ..



نزآر: دخل وفي يده2اقلاص 🍺نسكافيه حط لها واحد فوق المكتب ..


سمر: نكزت .. إبسرته بضبح 😤 ماهو هذا من قلك إني اشتي ..



نزآر: خلاص ناهي قلي الزنط شويه هذه جزاتي قلت اديلش معي كنت شاخليش رآقده ويجي الدكتور المشرف يصيح شل القلص وخطي🍺..



سمر: رآجعت نفسها ومدت يدها .. خلاص إديه ..

نزآر: ضحك ومكنها 🍺 هآه بس خففي الزنط شويه غبني ع زوجش الله يعينه ..


سمر: شلت القلص 🍺 وقفت مشنا مزوجه ولا أنا هبلاء اتزوج أصلا ..


نزآر: بيحانكها .. أيوه هكذا أحسن لأنه ماعيتزوج بش إلا الي دعت عليه أمه زنط ونخيط 😜..


سمر: تشتي ترد عليه.. دخلت حاله إسعاف حطوا النسكافي من يدهم وساروا يبسروها ..





...........



الصبح فالجامعه..




أحمد: إبسر جنات وخطى لاعندها مبتسم 😄 صباح العسل كيف أنتي ..


جنات: إرتبشت لما إبسرته ولمعت عيونها 😊 صباح النور .. هآه هذه المحاظرات ..


أحمد: شكرا تسلمي .. أنا آسف لو ازعجتش برسالتي بس اصلا قلت لوتنسي ..


جنات: قاطعته ..يله حصل خير استأذنك المحاضره عتبدأء.


أحمد: كلنا عندخل بس عادنا مراعي لأكرم مدري ماله تأخر اليوم ..



جنات: إستغربت .. 🤔 ليش مشهو أخوك ..


أحمد: ضحك ههههه هذا ابن خالتي بس أعز من أخ أنا مابش معي أخوه أبي توفى وعادنا مولود وأنتي كم معش أخوه ..




جنات: 😔 الله يرحمه .. أنا معي أخ عايش معانا وأخت عند أبي لأن أبي وامي منفصلين ..



أكرم:قاطعهم.. خفع أحمد بالكتاب في رآسه من قفاه 📙 صباح الحب والرمسه وغمز لأحمد 😉.



أحمد: ضحك ههههه 😂 لاتعتبيش ع هذا المجنون بيزيغ عقلي ..



جنات: ولايهمك متعوده ..معي سندس ساعه 😁..


أكرم: يووه صدق ذكرتيني أينهي مابسرتهاش ..



جنات: مارضيتش تقوم قالت ملانها نوم ..






@qesasanani

❤️
121



رهآم وعآصم : وصلوا من الحديده ..


عآصم: أطرحش في بيتكم تبسري الجهال وانا أسير أبسر العمل وأرجعلش..


رهآم: ذلحين مابحدهم جنات اكيد فالجامعه ويوسف فالمدرسه اطرحني معك فالمستشفى ..



عآصم: إرتاحي زيد اليوم وغطوه داومي ..


رهآم: خليني اتواله قدنا فاقده للعمل....



............


جنى: رآقده ماسارتش الجامعه ضابحه 😤 بعد ماتأكدت إن أحمد بيحب واحده ..


عبدالعزيز: بيحاكي سلوى .. ليش ماسارتش او تاعبه ..


سلوى: مدرى مالها حتى مارضيتش تصتبح ..


الشيخ: كان جالس معآهم والمسبحه في يده ... إطلع ابسرها يا إبني وقلها تلبس جي نسير لاحاره مرتك نبسر رهآم نشل البنت لاعند أمها يكفي حرمتها منها كل هذه السنين ..




عبدالعزيز: 😔 بزعل ..مره مه يا أبه ماعدهيش مرتي وبعدا قدهي مزوجه ومعاها ولد وعايشه فالحديده يعني عنشل البنت نقهرها بس ..


نجات: إبسرت عبدالعزيز وإقتهرت عليه... اسهل يا إبني عيعوضك الله باحسن منها ..


عبدالعزيز: سكت وقام يبسر جنى.




.........


فالمستشفى ...


سمر: بتلبس تروح كملت دوامها ع خطيتها فالممر إبسرت نزآر إبتسمت وخطيت 😊.


نزآر: إستغرب وضحك ههه .. لحقها لحضه لحضه انتي متأكده إنش ابتسمتي ولا مع النوم قد بيتهيألي 😁..


سمر: دعممته وخطيت بزنط وبتضحك في نفسها عليه 😄.



........

الممرضه: مسرع جيتي وماقد كملتش الأجازه 😄.


رهآم:.فقدتكم .. به حالات جديده.


الممرضه: به حآله ادوها العشي فالعنايه دخلوها طلاب الامتياز لو تطلعي تبسريها ..


رهآم: طلعت مع الممرضه ... دخلت العنايه بتتفقد المرضى وصلت لاعند أروى أول ماإبسرتها إنصدمت 😳 وتذكرت كل الي فعلته فيها والي حصلها في حياتها بسببها خطيت ع طول من جنبها ..


الممرضه: بتداعيها ...يادكتوره يييه هذه الحاله الي قلتلش ..


رهآم: خلي اي دكتور يبسرها ونزلت مكتبها خرجت تلفونها 📱بتتصل لوليد ...



............


عبدالعزيز: مالش ياروحي من زعلش ..


جنى: بابا ماهو الشي الي فيني ماينحبش ليش أحمد بيحب واحده ثانيه 😔.


عبدالعزيز: إستغرب من كلامها😳.. حب ايش مالش ..



جنى: بكيت 😭 ليش جدو من واحنا صغار بيقلي احمد خطيبش ويخليني اتعلق به وأحمد بيحب واحده ثانيه ..



عبدالعزيز: هو كل الي حآصل لنا بسبب جدش الله يهديه كسر قلبي وقلب امش وذلحين عيكتسر قلبش لو يتزوج أحمد وعيكسر قلب أحمد لو يتزوج بش قومي البسي نخرج نصتبح خارج ونتجابر سوى .


.........


وليد: أييييش بتقلي أروى 😱.



رهآم: شكلها عتموت خالتها تاعبه قلت استأذنك ادي سندس تبسرها.


وليد: البنت بنتش وافعلي الي يسبر وقليلها الله يسامحها قد سامحتها لأجل بنتي مش لأجلها



@qesasanani

❤️
122



سيده: بتحاكي التلفووون📱 يووه يابنتي ماوقع بها عادهي صغيره ..


رهآم: لأول مره تحس بمشاعر حقد ع إنسان ..😡 هذا عقاب الله يا أمه قدهي في طريقها..


سيده: مع يابنتي سامحيها وربي أخبر عيشل حقش منها ..


رهآم: 😔 من أسامح يا أمه حرقت قلبي 💔 الله يحرمها من ريح الجنه مثل ماحرمتني من بنتي ... ذلحين إسمعوني قد إتصلت أنا ووليد لسامي عيجي لسندس يشلها تبسر أمها ..


................



في الجامعه ...


جنات: منسجمه مع الدكتور بتكتب المحاضره 📝..


أحمد: في الجهه الثانيه مطنن 🤔 سارح في جنات بيتفرجها ..



صآحبه جنات: دكمتها ييييه إبسري أحمد بيتفرجش من أول ..


جنات: ضحكت ههههه 😂أوووص يا خبلاء هذا الدكتور مايصافدش لو يسمعنا عيطردنا ...


أكرم: يييييه مالك مطنن قد رقبتك إحتوست 😜.



أحمد: القمر هذه لو احتوس لها بكلها ابسر محلاها😍.


أكرم: من العيوون باين إنها قمر تشبه جنى بس ياما تحت البراقع ضفادع 🐸 ههههه ..


أحمد: خفعه بالكتاب 📙 وضحك ههه والله ماضفدع إلا أنت ...


الدكتور: 😡 إبسرهم صيح فوقهم وخرجهم ...


جنات: ضحكت عليهم 😂.


أكرم: ع خرجتهم خطي من جنبها.. وبصوت واطي إضحكي طردنا بسببش ههه ..


..........

سامي: وصل البيت بيدعي سندس ..


سندس: فالمطبخ بتساعد مره سامي غسلت يدها وسارت تجاوبه ... هآه عموو.


سيده: أشرت بيدها للقآع .. جي يابنتي هنيه نشتيش في موظوع ..


سندس: كالمعتاد لقانه 😁.. أكيد جالي زوج ههههه موافقه موافقه أهم شي حالي..


سامي: ههههه 😂
جي كذا يازوج انتي ماعيشلش إلا مودف ..

سيده: خلاص بس زبج .. اسمعي ماقلش. عمتش رهآم إتصلت قالت أمش أروى فالمستشفى تاعبه قووى بين الحياه والموت عمش جاء يشلش تبسريها ..


سندس: سنبت ونزلت دمعتها 😢 مابش معي أم أسمها أروى ... أنا امي اسمها سيده وندى ماشاسيرش بكيت وخطيت ..😭.



سامي: لحقها ومسكها من كتفها ... سندس مايصلحش هكذا أنا دآري انش زاعله انها ماسألتش عليش والي فعلته مشو بسيط بس يابنتي بيجي حياه وموت لو تموت عتتدمي طول عمرش افعلي واجبش هذه طاعه ..


...............


أحمد وأكرم: مرآعيين خارج عند القاعه بيصتبحوا جالسين فوق البلاط ..


جنات: خرجت ابسرتهم ضحكت 😂 هههههه شكلكم ساع المطالبه فالقاع..


أحمد: مد له يدها بسندوتش هيا إشبحي اصتبحي يامطلبه 😀.


جنات: شكرا قد أكلت ..


أكرم: هيا ناهي عتتعزز شليه من الخباله لوهي سندس انها جلست شقنا فالقاع تصتبح 😉 والله إن الجامعه اليوم ظلمي مابحدهي مابش من يحانكني..


أحمد: جالس مطنن في وجه جنات ومبتسم 😊..


جنات: إبسرته وخزيت 😊 خطيت .


أحمد: لحقها ... جنات يييه جنات اديلي دفترش انقل المحاضره ..


جنات: مكنته 📙 وروحت..





🌹meme_abdalgaleel


@qesasanani

❤️
123




في المستشفى ..


سامي: وصل ومعه سندس .. إتصل لرهآم نزلت لهم ..


سندس: إبسرت رهآم وحضنتها .. قووى ياعمه قليله مشتيش أبسرها 😔 قدنا ما أعرفهاش أحسن ما أبسرها لأول مره في هذا المنظر ..


رهآم: مسكتها .. وبتخطيها للعنايه .... ماينفعش ياحبيبي قدهي تاعبه قووي ابسريها خليها تعرفش قبل مايقع بها شي .



في العنايه .......


أروى: 🤕 ممدده فوق السرير .. الأجهزه فوقها .. الأكسجين فوقها ونفسها بيطلع وينزل عيونها بتتفرج يمين وشمال .......


رهآم: مسكت سندس من يدها ودخلتها وقفت جنب سرير أروى ...


أروى: بتتفرجهن مشي داريه منهن.. تاعبه ..


سندس: أول ما أبسرتها دموعها نزلت بكيت ومسكت يدها ..


أروى: بعدت الأكسجين من فمها بيدها وبصوت تاعب ... من أنتين..


رهآم: فتشت اللثمه ... بتتحاكى بقهر وحرقه 😔عادش تذكري هذا الوجه الي ظلمتيه وحرمتيه من بنته ولاقد ظلمش خلاش تنسيه .


أروى: بصووت متقطع .. رهآم .. أيوه رهآم .. سامحيني قووى قبل ما أموت ونزلت دمعه من عينها 😢 أنا ظلمتش بس ربي انتقم لش مني وشل حقش ..


سندس: مشاعر الكره تجاه أمها تغيرت لما أبسرتها .. وقفت وقربت تحبها في رآسها 😘 بعد الشر عليش ماعتموتيش لاتقليش هكذا ياماما ...


أروى: ماما ..😳 انتي سندس وبكيت 😭 بتأشر لها بيدها لاصدرها تجي تحضنها..


سندس: وطت ع صدرها بتبكي 😭ليش حرمتيني منش وفعلتي هكذا ..

رهآم: نزلت دمعتها لما أبسرت سندس 😢 فلتت وبتخطى تخرج .

أروى: سامحيني ياسندس ولفتت لرهآم .. قووى يارهآم سامحيني لاتخرجيش مشتيش أمووت وانتي في قلبش عليا شي ..


الجهاز بيأشر نبضات القلب ❤ بتقل ..

رهآم: قربت بعدت سندس .. قوومي يله بسرعه أخرجي من هانا ودعت الممرضه ..


سندس: بكيت قووي وصآحت 😭 ايش عتموووت مآهو قليلي وحملت تمسك يدها ..

رهآم: بتصيح فوق سندس تخرج لأنهم يشتوا يحاولوا يسعفوها..


أروى: بتتفرج سندس وتبتسم وعيونها تغمض وتحاول تفتحهن..


سندس: حملت وطت ع أرجل رهآم .. قووى يا عمه أبووس رجلش سامحيها علشاني لاتخليهاش تموت وانت زاعله منها لو تحبيني سامحيها وبتبكي 😭..


رهآم: مسكت يدها وقيمتها حضنتها وبتيكي 😭 لاتبكيش ياعمري أنتي الله يسامحها وربي هو الحكم بيننا .. مسكت سندس وخرجت..



بعد 5دقايق ..
خرجت الممرضه تقلهن أن أروى ماتت ..


سندس: طارحه رآسها فوق رهآم وتبكي 😭..


رهآم: بتهديها .. وقالت لسامي ينزل يبسر الأجراءات يدفنوها مابش معاها أحد ما اسعفوها إلا المستأجرين ويتكفلوا بعزاها علشان سندس ..


بعد مرور شهر ع الموت.

سندس : مغلقه ع نفسها ماتوقعت انها تقتهر عليها هكذا لأنها ماتعرفهاش حتى دوامها مأجزه ..



أكرم: حآسس ان شي ناقصه لماغابت سندس ... حاكى أحمد .. يا أخي حآسس نفسي ضايع هذا الشهر بدونها كيف تعلقت بها هكذا مدرى وكيف نستني حبي لجنى مدري 😍.


أحمد: هههههه يعني كنت بتمكني خرط لما كنت أقلك شكلك واضح ان به شي كنت تمكني مشنا أحمد وجنات ذلحين قدحنا أحمد وجنات وأكرم وسندس ..



أكرم: أكرم وسندس عادهو مدرى افرض البنت مابتحبنيش ع الأقل أنت قد قلبك مطمن قد صارحت جنات بمشاعرك وعرفت إنها بتحبك ❤

.

مهما تكبر الشخص لابد له من نهايه ولولا وجود سندس في حياه أروى مافكرت رهآم تسامحها ...


@qesasanani